Mipui Aw 14.9.2014

MIPUI AW

KARTIN CHHUAK

Vol. XX Issue No. 37 Kristian Thalai  Pawl  Saikhamakawn Branch  Pathianni Dt.14.9.2014

KOHHRAN PROGRAMME

14.9.2014 (Pathianni)

Naupang Sunday School Inkhawmpui

Junior Department

Chairman       : T.Upa K.Lalnuntluanga (Com. BSS)

|antu              : Nl Lalrinchhani (Saikhamakawn Junior Dept. Zirtirtu)

Intihsiakna

Chawhnu Inkhawm

(Dar 1:00pm)

Result puan leh lawmman sem

Chairman       : T.Upa K.Lalnuntluanga  (Comt. BSS)

Thuchah tawi            : Upa Lalsanga (Comt. BSS)

Junior Dept. pumpui Zaipawl/ Changsawi rual

Lawmman sem

Zân inkhawm

Thuhriltu       : Pastor C.Sapkaia

                          Bialtu Pastor

TUNKAR  CHHUNG  BEIHRUAL THUPUI  ZIRTURTE (Ni 15-20)

Ni 15 Zan :  Huatna

Ni 16 Zan :  Zu ruihna

Ni 17 Zan :  Vervekna

Ni 18 Zan :  Ei leh in insum loh pawi zia

Ni 19 Zan :  Huaikawm bawl \hat loh zia

Ni 20 Zan :  Mahni hmasialna

PATHIANNI  LEH  TLAI  K|P

FELLOWSHIP  PROGRAMME

( Ni 21. 9. 2014)

A hmun          : SS Hall

Hruaitu           : Pu Lalduhkima

Tantu              : Tv. Lalmuanpuia S/o Siammawia    

            

SERMON

RAWNGBAWLTU TLING CHU TUNGE?

Pc. Vanlalhriatpuia

      I Korinth 1: 26- Unaute u, a kohna che u hi ngaihtuah teh u, tisa lama mifing tam tak te, mi chak tam tak   te koh an nih loh zia hi...

            Rawngbawltu kan tih hian mitam zawk ngaihdan chuan Kohhran hruaitu te, KTP hruaitute, Kohhran hmeichhie hruaitute emaw kan ti deuh kher \hin a, tute nge Pathian rawngbawltu chu tih hi kan hriatchian a ngai hle mai. Lei leh van lal ber leh he khawvel  leh a chhunga awm zawng zawng siamtu tana thawk tur chuan tu nge he lei mihring hi tling zo  ang le? mahse Pathian chuan a rawngbawl tu atan min thlang a min ruat si a nih hi. Tumah hi kan thiamna vangte kan hriatna vangte kan fin vangte hian Pathian tan kan tling ngawt lo, tin, Pathian tana mi tling lo hi kan awm ngawt lo bawk. Engvang tak in nge Pathian tan a mi tling kan lo nih ngawt mai le, a va ropui si em.

            I Korinth bung 1: 27 ah chuan Pathianin mi fing te, mi chak tam takte, mi fel tam takte koh an nih ngawt loh zia kan hmu a. A thu a kawi a ngil a kan zawm mai hian Pahian tana tling kan lo ni mai zawk a ni. Pathian hian mifingte, khawvel a mi ropuite, mi thate chauh thlang dawn ta sela chuan keini tan chuan kawng a in hawng ve lo tihna a ni mai dawn si a. Kan Pathian hi mi duhtui, mihring te rawn ngailo, a duh anga kal mai thin a ni a, a rawngbawl tur pawh hian amah vek in min buatsaih a ngai a ni. I thu ang zelin ka chungah thleng rawh se tih mai hi rawngbawltu \awngkam tur chu a ni mai zawk a ni.

            Mihringte finnate, remhriatnate, ka chak kan tih ve thin na te, kan in tih thlarau mi na te, kan in tih pianthar na te, kan in tih rawngbawltu na zawng zawngte hi Pathian hian a lo thlang reng reng lo. Mi Pathian hma a amah a in hmuh chian tak tak chuan eng ang a lehkha thiam pawh, eng anga hausa pawh nise  engmah anih lohzia a in hrechiang a, Pathian tello chuan a mi mawl mai a nihzia leh a rawngbawltu atan a tlin loh zia a in hmu chiang \hin.

            Lalpa i tello chuan ti tlat nun hi a ni Pathianin a rawngbawltu atan a tling a tih chu ni. Chaklo leh tlinglo chung chung pawhin Pathianin a rawngbawltu tur atan a thlang ve tih an in hriat avangin lawm chungin Lalpa rawng an bawl thei \hin a ni. An peih emaw an peih lo emaw an hmaa tih tur awm apiang Pathian rinchhan chung zelin rawngbawl hna an thawk a, chu chuan chakna ata chak lehzualnaah a hruai lut \hin.   

