Mipui Aw 15.9.2013

MIPUI AW

KARTIN CHHUAK

Vol. XIX Issue No. 37 Kristian Thalai  Pawl  Saikhamakawn Branch  Pathianni Dt.15.9.2013

VAWIIN CHANG VAWN

            Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng, Huang ata ran rual tibovin, Ran inah ran awm lo mah seng. Kalawm zel ang, LALPA-ah chuan, ka chhandamna pathianah chuan ka lâwm cheu dawn.

KOHHRAN  PROGRAMME

15. 9. 2013 (Pathianni)

Sunday School Inkhawm

|antu           : Pi Lalrinengi

Chawhnu Inkhawm

Thupui           : “Thih thlenga rinawma                                                         rawngbawl”

Thuhriltu    : Upa Lalzuiliana

Zân Inkhawm

Thupui           : “Rah chhuah khawpa                                                            rawngbawl”

Thuhriltu    : Upa R. Lalngena

September 16 - 31  Inkhawma chanvo neitu turte

Hla hriltu     : Nl. Lalrinchhani

Keyboardist : Tv. Malsawmzuala

Sound Duty : Pu F. Lalrinpuia

                      Tv. Lalfakzuala

Vawiin tlai Fellowship Programme

Hruaitu : Pu Lalremtuata

|antu : Nl. Vanlaltlani

            Vawin Pathianniah hian Hlimen Pastor Bial Senior department chuan Hlimen Damvengah inkhawmpui an hmang a. Inkhawmpui hi nizan a\ang khan \an a ni.

           

           

           

SERMON

A  LO  KAL  LEH  DAWN

            Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; Chuvangin, heng thu hian inthlamuan tawn rawh u.       I Thessalonika 4: 16-18

            Lal Isua ngeiin Khawvel hi ka ram chu nisela ka \huihruai hoten a bei ang tiin a sawi a. A awmzia chu he khawvel hi kan zui Lal Isua ram a nilo tihna a ni. Nimahsela he khawvelah hian ringtute kan la awm tlat si a. Ringtuten he lei ram mi kan ni lo tih kan hre \heuh a, kan rama min hruai turin he khawvelah hian Isua chu a rawn kal leh ngei dâwn a, he khawvelah hian kan châm hlen dawn lo a ni tih hre thara thlamuang taka kan awm hi Lal Isua ngei pawhin min duhsak hle a ni.

            Kan sawi tâk ang khian keini ringtute tân he khawvel hi kan ram hlun tur a ni lova. Kan ram diktak Vanramah kan la kal ve ngêi dawn a, a takin la hmu lo mah ila rinna mitin nitin kan thlira, chhel takin kan awm \hin a nih hi. Lal Isua hian a tâna rinawm leh chhel taka tuarte hi a theihnghilh ngai lova, tin, a mite hi a hre rêng \hin. A ram nuam taka hian a hmangaih hringfate kan kal lovang tih a hlauh êm vangin a thisen leh nunna hial a rawn sêng a, chumi azara chhandamna changtute he khawvel hreawm tak a\anga amâ rama min hruai turin a lo kal leh dawn a ni.

            He khawvel hi Setana ram a ni kan tih tawh kha, he khawvelah hian hreawm tam tak kan tuar \hin a, sual vanga rûm chângte leh \ah chângte kan nei \hin. Tin, sual bumna vângin ringtute kan tlûk chângte a awm \hin a, kan ngui a, kan chau ngawih ngawih \hin.  Hetianga sual vânga kan tuarnate zawng zawng hi min hmangaihtu kan Pathian hian a hmuh hmaih hauh lo a ni tih kan hriat a pawimawh khawp mai. Sual vânga invên reng ngaia kan awm \hin ziate hi kan Lalpa hian a hai hauh lo, heng zawng zawng avang hian Lal Isua chu a lo kal leh dawn a, sual vânga tawrhna awm tawh lohna rama min hruai turin a lo kal leh dawn a ni, a va lawmawm tehlul em.

