MIPUI
AW
KARTIN CHHUAK
Vol.
XX Issue No. 51 Kristian |halai
Pawl Saikhamakawn Branch Pathianni Dt.21.12.2014
VAWIIN
CHÂNG VAWN
Pathian Fapa Isua
Krista Chanchin Tha thlen tantirhna chu, Zawlnei Isaia lehkhabuah,
“Ngai teh, ka tirhkoh i hmaah ka tir
a,
Ani chuan i kawng a siam ang”
Thlalera mi au rawl chuan,
‘Lalpa lamlian sial ula,
A kawngte tingil rawh u,’ a ti,”
KOHHRAN PROGRAMME
21.12.2014 (Pathianni)
Sunday School
|antu :
Pi R.Zothanmawii
Zirlai
46-na : Chibai b<kna
hnuhnung
Chawhnu inkhawm
Thuhriltu : Pi
Khawlvuani
Zân inkhawm
Thuhriltu : Upa
C.Lalmuankima
Thawh\anni zan
(Sacrament zirlai lawmluh inkhawm)
Lawm
luttu : Pastor C.Sapkaia
Lalpa zanriah Sacrament a awm nghal
bawk ang. Tin, thawhlehni zan a\ang hian Kohhran Christmas
Programme hman \an a ni ang.
KOHHRAN MIPUITE NGENNA
Kan
Kohhran Biak In chu chei niin Christmas Tree te siam a ni a, hêng hi Current
pêk a tih ên a ni a, Current hian mi a man chuan chhiatna leh thihna hial
thleng thei a ni a, chuvangin hêng thil cheimawinate hi lo khawih mai lo tur
leh Electric wire-te hi lo tawk lo hram turin kan inngên a, nu leh pa te pawhin
kan fate khawih lo turin kan inhrilh dawn nia.
SERMON
K.Fakawma
Nu
(Luka 1:30-33)
ISUA KRISTA pianna tur hian nula
thianghlim tam tak zingah Mari hi Pathianin a rawn thlang nalh mai a, Mari hi
engvanga thlang bik kher nge a nih kan ngaihtuah ngai em aw?
Mari hi a nungchang a thianghlim em
em mai a, a inngaitlawm hle a, a Pathian a zah thiam hle a, Juda te dan khermei
tak pawh a zawm thei zel a, a chhungte leh a pasal hual Josepha te pawh a zah
thiam hle a, tin, a rilru \hatzia a lanna chu nungcha te leh pangparte pawh hi
\hian ang maiin an bula awm nuam a ti hle \hin a ni, an ti. Hetiang ang taka
Pathian \ih mi, mi inngaitlawm anih avangin Vantirhkoh Gabriela meuh pawhin
“Chibai, vohbik, Lalpa i hnenah a awm” alo ti hial a ni.
Eden bawhchhiatna avanga keini
hringfate boral mai tur chu Lalpan phal lovin a mihring siamte anga lo changin
ranin tlawm takah lo piangin, bawih anga inngaitlawmin thi khawp hial a; a Pa
thu zawmin thihnaah pawh thina mualphothlak ber a awn thlang a, kan sualna leh
bawhchhiatnate min rawn chhandam turin a rawn kal a ni.
Keini ve hi ahn in en ve ila,
hetiang taka hrehawmna te, mualphona te tuar a min tlanna hre reng si hian fel
ber leh \ha ber anga inngai ang mai hian kan unaute sual sin tum a piangthar
tirte chungah kan thunun e, ka hnawtchhuak e kan lo ti a, anla piang tir bawk
nen kan thununna lamah hian beidawnna ruamah a hma aia sualna zawkah kan dah
ang tih a hlauhawm hle a ni. Pathian fakleh inkhawmte kha naum an ti vei vei
nen. Pathian thu awih inti takin kei nin kan lo hrem ta sia Lalpa Pathian lung
kan ti awi lo ang tih a hlauhawm hle a ni.
