Mipui Aw 14.5.2017

MIPUI AW

KARTIN CHHUAK

Vol. XXIII Issue No. 20 Kristian Thalai  Pawl  Saikhamakawn Branch  Pathianni Dt.14.5.2017

VAWIIN CHANGVAWN

Zion khawpui kawngte chu a ngui ruai, kûtpui urhsûn kal awm loh vângin; A kulh kawngkâ zawng zawng a ram zo, a puithiamte an rûm a. A nulaten an tuar a, ani lahin nâ a ti êm êm . (|ah Hla 1:4)

KOHHRAN PROGRAMME:

Ni 14.5.2017 ( Pathianni)

Chawhma Inkhawm

|antu : Pi R.Lalzuali

Zirlai 17-na : “Hnamtin zinga mipui tam tak”

Chawhnu Inkhawm

Thuhriltu :  Upa Lalzama

Zan Inkhawm

Thuhriltu :  Pi Khawlvuani 

K|P INKHAWM PROGRAMME

Ni 15.5.2017 (Thawh\an Zan)

Sermon Inkhawm

Hruaitu : Nl.C.Zosangliani

|antu : Tv. K.Lalnunmawia

Bible Chhiar 

kaihruaitu : Nl. Vanhlupuii

Chhiar tur : (Sam 119:9-16) 

Thusawitu :  Pu Lalhmangaihzuala

Thawhlawm         Nl. Hmingthanpuii leh

 lakhawmtu turte :   Nl. Vanlaltlani

Zai hruaitute   : Tv. Abraham Lalnunthara leh Tv. Lalawmpuia 

Keyboardist : Pu Lalremruata

KOHHRAN HMEICHHE

 INKHAWM PROGRAMME

Ni 16.5.2017 (Thawhleh Zan)

Ramthim Zin

A hmun : Pu C.Lalsangliana In 

             (CP Road)

Hruaitu : Pi Laltlanzari

|antu        : Pi Hmangaihzuali

     

KOHHRAN PAVALAI PAWL

 INKHAWM PROGRAMME

Ni 18.5.2017 (Ninga Zan)

Sermon Inkhawm

Hruaitu : Pu R.Chalkhuma             

|antu : Pu Ramdinthara

Thusawitu : Pu T. Lalrinthanga

Khuangpu : Pu Biakthansanga leh

  Pu Lianchia

Thawhlawm lakhawmtu: Pu Robina

EDITORIAL  BOARD

Editor :                                     

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga          

Circulation Manager:

Tv. C. Lallawmawma                    8974509821

Nl. C.Zosangliani                          8731005507

Editorial...?

        Kum 2000 hmalam kha chuan HSLC leh HSSLC result chhuak ah vengchhung a\angin mi tlemte chauh an pass thin a. Fail an tam \hin tihna nilovin Appeared hrim hrim kha an tam lo \hin hle. Kum 4-5 liamta vel a\ang kha chuan kan naupang/\halai ten zirna lam uar chho in, HSLC leh HSSLC ah te pawh \ha tak tak in kan lang chho ve zel a. A lawmawm a, hetianga kan \an chhoh zel chuan a in kahpukchaw chho ve zel dawn tih a lang reng. |ha taka kan zirlai kan pass anih chuan kan Nau ten kan hnung zui hi an tum ve dawn chiang sa tih hi thudik awmsa ang tluk hial a ni.

Chutih rual  erawh chuan a sang lamah Post-Graduate chinah phei chuan result han chhuak se kan pass dur dur rih lemlo. Mi pahnih khat an awm ve leh pheuh pheuh \hin. HSSLC pass ho a\ang hian a zatve talin han Post Graduate ta zel se tih hi duhthusam a ni. Chutiang thei tur chuan khawlai nunphung, Society a kan awmdan leh rilru put hmang hi  a pawimawh khawp mai. A zirlai a ten puitling rilru put nghal hi thil theihloh tluk a ni. Chuvang chuan a pawimawh berah chuan Nu leh Pa te hi kan ni awm e. Kan Fa te rual pawl dan leh an rilru put hmang hi kan thlak danglam leh kan control theih lai hian theihtawp in \an i han la teh ang u.

BIBLE SOCIETY-AH THEIHTAWP I CHHUAH ZEL ANG U

Kan hriat \heuh angin Bible Society membership fee chu Central lam a\angin an rawn san a nih kha. Mi tam tak t^n chuan huphurh awm tak in a lang a, Life member lo ni tawh leh Patron member lo ni tawh tan phei chuan kan lo ni hman hi  kan  lawm viauin a rinawm. Mahse, Bible Society rawngbawlna hi Life/Patron member kan nih tawh avanga awl mai tur kan ni em tih kan ngaihtuah nawn a \ul awm e. Nih tawh leh thawh tawh a awm thei lova, thawh zawh pawh a awm thei lo a ni. Kan Missionary ten theih tawp chhuahin ringlo mite Isua Krista ringtu ni turin an bei a, chung ringlo mite chuan Bible an chhiar ve theihna tur leh, a duh apiang ten tl^wm zawk an lei theih nan Kohhranten In lum a\angin Bible chhut n^n leh thawn chhuah n^n theih tawp kan chhuah zel a ngai a ni. 

Pawl a lo din chuan Member kan awm \hin a, chung member te chuan pawlin tihtur a tih chu theihtawp chhuahin an thawk \hin. Chutiang bawkin Bible Society pawh lo dingin mi \hahnem ngai tak takte avangin tun thlengin chhum lo chat lovin, Bible chhut leh thawn chhuah lamah hma a sawn zel a. Mamawhtu an pung zel a, thil man a to chhoh zel bawk avangin Kohhran hote kan \an leh zual a ngai a ni. Isua ringlotuten Bible hi an chhu d^wn lova, a thawn chhuah hna te, a chhutna at^n sum leh pai an thawh dawn lo bawk, chu mi hna thawka theihtawp chhuah tur chu Kohhrante kan ni.  Life member ni tawhte phei chuan he hna thawk tur hian dam chhungin ka inpe kan tihna a ni a, chutiang bawkin Patron Member-te phei chuan a aia nasa zawkin kan thawk tur tihna a ni. Tin, Member  la ni ve lote pawhin membership fee a lo sang deuh a nih pawhin hotu lam ten Bible Society a rawng kan bawl ve theihna tur ruahmanna an lo siam ve zel a, kan tih theih tawkah tlem lua a awm lova, tam lua a awm hek lo. a hnuaiah hian Bible Society-ah rawng kan bawl theih nana ruahmanna an diam rawn tarlan a ni a, a enge maw berah hian \an lo la ve turin Kohhran leh Khawtlang mipuite kan in ngen a ni e.

Membership nih theih dan hrang hrangte:-

1.Gospel-A- Day-GAD(Re1/- ni tinin kum khat atan)

   “Nitin a chhandamna thu chu hriattir rawh u” Sam 97:2b

  *GAD-in a tum chu nitin Chanchin |ha puandarhna kawnga hma lakna a ni ber.

  * Mi pakhatin nitin Re 1/- aia tlem lo khawlbawmah a dah ang a, chu chu kum khat a lo tlinin      emaw Collector-ten hun bi neia khawn khawmin emaw Collector kutah a lut ta \hin a ni.

  * Kum khata ni 365/366 ang zat chiah pawisa a ni tur tihna a ni hran lova, a tlem berah erawh    chuan Rs 365/366/- a nih erawh a ngai thung. Hei baka a chuanna zawng zawng chu \hahnem       ngaihnaa ngaih tur a ni ang.

  * Miin Rs 365 \um khata a pek tlak duh chuan a remchang e. Duhthusamah erawh chuan ‘nitin’     a nih ang tak hian nitina Pathian tana khawl  khawm hi a ni.

  * GAD hian Certificate a keng (kum 1 atan zel)

2. Bible-A- Month-BAM (Thla tin Rs 200/- kum khat atan zel)

   * Thla tin Bible pakhat buatsaihna atana thawh theihna kawng a ni.

    * Thla tin Rs 200/- zel Collector hnenah  pek \hin tur a ni ang a. Kum khat atan chuan Rs 2400/- tihna          a ni. 

    * Miin \um khat atan Rs 2400/- hi a pek tlak nghal duh chuan a remchang  tho.

    * BAM hian Certificate kum khat atan zel a keng tel a ni.

3. Junior member (Rs 500/- kum khat a tan zel)

    * Naupang Sunday School kai rualte tan he Junior member hi buatsaih a ni.

    * Collector ten  ruahmanna an siam theih chuan Installment pawha pek theih a ni.

    * He member certificate hi mihring tana buatsaih a ni.

    * Tunah rih chuan he membership hian Certificate a keng tel lo.

4. Bible Missionary (Rs 1,000/- Kum khat atan zel)

    * Bible Missionary hi ruahmanna tharte zinga mi a ni.

    * Bible Missionary nihna hi Rs 1,000/- pein kum khat zel atan Bible 5 thawn chhuak tura ruahman a ni. 

* He membership hi mihring chauh ni lo, thil dang (nung leh nung lo) te tan pawha hman theih tura           ruahman a ni.

 * Hei hian Kum khat zel atan Certificate a keng ang.

5. Annual Member (Rs 1,000  Kum Khat atan zel)

    * Hei hi tupawh puitling chin tan ruahman a ni.

*Collector te remchan dan ang zelin Installment pawha pek theih a ni.

  * Tunah rih chuan Certificate a keng tel lo.

6. Memorial Gift( Rs 1,000/- chin chung lam)

   * Kaltate hriatrengna atan buatsaih a ni.

   * A tlem berah Rs 1,000 ruahman a ni a. Hmangaih kaltate tan hian miin hei aia tam pek a duh          pawhin  pek theih a ni. 

