KTP SKK

Saturday, 29 March 2014

Mipui Aw 16.3.2014

MIPUI AW

KARTIN CHHUAK

Vol. XX Issue No. 11 Kristian Thalai Pawl Saikhamakawn Branch Pathianni Dt.16.3.2014

VAWIIN CHANG VAWN

Tin,PathianThlarau Thianghlim chu ti lungngai suh u,tlanna ni atan chuan amahah chhinchhiaha in awm kha.( Ephesi 4:30)

KOHHRAN PROGRAMME

Dt. 16.3. 2014 (Pathianni)

Sunday School Inkhawm

|antu : Pi K.Lalhmingliani

Zirlai 10-na : Kohhran pumkhat- Peng hrang hrang

Chawhnu Inkhawm

Thuhriltu : Upa Lalzuiliana

Zân Inkhawm

Thuhriltu : Upa Lallawmchhunga

KTP PROGRAMME

Dt. 17.3.2014 (Thawhtan zan)

Kumpuan Thupui zir

Hruaitu : Tv Lalhmangaihzuala

|antu : Nl C.Zosangliani

Thupui : Midang tana malsawmna - |anpui ngaite \anpui

Hawngtu : Pu Vanlaldika

Thilpek : Nl Baby Lalhmangaihzuali

Lakhawmtute Nl. Ramdinthari

KOHHRAN HMEICHHIA

Dt. 18.3.2014 (Thawhleh zan)

Bial Kohhran Hmeichhiaten Kohhran tlawh programme an hman dawn avangin Programme ruahman a ni rih lo.

ANGEM LE......

- Rawngbawltu zingah hian MLTP Act hlih hlan nghakhlel viau an awm angem le......

- Khuang hnih hla chauhva lam thei mihlim an awm angem le........

SERMON

KRISTA TANA DANGLAM NGAM

He khawvel dan ang hian awm suh ula; Pathian duhzawng, a tha leh lawm tlak leh, \hat famkim chu in hriatfiah theih nan, in rilru athara awmin lo danglam zawk tawh rawh u.(Rom12 :2)

He thupui ‘Krista tana danglam ngam’ tih hi Kum 2015 Kristian |halai Pawlte Kum puan Thupui tur a ni a. Thupui \hatak niin kan tunlai \halai tena kan mamawh em em chu kan awmna hmun apianga Krista tana danglam ngam nih hi a ni. Kan tun dinhmunah chuan |halai tam takte hian Pathian ring ve lote tih ang kan ti ve thei zel a, kan rawngbawl sakte duh ang kan duh pui ve zel bawk a. Hei avang hian Krista tana danglam ngam tih thupui hi zir tham tak a ni reng a ni.

Tunlai khawvelah nu leh pa leh \halai tam takten khawvel changkanna ban phak loh hlauvin theihtawpin kan \ang a. Rual pawl loh hlau reng rengin kan hman hlel a, a mawi leh mawi lo pawh dawn lovin kan duhna lamah chuan kan ri pawp pawp zel tawh chu a nih hi. Rawngbawltu tam takte pawh Ringlo mite bulah ringlo mite ang in kan awm ve thei zel a. Zu in mite bulah zu in ve mai thei kan tam tual tual a.Pathian thuin min hrilh dan chuan Pathian duhzawng a tha leh lawm tlak leh \hat famkim chu kan hriat fiah theih nan, kan rilru a thara lo danglam zawk tawh tur kan ni si a.

Chu mai a la ni lo, eizawnna kawgah pawh hian ringlo mite leh mi piangthar ve lote tih duh ang thovin kan ti ve duh zel bawk a. Incheina chungchangah pawh a ni zel mai. Khawvel mite inchei dan kan \awmpui ve thei zel bawk a. Hlim kan duh avangin khawvel mite intihhlim dan kan hmang ve thei zel bawk a. Engkim tithei Kristian, Rawngbawltu, K|P Member kan va han tam awm em! Heng zawng zawngah hian Pathian Thu chuan danglam turin min duh a, Pathian in Amah avang in retheih pawh ngam turte,midang ai pawh a \hing ngam tur te, Amah avang chuan hrehawm pawh tuar ngam turin min duh a. Krista avang chuan kawng engkimah danglam ngam turin Kristian,Pathian ringtute hi min sawm a ni. Pathianin min beiseina hi ringtute hian kan zawm dawn lawm ni le?

