Mipui Aw 13.9.2015

MIPUI AW

KARTIN CHHUAK

Vol. XXI Issue No. 37 Kristian Thalai  Pawl  Saikhamakawn Branch  Pathianni Dt.13.9.2015

Vawiin changvawn : Chuv^ngin benga kan hriatte kha kan pawisa leh zual t<r a ni, chutilochuan kan tawlh bo hlauh dah ang e. (Hebrai 2: 1)

KOHHRAN PROGRAMME

13.09.2015 (Pathianni)

Chawhma Inkh^wm

NPSS Inkhawmpui  :Primary Department

Chairman: T.Upa Alvin Laltlanmawia

Secretary: Tv. Lalfakzuala, Saikhamakawn

|antu: Nl. Lalrinliani, Saikhamakawn

Intihsiakna:

1. Châng: Thufingte 20:1-4

2. Thu inchhâng: Part II 1-10

3. Hla: NPHB No. 143

“Khawvel sum tinreng leh lunghlu”

4. Recitation: Sam 128:1-4

5. Solo: NPHB No. 160

“Van nuamah chuan tute nge chêng?”

Chawhnu Inkhawm

Result puan leh lawmman sem

                        Zân inkhawm

Thupui                       : Kohhran leh khawtlang                                  siam\hat

Thuhriltu       : Upa Zonunmawia

Tunkar chh<ng Beihrual Thupui  :

September      14   : Taksa leh thlarau lam      (Thawh\anni) mitdelna laka chhanchhuahna     September 15 : Tihduhdah tuar- (Thawhlehni)                te chhan chhuahna

September      16   :   Lalpa lungawi thu

(Nilaini)                                                        hril             

September       17    :  Chanchin |ha hril hi  

(Ningani)                    a hmanhmawhthl^k

September      18   :  Thupuan chhuah a

(Zirt^wpni)                           taka chantir

September      19     :  Nazareth thupuan  

(Ningani)                                    leh keini

                                                                                                                                   

SERMON

                            VÂN RAM HI TU TA NGE?

            Tin, Isuan a zirtirte hnenah chuan, “ Tih tak meuhivin ka hrilh a che u, mi hausa t^n v^n rama luh chu harsa tak a ni. Tin, ka hrilh  leh a vhe u, mi hausa Pathian rama luhaiin sangh^wngsei hriau benga luh tlang a awl zawk,” a ti a. Tin, a zirtirten chu chu an hriat chuan mak an ti nasa >m >m a, “ Tunge chhandam ni thei ang le? an ti a. Tin, Isuan  an ni chu a en a, an hnenah, “Chu chu mihring t^n tih rual a ni lova; Pathian n>n erawh chuan engkim tih theih a ni,”a ti a. (Matthaia 19:23-26)

            “Rilrua retheite chu an eng a th^wl e; v^n ram an ta a ni si a.” (Matthaia 5:3)

            Lal Isuan kan Bible-a a sawi, ‘mi hausa t^n v^n rama luh hi thil harsa tak a ni,’ a tih hi eng tin nge i rilruah i lo ngaihtuah ve \hin le? Mi tam tak chuan mi hausate hi he thu avang hian v^n ram chang lo turah kan ngai deuh nghal ngawt \hin a, mahse, v^n ram chang lotur an ni ngawt lova, hausa t^n v^n ram kai chu thil harsa tak a ni a ti z^wk a ni. Mihringte hian he khawv>lah hausa nih kan ch^k \h$n, rethei nih pawh hrehawm kan ti hle bawk. A hrehawm >m tak a, retheih hlau r>ng r>ngin kan hman hlel a, kan buai >m >m vek hlawm a ni. Engpawh nise Lal Isua hian hausa hrim hrim hi a dem ngwt lova, rethei zawng zawngte a sawi mawi vek chuang lo. Mi hausa t^n pawh Pathian n>n chuan v^n ram a thlen theih tih a mah ngeiin a sawi a ni. Tichuan, Lal Isuan ‘Pathian n>n’ a tih hian sawi t<r tam tak leh ngaihtuah t<r tam tak a awm thei ngei ang.

            He ti z^wng hian ngaihtuahna han hmang ta i la, mi hausa, Pathian thu awih kan tih te hi eng ang mi nge ni ang tih han zawt ta ila, ngaih d^n a in ang lo fur ngei ang. |hen khat chuan ‘Mi hausa tak, Pathian ram, Sawma pakhat pawh pe \ha tak te hi,’ a ni e an ti ngei ang. |hen khat thung chuan, ‘Sum lak luhna pawh thianghlim tak, Corruption lakah pawh fihlim \hak, rawngbawltu ni tho si te hi a ni e,’ a tih theih bawk. Heng mite hi a ni, a ni lo  zuk tih ngawt theih pawh a ni lova, a pawimawh ber ta chu Pathian n>n an hausa em tih a ni. Pathian ram, Sawma Pakhat kan pek te, kan eizawnna-ah dik taka kan tih avang ngawt hian Pathian nen kan l>ng d<n tak tak kher lo thei tlat a ni. Engkim kan tih hi Pathian n>n, Pathian hriatpuia kan tih zel hi a \ul hle a ni.  

            Hausakna hian Pathian min hlattirin, Pathian mamawh lo nunah min hruai awlsam >m >m a, retheihna chuan Pathian min ngaih tir fo \hin. Lal Isua thusawi pakhat  Bible ch^ng kan tarlan pakhatah khian, v^n ram chu rilrua retheite ta a ni tih chiang takin kan hmu a. He khawvel sum leh pai lam ai mah khian Lal Isuan hian kan thinlung lam hi a lo thlir zawk a ni tih chiang takin a lang a ni. Mi hausa tak pawh, a hausakna zawng zawng pawh Pathian ta a ni, Pathian tel lo chuan eng mah a ni lo tih in hria a, Pathian mamawh tak tak tute tan v^n ram hi a lo siam a ni. Tin, rethei tak pawh a rilru lam a retheih chuang loh chuan v^n ram hi a ta  a ni  ngawt lova, riru leh thinlung taka Lalpa ngaitute t^n Pathianin chawlh hahdamna a t^n v^nram min lo siam zawk a ni. Rethei tak pawh, Pathian mamawh lova inhriate, thinlung lam hausate hi Lalpan a p^wl thei ngai lo, inngaitlawmte hnenah z>l a in puang \hin a ni.     

