Mipui Aw 18.8.2013

MIPUI AW

KARTIN CHHUAK

Vol. XIX Issue No. 33 Kristian Thalai  Pawl  Saikhamakawn Branch  Pathianni Dt.18.8.2013

VAWIIN CHÂNG VAWN

            Thil dang bera aiin i thinlung vêng \ha rawh, Nunna lo chhuahna a ni si a. |awng chaltlâi bansan la, Mi bum chîng suh. I mitin hma lam en la, Ngil takin hma lam thlir rawh. I ke atân kawng tirualrem la, I kawng zawng zawng tihngheh ni rawh se. Ding lam emaw, vei lamah emaw pêng suh; Sual ata i ke sawn rawh.  Thufingte 4:23-27

KOHHRAN  PROGRAMME

18. 8. 2013 (Pathianni)

S.S Inkhawm

|antu           : Pi Lalnunfimi

Chawhnu Inkhawm

Thuhriltu    : Upa Zonunmawia

Zân Inkhawm

Thuhriltu    : Upa Lallawmchhunga

FELLOWSHIP  PROGRAMME

Hruaitu           : Nl. Lalhmunsiami

|antu              : Tv. Lalruatsanga

K|P PROGRAMME

 Dt. 19. 8. 2013 (Thawh\an zân)

Hruaitu           : Pu Lalremruata

|antu              : Nl. R. Lalmuanpuii

Thuhriltu       : Tv. Lalbiakdika Ralte

(Commt. Member, BK|P)

Thilpek  lak-  : Nl. Malsawmtluangi

hâwmtu  turte            : Nl. R. Zonuntluangi

August thla chhûnga hla hruaitu leh

musician turte

Hla hruaitu    : Pu Jeff Lalhmingsanga

turte                  Pu Lalduhkima

Musician         : Nl. R. Lalngaihawmi

KOHHRAN  HMEICHHIA (20. 8. 2013)

Hruaitu           : Pi Laltlanzari

|antu              : Pi Chawngpari

Thuhriltu       : Pi C. Lalrinpuii

           

           

           

SERMON

HMANGAIHNA

            Khawvêl hi hmangaih suh ula, khawvela thil awmte pawh hi hmangaih hek suh u. Mi tu pawhin khawvel hi a hmangaih chuan Pa a hmangaihna amahah a awm lo.

-Johana 2:15

            Pathian chu thil hmuh theih loh; khawvel siam tirh atâ fiah taka hmuhin a awm a, thil siamah chuan a lang a ni (Rom 1:20). Chuvangchuan Pathian hi eng ang chenin nge kan hmangaih? tih a thil siam mihringte a\angin fiah takin hmuh kan tum dawn a ni.

            A hmasain mihring tungchhova kal tawh phawt chuan hmangaih kan nei \heuh tawh âwm e. Nula tân chuan i tlangval hmangaih, tlangval tân i nula hmangaih, nu leh pa tân kan kawppui emaw, kan hmangaih tu emaw pawh a ni thei, kan nulât lâi; kan tlangval lâia kan hmangaihahte khân a chiang zawk awm e.

            Chutichuan, kan hmangaihte chu kan ngâi \hin a, kan thlahlel ngawih ngawih a, an bula awm kan châkin kan duh \hin a ni.Hmêl hmâi hmuh theih lohah pawh phone talin kan bia a, rei tak tak inbiak pawn kan ning lova, nuam kan ti zawk a, kan hlim \hin a ni. Hetiang chiah hian Pathian chu i ngai em? A bula awm i thlahlelin biak i châk ngâi em le? Pathian biak inkhawm, Pathian nêna lendun a thlahlel \hin em?

            I hmangaih tak maiin a hmangaih lêt ve kha nuam i ti \hin ti raw…? A hmangaih lêt ve loh che a i rilru awm awmdân pawh i hria, chutiang chiah chuan Pathian chu hmangaihna a khat Pathian a ni a, a hmangaih che a, i vahbosan lâi, i hmangaih lêt ve loh lâi khân a rilru i ti hrehawm \hin a, nang nunna tuikhur kalsantu kha ilo kir nghâkin a thlir reng che a ni.

            I hmangaih lakah chuan i rilru, i thinlung leh ngaihtuahna i pe nasa êm êm \hin.A \hente phei chu kan lehkha zirlaite a tibuai a, kan ngaihtuahnaah a awm reng a, kan thinlungah hmun a chang lian em em \hin a, rilru berah kan nei \hin a ni. Lalpa hian a i rilru a luah ve em? I ngaihtuahna a chang ve em le?

            Kan hmangaih tak takte tân chuan kan rilru mai pawh ni lo, kan taksa ngei pawh kan hlan phal \hin a ni lawm ni…? Tunah i taksa kha Lalpa tan i pe phal ve dawn em? Min hmangihtu chuan a taksa pawh a rawn pe phal asin. Pathian hi i hmangaih tak tak anih chuan i rilru leh taksa kha i pe phal tur a ni dawn lawm ni? Lalpa hi ilo hmangaih tak tak em? I ngaihzawng tluk pawhin ilo dah lo ang tih a hlauhawm kawp mai. Mahni \heuh hi i inchhûtin i inenfiah \hin ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

MORAL  REFORM  HI...