Bible chuan mifel 99 sim chuan tur
nei lo aichuan, misual sim pakhat chuangah vana mi an lawm zawk a ni a tih kan
hria a, uire nu denhlum tur an rawn hruai pawh khan engmah sualna nei lovin
deng hlum hmasa rawh a ti a, an awm lo anih kha, keini pawh hi kan sualna te
min hriatsak lovin amah kan rin a kan la pianthar chuan min lo ngaidam ta a ni.
Isuan engtinnge a sawi kha? Mifel
takte lama tura lokal ka nih ring suh u, misual te zawk lam tura lokal ka ni
zawk a ti anih kha.
ISUA kan tana alo pianna chhan hi
kan hre duh lo anih chuan kan chan tur chu chatuan meidil a ni mai.
Pathian hmangaih nih kan duh chuan
Lalpan misual simte a hmangaih ang hian keini pawhin kan hmangih ve tur a ni.
Lei leh van siamtu chu a mihring
siamte anga alo channa chhan chu keini misual fate, mi bawlhhlawh tak tak awm khawm
vuak duk chur leh pan hnai la ang maia mi tenawm kan ni a, mahse, min
hmangaihna a nasat em avangin kan boral phal lovin ranin tlawm takah lo piangin
kei nin pianna atana kan duh lohna turah alo piang ta ni.
A tlansate pawhin an fak nin loh
nuamsa taka awm thei kha keini hringfate boral phal lovin hrehawmna leh
hmuhsitna leh tihduhdahna a rawn thlang ta zawk a ni. Chuvangin kan tana alo
pianna hi unau inhmangaihna atan i hmang \heuh ang u. Halleluiah, Amen.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Birth Day lawm...
Mizote hian Birth Day lawm hi kan intih hmuh hle mai a. A
tlangpuiin khaw khat /vengkhata awm thei deuh phei chuan kan fate emaw kan nu
leh pa te, kan pi leh pu te birth day thlengin kan lawm \hin. A ti thei tan
chuan eng mah a pawina hran phei chu a awm chuang lova. A mah erawh chu birth
day kan lawm reng reng chuan a birthday neitu kan ngai pawimawhin atan thil tam
tak kan pein chibai kan buk \hin. Chhungkaw \henkhatte phei chuan urhsun takin
\henrual \hate sawm khawmin kan lawm \hin a ni. Hengte pawh tu sawisel chi mah
a ni chuang lo ve. Kan ngaihhlut mite tana thil kan tih sak hi a ropui hle a
ni.
A nih leh tunah hian tu birhday nge lawm tura kan
inbuatsaih le? Chh^n kher ngai lovin kan hre \heuh awm e. Nu pakhat chuan “Phaiah
ka zin a, ka underpand ka theihnghilh a vangin ka va lei a, Cheng 100 a lo ti
a. A tukah ka va lei leh a, cheng 60 a lo ti leh si a, enge a chhan ka zawt a.
Dawr neitupa chuan ‘kan pathian nu Birthday a ni a, kan pathian nu hian
mirethei te a ngaihsak em avangin he mi ni hi chuan kan thil zawrh reng reng
chu hlep pawh nei lovin kan zuar \hin. Mahse, ni dangah chuan cheng 100 kan ti
leh ang’ a ti e,a ti a.”A mah vek chuan “ Kan Pathian Birthday kan lawm hian
keini Mizote hian kan thil zawrhte hi kan duh ang angin kan chhiara, Mas a zawh
chuan kan sale leh sup sup lawi si a.” a ti a. Ngaihtuahna a ti thui hle mai, a
birth day kan lawm sak Isua Krista hian eng tin min ngai ang maw?
Chrismas kan hman hian, enge i hman chhan chiang la,
a phawvuaka lo tal ve ringawt tur kan ni em tih in enfiah ang u.Isuan a
birthday lawm turin a sawm che a, eng tiangin nge i lawm dawn le?
