Mipui Aw 17.7.2016

MIPUI AW

KARTIN CHHUAK

Vol. XXII Issue No. 29 Kristian Thalai  Pawl  Saikhamakawn Branch  Pathianni Dt.17.7.2016

Vawiin   changvawn

“Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria;” (Rom 8:28)

KOHHRAN PROGRAMME:

Ni 17.7.2016 (Pathianni)

Chawhma Inkhawm

|antu              : Pi JH Pekmawii

Zirlai 17-na    : “ Thlarau Thianghlim                                        leh Baptisma”

Chawhnu Inkhawm

Thuhriltu: Upa Lalzama

                        Zân inkhawm

Thuhriltu: Pi Khawlvuani

K|P INKHAWM PROGRAMME

Ni 18.7.2016 (Thawh\an Z^n)

Hruaitu               : Pu Lalhmangaihzuala

|antu                  : Tv. Lalrinsanga

Thuhriltu            : Pu R.Lalmuanpuia

Thilpek lakhawm : Nl. Vanlalsiami leh

tute                        Nl. J.Lalhmangaihzuali

Zai hruaitute      : Nl.C.Zosangliani

(15-30 July)  leh Pu Tommy Zirnuntluanga

Key Boardist      : Tv. MS Dawngliana

K|P FELLOWSHIP

 PROGRAMME

Ni 17.7.2016 (chawhnu Inkhawm ban)

A hmun          : Kohhran Hall

Hruaitu           : Nl. C.V.L. Biakzuali

|antu              : Pu Benjamin Lalduhsaka

KOHHRAN HMEICHHE

 INKHAWM PROGRAMME

Ni 19.7.2016 (Thawhleh Z^n)

Sermon Inkhawm

Hruaitu : Pi L. Thangpuii

|antu : Pi Ramdinpuii

Thuhriltu : Pi Lalhmachhuani

KOHHRAN PAVALAI PROGRAMME

Ni 21.7.2016 (Ninga Zan)

A hmun         : Pu H. Remtluanga te In

Hruiatu         : Pu Vanlalfela

SERMON

TIAM CHIN LAM PAN

Philippi 3:12-16         K.Fakawma nu

            Tirhkoh Paula hian Phillipi khua ami te hi hmasawn turin a duh hle mai a, chuvangin he lehkha hi a thawn ta a, keini jentail reingtute pawh min thawn tel ve a ni tih hria ila, ringtu zawng zawngte hi hmalam pana Pathian duh zawng a awm tur hian min duh hle a ni. Isua Krista kan rinna kawngah hina keimahni \heuh hi hmalam pana hma lam kan pan leh pan lohte han inbih chiang ila, hmalam pan tur chuan a bul berah Pathian a hmasak a ngai a ni. Piangthar pawh hian tuiah leh thlarauah kan piang tur a ni a, hei hi Krista kan rinna kawngah A, AW, B ber a ni.      

            Tichuan piangthar chau thei tawh lovin Krista min koh chhan lawmman hmu tur hian hmalam panin nunna lehkhabu chang ngei turin i kal zel ang u. Tam tak chu pianthar chauh hi kan duhtawk a, hmalam pan tur hian in ui tlat a, kan pianthar phawt chuan vanram kan kai dawn tho kan ti a, kan awm ngai rengin kan awm \hin. Hnehna puanvar sinte chuan hrehawm te pawh tawrh a ngai \hin a, chak lo tak chung pawha Pathianin min tirhna te pawh thuawih taka zawm a ngai \hin a ni.

            Mi piangthar tawhte hi ram thim ram ro takah mahni inlam chhuahsanin engvanginnge an kal chhuah? Hrehawm chi hrang hrang tuar huamin a tlantu Isua Krista chanchin\ha chu vahvaihpui turin an kal a, an thlen chin leh tiamchin zelah hmalam pan zelin hrehawm pawh pawisa lovin an hmangaih ber Isua Krista tan chuan tawrh an huam a, martar hial an lo thlang ta \hin a ni. Hetiang taka hrehawm tuar a a thu zawm\tu te hi Bible chuan puanvar sin alo ti a ni.

            Keini kalchhuak thei lote tan chuan Amah Isua Krista kan hmangaih a, a thu kan zawm hi a pawimawh hle a ni. Amah kan hmangaihna a lanna tur chuan Kohhran thute kan zawm anga, nu leh pa thu te, aia upa thute kan awih ang. Aia upa zah thiam te, mi harsa leh chanhaite hmusit mai lova hmangaih leh lainat chunga \anpuite hi Pathian duh zawng a nih avangin kan tih tur a ni.

            Phunchiar lova engkim a \ul dan anga zir a lungawi chinte hi hmalam panna kawng \ha tak mai a ni a, amah fak leh chawimawite hi Lalpa lawm zawng tak a ni a, i chawimawi tlang zel ang u. Tun hi hun hnuhnung, hun hmawr a ni tawh a, kan thinlung chawlawl tawh tak te hi tinem ila, ami hriat tawh te tan chuan Pathian thikthu chhia leh phuba lak hmang anih te hi hria ila, amah Isua a kan awm reng theih nan kan theihna zawng zawngin \an la ila, kan tisa dam chhung hian kan Chatuan in tur kan sa mek a, a \hen chuanin \ha tak takte an sa anga, Lalpa a kan innghah nasat dan a zirin kan insak \hat hleih hlawm dawn a, mahni tana chakai khawrhna hmun a ni miau si a, nufa leh pafa pawh an insak kep thei dawn si lova, chuvangin thlarau ah te pawh kan awm reng a ngai a, chutianga kan awm reng theihna turin kan theihtawpin \an ila thar zel ang u.