            Tunlâi \hangthar ten ka tlachham deuh ta mai nge ni ngêi tur a ni, tûnhnâi mai khan Sorkara mi pawimawh tak takte leh kan ram NGO lian tak tak te ho ten rilru lam insiamthatna (Moral reform) chungchangah seminar an nei a. Ngaihtuahna a kal thui duh angreg hle mai. Englâi tak hi nge dik lo tâ ang le? tih leh englâi ber hi nge a pawp thawm ngâi ni ta ang. Chîk taka ngaihtuah in alang thei riai ruai mai lo maw?

            Kan Mizo nuna bet tlat \hin chu tlâwmngaihna te, aia upa zah thiamna te, taimâkna te leh khawtlâng nunah leh mimal nuna rinawm tlatna te a ni kan ti thei ang. Hei tak hi reform ngai chu a  ni mai lo maw? Kan nitin nunah rinawmna, tlâwmngaihna, taimâkna te hi a nâwlpuiin kan tlachham hlawm ta, kut hnathawk mai ni lo sawrkar hnathawk chenin rilru lama kan mizo tunhmâ nun kha nei lêt leh tura kan insiam \hat a \ul ta hle mai. Hemi avâng pawh hi animahna  Seminar hial te buatsaih a lo \ul ta.

            Engpawhchu lo ni ta sela, sawrkar leh a pâwl anga siam\hat chi a ni lova, a bul berah chuan chhûngkaw inenkawlna mumal tak, fate tâna kawng engkima nu leh pa nih tling zo tak kan nih angâi tel bawk. Rilru puitling tak nih hnûah nupa a insiam a \ul tel tihna a kawk tel âwm e. Mahse, a bul leh a tâwp chu Pathian bawk a ni tih hre reng ang u.

ARTICLE

            HNAM DANGTE SUMDAWN NANA MIZO HMING HAWHTIR LO TURA NGENNA

            Tunlai hian Mizoram-ah hna thawk peih si lova sum awlsam taka hmuh duhnain mipui mimir min chiah hneh hle mai a. Sum duh luattuk avang hian sumdawnna thila mizo hming hnam dang lo hawhtir pawh kan awm ta hial mai. Hei hi hnam tan thil pawi tak a ni tih kan hriat a, kan thanharh a hun ta hle mai..

            Hnamdang - Mizo hming hawhtir hi Aizawl khawpui chhungah ringawt pawh iron rod zuar zingahleh nepnawi dawrah mi 264 vel an awm  mek nia hriat a ni a. Contract leh supply hna Mizo hminga thawk an tam ta hle bawk.

            Sum dawn nana Mizo ten kan hming hnam dang kan hawhtir thin hi hi Lunglei West Presbyterychuan ngaimawhin a that lohzia zirtirna siam rawtna an rawn thlen chu Synod Social Front Committee chuan Synod Executive Committee ah a thlen a. SEC 230:61(1) chuan Social Front bawhzui turin a rawn pe let leh a.  Hei hi Synod Social Front Committee 189:6-in bawhzuiin a hnuaia mi chhan hrang hrang avang hian sum dawn nana hnamdang te Mizo hming hawh tir lo turin Mizoram Synod Social Front chuanKohhran ho te kan ngen a ni -

1) Kum 1930 khan kumpinu sawrkar-in Mizo te hi hnam dangin min chim ral a hlauh avangin Inner line permit danin min hung a, hei hi vawiin ni thlenga la hman zel a ni (vide Pol. 1552/7312 AP of 4 June1930). He inner line permit hian hnamdang te Mizoram a  lo luh a khap a. Permit-neia an lo luh pawhin phalna pek ang chauh an thawk thei a ni. Hetiang dan tha tak Bengal Eastern Frontier Regulation 1873 hi chimralna laka min vengtu a ni tih kan hriat a pawimawh a. Hnamdangte sorkar-in phalna a pek bak hi chu i chhawr lo ang u.

2) Hnamdangte sumdawn nana Mizo hming kan hawhtir hian ram kan hmangaih lohzia a lantir a. A chhan chu kan ram hmangaih miah lotu, kan ram leh a leilung hausakna, sum leh pai min laksak tumtu hnenah kan hming, ram neitu  kan nihna kha kan hmantir a ni. Heng Mizo hming kan  hawhtir te hian ram mipuite tana thil tha thlir lovin anmahni hamthatna leh hlawkna tur chauh an thlir a, a hlawkna sum pawh ram mipuite ah let  lovin ram dangah a luang liam a, ram dang miin an hlawkpui ta zawk a ni.

3) Hnam dangten Mizo hming hawha contract leh thil danga an thawh hian an hna a chhia a, an bungraw hman hi hmun dangah pawh mi hman duh loh an hmang fo.

4) Mizo hminga hnam dangten sum an thawh chhuahah hian sorkar-in sum tam tak na hloh a ni. Hei hi a chhan chu hnamdangte hian an sum lak luh atangin sawrkar-ah income tax pe tur an ni a, mahse Mizo hming an hman avangin chhiah an pe lova, hei hi a chhan chu hnam hnufual kan nih avangin keini mizo te hi he chhiah (income tax) hi  sawrkarin min awl a. Tun ang renga hming hawhtir hi kan chin chuan reiloteah income tax dan hian min tibuai ve thei ang tih a hlauhawm hle.