 

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

Chhungkaw dinhmun  rel  fel

            Khawvelah hian chhungkua hi engzat nge awm ang aw tiin ka ngaihtuah mai mai a. Chung chhungkua zawng zawngte chu in enkawl dan leh inkaihhruai dan a in ang lo viau mai thei e. Kan hriatphakah leh hriat theih chinah pawh chhungkaw rorelna fel leh \ha a sei lian chu an hriat  theih viau awm e. Kan veng chhungah pawh hian tute chhungkua nge buai a, tute chhungkua nge fel sawi dawn ila sawi tur kan hre \heuh ngei ang.

             Chhungkaw tam takte kehdarhna chhan leh inhnial buaina chhan tamtak chu chhungkaw rorel dan leh kalphung \hat tawk loh vang a ni tlangpui. Amaherawh chu chutiang mi chhungkuate chu; chutin khatin ti rawh u zuk tihsak ngawt kha thil fel ber pawh a ni chuang lo. Mahni chhungkua \heuh in enlet a ngai a ni.

            Hmeichhe lalna chhungkua hi a buai deuh tlangpui em? Tin, pa berin mo  a duat luatah a fa dangten an thik phah \hin em? Kan fa mo chu engang mi pawh nisela, duat lutukna hian chhungkaw rorelna a tichhe thei. Chhungkuaah chuan roreltu Pa ber a awm ang a, chu mi kaihhruai dan azirin chhhungkaw nunphung chu a awm ang. In hrang chang tawhin inpuiah rorel a la tum tlat pawhin  chhungkaw rorel hi a buai thei viau lawng maw. I chhungkaw dinhmun rel fel rawh le. 

           

ARTICLE

CHET DAN MAWI

IN-AH

           

            Mahni in \heuh hi kan awm tamna ber a ni a. Chhungkaw nuam leh  chhungkaw hlim kan nih theihna turin a chhunga cheng ten kan zir a ngai a ni. Kan chhungkua \heuhte hi sapin “ Sweet Home” an tih ang tak hi a lo nih theih nan heng thil pawimawh \henkhatte hi hria ila, min pui thei tu chu a ni ve ngei ang.

1.         I nu leh i pa duat la, \hutna nuam kian \hin ang che. Nu leh pa duat thiamte hi mi ngaihsanawmte an ni. Kan naupan laia kawng engkima min lo enkawltu leh duattu te hi keini pawhin kan duat let ve hi an phu a ni. Kum upa tawh (Tar) miten engahmah an ngaih tawh loh ni mahse a duattu tur chu an tu leh fate hi kan ni.

2.         I chhuah dawnin i kalna tur chhungte hrilh \hin ang che. Rikrum thilah pawh a \ul \hin. Kan len hlanin tu emaw pawhin min hmuh an rawn tum thei a, chhungten kan kalna chin an hriat miah loh chuan a fel lo thin. Vanduai thilah pawh awmna in hriat tawn miah loh chu a fel lohna a awm \hin.

3.         In chhungkaw thuruk pawn lamah an sawi ngai lo. Chhungkaw hrang hrangah hian thuruk mite hriat vak chi loh neih hun a awm \hin. Chung thil pawn lama lo sawi chhuah zung zung chu a pawi chang a awm \hin. Entirnan- nupui/pasal neih tum chungchangah te pawn lam mi la hriat rih loh atana duh hun a awm thei. Thil chian tak tak hma chuan lo la sawi chhuah loh hun a awm \hin a ni.

4.         Mi dang hnenah i chhungte chanchin \ha lo lam zawngin an sawi vak ngai lo, uar zawkin an sawi chhawng leh duh fo \hin a ni.

5.         I chhungte leh unaute chungah hawihhawm tum fo la, lawmthu sawina \awngkam ui suh ang che. A tlangpuiin pawn lamah chuan mi chungah pawh lawmthu sawina chang kan hre viau va, inchhung khurah erawh lawmthu inhrilh nachang kan hre duh lo khawp mai, hei hi changkan lohna entirna a ni. Inchhung khurah pawh lawmthu inhrilhna awmah chuan lawmthu kan inhrilh fo tur a ni.

6.         Chhungte hnathawhna hmun a\anga an lo hawin hlim hmel taka lo ‘welcome’ \hin tur a ni. Chhuakvakte hi In thlen hlan nghal hlel takin an lo haw \hin a, lo dawngsawngtu \ha tak an lo awm chuan nuam an ti hle \hin. Nupa chungah phei chuan hei hi a pawimawh leh zual a ni. Ei zawngtu berte lo haw phei chu \ha taka lo dawnsawn a, thingpui lo pek nachang hriatte hi a fin thlak hle \hin.

7.         Inleng neih laiin chhungkaw invin khu khu a mawi lo. Inlengte tan a nuam duh lo khawp a ni. Kan lenna chhungkua an hlim viau chuan a nuam a, len leh pawh a chakawm \hin. Thinrim hmel leh phun hrat tak an awm erawh chuan a nuam ngai lo a ni.