            Lalpan a thu malsawm rawh se, Amen.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

A HUN LEH A HMUN

            Thufing chuan, “A hun takah engkim ti la, a hmun takah engkim dah rawh” a ti. Chuvangin hetiang chiah hian mihring kan nih chhûng hian thil rêng rêng hi a hun leh hmun kan thliar thiam a pawimawh \hin khawp mai. Fiamthu pawh hi a hunah chuan a hlimawmin thil \ha tak a ni, amaherawhchu a hun lovah chuan midangte tân thinrimna emaw lungngaih ti zualtu lek pawh a ni thei. Hetiang chiah hian inhmuam ûp reng bula awm a hrehawm thei bawk. Chuvang chuan nuih hunte, hlim hunte, nawm hunte, \ah hunte, lungngaih hunte, ngui hunte, hrehawm hunte leh adt. pawh a awm thei a, a hun hi kan thliar thiam viau a pawimawh khawp mai. Hetiang chiah hian thil rêng rêng hian hmun a nei bawk a, “A hmun lova thil awm chu bawlhhlawh a ni” te an lo ti \hin. kan thil neih bungrua leh thil dang hrim hrim, keimahni thleng hian a awm lohna tura a awm emaw kan awm lohna tura kan awm emaw anih chuan bawlhhlawh a ni a; bawlhhlawh kan ni thei bawk. Chuvangchuan thil rêng rêng hi a hun leh hmun thliar thiam i zir zêl ang u.

ARTICLE

RONALDO

            Kum 13 liamta tun ang hunah khan Yokohama, Japan-ah Brazil leh Germany te’n khawvela Fottball inelna sang bera ngaih “The Greatest Show on Earth” an tih hial World Cup 2002 Final an khel a, Brazil in si hnih faia hnehna changin goal awmchhun pahnih khungtu Ronaldo chu Man of the Match ah thlan a ni a. Kum 10 liamta kha chuan khawvel in Ronaldo dang nei tawh mahse Ronaldo

luiz Nazario De Lima, Brazillian Footballer ropui bak chu sawi tham a ni ngailo. Hun a lo liama , he footballer ropui chanchin hi hrelo kan lo awm tawh takin i han chhuizui ila.

            Khawvel Footballer piang tawh zawng zawng zingah mi \henkhat chuan a la ropui ber ang hialin an ngai a. A hming lemah pawh “The Phenomenon” an ti hial a. Thil lo lang kh^t tak , thil bik, inlar zen zen lo sawina a ni. Ronaldo hian kum 17 mi a nihin Brazil tan a khel \an a. World Cup 94’ (U.S.A) ah pawh squad ah telh a ni tawh a. Amaherawhchu khel phak zingah a tello. Kum 1998,2002,2006 World Cup ah te a che ropui a. A vaia belh khawmin goal 15 a khung a, World Cup a goal khung hnember record a siam a. Kum 2014 World Cup ah German Miroslav Klose in a record a record a rawn khum ta  nih kha. Brazil tan Game 98 khelin goal 62 a khung a. Brazil tana goal khung hnember Pele dawttu a ni.

            Fifa World Player \um thum dawngin Ballon d’Or (European Footballer of the year tih \hin) \um hnih a dawng bawk. Tin, World Cup Golden Ball hi 1998 kumah a dawng a, 2002 World Cup ah Golden Boot (Top Scorer) a la bawk. 1993 ah Brazil club Cruzeiro tan kum 16 mi niin a career bul a \an a, hemi kum vek hian Brazillian Club Bahia lamah goal 5 a khung a, mipui ngaihven a hlawh nghal. Cruzeiro a zawm hma hian a naupan laia a lo khelh ve naw naw \hinna club Flamengo ten an lo hnawl a, an thiltih sual lian ber pawh a la ni ta ve ang.

            Kum 17 mi lek a nihin Dutch Club PSV Eindhoven a zawm a, he club zawm tur hian Brazillian Footballer ropui tho Romario chuan thu a rawn a, a tifuh hle. A season khatna ah goal 30 a khung nghal der mai. Holland ah a cham chhung hian game 58 ah goal 54 ngawt mai a khung hman. Europe club lian ten an awt a, an rim a, an be nasa bawk. Tichuan, a hunlaia World Record fee Maktaduai 19.5 in Barcelona a zawm ta a. A season khat na ah goal 47 a khung nghal der mai. A pianna hmun Rio De Janeiro a Isua lim lar tak “Christ The Redeemer” ban phar dan anga a goal celebrate chu a larpui khawp mai.

            Engemaw chenah club lian dangte a chil a lo put ve reng bawk si a, Barcelona ah hian season khat bak a awm hman lo. Italian Club Inter Milan in World Record fee tho Dollar 27 million in an lalut leh ta a. World Player of the year lawmman a dawng bawk a, kum 20 mi niin he award dawng thei naupang ber a ni bawk. Inter Milan ah hian kum 1997-2002 thleng a cham a,  inhliampui te a tawk a, chuti chung chuan goal 59 a khung hman. Euro 46 million 2002 kumah khawvela club hausa ber Real Madrid a zawm a, a ni khat ni ah a hming chuanna Jersey hralh hnember record a khum nghal a. Player \ha chungchang ho fuan khawmna, “Galacticos” zingah khelin Zinedine Zidane, Luis Figo, Roberto Carlos, Raul leh David Beckham te nen an khel ho a, a zawm tirh season tawp thleng chu khel mumal lovin inhliam in a tibuai a, a larna a tinep chuanglo. Real Madrid ah hian season 5 a cham a, goal 104 a khung a, league champion a nihpui bawk. Inhliamin a tihbuai nasat avangin duh angin a khel tamlo a, season tluana vawi 7 chauh inlan chang te pawh a  nei. Tichuan inhliam avanga alo awm ^wl deuh vang nge ni, a taksa a lo lianin a thau ta hle a. AC Milan ah lutin season hnih a hmang a, goal 9 chauh a khung thei ta. A taksa a fit tawk lova, a khup hliam a dam hleithei lo a. A m<rna lam Brazil club Corinthians ah a insuan leh ta a. Season 3 khelin goal 35 lai ala khung thei. Tichuan, 2011 February thlaah Press Condference neiin mittui nen a chawlh thu a puan a ngai ta a ni.

