Mipui Aw 14.6.2015

MIPUI AW

KARTIN CHHUAK

Vol. XXI Issue No. 24 Kristian Thalai  Pawl  Saikhamakawn Branch  Pathianni Dt.14.6.2015

Tin, amah vekin an hnenah chuan, “Chawlhni hi mihring tana siam a ni a, mihring hi Chawlhni tana siam a ni lo; Chutichuan, Mihring Fapa hi Chawlhni chungah lam pawh hian Lal a ni,” a ti a. (Matthaia 2:27 & 28)

KOHHRAN PROGRAMME

14.06.2015 (Pathianni)

Sunday School

|antu              : Pi Rammuanpuii       Zirlai 21-na    : Pathianin chhandamtu a pe

Chawhnu Inkhawm

Thuhriltu       : T.Upa C.Vanlalsanga

                        Zân inkhawm

Thuhriltu       : Upa Lalzama

            Thawh\anni zan a\anga zirtawpni  zan dar dar 9:00 ah \awng\ai inkhawm hun hman \hin tur a ni a, nilaini zan a\anga inrinni zan thlengin Crusade neih a ni ang. Speaker atân Upa Zonunmawia ruat a ni.

K|P PROGRAMME

15.06.2015 (Thawh\anni Zan)

Hruaitu           : Pu Tommy Zirnuntluanga

|antu              : Tv. J.Laldinsanga

Thuhriltu       : Nl. Lalramnghaki

Thilpeklakha-            : Nl. Nancy Zoremsangi leh

awmtute           Nl. C.Zohmangaihzuali

Zai hruaitute  : Tv C.Laldinpuia leh (01-15 June)       Nl. Bridget Zonunmawii

Keyboardist   : Tv. Vanlaltluanga

K|P FELOWSHIP PROGRAMME

14.06.2015 (Pathianni tlai)

Hruaitu           : Pu C.Lalnunsanga

|antu              : Tv.Lalawmpuia (s/o Biakvela)

KOHHRAN HMEICHHE PROGRAMME

16.06.2015 (Thawhlehni Zan)

Hruaitu           : Pi Sanghluni

|antu              : Pi Remsangpuii

Thuhriltu: Pi Lalngaii

SERMON

                 HENGTE HI I HRE RENG ANG U!   

            Lal Isua hi kan chakna a ni : II Chro.16:9-ah ‘A lama rilru dik tak putute chunga a chakzia tilang turin khawvel zawng zawngah LALPA mit chu a lêng ruai ruai \hin’ tih kan hmu. Setana chakzia leh a thiltihtheih zia, a hnathawh nasat zia kan sawi nasa. Mahse, kan biak Lalpa hian a chakzia leh a thiltihtheih zia, setana aia chak leh thiltithei zawk a nih zia lan tir ve a duh a, a lanchhuahna hmanruaah mihring, nang leh kei hi min hmang duh a ni. Kan buan hneh loh sual buan hneh a, tukdawl a, setana lal ram \hiat thei tur khawpa rawngbawlna thiltitheia min thuam a, ringtu thiltitheia min siam a duh a ni. Phil. 4:13-a Tirhkoh Paula’n ‘Mi tichaktuah chuan engkim ka ti thei a ni’ tih hi a taka nun chhuahpui turin Lalpan min duh a, chumi atân chuan Thlarau Thianghlim pêk kan  ni.

            Thlarau Thilpêk : I Kor. 12-ah Thlarau thilpêk chi hrang hrang kan hmu a, Thlarau hmunkhat chuan mitin hnênah a duh ang zêlin a sem a, chu Thlarau hriattirna chu sâwt tlânna tura pêk kan ni a, chapo nân leh mi aia sanga in dah nân pêk kan ni lo. A dawngtu hi chu misual, Krista zara fel a lang chhuak ve mai ka ni tia, inngaitlâwm leh thuhnuairawlh tak chunga Thlarau thilpêk hi lo dawngsawnga, thuawih taka nun chhuah pui mai tur kan ni. Indo na tura pêk kan ni lo. Kan zinga indona leh inhnialna awm \hinte hi, kan taksa pênga indona siam \hintu kan duhzâwng a\anga lo chhuak an ni(Jakoba 4:1). Thlarau Thianghlim chuan inrem a duh a, keimahniah Thlarau rah chi tinreng thawhchhuah a duh a ni.(Galatia 5:22-23, Thurin VI). Kan inpumkhat theihlohna tur a setana hêm thlâk dân hi kan hmuhfiah thiam a, hneh tûra kan inpumkhat a pawimawh hle a ni.

            Hmangaihna : I Kor. 13-ah ‘Hmangaihna’ chungchâng kan hmu. Rinna, beiseina, hmangaihna te hi awm reng tûr an ni a, hmangaihna hi a ropui ber a ni Bible in a ti hial. A chunga kan sawi Thlarau thilpek nasa takin dawng ila, van \awng ten thu sawiin, tlâng sawn theihna khawp hialin kan rinna in thiltithei sela, thurûk zawng zawng leh hriatna zawng zawng hre vekin, midang tâna nun chhuah kawngah mirethei chawm nân kan neih zawng zawng hlânin kan taksa pawh kâng turin pe hial mah ila, hmangaihna kan neih siloh chuan kan tan a sâwt chuan loh thu min hrilh a ni. Tunlaia Thlarau Thianghlim hnathawh lo thleng mêkah pawh hian a râu thei ang ber leh a nasa thei ang berin che chhuak mah ila, midang pumkhat tûr leh  midang nena inrem tûra hmangaihna ka neih si loh chuan awmzia a nei dawn lo a ni.

            Thlarau Thianghlim hnathawh ropui leh zuala a thlen zêl theih nân nang leh kei hi Lalpan min hmang duh a ni.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

YMA DAY

            Kan hriat \heuh angin naktuk maiah khian YMA din champha vawi sawmriatna kan hmang dawn a ni a. Mihring pian phung pangngaiah chuan kum sawmriat chu tar tawh tak tur a ni. Mahse YMA chu chuai mai lova vul reng turin duhsakna kan hlan e. He pawl lian tak mai Mizorama pawl zingah chuan member ngah ber hi sawiselna tam tak karah pawh Zofa a awm chhung chuan dairial a chan mai ka ring lo ve.

