Mipui Aw 17.8.2014

MIPUI AW

KARTIN CHHUAK

Vol. XX Issue No. 33 Kristian Thalai  Pawl  Saikhamakawn Branch  Pathianni Dt.17.8.2014

VAWIN  CHANGVAWN

                                                Thi tûra hruaite chu chhan chhuak la. Thah mai tûrte chu chhan chhuak thuai rawh. “Ngai teh hei chu ka hre lo” i tih mai chuan, Thinlung buktu chuan a ngaihtuah dawn lawm ni? I nunna vawngtu chuan a hre dawn lawm ni? Mi tin, an thiltih ang zelin a rul dawn lawm ni? Thufingte 24: 11- 12

              

KTP PROGRAMME

18.8.2014 (Thawh\anni zan)                           

Hruaitu           : Nl V.Lalrindiki

|antu              : Tv C.Lallawmawma

Thuhriltu       : Pu R.Lalmuanpuia

Thilpek           : Nl. Amy Lalhmangaihzuali

lakhawmtute  : Nl Judy Lalsangliani

Hla hruaitute :  Lalhmangaiha leh

                           Tv C.Laldawngliana

Keyboardist   :  Pu Lalchhandama

KOHHRAN HMEICHHE PROGRAMME (19.8.2014) (Thawhlehni zan)

World Day of Prayer Programme

Hruaitu           : Pi Laltlanzari

Thupui           : A kara ding ngam                                                       hruaitu \ha(Ezekiela22:30)

Sawitu            : Pi Lalchhingpuii

KTP PROGRAMME

21.8.2014 (Ningani zan)                           

Hruaitu           : Upa Lalrindika

|antu              : Pu Rinngaihzuala

                                                                                                                         Tawngtai rual, rilru sawi leh fak hla sa a hun hman tur a ni.

       

SERMON

HMANGAIHNA

            Khawvel hi hmangaih suh ula, khawvela thil awmte pawh hi hmangaih hek suh u. Mi tu pawhin khawvel hi a hmangaih chuan Pa a hmangaihna amahah a awm lo.     -Johana 2:15

            Pathian chu thil hmun thei losh; khawvel siam tirh ata fiah taka hmuhin a awm a, thil siamah chuan a lang a ni(Rom 1:20). Chuvangchuan Pathian hi eng ang cheninnge kan kan hmangaih? Tih a thil siam mihringte atangin fiah takin hmuh kan tum dawn a ni.

            A hmasain mihring tungchhova kal tawh phawt chuan hmangaih kan nei theuh tawh awm e. nula tan chuan I tlangval hmangaih, tlangval tan I nula hmangaih, nu leh pa tan kan kawppui emaw, kan hmangaih tu emaw pawh a ni thei, kan nulat lai; kan tlangval laia kan hmangaihahte khan a chiang zawk awm e.

            Chutichuan, kan hmangaihte chu kan ngai thin a, kan thlahlel ngawih ngawih a, an bula awm kan chakin kan duh thin a ni.Hmel hmai hmuh theih lohah pawh phone talin kan bia a, rei tak tak inbiak pawn kan ning lova, nuam kan ti zawk a, kan hlim thin a ni. Hetiang chiah hian Pathian chu I ngai em? A bula awm I thlahlelin biak I chak ngai em le? Pathian biak inkhawm, Pathian nena lendun a thlahlel thin em?

            I hmangaih tak main a hmangaih let ve kha nuam I ti thin ti raw… A hmangaih let ve loh che a I rilru awm awmdan pawh i hria, chutiang chiah chuan Pathian chu hmangaih a khat Pathian a ni a, a hmangaih che a, I vahbosan lai, I hmangaih let ve loh lai khan a rilru I ti hrehawm thin a, nang nunna tuikhur kalsantu kha ilo kir nghakin a thlir reng che a ni.

            I hmangaih lakah chuan I rilru, I thinlung leh ngaihtuahna I pe nasa em em thin.A thente phei chu kan lehkha zirlaite a tibuai a, kan ngaihtuahnaah a awm reng a, kan thinlungah hmun a chang lian em em thin a, rilru berah kan nei thin a ni. Lalpa hian a I rilru a luah ve em? I ngaihtuahna a chang ve em le?

            Kan hmangaih tak takte tan chuan kan rilru mai pawh ni lo, kan taksa ngei pawh kan hlan phal thin a ni lawm ni… Tunah I taksa kha Lalpa tan I pe phal ve dawn em? Min hmangihtu chuan a taksa pawh a rawn pe phal asin.Pathian hi I hmangaih tak talk anih chuan I rilru leh taksa kha I pe phal tur a ni dawn lawm ni? Lalpa hi ilo hmangaih tak tak em? I ngaihzawng tluk pawhin ilo dah lo ang tih a hlauhawm kawp mai. Nangmah kha lo inenfiah ang che.