ARTICLE
BETHLEHEM ARSI
(Chhunzawmna)
Khawchhak
mifingte Chanchin |ha Matthaia ziak a ‘Magi’ tih hi ‘Mifingte’
(Wisemen) ti a lehlin a ni tlangpui a. Amah erawh chu Arsi chanchin
thiam (Atronomer or Astrologer) a nih zawk hmel. Hmanlai khawchhak ramah te
chuan Arsi chanchin thiamte chu lal thurawn petu, lal rorelnaa mi pawimawh tak
an ni \hin. Mifingte chu khawchhak a\anga lo kal tiin Matthaia’n a sawi a,
chuvangin mi \henkhat chuan Mesopatamian, tuna Irag a\angin an nih an ring.
Ngaihdan dang leh chu
heng mifingte hi Isaia 60:1-7 ; Sam 68:29 leh 77:10-a hrilhlawkna thlen
famkimnaah ngaiin hnam dang lal(kings) nia ngaih an ni bawk. Matthaia hian
mifingte hi engzatnge an nih a tar lang lova, amah erawh chu an thilpek pathum,
Rangkachak, Beraw leh Mura te hian mi pathum an ni tih ngaih dan a siam a ni.
Chuvangin ‘ mifing pathum’ emaw ‘lal pathum’ ti a hrit an ni \hin. Hmanlai
thurochhiah bu pakhat chuan heng mifing pathumte hming leh an lo kalna ram
chenin a tar lang. Hetiangin, Melchior; Persia, Casper; Ethiopia leh Balthazar;
Arabia, tiin. Mifing ten Isua Krista chibai an bukna hriatrengnan Khawthlang
Kohhran \henkhatte chuan Chrismas hi ‘Ephiphany’ tiin January ni
6-ah an hmang \hin.
Hmanlai mite chuan
van lam arsi khawvel leh leilunga thil thlengte hian inzawmna nei tlatin an lo
ring a, mi ropuite an lo pianin thil makin a zui ziah \hin niin an ring. Greek
leh Rome pasal\hate lo pian pawh khan he tiang deuh hi a thleng ni a sawi a ni.
Chutiangin kan Lal Isua lo pian pawh khan mifingte hruai turin Arsi a lo in lar
ngei tih kan Bible-in chiang takin min hrilh a. Khawvel mifingte chuan
Bethlehem Arsi chungchangah ngaih dan hrang hrang thawh chhuak mahse, a
pawimawh ber chu kha Arsi khan mifingte chu Nausen Isua hnen a hruai thleng
ngei tih kha a ni. Kei ni ringtute pawh he Bethlehem Arsi ang
hian kawng bote hruaitu leh midangte Isua hnena hruai thleng turin Lalpan min
duh a ni.
Tin, mifingte kha
khawchhak mi (hnam dang mi, foreiners), an ni tih tar lan a ni a. Hei hian Lal
Isua kha Juda hnam tan chauh ni lovin, hnam zawng zawng tan a ni tih a ti chiang
bawk. Mifingte kha Arsi chanchin thiam, khawvel ngaiha mifing tak chu an ni
ngei mai. Mahse, an finnate khan Isua hnen a hruai thleng zo lova, Bethlehem
Arsi hruaina chauh kha Isua hnen an thlen theihna awm chhun chu a ni. Jerusalem
an thlen khan Arsi hruainaah inghat mai lova, an finna hmanga ( lal ropui lo
piang chu Heroda’n a hre ngei ang ti a) Heroda awka an va dawn khan nausen tan
hmelma lian ber an va chawk tho ta a ni. Kan finna leh thiamnate hian Isua
hmelma Isua hnen min hruai thleng thei lova, chapona, Isua hmelma bak a chawk
tho ngai lo. Isua chauh kha kawng (Joh14:6), Pa hnen min hruai thleng tu ‘
Bethlehem Arsi’ chu a ni.
