MIPUI
AW
KARTIN CHHUAK
Vol. XXII Issue No. 38 Kristian
Thalai Pawl Saikhamakawn Branch Pathianni Dt.18.9.2016
VAWIIN CHÂNG VAWN
Ka
\awng\ainaahte chuan bang lovin in hming ka lam fo va, tunah tal hian in hnena
ka lo kalna turin Pathian thu thua zin hun remchang ka hmuh hram hram theih nan
ka dil \hin tih, a Fapa Chanchin |haa ka thlarauva a rawng ka bawl \hin Pathian
chu a hretu a ni si a.
-Rom
1: 9 &10.
KOHHRAN PROGRAMME:
Ni 18.9.2016 (Pathianni)
Chairman: Pastor
C. Sapkaia
Bial Chairman
Thupui: |halaite leh I.T.
Sawitu: Pu Lalengmawia
Hlimen
Zaipawl:
1) Hlimen Senior Deptt.
2) Melthum Senior Deptt.
1) Combine Choir: Senior Deptt. pumpui
Conductor: Pu Lalrinthanga
Sailo
Melthum
KHB No. 17 “Kan Pathian kulhpui nghet a ni”
Zân
inkhawm
Thupui: Hmelma neih loh tur
Sawitu: Upa Lalzama
K|P INKHAWM PROGRAMME
Beihrual thla
anih avangin K|P Inkhawm Programme a awm dawn lo.
KOHHRAN HMEICHHE
INKHAWM
PROGRAMME
Beihrual thla
anih avangin Kohhran Hmeichhe Inkhawm Programme a awm dawn lo.
KOHHRAN PAVALAI
INKHAWM
PROGRAMME
Beihrual
thla anih avangin Kohhran Pavalai Inkhawm Programme a awm dawn lo..
SERMON
A
LO KAL LEH DAWN
Lalpa ngei chu au thawm nen, vantirhkoh chungnung ber aw nen,
Pathian tawtawrawt ri nen, van atangin a lo chhuk dawn si a; tin, Kristaa thi
tawhte chu an tho hmasa ang a; chu mi hnuah chuan keini nunga lo la awm rengate
hi boruakah Lalpa hmuak turin anmahni rualin chhum zingahte khian lak chhohvin
kan awm ang; Chuvangin, heng thu hian inthlamuan tawn rawh u. I Thessalonika 4: 16-18
Lal Isua ngeiin Khawvel hi ka ram chu nisela ka \huihruai hoten a
bei ang tiin a sawi a. A awmzia chu he khawvel hi kan zui Lal Isua ram a nilo
tihna a ni. Nimahsela he khawvelah hian ringtute kan la awm tlat si a.
Ringtuten he lei ram mi kan ni lo tih kan hre \heuh a, kan rama min hruai turin
he khawvelah hian Isua chu a rawn kal leh ngei dâwn a, he khawvelah hian kan châm
hlen dawn lo a ni tih hre thara thlamuang taka kan awm hi Lal Isua ngei pawhin
min duhsak hle a ni.
Kan sawi tâk ang
khian keini ringtute tân he khawvel hi kan ram hlun tur a ni lova. Kan ram
diktak Vanramah kan la kal ve ngêi dawn a, a takin la hmu lo mah ila rinna
mitin nitin kan thlira, chhel takin kan awm \hin a nih hi. Lal Isua hian a tâna
rinawm leh chhel taka tuarte hi a theihnghilh ngai lova, tin, a mite hi a hre
rêng \hin. A ram nuam taka hian a hmangaih hringfate kan kal lovang tih a hlauh
êm vangin a thisen leh nunna hial a rawn sêng a, chumi azara chhandamna
changtute he khawvel hreawm tak a\anga amâ rama min hruai turin a lo kal leh
dawn a ni.