            Ringtute khawvela kan awm chhûngin hreawm \hin mahila kan ropuina ni a lo la thleng ve ngêi dâwn a ni. Chutih hunah chuan Lalpa ngêi chu au thawm nen, vantirhkoh chungnungber leh tawtawrawt ri ropui tak nen min hruai turin a lo kal leh dawn si. Sual vanga rûm \hinte, châu \hinte, sual vânga hreawm nasa tak tuâr \hin ringtute lâwmna nî a lo in herchhuak ve tawh dâwn a ni. Min hmangaihtu hmêl tak tak kan hmu ve tawh anga, a kiangah kan awm ve tawh anga, sual thiltihtheihnain min tibuai phâk tawh dawn si lo. Tunah hreawm rih mah ila nakinah Lal Isuan a hnena min hruai tura a lo kal huanah chuan kan ropui ve tawh dâwn a ni tih hriain  rinawm taka tuâr chhûngin thlamuang takin i awm ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

Dinthar  leh  ang  u

             “A zahawm apiangte, a fel apiangte, a thianghlim apiangte, a duhawm apiangte, a thangmawi apiangte \hatna rêng a awm a, fakna rêng a awm phawt chuan chûng chu ngaihtuah rawh u” tiin kan Bible chuan min hrilh. Bible hian nitina kan hun hman dan tur leh kan mihringpuite nena kan chhenho na nun hi a ngaipawimawh hle tih a lang chiang.

            Tunlaia kan nun dan hi ngaihtuah ta ila, \halaite nunah hian eng ang chiahin nge a chunga Bible in a sawi khi kan nunah a tlâkhniam tawh. Kan Pathian thu hian kan moral hi a ngaipawimawh hle a. Keini Mizo Society ah chuan eng hi nge nundan \ha a kan ngaih? Kan society in nundan mawi anga kan pawm zawng zawng hi Pathian thu hian min tumpui a ni.

            Tlâwmngaihnate, rinawmnate, diknate, \hatnate, aia upa zahthiamnate, taimâknate, felna kawng zawng zawng te, hetiang thil kan tih hian mi fak kan hlawh dâwn nân chauhah tâwp lo se. Tin, khawtlangin nungchang tha tia kan pawmtlân nun hi neih kan tum tur a ni, chu chu kan Pathian thu pawhin min tumpui a ni reng si a.

            A tawp berah chuan keini vengchhung thalai te ngei pawh hian kan Mizo nuna nunze mawi zawng zawng nei lêt leh turin rilru i siam thar ang u.

ARTICLE

            VENG  HMASÂWN  LEH  |HANG  MÊK

-Upa Lallawmchhunga.

            “Olympic 2020 thlengtu turin Japan khawpui Tokyo chu thlan a ni ta” ti a, I.O.C President Jacques Rogge-a’n an puang chiah chu Japan aiawha kalte an zuang tho nghal a, Tokyo khawpui chu a rikin a ri hum hum bawk a, lâwm avangin an lam a, an \ap chêlchûl mai. Japan hi ram taima leh hnathawk nasa ram ruahman lâwkna nei \ha ram an ni. Kawng tinrengah hmâ an sâwnin an thawhrimzia leh an ruahmanna hi khawvel hian a hmuhhmaih tlat lo. Hetihlâi hian kan veng hmasawn tawhzia leh ruahmanna kan neih a \ulzia hi i ngaihtuah tlâng teh ang u.

            In leh lovahte, zirnaahte, thil neih leh a dangteah hmâ kan sâwn hle mai. Kawng tamtak a kan hmasawn karah kan motor neih lam hi han thlurbing ta ila. Kang veng hi tûnhma kum 1990 bawr vêlte kha chuan vêngchhûngah Taxi ala awm loh mai bâkah Taxi hman tur thakthing vêlah han zawng ila, midang lo be mai teh min tihsan \hin kha a ni a, tûnah chuan Taxi hman sên loh kan nei ta. A lawmawm hle mai !! Chumaibakah Taxi mai nilo, Bus-te, Tuck-te, Car-te,  Two wheeler pawh chi hrang hrang tam tak kan lo nei ve ta reng mai a; a lawmawm tak meuh meuh a ni.

            Ruahmanna felfai kan neih loh a, tûn ang renga kan kal anih erawh chuan motor dahnaah hian harsatna nasa zâwk kan tâwk ngêi ang. Tûnlai Aizawl khawpui buaina lian tak mai chu kawng sira motor dah hi a ni. Sawrkar chuan motor nei tur apiangte chu Garage nei turin min ti a. Garage nei lo tân motor hi lei theih loh tluk a ni. Mahse vêngdang chu lo dah\ha ta ila!! Kan veng hi han thlir teh; kawngdunga motor indah tam tawhzia hi !!! Zanlama kawngdunga motor kan dahkhat tlat maite han hmuh hian ngaihtuahna a ti thui hle mai. Garage nei lo motor nei tam lutuk hi ram hruaitute lu tihaitu leh traffic jam ti tamtu a ni mêk. Hei hi kan vêng hian kan tawng \an mek a, mahse he harsatna hi kan pumpelh thei.