BENGTI VÂR
BIBLE HRIAT ZAU NÂN
*
BIBLE hi bu 66 fin khawm a ni a. Thuthlung hlui hi bu 39 a ni a, Thluthlung
thar hi bu 27 a ni. * A bu pum puiah bung - 1189 a awm
*
Thuthlung hluiah bung - 929
*
Thu thlung tharah bung – 260
*
Thuthlung hlui chang – 23216
*
A bu pum puiah thu mal – 773692
*
Thuthlung tharah thu mal – 181253
*
Thuthlung hluiah hawrawp – 2728800
*
A bu pui a chang lai hâwl - Sam 18:8
*
Bung tawi ber chu - sam 117
*
Chang tawi ber chu - joh 11:35 ( Mizo bible ah chuan 1Thes 5:35)
*Thuthlung
hlui bung lâi ber - Joba 29
*Bu
lâi ber – thufingte
*
Chang lâi ber - TT. 17:17
*
Esthari bu ah “PATHIAN” hming alang lo
*
LALPA tih thumal hi \um - 1855 a awm.
*
King james version ah chuan Davida hming vawi 1119 a awma, Tirhkoh paula hming
vawi 385 a awm ve.
*
A bu pumpuiah “DAN” suh/ rawh hi vawi 613 a awm.
*
Thuthlung hluiah “THLARAU THIANGHLIM” tih hi vawi 3 chiah a awm .
*
A ziak tu hming zat 36 ti an awm a, 40 ti te , 44 ti tâwk an awm bawk.
*
BIBLE ziah hun chhung hi B.C 1513 A.D 98 ani (kum 1600 chhûng a ni.)
*
LALPA tih hi vawi 8000 a awm a.
*
Kum khatah ni 365 a awm angin, hlau suh tih ang chi fuihna \awngkam hi vawi 365
a awm. Chuvangin ringtu te chu hlau tur leh zâm tur kan ni lo.
*
BIBLE society an din \an kum chu A.D 1804 ah a ni.
*
Thuthlung hlui BIBLE tia an pawm tan kum A.D 90 ah ani.
*
Thuthlung thar BIBLE tia an pawm \an kum A.D 400 ah a ni.
*
Latin \awngin A.D 400 ah an ziak.
*
English in A.D 1382 ah an letling.
*
HOLY BIBLE khâwl chhuta an chhut hmasak ber A.D 1450 ah ani.
*
Mizo in BIBLE kan nei ve kum A.D 1918 ah a ni.
*
KRISTIAN tih hming kan putna hmasa ber chu antiokei khuaah a ni.(TT. 11:26)
*Abu pumpuiah châng – 31175
*
Thuthlung tharah châng – 7959
*
Thuthlung hluiah thu mal – 592439
*
Abu pum puiah hawrawp – 3567180
*
Thuthlung tharah hawrawp – 838380
*
Bung sei ber chu - sam 119
*
Châng sei ber chu - Esth 8:9
*
Châng lai ber - 2chro 1:1
*
Thuthlung thar bu lâi ber - Rom 12:13 .
(
Source: https://www.facebook.com/ )
BIBLE QUIZ
No.51
DANIELA-
6-10
A
kâr âwl dah khat rawh :
Q1. Chutichuan he Daniela hi Daria rorêl lai leh Persia mi
____________ rorêl lai chuan a hmuingîl ta hlê a.
Q2. Hei hi thil tâwpna chu a ni.
Kei Daniela hi ka ngaihtuahna te chuan mi tibuai a, ka hmêl a dâng a; mahse ka
rilruin ___________ chu ka vawng reng a.
Q3. Tin, kei Daniela chu ka chau va; tin, ka tho va, lal chu mak ka ti
êm êm mai a, mahse tuman an _____________________________ lo.