( Chhunzawm tur)

BENGTI  VÂR

                TAK TAK NI MAW!!!

@@ Vai hmarcha hi hnahthial hnah chungah dah la, bawkbawkin a rawt sawm vek theih.

@@ Thingthupui emaw chawhmeh rimna chi hmeh hi chuan chaw eikham hnu hian kurtai hi an ei zauh i la a rim zual pui hi a ti reh ve thei. Chutiangin purunsen pawh hi ei chuan kaaha rim a chamrei thei viau a, sawhthing han ei leh zauh i la a rim hi zuk reh hlauh thei a!!

@@  Tun hnaia Mizorama natna lar tak pakhat chu ‘rannung seh’ natna hia ni awm e. Heng natna kaidarh theitu rannungte hi saphihrik te, uihli te, tuhrik kan tih ang chi te hi an ni a. Heng rannung kawchhungah hian a hrik a in thlah pung a, mihring an sehin natna hrikte hi  mihringah a lo lut ta \hin a ni. Heng rannungin min seh chuan a sehna hnu a lo dum a, chu chu dum lian zelin a bul vel a lo sen \hin. a sehna bul vel leh hmun dangah bawl sen a lo \ai darh thei bawk. Hetiang a nih chuan Doctor pan pui vat tur a ni.

@@ Khawvel pumpuiah hmeichhia hian mipate aiin beng \ha lo leh mit \ha lo an vei hma bik.

@@ Nitin hian nau neih leh naupai kaihhnawih vangin  hmeichhia 1600 vel thi ziah ang a chhut a ni.

@@ Kumtin hian khawvel  hmun hrang hranga hmeichhe tleirawl maktaduai 14 vel chuan nau an pai ziah ang a chhut a ni a. Heng zinga 90% chu ram changkanga cheng a n ni.

@@ Chukchu ke hi bung mahse a dang a rawn \o leh thei.

@@ Skeibaknei hahum hi melnga(5) dan a\ang pawhin  a hriattheih.

@@ Phengphehlepin thil tui leh tui lo a hriatna hi a ke lamah a awm daih.

BIBLE  QUIZ  No.37

JEREMIA 40-45

A kâr âwl dah khat rawh :

Q1.LALPA Israel Pathian chuan, Aw Baruk, i hnênah heti hian a ti: Nangin, \Ka chung a va pik ta êm! LALPA chuan ka tuarnaah lungngaihna mi belhchhah ta si a: ka rum hi ka chauhpui a,____________ reng ka hmu zo lo, i ti a.

Q2.  Chuvangin Sipaihote LALPA, Israel Pathian chuan heti hian a ti: Ngai rawh u,in chhiatna tûrin Juda zawng zawng rawt bo vek tûrin ka ____________ ang che u.

Q3. Tichuan Karea fapa ______________ leh sipai pâwl hotu zawng zawng chuan Juda awm chhun zawng zawng, Judai rama cheng tûra hnawhc darha an awmna hnamte zinga ata lo kir

Q4. Aw ________ awm chhunte u, LALPA thu chu hre rawh u khai; Sipaihote LALPA, Israel Pathian chuan heti hian a ti: Aigupta rama lût tûr leh chuta cheng tûrin in hawi lui a nih chuan,

Q5._____________ tunah zawng hre rawh u, chen in chakna hmun ngeiah chuan khandaih te,tam te, hri tein in thi ngei dawn a ni, tiin,” a ti a.                 

A bung leh châng dah rawh :

Q1. Tin, a hnêna Juda mi awm zawng zawng, Mizpah khua Gedalia hnêna awmte leh Kaldai raltu mi zawm vete chu Ismaela chuan a that bawk a.

Bung: ...............          Chang: ....................

Q2. Tichuan Ismaelan Mizpah khua a\anga sala a hruai zawng zawng chu an hawi a, an kal ta dua a,

Bung: ................         Chang: ....................

Q3. Tin, Saphana apa, Ahikama fapa Gedalia chuan anmahni leh an hote hnênah,“Kaldaite rawng bâwl chu hlau su hu: ramah hian awm hle hle ula, Babulon lal rawng bâwl ula, in tan a tha mai ang.

.Bung: ................         Chang: ....................

Q4. Juda lal Jehoiakima, Josia fapa kum linaah Jeremia ka ata heng thute lehkhabua a ziak laia Neria fapa Baruka lehkhabua a ziak laia Neria fapa Baruka hnêna zâwlnei Jeremia thu sawi chu:

.Bung: ................         Chang: ....................

Hming : ......................................................

Section : .....................................................

BIBLE QUIZ  NO. 36 RESULT

Chhanna lut zawng zawng :8

Chhang dik vek                       : 8

Lawmman dawngtu: Stephan Lalhruaisanga (V.Sec)

BIBLE QUIZ  NO. 35 RESULT

Chhanna lut zawng zawng : 4

Chhang dik vek                       : 4

Lawmman dawngtu: Malsawmzuala (V.Sec)

         Bible Quiz chh^nna leh lâwmman hi Circulation Manager Tv.C. Laldawngliana hnenah thehluh a, lam \hin tur a ni.

