Mipui Aw 16.10.2016

MIPUI AW

KARTIN CHHUAK

Vol. XXII Issue No. 42 Kristian Thalai  Pawl  Saikhamakawn Branch  Pathianni Dt.16.10.2016

KOHHRAN PROGRAMME

Ni 16.10.2016 (Pathianni)

Chawhma Inkhawm

|antu              : Pi Lalchuangkimi

Zirlai 38-na    : “Thlarau Thianghlim hnathawh dan”

Chawhnu Inkhawm

Thuhriltu       : Upa Zonunmawia

Zân inkhawm

NEICC puala \awng\ai rual

Thupui                       : “Inhmangaih tawn ula”

Sawitu                        : Upa C.Lalmuankima

K|P INKHAWM PROGRAMME

Ni 17.10.2016 (Thawh\an Z^n)

Thupui Zir Inkhawm

Hruaitu           : Pu C.Lalmuanpuia

|antu              : Nl. Lalhruaitluangi Fanai

Thupui           : Presbyterian Kohhran  Inkaihhruaina

Sawitu                        : Upa C.Lalmuankima

Thilpeklakhawm Nl.Amy Lalhmangaihzuali

 tu turte             :      Nl. Judy Lalsangliani

Zai hruaitute  : Nl. C.Zosangliani

(15-30 Oct.)      leh Tv. C.Lallawmawma

Key Boardist  : Tv. MS Dawngliana

K|P FELLOWSHIP PROGRAMME

Ni 16.10.2016 (Pathianni Tlai)

Hruaitu           :  Nl. R.Zonuntluangi

|antu              : Tv.Lalawmpuia(Biakvela)

KOHHRAN HMEICHHE

 INKHAWM PROGRAMME

Ni 18.10.2016 (Thawhleh Z^n)

Ramthim Zin

A hmun          : Sunday School Hall

Hruaitu           : Pi Zuimawii

|antu              : Pi Ainawnpari

KOHHRAN PAVALAI PROGRAMME

Ni 20.10.2016 (Ninga zan)

Hruaitu           : Pu C.Zakhuma

|antu              : Pu Biakvela

Thuhriltu       : Pu TK Manga

Khuangpu      : Pu T.Lalrinthanga leh  Pu Lalthanliana Ngente

Thilpek lakhawmtu: Pu C.Saienga

SERMON

THLARAU THIANGHLIM CHANGTU KAN NI EM?

                                                                  -Lalfakawma Nu

“Chu mi hunah chuan van ram chu nula thianghlim sawm an khawnvar kenga mo neitu hmuak tura chhuakte nen chuan tehkhin a ni tawh ang. An zinga mi panga an a a, panga an fing. A ate chuan an khawvarte an kenin, a tui an keng tel si lo va; a fingte erawh chuan an khawnvarte an keng a, an umte chuan a tui an keng tel bawk a. Tin, mo neitu chu a lo kal har avangin an zain an muthlu a, an lo muhil ta a. Tin, zan lai takah chuan, ‘Ngai teh u, mo neitu chu a lo kal e! A hmuak turin lo chhuak r’u khai!’ tiin au thawm a lo awm ta a. Chu veleh chuan nula thianghlimho chu an tho vek a, an khawnvarte chu an buatsaih a. Tin, a ate chuan, a fingte hnenah, ‘In khawnvar tui kha min pe ve rawh u; kan khawnvarte a thi dawn e,’ an ti a. Nimahsela, a fingte chuan, ‘Keini leh nangni tan a daih lo vang e; a zuartute hnenah kal ula lei ve zawk rawh u,’ tiin an chhang a. Tin, lei tura an kal bo hlan chuan mo neitu chu a lo thleng ta a; tichuan, a peihte chu amah nen lawi chaw eiin an lut a; tin, kawng chu an khar ta a.  Chu mi hnuah chuan nula thianghlim dangte pawh chu an lo thleng a, ‘Ka pu, ka pu, min hawnsak rawh!’ an ti a. Ani erawh chuan, ‘Tih tak meuhvin ka hrilh a che u, ka hre lo che u a ni,’ a ti a, a chhang a.“Chutichuan, ngaihven rawh u, a ni leh a hun chu in hre si lo va.” (Matthaia 25: 1-13)

            Ringtute hian pianthar ringawt duh tawk lovin Thlarau Thianghlim kan neih tel hi a ngai hle mai a, chumi nei tur chuan a neitu Pathian hnenah kan dil \hin a ngai a ni.

            Thlarau Thianghlim chuan kan thu hriat te kan thinlungah min tihnun sak \hin a, chakna leh huaisenna min pe bawk \hin a ni.

            Lal Isua’n nula thianghlim sawm (10) a rawn tehkhin ang hian piangthar ni ve si simna engmah nei lo piantharna hi tuna chuan hun hnuhnungah kan awm tawh avangin a theih tawh loh a, Lalpa Pathian in a pawm tawh lo a ni.