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

NAUPANG INTIHSIAK

            Naupang Sunday School Inkhawmpui chu kan lo thleng leh ta reng mai. Hlimen Pastor Bial chhunga Kohhran hrang hrangten he Khawmpui hmang tur leh thleng turin kan in buatsaih mup mup a. Naupang Sunday School zirtirtute pawh an \ang hlein a hriat a. Pakhatna nih \heuh tumin kan \ang tlang hle ni pawhin a lang. He tiang Naupang Inkhawmpuiah hian naupang lam ai mahin puitling leh zirtirtute kan \ang mah mah zawk em ni le tih chang a awm \hin. He tiang hunah tak hian \ang tak siin, pakhatna kan ni phak ta lo a nih pawha pakhatna ni te lawm pui thiam kan nih a \ul hle. Intihsiak kan nih avangin ti \ha ber an awm a ngai a, theihtawp kan chhuah ang a, kan tum aia kan thleng sang ta lo a nih pawhin vui lova kan nih phak chin chinah kan l^wm thiam pawh a \ul hle bawk ang.

            Tin, Zirtirtu \heuh \heuhvah pawh kan \hahnemngaih dan a in chen lo thei hle. Naupangten Displine \ha tak an neih theih n^n chuan zirtirtute a tu a te pawh hi kan inthlahdah loh tlan a ngai a, kan thiam emaw kan thiam lo emaw, kan nihna leh kan chanvo hlen chhuak tur hian theihtawp kan chhuah tl^n \heuh a \ul hle a ni. Kan lo hmuh tawh \hinah leh kan hriat ve phak chinah pawh naupangin an zir hrim hrim chu thu hran nise, zirtirtu \angrual tak chu an naupangteah pawh a lang chhuakin pakhatna an ni deu ngei ngei \hin. Vawiin naupang Inkhawmpuiah pawh hian zirtirtute inpekna chu naupangteah pawh  a lo lang leh ngei ang a, chu tah tak chuan zirtirtute chuan hmasawnna tur enge ka neih tih kan intihsiakna  hmun \heuh a\angin lo zir chhuah i tum ang u.         

           

ARTICLE

SMARTPHONE BUYING GUIDE (Mobile lei tum te tan)

(Chhunzawmna)

5. CAMERA : - Mi phone lei thar kan ensak reng rengin a Camera that leh that loh kan en sak fo thin a. Hei hian Camera that leh that loh chu Smartphone that leh that loh tehna pawimawh tak pakhat ah kan ngai ania nga, dik pawh a dik reng a ni. Megapixel tam ringawt hi Camera fiah leh fiah loh a ni ber lo va, hei bakah hian tehfung pawimawh tak tak a awm a. Sensor tha te, Aperture tha te a pawimawh em em a ni. A tlangpuiin a front ah 2Mp atanga 8Mp a awm tlangpui a. A main Camera ah 8Mp atanga 13Mp a ni tlangpui bawk. Lens leh Sensor tha hi a pawimawh ber a. Company tha leh rintlak SONY lens hmang te hi a fiah bik em em a. ChuvangChuvangin phone i thlan hmain a specification google thin ang che. A tlangpuiin Samsung, Sony, Applye, Xiaomi, Huawei, HTC te hi a camera a tha duh tlangpui.

6. BATTERY :- Battery hi mAh a teh a ni a. Smartphone hi Li-On leh Li-Po battery hmang te an ni tlangpui a. Tin, Removable leh Non-Removable Battery te a awm a, hei hi chu a enga pawh nise, a pawi lo a ni. A tlangpuiin tunlai battery chhuak hi a hman dan dik taka hman chuan a tlo em em a, thlak pawh a ngai mang mang lo a ni. Smartphone te hian a specification a zirin 2000mAh atanga 3200mAh an hmang tlangpui a. I screen size 4.7inch 720P display anih chuan 2000-2300mAh chu a tawk tura ngaih a ni. 5 Inch leh a chunglam, 1080P anih erawh chuan 3000mAh tal thlang ang che. Chuti lo chu i kalna apiangah Charger i ak tel mai ang. Powerbank tha tawk tak i neih a ngai bawk ang.

7. NETWORK :- A hmasa hi SIM card sawi daih teh ang. I mamawh dan azirin Single SIM emaw Dual SIM emaw i thlang thei ang. Dual anih chuan pakhat in 2G a support anga, pakhat erawhin 2G?3G leh 4G te thleng pawh support a awm tawh. Tunlaiin 2G/3G/4G te kan sawi uar hle a. Ni e, Smartphone i lei dawn chuan eng network nge a support tih ngaihven a fuh ang. Aizawl angah phei chuan 2G chu hman tlak loh khawpin a muang a. 3G pawh a nih tur angin Speed kan hmu bawk silo. Engpawh nise, 4G pawh Airtel chuan an rawn launch ta a, chuvangin Phone thlak sek mi i nih loh phei chuan 4G support lei la a fuh ang.

8. CHARGER :- Mobile Phone engpawh hi ama rawn chhawm charger ngei hman thin hi  a tha hle a, a charger ah emaw specification ah emaw khan a input leh output Volt & Ampere a inziak anga, khatiang kha i phone mamawh tak a ni tih hriain charger pin inmil avanga hawlh ngawt loh hian phone battery a tlo duh bik.