    * Certificate buatsaih a ni a he Certiicate-ah hian mitthi thlalak tarna a awm a thilpek zat tar lang duh          tan ruahmanna siam tel a ni.

7. Anniversary (Rs 1,000/- chin)

    * Birthday, Wedding Anniversary etc denchhen a BSI-a thilpek pe duhte tana

       remchanna kawng siam sak a ni.

    * Hei hian Certificate a keng tel.

8. Life Donor (Rs 2,000/- Kum khat atan zel)

    * Hei hi ruahmanna tharte zinga mi niin mi tin(naupang leh puitling) te tan pawh remchang tura duan          chhuah a ni.

    *Tin, mihring chauh ni lo, thil dang  In leh lo leh kan thil neih dangte pawh hman theih a ni.

    *‘Life Donor’ pawh hi kum tin dam chhung chu pek theih a ni. |um khat chauh pe duhte tan pawh           a remchang tho bawk.

     *Hei hian Kum khat zel atan Certificate a keng ang.

9. Patron Donor (Rs 3,000/- Kum khat atan zel)

    * Hei hi ruahmanna tharte zinga mi niin mi tin a duh a piangte tan pawh remchang tura duan chhuah a ni.

    * Tin, mihring chauh ni lo, thil dang  In leh lo leh kan thil neih dangte pawh hman theih a ni.

    *‘Patron Donor’ pawh hi kum tin dam chhung chu pek theih a ni. |um khat chauh pe duhte tan         pawh a remchang tho bawk.

    * Hei hian Kum khat zel atan Certificate a keng ang.

10. Life Member(Rs 5,000/- pein)

     * BSI ah hian Rs 5,000/- pein full member a nih theih.

     * He Membership hi Mihringte tana buatsaih a ni.

     * Kum tin pe duh tan a remchang  bawk.

     * Hei hian Certificate a keng tel.

11. Life to Patron Member(Rs 5,000/- pein)

     * Life Member Rs 100/-, Rs 250/- emaw Rs 500/- a lo ni tawh te tan Rs 5,000/- pek belhin Patron          member-ah  hlan kai theih a ni.

     * Collectorte ruahmannain Installment-a pek theih a ni.

     * Kum tin pe duh tan a remchang  bawk.

     * Hemi hmang \angkaia, thawhlawm petute hnenah Patron Membership Certificate pek an ni ang.

12. Patron Member(Rs 10,000/- pein)

     * BSI ah hian Rs 10,000/- pein Patron member a ni nghal ang.

     * He Membership hi Mihringte tana buatsaih a ni.

  * Collectorte ruahmannain Installment-a pek theih a ni.

     * Kum tin pe duh tan a remchang  bawk.

     * Hei hian Certificate a keng tel.

13. Donation (Cheng engzat pawh)

     *Thilpek hrim hrim hi BSI hian tlem lua awm lvin a dawng thei reng a ni.

BUHFAI CHUNGCHANG FCS&CA THUCHUAK

Food, Civil Supplies & Consumer Affairs (FCS&CA) chuan Buhfai chungchangah hetiang hian thuchhuah a siam : Buhfai (Normal Quota) hi tun dinhmunah Mizoram sawrkarin Food Corporation of India (FCI) a\angin a lei a, hei hi Central Sawrkarin India ram State hrang hranga allocation a pek, Mizoram Sawrkar pawhin a hmuh ve anga lei \hin a ni. A bak zawng hi MIZOFED Ltd. a\anga lei \hin a ni. Food Corporation of India hnen a\anga lei leh Local Purchase (MIZOFED Ltd.) a\anga lei hi Supply Godown-ah a theih ang anga dawn (received) hma a check \hin a ni. 

Amaherawhchu loading leh unloading hunchhung a rei \hin avangte, a vaia (100%) buhfai hi check dawn chuan hun leh tha a heh avang leh a hun taka mipuiin quota an hmuh hman dawn loh avangin random a check \hin a ni. 

Buhfai \halo pawh hmuhchhuah \hin niin bag engemaw zat chu hnawl (reject) a ni. MIZOFED Ltd. hian Department-a an pek dawnin check \hin a ni a, tun dinhmunah hian Truck Trip 10 (sawm) vel lai chu hnawl tawh a ni.

Hetianga check a ni chung pawh hian buhfai \halo dawn palh theih a ni a, Food Corporation of India (FCI) a\ang ngei a lei te pawh duhthusam lo a awm ve zauh \hin a ni. 

Hemi chungchangah hian buhfai \halo Retailer ten an lo la palh a nih chuan engtik lai pawhin FCS&CA Department chuan thleng a phal a, Retailer \henkhatte pawhin thleng chang an nei a ni.

FCS&CA Department-in buhfai a lei hian Food Corporation of India (FCI) a ni emaw Open Market/Local Purchase a ni emaw buhfai bag ah hian a hum leh sehrep te hi a tel palh chang a awm \hin a, pumpelh tak tak theih a ni lo.

Mizoram Sawrkar-in Central Sawrkar/FCI atanga Economic Cost lei lova Open Market/Local Purchase atanga buhfai a lei hian hetiang hi thla tina pawisa a hum (Saving) zat a ni.

(a) Buhfai manah - `5,34,96,100.00 per month“(thla tin 70000.00qtl. a leiin) (Ecu. Cost @ `3264.23 per qtl. -Local Purchase @ `2500.00 per qtl. =  `764.23 per qtl. x 70000.00 qtl.)

(b) Buhfai phurh man ah - `28,00,000.00 per month“(Tanhril - Zuangtui Route“(70000 x 40)“@  `40.00 per qtl.)

A vaia thla khata FCS&CA-in pawisa a hum zat chu `5,62,96,100.00 a ni.

FRANKIE TUI THIANGHLIM

Tui thianghlim tak 5000 litres `1800/- in engtiklai pawhin kan pe thei reng e.

Pantea

Contact: 9774102517 

   

VARANASI PRAYER NETWORK SAIKHAMAKAWN |AWNG|AI PROGRAMME

A hmun : Pu Dawngkima In

A hun       : Ni 14.5.2017     (Vawiin chawhnu Inkhawm ban) 

Hruaitu : Pi Saithangpuii

Thawhlawm a awm nghal ang.

VAWIIN TLAI PAVALAI FELLOWSHIP PROGRAMME

A hmun        : Sunday School Hall

Hruaitu        : Pu D.Thangbawih

|antu           : Pu J.Malsawma

Sharing leh Zai ho a hun hman a ni ang

KOHHRAN ZAIPAWL HRIATTIRNA

Kohhran Zaipawl te vawiin chhun dar 12:00 ah Biak Inah  K|P Aizawl Chhim Presbytery Meet a mi tur Hla ennawn tur a ni e. Kalna tur Bus a awm nghal dawn a ni. 

K|P AIZAWL CHHIM PRESBYTERY HMANG MEK

        K|P Aizawl Chhim Presbytery vawi 5-na chu  ni13.5.2017 (Nizan) a\ang khan Tlangnuam Kohhran ah neih a ni a. Thupui atan “Rawngbawlna Hlen” II Tim. 4:5 niin, nizan inkhawmah Bial tin Secretary hnen a\angin report ngaihthlak a ni a,  Rev.C.Sapkaia, Moderator hnen a\angin Pathianthu chah ngaihthlak a ni bawk a, zaipawl panga an zai bawk a ni. 

Inkhawm banah fellowship neih leh a ni a, kan Bial aiawhin kan Branch a\angin Female Voice ten Pathian fakna hla an sa bawk a ni.

Vawiin leh zanin programme chu hetiang hi a ni:

Chawhma Inkhawm

10:00 am : Pathian Biak Inkhawm

Hruaitu : T.Upa R.Lalhmunsiama

Committee Member

|antu : Tv. H.Lalkinlova, Committee Member

Thupui : Rawngbawlna hlen (II Tim. 4:5)

Sawitu : Dr. Laldinliana Varte, Vice Chairman

Zaipawl : 

1. Kulikawn Pastor Bial

2. Tlangnuam Pastor Bial

3. Thakthing Kohhran

4. Kulikawn Kohhran

5. Hlimen Kohhran

6. Samtlang Kohhran

Chawhnu Inkhawm

01:30 pm : Pathian Biak Inkhawm

Hruaitu : Nl. Zodingpuii, Finance Secretary

|antu : Nl. Vanlaldiki, Committee Member

Thupui : Rawngbawlna hlen (II Tim. 4:5)

Sawitu : Pu Lalmuanawma

Committee Member, CK|P

Zaipawl : 

1. Hlimen Pastor Bial

2. Mission Veng Kohhran

3. Saikhamkawn Kohhran

4. Tlangnuam South Kohhran

5. Lungleng-I Kohhran

Inkhawm ban Fellowship

Hruaitu : Tv. Lalnunpuia, Committee Member

Thutawi : Pu Lalpianhuna, Committee Member

Special Items :

1. Solo - Nl. Lalhmangaihzuali,

Hmunthar Branch

2. Live Band - Lungleng-I Bial

3. Cup Song - Tlangnuam Bial

4. Acapella - Hlimen Bial

5. Live Band - Mission Veng Bial

6. Female Voice - Kulikawn Bial

Zan Inkhawm

07:00 pm : Pathian Biak Inkhawm

Hruaitu : Tv. Vanromawia,  Assistant Secretary

Thusawi : Upa K.Lalnuntluanga,  Chairman

Zaipawl : 

1. Lungleng-I Pastor Bial

2. Tlangnuam Kohhran

3. Tuikhuahtlang Kohhran

4. Hlimen Damveng Kohhran

5. Hmunthar Kohhran

Inkhawm ban Fellowship

Hruaitu: Tv. David Lalchhuanawma

Committee Member

Thutawi : Pu Lalduhkima, Committee Member

Special Items :

1. Solo - Nl. Cindy Lalthanpuii,

Tlangnuam Branch

2. Duet - Lungleng-I Bial

3. Musical Skit - Mission Veng Bial

4. Sand Art - Hlimen Bial

5. Live Band - Kulikawn Bial

6. Skit - Tlangnuam Bial

, Eddie Malsawmkima s/o C. Lalhruaia (V.Sec) chu damlohna avanga Aizawl Hospital ah enkawl a nih hnuin a lo chhuak.