He khawvel hi
Setana ram a ni kan tih tawh kha, he khawvelah hian hreawm tam tak kan tuar
\hin a, sual vanga rûm chângte leh \ah chângte kan nei \hin. Tin, sual bumna
vângin ringtute kan tlûk chângte a awm \hin a, kan ngui a, kan chau ngawih
ngawih \hin. Hetianga sual vânga kan
tuarnate zawng zawng hi min hmangaihtu kan Pathian hian a hmuh hmaih hauh lo a
ni tih kan hriat a pawimawh khawp mai. Sual vânga invên reng ngaia kan awm \hin
ziate hi kan Lalpa hian a hai hauh lo, heng zawng zawng avang hian Lal Isua chu
a lo kal leh dawn a, sual vânga tawrhna awm tawh lohna rama min hruai turin a
lo kal leh dawn a ni, a va lawmawm tehlul em.
Ringtute khawvela
kan awm chhûngin hreawm \hin mahila kan ropuina ni a lo la thleng ve ngêi dâwn
a ni. Chutih hunah chuan Lalpa ngêi chu au thawm nen, vantirhkoh chungnungber
leh tawtawrawt ri ropui tak nen min hruai turin a lo kal leh dawn si. Sual
vanga rûm \hinte, châu \hinte, sual vânga hreawm nasa tak tuâr \hin ringtute
lâwmna nî a lo in herchhuak ve tawh dâwn a ni. Min hmangaihtu hmêl tak tak kan
hmu ve tawh anga, a kiangah kan awm ve tawh anga, sual thiltihtheihnain min
tibuai phâk tawh dawn si lo. Tunah hreawm rih mah ila nakinah Lal Isuan a hnena
min hruai tura a lo kal huanah chuan kan ropui ve tawh dâwn a ni tih
hriain rinawm taka tuâr chhûngin
thlamuang takin i awm ang u.
EDITORIAL BOARD
Editor : f
Pu R.Lalmuanpuia
9612159842
Jt.Editor:
Tv. F.Laldingliana
9862378567
News Editors :
Pu Tommy Zirnuntluanga 9862913684
Tv. Laldinpuia
9862813325
Tv.
Pc.Vanlalhriatpuia 9862732381
Tv.
Lalnunzira 9862664253
Tv.
Lalzirliana 9862381918
Circulation Manager:
Tv.Lalrinawma Sailo
8974945579
Nl. C.Zosangliani 8731005507
Editorial.........?
Dinthar leh
ang u
“A zahawm apiangte, a fel apiangte, a thianghlim apiangte, a
duhawm apiangte, a thangmawi apiangte \hatna rêng a awm a, fakna rêng a awm
phawt chuan chûng chu ngaihtuah rawh u” tiin kan Bible chuan min hrilh. Bible
hian nitina kan hun hman dan tur leh kan mihringpuite nena kan chhenho na nun hi
a ngaipawimawh hle tih a lang chiang.
Tunlaia kan nun
dan hi ngaihtuah ta ila, \halaite nunah hian eng ang chiahin nge a chunga Bible
in a sawi khi kan nunah a tlâkhniam tawh. Kan Pathian thu hian kan moral hi a
ngaipawimawh hle a. Keini Mizo Society ah chuan eng hi nge nundan \ha a kan
ngaih? Kan society in nundan mawi anga kan pawm zawng zawng hi Pathian thu hian
min tumpui a ni.
Tlâwmngaihnate,
rinawmnate, diknate, \hatnate, aia upa zahthiamnate, taimâknate, felna kawng
zawng zawng te, hetiang thil kan tih hian mi fak kan hlawh dâwn nân chauhah
tâwp lo se. Tin, khawtlangin nungchang tha tia kan pawmtlân nun hi neih kan tum
tur a ni, chu chu kan Pathian thu pawhin min tumpui a ni reng si a.
A tawp berah
chuan keini vengchhung thalai te ngei pawh hian kan Mizo nuna nunze mawi zawng
zawng nei lêt leh turin rilru i siam thar ang u.
ARTICLE
CYBER CRIMES
Information
Technology \hang nasa hian heng Computer te, internet te leh Electronic device
:- mobile phone te leh i-phone te pawimawhna a ti pung nasa em em a. IT \hang
nasa hian information kawngah leh sumdawnna kawngah te leh zirna lamah hian
nghawng a nei nasa in kawngro a su nasa em em a. Chumi avang chuan ‘Cyber
Crimes’ tih te pawh a lo piang ta hial a ni.
