Mipui Aw 17.4.2016

MIPUI AW

KARTIN CHHUAK

Vol. XXII Issue No. 16 Kristian Thalai  Pawl  Saikhamakawn Branch  Pathianni Dt.17.4.2016

Vawiin   changvawn

            Nimahsela, tleirawl chaknate chu tlansan la, thinlung thianghlima Lalpa lam apiangte zingah chuan felna te, rinna te, hmangaihna te, remna te um ve rawh.

(2 Timothea 2:22)

KOHHRAN PROGRAMME:

Ni 17.4.2016 (Pathianni)

Chawhma Inkhawm

|antu              : Pi Lalhmangaihi

Zirlai 14-na    : “Pathian Thlarau leh                                                  Tlawmnna Nun”

Chawhnu Inkhawm

Thuhriltu: Upa Lallawmchhunga

                        Zân inkhawm

Thuhriltu: Upa Vanlalzuia, Bial Chairman

K|P INKHAWM PROGRAMME

Ni 18.4.2016 (Thawh\anni Z^n)

Thupui Zir Inkhawm

Hruaitu           : Tv. Lalfakzuala

|antu              : Nl. Lalrinliani

Thupui                       : ‘Pathian nena Lendun                                                awmzia’

Hawngtu        : Nl. C. Lalrempuii

Thilpek lakh- : Nl.C. Zodintluangi

awmtute           leh Nl. Nancy Zoremsangi

Zai hruaitute  : Pu Albert Lalremsanga

(1-15 April)      leh Tv. Lalhriatpuia

Key Boardist  : Pu Lalduhkima

KOHHRAN HMEICHHE INKHAWM PROGRAMME

Ni 19.4.2016 (Thawhlehni Z^n)

Hruiatu           : Pi R Lalzuali

Tantu              : Pi Laldingpuii

Thuhriltu       : Pi Ralliani

KOHHRAN PAVALAI PROGRAMME

Ni 21.4.2016 (Ningani)

Chairman       : Pu Lalrinpuia

|antu              : Pu C. Saienga

Sharing leh Tawngtai rual

Khuangpu      : Pu C Zakhuma leh

                          Pu Lalthanliana Ngente

Thilpek Lakhawmtu: Pu Sangmawia

SERMON

SIAMTU HRE RENG RAWH

            Thalaite u, in that lai chen ula, I la naupang viau lai hian hlim rawh u,Amaherawhchu Pathianin in chungah Ro a rêl dawn tih rhe reng ang che u. Thuhriltu 11:9

            Kan Bible chuan kan vanglai hun hi am taka chen turin min hrilh a, kan chen dan tur erawhchu Pathian duh zawng leh amah hre reng chunga chen turin min duh a ni.

            Tunlai khawvelah rethei bik nih hlauvin, hmasawn tumin nasa takin ke kan pen a, a tha, a lawmawm tak meuh. Ringtu nih leh retheih hi thil inhmeh lo tak pawh a ni reng a ni. Amaherawhchu mi rethei kan tihte hi tute nge maw an nih chiah le? Latin thufing chuan, ‘A nei tlem ni lovin, duh belh zel hi mirethei chu an ni’, a lo ti a. Portugese thufing ve thung chuan, ‘Mirethei chu a eipuar hnu pawha riltam tlat thin te hi an ni’, a lo ti bawk. Chuvangin , sum leh pai tam tak neite hi mihausa an ni kher lo mai thei a ni.

            Kan vanglai hun tawite hi Pathian duhzawnga kan hman chuan kan nun a lo hlimin, Pathian malsawmna pawh kan dawng zawk ngeiin a rinawm. Khawvela Footballer ropui Kaka chuan “Football atanga hausakna leh hmingthanna ka neih tak zawng zawngte hi min petu Isua hi nei lo ila chuan midang ta tur an lo ni”, a ti hial a ni. Khawvel hmasawnna kan um-a ke kan pen mek lai hian, min pe theitu Lal Isua panna chang kan hre lovang tih a hlauhawm hle. He damchhung khawsakna sum leh pai kan ngaihtuah lutukna avang hian Pathian tan hian kan hunte pe hman lo khawp hial a kan phe buai reng a nih zawngin Malsawmna min pe theitu Pathian pawh hian malsawmna hi kan tan a chhawp reng lo mai thei a ni. Chuvangin, thalai, nu leh pa eizawng mekte hian Pathian hruaina leh awmpuina hnuaiah Pathian hre reng chung hian ei a zawn theih a, a hausak theih a ni tih i hre reng ang u.

            Tin, Kan vanglai hun chen kan tum luatah hian hlimna dik tak leh tluantling zawk Pathian theihnghilh thak leh a kawng bosan thak khawpte hian hlimna um hian khawvelah kan tlan ang tih pawh thil hlauhawm tak a ni, Pathian theihngilh thak khawpa hlimna leh damchhung khawsakna um a kan tlan anih ngat zawngin hlimna leh lawmna famkim kan nei thei ngai lovang, Chuvangin kan vanglai hun kan hman danah hian Pathian hre reng chung leh kan nunah Pathian dah lal ber chung hian kan vanglaite hi i chen ang u..