Q4. Tin, hapta khat atân mi tamtak
hnênah thuthlung nghet tak a siam ang a; tin, hapta chanveah chuan inthawinate
leh thilhlante a tibâng ang; tin, ti\iautu chu tenawmna ________ chunga chuangin
a lo kal ang a;
Q5. Mahse thudik ziaknaa ziak chu
ka hrilh ang che: hêngah hian, in hotu _____________________ chauh lo chu,
tumah mi \an tûr an awm lo ve.
A
bung leh châng dah rawh :
Q1. Tichuan, hotute leh thuneitute chu lal hnênah chuan an inhâwr
khâwm a, hetiang hian an sawi a: “Lal Daria, kumkhuain dam ang che.
Bung:
............... Chang:
....................
Q2. Chumi hnuah chuan, zân inlârnaahte chuan, ngai teh, sa palina
\ihbaiawm leh hlauhawm tak, chak tak mai ka hmu a; thîr ha ropui tak a nei a; a
ei buan buan a,
Bung:
................ Chang:
....................
Q3. Tin, kêlpa chu a intilian ta vak mai a; a lo chak lai tak chuan
a ki ropui chu a tliak ta a; tin, a aiah chuan ki langsâr tak pali, kawlkil li
hawiin an lo chhuak a.
.Bung: ................ Chang:
....................
Q4. Zahngaihna leh ngaihdamna chu Lalpa kan pathian chuan a nei, a
chungah hel ta mah ila;
Bung
.................... Chang
.................
Hming :
......................................................
Section :
.....................................................
BIBLE QUIZ NO. 50 RESULT
Chhanna lut zawng zawng :7
Chhang dik vek :7
Lawmman dawngtu: Lalnunpuii Hrahsel (T.Sec)
Bible Quiz chh^nna leh lâwmman hi
Circulation Manager C. Laldawngliana hnenah thehluh a, lam \hin tur a ni.
YMA HRIATTIRNA
Kum 2015 a YMA Member ni duh tân
vawiin ni 21.12.2014 ral hmain Membership Fee a la pêk theih a, Member ni duh
chuan a hnuaia mite hnênah hian
Membership Fee `.5/- pe in inziah luh tur a ni e.
Vanapa
Sec.: Pu C.Lalnunsanga
Taitesena
Sec.: Pu MS Dawngliana
Chawngbawla
Sec.: Pu K.Lalhuliana
Tin, mi tumahin puak thei thil lam
chi reng reng hâl lo tur leh naupang Silai lem (Mu kâpchhuak thei) ang chi
khawilaiah keng chhuak lo turin kan inngên bawk e.
LAWMTHU SAWINA
Ni 15thDec., 2014 zan dar
9:00 a kan farnu SAIZIKI SAILO boral chungchangah hian lawmthu sawi tur tam tak
a awm a, Civil Hospital-a Doctor leh Staff ten min buaipuina te leh \henrual
\ha min lainat a, sum leh thâ sêngtu zawng zawng te, a boral hnûa dawmdawi in
a\anga kan in min rawn thlentute, khawtlang mipui te, YMA nula tlangval leh
hruaitu ten phal taka kan veng Saikhamakawn ngêia alu nghahna atâna min phalsak
avangin kan lawm tak zet a, veng hrang hrang leh khaw hla tak tak a\anga min
lainattute zawng zawng chungah lawmthu kan sawi tak zet a ni.
Tin, hei mai pawh ala ni lo, Lungpho
leh Ngêntiang Kohhran mipui ten hunserh kan hman ruala Lungpho a kan inah; kan
in khatin hunserh min lo hmanpui ve avangin an chungah kan lawm tak zet a
ni.
Hêng zawng zawng avang hian Lalpa’n
malsawm \heuh che u rawh se.
In rawngbawlpui,
Ngurtaikhûma Sailo leh
VL Zidinga Sailo te chhûngkua
Saikhamakawn.