            Keimahni ah hian Lal Isua hi a lal ber tur a ni a, ama ta a thisen thianghlim taka a lei te kan ni si a. Kan nunah hian kan damchhung khawsakna te kan dah lal lutuk a min neitu Lal Isua hi kan dah lal lo zawk \hin a, Thlarau Thianghlim pawh hi kan chang thei lo a ni. Thlarau Thianghlim nei tur chuan a thawh a thawh chhuah a ngai a, Joshua hnena i rah chin apiang i ram a ni ang a tih ang khan Lal Isua tana kan inpek nasat poh leh kan phak tawk zelah Pathian Thlarau in min pawl \hin dawn a ni.

            Mi nungchang \ha tak mai piangthar bawk si te pawh hi Thlarau Thianghlim nei lo a awm theih a ni. Mahse nula fing panga te anga a mo thianghlim ni tur chuan Thlarau Thianghlim kan neih tel a ngai si a, keini pawh nula fing panga te anga a mo thianghlim kan nih \heuh hi min tlantu Isua Krista duh dan a ni a, hriselna leh dam reina pawh a ni.

            Kohhran te hi Krista mo te kan ni a, mahse Pathian lawm tlak a mo thianghlim te kan ni em? A mo thianghlim ni tur chuan  kan chapona te, sum kan ngainatna te, chhungril taka miten min hmu chuang lo min hre lo ve ti a thilsual kan lo tih chuan amah kan \ih tawk lohna hi thlarau chuan min hre vek si a, chuvangin Thlarau Thianghlim hian min \in san mai \hin a, chutiang ni lo tur chuan  rilru inngaitlawm taka Amah kan hmangaih a, Thlarau Thianghlim pawl tlak kan nih theih \heuh nan ringtute nun i tum \heuh ang u .

            Lalpa’n a thu malsawm rawh se, Amen.                    

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

CHANTÂWKA LUNGAWI

          Nausên pianghlim a\anga tarkun thleng mai pawh hian mihringte hi chan tâwka lungawi hi a awm chu kan awm \euh mai anga, amaherawhchu kan vâng viau âwm e, tin, zir chuan thil theih ve tak chu a ni ve bawk. Mihring pianken ve pakhat nia lang thei chu naupang chhiat leh \ha hriatna la neilo kan tih mai ang chite pawh hi han en ta ang ila; chithlummûm sen an neih lâi reng pawhin an \hiante chithlummûm hring chu an awt tlat a, an chan tâwkah an lungawi ngâi rêng rêng lo a ni. Chutiang chiah chuan Chhia leh \ha hriatna nei tawh pawh hian kan chan leh kan nihna chu duh tâwk lovin mi tâ leh mei neih hi kan awt ve tlat \hin a, rual elna \ha tak mah nisela, a chhe zâwng hian kan hmang ang tih hlauhawm tak a ni. Lal Davida ngêi pawh kha nupui nei lo a ni bîk lova, mahse, a chan tâwkah khân lungawi lovin mi nupui chu ava chuhpui ta anih kha. Hetiang ang bawk hian kan chan tâwkah hian kan lungawi lovin mi thil neih va awt a, va lâksak emaw va chhuhsak emaw neih ve tumna lamah hian thil \ha lo kan lo ti palh ang tih hi a hlauhawm hle a ni. Hetiang sual laka kan invên thiamtheih nân chantâwkah hianlungawi hrâm hrâm i zir \hin ang u.

ARTICLE

NAVY SEAL TEAM SIX (OSAMA THAT TUTE) THIHDAN MAK

            A thupui khi en ula, kan sawi tum chu a chiang kek kawk viauin a lang. Mahse kan sawi uar em em mai "Conspiracy Theory" kan hawlh tel dawn avangin..."A NI E....A NILO E....tiin thu engmah kan sawi hauh lo anga. Mahse kan sawi chian ngam erawh chu, Osama thahna tel \henkhat te kha, Osama an thah hnu lawk thla thum vel awrh ah khan an thi ve nghal tih hi ni teh se.

           

1. Kum 2011 May thlaah khan US Army Special Force, Navy Seal Team Six an tih chuan Osama Bin Laden chu a chenna, Abbotabad khuaah an va luhchilh a, an that a nih kha. Mahse kha thil a thlen a\anga thla thum vel awrh a liam tihin, August 2011 ah khan American Sipai 30 leh Afghan mi tlem azawng te chuanna Helicopter chu Afghanistan ah kahthlak a ni a. He helicopter ah hian Osama thahnaa tel (Navy Seal Team Six Member) sipai 16 zet an tel ve nia sawi a ni. (FOX NEWS)

2. An thlawh chhuah chhan hi, Afghan hel leh US Sipaite an inbeih thut avangin, anmahni pui tura tirh an ni a.Heta \ang hian ringhlelh awm thil tam tak chu a thleng ta mawlh mawlh mai a ni.