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

ALAN DÂN ANG A NI VEK LO

            Pa pakhat chu kawrchung Suit nên, Khiangkâwi ipte-a Pathian Lehkhabu Thianghlim leh Kristian hla bu ak chungin alo kal phei a, Biakin lam a pan han hmuh chuan Pathian thu awih tak, sualna nei lo leh mifel famkim hmuhin kan lo hmu \hin, zaidam, nêlawm leh \anpui ngâite \anpui \hin niin a lang a ni. A thupuia kan hman ang chiah hian, thil rêng rêng hi alan dân ang a ni vek kher \hin lo. Pathian thu chu alo awih pawh a ni mai thei e, amaherawhchu kan Pathian thuin a sawi angin, tumah hi mifel tak rêng kan awm si lova, sualna neilo mihring pawh hi kan vâng viau âwm e, a tlin lohna leh a fel tâwk lohna sawi tur pawh a awm \euhin a rinawm. Chutiang ang deuh chiahin mi pakhat alo kal leh a, a T-Shirt hâkah chuan Rock Band pakhat hming leh thlalâk, râng reih ruaihin a chuang a, Jeans kekawr fual taka hâin a khup a \et hnuang bawk a, Converse da tawh lampang hi a rawn bun bawk a, amaherawhchu kawm a nuamin a zaidam a, a neih ang ang chu \anpui ngâite bâwm dawhah chuan a rawn thlâk leh thung si. Thil hi a lan dân ang anih vek kher loh avangin. Amaherawhchu a lan dân ang hi chu engemaw chenah hi chuan a ni ve ngêi bawk \hin. Chuvangchuan thil kan teh hian a lan dân lam a\anga teh mai lovin, a nihna tak hmuhfiah a\ang hian teh kawp i tum \hin ang u.

ARTICLE

“YOU ‘LL NEVER WALK ALONE”

            English Premier League en \hangte zingah chuan hre lo an awm lo ang tih theih, Liverpool FC hlapui ‘You’ll Never Walk Alone’ hian chanchin a ngah phian mai a. He hla hi football kaihhnawih thilah chuan khawvel hmun hrang hranga sak hlawh ber a ni a, \henkhat phei chuan ‘Football khawvela \awng\aina hla’ ti hialin an sawi a. A chanchin hi chiang zawkin bel chiang ila. He hla ‘You’ll never walk alone’ tih hi musical pakhat, ‘Carousel’ tiha telh tura Richard Rodgers leh Oscar Hammerstein II te phuah a ni a. ‘Carousel’ hi Ferenc Molnar-a’n lemchan pakhat a phuah ‘Liliom’ tih a\anga lak chhawn a ni.

            ‘You’ll never walk alone’ awmna lemchan ‘Carousel’ hi April 19, 1945 khan Broadway ah an hawng a, vawi 890 ngawt an entir nghe nghe a. He lemchanah hian a changtunu Julie Jordan-i cousin Nettie Fowler chuan ‘You’ll never walk alone’ tih hla hi Julie te nupa thlamuan nan leh Julie pasal Billy Bigelow-a’n ruk ruk a tumna a tlawlh avanga intihhlum a tum laia Julie fuih nan a hmang a ni. He lemchan tawp dawna an fanu Louise-i’n a lehkha zir lai \ha taka a zawh avanga fuihna atan leh an nufaa a hmangaihzia lantir nan a pa Billy chuan a rawn sa ve leh bawk. Liverpool khaw band, rock and roll group ‘Gerry & the Pacemakers’ khaipa ber Gerry Mardsen chuan he hla hi nalh a ti em em mai a, a band member te hnenah chuan sak ngei a duh thu a sawi a. An han sak chhoh takah chuan hriat an hlawh phah ta hle a.

            Hetianga Liverpool khawpuia a lar chhoh takah chuan Liverpool Football Club pawhin a thl<k chu an hmang phawt a, a hnu lamah a hla thu pawh chu an chhawm zui ta zel a. A tawpah phei chuan a hla thupui hi an club chhinchhiahnaah hial an telh zui a, tun thlengin an la hman chhunzawm phah a ni. Kum1963 khan khatih laia Liverpool manager Bill Shankly chu Gerry Marsden chuan ‘You’ll never walk alone’ tih hla an thun fel vek tawh chu a pe a. Shankly chuan a duh em em a, football chanchin ziaktute chuan an hre ve leh a, Liverpool FC chuan Gerry Marsden-a hla hi an club hlapuiah an hmang dawn tih chu mi hriatah an puang ta a ni.

            Tunah chuan Liverpool mai pawh ni lo, khawvel hmun hrang hranga club te chuan he hla hi an chham rual dual dual tawh mai a. Football ngaina tak tak inti te zingah chuan hre lo an awm lo ang tih theih a, football khawvelah chuan he hla aia sak hlawh hi a awm chuang lo.He hla lo sa tawh hi an thahnem hle mai a, heng zinga a langsar zual thenkhatte chu :

1. Gerry & the Pacemakers :

Gerry & the Pacemakers in an sak hi hriat hlawh leh lar ber chu a ni a, khawvel hmun hrang hranga football stadium chhunga ri thin chu anni sak hi a ni.

2. Die Toten Hosen :

German rock band Die Toten Hosen hian an ram chhunga football fans te tan he hla hi an sa a, football hmunpuiah chuan anni sak hi a ri reng mai a ni.

3. The Three Tenors :

The Three Tenors an tih \hin, classical lama miropui - Plácido Domingo, José Carreras leh Luciano Pavarotti te chuan a dan dang deuhin he hla hi an vawrh ve leh a ni.