            Tihian duh thu han sam ve ta ila, YMA chuan thupui \ha tak leh thiltum \ha tak tak a neih te hi hre reng ringawt lovin, a hmang dik tu ni \heuh thei i la. Tin, chu mai bakah a thil tum zingah pawh Kristian nun dan \ha ngaih san tih leh khawtlang hmasawnna ngaihtuah tih hi a pawi mawh zualin ka hria. Kristian nundan \ha han tih mai hian Kristian ni miah si lo, Kristian nun dan hi  a ngaihs^n ve viau theih a. A tlangpuiin Mizote chu Kristian kan ni vek mai a, a mah erawh chu kan nun dan erawh Kristian nundan a nung lo YMA member kan tam thei viau bawkin ka hria. Heng a nih a vang hian Kristian nun d^n \ha ngaisang tu mai ni lo va, a nuna nun puitu kan nih a va duh awm em.

            A nih leh engvangin nge YMAah hian eng vangin nge member ka nih tih hi han inzawt ta i la, eng tiangin nge kan chh^n ang  le. A tam zawk chuan chhiat/\hat tawh changa min thuam mawitu atan leh en san kan hlawh loh n^n ti lek fang kan ang riau mai. Member kan nih chhan chiang i la, kan thiltumte leh kan thupui te hre rengin he pawlah hian member  i ni \hin ang u.YMA member zawng zawngte YMA day chibai vek u le.      

                       

ARTICLE

Y.M.A.  HI  INHMAN  ZÊLNA  TLAK  A  NI  EM..?

-Mawitei pa

            Zofa te hmasawnna tur ngaihtuah a, \halaiten hun âwl an hman \hat theihna tura hma la tur pawl, Kohhran nêna inngheng riala kal dûn tur leh Kristian nundân \ha ngaisâng chunga ke pên a, \anpui ngaite \anpui tura Zosap Missionary hova pâwl din Young Lushai Association, chumi hnua Young Mizo Association (Y.M.A) tia thlâk leh tâk chuan kum  80      na chu naktuk mai khian kan lo hmang leh dawn ta reng mai.

            He tlawmngâi pâwl hi din anih a\anga vawiin thlengin Pathian hruaina dawngin tlawmngâi pawl lian leh ropui tak a lo ni ta reng mai. Hemi chhûng hian he pawl hian fak a hlawh tluk zetin huat a hlawh châng leh sawisêl a hlawh châng a tam hle mai, a châng phei chuan inhmanna tlâk nilo leh politics boruak nu leh tenawmin a luhchilh tawh a ni tih khawp a sawihnâwm a ni \hin.  Eng nge a chhan ni ang le?

            YMA hian a thiltum leh a thupui innghahna bâkah hian, Sawrkar leh Khawtlang hruaituten an tih vek theih loh leh tih sên loh a awm \hin avangin,  he pâwl len dân leh zofa ten kan ngaihhlut zia leh an thuchhuak kan ngaihpawimawh zia sawrkar pawhin a hriatchian êm avangin loh theih lohin hâk a zauh a ngaih châng a awm \hin.  Tin, ram leh hnam, khawtlang hmangaihna a vanga loh theih loha chêtchhuah a ngaih châng a awm bawk \hin. Sawrkar leh Khawtlang hruaitute tihtur niâwm tak  kan kut zâla a lo tlâk tak avang hian YMA hi ram leh khawtlang roreltu kan ni ta e tihna a ni lova, ram, hnam leh khawtlang tân sawrkar hmalâkna tihlawhtling turin kan \anpui mai a ni tih hi hre reng ang u. Helai tak hi sawisêl kan hlawh tamna \hin pawh a ni rêng a ni. Chhungkuaah pa berin fa te hnênah heihi pa tihtur nimahsela ka khawih hman lo,  lo ti mai teh u a tihin fa te kha chhungkaw roreltu an ni ta tihna a ni lova, chhungkaw tân an thawk mai a ni. Chuvangin, ram, hnam leh khawtlang hmangaihna avang hian sawrkar leh khawtlâng hruaitute hi an nihna hre reng chunga kan thawhho pui thiam a pawimawh hle a ni.

            Naktukah YMA Day kan hmang dawn. Intihhlimna in he Day hi kan hmang dawn a ni. YMA hi \anpui ngaite \anpuitu anihna hre rengin hemi ni hian pâwl hminga midang \anpuina tur programme kan siam lo a nih pawhin, mimal talin \anpui tur theih ang angin i zawng ang u hmiang. Sum leh pâi lam kher a ni chuang lo, zingkâr vêlah emaw in kawtkâi leh hmun dangah nang aia upa leh chaklo zâwk(tute pawh an ni thei e) thil phur, khai, hnathawk etc. i hmuh chuan YMA DAY  PUALIN  ‘KA  LO  PUI  ANG  CHE’  tiin han pui teh, he Day hi \angkai takin i hmang anih mai bâkah  chhunlamah rilru hlim takin YMA Day intihhlimnaah i tel theih phah ngêi ang. Kan sawi kawng ang lo zawng pawh hian midang \anpuina tur leh midang tâna malsawmna kan nih theihna tamtak a awm thei ang. Ka sawi tum ber chu YMA hi \anpui ngâite \anpuitu anih ang ngêiin YMA DAY pual hian sum a ni emaw, thâ a ni emaw kan theih ang angin midang i \anpui ang u tih hi  a ni.

            Kan thupui chhânna atân chuan heihi ni rawh se, YMA hi inhmanna tlâk a ni a, kan inhmanna zêl tur pawh a ni. |hang leh thar zelte pawhin inhmanna tlâk pâwl thianghlim a ni tih an hriat zêl theih nân mawhphurhna erawh i kutah a awm e.

YMA DAY CHIBAI VEK ULE.

