Mipui Aw 1.3.2015

MIPUI AW

KARTIN CHHUAK

Vol. XXI Issue No. 9 Kristian Thalai  Pawl  Saikhamakawn Branch  Pathianni Dt.1.3.2015

VAWIIN CHÂNG VAWN  

Chutichuan a fa duh takte angin Pathian awm d^n latute ni rawh u. (Ephesi 5:1)

KOHHRAN PROGRAMME

01.03.2015 (Pathianni)

Sunday School

|antu              : Pi Zuimawii

Zirlai 8-na      :Bible - Rinna leh thiltih tehna

Chawhnu inkhawm

Thu Hriltu      : Upa C.Lalmuankima

Zan inkhawm

Thuhriltu       : T.Upa C.Vanlalsanga

K|P FELLOWSHIP PROGRAMME

01.03.2015(Chawhnu inkhawm ban)

Hruaitu           : Pu Lalduhkima

|antu              : Nl Hmingthanpuii

A hmun          : Pu Dawngkima te In

K|P PROGRAMME

02.03.2015 (Thawh\anni zan)

Short Sermon leh |awngtai Inkhawm

Hruaitu           : Pu Lalchhandama

|antu              : Tv.Lalzarmawia

Thuhriltute    : Tv Abraham Lalnunthara

                          leh Nl F.Lalrintluangi

Thilpek lak-    : Nl. Zonuntluangi

hawmtute          Nl. Lalmuanpuii(d/o KCkhaia)

Hla hruaitute  : Pu Tommy Zirnuntluanga

(Ni 1-15 March) leh Nl. R.Zonuntluangi

Keyboardist    : Tv. Zoliankima

KOHHRAN     HMEICHHE PROGRAMME

03.03.2015 (Thawhlehni Zan)

Ramthim zin

Hruaitu           : Pi Lalmuankimi

|antu              : Pi Hmingthanzuali

Ahmun           : Pu J.Lalrinliana In

PAVALAI PROGRAMME

05.03.2015 (Ningani Zan)

Hruaitu           :Pu C.Zakhuma

|antu              : Pu C.Lalchhuansanga

Thuhriltu: Upa R.Lalngena

SERMON

TIAM CHIN LAM PAN

                                                                    K.Fakawma Nu

            Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin a <min ka <m z^wk a ni. Unaute u, manah ka inngai lo. Amaherawhchu he thil pakhat hi ka ti \hin- hnung lama thil awmte chu theihnghilha, hma lama thil awmte chu banin, Krista Isuaa Pathian chung lam koh chhan l^wmman hmu t<rin, tiam chin lam chu ka pan \^lh \^lh a ni. Chutichuan puitling apiang chutiang rilru puin i awm ang u; tin, eng kawngah pawh rilru danglam pu in lo nih chuan, chu pawh chu Pathianin a la hriattir ang che u. Engpawh ni sela, kan thlen chin a\ang kh^n hma i sawn zel ang u. (Philipi 3:12-16)

            Tirhkoh Paula hian Philipi khua a mite hi hmasawn turin a duh hle mai a, chuvangin he lehkha hi a thawn ta a. Kei ni Jentail ringtute pawh hi min thawn tel ve a ni tih hria ila, ringtu zawng zawngte hi hma lam pana Pathian duh zawnga awm t<r hian min duh hle a ni. Isua Krista kan rinna kawngah hian keimahni \heuh hi hma lam kan pan leh pan lohte han inbih chiang ila, hma lam t<r chuan a bul berah Pianthar hmasak a ngai a ni. Pianthar pawh hian tuiah leh thlarauvah kan piang tur a ni a, hei hi Krista kan rinna kawnga A AW B chu a ni. Ti chuan pianthar chauh duhtawk lo vin, Krista min koh chhan lawmman hmu t<r hian hma lam panin Nunna Lal lukhum chang ngei turin i kal zel ang u.

            Tam rtak chu pianthar chauh hi kan duh t^wk a, hma lam pan tur hian kan inui tlat a, kan pianthar phawt chuan vanram kan k^i dawn tho kan ti a, kan awm ngai rengin kan awm \hin. Hnehna puan var sin tur chuan hrehawmte pawh tawrh a ngai \hin a. Chak lo tak chung pawh a Pathianin min tirhnate pawh thu^wih tak a zawm a ngai \hin  a ni. Mi piangthar tawhte hi ramthim ramm ro takah mahni in lum chhuah sanin eng vangin nge an kal chhuah? Hrehawm chi hrang hrang tuar huamin an tlantu Isua Krista chanchin \ha chu vahvaih pui turin an kal a, an thlen chin leh tiam chin z>lah hma lam pan zelin, hrehawm pawh pawisa lovin, an hmangaih ber Isua Krista tan chuan tawrh an huam a, martar hial an lo thlang ta \hin a ni.He tiang taka Pathian t^na hrehawm tuar a, a thu z^wmtute hi Bible chuan ‘puan var sin te’ a lo ti a ni.

            Kei ni kal chhuak thei lo te tan chuan a mah kan hmangaih a, a thu kan zawm hi a pawimawh hle a ni. A mah kan hmangaihna a lanna tur chuan Kohhran thute kan zawm ang a, nu leh pa thu te, ai a upa thu te kan ^wih ang. Ai a upa zah thiam te, mi harsa leh chan haite hmusit mai lo va, hmangaih leh lainat chunga \anpui te hi Pathian duh zawng a nih avangin kan tih tur a ni. Phunchiar lo va engkim a \ul d^n a zir a lungawi ch$n te hi hma lam panna kawng \ha tak mai a ni e.

Lalpan, A thu malsawm rawh se. Amen.

