Mipui Aw 15.6.2014

MIPUI AW

KARTIN CHHUAK

Vol. XX Issue No. 24 Kristian Thalai  Pawl  Saikhamakawn Branch  Pathianni Dt.15.6.2014

VAWIIN CHÂNG VAWN

Mihring rinchhana, mihring ban chakna ringa, LALPA hawisanna thinlung neitu chu Anchhedawngin awm rawh se.             (Jeremia 17:5)

KOHHRAN PROGRAMME

15.6.2014 (Pathianni)

Rualbanlote ni

SUNDAY SCHOOL

|antu              : Pi Laldawngliani(Bial-4)       Zirlai 21-na    : Rinna leh tuarna

                                               

Chawhnu inkhawm

Thuhriltu       : Tual Upa C.Vanlalsanga

Zân inkhawm

Thupui            : Rualbanlote hmangaih

Sawitu             : Pi Khawlvuani

K|P PROGRAMME

16.6.2014 (Thawh\anni Zan)

Sermon Inkhawm

Hruaitu           : Tv Lalfakzuala

|antu              : Nl Zorinpuii

Thuhriltu        : Pu Lalduhkima

Thilpek lakh- : Nl Vanlalmalsawmi leh

awmtu turte       Nl. C. Zodintluangi  

Hla hruaitu     : Tv Tlangdingliana leh

turte                 : Tv PC Vanlalhriatpuia

Keyboardist     : Tv Zomuanpuia

            Vawiin K|P Chawhnu Inkhawmban Fellowship tualchhungah chhiattawk an awm avangin \hulh a ni.

KOHHRAN HMEICHHE  PROGRAMME

17.6.2014 (Thawhleh zan)

Serrmon Inkhawm

Hruaitu           : Pi Lalchharliani

|antu              : Pi Zothanpuii

Thuhriltu: Pi Lalparliani

SERMON

                       THLARAU RAH

Chutichuan hei hi ka ti a ni: Thlarau vah awm rawh u, ti chuan tisa chakna chu in zawm dawn lo nia. (Galatia 5:16)         

Kan Pathian Thu chuan Thlarau rah chi hrang hrang min hrilh te
        chu heng te hi an ni a, hmangaihna te, hlimna te, remna te,dawhtheihna te, ngilneihna te, \hatna te, rinawmna te, thuhnuairawlhna te, insumtheihna te. Heng zawng zawngte hi  Pathian Thlarauva awm te chuan an nei tur a ni. Nangmahah khan chung chu a awm em  han inchhut teh le. A mal malin han sawi dawn  teh ang.

            1. Hmangaihna : Hmangaihna i nei em? Tunlai khawvelah |halai tamtak leh nu leh paten hmangaihna kan nei tlem sawt. Biblein Lal Isua a lo kal leh dawn ah ‘Hmangaihna a dai ang’  atih ang khan. Nu leh pa leh kan pi leh pu, kan u leh naute kan inhmangaih dan han chhut i la, midang zawng kha nangmah aiin  i hmangaih em? A nih loh leh Lal Isua hi I hmangaih tek zet em?

            2. Hlimna : Mi hlim thei tak nge  i nih a, mi lungngai reng mi? Thlarau rah neitu chuan engpawh a chungah lo thleng se hlim taka lo dawnsawn dan a thiam \hin.Chutiang mi chu i ni ve em?

            3. Remna : Lal Isua nei a Thlarau rah nei tu chuan a chung a rilru sual tak pu tu pawh a rem thei \hin. I unau, a chhung leh khatte, i \henawmte i rem em?

            4. Dawhtheihna  leh Insumtheihna: I chungah tupawhin engtiang pawn rawn ti che se la, i khing let ve \hin nge? Eng tiangin nge i lo dawn sawn \hin? I hma a thil lo thleng tur ngei pawh dawhthei takin i nghak \hing nge, phunnawi chungin i nghak \hin? Dawhtheihna leh  insumtheihna hi thil inkawp tlat a ni. Riu chhuak nghal phawng pjawmg chi i ni em le?

            5. Ngilneihna : Ngilnei takin  i chhung leh khatte leh  i \hen leh rualte kiangah i awm \hin em? Thing leh mau, nungchate lakah eng tiangin nge i awm \hin le? Hnamdang te lakah ngilneihna i lan tir \hin em?

            6. |hatna : Miten i chanchin an sawiin i \hatna nge an sawi tam i \hatlohna. Thlarau rah neitu chu miten an \hatna an sawi ber \hin.

            7. Rinawmna : I chhung leh khatte, i veng ten rtintlakah an ngai che em? Hnathawka chhawrtu ten an awm loh laiin hnathawkah an duh che em? I hnathawh pui ten rintlakah an ngai che em? Eng tiang chiahin nge miten i chungah rinna an nghah ngam le?

            8. Thuhnuairawlhna : Chapo vin i in hria em? Mi thuhnuaia kun hrehawm i ti \hin em? |ha ve tawk, lian ve tawk, sang ve tawk, nei ve tawk, dik ve tawkah i in hria em? Heng zawng zawngte hian thuhnuairawlh tur chuan min dal tih i hria em? Miin chapo an ti viau maithei che a nia, in en fiah ve teh le.