4. Tom Jones :

‘The Tiger’ an tih, Tom Jones chuan soul music lam hawiin a sa a, hriat pawh a hlawh lehzual phian.

5. Jordin Sparks :

‘American Idol’ hian a dinhmun ropui tak thlenna kawngah he hla hi fuh em emin a vawrhchhuak a, a dinhmun siamtu pakhat niin an sawi.

6. Renée Fleming :

Renée Fleming chuan US president Barack Obama lawmna ‘The Obama Inaugural Celebration Concert’ ah he hla hi a sa a, lawm a hlawh hle.

                       

BENG TIVÂR

KHAWVEL RAM HRUAITU HLAWH HNEM TE (Kum khat hlawh zat)

1) Lee Hsien Loong, Prime Minister of Singapore – $1,700,000

2) CY Leung, Chief Executive of Hong Kong – $530,000

3) Barack Obama, President of United States – $400,000

4) Tony Abbott, Prime Minister of Australia – $345,000

5) Michael D. Higgins, President of Ireland –            $340,000

5) Xavier Bettel, Prime Minister of Luxembourg – $340,000

7) Stephen Harper, Prime Minister of Canada – $296,400

8) John Key, Prime Minister of New Zealand – $290,000

9) Angela Merkel, Chancellor of Germany – $283,608

10) Jacob Zuma, President of South Africa – $272,000

11) Giorgio Napolitano, President of Italy – $270,000

12) Francois Hollande, President of France – $230,000

13) David Cameron, Prime Minister of the United Kingdom – $215,000

14) ShinzO Abe, Prime Minister of Japan – $202,700

15) Sauli Niinistö, President of Finland – $190,000

16) Ólafur Ragnar Grímsson, President of Iceland – $188,000

17) Park Geun-hye, President of South Korea – $187,000

18) Ma Ying-jeou, President of Taiwan – $184,000

19) Mark Rutte, Prime Minister of the Netherlands – $170,000

20) Uhuru Kenyatta, President of Kenya – $132,000

QUIZ

DIRECTORATE  OF LAND REVENUE AND SETTLEMENT,  MIZORAM : AIZAWL

HRIATTIRNA

Pu Lalliantluanga s/o Lalringa (L) of Saikhamakawn hian a LSC No. AZL 3191/1990 of Kulikawn veng ami hi ti bova rawn insawiin Office-ah re-issue a rawn dil a. A sil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia addressziakah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni.

Sd/-

Director,

Land Revenue and Settlement

Mizoram : Aizawl

HRIATTIRNA

            Kohhran Committee chuan Biak In leh a vel hi Thianghlim taka vawn nise a ti a. Tun hnaiah Sacrament Department Hall luhna step ah te, ruihtheihthil tih nana hmang kan awm nia hriat a ni a, hei hi Pathian huat zawng leh Kohhran duh loh zawng a ni a, hetiang a lo ti \hin kan awm a nih chuan tun hnuah chuan tih tawh loh nise a lawmawm hle ang.

Sd/-

(UPA LALLAWMCHHUNGA)

Secretary

Saikhamakawn Kohhran

HLIMEN  PASTOR  BIAL

ZAIPAWL 

MUSIC  VIDEO  RELEASE

            Ni 19.4.2016 (Thawhleh Zan) dar 7:30 hian Hlimen Kohhran Hallah Bial Zaipawl Music Video Release a ni dawn ta.

JUBILEE  CHOIR  HLA  ZIR  TUR

            Ni 19.4.2016 (Thawhleh Zan) dar 7:30 hian Hlimen Kohhran Hall ah Bial Zaipawl Music Video Release zawhah zir tur a ni.

            Kohhran Zaipawlte kim taka kal tur a ni a, kalna tur Bus a awm dawn a ni.

FILM  SHOW!!

            Tunlai film chhuak thar hmuhnawm leh lar em em  SUDDEN  MUANGA film chu Taitesena Section YMA te chuan ni 21.04.2016 (Nilaithawhtan) zan dar 7:00 hian Saikhamakawn Community Hall ah chhuah a ni dawn a, vengchhung mipuite rawn en \heuh turin kan sawm che u a, tin, ticket hi vengchhung In tina zawrh tur a nih avangin tlawmngaia vengchhung mipuite’n min leisak ngei turin kan ngen bawk che u a ni e.

Sd/- Secretary

Y.M.A Taitesena Section

HRIATTIRNA

            UPHC, Hlimen chuan ni 28.4.2016 (Ningani) hian Saikhamakawn veng chhungah Free Clinic a rawn buatsaih dawn a, vengchhung mipuite kan inhriattir lawk a ni e.

 

CHATUAN RAMAH

            Pu Lalsangzuala (41) s/o Pu Rokhuma chuan ni 15.4.2016 (Zirtawpni) khan chatuan ram min lo pan san ta a. Mipui Aw Editorial Board-te chuan kan tawrhpuiin a kalsan tak a chhungte Lalpa’n vengin awmpuiin thlamuan zel rawh se tih hi kan \awng\aina a ni e.

TOURNAMENT

POSTPONED

            Apuia Memorial Elephant Four Football Tournament ni 12.04.2016 a \an tur a ruahman chu Light peih hmanloh avangin Ni 19.04.2016 (Thawhlehni) zan a \an turin sawn hlat a ni a. Ni 18.04.2016 thleng Entry-Fee pek theih a ni ang.