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

RUAL AWH A NA...

Kan hriat \heuh angin lei lung pian tirh ata a vawikhatna atan India ram pumpui Football hmanga inelna sang ber Santosh Trophy-ah Mizoram kan lo champion ve ta a; a ropuiin hle mai. Amaherawhchu thil thui tak ngaihtuah chuan rualawh ava na \hin em.

Hun kha leh chen football uar leh tuipui Veng tia lo inchhal ve \hin a\ang hian State player chu sawi loh; State chhunga club \ha leh langsar deuha khel takngial pawh hi sawi tur kan va vang \hin em! Hemi kawngah hian tunge mawhphurtu ni ta ang le? Insawizawina leh hun khawh ral nan mai nilo hian kan ti ta ro ro a nih chuan eizawnna tling khawpin leh mahni Veng tihming\ha thei tur khawpin \an i la thar ang u. Chutiang tur chuan kan thiamna leh theihna pawhin a tlin a, a pawimawh ber leh kan tlakchham lian ber ni si chu thawhrimna leh insum theihna niin a lang.

Eng emaw zawng talin a \ha lamah kan Veng hming hi kan ti lang ve teh ang tih rilru pu chungin infiamna kawngah a ni emaw lehkha zirna kawngah emaw pawh nise a vantlang china lungawi mai lo in mi dang te khum tumin nasa lehzuala \an kan lak a va ngai teh lul em.

ARTICLE

‘NU’ I NIHNA A AWM VE EM ?

- Zothansiami nu

1) Nu i nihna ah i pasal leh i fanaute an thlamuang em?

2) Nu mahni hmasial tak i ni em. Midang sawisel chak i ni em?

3) Nu i nihna hmunah pawnlam nge i ngainat i inchhung?

4) Kan pasal te tan hmuhnawm thlir tham in kan awm em?

5) Kan pasal te hian inchhung aia pawn lam an ngainat chuan zir tur tam tak kan nei a ni.

6) Nu khawsak thiam tak chuan engkim a rel fel \hin.

7) Nu in a sawi duh zawng a\angin a nihna a lang chhuak \hin.

8) Nu i nihna ah hian i inchhung ah i \henawmte pawh zalen tain an awm thei em? Vui thu an thlen ngam che em?

9) Pasal te rel reng i ni em?

10) Tuna i dinhmun a\angin sum leh pai i vawnghim em?

11) I inchhungah mi an lo lenin hmel hlim tak i hmuh chuan tlangnel takin an awm ang.

12) Nu i nihna hmunah i fate thinlung natna an thlen ngam che em?

13) Nu phunchiar i ni em? Ang reng i nih chuan i faten hrehawm an tiin, inchhungah hlimna an hmu ngai lo ang.

14) Nu ruihtheih thil ti mi i nih chuan, sim ran a ngai a ni, i fate damchhung khawsakna a ngaihtuah awm a ni.

15) Thil i in tih hriat lutuk chuan i bul a awm a nuam ngai lo, i bul a miin a hriat ai khan a lo hre zawk mai thei a ni.

16) Fate nu nih a tling zo tak tak em?

17) Fanau te tan i tlingzo em, nu rinawm i ni em?

18) Nu mahni chhungkaw chanchin kan sawi vak vak a, a \ha pawh a chhe pawh an ning ang che.

19) Nu mahni thil tih sawi reng mi i ni em? I bul a mi tan a ninawm.