BENG TIVAR

DINOSAURS KHA THISEN LUM NGE VAWT?

            Tun hnaia Scientist ten an zir chianna ah chuan mihring chanchina chhui theih hma lama “Laiking Phawkphawhraw”- Dinosaurs kha tunlai mammal te anga thisen lum (warm-blooded) ni zawk in an sawi. Dinasaurs te kha thisen lum nge vawt (cold-blodded) an nih tih hi hman a\ang tawh in tun thleng hian Paleontologists te inhnialna a ni reng a. Mahse tun hnai chho a an zir chian leh zualna ah chuan Dinosaurs kha thisen lum leh thisen vawt inkar ni ber in an hria a, tichuan tun kar chho a an zir chian leh zual naah chuan thisen lu (warm-blooded) a ni ngei tih an tarlang a ni. Michael D’Emic, Stony Brook University-a Paleontologist chuan “He kan zir chian leh zual naa kan hmu dan chuan an taksa bung hrang hrang te kan zirna a\ang khan tunlai mammal ten nen hian inanna tam tak an nei a ni”  a ti a . He a thil hmuhchhuah dan hi kawng hnih niin, a pakhatna ah chuan Dinosaurs te kum khat chhunga an \han chak zawng a\anga an nitin \han dan a\angin a ni a, a phnihna chu kum khat chhunga an \han chak zawng damglam dan a\angin a ni.

KUM 2023 AH HYPERSONIC THLAWHNA PEIHFEL HMAN TUM A NI

            United Sates Pentagon leh Air Force \angkawp chuan kum 2023 ah chuan Hypersonic ralthuam leh thlawhna hman tawh ngei an in beisei a ni. Hypersonic tih awmzia chu a mawl thei ang ber chuan thil kal chak zawng  ri (sound) aia a l>t nga aia tam zawk a kal chak tihna a ni a, 1000 million hertz tluk a ni. He thil thar hi Air Force Research Laboratory leh Pentagon research Arm \angkawpin an ruahman m>k a ni a. Kum 2013, March ni 5 a hlawhtling taka X-51 Waverider Hypersonic Scramjet an siam an enchhin tawh a\anga an siam chhunzawm leh m>k a ni.Air Chief Scientist Mica Endsley chuan X-51 chu enchhinna \ha tak leh hlawhtling tak neih tawh a nih thu leh ral beihna chi pawh enchhinna hlawhtling tak an neih tawh thu a sawi a. Heng jet te hi thlawhna ang tho a thlawk a ri (sound) aia a let nga aia chak(hypersonic) in a thlawk zui tawh mai dawn a ni a ti bawk. X-51 hi tunah hian ruahman a, saim chhoh m>k zel a ni a, kum 2023 ah chuan zawh hman tura tih a ni a, he thlawhna hian a thlawh pah a guidance system leh hmanraw pawimawh dang nei thei tura siam a ni. He an enchhinnaah hian New York a\anga Los Angeles hi Minute 30 ah a thlawk thleng thei a, a thlawh chak bik dawn em avang hian mihring khalh leh chuanna chi a nih loh hmel a ni.

BIBLE  QUIZ  No. 76

marka bung 1 - 5

A kâr âwl dah khat rawh :

Q1. Kei zawngin tuiin ka baptis thin che u a; ani erawh chuan Thlarau Thianghlimin a _____________ ang che u,” tiin a hril a.

Q2.Tin, Isuan an rilruin chutiangin an ngaihtuah tih a rilruin a lo hre ta nghal a, an hnenah, “Chung thu chu engati nge in __________________ in ngaihtuah ni?

Q3.Tin, mipui avang chuan a tan lawngleng lo ruatsak turin a ___________________ a hrilh a, “Chutilochuan mi nek huai huai dah ang e,” a ti a.

Q4. Tin, ani chuan an hnenah, “Pathian ram thuruk chu nangni hriat zawng phal a ni a, pawna mite tan erawh chuan engkim _________________ thua tih a ni;

Q5. Tin, ani chuan, “I hming engnge ni?” tiin a zawt a. Tin, anin a hnenah, “Ka hming chu ______________ a ni, tam tak kan ni si a,” a ti a.

A bung leh châng dah rawh :

Q1.Nimahsela ani chu a chhuak a, chu mi chanchin chu nasa taka tlangaupuiin a puang darh ta a: chutichuan Isua chu alangin khuaah a lut thei ta lo va, thlaler hmunahte a awm ta zawk a; tin, hmun tin ata a hnenah an lo kal thin a.

Bung: ________         Chang: _________

Q2Chutichuan, Mihring Fapa hi Chawlhni chungah lam pawh hian Lal a ni,” a ti a.

Bung: ________         Chang: _________

Q3.Tupawh Pathian duhzawng ti apiang chu, chu mite ngei chu ka unaute, ka farnute, ka nute an ni asin,” a ti a.

Bung: ________         Chang: __________

Q4.Tin, hlauh namenin an hlau ta lo va, “He mi hi tunge ni le, thli leh dil lam pawhin a thu an awi hi?” an inti hlawm a.

Bung: ________         Chang: __________

Hming  : ____________________________

Section : ____________________________

BIBLE QUIZ  NO. 75 RESULT

Chhanna lut zawng zawng      : 5

Chhang dik vek            : 5

Lawmman dawngtu      : Lalnunpuii Hrahsel (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

GROUP BUDGET TLÂK

            K|P Group tinte chuan kum chanve Budget `10,000/- chu an tlâk kim ta a, kum chanve dang leh atân `10,000/- Budget siam leh a ni bawk.

VENGCHHUNG MIPUITE HNENA NGENNA LEH HRIATTIRNA

            Heng a hnuaia thute hi vengchhung   mipuiten zawm hram turin kan in ngen in kan inhriattir a ni e.

1) Kan vengin kan lo kalpui m>k leh Kristian ram kan nih angin Sunday ah chuan bungrua load leh unload lo turin kan in ngen thar leh e.

2) Kan veng chhungah YMA ten Branch huapa hnatlang leh thiltih a neih laiin Hall ah inkhelh tawh loh hram nise.

