Mipui Aw 13.4.2014

MIPUI AW

KARTIN CHHUAK

Vol. XX Issue No. 15 Kristian Thalai  Pawl  Saikhamakawn Branch  Pathianni Dt.13.4.2014

VAWIIN CHANG VAWN

“Hosanna ! Lalpa hminga lo kal chu fakin awm rawh se,Ram lo thleng tur,kan Pa Davida ram chu chawimawiin awm rawh se.Chungnung berah khian Hosanna!tiin an au va.

Marka (11:9)

KOHHRAN  PROGRAMME

Dt. 13.4. 2014 (Pathianni)

Tumkau ni

Sunday School Inkhawm

|antu           : Pi Sanghluni

Zirlai 14-na : Kristian chhungkua-Nupa

Chawhnu Inkhawm

Lalpa zanriah sacrament

Buatsaihtu   : Pastor C.Sapkaia

Zân Inkhawm

Thupui           : “Kan nunah Lal Isua lalber                             rawh se”

Thuhriltu    : Pastor C.Sapkaia

KTP PROGRAMME

 Dt. 14.3.2014 (Thawhtan zan)

Neihthil thehkhawm

A hmun          : S.S.Hall

Hruaitu           : Tv. Pc. Vanlalhriatpuia

|antu         : Tv. Lalhmangaihzuala(VLA)

Hla hruaitu    : Tv F. Laldingliana

                          leh Nl R.Lalngaihawmi

Keyboardist   : Pu Lalremruata

KOHHRAN  HMEICHHIA 

Dt. 15.4.2014 (Thawhleh zan)

Hruaitu           : Pi Lalhmangaihi

|antu              : Pi Lalrinengi

Thusawitu      : Pi Zuimawii

MI NARAN KAMCHHUAK

- Zu suala ngai lo nia insawi te pawhin fapa/makpa zu in \hin ai chuan in ngai lo an duh zawk.

- Pu Mafela

SERMON

hosanna

Tin, mipui a hma lama kalte leh a zuite chuan,

“Davida fapa hnenah Hosanna!

Lalpa hminga lo kal chu fakin awm rawh se

Chungnung berah khian Hosanna!” tiin an au va.

(Matthaia 21:9)

            Lal Isua krista hi he khawvel mihring a a lo chan hian chawimawi a hlawh tlem hle mai a. A lo pian tirhin he lei mihringte zingah  Berampute leh Khawchhak mifingte hi   thilpekte pea chibai buka chawimawina hlantu an ni a. Lal a nih avanga chawimawi a hlawhna tur hmunah ngei pawh dodal a ni zel a. A thih dawn hma chawlhni hnuhnung berah Jerusalem a luh dawnin kal kawngah Sabengtung no chunga chuangin

mipui tam takin chhawlte satin, akalna turah phahin thenkhatin an puante an phah bawk a. A hma lama kalte leh a hnung lam zuite chuan chawimawiin an au rual a nih kha. Kan Lal Isua hian leia a len lai hian chawimawi a va hlawh tlem teh reng em!

            Jerusalem an thleng a, mipuite chuan an fak leh an chawimawia chu tunge a nih an la hre chiang lo leh ta. “He mi hi tunge ni?” tiin an in zawt hlawm a . An chhanna chu “Zawlnei Isua Galili rama Nazaret khuaa mi chu a ni” an la ti duh chauh mai. A mah faka chawimawitute ngei pawh hian hre chiang lo vin miin an tih a vang mai hian an lo fak ve mai a ni lo maw? a tih theih a ni. Kei ni Zoram kristiante ngei pawh hian kan fak leh kan chawimawi hi kan hre chiang em? Kan fak leh kan chawimawia hi tu nge ni? Engvanga chawimawi nge ka nih a, eng vanga fak nge ka nih in chhut nawn fo teh ang u.

            Vawin ni a kan fak leh kan chawimawi Isua hi kar leh maiah khian khenbeh turin kan au rual leh mai ang em le? A nih loh leh Hosanna ti au va Tumkau nena kawngzawha Pathian fak tur hian Sunday School naupangte leh Zirtirtute chauh hi kan ring mai ang tih a hlauhawm hle bawk. Kan thinlung hian Isua Krista chu Lal ani tih hi hre chiang se la, Fak leh chawimawi hi kan tih tur \heuhvah i ngai ang u. Pathian hian a mah faknan aw min pe a kan kut leh kete pawh a mah chawimawi nan kal a phar turin min duh a ni tih hriain theih tawp i chhuah zel ang u. Pathian Biakin a kan kal a amah fakna hla kan sakte hian kan aw neih zawng zawngin fak i la, kan fak Pathian hi Lei leh van Lalber khawvel chhandamtu a nih hi hre thar lehin Hosanna tiin i fak ang u. 

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

                        Kawngpui chep...