                 

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

NUN HO TI NUAMTU      

            Hmanlai kan Mizo pi leh pute nun ti nuamtu leh Mizo nunhlui an sawi \hin a ngaihthlak nuam >m >m \hin chu an inngaihsak tawnna hi a ni a tih theih awm e. Chu tiang zia chu tun thleng pawh hian khaw tam takah leh veng tam takah pawh kan la kalpui nual mai. hei hi kan Mizo nih nawmna pakhat chu a ni  ngei ang. Chu tih rual chuan veng tam takah erawh chuan mahni \henawm pawh hre lo, mahni in luahtu pawh hre lo an awm \euh tawh tho mai.

            Mizo upa ten “ |henawm te do ai chuan khaw sarih do a thlan awm zawk” an lo tih \hin hi a tuartu te tan chuan thil dik tak chu a ni. Mizo nun ti  nuamtu chu \henawm khaw veng kan inngaihsak tawnna hi a ni a, \henawm te nena inngeih theih reng reng loh mai chu thil hrehawm tak tur a ni reng a ni. Hmanlai chuan chawhmeh leh thil dang tam tak pawh a nei zar a nei loten an zo va. Tun hunah mi tam tak \henawm ten an zar an zo ang tih hlau reng renga khawsa an awm nual tawh mai, heng ang mite tan hian a va hrehawm dawn em!!!!

            Duh^mna avang leh \henawm te elrelna avang hian mi \henkhatte chuan rilru hrehawm takin an hun hman phah a. |henawm te neih ang neih loh hlau reng reng  leh er reng rengin tunlai khawvelah hian hun i hmang ve em? Heng kan duhamna avang te, mi er reng renga kan rilru a hmanhlel a vang hian i nih tur ang pawh i nih loh phah thei a ni. Âwm leh mawi pawh hre chang lo khawpa duhâmnain  a zar buai hunah che chuan nangma thlirna a ^wm i tih viau kha mi dem i hlawhna mai tur a lo ni tawh ang.  Mizo nun ho ti nuamtu chu duhâmna  awm lohna hmun a ni tih i lo hre tawh dawn a ni.

           

ARTICLE

2015 YMA KUMPUAN RAM LEH HNAM]

HUMHALH KAIHHRUAINA

            Kum kua zet chu YMA kumpuan atan ‘Ram leh Hnam Humhalh’ kan lo hmang tawh a, kum 2015 YMA Kumpuan atan Ram leh Hnam Humhalh  chu YMA General Conference vawi 69-na chuan a puang leh ta a, ngaia neih mai lovin, phur leh tih takzeta hma kan lak ngei theihnan YMA member tinte thahnem ngai lehzual turin kan inbeisei a ni.

            Mizo hnamte hi tlem te chauh kan la nih avangin, mi thenkhatin inchimralna chungchang hi sawi nep thin mah se, kan dinhmun enin kawng hrang hranga inchimralna laka hma kan lak a tul hle. Kan ram zim te leh a chhunga thilte pawh humhalh a nih nan te, a mi cheng te pawhin intodelhna leh rinawmna kawnga hma kan lak a, hnam nun kal sual tur laka inven zelna tur kawng kan dap a ngai. Chung te chu rilrua hrereng chunga he kumpuan pawimawh tak hi kalpui a tul a, a hlawhtlinna turin Central, Sub-Headquarters, Group leh Branch YMA ten theihtawp kan chhuah a ngai.

BRANCH YMA TIH TUR:

1.Inchimralna hrang hrang laka kan inven nan leh leilung faten kan chanvo dik tak kan chan theih nana hmalak:

a) Foreigner, dan lova lo lutte kan rama an tlangnel loh nan khua leh tui dik takte chauh In luahtir tur a ni a, ram dang mi leh hnam dang mi, dan lova sumdawng leh Mizorama awmte mahni Branch huamchhunga an awm loh nan khauh leh chak taka hmaalak tur a ni.

b) Mizoram chhunga in leh lo ram te hi, a ram mite hnenah chauh hralh chhawn a nih theih nan khauh taka hmalak ni se.

c) Birth Certificate dik lo leh a lem a awm loh nan hmalak ni se.

d) Hnam tlem te, chimral mai theih kan nih avangin, mahni chawm zawh ngei chinah chuan awmze neia pun zel dan inzirtir ni se.

e) Chibing inlahrang zawnga thil tih hian ram leh hnam inpumkhatna a tihchhiat theih avang leh    inthendarhna a thlen theih avangin, chibing inlahrang zawnga hma lak loh ni se.

f) Hnam dang nupui pasal neih hi hnam ralna a nih avang leh hnam dang pasal nei ten an fate tan Tribal Quata hamthatna beisei theih a nih loh zia uar taka inzirtir tur  a ni.

g) Hnamdang, dan lova sumdawng an awm loh nan hmalak nise, sumdawnna leh eizawnna kawng hrang hrangah hnam dang mite thurualpui  loh tur a ni a, a dap chhuah kawngah tun aia nasa zawka hmalak         ni se, mahni Mizopui sumdawng te dawr hram hram thin tur a ni.

h) Sorkara phalna nei lo, a remchanna hmun apianga khua/bawk din a awm loh nan hmalak ni se.

i) Khaw lian/tam nih duh vang leh Kohhran member tam nih duh vang a, dan lova lo lut thleng thlenga lo dawnsawn/pawm te hian harsatna a thlen thin avangin, bansan tura inzirtir ni se.

j) Voters I.D. Card nei lo te chu pem lehkha pek loh ni se, pem lehkhaah hian Voter I.D. Card xerox copy thil tel ngei ni se. Village Cencus Register hi uluk taka vawn ni se.

k) E/Roll-ah hnamdang/ramdangmi an luh loh nan tun aia nasain hma lak ni se. E/Roll revision-ah YMA  aiawh ten theih ang anga hma lak ni se.

l) ILP nei lo/nung lo dap chhuah kawngah chak zawka hma lak ni se.