Lawmthu sawina
Kristian
|halai Pawlten Ni 15.12.2014 (Thawh\anni) zan a mi harsate \anpui nana Carol
kan neihah mi inphalte avangin `
17,700/- kan hmu a, lawmawm kan ti hle a. Heng mi inphalte chungah Kristian
|halai Pawl chuan lawmthu kan sawi tak meuh a ni. A mah erawh chu thihna avanga
carol theih lohna kan nei erawh pawi kan ti hle a ni. Khawhar chhungte pawh
Pathianin a awmpui ang tih kan ring a ni. Tin, Carol naa tel zawng zawng Kristian
|halai Pawl Member zawng zawng te
chungah lawm thu kan sawi bawk e.
Sd/- (LALDUHKIMA)
Secretary Kristian |halai Pawl
Saikhamakawn Branch
HRIATTIRNA
Kristian |halai Pawl Saikhamakawn
Branch Kum 2015 hruaitu tur te Ni 25.12.2014 ( Krismas ni) Chawhma inkhawm
banah Biak Inah thlanna neih tur a ni. K|P memberte a tam thei ang ber kal i
tum ang u. Inthlang tur zawng zawngin Pen ken \heuh bawk tur a ni.
KOHHRAN HMEICHHE HRUAITU THAR
Ni 16.12.2014
(Thawhlehni) zan khan Presbyterian Kohhran Hmeichhia te chuan kum 2015 atana
hruaitu tur thlanna an nei a, heng mite hi thlan chhuah an ni.
Chairman : Pi Khawlvuani
Vice
Chaiman : Pi Lalchhanhimi
Secretary : Pi Lalchhingpuii
Asst.
Secretary : Pi Zohmingthangi
Treasurer : Pi R.Lalthansangi
Fin.
Secretary : Pi Saithangpuii
BO CHHAR
Senior Hall-ah Sana chhar a ni a, a
ti bo chuan Tv. Lalfakzuala (Faktea) hnenah lam theih a ni e.
Kohhran
Zaipwl ten Thawh\an zan inkhawm banah hla zir leh tur a ni e.
TUALCHHUNG
,Pu
Lalbiakliana h/o Lalrampari (T.Sec) te nupa chuan an fa pahnihna atan Fapa
duhawm tak an nei thar.
,Pu
C.Lalhmangaihsanga h/o H.Lalfakzuali (V.Sec) te nupa chuan an fa pakhatna atan
fanu duhawm tak Synod Hospital Durtlangah an nei thar.
,Noell
K.C. Lalrinsangi d/o Zonunsiama Ralte (T.Sec) chu damlohna avanga Alpha
Hospital-a enkawl anih hnuin alo chhuak.
2014 ADVANCE CHRISTMAS HMANG ZO
Saikhamakawn Kristian
|halai Pawl Advance Christmas 2014 chu ni 18.12.2014 khân hman zawh a ni a, K|P
Mister 2015 atân Tv. Pc. Vanlalhriatpuia chu thlan tlin niin K|P Miss 2015 atân
Nl. Lalramnghaki thlan tlin a ni bawk. Tin, hei bâkah Thâibawih of the year-ah
Pu Lalchhandama chu thlan tlin a ni bawk.
THINGPUI LUM HUN
Saikhamakawn Kristian |halai Pawl leh Kohhrana amite
Christmas leh Kumthar hun lo awm tura kan thingpui lum hun tur chu Biak In
Notice Board-ah tarchhuah niin, en theih a ni e.
CHRISTMAS SPECIAL ISSUE
Mipui Aw chanchinbu hi
Christmas Special Issue tihchhuah tum a ni a, Christmas ni ah Mipui Aw semtu
ten semchhuah turin Circulation Manager hnênah lam tur a ni ang a, Christmas
Special Issue hi Mipui Aw la lo te hnênah pawh vengchhung in tinah sem tur a ni
e.
ADVERTISMENT
Layer ar lei duh tan
lei tur kan nei e. Puah lohin 1 Kg `. 200 a ni e.
J. Lalhmingliani
Ph.: 9862647993
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
