Mipui Aw 27.4.2014

MIPUI AW

KARTIN CHHUAK

Vol. XX Issue No. 17 Kristian Thalai  Pawl  Saikhamakawn Branch  Pathianni Dt.27.4.2014

VAWIIN CHANG VAWN

            Chhak leh thlang a inhlat ang hian, kan bawhchhiatna te chu kan hnen ata a dah sawn ta daih a. Pa in a fate a khawngaih ang hian,  LALPA chuan amah tih tute chu a khawngaih thin.  Sam 103:12,13

KOHHRAN  PROGRAMME

Dt. 27.4. 2014 (Pathianni)

Chawhma Sunday School Inkhawm

|antu           : Pi Hmingthanzuali

Zirlai 15na   : Kristian Naupang leh nu leh                                          pa te

Chawhnu Inkhawm

Thuhriltu       : Pu Lalrintluanga

Zân Inkhawm

Thuhriltu    : Pu Khawlhmingliana

K|P PROGRAMME

28.4.2014 (Thawh\anni zan)

Sermon inkhawm

Hruaitu           :  Nl V.Lalrindiki

|antu              : Pu C.Lalhmangaihsanga

Thu Hriltu      : Pu R.Lalmuanpuia

Thilpek lakh- : Nl Lalhruaitluangi leh

awmtu te        : Nl Lalthanmawii

Hla hruaitute : Tv. F.Laldingliana leh

                          Nl. R. Lalngaihawmi

Keyboardist   : Pu Lalremruata

KOHHRAN  HMEICHHIA 

Dt. 29.4.2014 (Thawhleh zan)

Sermon Inkhawm

Hruaitu           : Pi Khawlvuani

|antu              : Pi JH Pekmawii

Thuhriltu       : Pi Vanlalhruaii

                       

Hlimen Pastor Bial Inkhawmpui Vawi-49na Hlimen Damveng Kohhranah neih mek a ni. Zanin inkhawmah Kohhran zaipawl te an zai ang.

SERMON

  RINNA CHU THILTIH TEL LO CHUAN THI A NI

                                                 

            Ka unau te u, miin, “ Rinna ka nei,” ti mah sela, thiltih a neih si loh chuan engnge sawt ang? Chutiang rinna chuan amah a chhandam thei angem ni? (Jakoba 2:14) Chutiang bawkin rinna chu thiltih nei lovin a mah chauhvin a awm chuan thi a ni.(Jakoba 2 :17)

Rinna hi Zoram ringtu te hian kan hre lar viau a, thuhriltu tam
          tak pawhin an sawi fo \hin. Mahse kan hriat tam leh kan
ngaihthlak ngun viau ngaihtuah chuan Zoram ringtu tam tak te Rinna kawngdik zawh lo erawh kan tam viau lawi si a. Chuvangin rinna  kawng dik chu enge ni a, rinna kawng dik zawhtu te chu tu te nge  kan hriat a pawimawh hle a ni. Ringtu  rinna kawng dik zawh loh avang a kal sual tam tak an awm tawh a, an la awm zel dawn bawk niin a lang. Chutiang mite chuan mi \henkat te an bum a, an thu lah pawm a nuamin a zawm a awlsam em em bawk a. Mahse rei a daih tak tak \hin lo. Tin, Rinna leh Thiltih hi inkawp tlat an ni bawk a, a hran ve ve hman a kal puitu te chu an kalsual \hin. Chuvangin Pathian Thuin min hrilh dan chuan Rinnaah chuan in awm emaw nangmahni ngei in fiah \hin rawh min ti a, i infiah \hin ang u.

            Jakoba 2:20-24 -a kan hmuh ah chuan thiltih tel lova rinna mai engmah anih loh zia kan hriat duh leh duh loh min zawt a, Abrahama chungchang a rawn sawi chhuak a nih kha. Abrahama chuan Pathian Thu angin a Fapa Issaka chu maicham chungah a hlan a, chu a rinna chuan thiam a chantir tih kan hmu a ni. Abrahaman Pathian a rindan hi Biblein min hrilh rinna dik chu a ni a, hetiang ang hian Pathian kan ring a nih chuan thiltihin kan ti lang zui nghal tur a ni. Mi tam tak te chu Pathian ka ring ti siin amah ringtu te tihtur kan ti leh duh si lo va, hetiang rinna hi kan Bible-in min hrilh rinna thi a tih chu a ni.Bible vekin “Pathian ring tawhtu chuan thil\ha ti zel turin ngaihtuah rawh se ” a lo ti leh a. Pathian ringtu kan nih chuan kan thiltihah a lang zel tur a ni.  

            Ringtu tam tak te Pathian malsawmna chu duhtak mahse, Pathian tana thawhlawm thawh harsa ti tak te, Pathianram thawhlawm Sawma pakhat pawh pe phal lo ringtu kan va tam em. Pathian kan rinzia lanna pakhat chu kan thilpekah hian a ni a. Pek lo hreh ve si, pek loh aiah tlem kan pe ve \awk \awk chu a ni ber e. Tin, ringtu \ha tak ni awm a lang, mi thiltih \hat loh sawisel zuah zuak mai, mahse Pathian Biak Inah pawh kal ngai reng reng lo ringtute kan va tam em. Hetiang mite hi kan huat em em chal hnawih

sen nen a dang lam chuang angem le? Eng pathian nge kan rin a, eng pathian nge kan biak \hin le?I in en fiah ang u.         

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

                        TU NGE PE |HA DUH LO!!!!