9. APPLICATION & BOOST :- I phone lei thar chuan Application zawng zawng a rawn chhawm tel vek dawn lova, i tangkaipui loh Application install teuh khan phone a timuang thei a, a chhan chu RAM alo hman ve mai bakah storage a heh a ni. Chumaibakah RAM Boost tih hi apllication thenkhat a lem (Fake) ang chi a awm a, ngaihtha taka i boost lai khan engmah tak tak a thawk ngai lo thin. Hetiangah hian thlan fimkhur thiam a ngai hle bawk. Chutichuan a tawp bernaah chuan i phone chu nitin vawi khat tal on - off emaw restart ziah thin ang che.

    

BENG TI VAR

KHAWVEL KHAWPUI 6 MIHRING TAM ZUALNA

1. Tokyo, Japan : Japan khawpui ber Tokyo hi Khawvela khawpui lian ber niin, mihring pawh Maktaduai 38 lai an awm a ni. UN-in a tehna atangin tlahniam ve zel mah se, kum 2030 thleng pawhin a ber a la ni thei dawn a, mihring maktaduai 37 lai an awm dawn ni a chhut a ni.

2. Delhi, India: India khawpui New Delhi hi khawvela khawpui mihring tam lama a pahnihna niin, mihring maktaduai 25 an awm. UN chuan kum 2030-ah mihring maktaduai 36 lai an awm hman dawn niin a chhut a ni.

3. Mexico City, Mumbai and São Paulo: Heng Khawpui pathumte hi, Khawvel khawpui mihring tam lama intluk vek anga ngaih niin, pathumna an ni vek a. Mihring maktaduai 21 lai awmna khawpui an ni.

4. Osaka, Japan: Japan khawpui pakhat Osaka-ah hian mihring maktaduai 20 chuang an awm a, khawvela khawpui mihring tam lama palina a ni.

5. Beijing, China: China khawpui ber Beijing hi mihring maktaduai 20 awmna khawpui a ni a, mihring tam dan indawta khawpui pangana a ni.

6. New York-Nework area and Cairo: Heng khawpui pahnihah te hian mihring maktaduai 18.5 lai an awm a ni.

Source: http://www.ibtimes.co.uk/world-population-day-2014-top-10-m…

AIRTEL TOP UP THUN SUAL LAK LET DAN

WRC 9862

Transection lD Amount 9612

1) Phone number hmasa zawk hi i thunsualna number kha type la.

2) Pahnihna number zawk khi aluhna tur diktak nangmah number ve thungah.

3) Transection ID aia Topup kan thun na ID number kha aw.

4) Amount aiah hian Topup i thun zat i thun sual ve thung kha. Entirnan:Rs.65

Chutichuan 559109 ah sms thawn ang che. A chunga ka sawi khi diktakin tih tur.

5) A inkar a space vawikhat \heuh i dah bawk dawn nia.

SIZE INTHLAUH DAN HRANG HRANGTE

8 Bits = 1 B (B = Bytes)

1024 B = 1 KB (KB = Kilobytes)

1024 KB = 1 MB (MB = Megabytes)

1024 MB = 1 GB (GB = Gigabytes)

1024 GB = 1 TB (TB = Terabytes)

1024 TB = 1 PB (PB = Petabytes)

BIBLE  QUIZ  No. 89

MATTHAIA BUNG 26-28

A kâr âwl dah khat rawh :

Q1. Isua erawh chuan chu chu a hriatin an hnenah, “Hmeichhia hi engah nge in tihbuai ni? ka chungah hian thil _______________________ a ti a ni.

Q2. Nimahsela ka hrilh a che u, ka Pa ramah nangmahni nena a thar ka in ni a thlen hma loh zawng tun achinah _______ hrui rah a mi hi ka in leh tawh lo vang,” a ti a.

Q3. Tin, ani chuan, “Engah maw? Engnge a tihsual ni?” a ti a. Nimahsela _________________ chu, “Kraws-ah khenbehtir rawh,” tiin an au chiam a.

Q4.  “Mi dang mah a tidam thin a, mahni a intidam thei si lo. Israel ____ a ni alawm tunah hian kraws ata chu lo chhuk ang hmiang, tichuan amah chu kan ring ang.

Q5. Nimahsela, zirtir sawm leh pakhatte chu ________ ramah, Isuan tlang a ruatsakah chuan an kal a.

A bung leh châng dah rawh :

Q1. Tichuan Isua chu a va pan ta nghal a, “Chibai, Rabbi!” tiin a fawp ta ngawih ngawih a.

Bung: ...............          Chang: ....................

Q2. Tin, Petera chuan Isuan, “Ar a khuan hmain nangin vawi thum mi phat ang,” a tih thu kha a lo hre leh ta a. Tin, a chhuak a, a tap ta zawih zawih a.

Bung: ................         Chang: ....................

Q3. Chutichuan vengtu sipaite nen an va kal a, thlan chu an ven thattir a, lung chu an chhinchhiah a.

Bung: ................         Chang: ....................

Q4. Tin, vantirhkoh chuan hmeichhiate chu a bia a, an hnenah, “Nangni chuan hlau suh u. Isua, an khenbeha kha, in zawng tih ka hria e.

Bung: ................         Chang: ....................