, Nl.Lalnunkimi d/o R.Lalmuankima (T.Sec) chu damlohna avanga Synod Hospital, Durtlangah enkawl a nih hnuin a lo chhuak.

VENGCHHUNG A|ANGA HSSLC PASS KAN HRIAT THEIH TE

Arts:

1) Lalventluanga s/o Lalduhkima - 1st Div. Letter in Public Administration

2) Vanlaldinpuii d/o Lalliankima (L) - 1st Div. Letter in English

3) Lalnuntluangi d/o Upa Lallawmchhunga  - 1st Div.

4) Naom Lalnunthari d/o MS Dawngliana - 1st Div.

5) John VL Hruaitluanga s/o Lalhmunruati - 2nd Div. 

6) Zachhingpuii d/o C. Lalremruata - 2nd Div. 

7) Ruthi Malsawmkimi d/o Lalhmingliana Hnamte - 2nd Div.

8) Malsawmdawngliana s/o R. Lalsangliana - 3rd Div.

9) Zoliankima s/o C.Lalremmawia - 3rd Div.

Science:

10) Lalrinsanga s/o Lalthankima - 2nd Div.

11) J.Lalremruata s/o J.Thantluanga - 2nd Div.

Vengchhung a\anga HSSLC pass thar zawng zawngte Mipui Aw Editorial Board te chuan thinlung takin kan lawmpui a, an zir leh zelna turah inthlahdah lova \an la zual sauh sauh turin duhsakna kan hlan e. 

 

CERTIFICATE IN THEOLOGY (C.Th) PASS THAR

Tv. H. Lalhriatpuia  s/o Vanlalvena (T.Sec) chuan Certificate in Theology (C.Th) \ha takin a pass a. Hetianga kan member pui Bible zirchhuak kan nei hi Mipui Aw Editorial Board te chuan kan lawmpuiin kan chhuang hle a, a kal leh zelna turah duhsakna kan hlan e.

Branch Kristian |halai Pawl chuan ni 15.5.2017 (Thawh\an) zan inkhawmah lawmpuina a hlan nghal dawn a ni.  

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 7.5.2017

MIPUI AW

KARTIN CHHUAK

Vol. XX Issue No. 19 Kristian Thalai  Pawl  Saikhamakawn Branch  Pathianni Dt.7.5.2017

VAWIIN CHANGVAWN

In veng ula, rinnaah chuan ding nghet ula, in ti huai ula, chak takin awm rawh u. In tih apiang chu hmangaiha tih ni vek rawh se.(I Kor 13:14) 

KOHHRAN PROGRAMME:

Ni 7.5.2017 ( Pathianni)

Chawhma Inkhawm

|antu : Pi Sangchhingpuii

Zirlai 16-na : “Israel mi 1,44,000 chhinchhiah thu”

Chawhnu Inkhawm

Thuhriltu :  T. Upa C.Vanlalsanga

Zan Inkhawm

Thuhriltu :  Upa Zairemthanga 

K|P INKHAWM PROGRAMME

Ni 8.5.2017 (Thawh\an Zan)

Thupui Zir Inkhawm

Hruaitu : Tv.C. Laldawngliana

|antu : Tv. Joseph Lalrohlua

Bible Chhiar 

kaihruaitu : Nl. Zonuntluangi

Chhiar tur : Thufingte 19:1-9 

Thupui : “Thlen chin a\anga hmasawn”- “Thlarau Nun” 

Hawngtu :  Pu Albert Lalremsanga

Thawhlawm          Nl. Lalrinsangi leh

 lakhawmtu turte :   Nl. Lalnuntluangi

Zai hruaitute   : Tv. Abraham Lalnunthara leh Tv. Lalawmpuia 

Keyboardist : Pu Lalremruata

KOHHRAN HMEICHHE

 INKHAWM PROGRAMME

Ni 9.5.2017 (Thawhleh Zan)

Khawvel pum a \awng\airual Ni

Hruaitu : Pi Zonunsiami

|antu : Pi Lalengpuii 

Thupui : “I lakah dik lohna ka nei em?” (Num 27:1-11)

Sawitu : Pi Ralliani

 KOHHRAN PAVALAI PAWL

 INKHAWM PROGRAMME

Ni 11.5.2017 (Ninga Zan)

|awng\ai rual leh Sharing

Hruaitu : Pu H. Remtluanga             

|antu : Pu R. Lalsangliana

Khuangpu : Pu Lalthanliana Ngente leh

 Pu Biakvela

Thawhlawm lakhawmtu: Pu Chhuanvawra

KHAWNGAIHNA

(Rom 11:6)

Lalpan a mi siamte sual a boral mai tur khawngaihna avang in min chhandam a, chu khawngaihna avang choh chuan misual ten khawngaih rawngbawl hna chu kan lo thawk ve thei choh a ni. Kristian ten he khawngaihna hi kan hriat chian a pawimawh in a tul khawp mai, chu khawngaihna chu mi in a hriat chian loh chuan thiltih hmang in VANRAM kal a tum fo thin. Mahse khawngaihna hi mi in a hriat chian chuan khawngaihna avang in khawngaih leh chhawnna in Lalpa rawng chu lawmtak in a bawl zawk thin. Khawngaihna a ni chuan thiltih vang a nilo va, mahse khawngaihna avang a chhandam a nih vang zawk in lawm tak in kohhran ah Lalpa rawng chu lawm tak in a bawl zel thin.

Khawngaihna a nih si chuan kan awm mai mai dawn em ni? Nilove, khawngaihna avang in khawngaih leh chhawnna in Lalpa rawng chu a bawl a, midang ah harsatna a neilo. Engtin? Lawm tak a Lalpa rawng a bawl avang zawk in Lalpan a sual ziah chu Kross kaltlang in a hriat tir a, nitin ama Kross pu in Lalpa nen rawng a bawl zawk a, a tan chuan engtik lai pawh in Lalpa zawk in Lalpa ni ah a chantir thin. Kohhran ah engrawngbawlna pawh chelh sela midang a teh ve tawh ngailova, midang nun ah a buai ve hman tawh loh zia chu Lalpan Kross kaltlang in a hriat tir zawk thin. He khawngaihna hi thinlung tak a kan pawn theih loh vang hian mi nun ah kan buai a, midang tih that leh that lo te, a hmu len phah fo thin. Thiltha tih vang in chhandamna chu chan kan tum a, kan tih that hman loh deuh in mahni kan inthiam lo emaw kan inthiam chawp zawk ta thin a ni.

Khawngaihna hi thlarau in hrefiah in thinlung tak in pawm ila, he kan ram hi ZORAM THAR ah kan siam ngei ang.Kan thil tih ah kan in nghah a, kan in teh chhung chuan ti ve lo kan hmu tleu anga khawngaihna chu keimah ni zawk in kan bawh bo ngei ang. A harsatna nei lam kan chhutpui thei tak tak tawh ngailo fo thin ang.

Khawngaihna kan sawi avang hian ti lo thawk lo tur ah in dah in thiam lo in chantir ngawt suh. Mi piangthar tak tak zawk chuan a hma aiin a thawk nasa in Lalpa rawng chu nasa leh zual in lawm tak zawk in a bawl thin. Engvang in maw khawngaihna a ni si a? Mi Lalpa a a pian tak tak na zawk chuan tilo theilo dinhmun ah a din tir a Krista hmangaihna zawk chuan Lalpa rawngbawl tur in a tir luih ta zawk a ni. Mahse ti velo te demna a neih ngaih lo vang zawk in a danglam zawk thin a, amah ah midang ten lawmna an hmu zawk thin. Engkim Lalpa tan a tiin a thawk a Lalpa khawngaihna zawk chuan a rilru a thlarau a chhuntlang hneh in, thawk tawk a in ti ngai lova, Lalpa chak zelna nun ah Lalpa rawng a bawl tir tawh zawk thin.Lalpa rawngbawl hi hneawm a i ngai a nih chuan khawngaihna in kan thinlung,thlarau a chhuntlang kan phal tak tak lo a ni zawk fo thin. Khawngaihna nilo sela Kross ler ah khan a dinglam a mi khan chhandamna hi a chang thei ngai lovang. Lalpa rawng kan bawlna hi bat a ruat a ni lova, khawngaihna a ni zawk. Bat a ruat tu zawk ten midang nun ah buaina an nei zawk fo thin. A dinglam a miten Lalpa tan an tih an hre lo khawngaihna avang a rawng an bawl avang in, mahse a veilam a mi ten an thil tih chu a hriat avang in VANRAM an chang ta lo, bat a ruat a Lalpa rawng an bawl avang zawk in, an thil tih that te an chhuan a an chapo pui a, Lalpa hnen a lut tlak a an in ngaihna chuan hremhun ah a her liam tir ta zawk a ni. 

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial...?

Tun hnai ah MBSE chuan pawl sawm results a ti chhuak a,tualchhung atang pawh in mi thahnem takin an pass-a lawmawm hle. Hetih lai hian hlawhtling zo ta lo pawh in beidawng mai lova a hma aia nasaa beiha hlawhtling tura kan inbuatsaih a; khawvela mi hlawhtling tak takte pawh hi a vawikhatnaah an hlawhtling vek kher lo a ni tih kan hriat tha hle awm e. “Mizo te hi Zirna ngaisang leh ziak leh chhiar thiam tamna state kan ni kan ti thin a, a dikna chen pawh a awm e, amaherawh chu zirna kawng a ti thate chawimawina kawng ah hian tun aia hmasawn tura tan kan lak a ngai niin alang. 

