Mipui Aw 11.6.2017

MIPUI AW

KARTIN CHHUAK

Vol. XXIII Issue No. 24 Kristian Thalai  Pawl  Saikhamakawn Branch  Pathianni Dt.11.6.2017

VAWIIN CHANGVAWN

Nimahsela, nangni zingah zawng chutiang a ni lo vang; tupawh in zinga mi lian  nih duh apiang chu in rawngbawltuah a awm zawk tur a ni; tupawh in zinga hmasa ber nih duh apiang chu in chhiahhlawhah a awm bawk tur a ni; Mihring Fapa hi rawngbawlsaka awm turin a lo kal lo va, rawngbawl tur leh mi  tam tak tlan nana a nun pe tur zawka a lo kal ang khan,” a ti a. (Matthaia 20:26-28)

KOHHRAN PROGRAMME:

Ni 11.6.2017 (Pathianni)

Chawhma Inkhawm

Tual Upa Thlan

|antu : Pi Chawngthanpari

Zirlai 20-na : “Tawtawrawt pangana”

Chawhnu Inkhawm

Thuhriltu :T. Upa Thlanpuitu a\angin

Zan Inkhawm

Thuhriltu :T. Upa Thlanpuitu a\angin

K|P INKHAWM PROGRAMME

Ni 12.6.2017 (Thawh\anni Zan)

Neihthil Thehkhawm

A hmun : Sunday School Hall

Hruaitu : Nl. Malsawmtluangi

|antu : Nl. Amy Lalhmangaihzuali

KOHHRAN HMEICHHE

 INKHAWM PROGRAMME

Ni 13.6.2017 (Thawhlehni Zan)

Rampum huap Chawnghei |awng\ai Programme

Hruaitu : Pi Ropari    

|antu : Pi Zothanmawii

KOHHRAN PAVALAI PAWL

 INKHAWM PROGRAMME

Ni 15.6.2017 (Ningani Zan)

Sermon Inkhawm

Hruaitu : Pu C. Lalchhuansanga        

|antu : Pu C.Saienga

Thuhriltu : Upa R. Lalngena

Khuangpu : Pu T. Lalrinthanga leh

 Pu Lianchia

Thawhlawm lakhawmtu: Pu Lalchhanhima

CHHANDAMIN KAN AWM SI LO

(Jeremia 8:20)

-K. Lalfakawma Nu

Israel fate hi Pathian hnam thlante an ni a, nimahsela an rilru a khauhin an nuam tih zawng hlira nun an tum si a, anmahni thlangtu zawlnei Jeremia hnenah hian hrem a tum thu a lo puang chhuak ta a ni. Keini Mizo te pawh hi Kristian kan inti a, a hnamthlan kan ni te pawh kan ti a, mahse kan nun dan te han enfiah hi chuan Lalpa min siamtu hi kan ngailo hle mai a. Pathian ngaihsak anna kan nei a, kan chhungril nunah chuan kan tisa duhzawng hlirin kan buai a, kan hunawl reilote pawh hi Lalpa tan kan pe phal lova, kan hunawl neihte muthmun thleng pawh hian a thu chhiar leh \awng\ai kan peih lova, kan mobile phone te hi kan Pathian ta zawk a. Kan nun dan min lo thlir rengtu hi kan tilungngai nasa tawh hle a a ni tih hi hria ila. Kan nun dan duhdah lutuk tak mai hi sim vat a ngai a, Pathian duh dan anga a lawm tlaka kan nun kan hman hi a \ul tawh hle a ni. 

Tunah hian Mizoram hi a rampum huapa tuarna kan la pumpelh \hin te hi Pathian miten thinlung zawng zawnga Zoram sualna ngaidam tura Pathian hnena an dilna te Lalpa’n a chhanna kan la dawng a, kan la vannei hle a ni. Tunah heng Pathian mite hi Lalpa’n khawvel sualna leh hrehawmna lak ata min laksak ta mai se kan chan tur chu kan sual em avangin eng ang hremna nge kan tawrh dawn pawh a hriat si lova, Jeremia pawhin Israel fate an sualna an rilru an tikhauha, an help ruk leh mireithei chan ai an eiruk te an sim duh loh avanga Lalpa an chunga a thinur lutuk kha hrehawm a ti hle mai a. Sim tura a hrilh chung pawh a an sim duh si lo kha a lungngai a, Bung 8:20 ah hian a lo puang chhuak ta a ni.

Keini pawh chhandama kan awm theih nan Pathian duhloh zawng kan lo tih \hinte kan sim vat a, Pathian thlarau nei thei tura Ama tana kan inpek hi a hun tawh hle a ni. Pathian thlarauvin kan duhthlanna a lo dah lal viau te, zalen taka Lalpa kan la pawl thei te hi a lawmawm hle mai a, zu avanga cancer te leh ruihhlo engemaw avanga cancer kan vei hma ngei hian Lalpa lam hawi thuai ila, nakinah chuan kan Nipui hun thawl \ha leh muanawm tak mai kan hman te hi a la tawp ang a, a nih loh pawhin kan nunna hi kan ta a ni si lova, kan nunna neituin min laksak hunah chuan ka phal love, kan ti thei dawn lova, chatuanin hremhmunah englai mai pawha kang reng turin kan awm mai dawn a ni.

Chuvangin kan thlarau CHHANDAMA a awm theih nan Lalpa engkim siamtu hi kan theihna zawng zawngin hmangaih ila, nakinah a buhphal te a rawn seng hunah kan thlarau thi theilo chatuana nung reng tur min pek ngei hi Ama hnenah seng tela a awm ve theih nan tih takzetin, kan theihna zawng zawngin Lalpa i chawimawi ang u.Tin, tunah hian Pathian mite hi Lal Isua’n chanchin\ha hril tura min chah angin kan velah te hian Lalpa zema a hmangaihte seng lut a, an piantharna tura hmangaih taka chanchin\ha hril turin min duh a, Nipui a tawp hma ngei a, CHHANDAM an nih theih nan ringtu piangthar tawh zawng zawngten mawhphurhna kan nei a, kan aiawhtu atan sum leh pai chauh duhtawk lovin , kan bul vela piantharna la chang ve lo te tan kan theihna leh kan taksa te pawh thlarau bote tan hlan ve turin Lalpa’n min chah a ni. A thisen thianghlima a tlansate beram bote  thisen mawh hi kan chungah a tla palh hlauh ang e.  

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

 

Editorial....