     

                 

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

FINNA

            Enga tinge Mizote hi tar at kan neih tlat? Han ti hluai ila Hnam dang Vai leh sap kan tih ah te khuan an awm ve angem le? Kan hmuh phak chin leh kan hriat phak chinah Mizo ho zingah hian kum 60/70 chunglam chin chu kan mi a biak deuh tlat tawh mai bawk a.Tin, hnam dang kan tih ho te khu an tar tulh tulh a an fing tulh tulh emaw tih tur hian an awm tlat. Mizote zingah pawh tar fing tak tak hmuh tur an awm  ve nual a. Chung mi te chu atlangpuiin lehkha chhiar peih tak an nih loh vek leh News lam leh Radio chanchin thar ngaithla peih tak an ni deuh zel.

            Kan vengah hian  tualchhung thil thleng leh tualchhung news han hriat zung zung theihna atan Mipui Aw chhanchin Bu kan nei ve a. Mi tam tak chuan hei hi kan chhiar \ha peih lo hlein a hriat a. Sermon leh article kan tih te hi chu chhiar peih lo pawh ni i la, mipui te hriat tirna ang chite hi chu kan bih ve hi a \ha awm mang e. Thufing pakhat chuan ‘chhiar tam la fing rawh’ a lo ti a. Tin, mi thiam zawk ten mihring nun chu a dam chhung hian zirlai a ni e an lo ti bawk a. Kan thluak hi chawlh hahdam tir mai lo in finna hi neih belh zel theih a ni tih i hre thar leh ang u.

           

ARTICLE

CHETDAN MAWI

(Nula leh Tlangval tan) Chhunzawmna....

Tlangval tan-

            11. Mahni ina ngawi ngul si, pawn lama tawng duh leh hle si ni suh. Mizo tlangval zingah hetiang mi hi an awm nual mai. Chhungte nen pawh hlim taka infiam leh titi hote hi ching \hin ila a tha khawp a ni.

            12. Mi ina i lenin len rei chin tawk nei la, i lennate hriat loh hlanin haw suh ang che. Haw dawnah tawngkam mawi takin thlah la, an hriat loh hlana i haw chuan an ngaih a \halo thei a ni.

            13.Miin an rel che pawhin haw lo la, a ruka insiam \hat tum nan hmang ang che.

            14. Zanah kawtlaia khek ruih chin te hi mawlzia lantirtu a ni.

            15. Kal kawngah i \hiante nen eng inkhelhna emaw eg. Football, inneih laia mi an lo kal chuan lo chawlhsan \hin tur a ni.

            16. Mizo tlawmngaihna kawngah zahpuiawm pawl nih tum lo la, chhiatni \hatni ah thenawmkhawveng tan \angkai tum ang che.

            17. Khawhar inah i riak anih chuan zingah mu reng lo la, a hma thei ang bera thawh tum ang che. Tlangval khawhar in riak hian a tum ber chu lusun chhungte khawhar lutuk tur hnem leh a \ul ang anga \anpui a ni. Khawhar inriak tlangval fel te chu hma takah an tho a lusun chhungte tui an chawi ngah sak a, thingpui an lo lumsak vek \hin a ni. Tunlai khawhar inriak \henkhat chu zingah an thotlai lutuk a, zinga mi lo len tawh hnuah pawh an mu tlat \hin a, hei hi a fel lo hle a ni. ***

INLENG CHUNGAH

            Mi inah kan leng thin ang bawkin inleng awh kan nei ve reng bawk thin a. Chung kan inleng te chunga \hat chhuah nachang hriat chu kan tihmakmawh a ni. Kan \henawm ten kan ina len hreawm an lo tih ruk reng chuan kan thiamloh a ni. Chuvangin kan inleng te chu hlim leh bet thei ang bera kan siam theih a pawimawh a, hengte hi kan chhinchhiah atana pawimawh zual te an ni:

            1. I inleng ten kawngkhar an rawn kik in lo hawnsak vat la, i buailai a nih a i hawnsak hman mailo a nih pawh in “ Lo lut rawh u” tih thuai tur a ni.

            2. In ina rawn chuangkaite chu mawi tak leh hmel hlim tak nen lo dawngsawng ang che. |hutna lo kawhhmuh nghal vat bawk tur a ni.