3) Thlanmual ram chhungah hnathawk tur ten Branch YMA hruaitute hnenah hriattir hmasa turin kan inngen a ni.

4) Vengchhung mi tupawhin awmpui tur kan neihin tupawhin an hming leh address dik tak YMA hruaitute hnenah report \hin nise, hei hian chhiat \hat thuah  hmalak a awlsam phah dawn a ni.

5) Kan vengchhungah foreigner leh permit nei lote awm phal a ni lo, (Hei hi thu awm sa a ni).

6) Mikhual zan thum aia rei nei turten Branch YMA hnenah report \hin tur a ni.(Hei hi vengchhung dan hman lai a ni).

7) Kan vengchhungah lo p>m turten an lo luh hma in p>m lehkha tihfel hmasak \hin nise, hei hi in luah tur nei ten kan in luahtute hrilh \hin nise, Section tin te mawhphurhna pawh a ni e.

Sd/-

(C. LALDAWNGLIANA)

Secretary

YMA Saikhamakawn Branch

            ENTLANG

   Ka entlang chu ka han en leh a, sipai, tar tawh tak mai te chu ka hmu a. Chung mi te chuan an hmanlai ralthuam, an \hatlai hun leh an hunlai a râldo n^na an hman \hin ralthuam hlui tawh tak tak mai chu an rawn lek chhuak a. Mahse, an hotupa chuan chu mi te hnenah chuan, “ Nang ni zawng, in lo upa ta a, in râlthuamte chu a hun lai chuan \angkai viau mahse tunlai khawvel sual ral do nan chuan a tawk ta love. |halai zawk te leh \hangthar zawkte raldo turin ka buatsaih tawh a, nang ni chu lo chawl tawh rawh u. Amah erawh chu in nau te raldo an chak theih nân in theih tâwp chuan in lo pui thei ang” a ti a. Chung mi te chuan  theihtâwpa lo puih mai chu an duh tawk ta lova, \halai zawk leh \hangthar zawk te chu an bei ta mai a. An râl beih tur pawh bei thei ta lo chuan anmah ni leh anmah ni chu an in bei ta chiam mai a. Sipai hotu thin chu nasa takin a alh ta a, a thin a rim >m a vang chuan ka entlang chu ka en ngam ta lo va.

( Tunlai Khawvel sualral do tur hian hmana kan hmanrua kha a tawk tawh lo, hmanraw thar leh tleirawl zawk leh |halai zawk te Lalpa hian a thlang ta em ni le?-Ed.)

COMPUTER ADMISSION OPEN

            Govt. of Mizoram (MSCTE) Affiliated Institution hnuaiah computer course hrang hrang CCA, DCA, C, C++ ,Java, Web Developing/Design leh Video Editing ah te admission hawn m>k a ni a, scholarship kan dil sak thei bawk e. Computer Engineer kaihhruaina hnuaiah eizawnna tlak khawpa thiam turin i duh ang course kan zirtir thei reng bawk che. Seat tlem a la awm e.

Spoken English leh Stenography ah pawh admission hawn a ni ta e.

Timing:  6:00am - 6:00 pm

Mizoram Professional Computer Institution (MPCI)

New Street, Mission Veng, Opposite SBI

Ph- 9862363005/ 03892310866

TUALCHHÛNG

, Pu Lalnghakliana (T.Sec) chu damlohna avanga Referral Hospital-a enkawl nih hnuin alo chhuak.

, Tv. Lalmuanpuia s/o Siammawia (Ch.Sec) chu Electric Current man avanga Greenwood Hospital-a enkawl anih hnuin alo chhuak.

, Pu Roliana h/o Hmingi (Bethel Veng, T.Sec) chu damlohna avânga Civil Hospital-a enkawl anih hnuin alo chhuak.

, Lalramengi d/o Lalfalzuala (V.Sec) chu damlohna avanga Alpha Hospital-a enkawl anih hnuin alo chhuak.

YMA DAY HMAN NUAM

            Kumin 2015 YMA Day chu kan lo thleng leh dawn ta reng mai le. Member ten a nuam leh hlim thei ang bera hmang turin duhsakna ka hlan a che u. Member te leh Section tin ten kan mawhphurhna leh tihturte hlen chhuak turin i han in sang mar teh ang u le!!!

Sport Items

1) YMA Chhang Inhruipawh mipa/hmeichhia

2) Inkawibah, Hmeichhia Section tin te tan.

3) Death Ball hmeichhia minute 5 Section tin tan.

5) Insuknawr category a \hen tur a ni.

6) Lengkhawm z^i section inelna.

7) Marathon Race naupang tan, Day zing dar 5:30am ah YMA R<n kawtah tlan tur te kim vek tur.

Sd/- (C. LALDAWNGLIANA)

Secretary

YMA Saikhamakawn Branch

K|PCHAWNGHEI |AWNG|AI

            CK|P General Conference rorel Inkhawm-in thu a pass tawh angin vawiin tlai dar 5-6 inakrah hian Kristian |halai Pawlte chawngheia \awng\aina Biak In ah neih tur a ni a, Member zawng zawngte \hahnemngai taka kal i tum ang u. Tin, hemi hunah hian a duh apiang tan tel theih a ni bawk ang.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 7.6.2015

MIPUI AW

KARTIN CHHUAK

Vol. XXI Issue No. 23 Kristian Thalai  Pawl  Saikhamakawn Branch  Pathianni Dt.7.6.2015

KOHHRAN PROGRAMME

07.06.2015 (Pathianni)

Sunday School

|antu              : Pi R. Zothanmawii    Zirlai 20-na    : Mihring bawhchhiatna

Chawhnu Inkhawm

Thuhriltu       : Upa R.Lalngena

                        Zân inkhawm

Thuhriltu       : Upa Zairemthanga

K|P PROGRAMME

08.06.2015 (Thawh\anni Zan)

Neihthil thehkhawm

Hruaitu           : Nl. R.Zonuntluangi

|antu              : Tv. Lalnunmawia

Ahmun           : Sunday School Hall

Zai hruaitute  : Nl. Brigitte Zonunmawii leh

 (1-15 June)      Tv.  Laldinpuia

Keyboardist   : Tv. Vanlaltluanga

KOHHRAN HMEICHHE PROGRAMME

09.06.2015 (Thawhlehni Zan)

Hruaitu           : Pi Ralliani

|antu              : Pi Lalthangliani

            Chawnghei \awng\ai leh sual thupha chawi

PAVALAI PROGRAMME

11.06.2015 (Ningani Zan)

Hruaitu           : Pu TK Manga

|antu              : Pu Lianchia

            Sharing-a hun hman a ni ang.