            Kan thudang a lai chuan Zoram mipuite thudik nge dawt pawh kan hriat tak tak theih loh laiin Kan ram rorel khawl MP kan thlang leh zui nghal a. Boruak hrang hrangin min nuai vel nawk nawk lai hian kan veng  lo nawm zia leh kawngpui kan neih \hat zia chu veng danga kal \hinte chuan kan hai awm lo ve. He ti khawpa kawngpui kan nei \ha hi enge a chhan ti ila veng chhung mi \hahnemngaite thawhrah a ni a tih loh theih loh vang.

            He ti khawpa kawngpui tha kan neih hi duat tak leh dimdawih taka kan enkawl a tul awm e. Tin, Veng \hang duang tak kan ni a, in leh lo leh lirthei neih lamah pawh kan \hang nasa hle. Thil lawmawm tak a nih rual hian zir ngai leh tih tur chu kan la ngah viau awm e.

            Kawng tam tak sawi tur chu awm mahse hei chauh hi han thai lang hram i la. Motor Garage nei lo kawngpui sira dah mai a tam zawk kan ni a. Zan lam leh Pathianni bikahte hian kawng pui hi a chep \hin khawp mai. Mahni Motor dahna atan Sidedrain khuhna hi rinawm deuhvin siam ta i la, kawngpui chep lutuk hi feet 2 talin a zau phah thei tlatinin a hriat. Accident lakah pawh kan him deuh theih lo maw  le! Kan kawngpui a nawm tawh em hi \an i la lah hram teh ang u.

           

ARTICLE

TUNGE  MI   ROPUI  CHU?

 

                        Mihring kan nih chhungin kan nuna thil thleng reng rengah mahni kan pawimawh ber a, kan nunah a chhelam emaw a tha lamah emaw keimahni in kan duh phawt chuan kan nuna awm hlen turin kan duh chuan kan la lut hmak thei a ni tih hi kan hre theuh awm e. Mihring nun hi danglam thei, kan thil hmuh leh tawn te hian nasa takin nghawng nei thin a, chu chuan mi tha leh thalo ah a lo siam mai thin a ni. Pathianin kan hringnun zinkawng a lo duan danah hian hei hi mi tha  nise hei hi chu misual tak nise, hei ve thung hi chu rethei in he pa hi chu hausa rawh se tia duan sa a nei hian ka ring lo. Mihringah theihna te chakna te chhia leh tha hriatna thiang min pek hmangte hian kan nun kawng rel fel turin min siam zawk a ni tih hi kan pawm ngam a tul awm e.

 

                        Mihring kan nih chhung hian a tu te pawh mai hian hmelma kan nei theuh a, nun kawng pangngai min zawh tir thei lo tu, min ti buai tu enge maw chu kan nei theuh awm e. Kan hmelma lian ber erawh keimahni a ni fo thin tih hi kan pawm tlang ngei ang. Miin a thil tih tha lo tak sim duh thin mahse sim thei lo in a awm fo thin, ruihtheih thil ti thin te pawhin an duh ang angin a sim thei lova, mahse chu an sim theih loh chu anmahni kutkawih ngeia an tih a ngei si, ti lo mai se an sim ni mai tur kha an ti leh tho thin si a, engvang nge? anmahni vang a ni. Tunge an hneh loh ruihtheih thil kha nge an hneh lo anmahni kha!! Chhan thiam har tak tur chu ani, mahse ngun taka ngaihtuah chuan anmahni an inthunun zo lo a, an taksa chunga chhiatna thlen tir tu hmelma chu mahni bawk hi a lo ni leh thin.

 

                        Khawvelah miropui leh hmingthang tak tak te a lo piang chhuak a, an nihna vang te, an thiamna vang te a hmingthang leh ropui an ni thin. Mahsela chutiang a nihna ropui leh thiamna chu engtia an neih nge? An tumruhna te an taimakna te vanga nei kan ti anih pawhin a mawh love, mahse anmahni a in thunun theih vang a ni, thatchhiatna leh peihlohna te pawhin a tibuai ve ngei ang mahse chu chuan a dang zo lova, chhunglam chakna in a dan zawh loh mihring chu pawnlam thil chuan a dang zo ngai lo tih hi kan hriat a pawimawh hle ang. Kan hlawhtlinna tura min dal tu lian ber chu keimahni hi a ni tih kan hriat a chu mibei let leh do let ve tura mahni inthunun thei mi kan nih a tul hle a ni.

                        Engkawng pawh zawh ila keimahni ngei mai hi ka duh duh dan a kan awm tir theih chuan miropui kan ni anga, khawvel hriatah ropui lo mah ila miropui te zingah chhiar tel kan ni ngei ang.

BENG TI VAr

BLACK BOX HI ENG NGE NI ?

            Khawvel pum huapa tunlai news lar leh langsar ber thlang chhuak dawn ta ila, eng dang ni lovin Malaysia khualzin phur thlawhtheihna Flight MI-370 bo thu hi a lar ber mai awm e. Nasa takin khawvel ram hrang hrang te’n an zawng mek a, tun thleng hi chuan an la hmu chhuak thei lo chu a nih hi!! Thlawhtheihna tla/bo zawn naa thil \angkai tak BLACK BOX chanchin leh nihphung tlem azawng kan tarlang ang.