Kan khawtlang pawhin hma a sawn ve zel a, kan |halai te tuihalna leh mamawhna hriain mi inpe te zarah Saikhamakawn Football Club hial kan lo din thei ta hi a lawmawm in a ropui  khawp mai, he Football Club chhiat leh \hat ah hian kan khawtlangah hian a tu a te pawh hian mawhphurhna ka nei a, ka ta a ni kan tih theih a \ul khawp mai.

Infiamna hmang hian |halai tam tak in nun siam\hat nan an hmangin humsual dai tawh ten nun kawng dik an lo hman phah tawh \hin in eizawnnan a hmang |halai tam tak an awm tawh bawk a, hetiang a kan veng hming chawi hiala a Football Club kan lo neih tak ah chuan |halai te tan chona nasa leh zual min neih tirtu ni thei se, mi veng pawhin an veng tan theihtawp an chhuah chuan ka thei ve a ni tih rilru pu a, kan rilru kan siam thar a \ul khawp mai.

Footbal Club din a ke pen hi thil hautak leh Sum, hun  leh tha heh tak mai a nih avang hian khawtlang ang a kan \anrualna hun tak a ni tih kan hriat a pawimawh khawp mai a. Tu te emaw phur thut in an din a ti a in enliam pui mai lo hian kan khawtlang tan, kan |halai te, kan tu leh fate tan a ni tih rilru pu in mahni phak tawk ah kan theih chen chen ah ke pen ve turin khawtlang mipui ten rilru leh ngaihtuahna kan sen thiam a, kan duh khawp a nih loh pawhin pawn lam a\anga sawisel mai lova, kal dan ruahmanna \ha thurawn pe chung a hruaitute hnen a thurawn inpek thiam hi khua leh tui tha kan nih ang a kan rilru put hmang leh kan tih lan hun tur dik tak niin a lang.  

TLEIRAWLTE  NIHPHUNG ( BEHAVIOURAL  ADOLESCENT)

-Pu Lalchhandama (Patea)

Asst.Secy, Branch K|P

Tleirawlte han  tih hian  |awng Upa lamah chuan  hmeichhe lam a kawk deuh mah a, mahse  kan tunlai hun mil zawnga  han sawi hi chuan Mipa leh hmeichhia  sawi nan  kan  hman deuh  zel  tawh avangin, hetah pawh hian kan sawi  kawp zel mai dawn a ni .

Tleirawlte nena hun  hmang ho tam ka nih vang  em ni ang aw !! tiin ka ngaihtuahna ka seng nasa mai a, he thupui  lo hi chu ka ngaihtuahnaah  hian a tla na tak tak thei lo ti ila kan sawisual tam awm love. Tleirawl han tih hian Adolescent kan tih  a  literally  word takin ‘ Milaklawh’  puitling, tlangval pangngai emaw  nula tawh taka kan khawtlang pawhin kan lo chhiar chiah loh kum 13-19 inkar te hi an ni tlangpui a, mahse tunlai  Khawvelah chuan mi kan  hrisel a, kan pumruate a lo \han chak avangin kum 11 a\ang  pawh TLEIRAWL TE  in an nihna ang an rawn phawk chhuak \an nghal \hin. Pathianin mihring a dinchhuah dan hi a nihphung ve reng a lang mahse mihringte chen hona a inhriatthiam tawna tlakchhamna avanga kan hnualsuat leh ngaimawh  loh zingah heng mi laklawh ‘Tleirawlte’ hi an tel ve  tlat ti ila kan sawi sual tam awm love. Mahse vawiin ni a Puitling zawng zawngte  hi hetiang  dinhmunah hian kan lo ding \heuh tawh si hi a ni kan Generation inthlak avangin kan lo hmuthiam lo zawk \hin a lo ni.

Hengte avang hian kan khawtlangah ngei pawh milaklawh ‘Tleirawlte’ hi kan hriat chian a kan dah pawimawh viau an ngaia kan humhalh \hat a an nungphung  kan zir ve keuh keuh a ngai niin a lang, chungte chu , a tlangpui han sawi dawn ila.

Mipa nihphung :- Pumrua a lo lian sawt a, thahrui ngah riauva inhriat a awl a, tha a za a, kal mai mai pawh a har a, kawng kal paha lung a thil han vawm hram emaw, eng emaw han  paih deuh \huai an sam duh viau. Midang nena  inkawm ho nuam an ti hle a, chuti chung chuan an mahni  taksa a danglamna lo thleng erawh mahni chauha buaipui keuh keuh a awl duh viau.Til pawr aw an tih hun lo inher chhuakin aw a lo thum \an deuh  chhara. Hmai a mawm deuh zuih a, arngeng an lo ngah tlangpui \hin. Hmui  leh khabe te a lo hmul \an a, hengte avang hian  tleirawl  tam tak chu an rilru a hnual phah a mahni an insit duh hle, mahse mipa  nihphung puitlinna kawng insiam mekin a ken tel a ni tih  hriat a \ha.

An nungchang :- A hmase berah chuan ( Opposite Sex  attraction) khingpuite hipna, mipate chu hmeichhe lamin min hip deuh tlat a, an mit la tura maksak deuh taka chet a awl duh viau. Rilru  chhungril  takah  hmeichhe  lam ngaihvenna a lo awm a, chutiang nih erawh zah \ut  a awl zek thung. Zak tak chungin \ha tih zawng  an lo melh  ru leh zeuh \hin. |hian an thlahlel em em a, an rilru  in suangtuahna eng eng emaw an nei neuh neuh a, a changa mahni chauha awm nuam an tiin midang han nin chang an nei leh si \hin. Hetih lai hian mahni chauha awma Day Dream neih veng veng an  ching duh viau a, tam tak te phei  chu zan lama an ngaihtuahna zam thui lutuk avangin an muthei lo ve bawk \hin a ni.

Nunphung nghet la insiam famkim lo an nih avangin entawn tur an  mi ngaihsan zawng  tak  an Score  tur an zawng  ru ruai \hin a, PA deuh leh  mithil ngam takte pawh an ngaihsan viau chang a tam a, hun kal tawh lamah  phei chuan khawtlang a Zu-in  mi deuh -te ngaihsan tlat chang  pawh a tam  viau . ‘Ngaihsan  tlaka kan awm erawh  a \ul viau a ni’   An nunah engemaw ti taka sawifiah thiam si lo hian ruak deuh huai niin an inngai fo a, ngaih em em awm si  lo hian an lung a leng em em a, a chang leh an hmeichhe biak \hat ngam  chiah loh kha an han ngai a, ‘  Love  Song’   han sak hlut te hi an ching viau, mi tih dan zir leh fiamthu an lawm em  em a, nuihpui theih tur an rilru zawlpui ang mi chu an hmaih lo.