(a) Hetiang dinhmun...indona hmuna helipcoptera an indah luh dawn reng reng chuan a tlangpuiin, MH 47 Helicopter an hmang ziah \hin a. Heng helicopter hi helicopter pangai anglo deuhin, a sei deuh put a, a chung vir pawh hmun hnihah, a hnung leh hmaah a nei nghe nghe (in hre mai ang chu). Mahse hemi zan hian MH 47 ang chi tho, mahse kum 1960 bawr vela an siam tawh CHINOOK Helicopter hmang chuan an chhuahtir teh mauh a nih chu. Heng helicopter pahnih te hi a class chu inang mahse, kum 1960 vela bullet bike an siam leh tun laia bullet bike an siam inthlauh ang vel (hei ai chuan an inthlau fe zawk anga...tehkhin thiam dan ber - RF) kha a ni ber awm e. A in\hat hleihin, a him pawh a in him hleih a. Vana an awm lai pawn a inhim hleih nasa rapthlak tih chu sawi thui lo mai ang. Lo en dun chhin ve mai rawh u,

(b) He chhiatna thlenga thi ta te chhungten Attorney (dan Hremi) atana an rawih Larry Klayman pawn he thu hi chiang takin Fox News in an interview naah a sawi nghe nghe a. Chu aia bengverh lehzual a sawi leh chu...Thuneitu leh a chhuitu lam (Sorkar lamin) he helicopter BLACK BOX hi "Tuilianin a len bo" tiin an report teh mauh bawk a ni awm a. Amah Larry Klayman-a sawi danin,"He thlawhna tlakna Afghanistan ram chhungah khuan, Nova hunlaia tuilet tih loh kha chu vawi chhe te khat mah tuilian ala awm ngailo" a ti hial a. A dik hmel viau bawk. Thlalerah engtin nge vawi leh khatah tui a rawn len chiam theih ang!!!!

(c) He helicopter a thlawhchhuah dawn ruai hian, Afghanistan sipai pawimawh (?) Pasarih lai chu chawp leh chilh fahranin, sipai dang pasarih nen lo thlak thleng an ni bawk. Hei hi a hnua an hriat chauh a ni nghe nghe a. Larry Klayman a sawi dan zelin sawi ve ta ila. Thlawhna Manifest (A chuangte tarlanna) ah pawh an hming pawh an thlak hman lova, an thlakthleng dan hi a chawpchilh viau ni tur a ni. An lo thlakthleng a ni tih pawh a hnu fe ah a hriat theih chauh a. A thi hming an lak khawm a\angin Manifest a tello Afghan Sipai pasarih an thih laiin, Manifest a tel Sipai pasarih te chu an thlawh dawn ruaiah an la chhuak thut thung a ni. Chuvangin he thil thleng hi, Navy Seals chuang ve te thah an nih theihnana Afghanistan Sorkar remruat a ang kan ti tiin he Attorney hian a sawi bawk a ni. Mahse Pentagon (US Sipai Hmunpui) chuan, hetiang anga Afghanistan sorkar puhna tur khawp hian EVIDENCE tha tawk a awm lo an lo ti ve leh zel a. Mak teh nuaih asin.

3. Tunah chuan Karen & Billy Vaughn te thu chhuak lam ilo hawi leh lawk ila. Anni hi he thihnaa sipai thi ve, Osama that tute zinga mi tho, Erin Vaughn a nu leh pate an ni.

(a)    A hmasa berah chuan kum 1960 a siam tawh CH-47 Chinook Helicopter hmanga tirhluh an ni a. Tihdan phung (procedure) angin escort te chu nei ve mahse kan hriat leh danin an escort te kha silai hmehpuah phalsak an ni lo a, CH-47 kalkawng lo sial emaw lo veng tur takngial pawhin engmah an ti lo hrim hrim. Seals Team ten Osama an that tih puanzar anih a\anga darkar 24 pawh a ral hma khan ka fapa (Erin Vaughn) chuan min rawn bia a, a aw a\ang chuan a fimkhurin a hlauhthawn hmel khawp mai a. Chubakah a \awng zawi hle bawk. A rawn sawi dan chuan," Ka nu, Social Media vela i account zawng zawng thian fai vek rawh...engkim paih (delete) vek rawh. Thil sawi sep sep ka hria a, i nunna kha hlauhthawnawmah a awm mek a, nang chauh nilo, kan chhungkua hian hlauhawmah kan ding a nia" a rawn ti ringawt a. Chubakah mak ka tih leh em em dang chu, helicopter pakhata Osama thattu te ho an chuangkhawm hnem lutuk te kha amak ka ti hle bawk a ti a ni. Hei hi thi ta Erin Vaughn-a nu sawi dan a ni.

.

BENG TI VÂR

NGAIHNAWM TAWI

1. Khawvèla thliarkár lian ber, Greenland hi Eric Red-a'n kum 980-a a hmuhchhuah a ni a. A hming pawh hi ama phuah a ni.

2. Ramsa dangte nèn tehkhin leh a pumrua ang zàwnga thlir chuan Sai hian thil a ei tlem hle. A chhan chu, Sai hi a che muangin, a lungphu ran zàwng pawh mihring lungphu ran zatve chauh a ni.

3. Afghan Ui, 'Snuppy' an tih chu khawvèla Ui clone hmasa ber a ni.

4. Khawvèla hla sak tam ber chu, zirtírtu pahnih, Mildred leh Patty Hill-i te hla phuah, ' Happy Birthday to You' tih hla hi a ni.