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

Editorial...?

CHANCHIN|HA  VANG

            Mizo te nun hlui kan chhui let chuan mi lu la hnam, hnam mawl mai kan nihziaah kan in chhui lut lo thei lo a nih hi maw...

            Mahsela Zoramah chanchintha alo lut a, Lal Isua kan rin chinah hmasawnna chu a zuan zuan in a zuang tak meuh meuh a tih theih awm e. Thawmhnaw \ha hak nachang kan hre nghal a, Mizo \awng hi ziak theihin a awm nghal bawk. Chanchin |ha avang hian Zofate hi khawvel tukverhah kan dak ve phak ta ti ila kan sawi sual tam lo khawp ang.

            Chu Chanchin |ha avang chuan Zoramah Kohhran \ha tak tak a lo ding nghal khup a, chu chuan Zofate nun kawng dik lamah leh thlarau nun lamah pawh nasa takin a hruai nghal bawk, kan hlawkpuiin tunlai thlengin kan ram leh khawtlang nunah Kohhran chuan hmun pawimawh a la chang ta zel mai, a lawmawm ti zawng pawhin sawi ila a dik tho ang chu.

            Tin, Zofate min \huikhawm tu Y.M.A ngei pawh Chanchin |ha vangin kan nei  ti ila kan daw hauh lovang. Zoramah khalh ngiltu pawh \ha tak a ni a, tisa lama kawngdik kan zawh theih nana Pathian min pek pawh ti hial teh ang. Zofaten kawng dik kan zawh zel theih nan dik leh huai taka a kal zel turin hruaitu te pawhin huaisenna nei zel rawh se.

                       

           

ARTICLE

Mi au la ka chhang ang che, thil ropui leh inthup i hriat ngai loh chu ka entir ang che. (Jer. 33:3)                     

                                                        -Zothansiami Nu

(chhunzawmna)

16. Thil i ngaihtuah ngut ngut \hin em?

            - I chak zawng kha sawrbing suh, min tibuai tu a ni \hin.

17. Sual em em a inhriatna riau i nei \hin em?

            - |awng\aina nasa takin nei rawh. Lalpa au rawh i thlarau chhanchhuah a nih theih nan; Kohhran Upa-te pan rawh.

18. Mi chhiatna ringawt i ngaihtuah \hin em?

            - Hun harsa i tawk nasa pawh a ni ang, chungte chuan an ti beidawng che pawh a ni ang, rilru te a chhe duh a ni. Pianthar a \ha ber.

19. Chhungte’n min hmusit bik riau a inhriatna i nei \hin em?

            - Heng hi mahni inkhawngaihna a ni duh, ruihtheihthil ti te-ah a awm duh bik. Hauh an dawl lo a, zilh an hrethiam lo, mahni inkhawngaihna a ni.

20. Thil ti thei riau a inhriatna i nei \hin em?

            - Ngaihtuahna sawrbing vang a ni \hin, a tak erawh a thlen leh \hin lo, beidawnna a thlen leh \hin a ni.

21. Phuba lak chakna i nei \hin em?

            - Pathian chet hun nghak rawh, i lawm zawk ang; nangmah i chet chuan i inchhir ang.

22. Hmalam eng tak i thlir laiin beiseina a bo si hian thinlung natna a awm duh a ni.

23. Fahrah ngawih ngawih nih inhriatna te, mal ngawih ngawih nih in hriatna neih hi a \ha lo, mahni inkhawngaihna a ni.

24. Thinlung natna i neih chang pawn Pathian au rawh.

25. Damchhan nei miah lova in hriatna i nei \hin em?

            - I hun tawnah harsatna tam tak i tawk pawh a ni ang, mangang mai suh Pathian au rawh a pui ang che.

26. I nun a thil thleng zawng zawng kha rilru sawrbing nan hmang suh nangmah tichak tu atan hmang rawh hma i sawn zawk ang.

27. Mangang leh beidawng taka i awm pawn i hnena awm Lalpa kha au rawh a pui ang che.

            Mahni nun inhneh loh vanga awm a ni. Depression hian mi hausa leh mi rethei a thliar lova, mi fing leh mi a a thliar chuang lo. Lehkha zir nasa ah te, ruihtheihthil khawih nasa ah te, awm awl lutuk ah te a awm duh, tu chungah pawh thleng thei a ni. Depression hian kum bithliah a nei lo.

BENG TI VAr

BAIL LEH BAILOR

Mitin ten kan hriat atana pawimawh tak pakhat chu
         “Bail” chungchang hi a ni a. Bail kan tih fo \hin awmzia tak chu mi tu emaw dan bawhchhia a an puh an man chu a chungthu/thubuai an ngaihtuah chhung Jail-a awm lova Jail pawn a\anga Court in inlan ni tur a ruat apianga Court a inlan tura intiamna chu a ni.