      Tleirawl pakhat chuan a \hian te bulah hian mitthi awm nikhuaa khawntesep kan tih mai buhfai no 1 leh ` 20 pe \ha duh lo te an hming nen lam a lo sawi zet zet mai nia!!! A sawi zel dan chuan, “Pek loh ching tak tak te hi han kalkan ila a lehlingin an lungawi lo leh bawk sia, tih ngaihna pawh ka hre tawh lo, an khawsak phung enin nei lo hmel an pu bawk si lova” a ti hmiar hmiar reuh a.

       Tichuan, ala duhtawk mai lo, chu tleirawl zahzum hmel tak chuan; hlawh chengkhat pawh nei loa tlawmngaih chhuaha thil ti an nih ve tho laia chhimbuk sa kham lo an sawi ang maia kal zui leh chakawm loh khawpa lo dawngsawng \ha peih lo a tawng fo mai chu hrehawm a tih zia  thu a sawi hliam hliam a.

       He tleirawl thusawi hi chawtak khuka khukpui chi a ni em? tih chu hriat ni lo mahse vengchhunga chhiatawk an awm nikhuaa mi tlawmngai ten pawisa tlem azawng leh buhfai no 1 an rawn khawn \hin hi tute tan bik mah ni lovin keimah ni tan vek a ni tih hre thar leh ang u. Kan thil thawh tlingkhawm hian chhiattawk chhungkua te mamawh eng emaw chen a lo phuhru ve \hin a, mihring nih chhungin heng hun te hi kan pumpelh theih tlat loh avangin tute mai pawh hian kan la \angkaipui vek dawn.

           

ARTICLE

KHAWVEL DANG

-Dinga Fanai.

            Kan chenna khawvel/lei hi Universe-a Planet pakhat ve mai a ni a, kan planet(lei) hian ni a hel a, lei ang chiaha ni heltu Planet dang hi pasarih an la awm bawk a, chutiang chuan planet pariat (Pluto leh Charon chhiar tel lohvin) an awm a, chungchu nichhungkua (solar system) tiin an sawi mai \hin. Chutiang ni chhungkua chu hmundang tam takah hian ala awm ve \euh bawk a, chutiang awmkhawm bawr \uai chu Galaxy tiin an sawi leh a, chung zawng zawng awmkhawmna chu Universe hi alo ni ta a ni. A zau em em mai a ni. Hmanlai a\ang tawhin kan khawvel ang chiah emaw a ang teuh deuh tal emaw hi chu khawiah emaw hi chuan a awm ang...??? tih hi mithiamte leh thiam lo deuh te pawhin rindan lian tak an neih a ni. Universe hi a zau em mai a, a awm te pawh a awm duh hmel ve viau mai. Chutiang chu nitin zan tin a chhun azanin thlasika khel lovin mi tam takin hna bera neiin an zawng \hin a, mahse, hmuhchhuah tak hi ala awm ngai lo. Chumaibakah mihring chen nan a tlak em? Kan leia awm ang thil nung hi a awm ve thei angem? tih hi an zawn hmasak ber \hin a ni. Chutiang an zawn nan chuan an thil zir hmasak ber chu tui a awm em? Tui lo awm dawn ta sela; a theih angem? tih a ni \hin. Tui hi nunna awm theih nan hian alo \angkai viau alo ni.

            University of Notre Dame astrophysicist Justin R. Crepp leh NASA researchers te leh Kepler space mission te chuan kan chenna khawvel ang tak mai chu an hmuchhuak ta,  a hmingah hian Kepler-186f tiin an vuah a, kan khawvel radius-a tehin 1.11 a letin a lian hret a ni. Kan awmna lei a\ang hian 500 light years-a hla a awm niin kan chenna khawvel ang teuh ber Planet ala niin Paul Hertz, Nasa's Astrophysics Division Director chuan a sawi.

            He Planet hian ‘kan Planet-in ni a hel kual ang hian ni aia sa lo deuh zawk hi hel kualin a orbit hi a zim deuh zawk bawk a; khawvel ang tak mai atmosphere nei ve in tuisik pawh anihna ang takin a awm thei tawh dawn niin hriat a ni bawk. Planet reng reng hi khawvel aia alet 1.5-a a len zawk chuan hydrogen leh helium chhah tak a hip khawm \hin a, chu chu insiam danglamin gas chhah tak neiin an awm \hin Jupiter leh Saturn-te ang hian. Kepler-186f pawh hi lei aihian a lian zawk a, chu chuan atmosphere chhah zawk a nei bawk anga, lei aihian daidanna(extra-insulation) \ha zawk a nei dawn tiin San Francisco State University astronomer Stephen Kane chuan a sawi. Tin,  chumaibakah Kepler-186f  hi Kepler-186 star-te zingah hian a pawn berah awmin a panganaah a awm a, chu chuan temperature chu lum tawk chauhvah a siam theih phah a, tui pawh khang lovin a awm theih phah dawn niin an sawi bawk.

Hetiang alo nih chuan he planet thar an hmuhchhuah Kepler-186f-ah hian nunna a awm thei ngei dawn niin alang a, NGE NI...??? alo awm reng tawh zawk? Thuthar a awm leh veleh kan chhunzawm leh dawn nia.

BENG TI VAr

|ek tlak laia phone hman hi a hmangtu tan a hlauhawm em?

            Landline phone hi hruia inthlunzawm a nih avangin kha hrui kha \ekin a zawh fuh palh chuan a hmangtu kha \ekin a deng thei a; mahse, a den theihna chance erawh a tlem khawp mai.