Q5. thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.88  RESULT

Chhanna lut zawng zawng : 4

Chhang dik vek                       : 4

Lawmman dawngtu: Zomuanpuii (V. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

NPSS INKHAWMPUI PROGRAMME

Beginner Department

A hmun: Melthum Kohhran

Chairman: Upa Sangzarliana

Secretary: Tv. C.Lalpiantluanga, Melthum

|antu: Nl. Laldinpuii, Melthum

Intihsiakna:

Chang: Luka 11:27-28

Thu inchhâng: Part-I 4-10

Hla: NPHB No. 16

“ Parmawi vulna hmun tinah te”

Recitation: Sam 84:1-4

Solo: NPHB No. 37

“Beram vengtu \ha tak chuanin”

Primary Department

A hmun: Saikhamakawn

Chairman: T.Upa Alvin Laltlanmawia

Secretary: Tv. Lalfakzuala, Saikhamakawn

|antu: Nl. Lalrinliani, Saikhamakawn

Intihsiakna:

1. Châng: Thufingte 20:1-4

2. Thu inchhâng: Part II 1-10

3. Hla: NPHB No. 143

“Khawvel sum tinreng leh lunghlu”

4. Recitation: Sam 128:1-4

5. Solo: NPHB No. 160

“Van nuamah chuan tute nge chêng?”

Junior Department

A hmun: Hlimen Kohhran

Chairman: Upa Lalzama

Secretary: Tv. PC Lallawmzuala, Hlimen

|antu: Nl. Zothanmawii, Hlimen

Intihsiakna:

1. Châng: Galatia 5:16-26

2. Thu inchhâng: Part III 3:1-10

3. Hla: NPHB No. 177

“Van khawpuiah ka kal thuai dawn”

4. Recitation: Sam 34: 1-10

5. Solo: NPHB No. 138

“Khawngaihna mak mawi leh duhawm”

Intermidiate & Sacrament

Department

A hmun: Hlimen Damveng Kohhran

Chairman: Pastor C.Sapkaia

Secretary: Tv. John Lalnunhlua, Hlimen Damveng

|antu: Nl. Ruthi Lalmalsawmi, Hlimen Damveng

Intihsiakna:

1. Châng: Deuteronomy 30:15-20

2. Thu inchhâng: Part IV 6:1-8

3. Hla: NPHB No. 67

“Aw, mi sang tam tak zaite chu”

4. Recitation: Sam 32:1-8

5. Solo: NPHB No. 366

“Ka thinlung sual bawlhlawh hnu hi”

Tuhrin: No. VIII

ZORAM PUM HUAP |AWNG|AI RUAL

            Central K|P huaihawtin ni 27.9.2015 (Inrinni) chawhma dar 11:00 hian A.R.Ground-ah Zoram pum huap sual thupha chawi \awng\ai rualna hun hman tur a ni a, a kal duh turte chu Secretary te Tv. Pc. Vanlalhriatpuia leh Pu C.Lalmuanpuia te hnenah ni 20.9.2015 (Inrinni) ral hmâ ngeiin in report tur a ni e. In report dan a zirin kalna tur hi ruahmanna siam tur a ni.

Sd/-

(PC. VANLALHRIATPUIA)

Secretary

K|P, Saikhamakawn Branch

SYNOD CAMPUS MINISTRY AH KAL

            Ni 11.9.2015 (Zirtawpni) khan Synod Campus Ministry lehkhabu tlangzarhna ah kan Branch min rawn sawm angin kan Branch aiawhin Tv. Pc. Vanlalhriatpuia chu a kal.

MIPUI AW SEMTU

               Bial 6-naa Mipui Aw semtu Nl. Lalruatsangi chu a remchan dawn tak loh avangin a aiawh turin Tv. Zoliankima ruat a ni.

TUALCHHÛNG

, Lalrinsangi d/o Laltlawmlova (Ch.Sec.) chu damlohna avangin Civil Hospital-ah enkawl mek a ni.

, Pu Roy C.Lalsangzuala h/o Lalhlimpuii te chu Pu C.Lalhmunmawia (T.Sec) te in a\angin Pu C.Runkima (V.Sec) te in hnuaiah an insawn.

YMA HRIATTIRNA

            YMA member ten Dt. 19.9.2015 (Inrinni) tlai dar 3:00 hian inhlawh rûnpui neih tur a ni a, YMA Member zawng zawngte kal \heuh i tum ang u.

            World Vision a\angin HIV/AIDS Awareness Campaign an rawn nei dawn a, member ten sum tuakna a ni tih hriain a tam thei ang ber kal turin kan inhriattir a ni e.

A hmun: YMA Rûn

 A hun: Dt. 19.9.2015 (Dar 3:00pm)

Sd/- (C.LALDAWNGLIANA)

Secretary

YMA, Saikhamakawn Branch

HMANGCHÂNG

¤ Tomato kawr awlsam taka kheh i duh chuan tui lumah reilote chiah ang che.

¤ Pressure cooker ah dailuah chhum i duh si lova, a hmin thuai i duh bawk si chuan i chhuan hnu, a so hun ah tel tlem telh mai rawh.

¤ Pickle i siam dawn chuan a kanna tur telah vinegar tlem telh la, a sawm tur a veng ang.

¤ Purun sen salad atan i chanin a rim ru lutuk tihziaawm nan tuiah darkar khat vel chiah ang che.

¤ Bawnghnute i chhuanso dawnin i chhuanna bel tlangah glycerine emaw butter tat kual la, a so liam lovang.

¤ Methi leh Jeera tlem rawt sawm bawnghnute nen chawhpawlh a, lu a hnawihin luphut a tireh duh.