            Kan Danpui The Code of Criminal Procedure, 1973 chang 436 leh 437 hian a rawn tarlang a. Dan bawhchhia a an puh an man te hi an puh dan a zirin bail theih chi (bailable cases) leh bail theih loh chi (Non-bailable) a awm a, The Code of Criminal Procedure, 1973 chang 436 in a sawi angin bail theih ang chi (bailable cases) a mi an man chuan O/c pawhin bail-in a chhuah thei mai a, chutianga baila a chhuah mai lohva Court-a a thawn a nih chuan, Magistrate khan bail theih a nih thu lo hrilhin Bail-tu (surety) tur an awm chuan bail in an chhuak thei a ni. Hetianga a bail tu tur a neih loh a chhan \ha tawk a awm bawk chuan ama Personal Release Bond in chhuah theih a ni bawk.

            Tunlaia kan hriat lar em em, Anticipatory Bail, an tih mai hi The Code of Criminal Procedure, 1973 chang 438 anga pek leh dil a ni \hin a. Miin bail theih loh thubuaia man a ni ngei dawn nia a in hriat chuan an man hma hauh khan bail a lo dil lawk thei a, chu chu “Anticipatory Bail” kan tih \hin chu a ni. He Anticipatory Bail kan tih mai pe theitu chu Sessions Court leh High Court a ni. Hetianga miin bail an dil, Court-in a phalsak te a nih hian mi tam tak chuan man thiang lo emaw kan ti fo \hin a, hei hi a dik lo a, a \ul leh man ngai ngei nia an hriat phawt chuan Police-ta khan an man thei a, mahse chang 438 anga Court-in bail a lo phalsak tawh a nih chuan Court thu angin an man hnu khan bail-a chhuah leh tur a ni.

            Bail chungchanga kan hriat tur pawimawh tak mai chu mi bail-a a chhuah lai khan heng avang te hian a “Bail Bond” kha cancel theih a ni a, hetianga Court-in a bail a cancel a nih vaih chuan Jail-ah khung nghal tur a ni. (a) Mi bail-a chhuah laiin dan bawhchhia a puh a nih lehin (b) A thubuai ngaihtuah a nih laia evidence a tih buaiin emaw thu hretute a lo vauin (c) Sap ram emaw India ram hmun hrang hrang pawh nise Court phalna lova a kalin (d) Police Officers emaw Court Officers te laka mawilo taka a khawsak in.

Bailor-te mawhphurhna : Tunlaiah mi tam takin bailor te mawhphurhna hre miah lovin a pawng atakin mi kan bail leh mai \hin a, a tawp ah buaina an nei leh fo \hin a ni. Mi bail-a a chhuah dawn chuan amah bail-tu tur “Bailor” a neih a ngai a ni. Heng Bailor kan tih te hian, mi a bail hmain intiamkamna (bond)-ah a sign a, chung a intiamna-ah chuan Court-in a koh hun apiang ah a mi bail nen chuan Court-ah an in lan tur a ni a, hetia a mi bail chu a lo tlanbo a Court-a a hun taka a hruai thei lo a nih chuan a lo intiamna angin a mawhphurhna zawng zawng chu a chungah tlain man hial a tawk thei a, tin, hemi bakah a lo intiamna ang ngeiin pawisa pawh a chawi thei a ni.   (Source : Bengvarna  Vol-1 )

           

BIBLE  QUIZ  No.24

ISAIA 36-40

A kâr âwl dah khat rawh :

Q1. Tuin nge LALPA ___________chu thil tih dan tûr kawhhmuh le? A nih loh leh tunge a remruatsaktu nia amah zirtir le?

Q2.________________ Hezekian Isaia hnênah chuan, “LALPA thu i sawi hi a tha e,” a ti a. Amah vek chuan, “Ka dam chhûng hian remna leh thutak a awm dawn si a,” a ti bawk a.

Q3Tin, ______________ a thil sawi hi a ti ngei dawn tih, hei hi i tan LALPA laka chhinchhiahna tûr chu a ni ang:

Q4.  Chutichuan_________________lal Senakeriba chu a chhuak a, a kal a, a kir leh ta zel a,Ninevi khuaah chuan a awm ta reng a.

Q5. “Heti hian Juda-ho lal Jezekia hnênah in sawi tûr a ni, ‘I rin Pathian chuan,___________________khua Assuria lal kutah pêk a ni lo vang, tiin bum che suh se.

A bung leh châng dah rawh :

Q1.Hamath leh Arpad-ho pathiante kha khawiah nge an awm tak? Sepharvaim-ho pathiante kha khawiahnge an awm tak? Samari khua kha ka lakah an chhanhim ta êm ni?

Bung: ________         Chang: _________

Q2Lebanon meuh pawh tuah tham a ni lo va, a rama rante pawh hâlrala inthawina tham an ni hek lo.

Bung: ________         Chang: _________

Q3       Ti Rabsakeha chu a ding a, Juda tawngin aw ring takin a au va, “Lal ropui tak Assuria lal thute hi ngaithla rawh u.

Bung: ________         Chang: __________

Q4.Tin, LALPAN a thil sawi hi a ti ngei dawn tih, hei hi i tan LALPA laka chhinchhiahna tûr chu a ni ang:

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 23RESULT

Chhanna lut zawng zawng      :7

Chhang dik vek            :7

Lawmman dawngtu      :Lalhmangaihzuali (V.sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 19.6.2014 (Ningani)

Hruaitu  : Upa Lalrindika

|antu     : Pu J. Thantluanga

Thuhriltu: Pu Siamliana

LETTER TO EDITOR

(Editor ngaihdan a ni vek kher lo)

Saikhamkawn hi Saikawn ti tawh ila

      Khua/Veng hming thlak hi a har viau naa a theih a ni tih kan hriat \heuh kha.