            Ronaldo hian skill hmanthiam loh mang anei lova, a skill zinga a hman uar leh a ma uar chhuah deuhthaw anga sawi theih te chu :

Elastico : Ball hmun danga pass tur anga rah hrual a lak letleh hmanga mi bum.

Step over : Ball dai kan a, opponent te tum loh leh inrinloh lama thai kal.

Feint : Hei Ronaldo ti special tu a ni a, Dummy an ti bawk. Mahni body awmdan hmang a midang bum. Skill hrang hrang 360, The Marseille Turn, Zidane a uar te, Roulette te, Rainbow Flip, Neymar a chin emem mai te, Cruyff Turn an tih te ah pawh hian Feint an hman a ngai vek.

NutMeg : Mi kapkara ball pet luh a umzui hi Ronaldo hian a uar a, mi chak leh \uanrang tak nih erawh nih a ngai.

            A skill leh trick aia a larna ber chu a tlanchak emem mai hi a ni. A hunlai chuan eng defender pawh hi a tlanhual thei tiin an sawi \hin. Ch>p kara ball chawh a tal chhuah te, engkimah thil awmlo ata hlauhawma  a siamchhuak thei zel hi a ropui leh danglam bik na ani. Ropui taka khalh tlang hi footballer ropui tak tak ten vawi hnih khat an nei \hin, Ronaldo erawh chuan season khatah vawi nga vawi ruk a khalh tlang deuh ziah a ni. Barca a awm laia Real Sociedad laka a goal thun phei chu khatih laia an Boss Bobby Robson pawhin a mak ti lutuk a, a lu a dawm a, a hawi ^  vek thei a ni. He goal hi a hnuah Nike in fakna ah hmangin a thu ah pawh “Pathian hnenah khawvela Footballer \ha ber nih ngen ta la, chuta a chhanna che chu a ni” an ti hial.

            Footballer hrang hrangten a chanchin an sawidan hi a ngaihnawm :

Bobby Robson : “Ball khalh chunga tlan thei thilnung zingah a chak ber a, inhliam hi ngah viau lo sela chuan khawvela Footballer \ha ber, tuma t>r phakloh a ni ang.”

Lionel Messi : “ Striker ka hmuh tawhah chuan a la \ha ber, a tlanchak avangin hlauhawmloh ata hlauhawm ah a siam a, ball a pet thiam lawr lak bawk, ka mimal Hero a ni”

Ronaldinho : “Striker ka hriat tawhah a la famkim ber a, a ball khuap hi amah a chak avangin defence te tan chhuhsak ngaihna a awmlo”

Alessandro Nesta : “Ka hmachhawn tawhah chuan a tawh a la khirh ber, penalty area pawn leh chhunglam a\anga a goal thun thiamdan a inang reng bawk si, freekick leh penalty a \helh ngai mang silo”

Gianluigi Buffon : “A ball pet save thei a kan inkhel ho hman hi vannei ka inti a, a ball pet chhuah nih hi a zahthlak loh, ka inchhuan phah emem a ni”

Marcel Desailly : A khel en hi chuan Video-Game khel lai en kan ang”

Sid Lowe : “Goalkeeper nen an in nan hma chiah hian a goal dawn tih a chiang sa bik”

            Ronaldo hian Messi leh Cristiano Ronaldo te chawi ve theih loh Fifa World chawi mahse anni in a an chawi reng mai UEFA Champions League a chawi ve miahlo thung.

           

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Aadhaar Card chungchang:

1) Aadhaar Card siam tur chuan Biometric Enrolment (BME) tih phawt a ngai a. BME ti lo tan Aadhaar Card neih theih a ni lo.

2) BME hi Registrar Genl. of India (RGI-Census) hnuaia tih niin Electronics Corporation of India Ltd. (ECIL), Hyderabad hnenah contract pek a ni a. ECIL hian LYRA Consultancy Services, Kolkata leh Aron Infosys, Aizawl kutah an hlan chhawng leh a. Chuvangin BME/Aadhaar Card buaipuitute hi ni lovin Pvt. Firm an ni a, DC Office-in Room an hmantir mai a ni.

3) ECIL hian an sub-contractor-te hlawh an pek that loh avangin 1.4.2016 atang khan Mizoram pumah BME chawlhsan a ni a, an chhunzawm leh hun tur hi DC Office lam pawhin an hre lo a ni.

4) BME ti tawh, tun thlenga Aadhaar Card la dawng lote chuan www.uidai.gov.in ah emaw www.censusindia.gov.in ah emaw chhui zui (track) theih a ni a. Hmunpui lamin an lo generate tawh chuan mahniin download-in print ve mai theih a ni.

5) www.uidai.gov.in-a i luh (access) chuan a Home Page dinglam hnuai lama "Aadhaar Services" tihah khan luh tur a ni a, option hrang hrang a lo awm ang.

6) www.censusindia.gov.in ah ve thung chuan a Home Page veilam sira NRIC tihah khan lut la, option a lo awm mai ang.

Aadhaar Card chungchanga mipuiin harsatna nasa tak an tawk mek hi DC Office lam pawhin pawi an ti tak zet a ni.