PAVALAI  FELOWSHIP PROGRAMME

07.06.2015 (Pathianni tlai)

A hmun: Pu Lalhmingliana Hnamte In

Hruaitu           : Pu C.Lalchhuansanga

|antu              : Pu Rinngaihzuala

Pavalai Meet thlirlêtnaa hun hman tur a ni ang.

SERMON

KHAWIAH NGE RO I KHÂWL

                                                           -     K.Lalfakawma nu

            “Leia s<lr<l leh tui>kin a ei chhiatnaah, r<kruten an reh pawha an r<knaah hian, in tânrote khâwl khâwm suh u; vânah, s<lr<l leh tui>kin a ei chhiat  lohnaah, r<kr<ten an reh pawh a an r<k hek lohnaah chuan, in tân rote kh^wl khâwm z^wk rawh u; i ro awmna apiangah  i rilru pawh a awm ang. (Matthaia 6:19-21)

                                                           

            Mihringte hi Pathianin ama anpuia a siamte kan nih avangin thil siam dangte aihian kan chungnungin kan fing bik a, chuvangchuan kan hma lam hun atante, kan tu, kan fate tan tiin kan inhmakhua a. Ro te pawh kan phak ang tawk zelin khawlkhawm kan duh \hin a, hetiang nun hi thilsiam dangte chuan neih an tum ve lova, anachang pawh an hre lo a ni.

            Mahse, kan Bible chuan leia ro khawl lo tur leh van lam zawk a, ro khawl turin min duh a, chuvangchuan van lama ro kan khawl ve theih nan keini hringfate chatuana kan boral tur chu phal lovin a thilsiamah rawn changin hrehawm tinreng tuarin a thisenin min rawn lei ta a ni. Keini pawhin dawrah puanthânte kan va lei a, kan duh dan danin kan \hui a, kan ha a, kan ta alo ni ta ang hian keini pawh hi Pathian ta kan ni tawh a, a duh dan anga awm hi kan tih tur dik tak chu a ni.

            Ka piangthar tawh e kan ti a, mahse kan rilru hi kan Lalpa tan hian kan ui hle si a. Khawvel rualawhna leh intlansiakna hlirin kan rilru kan luahkhah tir a, kan thlarau tân ro khawlkhawm kan tum lo \hin a, hei hi a pawi hle a ni. Lei lama ro khawlkhawm chu rûkru ten an rûk theih mai bakah sûlrûl leh tuiêkin min lo eichhiat sak \hin a. Kan lei taksa kan thlarauin a chhuahsan hunah khawi lam nge a pan ang? Vanah ro kan khawlkhawm a, kan lei taksa dam laia Pathian thu kan awih chuan vanah ringtute tana Lalpan hmun min siaksakah chuan kan awm thei dawn a ni.

            Hla phuahtu chuan, “Tlai luatte hian pawina a nei, tling \helh apiang pawi tih a zual, a tlâi lu ta an la ti ang; Nazareth Isua a kal liam ta” tiin alo phuah chhuak a. Tunlaia Thlarau Thianghlimin Mizoram mipui, a inpe te tâna ruah a sur tir lai hian keini pawh hian kan thinlung kulh nghet tawh tak hi herh thâwlin Lalpa tan inhawng zau ila, Pathian Thlarau chu alo lût dawn a ni.

            Hla phuahtu dang pakhat chuan, “Rilrua inngaitlawmte hnenah Krista a rawn inlâr ta, Immanuela kha kan hnênah alo chêng ta” tiin alo phuah veleh a. Vanah ro kan khawlkhawm ve theih nan kan za in Lalpa min siamtu hi i vhawimawi \heuh ang u.

            Lalpan a thu malsawm rawh se, Amen.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

|awng hriat loh hi....

            Khawvel changk^ng mekah zirna lamin hma a sawn zel a. Hmasawnna rahbi kai chho zel tur chuan kan \awng ni lo, Sap\awng thiam a \ul hle a ni. Kan intehna pawimawh tak pakhat chu a ni. Sap\awng thiam lo t^n chuan zirna sang zel kai tur pawhin harsatna tam tak a awm \hin. Sap\awg thiammi tan erawh kawng zau tak a inhawng thung a, chutiang thiam tur chuan Kan ram zirna tam zawk hi English Medium a ni fur tawh a. Chutiang taka hlu leh Mozotena kan ngaihs^n Sap\awng chu sawipuitu, \awngpuitu a neih loh chuan a hlutna a awm chuang reng reng lo mai a. A hmang thiamte bulah chauh a \angkaiin , a hmangthiam lote bulah chuan awmzia a nei chuang r>ng r>ng lo a ni. 

            Chutiang bawkin Thlarau lam thilpek zingah ‘|awng hriat loh’ dawng kan awm \hin. Chutiang dawngtute chu va ngaihs^n a, va hmuh Thlarau mi riau hi a awl \hin (Thlaraumi an ni lo ve tihna ni lovin). Pathian Thlarau thilp>k a ni a, a duh apiangin a dawn ngat theih a ni r>ng r>ng lo. A dawngte erawh chuan an duht^wkin Thlarau lam thuruk sawinan an hmangin an in be thei a ni. Tin , Bible-a kan hmuh angin Pathian hnena thu sawina a ni bawk.