Hmeichhe Nihphung :- Biang a lo tai tuk a, taksa kha han en mai pawh a hmeichhe naupang ang ngawt a ni lo tih hriat takin a lo insiam  danglama, dar leh kawng bawr vel chu  a nih dan tur ang takin  Pathian hian  a lo duang a lo ni.  Chutih  hunah chuan hmeichhe naupang kawrfual mawi kha, a nalh ta lo emaw tih mai turin an nuih a ti za zawk a, hak  enah pawh an en meuh tawh lo. An taksa rawn insiam danglam avang  chuan han inbel chiah  an  ngai lo ve hrim hrim a ni. Vun a lo chhaha, hmai leh taksa vel chu a lo mam deuh  han tawh a, heng hun lai hi \henkhat chuan   ‘ Hmeichhe  mawi hun lai ber’  an lo ti hial \hin reng a ni. A bik takin  hmeichhe taksa nihphung lo danglam ta hi  mipa te aiin an nasa zawk a, an  mahni nungchang pawh nasa takin a kuai her a ni tih  thurawn kan  pek  tam a \angkai khawp mai.

An nungchang :- A hmasa berah chuan Hla thupui a ‘ Darthlalang’ an sa ta  ang mai khan, hmel\hat  ber vang pawh ni  chuang lovin an darthlalang chuan hipna  a nei ta emaw tih mai  turin an lo din chilh  leh veng veng mai \hin. Chutih rual chuan an  duhthusam an hmel pu ta lova inngai  an tam viau lawi a, an hmaiah ringawt  pawh sawisel tur an hmu hnem  viau \hin a  ni.

A bik takin hmeichhe lamah chuan , thil ho te te in nuih a ti za  a, ho te te bawkin mood a ti off  hlur thei a, heng te avang hian nimin a an lawm viau kha vawiin ah chuan an ngei leh em em  thung si \hin a ni. Mipa te ang bawkin  khingpuite ngaihvenna ( mipate) a awm nasa hle a, mahni  hmeichhiatpuite bula awm  ngawr ngawr ai chuan mipa bula awm nuam a ti \hin , mipa te ang  bawkin rilru  kawm melh melh  an ching  ve bawk a, an ngaihsan zawng an pe na hle e ti lo chuan an mi ngei a na duh hle  thung.

Mipa te nena an inan lohna lian tak leh Mizo Hmeichhe puitling tam tak  thleng pawh a an nuna bet tlat awm \hin chu, duh reng duh lo anga an lang ta \hin  hi a ni a, tleirawl an nih lai  hian a nasa zual em em  \hin, thil (matter) lam  ni lovin an mipa  ngaihven lamah a ni deuh ber, an star  ruk em em chu School -ah emaw puipun naah chuan huat  hmel  takin  inthup nan an nungchang an thup hlauh thung \hin a ni.

Heng lo pawh hi tleirawlte nunphungah  hian sawitur tam tak a la awm thei a, mahse an nihna anga  han tarlan vek a remchan loh avangin Tleirawl mipaah leh Hmeichhia ah hian nunphung inang tam tak a awm thei a, a tlangpuiin a tu ve ve pawh hi an khua a har a, ngaihtuahna an seng nasa a, hei vangte pawh hi a ni ang an chesual duh bik riau \hin, mi zinga an awmin mi zawng zawng hian an thlir \hup emaw an tih chang a tam hle, an lai deuh \ut \hin reng a, ngaihpawimawh an phut hle a, naupang anga han chhawnchhaih  erawh an ngai thei lo  in an duh lo hle.

Heng  kan  han sawi tak te a\ang khian tleirawlte hi kan dah pawimawh a, nun nghet  leh kaihhruai an ngaihna  tur tam tak a awm  awm e, tin tam takin kan hriat tawh sa te pawh a lo ni ang a, kan vawn \hat a kan ngaihpawimawh an ngai hle a, eng nge an nungchang tih zir  chunga kan tleirawlte hi kan enkawl  an ngai a, keimahni duh dan vek  a enkawl mai lovin  Pathianin a siam ang ngei a duhthlanna fim leh dik te kan neihtir theih a pawimawh viau awm e, an mahni ring tawk taka a chinchhuakte a kan inkaihhruai a pawimawh hle.

“ Tleirawlin engtin nge  a awm dan a tihthianghlim ang ? ... I thu  ang zela a awm dan  veng tha in.” Sam   119 : 9

NAUPANG PUAL: INREMNA

Khaw pakhata sikul naupang te chu an inngeih lo hle mai a, naupang ho chu pawl pawla insiamin an in haw tawn \ham mai a, pawl nei ve lo phei chuan kawm tur pawh an nei lo. Chutiang dinhmuna an din avang chuan an sikul boruak chu a chhe em em a, sikul naupang te chuan inhauh an chingin an in rel peih em em a. Chu chu an  zirtirtupa in  a hriat  chuan tihdan tur a ngaihtuah ta a. Tuk khat chu an zirtirtupa chuan an sikul naupang ho chu a ko khawm ta a. An zavai chuan anmahni inah \heuh haw turin leh Polythene bag chhunga Alu rawn keng \heuh turin a hrilh a, alu chu an sikula an huatzawng te \heuh hming vuah sakin an mi huatzawng zat chiah ken tur a ni.

Chawhnuah chuan sikul naupang ho chu an zirtirtupain a hrilh ang chuan an sikula an huatzawng \heuhte hming ziahna Alu chu Polythene-in an rawn khai far mai a. A \henin Alu pathum te an ken laiin huat leh ngei ngah deuh chuan Alu pum sarih te polythene chuan an rawn khai bawk a. An lo thlen kim hnu chuan an  zirtirtupa  chuan  ko  khawm  lehin naupang ho chu anmahni polythene \heuh kar khat chhung khai turin a hrilh ta a.

Naupang ho chuan alu chu nitin an khai ta far mai. Khua alum em avangin ni thum hnuah chuan Alu chu a lo tawih tan a, a rim a chhiat em avang leh Alu pum sarih chuang  khai  tan  phei  chuan  a  rih  em avangin an zirtirtupa hnenah chuan an sawisel luai luai mai a. Kar khat a ral hnu chuan an thaw huai mai a ni. Chumi hnuah

chuan an zirtirtupa chu a lo dingchhuak a, chu a thiltih tir chu naupangte hnenah tihian a sawifiah ta a.