Ka rawt chhante :-

1. A sei lutuk hian harsatna min siam hnem ta khawp mai.

2. Hming dang daih vuah tum chu in hrilhfiah ngai a tam \hin, mi rilruah a nghet har, a hrul thei ang ber a thlak a awl \hin.

3. A phuah chhante chhung tan pawh na lo turin a hming phel a koh ang lek a la ni e.

4. Dilkawn, Falkawn, Bungkawn, Farkawn, Saikawn tih hi lam nuam tak, awmze kim tawi leh mawi ava ni em!

5. Mi tam tak hian an hmanhmawh phei chuan an lo thlak fo tawh \hin. Kan YMA Vice President Pu Mapuia phei chuan Saikawn a tihna a rei tawh.

6. Cell Phone a save a leng \hin lo.

Remti apiang ban phar ru.

Remti lo chu rawn bengchheng ve teh u.

DAWNGKIMA

Saikhamakawn

Vawiin KHAWCHIN

            Max : 300C      Min : 250C

                       

            Chawhma lamah 2mm, chawhnu lamah 5mm leh zan lamah 5mm tla turin sawi a ni.

(source :weatherforecast.com)

K  |   P

@ Assistant Leader Pu Jeff Lalhmingsanga Hlimen Damveng Kohhrana a pem tak avangin Fin. Secretary ni lai Pu Lalremruata chu Asistant Leader atan ruat a ni a, Fin. Seretary atan Nl Lalramnghaki ruat thar a ni.

@ Rawngbawlna lamah hma sawn zelin July thla a\ang khian Tirhkoh 15 an chawm mek chu pakhat(1) chawm belh a, 16 chawm tum a ni. He mi atan hian K|P member te pawh a aia \an nasa leh zuala la turin an in ngen a ni.

@ Group hrang hrangten Kum chanve Group Budget ( Jan -June) ` 8000/- \heuh an tlak fel ta. July- November atan ` 5000/ \heuh tuk leh an ni. Group member tin te \hahnem ngai taka Lalpa tana thawk zel turin an in sawm.

@ Kristian |halai Chanchin Bu man June Thla chhung hian kum khat lak man ` 60/- Chanchin Bu latu te hnenah an rawn khawn dawn a, Kristian |halai Chanchin Bu latu zawng zawngte an hriattir  bawk.

MUSIC ZIR DUH TAN

         Synod School of Music hnuaiah July-December,2014 chhung atan Keyboard zir duhte tan seat dil theih a ni a. Dil duhte chuan a hnuaia tarlan te hi hriat nise:-

1. Music Department, Synod Office a\angin dilna form la chhuakin June 24, 2014 ral hma ngeiin Synod Office-ah thehluh tur a ni. June 25,2014-ah seat chang turte hming tarchhuah a ni ang a, zir tura thlan te chuan June 26 & 27,2014-ah Admission tih fel tur a ni ang.

2. July 1,2014 a\anga class \an tur a ni ang.

3. Dilna-ah mahni awmna Kohhran lehkha thil tel ngei tur a ni.

4. Hriat tur \ul dang chu dilna Form-ah tarlan a ni.

TUALCHHUNG

, Pu T.Lalrinthanga (T.Sec) te chhungkua chuan khawi ilo vah vel nan Bike (Karizma) thar an lei.

SAIKHAMAKAWN

PRESBYTERIAN

KOHHRAN BUNGBEL/

HMANRAW HAWH DAN

1. Kan Kohhran mi leh sa chunga

thleng chhiatni/\hatni-ah khawtlang

bungbel/hmanrua in a daih loh chuan

heng a hnuaia Kohhran bungbel/

hmanrua te hi hawh theih a ni ang a,

tihbo emaw tih chhiat emaw te chu

rulh leh tur a ni ang.

(a) |huthleng (bench):  a awm ang ang

(b) Dekchi                   : 8

(c) Bal\in (Aluminium)            : 10

(d) Fianpui (Aluminium): 3

(e) Fianpui (Steel)        : 10

(f) Fianpui lian awng   : 2

2. A chunga tarlan bak Kohhran bungbel/hmanrua te hi hawh theih a ni lo.

3. Biak In hawnga innei, Sunday School Hall-a a lawmna hun hmang te tan choka leh bungrua te hman theih a ni ang a, Gas erawh chu a hmangtuten an in tum ang.

4. Bungbel/hmanrua hawh turten Kohhran Committee-ah  an dil hmasa anga, phalsak an nih chuan Property Incharge emaw Chowkider hriatpuinain emaw lakchhuah a, dah let leh tur a ni. An hawh zat list fel taka siam tur a ni a, kim tak leh him taka dah let leh \hin tur a ni.