            Chutiang taka ropui leh Pathian Thlarau thilpek chu ni mahse, a dawngtu tan chapo pui chi a ni miah lova, chang sang ta lua a in ngaihna chi a ni lo bawk. Sap\awng kan sawi ang deuh khian a hrethiam lo hnenah chuan thu awmze neilo a ni ve leh mai a, eng ang pawn \awng hriat loh hmangin hauin, zilhin, fuih mah ila, a hriat thiam miau loh chuan kawngro a su chuang lo. Tirhkoh Paula chuan “ Kohhran ho inkh^wmnaah chuan \awng hriat lohva thu singkhat sawi aiin midangte ka zirtir theih n^n ka hriattheihnain thu panga chauh sawi ka duh zawk a ni” a lo ti a nih kha.  Eng nge \ha zawk, eng nge sawt zawk ngaihtuah hmasak \hin hi a \ha ber chu a nih hi.

           

                       

ARTICLE

                Pathian awm ring lo hi Atheist an ni vek emaw tih ngaihdan hi a tam thei hle a. Heng humanists,skeptics,agnostics,pantheists,..etc hi atheist an ni lova,philosophical movement an ni. Tin kan hriat fo tur chu atheism hian doctrine emaw anei lo,chutiang bawk in khing ka rawn sawi ho non-atheists kan tih ho hian doctrine an nei lova, mahse philosophical stance erawh an nei e.

                Atheism tih pawh hian chi hrang hrang a awm leh a, mahse tuna ka rawn thlur bing tur chu Old Atheism leh New Atheism a ni a,a chhan chu a dang ho pawl hi chu an lar tak em loh vang ani;

OLD ATHEISM

                A hmasa in hemi ah philosopher ho kan hriat lar zual te rawn dah ta ila - A. J. Ayer, Jeremy Bentham,Auguste Comte,John Dewey,Karl Marx,John Stuart Mill,Friedrich Nietzsche,Bertrand Russell,Jean-Paul Sartre,leh Arthur Schopenhauer te hi rawn dah chhuak ta ila.

                Heng hunlaia atheist te chuan Pathian awm loh thu hi philosophical proposition hmang in an hnial ber thin a. Aheist ho ten traditional arguments an rawn pek chu hnial thlak nan a The Presumption of Atheism, The Problem of Evil, Problems with Divine Omnipotence (including the paradox of the stone), Problems with Divine Omniscience, Problems with Divine Justice, Problems with Immortality, Problems with Original Sin, Problems with Petitionary Prayer, The Argument from Autonomy, The Psychogenesis of Religion, and Religion and Memetics te kha an hmang tlangpui thin ani. Mahse heng zinga \henkhat hi tunlai ah pawh hman ni tho a ni.

                                                NEW ATHEISM

                New Atheists kan tih ho chu 21st Century-a din \ha leh tu te an ni a. Chung zinga lar zual te chu Sam Harris, Richard Dawkins, Daniel Dennett, leh Christopher Hitchens te an ni a. An dinna ah an chiang zual bik in atheism chungchang an sawi pawh in an sawi hneh thei hle ani. A chhan chu heng a tam zawk te khi chu scientist leh neuroscientist an nih deuh fur vang in. Heng zingah hian Dennet chiah hi philosophy lama nihna nei ani.

                Heng new atheist te hian tan hmun atan metaphysical component, an epistemological component, leh an ethical component an hmang ber a.

Metaphysical component ah chuan supernatural emaw divine reality tih hi a awm lo an ti a.

                Epistemological component ah chuan religious belief hi irrational (awmze nei lo) a nih thu uar takin a sawi leh a.

                            Ethical emaw Moral Component-ah chuan universal leh objective secular moral standard hi a awm ngei a,chumi atang chuan sakhuana a morality hi chu a that loh thu an sawi leh ani.

                Heng new atheist ho in an tum ber chu sakhaw mi ni lo pawh in mi \ha leh  nun pangngai tak secular morals leh scientific discoveries hmang in a neih t \heih tih hi an nunpui tlat ani.

                A tawi zawng in Pathian awm leh awm loh aimah in Sakhuana leh rinna atthlak hian thil tha nge tha lo a thlen,mihring tan a hlauhawm thei em tih lam hi an buaipui ber zawk e.

                Eng pawh nise kan Mizo zingah pawh hian Pathian a awm ringlo kan awm nual tawh an ti. Chung Pathian awm ringlo  te chuan an rin loh vang tak tak nge ni ang a, Pathian hi awm lo se an duh zawk ni ang le ?Mi tam tak chuan Pathian hi awm lo se, thlarau pawh hi nei lo ila tih hi an suh dan a ni fo. Nang enge i dinhmun i ve le?

AMERICA SAWRKAR UFO THURUK:-

                UFO accident tuma mi chuangte ruang kha:-Khami kum kha New Mexico(USA)-ah chuan thli tleh nasat kum tak ani.Zan khat chu,thlipui atleh chiam a.Ruah sûr bur bur karah ranin neitupa Bill Brazen a chuan thilpuak ri mak tak a hria a.Atûk vartianah chuan a tho va,a ran vulhte an him nge him lo tih en thlithlai turin sakawrin a tlan kual vel a.Chumi tûk July 3,1947-a a thil hmuh chuan afarm chu khawvel pumah a hmingthan tir ta hluai mai ani.

                Bill Brazen a farm chu thingphel tê tak tê tê leh thîrphel pan tê tê in alo dâp tuarh mai a.Chûng thingphelte chu zâng tak,khawng bawk si ani a,hâl tum pawhin a kâng thei lova,atliak thei lo bawk.Thingnawi thenkhatah chuan hawrawp chhinchhiahna thil lêm te a chuang a.Thîr nawite pawh kawih kûl theih rual lohvin a khauh tlat.Brazen-a chuan thlêng lianpui keh chhe nuaih tawh hi a hmu bawk a,a hmun a va thlen chuan thilmak lehzual a hmu ta.Lei mihring ni si lo,mihring chi dang a va hmu tlat mai.Thlêng keh chhe bulah chuan an lo let hlâwm reng mai a.Thenkhat phei chu an lo la nung tiat tiat a,mahse an tawng thei lo.Brazen-a chu a tlan haw vat a,sheriff a pun ta a.Ani chuan a bul hnai Roswell Army Field hmunpui chu a hrilh nghal bawk a.