            3. A nuam laiah \hut tir la, pal sek na lai turah \hut tir suh.

                                                                        (Chhunzawm tur)

           

AIZAWL CHHIM PRESBYTERY KOHHRAN PAVALAI MEET VAWI I-NA PROGRAMME

A hmun          : Saikhamakwn Kohhran Biak In

A hun             : August 16 & 17, 2014

Speaker          : Pastor Lalrinmawia, Kulikawn

Thupui                       : ‘Inthawina nung’ ( Rom 12:1)

August 17,2014 (Pathianni) Chawhma 10:00 AM

Chaiman        : Pastor H.Lalrinmawia, Mission Veng

Thupuan        :

Thilpek lakkhawmna:

Zaipawl          : 1) Saikhamakawn Kohhran Pavalai Pawl

                          2) Tlangnuam Kohhran Pavalai Pawl

                          3) N. Lungleng Kohhran Pavalai Pawl

                          4) Kulikawn Kohhran Pavalai Pawl

Thusawitu      : Pastor Lalrinmawia (Speaker)

August 17,2014 (Pathianni) Chawhnu 1:30 PM

Chairman       : Pastor Dr.C.Chawnghmingliana Tlangnuam

Thupuan        :

Zaipawl          : 1) Lungleng I Kohhran Pavalai Pawl

                          2) Thakthing Veng Kohhran Pavalai Pawl

                          3) Kulikawn Vengthlang Kohhran Pvl Pawl

                                  4) Kulikawn Kohhran Pavalai Pawl

Thusawitu      : Pastor Lalrinmawia (Speaker)

     Chawhnu Inkhawm ban Zaikhawmpui

Hruaitu         : Pastor Lalsangmuana, Lungleng I

August 17,2014 (Pathianni) Zan 7:00PM

Chairman       : Pastor C.Sapkaia, Hlimen

Thupuan        :

Thilpek lakkhawm:

Zaipawl          : 1) Mission Veng Kohhran Pavalai Pawl

                                  2) Tlangnuam South Kohhran PVL Pawl

                                  3) Hlimen Vengthar Kohhran Pavalai Pawl

                                  4) Saikhamkawn Kohhran Zaipawl

Thusawitu      : Pastor Lalrinmawia (Speaker)

** Inkhawm apiangin Inkhawm \an hma darkar khat chhung hi Zaihona atan hman \hin tur a ni.

** He Meet hmang tur hian Pavalai member zawng zawng tel vek tura beisei an ni a, pavalai member  ni lo pawh a thei apiang tel vek tura sawm kan ni e.

BENG TI VÂR

The Rideau Canal                   - Canada

The Grand Canal                     - Italy

The Singel Canal                     - The Netherlands

The Damnoen Saduak Canal  - Thailand

The Funokoshi Canal              - Japan

The Ganges Canal                   - India

The Suez Canal                       - Egypt

BIBLE  QUIZ  No.33

JEREMIA BUNG (16-20)

A kâr âwl dah khat rawh :

Q1. LALPA hnênah chuan hla sa ula, LALPA chu fak rawh u; ___________ titute kut ata \anpui ngaite nunna chu a hum si a.

Q2. Miin ___________ a insiamsak thei êm ni?Chung chu pathian an ni hlei nem,’ an ti ang.

Q3. An fanute leh an fapate sa ka eitir ang a; tin, an hmêlmate leh an  nunna lâk tumtuten an huala an tihmangan hunah chuan tupawhin an ___________sa an ei ang.

Q4.Tin, ____________ pawh hnam emaw ram emaw chungchang thu-ah, Ka siam ang a, ka din ang, tiin llo saiw pahw ni ila,

Q5.  ___________, ngai teh u, tun tum hian anni chu ka hriattir teh phawt ang; ka kut leh ka thiltihtheihna ka hriattir ang a, ka hming hi LALPA a ni tih an hria ang.

A bung leh châng dah rawh :

Q1. LALPA ringtu, a rinchhan LALPA ni erawh chu a eng a thawl e.

Bung: ...............          Chang: ....................

Q2. Tin, i kalpuite mithmuhah bel chu i tikeh ang a,

Bung: ................         Chang: ....................

Q3.LALPA chuan heti hian a ti: Kal la, belvawtu hlum bel va lei rawh; tin, mipuiho upate leh puithiam zinga upate hruai la;

.Bung: ................         Chang: ....................

Q4.LALPA ringtu, a rinchhan LALPA ni erawh chu a eng a thawl e.

Bung ....................        Chang ................

Q5.Ka tan \ihbaiawm ni suh ang che,Mangan nia ka inhumhimna i ni.

Bung ....................        Chang ................

Hming : ......................................................

Section : .....................................................

BIBLE QUIZ  NO. 32 RESULT

Chhanna lut zawng zawng : 4

Chhang dik vek                       : 4

Lawmman dawngtu: Esther Lalmuanpuii (V.Sec)

            Bible Quiz chh^nna leh lâwmman hi Circulation Manager Tv.C Laldawngliana hnenah thehluh a, lam \hin tur a ni.

SAIKHAMAKAWN  KHAWTLANG  JOINT  COMMITTEE  THU  DINGLAI  MIPUITE  HNENA  INHRIAT  THAR  TIRNA

1.Saikhamakawn Vengchhungah Zu/ Ruihhlo eng chi pawh-

i) Lak luh

ii) Siam

iii) Zawrh/ hralh khap tlat a ni.