            Sawrkar siamtu chu mimal tinte kan ni a, ram hruaitute N.G.O te tih kher ngai lovin mimal tinte, chhungkaw tin te in vawng fel ila, kan motor neihte \ha taka kan dahfel chuan khawtlâng a lo nuam ang a, vêng nuam leh entawntlak kan ni zêl dawn a ni. Kan vênga chhûngtinte hian motor hi neih vek kan la duh ngêi ang. Kan lei hmâin a dahna i ngaihtuah hmasa zêl ang u. Kan vêngchhûngah pawh motor Garage siam a \ha taka dah tute hi entawn ila. Tûna kawngsira motor dahtu zawng zawngte hian a dahna \ha takin siam ila, misual lakah te, ruah leh ni sa lakah leh chhiat theihna lakah a lo him anga, a tlo bawk anga, khawtlâng tân malsawmna kan lo ni bawk ang. Ruahmanna hi mihring chan a ni a, rem kan hriat zawh poh leh kan chak zêl ang. Saikhamakawn hi kan vêng a ni, vêng hmasâwn leh \hang mêk kan ni. Hei lo vêng dang kan nei si lo !!!!

membership  fee  a  tÂwk  em??

                                                            - Rose Villa

            Pathian rawngbawltute leh \ih tuten an din tisa leh thlarau nunkawngdika hruaina leh chhumchhia, hmeithâi leh pachhiate tuam hlawmtu pâwl pahnih K|P leh YMA dintute chawimawiin awm rawh se.

            He khawvêl mit a\angin miten thlirin chêksawlhin dîriam \hin mahse Pathian hriatpuina leh awmpuina chuan thim chhah ber an dâi lâi pawhin a khaichhuak leh fo \hin a, A la hruai zêlin Zofate awmchhûng chu an nung reng tawh ang.

            K|P hian thlarau lam nun min kaihruai a, \halaite rinna a phun puitlinna leh hnungtawlhte kohkirah \an a lâin a thawkrim a, kohhran chakna hnâr ber a ni e; ti ila tun an thîk bîk lâwng chu? A hnathawh a ropuiin ringtu chhûngkua chuan kan thlâwp vek mai, mahse engatinge aw...? pâwl alo din chuan tisa thil emaw thlarau lam thil emaw pawh nise sum leh pâi a ngâi fo \hin, chûng chu hlawhchhuak tur chuan Eden ânchhia kan chan angai a, beka thlantui far zawih zawihin sum thawhchhuah a ngâi fo \hin. He hun a lo thlen hian memberah kan lungawi tâwk ta mai emaw tih turin hruaitute kan papêk ta mai \hin. Member kan nihnaah hruaitute hrûai theiha awm hi ringtu diktak zia chu  a ni \hin, hnatlân nikhuain nu leh pa ten kan fate tirh liam nachâng hria ila, \halai lam pawhin kan tihtur chinah hruaitute tih atân dah mai lovin hei lo hi buaina tam tak an nei \hin tih hriain member nâwlpui tih theih chinah chuan insangmarin puanven i sawichhing leh deuh ang u khai.

            YMA lam pawhin tisa leh thlarau dam nân a thawkin mihring manganna tâwpah min \anpuiin min thlamuan \hin, K|P lam a\anga thil remchâng lêmlo tisa leh thlarau nun khawih thil pawh hmâ châng a awm \hin, heng hunah hian kan mangan lai pawha min tuamhlawmtu pâwl leh member kan nihna hre rengin mahni inphatsan ngam nun nei thar zel ila, K|P / YMA ringawta kan thâ leh zung sengral tûr kan ni lova, K|P a active taka kan awm thei anih ngâi chuan YMA missionary te lo din pâwlah hian active takin thâ thawh ang u, chutiangin YMA ringawta in hmangral lovin K|P activities hrang hrangah kan hun leh thâ i seng phal ang u khai.

            Heng pâwl pahnih chunglam lo bepawp hmasa ten an din a mualpho kan phal tur a ni lova, a chaklohna leh fellohnaa \anpuia; thâ leh zung, sum leh pâi, hun leh thâ sêng turin member zawng zawng ten \an ila thar leh ang u, chutiangin kohhran hrang hrang \halaite pawhin kan dinchhuah nân insên angâi tih i hre \heuh ang u khai. Membership Fee pêk mai a kan duhtâwk anih ngâi chuan kan inngaihtuah nawn a \ul hlê ang.

BIBLE  QUIZ  No.37

SAM 46-50

A kâr âwl dah khat rawh :

Q1.A tuite chu ri hum humin phul bulh bulh mah sela, A _______________ nasat avângin tlangte hi nghing dur dur mah sela, kan hlau chuang hek lo vang. (Selah)

Q2.Ani chuan mi tin, chu kan hnuaiah a tudawl ang a, Hnam tin chu kan ________ hnuaiah a tudawl bawk ang.