20) Mi chanchin chhe lam sawi nuam ti kan ni em? I nihna a lang \hin. Min an hlau che.

Awm zel tur/.....

BENG TI VAr

Village Health & Sanitation Committee (VHSC) Mawhphurhna leh tihturte

Member turte (Sub Centre awmna khuaah) :

Chairman : Village Council President

Vice Chairman : President, Branch YMA

Member Secy. : Health Worker (Senior ber)

Member te : VC member zawng zawng, HW dang zawng zawng, MHIP OB zawng zawng, MUP President & Secretary, Secretary-Branch YMA, Post Master, ASHA, Anganwadi Worker, Kohhran lian 3 hruaitu 1 \heuh, Head Master-Primary School (Senior ber), Khua/Veng Parawn pakhat

Sub Centre awm lohna khuaah chuan a chunga mi ang hian apangngai a ni ang a, Member Secretary-ah erawh chuan ASHA a ni ang.

VHSC Mawhphurhna te

1. National Rural Health Mission (NRHM) hmalakna tih puitlin nan khuaa VHSC hnathawh dan tur chungchang remruatna an siam tur a ni.

2. Hri venna pek chungchangah hma an lain khawtlang mipuite an finchhuah ang.

3. Naupai \antirh, thla 3 hmain Sub Centre-a in register turin nu an hrilh/fuih tur a ni a, rai chhunga vawi 3 tal Sub Centre-a in check-up turin an fuih ang.

4. Nu Naupaiin an naupai chhungin IFA (Iron Folic Acid) mum 100 tal ei turin an fuih/ngen ang.

5. JSY Fund rang taka hmang thei tur leh an dawn tur ang an dawn zel theihna turin hma an la ang.

6. DDC/FTD-ah englai pawha Malaria damdawi tam tawk a awm theihna turin hma an la ang. Malaria damdawi \hatnate mipui an zirtir ang.

7. Anganwadi Centre-ah thlatin Village Health & Nutrition Day hmang turin hma an la ang.

8. Rikrum thilah leh damdawi ina nau nei tur tan motor an ngaihtuah sak thei ang.

Pawisa Dawn leh Hman Dan Tur

1. Village Health Fund : VHSC hian khawtlang vawn fai leh hriselna lamah hmalakna atan kum tin Village Health Fund ` 10,000 an dawng \hin ang. Thil dang zawng bakah thosi pian theihna tui tling tih bo, khawlai tihfai, tuizem khuhna nei lo siam leh \ul dang apiang atan Village Health Fund hi a hman theih a, kum khat chhungin thla 10 aia tam lo, thla khatah ` 500 aia tam lo hman theih a ni ang.

2. United Fund : VHSC kaihhruaina hnuaia hman atan kumtin United Fund ` 10,000 pek a ni dawn a, damdawi leh mamawh dang leina turte, hrileng senso, LPG connection leh damlo refer-te sumo chuan man atan hman theih a ni. Mimal leh VC mamawh phuhrukna atan hman theih a ni lo. (Awm zel tur/.....)

BIBLE QUIZ No.11

THUFINGTE 26-31

A kâr âwl dah khat rawh :

Q1.Mi âte kaa tehkhin thu chu, ______________ mi kut hling chhun ang a ni.

Q2Nangmah ngeia thian leh i pa thia chu thlauhthla suh; I vanduai niin i unaupa inah kal suh; ___________________taka unau aiin lamhnaia thenawmte chu an tha zawk.

Q3.Mi thisen phurtu chu __________________ a tlan lût ang a, tumahin hum suh se.

Q4.___________________ chu thu maia thunun mi â ni lo, Hre mah sela engah mah a ngai lo vang.

Q5. Nangmah ___________________ tûra thil âtthlâk tak i lo tih tawh emaw, Thil tha lo i lo ngaihtuah tawh emaw anih chuan,I kâ hup rawh.

A bung leh châng dah rawh :

Q1.Tawng thei lote tan i ka ang la, Hnuchhawnho zawng zawngte chungchang thu-ah te.