            Cell phone hi Radio Wave anga thu inpechhawng an ni a, hetiang wave hian \ek hi a hip thei lova, \ekin a zawh thei lo bawk. Mahse,kha wave avang ni lovin cell phone-ah hian thir a awm a, chu chu \ek kalkawng (conductor) a nih avangin phone hmang tu chu a den phah thei a ni. Tin, \ek tlak laia cell phone charge chunga hman a nih chuan electric hrui kha \ekin a rawn zawh fuh chuan a hmangtu chu a deng thei a ni. |ek tlak laiin cell phone emaw Landline emaw hman loh hi a him ber mai. Rikrum thilah leh hmanhmawh thilah chauh lo chuan \ek tlak laiin hman loh a him ber.  

VAWT LEH HRIATNA

            Thil hraitreng theihna leh chhinchhiah theihna i tlachham em? I lehkha zirlai te kha i vawng hlei thei lo em ni? I lehkha zir hun kha sawn la, a ziaawm thei asin. Khaw lum lai aiin khaw vawh laiin mihring hriatrengna (memory) hi a \ha sawt a, khaw vawt hian ngaihtuahna a tiding sawt bawk an tih chu!

HIP TAM THEI

            Chuap hian ni khatah boruak a lo hip hnem thei khawp mai a, litre maktaduai hnih zet zawt, tennis court khuh zan thei tur khawpa tam a lo hip lut \hin a ni. Chuap \ha neih a pawimawh hle mai a, chuap hnathawh tibuai thei tur thil-meizuk ang chi te hian a khawih buai thei hle a ni.

CHI |HA NEI AN CHER

            Lersia sepui chi \ha kha a cher ber kha a ni lo’m ni kha? Mihringah pawh a dik asin! Thau lutuk suh aw, i ching palh ang e.

            Dr.A Ghiyath Shayeb, University of Aberdeen, Aberdeen, UK, chuan a zirchiannah chuan thau lutuk ho, Body Mass Index (BMI) sang takte hian chi tui an nei tlemin mipa chi (sperm) mumal lo an nei nasa bik tih a hmuchhuak a ni.

MUMANG REI ZAWNG

            Mumang mak pui pui kan nei a, a chang phei chuan mumang tam tak neiin kan inhria a, mumang kan nei zankhua zak emaw chu aw tih chang a awm fo \hin. Mak ve mai mai chu a tlangpuiin mihringin \um khata mumang kan neih chhung hi second 2/3 chhung chauh a ni an tih tlat chu! Zan khatah mumang \um sarih vel tal chu kan nei tlangpui an ti thung.

(Source : Meithallawn)    

BIBLE  QUIZ  No.17

ISAIA Bung 1-5

A kâr âwl dah khat rawh :

Q1.Chu mi nbiah chuan tuifinriat ri hum hum angin an chungah an ri hum hum ang:__________ miin ram chu an han thlir chuan, ngai teh, thim leh manganna hlir a ni a,eng lah chu, chu mia chhumahte chuan tihthimin a awm a.

Q2 Aw __________ chhûngte u, lo  haw ula, LALPA engah i leng ang u.

Q3.___________ in hel zual deuh deuh va, vuaka in la awm cheu ni le? Lu chu a pumin a na a, thinlung pawh chu a pumin a chau ta.

Q4.Chhunah ni sa hliahtu atân leh thlipui leh ruahpui lakah ____________ leh bihrukna hmun atân bawkte a ni ang.

Q5.I mite chu ____________ tihtlukin an awm ang a, i mi chak takte chu indonaah an tluang.

A bung leh châng dah rawh :

Q1.Tin, mi chak tak chu ziza tawm ang a ni tawh ang a, a hnathawh chu meisi ang a niang; tichuan an kang dun ang a, tuman an timit lo vang,” tiin.

Bung: ________         Chang: _________

Q2.“Kan hmuhna tûrin ti thuai sela, a thiltih tûr chu ti rang thuai rawh se: kan hriat theihna tûrin Israelho Mi Thianghlim remruat chu lo hnaiin lo thleng rawh se,” ti thintute chu.

Bung: ________         Chang: _________

Q3. Chu mi niah chuan miten an tangkaraw milemte leh an rangkachak milem te, biak tûra an siamsakte chu, buikelek hnênahte leh bak hnênahte chuan an paih ang a;

Bung: ________         Chang: __________

Hming  : ____________________________

Section : ____________________________

BIBLE QUIZ  NO. 16 RESULT

Chhanna lut zawng zawng       : 5

Chhang dik vek            : 5

Lawmman dawngtu : C. Lalrinsangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI  PROGRAMME

Dt. 1.5.2014(Ninga zan)

A hmun     : Kohhran Library

Hruaitu     : Upa Lalrindika

|antu        : Pu R. Vanlalsanga

         Tawngtai rual leh rilru sawia hun hman tur a ni.

Saikhamakawn Mipuite hnena ngenna

         Keini pianphunga rualbanlote (DPO) hian kan pawl inenkawl nan sum kan mawmawha, sumtuak nan Hatkora tui zuar ila” tia committee in a lo rel chu bawhzuiin ni 29.4.14 (Thawhlehni zan) ah hian vengchhungah kan zuar leh dawn a. Khawngaiha min lo leisak \heuh turin kan in ngen tak meuh a. Min duhsakna zawng zawngah lawmthu kan sawi nghal e.

Secretary

D.P.O, Saikhamakawn

ALPHA  HOSPITAL

       Alpha Hospitalah Doctor Specialist te Monday - Saturday thleng a rawn theih reng e.