Q3.A sanziaa mawi tak, khawvel zawng zawng hlimna chu, Zion tlâng chu a ni, hmâr lampanga, Lal ropui ______________ khawpui chu.

Q4.Ka kâ hian finna thu a sawi ang a; Ka thinlung ngaihtuah chu hriatthiamna ____________ a ni ang.

Q5.Kan Pathian chu a lo kal ang a, a ngawi reng lo vang: A hma lamah chuan mei a kang hluah hluah ang a, A vêlah chuan thlipui _______________________ a thleh bawk ang.

A bung leh châng dah rawh :

Q1.Ani chuan indonate chu kawlkil thlengin a tireh thin a; Thal ngul chu a titliak a, fei chu a sat bung thin a; Tawlailirte chu meiah a rawh ral thin.

Bung: ...............          Chang: ....................

Q2.Pathian chu hnam tin chungah lalah a thu a: Pathian chu a lalthutphah thianghlimah chuan a thu a.

Bung: ................         Chang: ....................

Q3. Sipaihote LALPA khawpuiah, kan Pathian khawpuiah chuan, Benga kan hriat ang ngeiin kan hmu ta: Pathianin chu khawpui chu kumkhua atân a tinghet ang. (Selah)

Bung: ................         Chang: ....................

Q4.Tuman an unau pawh an tlan thei tawp lo vang a, Pathian hnênah tlanna an peksak thei hek lo vang:

Bung ...................        Chang .....................

Q5.“Aw ka mite u, ngaithla rawh u, thu ka sawi dawn e; Aw Israel, ngaithla rawh, ka hriat fiahtir dawn a che: Kei hi Pathian, i Pathian ngei chu ka nih hi.

Bung ....................        Chang .................

Hming : ......................................................

Section : .....................................................

BIBLE QUIZ  NO. 36 RESULT

Chhanna lut zawng zawng : Awm lo

Chhang dik vek                       : Awm lo

Lawmman dawngtu: Awm lo.

            Issue hmasâah Bible Quiz a awm loh avângin Bible Quiz result leh lawmmawn dawngtu an awm lo a ni e.

SENIOR DEPTT. INKHAWMPUI  PROGRAMME

A hmun: Hlimen Damveng Kohhran

Inrinni zan

Chairman   : Upa Khawlchungnunga

|antu         : Tv. John Vanlalpeka

Report       : Kohhran tin senior                                   dept. a\angin

Zaipawl     : Hlimen Senior Dept.

                  Bial Zaipawl

Pathianni

Chawhma  Inkhawm (10:00am)

Chairman   : Upa Khawlchungnunga

|antu         : Pi Lalremchhungi

Thupui       : “Duhthlanna”

Sawitu       : Upa Zonunmawia

Zaipawl     : Hlimen Damveng

Combine Choir K.H.B No. 76

Chawhnu Inkhawm (01:00pm)

Chairman   : Upa Khawlchungnunga

Thuchah sawitu :

                  T.Upa K. Lalnuntluanga

Zaipawl     : Hlimen Vengthar

                  Melthum

Fellowship Programme

A hmun     : Sunday School Hall

Hruaitu      : Pu Biaknghinglova

                  Special Item hi veng tin senior department a\angin pakhat \heuh neih tur a ni a. Kan veng senior department in drama an chang dawn a ni.

                  Senior department inkhawmpui hi Kohhran mipui a duh apiang tan chhim theih a ni a.

VAWIIN KHAWCHIN

A lum lai berin                        : 260C

A vawh lai berin          : 220C

            Chawhma lamah 2mm, chawhnu lamah 6mm leh zân lamah 9mm (wheatherforcast.com).

           

N.P.S.S  INKHAWMPUI

RESULT

               Ni 8. 9. 13 Pathianni kalta khan Hlimen Pastor Bial Naupang Sunday School department hrang hrangte inkhawmpui neiin Pathian thuah inelna neih a ni a. Kan veng Naupang Sunday School department hrang hrangte result chu hetiang hi a ni:-

Inter. & Sac.    - 1na

Junior dept.                  - 2na

Primary dept.               - 3na

Beginner dept. - 3na

YMA  HRIATTIRNA

            Saikhamakawn Branch YMA chuan All India Radio, Aizawl-ah tun thla tawp lam hian Hla (Zaipawl) thun tur a ni a, hla hi Ram ngaih hla 5 (panga) thun tur a ni. He mi  atan hian dt.16.9.2013 (Thawh\an) zan inkhawm banah hla zir tur a ni e. YMA Member-te a tam thei angber hla zir tur hian kan in sawmin kan inhriattir a ni e.