2. Zu leh Ruihhlo Do kawnga hmalak: Zu leh Ruihhlo laka kan fihlim theih nan VC/LC, Kohhran leh Excise te nen a remchandan anga           thawhho ni se. Hemi kawnga buaite chu Camping/Centre hrang hrangah dah dan ngaihtuah ni se.

3. Ram leh hnam hunhalh a nih theih nan ei leh bar zawnna kawngah , inrenchemna leh kawng hrawng hranga kan intodelh theih nana hmalak:

a) Inchhungkhur dinhmun phulova khawsak hi a zahthlak zia inzirtir uar ni se.

b) Ei leh bar zawnna kawngah thalai ten thawhchhuah tam zawk kan neih theih nan, a tam thei ang bera inzirtirna neih ni se.

c) Sum leh pai, kan thil neih chi hrang hrang e.g. Power, tui etc. renchem a tul zia inzirtir ni se.

d) Ei leh bara kan intodelh theih nan a thei leh remchang apiangin chuktuah huan leh thlai hmun siamin,               ran vulh inzirtir ni se.

e) Ei ningnawi kan neih loh nan kan ei leh in theih chin bakah huamhauh lo tura inzitir ni se. Kamram leh  holam thiah insum thiam a, sum hman tam loh ni se.

4. Hnam nun kal sual tur laka inhumhalh nan leh hnam nihna (identity) a boral loh nana hmalak :

a) Mizo nun zemawi leh nunphung tha- tawmngaihna, rinawmna, taihmakna, dikna leh hawihhawmna te chhawm nung zel a, tanpui ngaite tanpui zelin, sualna hrang hrang laka kan fihlim nan hmalak ni se.

b) Hnam mualphona- pawlah taka nun leh lepchiah taka khawsakna laka kan fihlim nan hmalak ni se. Eirukna hi mimal chhiatna leh hnam muanphona a nihzia inzirtir ni se.

c) Mimal leh vantlang hriselna leh thianghlimna kawngah theihtawp chhuaha hmalak ni se.

d) Zirna leh thiamna  hi hnam than zel nan leh hmasawn nan thil tul leh pawimawh a nih avangin,             theihtawp chhuah zel ni se, Mizoram pawhah pawh eizawng ngam tura inzirtir ni bawk se.

e) Mizo tawng tihlar zel a, Mizo lam chi hrang hrang leh Mizo kutchhuak/thil te ngaihlu leh chawi lar tura inzirtir ni se.

f) Kan ram zim te hi a  zim zel loh nan leh kan hnam nihna a bo loh nan hmalak ni se, Mizo hnahthlak        hrang hrangte inzawmkhawm leh inpumkhat zel nan hmalak ni se.

5. Ram rohlu- thing leh mau, nungcha, lui tui leh boruak humhalh:

a) Ramngaw hausakna hrang hrang- thing, nauban, ramhmul damdawi leh a dangte tichereu lova, nungchate humhalh leh duat tura inzirtir ni se. Phalna neia thing late chu  a theih dan ang angin enpui            ni se.

b) Kan lui tui te humhalh a, tui hna tam zawk kan neih theih nan hmalak a, boruak tihbawlhhlawh zawnga hmalakna te a thieh dan angin ven ni se.

c) Mizoram mau te State pawna thawnchhuah a nih loh nan hmalak ni se.

Issued By : CYMA

BIBLE  QUIZ  No. 61

NAHUMA

A kâr âwl dah khat rawh :

Q1. LALPA chu thikthuchhia Pathian leh phuba lak hmang a ni; Lalpa chuan phuba a la a, thinurnain a khat a ni; Lalpa chuan a dotute chungah a la a, a _____________________ tan chuan thinurna a khawl khawm a ni.

Q2. LALPA chuan heti hian a ti: An chak theih tâwpin chak mah sela, tam pawh tam tak ni mah sela, chuti chung pawhin sâm thlûkin an awm ang a, an _______________ ang. Lo tihrehawm tawh che mah ila ka tihreawm leh tawh lo vang che.

Q3. A mi chakte phaw chu thisen a ni a, mi huaisente chu a senlârin an inthuam a: a inbuatsaihna nîah chuan tawlailîrte chu kahpathîr tlêin a tlê zawr zawr a, fei te chu rapthlak takin a ___________ zawk zawk a ni.

Q4. Sakawr chung chuang mi sakawra chuangte, khandaih tlê zawk zawkte, fei tlê zawr zawrte nên; mi thah awm rem rumte, ruang awm rei rûite nên: ruangin kin tih rêng a nei lo; an ________________ chu an chhuih a:

A bung leh châng dah rawh :

Q1. Tlângah te chanchin\ha thlena, remna thu tlângaupuitu kê chu en teh! Aw Juda, i kutte chu serh la, i thutiamte chu hlen rawh: mi suaksual chuan a palzût leh dâwn tawh si lo che; tihboral dêr a ni ta e.

Bung: ...............          Chang: ....................

Q2. Sipaihote LALPA chuan, Ngai teh, ka do che a ni, a tawlailîrte chu ka hâl khu hluah hluah ang a, i sakeibaknei note chu khandaihin a tiboral ang: tin, leia i sa seh hi ka tikin ang a, i palaite aw chu hriat a ni tawh lo vang, a ti a.

Bung: ................         Chang: ....................

Q3. I nâ damna tûr a awm lo va; i hliam chu a nasa hle a ni: i thâwm hria apiangin kut an ben khum che; i suahsualnain a chîm fo loh tunge awm?