PAVALAI FELLOWSHIP PROGRAMME

Ni 17.7.2016

(Chawnhu Inkhawm ban)

A hmun   : Pu F.Lalrinpuia te In

Hruaitu   : Pu Lalthanliana Ngente

|antu       : Pu Suithanga

Hla zira hun hman a ni ang

GROUP BUDGET

               Saikhamakawn Kristian |halai Pawl chuan kum chanve kan hman mek a Group Budget a ruahman leh a, Group tin Budget atan `5000/- a ruahman leh a ni.

HOARDING SIAM |HA

               Nimin  16.7.2016 (Inrinni) zingkar khan  Ngaizel kawnga Bible chang intar (Hoarding ) chu a chhe lai te leh siam \hat ngai te K|P Branch Committe member-te chuan an siam\ha.

RUIHHLO NGAITE PUALA |AWNG|AI RUAL

               K|P General Conference Thur>l Gen.No.10-Ruihhlo ngaite leh humsual daite pualin ram pum huap a \awng\ai rual neih ni rawh se tih bawhzui nan August ni 15, 2016 (Thawh\an) zan K|P inkhawmah \awng\ai rualna neih tur a ni e.

LAWMTHU SAWINA

               Ni 11 - 16.7.2016 (Mon - Sat) chhung hian Kohhran Sunday School Hall ah “Siamthar lehna Camping” buatsaih a ni a. Hemi atan a Kohhran bungbel leh Hall hman min phal sak tu Kohhran Committee chungah lawmthu kan sawi a. Tin, Kohhran hmeichhia te, Kohhran mipui min \awng\ai sak tute leh mi inphal te chungah Lalpa hmingin lawmthu kan sawi e. 

Sd/-

(C.LALHRUAIA)

Secretary

Moria Group

# Mawl zawh poh leh mahni thu duh a na ting mai a ni. -Sir William Osler

# Engpawh lo thleng sela, beiseina leh rinna hi hlauh ngai suh.

- William L.Brownell

“SOLO COMPETITION: PRAISE ON”

Synod information and Publicity Department chuan Kohhran ah zaithiam an lo pun zel theih nan, “Praise On”TV Show (Branch K|P Solo intihsiakna) Mizoram pum huap a buatsaih dawn a. Hemi atana hriat tur pawimawih te chu:

1) Praise On hi kan Kohhran rawngbawlna kawnga hmasawnna atan leh Kohhran Programme hrang hrang thinlung taka Pathian faka zai thei kan lo puna kan inhriat tawnna atana buatsaih a ni a, Mizoram chhunga K|P Branch tin te Solo intihsiakna a ni ang.

2)  K|P Branch tin a\angin Brach ruat ngei tel tur a ni ang. Mimala tel a rem lo ang.

3) He show a tel thei tur chin chu Presbyterian Kohhran, K|P member, mahni puala Audio Album leh Music Video Album la siam lo te tel theih a ni ang. (Music Video pahnihkhat emaw, Audio \henkhata zaina lo nei tawh te chu Album puitling siam an nih loh avangin an tel thei ang).

4) Lawmman:

Pakhatna: Rs. 80,000.00

Pahnihna: Rs. 40,000.00

Pathumna: Rs. 20,000.00

Consolation Prize (Top 10 tling chin): Rs. 5,000.00

5)  He show ah hian Round 4: Audition (First) Round, Second Round, Third Round leh Final Round a awm ang.

6)  Second Round a\ang hian TV-ah “Hruaina Eng” channel ah Live-telecast a ni ang.

7) District hrang hrangah Audition Round neih a ni ang a, Aizawl ah chuan Mission Veng Branch in an thleng ang a, July ni 30, 2016 a\angin hming pek theih a ni ang a, August ni 19-20, 2016 zai hun a ni ang.

            Hemi atana kan Branch a\anga tel duh te chuan  ni 24.7.2016 (Pathianni) ral hma in Branch  Secretary te hnenah in report tur a ni e.A \ul leh mawmawh awm apiang chu Branch in a buaipui ang.

Sd/-

(P.C VANLALHRIATPUIA)

Secretary

Kristian |halai Pawl

Saikhamakawn Branch.

TUALCHHÛNG

, Pu Deng\huma h/o Saihnuni (L)  (Ch.Sec) chu damlohna avangin Synod Hospital-ah enkawl mek a ni.

,R.Lalhmingsanga leh Lalthanmawii (Ch.Sec) te chuan fanu an nei thar.

,Lalrinhlua s/o Henry Lalnunmawia (Ch.Sec) chu Falkawn Hospital a enkawl a nih hnuin a lo chhuak.

,Pu Ramthianghlima h/o Rammuani (Ch.Sec) te chuan chhungkaw mamawha hman atan Scooty (Flyte) an lei thar.

,Pu C.Lalnunsanga h/o Vanlalhumi (V.Sec) te chuan a pathumna atan fapa duhawm tak an nei thar.

DIRECTORATE OF LAND REVENUE AND SETTLEMENT MIZORAM:AIZAWL

HRIATTIRNA

            Pi Khawvelchhingi d/o Ngura (L) of Saikhamakawn hian a LSC No. 1253/89, ZRC Bld., Saikhamakawn veng a mi hi a ti bo a rawn insawiin Office-ah re-issue a rawn dil a. A dil anga tihsak a rem lohna tur chhan engpawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetiang LSC pek chhuah leh a lo nih chuan LSC hmasa chu cancel nghal a ni.