       1. Dr. David (Medicine)- 6:30am - 8:30am

       2.Dr. Atea (Surgeon)- 6:30am- 9:00am & 4:00pm a\angin.

       3.Dr. Robert (Psychia)- 4:30pm a\angin.

       4.Dr. Mahriati (Paedia)- 10:00am - 2:00pm

Alpha Hospital, Kulikawn.

Phone number 0389 2300535

Zanin Inkhel tur

Sunderland vs Cardiff (4:30 pm)

Liverpool vs Chelsea (6:35 pm)

Crys. Palace vs Man City (8:40 pm)

Monday

Arsenal vs Newcastle (12:30 pm)

vAWIIN KHAWCHIN

Max.   - 330 C  Min.   - 240  C

Chhun lamah ruah 1mm a tla ang a,zan lamah 11mm a tla ang.

(Source : Accuweather.com)

LAWMTHU SAWINA

            Ka fapa Zochamliana kum 32, April 16.4.2014 zing dar 10:00 am-a min  boral san chungchangah Kohhran hrang hrang te leh khawtlang nu leh pa, YMA ten in hun hlu tak seng a min buaipuina zawng zawngah kawmthu kan sawi a. Kan chhungkaw chunga in \hatna zawng zawngah Pathian in a let tamtak in malsawmna vur che u rawh se.

In khawngaihna dawngtu

Vanlalrimawii

Saikhamakawn

TAXI RATE HRIATTIRNA

   Kulikawn to Hlimen Taxi chuan man hi mi pakhat tan ` 20/- a ni tawh dawn a.Hei hi May thla a\anga hman \an tur a ni a, Hire rate erawh hetiang hian siam a ni.

Kulikawn to Saikhamakawn -`60

Kulikawn to Melthum -` 70

Kulikawn to Hlimen -` 80

Kulikawn to Hlimen kawng laka chuang pawh ` 20 vek chawi tawh tur a ni. Tin, Kulikawn a\anga Saikhamkawn pawh mi pathum chin tan hire rate-a tlan theih a ni a, mi pali chin tan chuan ` 20 \heuh chawi  tho tur a ni.

Sd/-

(DENGLIANSANGA)

Secretary

Kulikawn to Hlimen 

Aizawl Taxi Welfare

MAU CHING DUH TAN

            Forest Dept. hnuaiah mau ching duh te tan a chi a lak theih dawn a. A chinna tur hmun zau zawng azirin Hactre khat zelah ` 4,000 a dawn theih dawn a ni. A ching duh tur te chu ni 28.4.2014 (thawh\anni) ral hmain Pu Lalmuanpuia hnenah in hriattir tur a ni e

TUALCHHUNG

TUALCHHUNG A|ANGA MATRIC PASS THAR KAN HRIAT THEIH CHINTE:

1. Lalhruaitluanga s/o Upa Lalzuiliana, Dist. Letter in all subjects

2. Lalruatfeli Khiangte d/o K.Lalhmingmawia, Dist. Letter in Sc, SS & Mizo

3. Lalrinsanga s/o Lalthankima, Dist. Letter in Eng. & Sc

4. Zochhuanawma s/o Zarzoliana, I Letter in Eng.

5. Zorammuana s/o R.Lalsangzuala, I

6. Eden Lallawmzuali d/o Lalthuneiha , I

7. M.S.Dawngliana s/o R.Lalsangliana ,II

8. Malsawmsangi d/o Dennis Rohmingliana , II

9. Ruth Lalbiakdiki d/o F.Lalhmachhuana, II

10. R. Lalruatfela s/o R.Lalchhuanmawia, III

11. Nathan Lalzuisanga s/o Lalthuneiha, III

12. Lalawmpuia s/o Laldanzira, III

13. Vanlalruati d/o Khualkunga, III

14. Mimi Lalnunmawii d/o Vanlalsiami, III

15. Lalrammawii d/o Vanlalthara (L), III

16. Lalhmangaihzuali d/o Vanlalfala, III

17.C. Lalrindiki d/o C.Vanlalnghaka, III

18. F.Lalhruaitluangi d/o Tlangruata, III

* Nimin vek khan B.Ed result tihchhuah a ni a, Nl.C.Lalnghakhleli d/o C.Vanlalsanga chu I-ah pass in a pumpuiah parukna (6th position) a ni.

                                               

                                               

            Zirna lamah hma kan sawn chho zel a, a lawmawm takzet. Tualchhung a\anga pass thar zawng zawng te Editorial Board te chuan kan lawmpuiin duhsakna kan hlan a che u. Chutih rualin vanduai ta te kan tawrhpui a, beidawng mai lovin a hma aia nasa in \an la sauh sauh se tih hi kan fuihna a ni e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 20.4.2014

MIPUI AW

KARTIN CHHUAK

Vol. XX Issue No. 16 Kristian Thalai  Pawl  Saikhamakawn Branch  Pathianni Dt.20.4.2014

VAWIIN CHANG VAWN

            Hetah a awm tawh lo ve; a sawi ang ngeiin a thawhleh tawh kha. A mutna hmun hi rawn en teh mah u.        