Alu tawih rimchhe tak in ken kuala hrehawm intih ang chiah khan midang in huata,  midang  in  ngei  chuan  in  tan  a hrehawm  mai  dawn  a  ni.  Chutianga midang huatna rilru in nei tlat chuan chu huatna rimchhe tak chuan a bawm reng dawn che u a, midangin tuar lovin nangmahniin in tuar ngat ngat mai dawn a ni,tiin chhiartu duh tak midang ngeina leh huatna, ei lohna te i neih chuan paih bo daih la, i nun a hlim ang a, rilru leh tih tak zetin Pathian i hmangaih thei dawn bawk zuk nia.

MUSIC  ADMISSION

Synod Music School-ah Keyboard, Violin, Vocal  (Zai zirna) July - December,  2017 chhunga zir duhte tan seat dil theih a ni a. Dil duhte chuan a hnuaia tarlante hi  hriat ni  se  :

1) Worship Department, Synod Office a\angin Dilna Form  la chhuakin June 27, 2017 ral hma ngeiin Synod Office-ah  thehluh tur a ni. June  28,  2017-ah  seat chang  turte  hming tar chhuah a ni ang a, zir  tura  thlan te  chuan  June  28  &  29,  2017 chhungin  Admission tih fel  tur a ni ang.

2) July 9, 2017 a\anga class \an tur a ni ang.

3) Dilnaah mahni awmna Kohhran  lehkha thil tel tur a ni.

4) Hriat tur \ul dang chu dilna  Form-ah tarlan a ni.

Sd/-

(REV.B.SANGTHANGA)

Executive  Secretary  i/c  Worship

CHATUAN RAM LAMAH

Pu Lalmuankima (48) s/o Pi Liannguri (Ch.Sec) chuan ni 5.6.2017 (Thawh\anni) tlai khan chatuan ram min lo pansan ta a. Mipui Aw Editorial Board te chuan  a kalsan tak a chhung leh khat zawng zawngte kan tawrhpuiin, engkimtithei Pathian chuan awmpuiin, vengin thlamuan zel rawh se tih hi kan \awng\aina a ni e.   

GAS MAN BITHLIAH THAR  

FCS & CA chuan thuchhuah siamin, June 1, 2017-a Indian Oil Corporation (IOC)-in eirawngbawlna gas man a bithliah thar angin, Mizoramah pawh gas man bithliah thar a nih thu a tarlang. Gas man tharah chuan, Vairengte tih loh khaw dang zawnga gas distributor-ah domestic gas bur khat man `695 a ni a, chuta\anga subsidy tur chu `222.34  a ni.  Gas chu home delivery-a hralh a nih chuan rate bituk bakah `7.53 belh tur a ni a, showroom-a hralh a nih chuan rate bituk a\angin `18 paih tur a ni thung.

RANGVA INCHUNG FORMULA

In kan sakin a chungah rangva bandh engzat nge ngai ang tih kan hisap \hin a, hetiangah hian rangva bandh hman zat tur formula chu l x b bandhs a ni ang.

l = kan in sak dung lam (ft a tehin)

b = kan in sak vang lam (ft a tehin)

Tichuan kan in sak dung lam leh vang lam kan puntir ang a, chuta chhuak chu 100 in kan sem leh ang a, rangva bandh zat a chhuak ang. Kan in sak chu a dung ft 30, a vang ft 20 a nih chuan rangva band 30x20/100, bandh 6 kan hmang dawn tihna a ni.

NB: Rangva bandh khat hi a sei lam zawm khawm a Ft 72 anga ngaih a ni. Ft 6 chinah bandh khatah phek 12, ft 7 chi ah phek 10, ft 8 chiah phek 9, ft 9 chi ah phek 8, ft 10 chiah phek 7 a awm deuh ber a ni.

HRIATTIRNA

Nepali Kristian Hla bu (Devangiri leh Roman Script) chu peih a ni tawh a, a duh tan copy1 `50/- zelin Masihi Sangati Kendra, Bawngkawn-ah leh Synod Mission Board Office, Aizawl ah lei theih a ni e.

KOHHRAN MIPUI TE HRIATTIRNA

     Vawiin chawhma inkhawmah hian Tual Upa pathum thlan tur a ni a, inkhawm zawng zawng ten Pen ken vek tur a ni e. Kohhran mipui te kan inhriattir nawn leh a ni e. 

LAWMTHU SAWINA

Kan fapa Lalmuankima,n ni 5.6.2017 (Thawh\anni) a min boralsan chungchangah vengchhung mipuite kan chunga in \hatna zawng zawngah khan lawmthu kan sawi a. A damloh tirh a\anga min khawngaiha min \anpuitu leh min \awng\aipui \hintu zawng zawng te chungah kan lawm em em a . A boralni a damdawiin lama min bawihsawm tute zawng zawng chungah leh In lama tih tur \ul awm apiangte kan tih ve ngai miah lova min tihsak a min \anpuitu vengchhung nula leh tlangval, nu leh pa zawng zawng te chungah lawmthu kan sawi tak meuh meuh a ni. Kan chunga in \hatna zawng zawngte keini chhungkua chuan engtikah mah kan rul seng dawn lo che u a, Lalpa’n a let tam takin malsawmnain rul che u rawh se ti hi kan \awng\aina a ni e.

In khawngaihna dawngtu

Liannguri leh a fate

Chawngbawla Section

NI 5.6.2017 (THAWH|ANNI) - 10.6.2017(INRINNI) MIZORAM MORNING REPORT

1) Police Report: 

Tang zawng zawng- Mipa: 119

                              -Hmeichhia: 4

2) Traffic Report (Aizawl): 

Traffic rules bawhchhia man zat:

a) Two Wheeler : 120

b) LMV : 59

c) Taxi : 28

d) HMV : 16

Sum tlingkhawm : `55,950/-

3) Hospital Report:

a) Emergency Case : 670

b) Naupiang zat : 125

c) Mitthi : 12

4) Power Report:

a) Hman tam lai berin : 370.1 MW

b) Hman tlem lai berin : 175.8 MW

, 

Pi K. Lalthanpari w/o Pu F. Sanghlira (Ch.Sec) chu damlohna avanga Synod Hospital, Durtlangah enkawl a nih hnuin a lo chhuak

,   Pu Dawngkima h/o Pi Lalmuankimi (V.Sec) chu damlohna avanga Grace Hospital ah enkawl a nih hnuin a lo chhuak.

,   Pu Zairemmawia h/o Pi Lalthangliani (T.Sec) Synod Hospital, Durtlangah a\angin New Life Hospital, Chanmari ah sawn a ni.

,   Nl. Lalhmingmawii Hauhnar d/o Sailothangi Sailo (V.Sec) chuan Synod Hospital, Durtlangah Nurse hna a hmu thar.