Hla zirna hmun tur : YMA Committee  room.

HMING THLAK

            Saikhamakawn Branch YMA in a property neih hlu berte zing ami YMA Library Building (a project hminga Library building, tun thlenga a hming atana kan hman zui tak) chu dt.3.9.2013 a Branch YMA Executive Commt. meeting chuan hming thar a vuah a. A hming hi a sei a; lam mai te a buaithlakna lai a awm bawk a, chuvangin tuna a hming thar tawi tak, zo tak si hi a lam a nuam a, a awlsam bawk, tin, he hmun phal taka YMA tana petute thinlung nen pawh a in rem ngei Branch YMA chuan a ring tlat a ni. A hming thar chu hei hi a ni e " YMA RUN". Tun atang chuan he building hming lamna tur ang chi reng rengah e.g. innghahkhawmna hmun atan YMA Run kawt, etc. tia sawi \hin tawh tur a ni e.

TUALCHHUNG

, Lalduhsaki d/o Lalrammawia (Ch.sec) chu damlohna avanga Civil Hospitalah zai a nih hnuin a lo chhuak.

, Pu Stephan Lalchantluanga leh Lalnuntluangi (V.Sec) te nupa chuan a pakhatna atan fapa duhawm tak an nei thar.

, Pu C.Zakhuma h/o Liansangi (V.Sec) chu damlohna avangin Green Hospital-ah enkawl mek a ni.

TIAM  TLAT  E

Lalhmangaihsanga s/o

K. Lalnghakliana, Saikhamakawn

leh

 F. Edenparmawii d/o F. Sawihlira Nursery Veng, Baptis Kohhran

            Ni  20. 9. 2013 (Zirtawpni) zing dar 7:00 hian Sunday School Hall-ah Pathian leh Kohhran ho hmaah tiam tlat e an ti dawn.

SUPER RELIGARE

LABORATORIES

            Thisen Test hrang hrang Test 3,000 chuang tih theih a ni. Phâi lam kal tur tân phei chuan Test nawn ngâi tawh lovin an pawm vek a ni. Kan vêng chhûng tân mahni inah thisen kan lâksak thei e.

Contact:   9612307387

                 9856183234

Zânin EPL inkhêl turte

Southampton vs West Ham (8:30)

Thawh\an z^n

Swansea City vs Liverpool (12:30)

HRIATZAU NÂN

            Synod Hospital, Durtlang Casualty chuan Phone Number thar 8415921575 an nei a, a hmâa an neihsa 2361222/2362042/2362241 ah te nên hian mamawh hun apiangah biakpawh theih an ni e.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 8.9.2013

MIPUI AW

KARTIN CHHUAK

Vol. XIX Issue No. 36 Kristian Thalai  Pawl  Saikhamakawn Branch  Pathianni Dt.8.9.2013

VAWIIN CHÂNG VAWN

            Mihringte anga lo piangin, bâwih angah a insiam a, amah leh amah a intitlâwm ta zâwk a. Tin, mihring anga lo awmin, a inngaitlâwm a, thi khawp hiala thu zâwmin alo awm ta a, kraws-a thihna ngêi chu. .        Philippi 2: 7-8

KOHHRAN  PROGRAMME

8.9. 2013 (Pathianni)

N.P.S.S  INKHAWMPUI

Chairman    : Upa C. Lalengzaua

Secretary     : Tv. Pc. Vanlalhriatpuia

|antu           : Nl. Lalengmawii,

                     Sacrament dept. zrt. S.K.K

            Chawhma inkhawm bân hian thingpui leh a hmeh tui tak in ho tur a ni.

Chawhnu Inkhawm

Chairman    :  Upa C. Lalengzaua

Thuchah tawi  : Pastor C. Sapkaia

Result puan leh lâwmman sem:

                     Upa C. Lalengzauva

            Vêngchhûng Kohhran mipuite \hahnemngai taka inkhawm i tum ang u.

Zân Inkhawm

Thupui           : ‘Kohhran khawvêl êng’

Thuhriltu    : Upa Lalzama

            Vengdanga inkhawmpui tur department hrang hrangte dar 9:00am ah Biak In kawt a\anga chhuak hman tura in buatsaih tur a ni e.

           

           

           

SERMON

THUAWIHNA

            Hebrai 5  8Fapa meuh pawh ni mahsela a thil tuarahte chuan thuawih  a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

            Thuawih hi thil \ha tihna kawngah chuan thil har tak a ni a, thil\halo tihpuia \hianten min sâwm châng erawh chuan an thuawih a nuamin a âwl hle thung si. Thuawih tihin a kawh ber leh kan rilrua lo awm nghal chu thil \ha tihna kawnga thuawih hi a ni âwm e. Chutiangchiah chuan kan Pathian pawhin a thu a kawi a ngila zawm a, a thuawih mai turin min ti a ni. Tin, thuawihloh pawizia te, thuawihlote dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal \hin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thlûka an la awm tur thute chiang takin a lo sawi a. Thuawihlote hian vanneihna an dawng tluantling thei tak tak lo a ni.