2. Khawhar Ina hun hman chungchang-

1) Inkhawm lai pawh nise ruang awmlai chuan zai theih a ni.

2. Ruang awmloh hunah-

i) Nilai zan

ii) Inrin zan leh

iii) Pathianni chhun leh zan inkhawm chhung hian Biak In atanga bengchheng pha chinah chuan inkhawm ban nghah tur a ni. Inkhawm rei lutuk a awm thei a, zan lamah dar 8 thleng bak nghah loh tur a ni.

3. Saikhamakawn veng chhunga In luah tur nei ten YMA Pem Lehkha nei nghal lo chu tumah In luah tir lo turin kan inngen a. Tin, lo Pem lut turte pawh YMA Pem Lehkha tel lo chuan lo pem luh phal a ni lo bawk.

Sd/-

(C.VANLALSANGA)

President

YMA Branch, Saikhamakawn

VAWIIN KHAWCHIN

A lum lai berin : 250C

A vawh lai berin : 220C

            Chawhma lamah 0mm, chawhnu lamah 2mm leh zan lamah 0mm tla turin weather-forecast.com chuan a sawi a, accuweather.com ve thung chuan chhun lamah 3mm leh zan lamah 1mm tla turin a sawi ve thung.

EDITORIAL BOARD SIAM DANGLAM

         Mipui Aw Editor, Tv. R.Zodinsanga chu zirna avanga a remchan tak loh avangin Mipui Aw Editor atan Pu Lalduhkima ruat a ni a, tin, Join Editor atan Tv. F.Laldingliana ruat a ni bawk.

MATTHAIA GROUP

         Matthaia Group, Kristian |halai Pawl Treasurer Nl. Lalramnghaki chu Branch-ah Office Bearer anih tak avangin Matthaia Group Treasurer atan Pu Tommy Zirnuntluanga ruat a ni.

K|P BIAL INSIAMREM

         K|P Bial \hen a Bial 1-na bialtu Tv. R.Zodinsanga chu zirna avangin a remchan tak loh avangin, Bial 1-na pui tur hian Tv. Lalfakzuala ruat a ni.

K|P ZAI HRUAI HUN

         K|P, Saikhamakawn Branch chuan thla khat chhunga zai hruaitu kan inruat \hin chu tidanglamin thla chanve zelah inthlak tawh tur a ni ang.

SENIOR DEPTT. HRIATTIRNA

         Senior Department zirlaite Pathianni tlaiah mikhual sem leh hruainaah Kristian |halai Pawl Receiption Sub-Committee-te puih tur a ni a, Senior Department zirlaite Pathianni tlaiah Receiption Counter-ah kal \heuh tur a ni e.

INTERMIDIATE LEH SACRAMENT ZIRLAITE HRIATTIRNA

         Intermidiate leh Sacrament zirlaite ni 19.8.2014 (Thawhlehni) zan dar 7 ah Sunday School Hall-ah Inkhawmpuina hla zir tur a ni e.

MIPUITE HNENA NGENNA

               Luka Group, K|P te chuan inhlawh nan tualchhungah Electric Bill kan khawn \hin a, tlawmngaia min pek tir \hintu ten Bill pakhatah `.10/- aia tlem lo hlawhtir \heuh turin kan inngen e.

TUALCHHUNG

,Nl Eunice Z. Guite d/o H.Guite(L) chu kum 2 zet SPICE JET ah Air Hostess a thawh hnuin Air Arabia  (Internatinal Flight) a Air Hostess hna thawk leh turin nimin khan kan veng a chhuahsan leh ta. Hetiang Mizo nula chhuanawm  kan venga an lo pem hi a lawmawm takzet a ni.

, Lalrinnungi d/o Zoramchhana (Ch. Sec) chu damlohna avangin Synod Hospital Durtlangah enkawl mek a ni.

LPS PROFIGHT-AH TEL

         LPS Pro-Fight neih mekah kan veng a\anga tel Pu Lalthlamuana chu ni 15.8.2014 zan khân vânduai ta hlauhin a chak zo ta lo. Mipui Aw Editorial Board te chuan kan uipuiin a kal leh zelna turah duhsakna kan hlân e.