Sd/-

(UPA ZONUNMAWIA)

Secretary

Saikhamakawn Presbyterian Kohhran

Zanin World Cup

Ivory Coast vs Japan (9:30 IST)

France vs Honduras (12:30 am)

Argentina vs Bosnia (03:30 am)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 8.6.2013

MIPUI AW

KARTIN CHHUAK

Vol. XX Issue No. 23 Kristian Thalai  Pawl  Saikhamakawn Branch  Pathianni Dt.8.6.2014

VAWIIN CHÂNG VAWN

I thinlungin misual awt suh se; nilengin LALPA \ihin awm zawk rawh. Lawmman a awm ngei dawn si a, I beisei chu tihbovin a awm lo vang.

(Thufingte 23:17,18)

KOHHRAN PROGRAMME

29.12.2013 (Pathianni)

PENTIKOS NI

Chawhma inkhawm

Thupui : Kan mamawh Thlarau Thianghlim       

Thuhriltu         : Pastor C. Sapkaia

Chawhnu inkhawm

Thupui : Thlarau Thianghlima khah

Thuhriltu         : Upa Lalzama

Zân inkhawm

Thupui : Thlarau Thianghlim zara thiltihtheihna  

Thuhriltu         : Upa R.Lalngena

K|P PROGRAMME

9.6.2014 (Thawh\anni Zan)

Neihthil thehkhawm

A Hmun          : Sunday School Hall

Hruaitu           : Tv R.Lalzamlova

|antu              : Tv Lalzarmawia

Hla hruaitu    : Tv Tlangdingliana leh

turte                : Tv PC Vanlalhriatpuia

Keyboardist     : Tv Zomuanpuia

KOHHRAN HMEICHHE PROGRAMME

10.6.2014 (Thawhleh zan)

Chawnhgei |awng\ai Programme

Hruaitu           : Pi Zohmingthangi

|antu              : Pi R.Lalzuali

Vawiin chawhma inkhawmah hian NPSS chuan hla rem tur a ni a, naupang leh zirtirtute dar rik hma deuhin kal i tum ang u.

SERMON

|HATLAI NI CHEN

|halaite u, in \hatlai chen ula, In la naupan viau lai hian hlim rawh u, Amaherawhchu Pathianin in chungah Ro a rel dawn tih hre reng ang che u.(Thuhriltu 11:9)

               

            Kan Bible hian |halaite hnena thurawn a pek pakhat chu tuna kan Bible chang tarlan hi a ni a. Kan \hatlai hi chen a, kan la naupan viau lai hian hlim taka awm turin min ti a. Pathian hian Mihringte hi min siam ropui hle mai,duhthlang thei, chhia leh \ha pawh thliar hrang theiin min din a. He khawvela kan lo piana thil hre thei rual kan nih a\ang rengin sual leh \ha, kawng dik leh dik lo hre turin finna leh thiltihtheihna mak tak maia thuam in kan awm bawk.Kan tana \ha tur leh \ha lo tur te, kan hmalam hun tur pawh ngaihtuah lawk thei tura siam kan ni. Chung zwng zawng chu hre rengin kan Pathian Thu chuan |hatlai hun chen a hlim turin min ti a ni.Dik leh dik lo, \ha leh \ha lo, nuam leh hrehawm, tui leh tui lo eng kim mai hre thei ti thei a min siam hi a ropui hle a ni.

            Mi \henkhat Pathain thilsiam zinga ropui ber, Pathian anpui ngei a a siam, duhthlanna zalen tak min pek mahse, duhthlanna hman dik tak loh avang a a hun hma a thalmuala vui liam tak an tam hle  mai. Enge a chhan ni ang a, eng vanga duhthlanna hmang dik lo nge ni ta ang le? A chhan ni bera lang chu Biblein |hatlaini chen a phal tih avangin mahni duhdan in kan hun leh ni kan hmang a,ka awmdan hi Pathian duh zawng a ni em tih ngaihtuah reng reng lovin nuam leh \ha kan tih zawng ang angin kan awm a, Sual leh \ha pawh thliar hrang thei lo khawp hialin zu, Ruihhlo, Ganja, sex kan in phuarbeh tir \hin.Kan Bible-in min hrilh |hatlai chen a, kan la naupan viau laia hlim tura min tih hian adawt a a sawi leh chu ‘Amaherawhchu Pathianin in chungah Ro a rel dawn tih hre reng ang che u’ tih hi a ni.Chuvangin |hatlai hun i chen in, i chen dan kha Pathian Rorelna hmaa dinpui chi a ni em tih  inngaihtuah hmasak a \ul hle a ni.

            Tunlai Khawvelah |halaite Sualna chi hrang hrangin min bei a, rualawhna chi hrang hrangin min run mek bawk. Chu tih lai chuan Pathian hian a mah ringtute hi hlim taka awm turin min duh a. Mahse chung min duhsakna chu Khawvel mite anga chen tur kan ni lo a ni tih kan inhriat a ngai a ni. Pathian  pawisa lo tute tih ang zel a ti ve tur hian Pathian hian min ti lo va, A ma duhdan leh \ha a tih anga chena hlim taka awm turin min ti zawk a ni. Kan \hatlai hun reiloteah hian kan \hatlai chen dan hian kan nakin hun tur a hril a ni tih hriain kan \hatlai niah hian kan nun kan uluk a ngai a, mite nuam rih ang kha ka tan a\ha ve kher lo a ni tih hre reng chungin kan \hatlai chenin hlim takin i awm ang u.           