            Black Box hi Mizo \ang ngialngan a kan dah chuan bawm dum tihna a ni mai a. Hei hi khawl pahnih - Digital Flight Data Recorder leh Cockpit Voice Recorder an sawina a ni a. Digital Flight Data Recorder hian thlawhna thlawh chak zawng te, a thlawh dan hawi zawng te, thlawhna sat dan (temperature) te, thlawhna khawl rik dan zawng zawng te, pawn lama thli tleh chak dan te leh thil dang dang, chi sawmruk leh pali (64) lai a record vek thei a. Thlawhna hi lo alhin emaw lo accident palh emaw ta se, he Black Box hi mei alh sa tak pawhin a tihchhiat theih loh turin siam a ni a, thlawhna mei lamah an dah ber \hin.

            Cockpit Voice Recorder hian thlawhna khalahtu - pilot te inbiak dan leh \awng zawng zawng te a record vek a, thlawhna vela thil puak ri thlengin a record vek thei bawk. Hei hi pilot ho awmna (cockpit) lam, thlawhna hmalamah an dah ber \hin. Hetiang hmanrua hi kum 1960 a\ang khan hman \an a ni tawh a. Thlawhna chetsual dan chhuina tana thil \angkai ber a nih avangin thlawhna accident a lo awma an zawn hmasak ber a ni \hin a ni. Black Box hming a pu naa rawng dum an hnawih ngai lo. Thlawhna a tlak palh pawha hmuh a awlsam nan serthlum rawng lar tak an hnawih \hin.

THKAWK REI LO

            Ar hi an thlawh thei a, mahse rei tak an thlawk lem lo. An han thlawk ve luap luap \hin a, an thlawk thui ve viau emaw pawh ti ila rei tak thlawk tura duan an ni lo hrim hrim. Khawvel ar thlawk rei ber nia hriat chu second 13 chuah zu nia!

AW NGAH

            Ui hian aw chi hrang pasarih vel an nei a; zawhte chuan 100 chuang lai a nei nia mawle! Dawihzep chi tana hlauh tur hram dan hlauhawm leh mak tak tak a lo ngah viau a ni.    

BIBLE  QUIZ  No.15

HLATHLANKHAWMTE 1-5

A kâr âwl dah khat rawh :

Q1. I hriat loh chuan, aw nang hmeichhia alaia mawi ber, Ran rual hniakhnungah chuan kal ta la, I keltete chawm la, berâmpute _______________ in sirah chuan.

Q2. Ka duhtak aw chu, ngai rawh, a lo kal e, Tlângah zuang tumin _____________________ a tualchai e.

Q3.An zain khandaih an vawng, do thiam an ni: Mi tinin khandaih an pai, an khel chungah, Zantianga _________________________ vang hian.

Q4.Lebanon atangin lo kal ang che, ka thiannu, ka hnênah, Lebanon atangin ka hnênah: Amana chhipah chuan rawn chuan la; Senir leh Hermon __________________ atang chuan,

Q5. Ka ngen tlat che u, aw Jerusalem fanute, Ka duhtak chu in hmuh chuanin Hmangaihnaah ka uai zo tih ________________ hrilh r’u.

A bung leh châng dah rawh :

Q1.I hriak hnawih mi chuan a nei, rim tha tak mai; Rimtui bun chuah ang a ni e, i hming zawng; Chuvang chuan an hmangaih che, nulaten.

Bung: ________         Chang: _________

Q2.Ruai theh inah chuan kei mi hruai a, Ka chungah a puanzar chu hmangaihna.

Bung: ________         Chang: _________

Q3. Ka ngen talt che u, aw Jerusalem fanute, Saza leh ram zukpui chhalin, Hmangaihna chu chawk thova tiharh lo tûrin; Amahin a duh hma chuan.

Bung: ________         Chang: __________

Q4.Ni a nem a, hlim a her bo hma loh chuan Ka kal nang e, murr talng leh Beraw mual lamah chuanin.

Bung: ________         Chang: _________

Q5.Khawpui venga kal hualtuten min hmu a, Min vua a, min  hliam ta a, Kulh vengtu’n an hlip e, ka silhpuan.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 14 RESULT

Chhanna lut zawng zawng       : 2

Chhang dik vek            : 2

Lawmman dawngtu       : Lanunfeli (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

TBZ PROGRAMME

(Neihthil thehkhawm)

Ahun : Dt.14.4.2014 Thawhtan                zan dar 7:00

A hmun : Pu Khawlhmingliana                    te in

Hruaitu : Pi Zuimawii

Tantu   : Pu C. Chhuansanga

Committee neih zui tur a ni ang

WORK CAMP

            Kohhran Ramthar Committee bultumin Damparengpui lamah Work Camp leh Good Friday hmanpui turin naktuk hian mi \hahnem tak an kal dawn.