Zaithiam, fiamthu thiam, piannalh leh zei thlanna leh thil dang danga ti thate kan chawimawi a, thilpek hlu tak tak kan pek thin ang hian, zirna kawnga hlawhtlingte kan chawimawina kawngah hian thil hlu tak tak pek hi kan intihhmuh a ngai khawp mai.“      Kan miliante, dawrkai lian leh politician thleng pawh hian heng HSLC, HSSLC, UG leh PG a pass te  chawimawi nan hian thil hlu pek te hi intihhmuh thar ila,kan khawtlang pawh hian kan tih thin tho mah nise tun aia thalai Lehkhathiam zawk kan neih theih nan an mahni theihna cho chhuak tura kan chawimawia  kan ngaihsan luih thiam hi kan tih tur tul tak niin a lang. 

NAUPANG  TE  HI

-Pc. Hriata.

Kan khawtlang leh ram angah pawh a ni ang, tute hi nge pawimawh ber ang? tih zawhna hi chhanna inang lo dik thlap lawi si zawhna a ni a tih theih awm e. Tunlai khawvelah thalaite hawi lam leh thlek na lam apiang hi khawtlang leh ram pawhin a hawi lam chu a ni deuh zel tawh mai. Thalaite hian vawin nia kan ram leh khawtlang nunah hian nghawng an nei nasa in an va pawimawh em tih hi tuma hai rual a ni lo. Chhuan hnih khat lek ral hnua kan ram leh khawtlang, kohhran tlenga kan hruaitu pawimawh tak tak la ni tur te an ni a, chuvangin hruaitu tha leh rinawm Pathian hmangaiha tih em em tu, mahni pumpui aia ram leh hnam hma ngai mi, kawng tinrenga hmantlak leh midik, thalai kan neih tam a tul hle a, chutiang chu engtianga neih chi nge ni ang. Bible chuan “Naupang chu a kalna awm kawngah chuan zirtir ula, a upat hnu pawhin a thlah lovang.”(Thufingte 22:6) tiin a lo sawi kiau a. Kan Bible zirtirna atang chuan naupan lai nun atangin a pawimawh hle tihna a ni.

Avshalom Caspi, Psychology Professor, King College London a mi leh a thurualpui ten naupang kum 3 mi nungchang chu kum 26 a nih huna a mizia leh nungchang nena a inzawm dan an zirna tlem han tarlang lawk ila. New Zealand, Dunedin a naupang kum 3 mi, sangkhat zet chu test hrang hrang 22 lai mai hmangin a zirchianga, tichuan chung naupang ho chu kum 26 an tlin hnuah test an neih tir leh a, chuta an hmuh chhuah za zela 96 dika an pawm pahnih chauh tarlang ila. Kum 3 mi nih laia zilh loh leh khuahkhirh lem loh naupang chu a lo puitlin hnuah pawikhawih zawnga rilru phur sarh na an nei tam a, midang hriatthiamna an neih loh bakah hlauhthawnna an ngah niin an zir chhuak. Tin, naupan lai atanga inrin tawkna nei nasa mi chu a lo than len hnuah mahni an in thunun zo lo a, mahse an thil tih reng rengah tim na leh hlauthawnna awm miah -loin thil an ti thin tiin an zir chhuak bawk. Tin, an thil ngaihpawimawh em em pakhat chu kan tawnhriat (experience) hian kan nun thlakthleng turin nghawng nasa tak a nei tih hi a ni thung. Hetiang ang tak hian naupang engmah la hrethiam rual loa kan ngaih pawhin an puitlin huna an mize put tur ruangam an lo put lawk tawh si chuan thalai fel tak tak leh Pathian tiha ram leh hnam hmangaih mi neih kan duh chuan zirtirna pek hian tlai luat a awm thei ngei dawn a ni. Chu chu kan Bible (Thufingte 22:6) min zirtir dan pawh a lo ni chiah reng a ni.

Mihring nun leh mize tha tak neih tur chuan naupan lai atanga zirtirna dawn that a pawimawh khawp mai a. Hetih rual hian keini Mizo te hian naupang kan enkawl danah thil fu lo lai awmin a lang. Tin, naupang te hi kan thutak khukpuilo tlangpui a, hei hian a lantir ber chu kan ngaihthah tih na a ni. Nimahsela a hmasa lama kan sawi tawh angin naupang an nih lai atanga an mizia in an puitlin hun tur a hril lawk ruih a ni tih hi hre tho mah ila kan ngaihthat tlat thin a, an lo puitlin chhoh a, pawikhawih zawnga nun an hman atang chiahin zirtirna leh enkawlna nasa lehzualin kan kalpui ta thin a, harsatna tamtak min thlen thin zawng a ni hi. Mihring mizia, nundan leh rilru put hmang tha tak neih kan duh chuan Pathian thu in min hrilh angin upat hnu thleng pawh a a vawn reng tur an naupan lai atangin kan zirtir ngei tur a ni. Hei hi zaah za in a dik e tia zirchianna awm lo mah se kan Bible min hrilh dan a nih miau avangin ringtute tan ngat phei chuan kan ngahthat thiang lo.      

Hetiang taka naupang nunin kawngro a su a nih si chuan, naupang thil zirna hmun tam ber chhungkaw pawimawh zia hi kan hriat thar a tul hle a ni. Tichuan chhungkua chu ram leh hnam siam thatna te, rinawmna te, huaisenna dik te, Pathian hmangaihna tak tak leh hringnun ze mawi kan tih zawng zawng kan zir chhuah na tur hmun, Hringnun Pum chu a lo ni ta a ni. Thir dengtu in thir a lin that ver vawr laiin a duh ang taka mawi in thir khawng leh chang tha tak chu awlsam tea a siam danglam thin ang hian naupang rilru nem tak an la nih lai atang hian i duh ang mihring ni turin i chher thei a ni. Thir ling pawh a lo daih tawh chuan khawih danglam a har tawh angin puitling rilru sakhat nih hnuah thlak danglam a har tawh thin. Chhungkua ai chuan a pawimawh kan ti thei lovang, mahse nun chan zirna pawimawh tak dang phakhat chu nitin zirna sikul hi a ni bawk awm e. Nu leh Pa bul tluk zeta an awm tamna zirtirtute hian naupang lo thanglian tur nun kawngah mawh lian tak kan phur a ni tih hi hriat a tha. Lehkha bu chhung thu thiam bel tir aia pawimawh chu a bu chhung thu thiam bel a tulna hriattir hi a ni zawk si, nun kawngbo tak kawng dik kawhhmuhna hmun pawimawh tak a ni tih hre thar mawlh ang u. 

Kan vawin khawvel hi thlir ila, kan thalai te awmdan phungah eng nge tlakchham kan neih a, eng nge duhloh kan neih tih te. Ram leh hnam kan hmangaih danah te, dikna leh rinawmna kan vawn danah te,  thalaite kan taimak dan chinah te leh hlemhletna in kan rama bu a khuar dan te ngaihtuaha chhut chianin kan tunlai khawvel ang hi kan tu leh fate khawvel ni ve lo tura kan duh a nih chuan chhia leh tha pawh la thliar hrang thiam loa kan ngaih naupangte atanga bul kan tan a tul ta tih na a ni. Tin, Kristian ram kan in ti a, mahse Kristianna kan nunpui dan erawh zep thu cheng lo kan sit hlawm vek a ni hi maw. Abrahma-a Pathian chu Isaka Pathian a ni a, Isaka Pathian vek chu Jakoba Pathian a lo ni ve leh zel a, hemi in a lantir chu chhungkaw pa ber atangin Pathian, Pathian zia lantirin a awm hneh hle tih na a ni. Chhungkaw hotu ten Pathian aiin sum in thil a tithei zawk anga kan lantir chuan naupang chuan sum a ngaihlu in a Pathian thei hial  dawn a ni.

Hetiang a nih avang hian kan ram leh hnam, chhungkua leh khawtlang, kan ringtu nun thlenga tha leh mawi, rinawmna leh dikna nen a ram roreltu tha kan duh a nih chuan tun huna naupang lo thanglian mekte hi kan enkawl thiam a tul a. Hringnun Pum a in rawh ling mek naupang nun la nem tak te hi ngahthah hauh lova Pathian tihna nen nun kawng kan chher hriam sak a tul tak zet a ni.

MISSIONARY RAWNGBAWLNA REPORT

- K.Lallianmawii

Health Worker, Salem Boarding

Damparengpui

Salem Boarding School hi 20th February 1980 ah din \an a ni a, Damparengpui Pastor Bial chhunga awm a ni. Khawhai Kohhran in a enkawl mek a ni.Tunah hian school naupang mipa 102 leh hmeichhia 72, an vaiin 174 kan nei mek a ni. Hostel hi Class V-X tan siam a ni a, Primary Section lam hi chu thawktu fate lut tur an awm a nih loh chuan naupang dang kan la ngai lo a ni. School naupang hi Mizoram chhim leh hmar khaw hrang hrang, khaw 30 vel a\anga lo kal khawm hnam hrang hrang an ni. Ringlo kan tih tur erawh an tam ngai lem lo.  

Thawktu te: Zirtirtu hi 18 an awm a, Peon pakhat leh O.A pakhat nen, School ah hian mi 20 thawktu kan nei a. Tin, Agriculture lama thawktu hi mi 3 an awm bawk a. Hostel Cook 4 awmin keimah nen hian thawktu zawng zawng hi mi 28 kan awm mek a ni.