                 

     

EDITORIAL  BOARD

              f

Editor :

Tv.R.Zodinsanga                    - 8974743073

Jt.Editor:

Pu Lalduhkima                       -9862648830

News Editors :

Tv.PC.Vanlalhriatpuia           - 9862732381

Tv.F.Laldingliana                   - 9862378567

Tv.Lalfakzuala                        -9862033731

Pu Benjamin Lalduhsaka       -9862907973

Nl. Lal\anpuii                 -8974243380

Nl.Malsawmtluangi               -8731059158

Circulation Manager:

Tv.Laldawngliana                   - 8974743091

Editorial.........?

A LANGA MAWI

            Tirhkoh Paula chuan a lehkha thawn pakhatah chuan ringtu te chu an chhungril lam thlarau nun mai piah lamah midangte ngaiha thil mawi leh \ha zawng turin a fuih mawlh mawlh a ni tih Bible-ah kan hmu.

            Kan nun phung leh thil tih duh dan han en hi chuan mi zawng zawng chu sawi loh, mahni veng te leh \henawmte ngaiha thil mawi pawh zawng hman lovin kan duhna ah chuan kan che pawp pawp mai ni te hian a hriat \hin. Sa lei chungchangah te, gas lak nikhuaah te, tui sem chungchangah te, contract hnathawh chungchangah te leh thil dang dangah te hian kan thlarau chan a sang viau lo a nih pawhin a langa thil mawi tal hi zawng hram hram thei ila chuan tute tan pawh a nuam ni mai tur.

            Chhungril lam nun chu tuman kan inhmuh sak thei lo a, a langa mawi zawng thiam thiam te hian thang\hat an hlawh mai \hin a lo ni zawk. Chuvangin kan in\henawm khaw venna  leh kan inkhawm boruak thleng pawh tun aia a lo nawm theih zawk  nan a langa mawi i zawng hram hram \hin ang u.

                       

           

ARTICLE

Mi au la ka chhang ang che, thil ropui leh inthup i hriat ngai loh chu ka entir ang che. (Jer. 33:3)

                                                        -Zothansiami Nu

1. Mal ngawih ngawih a in hriatna i nei \hin em ?

            - Chhungte duhsakna dawng phalo a in hriatna te nei a ni duh. Mahni inkhawngaihna a ni.

2. Hlauhthawnna riau i nei \hin em?

            - Thil \ha lo suangtuah vak vak suh. |awngtai rawh Lalpa’n a pui ang che.

3. Thi dawn a in hriat chang i nei em ?

            - Lalpa’n min kohna a ni duh \hin, suangtuahna pawh a ni duh a ni.

4. I nun hi i ning ngawih ngawih \hin em ?

            - Bible chhiar \hin te a \ha, hunawl ngah loh a \ha, thawh tur taima taka thawh a \ha.

5. Awm tlei tu tur i zawng \hin em ?

            - Nangmah hmangaihtu bel mai rawh.

6. Zanah pawh muhil ngam lovin i awm \hin em ?

            - I ngaihtuahna sawrbing lutuk suh, i zeldin thu kha tak tak emaw tih a \ha lo, Pathian au la \awng\ai rawh.

7. Mahni in tih hlum duhna te i nei \hin em ?

            - I nu leh i pa te hrilh thuai ang che, emaw i mi rin zawng tak hnenah hrilh ang che, i thlarau nun chhanchhuahna turin.

8. Mangang chang riau i nei \hin em ?

            - Harsatna lo thleng tura ngaihna avangin a awm duh a ni. Pathian au rawh tichuan i thlamuang ang.

9. I thawpik ngawih ngawih \hin em ?

            - Rilru hahna tak i nei a ni duh, sawi chhuah ngam si loh te a ni duh. Pathian hnena thlen mai hi a \ha.

10. Mi hmel hlim hmuh i peih lo \hin em ?

            - Engemaw rilru natna riau nei te hian a awm duh \hin, taksa chak tawk loh vang pawh in a awm duh a ni.

11. Mi bulah i awm peih lo \hin em ?

            - Taksa chak tawk loh vang pawn a awm thei a ni, in enkawl a \ha.

12. Natna khirhkhiap tak nei dawna in hriatna i nei \hin em ?

            - Mahni inrintawk lohna avang te in a awm thei. Taksa chak loh pawn a awm thei, ngaihtuahna mai mai a ni duh.

13. Mahni inrintawkna i tlachham em ?

            - In ringngam turin huaisenna nei rawh; Lalpa au rawh, a pui ang che.

14. I beidawng \hin em ?

            - Hmalam panin kal zel rawh, huaisen rawh, Lalpa au rawh, a pui ang che.

15. I suangtuahna kha a tak tak a thlen lohin i beidawng \hin em ?

            - I duhthusam a tak thleng thei turin \an la rawh, taima takin thawk rawh malsawmna a awm.