¤ I irhfiak tihreh i duh chuan tuiah aieng tlem telh la, chu chu in la a reh mai ang.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 6.9.2015

MIPUI AW

KARTIN CHHUAK

Vol. XXI Issue No. 36 Kristian Thalai  Pawl  Saikhamakawn Branch  Pathianni Dt.6.9.2015

Vawiin changvawn : Tuman mahni intihder suh se. In zingah tupawh he khawv>lah hian finga a inngaih chuan a lo fin theihna turin mi ^ah lo chang rawh se. He khawv>l finna hi Pathian ngaih chuan ^tna a ni si a. “A ni chuan mi fingte chu an mahni fin verveknain a ^wk \hin,” tih ziak a ni si a.( I Kor 3: 18&19)

KOHHRAN PROGRAMME

06.09.2015 (Pathianni)

Sunday School

|antu              : Pi Zosiampuii

Zirlai 33-na    :Ringtute thil\ha chan II

Chawhnu Inkhawm

Thupui                       : Mite tana Malsawmna nih

Thuhriltu       : Pu Lalrintluanga

                        Zân inkhawm

Thupui                       : Pathian Hnathawhpuite

Thuhriltu       : Pi Khawlvuani

Tunkar  Chhunga Beihrual thupui :

September 7:     Nazareth thupuan awmzia

(Thawh\anni)

September 8:     Chanchin\ha awmzia                         (Thawhlehni)  

September 9:               Isua Krista Rawngbawlnain    (Nilaini)           a tinz^wn        

September 10:             Nazareth thupuan tihhlawh-    (Ningani)         tlinna

September 11:   Tunlai huna saltanna chi        (Zirtawpni)      hrang hrang                September 12:             Chhan chhuahna thawh d^n

(Inrinni)                       t<r

K|P FELLOWSHIP

(06.09.2015)

Pathianni tlai

A Hmun         : SS Hall

Hruaitu           : Tv. C. Laldawngliana

|antu              : Nl. Nancy Zoremsangi

Zai hruaitute  : Tv. C.Laldinpuia leh

 (1-15 Sept)       Nl. Bridgette Zonunmawii

Keyboardist: Tv. Vanlaltluanga                                                                               

SERMON

                              KHAWIAH NGE I AWM?

            Tin, a in hriat chhuah veleh, ‘Ka pa hn>na inhlawhfate chaw ei s>n lohva nei an tam vei n>n, kei lah chu hetah ril\amin ka thi d^wn si a! Ka tho ang a, ka pa hn>nah ka kal ang a, a hn>nah, Ka pa, v^na mi chungah leh nangma mithmuhin thil ka ti sual e; i fapaa vuah tl^k ka ni ta lo ve; i hn>na inhlawhfa pakhat angin mi siam ve rawh ka ti ang,’ a ti a.(Luka 15:17-19)

            Tin, LALPA Pathian chuan Adama chu a ko va, a hn>nah, “Khawiah nge i awm?” a ti a.(Genesis 3:9)

            Pathianin Adama hnena “Adam, khawiah nge i awm?” a tihna chhan hi kan hre \heuhin a rinawm. Pathian laka bo tawh hnu hi tun hunah Lalpa hian min rawn zawng mek a, A Fapa Isua Krista hmangin ‘Khawiah nge i awm?’ tiin min rawn zawng a ni. Tunah hian khawi hmunah nge kan awm \heuh ha in z^wt ta ila, kan awmna a in ang kher lovang. |henkhat chu zu hmun sa hmun hlimna leh nulat tlangval nawm chenna hmunah pawh a ni thei e. Thenkhat erawh chu ruihhlo chi hrang hrang chenna hmunah a ni ngei ang. A \hen erawh chu sum leh pai duh^mna intl^nsiakna lamah a ni thei bawk. Chung mi inang lo tak takte chu ni mah ila, mi nun leh thil tih lam thlir lovin, Pathian chuan tuna kan awmna hmun \heuh hi min z^wt mek a ni. Kan \hiante emaw kan nupui/pasal emaw, kan u leh nau te awmna min zawt lo va, keimah hi khawiah nge ka awm Lalpa han chhang teh le?

            Adama leh Evi chuan Lalpa hmaah thil tisual nih an inhriat a\angin Pathian hmuh lova inph>nna turin , an nihna, an saruakna hliahkhuh turin theipui hnah an insiam chawp nghal ch<k ch<k a, puh mawh tur an zawng ngh^l ruai a nih kha. Mahse, Pathian chuan an dinhmun a hmu tlang nghal vek a, eng nge an tih a hre nghal vek a nih kha. An sual thup nan leh an saruakna hliahkhuh n^n savun kawr a siam sak ngh^l a nih kha. Adama leh Evi te hian Pathian laka bo an nih an in hriat hian an sual hliah khuhna leh puhmawh t<r zawng zawng mahsela, Pathian hmaah chuan a lang tlang vek tho tho a ni. A mah Pathianin min siam sak, kan sual hliah khuhna a tan min pek ni lo chu hman tlak leh hman nuam a ni ngai lo.

            Tuna i awmna a\ang khan, pumawh tur zawngin, inph>nna tur zawng zawng mah la, i hriat ve tawhna leh i lo dai ve tawhna lam kha Pathianin t^wk a ti lova, tunah khan khawiah nge i awm tiin min zawt a ni. Fing leh \ha i intihna te, hre ve t^wka i in ngaihna te, midang i va pu mawhna zawng zawng kha Lalpa hmaah inlan pui tlak a ni reng em? tih infiah rawh le. Fapa tl^n bo chuan Pathian hn>n ata a ma duh thu ngei a bo nih a in hria a, chu a bona hmun a\ang chuan khawia awm nge a nih a in hria a. A awmna hmun a\ang chuan simin a pa hnen lam a pan a, a pa hn>nah chuan a pa hnuaia inhlawhfa pakhat ang lek nih pawh hnial lo khawpin a sim a ni. A pa chuan fapa dinhmun dik tak lo pe lehin thuam \ha ber berin a lo thuam leh a, a lo lawm nan ruai a \heh hial a nih kha. Tuma mawhpuh lova, tuna kan awmna a\ang hian sima Pathian hnen kan pan a, kan nihna ang ang leh, kan awmdan ang ang a, tlawm taka a hnen pantute hnenah Pathian chuan thuam thar min lo pe \hin a lo ni. Khawiah nge i awm le? 

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Khawmpui kawr thar.....