5) Pathianin keini Mizo hnam tlemte hi chimralna lakah mihring dan siam hmangin min hung a. He remruatna dan  hi sum duh luat avanga kan palzut a nih chuan Pathian leh hnam  pawi kan sawi a ni tih i hre thar leh ang u.

Mizoram Synod Social Front Committee

(Source : mizoramsynod.org)

HRISELNA HUANG

KAWLTHEI

A chanchin tlângpui: Kawlthei hi India ram hmun hrang hrangah Mizoram telin hmuh tur a tam hle. Mizote hian Burma (Kawl) ram a\anga an hriat anih avangin a hmingah ‘Kawlthei’ ti ta niin an sawi. Thei hrisel, chakna lam thil pâi hnem tak a ni a, Mizote chuan hnamdangte angin ngaihhlut nachâng kan hre ve lêm lo. Kawlthei Jam, Jelly, etc. siam nânte an hmang \hin.

,Damdawia hman theihte: A rah leh a hnah.

Damdawia hmannate:

Pum nuam lo, chaw pâi \awih theih loh: A hnah pasarih tui no hnihin minute 15 chhum tur; a chhumna tui chu nikhatah vawi hnih, no khat zêlin in tur a ni. In hmâin Jeera dip tlêm leh serte pum chanve tui sawr nên chawhpawlh tur a ni a, Jeera dip hi dawr ami hmang lovin Jeera kan ro rawt dip hman tur a ni.

Kaw\ha lo: A hnah pasarih silfai a, tui no hnihin minute 5 chhum a, a chhumna tuiah chun chi leh chini chawhpawlhin tlêm tlêm a in zeuh zeuh a \ha. A  duh tân chuan serte tui sawr tlem pawlh a \ha.

Ka chhung pân: A hnah no \henkhat \hial sawm a hun engemaw ti chhung hmuam tur a ni.

Ha nâ: A hnah no \hial sawm a, ha na lâi bul vêlah dah tur, hei hian ha hni thî tur pawh a vêng thei.

Hahni nâ: A hnah `henkhat minute 15 chhung chhum a, a chumna tuiin hrawk \huah \hin tur.

Uithak: A hnah chhumna tuia inbual a \ha.

Khawihli: A hnah chhumna tuia sil \hin tur.

BIBLE  QUIZ  No.33

SAM 31-35

A kâr âwl dah khat rawh :

Q1. Ka dam chhûng hi lungngaiin a ral ta si a, ka kumte hi r^umin a ral ta bawk a ni: Ka khawlohna avângin ka th^ a ____________________ a, ka ruhte pawh a rawp zo ta a.

Q2.Mi felte u, LALPA-ah chuan hlimin lawm ula: Thinlung dik tak pu zawng zawngte u, hlimin _______________ rawh u.

Q3.LALPA Pathian a nei hnam chu an eng a th^wl e; Ama ________________________ a thlan mite chu.

Q4.I lei chu sual lakah veng \ha la, I hmui chu tihderna thu sawi lo tûrin veng ______________ rawh.

Q5.Unau t^n emaw \hian t^n emaw ni ^wm takin: Lusûn ang maia kûnin ka vei ka vei a, Mahni nu ______________ ang maiin.

A bung leh châng dah rawh :

Q1.I ngilneihna avâng hian ka hlimin ka lawm ang: Ka manganna hi i hmu si thin a; Ka nunna hi a hrehawm laite pawhin i hre thin.

Bung: ...............          Chang: ....................

Q2.Chuvang chuan, Pathian ngaihsak mi tinin zawn hmuh awla i awm laiin i hnênah tawngtai theuh rawh se: Tui liante chu a lo liam hun chuan anni chu a chim pha thuai dawn lo nia.

Bung: ................         Chang: ....................

Q3. Felna leh rorêlna fel hi a ngaina thin a: Leilung hi LALPA ngilneihnai a khat a.

Bung: ................         Chang: ....................

Q4.LALPA chu ka zawng a, tin, ani chuan mi chhâng a, Ka hlauhzawng zawng lakah chuan mi chhanhim ta a.

Bung ...................        Chang .....................

Q5.Fei pawh phawi la, mi umtute kawng lo dang la: Ka nunna hnênah hian, “I chhandamtu ka ni e,” ti ang che.

Bung ....................        Chang .................

Hming : ......................................................

Section : .....................................................

BIBLE QUIZ  NO. 31 RESULT

Chhanna lut zawng zawng : 5

Chhang dik vek                       : 5

Lawmman dawngtu:   Zorinpuii (V.sec)

                  Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

HRIATTIRNA

            Saikhamakawn Mistiri Association din a ni a, hruaitu thar thlan a ni bawk.

President      : Pu Lalthlana

Vice President: Pu C.Lalhruaia

Secretary      : Tv. Lalbiakzuala

Asst. Secy.     : Pu Lalzawmpuia

Treasurer     : Pu C.Lalremruata

            Member ni duh tân Treasurer Pu C.Lalremruata hnênah ni 23.8.2013 (Zirtawpni) ral hmâ ngêiin Membership Fee `.50/- pê in  member a nih theih e.