K|P  BRANCH  SPORT  NEI  DAWN

            saikhamakawn Branch K|P chuan October ni 11 khian Branch sport hlimawm tak a buatsaih dawn a.Hemi atan hian member te lo inbuatsaih lawk ila a \ha ang. Tin, sport item tur duhzawng neite pawhin heng mite hnenah hian thurawn a pek theih reng bawk e.

1. Tv. C. Lallawmzuala,                      2. Pu C. Lalnunsanga

3. Tv. Lalfakzuala.                              4. Tv. C. Laldawngliana

K|P  O.B.  THAR

            K|P Saikhamakawn Branch Treasurer nilai Nl. V. Lalrindiki chu hmun danga a awm dawn avangin a nihna a chelhzui thei dawn lova, a aiawh turin Branch K|P Committee member nilai Pu C. Lalmuanpuia (T.Sec) chu ruat a ni.

PAWISA  BO  LAM  THEIH

            Pawisa ti bo chuan, tihbo zat  chiang taka sawiin Pu Zonunmawia (V.Sec) hnenah ni 16.9.2014 (Thawhlehni) ral hmain lam tur a ni e. Huntiam chhunga lam a nih loh chuan sawibuai theih a ni lovang.

CAMPING  NEI  DAWN

            Saikhamakawn Presbyterian Kohhran chuan November thla hian chhandamna camping a buatsaih dawn a, heimi inbuatsaih nan hian October thla a\ang hian Kohhran In tinah camping thawhlawm ip rawn sem a ni dawn a, kohhran mipuite hemi lamah hian \hahnem ngai ila a lawmawm hle ang.

            Tin, camping hlawhtling tak neih a nih theih nan Pathian hnenah i dil ang u.

NGAIHDAM  DILNA

         Mipui Aw Issue hmasa lamah naupang sunday school khawmpui leh Mipui Aw quiz ah tihsual lian tak neih a ni a, editorial board ten chhiartu mipui te chungah ngaihdam kan dil e. Fimkhur turin \an kan la mek zel e.

YMA  GEN.  CONFERENCE

            YMA General Conference  vawi 69na ni 30.9.2014 Ratu a neih turah YMA member a tam thei ang ber kal turin kan insawm a. Kal tumte chuan a hnuaia mite hnenah hian ni 21.9.2014 aia tlai lovah in hriattir tur a ni e.

V. Sec - Pu C. Lalnunsanga

T.Sec   - Pu MS Dawngliana

Ch.Sec - Pu Lalpianthanga

            Member kal turte chuan bus chuan man Rs. 100/- ken tur a ni ang.

SMIPUITE HNENA HRIATTIRNA / NGENNA

             Mizoram-ah Chakma te hi an pung chak em em a, an pun chak dan hi mihring pun dan  pangngai ni lova a lan avangin YMA Kumpuan Ram leh Hnam Humhalh bawhzui nan Mizoram pumah Chakmate dinhmun zirchianga Census neih nise tiin CEC meeting chuan a rel a. Hemi atan hian YMA member tinah Rs.5/-(cheng nga) mahni Branch theuhah khawn nise tih a ni. Hei hi veng chhung in tinah Section hruaituten an rawn khawn dawn a, a pawimawhna hriaa member tinten pawisa hi lo pe turin kan in ngen in kan in hriattir lawk a ni e.

            Tin, veng dang atanga lo pem lut turten an awmna hmasa atangin “YMA Pem Lehkha” lak hmasak ngei tur a ni a,  in luah tirtu te pawhin Pem lehkha neilo chu in luahtir lo turin kan han in hriattir nawn leh a ni e.

Sd/- K. Lalhuliana

Secretary,

Saikhamakawn : Branch YMA

TUALCHHUNG

, Pu Zarzoliana h/o Zodinthari (T.Sec) chu New Life Hospitalah a Kal a lungte awm an paihsak hnuin damtakin  a lo chhuak.

<, Tv. Malsawmkima s/o Lalhlimpuii (T.Sec) chu damlohna avanga Civil Hospital a zai a nih hnuin a lo chhuak.

Zanin inkhel turte

Man Utd.      Vs    QPR (8:30)

Thawhtan Zan Inkhel turte

Hull City  Vs  W.HamUtd.(12:30)

Letter  to  Editor

(Editor ngaihdan a ni vek lo)

Ka pu,

Khawngaiha i chanchinbu ah he thu hi min lo chhuahsak turin ka dil a che.

Subject: Fur ruahtui chungchang.

            Kan hriat \heuh angin tunlaiin  ruahtui a tla tam hle mai a. Pathian malsawmna kan dawn liau liau a ni a, a lawmawm hle mai. Chutihrual chuan van ruahtui malsawmna kan dawn hian harsatna tamtak min thlen a, chiatna rapthlak tak tak leh nunna hlu tak pawh vawi duai lo mihring ten an chan phah fo bawk. Min petu lam thiamloh ni lovin a dawngtu mihring ten dawnsawn dan kan thiamloh avangin a ni tlangpui \hin.