            Thuawihna hi Pathianin a thupekah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lâwmman a siamsak dan a\ang hian a thuawih a ngaihpawimawhzia a lang chiang hle. Tin, Lal Saula ngei pawh Amelek ho thah chimih vekna tur thupêk Pathian hnên a\angin a dawng a, an ran vulhte pawh zuah hauh lohna tur thupêk a ni. Nimahsela ama remhriatna leh Pathian tâna inthawina atân Amalek-ho ran vulh thau \ha leh an Lal Agaga te chu an rawn hâwn a, mihring ngaihah chuan thil \ha tak chu a ni ngei mai, Lalpa tân a \ha \hâ chu an rawn hâwn ngêi a ni, nimahsela Lapa Pathian chuan a thupêk zawm kha a lâwm zâwk a ni tih kan hmu. Lalpa thupêk awih lova mihring lam \hahnemngaihna zâwn a\ang leh tunlai \awng takin; a lang tlat  tihna zâwn a\anga Pathian tana Saula’n \hahnem a ngaih avangin Lal a nihna ata chu Pathian in a hnâwl ta a ni. Keini tunlai ringtute ngêi pawh hi, kan tisa lam \hahnemngaihna leh kan rilrua awm satliah mai maina a\anga Pathian rawngbâwl a maw in ti a tlân vak hi Pathian hian a pawm lem lo niin a alang, hotê pawh nise Pathian thuawih mai hi kan tih tur niin a lang. Mihring lam \hahnemngaihna a\anga Pathian tân  tia rawngbawl  vak hian Pathian a lawmlo mai a ni lo, Saula ang hian kan nihna a\ang hian min hnâwl ve mai ang tih pawh thil hlauhawm tak a ni thei âwm e.

            Bible châng kan tarlan tâk ang khian Lal Isua meuh pawh a thil tawrh a\angin thuawih a zir a ni tih kan hmu a, thuawihna hi Pathianin a ngaihpawimawh hle tih a lang thei. Lal Isuan naupangte a lawm nachhan leh vanram pawh naupangte anga lâwm turin min tih nachhan pawh naupang in thuawihna nun an neih vâng leh chu thuawihna nun neite tân chuan Vanram chu an chanvo a ni tih a rawn sawi chhuahna a ni thei âwm e. Lal Isua meuh pawhin thuawih zir a ngai a nih chuan keini chuan kan ngâi nasa lehzual ngei ang.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

Lecturn

            Lecturn han tih chuan, “Biak ina \awng\aina chhiarna leh Pathian thu sawina dawhkan” tiin JF Laldaiilova Dictionary chuan a sawi a, a pawmawm viau e, \antu dinna ang chi hi. Kan kohhran pawhin lecturn pahnih mipa lamah leh hmeichhe lamah kan nei ve ta a, amaherawhchu mipa lama lecturn hi chu hman \han anih deuh tawh vâng nge ni? hmeichhe lam a\ang hian mipa lam lecturn rawn pan leh vû vû hi kan awm \hin. A sualna êm êm a awm chu a ni chuang lo nâa mahni lam side-a a awm reng tho si chuan hmanthiamte pawh hi zirin tum tlâng ta ila a \ha âwm e. Chumaibâkah mi\henkhat chuan Inkawm Service lâia Mâichâm Cross zâwnga kal hi \ha an lo ti ve \hin bawk a, hetiang kawngah hian Cameraman-te kan lo nî anih pawhin Video/Still Camera pawh nise Mâichâm tantlang zâwnga vei vah loh hi thil mâwi a ni tih kan hre\heuh bawk dawn nia. Kan lo changkâng zêl a, thilthar leh kan la hriat ngâi loh alo chhuak ve zêl a, hetiang kawngah hian mahni \heuh hi inzirin in-adjust thiam zêl i tum \heuh ang u.

ARTICLE

            BASIC HUMAN RIGHTS

-Marzmann.