                Chu thil enfiah tur chuan Intelligence Chief Major Jesse Mercel-a hovin an thawk chhuak a.Ambulance motorin chung kâng thi ruangte chu hmun dangah an phur sawn a,thlêng kang chhia te chu sipai motor lianin an vai khawm a,an phur ta a.Chulai hmun pawh chu tuma tlawhpawh phal loh turin an vêng nghal a,farm neitu Brazen-a pawh athil hmuhte hi tuma hnena hrilh hauh lo turin a kâ an hup hmiah bawk.

                Chu thil thleng chu hup bo hmiah ant um nak alaiin,Roswell sipai hmunpuia Public Information Officer Walter Hant-a chuan an Commander thu hmu hmasa pawh nichuang lovin,June ni 8 chuan chanchinbu mite hnenah thuchhuah(Press release) a siam ta mai a.Chû a thu chhuah chu hei hi ani."TITI-A THLÊNGTHLAWKTHEI AN SAWI THIN CHU NIMIN MAI KHAN A TAK A NIHZIA HAI LAN A NI TA, HE LAI VELA RANVULHTUTE TANPUINAIN THLENG(SAUCER)PAKHAT CHU BOMB GROUP 509 NAA INTELLIGENCE OFFICER CHUAN A KAWL THA TA KHIAU MAI.

"CHU THIL CHU KAR HMASA KHAN ROSWELL BUL LAWKA FARM PAKHATAH A TUM A.LO NEITUPA INAH LAK KHAWM ANIH HNUIN MAJOR MERCEL-A'N THUNEITU SANG ZAWK AH A HLAN A,ROSWELL ARMY AIR FIELD AH ENDIK A NI"tiin.

                Chu chanchinthar dangdai tak mai chu khawvel hmun tinah chanchinbuahte an thehdarh ta chuai chuai mai,chutianga thil alo kal tâkah chuan,army-ho pawh chu chiangkuang zawka thu chhuah tha leh lo thei lo dinhmunah an awm ta.Mahse,thu an rawn chhuah leh chuan an thu chhuak a dang ta daih mai.Roswell leh Washington lam atangin hnialna thu an rawn thawn zut zut ta mai."Kha thil kha Rawin balloon     keh chhia mai ani"tiin.

                Chuti taka thup bona thû leh hlâ mipui an fah hnu chuan boruak pawh aziaawm deuhva mahse UF0 chhuitute ngaih erawh a tha thei hauh lo mai.Lehkha ziaktu hmingthang Charles Berlitz-a chuan he thil thleng hi uluk takin a chhui zui nghe nghe.Chuta athil hmuhchhuah chu Wiliam Moore-a nen a buin an chhuah ani.

                Chu lehkhabu ah chuan sawrkara thawk engineer pakhat,July ni 3 tûka Roswell-a thilthleng pawh a hmunhma ngeia va hmu hmasa pawla tang Grady Barney Bernet a thusawi pawh a tarlang.Barnet-a sawi danin,chu thlengthlawkthei len lam chu ft.25/30 bial vel ani a.Mitthi ruang tla hlâwmreng te endik turin sulhnu hlui chhuimi te pawh an tel,an lu te chu a biala,an mit a zim deuh va sam an nei lo thung,an taksa phû lohin an lu te chu a lawk bâr hlawm,kawr leh kekawr inzawm rawng uk,zipper emaw kawnghren emaw pawh awm lo an ha a,mipa ang deuh vek an ni.Kutin ka va khawih hlawm nghe nghe.Chutia ka thlir reng lai chuan sipai officer motor lianin alo thleng ve a,a rawn intithûsa ta nghal a,sipai thuhnuaia dah a nih thu a sawi a,midangte chu lo kiang turin ahrilh bawk. 

                       

BIBLE  QUIZ  No. 75

Matthaia bung 26 - 28

A kâr âwl dah khat rawh :

Q1. Nimahsela, “Kut chhung chuan ni suh se, chutilochuan ___________________ zingah buaina a lo awm dah ang e,” an ti a.

Q2.Tin, chhang dawidim telh loh ni, ni hmasa berah chuan zirtirte chu Isua hnenah an lo kal a, “_____________________________ chaw eina turin khawiah nge buatsaihsak che ila i duh?” an ti a.

Q3.Tin, puithiam lalte chuan tangkate chu an la a, “Hei hi thawhlawm bawma dah a thiang lo ve, ___________________ man a ni si a,” an ti a.

Q4. Tin, ngai teh, Isuan anni chu a tawk a, “Chibai u,” a ti a. Tichuan anni chuan a ____________________ chu an va vuan a, chibai an buk a.

Q5.  “Zanah, kan muthilh hlanin, a zirtirte chu an lo kal a, amah an _______________ ta a ni,’ ti ang che u.

A bung leh châng dah rawh :

Q1.Tin, Petera chuan Isuan, “Ar a khuan hmain nangin vawi thum mi phat ang,” a tih thu kha a lo hre leh ta a. Tin, a chhuak a, a tap ta zawih zawih a.

Bung: ________         Chang: _________

Q2Chutichuan vengtu sipaite nen an va kal a, thlan chu an ven thattir a, lung chu an chhinchhiah a.

Bung: ________         Chang: _________

Q3.thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang,” a ti a.