PAVALAI INKHAWM

PROGRAM

A hmun    : Senior Hall

A hun       : 22. 8. 2013

Hruaitu    : Pu  VL Zidinga Sailo

|antu       : Pu Kamzawngliana

                  |awng\airuala hun hman a ni ang.

VAWIIN KHAWCHIN

A lum lai berin : 260C

A vawh lai berin : 230C

            Chawhma lamah 2mm, chawhnu lamah 7mm leh zân lamah 14mm (wheatherforcast.com).                                    

Accuwheather.com chuan chhûn lamah 3mm, Zan lamah 1mm tla turin a sawi thung.

BIAL HRUAITU TEN RAWN TLAWH DAWN

            Ni 19.8.2013 (Thawh\an) zan inkhawmah hian Bial hruaitu leh Bial Zaipawl ten Saikhamakawn Branch K|P te chu min rawn tlawh dâwn a, member-te kim taka inkhawm i tum ang u. Tin, inkhawm bânah hian thingpui ruai buatsaih a ni bawk ang.

GROUP LETTER HEAD

            Saikhamakawn Branch K|P chuan K|P Group hrang hrangte tan Group Letter Head siam nise a ti a, Letter Head hi tûn thla a\anga hman \an tawh tur a ni ang.

MIPUI AW SEMTU RUAT THAR

            Saikhamakawn Branch K|P chuan Bial hnihna Mipui Aw semtu tur leh Bial vawngtu puitu turin; Nl. Lallianmawii chu zirna avangin a remchân tawh dawn loh avângin a aiah Tv. Lalchuanvawra chu ruat thar a ni.

HRIATTIRNA

            Saikhamkawn vengchhunga PWD kawngpui leh kawng dang awmte a \hat loh a, a hrehawmzia leh kawngpui alo \hat tâk hnûa a nawm ziate hriain JAC, Saikhamakawn chuan kawngpui enkawl dânah ruahmanna \ha tak mai siamin mipuite alo hriattir tawh a, mipuite pawhin kan zâwm \hain kan pawm tlâng a, a lâwmawm hlê a, mahse kawngpuiah Tripper-a lung Unload dânahte, a chunga Road chhut dânahte leh a hrûla insakna hmanrua rei tak tak dah chungchângahte mipui kan inthlahdah ta deuh nia alan avângin JAC mai nilo, mipui tam zâwkin kan ngaimawh nia alan avângin mipuite insang mar \heuh turin kan inhriattirin kan inngên nawn leh e.

                        Sd/-                                                      Sd/-

       (LALPIANTHANGA)                        (ZORAMTHANGA)

            Meeting Chairman                               Meeting Chairman

                       JAC                                                    JAC

UI  LEH  AR CHUNGCHANGA

JOINT COMMITTEE   THUCHHUAK

            Saikhamakawn vengchhûngah sawrkar dân dinglai bawhchhia a, ui leh ar chhuah kan la awm tih hriat a ni a, hemi chungchângah hian Joint Committee chuan ni 9.6.2013 a thu a rêl angin ni 17.8.2013 thlenga ngaihchân chu a hun alo ral ta a, ui leh ar chhuah an awm chuan Police , Local Council leh YMA te’n Sailâia kahhlum zêl a ni ang tih mipuite kan in hriattir a ni e.

                     Sd/-                                                             Sd/-

         (LALPIANTHANGA)                              (ZORAMTHANGA)

                     President                                                  Chairman

   Y.M.A Saikhamakawn Branch                             Local Council

           

TUALCHHUNG

,Pi.Hrangthangvungi (Notei) w/o R.Lianzinga (L) chu mîta lungte awm paih avângin Newlife Hospital-ah enkawl anih hnûin alo chhuak.

,Pu Zosangliana h/o Sangawii (T.Sec) chu damlohna avangin phâiah Refer a ni.

,Pu C.Lalmuankima h/o Laltlanzari (T.Sec) te chuan khawi ilo vah vêl nân Scooty (Ray) thar an lei.

,Pi Laithangvungi w/o T.K.Manga (V.Sec) chu damlohna avangin Civil Hospital-ah enkawl anih hnûin alo chhuak.

KRISTIAN CHHUNGKUA SEMINAR

            Saikhamakawn Kohhran Kristian Chhungkaw Committee chuan Kristian Chhungkaw Seminar ni 28.8.2013 (Nilaini) hian neih turin a ruahman a, Kohhran, Kohhran Committee pawhin min remtih sak a, kan lâwm hlê a ni.

            Hetah hian vengchhung nu leh pa \halai pawh kim taka kal turin kan insâwm a, chhungkaw tin ten Pathian awmpuina kan lo chan a, nupa inpumkhatna thûk zâwk kan lo neih a, fanau enkawlna kawngah hmâ kan lo sâwn a, chhungkuain kan mawhphurhna kan lo hriat thar zêlna anih beiseiin Seminar hi buatsaih a ni a, vengchhung nu leh pa, \halai kim taka kal turin kan insâwm e.

Programme

A hmun : SS Hall, Saikhamakawn

A hun: 28.8.2013 (Nilaini) 10:30am

Resource Person:

Rev.C. Rosiama, Mission Veng.