TBZ NEIHTHIL THEHKHAWM

A hun : Ni 12.6.2017

(Thawh\anni zan) dar 7:00 

A hmun  : Pu Khawlhmingliana In

Hruaitu  : Pi Lalchharliani

|antu  : Pi Biakthangi

SAIKHAMAKAWN FOOTBALL CLUB DING VE TA

Ni 1.6.2017 (Ningani) khan Saikhamakawn Football Club chu mi \hahnemngaite azarah a lo ding ve ta a. Hemi zan hian Model Veng FC chu leiin, Third Division a\anga bul \an turin hma an la chho ve \an mek a ni. 

Ni 3.6.2017 (Inrinni Zan) hruaitu tur in ruat nghal a ni a, heng mite hi hruaitu atana ruat an ni:

President: Pu Zonunmawia

V.President: Pu C. Lalhmangaiha

Secretary: Pu Tommy Zirnuntluanga

Asst.Secy: Tv.C.Zothansanga

Treasurer: Pi Lalzawmliani

Fin.Secy: Tv. David Vanlalruata

Heng bakah hian Adviser mi panga (5) leh Board Member mi 18 ruat nghal an ni.

52.5% DISCOUNT/SUBSIDY IN ORGANIC FARMING

Pawl angin emaw khawtlang ang emaw a subsidy a organic lei\ha, rannung tih remna, pangpar par \hatna, thlai tam hri venna, ran/sangha vitamin \ha 52.5%  subsidy/discount a order theih a ni e.  Order duh chuan hming, phone number, khaw hming inbox tur a ni e.

Steve L. Pudaite, 

Team Leader, NETSURF

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350 

  

Mipui Aw 4.6.2017

MIPUI AW

KARTIN CHHUAK

Vol. XXIII Issue No. 23 Kristian Thalai  Pawl  Saikhamakawn Branch  Pathianni Dt.4.6.2017

KOHHRAN PROGRAMME:

Ni 4.6.2017 (Pathianni)

Chawhma Inkhawm

Pentikos Ni

Thupui : “Thlarau Thianghlim nei rawh u”

Sawitu : Upa Lallawmchhunga

Chawhnu Inkhawm

Thupui : “Thlarau chu ti lungngai suh u”

Sawitu : Pu Khawlhmingliana

Zan Inkhawm 

Thupui : “Thlarau Thianghlim nunna pe tu”

Sawitu : Upa Lalzama

K|P INKHAWM PROGRAMME

Ni 5.6.2017 (Thawh\anni Zan)

Short Sermon leh |awng\airual 

Hruaitu : Tv. Lalrinnunga

|antu : Nl. Vanlaltlani

Bible Chhiar 

kaihruaitu : Tv. H.Lalmuanpuia

Chhiar tur : (Thuhriltu 7:1-15) 

Short Sermon   Nl. CVL Biakzuali leh

sawitu turte :  Nl. Lal\anpuii

Thawhlawm          Nl.Lalremtluangi leh

lakhawmtu turte:   Nl.Abigail Lawmsangzuali

Zai hruaitute   : Tv. Ricky Lalrinkima                            

                leh Tv. Lalzirliana

Keyboardist : Tv. Vanlaltluanga

KOHHRAN HMEICHHE

 INKHAWM PROGRAMME

Ni 6.6.2017 (Thawhlehni Zan)

Ramthim Zin

A hmun : Senior Hall

Hruaitu : Pi Pi Sanghluni     

|antu : Pi Ainawnpar

KOHHRAN PAVALAI PAWL

 INKHAWM PROGRAMME

Ni 8.6.2017 (Ningani Zan)

|awng\airual leh Sharing

Hruaitu : Pu Zakhuma        

|antu : Pu Biakthansanga

Khuangpu : Pu H. Remtluanga leh

 Pu Denis Rohmingliana

Thawhlawm lakhawmtu: Pu Kamzawngliana

               THLARAU THIANGHLIM

                     -Pu Lalduhkima

                                                                                 Treasurer, Branch KTP

“Nimahsela thu dik tak ka hrilh a che u; ka kal in tan a tha e; ka kal loh chuan Thlamuantu chu in hnenah a lo kal dawn si lo; ka kal erawh chuan in hnenah ka rawn tir ang.  A ni chu a lo thlen chuan sual thu-ah te, fel thu-ah te,rorel thu-ah te khawvel an thiam loh a hriattir ang, kei mi rin loh avang hian. Pa hnenah ka kal dawn a, nangnin min hmuh leh dawn tawh loh avang hian; rorel thu-ah te thiam loh an chang ang, he khawvel lal hi thiam loh changa a tluk tawh avang hian.” (Johan:7-11)

Lal Isuan a zirtirte hnena a thu tiam leh a hrilh chu Thlarau Thianghlim a rawn tirh tur thu hi a ni. Chu Thlarau Thianghlim chu zirtirte chuan Isua vana hruai chhoha a awm hnuah beisi takin an nghak a. Chu Thlarau Thianghlim chu Zirtirte chuan engtin nge a lo thlen dawn an hre reng reng lo va, nghak hlel takin an thlir ve tawp mai a ni. Beisei taka thlir a nghaktute hnenah Thlarau Thianghlim chua a lo thleng thin. Thlarau Thianghlim lo thleng chu zirtirte chuan an tangkaipui hle a, an nun her danglam sakin kawng tinrengah an nun kaihruai tu a lo ni ta a ni. 

Chu Thlarau Thianghlim chuan zirtirte chu a ti huaisen a, a thlamuan a, a ti chak a, Isua a hriatchian tir leh zual bawk a ni. Tin, thil \ha leh \ha lo lakah an nun a veng a, sual do turin an tha a tih chak mai bakah sual a hriat fiah tirin sual huatna kawngah nasa takin an thinlungah hna nasa takin a thawk bawk. Chutiang a zirtirte thinlunga hna thawk tu ngei chu Lal Isuan a zirtirte hnena a tiam Thlamuantu Thlarau Thianghlim ngei chu a ni. Mi dawih tak \hin kha an lo huaisen a, Isua phat \hintu khan Isua a lo \an ta a. Thih an hlauh loh vang ni lovin thih hlauhawmah pawh Thlamuanna an lo nei ta. Manganna karah thlir tur dik tak an lo thlir thiam ta a, tlachhama an awmin Lal Isua an mamawh zia an lo in hre thar leh \hin.