Bung: ________         Chang: __________

Hming  : ____________________________

Section : ____________________________

BIBLE QUIZ  NO. 74 RESULT

Chhanna lut zawng zawng      : 3

Chhang dik vek            : 3

Lawmman dawngtu      : C.Lalrinsangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni. KRISTIAN |HALAI PAWL AIZAWL CHHIM PRESBYTERY MEET VAWI 4-NA PROGRAMME

A hun: 6 & 7 June, 2015

A hmun: Hlimen Kohhran Biak In

June 7, 2015 (Pathianni)

10:00am: Pathian biak Inkhawm

Hruaitu: Pu K.Lalrinkima

(Committee Member)

|antu: Tv. PC Lalruatfela

(Committee Member)

Thusawitu: Rev. H.Lalrinmawia

(Moderator)

Zaipawl:    1.Hlimen Pastor Bial

      2.Mission Veng Pastor Bial

      3.Mission Veng Kohhran

      4.Hlimen Damveng Kohhran

      5.Tlangnuam South Kohhran

      6. Lungleng I Kohhran

1:30pm: Pathian biak Inkhawm

Hruaitu: Nl. Mimi Zohmingmawii

(Treasurer)

|antu: Tv. Lalrimawia

(Committee Member)

Thusawitu: Upa Zonunmawia

(General Secretary, CK|P)

Zaipawl: 1.Lungleng I Pastor Bial

      2.Kulikawn Vengthlang Kohhran

      3.Hlimen Vengthar Kohhran

      4.Tlangnuam West Kohhran

      5.Melthum Kohhran

Inkhawm ban inpawlho

Hruaitu: Tv.Zothankima

(Committee Member)

Thupui: ‘Zu chungchang’

Zirpuitu: Rev. Chuau\huama

(Ramhlun Vengchhak)

Solo: Hlimen Pastor Bial

7:00pm: Pathian biak Inkhawm

Hruaitu: T.Upa C.Lalrinmawia

(Vice Chairman)

Thusawitu: Pu Vanlalauva

(Chairman)

Zaipawl: 1.Tlangnuam Pastor Bial

      2.Kulikawn Kohhran

      3.Samtlang Kohhran

      4.Thakthing Veng Kohhran

      5.Hlimen Kohhran

Inkhawm ban inpawlho

Hruaitu: Tv. R.Lalawmpuia

(Committee Member)

Thu tawi: Pu Henry C.Lalrawnkima

(Committee Member)

Items: Skit-Hlimen Pastor bial

Male Voice-Mission Veng Pastor Bial

Live Band-Kulikawn Pastor Bial

Live Band-Tlangnuam Pastor Bial

Drama-Lungleng I Pastor Bial

            ENTLANG

   Ka entlang chu ka han en a, mei alh nasa tak mai ka hmu a, chu mei alh chu eng emaw ch^ng chuan a in hl^wm kh^wm a, nasa takin a alh \hin a. A bul vela kang velo chu a lo hliau kai \>p \hin a, mahse a hliau kai hma chuan chuai leh \hin hian ka hmu a. P^wl p^wl ang deuh te hian an lo alh leh thliai thliai \hina. A chang leh sin te tein an lo de sep sep \hin bawk a. A awm zia ka hriat loh >m a vang chuan ka entlang chu ka la sawn a. A hnuah chuan ka entlang chu ka han en leh a, mipui tam tak Pathian faka hlim taka an lam mup mup mai hi ka hmu leh ta a. Tichuan, mit pawh khap lek lo chuan ka entlang chu ka en ta ngar ngar ngar a.  Pathian Thlarau thianghlim hna thawh chu a a vir mup mup hian ka hmu a. Chutih lai chuan  mipui lam mup mup karah chuan thildum lian pui a lo tla a, chu thil dum lo tlak a\ang chuan mipui lam chu an in nam sawk sawk a, an mahni leh an mahni chu an inbei ta mur mur mai a. Mi \henkhat lah chuan hmuhnawm thlirin  an thlir a. Ka dik zawk, tiin an in hnial luih luih mai bawk a. An chunga Thlarauthiang hlim chu ngui ruai hian ka hmu a, ka \ap chhuak hawk a, ka entlang chu ka en ngam ta lo va.( Tun hun hi Kohhran hote kan \an hun tak a ni. Kohhran hovah Thlarau thianghlim hnathawh a nasat viau lai hian Setana hian min tihchhiat hi a tum reng a ni. Inthlahdah thei kan ni love. Ed)

TUALCHHÛNG

, Pu Lalnghakliana (T.Sec) chu damlohna avangin Referral Hospital-ah enkawl mêk a ni.

, Tv. Lalmuanpuia s/o Siammawia (Ch.Sec) chu Electric Current man avangin Greenwood Hospital-ah enkawl mêk a ni.

, Pu Roliana h/o Hmingi (Bethel Veng, T.Sec) chu damlohna avângin Civil Hospital-ah enkawl mêk a ni.

, Pi Biaksangi m/o Chawngi (T.Sec) chu damlohna avânga Referral Hospital-a enkawl a nih hnûin alo chhuak.

, Pu Lalrempuia h/o Runhleikimi (Ch.Sec) te chuan Hlimen Urban Hospital-ah a pakhatna atân fapa duhawm tak an nei thar.

, Pu Thangluaia h/o Vanlalbiaki (Ch.Sec) te chhungkua chuan an insak thar (Ch.Sec) ami chu an luah lut fel ta.

ZAIKHAWMPUI

            Nimin ni 6.6.2015 (Inrinni) khân Prsbyterian Kohhran chuan Zaikhawmpui neiin nilenga Pathian faka zaikhawmpui hun an hmang.

TBZ NEIHTHIL THEHKHAWM

A hmun: Pu Khawlhmingliana In

A hun: 8.6.2015 (Thawh\anni zan)                            Dar 7:00pm

Hruaitu: Pu Ngura Sailo

|antu  : Pu Thangbawiha

HMANGCHANG

# Mombati hi hman hmain fridge-ah dah hmasa ila, a >ng fiah bik.

# Alu chips siam d^wnin t>lah soda tlem telh ila a ram \ha duh bik.

# Thawmhnaw v^r lam chi hi tui soah soda tlem telhah chiah i la a lang v^r \ha duh bik.

# Zan mutnaah thosil>n z^r t<r a awm loh chuan current off lo ila, thosi an che na lo zawk. A theih phei chuan bulb bulah puan eng(Yellow) khai a tha.Thosi hi rawng engah an mit a fiah lo tlat.          

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330