5. Oak thing te hian pàr/chi chhuah tùrin kum 50 lai zu mamawh a mawle!

6. Ar bengtisen[red ear lobes]-te hi an tùi[egg] a buang a. A bengtivar túi erawh a var thung!

7. Savawm zìngah hian Kodiak savawm, Alaska rama awm, a uk-ho chi hi a lian thei ber chi niin, Fit 8-a sáng leh pound 1,700-a rit te an ni thei!

8. Cambodia rama lui pakhat, Tonle Sap lui chu kum chanve chhùng vèl hmàr zàwngin a luang a. Hun dangah chuan chhim zàwngin a luang tlat!

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zanin EPL Inkel turte:

Middlebrought vs Watford (6:00pm)

@Starsport Select HD 1

Southamton Vs Burnley (8:30pm)

@Starsport Select HD 1

Thawhlehni zan

Liverpool Vs Manchester United (12:30am)

@Starsport Select HD 1

LAWMTHU SAWINA

            Ni 11.10.2016 (Thawhleh) a K|P Sport Phulpui Sport Complex a neih zawh tâkah Member \hagnemngaia kal zawng zawng chungah lawmthu kan sawi e.

Sd/- (PC VANLALHRIATPUIA)

Secretary,

K|P, Saikhamakawn Branch

HRIATTIRNA

1) Floor Tilling Work training duh tan ni 23.10.2016 (Sunday) aia tlai lovah Saikhamakawn Branch YMA Office Bearer (O.B)-te hnenah in report tur a ni e.   Training diltu hi kum 18-40 inkar a ni tur a ni ang.

2) Disaster training buatsaih a ni leh dawn a, kan Branch aiawha training duh tan ni 17.10.2016 (Thawh\anni)aia tlai lovah  Pu K.Lalhuliana, Asst.Secy leh Pu Malsawmdawngliana, Treasurer Branch YMA te hnenah in report tur a ni e.

            Hrechiang duh tan Branch O.B te hnenah a zawhfiah theih reng e.

Sd/-(C.LALDAWNGLIANA)

Secretary

YMA Saikhamakawn Branch

ZDU SAIKHAMKAWN COMMITTEE

            Ni 17.10.2016 (Thawh\an) zan dar 7:00 pm ah Committee koh a ni a. Saikhamakawn a ZDU member zawng zawngte kal vek tura hriattir leh ngen kan ni e.

A hmun: Pu R.Lallura te In

Agenda: 1) Badge chungchang

              2) Hmalak dan tur

              3) A.O.B

Sd/- (J.MALSAWMA)

Secretary

ZDU Saikhamakawn

PENSIONER-TE HRIAT TUR

            Civil Pensioner Treasury kaltlanga hlawh la zawng zawng ten an Pension Bu tun thla chhungin Pu R.Lalkhuma hnenah thehluh vek tur a ni e.

KOHHRAN PAVALAI

FELLOWSHIP PROGRAMME

A hmun    : Pu T.Lalrinthanga te In

Hruaitu    : Pu Siamliana

Hla zira hun hman a ni ang

KRISTIAN |HALAI MAN TISANG

            Kum 2017 atan Kristian |halai Chanchinbu man tihsan a ni a, kum 1-a lâk man `60 ni \hin chu `70 a tihsan a ni.

K|P T-SHIRT

            K|P T-Shirt chu a se, a dum leh a pawl siam belh leh a ni a, a duh tan Synod Bookroom-ah ngaihven tur a ni e.

PRESBYTERIAN KOHHRAN HRIATTIRNA

1) Zirlai ti\hate lawmpuina neih a ni leh dawn a, HSLC leh a chunglam pass-te Kohhran Secretary-te hnenah ni 23.10.2016 (Sunday) ral hma in in report tur a ni e.

2) Kum 2017 chhung atan Biak In Chowkidar dil theih a ni a. Dil duh chuan ni 20.11.2106 (Sunday) ral hma in Kohhran Secretary hnenah dilna thehluh tur a ni e.

DPO HRIATTIRNA

            Disable Peoples Organisation Saikhamakawn member ten ni 17.10.016 (Thawh\anni) zing dar 7:00am hmain hengte hi Pu J.Malsawma, Secretary DPO, Saikhamakawn hnenah thehluh vek tur a ni.

1) Certificate of Disabled

2) Income Certificate

3) Residential Certificate From LC Chairman

4) Passport size photo copy khat.

            Hengte hmang hian Union Minister a lo kal hunah thil mamawh te dawn tur a ni a. Hrechiang duh tan Mb: 9774852766/9862324386 ah zawhfiah tur a ni.

Sd/-(J.MALSAWMA)

Secretary

DPO Saikhamakawn

TUALCHHÛNG

,  Pu Dawngkima h/o Lalmuankimi (V.Sec) chu chuap lam \hatlohna avangin Vellore, Tamil Nadu ah zai a ni.

,Pu Kanchha h/o Laltluangi (Ch.Sec) pum lam \ha lo leh khawsik avangin Kulikawn Hospital ah enkawl mek a ni.

,  Pi Lalhlimpuii m/o Lalnunthari (T.Sec) te chuan chhungkaw mamawha hman atan Scooty (Vespa) thar an lei.

,Pu C.Lalromawia h/o Hunthangpuii (V.Sec) te chuan chhungkaw mamawha hman atan Scooter thar an lei.