Sd/-

(SAITHANGPUII)

Secretary

Kristian Chhungkaw Committee

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 11.8.2013

MIPUI AW

KARTIN CHHUAK

Vol. XIX Issue No. 32 Kristian Thalai  Pawl  Saikhamakawn Branch  Pathianni Dt.11.8.2013

VAWIIN CHÂNG VAWN

            Pathianin khawvel a hmangaih êm êm a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nân. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. “Tupawh amah ring chu thiam lohvin an awm lo vang, tupawh ring lo chu tun apangin thiam lohvin an awm, Pathian Fapa mal neih hming an rin loh avangin.                Johana 3: 16-18

KOHHRAN  PROGRAMME

11. 8. 2013 (Pathianni)

Sunday School Inkhawm

|antu           : Pi Vanlalsiami w/o

                       Pu Chhuanvawra

Chawhnu Inkhawm

Thuhriltu    : Upa C. Lalmuankima

Zân Inkhawm

Thuhriltu    : Pi Khawlvuani.

K|P PROGRAMME

 Dt. 12. 8. 13 (Thawh\an zân)

Neihthil  Thehkhawm

A hmun          : Sunday School Hall

Hruaitu           : Nl. Lalrinchhani

|antu              : Tv. Lalbiakdika

August thla chhûnga hla hruaitu turte

Hla hruaitu    : Pu Jeff  Lalhmingsanga

turte                  Pu Lalduhkima

Musician         : Nl. R. Lalngaihawmi

KOHHRAN  HMEICHHIA  (13. 8 .2013)

Kristian  chhûngkaw  pual

            Group tinte mahni group memberte inah inkhawmna neih tur a ni.

           

           

           

SERMON

VAN  KHUA  LEH  TUI

            Keini zawng van khua leh tui kan ni si a, van atanga min chhandamtu Lal Isua Krista lo kal tur chu nghakhlel takin kan thlir a ni.                                          Phil. 3:20

            Pathianin a fapa Lal Isua Krista chu kan sual thawina rawn tirin kan tan Kalvari tlangah a nunna chu keini misual, amah thihsana sual lam kawnga nung tawhte min rawn chhandama, nunna kan neih leh  theih nan a rawn hlan a, tin, Pathianin nithum niah ropui takin a rawn kai tho leh a ni, chu a thihna leh thawhlehna chu amah ring apiangte tan chatuana nunna a lo ni ta. IKor 1:30 ah chuan Lal Isua nihna chu kan nihna a nih zia chiang takin min hrilh a, Pathian fa ninna hlu tak Lal Isua roluahpui tu tur chanvo chu kan chanvo a ni tih kan hriat nawn a va \ul tak em.

            Lal Isua chu Pathian fapa mal neihchhun a nihzia pawh sawi tam ngai lovin kan hre \heuh awm e, chu nihna chu kan chanvo a nih si chuan keini Pathian fa, Van khua leh tui kan ni tih hi kan pawm tlan a \ul awm e. Keiniin lo in pawmtir tum leh pawm tuma \an lak vak lam chi pawh a ni hek lo, kan ta, kan chanvo a ni tih hi Bible in min hrilchiang hle, ring mai tur kan ni a, chu chu kan tan chhandamna leh chatuan nunna a ni bawk. Tichuan ringtu piangtharte chu he lei ram mi ni tawh lovin Van khua leh tui nihna ropui tak chu Krista zarah kan chang ta, Vanramah pawh Chungnungber-a fa nihna chanvo ropui tak chu kan chanvo ni ta, a va hluin a va ropui tak em!

            Amaherawhchu kan ramah kan la awm ve lova, sual thiltihtheihna ramah kan la awm miau mai si, Setana thuneihna hnuaiah zalen lo takin kan nitin hun kan hmang \hin a, chuvang chuan ringtute kan in tihchak a, sual hneha awm mai lo leh sual thiltihtheihna ramah kan awm a ni tih in hrereng chunga nitin hun kan hman a, Thlarau thianghlim tivui mai lo leh a hruaina hnuaia thuawih taka kan ram pan zel turin ringtu te kan in buatsaih a \ul takzet a ni. Sual thiltihtheina ramah awm mah ila kan Pathian chuan nitin min hnehsak a, ropui taka a hnehna nun chu kan tan min dahsak a ni tih hria huai tak leh chhel taka ke kan pen \alh \alh a \ul awm e.

            Lal Isua Krista chu a lokal leh dawn a, a hnenah, a ramah min  la rawn hruai ang, chatuanin a hnenah kan cheng tawh ang a, sual in min tibuai phak tawh dawn lo a ni. Chumi hun chu nghakhlel takin kan thlir a, hemi thu hian ringtute he Khawvel buaina leh hreawmna karah hian inthlamuan tawn ila, Setana ram \hiat zelin ringlo mi tam takte, Van Khua Leh Tui nihna an chan ve ngei theihna turin kan theihna zawng zawngte leh leh kan taksa ngei pawh kan Pathian tan hmangin i hlan zel ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

FÛRPUI  HUNAH  HIAN

            Tunlaiin ruah te a sûr nasa \hin hle a, Mizoram in harsatna kan tawh len ber pakhat chu leimin hi a ni awm e. Tun hnâi ruah sur nasa vângin Ramhlun leikhi pawh a zauh zêl avangin chhawngkaw tam tak pawh an inthiar chhuak anih kha. Fûr lâi a ni a; hmun hrang hrangah leimin vângin harsatna kan tâwk mêk zêl a, mipuite pawh dawih a ngaihna lâiah chuan dawih ngam khawpa huaisen te pawh angâi âwm e.