            Naupang Sunday School Inkhawmpui kan lo thleng leh dawn ta a, naupang thu leh hla zir pawh an ngawrh sawt viau a. Kan naupan laia khawmpui thu leh hla zir nuam kan tih em em mai na chhan kha ka ngaihtuah  chhuak a. Meichher kan siam a, chh<n lamah thu leh hla zir haw huna man turin perhp^wng kaw awmna kan chhinchhiah a. Tichuan z^nah hla kan zir haw veleh kan perhpawng kaw hual ah ngei khan perhp^wng chiri a lo lam char char lai kha a kuaah kan han chhun khalh a kan man \h$n kha a ni a. Khawmpui thu zir min ti nghakhlel ve >m >m \hin.

            Tun hunah chuan kh^ng ang chu naupang pawh hian an hre tawh reng reng lova, an hriat chu haw hunah Computer Games an khelh tur zawk kha a ni daih tawh mai. Mahse khang hun laia nu leh pa tam tak  tibuai em em \hintu chu fate khawmpui kawrthar neih tir loh an hlauhna kha a ni. Tun hunah ngei pawh kan fate kawr thar neih loh hlauva buai nu leh pa tam tak kan awm ngei ang le.

            Eng pawh nise la, heng hi Kohhran tam takah chuan an lo khap hial \hin. Tin, kan naupan laia Inkhawmpui d^wna nu leh pa ten kawr thar min lei ve theih lohva hrehawm kan tih \hin zia kha. Inkhapa, in lei loh tir chi chu a ni lo mai thei e, mahse kawr thar kan neih hian a nei ve lo ten hrehawm an lo ti \hin hle tih hi i hre mai mai teh ang u. Mi t^na phurrit siamtu ni lovin, midang t^na malsawmna ni tur z^wkin naupangte leh  nu leh pate tun inkhawmpui turah hian inbuatsaih i tum \heuh ang u. Kan inkhawmpui chhan hi kan theihnghilh mai ang e.     

           

ARTICLE

SMARTPHONE BUYING GUIDE (Mobile lei tum te tan)

Smartphone thar tha tak tak nitin maiin a chhuak zut zut a, man tlawm te, features tha tak tak nei te a chhuak zel a, Chutin rualin China lam atang pawhin smartphone tha tak tak man tlawm tein a lo chhuak ve mek zel bawk a. Smartphone lei tum tute tan luhai thlak khawpin duh thlan tur a tam a, chuvang chuan smartphone lei dawna a ‘key point’ thenkhat te kan han tarlang dawn a ni.

1. SCREEN SIZE : - Smartphone hi a tlangpuiin a screen size 4.5inch atanga 5.5 inch a ni a. A screen lian chu en a nuam nge nge a, a hmangtu tan pawh screen tereuhte ai chuan a hahdamthlak zawk ngei ang. Chutih rualin screen lian chu kut pakhat ringawt chuan a hum sen lova, message type te pawh kut pahnih hman a ngai thung. Chuvang chuan a screen size i mil pui tlang ang che. Tin, a screen len avang hian a fiah kher lova, a tet avang pawn a fiah kher bik lo bawk. A Screen hian pixel density a nei a, chu chu PPI (Pixel per Inch) a teh a ni. PPI a san poh leh a display a bit a, a lang fiah a ni. PPI 300 chin chunglam tal thlang ang che. Tin, Screen ah hian AMOLED leh IPS technology an hmang uar tan a. AMOLED hi technology thar zawk a ni a, amaherawchu a tha bik erawh kan ti thei chuang lo nain, power tlemin a heh lo zawk tura ngaih a ni.

2. PROCESSOR : - Smartphone Processor hi phone operate chak leh chaklo tehna pawimawh tak pakhat a ni. Tunlai hian Qualcomm SNAPDRAGON leh MediaTek MT processor te a lar zual an ni a. Heng bakah hian Hisilicon Kirin te, Intel te pawh an awm a, amaherawhchu kan sawi tak hmasa te pahnih khian tunlai market chu an luah hneh rih hle. Snapdragon processor hi a to hret a, a performance pawh a tha hle. Smartphone company lian te chuan Snapdragon processor hi an hmang tlangpui a. Chutirual erawh chuan Budget Smartphone thenkhat leh China lam Smartphone ho hian a man a tlawm avang leh a performance a that tho avang hian MediaTek MT lam hi an awn deuh a ni. Amaherawhchu MediaTek MT Processor hian power a heh hret thung a ni. Chuvang chuan i budget milh in processor thlang ang che. Keini chuan a enga pawh hi thlang la, chuti vakin a inthlauhna i hriat kan ring lo.

3. RAM : - Tawngkam mawlmang tak chuan RAM a len pawh leh i smartphone operation a smooth ang. RAM hi Processor in a hnathawh tur a chhekkhawlna hmunpui a ni a. RAM space a tam miau chuan application tan hmun awl a tam a, Processor tan hnathawh zung zung a awl sam a. RAM space a tlem chuan phone pawh a ti muang ve a ni. Smartphone hian tunlai ah chuan 1GB atanga 3GB hi a keng tel tlangpui a. Hight Definition Games i khelh nasat chuan 2-3GB Ram thlang ang che. Games te leh Social Apps te i hmang dawn anih chuan 1GB pawh a tawk em em a ni.

4. MEMORY :- Memory hi a pawimawh khawp mai a. Hla, thlalak, Video, te leh Application te install nan a ni a. Memory ah hian Internal Memory bakah External Memory support te a awm a. Tin, Internal Memory ah hian ROM a keng tel a, hei hi chu i phone operating system awmna tura duan a ni a, i hmang ve thei lovang. Internal memory hi a bikin Application leh Games install na tur a ni a. Application leh Games i install teuh duh anih chuan Internal Memory tha lei ang che. 8GB/16Gb chu a tawk turah ngai ang. Tin, External Memory SD Card support hi a tangkai hlei hlei a. A bikin Internal Memory a tam loh phei chuan External Memory Card support hi thlang ngei ang che.

(Chhunzawm tur)

    

BENG TI VAR

DAN LAKAH KAN HIM EM?