,Pi Lalmawizuali w/o Lalchhanhima (T.Sec) chu Falkawn Hospital a zai a nih hnuin alo chhuak

BEGINNER DEPARTMENT NAU HUAL INKHAWM PROGRAMME

A hun: Ni 16.10.2016 (Pathianni)

A hmun: Beginner Dept. Hall

            Nau hual chhan:

            Mizo Sunday School Union in Nau Hual Ni a buatsaih hian chhan pahnih a nei a, chungte chu:

1) Nausen kum 4 a tlin huna Sunday School-a kai tura lo hual lawkna a ni.

2) Nausen chu pathian leh a Kohhran tana lo hual lawkna a ni bawk. 

            Nau Hual hlutna te:

1) Sunday School Zirtirtute leh nausen nu leh pate \an rualna a neihtir thei.

2) Nausen nu leh pate hnenah naupangte Pathian thu zirtir a pawimawhzia a hriatchhuahtir thei.

3) Kohhran in an fa chu a ngaihven a, a hria a ni tih a tarlang.

4) Nu leh paten an fate Sunday School kaitir a pawimawhzia an hriatchhuah phahin, kaitir an chak phah thei.

5) Mi hla deuhte pawh Kohhran leh Sunday School ah a tihtlangnel phah thei. 

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 9.10.2016

MIPUI AW

KARTIN CHHUAK

Vol. XXII Issue No. 41 Kristian Thalai  Pawl  Saikhamakawn Branch  Pathianni Dt.9.10.2016

VAWIIN CHÂNG VAWN

            LALPA chu mi vengtu a ni a; ka tlachham lo vang. Ani chuan hlobet hring dup hmunahte mi bawhtir \hin a: Chawlhna tui kamahte mi hruai \hin.

KOHHRAN PROGRAMME:

Ni 9.10.2016 (Pathianni)

Chawhma Inkhawm

|antu              : Pi K.Lalhmingliani

Zirlai               : 37 na & 38 na

Chawhnu Inkhawm

Thusawitu      : Pu Lalrintluanga

                        Zân inkhawm

Thusawitu      : Pu Khawlhmingliana

K|P INKHAWM PROGRAMME

Ni 10.10.2016 (Thawh\an Z^n)

Neihthil thehkhawm

KOHHRAN HMEICHHE

 INKHAWM PROGRAMME

Ni 11.10.2016 (Thawhleh Z^n)

Kristian Chhungkaw Pual

KOHHRAN PAVALAI

 INKHAWM PROGRAMME

Ni 13.10.2016 (Ninga Z^n)

Sermon Inkhawm

Hruaitu : Pu Zakhuma

|antu : Pu Lalthanhranga Ralte

Thuhriltu : Pu Lalthanliana Ngente

Khuangpu : Pu H.Remtluanga leh

                    Pu Lalthanliana Ngente

Thilpek lakhawmtu : Pu C.Saienga

KOHHRAN PAVALAI

 FELLOWSHIP PROGRAMME

Ni 9.10.2016

(Chawhnu inkhawm ban)

A hmun: Pu H.Remtluanga te In

Hruaitu : Pu Vanlalfala

Hla zir leh \awng\ai ruala hun hman tur a ni.

SERMON

MAHNI TA KAN NI LO

            A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u.                     I Kor 6:19-20

            Kan Pathian thu chuan mihringte hi ama ta kan nih zia bible chang kan han tarlan atang khian a lang chiang hle. Bible chu a daw dawn si lo, chuvang chuan Pathian ta kan ni tih hi kan awih mai a \ul âwm e.

            Bible bul lam kan chhiar chuan mihring te hi Pathian siam kan nih thu kan hmu a, ama anpui ngeia a siam kan ni tih pawh a lang chiang hle, chumai bakah a thilsiam dang zawng zawng ai pawha kan ropui bik zia te, a thilsiam dang te chungah pawh thunei tur leh enkawltu tur kan nihzia pawh kan hre \heuh awm e. Chumai pawh a la ni lo, nitin Amah nen an lengdun a; an in pawl \hin a ni. Chutianga Pathian nena lengdun thin ama nunna thaw ngeia nung mihring te chuan sual bumna hnuaiah tluin Pathian fa kan nihna a\angin kan bosan ta a, fa kan nihna atanga bosan in sual fa kan lo ni ta. Hrem tuar tur mihring kan lo ni.

            Sual bumna avanga Pathian hremna kan tawh tur chu amah Pa Pathian ngei chuan phal lovin a fapa mal neih chhun Isua Krista chu kan sual thawinan amah leh amah in tihlungawi nan a fapa ngei nunna chu keini misual te min tlan nan min rawn pe ta ani. Tichuan Pathian thisena lei ama nunna a tlan chhuah kan ni a, keini in kan hriatloh lai leh kan pian hma kum engemaw zat kal tawh atang khan sual bawih atangin min lo tlan tawh a tuna kan awm ang hian Pathin fa nihna hlu tak chu kan lo chang der tawh a Lalpa ka lawm e tih mai lo chu tihtheih kan nei lo.