Tin, Thlarau Thianghlim chuan fel in-ti -te, \ha in-ti te thiamloh a chantir a, chapo leh intivei te a hnuk hniam thin. Lal Isua ngei thiamloh chantir a, hnawl a, thiamlohva tluk tirtu te ngei kha Thlarau Thianghlim chuan thiam loh a chantir ve ta a ni. Keini hi eng tin  nge Thlarau Thianghlim chuan min tih ve ni ta ang le? Fel thu-ah emaw, sual thu-ah emaw, rorel thu-ah emaw thiam loh min chantir ve mai ang em le? Thlarau thianghlimin thiam loh a chantir te nun chu engtiang taka rapthlak ni ang maw. Tun hunah hian Thlarau thianghlim hnartu, Thlarau thianghlim sawi chhetu i lo ni hlauh ang e. Thlarau Thianghlim Inpuanna hmanruate hi an tlawm em em a, mi te ngaiha mi hnuai hnung zawkte an nih avang hian Thlarau Thianghlim ‘Aw’ i hai ang tih a hlauhawm hle a ni. 

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial.....

Vawiini Kristian te tan a ni pawimawh tak mai Pentikos ni thleng thei a kan nunna min zuahsaktu Lalpa hnenah lawmthu i sawi mawlh mawlh ang u. Kan ramah bik chuan he ni hi kan ni pawimawh tak leh kan serh em em a ni a, Lal Isua Van a a lawn hnu a a mite tan a thlarau thianghlim  lo thlenna ni champhaphak kan hmanna kal zel niin kan thinlungah pawh nidang anglo takin kan ngai ropui hle a, kum eng emawzat liamta a ringtuten an lo kalpui kan chhawm chhoh zel a ni bawk nen vawiin Pentikos ni hi chhungtin ten hlimtak a hmang turin duhsakna sang ber kan hlan mawlh mawlh a che u.

He hun kan thlen hian dan panngai ang mai a kan hman liam alo tam tawh hle ani mahna, mahse tun a\ang in han in ngaihtuah chiangte ang, Pentikos ni ka hman theihna hi keima chakna nge Lalpa min hruaina vang, Lalpan damna min pek vang a he hun hmang thei ka ni kan ti vek awm e, chuvang in he hun min hruai thlengtu Lalpa chu thinlung takin kan nunah lo lal sela, vawiinni a\ang hi chuan keima tan ka nung lo a thlarauthianghlim min petu Lalpa tan ka nung tawh zawk dawn a ni tiin kan thinlung a lamah hawn ila, Vanah ro chhe theilo Lalpan min khawlsak zawk a ni tih hre reng chungin he ni hi kan hmanliam ava hun tawh tak em, dan ang a kan hmanliam leh mai zawng in a hlutna tur ang tak in he ni hi  kan nunah a lo hlu lo pal ang a, kan hmanliamna ni kan ngaih vawng vawng a lo thlen hma hian vawiin PENTIKOS ni hi hmang turin duhsakna kan hlan a che u.

|HALAITE LEH ZIRNA: COMMERCE HI ENGE A NIH?  

-Nl.F.Lalrintluangi

Branch Committee Member

Tunlai khawvel changkang tawh takah hian zirna \ha um in kan tlan suau suau tawh a. Eizawnna min pe thei tu tur ni a kan rinna lamah kan kal darh ta sung sung mai. HSLC/pawl 10 kan han pass chhuak a, eng kawng nge ka zawh ang tiin kan inzawt fo \hin. Tun \umah hian subject stream dang dah  \ha in  Commerce subject hi enge a nih a, a kal zau theih dan kawng tarlan kan tum dawn a ni.

A hmasa berah chuan engvangin nge Commerce i thlan ang? A tam zawk chuan Commerce kan tih hian eng hna nge a pek theih kan hre tam lo viau mai thei. Mi thil chik mi, number leh finance (sum leh pai) kaihhnawih a tui mi te kalna tur kawng a ni. Commerce la tur hian common sense (pianpui BA finna) kan tih mai ang nei mi nih a pawimawh hle.

A dawt lehah chuan Commerce subject lak hian eng career (kal zau theihna) nge awm thei han tarlang leh ta ila:

1) Company Secretary (CS)

2) Cost and Management Accountant (CMA)

3) Chartered Accountancy (CA)

4) Chartered and Financial Analyst (CFA)

5) Banking

6) Finance

7) Master of Business Administration (MBA)

Company Secretary: Company Secretary chu corporate laws, securities laws & Capital market (company share zawrhna) leh corporate governance (sumdawnna dan leh dun) a mi thiam bik (expert) an ni. Company hotu lu (Board of Directors) thurawn petu te an ni a. A subject zir tur a te chu:

a) English and Business Communications

b) Economics and Statistics

c) Financial Accounting

d) Elements of Business laws and Management

Heng ho hi Foundation subject tih ani a. Company Secretary ni tur chuan stage thum paltlang a ngai a, chungte chu:

a) Foundation   b) Executive    c) Professional stage te an ni

Zir thei chin: Pawl 12 pass chin leh a tlukpui

Zir hun chhung: Exam hun leh admission tih hun paihin thla 8 chhung zir a ni a, admission tih a\anga kum thum chhung in zirlai in foundation exam hi a pass ngei tur a ni. Chutiang zelin Executive leh Professional stage ah subject hrang hrang zirin a pass chho zel tur a ni.

  Company share capital Cheng Vaibelchhe nga chin chuan Company Secretary hi an nei ngei ngei tur a ni a, hna sang tak leh hlawh \ha tak a ni a, Mizo te helam pan hi kan tam lo hle mai.

Cost and Management Accountant (CMA): Company a hotu lu te kalphung a dik em tih an sum leh pai kalpui dan atanga thurawn pe tu te an ni.

Zir thei chin: Pawl 12 leh a tlukpui

Zir hun chhung: Kum 6

Cost and Management Accountant ni tur hian stage thum paltlang a ngai a. Chungte chu:

a) Foundation   b) Executive     c) Final

CMA kan nih chuan mahni in bul a tan theih a, chutih rual chuan Company ah Manager te, auditor ang te in a luh theih bawk a ni.

Chartered Accountancy (CA): CA kan tih hian a laimu ber chu Accounting, Auditing leh Taxation area ah a ni a, mi thiam bik (expert) an ni.