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 60 RESULT

Chhanna lut zawng zawng : 3

Chhang dik vek                       : 3

Lawmman dawngtu: C.Lalhmangihzuali (V. Sec)

         Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

PAVALAI FELLOWSHIP PROGRAMME

01.03.2015 (Pathianni chawhnu Inkhawmban)

Hruaitu :Pu K.L.Biak\huama

|antu     :Pu Rinngaihzuala

Ahmun  : Pu V.L.Zidinga Sailo te In

K|P GENERAL

CONFERENCE

            K|P General Conference rorel inkhawmpui chu Mission Veng Kohhran Biak Inah neih mêk a ni a, kan Branch aiawh in Assistant Secretary Pu C.Lalmuanpuia chu palaiin a kal..

LAWMTHU SAWINA

            MHIP Hqrs. Ruby Jubilee (Kum 40-na)lawmna AR Ground-a neihna a kan Branch chanvo/Item neih theih nana min buaipuitute YMA hruaitute chungah kan lawm êm êm a, tin, Tv. Zomuanpuia s/o Muanpuii leh Pu MS Dawngliana te chungah kan lawm hle a, khuallâm leh cheraw kântute zawng zawng chungah lawmthu kan sawi bawk a, kan veng mawina atana \hahnem min ngaihpuitute chungah lawmthu kan sawi tak meuh meuh a ni. Tin, kan kalna tur Bus a thlawna min hmantirtu Pu C.Vanlalsanga te chhungkaw chungah lawmthu kan sawi bawk a ni.

Sd/-

(LAWIZIKI)

Secretary

MHIP, Saikhamakawn Branch

MOTOR CARPET

            Matthaia Group ten Motor kan sil khân Motor Carpet leh Scooty Carpet chuang a awm a, a neitu chuan Upa C.Zonunmawia te inah lam theih a ni e.

INKHAWM |AN HUN

                March ni 1 alo ni tawh a, zanin inkhawm a\angin dar hmasa dar 6:30-ah riin dar 7:00 ah inkhawm \an a ni tawh dawn.

LAWMTHU SAWINA

            Kristian |halai pawl Matthaia Group chuan ni 10 & 13, March, 2015 hian vengchhungah BP Check, inbûk, Blood Sugar Test neih kan tum a, min lo tih tir turin kan inngen e. Tin, hemi pah hian Mizoram physical MAP leh Sahbawn tui rawn zawrh nghal kan tum a, min lo dawr turin kan inngen a, hemi zan vêk hian motor silna man ba rawn khawn tum a ni a, kan han inhriattir l^wwk nghal bawk  a ni e.

Sd/-

(F.LALDINGLIANA)

Secretary, Matthaia Group K|P

LAWMTHU SAWINA

            Kristian |halai Pawl Luka Group ten Brick leh Rawra thiar hnatlang kan neih a thawkchhuak Member zawng zawngte chungah lawmthu kan sawi a, tin, inhlawhna \ha tak min siamsaktu Pu C.Lalengzama leh Pu J.Lalrinliana te chungah lawmthu kan sawi tak meuh meuh bawk e.

Sd/-

(C .LALDINPUIA)

Secretary, Luka Group K|P

LAWMTHU SAWINA

            Kristian |halai Pawl Marka Group ten sum tuak nan nimin 28.2.2015 khan nikhat thingpui dawr kan siam min dawrtute zawng zawng chungah lawmthu kan sawi a, kan tih leh hunah pawh min lo dawr leh \heuh turin kan sawm a che u. Tin, sum tuak nana rawra kan thiar bawk a, henga thawkchhuak Member zawng zawng chungah lawmthu kan sawi a, inhlawhna min siamsaktu pu J.Lalrinliana chungah lawmthu kan sawi bawk e.

Sd/-

(LALRINNUNGA)

Secretary, Marka Group K|P

TUALCHHUNG

,Lalhmangaihzuali d/o C.Lalthlengliana (V.Sec) chu damlohna avanga Alpha Hospital-a enkawl anih hnuin alo chhuak.

,Pi Sangchhingpuii w/o C.Lalrinsanga (T.Sec) chu damlohna avanga Aizawl Hospital-a enkawl anih hnuin alo chhuak.

,Nl. Lalramnghaki d/o C.Lalhmunngheta (T.Sec) chu damlohna avanga Care Hospital-ah enkawl anih hnuin alo chhuak.

,Amos Lalmuansanga s/o Zothankima (Ch.Sec) chu damlohna avanga Referral Hospital-a enkawl anih hnuin alo chhuak.

, Pu Lalrinmawia h/o Lalrempuii (V.Sec) te chuan a pahnihna atan fapa duhawm tak an nei thar, a hming tan Moses Lalrohlua an sa.

ADMISSION OPEN FOR THE SESSION [2015 - 2016]

            Solomon’s High School Kulikawn, Aizawl ah Cl-VIII, IX leh Cl-X tân Admission hawn mêk a ni a. Kum 25 chuang Mathematics leh Science Subject-a experience nei tawhin an zirtirna hmunah hian i fate rawn dah ve rawh le. Mathematics leh Science Subject-a harsatna neite leh Sport a tuite duhsak bik an ni ang. Hostel pawh a awm nghal bawk e.

HC.THAWNGA

Top Ten Maths Tutor

Contact: 8014442431

                9774464095

                9774406688      (5-3)

Zânin EPL inkhel turte:

Liverpool Vs Man. City (5:30)

Arsenal Vs Everton (7:35)

Capital one Cup Final

Chelsea Vs Tottenham (9:30)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 22.2.2015

MIPUI AW

KARTIN CHHUAK

Vol. XXI Issue No. 8 Kristian Thalai  Pawl  Saikhamakawn Branch  Pathianni Dt.22.2.2015

VAWIIN CHÂNG VAWN

            Tin, chakna chuan no a pai a, sual a hring thin a; tin, sual chuan a lo puitlinin thihna a hring thin.