            Hetiang a nih vang hian keini vengchhung pawhin kan fimkhur lehzual a \ul hle mai. Inchhung tui dawn paihnate fimkhur ila, tuizem  khat tawh kan drain dan kawngah lei ti min thei lakah fimkhur bawk ila a va \ha lehzual dawn em. Tin, tui luankawr kan neih te pawh enkaw uluk zual  bawk ang u. Tihdam aiin inven a \ha zawk tih a nih kha, vengchhung mipui ten i hre thar mawlh ang u.

- Fimkhura

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 7.9.2014

MIPUI AW

KARTIN CHHUAK

Vol. XX Issue No. 36 Kristian Thalai  Pawl  Saikhamakawn Branch  Pathianni Dt.7.9.2014

VAWIIN  CHANGVAWN

“Tupawhin hna a thawh duh loh chuan ei pawh ei suh se.” 2Thessalonika 3:10

KOHHRAN PROGRAMME

7.9.2014 (Pathianni)

Sunday School

|antu              : Pi J.H.Pekmawii

Zirlai 32-na    : Chibai bukna leh Kolossa Kohhran nihna

Chawhnu inkhawm

Thupui           : Ringtu mawhphurhna

Thuhriltu       : Upa Lalzama

Zân inkhawm

Thupui           : Isua hna chhunzawmna

Thuhriltu       : Upa Zairemthanga

            September thla chhung hi Beihrual Inkhawm a nih dawn avangin  KTP, Kohhran Hmeichhia leh Kohhran Pavalai Programme hranpa a awm lo vang.

VAWIIN TLAI K|P FELLOWSHIP PROGRAMME

7.9.2014 (Pathianni tlai)

Kumpuan thupui zir

A hmun          : Sunday School Hall

Hruaitu           : Tv. C. Lallawmzuala

|antu              : Tv. Lalnunzira (Zira)

Thupui           : Pathian tawk tura inpeih I

Hawngtu         : Tv.Lalfakzuala

Hla hruaitu     : Tv. R.Lalzamlova

Keyboardist    : Pu Lalremruata

TUN KAR CHHUNG

BEIHRUAL THUPUI ZIR TUR

( Sept.8-13,2014)

September 8      : Chapona

September 9        : Sum ngainatna

September10      : Mipat hmeichhiatna

September 11    : Duhamna

September 12    : Thinurna

September 13    : Inkhinna

SERMON

CHHELNA

-J.H.Pekmawii.

            Chutichuan, unaute u, Lalpa lo kal hma loh zawng chhel takin awm rawh u. ngai teh u, lo neitu chuan ruah tui tla hmasa leh hnuhnung chu a hmuh hma loh chuan chhel takin lei rah hlu tak chu a nghak \hin. Nangni pawh chhel takin awm rawh u; in thinlung ti nghet rawh u.; Lalpa lo kalna chu a hnai tawh si a. Unaute u thiam loh changa in awm loh nan, inphun suh u; ngai teh u, Roreltu chu kawngka bulah a ding reng a ni. (Jakoba 5:7-9)

            Kei ni Lalpa ringtu in ti te hi kan nghet lovin kan dawhthei lo hle mai a, a changin kan piangthar a, a changin kan thar lova. Hnunglam kan hawikir leh zung zung a, ‘ Bible chuan ‘ i lum leh lum la, i vawh leh vawt law law rawh’ min ti a. Lum si lova vawt bawk si lo chu pawn lam thima paih chhuah kan ni dawn si a.Unau duh tak a eng zawk nge kan thlan dawn le?

            Lalpa lo kal hun hi a hnai tawh takzet a, he kan lei taksa hi a boral hma ngei hian kan thlarau tan chaw kan zawn a, A duhdana rinawm leh nghet taka Pathian duh zawng chauh kan zawn a, chhel taka ama rawng kan bawl hi a va \ul tawh em!!

            Mahni chakna leh duh zawng chauh ngaihtuah lovin Lalpa duh zawng zawn thiamte pawh hi a hun tawh hle a ni. Lei lamah kan rilru te nghat lovin, van lamah kan rilru te nghat zawkin chhel taka kan phak tawk zela Lalpa rawng bawlin tiam chin lam i pan hram hram ang u. He khawvel rualawhna te, duhamna te hi i in hnuh buai tir lovang u.

            Lalpaah rinna nghat tlat zelin kan ei bar zawnna hmunah pawh Lalpa \ihtu ni zelin, rinawm leh nghet taka a hniak hnung zuitu, kan awmna apiangah Lalpa ringtu niawm rengin nun i tum \heuh ang u.

            Lei leh van Lalber ni diin kan tan lei anchhe dawngah a thil siamah rawn changin hrehawm tin reng tuarin, rapthlak taka kan tana a tawrhna kha i hre reng \heuh ang u.  