Zir thei chin: Pawl 12 leh a tlukpui

Stage paltlang ngai hi pali a awm a, chungte chu:

a) Common Proficiency Test (CPT)

b) Integrated Professional Competency Course (IPCC)

c) Articleship + ITT

d) Final

CPT zir chhung hi thla hnih a ni a, paper zawng zawng ah za a sawmnga (50%) pass turin hmuh tlin a ngai a ni. IPCC stage paltlang hnuah final stage hi kum 3 chhung in a pass tur a ni. CA  bik ah hian mi thiam bik (expert) an nih avangin a zir a hautak hle a, amaherawhchu stage li hi paltlang chuan hna hmuh loh a awm lo. Mizo ah phei chuan a stage zawng zawng paltlang hi pakhat chauh kan la nei nghe nghe a ni.

 Chartered and Financial Analyst (CFA): CFA kan tih chuan CFA Institute in a zirna a pek a ni a. Zirlai he programme zir chhuak te chu, CFA Charter niin CFA Chart holder an ni a, CFA degree neih chuan Consultant te, Auditor/ Accountant te, Private banker leh a dang tam tak hna chelh theihna a ni. CFA hi chi hnih awmin Indian leh US in an thliar hrang leh thin.

Banking: Bank chi hrang hrangte han tarlang ila:

a) Commercial banks

b) Co-operative banks

c) Special Banks

d) Central Bank (RBI)

Bank zawm theihna hna te:

a) Clerk   b) Grade I officer  c) Grade II officer   d) Manager

Banking sector a exam theih te: 

a) IBPS   b) PO

 Master of Business Administration (MBA): MBA zir tura entrance exam chi hrang hrang te chu:

a) AIMA-MAT  b) CAT  c) XAT  d) MAT   

e) GMAT   f) IIFT   g) NMAT   h) SNAP

Engvangin nge MBA degree a pawimawh?

Company a Senior Executive leh Senior Management dinhmun chelh tur chuan MBA degree hi neih ngei ngei tur a ni a, tin, MBA degree neih chuan hna tam zawk awlsam takin kawng a inhawng a ni. India rama MBA zirna hmun tha zual te han tarlang ila:

1) Indian Institute of Management (IIM)

2) Indian Institute for Foreign Trade (IIFT)

3) International Management Institute (IMI)

4) Xavier Institute of Management

5) Banaras Hindu University

6) Symbiosis International Unversity

Hemi bakah hian Teaching Line (Zirtirtu) lamah a kal theih bawk a. College leh a chunglama kan thawk duh anih chuan Master Degree zir laiin National Eligibilty Test (NET) paltlang a ngai a ni. 

A chunga kan sawi tak ho te hi Commerce subject atanga kal darh theihna kawng hrang hrang a ni a, heng lo pawh hi tam tak ala awm a ni. Heng kan sawi zawng zawng te hi thawhrimna tello chuan awmzia a awm lo va, eng subject pawh la in eng line ah pawh kal ila, tihtak zeta kan beih loh chuan hlawhtlinna a awm thei lo va. Ka  \halaipuite leh naupang zawk la rawn zir zel tur te Pathian rinchhana zirna lama hmasawn deuh deuh tur leh hlawhtlinna hmu ngei turin i \ang sauh sauh ang u. 

DARTHLALANG... IN EN RAWH LE! 

Indopui II-na \an tirh khan vansang a\angin indo thlawhna hmangin nasa takin Warsaw, Poland khawpui chu beih a ni a. Hmun tin maiah cement keh them, darthlalang keh leh hnawmhnawk a let niai nuai mai a. Khawpui lun laiah chuan building tihchhiat ve hauh loh, luhlul hmel zet maia ding vah a awm thung a.

Chu building chu British and Foreign Bible Society, Polish Headquarters te building a ni. Chu building-ah chuan chhiar theihin he thu hi a inziak a : “Lei leh van a ral ang a, ka thu erawh chu a ral lo vang” (Matt. 24:35). He thu hi Isua sawi a ni a, zirtirtena  a  lo  kal leh  khawvel  tawp chhinchhiahna thil mak eng eng nge awm ang, tia hrilh tura an ngenna a chhanna a ni.

Isua chhanna hian kan vawiin nia harsatna kan tawhah pawh huaisenna min pe bawk a ni. Kan beisei leh duhte a keh chhiat fona khawvela kan din lai hian Pathian chhe ve thei lo, thuneitu leh a thutiamah ngaihngam takin kan awm thei. Sam ziaktu chuan, “Aw Lalpa, vanah te khian i thu chu a awm kumkhua ang' (Sam 119:89) tiin a sawi a. Mahse, a thu mai piah lamah a nunphung a la tel a. Sam ziaktu vek hian “I rinawmna chu chhuan zawng zawng thlengin a pangngai reng a” a ti hial a ni.

Mihringin harsatna a tawh hian thil pahnihin a hmachhawn thei : beidawnna emaw beiseina. Pathian chuan kan tun dinhmun ang ang pawhin min kalsan dawn

reng reng lo va, hei vang hian beiseina kan thlang thei. A thu chuai ngai lo leh tlawlh ngai lo leh hmangaihna tawp chin nei lovin min hmangaih reng tlat a ni.

THLALAITE SUANGTUAHNA KHAWVEL

FAKSELNA....

“Nangma kaa infak lovin mi dangin fak zawk che sela, nangma hmui ni lovin hmel hriat loh hmuiin” (Thufingte 27:2). 

Thufing-ah hian mahni infak aiin mi dangin min fak se tih a sawi chiang em em mai a, mahni infak hi chu midang tan pawh ngaihnawm a tling har em em mai \hin a ni. Khawvel mihringte hi kan inan tlanna pakhat nia ka hriat \hin chu Fakna anka hi kan lawm \heuh niin ka hre \hin a, mi dang fakna erawh hi chu sawi har kan ti viau niin a lang. I rawngbawlnaah a ni emaw, i hnathawhna hmunah a ni emaw, khawi hmun pawh ni se, eng pawh ti la, Fakna anka nge i dawn \hin a, Selna anka? Chutiang bawkin nang pawhin Fakna anka nge i chhak chhuah \hin a, Selna anka? Selna anka chuan thil tam tak a tichhe fo \hin a, kan nih tur/kan dinhmun tur ang min nihtir lo fo \hin bawk. Fakna anka erawh chuan thil tam tak a siam \ha \hin a, rethei ber pawh hausa ber nihna a pe \hin a, thil a tithei hle bawk a ni. Ni tina i hun hman \hinah khan mite fakna nge i dawn \hin a, mite sawiselna leh demna? Engpawhnise, mite’n kan bula awm nuam an tih theihna tur leh nelawm tak kan nih theihna chu fakna \awngkam ui lova hman \hin hi a ni. A tawp berah chuan Selna anka ai chuan Fakna anka a thlum zawk fo si a.    