Rawngbawlna lam: Khuaa awm kan nih loh avangin, rawnbawlna lamah harsatna sawi tur a tam lo khawp mai. Kum tin school naupang te Summer Vocation ah Camping & Crusade neihpui \hin an ni a. Tin, Compound Family leh naupangte hruaiin School Session tawpah khaw thlan bikah Outreach neiin kan chhuak \hin bawk a. Kumin 23rd-27th March, 2017 pawh khan Pukzing Vengthar ah Outreach neiin kan kal bawk a ni.

Kumin hian Chakma naupang pakhat Baptisma chang kan nei tawh a, kan naupang te hi (a bikin ringlo) tan Kohhran ho ten min lo \awng\aipui turin kan sawm che u a ni. 

Keimah lamah chuan damdawi hi MRP aia hniamin kan hralh avangin kan chheh vel khua Teirei, Khawhai leh Tuirum te hian min pan nasa ve hle a, kut hnathawk an nih hlawm avangin hliam \hui tur an awm deuh reng bakah, emergency case tak tak kan ngah \hin a, chung hunah pawh Pathian leh in mi \awng\aipuina azarah tihsual nei lovin tun thlengin rawngbawlna kan la thawk ve thei a, lawmthu kan sawi tak meuh meuh a ni. Kohhran miten min \awng\aipui zel turin kan ngen nghal che u a ni. 

DARTHLALANG... IN EN RAWH LE...

Pathianin mihring Adama a siam khan, amah chauha Adama Eden huana awm kha \ha a ti lova, a kawppui tur hmeichhia Evi a siamsak a ni. Hmeichhia te hi mipa min tihlimtu leh min \anpuitu an nih laiin mipa min tibuaitu an ni leh ch^wk \hin. Samsona kha a pian tirh ata Pathian Thlarauvin a serh hran a ni a. Israel hote an hmelma Philistia mite kut ata chhanchhuak tura Pathianin a ruat, uain, zu leh ei thiang lo reng reng ei leh in lo tura serh hran a ni. Samsona khan, ei leh in thiang lo zawng zawngah khan a insum thei vek ang tih chu a rinawm a, mahse Samsona hian chaklohna a nei, chu chu hmeichhia a ni. A nu leh pa phal lo chung Philistia mi nupuiah a nei phawt, chumi hnuah Gaza ah nawhchizuar a zuk kawm a, Sorek ruama mi Philistia nula Delili a ngaizawng leh a, a tawpah hmangaihtu der malchungah Samsona chu a chesual ta a ni. Keini rawngbawltu/ringtu zuk leh hmuam, ruihtheihthila fihlim leh insum thei inti tam tak te pawh hi kan chak lohna leh min tibuaitu ber chu Samsona ang hian hmeichhia hi an  lo ni reng em? Han in bih chiang teh le...    

TBZ NEIHTHIL THEHKHAWM

A hun  : Ni 8.5.2017 (Naktuk Zan) Dar 7:00

A hmun          : Upa Lalrindika In

Hruaitu          : Pu D.Thangbawih

|antu  : Pi Lalhmachhuani

AIZAWL TRAFFIC SP THUCHHUAK

Aizawl Traffic SP chuan mipui vantlang leh lirthei hmangtute him nan leh thawktute tha taka an thawh theih nan a hnuaia tarlan hmun leh hunah te hian lirthei tlan dan tur thupek a chhuah: SIPMlU (NERCCDIP) Aizawl ten Tuikhuahtlang tlangzawl leh Forest Office inkar kawngpui dung ah tui pipe lian phum hna chhun leh zanah an thawh dawn avangin ni 10.5.2017 (Nilaini) atanga ni 18.5.2017 (Ningani) inkarah helai kawngpuiah hian lirthei eng chi mah tlan phal a ni lo. 

Hemi avang hian Tuikhuahtlang chhip area atanga lirthei kalchhuak tur leh pan tur tan kawng awm chhun Sikulpuikawn Govt. Aizawl College bul Republic Road chung ami chauh hman tur a ni a. Helai kawng sir ah hian lirthei eng chi mah dah/park phal a ni lo. Helai kawngah hian lirthei te chi chauh thlan phal a ni rih a, lirthei lian MMV leh a chunglam tan kal phal a ni lo.He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. He thupek hi a tul dan a zirin Traffic Police ten an ti danglam thei ang. 

GAS MAN BITHLIAH THAR

FCS & CA chuan thuchhuah siamin May ni 1, 2017 ah Indian Oil Corporation in eirawngbawlna Gas man a bithliah thar angin, Mizoramah pawh gas man bithliah thar a nih thu a tarlang.

Gas man tharah chuan, Vairengte tih loh khaw dang zawnga gas distributor ah domestic gas bur khat man `788/- a ni a, chuta \anga subsidy tur chu `318.54/- a ni. Gas chu home delivery a hralh a nih chuan rate bituk bakah `7.53/- belh tur a ni a, showroom a hralh a nih chuan rate bituk a\angin `18/- paih tur a ni thung.    

VENGCHHUNG A|ANGA HSLC PASS THAR KAN HRIAT THEIH TE

1) C. Lalrinsangi d/o C. Lalremmawia - Dist. - Letter in SS, Mizo, Maths

2) Lalrempuia s/o Ramnghahmawia - Dist. -  Letter in Mizo & Maths

3) Lalrempuia s/o Rinngaihzuala - Dist. - Letter in Mizo

4) Vansangkima s/o Lalrinchhana - Ist Div. - Letter in SS

5) Lalrindiki s/o Sangmawia - 1st Div. - Letter in SS

6) Vanlalhruaizela s/o Lawmkima - Ist Div.

7) Lalruatfeli d/o Zabawiha - 1st Div.

8) Lalremruati d/o Lalliansanga - 1st Div.

9) Sammy Lalruatpuia s/o Zairemmawia - 2nd Div.

10) K.Lalnunmawia s/o K.Lalnunzira - 2nd Div.

11) Malsawmdawngliana s/o R. Lalmuanpuia - 2nd Div.

12) Saibuangpuii d/o Laldanzira - 2nd Div.

13) C.Zodintluangi d/o C.Zorinsanga - 2nd Div.

14) Jenny Lalnunsiami d/o Ramnunmawii - 2nd Div.

15) Annie Lallawmsangi d/o Vanlalpeka - 2nd Div.

16) Lalhriatpuii d/o Lalfakzuala - 2nd Div.

17) Reuben Saidingliana Sailo s/o Johny Lalremmawia - 3rd Div.

18) Malsawmkima s/o Lalchawimawia - 3rd Div.

19) Alfred Lalhmangaihzuala s/o Lalsailova Sailo - 3rd Div.

HSLC pass thar zawng zawng te Mipui Aw Editorial Board te chuan thinlung takin  kan lawmpui a, an zir leh zelna turah inthladah lova \an la zual sauh sauh turin duhsakna kan hlan e. 

ASSISTANT PROFESSOR AH TLING THAR 

Kan Branch Committee Member Nl. F. Lalrintluangi d/o Pu F. Lalrinpuia (T.Sec) chuan St. Xavier’s College, Commerce Department, Lengpui ah Assistant Professor hna a hmu thar a, kan vengchhunga Assistant Professor hmasa ber a ni. Mipui Aw Editorial Board te chuan thinlung takin kan lawmpui a, a kal zelna turah duhsakna kan hlan e. 

, Eddie Malsawmkima s/o C. Lalhruaia (V.Sec) chu damlohna avangin Aizawl Hospital ah enkawl mek a ni.

,    Pu Zodinliana s/o Lal\hazuali (T.Sec) te chhungkua chu Pi Huanmawii In a\angin an In sak thar an luah fel ta. 

,   Pi Dengthangpuii m/o Ramengzauva te chhungkua chu Pu Thanchungnunga te In (Ch.Sec) ah an in sawn.

, Lalfakzuali D/o K.Roliana (T.Sec) chu damlohna avangin Civil Hospital Aizawlah enkawl mek a ni.

, Pu H. Lalhmingmawia te chhungkua chu Tlangnuam Vengthar a\angin Pu J. Thantluanga (V.Sec) te Inah an rawn in sawn.

, Pu Lalhmingthanga Singson te chhungkua chu Zemabawk a\angin Pu Kamzawngliana (Ch.Sec) te Inah an rawn in sawn.

, Pu Laiveta te chhungkua chu Khawlailung a\angin Pu Lalnuntluanga (Ch.Sec) te Inah an rawn in sawn. 

LAWMTHU SAWINA

Kan fanu Vanlalsawmi’n min boral san chungchangah vengchhung mipuite kan chunga in \hatna leh min buaipuina zawng zawngah khan lawmthu kan sawi a. A damlo tirh a\anga min hmangaihtu leh min khawngaiha min \anpuitu zawng zawng te chungah lawmthu kan sawi a. A boral zana damdawiina min bawihsawmtu te leh In lama tih tur \ul awm apiangte kan tih ve ngai miah lova, min tihsaktu zawng zawngte chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan rul seng dawn lo che u a, engkim ti thei Pathian in a let tam takin malsawmna in rul che u rawh se ti hi kan \awng\aina a ni e. 