A tlangpuiah
chuan Computer hman khawloh avangin ‘Cyber Crime’ hi a lo piang ve ani ber a.
Tunlai hian Computer emaw network ah hian IT hi a lar hle a. Cyber hman dikloh
hi mimal, pawlho leh sorkar lakah pawh thil awm thei a ni a. Chuvangin, Cyber
Crime hi hnamtin huap cyber crimes lam buaipui tute tana lu tihai deuh mai a
ni. Internet ah hian Cyber crime chi hrang hrang tih a ni \hin a. Third party
in a internet an hman hian mimal fianrial thil a tibuai \hin a. A hnathawh a ti
bahlah in a tibuai thin a, a computer a thurukte an lo ti punlunin virus te a
webside ah a awmphah thei a ni. Stalking hi Internet a dan bawhchhiatna
thlentu a ni. Software inruksak te hi Intellectual Property Right
bawhchhiatna a niin thil entur \halo tak tak te video film lam amite nen
Internet hman chuan a lo lang thei \hin a. Computer leh a kaihhnawih hman sual
hian tunlai hunah chuan dan bawhchhiatna a ti hluar em em a ni.
Computer hmante,
mobile phone hmante, scanner hmante, digital camera hman thleng hian dan
bawhchhiatna a ti tam a. Document in ruksak hi Cyber Crime entirna pawimawha
tak a ni. A lem intih danglam sak (morphing) te, inpuhchhiatna thuthawn te,
mobile phone hmang invauna te, mi phalna pawh la lem lova mi thla lo laksak
ngawt te, pawisa pe tura invau te hi dan bawhchhiat entirna han chhawpchhuah
mai theih lar tak chu a ni.
India Parliament
in Information Technology Act 2000 a siam ah chuan electronic hman dan
leh information technology hman dan tur mumal tak siam a ni. He danah hian dan
bawhchhiatna \henkhat chu a hremna pawh a na a, inhrem theihna dan tam tak a
awm nghe nghe a ni. Computer khawih khawlohna a code lo tih danglam te, thil
\halo lakte hi kum thum thleng tana hremtheih leh cheng nuai 2 lai chawi
theihna leh a pahnih hmanga hrem theih a ni.
Computer hmanrim
lutuk vanga tih chhiat a, vantlang thil emaw, mimal thil emaw tihchhiatsak
emaw, a chhung thu alo tih danglam emaw lo tih rehsak emaw te hi thil sual an
ni a, kum thum thleng tan tira hrem theih leh cheng nuai hnih thleng chawitir
theih emaw a pahnih hmang emaw a hrem theih a ni nghe nghe.
Heng electronic
khawl hmanga zahmawh rawngkai chi tih chhuah
leh thehdarh te hi dan bawhchhiatna namailo tak ani a, hetiang
tite hi a vawikhat tihna ah kum nga thleng lungin tan tir leh cheng nuai khat
thleng chawitir emaw a pahnih emaw hmanga hrem theih an ni. Hetiang thil hi
vawikhat aia tam a tih leh phei chuan kum 10 thleng tan tir theih emaw pawisa cheng
nuai hnih chawitir emaw a hrem theih a ni.
Hetiang
tih ching nia rinhlelh te chu Police Officer tupawhin vantlang hmuna lut a
zawng chhuakin warrant tello pawha man theihna thuneihna pek a ni.
.
BENG TI VÂR
Kohhran zaipawlin hla kan han zir a,
hla copy ah sign chi hrang hrang alo awm a, kan buai loh nan.
1. Da Capo {DC}
: a
bul atanga nawn leh tur tihna.
2. Dal Segno
{D.S.} : Chhinchhiahna
$(s trial) a\angin nawn tur. D.S. tih inziak a\angin
chhinchhiahna $ hmunah kir a, chuta\anga chuan music
ngai ringin a thu hmabak sak zawm tur tihna.
3. Fine(It): A tawpna
chhinchhiahna ani.