KOHHRAN PROGRAMME

22.2.2015 (Pathianni)

Sunday School

|antu              : Pi Lalramliani

Zirlai 7-na      :Bible - Pathian Thu

Chawhnu inkhawm

Thu Hriltu      : Pi Khawlvuani

Zan inkhawm

Thuhriltu       : Upa Zairemthanga

K|P PROGRAMME

23.2.2015 (Thawh\anni zan)

Hruaitu           : Pu Lalhmangaihzuala

|antu              : Tv.J.C.Lalrinpuia

Thuhriltu       : Tv. R. Lalzamlova

Thilpek lak-    : Nl. Lalruatsangi

hawmtute          Nl. C.Zohmangaihzuali

Hla hruaitute  : Tv. Lalfakzuala

(Ni 16-28)          Nl. R.Zonuntluangi

Keyboardist    : Tv. Zomuanpuia

KOHHRAN     HMEICHHE PROGRAMME

24.2.2015 (Thawhlehni Zan)

Sermon Inkhawm

Hruaitu           : Pi Lallianpuii

|antu              : Pi F.Laldawngliani

Thuhriltu       : Pi Lalchhanhimi

PAVALAI PROGRAMME

26.2.2015 (Ningani Zan)

Hruaitu           : Pu H.Remtluanga

|antu              : Pu J.Thantluanga

Thuhriltu       : Pu Siamliana

PAVALAI FELOWSHIP PROGRAMME (22.2.2015)

(Pathianni chawhnu inkhawm ban)

Hruaitu           : Pu Thanhr^nga Ralte

|antu              : Pu Kamzawngliana

A hmun : Sunday School Hall

SERMON

PATHIAN HMANGAIHNA

                                                                    K.Fakawma Nu

            Aw Israel mite u, ngaithla teh u, LALPA kan Pathian chauh chu LALPA a ni a; LALPA in Pathian chu in thinlung zawng zawngin, in rilru zawng zawngin, in chakna zawng zawngin in hmangaih t<r a ni. Tin, heng thu, vawiina ka p>k che u hi in thinlungah a ch^m reng ang a; in fate \hahnem ngai takin in zirtir ang a, in ina in \hut lai te, kawnga in kal lai te, in mut lai te, in thawh hun tein in sawi \hin t<r a ni. Tin chhinchhiahna at^n in b^nah in zem ang a, in mit leh mit ink^ra chal hr>nna at^n a awm bawk t<r a ni. Tin, in in kawngka biangah te, in kawngkharah te in ziak t<r a ni.(Deut.6.4-9)

            He thu hi a har hle mai a, Lalpan Israel mite hnena a chah hi kei ni Israel-te Pathian \awmtute tan pawh hi min chah a ni. A mah lei leh van siamtu chauh hi Pathian nung leh dik a ni a, ringtute hian pathian dang kan neih hi a phal lo r>ng r>ng a, a mah kan theihnghilh te hi a hlau a, chuvangin kan fate leh kan thlah kal zel te pawh zirtir zel turin min chah a ni. Mi te pawhin min han hmuh pawh a hei chu Pathian nung betu, mi piangthar a ni ngei mai ti a tl^n chung pawh a an chhiar theih tur khawp a kan \an ngam a, kan hmangaih zia mite pawhin an hriat hi a duh hle a ni.

            Lalber sipai kan ni a, sipai chuan an hotu te thu an zawm \hin a, kei ni pawh kan thlen chin leh kan rah chin zelah hian Lalpan tih tur min tuk a, a thu awih a a thu zawm mai hi kan tih tur dik tak chu a ni e. Pathian thikthu chhia leh thinnel tak nei kan ni a, eng lai mai pawh hian kan awm dan hi min lo hmu reng a, a lawm zawnga kan awm loh chuan Setana lawm zawngin kan awm tihna a ni.

            Hremhmun leh vanram in nawm hleih tur zia hi kan ngaihtuah ngai em le? Kan nunna hi kan ta a ni si lova,kan pawt seiin kan pawt tawi thei hek lo. Tuman kan thih hun tur kan hre thei lova, inring renga awm a, amah hmangaih hi kan mamawh tak meuh a ni.

            Setana hian sual kan tih ch^k zawng tak, nuam bawk si hian eng lai pawh hian min thlem a, a \hen chu dam chhung ropuina leh zu ch^kna te, damdawi ch^kna te, mahni ina awma nuamsa taka chhungte nena awm ho ch^kna tein min thlem a, inkhawm dar a rik pawhin min tinghing zo lo a ni. Kan rilru hi a lo chawlawl zo ta a, Pathian ka hmangaiha, ka piangthar tawh te chu kan ti bawk si a. He tiang ang mi hi a lawm chawlhni hmasa ‘Mipui Aw’a ka lo sawi tawh angin pialtlep lei pana buh chi tla ang mai kha kan lo ni \hin. Lalpa lo kal hi a hnai tawh tak zet a, chu ai mah chuan eng tia rei nge kan dam dawn kan hre si lova. Kan nunna hi chhum reilote lo langa ral leh ta ang mai chauh hi kan ni si a. Piangthar lo tan pawh pianthar thuai thuai a huna, piangthar tawh tan pawh kan theihtawpa amah hmangaih hi kan tih tur a ni. Kan theihna, kan chakna, kan rilru zawng zawngin Isua Krista min hmangaihtu hi i hmangaih let ve ang u.

                 

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

A CHANGTU PA      

            Mi hring nun hi film hmuhnawm tak ang a ni a. Film kan en chuan, eng film pawh a changtu pa leh a changtu nu an awm \hin. Film kan hmuh tam berah pawh indona lam pawh nise a tlangpuiin a changtu pa leh nu an awm bawk \hin. Tin, film kan en reng reng pawhin a en tu lam hian \an lam kan nei nghal deuh vek a, a tlangpuiin  a changtu pa leh a changtu nu kan \an tlangpui bawk.