M.P. INTHLAN NEI ZO

            Ni. 11.4.2014 (Zirtawpni)-a Mizoram puma M.P. thlann leh Hrangturzo bial bye-election neih chu tluang tak zawh a ni ta a. M.P. inthlan bikah hian Mizoram pumah vote zaa 59.16 % a tla a, kan veng bikah chuan 50.42 % a tla a ni.

MARKA GROUP HRIATTIRNA

            Ni 14.4.2014(Thawh\anni) hian Kristian |halai Pawl, Marka Group-te chuan Pu H.Remtluanga te kalkawng Boulder phaha hnatlang neih tur a ni a, Group member-te \hahnemngai taka hnatlang turin kan insawmin kan inhriattir e.

Sd/-

(C.LALDAWNGLIANA)

Secretary

Marka Group, K|P

ZANIN EPL

Liverpool vs Man City (6:07 pm)

Swansea vs Chelsea (8:37 pm)

THAWHLEH ZAN

Arsenal vs West Ham (12:15 pm)

vAWIIN KHAWCHIN

Max. - 310C

Min. - 240C

Ruah leh thli a thawk lo ang.

(Source : Weatherforecast.com)

ARMY RECRUITMENT RALLY

            A hnuaia hun leh hmun ruatah hian Sipai lak runpui neih leh tur a ni a. Salkhamakawn \halai te lo inpuahchah leh turin kan in hriattir e.

A hmun : Rajiv Gandhi Stadium, Mualpui

* Ni 15 April, 2014 : Sipai pangngai (Soldier GD)- Aizawl, Kolasib, Mamit leh Champhai (Kum 171/2 -21 inkar)

* Ni 16 April, 2014 : Sipai pangngai (Soldier GD) - Serchhip, Lunglei, Lawngtlai leh Saiha District (Kum 171/2 - 21 inkar)

* Ni 16 April, 2014 : Sipai \anglai fate, Ex-Servicement leh Hmeithai fate, Indona a thi fate, NCC ‘C’ Certificate holders, Sportsmen (State and Above Level Medal Winners) leh DSC \ang duh tan (ESM tan chauh).

* Ni 17 April, 2014 : Soldier Technical, Clerk/Storekeeper technical (SKT), Nursing Assisistant (NA) leh Inventory Management (IM), (Kum 171/2- 23 inkar).

INCLUSIVE BIRTH DATES -15 April, 1991 - 15 October, 1996

Notes-

1. TATTOO nei tan intlar buai a ngai lo ang.

2. Soldier GD tur hian Mizoram chhunga Mizo chauh an intlar thei ang a, state pawn lam Mizo tan a theih loh. Chuvangin intlar buai a ngai lo ang.

3. Lehkha pawimawh \ul ang ang buaipui leh tun a\anga Exercise lak \hat a pawimawh.

4. Sipai \anglai, Sipai bang leh Minister, MLA leh Officer tute emaw rinchhan a rem ve lo a, mahni ngei inlak fit a ngai tih hre chunga Rally hmachhawn \heuh tur a ni.

TUALCHHUNG

, Pu Zodinliana h/o Lal\hazuali (T.sec) te chhungkua chuan khawi ilo vahvel nan Scooty (Dio) thar an lei.

, Pu Lallura h/o Tlanglawmi (T.sec) te chhungkua chuan khawi ilo vahvel nan Scooty (Ray) thar an lei.

LAWMTHU SAWINA

            Luka Group te sumtuak nan a tumkau phal taka min petu Pu.Zosangliana, Pi.Khawlchhingi leh     Pu Lalbiaksanga te chhungkua chungah Kristian |halai Pawl Luka Group te chuan lawmthu kan sawi a. Tin, kan tumkau zawrh min leisak tute zawng zawng chungah Luka Group te chuan lawmthu kan sawi tak meuh meuh a ni. 

                                               

Sd/-

(LALFAKZUALA)

Secretary

K|P Luka Group

TIAM TLAT E

            Lucy Zohmunmawii d/o Zaithangpuii leh Zarzoliana s/o C.Vanlalsanga (Tlangnuam South) te chuan ni 16.4.2014 (Nilaini) chawhnu dar 2:00 ah Tlangnuam South Kohhran Sunday School Hall-ah tiam tlat e an ti dawn.

            Fanau maltluan chawia lengdun tur leh nupa lungrual tak annih theih nan Mipui Aw Editorial Board-te chuan duhsakna kan hlan e.