Bung: ________ Chang: _________

Q2.Sesea thu sawi hmangte thu chu chaw tui tak ang a ni a, Pumpui chhûngrilah a lût thin.

Bung: ________ Chang: _________

Q3. Mi fir chuan sum a um a, A chungah tlâkchhamna a lo thleng dawn tih a hre hek lo.

Bung: ________ Chang: __________

Q4.Thisen chhuah chak mite chuan mi tha famkim an hua a, Mi dik takte erawh chuan a nunna humhim an tum thin.

Bung: ________ Chang: _________

Hming : ____________________________

Section : ____________________________

BIBLE QUIZ NO. 10 RESULT

Chhanna lut zawng zawng : 6

Chhang dik vek : 6

Lawmman dawngtu : Lalchhansanga (T.Sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 20.3.2014(Ninga zan)

A hmun : Kohhran Library

Hruaitu : Pu Chhuanvawra

|antu : Pu Lalremsiama

Thu hriltu : Pu F.Lalrinpuia

Tawngtai ruala hun hman tur a ni ang.

Admission Open For The Session (2014-2015)

Solomon’s High School Upper Khatla, Aizawl a awm \hin chu remchan zawkna avangin Pu Ranga Building Kulikawn-ah kan insawn a, session thar (2014-2015) atan Cl-VII to Cl-X tan Admission hawn mek a ni. Kum 25 chuang Mathematics leh Science subject a experience nei tawhin a zirtirna hmunah hian i fate han dah ve rawh le. Mathematics leh Science Subject a harsatna nei te leh Sports a tui te duhsak bik an ni ang. Hostel a awm nghal bawk e.

Contact : 1) 9774630781

2) 8014442431

3) 8014389494

H.C. THAWNGA

Mipui Aw 9.3.2014

MIPUI AW

KARTIN CHHUAK

Vol. XX Issue No. 10 Kristian Thalai Pawl Saikhamakawn Branch Pathianni Dt.9.3.2014

VAWIIN CHANG VAWN

Lebanan vur chuan a tlang chhip a kiansan ngai em ni? Kawlvalenchham tui dai a luang kang ngai em ni?

(Jeremia 18:14)

KOHHRAN PROGRAMME

Dt. 9.3. 2014 (Pathianni)

Sunday School Inkhawm

|antu : Pi Laltlanzari

Zirlai 9-na : Kohhran- Taksa pumkhat

Chawhnu Inkhawm

Thuhriltu : Upa Zonunmawia

Zân Inkhawm

Thuhriltu : Pi Lalchhingpuii

(Synod Social Front Comt. Member)

KTP PROGRAMME

Dt. 10.3.2014 (Thawhtan zan)

Neihthilthehkhawma hun hman tur a ni

A hmun : S.S Hall

Hruaitu : Nl. C.V.L. Biakzuali

|antu : Pu Lalrinchhana (RCA)

March thla chhûnga hla hruaitu leh

musician turte

Hla hruaitu : Tv. C.Laldawngliana

turte Tv. Lalhmangaihzuala

Keyboardist : Tv. Vanlaltluanga

KOHHRAN HMEICHHIA

Dt. 11.3.2014 (Thawhleh zan)

Kristian Chhungkaw pual

Mahni Group memberte inah len tur a ni.

SERMON

NGAIHHLUT TUR DIK

‘I thinlungin misual awt suh se; Nilengin LALPA \ihin awm zawk rawh. Lawmman a awm ngei dawn si a, i beisei chu tihbovin a awm lovang.’ ( Sam 23:17,18)

Tun lai khawvela nu leh pa leh thalai tam takte leh naupang ten ngaihhlut tur dik kan ngaihhlut tawk loh avanga ram leh khawtlang leh chhungkua-in thil \halo tam tak kan tawn a tam tawh awm e. Changkanna hi a \hang chakin chhungkaw tam takte chu chuan min nghawng buai mek chu a nih hi.Sum lak luh na \ha nei si loin thil neih \hatah kan inel a, kan sum thawhchhuah in a phu leh phu loh lam ngaihtuah miah lovin min an neih ang neih ve kan duh zel a. |hing bik nih kan hlauh avang te, nalh loh bik kan hlauh avangte hian chhungkaw tam takte inchhungah chuan lusun tahna a thleng mek chu a nih hi. Chungte chu athlen zel loh nan enge tihtur kan neih a, eng tin nge chhu chu kan pumpelh theih ang le?