NPSS ZIRTIRTUTE HRIATTIRNA

 Vawiin chawhma inkhawmah hian NPSS Primary- Sacrament Department te hla rem tur a ni a, \hutnate lo rem a ngaih dawn avangin Zirtirtu leh Naupangte  kal hma tur a ni e.

,Synod-in  chhawmdawlna  (Relief  Fund)  pe

Mizoram  Synod  in  May  2017  chhunga  chhawmdawlna  (relief  fund)  a  sem  dan  hetiang  a  ni:

1. Kangmei  tuar   - `16,000/-

2. Thlipui  tuar      - `2,30,000/-

3. Dam  lo            - `24,000/-

4. Lei  min  tuar    - `20,000/-

5. Rial  tla tuar      - `1,24,000/-

6. Accident          - `10,000/-

Total                    - `4,24,000/-

ELECTION  COMMISSION THUCHHUAH

Election Commission of India chuan \halaite a bikin kum 18 leh 21 inkarte tan Electoral Roll a an chuan vek theih nan 'Special Drive' buatsaihin beihpui a thlak dawn a. He programme kalpui dan tur hi June ni 1, 2017 khan District Election Officer/DC te chuan an District \heuhah an puangzar tawh a. He beihpui hi July ni 1, 2017 a\anga \an tur a ni a, July ni 31 thleng kalpui a ni ang.

He Beihpui hian a tum ber chu India khua leh tui dik tak kum 18 tling tawhte tumah hmaih lova Electoral Roll a thun hi a ni a. Kum 18 leh 21 inkar te chu he Beihpui-ah hian ngaihpawimawh bik tur an ni. Hei bakah hian Electoral Roll a\anga hming paih (deletion), hming detail inziak dik lo siam\hat (correction), constituency danga insawn (transfer) leh consitituency chhunga Polling Station danga insawn (transposition) a tih theih bawk ang.

Dilna form hrang hrangte hi veng/khaw tina Booth Level Officer (BLO) te hnen a\anga lakchhuah leh thehluh theih a ni ang a, mahni DC, SDO (C) leh BDP office ah te a ngaihven theih bawk ang. Online in nvsp.in ah application a tih theih bawk. Hriat chian duh leh hriat belh duh nei tan (0389) 19 50 (toll free) ah a zawhfiah theih bawk.

TUI BILL CHHUT DAN AWLSAM

1. Tui Litre 5,000 emaw a aia tlem consumed(hmangral) tan chhut buai vak ngai lovin ‘200.00 châwi a ni mai.

2. Tui Litre 5,000-10,000 inkar  consumed tan:”A=Amount in `

Q=tui lak zat in Kilo-litre.

Entirnan: Litre 8,000 i consume a; Q=8,000l=8Kl

Formula: A=(45Q-25)

Tichuan,  A= (45x8-25)= `335.00

3. Tui Litre 10,000-20,000 inkar consumed tan:

Formula: A = (75Q-325)

Entirnán: Tui Liter 15,000 i consumed a, Q =15kl

A=(75x15-325) =`800.00

4. Tui Litre 20,000-30,000 inkar tan:

Formula: A=(90Q-625)

Entirnan: Litre 22,300 i hmangral a;  Q = 22,300l=22.3Kl

Tichuan, A= (90x22.3-625) = 

`1382.00

5. Tui Litre 30,000 chunglam hmanral tan:

Formula: A = (105Q-1075)

Entirnan: 35,000L i lo hmangral ta a; Q= 35Kl

Tichuan, A= (105x35-1075) = 

`2600.00

ZAWNG|AH  DAMDAWI ATAN

1) Pan chhia/Pan dam thei lo: Kua \huah phawt a, chumi hnuah zawng\ah ziahna pil hnawih a \ha.

2) Thi ngah lutuk tihtlemna (hmeichhia): A kung pil leh a rah ei a, a rah leh a pil den sawm tui chu puma hnawih bawk a \ha.

3) Vawksa eisual: A mu ei a \ha. A rah mu a awm loh pawhin a chawr no pawh, a pil pawh ei a \ha tho.

4) Kaw\halo: A rah ziahfai lohva a pil chawpa ei mai a \ha. A zik no emaw, a kau bulbawk emaw chhut sawm tuisawr in pawh a \ha.

5) Santen: A rah ziahfai loh a pil chawpa ei mai a \ha. A zik no emaw, a kau bulbawk emaw chhut sawm tuisawr in pawh a \ha.

6) Kang: A ziahna pil phak hi nuai phuanin a na laiah chuan belin kang chuan a ngeih a, a ser nung lo bawk.

,   Noelle KC Lalrinsangi d/o Pu Zonunsiama Ralte (T.Sec) chu damlohna vanga Aizawl Hospital a enkawl a nih hnuin a lo chhuak. 

,   Immanuel Lalmuanzuala s/o Pu Robert Lalsiamliana (V.Sec) chu damlohna avanga Aizawl Hospital a enkawl a nih hnuin a lo chhuak.

,   Pi K. Lalfakzuali C/o K. Roliana (T.Sec) chu damlohna avanga Civil Hospital a enkawl a nih hnuin a lo chhuak.

,   Pu Lalliantluanga h/o Pi R. Lalthansangi (V.Sec) chu damlohna avanga Birla Hospital, Kolkata a enkawl a nih hnuin an lo haw.

, Pi K. Lalthanpari w/o Pu F. Sanghlira chu damlohna avangin Synod Hospital, Durtlangah enkawl mek a ni.

,   Pu Dawngkima h/o Pi Lalmuankimi (V.Sec) chu damlohna avangin Grace Hospital ah enkawl mek a ni.

,   Pu Zohmingthanga h/o Pi Lalchuani (T.Sec) chu damlohna avangin Aizawl Hospital ah enkawl mek a ni. 

VARANASI MISSION  INKHAWMPUI  VAWI 11 NA

A hmun: Mission Vengthlang Presbyterian Biak In

A hun : 9.11.2017

Thupui : “Ngai teh u, ram chu ka pe dawn a che u” Deut. 1:8

Speaker :Rev. Lalthankhuma

Executive Secretary, Varanasi Mission.

A duh apiang tel theih a ni e.

Rorel ni: 10.6.2017 (Inrinni) 11:00 am- 3:00 pm

Inkhawmpui a nih dawn avangin Varanasi tawngtai hun hetiangin tih danglam a ni.

A hmun: Pu Dawngkima In

A hun: 4.6.2017, Pathianni chawhnu inkhawm ban.

Hruaitu : Pi Zohmingthangi

Thu ngaihtuah tur pawimawh a awm avangin committee ten i ngaipawimawh ang u.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350