In khawngaihna Dawngtu

Deng\huama leh a fate

ZANIN EPL FIXTURES

6:00pm-Liverpool vs Southampton (Star Sports Select HD1)

8:30pm-Arsenal vs Manchester United  (Star Sports Select HD1)

   

Mipui Aw 30.4.2017

MIPUI AW

KARTIN CHHUAK

Vol. XX Issue No. 18 Kristian Thalai  Pawl  Saikhamakawn Branch  Pathianni Dt.30.4.2017

VAWIIN CHANGVAWN

Dan avangin Abrahama leh a thlahte hnenah chuan khawvel roluahtu tur a ni ang tih thu zawng tiam a ni si lo va, rinnaa felna avangin a ni zawk e. (Rom 4:13)

KOHHRAN PROGRAMME:

Ni 30.4.2017 (Pathianni)

Chawhma Inkhawm

|antu : Pi Ropari

Zirlai 14 &15-na

Chawhnu Inkhawm

Thuhriltu :  Pu Khawlhmingliana

Zan Inkhawm

Thuhriltu:  Rev. Dr  C. Chawnghmingliana

K|P INKHAWM PROGRAMME

Ni 1.5.2017 (Thawh\an Zan)

Short Sermon leh |awng\airual 

Hruaitu : Nl. CVL Biakzuali

|antu : Tv. Lalnunsiama

Bible Chhiar 

kaihruaitu : Pu C. Zoramthara

Chhiar tur : II Timothea 2:22-26 

Thuhriltu   Nl. Bridgette Zonunmawii 

turte :  leh Tv. Lalrinnunga

Thawhlawm   Nl. Naom Lalnunthari leh

tu turte lakhawm :  Nl. Lalrinmawii Ralte

Zai hruaitute   : Tv. Abraham Lalnunthara leh Tv. Lalawmpuia 

Keyboardist : Pu Lalremruata

KOHHRAN HMEICHHE

 INKHAWM PROGRAMME

Ni 2.5.2017 (Thawhlehni Zan)

Hlimen Damveng Kohhran Hmeichhia ten min rawn tlawh dawn

Hruaitu : Pi R. Lalthansangi

|antu : Pi Lalsawmi, 

                            Hlimen Damveng

Thuhriltu : Pi Zoramsiami, 

                            Hlimen Damveng

 KOHHRAN PAVALAI PAWL

 INKHAWM PROGRAMME

Ni 4.5.2017 (Ninga Zan)

Thuhril Inkhawm

Hruaitu : Pu C. Lalchhuansanga             

|antu : Pu Solomon Lalnunsiama

Thuhriltu : Pu Ramthianghlima

Khuangpu : Pu Biakthansanga leh

 Pu H. Remtluanga

Thawhlawm lakhawmtu: Pu K.C Khaia 

 KOHNA

Jona 3:1&2, Johan 3: 16, II Petera 1:10,

Jona hi Amittai fapa a ni a. Pathianin Ninevi khuaah ‘An sualnate chuan Pathian beng a thleng ta’ tih hrilh turin a tir a. Mahse Jona chuan duh lovin Tarsis lama tlan bo tumin Lawngin a chhuak a. Pathian chuan a um zui zel a, a tawi zawngin sawi ta ila, Nghapui kawchhungah  nithum leh zan thum a awm hnuin Nghapui chuan a law chhuak a. ‘Tho la, Ninevi khua, khawpui ropui takah chuan kal la, thusawi tur ka tuk che hi va tlangaupui rawh’ tiin a thu ngai bawk a lo thleng leh ta a. Jona chuan peihlo hle mahse Pathian thu a hnial ngam tawh loh avangin peih lo chung chungin, Pathianin sawi tura a tih chu Ninevi khuaah chuan thu a sawi ta a. Ninevi khua a mite chuan an sualte simin Pathian hnenah ngaihdam an dil a, Pathian chuan a ngaidam ta a. Pathian chuan a thil siamte zinga amah anpuia a siam, mihringte chu thinlunga inchhir ngawih ngawihte chungah chuan zahngaihna lantir hi a lo chak hle mai. Ninevi khua pawh a hrem ta lova. A ngaidam ta a nih kha.

Pathian thlarau thianghlimin a tih tura min tih kan tih loh \hin avang hian kan rawngbawlnate a sawt theilo a ni mai lo maw? Rawngbawltute kan inchh<t ngun a ngai khawp mai. Min kotu duh zawng ang ni lova, mahni duh ang zawng zawnga rawngbawl tur kan ni em? tih hi lo in zawt nawn leh ila a \ha hle ang. Jona nun nen hian tunlai rawngbawltute hi in anna riau kan nei. Mahni induh ve tawkna Nghapui kawchhung ata Pathian thlarau thianglhim chuan min hruai chhuak a, chutah tih tura min tih pawh kan la ti \ha peihlo lehnghal a, sual laka min tlantu kan Pathian hi kan ti thinur palh ang tih a hlauhawm hle in ka hria. Chuvangin Pathian ringa Amah zuitute chuan kan hrehawmna pawh pawisa lova, kan tih turte chhel taka kan hlen chhuah hi a \ul tak meuh meuh a ni. Chutianga Ama rawng kan bawl theihna tur chuan keimahni leh Pathian inkara fel lo awm zawng zawngte hi kan tih fela, paih ngai apiangte kan paih a \ul hle a ni.

Piantharna chang tawh, tuna khawvel lama hawikir leh tawhte pawh a hnena kir leh turin Lal Isua Krista chuan min ko reng a ni.  Jona pawh a koh vawi khatna a chhan duh loh avangin nghapui kawchhungah ni thum leh zan thum a awm phah a nih kha. Chuvangin piantharna nei tawh hawi kir leh ta ten, nghapui kawchhungah i tan ve hma ngei hian, tuna a kohna che hi chhangin a hnenah inchhirin kir leh rawh. Tin, sual bumna thanga awk mek, tal chhuah dan pawh hre lova sual inti a thinlung hrehawm ngawih ngawih a awm ten hei hi i hre thar leh ang u.‘Saltangte chhuah zalen turin Pathianin a fapa Isua Krista chu he khawvelah a rawn tir a, i sualnate kha Amah chuan a phur vek tawh a, tunah khan zalen i ni tawh. Lal Isua Krista thisen thianghlim chuan i sualte kha a silfai tawh a, zalen i ni ta’ tih ti hi i hre thar leh ang u. Chhandamna chu i chang tawh a, tunah khan ila hai der reng dawn em ni?

Tin, tuna Kohhran leh |halai pawla rawngbawlna chelh mek tute hei hi i hre thar leh ang u. Tuna i rawngbawlna chelh mek kha i hmel\hat vang leh i fel vanga i chelh a ni em? Khawngaihna avanga he rawngbawlna hi chelh i ni tih kan hriat a pawimawh hle mai. Chuvangin a kohna leh a thlanna tinghet leh zual tura taima takin tun aia nasa leh zuala, Pathian leh a Kohhran ho, K|P tana thuawihna nen a rawngbawl turin min ko leh a ni. Chhandam kan nihna hi Pathian lamah a nghet lo ni lovin, keimahni lamah hian nghet tawk lo anga inngaihnate a awm fo \hin. Ringtu chuan Koh a nihna leh thlan a nihna chu a hre chiang ngei tura ni. Tirhkoh Paula’n ‘Ka rinna chu ka hria’ a ti a. Paula te anga kan awm theih nan II  Petera 1:10 hian inbuatsaih thei ila a \ha hle ang.

Kristian |halaite hian ‘Pathian chunglam koh chhan lawmman hmu tura’ kohna kan hmuh hre reng  chungin, chutianga ama rawng kan bawl theihna turin Pathianin a thu mal min sawm sak rawh se, Amen. 

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial...

          Ram in hma a sawn mek lai hian kan khawtlang ngei pawh hma a sawn ve zel a, chutianga hmasawn zel tur a Pathian siam mihring te hian thil engkim kan tihna ah hmasawn tur kan ni reng a ni. Kohhran anga rawng kan bawl ho na ah te leh Pawl ho anga kan thawhho na ah leh kan mimal nun ah hmasawn a changkan lam pan tuma ke kan pen a,midang te tan a malsawmna ni thei tur a kawng engkim a \an kan lak thar a \ul hle awm e.

Hma kan sawn viau e kan tih lai hian kan hmasawn dan leh kan changkang dan hian a zir lo nge ni, kan hnam boral leh chimral te hi he ti em em mai a kan hlauh ni, a bik takin \halai te hian hemi kawngah hian mawhphurhna thuk tak kan nei a ni, changkang kan in enna hi thawmhnaw \ha leh mawi, lirthei changkang leh mobile phone neih \hat lam ah ani lo tih kan hriat thar a pawimawh.

|halai/zirlai mahni a intodelh ngam khawp a changkang, tlangval hnathawh hreh nei lo ngaisang ngam khawp a changkang nula kan nih a pawimawh khawp mai, nu leh pa te zingkar ah hma taka thawh tir a bazar a vai mu\ia ten an phurh ngai lo a \halai tha chak zawk zingkar a bazar ngam khawp a changkang nih kan tum a \ul khawp mai, Ram leh hnam, khawtlang leh chhungkua, mimal nun in hma a sawn a, hnam boral pawh hlau lo tur chuan kan khawtlang \halai te hian taihmak kawngah tun aia hmathlir dik zawk a ngaihtuahna thui zawk kan put a \ul hle awm e.

 RILRU  HRISEL  NANA  KAN  TIH  TUR

-Dr. C. Lalhrekima

Rilru  hrisel  kan  neih  theih  nan,  ni  tin  nuna  kan  inzir  theih dan  tur  tlem  han  tar  lang  ila.  Sawi  kim  tak  tak  sen  erawh  a  ni  lo ang.

1) Taksa  hriselna ngaihpawimawh tur:  Taksa leh  rilru  hi a  inzawm  tlat.  Taksa  in  fit  zek  zawkte  rilru  hi  a  hrisel  duh  bik. Rilru  helhkam  ngah  leh harsatna  nei ten taksa natna an nei  duh bawk. Taksa  insawizawi  hi  uar  tur  a  ni.  Insawizawi  hian  chuap leh  lungte  a  tihchak  bakah  endorphin  an  tih  mai,  kan  rilru tizangkhai  thei  leh  min  tiphur  thei  chemical  chu  thluak  a\angin  a siam  chhuak thei. Lungngaihna, lungkham leh hlauhthawn  bakah nun  nguina  hnehna  \ha  tak  chu  insawizawi  hi  a  ni.  Kawt kaia motor  dah,  tawite  kalna  turah  pawh  scooty  ken  tum  zel,  \hu chunga  hnathawk,  zing  mu  rei  \hin  ho  hi  kan  insawizawi  tlem khawp. Ni khatah darkar  chanve tal  insawizawi  a  \ha. A hranpaa hun kan nei lo a nih pawhin lirthei  tel  loa  kal  phak  chinah tal  hian kea  kal  tum  hram  ila.  Inkhawm  kawng  leh  kan  len  velnaahte hian  pen  hnelh  hnelh  lo  hian  kal  chak  ve  tur  a  ni. 