Enge kan ngaihhlut chu? Khawvel changkanna \hang

chho mekah hian \henawm leh \henawm kan iner a, an nin an neih chu eng e ka neih loh bik ang tiin kan rilru a hman hlel a. Sum dik lo taka la luta in \ha pui pui satute chu an ti diklo tih hre reng chungin kan rilru tak chuan kan ngaihluin kan awt viau a. Khawtlang inrelbawlna kawng ah pawh heng ang mite hi mahni thawhchhuah phutawka khawsa \awk \awkte ai chuan kan zah duh zawk fo thin. An thu leh hla pawh a tlang \hain an aw pawh a lian duh fo. Chu chuan eiruk a la pawi lovah min ngaih tir a, Eiru thei thei mi ropuiah kan la siam tihna a ni em?

Tin, \halai tam tak thawhchhuah la nei si lo Mobile Phone Handset changkang tak nei kan ngai sangin kan ngaihlu a. Neih ve zel kan tum bawk a, nu leh pa tam takte rilru chu a buai thin a ni. Mi a eizawnana a hman turin lirthei(Car/ Two Wheeler) a lei a, lei ve kan tum zel bawk a. Kan chhungkuain kan mamawh em tih lam ngaihtuah lovin kan duh leh kan it avang chauhin kan lei ve zel a. Kan fate nun tichhetu a lo ni fo \hin a ni.

Enge ngaihhlut tur chu? Kan Bible-in ‘I thinlungin Misual awt suhse; Nilengin LALPA tihin awm zawk rawh’ min tih angin sual avanga hausate, chhungkaw khawsak phu lova nung \hinte ngaihlu lovin mi dik leh mithate ngaisang thiam zawk ang u. A tawp berah chuan ‘ He Thinlung hian LALPA chu chuang rawh se’ min lo tih ang hian LALPA hi chhuang ber ila, ngaihhlut tur dik Isua hi hi ngaih hlu ber ang u. Ani chauh hi chatuan ram kan thlen theihna tur a ni si a.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

MIZO NUNHLUI VAWN THAT

Tunkar ni 7. 3.2014 khan Mizoten kan Kut neih zinga ropui ber chu A.R. Ground-ah hlimtakin kan hmang a, a te ber atanga a lian ber thlengin hlim takin hemi ni hi kan hmang a nih kha.

Mizo hnam hi kan awm reng dawn a, tunlai khawvel changkang chak tak mai hian hmalamah kan hnam ngei pawh min hruai zel bawk dawn, mahsela kan hnam zia leh tihdan phung te, kan incheina te leh hnam dangin min la pawlh buai hma a kan Mizo nunze \ha zawng zawng kha kan vawn \hat a \ul hle mai. Kan Mizo nunhluiah Kristianna nena inmil lo tam tak pawh a awm ngei ang chung zawng zawng chu kan hnawl a, kan rilru a\anga kan paihbo a nih ngat chuan hnamdang Mizo \awng thiam tak nen kan danglam chuang lo a ni dawn.

|hangthar ten kan Mizo nunhlui a chhe lai leh a \ha lai pawh kan hriat vek a \ul in kan thiam tur ang chi phei chu tih thiam kan tum ve zel a pawimawh hle mai. Tin, kan tawng tuallengah hnamdang \awng kan zep tel hnem lutuk te hi bansan a, kan \awng hman uar te hi hnam changkanna a ni tih i hre mawlh ang u.