KOHHRAN  PROGRAMME

Dt. 20.4. 2014 (Pathianni)

Easter Sunday

Chawhma Inkhawm

|antu           : Pi Vanlalhruaii

Thupui           : ‘Thihna leh thlan thim hneh zovin Isua a tho leh’

Sawitu            : Upa Zairemthanga

Chawhnu Inkhawm

Thupui           : ‘Tholeh Lalpa Minunga hi a mite hnenah nungin a inlar \hin’

Sawitu            : Upa Lallawmchhunga

Zân Inkhawm

Thupui           : ‘Isua thihna leh thawhlehna nun \awmpuitute rilru put dan tur’

Sawitu            : Upa R. Lalngena

KTP PROGRAMME

 Dt. 21.4.2014 (Thawhtan zan)

Hruaitu           : Pu C.Lalremruata

|antu              : Tv. V.Lalsangzuala

Thu Hriltu      : Tv Hmingthanzauva  (Allahabad Bible Seminary)       

Thilpek           : Nl. Ruthi Lalenkawli leh  

Lakhawmtute   Nl. Ruthi Remruatkimi

Solo                 : Tv. Rinsangzuala (ABS)

Introduction   : Tv. Vanlalfala (ABS)

April Thla chhunga Zai hruaitu turte

Hla hruaitu    : Tv F. Laldingliana

                          leh Nl R.Lalngaihawmi

Keyboardist   : Pu Lalremruata

KOHHRAN  HMEICHHIA 

Dt. 25.3.2014 (Thawhleh zan)

Hruaitu           : Pi Hunthangpuii

|antu            : Pi Laldawngliani

Thuhriltu: Pi Rokhawli

SERMON

THIHNA HNEHIN A THO LEH TA

                “Chutichuan Isua in khenbeha ngei kha, Pathianin Lal leh Krista ni fawmin a siam ta tih Israel hnam tinin hre mawlh rawh se” a ti a. (Thirkohte 2:36)

               

                Isua Krista hi Lal leh chhandamtu a nihna leh Thihna hnehin a tho leh a ni tih hi Khawvel hian hre lo se a ti a.  Lei leh van Lal a nih zia hi Khawvel mite hnenah chuan thupin a awm. A zirtirte ho hnenah ngei pawh tih hlumin  a awm ang a, ni thum niah a tho leh ang ti a a sawi pawhin mak an ti a nih kha. Lal Isua nihna leh a mizia leh a thiltih zawng zawngte hi khawvel mite tan chuan pawm a har a, awih  pawh a har hle a ni. A hun lai a Sakhaw rawngbawltu puithiamte pawhin an awih thei lo a nih kha. An awih loh mai bakah a tho leh ang tih an hlau  em em a, tho leh lo se tih kha an duhthusam a ni. Mahse Lal Isua a tho leh a ni tih hi Khavel hian thup tum \hin mahse, tun thlengin Amah duhtu te hnenah chuan thlarauvin a la inpuang zel a nih hi.

            Chhandamna Famkim kan chan theih nan kan sualnate avangin Isua Krista chu  vuak thitlinin a awm a, kan khawlohnate avangin hliamin a awm bawk a. Thihna ata nunna a kan luh theihna turin thihna hnehin a tho leh ta. A va ropui em! Hetiang reng a hmangaihna nasa misualten kan chang hi  hrechiang tan chuan Lalpa hi fak loh theih a ni lo. Kan chan ropuizia hi Petera ngei pawhin Israel hnam tinin hre mawlh rawh se a ti a nih kha. A hre chiang ten midangten hre ve se an ti a, midang hrilh ve an chak \hin a ni. Isua Krista chauh hi khawvel damna, sual laka kan him theihna leh lungngaihna leh hrehawmna hmunah pawh hlim leh lawm taka kan awm theihna a ni. Isua krista hi pan ve rawh le,  a tlai hma hian.

            Hla siamtu pakhat chuan he ti hian a ti a,

         “ Tho leh Lalpa nun thiltihtheihna chuanin,

            Ka hringnun ram zawng thihna a hruaiin,

            Nangni lamah chan nunnain a thawk thin;

            Aw a hlu tuarna aw, a hlu channa,” ti in.  A ro pui tak zet a ni. He kan hringnun ram hi chu ral mai tur, kumhlun tur reng tumah kan awm si lo. Chu mi a nih avang chuan nun kan neih theihna turin Isua Krista chuan A ma thawhleh rualin min lo ti nung a. Kan mihring hlui taksa chu A ma khenbeh rualin khengbetin tho leh taksain min lo thuam ta a ni. He mi avang hian Lalpa chu kan fak ve thei ta. Chu aia hlu leh ropui hi a awm leh thei tawh chuang lo vang.   Thihna hneha a thawhlehna hian Lalpa lakah rochan chhe thei lo min siam a, nun tharin kan leng thei ta a lo ni. Zoram ringtu zawng zawngte hian hei hi i hre thar leh theuh ang u.  

         

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

                        |an lak a ngai ta deuh

            Upa in “Mahni infak leh sakhi ngalah engmah a bet lo” lo ti mahse a vun leh eng ilo fahran te chu a bet ve mahni tih beiseina nen mahni infakin bul in \an \alh teh ang. Kan veng a\ang hian thil ropui tak chhuak vak lo mahse Aizawl khawpui chhungah na na na chuan mitam tak ten thihna hmun atana an it pawl tak kan ni ve tlat \hin inchhuanna tham pakhat chu a tling ve. A chhan chu engdang vang ni lovin chhiat tawk an awm nikhuaa veng chhung nu leh pa leh \halai te mahni theihna zawn \heuha phur leh thatho taka kan \an tlan \hin vang a ni.