4. Repetitum
{://:} : a
chhinchhiahna (://:) awm zat a thu sak nawn tur.
5.
Fermata(It),Pause/Parse/(^) Note emaw, rest (chawlh) emaw chhungah a awm chuan
a awmsa bak a nuam tawk tih sei belh tur/theih tihna.
6. Attacca: tawp lailawk
lovin a dawt ami sak chhunzawm nghal tur tihna.
7. Tutti: Kan vaiin.
8. Voltisubito
{V.S.} : Phek
leh lam keu vat tur tihna.
9. Double Bar
{||}: Bar
\hiang hi music tawpnaah emaw, hla bung
hrang, key thlakna ang chi ah te, let lehna D.C leh D.S. ah te dah \hin
a ni.
10.
Podium/Rostrum :
zaipawl/Orchestra hruaitu din kanna dawhsan.
11.Baton: Zaipawl
conductor/Orchestra zaipawl kaihhruaina nana an hman \hin
hmawlh/tiang tawi te.
12.Metronome: Zai ran zawng
13.Slur/Legato{d____m}:
Thu
lam (syllable) hmanga note hrang hrang thluk kual/kawi
14. Irregular
Slur (|d.....s): hla
chang hrang hrang thu lam in tam hleih siamremna.
15. Solo: mal zai
16. Duet : mi 2 zai
17.Trio: mi 3 zai
18.Quarted: mi 4 zai
19.Quintet: mi 5 zai
20.Sestet:mi 6 zai
21.Septed: mi 7 zai
22.Octed: mi 8 zai
23.Nonet: mi 8 zai
24. Cantatore: Mipa zaithiam
sawina
25.Coda: chang tina hman
ve loh, a tawp atan chauhva hman tur.
26. Duplet: vuak khat
intiat renga hmun 2 a \hen.
27.Triplet: vuak
khat intiat theuh hmun thuma \hen.
QUIZ
Spot the difference:
Hming :
________________________________
Section: ________________________________
Chhanna
leh lawmman hi Circulation Manager Nl. C.Zosangliani emaw Tv. Lalrinawma Sailo hnenah
thehluh tur a ni a, thai dik hnem berin lawmman an dawng anga, tihdik zat in
ang an awm anih chuan \hum vawr a ni ang.
SENIOR DEPARTMENT INKHAWMPUI VAWI 41-NA
PROGRAMME
A hun: 18.9.2016
A hmun: Saikhamakawn
Kohhran Biak In
Thupui: |halaite leh Information
Technology
Sawitu: Pu Lalengmawia, Hlimen
Pathianni chawhnu (1:00pm)
Chairman: Pastor C. Sapkaia
Thupui: |halaite leh I.T.
Zaipawl:
1) Hlimen Damveng Senior Deptt.
2) Bial Zaipawl
Inkhawm ban Fellowship
A hmun: Saikhamakawn Kohhran Hall
Hruaitu: Pu Lalrohnuna
Hlimen Damveng
Special Item: Kohhran tin Senior
Deptt. a\angin Special Item pakhat \heuh neih tur a ni e.
Note: Pathianni chawhma inkhawm leh chawhnu inkhawmah thilpek lakkhawm
a ni anga, chawhma inkhawm thilpek lakkhawm hi Bial Treasurer hnenah a lut
anga, chawhnu inkhawm thilpek lakkhawm hi thlengtu Kohhran pual tur a ni ang.
LAWMTHU SAWINA
Nimin ni
17.9.2016 (Inrinni) khan Saikhamakawn K|P chuan Pu C.Lalrinmawia huan sâmin
hnatlang kan nei a, huansâm hnatlanga thawkchhuak zawng zawng chungah lawmthu kan sawi e.
Tin, inhlawhna
min petu Pu C.Lalrinmawia te chhungkaw chungah lawmthu kan sawi bawk e.