TAWI NÂWI

# Argentina leh Austrlia ramah hian thlasik hi June thla a\angin a in\an \hin.

# Taiwan Official name hi Republic of China tih a ni daih.

# New Mexico hi Mexico ah awm lovin USA ah zuk awm daih a...

# Glow Worm kan tih hian worm rannung lam sawina nilovin Insect (rannung) te Common name ah hman a ni ve lah tlat.

# Amazon river hi a luan dân ang lêt zawng chiahin hmun pakhatah a luang lêt leh.

# Bawng leh Giraffe te hian pumpui pali(4) an nei bîk.

# Nikhatah Sai hian chaw 136kg laia rit a ei thei.

# Sakawr hian nikhatah darkar 19 zet chaw ei nân zuk hmang thei a...

# Sakeibaknei hian \hu chungin 27kg lâia rit sa a ei thei.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 10.8.2014

MIPUI AW

KARTIN CHHUAK

Vol. XX Issue No. 32 Kristian Thalai  Pawl  Saikhamakawn Branch  Pathianni Dt.10.8.2014

VAWIIN  CHANGVAWN

‘Aw Israel, i lamlet chuan ka hnenah ngei i lo kir leh tur ani’ Jeremia 4:1

KOHHRAN PROGRAMME

10.8.2014 (Pathianni)

Sunday School

|antu              : Pi Hunthangpuii

Zirlai 28-na    : Thlamuanna lamlian

Chawhnu inkhawm

Thuhriltu       : Upa Lallawmchhunga

Zân inkhawm

Thuhriltu       : T.Upa C.Vanlalsanga

           

KTP PROGRAMME

11.8.2014 (Thawh\anni zan)

 Neihthil thehkhawm                        

Hruaitu           :  Pu C.Lalremruata

|antu              :  Nl Lalnunpuii (d/oSiammawia)

Hla hruaitute :  Lalhmangaiha leh

                           Tv C.Laldawngliana

Keyboardist   :  Pu Lalchhandama

A hmun          :  Sunday School Hall

KOHHRAN HMEICHHE PROGRAMME (12.8.2014) (Thawhlehni zan)

Kristian Chhungkawpual Inkhawm

Hruaitu           : Pi Laltlanzari

|antu              : Pi Sangthangpuii

Thusawitu      : Upa P.C. Thanglawta

PAVALAI PROGRAMME

(13.8.2014 Ningani zan)

Hruaitu                        : Pu C. Zakhuma

|awng\ai rual leh Hla zira hun hman tur a ni.

       

SERMON

RAWNGBAWLNA

     Kan rawngbawl hna hi an dem lohna turin eng kawngah mah tluk phahna tur reng reng kan siam lo va; Pathian rawngbawltute angin engkimah mi mit tlungin kan awm zawk thin, (II Korinth 6:3-4)

            Rawngbawlna tiha sawi kan tum tak chu Pathian rawngbawlna a ni a. Eng angin nge Pathian rawng kan bawl anga, eng kan thawh in nge kan Pathian rawngbawl kan nih tih hi sawifiah fak chu a har mai thei e, nimahsela engpawh Pathian tana kan tih reng reng hi Pathian rawngbawlna chu a ni ngei awm e. A chunga Pathian thu kan tarlan ang khian Pathian rawngbawl hna demawm leh midangte rinna kawnga titlu tu leh tluk phahna siam fo thin tu chu rawngbawltute vek hi an ni, Pathian rawngbawltu ang taka awm hi rawngbawltu awmdan tur diktak a ni tih kan hmuchiang hle. Engkimah rawngbawltu chu fimkhur hle a ngai a ni.

            Rawngbawltu nihna leh a hna hi tuna kan sawi mai aia thuk leh ril zawkfe a ni ngei ang, lei leh van siamtu leh mihring min dintu hna thawk tur hian eng ang chiah a tlin nge ngai ang le. Khawvel sawrkar hna thawk tur pawn thiamna sang tak tak neih a ngaih laiin lei leh van lalber tana thawk tur chuan enganga tlin zawh nge ngai ang chhut thiam pawh a har zawk awm e. Nimahsela nang leh kei ,sualin nasa taka a tihduhdah hnu leh hliam hrep hnu, kawvel thiamna leh finnaah pawh tukhaw phak ve lote pawh Pathianin a rawngbawltu atan hian min thlang si thin hi a mak a, a ropui bawk a, kan phu vang leh kan tlin vang a nilo tih hi a chiang hle mai. Pathianin mn khawngaih avangin a rawngbawl hna kan koah a nghat ve a ni tih hre rengin theih tawpin Pathian rawng kan bawl a ngai a ni tih hi kan hriat reng a tul tak meuh meuh a ni. Kan tlinlohnate kan fellohnate, uire hmang misual kan nihzia leh mi chaklo kan nihziate hi kan Lalpa hian a hai reng reng lova, min haider sak ngai hek lo, misual bo hmang kan ni tih hi chiang takin kan Pathian hian a hria a, hre reng chungin a rawngbawl hna min chelh tir a, a khawngngaihna vang liau liau a ni.