Sd/-

Director

Land Revenue & Settlement

Mizoram:Aizawl

NGAIHDAM DILNA

            Kar hmasa Issue ah khan chhut sual palh leh tihsual palh kan nei nual a. Kan lo chhutsual leh tih sual palhna ah Mipui Aw Editorial Board te chuan chhiartu te ngaihhna thiamna leh hriatthiamna kan dil tak meuh meuh a ni. Tin, Land Revenue and Settlement hriattirna a Khawlchhingi tih a kan rawn chhuah kha Khawvelchhingi tih zawk a ni e

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 10.7.2016

MIPUI AW

KARTIN CHHUAK

Vol. XXII Issue No. 28 Kristian Thalai  Pawl  Saikhamakawn Branch  Pathianni Dt.10.7.2016

KOHHRAN PROGRAMME

Ni 10.7.2016 (Pathianni)

Chawhma Inkhawm

|antu              : Pi Laithangpuii

Zirlai 25-na    : “ Thlarau Thianghlim leh Chhandamna”

Chawhnu Inkhawm

Thuhriltu: Pu Siamliana

                        Zân inkhawm

Thuhriltu: Upa R.Lalngena

            Zan Inkhawmah hian Bial Masihi Sangati rawngbawlna Campaign minute 15 hun hman a ni ang. Campaigner:-Upa R.Thangmawia, Fin. Secretary 

K|P INKHAWM PROGRAMME

Ni 11.7.2016 (Thawh\anni Z^n)

Hruaitu           : Nl. Lalrinchhani

|antu              : Tv. Lalhruaitluanga

                         s/o Upa Lalzuiliana

Thuhriltu       : Pu Lalchhandama

Thilpek lakh- : Nl. Lalmuanawmi

awmtute           leh Nl. Vanlalruati

Zai hruaitute  : Tv. C. Laldinpuia

(1-15 July)  leh Tv. Abraham Lalnunthara

Key Boardist  : Tv. R. Lalawmpuia

KOHHRAN HMEICHHE

 INKHAWM PROGRAMME

Ni 12.7.2016 (Thawhleh Z^n)

            Kristian Chhungkaw pual hun hman a ni ang.

KOHHRAN PAVALAI

INKHAWM PROGRAMME

Ni 14.7.2016 (Ninga Zan)

Hruiatu         : Pu H. Remtluanga

Tantu             : Pu C. Lalremruata (Mafela)

Thuhriltu      : Pu Lalrinpuia

Khuangpu    : Pu C. Zakhuma leh

                         Pu T. Lalrinthanga

Thilpek lakhawmtu:Pu Lalthanhranga Ralte

SERMON

CHANNA A NI LO

“Kei atan zawng nun hi Krista a ni si a, thih pawh hlawkna a ni.” (Philppi 1:21)

            Sual avangin hliam i tuar a, natna hrehawmna leh manganna te, sawi chhiat leh hmuhsitna tinreng nen, chu mai ni lovin i nunhlui kalsanin Lal Isua Krista nun thar tho leh nun i \awmpuia chin khawvel i thlir a, tam tak ch^n ah i inngai tiraw? A dik alawm khawvel kan thlir chhung chuan kan tih \hin te kan lo ti leh \hin, mahse Lalpa avangin ti thei tawh lo dinhmunah kan lo awm tawh si a, mahse chan ta viauah kan inngai a ni thei, tichuan rethei leh malsawmna dawng ta lo ah kan inngai \hin.

            Mahse i ch^n lo asin, sual i bawiha i tang Lalpa’n a chhanchhauk che a, chatuan hremhmun a kal tur chu chatuan nun i lo nei zawk a ni lawm mi? Engatinge ch^n ah i la inruat, thlir tur dik Lal Isua Krista hi thlir la lawmna hlirin i lo khat ang. A hmangaihna  nasat em avanga a neih chhun pawh ui lo tu Lalpa hi thlir zawk zel ang che aw. Kan hmangaih ten min kalsan a, khawvel sum leh pai kan hmuh \hin Lalpa duh lo dan te kan tih a lo rem tawh lo a, kaqn kalsan a, mahse maw ch^nna a ni lo. Nunna kan neihna tur zawkin a ni lawm mi chungte chu kan kalsan ni?

            Lalpa’n kan tan hun min buatsaih sak a, chatuana nunna lallukhum ngei chu kan tan min pek a tiam asin, a ropui zia hi mihring finna hian a sawiin a ngaihtuah chhauk zo lo, chu hmun chu i ta a ni asin. Engtik lai pawhin chu hmuna lut thei turin a sawm che a, i lo chhang ta a, Lalpa lawm dan tur leh a hlim tur zia i lo ngaihtuah ngai em? Chuti chung chuan khawvel thil te chu ch^nah i la inngai dawn chauh em ni? Saul avanga i hliam tawrh te natna leh hrehawmna te awm tawh lohna hmun zawk chu thlirin ch^n ah i la inngai thei dawn em ni? I nu pum chhunga i awm hma pawh a hre tu che Lalpa hian i tana \ha tur chu a hria asin, amahah engkim hlanin nghat la, aman a ti vek dawn asin.

            Khawvelin nun hlimna thuruk a pe thei lo che a, sum leh pai leh khawvel hausakna zawng zawng pawhin a lei theih loh chatuan nunna Lalpa’n a pek che hi ropui i ti lo em ni? Lal Isua nun nei tluka hausakna dang a awm dawn chuang em ni? Thingzaina in an zai bung, meipui leh khandaih an hmachhawn, mahse an zam lo asin, an tan chatuan nunna zawk chu thlirin an natna te chu Lalpa’n a lo ti dam tawh zawk dawn  tih an hri a, huaisen takin an kal a, Setana chu Lalpa zarah an hneh zel \hin.

            Saruakin i lo piang a, Lalpa hnenah saruak v>kin i let leh dawn, ch^nna tur a awm lo asin, i tan thih pawh hlawkna rangkachak khawpuiah tlantu Lal Isua Krista fakin nunna lallukhum khumin ch^nna ni lovin nunn neiin i fak kumkhua tawh zawk ang. 