1) Social media-a fake account siam: 3 years jail & Rs 1 lakh (IT Act Sec 66C)

2) Saruak leh ruang thlalak thawn darh: 3 years jail & Rs 5 lakh (IT Act Sec 66A)

3) Proof awm lova mi 'A ei ru', etc. tih ringawt: 2 years jail & Pawisa chawi (IPC Sec 499)

4) Sakhaw dang sawichhiat: 3 years jail (IPC Sec 153A)

5) Invauna: 7 years jail & pawisa chawi (IPC Sec 506, 507)

WARNING!

India Penal Code (IPC) chuan section 469 ah, miin profile lem midang hminga a siama, a siamsak te tana hming chhiatna emaw zahawmna ti bawrhbang zawnga fake acc siam sak a nih chuan thilsual ti a ni a, kum 3 leh pawisa chawia hrem theih a ni..

Sec.499 ah chuan profile lem siam a, midang tih mualpho nana siam leh hman anih chuan hrem theih a ni bawk.. Information Technology Act a, Sec.66 ah chuan tupawh fake account siam a, mi data rukchhuah nan emaw virus thehdarh nana hman a nih chuan kum 3 lungin tan leh cheng nuai nga chawia hrem theih a ni..

Sec.66C. ah chuan mi a nihna (identity) dik tak leh thlalak dik tak hmanga, fake account midang in a siam chuan kum 3 lungin tan leh cheng nuai khat chawi tira hrem theih ani..

Sec(66D) Midang hminga fake account siamtu chuan tupawh a bum/tihder chuan kum 3 lungin tan leh pawisa chawitir a hrem theih a ni..

Sec.(67A) Fake account lem siamtu chuan zahmawh rawngkai lanna thlalak emaw thu emaw a thehdarh chuan kum 5 lungin tan leh cheng nuai 10 chawitir theih an ni.

LAKHUIHTHEI (Thei-a-ra)

Tunlai hi Lakhuihthei thar tam vanglai a ni a. A thatna tlem azawng lo tuihnih hlak teh ang..

1. Lakhuihthei hi pumpui tichaktu, thil ei paitawih tiawlsamtu a ni a. Luak chhuak, pumpui thur, pum nuam loah te a tha.

2. Thisena alkaline a tisang a, chu chuan tui a tichhuak tha a. Muoous a tihnem avangin chuap leh awm lam natna atan zailep chini nena chhum pawlh tui in a tha.

3. Thin lam sawi sel thin tan Lakhuihthei nawi taka zai sawm a, Khawizu nen chawhpawlh ei thin a tha.

4. Irhfiak reh thei lo ah pawh Lakhuihthei hnah/zik tui sawr leh chini chawhpawlh in hi a ngeih ve khawp mai.

5. Lakhuihthei hian Enzyme chi khat Brosmeline an tih chu a awm a. Chu chuan thau leh protein kan ei te hi a paitawih tir thuai thei a ni.

6. Lakhuihthei tui sawr in hi chaw nena ei pawlhin chaw puar mi leh chaw paitawih tha thei lo a pui tha hle.

7. Lakhuihthei tui sawr fir in hi tuihal a tireh tha a, hrawk a tithiang a, aw bawm a ti thiang fai tha, zai mite tan a thazual bik.

8. Zuk leh hmuam ti thin tan chuan taksa chhung tifai a, tleng thiangtu a ni a, ei tam a tha lehzual.

Thulakna:- (Hman Nghal Theih Ramhnim Damdawi).

BIBLE  QUIZ  No. 88

Matthaia bung 21-25

A kâr âwl dah khat rawh :

Q1. Tin, anni chu a kalsan a, khawpui ata chu a chhuak a, ____________ a kal a; chutah chuan a riak ta a.

Q2. Chu mi ni vek chuan _____________, thawhlehna a awm lo tite chu a hnenah an lo kal a; a hnenah,

Q3.Chutichuan, ______________ thattute fa in ni tih in inhriattir a ni

Q4. Nimhsela, a tawp thlenga tuar peih apiang chu, chu mi ngei chu ________________ a awm ang.

Q5. A ate chuan an _____________ an kenin, a ___________ an keng tel si lo va;

A bung leh châng dah rawh :

Q1. Tin, Pathian biak inah chuan mitdelte leh kebaite a hnenah an lo kal a; anmahni a tidam a.

Bung: ________         Chang: _________

Q2. Tin, lawi chaw eia a sawmte chu ko turin a bawite a tir a, nimahsela an lo kal duh lo va.

Bung: ________         Chang: _________

Q3. Tin, lei chungah hian tumah ‘Ka pa’ ti suh u; in Pa chu pakhat chauh a ni, vana mi khi.

Bung: ________         Chang: __________

Q4. Tin, Isuan a chhang a, an hnenah, “Tuman an tihder loh nan che u fimkhur rawh u.

Bung: ________         Chang: _________

Q5. Chu veleh chuan nula thianghlimho chu an tho vek a, an khawnvarte chu an buatsaih a.

Bung: ________         Chang: _________

Hming  : __________________________

Section : ____________________________

BIBLE QUIZ  NO. 87 RESULT

Chhanna lut zawng zawng      : 3

Chhang dik vek            : 3

Lawmman dawngtu: Lalnunpuiii Hrahsel (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

HRIATTIRNA

            Aizawl Municipal inthlanna a hman tur Electoral Roll chu ennawn a, siam \hat m>k a ni a. In thun thar emaw hming paih duh emaw chuan September ni 9, 2015 ral hma in Pu Lalzama BLO hnenah dilna thehluh tur a ni.

1) Inthun thar thei te chu 1. 1. 2015 a kum 18 tling chin a ni. Birth Certificate leh thlalak (passport) thil tel tur a ni.

2) Hmun dang a\anga rawn insawn tur te tan thlalak leh ID xerox a ngai.