            Kan tih ve tel lo chhandamna kan chan avang erawh chuan tih tur kan nei ve ta, awm mai mai tur kan ni lo a, kan taksa peng te Pathian hman atana felna hriamhrei ah kan hlan ve a ngai a ni. Mahni duhzawng leh chak zawng a awm tur kan ni lova min lei tu Pathian ta kan ni a; a thu thu a awm tu kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rel anga thiam kan chang hauh lo ang.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

A LANGLO LAM A|ANGIN

            Mi pakhat chuan khawilaiah thu alo sawi a, kan ram chhiat tawh zia leh sual sim kan ngaihthu leh inchhir a, pathian kan hnaih a \ul tawh zia chu alo sawi pap pap a; mahse, nu pakhat chu ama inah, kawng inkalh khumin, a khum bulah chuan \hing\hiin kan ram \hat leh theih nân leh inchhira sual kan sim theih nân alo \awng\ai ve bawk a.

            Hetiang chiah hian pa pakhat chuan eirûkna dodâl a ngaih tawh zia, eirûk chungchâng a ram pum huap angin alo beih ve mêk laiin pa pakhat ve thung chuan engmah sawi chhuak ve lêm lovin a hnathawhna leh a nitin nun hmanah alo eiru duh lova, eirûkna chu alo do ve mêk bawk a, thil tihin alo lan tir thung a.

            A chunga kan han târlan tâkah hian a tû zawkte hian nge thawk nasa zawk ang le? An zavâi hian kan ti ngêiin a rinawm, hetiang chiah hian thil \ha tih kawngah hian a âu chhuak chi kan ni emaw a taka lo tih emaw mi hriat leh hriat loh pawhin tupawh hi i thawk tlêm bîk, i ti ve lo inti mai lo hian keimahni hma zâwn \heuhah kan theih ang tâwk tâwkah hian thil \ha hi tih tlat zêl i tum ang u.

ARTICLE

I FATE VUAK NGAI/ HREM NGAI AN NIH HUNAH

            Naupang hi awm hle hle thei lo, mize hrang hrang nei. |henkhat harh êm êm, pawi khawih reng mai te pawh an awm a. Ben deuh thâwr thâwr ngaih hun te, vuak \ul hun te a awm \hin. Chûng hunah chuan:

1. Naupang in pawi an khawih emaw, an thuawih lohna avanga vuak an \ul hunah chuan an lu ah beng emaw vaw suh. Lu lampang hi chu 'pawi' a thleng palh thei. An taksa hmundang, an hnungah emaw, an mal ah emaw i vaw dawn nia. A \ul chuan kutthlâk hi a pawi lo. Bible pawh in 'i fa thunun tîm suh, tiang in vaw mah la a thi dawn silo. Tiang in vua la, Seol ata a nunna i chhanchhuak dawn nia' min ti. Naupang hi thu an awih loh chuan hrem thin a, hrem chhan hrilh thin tur. Mahse an lu a ben loh hram hram tum thin tur.

2. I eirawngbawl lai, chemte i hum laiin naupang hrem an ngaih chuan i hriamhrei lek suh, i tipalh thei. Ngil takin dintir la, i hlap dawn nia.

3. Naupang nam suh. I thinrim hle anih a, i hrem hunah pawh nam suh ang che. Thutthleng banah emaw, dawhkan kilsir zum ah te an intauh na palh thei.

4. Zoram pum huap a Evangelist lar tak Pu K. Thangsiama lehkhabu ziah ka chhiar ah chuan a fapa naupan lai khan lamkhuang leh an buhfai no 2 alo thleng ru a. Khatiang buhfai no 2 kha a uihawm em em loh, mahse ka enliam mai mai chuan a puitlin hunah ruk ruk vanga jail tân a hmabak dawn a, ka vaw hrep a. Bedroom ah lut la, va \awng\ai rawh ka tia. Vawikhatmah engmah a tiru tawh ngai lo. A rinawm em avang hian a hnathawhna lamah duhsak a hlawh phah a, ka thununna rah kha a puitlin hnuah kan sengdun pafa ta ati. Hriau pawh chhar se, min hrilh zel atia, ropui ka ti khawp mai. Tlemte chunga rinawm inzirtir hmasa ila, tamtak chung a rinawm a har tawh lo.

4. Ka u fate 3 lehkhazir lai, kum 8, kum 10, kum 13 kan awmpui a. Ka hnathawk haw hian an sikul bag ka check vek a, an box, pencil, pen ka en vek zel. Anmahni ta ka hriatpui a, an ta lo a awm chuan 'tuta nge ka zawt a. An chhar anih chuan an chharna hmun a dahlet tur leh mi pek anih chuan pelet leh turin ka hrilh a. Rawn hâwnlet tawh lo tur leh an box ka check leh vek tur thu ka hrilh \hin. Ka phak ang tawk hian midang ta awt lo turin ka zirtir a, an mamawh hi chu ka neihtir \hin.

5. Thil chhar hi ka phal miah lova, an rawn hawn pawn ka lawmpui ngai lo. Thil an chhar kan lawmpui huam huam fo chuan an chhar seng dawn lo. Ruk ruk an hmabak.

6. Zanah naupang dawr ah tir suh. I mamawh chu khawthim hma in lamkhawm ang che. Zan a naupang i tirh fo chuan humsual an dai thei. Kei chu khawthim hnu a naupang tirh hi ka phal miah lova, tuma min tirhsak pawh ka phal lo.