            Film tam tak hi a kal phung a inang hle a, kalphung dang lam tak pawh a awm tho bawk. Film buatsaih tu chuan a story ngun takin a ziak a, a ngaihtuahna zawng zawng a seng a. He tiang hian ti ila a a lo thlirtu tan a hmuhnawm ang em tiin mi mit la tur zawngin a thluak a chet tir vel \hin.

            Film siamtu chuan achangin atawpah a changtu pa leh a changtu nu a chet \hat tir a, a chang leh a tawpah a thih tir bawk \hin. Chung ang ngaihtuahna chu film chang thiam tak ten a tak ang thei tur takin an chang chhuak leh \hin.

             Pathian hian mihring min siam lai hian ngaihtuahna fel tak hmangin min siam a, he khawvela kan hun tawng turah a changtu pa/achangtu nu ni turin min din kan ni.Pathianin min din danrengah kumhlun tura din kan nih loh a vangin i hun hman mekah khan Pathianin a din chhan ang takin i thawk \hin em? A changtu pa nih chu i tlin dawn em? Pathian hian kan hma hunah hian thil hlimawm leh nuam ringawt hmachhawn turin min buatsaih lova. Thil harsa tak leh hrehawm tak tak pawh kan tawn turah hian a dah \hin. Chung harsatna te chu paltlang turin achangtupa atan a duang che a ni. I chanvo chu hlen chhuak turin han bei teh le.

           

ARTICLE

PURUN VAR DAMDAWI ((GARLIC THERAPY)

- Dr. C. Lalrampana

            Purun var (Garlic) hi William Woodville, Medical Botany, 1793-in a tarlan danin a scientific hming (Generic name) chu ‘Allium sativum’ a ni a, . A nihna Plant family chu Alliaceae a ni. Purun sen ‘onion genus species’ chikhat a ni thei bawk. Bulbawk nei chi (bulbous plant) a ni a; A san zawng chu 0.6m (2 ft)-a sang a ni thin. Par mawi tak (hermaphrodite) a chhuah \hin, rannung leh khuaite’n an bawm \hin. Chi hrang hrang a awm a, a te chi leh a lian chi te, a rawng thlengin a inang vek lo, a \hat dan erawh a inang tlangpui. Ril zawka chhuiin Kum 5000 kal taah khan Central Asia-ah a lar hle tawh. Meditaranian tuipui kam tuak leh Asia, Africa, leh Europe thlengin an ching uar hle tawh bawk.

            A \hat avangin Aiguptaa Israel fate an tan lai pawh khan Purun var hi an ei nasa tawh hle \hin a ni tih he Bible chang atang hian a hmuh theih awm e.“Duh duha Aigupta rama Sangha kan ei thinte chu kan hre reng a, Fanghmate, Hmazilte, Purun hel ei mite, Run balte, Purun var mite pawh; nimahsela, tunah chuan kan thling a ro zo ta, engmah reng reng beisei tur a awm lo, manna mai lo hi chu," an ti a (Numbers 11:5-6).

A rim a na hle a, hei vang hian mi intifekfawn leh rimchhe ngai thei lo tan chuan a \hat zia hre mah se, ei enah an en lo hial \hin. Purun var ei \hang leh hmeh \hinte bulah an awm \ha duh \hin lo. Hetiang a nih avang hian a \hatna erawh a bo thei lova, a pangngai reng a ni. Chuvangin, Purun var hnualsuat ai chuan ei zawha a rim tihreh nan Kurtai etc. ei mai \hin hi a \hain a finthlak zawk fo ang.

            Kum 2005-a UN Food & Agriculture Organization (FAO)-in a tarlan danin Khawvela Purun var thar chhuak hnem ber chu China niin Kum  tin 10.5 million tones, 23 billion pounds hu vel a thar chhuak ziah niin a tarlang. Hei hi Khawvel puma Purun var thar chhuah za zela 77% hial a tling pha a ni. Hetih lai hian India chuan 4.1%, South Korea 2%; Egypt leh Russia 1.6% niin USA chu a pariatna niin 1.4% chauh a thar chhuak ve a ni.

            Nitina Purun var ei hi a \ha a, chaw ei a titui satliah nilovin, mihring taksa, rilru ngaihtuahna hrisel tak nei tura chaw \ha a tling. Nitin Purun fang 4-5 ei thin hian mihring taksa chakna chaw (nutrition) a siam thei. Hetiangin: Manganese 15%, Vitamin B11%, Vitamin C9.3%, Selenium3.6%, Calcium3.2%, Tryptophan3.1%, Phosphorus2.7%, Vitamin B12.6%, Copper2.5%, Calories (26)1%

            Mihring taksaa Vitamin leh chaw tha thlentu a nih avang hian Purun Var hi nitin khel lova ei \hin hi a pawimawhin hriselna leh damreina thlentu a ni. Damdawi chi hrang hrangin a hman theih a, a hela ei te, a hriak (Garlic oil) te, a sawr (garlic juice) te, rawt dip (garlic powder)-te leh a dangte a awm thei. Hetiang a nih avang hian mithiamte’n Purun var hmanga natna hrang hrang enkawltheihte a tak ngeia an tihhlawhtlinte chu hetiang hian i han thlir teh ang:

1.Thisen kal tha lo (Atherosclerosis)enkawl nan

2.Thisen sang (Hypertension) enkawl nan

3.Thau chhia (High cholesterol) enkawl nan

4. Lungna (Heart Attack) ven nan

5. Ruh chuktuahna (Arthritis)enkawl nan

6. Ruhseh (Rheumatism)enkawl nan 7. Khuh (Pertussis) enkawl nan

8. Ngawr (Tuberculosis (TB) enkawl nan

9. Chuap natna (Pneumonia) enkawl nan

10. Hmai arngeng (Acne)enkawl nan

11. Vun natna (Skin infections) enkawl nan

12. Vun thak (Herpes)enkawl nan

13. Serh thak (Candida)enkawl nan

14.inpawlna atanga inkaichhawn theih natna (Gonorrhea)enkawl nan

15. Chhul natna (Vaginitis)enkawl nan

16. Kawchhungna (Ulcerations)enkawl nan

17. Pum nuam lo (Digestive Disorders) enkawl nan

18. Santen (Amoebic dysentery) enkawl nan

19. Ril leh rilfang (Colitis)enkawl nan 20. Kawthalo (Diarrhea) enkawl nan

20. Panchhia (Cancer) enkawl nan

21. Zunthlum/thisen thlum (Diabetes) enkawl nan

22. Kalna (Nephritis)enkawl nan

23. Zunkawng fel lo (Cystitis)enkawl nan      

           