(chhunzawm tur)

BENG TI VAr

SEPTIC TANK

            Septic Tank chu kil li nei, a sawl (rectangular), lei laihkhuara brick emaw, RCC emaw a siam \ha taka plaster a ni. Phui \ha tawk, thim, Oxygen tel lova nung thei chi ‘anaerobic bacteria’ nun theihna hmun a ni tur a ni. Heng bacteria hian ek a lo ei \awih a, chemical leh biological reaction a lo awm bawk a, chu chuan a ti-septic ta a ni ber. Septic tank-a ek a lo luha ‘action’ a lo awm hian, a sakhat leh rit ho chu a mawngah an tla a; chung chu bacteria-ho khan an lo ei ral a. |awih ral thei lo, a mawnga tlem tlema lo inchhek khawl ho chu ‘sludge’ an ti a. Sludge hi a lo tam deuh hnu ah, khur hmun thuma \hena hmun khat aia tam a chim hma in paih zel tur a ni. Septic Tank ah hian ek bakah insilna tui leh toilet paper bak tih luh loh chuan thil \awih thei lo, sludge hi paih ngai khawpin a awm lo thei a ni. Tin, a zang deuh ho, thau leh mawm lam chi te chu chung lamah an lang a, chung chuan har ang deuh, chhah deuh si lang luau luau thei a siam a; chu chu ‘Scum’ tih a ni. Gas tam tak a insiam bawk.

       Mi tam takin septic tank-a gas insiam hi a chhuahna an siam loh avangin, chu gas chakna (pressure) chuan a tawn keh fo \hin. Chuvangin gas pipe 50mm vela lian vuah ngei tur a ni. Bacteria-ho chu thlamuang taka an awm theihna turin tank chhunga tui chu a che vak tur a ni lova. An mahni tihlum thei tur reng reng damdawi te, sahbawn tui te, khawnvartui leh grease lam chi thun luh miah loh tur a ni. Hei hian bacteria a zuk thah avangin a septic \ha thei lova, tank khur a khat thuai thuai \hin a ni. Tank hi hman hmain tui \ha chhun khah phawt tur a ni a; bacteria an pun chak nan sakawr ek emaw, bawng ek emaw lo dah lawk hi a \ha bawk.

       Indian Standard Code of Practice, IS:2470 ang chuan septic tank chu a te berah a vang lam 75cm (21/2 feet), a thuk lam-tui chim chin 1m, a dung chu a vang lam let 2 a\anga let 4 vel tur a ni. A hmang tu mihring tam dan a zirin tank size hi a danglam a. A vang lam 2.75m aiin lian lo sela. A vang hlai \hat loh nachhan chu tui luan dan a rual lova, hmun \henkhatah scum a awmkhawm bik \hin. Tin, a thuk lam pawh hi tui chim chin chu 1.5m aiin tam lo sela; a thuk lutuk chuan bacteria a nung thei lova, a septic \ha thei lo. Heng a\ang hian Zopa ngaihdana tank lian apiang tlo tura ngaih chu a dik lo tih a chiang mai awm e. Tank pakhat, hlai tak a \hat loh avangin, design-ah lian tak pawh lo ngai sela, hmun khatah lian pui siam ai chuan a tlara hmun 2 hmun 3-a siam mai tur a ni.

(Source : The Handbook of Building Construction)

           

BIBLE  QUIZ  No.23

ISAIA 31-35

A kâr âwl dah khat rawh :

Q1. Savate an bu chunga an thlawk an thlawk ang hian sipahote LALPA chua Jerusalem khua chu a veng ang; a vengin a chhan chuak ang a, akal hleni a ____________________ ang.

Q2.Mi sual chu tuma zah a kai lo ang a, mi duham chuan  ngaihsan a hlawh ______________ lo ang.

Q3.LALPA chu chawisanin a awm ta; chung lamah khian a awm si a: ani chuan ____________ chu rorêl felna leh felnain a tikhat ta.

Q4. Ka khandaih chuan vanah tlai takin a in ta si a; ngai teh, chu chu, rorêl tûrin,  Edom-ho chungah leh ka ânchhelawh mite _____________ chuan a chhuk ang.

Q5. Chumi hnuah chuan mitdelte mit chu tihmenin a awm ang a, bengngawngte beng chu ________________ a awm ang.

A bung leh châng dah rawh :

Q1.“Aw Israela thlahte u, nasa taka in helsan taka lam chu hawi leh tawh rawh u.

Bung: ________           Chang: _________

Q2.Mi duham chu khawlo tak a ni; retheite chu dawt tichhe tûrin thil sual a phiar chhuak a, pachhiate pawh an diknaah pawh a dang tlat \hin.

Bung: ________           Chang: _________

Q3.lamliante chu a thing thiap \huap a, mi zin veivak chu an awm ta lo va: ani chuan thuthlung chu a bawhchhia a, khuate chu a hmusit a, mihring a ngaihsak tak lo.

Bung: ________           Chang: __________

Q4.A lui tuite chu lawng hnaia chartirin a awm ang a, a vaivut chu kata chantirin a awm bawk ang a, a ram chu lawng hnai kang hluah hluahah a chang ang.

Bung: ________           Chang: _________

Q4.tin, LALPA tlante chu an kir leh ang a, hla sa chungin Zion chu an thleng ang a; chatuana lawmna an lu chungah a awm tawh ang: hlimna leh lawmna an hmu ang a, lungngaihna leh rumna chu a bo tawh ang.