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

CHHELNA

            Kan Pathian chuan Amah ringtute hi hlim tak leh a nuam zawng lam zâwng ringawtte, kan thiltihna kawng tinrêngah hlawhtlinga vânnei reng turte leh amah avânga ropuina chang reng turin min ti rêng rêng lo. Krista avânga tuar tûrte, chân tûrte, mualphona thleng pawha hmachhawn tûrin min buatsaih a ni tih hi kan pawm  a, chumi kawng zawh ngam tura ringtute kan inbuatsaih a, chhelna kan neih a \ul hle mai.

            Tin, he khawvela kan awmchhûng hian natnate, lungngaihnate, thlaphânnate pawh kan tawh tûrin Pathianin alo dah tel bawk a, ringtu chhungkua ten thihna kut vawt a pumpelh bik hauh lo, lungngaihna leh thlaphân manganna in a chîm buai reng tho mai; Pathian remruat a nih tlat avâng a ni. Nimahsela englâipawha min vênga min awmpui rengtu Pathian chuan natna leh manganna ruama kan awmlai pawhin amah ringtu te chu chhel taka tuar thei turin min pui zawk \hin a ni.

            Hebrai ziaktu chuan, ‘chhel taka a tuar chhuah hnûin thil tiam chu a hmu ta ngêia,’ tiin  alo sawi ang hian, Kan tum ram thleng tur hian chhel takin i awm ang u.

ARTICLE

RÛL CHUK CHUNGCHANGA HRIAT TUR PAWIMAWH

            Mizoramah hian rûl chi hrang 50 chuang an awm tih chhinchhiah (record) tawh a ni a, chi thar la hmuh belh zel a ni bawk. Chung rûl zîngah chuan tûr (venom) nei chî chu chi 8 awm anga sawi theih a ni. Tin, India ramah hian kum tinin rûl tur neiin a chuk vawi 2,50,000 vel thleng \hin anga chh<t a ni a, chung zinga vawi 50,000 vel chu thihna thlen khawp a ni. Rûl chuk zawng zawng zînga zaa sawmsarih (70%) hi rûl tûr hlauhawm lo chuk a ni. Rûl tûr neiin a chuk zaa sawmnga (50%) hi tûr tichhuak kher lo chuk (dry bite) a ni a, a bak zaa sawmthum (30%) chauh hi thihpuina tham tura chuk (lethal dose) a ni. Chungho pawh chu damdawi nena enkawl awlsam takin a dam thei. Rul chuk ka haw lo tih hriat chian loh vang mai mai a ni. Mihring zingah rul tur haw lo kan awm lo.

            Heng bakah hian hriatna thazâm leh lung hnathawh tibuai thei tûr (neurotoxin/cardiotoxin) pai chi (rûlngân, rûl-thi-hna, chawnglei, khuavangrûl etc.) bîkah chuan a chukna hmuamhmä leh a vël chu tâwt lutuk lova tuam a \ha. Mahse, cytotoxin/haemotoxin tûr (tisa ei chhe thei) nei chi rûl (rûltuha, rûlmuk, etc)-ah chuan tuam loh a him.

            Rûl chukna pemah hian a malin emaw, a kawpin emaw rûl ngho hmuamhma a lang \hin. Rûl chukna hmuamhma bul velah emaw, a chukna hmun azirin bân emaw, ke emaw dung tluanin a na-in a vung vak \hin. Chilthli a tla a, an chil a phuan a, luhai leh luakchhuakin an awm a, an pumthuar a na-in an tha a khawng a, an khua a sikin thawk an harsat a, an marphu a rangin an mut a chhuak a, an lu a haiin nikhaw hre lovin an awm thuai thei a, damdawi in hnai ber panpui vat a \ha ber.

Tih loh tur:

1) |âwn/hren khalh (Tourniquets) loh tur : Rûl chukna hmuamhmâ chu hruiin emaw, puanin emaw tawnkhalh hauh loh tur.

Rûl tûr dang tur khawp chuan thisen kal thei lo khawpa hren täwt a ngai a, chutianga kan hren chuan thisen a kal theih loh avangin zai (surgery)-a, tan a ngaih phah hial \hin. Midangin an lo hrêng tawh a nih erawh chuan damdawi in thlen hma chuan phelh tawh loh tur a ni. Mi thiam bik (medically qualified) kan nih loh chuan tih ve ngawt loh tur.

2) Zai hawn loh tur : Rûl tûr lak chhuah/tihchhuah duh vanga a chukna hmuamhmâ zai kak hi tih miah loh tur.

Rûl kâah hian a tûr mai bakah natna hrik tam tak a awm a, a hmuamhmâ zai hawn belh hian natna hrik luhna remchang (chance) a tihsan mai bakah a tuartu tân a na thlawn mai a ni.

3) Fawh/hip chhuah loh tur : A chukna hmuamhmâ zai hawn hnu chuan rûl tûr chu fawh/hip chhuah loh tur.

Rûl tûrah hian chemical chi khat ‘Hyalurondase’ a awm a, chu chemical chuan rûl tûrin taksa a luh rualin hriatna thazâm (nervous system) leh lung hnathawh (cardiovascular system) tibuaiin lung (heart)-ah rang takin a sem darh nghal \hin. Minute 3 ral hnuah phei chuan a tûr lût zawng zawng atanga 0.1% (hmun sangkhata \hena hmun khat) pawh a hîp chhuah theih tawh loh.

4) Silfai loh tur : Rûl chukna hmuamhmä bul vèlah hian rûl tûr leh rûl ka chhûnga natna hrik a kai tel \hin avangin sil loh a him ber. Sil zawngin heng rûl tûr leh natna hrik kai hi taksa pem dangah tih luh palh a awl em em a, chutiang a nih hlauh chuan hmun hnihah kan chuktir tihna a ni.