            Tunlai boruak avâng hian Human Rights kan ti deuh reng hlawm a, a awmzia pawh kan hretlâng turah ngâi ila. Mitinte hian in Basic Human Rights 30 \heuh, Universal Declaration of  Human Rights an tih chuan kum 1948 khân United Nations kaltlangin khawvel mihring zawng zawngte inrem taka kan khawsak ho theihna turin mimal tinte hnênah a lo pe thlip thlep tawh a. Tunlâi boruak nêna in mil deuh nia ka ngaih 10 vêl hi hrilhfiahna tâwi tê tê a pêk a ni a, a bâk erawh hi chu a thui lutuk loh nân a kawng hla lam pawh nise ka rawn Short Cut ve tawp mai a ni.

1.We are all free and equal: Mimal tinte hi zalenna neisâa piang kan ni, mahni ngaihtuahna leh rilru put hmang \heuh kan nei a, mahse intluktlâng vek leh inenhranna a awm tur a ni lo.

2.Do not Discriminate: Mimal tinte hian hranna/inanlohna kan nei vek a, retheihna leh hausakna, vun rawng leh Gender danglamna etc. te avânga inenhran leh inhnuaichhiah hi dan kalh ani a, midang te dikna zahlohna a ni.

3.Right to life: Nung tur in dikna kan nei a, zalên leh him(safe) taka nung turin mitin ten dikna kan nei vek.

4.No torture: Mi tumah in mimal/min tihnat theihna an nei lova, engpâwl leh mimal mahin tumah sawisak theihna a nei lo.

5.We are all protected by the Law: Mitinte hi dân venhimna hnuaia lêng vek kan ni. In tluktlâng vek a en tur a ni. (Dân bawhchhia chu dân hmang chauh a hrem theih a ni).

6.No unfair detailment: Mi tumahin chhan leh vâng awm lovin Jail/tâninah min/tupawh a khung thei lova, ka/a Ram(Country) a\angin min hnawhchhuah theihna tur thuneina a nei lo.

7.Innocent until proven guilty: Mi tupawh thil tisuala rinhleh chu, a dik lohna fiah anih hmâ zawng chuan pawisawilova ngaih a ni. Miin thil ti dik lova mi a puh chuan a tihdiklohna a sawi thei tur ani.

8.The rights to privacy: Mi tumah in mimal emaw pâwl hming a tichhe thiang lova. Tin, mi tumah a neitu phalna tel lovin a inah lûtin emaw a lehkhathawnte emaw pawh chhiar theihna a nei lo.

9.The right to asylum: Mi in kan/a Ram(Country) chhûngah ngêi a nunna chu râl\i emaw him tâwk lo sela, chûng mite chu ramdangah an inhumhim phalsak a ni.

10. Our responsiblities: Mitinte hian midangte dikna leh zalênna humhim turin mawhphurhna an/kan nei vek.

11.No slavery – past or present. 12. Fair treatment by Fair Courts.

13.The right to trail. 14.Freedom to move. 15.Rights to Nationality. 16. Marriage and family. 17.Your own things. 18.Freedom of thought. 19.Free to say what we want. 20.Meet where you like. 21.The right to democracy. 22. The right to social security. 23.Workers’ rights. 24.The right to play. 25.A bed and some food. 26.The right to education. 27.Culture and copyright. 28. A free and fair world. 29.We all have the same right to use the Law.

30.Nobody can take away these rights and freedom from us: Hêng ka/kan (mitinte) dikna chanvo leh Zalennate hi tumahin min lâksak thiang lo.

(List Provided by Youth For Human Rights International, adapted and simplified from the 1948 Universal Declaration of Human Rights.)

(Source : www.facebook.com/groups/mizospecialreport/)

TIH DIKNA

            Mipui Aw  Vol. XIX Issue No.35 (Issue hmasa chiah) a “Saikhamakawn YMA thuchhuah” tih a; “Hall siam\hatna atân `. 25,000/- zet YMA-in a hmuh thu lo lang pawh kha thu dik lo a ni a, Hall siam\hatna atâna kan sum hmuh chu `.20,000/- a ni.” tih hi `.2,50,000/- (Nuaih hnih sîngnga) leh `. 2,00,000/- (Nuaih hnih) tih zawk tur a ni e. Tihsual palhah ngaihdam kan dil e.

-Editor, Mipui Aw.

SUPER RELIGARE

LABORATORIES

            Thisen Test hrang hrang Test 3,000 chuang tih theih a ni. Phâi lam kal tur tân phei chuan Test nawn ngâi tawh lovin an pawm vek a ni. Kan vêng chhûng tân mahni inah thisen kan lâksak thei e.

Contact:   9612307387

                 9856183234

ALPHA  HOSPITAL

            September 2013 a\angin Alpha Hospital, Kulikawnah a hnuaia tarlan ang hian inentir theih a ni ta e.

*General : Emergency Service 24 x 7

*Naupang Specialist: Dar 10am a\angin, Nitin.