TIAM TLAT E TI DAWN

            Lalrochama s/o Upa R. Luntgiawia (L), Saikhamakawn leh Lalchamreii d/o Thanzaua, Hualtu te chuan Ni 20.4.2016 (Nilaini) dar 2:00 pm hian Saikhamakawn Kohhran Biak Inah, Kohhran dan Thianghlimin “TIAM TLAT E” an ti dawn. Fanau maltluan chawia damchhunga lengdun turin Mipui Aw Editorial Board te chuan duhsakna sang ber kan hlan e.

SAWMNA

            Ni 20.4.2016 (Nilaini) chawhnu Dar 2:00 pm a kan nau Lalrochama te  Inneihna Biak In a min hmanpui tur leh tlai lam a chawhlui min kil ho pui turin vengchhung mipuite kan sawm a che u.

Lalsangpuia te unau

Vanapa Section

HRIATTIRNA

            Tun kar liam ta a vengchhunga AMC ten Property Tax chungchanga survey an rawn neihna ah khan Measuring Tape lian tih bo palh a ni a, a lo chhar kan awm chuan Local Council Treasurer Pi Chawngkungi (T.Sec) hnenah thehlut turin kan inngenin kan inhriattir a ni e.

Sd/-

(R. BIAKTHANSANGA)

Secretary

Local Council

       

TUALCHHÛNG

, Nl. Daisy Lalnunmawii d/o Pu F. Lalhmachhuana (V.Sec) chuan BA (Economics Hons.) \ha takin a pass.

, Pu Stephen Lalchantluanga h/o Lalnuntluangi (LN-i) (V.Sec) te chuan a pahnihna atan fapa duhawm tak an nei thar.   

,    Pi Lalrammawii (Seni) w/o Pu Lalpianthanga (Ch.Sec) chu damlohna avangin New Life hospital ah enkawl mek a ni.

, Pi Lalthanzami w/o Pu P.Vanlalruata (Ch.Sec)  chu damlohna avanga Synod Hospital a  enkawl a nih hnuin a lo chhuak.

M.PHIL PASS THAR

            Nl. F.Lalrintluangi d/o Pu F. Lalrinpuia (T.Sec) chuan Master of Philosophy (M.Phil) Grade ‘O’ ah a pass a. A Dissertation chu “Production and Financial Practices of Coffee Growers in Lunglei District, Mizoram” niin kan vengchhung a\anga M.Phil nei hmasa ber a ni. Mipui Aw  Editorial Board te chuan thinlung takin kan lawmpui a, a kal leh zelna turah duhsakna kan hlan bawk e.

LAWMTHU SAWINA

            Ni 14.4.2016 (Ningani) a Pu R. Zohmingliana te slab chhunga K|P member hnatlang zawng zawng te chungah lawmthu kan sawi a, inhlawhna min petu Pu R.Zohmingliana te chhungkaw chungah lawmthu kan sawi bawk e.

Sd/-

(P.C VANLALHRIATPUIA)

Secretary

K|P Saikhamakawn Branch

Zanin BPL inkhel turte:

Bournemouth Vs Liverpool (5:55)

@ Starsport 2

Leicester Vs West Ham (5:55)

@ Starsport 1

Arsenal Vs Crystal Palace (8:30)

@ Starsport 1

Thawh\anni zan

Stoke City Vs Tottenham (12:30)

@ Starsport 4

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 10.4.2016

MIPUI AW

KARTIN CHHUAK

Vol. XXII Issue No. 15 Kristian Thalai  Pawl  Saikhamakawn Branch  Pathianni Dt.10.4.2016

Vawiin   changvawn

            Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria; a hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan. (Rom 8:28,29)

KOHHRAN PROGRAMME:

10.4.2016 (Pathianni)

Chawhma Inkhawm

|antu              : Pi C.Lalchhuanawmi

Zirlai 13-na    : “Pathian Thlarau                                             leh Zawlnei dik te”

Chawhnu Inkhawm

Baptisma leh Lalpa Zanriah Sacrament

Rawngbawltu: Pastor C.Sapkaia

                        Zân inkhawm

            Thuhriltu: Pastor C. Sapkaia

            K|P INKHAWM PROGRAMME

11.4.2016 (Thawh\anni)

Neihthil Thehkhawm

Hruaitu           :Nl. Zosangliani

Tantu              : Tv. MS Dawngkima

                        (c/o Upa Lalzama)

Zai hruaitu turte: Tv C. Laldawngliana

                        leh Pu Tommy Zirnuntluanga

Musician         : Tv R. Lalawmpuia

KOHHRANHMEICHHE PROGRAMME

Ni 12.4.2016 (Thawhlehni)

            Kristian Chungkaw puala hun hmanga feh chhuah tur a ni e. 

KOHHRAN PAVALAI PROGRAMME

Ni 14.4.2016 (Ningani)

Chairman    : Pu F. Lalrinpuia

|antu           : Pu Lianchia

Thuhriltu    : Pu Vanlalfela

Khuangpu   : Pu Lalthanliana Ngente  leh Pu C.Zakhuma

Thilpek Lakhawmtu: Pu Sangmawia          

SERMON

I Pathian tawk turin in peih rawh

- Remsangpuii

Biakavau

Chuvangin aw Israel, i chungah hetiang hian ka ti ang: I chungah hei hi ka tih dawn avangin, aw, Israel i Pathian tawk turin inpeih rawh. (Amosa 4:12.)