                          

Sermon \ha tak mai leh chhiar nuam tak mai in rawn thawh \hin a, a lawmawm \hin khawp mai. Tumah inthlahrung lovin Sermon rawn thawh zel rawh u. Kan lo chhuah zel ang. Ed.            

 

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

            Kan veng hi hen en mai chuan veng te ve tak, kawng dung zuia awm tlar pet pet emaw lekah ngaih theih  mai kan ni a. Mahse rin ai takin kan \hahnem ve tawh tlat. Tin, changkan pawh kan changkang ve ta hlein a hriat. Rual U zawkte phei chuan tleirawl/rawlthar leh naupang zawk te phei chu tu fa nge? Khawi a mi nge? tu nau nge kan ti ve hu hu tawh mai. Tin, kal ngai lohna thler pher chu hei hi tu In nge? Tih hu hu a awl tawh riau. Hei chu khawi lam mikhual nge maw a nih le kan tih te hi kan veng pa, kan veng nu, kan veng nula leh tlangval, kan veng naupangte an lo ni leh  reng bawk a. Khawi i lovah han kal ila he kan veng ve te hi a ngaih ve theih em em mai leh nghal .

            Kan tleirawl chhuah pui leh kan nulat tlangval chhuahpui ten an fate College an kal tir sup sup han hmuh phei chuan nupui neih har pawi zia hrilh ngai lovin kan hre kar  mai chu a nih hi. A mah Pu Thanchungnunga (Machunga) rual khan lo nei phei ila chuan ka va inchhir dawn em!! Engtin tak Pu Machunga chuan ngai ve maw te ka ti vel mai mai a. Pu Rochungnunga angin kan \uan a \ha ve si lo. Engpawh nise tu’n an chhiar ka ring  chuang lova he thu hi ka han thai kawi mai mai a,z awm tur \ha tak a awm pawh ka ring lo ve.

           

ARTICLE

9. |hutdan Mawihnai zawn a \ha. Eu deuhva \hut te, hmalam \hutthleng bawh te leh \hutnaa ke hlan te hi a mawi lo. Chu bakah \hutthleng hlam zuta \hut pawh a mawi lo bawk.

10. Biakin chhunga kan lih tawh hnuah pheikhawk phelh mai te hi a mawi lo khawp mai. Tin, \henkhat phei chuan hma a mi te \hut thlep rap a \hut an ching \hin, hei hi a mawi lo hle bawk a ni.

11. Ei theih leh hmuam theih thil lam chi reng reng Biak In chhungah phawrh a ei loh tur a ni. He tiang kan tih hian Biak In kan tibawrhbang a ni tih hriat a \ha.

12. Biak Ina inhlei leh bengchhen te hi Kristian \ha awmdan tur a ni lo. Naupang chumchiapte chu ngaidam tur leh ngaithei tur kan nih laiin lungfing tawh hote chuan mawi takin Pathian biakna kan hmang \hin tur a ni.

13. Tlan luh leh tlan chhuah nan Biak In chhunghi hman loh tur a ni. Loh theih loh thilah chhuah emaw luh emaw a \ul a nih pawhin kal pawngngai taka kal mai tur a ni. Kun du a kal kher hi a mawi lo hle a ni.

14.Kohhran hruaitute rawn lo leh phalna la lo chuan Biak Ina \hutthlengte hi duh duh a hun sawn mai mai loh tur a ni.

15. Biak In chhungah thla kan lak pawhin zah tak leh mawi takin kan awm \hin tur a ni. Duh duh dan a awm a, ing euh taka thla lak te leh inkhawm loh lai a Pulpit leh maicham a thla lo lak mai te hi chin loh tur a ni.

16. Zai hunah rilru leh tihtak zetin Pathian fak la, ngaihthlak a hunah ngun takin ngaithla \hin ang che. Zai lai lo ngawih reng te hi a mawi lo hle. Tin, \awng \awng maite hi a mawi loh mai bakah ringtu tih atan a\ha lo hle a ni.

17. Rawngbawltu chuan mi hriat theih tura ringin \awng tum hram hram tur a ni. Muang lutuk emaw hmanhmawh lutuk emaw pawh chin loh ni sela a \ha a ni.

Article thawh tur nei chuan inthlahrung lovin rawn thawh zel teh u. Sei lua leh tawi lua pawh awm lovin  Pathian Thu lam  ni em em lo pawh, zirtirna \ha tak tur ang chi  chu a thawh zel theih e. Thuziak lamah pawh hmasawnna pakhat a ni zel a ni. Ed.

           

BENGTI  VÂR

** Thailand-a rannung an hmuh chhuah Euryplate Nanaknihali hi khawvela tho te ber niin a sei zawng hi millimetre chanve ai in a tawi a ni. Khawvela fanghmir te ber kawchhungah tuiin an inthlah pung \hin.