BENG TI VÂR

ATM THURÛK

            Kan khawvel changkang chho zêlah hian, sualnain hmuntinreng a luahkhat tawh a ni ber. Mihring in hmalam hun kan sawi thei lo. Vanduai thil thûah misual kutah ilo awm a, tihluihnain ATM a\anga pwisa la chhuak turin an lo ti ta che anih chuan hei hi i hre reng dawn nia: I ATM password kha Entirnan 1234 lo ni ta se, a lêt zawngin 4321 tiin i hmet anga, pawisa  chu ila chhuak tho ag, mahse i lâk hnû a\anga reiloteah Police ten i hmanna Boot kha an rawn chhui zui nghal tawh mai dawn a ni. Amaherwhchu, fiamthu nân leh uagthuan nân erawh chuan a tih chi loh khawp ang.

MLPC ACT HREMNA A NÊP LO

            He danin a khap hrang hrang tlêm azâwng, mipui nghawng pha deuh zualte han tarlang ila. Fimkhur nachâng kan hriatphah theih hialna turin :-

1. Section 42 of MLPC Act 2014

A. Licence, permit emaw pass emaw nei lo tan zu phurh, lakluh, lakchhuah leh kawl phal a ni lo va, lei emaw hralh emaw siam emaw a siamna hmanrua leh bungrua kawl phal a ni lo.

Hremna: Thlaruk atanga kum 5 chhung lungin tân leh ` 5000 -10000 chawi tir thlengin a hrem theih.

B. Zu in leh lei phalna permit nei lo tân zuin phal a ni lo.

Hremna: Thla khat – kum 2 thleng lungin tan tir theih, `  1000 – 5000 thleng chawi tir theih.

C. Vantlang hmun leh khawlaiah zuin phal a ni lo

Hremna: Thla khat – kum 2 thleng lungin tân tir theih, `  1000 – 5000 thleng chawi tir theih.

A zu in phalna license cancel sak theih a ni bawk.

D. Zuruih avanga buaina chawhchhuah phal a ni lo.

Hremna: Thla khat – kum 2 thleng lungin tan tir theih, `  1000 – 5000 thleng chawi tir theih.

A zu in phalna license cancel sak theih ani bawk.

E. Zu rui chunga motor khalh phal a ni lo

Hremna: Thla khat – kum 2 thleng lungin tan tir theih, `  1000 – 5000 thleng chawi tir theih.

A zu in phalna license cancel sak theih a ni bawk.

2. Zu siam danglam (denatured) phal a ni lo. (Section 46)

Hremna: Thla 6 – Kum 5 thleng lungin tan theih, `  5000-10000 thleng chawi tir theih

3. Zu lem/duplicate (Spurious) hralh phal loh (Section 47)

Hremna: Thla 3 atanga kum 3 thleng tan tir theih, ` 5000 -10000 chawi tir theih.

4. Zu chawhpawlh (thil tha lo thlen thei) phal loh (damdawi emaw foreign thil dang nen) (Section 48)

Hremna: Thla 6 atanga kum 5 thleng tan tir theih, ` 5000-10000 thleng chawi tir theih.

5. Dan lova zu zawrh chhawn nana in, room, compound, motor etc hman tir phal loh (Section 49)

Hremna: Thla 3 atanga kum 3 thleng tan tir theih, `  2,000-Rs 5000 thleng chawi tir theih.

6. Excise Dept mi leh sa kutthlak, vau, runluih leh thu awih loh emaw phal loh (Section 53)

Hremna: Thla thum atanga kum 3 thleng tan tir theih. `  2000 atanga 5000 thleng chawi tir theih.

(Source : https://www.facebook.com/)

BIBLE  QUIZ  No. 60

MIKA 5-7

A kâr âwl dah khat rawh :

Q1. Chuvângin nauveitu chuan a hrin hma loh chuan anmahni a hawisan ang; tichuan a unau la awm chhunte chu __________________ thlahte  hnênah an kîr leh ang.

Q2. Aigupta ram a\ang chuan ka hruaichhuak che u a, bâwih ata chu katlan chhuak che u a; in hmâah _______________________ te, Arona te lem Miriami te ka rawn tirh kha.

Q3. |hian ring suh ula, hruaitu ah chuan rinna nghat suh u: i ângchhûnga awm i lak a\ang chuan i kâ ________________________________ chu vêng \ha rawh.

Q4. Chuti chung pawh chuan ram chu, a chhûnga chêngte avâng leh an thiltih rah avâng chuan tih __________________ a ni ang.

A bung leh châng dah rawh :

Q1. Tin, thu ngaithla lo hnamte chungah chuan thinurna leh thinrimnain phuba lakna ka ti puitling ang.

Bung: ...............          Chang: ....................

Q2. Omria thuruatte chu vawn reng a ni si a, Ahaba chhûngkaw thil tih zawng zawngte nên; an remruatahte chuan in kal a ni: tichuan hmun \iauvah ka siam tawh dâwn che a ni a, a chhûnga ch4ngte hi nuihzabûr atân; tin, ka mite hmingchhiatna chu i phur ang.

Bung: ................         Chang: ....................