*Psychiaatry: Tlailam dar 4 a\angin, Nitin

*Dental: Ha hnawh, phawi, RCT etc: Zing a\anga tlai thleng, Nitin

            Tin, Dental bikah Alpha Hospital Dental Unit thar lawmna atan September thla chhung upto 50% discount-in kan enkawl thei ta e.

S.S. Hall-a thu t^r

            Saikhamakawn Branch K|P buatsaihin Sunday School Hall-ah Pathian thu ziak târ a ni a, kuthlei vânga khawih emaw lo hawlh emaw kher lovin uluk taka enkawl i tum hr^m hrâm ang u.

NPSS  INKHAWMPUI PROGRAMME

Beginner Department:

A hmun: Hlimen Kohhran Biak In

10:00am : Intihsiak Inkhawm

Chairman: Upa Lalzuiliana

|antu: Pi Laldingpuii (Hlimen)

Intihsiakna:

1. Châng          : Sam134:1-3

2. Thu inchhâng          : Part-I 2:1-10

3. Hla              : NPHB No. 111

                          “A lo kalin”

4. Solo             : NPHB No. 49

             “Leiah hian vâkvâite”

5. Recitation    : Thufingte 15:1-3

Chawhnu Inkhawm dar 1:00pm

Chairman: Upa Lalzuiliana

Thuchah tâwi: Upa Ch.Lallianzuala

Result puan & : Upa Lalzuiliana

lawmman sem

Primary Department:

A hmun: Hlimen Vengthar

10:00am : Intihsiak Inkhawm

Chairman: T.Upa H.Lalnunzira

|antu: Nl.Lalremtluangi (Vengthar)

Intihsiakna:

1. Châng: I Peter 3:8-10

2. Thu inchhâng: Part II 12:1-10

3. Hla  : NPHB No.96

“Buaina tinreng ten min chîm”

4. Solo: NPHB No. 21

“Ka lu ah i kut nghat ang che”

5. Recitation: I Johan 3:1-3

Chawhnu Inkhawm dar 1:00pm

Chairman: T.Upa H.Lalninzira

Thuchah tâwi: Upa Lalengliana

Result puan & : T.Upa H.Lalninzira

lawmman sem

Junior Department

A hmun: Melthum Kohhran Biak In

10:00am : Intihsiak Inkhawm

Chairman: Upa N.Siamliana

|antu: Nl.Ruthi Lalfakzuali

(Melthum)

Intihsiakna:

1. Châng: I Chronicles 29:11-14

2. Thu inchhâng: Part III 4:1-10

3. Hla  : NPHB No.62 Thlûk 1-na

“Min vengtu chu Lalpa a ni”

4. Solo: NPHB No. 193

“Kan in hi malsawm ang che”

5. Recitation: Thufingte 3:1-10

Chawhnu Inkhawm dar 1:00pm

Chairman: Upa N.Siamliana

Thuchah tâwi: Upa Lallawmchhunga

Result puan & : Upa N.Siamliana

lawmman sem

Intermediate & Sacrament Department:

A hmun: Saikhamakawn

10:00am : Intihsiak Inkhawm

Chairman: Upa C.Lalengzuava

|antu: Nl.Lalengmawii

(Saikhamakawn)

Intihsiakna:

1. Châng: Galatia 6:3-10

2. Thu inchhâng: Part IV 4:1-8

3. Hla  : KHB No. 584

“Tunah Isu, nangma hnênah”

4. Solo: NPHB No. 177

“Vân khawpuiah”

5. Recitation: Isaia 40:3-8

Chawhnu Inkhawm dar 1:00pm

Chairman: Upa C.Lalengzauva

Thuchah tâwi: Pastor C.Sapkaia

Result puan & : Upa C.Lalengzauva

lawmman sem

           

TUALCHHUNG

,Pi Zasangi m/o Lalbiakzuala (Ch.Sec) chu damlohna avângin Synod Hospital-ah enkawl mêk a ni.

,Pu Benjamin Lalduhsaka h/o Lalbuatsaihi te chuan a pakhatna atân fanu duhawm tak an nei thar.

,Tv.Lalrinpuia c/o Chuangkimi (Ch.Sec) te chuan khawi ilo vah vêl nân Scooty (Wego) an lei thar.

VAWIIN KHAWCHIN

A lum lai berin : 230C

A vawh lai berin : 220C

            Chawhma lamah 3mm, chawhnu lamah 3mm leh zân lamah 0mm (wheatherforcast.com).              

Bible Quiz No. 35 Result:

Chh^nna lût zawng zawng: 5

Lawmman dawngtu:

Lalhmangaihsanga (T.Sec.)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300