Sd/-(PC VANLALHRIATPUIA)
Secretary
K|P, Saikhamkawn Branch
Zanin EPL inkkhel turte:
Watford Vs Man. Utd. (4:30)
@ Starsport 2
Crystal Palace Vs Stoke City (6:45)
Southamton Vs Swansea (6:45)
Tottenham Vs Sunderland (9:00)
@ Starsport 4
BIAL LEH BRANCH CHANCHINBU ENKAWLTUTE PUAL WORKSHOP
Central
K|P buatsaih Bial leh Branch chanchinbu enkawltute pual Worshop chu September
ni 22, 2016 hian Vanapa Hall-ah neih a ni dawn a, kan Branch aiawhin Tv. C.
Laldinpuia a kal dawn.
LAWMTHU SAWINA
Saikhamakawn
in Electric êng a harsatna kan tawh \hin Transformer pakhat chauh chuan min zo
lova, hun engemawchen Transformer dah belh tur hmalakna chuan a vawr tawp a
thleng ta reng mai. Transformer kan neih theihna tura Electrric Department-te
hma min lakpuina fakawm kan ti a, a dahna tur hmun petu Pi Hrangthangvungi (Pi
Notei) te chhungkaw chungah lawmthu kan sawi a ni.
Tranformer dah tura hnatlang zawng zawng leh
thingpui min lo lumsaktute, Department a\anga hnathawkte ei in tur min
tumsaktu, Bialtu MLA Pu KS Thanga chungah Saikhamakawn Local Council chuan
thinlung takin lawmthu a sawi e.
Sd/-
(R.BIAKTHANSANGA)
Secretary
LC,
Saikhamakawn, Aizawl
HRIATTIRNA
Dt. 15.08.2016 (Thawh\an zan) khan Saikhamakawn veng
chhunga Police Unit hrang hranga service laite chuan Saikhamakawn Police
Welfare Committee a din a. Heng a hnuaia mite hi hruaitu atan ruat an ni:-
Chairman: Pu C. Lalengzama
Vice Chairman: Pu Khualkunga
Secretary: Pu K. Lalhuliana
Asst. Secy.: Pu Lalhmingliana
Treasurer: Pu William Lalchhuanawma
Fin. Secy.: Pu Laldanzira
Committee-ah hian Police \anglai tupawh membership fee `200/- pein member a nih theih reng e.
Saikhamakawn Police Welfare
TUALCHHÛNG
, Tv. R.Zonuntluanga s/o R. Zosangliana (T.Sec) chu damlohna
avangin Civil Hospital-ah enkawl mek a ni.
, Pu Khawlhmingliana h/o Liankhumi (T.Sec) chu damlohna avanga
Referral Hospital, Falkawn a enkawl anih hnûin alo chhuak.
, Saihlupuii d/o C.Lalzarliana (V.Sec) chu damlohna avanga BN
Hospital-a enkawl anih hnûin alo chhuak.
, Pi Lalbiaktluangi w/o J.Lal\hakima (V.Sec) chu damlohna avanga
Aizawl Hospital-a enkawl anih hnûin alo chhuak.
, Pu R.Vanlalruata h/o
Lalnuntluangi te chhungkua chu Pu Vanlalzuia in a\angin Pu R.Zohmingliana te in
(V.Sec) ah an insawn.
, Pu Zodinliana h/o L|I te chhungkua chu Pi Huanmawii in a\angin a
pa te (T.Sec., Bethel Veng) ah an fin.
, Tv. Rochhuanliana s/o Sanghmingliana chu Pu J.Lal\hakima (V.Sec)
te inah a insawn.
, Pu R.Lalzuala h/o
Lalhmachhuani (T.Sec) te chuan chhungkaw mamawha hman atan Scooty (Vespa) leh
Car (Ritz) an lei thar.
, Pu Lalrinpuia h/o F.
Laldawngliani (T.Sec) te chuan chhungkaw mamawha hman atan Scooty (Ray) thar an
lei.
PASS THAR
Tv. R. Zodinsanga
s/o R.Lalsangzuala (V.Sec) chuan MA (Philosophy) 2nd Class-ah a pass.
Mipui Aw Editorial Board te chuan
kan lawmpuiin a kal leh zelna turah
duhsakna kan hlan e.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 350