               NAUPANG CHU I THU A AWIHLOH CHUAN HREM LA, MAHSE I HREM CHHAN HRILHFIAH ANG CHE. ENGVANGINNGE KA VUAK CHE, 'CHUMI KHAMI VANG CHU ANI. SIM LA, HREM NGAI IN AWM TAWH LOVANG CHE' i ti thin dawn nia. Kan hrem chhan kha an hre tur a ni.

.

BENG TI VÂR

1. MLA thlan hmasa ber a an thlantlin Pu Hrangaia hi Chapchar kut, Mim kut, Pawl kut leh YMA day rawt chhuaktu a ni.

2. Mizorama Political Party hmasa ber "Mizo Union" kha a hming hmasa chu "Lushai Commoner's Union" a ni a, 12th June 1974-ah Congress nen an in merge a ni.

3. Mizoram Presbyterian kohhran hi 18th February 1898-ah Mission veng, Aizawl-ah din a ni.

4. Mizo Kristian hla hmasa ber "Isu vanah a om a" tih hi Sâp Upa leh Pu Buanga phuah niin, a thlûk hi Sacred Songs and Solos no. 376 'Come, Ye Sinner's tih a\anga lâk a ni a, hlapui Mizo chhuaka kan neih hmasak ber chu Hranglamthanga hla a ni. 1924 hmalamah Mizo irâwm chhuak hlapui kan neih hriat a ni lo.

5. Hming sei ber record chu " Khawsawmlawmthang Tuipuilianral Laldangvangkhua Zalengthankhum Rualtinchhingzo Hnamtinsawivel Sialthansangi" niin a hmingah letter 101 a awm. Rengdil khua niin a pa chu Tlana a ni.

6. Zupui hi Mizo zu zingah chuan langsar ber leh pawimawh ber a ni. Kût ni vangthla leh sechhun khuangchawi nikhuaa an in ber a ni

7. Mizoten thlai kan export tam ber chu Iskut a ni.

MIZO MI HMASA THENKHAT TE:

1. Matric pass hmasa ber : Thanga 1911

2. BA hmasate : Hrawva leh Lianhnuna 1924

3. B.Sc hmasa ber : Rev Dr. Zairema

3. BD hmasa ber : Rev Dr Zairema

4. MA hmasa ber : Khawtinkhuma

5. B.Com hmasa ber : Bualhranga

6. M.Com hmasa ber : Hniarmanga leh Lalengliana

7. M.Ed Hmasa ber : Lalziki Sailo

8. B.E hmasa ber : Robula

9. M.E hmasa ber : Clement Lalrema

10. MBBS hmasa ber : Dr Tlanglawma

11. MD hmasa ber : Dr R Lalzaua

12. LLB hmasa ber : A. Thanglura

13. LLM hmasa ber : LH Lianhrima

14. IAS confered hmasa ber : Lalhmingliana Tochhawng

15. IAS Exama tling hmasa ber : Jamchawnga Nampui

16. IAS hmeichhe hmasa ber : Pi L Tochhawng

17. IFS (Foreign) hmasa ber : Kc Lalvunga

18. IFS (Forest) hmasa ber : Lalthanzama

19. IPS (Police) hmasa ber : Rokunga Chawngthu

20. IPS (Postal) hmasa ber : Thangkhuma Tochhawng

21. Asian Games a tel hmasa ber : Thanghnuna

22. Boxing international evel medal la hmasa ber : Zoramthanga

23. India aiawh Football khel hmasa ber : Kawllianthanga, Afghan Gold Cup

24. India Team Football Manager hmasa ber : Zothangliana

25. Karate Black Belt hmasa ber : Joseph Lalchhuana

26. India aiawha Olympic tel hmasa ber : C. Lalremsanga

27. Mizo zinga DC hmasa ber : Lalbiakthanga

28. Ukil hmasa ber : A. Thanglura

29. Pastor hmasa ber : Pastor Chhuahkhama, 1913

30. Ziak leh chhiar thiam hmasa ber : Khamliana, Lungleng Lal, 1894

31. Ph.D hmasa ber : Dr. R. Kapthuama

32. Pilot hmasa ber : Wing Commander J. Lalhmingliana.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

TBZ NEIHTHIL THEHKHAWM

A hun : 10.10.2016 (6:30pm)

A hmun : Pu Lalbiakmawia In

Hruaitu : Pu C.Lalchhuansanga

|antu : Pu C.Saienga

VARANASI MISSION PUALIN |AWNG|AI ANG HMIANG

A hun : 9.10.2016 (Pathianni chawhnu inkhawm ban)

A hmun : Pu Dawngkima In

Hruaitu : Pi Khawlvuani

                   Thawhlawm tlem lua awm lovin kenkhawm tur a ni e.