            He Roll siam \hat m>k hi Pu Lalzama hnenah leh Tv.C.Lalngheta dawrah en theih a ni a, heta chuang lo te chuan ngaihven vat tur a ni.

            Hun tiam ral hunah chuan dilna pawm a ni lo ang.

Sd/-

(LALZAMA)

BLO

CHHANCHHUAHNA CAMPING A TIAK TA

            Central YMA leh Mizoram Synod tangkawp buatsaih Chhanchhuahna Camping, Beraw Tlanga neih chu nizan (Aug. 23, 2015) khan a kharna Inkhawm hman a ni.

            Chhanchhuahna Camping hi August 4, 2015 atanga tan niin ruihhlo ngaite puala siam a ni a. August 5, 2015-ah a hawnna programme hmangin Camping hi Synod Moderator Rev. Lalrinmawian a hawng a ni. Camping-a lut tur hi YMA Branch hrang hrangin an mahni Branch huam chhung atangin an thawhkhawm a, camping-a mawhphurhna hrang hranga duty turin Aizawl khawpui chhung Branch hrang hrangte a inchhawkin an duty thin a ni. Camping speaker atan Synod Revival Speaker Pu Lalsanglura Ralte, Sons of God Team hman an ni.

VAWIIN KHAWCHIN

A lum lai berin: 270C

A vawh lai berin: 230C

            Chawhma lamah 1mm, chawhnu lamah 7mm leh zan lamah 5mm ruah tla turin weather-forecast.com/ chuan a sawi.

   

LAWMTHU SAWINA

Nimin Ni 05.09.2015 (Inrinni) a K|P ten sum tuak nan a motor min siltir tu zawng zawng te chungah lawmthu kan sawi a, tin, hnatlang a thawk chhuak member zawng zawng te chungah lawmthu kan sawi bawk e.

Sd/-(P.C.Vanlalhriatpuia)

Secretary

K|P Saikhamakawn Branch

MYANMAR-A TUILIAN TUARTE TANPUI THU

Myanmar rama fur ruahtui tla nasa leh tuilian avangin chhiatna nasa tak a thleng mek a, he chhiatna hian Zo hnahthlakte pawh nasa taka tibuaiin harsatna a thlen thu pawh hriat a ni.

            Media atanga a lan danin fur ruahtui tla nasa leh tui lian hian Myanmar-ah mi 27 lai thihna thlen tawhin, chenna in rauhsan mi 1,50,000 chuang an ram District 12 chhungah an awm niin tarlan a ni a. Ruahtui hian acre nuaih 50 chuang buh chinna a tichhia a, ruah sur hi tun anga a kal zel anih chuan hei aia tam hi a tihchhiat UN report chuan a ring a ni. Hemi avang hian Myanmar sawrkar chuan emergency a puang hial a. He tui lian hian Zo hnahthlak unaute pawh nasa taka tibuaiin harsatna a thlen thu pawh hriat a ni.

            Chuvangin, Mizoram Synod chuan Zo hnahthlak harsatna tuarte pualin vehbur khawn leh mahni remchan dan angin Kohhran hoten tawngtaipui nise tiin a rel a. Hemi atana Kohhran/Pawl/Mimal tanpuina pe duh kan awm anih chuan Finance Department, Synod Office-ah August 2015 thla chhungin thehluh theih a ni. Sum pekna leh a hmanna hi tihfel anih hnu-ah Kohhran tinah inhriattir leh tura ruahman a ni.

HMANGCHANG

¤ Thlai hnah i sil dawnin a silna tuiah vinegar tlem far la, awlsam takin rannung an awm chuan an tla mai ang.

¤ Chana i chiah lawk theihnghilh anih chuan tui nen mei hniam teah chhuang so la, minute 2 vel so tir ang che. Tichuan, i suan hnuah bel chu chhin la, darkar khat vel i dah dawn nia.

TUALCHHÛNG

,C.Kapliana h/o Lalrinpuii (T.Sec) Bethel v>ng  chu Falk^wn Damdawi Inah enkawl mek a ni.

,Lalpekhlua s/o Henry Lalnunmawia (T.Sec) Bethel veng chu hun rei tak Falkawn Damdawiina enkawl a nih hnuin a lo chhuak ta.

,F.Sanghlira h/o K.Lalthanpari (Ch.Sec)  chu Synod Hospital Durtlang-a enkawl a nih hnuin a lo chhuak ta.

,C.Lalthanmawia h/o C.Lalengi (V.Sec) te chuan an fa pathumna atan fapa duhawm tak an nei thar.

,F.Lalhmangaiha h/o Zoremtluangi (V.Sec) te chuan khawi ilo vah v>l n^n Yamaha Scooty (Fascino) an lei thar.

,Pu Zothansanga te chhungkua chu Luangmual veng a\anga rawn pemin Pu C.Zakhuma h/o Dengkungi (T. Sec) te in an luah.

,Tv.Lalengkima te unau chu Lunglei, Zob^wk veng a\anga rawn pemin Pu C.Lalhmunngheta  h/o Lalthankhumi (T. Sec) te in an luah.

BIAL GOLDEN JUBILEE

T-SHIRT

            Bial Golden Jubilee T-Shirt siam tum a ni a, member ten neih vek tum ila, a man tur hi ` 250/- a ni ang. Branch hruaitu ten a duh turte rawn zawhchhuah a ni ang a, lo inhriattir turin kan inngen e. in zawh laia lo awm remchâng lo kan awm chuan September ni 15 ral hma in Branch hruaitute hnehah in report tur a ni e.

            T-Shirt hi a nghawng nei chi leh a nghawng bial chi a awm dawn a,  mahni duh zawk zawk lo thlangin mahni size nen lo sawi mai tur a ni e.

Sd/-

(P.C.Vanlalhriatpuia)

Secretary

K.|.P Saikhamakawn Branch

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330