            Mihring chaklo leh sual kan nih avang tak hian Pathian in a fapa nun min pe a, Krista vangin a ni rawngbawltu ni tlak kan nih chauh tih hi kan hriat a pawimawh hle mai. Kan theihtawpin Pathian tan thawk ila, khawngaihna vang chauha a rawngbawl hna thawk thei kan ni tih hi hre chungin mite mithmuha rawngbawl hna demawma kan siam loh nan thahnemngaih lehzual hi kan tih tur a ni. Rawngbawltu ni awm renga kan nitin hun hmang thei turin inbuatsaih sauh sauh ang u.

     

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

HNATLANG

            Mizote hi a huhova hnathawk a hnatlang chi ko chi kan ni a. Hmanlai a\ang tawhin feh kawng sah leh thil dang dangah te hnatlang kan nei \hin. Chung hunah chuan hna thawk thei chin a ngaihte an thawk chhuak \hin a. Hmeithai leh hnathawka chhuak tur neih loh avanga tar chak thawh chhuah \umte pawh a awm \hin. Chutiang mite chu hna hahdam zawk te thawh tir \hin an ni. Hnathawh hun pangngaiah chhuakin ban hun pangngaiah, an zo hma emaw, an laklawh a nih loh chuan ban hun pangngai aia hma leh tlaiah an bang ngai lo.

            Tunlai khawvelah chuan khawtlang pum huapa hnatlang koh pawh a tlem ta hle. Khawtlang hruaituten hnatlang an koh \uma kan awmdan erawh chu kan Mizo nun kan hloh ta hlein a hriat. Tlai takah kan chhuak a, zawmthaw takin hnatlanna hmunah kan khawsa zui bawk a. Hnathawh lam reng reng ngaihtuah lovin  \henkhatte phei chu an nui uarh uarh nileng ringawt mai. Tin, hnatlan a nih avanga hahdam tum ringawt te hi kan Mizo kalphung a ni lo tih hriat thar a \ha hle mai. I thawk peih dawn lo a nih chuan hnatlan loh ngam mai te hi a fuh zawk mai thei a ni.

            Patling/nutling kan inti ve a nih chuan hnatlang hi kan ti bo dawn lo va, \hangthar zawkte entawn atan taimak chhuah leh zual i tum tlang teh ang u. 

           

ARTICLE

CHET DAN MAWI

(Nula leh Tlangval tan)

Nula tan

1.       I tlangval kawmte aiin phawk tum suh. |awngkam \hain mi nel la, taksa erawh chuan an nel ngai lo. Hmel hlim tak put tum bawk \hin ang che. Hmel \hat leh \hat loh hi chu kan thu a ni lova, hlim hmel put erawh hi chu tum leh tum lovah a in nghahna chen a awm. Thusawi a zira nuih hun hriat a \ul a. Mi nuih ham ham laia lo tum bur reng te pawh a mawi lem lo.

2.       Puipun nikhuaah thingpui sem baw zuai zuai suh. Inchei takin mite an lo kal a, thingpui kan tihbuak khum chuan a pawi hle ang. I lo tihbuak khum palh hlauh a nih chuan ngaihdam dil ang che.

3.       Chhiatni /|hatni-ah nula thingpui semtuten kawr awm zau tal ha lo hram se a \ha. A chhan chu an kuna awm zau tak a langte hi a hmutu tan pawh a hreawm a ni.

4.       Nula sam seitak nei chuan sam thlah hnuang lovin sam \awn felin thingpui sem a mawiin a zahawm. Hmeichhe \henkhat thingpui sem chu an sam thingpuiah an chiah lek lek \hin a, chutiang chu a \ha lo hle.

5.       Ruai \hehnaah leh chhuah khawmnaah hmun phiat fai fotu nula nih tum ang che. Puipun nikhua hian nula tlawmngai leh \angkai peih an vang ta hle mai a, \an lak thar a ngai ngawt mai.

6.       Puipun nikhuaah \hiante nen inbiak ruk sur sur chin loh tur a ni. Hetiang chin hian bula \hute ngaih a ti \ha lo thei a, chin fo loh tur a ni.

7.       Zakzum lutuk nih tum lo la, a mawi tawka zak lo thei nih tum zawk ang che.

8.Hnam dang mipa melh chin leh an lam hawia nuih loh tur a ni. Chu ti lo chu an zuam nghal mai ang che.

9.       Nula tan nuih \e nghek nghek te hi a nalh lo hle. Chutiang bawkin a \ul hle a nih loh chuan kawtlaia tlan vak loh tur a ni.

10.     Mipate kuah mai mai leh pawh dawr dawr theih nih hi a mawi lo a ni. Hnam dang hmuhah lehlek phei chuan a mawi lo lehzual a ni.