LAWMTHU SAWINA

            Tunhnai ruah surin hmundang bakah AIZAWL ROAD SOUTH DIVISION, PWD huam chhung bikah hmun 30 dawn laiah mipui tan harsatna a thlen a, keini PWD ngawt chuan thianfaiin kan chingfel thei hauh lova. Pawl hrang hrangte, Local Council-te leh mipuite inpekna avangte leh Bialtu MLA te thawhrimna avang zawkin kan la inkalpawh thei hram hram hi a lawmawm a. PWD, AIZAWL ROAD SOUTH DIVISION chuan Bial chhung mipuite leh pawl hrang hrang hnenah lawmthu kan sawi tak meuh a ni.

Sd/-

(DAVID SAP ZOVA)

Executive Engineer, PWD

AIZAWL ROAD SOUTH DIVISION

AIZAWL:MIZORAM

LAWMTHU SAWINA

            Nimin ni 8.10.2016 (Inrinni)  a sumtuak nana arsa kan zawrh min dawrtu zawng zawngte chungah lawmthu kan sawi e. Tin, hemi atana hnatlanga thawkchhuak zawng zawng chungah lawmthu kan sawi bawk e.

Sd/- (C.LALMUANAWMA)

Secretary, Vanapa Section, YMA

K|P SPORT

            Saikhamakawn Branch K|P chuan ni 11.10.2016 (Thawhlehni) hian K|P Sport, Phulpui Sport Complex-ah neih a ni dawn a, hetah hian heng a hnuaia Item hrang hrang hi awm thei tur ruahmanna siam a ni:

1. Football (Mipa)

2. Volleyball (Hmeichhia)

3. Basketball (Mipa & Hmeichhia)

4. Scooty Racing (Intlanmuansiak) (Hmeichhia)

5. Bike Racing (Intlanmuansiak)

(Mipa)

6. Mix Relay Race

7. 100m Race (Mipa & Hmeichhia)

8. Balloon in\hutpuahsiak (Mipa 5 & Hmeichhia 5)

HUNIN A DAIH CHUAN

Inkawibah: Group 3 a\angin

Photo Session: Group 3 a\angin

Note:

1) Group kal \ha/tam (A tira inchhiar leh a tawp inchhiar average lak a ni anga) inelna/item pakhatah chhiar tel a ni ang.

2)  Point/Score chungchangah hian Olympic 2016 Rules hman a ni ang.

3) Individual Item hrang hrangah hian 1st , 2nd , 3rd position ten pen `5/- man \heuh an dawng ang.

4) Lawmman chungchang:

Champion Group: Sweet tui deuh

Runners up Group: Sweet tui

1st Runners up Group: Sweet

5) Group Theme:

Mika                :Yellow

Isaia                 : Red

Jeremia                        : Blue

6) Photograph: Group tin a\angin an thlalak lakkhawm (Thlalak hrang hrang, Group member langkim thei ang berin, chi hrang 30) {Eng Camera pawh (Phone/DSLR/Digital/etc.) hman theih a ni ang, fiah fel fai ni thei se} [Hei hi Point/Score ah a tel lo]

7) Bike & Scooty & Group Theme: Group tin ten mahni inngaihtuah tura dah a ni.

8) Refreshment & Group thil zawrh: Group zalennaah dah a ni.

9) Tiffin mahni khawmkhawp ngêi pâi \heuh turin kan inngên e.

-i/c: K|P 2016 Sport Sub Committee

TUALCHHÛNG

, Tv. Lal\anpuia (|antea) c/o Lalzawmliani (Ch.Sec) chu damlohna avangin Greenwood Hospital ah enkawl mêk a ni.

, Pi Lalmawizuali w/o Lalchhanhima (T.Sec) chu damlohna avangin Falkawn Hospital ah enkawl mêk a ni.

, Tv. C.Laldawngliana s/o C.Vankhuma (T.Sec) chu damlohna avanga Greenwood Hospital-a enkawl anih hnûin alo chhuak.

, Pu Zokhuma h/o Lalsangi (L) (V.Sec) chu damlohna avanga Synod Hospital-a enkawl anih hnûin alo chhuak.

, Pu Lalrosiama s/o C.Lalhnehzauva (V.Sec) chu damlohna avanga Falkawn Hospital-a enkawl anih hnûin alo chhuak.

CK|P CALENDAR ZUIA BIAL K|P HMINGA THISEN PE TE (SAIKHAMAKAWN BRANCH BIK)

1. Tv. Lalawmpuia s/o Laldanzira

2. Tv. C.Lalmuansanga

3. Tv. Lalawmpuia

4. Tv. Lalhriatpuia s/o Biakvela

5. Pu Lalhmangaihzuala

6. Tv. Zochhuanawma

7. Tv. Tlangdingliana

8. Tv. Lal\hakima

9. Pu Lalremruata

DIRECTOR OF LAND REVENUE AND SETTLEMENT, MIZORAM:AIZAWL HRIATTIRNA

            Pu Lalhruaia s/o C.Zakhuma of Saikhamakawn chuan a LSC No. CAD 503 of 3013 of Saikhamakawn CP Road veng ami hi tibo a rawn insawiin Office-ah re-issue a rawn dil a. A sawi anga tihsak a rem lohna tur chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziakah hian hriattir tur a ni. Hetianga LSC pek chhuah leh alo nih chuan LSC hmasa chu cancelled nghal a ni ang.

Sd/-

Director

Land Revenue and Settlement

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350