            Chhiatrupna lo thleng \hinah hian Mizo te hi kan tlâwmngâi hle mai a, chhiatna thlenna hmunah nasa takin kan pung khawm hluai \hin. Thil \ha tak a ni a, hlauhawm tak kârah pawh chhiat tâwk mêkte chhanchhuah nân mahni nunna ngêi pawh ngaihlu zo lovin chhanchhuahna hnâ kan thawk \hin. Nimahsela awmze nei leh chhanchhuahna hnâ hlâwk zawk leh chak zawka kalpui anih theih nân indîp buai hauh lova thawh thiam kan zir a \ul hle âwm e.

            Chhiatna alo thlen chânga mahni buai buaia lo sapa tâl ve chiam mai lovin, remruattu fel tak insiam a; hmalâk vat a, chu chu mipuite pawhin zawm thiam kan zir a \ul \hin a ni. Kan duh vâng nihauh lo, vânduai vânga kum tin kan ram chhûnga kan tawh \hin hi a hmachhawn dan mithiamte zirtirnate pawh hi zawm hrâm zêl i tum ang u.

ARTICLE

            RAM PAWNA HNA THAWH TUMTE TAN

(Fimkhurna tur thurawn 10)

Mihring lo pung zel hian eizawnna kawngah indaih lohna leh indip tawnna a hring lo thei lo va, ramchhunga hna awm theite hian min huap kim zo lo tual tual bawk. Chuvangin, kan thalai tam takten ram pawn thlengin hna an zawng ta a, hei hi Synod Social Front chuan thil lawmawm tak niin a hria a ni. Kan \halaite hian khawvel hmasawn mek mila an mamawh phuhruksak thei tur nia an hriat hna hi chu an lo thawk hreh hauh lo tih a chiang hle. Mahse, fimkhurna tur an hriat thiam tawk loh avangin an kalna hmunah harsatna an tawk leh hnuhnawh fo \hin tih hriat a ni a, chuvangin ram pawna hna thawh tumte tana kaihhruaina siam hi Synod Social Front chuan \ul a ti a; hetiang hian fimkhurna tur thurawn a siam ta a ni.

1. Ruaitu tur chuan a rawih tur hnenah a company kalphung zawng zawng a hrilh chiang tur a ni a, thawktuten an hna leh company kalphung chungchanga sawi tur an neih vete leh ngaihdan an neih te an pho lan ve theih dan tur a awm leh awm loh thlengin, kalphung kim tak an lo zir lawk theihna tur handbook leh employment rules chu a pe thei tur a ni.

2. Ruaituin a mi rawih a beisei dan (management expectation) pawh a chiang tur a ni. Company chuan thawktu a duh ang mizia leh nungchang a hriattir hmasa tur a ni a, chutiang nungchang an neih theihna tura khuahkhirhna dan pawh a nei tur a ni.

3. Ruaitu tur chuan a rawih tur hnenah a thawhna hmun tur (work place) chiang takin a hrilh nghal tur a ni a, hmun \hu tur nge a nih kal kual vel tur tih pawh a hrilh tur a ni.

4. Chhan \ha tak awmin emaw, awm chuang lo pawhin probationary period chhung chuan ruaitu chuan a chawlhtirin a ban hlen thei. Heti hi a nih avangin probationary period an nei dawn a nih chuan a rei zawng tur an hre hmasa ngei tur a ni. Thawh tirhah eng ang dinhmunah nge an inrawih \an dawn tih pawh a chiang tur a ni.

5. Thawktu chuan a duh hunah ama duhna ngei chuan a bang leh thei tih a chiang tur a ni a, chutiang atana dan ruahman pawh chu a awm tur a ni. Chutiang bawkin company chuan a hnathawk chu chhan eng vang pawhin a duh hunah chuan a chawlhtir thei bawk.

6. Thawktuin chawlh a neih theih dan tur - \ul bik thila a hna chawlhsan chuang lo leh, hlawh chungchangah pawh inhriatthiamna awm tel chunga a chawlh theih dan a awm dawn em tih hriat chian tur a ni.

7. A thawhna hmunah chuan thiamna te lo pungin chhawr manhla lehzualin hma lo sawn sela, hlawh leh dinhmunah a bak kal zel theihna dan ruahmansak a ni em tih hriat chian tur a ni.

8. Hriselna lamah thawktu chu company-a a thawh chhungin natna khirh bik vanga enkawl ngaiin awm ta sela, company chuan eng angin nge a buaipui dawn tih chian a ngai. Tin, a hna avanga vanduaina tawkin, hna dang thawk leh tlak lo khawpin ram tui lei lo hial pawhin lo awm ta sela, company chuan a thawh theih tawk hna danga dah chhunzawm theih dan emaw, tuamhlawm zui dan tur ruahmanna a nei em tih hriatchian tur a ni.