            Amosa 4:12-a kan hmuh ang hian Pathianin Israel fate chu amah tawk tura inpeih turin a ti a, he thu hi a pawimawh thar hlein ka hria. Bible-in Israel fate tana a ziah hi rinna avanga kan chanvo ve a ni tih hriat a \ha. Pathianin Israel fate inpeih tura a tih khan an inpeih em? Amah Pathian nen an in tawk em? Rom 11:11 ah kan hmu a, an tluk san thu leh chhandamna chuan Jentail-te lam a hawi tak thu kan hmu. A hnam thlan Israel fate meuh pawh an inpeih lohna avanga a hawisan ngam si chuan keini, khawngaihna avanga chhandamna changtute hi kan fimkhur a va ngai em. Bible-in ni hnuhnung a sawite hi kan tawng mek si a.

            Zan hi a ral lek lek tawh a, var\ian kan lut \an mek niin a lang. Pathian tawk tura inpeihsa nun nei si lo hian khawvel ro thil, sum leh pai, silh leh fen, changkanna hrang hrangte hian kan nun a tibuai em le. Silhfen nalh leh ropui tak taka inthuam a,sum leh pai tam tak nei, tun huna thihna tawk dawn a nun inpeih miahlo hi kan va tam dawn em. Ka unau duhtakte u, kan nun \heuh hi i in bih chiang ang u. Hun \halo lo thleng thutin mihringte hi min nang phut \hin si a. Engtikah nge kan thlarau kan thlah anga, engtikah nge kan Lalpa Isua a lo kal dawn kan hre si lo. Kan Lalpa ni chu rukru angin a lo thleng dawn tih Bible-in min hrilh si. Khawngaihna hun \ha tlem kan neih lai hian, hawh u, Lalpa lam i hawi ang u khai! Enganga sual bawlhhlawh pawh ni mah ila, kan Lalpa tawk tura inpeih turin chhandamna hian min la nghak reng a, min sawm reng a ni.

            Khawvel dam chhung hausakna leh ropuinate chu a chakna te chawpa boral mai tur chauh a ni a, saruakin kan piang a, saruak vekin kan kir leh dawn a ni. Chuvang chuan tun huna kan tana pawimawh ber chhandamna chu changa, kan Lalpa tawk turin kan thlarau, rilru leh taksa i buatsaih ang u.

            Lalpan malsawm che u rawh se, Amen.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

            Mi thiamte chuan huaisenna hi chi hnihin an \hen a; pawnlam huaisenna leh chhungril lam huaisenna. Pawn lam huaisenna hi chuan hlawhtlinna  thlen \hin bawk mahse chhungrila lam huaisenna hian rah \ha  a chhuah duh zawk fo a ni.  Chhungril huaisenna chuan tumruhna te, \hahnemngaihna te, beisei a bo hnu pawh a beisei tlat na te, harsatna hmachhawn ngamna te, teirei peihna te hi a huam vek a ni. Khawvela mi ropui leh hlawhtling tam ber te hi chhungril lama mi huaisen mi tumruh harsatna tlanchhiatsan ve ngai lo te an ni fo \hin. Chuvangin eng harsatna pawh mihring kan nih chhung chuan kan nei ang,chung kan harsatna te chu hmachhawn ngam lo a tlanchhiatsan mai  lovin, huaisen taka lo hamchhawn hi mi puitling, mi huaisen ze dik tak chu a ni. Chhungril lam huaisenna hi hlawhtlinna kailawn pawimawh ber pakhat a ni a. Ram leh hnam hruaitu ni tur leh mi hlawhtling leh mi puitling ni tur chuan huaisen a ngai a, tlawm a hun a tlawm ngam, zawldawh a huna zawldawh ngam hi mi huaisen zia a ni a, mi dangte hnehna hmanraw \ha ber pawh inngaitlawm ngam khawpa huaisen hi a ni zawk a ni. He kan chhungril huaisenna nena kan nun kan hman zel chuan hlawhtlinna kan chang zel thei dawn a ni. 

ARTICLE

                        MI ROPUITE LOVE AFFAIRS   

            Mi tupawh hmangaihna tawng lo leh hmangaih nei lo kan awm àwm lo ve. Keini mi naràn mai pawh ni lovin khawvel huapa mi lâr leh ropuite hlei hlei hian asin lo kùrpui ni. Lungngaihna Ni awm lova Hmangaihna Ni (Valentines Day) a awm a\ang ringawt pawhin hmangaihna hian engtiang chiahin nge mihringte-ah bu a khuar kan hre thei ang.

            Khawvela mihring piang tawh zînga mi pamham bera sawi, Russian dictator Joseph Stalin-a pawh kha he hmangaihna hian a chiah zawr hneh teh asin! Heti taka a nunràwnga a pamham mai hi a nupui hmangaih em em, Catherine Svanidje-i’n a thihsan hma vâng a ni e an ti. Kum 1907-a a nupuiin a thihsan khan Stalin-a chuan, “Ka rilru ngaihtuahna lungtum ang maia khauh tinêm theitu awmchhun, ka hmangaih em em ka nupui ka chân a ni. Ka tâna he leilungina thil min pêk hlu ber a boral rualin ka mihringpuite ka hmangaihna leh khawngaihna zawng zawng a bo ta vek mai,” a ti hial a ni.