                                                            (Chhunzawm tur)

           

AIZAWL CHHIM PRESBYTERY KOHHRAN PAVALAI MEET VAWI I-NA PROGRAMME

A hmun          : Saikhamakwn Kohhran Biak In

A hun             : August 16 & 17, 2014

Speaker          : Pastor Lalrinmawia, Kulikawn

Thupui                       : ‘Inthawina nung’ ( Rom 12:1)

August 16,2014 (Inrinni) Zan7:00PM

Chairman       : Upa N. Siamliana, Moderator

Thupuan        :

Zaipawl          : 1) Tlangnuam West Kohhran Pavalai Pawl

                          2) Hmunthar Kohhran Pavalai Pawl

                          3) Melthum Kohhran Pavalai Pawl

                          4) Hlimen Kohhran Pavalai Pawl

Thusawitu      : Partor Lalrinmawia ( Speaker)

August 17,2014 (Pathianni) Chawhma 10:00 AM

Chaiman        : Pastor H.Lalrinmawia, Mission Veng

Thupuan        :

Thilpek lakkhawmna:

Zaipawl          : 1) Saikhamakawn Kohhran Pavalai Pawl

                          2) Tlangnuam Kohhran Pavalai Pawl

                          3) N. Lungleng Kohhran Pavalai Pawl

                          4) Kulikawn Kohhran Pavalai Pawl

Thusawitu      : Pastor Lalrinmawia (Speaker)

August 17,2014 (Pathianni) Chawhnu 1:30 PM

Chairman       : Pastor Dr.C.Chawnghmingliana Tlangnuam

Thupuan        :

Zaipawl          : 1) Lungleng I Kohhran Pavalai Pawl

                          2) Thakthing Veng Kohhran Pavalai Pawl

                          3) Kulikawn Vengthlang Kohhran Pvl Pawl

                                  4) Kulikawn Kohhran Pavalai Pawl

Thusawitu      : Pastor Lalrinmawia (Speaker)

     Chawhnu Inkhawm ban Zaikhawmpui

Hruaitu         : Pastor Lalsangmuana, Lungleng I

August 17,2014 (Pathianni) Zan 7:00PM

Chairman       : Pastor C.Sapkaia, Hlimen

Thupuan        :

Thilpek lakkhawm:

Zaipawl          : 1) Mission Veng Kohhran Pavalai Pawl

                                  2) Tlangnuam South Kohhran PVL Pawl

                                  3) Hlimen Vengthar Kohhran Pavalai Pawl

                                  4) Saikhamkawn Kohhran Zaipawl

Thusawitu      : Pastor Lalrinmawia (Speaker)

** Inkhawm apiangin Inkhawm \an hma darkar khat chhung hi Zaihona atan hman \hin tur a ni.

** He Meet hmang tur hian Pavalai member zawng zawng tel vek tura beisei an ni a, pavalai member  ni lo pawh a thei apiang tel vek tura sawm kan ni e.          

BIBLE  QUIZ  No.32

JEREMIA BUNG (11-15)

A kâr âwl dah khat rawh :

Q1. Ngai rawh u, anmahni ka hrem ang a, tlangvalte chu _____________ an thi ang a, an fanute, an fapate chu tamin an thi ang a;

Q2. I thute chu tihlan a ni a, ka ei a,I thute chu ka tan lawmna leh ka ____________hlimnaa ni;Aw LALPA, Sipaihote Pathian, i hming kan pu ta si a.

.

Q3. Lei lah a khi, ram puma ruah tui awm loh vangin. ____________ chu an zam a, an lu an khuh a.

Q4.______________ buh si a len ang maiin Anmahni ka tidarh ang.

Q5. Tin, heti hi a ni ang a, ka pawh chhuah hnuah anmahni ka khawngaih leh ang a, mi tin, roluah tûr leh mi tin, ama _____________chuan ka rawn hruai ang.

A bung leh châng dah rawh :

Q1. I sualna zawng zawng avâng hian i sum leh pai leh i ro thilte chu man lovin râllâk atân ka pe ang, i ram tluanin.

Bung: ...............          Chang: ....................

Q2. Juda lal Hezekia fapa Manasean Jerusalema a thiltih avângin lei lal ram zawng zawngte zinga vawrh lan vawrh lanah ka siam ang.

Bung: ................         Chang: ....................

Q3.Tin, nang chuan an hnênah, “LALPA Israel Pathian chuan heti hian a ti: He thuthlung thute ngaithla lotu chu ânchhe dawngin awm rawh se:

.Bung: ................         Chang: ....................

Q4. Miin thir, hmâr lama thir leh ngen chu a titliak thei dawn êm ni?

Bung ....................        Chang ................

Hming : ......................................................

Section : .....................................................

BIBLE QUIZ  NO. 31 RESULT

Chhanna lut zawng zawng : 2

Chhang dik vek                       : 2

Lawmman dawngtu: Lalpekhlua (T.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

SAIKHAMAKAWN  KHAWTLANG  JOINT  COMMITTEE  THU  DINGLAI  MIPUITE  HNENA  INHRIAT  THAR  TIRNA

         1. Saikhamakawn Vengchhungah Zu/ Ruihhlo eng chi pawh-

i) Lak luh

ii) Siam

iii) Zawrh/ hralh khap tlat a ni.