KAWNG ZAWH

            Tukin zingkar khan Lal Isua Jerusalem-a lal ang a ropui taka a luhna ni hriatreng nan Naupang Sunday School te chuan tumkau kengin  tiin kawng an zawh a, “Hosanna ! Lalpa hminga lo kal chu fakin awm rawh se,Ram lo trhleng tur,kan Pa Davida ram chu chawimawiin awm rawh se” tiin an au rual a ni.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 6.4.2014

MIPUI AW

KARTIN CHHUAK

Vol. XX Issue No. 14 Kristian Thalai  Pawl  Saikhamakawn Branch  Pathianni Dt.6.4.2014

VAWIIN CHANG VAWN

            Ama duhzawnga remruat ang zela thil engkim titu tum anga ruat lawk ni tawhin, amahah bawk chuan a ro tura siam kan ni

(Ephesi 1: 11)

KOHHRAN  PROGRAMME

Dt. 6.4. 2014 (Pathianni)

Sunday School Inkhawm

|antu           : Pi F.Lalrinkimi

Zirlai 13-na : Pathian Fa - Eng fate nunphung tur

Chawhnu Inkhawm

Thuhriltu    : Upa Lalzama

Zân Inkhawm

Thuhriltu      : Rev. K.Lalhmuchhuaka

(Moderator, Mizoram Synod)

KTP PROGRAMME

 Dt. 24.3.2014 (Thawhtan zan)

Short Sermon Inkhawm& Tawngtai rual

Hruaitu           : Tv C.Lallawmzuala

|antu              : Nl Lalnunpuii Hrahsel

Thu Hriltute   : Tv Lalhmangaihzuala                                                   - leh Nl Lalrinchhani

Thilpek           : Nl J. Zothankimi   

Lakhawmtute    Nl. Ramdinthari

April Thla chhunga Zai hruaitu turte

Hla hruaitu    : Tv F. Laldingliana

                          leh Nl R.Lalngaihawmi

Keyboardist   : Pu Lalremruata

VAWIIN TLAI FELLOWSHIP

Hruaitu           : Tv Lalfakzuala

|antu              : Tv. Zomuanpuia

A hmun          : Sunday School Hall

KOHHRAN  HMEICHHIA 

Dt. 8.4.2014 (Thawhleh zan)

(Kristian chhungkaw pual)

Group hrang hrangte mahni Group Member-te inah inkhawm tur.

SERMON

HUN KHIRH TAK

            Tin, hei hi hre rawh, ni hnuhnungahte chuan hun khirh takte a lo awm ang. (I Timothea 3:1)

            Eng hun/ni nge kan Bible hian Ni hnuhnung a tih chu ni dawn le? Ngun takin chhut ta ila, kan tun lai khawvela kan hun hman mek hi a ni tawh mai lawng maw?  Tirhkoh Paula hian Timothea hnena a sawi tam tak te hi an lo chhuak mek chu a nih hi. Mahni inhmangaihtu te, tangka ngainatu te, intivei, chapo leh Pathian sawichhetu te leh a dang tam tak te hi tunlai khaw velah chuan kan chenpui te, kan thian te leh nitina kan hnathawhpui te chu an lo ni ta. ‘Chung ang chu hawisan rawh’ tiin a fuih a. He fuihna hi kei ni min fuihna a ni tih hriat a va tul em!

            Tunlai Thalaite nun hi a khirh tawh hle mai. Pathian rawngbawl chu duh viau thin mahse midangte phak loh hlauh avangin Pathian kawng an zawh hman lova. Rilru leh thinlung chuan Isua chu duh viau mahsela, he hun khirh tak paltlang tur chuan Thing leh mawl nih ngamte a ngai a. Thalai Danglam ngam, Nu leh pa danglam ngam kan nih a ngai a ni. Pathian Thu hi a danglam ve ngai lova, hmana a sawi ngai rengah khan a la ding reng bawk a. Kei ni erawh chu Pathian hmaa thiamchan loh hlauh avangin Pathian Thu chu kan hun hman mil zawngin kan her rem  a, thangthar nun milin kan duh zawng zawngin kan siam rem zung zung chu a nih hi. Pathian hmangaih aiin mahni lawmna mai hmangaihtu, Pathian a lawm angem tih aiin kei man ka duh chuan engkim mai thil tha lo tak pawh kan ti hreh miah tawh lo bawk. Mahse heng ang zawng zawngte hi kan ni hnuhnunga hun khirh tak chu a ni si.

            Heng thil zawng zawngte hi Lal Isua lo kal leh dawna lo thleng tur Tirhkohten an lo sawi lawk a nih miau a vang hian eng tiang pawhin lo dan tum mah ila an lo chhuak dawn tho tho. Mahse Ringtute chu heng hunah hian heng ang mi chi hrang hrangte hi kan hawisan a tul dawn a ni. Hetiang mi thalo tak takte hian min lak loh nan fimkhur taka kan hun leh ni kan hman a a va tul tak em. Pathian Thu ang taka an sawi mahse Pathian lama min hnuk hnaitu ni miah si lo te, Pathian rawngbawlna ni awm taka lang mahse Pathian min hlat tirtu tam tak lakah te inthiarfihlim ngam ang u. Engkimah fimkhur a. Chanchin Tha hriltu lam hna thawka kan rawngbawlna hlen turin Bible in min hrilh hi i zawm theuh ang u.

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

                       

                       

NGAIHTUAHNA FIM

            Kan hriat \heuh angin kan hmalawkah MP (Lok Sabha) thlanna kan nei leh dawn ta a. Candidate te pawhin in inbuatsaihna an kalpui mup mup reng a, theihtawp chhuahin tlin ngei tumin \an an la hlawm viau ni pawhin a lang.