2) Hna  thawh  tur:  Hnathawh  hi  rilruin  a  ngeih. Thawkchhuak  nun,  nun  \angkai  apiang  an  hlim.  Mi  tih  sa,  mi thawh  sa  rin  ringawt  hian  rilru  a  hlim  thei  lo.  Nula  tlangval lehkhazir  tawh  lo,  hnathawh  tur  hre  mai  si  lo  tan  inhlawhna tur  a awm. Mi in saa inhlawhfak te,  mi  awmpuia \an  te hreh  lem tur a ni  lo.  Singapore  ah chauh  mi ina awm duh,  Mizorama mi awmpui nih  zah  leh  tlat  si te  hi  a  fel  lo.  Tih  tur  dang  kan  ti  hreh  a  nih pawhin  awmpui  nei  hian  ban  ila,  kan  awmpuite  thawh  ang  kha keimahni  inah  thawk  mai  ila,  hna  kan  nei  ve  a  ni  mai  alawm! Hlawh  kan  nei  ve  a  ni  mai  alawm!  Kan  hlim  zawk  dawn  bawk si.

3) Hahchawlh  ve  tur:  Mut  \hat  tur.  Mut  hi  kan  chakna  lak tharna  a  ni.  Hah  taka  thawh  reng  hi  a  hahthlak  ve  a  nia. Ei  leh  in tih\hat  tur.  Ei  tur  leh  in tur  hrisel  hi  kan  rilru  leh taksain  a  mamawh. ““Ni  lum  ai  tam  rawh : Ni  eng  hian  rilru  a  tithawveng  a, min  tihlim  thei.  Thlasik  ni  tawi  laia  Depression  nei  chite  zuk awm a! A hranpaa  nia  i  inpho  hman  lo  a  nih  pawhin  insawizawi pahin,  hnatlan  pahin,  huan  a  kal  pahin,  feh  pahin  nilum  a ai  pah theih.

4)Rui  suh:  Zu,  ruihtheih  thil  dang  leh  mei  zial  zukte  hian thluak  an  khawih  chhia  a,  thluak  hi  rilru  awmna  a  nih  avangin rilru  a  tichhe  thei. 

5)Hriatna  panga  duat  rawh: Kan  hriatna  panga  –  mit, beng,  lei,  vun  leh  hnarte  hi  duat  tur.  Hmuhnawm  i  tih  te, ngaihnawm  i  tih  te,  tui  i  tih  te,  nuam  i  tih  te,  rimtui  i  tihte  hi  ngaipawimawh  ve  rawh.  Heng  kan  hriatna  ho  hi  an  hah  ve  thei,  an duhzawng  khilai  ve  tur  a  ni.  Mahse  rilru  kaihruai  \ha  thei  lam  ni hram se!  Ka  mitin  blue  film  a  enchak,  kan  khilai  teh  ang  tih  lam zawng  rilru  hrisel  lohna  bul  a  ni  zawk!

6)|angkai  ve rawh: Hlawh hmuh nan kher loa hnathawh hian  kan thinlung  a  hlim  a, rilru  a nuam  a,  kan  inchhuang ru  \hin. Chu chu kan rilru  hian a ngeih. Mi dang tan \angkai la. Hnatlang, khawtlang  thil,  kohhranah  inhmang ve  la.  Mi  \anpui hi  rilru  hian  a ngeih. I  hlimpui  tur  thil  tih  ching  ve  la.  Nuam tih  avang  liau liaua  thil tih  hi  a  \ha  ve.  Hahdam  hun  insiam  ve  la.  Infiam  hun insiam  ve  rawh.  Engto  nei  hauh  loa  hun  thawl  neih  ve  zeuh zeuh  hi  rilruin  a  ngeih. 

7)Lawmna  tur  zawng  rawh:  Thil  lawmawm  i  tawnte ngaihtuah  tam  la.  Mi  sualna te,  thil  dik  lo  te,  lungngaihna  lam  te aiin  mi  \hatna te,  thil  \ha  te,  lawmna  tur  lam  ngaihtuah hi  ‘practice’ la,  zir  theih  a  ni.  Hawi  vel  la,  lawmna  tur  a  tam  lutuk.  Lawm lohna  tur  ringawt  ngaihtuah  hi  a  awl  viau.  Ngaihtuahna  chhe zawk  a lo  luh  veleh  ngaihtuah  dan  \ha  zawk  a  awm  em  tiin  thlir dan  dang  zawn  tur  a  ni. Thil  thlir  zau  rawh. A  hrehawm  leh  nuam  lo  ngawt  thlir chuan  nun  hi  a  hahthlak.  ‘Min  tihlumtu  a  nih  loh  chuan  min tichaktu  a  ni,’  tih  thufing  pakhat  a  awm.  Harsatna  te,  buaina  te kan  tawh  hian,  kan  thihpui  a  nih  si  loh  chuan  nakin  zela  min tichaktu  a  lo  ni  ngei  \hin. 

8) |hian  kawm  rawh: Ina  tawm  reng  a,  mahni  pindan a\anga  tihfel  mai  theih  hi  a  tam  khawp. Tunlai  phei  chuan  bazar kal  ngai  lo in  on-line  in  thil  tam  tak  a  chah  theih  a,  mahni  bed room  a\angin  nula  a  rim  theih  ta.  Mahse  rilru  hrisel  tur  chuan  a taka  mi  bula awm a, titi  a, nuih  ho te  a \ha.  Computer leh  phone ringawta  \hian  kawm  loin,  hmaichhanah  \hian  kawm  ang  che. 

9)Titi  ve  rawh: Chhungkaw  chaw  ei  lai ten  \awng  ve  la, nuihzate  siam  ve  la,  nui  ve  bawk  bawk  la.  Chaw  ei  khamah chhungte  bualahte  \hu  vein  I  thil  tawnte  sawi  ve  siam  siam  rawh. I  harsatnate  mi  dang  hrilh  hreh  lo  la.  In  titi  dun  avanga  thil  \ha zawk  chhuak  hluai  tur  a  awm  loh  pawhin  rilru  insawithawl  ve hrim  hrim  hian  min  chhawk  thei.

10) Engkim i ti thei lo  tih pawm teh: I tih theih  piah lam tih hram tum suh. I tlin  bak  thawk kher  suh. Engkim hi kan chingfel vek  thei  lo.  Kan  theih  loh  na  na  na  vei  tlatte  hi  a  sawt  lo. Lungkham nei lo tura Isua zirtirte  kan  ni. Tunge  lungkham avanga mahni  dung  lam  tawng  khata  tisei  thei  awm? 

11) Ngaidam  rawh: Khawvel  famkim  lova  cheng  kan  nih miau  avangin  tihsual  chang  a  awm  thei.  Mi  dang  ngaihdam  hi zir  la,  mi  kan  ngaidam  hian  kan  dam! Kan ngaihdamte an dam! Pathianin  min  ngaidam  bawk!

12) Fiamthute  thawh  ve  teh:    Tak  ngul  reng  mai,  muk  run reng  hi  a  hahthlak.  Pumpui  na  a  chhuak  duh!  Fiamthu  ve  la, uang  ve  la,  hoh  nite  pawh  nei  ve  teh.  Mi  fiamthuahte  nui  ve  la. Inti  engemaw  taka  fiamthu  engemaw  deuh  hlek  haw  zel,  nui \ha  duh  lo,  whatsapp  velah  pawh  mi  dang  khap  tum  hramte  hi rilru  te  zia  a  ni.  Fiamthu  \ha  lo  sawi  ve  rawh  tihna  erawh  a  ni  lo. I  rilru  zau  ve  rawh  se  tihna  mai  a  ni  e.

14) Tanpuina zawng hreh suh: Kan ram dinhmun leh kan rilru  puthmang  tlangpui  han  thlir  hian  hmasawnna  tur  kan  nei. Rilru  lamah  harsatna  kan  nei  a  nih  chuan  \anpuina  kan  zawng hreh  tur  a  ni  lo.  |anpuina  mamawh  lo  mihring  kan  awm  lo  a, \anpuina  dik  hian  min  chhanchhuak  thei  si.  Khawvela  mi  thiam kan  tihte  hnena  kan  kal  duh  lo  a  nih  pawhin  rilru  lam  daktawr ropui  ber,  mi  dang  hriat  hauh  lova  tupaw’n  kan  pan  theih Psychiatrist  ropui  ber  Lal  Isua  a  awm.  Kan  manganna  leh lungngaihna  zawng  zawng  a  hnen  thlen  turin  min  sawm  a  ni. 

ROD BUK DAN

Tunlai kan khawtlang ah cement concrete a insa kan tam ta hle mai a, i sum hlu tak harsa tak a i lo khawl \ang \ang kha sumdawg ten an bum loh nan che, i Rod lei te awlsam taka a buk a dik leh dik loh awlsam takin hetiang hian i lo chhut ve \hin dawn nia.

20 mm--2.47 kg ---1 mtr

16 mm--1.58 kg --- 1 mtr

12 mm --0.89 kg---1 mtr

10 mm---0.62 kg ---1 mtr

6 mm--0.22 kg---1mtr

Metre khat rih zawng i hriat chian chuan i Rod lei sei zawng metre kha pawt chhuak la, awlsam takin i thil lei kha a buk dik leh dik loh i lo hre thei dawn nia.