         2. Khawhar Ina hun hman chungchang-

i) Inkhawm lai pawh nise ruang awmlai chuan zai theih a ni.

ii) Inrin zan leh

iii) Pathianni chhun leh zan inkhawm chhung hian Biak In atanga bengchheng pha chinah chuan inkhawm ban nghah tur a ni. Inkhawm rei lutuk a awm thei a, zan lamah dar 8 thleng bak nghah loh tur a ni.

         3. Saikhamakawn veng chhunga In luah tur nei ten YMA Pem Lehkha nei nghal lo chu tumah In luah tir lo turin kan inngen a. Tin, lo Pem lut turte pawh YMA Pem Lehkha tel lo chuan lo pem luh phal a ni lo bawk.

                                                                           Sd/-

                                                            (C.VANLALSANGA)

                                                                         President

YMA Branch, Saikhamakawn

HLA  ZIR  TUR

         Aizawl Chhim Presbytery Kohhran Pavalai Pawl Meet a rem tur hla thawhleh zan hian kohhran zaipawl ten zir leh tur a ni a, KTP member ten zir theuh tum ila a tha ange.

LAWMTHU  SAWINA

         Pu J. Lalrinliana chuan Section mamawhna hriain phal takin a gas connection a rawn donate a. Keini Taitesena Section YMA te chuan an chungah lawmthu kan sawi tak meuh meuh a ni.

Sd/-

(ZONUNSIAMA  RALTE)

Secretary

YMA, Taitesena Section

THLARAU BO ZAWNGTUTE

(Neihthil thehkhawm Programme)

A hun: 11.8.2014 (Thawh\an zan) (Dar 7:00)

A hmun: Pi Lawiziki te In.

Hruaitu: Pu Siamliana

|antu: Pi Lalrammawii

HRIAT  ATÂN

Heng thilte hi dan kalh a ni:

1.A neitu phalna lova mobile/computer khawih (IT Act Sec 43)

Hremna: Kum 3 thleng jail or/and Rs. Nuai 3 thleng chawitir (IT Act Sec 66)

2.Social Media-a Fake account siam.

Hremna: Kum 3 jail or/and Rs. Nuai 1 thleng chawitir (IT Act Sec 66C).

3.Saruak leh Ruang thlalak thawndarh.

Hremna: Kum 3 thleng jail or/and Rs. Nuai 5 thleng chawitir (IT Act Sec 66A).

4.Dan-in thiam loh a chantir ni lo, mi 'A eiru',etc tia Social Media-a comment.

Hremna: Kum 2 thleng jail or/and Pawisa chawitir (IPC Sec 499).

5.Social Media-a sakhaw dang deusawh leh sawichhiat.

Hremna: Kum 3 thleng jail tan or/and pawisa chawitir (IPC Sec 153A).

6.Zahmawh rawngkai leh invauna (tualthah, pawngsual) kaihhnawih thawn darh.

Hremna: Kum 7 thleng jail & pawisa chawi (IPC Sec 506, 507).

(Issued by ICT Department, Govt. of Mizoram.)

TUALCHHUNG

,Pu R. Lalkhuma h/o Saithangpuii (T.Sec) te chhunkua chuan tul leh mamawh a hman atan Bolero thar an lei.

,Pu C. Lalmuanpuia h/o  Zoliansangi (Sangpuii)(T. Sec) te chhungkua chuan Pu C. Lalrinmawia h/o Pi Lalchhingpuii (T.Sec) te inhnuaiah an indang.

,Pu C.Lalhruaia h/o Lalbiakdiki (V.Sec) chu damlohna avanga Synod Hospital-a enkawl anih hnuin alo chhuak.

,Mimi Lalhmangaihzuali d/o Vanlalsiami (Ch.Sec) chu damlohna avanga Civil Hospital-a enkawl anih hnuin alo chhuak.

,Pu Zothansanga h/o Vanlalhruaii (V.Sec) chu damlohna avangin phaiah refer niin, enkawl mek a ni.

EDITOR KALCHHUAK

         Mipui Aw Editor Tv. R.Zodinsanga chu zirna sang zawk Shillong lamah a zir dawn avangin Mipui Aw min enkawlpui thei dawn rih lo, a kal zelna turah duhsakna kan hlan e.

VAWIIN KHAWCHIN

A lum lai berin : 260C

A vawh lai berin : 220C

            Chawhma lamah 0mm, chawhnu lamah 3mm leh zan lamah 0mm tla turin weather-forecast.com chuan a sawi a, accuweather.com ve thung chuan chhun lamah 1mm leh zan lamah 3mm tla turin a sawi ve thung.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330