            Inthlang ram kan nih avangin kan aiawh tur roreltu thlan chhuah hi kan chanvo leh mawhphurhna pawimawh tak a ni tih hre thar \heuh ila. Thu thang chi hrang hrang leng vel karah hian mahni chia leh \ha hriatna hmanga ngaihtuahna fim tak kan put thiam a pawimawh hle. Chuvangin tun\um MP thlanna neih turah pawh hian tu hi nge kan ram tana mi \ha leh \angkai ni thei ang tih ngunthluk taka ngaihtuah chungin vote i thlak \heuh ang u. Kan vote a te an tlin dawn leh dawn loh lamah rilru tihbuai tur a ni lo a, kan mi duh leh \ha kan tih zawng te ngei vote mai hi khua leh tui \ha nihna a ni tih hre thar ang u.

ARTICLE

HAPPY  BIRTHDAY  TO 

SAIKHAMAKAWN  BRANCH Y.M.A.

(A kum 38-na pualin)

-Mawitei pa

            

       Saikhamakawn Branch  YMA hi Dt.6.4.1976 (Thawhlehni) khan din
a ni a, Melthum Branch atanga indang a ni. Hruaitu ni hmasa ber te chu :-

            President          :      Pu C. Runkima

            V. President            :     Pu R. Sangzuala

            Secretary          :      Tv. R. Lalkhuma

            A.Secretary      :      Pu R. Lalrindika

            Treasurer         :      Pu Zairemthanga

            Fin.Secretary    :      Nl. Sanghliri

                         Committee Members

                         Pu C. Ramliana

                         Pu Lallura

                         Pu C. Lalchhuanmawia

                         Nl. Saihmingthangi

                         Nl.K.Lalbiaksangi

                         Pu Lalthuamluaia

            Kum 1976 hian YMA member 131 an awm a, hei hi section 6 ah then a ni a, section te sum thehluh zawng zawng hi Rs. 1320.75 a ni (Courtesy Silver Jubilee Souvenir)

            Vawiin hi Saikhamakawn Branch YMA  kum 38 a tlinna ni a ni ta reng mai! He hun min hruai thlengtu Lalpa chu fakin awm rawh se. Kan hruaitu hmasa berte zinga a tam zawkin min la dam pui thei leh vawiin thlenga hruaitu tha, chhiatni that ni a pa nih tling, in pe tak tak kan nei theite hi a va lawmawm em!

            He Branch a din tan tirh lai aiin tunah member nasa takin kan pung tawh a, member pawh kan changkang zawk a, veng pawhin nasa takin hma a sawn tawh bawk. Mahse, Y.M.A. dinchhan leh a thiltum tihhlawh tlin kawngah hman aiin hma kan sawn zawk em? tih hi member te rilruah awm se ka va duh em! Ram leh hnam hmangaihna avangin loh theih lohin YMA in Sawrkar leh khawtlang hruaitute hma tur niawm tak loh theih loha a khawih chang a awm thin, YMA kuta dah a nih miau chuan kan tih tur chu a ni. Mahse, YMA dinchhan, a thupui leh a thiltumte theihnghilh phah nan leh kalsan phah nan i hmang lul lo ang u. A biktakin YMA hruaitute hi khawtlang hruaitute anga mahni inzuara thlan tlin an ni lo, ram leh hnam, khawtlang tana tlawmngaia ke pen tura thlan chhuah an ni tih hre reng a, YMA kalphung pel lo a, fimkhur taka an kal  ka duhsak tak meuh meuh a ni.

                        Tlawmngaihna lan chhuah tirna kawnga khua leh veng dangin an tih theih tawh loh Saikhamakawn-in  chhawm nun zel theih kan la neih te hi chhawm nung zel turin tan la ila, loh theih loh thil erawh chu awm thei a ni. Y.M.A. leh Kohhran hi kal dun rial rial thin an ni tih hre reng ila, zo nun ze mawi leh kristianna hi inkawp tlat a ni tih i theihnghilh lo  ang u. Y.M.A. member a kan in pek hian pawl thiltum leh dinchhante bakah pawl hmalakna tihlawhtling turin mawhphurhna mahni ngei kan in bel tih i chiang thar leh ang u. Saikhamakawn Branch YMA hi naupang chhia a ni tawh lo, vanglai hun a hmang mek a ni tih hria a Y.M.A.  vul zual tir zel turin member zawng zawng duhsakna ka hlan e. HAPPY BIRTHDAY TO Y.M.A. SAIKHAMAKAWN BRANCH.

BENG TI VAr

KE UIH

            Ke uih hi a tuartu tan chuan hrehawm tak a ni a; a ur-a nih thlakhlehawm loh tak a ni. Tu ke pawh hi a rimche vek thei tih hi hre hmasa phawh ila, chutih laiu chuan tleirawl, raipuar, hnathawka nilenga ding \hinte leh rilru hah nasa chite hian an nei nasa leh zual duh an ti. Natna chikhat hyper-hydrosis an tih mai nei ten an nei nasa bawk. Damdawi ei emaw vangin neih theih a ni bawk. A bul ber chu ke thlan, pheikhawk ngei reng bun \hin vang a ni ber.