Tih tur:

Rûl chuk enkawl dan pawimawh hmasa ber (first-aid) leh vantlangin kan tih theih chu hetiang hi a ni:

1) Chuk nawntir/mi dang chuktir loh tur : A damlo (tuartu) leh a vela awm te a chuk tawh loh nân fimkhur a pawimawh. Rûl chu thah emaw, man emaw kher tum loh tur a ni a, \ha taka tleng bo tir mai a \ha.

2) Rilru fîm put tur : Damlo chu a chi-ai loh nan \awngkam leh aw (voice) zaidam taka thlamuan tur a ni. A chi-ai a nih chuan a lungphu a rang a, rûl tûr hnathawh a tichak \hin. Damlo awm dan (position) chu a hahdam thei ang bera siam rem a, hahdam taka awmtir tur a ni.

3) Phelh thâwl tur : Rûl chûkna hmuamhmâ leh a vel chu nasa takin a vûng \hin a, chuvangin an thawmhnaw inbel lai phelh thawlsak tur a ni a. A chukna hmun azirin a sana, ngûn, zungbun, pheikhawk, etc. hlihsak thuai thuai tur a ni.

4) A taksa siam rem tur : A chukna hmuamhmâ chu a lung (heart) aia hniama awmtîr tur a ni a, hahdam leh che lo thei ang bera awmtir tur a ni .

5) Hmanhmawh tur : Second tin kha nunna leh damna inkar hriltu a ni thei, phîlî lo leh chi-ai si lova chet zung zung a \ha. A rang thei ang berin damdawi in panpui a \ha ber (Damdawi in hi mêl tam taka hla pawh ni se, theih anga ranga pan mai tur a ni).

6) Puithuna âtthlàkah buai loh tur : Rûl chuk damdawi leh enkawl dan finfiah loh (without scientific proof)-ah inhambuai loh tur. Soda-a inchiu te, Khaini barh, Tengteremu hiptir leh Ar mawng hiptir tih vel te hi tih miah loh tur, hun \ha khawh ralna mai mai a ni.

7) Tanpuitu : A theih hram chuan damlo chu kea kaltir loh tur a ni. Chutiang tur chuan \anpuitu zawng la, damdawi in hnai ber panpui nghal tur a ni. |anpuitu an awm hnai lo a nih pawhin kaihkuah emaw, tiang hawltir emaw-a, hahdam thei ang bera kaltir tur a ni a, a chukna bâwr chu tihchet loh a him ber.

8) Ei tur leh in tur pek loh a \ha : Damlo chu ei tur leh in tur pêk loh a him. Zu lam chi phei chu pêk hauh loh tur.

9) Natna lan chhuah dan azira enkawl dan (Symptomatic Treatment) : Damlo chu a thâw a hah viau chuan CPR (thawk lama harsatna nei thawk la tura \anpui dan) pek tur a ni. A na hle tih hriatpui reng tur a ni a, paracetamol pek a \ha. Chutih rual chuan na chhäwkna \henkhat hian lungphu a tirang a, chu chuan rûl tûr hnathawh a tichak thei tih hriat tur a ni.

Hriat belh atan:

Rûl hian mihring tân pawimawhna tam tak an nei a, chung zinga \henkhatte chu :-

1. Lo neitute \hian an ni : Rûl hian sazu an ei nasa a, an inthlah pung chak lutuk tur vêngtu \ha tak an ni. Rûl hi awm lo ta se, tuna Asia ram buh thar zaa panga (5%) vel hi sazuin a ei ral tura ngaih a ni.

2. Damlo te \hian an ni : Rûl tur atang hian damdawi chi hrang hrang hmuhchhuah tawh a ni a, hmuhchhuah tur tam tak a la awm tih hriain zir chian chhoh mek a ni. Rûl tûr atang vëk hian rûl chuk damdawi an siam \hin a ni.

3. Tourism : Rûl hi khualzin hipna \ha tak a ni. Ram tam takah chuan an rama rûl hmangin khualzin an hîp lût nasa hle. Mizoram pawh hian hei hi zin mi kan hip theihna kawng (potential) \ha ber zinga mi a ni. Rûl hian mihring chuk an tum ngawt ngai lo. Mizorama rûlin mihring a chuk chhan tam ber chu mihringin thah/man an tumna lama an chet sual vang a ni ber. Rûlin mihring a chuk chhan chu:

1. Thawn thut (startled) vang te,

2. Hual chèp (cornered /threatened) vang te,

3. Chhaih kawlh (enraged) vang te a ni.

Rûl hian mihringte hi an huat vang emaw, phuba lâkna atân emaw an chuk ngai lo. Anmahni inven ve nâna Pathianin a ruatsak a ni. Thil nung hrang hrangte in-khai-chhawn-diata inrintawnna (eco-system)-ah pawimawhna tak an nei a ni tih hriain, thah loh hram tum zawk tur a ni.

           

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

DIRECTORATE OF LAND REVENUE AND SETTLEMENT MIZORAM:AIZAWL

HRIATTIRNA

            Pu Lalrinliana s/o Lalpianga(L) of Saikhamakawn hian a LSC No. 104603/01/169 of 2005 Saikhamakawn veng a mi hi a ti bo a rawn insawiin Office-ah re-issue a rawn dil a. A dil anga tihsak a rem lohna tur chhan engpawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetiang LSC pek chhuah leh a lo nih chuan LSC hmasa chu cancel nghal a ni.