9. Thawktu chuan hlawh baka ham\hatna dang a neih theih turte pawh a hriat nghal a ngai a, company chu eng vanga zawm nge a nih tih amah ngeiin a chiang bawk tur a ni.

10. Thawktu tur chuan a hna thawhna hmunah midang nena inan loh chang vawi tam tak a nei thei dawn tih a inhre sa tur a ni a, hotu tea vuivaina zawn tum lo tur leh tuar thei tura a inbuatsaih a ngai.

Buatsaihtu : Synod Social Front, Mizoram Presbyterian Church

(Source : www.mizoramsynod.org)

HRISELNA HUANG

KAWLHÂNG

A chanchin tlângpui: Kawlhâng hi India ram hmun tin deuhthawah an chîng \hin a, thingkung lian lêm lo tak a niin meter 5 a\anga meter 10-a sang a ni tlângpui. Phai lam miten an ngaisang êm êm a, ei atân leh damdawi atân an hmang \hin. Mizo hote chuan Kawl ho hnên a\anga kan hriat niin Kawl hovin an ngaihsân êm avânga ‘Kawlhâng’ tih hming puttir ta a ni âwm e. Mizote chuan a tui kan ti lovin chîng pawh kan awm meuh lo; tlêm tlêm hmuh tur erawh chu a awm ve zeuh zeuh \hin.

Damdawia hman theihte: A zung, a hnah, a pil, a pâr leh a rah.

Damdawia hmannate:

Lu nâ, hmai vun inpawt sâwi: A chhungmû phoro tih dip nikhatah vawi hnih, hnârah hîp luh \hin tur a ni.

Ruhseh: A hnah hmun li leh chi hmun khat (4:1) densawm pawlh a, ruh na laiah bel tur. Ruh chuktuah lâi vêl a nat a, a vûn bawk chuan hriakin (a mu a\anga sawr chhuah) ruh na lai vel chu zût a \ha.

Thi nei mumal lo: A zung 60gms silfai hnûah tui 400ml-in mei navak lovah a chhumna tui 120ml anih thlengin chhum tur. A chhumna tui chu thlit chhuah a 60ml zêlin nitin zing leh tlaiah bawnghnute Ghee 4gms nên in \hin tur a ni.

Rûlhût: A chung ami anga buatsaih a chhumna tui 60ml leh sawhthing ro tihdip 4gms chawhpawlh a60ml zêlin nitin zing leh tlaiah ni 3 chhung in tur a ni.

Rilfâng pân: A chung ami anga siam a, a zung chhumna tui 60ml leh khawizu 7ml chawhpawlh a, nitin vawi hnih thlakhat chhung in tur.

Kala lungte awm: A zung chhumna tui (a hmâ ami anga siam) 60ml leh chini 7gms chawhpawlh a, ni 15 chhung nitin in tur a ni.

Thisen sang: A hnah 5gms chi tel lovin chawhmehah siam a, nithum chhung nitin ei tur. He damdawi ei chhung hian chi ei loh tur a ni.

Tila ril tla: A zung pil 25gms silfai a den deuh hnûah (densawm loh tur) tui 400ml-in mei navak lovah chum tur. A chhumna tui hmun li a \hena hmun thum v&el a so kang hnuah (100ml anih hnûah) a tui chu thlit chhuah a, a tak la bâng zawng chu paih vek tur a ni. A chhumna tui hi rei tak dah tur a ni lova, nitin a thar siam zel tur a ni. Chumi tui 25ml leh Jeera Powder 4gms chawhpawlh a, nikhataha vawi thum zêlin nithum chhung in a \ha.

Irhfiak: A chung ami anga buatsaih a zung chhumna tui 25ml leh asafoetida (hing) tlemte chawhpawlh a nikhatah vawi hnih in a \ha.

Zun tih tam nân, kala lungte awm, chaw pâi \awih \ha thei lo, rûlhût: A pâr densawm tui sawr 5ml leh bawnghnute nokhat chawhpawlh a, nitin vawi hnih in tur.

Beng nâ: A zung silfai hnûah densawm a, a tui sawr beng chungah thlawr tur a ni.

Sakawr êk hrik, zeng, thin leh lâ vûng: A rah no chawhhmehah siam a, nitin ei a \ha.

Thawhhah: A pâr densawm diak 5gms leh maipawl densawm tui sawr no khat chawhpawlh a, nitin zingkarah thil ei hmaa in \hin a \ha.

(Source: Mizoram thing leh hnim damdawia hman theihte)

BIBLE  QUIZ  No.32

SAM 26-30

A kâr âwl dah khat rawh :

Q1. Nimahsela kei zawng rilru \ha puin ka awm ang: Mi _____________ la, mi khawngai ang che.

Q2.Ka lakah hian i hmai thup suh la; I chhiahhlawh hi thinurin tibo suh ang che: Nang chu mi \anpuitu i ni \hin a; Aw mi chhandamtu Pathian, mi paih thla suh la, mi kalsan _____________ suh ang che.

Q3.LALPA chu ka chakna leh ka phâw a ni a Ka thinlung hian mah chu a ring a, tichuan puihin ka awm a; Chuvangin ka thinlung hi nasa takin a hlim a; Ka hlain ______________ ka fak a.