Q3. Hmasânga kan pute hnêna chhia i chham tawh, Jakoba hnêna thutak leh Abrahama hnêna khawngaihna chu i hlen ang.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 59 RESULT

Chhanna lut zawng zawng : 7

Chhang dik vek                       : 7

Lawmman dawngtu: Vanlalhriata (Ch. Sec)

         Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

ENTLANG

* Kan vengchhungah kângmei tuar kan awm laia mi tu ten emaw mi chhiatna tur ngei ngeia mi in hâl tum kan awm hi ava huatthlalaawm êm!!! I sim vat ang u.

- Kângmei-hlauva.

* Kan veng hi kan van nei hle, mi vengte neih phak loh kawngpui \ha tak kan nei a, tui luan kawr pawh kan nei \ha hle. Kan tui luankawr te hi enkawltu mumal awm lo ang maiin kan duh duh kan paih a, a \awp mah mah in ka hria. Local Council lam hian  ngaihtuah deuh se a va \ha em.

                        - Khawtlangveia

* Kawng tam takah kan veng hi han in sawi sel \hin mah ila, mahse chhiat \hat chungchangah chuan kan veng hi kan lo duai lo hle mai. Veng tam takin an tih theih loh tur chhiatna tawkte chunga khawtlang hruaitu ten hma an han la \hin hi a ropui hle a ni.

                        - Saikhamakawna

(ENTLANG Column-a thu thawn duh tan 9862648830 / 9862378567 ah te hian SMS/Whatsapp hmangin mahni ngaihdan thawn theih reng a ni.)

ADMISSION OPEN FOR THE SESSION [2015 - 2016]

            Solomon’s High School Kulikawn, Aizawl ah Cl-VIII, IX leh Cl-X tân Admission hawn mêk a ni a. Kum 25 chuang Mathematics leh Science Subject-a experience nei tawhin an zirtirna hmunah hian i fate rawn dah ve rawh le. Mathematics leh Science Subject-a harsatna neite leh Sport a tuite duhsak bik an ni ang. Hostel pawh a awm nghal bawk e.

HC.THAWNGA

Top Ten Maths Tutor

Contact: 8014442431

                9774464095

                9774406688      (5-1)

LAWMTHU SAWINA

            Kristian |halai pawl Matthaia Group chuan nimin ni 21.2.2015 (Inrinni) khan Motor sil hnatlang kan nei a, Lirthei min siltirtu zawng zawngte chungah lawmthu kan sawi a, tin, member thawkchhuak zawng zawngte chungah lawmthu kan sawi bawk e.

Sd/- (F.LALDINGLIANA)

Secretary, Matthaia Group K|P

LAWMTHU SAWINA

            Kristian |halai Pawl Luka Group te chuan sum tuak nan a vengchhung mipuite Lehkhabu kawm tuam tur leh Passport size thlalak siam tur min pe tute chungah lawmthu kan sawi e.

Sd/- (C .LALDINPUIA)

Secretary, Luka Group K|P

K|P GENERAL

CONFERENCE

            K|P General conference rorel inkhawmpui chu February Ni 27 a\anga March ni 1 thleng hian Mission Veng Kohhran Biak Inah neih a ni dawn a, kan Branch aiawh in Assistant Secretary Pu C.Lalmuanpuia chu palai turin kan ruat.

KOHHRAN ZAIPAWL HRIATTIRNA

            Saikhamakawn Presbyterian Kohhran zaipawlte Naktuk Ni 23. 2. 2015 (Thawh\anni) zan inkhawm banah Sunday School hall -ah Inneih hla zir tur a ni a, zaipawl Member zawng zawng te kan in hriattir e.

BIAL ÊNTU LA DUH TUR

                Kristian |halai Pawl Bial chanchinbu Bial Êntu, kum 2015 chhunga la duh tur K|P Member-ah tun thla chhung hian rawn inzawh a ni dawn a, la duh tur chu kan lo inhriattir dawn nia, a lak man hi kum khatah `30/- a ni ang.

TUALCHHUNG

,Pi Sangchhingpuii w/o C.Lalrinsanga (T.Sec) chu damlohna avangin Aizawl Hospital-ah enkawl mek a ni.

,Nl. Lalramnghaki d/o C.Lalhmunngheta (T.Sec) chu damlohna avangin Care Hospital-ah enkawl mek a ni.

, Pi Rokhawli te chhungkua leh Pu R.Zothansanga, Bethel Veng (T.Sec) te chhungkua chuan an insak thar an luah lut fel ta.

, Pu R.Lalhmingliana h/o Sangpuii (T.Sec) te chuan Bike (Karizma) an lei thar.

,Amos Lalmuansanga s/o Zothankima (Ch.Sec) chu damlohna avangin Referral Hospital-ah enkawl mek a ni.

M.Tech PASS

            Kan News Editor pu Tommy Zirnuntluanga chuan M.Tech. (Geomatics) \ha takin a pass. Mipui Aw Editorial Board-te chuan kan lawmpui a, a kal leh zelna turah duhsakna kan hlan e.

TIAM TLAT E

            J.C. Lalrinpuia s/o Lianchia, Saikhamakawn leh C. Rodinpuii d/o T.Upa H Rotluanga, Tuidam te chuan Ni 27. 02. 2015(Zirtawpni) hian a nuam ah emaw a hrehawm ah emaw pawh dam chhunga leng dun turin Saikhamakawn Presbyterian Kohhran Biak Inah Kohhran dan thianghlimin ‘Tiam tlat e’ an ti dawn.

            Fanau maltluan chawi a dam chhunga Nupa inkawp rem tak an nih theih nan MIPUI AW Editorial Board te chuan duhsakna kan hlan e.

THU ROTLING

            * Nu in a fa a hmangaihna tluk ang hmangaihna dang a awm chuang ngai lova, Pa in a fa ngaihsakna tluk ngaihsakna dang a awm ngai lo.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330