            Italy dictator, Benito Mussolini pawh kha nupui nei reng chunga hmangaih dang a neih avângin a buai viau asin. Amah avâng liau liauvin a nupui, Rachele leh a bialnu hmangaih em em, Petacci chu an inbauh chiam nia. A bialnu Petacci hnênah, “He khawvel ram zauvah hian nang lo chu innghahna tur ka nei lo,” tiin lehkha a thawn hial a. A nupui nen pawh an in\hen phah nghe nghe a ni. Khatih lai khan helna leh indona avângin Italy ram chu a chiri hle a, Mussolini dinhmun pawh a hlauhthàwnawm hle. Chuti chung pawh chuan Petacci chuan, “A bula ka awm lai chiah hi ka nun lai a ni,” tiin a dam chhûng hun tâwp chu a hmangaih bulah a hmang a. Mussolini an kahhlum dâwna a kalsan duh tlat loh avângin kahhlum a ni ve ta a ni.

            Adolf Hitler, khawvelin, ‘Hepa thinlungah hian hmangaihna chi fang khat pawh a awm lo ve,’ a tih hial pawh kha chutiang a lo ni bîk hauh lo ni ngei tur a ni, a kalna apiangah a awmpuinu, Geli thlalak a keng \hîn nia! Ngaihzâwng tam tak a nei a, mahse, hetih lai hian a bialnu pakhat, Eva Braun nena an tâwpna chu Mussolini-te pahnih tâwp dân nen a inang hle. Eva Braun nena an inngaihzàwn lai khan Hitler-a khan Unity Mitfold te, Winifred Wagner te, Leni Liefenstall-te a kawp reng tho va. Hemi a hriat avângin Eva rilru nâ chu intihhlum tumin pistol-in a inkâp a, vànneihthlâk takin a dam chhuak leh hlauh zâwk a ni. Chuti chung pawha mi dang a la kawp reng avângin intihhlum tumin damdawi a ei leh a, mahse, a thih hmain an chhanchhuak hman hlauh a ni. Hei hi a hriat rual rualin Hitler chu Eva an enkawlna clicnic chu panin a bulah, “Eva, ka va hloh teuh tehlul che em! Pathian hmingin hetiang hi ti tawh lul suh. I ai awh zo tumah an awm lo va, chân ngam tur chein ka huaisen tâwk lo a ni..” a ti hial a ni. A hnu, April ni 30, 1945 khan Hitler leh Eva Braun chu thi-a chhar an ni.

            Radium hmuchhuaktu, Nobel Prize pawh tum hnih ngawt dawng tawh,Marie Curie pawh kha a bàng bîk lo. |um khat phei chu, “He khawvelah hian ka tân khawvar a awm tawh lo,” a ti hial a ni. Kum 18 a nihin mi hausa chhûngkua, Szezuki inah a awm a, a awmna tlangval Casimir nen an inhmangaih ta a. Casimir chuan a nu leh pate hnênah neihah a dîl a, a nu leh pate chuan nungchang leh hmêla pawha mi iaiawm loh tak mah ni se, anni ang mi hausa chhûngkaw mo atan chuan Marie chu an lo sit deuh a ni ang, an remti ta lo va. A rilru a nat em avângin Marie chu chu in atangin a chhuak nghâl a, Soborne University-ah science zirin radioactivity a hmuhchhuah phah nghe nghe. Nobel Prize lo chhuah chhan pawh hmeichhe pakhat vâng niin an sawi.

            Billy Graham-a pawhin chu’ng chu a pumpelh bîk hauh lo. Lehkha a zir laiin a hmangaih em em chu a hmangaihzia lantîr nan mi dangte inpêk \hin aia mawi zâwk ‘Pangpar Special’ a lei a.

           

            Chu chu pêk a han tum nâk chuan a hmangaih chuan a lo la duh lo va, a ni thinrim chuan a pangpar special chu kawngsir tuihâwk luankawrah a paih a, a \                  hianpa Wendell chu hetiang hian lehkha a thawn nghâl a. ‘Ka tâna arsi mawina zawng zawng a bo ta! Nun hlimna tur ka nei ta lo!’ tiin. A thianpa chuan Rom 8:28 - Tin, Pathian hmangaihtu, amaha ruat anga a kohvate tan chuan, an \hatna turin engkimin a thawhsak hlawm thin tih kan hria’ tih hmangin a theih ang tâwkin hnêm mah se, awmzia a nei lo kher mai. Hun rei tak chhûng chu Billy-a’n a hringnun chu hrehawm takin a hmanphah a, a pianthar hnuin, “Nula emaw, khawvel thil eng thil mahin Pathian a hliah tur a ni lo; thil dang zawng aiin Amah ka thlang thawh zâwk ang,” tiin a chunga thil thleng chu a pawm thiam thei ta chauh a ni. Ni khat chu Boston khawpuiah crusade nei turin a kal a. Crusade buaipuitute a chibai kual den den laiin hmeichhe pakhat a hmu tlat mai! Hmána pangpar special pêk a tum ngeia kha. Chu veleh sawi tur hre lovin Billy-a chu chechâng lék lovin a ding ngawi reng a, a lungphute chu inthumrawn tlut tlutin a thlanfîm a tla, a a lu a hai muai muai thei hial a. Kum 12 kal taa amah hnâwltu a ni tih hriain a nupui, Ruth-i chuan chu nu chu a va hnaih a, a pasal kut vuan chungin, “Ka hmuh duhna a rei tawh asin. Pathian hnênah pasal duhthusàm ka neih theih nan ka \awng\ai \hîn a, nangman i lo hnâwl avângin ka dîl chu ka hmu ta a ni,” a ti a. Chuta chin a nupui nen a hma aia hlim zâwkin hun an hmang thei ta a ni.