Sd/-     Director

Land Revenue & Settlement  Mizoram:Aizawl (3-3)

PAVALAI FELLOWSHIP PROGRAMME

10.7.2016 (Chawhnu Inkhawm ban)

A hmun     : Sunday School Hall

Hruaitu     : Pu Kamzawngliana

Hla zira hun hman a ni ang

TBZ NEIHTHIL THEHKHAWM

A hun    :11.7.2016,  dar 7:00 pm

A hmun : Pi Lalngaii In

Hruaitu  : Pi Lalthanchami

|antu     : Pi J.H Pekmawii

HRIATTIRNA

               Saikhamakawn vengchhungah AMC in Parking fee khawn turin thu a ti tlu a, Day Parking Area pawh hetiang hian a siam a, Pu Phirthanga In leh Pu C.Zakhuma h/o Pi Dengi te inkar hi a ni a, helai hmun luah a motor dahtute chuan fee hi an chawi a ngai tawh a, fee chawi lo chuan helai hmun ah hian motor dah a remchang dawn lo a ni tih kan inhriattir a ni e.

               Saikhamakawn huam chhung ram neitute Chêkbâwk leh Ramri lama ram leh huan neiten kan huam ram chhunga kalkawng awmte ni 16.7.2016 (Inrinni) ral hma a tihfai tur tih kha chawlhkar khat ala awm a, hemi hun chhung hian tihfai tur neite chuan tifai turin kan inhriattir leh a ni e. Kawng\hut zawl chin chauh ni lovin kawngka, kawngba hnim nen a sialfai vek tur a ni e. Hun tiam chhunga ti fai lo chu Local Council in Action a la dawn a ni. 

Sd/- (R.BIAKTHANSANGA)

Secretary

Saikhamakawn Local Council

ADVERTISMENT

HRIATTIRNA LEH NGENNA

            Mipa leh hmeichhe kekawr leh Kamis engtiklai pawhin ka \hui thei ta e, min rawn pan \heuh turin kan ngen a che u.

            Pu Rochungnunga, Local Council Member te in hnuai berah kan awm e.

In \hian,

Lalthanliana Ngente

Ph.: 8415843295

CAMPING NEI DAWN

               Ni 11 - 16.7.2016 (Mon - Sat) hian Moria Group chuan Chhandamna Camping Sunday School Hall-ah a buatsaih leh dawn a. Pathian duhna nei a tuihal apiangte he Camping-ah hian a luh theih e. Camping-a lut turte chuan mutbu leh Bible ken \heuh tur a ni e. Mobile Phone kenluh phal a ni lo. Ni 11.6.2016 (Thawh\anni) zan dar 7 aia tlai lovah Camp lut duhte chu luh kim vek tur a ni e.

“TIAM TLAT E“ TI DAWN

            R. Lalhmingsanga s/o Upa R.Lalngena, Saikhamakawn leh Lalthanmawia d/o H.T. Malsawma, Saikhamakawn te chuan ni 14.7.2016 (Ningani) dar 7:00 am ah hian Saikhamakawn Kohhran Hall ah “Tiam Tlat  E” an ti dawn.

            Fanau maltluan chawia nupa inlungrual taka damchhunga lengdun turin  Mipui Aw Editorial Board te chuan duhsakna kan hlan e.

DIRECTORATE OF LAND REVENUE AND SETTLEMENT MIZORAM:AIZAWL

HRIATTIRNA

            Pi Khawlchhingi d/o Ngura (L) of Saikhamakawn hian a LSC No. 1253/89, ZRC Bld., Saikhamakawn veng a mi hi a ti bo a rawn insawiin Office-ah re-issue a rawn dil a. A dil anga tihsak a rem lohna tur chhan engpawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetiang LSC pek chhuah leh a lo nih chuan LSC hmasa chu cancel nghal a ni.

Sd/-

Director

Land Revenue & Settlement

Mizoram : Aizawl

Zanin inkhel tur

EURO 2016 FINAL

France Vs Portugal

               Zanin zanlai dar 12:30 hian Euro 2016 Final chu Stade de France Stadium-ah khelh a ni dawn. Referee - Mark Clattenburg.

TUALCHHÛNG

,Pi Dengthangpuii m/o Lalramenga te chhungkua chu Pu Lalchhanhima in (Ch.Sec) a\angin Pu C.Lalhruaia (V.Sec) te inhnuaiah an insawn.

,|hatluangi chu Pu Ngura Sailo (V.Sec) te in a\angin Pi Lalchhanhimi (V.Sec) te inhnuaiah a insawn.

,Pu KC Khaia (T.Sec) te chhungkua chuan chhungkaw mamawha hman atan Scooty (Flyte) an lei thar.

,Pu Khualkunga h/o Lal\anpuii (V.Sec) te chuan chhungkaw mamawha hman atan Car (Nano) an nei thar.

VENGCHHUNG A|ANGA GRADUATE THAR KAN HRIAT THEIH TE

Arts

1)Lal\hakima s/o Chhakchhuakvunga (L) -                B.A (English) - IIIrd Div.

2) Vanlaltlani d/o B.Lalrinzaua-

B.A (Economics) - IIIrd Div.

3) Andrew C.Lalnunsanga w/o Lalthantluangi- B.A (General) - IIIrd  Div.

Science

1) Lalawmpuii Chawngthu d/o C. Lalduhsanga - B.Sc (Environmental Science) - Ist Div.

{Lalawmpuii hi Mizoram University  Environmental Science department a\angin pathuma (3)-na a ni}

2) Zomuanawma s/o Lalrochama -

B.Sc (Botany) - Ist Div.

Commerce

1) David Vanlalruata s/o Thangluaia - B.Com - Ist Div.

            Kan veng a\anga Graduate thar te Mipui Aw Editorial Board te chuan thinlung takin kan lawmpui a,  an kal leh zelna turah duhsakna kan hlan e.

BO CHHAR

            Kan in kawta Nihliap, Puan leh Êm theihnghilh chuan kan In ah lam theih a ni e.

Upa Zonunmawia

Vanapa Section

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350