            Amaherawhchu tlem lai deuh a\ang khan kan khawhar chhungte hnem tura lenpui kawngah a bik takin nu leh pa lam kan inthlahdah \an ta deuh niin a lang. |halai tlaivar te chhawk tura zinglama thawkchhuak peih mi tlemte te hian chhinchhiah an hlawh viau mai. Duh khawp lohna tamtak chu awm ve bawk mahse \halai lam hi chuan an mawhphurhna an la hlen \ha thawkhat viau niin a hriat a; chuvangin veng pawn a\anga mikhual lo kal ten min fak der ve fo \hin na chhawm nung chho zel turin \an i la deuh deuh ila; inlawm tawn vek kan ni tih hre rengin mi chhiatna?\hatniah taimak i chhuah leh zual ang u.   

           

ARTICLE

MIHRING  DUHTHLANNA

            Pathianin mihring a siam dânah a pawimawh bêr leh Pathian ngêi pawhin a duh duha a tih duhloh chu kan duhthlanna hi a ni âwm e. Kan kawng zawh duh lam lamte, \ha kan tih zâwngte leh \halo kan tih zâwng emaw kan duhloh thil rêng rêng chu kan thlang lo mai thei a ni. Pathian pawhin min ti lui thei hek lo. Hetiang a nih avang hian mihringte hi khawvela kan nunkawng rêng rêngah hian keimahni kan pawimawh hle a, kawngdik leh kawng diklo kan zawh theih nân chhia leh \ha hriatna kan nei bawka chumi hmang chuan kan duhthlanna hi kan hman thiam a \ul ta tihna a  ni ber mai.

            Khawvel mihring zawng zawng hi Pathianin min siamdânah chuan angkhat vek kan ni a. Fûke kimin kan pianga rilru leh ngaihtuahna kan nei vek bawk. Nimahsela mi hausa leh retheite kan awm a, vanduai leh vannei tihte mihring chuan kan nei fûr hlawm bawk si. =henkhat chuan Pathian hian engkim a ruatlawk vek nia ngâite pawh an awm ta hial rêng a ni. Hausa tur leh reithei tura ruatlawk awm thei nia ngaihdân lo siam tâwk lah bo lo. Cungtiang zelin kan nundan kawng hrâng hrângah hian Pathian remruatna saah mihringte kan lêng vel nia ngaihdan siam a awl khawp mai. Amaherawhchu kan hriat atana pawimawh ber chu mihringte hi kan tun huna kan nundan leh khawsak danah hian Pathian mawh mai tur a ni lova, keimahni duhthlanna ngêi hmanga tûn dinhmun thlêng kan ni tih hi kan hriat a \ul takzet a ni. Kan duhthlanna hmanthiam a pawimawh ber tihna a nih chu.

            Entirna hetiang hian han sawi ta ila; Sikul naupang \hiandûn pahnihte chuan exam an hmachhawn dâwn a. An \hiandun chuan taima taka zir chuan \ha takin an pass dawn tih an hre ve ve bawk a. Chutah chiah chuan duhthlanna hmâng thiam zawk zawk chu an pass \ha tawh mai dâwn a ni. Ei zawnna kawngah pawh duhthlanna hmâng thiam apiang an dingchhuak dawn a ni. Pathian hre ve miah lote pawh engatinge hausa tak takte, hlawhtling tak takte, fing tak takte an awm, Kristiante zâwk hian engngatinge kan tluk loh fo mai le. A chhanchu an duhthlanna an hmâng thiam a, taimâkna kawng leh hlawhtlinna kawng chu huaisenna thinlung nên taima takin an thlang a, an bei a, an hlawhtling \hin. Pathian hi kan duhthlanna hmanna kawngah hian a inrawlh tehchiâmlo a nih a rinawm. Ringlomi pawhin a duhthlanna a hman dik phawt chuan a hlawhtling mai \hin tih hi theihnghilh chi a ni lo.

            Kan sawi tâk a\ang hian kan duhthlanna pawimawhzia chu kan hre thei âwm e. Kan duhthlanna hi Pathianin min control sak sela chuan Evi leh Adama  te nupa khân theirah ei thianglo kha an ei hauh lovang. Nimahsela an duhthlanna chu Setana duhzâwng lamah an hmâng ta a nih kha. Setana pawhin theirah awmzia a hrilhfiah a, mahse a nawrlui thei bik lo. Evi leh Adama khan an duhthlanna chu anmahni thu ngeiin an hmâng diklo ta a ni tih hi kan pawm thiam a \ul hle mai. Kan hmaah hian =halam leh Chhelam a awm a, chumi thlâng tur chuan chia leh \ha hriatna kan nei a, a pawimawh ber chu keimahni kan ni ta. Kan duhthlanna hi keimahni ngei thuhnuaia awm a ni tih hi theihnghilh lo ang u.

            Amaherawhchu chhandamna kawngah erawh chuan kan duhthlanna hi Pathian lama hmâng tak tak tur chuan Thlarau Thianghlim a pawimawh hle a ni. Thlarau Thianghlim chuan kan sualzia leh chungpik zia min hriattir a, chhandam ngai kan nihzia thlengin min hriatchian tir a, chung zawng zawng zawhah chuan Pathian thlâng thei turin min nawrlui nilovin thlang thei turin min pui chauh \hin. Hetah pawh hian mihringin kan duh a, kan thlan a ngai a, nawrluihna a awm chuang lo. He kan duhthlanna tak hian  khawvel mihring zawng zawng hi angkhata min awmtir theilotu chu a ni a, duhthlanna hmanthiam a pawimawh hle a ni.