            Alfred Nobel-a’n dynamite a siamchhuah a\angin sumdawng hausa leh industrialist ropui tak takte chuan be \hain sum tam tak an pe a, \hahnem fé chu a khâwl hman a ni. Nimahsela, tuman a private secretary nena an inngaihzàwn thu an hre lo va, an ring pha hek lo. Chu nu, Bertha-i chu nula fel tak niin \awng chi li lai a thiam a, Alfred-a nen an inhmangaih hle. Ni khat chu Alfred leh Bertha chu Sweden khawpui Stockholm-ah King Oscar-II hmu turin an zin a. Chuta lal fapa Arthur-a’n Bertha hmêl\hatna leh felna a’n hmuh chuan khaw dang a hawi thei ta lo! A duh em avângin kum 1876 June thla khan Arthur-a nupui ni turin Bertha chu an hruai ta a, Alfred-a tawrhna chu sawifiah thiam rual a ni lo. Chuti chung pawh chuan Arthur leh Bertha inneih hnu kum 11 chhûng chu hmangaih lehkhathawn an inthawn reng tho va. A hnua a pasal nena Vienna an thlen \umin Alfred chuan pâ takin a lo mikhual a. An inhmuh veleh Bertha chuan, “He i dynamite hmuhchhuah hi râlthuam atana hmang lovin khawvel hmasàwn zêl theih nan a hman theih ang em?” tiin a zâwt a. Chu zawhna chu Alfred chuan a chhâng a ni ngei ang, kum 1893 January ni khat khan Bertha hnênah lehkha thawnin, a sum neih eng emaw zât chu khawvel hmasàwnna leh râlmuanna atana thawkte hnêna pêk a tum thu a ziak a, kum hnih hnuah a intiamna ang ngeiin khawvela chawimawina sáng ber, Nobel Prize chu pêkchhuah \an a ni ta a ni. Bertha-i’n pasal a neihsan hnuin Alfred leh Vienna-a bank nghâktu,Sofie Hess nen an inngaizâwng leh a, he nu hi hmangaih lehkhathawn 216 ngawt a thawn hman! Hmangaihna tak hi chu aw..!!

                       

BENG TIVÂR

QUIZ

JOHANA BUNG 16 -20

A kâr âwl dah khat rawh :

Q1.  Tunah erawh zawng mi ___________ hnenah ka kal dawn a ni; nangniho tuman, ‘Khawiah nge i kal dawn?’ tiin mi zawt si lo.

Q2.  Aw ka Pa, khawvel awm hmaa i hnena mawina ka neih khan, tunah nangma hnen ngeiah mi _____________rawh.

Q3. ______________, “Mi zawng zawng aia mi pakhat thih a tha,” tia Judate rawtpuitu kha a ni.

Q4. Tin, ______________, atira zana a hnena lo kal kha, murra leh aloe inpawlh sa buk sawmnga lai sinin a lo kal ve a.

Q5. Tin, Isuan zirtirte hmaah chuan ________________ dang tam tak a ti teuh va, chung chu he lehkhabuah hian ziak a ni lo;

A bung leh châng dah rawh :

Q1. Pa-in thil a neih zawng zawng ka ta a ni; chuvang, ‘Ka taa mi a la ang a, in hnenah a hriattir ang che u,’ ka tih hi.

Bung: ...............          Chang: ....................

Q2.  “Henghote tan chauh hian ngensak ka ni lo, an thu avanga kei mi la ring turte tan pawh ngensak ka ni bawk e;

Bung: ................         Chang: ....................

Q3. Chutichuan Pilata chu a inah a lut leh a, Isua a ko va, a hnenah, “Judate lal i ni em?” a ti a.

Bung: ................         Chang: ....................

Q4. Tin, Pilatan lehkha a ziak a, kraws ler lamah a bel a. ‘Nazareth Isua Judate Lal,’ tiin a ziak a ni.

Bung: ................         Chang: ....................

Q5.  Isuan a hnenah, “Nang chuan mi hmuh avangin i ring a ni; hmu lova ring apiang te chu an eng a thawl e,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ RESULT

Chhanna lut zawng zawng : 1

Chhang dik vek                       : 1

Lawmman dawngtu: Pi Remsangpuii (T.Sec)

            Sudoku/Bible Quiz chh^nna leh lâwmman hi Circulation Manager Tv.Lalrinawma Sailo emaw Nl.C. Zosangliani hnenah thehluh a, lam \hin tur a ni.

LAWMTHU SAWINA

            Kan pa Sanglura damloh leh thih thu ah lawmthu sawina tur tam tak kan nei a. Kohhran hrang hrang leh mimal a\angin \awng\aina leh thilpek chi hrang hrang kan dawng reng a. In chungah lawmthu kan sawi tak meuh meuh a ni. Chhiat kan tawk a ni tih hriain YMA nula/tlangval, nu leh pa in a \ul ang apiang min buaipui nghal a. In tha leh zung, sum leh pai leh in hun hlu tak senga min \anpuia min buaipuina zawng zawngah lawmthu kan sawi tak meuh meuh a ni. Kan chungah in \hatna zawng zawng hi keini chhung chuan engtikah mah kan rul seng dawn lo che u a, Lalpa’n a let tam takin malsawmna in vur che u rawh se tih hi kan \awng\aina a ni a.       