            I ke a thlan em? Kan taksa bung dang aiin ke-ah hian thlan bawm (Sweat Gland) a tam bik hrim hrim a, khawlum em avang emaw khaw ro em avanga emaw a thlan pawh a ni kher lo. Thlasik lai pawhin a thlan tho \hin  a ni. Tleirawl leh raipuarte ke a thlan fo \hin nachhan chu taksaa thiol danglam thlen nasat \hin vang a ni. Hormone inthlak danglam nasat avangin thlan nasat a awl a ni. Nilenga i ding reng anih chuan ke a thlan duh em em a ni.Athlet’s foot an tih i neih phei chuan ke a rimchhe hma hle. Ke thlanin phawikhawk a tih huhah khan Bacteria alo inthlah pung a, pheikhawk bawm thim deuh rupah i dah phei chuan a pung nasa zual \hin. Pheikhawk hnawng, thim leh lum si kha Bacteria inthlah punna remchang \ha lutuk a ni.

Ke uih ven dan: Ke uih lo tura invenna \ha ber chu tihfai \hat a ni mai. Pheikhawk ngai a zawnin nihnih bun loh top tur a ni. Pheikhawk bun thlak ringawt a tawk lova, nitin ke silfai a mawza thlak ziah tur a ni. Mi tam tak ke a rimchhiat chhan chu ke silfai mang lova mawza leh pheikhawh ngai an bun rei lutuk \hin hi a ni ber. Mawza ah hian wool emaw cotton emaw a \ha ber a, nylon bun loh tur an ti. Ke rimche nasa lutuk chi tan chuan ke sil zawhah ke kar chu towel mi an zai hmaa an tah \hin spirit ang tah a \ha. Hei hian vun a ti ro hma a, ke thlan tur a veng a ni. Zakhnuai hnawih chi Deodorant te pawh hnawih a \ha.

Ke uih enkawl dan: Kan sawi tawh ang khan pheikhawk ngai a zawnin nihnih bun reng reng tur.

            Ke uih nasa chi tan chuan anti-bacterial soap hmanga sil \hin tur a ni. Duhthusamah chuan sahbawn chuan hun engemaw chen chiah zet hnua silfai chauh tur a ni. Chutiang chuan nitin vawi hnih ti ziah la, karkhat chhung chuan i ke rimchhia chu a reh tawh ngei ngei ang an ti. Chutia i ke rimchhia a reh tawh chuan rimchhe leh tawh lo turin ke fai, mawza fai, pheikhawk ro \ha i bun zat zat a ni tawh mai. I ke ah pem a awm emaw, thak engemaw i vei anih chuan anti-bacterial soap hi hman loh a him thung. Hetianga itih pawh i ke rim ala tui theih loh fo chuan Doctor rawn ang che. Natna engemaw ilo nei ru reng thei a ni.

(Source: MEITHALLAWN)

    

BIBLE  QUIZ  No.14

THUHRILTU 11-12

A kâr âwl dah khat rawh :

Q1.Heng thu zawng zawng khaikhawmna hi i ngaithla teh ang: Pathian ______________zawng zawng chungah ro a la rêl dawn si a, thil inthup engkim, a chhia emaw, a tha emawte pawh, tih hi.

Q2Engmah __________nei suh ula, In pang tinatu awm hek suh se, In that lai hun a rei dawn lo.

Q3.__________ a awm angin leiah a chang leh a,

Thlarau chu a petu Pathian hnênah a kir leh a ni.

Q4.Kawtthlêra__________a inkhar ni chuan,Rawtsawmna ri a lo chuai a,Sava thawmah mi â thawh a,Zai nu zawng zawngte an lo zuai lai hian;

Q5. Thli ___________chi a tuh lawng, Chhum enthlatu’n a seng hek lo vang

A bung leh châng dah rawh :

Q1.Finna a nasat poh leh buaina a tam a, Hriatna a pun poh leh manganna a pung.

Bung: ________         Chang: _________

Q2.Zingah i chi tuh la, tlaiah i kut sum suh; I hre si lo, a thang tha tûr khawii nge, Hei hi nge, kha kha nge, an tha ve ve dawn.

Bung: ________         Chang: _________

Q3. Thuhriltu chuan, “Engmah lo mai mai, Thil zawng zawng hi engmah lo mai a lo  ni,” a ti a

Bung: ________         Chang: __________

Q4.Mi fing thu chu berâmputen an khalh nana an hman tiang zum ang a ni a, thufing lawrkhawm chu thir Kilhna khen bur tlat anga nghet a ni.

.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 13 RESULT

Chhanna lut zawng zawng       : 3

Chhang dik vek            : 3

Lawmman dawngtu : Samuel H. Lalhlimpuii (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI  PROGRAMME

Dt. 10.4.2014(Ninga zan)

A hmun      : Kohhran Library

Hruaitu : Pu Lalthanhranga Ralte

|antu         : Pu C.Saienga

        |awngtai rual leh rilru sawi a hun hman tur a ni ang.