 

BENG TI VAr

Leap Year a nih hian engtin nge khawvel ni hi atam bik theih ?

            Kan hriat \heuh angin Leap Year hi kum 4 dan zelah a thleng a, hemi kum zelah hian February thlaah ni 28 awm lovin ni 29 zel a awm \hin vang a ni. Calendar kan hman mek hi Gregorian Calendar an ti a, lei leh ni inher dan (astronomical events) nen a inmil chiah loh avangin kum 4 dan zelah siam rem a ngai \hin a ni. Gregorian Calendar-ah hian kum khat chhungin ni 365 zel awm anga chhut a ni a. Mahse, atak takah chuan ni 365, darkar 5, minute 49 leh second 12 chiah a awm a, chu chu darkar 6 dawnin kum khat zelah a tam tihna a ni. Ni khatah darkar 24 a awm a, kum 4 chhung chuan darkar 24 deuh thawin a tam a, chumi siam rem nan chuan kum 4 dan zelah ni 1 an belh \hin a ni.

            Lei leh ni inher velin sik leh sa a siam a, chumi sik leh sa danglam dan nena inmil tur chuan February thlaah hian ni khat hi an belh ta \hin a ni.

Gregorian Calendar hi kum 400 dan zelah vawikhat kual chhuak (one cycle) \hin a ni a. Kum 400 kal ta chhung khan Leap Year hi vawi 97 a thleng a, a chang chuan kum 8 danah Leap Year hi a awm chauh a, chu chu 1896 leh 1904-ah khan a ni. Hetiang chiah hian kum 2096 leh 2104-ah a thleng leh dawn a ni. Heng thil zawng zawng hi ni leh lei inher dan leh sik leh sa danglam dan nen inmil tura chhuta siam rem tura chhut vek a ni.

KAL THUI NGAI

            Khawpui nu leh pa ho zingah zing kara insawizawi nana kea kal \hin an awm nual a, a \hen phei chu thau tak tak, kal cher tum tih hriat tak tak te pawh an ni. Kal avang hian cher theih chu a ni ngei mai a; mahse thau kg chanve pawh tling mang lo (pound 1) titla tur ringawt pawhin mel 34 (km 55 vel) kal a ngai nia! Inkal cher tur chuan tihfe a ngai a nih chu.

CHATUAN RAM LAMAH

            Tv. Zochamliana (32) s/o Vanlalrimawii (Ch.sec) chuan ni 16.4.2014 (Nilaini) khan chatuan ram min lo pansan ta a. A kalsan tak achhungte zawng zawng Lalpa’n awmpuiin thlamuan zel se tih hi Editorial Board te chuan kan \awng\aina a ni e.     

BIBLE  QUIZ  No.16

HLATHLANKHAWMTE 6-8

A kâr âwl dah khat rawh :

Q1.Nang,____________ cheng thinnu,thiante chuan i aw an ngaithla a; Min ngaihthlâktir ve ta che.

Q2.____________, kir rawh, aw nang Sulam mi, Kir rawh, kir rawh, ka thlir theih nân che,Engah nge Sula mi i thlir le, Mahanaim lama lam ang emin?

Q3.Tunge ni hei, thlalêr ata lo chhova,A duhtaka rinchhani hi?__________ hnuaiah ka tiharh chia:A nu’n a veinaah che khan,

Q3.I nghawngin a iang a ni, saingho kulhbing sâng;I mitten ____________, Bath-rabbim luhna kianga mi ang e;I hnarin a iang a ni, Lebanon kulhbing,Damaska lam zuk hawi chu.

Q4. Ka ngen tlat che u, aw Jerusalem fanute, Hmangaihna chu chawk thova tiharh lo tûrin,Amahin a duh ____________.

A bung leh châng dah rawh :

Q1.I duhtak chu khawiah nge a kal tak:Aw hmeichhia alaia mawi ber,Khawi lamah nge i duhtak lam ang a let,Keinin kan zawnpui theih nân che?

Bung: ________         Chang: _________

Q2.I mawi mang e, aw ka duhtak, Tirza iangin,I duhawm e, Jerusalem khawpui ang;Puanzar khai pheisen rual ang, ka zuam lo che.

Bung: ________         Chang: _________

Q3. Tui tam takin a tidai thei lo, hmangaihna zawng,Tui lianin a chim pil thei hek lo;Miin a in ro zawng zawng hmangaih aiah a pêk zawh chuanin Hmusitin a awm ngei dawn e.

Bung: ________         Chang: __________

Q4.Ka thuro zawng pakhat a ni, ka sawiselbovi chu,

A nu fanu neih chhun te, a hringtu en phal loh chu.Hmeichhiaten amah an hmu a, nihlawh an ti;

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 15 RESULT

Chhanna lut zawng zawng       : 6

Chhang dik vek            : 6

Lawmman dawngtu       : C. Lalrinsangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

Zanin EPL inkhel turte:

Norwich City Vrs Liverpool (4:30)

Hull City Vrs Arsenal (6:35)

Everton Vs Manchester United (8:40)

PAVALAI  PROGRAMME

Dt. 24.4.2014(Ninga zan)

A hmun     : Kohhran Library

Hruaitu     : Pu T.K. Manga

|antu        : Pu J. Lal\hakima

Thu hriltu : Pu Vanlalfela

         Tawngtai ruala hun hman tur a ni ang a. Budget thawhlawm chhiar nghal tur a ni.