Bung: ________           Chang: _________

Hming  : ____________________________

Section : ____________________________

BIBLE QUIZ  NO. 22 RESULT

Chhanna lut zawng zawng :4

Chhang dik vek              :4

Lawmman dawngtu        :C.Lalrinsangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 12.6.2014 (Ningani)

Hruaitu   : Pu C. Lalchuansanga

|antu     : Pu Lalnunsiama

            |awng\ai rual leh rilru sawia hun hman tur a ni.

TBZ PROGRAMME

Dt. 9.6.2014 (Ningani)

Neihthil thehkhawm

A hmun       : Nl. Lalthanchami In

Hruaitu        : Pi Ralliani

Thusawitu   : Pu Lallaisangzuala (Missionary kan chawmlai)

BETHEL MEDICAL MISSION & HOSMAT HOSPITAL EDUCATIONAL GROUP

(India’s no.6th Bangalore’s no.1 Neuro & Ortho Research Hospital)

Courses Offered

* PUC/ +2 : (PCMB, PCMC & Commerce)

* Nursing : M.Sc. (all branches)B.Sc., PB.B.Sc.&General (DGNM)

* Physiotherapy : MPT & BPT

* B.Sc., (OTT) Bachelor of Operation Theater Technology

* B.Sc., MIT (Radiology/ CT/ MRI Scan)

Contact :         9436144383

                        9862558779

 

BO CHHAR

          Thla hmasa lam tawh khan bag chhar a ni a, a tibo chuan Pu Vanlalruata, Melthum te inah lam theih a ni e.

                   

Vawiin KHAWCHIN

            Max : 300C      Min : 240C

            Chawhma lamah 0mm, chawhnu lamah 2mm leh zan lamah 0mm tla turin sawi a ni.

(source :weatherforecast.com)

LAWMTHU SAWINA

            Dt. 5.6.2014 ( Ningani)-a K|P te inhlawhna \ha tak min siamsak tu Pu C. Lalhmangaihsanga hnenah lawmthu kan sawi a. Tin, member hnatlanga thawkchhuak zawng zawng te chungah Saikhamakawn Kristian |halai Pawl  chuan lawmthu a sawi tak meuh a ni.

Sd/-

(LALDUHKIMA)

Secretary

K|P, Saikhamakawn Branch

BIBLE CHHUNG

Thuthlung Hlui -

            Bu-39, Bung-929, Chang- 23,214, Thumal- 5,92,439, Hawrawp- 27,38,100

Thuthlung Thar -

            Bu-27, Bung-260, Chang- 7,931, Thumal- 1,32,253 Hawrawp- 9,33,383

Belhkhawm -

            Bu-66, Bung-1,189, Chang- 31,145, Thumal- 7,24,692 Hawrawp- 36,71,438

            Ni tin bung thum (3) vel chiarin kum khat chhungin Bible a chhiar chhuah theih.

HRIATTIRNA

1. Vengchhungah Foreigner leh Innerline Permit nei lote inluah tir leh awm phal a ni lo.

2. Inluah tur nei ten, YMA pem lehkha nei nghal te chauh luah tir tur a ni.

3. Mikhual leh zan thum (3) aia rei cham tur leh awmpui tur chuan YMA Br. President emaw Secretary hnenah hriattir a, report tur a ni.

4. Vengchhungah zu leh ruihhlo eng chi pawh lakluh/siam/zawrh/ khaptlat a ni.

               Hei hi khawtlang alo thianghlim a kan him zel theih nan Dan dinglai kan inhriattir leh a ni e.

            Tin, YMA Day hi Pathianni anih avangin sawrkar chuan a tuk ni 16.6.2014 (thawh\anni) ah sawn a ni a, YMA Member-te hlim taka hmang turin inbuatsaih ang u.

Sd/- (C.VANLALSANGA)

President, Branch YMA

TUALCHHUNG

, Pu C.Lalduhawma (T.Sec) te chhungkua chuan khawi ilo vah vel nan Scooty (Flyte) an lei thar.

FIFA WORLD CUP 2014 RISK COMPETITION

1. Khawi ram nge champion ang?

2. Khawi ram ten nge final khel ang ?

3. Khawi ram ten nge semi final lut ang ?

4. Tu nge top scorer (golden boot) ni ang ?

5. Tu nge best player (Golden ball) ni ang ?

6. Tute inkhel-ah nge goal lut hnem ber ang ?

7. Tu nge red card hmu hmasa ber ang ?

8. Tu nge yellow card hmu hmasa ber ang ?

9. Eng ramin nge goal thun hnem ber ang ?

10. Eng ramin nge goal chhuah hnem ber ang ?

11. Tu nge goal thun hmasa ber ang ?

12. Khawi ramin nge fair play award dawng ang?

    

            Chhanna hi full scape paper-ah felfai taka ziakin Editorial Board te hnenah World Cup \an hma ngei thehluh tur a ni. Risk dik hnem ber pathum te hnenah lawmman \ha tawk tak pek an ni dawn a, lawmman pakhatna hi Rokunga Music School ten an sponsor dawn a, pahnihna hi Pu C. Lalmuanpuia’n a sponsor ve thung ang a, pathumna chu Upa Zonunmawia’n a sponsor ang. Chhan dik zat in ang an awm chuan \hum vawr a ni ang.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330