LAWMTHU SAWINA

            Ni 29.3.2014 (Inrinni) khan Tv. Lalrochama’n keini Kohhran Pavalaite inhlawhna \ha tak min siam sak avangin Kohhran Pavalai ten a chungah lawmthu kan sawi tak meuh meuh a ni e.

Sd/-

(H.REMTLUANGA)

Secretary

Kohhran Pavalai Pawl

INTHLAN CHUNGCHANG HRIATTIRNA

            Ni 9.4.2014 (Nilaini) M.P (Lok Sabha) thlanna neih tur atan voter slip  sem mek a ni a, voters zawng zawng te’n lo vawn \hat a inthlan ni-ah ken vek tur a ni. Inthlanna hmunah voter slip hi sem a nih tawh dawn loh avangin uluk taka lo vawn \hat tur a ni e.

BO ZAWNNA

            Thla hmasa lama thlanmual samfai hnatlang neihna-ah khan chempui tihbo a ni a, a lo hmu leh char kan awm a nih chuan Pu Lallawmkima (V.sec) hnenah hriattir tura ngen kan ni e.

ZANIN EPL

Everton vs Arsenal (6:00pm)

West ham vs Liverpool (8:00 pm)

VAWIIN KHAWCHIN

Max. - 290C     Min. - 210C

            Weather forecast.com chuan chhun lamah 0mm zan lamah 2 mm ruah tla turin a sawi a. Accuweather.com erawh chuan chhun lamah 6 mm tla tur leh zan lamah 0 mm niin a sawi thung.

ARMY RECRUITMENT RALLY

            A hnuaia hun leh hmun ruatah hian Sipai lak runpui neih leh tur a ni a. Salkhamakawn \halai te lo inpuahchah leh turin kan in hriattir e.

A hmun : Rajiv Gandhi Stadium, Mualpui

* Ni 15 April, 2014 : Sipai pangngai (Soldier GD)- Aizawl, Kolasib, Mamit leh Champhai (Kum 171/2 -21 inkar)

* Ni 16 April, 2014 : Sipai pangngai (Soldier GD) - Serchhip, Lunglei, Lawngtlai leh Saiha District (Kum 171/2 - 21 inkar)

* Ni 16 April, 2014 : Sipai \anglai fate, Ex-Servicement leh Hmeithai fate, Indona a thi fate, NCC ‘C’ Certificate holders, Sportsmen (State and Above Level Medal Winners) leh DSC \ang duh tan (ESM tan chauh).

* Ni 17 April, 2014 : Soldier Technical, Clerk/Storekeeper technical (SKT), Nursing Assisistant (NA) leh Inventory Management (IM), (Kum 171/2- 23 inkar).

INCLUSIVE BIRTH DATES -15 April, 1991 - 15 October, 1996

Notes-

1. TATTOO nei tan intlar buai a ngai lo ang.

2. Soldier GD tur hian Mizoram chhunga Mizo chauh an intlar thei ang a, state pawn lam Mizo tan a theih loh. Chuvangin intlar buai a ngai lo ang.

3. Lehkha pawimawh \ul ang ang buaipui leh tun a\anga Exercise lak \hat a pawimawh.

4. Sipai \anglai, Sipai bang leh Minister, MLA leh Officer tute emaw rinchhan a rem ve lo a, mahni ngei inlak fit a ngai tih hre chunga Rally hmachhawn \heuh tur a ni.

TUALCHHUNG

, Nl. Pinky Lalparmawii d/o Hualhnuna (T.sec) chu damlohna avanga Aizawl Hospital-a enkawl a nih hnuin a lo chhuak.

, Pu Henry Lalnunmawia h/o K. Lalhmingsangi ( T.sec)-te nupa chuan a pakhatna atan fapa duhawm tak an nei thar.

, Pu Zohmangaiha h/o Vanlalhlimi ( V.sec)-te nupa chuan a pathumna atan fanu duhawm tak an nei thar.

, Pu T. Lalrammawia h/o P.C. Lalnunpuii ( T.sec)-te nupa chuan a pathumna atan fanu duhawm tak an nei thar.

HRIATTIRNA

            K|P Luka group te chuan sumtuak nan hun remchang hmasa berah vengchhung in tinah lehkha chhia kan rawn khawn dawn a. Chhung tin te kan lehkha chhia neih te lo paih ral mai mai lova hemi hun atana min lo dahkhawm sak turin kan ngen a che u.

Sd/-

(LALFAKZUALA)

Secretary

K|P Luka Group

TAXI RATE HRIATTIRNA

            1st May, 2014 a\ang chuan Kulikawn to Hlimen Taxi Contribution rate hi mi pakhat tan ` 20.00 zel a ni tawh ang a, hei hian kawng laka a\anga chuang te pawh a huam vek ang. Hire rate erawh chu a ngai a la ni e.

Sd/-

(DENGLIANSANGA)

Secretary

Kulikawn to Hlimen Taxi Welfare

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330