** Tlumpi lalnu (termite queen) hi nikhatah 30000 chuang zet zuk tui thei a. Second 3 danah pakhat zel tui ang vel a ni. Kum tam tak chhung a la dam thei zui.

** Sam buang chi (blonde) te hian sam an ngah ber a, sam sen ho hi an sam a tlem ber. Sam sen ho hi an sam a sin \ha ber a, sam dum hi a hraw tlang pui a, sam sen zai hi a fei ber thung.

** Khuai hian  second khatah  a thla hi vawi 1500 a zap hman nia maw le.

** Chukchu hian second khat chhungin vawi 25 a kalna lam sawnin a pen kawi thei tlat bawk.

** Sava ho zingah Chhimbuk chauh hian rawng pawl zuk hmu  thei leh teh tlat a.

** Beram dum hian Beram var aiin thil rim hriatna a nei \ha zawk an ti leh tlat pek.

**Hnu chhui \hin ui hian unau phir rim hi an hre hrang thei lo nia mak \hin mai mai tak a ni.( Tv Lalrempuiate unau hi an hre hrang a ngem le?...)

** Khawvela mihring 11% hi vei lam hmang thiam/ vei khawr an ni a, khawvela mihring piang zawng zawng zingah August thla a piang an tam ber an ti.

** Phengphehlep chi khat Indian Moon Moth an tih hian a kawppui tur rim hi mel 6 dana hla  a\ang pawhin a hre thei nia maw le.( Kan veng nula senior  ???i Ch Sec mi hian han hre thei ve se kan kal pui nal nal mai tur)

** Thlai/plant tam zawk hi tuipui a mi ani tlat mai.

** Zawhte hian  an dam hun chhung 66%hi mut nan an hmang.(Mu hnem ve barh barh khawp mai). Panda (savawm) te hian nitin darkar12 mau ei nan hun an hmang.

** Thosi te zinga min seh \hin tute hi a nu a ni an ti leh tlat. ( hmeichhia te hi an lo duai lo thei hle mai.)                 

BIBLE  QUIZ  No.36

JEREMIA 32 - 36

A kâr âwl dah khat rawh :

Q1. Juda lal Zedekia chuan, “Engah nge, ;LALPA chuan heti hian a ti; Ngai rawh, hemi khawpui hi _________ lal kutah ka pe ang a, a la ang:

Q2. Mi au la, ka chhâng ang che, thil ropui leh inthup i hriat ngai loh chu ka _____________ ang che.

Q3. a kut ata i chhuak tawp lo vang: man i ni ang a, a kutah a pe ang che, i mit ngeiin Babulon lal chu i hmu ang a, \awngka ngeiin in in bia ang a, Babulon ramah i __________ tûr a ni.

Q4. Tin, Habazinia fapa, Jeremia fapa, Jaazania leh a unaute, a fapa zawng zawngte, ______________ chhûngte zawng zawng nên ka hruai a;

Q5. Juda chhûngte chuan an chunga thil \ha lo tih ka tum zawng zawng chu, an ngaihthlâkin mitinin an awmdan sual an lamlêt thei mahna, an khawlohna leh an sualna ka __________________ theih nân,” a ti a.

A bung leh châng dah rawh :

Q1. Tin, Jeremia chuan, “LALPA thu chu ka hnênah a lo thleng a:

Bung: ...............          Chang: ....................

Q2. Tin, Juda awm dan leh Israel awm dan ka lamlet ang a, atira ka din ang khan ka din leh ang.

Bung: ................         Chang: ....................

Q3. Tin, zâwlnei Jeremia chuan hêng thu zawng zawng hi Jerusalem Juda lal Zedekia hnênah a sawi a;

.Bung: ................         Chang: ....................

Q4. Anni erawh chuan, “Uain chu ka in tawp lo vang; kan thlatu Rabaka fapa Jonadaba chuan ‘Nangmahni leh in thlahte pawhin kumkhuain uain in in tûr a ni lo;

.Bung: ................         Chang: ....................

Q5. Mi tinin an awmdan sual an lamlêtin, LALPA hmâah khawngaih an dilna chu an thlen thei mahnaite chunga thinrimna leh thinurna LALPA-in a puan tawh chu a nasa êm êm si a,” tiin thu a pe a.

.Bung: ................         Chang: ....................

Hming : ......................................................

Section : .....................................................

BIBLE QUIZ  NO. 35 RESULT

Chhanna lut zawng zawng :

Chhang dik vek                       :

Lawmman dawngtu: sel (.Sec)

         Bible Quiz chh^nna leh lâwmman hi Circulation Manager Tv.C. Laldawngliana hnenah thehluh a, lam \hin tur a ni.

VAWIIN NPSS INKHAWMPUI PROGRAM

Beginer Deptt.

A hmun: Hlimen Damveng Kohhran  Biak In

Chairman: Upa Zonunmawia (Com BSS)

Secretary: Tv. John Lalnunhlua (Damveng)

|antu: Pi Zoliani (Hlimen Damveng)

Primary Deptt.