ARTICLE

‘PA’ I NIHNA A AWM VE EM ?

- Zothansiami nu

1) Pa chuan a mawhphurhna a hlen ngei tur a ni.

2) I nupui fanaute thlamuang takin i siam \hin em?

3) Pa ber inring zo lo nupui ring tlat zawk i ni em?

4) Pa chuan Krista leh Kohhran a vawn tlat chuan chhungkaw awhawm a ni.

5) Pa ber rui reng chuan chhungkuaah harsatna tamtak a thlen.

6) Chhungkuaa pa ber committee leh NGO-a a in hman pawha chhungkua dinglama a dah tlat chuan a him a ni.

7) Pa ber inchhunga phunchiar lutuk i nih chuan nupa pawh a inrem hleih theih loh.

8) Pa ber \awng tlem lutuk i ni em? I nupui leh fanau ten hrehawm an ti \hin.

9) Pa ber lengchhuak in thinlung natna a neih a a hawn pawh a rilru natna a tih chhuah loh chuan a nuam \hin.

10) I nupui fanau ten i hnena harsatna an thlen ngam tur che in i awm em?

11) I nupui leh fanaute nen hlim takin in titi thei em?

12) Tunlai khawvelah hian i chhungkua i venghim em?

13) Pa i nihna ah hian i nupui fanaute tan i him tawk em?

14) Pa ber \awng tam lutuk i ni em? I nihna bak sawi ching mi i ni em? I \henawm ten an hrechiang che.

15) Pa i nihna a\angin hmasawn tumin hun hman i tum \hin em?

16) Pa i nihna ah hian harsatna i tawk \hin em? I puanven lai kha sawichhing ang che.

17) I nupui fanaute hnenah eng thu nge i sawi tam ber?

18) Pa chuan i chak tawk lohna thu i thlen tam chuan i nupui fanau ten an nuih ang che.

19) Nu in pa tak tak kan mamawh min venghim turin.

20) I \henawm pa dinhmun a lo \hat chhohin eng rilru nge i

put?

Awm zel tur/.....

HRIATTIRNA

Tunlai hian kan veng P/S leh M/S compound chhungah lut a suahsual rawngbawl \hin kan awm a. Hei vang hian a vengtu pawh insiam a lo ngai ta hial a. School building leh compound tihmelhem avanga man kan awm a nih pawhin sawibuai theih a ni lovang.

Sd/- Secretary

Village Education Committee

Saikhamakawn

BENG TI VAr

B.P. SANG LEH MUT

American Heart Association-in an buatsaih High Blood Pressure Research 2012 Scientific Sessions-ah chuan zir mite chuan mut \hat leh \hat loh leh B.P. sang hi a inzawm tlat an ti. Resistant Hypertension an tih bik, damdawi pangngaia enkawl pawha awmze nei chuang lo chi hi mut \hat loh nen hian a inkungkaih tlat a ni an ti.

Hmeichhia hetiang nei chite hi chu an lo mu \ha lo hle \hin a lo ni a; an mi zirte mut rei zawng chawhrual hi darkar 6.5 chauh a ni a; a chanve vel chu darkar 6 aia tlem mu \hin te an ni. An mut rei leh rei loh lam ai mahin an mut tui leh tui lohin a hril zawk a ni.

Zirna dangah chuan mipa ho zingah pawh tui taka mu lo te’n B.P. sang an nei nasa bik a; mipa leh hmeichhe zingah pawh zan khata darkar 7 aia tlem mu \hin te’n B.P. sang an vei nasa bik tih finfiah a ni.

Mak deuh mai chu zan khata dakar 6 aia tlem mu \hin te tan B.P. sang mai bakah thau tawt (obesity) a hlauhawm an ti. Obesity hi B.P. sang awmtirtu pakhat chu a ni nghal. Mut \hat loh hian ril ti\amtu khawl a tibuai a, ghrelin hormone, ril\am thu hrilhtu a tipung a, leptin, puar thu hrilhtu a titlem ve thung a ni. Chuvang chuan ei \euh \euh a awl a, thau a inchhek khawl hma a ni awm e.