Letter to Editor

(Letter to Editor hi Editor ngaihdan a ni vek kher lo )

           Ka Pu, In chanchin bu-ah hian ka ngaihdan kan han tar lang ve lawk teh ang.                                                      Hei kan khawtlang hi  Chhungtin te kan \angin hma pawh kan sawn chak hle mai a, chutih rualin kan veng hi tui lamah harsatna kan tawk nasa \hin hle. Tun lai chhoah pawh hian khua a rovin chhungkaw tamtak chuan tui kan ngah lo tlang khawp mai a. Tui Connection a tui a haw \hat loh phei chuan tam tak tan chuan buaithlak tak a ni. Tui a lo haw dawn emaw kan tih hunah pawh a lo haw thei ta mang lo tlat mai hi mak ka ti a. Ka lo hriat danin tui semtute lo tlawn a,ZU te lo pe a, J.E. thuneihna a pe anga insawi a, mahni tuizema lo dah khat \hin kan awm ni in ka hria. Hetianga mahni thuneihna leh thiltihtheihna hmanga khawtlang mipuite chanai pawh lo laksak duh hi misual kan tih Drugs Addict-te,  ruk ruk chingte leh khawtlang phal loh thil zuartu kan huat em emte aiin an hnawk zawk lo maw? Pu Editor enge i ngaih ve dan?

In \hian

Ventluanga Pa

LAWMTHU SAWINA

            Kristian |halai Pawl Saikhamakawn Branch-te  inhlawhna \ha tak min siam saktu Pu R.Lalkhumate chhungkaw chungah lawmthu kan sawi a. K|P member mahni hna kalsana \hahnemngai taka hnatlangte chungah lawmthu kan sawi bawk e.

Sd/-(LALDUHKIMA)

Secretary

K|P, Saikhamakawn Branch

Nausen thi vui chungchanga Kohhran thuchhuak

1. Nausen an thihin Biak In dar, mitthi dar vuak ve tawh ni se.

2. Nausen dama piang tawh phawt chu an thihin Kohhranin mitthi dang kan vui \hin dan angin vui tur a ni ang.

3. Vuina inkhawm pawh Kohhran inkhawm, hunserh pawimawha ngaiin Kohhran mite chuan theih ang anga in\awiawm tlan ni se.

4. Mitthi dang kan vui dan ang bawkin thlan ah pawh vui ni se.

5. Kohhran inchhiarna, mitthi zat chhiarnaah chhiar tel tur a ni ang a, kum tawpa mitthi sunna hunah pawh sun tel tur a ni ang.

6. Hlamzuih chungchanga Chhiatna/|hatni kaihhruaina kan lo neih sa chu hei hian a luahlan ang.

            Hei bak rel ngai a awm a nih chuan Kohhran hruaitute, Khawtlang hruaitute leh mitthi chhungten a \ul anga inberawnin rel fel mai tur a ni ang.

LAWMTHU SAWINA

            K|P, Marka Group-te inhlawhna min siamsak tu  Pu H.Remtluanga te chhungkaw chungah lawmthu kan sawi a. Tin,  Group member hnatlanga thawkchhuak zawng zawng te chungah lawmthu kan sawi bawk e.

Sd/-

(C.LALDAWNGLIANA)

Secretary

Marka Group, K|P

HRIATTIRNA LEH NGENNA

    Electrict Department-te leihlawn lo hmanga hawh \hin ten kan dah leh \hin loh avangin Electrict Dept.a thawkten an hman dawnin a awm na chin an hriat \hin loh avangin hna an thawk thei lo thin a. Chuvangin a hmangtu leh a hawhtu apiang in a dahna hmun ngai Pi Lalrinpuii In kawt Pu Lalrosanga inhmunah dah leh \hin turin khawtlang mipuite kan inhriattirin kan in ngen  e.

TUALCHHUNG

, Pu V.L. Malsawma h/o K. Lalmuanpuii (T.sec) te nupa chuan a pakhatna atan fapa duhawm tak an nei thar.

, Pu Zairemmawia h/o Thangliani (Mami) te chhungkua chu an in luah lai (V.sec) a\angin Pi Vanlazawni te in (T.sec)-ah an insawn.

, Pu J. Lalrinliana h/o Lalsangliani (T.sec) te chhungkua chuan khawi ilo vahvel nan Bike (FZ) thar an lei.

, Lalrinhlua s/o Henry Lalnunmawia (T.sec) chu damlohna avangin Refferal Hospital Falkawn-ah enkawl mek a ni.

, Pu Kapkhama f/o K. Vanlalruati  (T.sec) te chhungkua chuan khawi ilo vahvel nan Scooty (Flyte) thar an lei.

 ,      Pu Laltlawmlova h/o Lalruatsangi (Ch.sec) te chhungkua chu Community Hall choka-ah an insawn.

, Pu Lianchia h/o Lalrinengi (Ch.sec) te chhungkua chu Together In Christ Camping Centre-ah an insawn. 

TIAM TLAT E

            Lalhmangaihzuala s/o T.Upa Lalventhanga (L) Saikhamakawn leh Lalhmunsiami d/o J. Lal\hakima Saikhamakawn te chuan Kohhran dan thianghlimin ni 24 .4.2014 (Ningani) dar 1:00pm ah Saikhamakawn Kohhran Biak In-ah tiam tlat e an ti dawn.

            Fanau maltluan chawia lengdun a nupa lungrual tak an nih theih nan Mipui Aw Editorial Board-te chuan duhsakna kan hlan e.

vAWIIN KHAWCHIN

Max. - 330C  Min. - 250C

Ruahsur lo turin sawi a ni.

(Source : Weatherforecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330