A hmun: Melthum Kohhran Biak In

Chairman: Upa Lal\huamliana (Com BSS)

Secretary: Pu Lalrinchhana (Melthum)

|antu: Nl. Malsawmzuali (Melthum)

Junior Deptt.

A hmun: Saikhamakawn Kohhran Biak In

Chairman: T.Upa K.Lalnuntluanga (Com BSS)

Secretary: Tv. Pc Vanlalhriatpuia (Saikhamakawn)

|antu: Nl. Lalrinchhani (Saikhamakawn)

Intermediate & Sacrament Deptt.

A hmun: Hlimen Vengthar Kohhran Biak In

Chairman: Upa C. Zothanliana (Com BSS)

Secretary: K.Lalhmangaihzuali (Hlimen Vengthar)

|antu: Pi C.Kapchhungi (Hlimen Vengthar)

Hriat tur te:

1) Recitation-ah Action in mark a pu ang.

2) Solo-ah hian Beginners Department lo chu music hman phal a ni. Music hman tur hi bial in a in angin a siam ang.

3) Beginners a\anga inter-sacrament zaipawlah music hman phal a ni lo.

4) Beginners leh Primary Soprano chauha sak tur a ni.

5) Intihsiak hruaina hi naupang a\angin emaw zirtirtu ten emaw hruai phal a ni a, a hruaituin châng bîkah a bul a sawi hmawrhmuh thei ang.

6) Junior,  Inter & Sacrament Bass tel lovin part dang tih kim tur.

LAWMTHU  SAWINA

         Ni 27.8.2014 tukah khan kan bike kang chungchanga \henawm khawveng tena min lainatzia kan hmuhin kan lawm em em a, chumai nilovin sum leh pai tha leh zung leh ngaihtuahna te sengin min \anpui hlawm a, kan inah te lo lengin min rawn hnemtu mi engemaw zat in awm bawk a, chumai a nilo lo kal remchanglo pawh in phone te in vengchhung leh veng \henawm a\angin min la rawn ngaihven avangte hian kan chunga in \hatziate min hmangaihziate kan hmuh hmaih hauh lo a ni.

         Heng kan chunga in \hatnate hi kan rul thei dawnlo che u a, Pathianin a let tamtakin rul che u se kan ti.

         A tawp berah chuan kan sawi tel ngei ngei awm sawi tel loh palh a awm kan rin rualin in mi ngaihthiamna kan ngen tak meuh meuh a ni.

In khawngaihna dawngtu

Lalnithanga te chhungkua

Saikhamakawn

BENG TI VÂR

# Santa Clause tih khaw hming hi USA ah a awm ve tlat...

# Alexander the Great tih city hming hi Alexander the Great thih hnu ah khan Iraq, Egypt leh Turkey ramah zuk awm a...

# A average-a lâkin arpui pakhat hian kum khatah artui 300 a tui thei.

# Anteaters (Fanghmir eitu ramsa hmui sei) hi zuk tlan thei miah lova...

# Pangang \henkhat hian thla 2 chhung chauhin anmahni rihna let 1000 zet an lo ei hman \hin.

# Ui fing kan tih zinga chhawr tlak tak tak ho hian puak thei thil hrang hrang 19,000 chuang zet an detect (zawngchhuak) thei.

TUALCHHUNG

, Pi Lalchhingpuii w/o C.Lalrinmawia (Taitesena Section) chu damlohna avangin Synod Hospital Durtlangah enkawl a nih hnuin a lo chhuak.

,Lalremsangi d/o Laltlawmlova (Ch.Sec) chu damlohna avanga Kulikawn Hospital a enkawl a nih hnuin a lo chhuak.

,Pu K. Roliana te chhungkua chu Champhai a\angin an rawn pem a, tunah hian Pi Rokhawli (T.Sec) te inhnuai luahin, an in bulah hian In an sa mek a ni.

,Pu Zothansanga h/o Pi Vanlalhruaii (V.Sec) chu damlohna avanga phai lama an inenkawl hnuin a lo haw.

ELECTRIC  BILL  PEKNA  SAWN

            Naktuk thawh\anni a\ang hian electric bill hi Thakthing YMA hall hnuaiah pek theih a ni tawh dawn a ni. Vengchhung mipuite kan in hriattir a ni e.

LOCAL  COUNCIL  A|ANGA  HRIATTIRNA

            Bawlhhlawh paihna man la pe lo ten pek ngaihsak hram hram turin kan han in hriattir a ni.

            Thlatin pe duh tan a pek theih a, tin, kum khat chhung atana pe duhte pawhin a pek theih bawk e. Bawlhhlawh paih man la pe lo ten a rang lama pek hram nise a lawmawm ngawt ang.

Vawiin KHAWCHIN

Max : 290C      Min : 220C

            Chawhma lamah 1mm, chawhnu lamah 10mm leh zan lamah 6mm tla turin sawi a ni.

(source :weatherforecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330