HLIM THEI HAUSA ZAWK

I fate an hlim em? An hausa dawn a nih chu!!

Nov.20, 2012

Courtesy of University College London and World Science Staff

Naupang hlim thei tak te hi an eng a thawl e, an la hausa dawn si a tiin zir mite chuan an ngai ta tlat mai.

Scientist te hian hlimna leh sum leh pai dinhmun hi a inzawm thui hle a ni an ti a, thuthlukna siam thiam kawngah pawh mi a pui hle a ni an ti.

Jan Emmanuel De Neve, University College, London-a mi leh Andrew Oswald, University of Warwick, U.K-a mite chuan US naupang leh \halai, 15,000 zet te chanchin chhuiin an zir a, nun hlim theite leh nuna lungawite chuan an puitlin hnuah pawisa an thawk chhuak nasa fe a ni tih an chhui chhuak.

Mihlim theite chu an zirlaiah an tluang a, hna an hmu awlsam a, kaisan pawh an kaisang rang a ni an ti.

An zirnaah hian an dinhmun kawng hrang hrangt an zir tel a, an lehkha zirna chungchang te, an hriselna thu te, an chi danglam dan te, an fin dan te, mahni an inngaihhlut dan te chhui tel vekin hlimnain a nghawng hi an zir a ni.

(Source : Proceedings of the National Academy of Sciences)

BIBLE QUIZ No.10

THUFINGTE 21-25

A kâr âwl dah khat rawh :

Q1.Hmeichhe an hmang leh phunchiar nena awm ai chuan ________________ rama awm a tha zawk.

Q2._______________ thinlungah chuan âtna a bet tlat a, Mahse thununna tiangin hla takah a hnawt kiang ang.

Q3.Zu rui mite leh sa heh mite chu an lo _____________dawn si a. Nguinain puan chhia a sintir ang.

Q4.I hmêlma a tlûkin lawm suh la, _______________ a awm in i rilru lawm suh se

Q5. I thubuai chu i ____________________ nên sawi dun ula, Mi dang thuruk chu puang suh

A bung leh châng dah rawh :

Q1.Hmusit ching mite hrema an awmin mi mawlte chuan an fin phah a; Tin, mi fing chu zirtira a awmin hriatna a dawng thin.

Bung: ________ Chang: _________

Q2.Mi thatchhia chuan, “Pawnah sakeibaknei a awm a, Kawtthlêrah ka tualthi ang,” a ti.

Bung: ________ Chang: _________

Q3. Thu dik chu lei la, hralh leh tawh suh;

A ni, finna te, zirtirna te, hriat thiamnate nên.

Bung: ________ Chang: __________

Q4.Mangan nia i chauh mai chuan

I chakna a bei tham a ni.

Bung: ________ Chang: _________

Q5.Thil thup hi Pathian ropuina a ni a,

Lal ropuina erawh chu thil zawn chhuah a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 9 RESULT

Chhanna lut zawng zawng : 7

Chhang dik vek : 7

Lawmman dawngtu : C.Lalchhanchhuaha ( T.Sec )

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 13.3.2014(Ninga zan)

A hmun : Kohhran Library

Hruaitu : Pu Kamzawngliana

|antu : Pu Lalremsiama

Bethel leh fakna hun hman tur a ni ang.

T.B.Z. PROGRAMME

Dt. 10.3.2014(Thawh\an zan)

Neihthil thehkhawm

A hmun : Pu Ngura Sailo in

Hruaitu : Pi Zohmingthangi

Tantu : Pi Biakthangi

Admission Open For The Session (2014-2015)

Contact : 1) 9774630781

2) 8014442431

3) 8014389494

H.C. THAWNGA