AIZAWL CIVIL HOSPITAL DAWR TUTE TANA HRIATTUR PAWIMAWH

Aizawl Civil Hospital hi mipuiin kan dawr nasain, heng kan dawr nikhua hian chinchang hriattur pawimawh tam tak awmin keimahni tan leh kan dawra te tana thil awlsam zawk a nih theih nan heng a hnuaia kan tarlan te hi chhinchhiah mai bakah, dah\ha thei nghe nghe ila a duhawm hle ang.

1.  In entir dawn reng reng hian OPD card `10/- in lak a ngai phawt a.

2.  Ultra - sound leh Endoscope tih man hi hetiang hi a ni:-“Damdawiin a awm te tan Rs 200/-“Pawn lam mi tan `200/- 

3.  CT Scan:-Lu bikah `1000/-. A dang zawng `1200/- X - ray (taksa peng hrang hrang a in anglo)`80/- a\angin a in\an.

4.  M.R. Bill Form hi Medical Superintendent P.A hnen a\anga lak tur a ni a, lak man hi `10/- a niin, Medical Certificate Leave lakna tur hian `10/- a ngai bawk.

5.  Ambulance hi KM khat ah `40/- a ni a, khawpui chhung ah chuan `500/- (hei hi damdawi ina awmte tan a ni a, casualty doctor duty hnenah a man pek lawkin a hman theih a ni.

6.  Heng rilphir leh Tonsil paih etc. ah te hian a tlangpuiin senso chu `3000/- in a daih thei ni a chhut a ni.

7.  Poor Fund chungchangah hian MR bill reng reng hian doctor - te bill an sign tir hian an phal ang tawk tawk pekna bawm hmun hrang hrang ah hun a ni a, hei hi damlo, miretheite \anpuina liau liau a nih avangin a nei deuh te tan chuan a na chang hriat a \ha hle a ni.Tin, damlo mi harsate \anpuina hi mi mal, pawl, chhungkua etc. te tan englai pawhin a pek theih reng a, hei hi \angkai taka hman \hin a ni tih i hre reng ang u.

8.  Ha bikah hi chuan Ha phawi leh Operation hi Nilai niah tih \hin a ni a, ni dang zawng chu inentirna ni a ni.

A tawp ber ah chuan damdawiina damlo awmpui tute hian an sum kawl te vawng fimkhur turin a thawk tuten mipui an ngen a ni.Tin, Damdawiin dawr tute hian kuhva funna etc. leh kuhva eina chhak mai mai lo tur leh kan damdawiin hi a ti bawlhhlawh lo zawnga enkawlpui turin mipuite an ngen tak meuh meuh a ni.

HRINGNUN dICTIONARY.....

A bul \an...

Africa hmar lama |angrual sipaite’n hnehna an chang kha Indopui II-naah chuan thil awmdan inthlak thleng \anna ni a ngaih a ni a. Winston Churchill-a chuan, “Hei hi a tawpna a ni lova, a tawp in\anna lah a ni hek lo. A bul \an tawpna mai chauh a ni thei bawk a ni,” tiin thu fing danglam ang reng tak a sawi chhuak a ni.

 LEADERSHIP LEH ACCOUNT TRAINING NEI

Nimin ni 29.4.2017 (Inrinni) khan Hlimen Kohhran ah, Hlimen Pastor Bial Kristian |halai Pawl buatsaihin, chawhma lamah Leadership training  Branch Committee leh Group Committee chin tan neih a ni a, chawhnu lamah Branch Committee chin tan Account training neih a ni bawk a ni. Zan lamah Central K|P hruaitute a\angin Pathian thuchah ngaihthlak niin, Bial Zaipawl, Bial Masihi Zaipawl leh Hlimen Kohhran Zaipawl te an zai bawk a ni. 

DAN(LAW) IN HMEICHHE CHANVO A PEK TE

1. Hmeichhia hian Police Station kal kher lovin FIR, e-mail hmangin emaw D^k hmangin emaw a theh lut thei. Commisioner of Police emaw Senior police emaw address tur ani. ( According to the Guidelines issued by Delhi Police)

2. Pawngsual chungchang bikah, kum a liam hnu paw’n FIR theh luh theih a ni. Police te’n ‘A hun laiin engvangin nge FIR intheh luh loh?’ tiin an buaipui lo thiang lo. Supreme Court thu chhuak angin thubuai an ziak lut ngei tur a ni.

3. Hmeichhia hi nitlak hnu-ah man phal a ni lova, nichhuah hma pawn man phal an ni lo. Hmeichhe police tel pawh nise, Supreme Court in a phal lo a ni. Buaina lian tham tak a nih erawh chuan Magistrate phalna in man theih a ni.

4. Pawngsual chungchang bikah, Police emaw Social media lamin emaw hmeichhe nihna mipui vantlang hriata puanzar khap a ni.(Sec-228-A Of the Indian Penal Code)

5. Hmeichhia hi Police Station-ah thu zawt fiah tura koh phal an ni lo.(Criminal Procedure Code.Sec 160) Thu zawh fiah tur police in an nei a nih paw’n an inah an kal tur a ni.

ZANIN EPL FIXTURES

4:30pm -Manchester United vs Swansea (Star Sports Select HD1)

6:35pm -Everton vs Chelsea 

(Star Sports Select HD1)

6:35pm -Middlesbrough vs Manchester City (Star Sports 4)

9:00pm -Tottenham vs Arsenal 

(Star Sports HD 1)

CHATUAN RAMAH

Tv. Johny Lal\anpuia (26) chuan ni 26.4.2017 (Nilaini) zan khan chatuan ram min lo pansan ta a. Mipui Aw Editorial Board te chuan a kalsan tak a chhungte kan tawrhpui em em a, an lusun khawhar, lungngaihna leh manganna zawng zawngah Lalpa’n vengin awmpuiin thlamuan zel rawh se tih hi kan \awng\aina a ni e. 

Pi Vanlalsawmi (49) chuan ni 28.4.2017 (Zirtawp) zan khan chatuan ram min lo pansan ta a. Mipui Aw Editorial Board te chuan a kalsan tak a chhungte kan tawrhpui em em a, an lusun khawhar, lungngaihna leh manganna zawng zawngah Lalpa’n vengin awmpuiin thlamuan zel rawh se tih hi kan \awng\aina a ni e.

HLIMEN PASTOR BIAL INKHAWMPUI VAWI 52-NA THLIRLETNA TLANGPUI

Rorel Thu Pass te:

1. “Kum 2017 chhung hian Bial Kohhran Committee huap in Seminar neih ni se, Bial Standing in a neih dan tur lo ngaihtuah rawh se” tih a ni.

2. “Hlimen Pastor Bial tan Pro Pastor dil ni rawh se”  tih chu ‘Officers Meeting (OM)’ ah thlen nise” tih a ni.

3. “Pastor Quarter hnuai hi luah theiha siam dan Bial in ngaihtuah rawhse” tih chu Bial Standing Committee kut a dah a ni.

4. “Bial Standing Committee Bial Inkhawmpui a kan seng luh hi tun hma a kan kal dan pangngaiin kal leh ni rawhse” tih chu a lo luh dan ang hian pawm a ni.

5. Heng Bial chhung Kohhran te hian Tual Upa an rawn dil a, an dil ang hian pek an ni.

Kohhran                          Dil zat

1) Melthum Kohhran                     3  

2) Saikhamakawn Kohhran           3  

3) Hlimen Vengthar Kohhran        2  

4) Hlimen Kohhran                       4

Nomination thu:  

Kum 2018 Bial Inkhawmpui Programme:

A hun : Dt. 20-22 April, 2018

A hmun : Hlimen Vengthar  Kohhran Biak In

Thupui : “Pathian chibai b<k”                    (Johana 4:24)

Bial Puipa te:

Chairman       : Upa Lalhmuchhuaka, Hlimen

Secretaries     : Upa H. Vanlalrenga (Sr), Melthum     

                       : Upa Zonunmawia (Jr), Saikhamakawn

Treasurer        : Upa Lalengliana  (Synod Sum)   

                       : Upa Sangzarliana (Inkhawmpui Sum)

,   Pu Jordyneff Zoremsanga w/o Pi Lalrempuii (V.Sec) chu damlohna avanga Synod Hospital, Durtlangah  enkawl a nih hnuin a lo chhuak.

,   Pu Lalfakzuala s/o Pu Deng\huama (Ch.Sec) chu hun rei tak Aizawl Hospital ah enkawl a nih hnuin a lo chhuak.

,   Tv. Lalrinzauva s/o Pu Lalnunthanga (T.Sec) chu damlohna avangin  Aizawl Hospital ah enkawl mek a ni.

LAWMTHU SAWINA

Kan fapa Johny Laltanpuia'n date 26/04/2017 a min boral san chungchang ah vengchhung mipui min lainattu te, a damloh lai zawng a bang lova min tawngtai sak thin tu te, damdawiin a a awm lai a mahni hun leh tha, sum leh pai seng a min rawn kan \hin tu zawng zawng te leh min boral san hnu a mahni hna \ul pawimawh kalsan a, a ruang min rawn thlah liam pui tu te, kan khawhar lusun min rawn hnem tur a lo kal khawm \hin te,  vengchhung nu leh pa, nula leh tlangval engkima min buaipuitu leh chhawmdawltu te zawng zawng in chungah lawmthu kan sawi tak meuh meuh a, kan chunga in \hatna ah lawmthu kan sawi seng dawn lova, rulh let tur nise engtik ah mah kan rul seng dawn hek lo, chuvang chuan Engkim chunga thuneitu hian a let tamtak in a rul ngei zawk ang che u tih hi kan ring nghet tlat a ni. Lalpa'n malsawm che u rawh se.

In khawngaihna dawngtu

Pi Lalchhanhimi te chhungkua

Vanapa Section