In khawngaihna dawngtu

Pi Zosangi leh a fate

Chawngbawla Section

APUIA MEMORIAL ELEPHANT FOUR FOOTBALL TOURNAMENT

# Organised by: Vanapa Section, YMA Saikhamakawn Branch.

#A hmun: Saikhamakawn Volleyball Court.

# Entry Fee: `500/-

# Last Date: 12thApril, 2016 (Chawhma)

# Starts from: 14thApril, 2016

# 1st prize: `10000/-

# 2nd prize: `3000/-

# Quarterfinal a\angin Top Scorer thlan a ni ang.

# Entry Fee pekna tur: LR Enterprise (Pu R.Zohmingliana Inhnuai)

            "Mi chaklote an kalkawnga daltu lungchang tak chu mi chakte tan an kalkawnga rahbi pawimawh ber a ni thin,"

-Thomas Carlyle.

     "Kan chaklohna lai ber chu kan beidawng leh mai thin hi ani a.

     Hlawhtlinna kawng pawimawh ber chu vawi khat chiah tih nawn leh thin hi a ni."

-Thomas edition.

NGENNA

            Pu C. Vankhuma te huan a Bethel-na hmun (Hmun Thianghlim) siamah \awng\ai tur ni lem lo, thlai tuipekna pipe lo khawih \hin kan awm ni a hriat a ni a. Khawthlang mipuiten helai hmun hi thianghlim taka min enkawl pui turin leh nungcha reng reng pawh helai hmunah hian tina lo turin kan inngen a ni.

            Bethel-na hmun hi tu ta mah a ni bik lo a, a duh apiang ten \awng\aia Pathian an pawlna hmun atana siam a ni. Thianghlim tak leh zahtlak a hman i tum \heuh ang u.

Sd/- (C.VANLALHRUAIA)

Secretary

Moria Group

 

CHATUAN RAMAH

            Upa R.Sanglura (85) chuan ni 6.3.2016 (Nilaini) khan natna awm tawh lohna hmun chatuan ram min lo pan san ta a. Mipui Aw Editorial Board-te chuan kan tawrhpuiin a kalsan tak a chhungte Lalpa’n vengin awmpuiin thlamuan zel rawh se tih hi kan \awng\aina a ni e.

HRIATTIRNA

            Ni 4.4.2016 (Thawh\anni) a\anga kan veng chhunga Aizawl Municipal Corporation in  Property Tax chungchanga survey an rawn neih tur, hriattirna kan chhuah kha, A.M.C lam te remchan lohna avangin an rawn kal thei lo a, in mi hriatthiamna kan dil a. Naktuk ni 11.4.2016 (Thawh\anni) a\ang hian kan veng chhungah survey rawn \an an tum a, In hmun LSC neite chuan Xerox Copy lo nei turin kan inhriattir a ni e. Vengchhung mipuite hriat theih turin Information Mike ah puantir leh a ni bawk ang.

Sd/- (R.BIAKTHANSANGA)

Secretary

Local Council, Saikhamakawn

TIAM TLAT  E TI DAWN

            J. Zoramsangi d/o J. Saithantluanga, Saikhamakawn leh Saitluanga s/o Hrangzamlova Sailo, Bungkawn Vengthar te chuan ni 13.4.2016 (Nilaini), dar 2:00 pm hian Bungkawn Vengthar Kohhran Hall ah “Tiam Tlat e” ti dawn. Nupa inlungrual taka fanau maltluan chawia damchhunga lengdun turin Mipui Aw Editorial Board te chuan duhsakna sang ber kan hlan e.        

TUALCHHÛNG

, Pu Laltlawmlova h/o Lalruatsangi (Ch.Sec) chu damlohna avangin Aizawl Hospital ah enkawl mek a ni.

, Pu K.Lalremruata h/o Pi Lalmuanpuii  (V.Sec) te chuan fapa duhawm tak an nei thar.

,       Pu R. Lallura h/o Pi Tlanglawmi (T.Sec) te chuan chhungkaw mamawh a hman atan Scooty (Facino) thar an lei. 

ADMISSION NOTICE

            Biakliana Memorial Higher Secondary School opens admission for Class IX, X, XI &XII (Arts) for the Academic Session of 2016-2017.

Main Features:

# Well qualified and experienced faculty.

#  Hostel Facility

#  Personal care and special attention.

#  Moral and ethical teaching

# Spoken English Curriculum activities

#  Pollution free, pleasant and conducive environment

Admission fee:             FREE 

For Further inquiry and admission,

Contact: 1) 9862356886

             2)  9612705023

Sd/-Principal

Biakliana Memorial Higher

 Secondary School, Kulikawn, Aizawl 

VAWK NOTE LEIDUH TAN

            Vawk note \ha tak tak lei tur kan nei leh ta e.

In \hian Julie

Vanapa Section (CP Road)

Mb: 9414012239/9612460967

Zanin BPL inkhel turte:

Sunderland Vs Leicester City (6:00)

Liverpool Vs Stoke City (8:30)

Tootenham Hotspur Vs Mamchester United (8:30)

I-League

Sporting Club De Goa Vs Shillong Lajong (4:30)

Bengaluru FC Vs East Bengal Club

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350