Q4.LALPA âw chuan zukpuite chu no a chhiattir a, Ngawpui thinghnahte chu a nuai kawlh vek \hin a: A biak inah chuan ____________________________, “A ropui e,” an ti \heuh \hin.

Q5.LALPA, nangin i duhskna avângin ka tlâng chu i lo din nghehtir tawh a: Nimahsela i hmai i thup a, ka lo mangan ________________ kha.

A bung leh châng dah rawh :

Q1.Aw LALPA, mi en fiahin, mi fiah la; Ringhlel lovin LALPA chu ka ring bawk a. Ka rilru leh ka thinlung hi tithianghlim ang che. I ngilneihzia chu ka hmaah a awm si a, I thutakah ka awm fo bawk a.

Bung: ...............          Chang: ....................

Q2.Sipai pawlhovin mi bei tumin mi ep reng mah sela, Ka thinlung hian a hlau lovang: Ka chungah indona lo chhuak mah sela, Chuti pawhin ka ring tlat ang.

Bung: ................         Chang: ....................

Q3. An thiltih ang zel leh, an thiltihte a sualzia ang zelin rul la; An kuta na thawh ang zelin rul la; An sual man hmuhtir ang che.

Bung: ................         Chang: ....................

Q4.LALPA aw chuan sidar thingte chu a titliak ang a; A ni, LALPA chuan Lebanon tlânga sidar thingte chu a titliak seng sung thin.

Bung ...................        Chang .....................

Q5.Kei zawngin ka nun khawnawm lai chuan, “Engtikah mah ka nghing lo vang,” ka ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 31 RESULT

Chhanna lut zawng zawng : 5

Chhang dik vek                       : 5

Lawmman dawngtu:   Ramhmangaiha (V.sec)

                  Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni..

PAVALAI INKHAWM

PROGRAM

A hmun           : Senior Hall

A hun               : 18. 8. 2013

Hruaitu            : Pu  T.K. Manga

|antu               : Pu Siamhleia

Thuhriltu         : Pu Siamliana

SBI General

I N S U R A N C E

Motor, Building/Home, Shop, Health, Personal/Group Accident, Construction/Engineer insurance kan ti thei e.

Motor insurance ti duh a hmunah kan pan thei a,

Company danga insurance lo ti tawh pawh kan renew thei e.

ZORIN BUSINESS CENTRE

Below SBI ATM

Zosapthara Building

New Street, Mission Veng

0389-2300494 / 9612500877 / 9862952837

VAWIIN KHAWCHIN

A lum lai berin : 240C

A vawh lai berin : 200C

            Chawhma lamah 2mm, chawhnu lamah 1mm leh zân lamah 0mm (wheatherforcast.com).                           Accuwheather.com

chhun - 4mm, Zan -3mm tla turin a sawi thung.

HRIATTIRNA

            Central YMA chuan ni 3rd September, 2013 hian Arm Wrestling Championship Mipa leh Hmeichhe tân a buatsaih dawn a, YMA Member a duh apiang tân tel theih a ni.  Tel duhte chu Pu MS Dawngliana, T-Section hnênah August thla ral hmâ ngêiin in report tur  a ni e.

Weight  category hetiang hian \hen a ni.

Mipa

Below 55 Kgs, 60 Kgs, 75 Kgs, 80 Kgs above leh Champion of the Champion.

Hmeichhia

Below 50 Kgs, 55 Kgs, 60 Kgs, 65 Kgs.

            Tin, Mipa bikah hian Disable person tân buatsaih a ni bawk ang.

Sd/-

( K.LALHULIANA )

Secretary,

YMA Branch, Saikhamakawn.

NIHLIAP  THEIHNGHILH

            Nihliap pali (4) lai ka dawrah theihnghilh a ni a. A neitu dik tak chuan a rang lama rawn lam turin kan in hriattir e.

In \hian

Pi R. Zasangi

UI  LEH  AR

CHUNGCHANGA JOINT COMMITTEE   THUCHHUAK

            Saikhamakawn vengchhûngah sawrkar dân dinglai bawhchhia a, ui leh ar chhuah kan la awm tih hriat a ni a, hemi chungchângah hian Joint Committee chuan ni 9.6.2013 a thu a rêl angin ni 17.8.2013 thlenga ngaihchân a, hemi hnua ui leh ar chhuah an awm chuan Police ruaiin a \ul angin action lâk a ni ang tih mipuite kan in hriattir a ni e.

                     Sd/-                                                             Sd/-

         (LALPIANTHANGA)                              (ZORAMTHANGA)

                     President                                                  Chairman

   Y.M.A Saikhamakawn Branch                             Local Council

           

TUALCHHUNG

,Pi.Hrangthangvungi (Notei) w/o R.Lianzinga (L) chu mîta lungte awm paih avângin Newlife Hospital-ah enkawl mêk a ni.

,Pi Ruby Lalhuzami w/o R.Lalhmingmawia (T.Sec) chu damlohna avânga Aizawl Hospital-a enkawl anih hnûin dam takin alo chhuak.

TBZ  PROGRAMME

Neih thil thehkhawm

A hun : 12.8.2013

A hmun: Pu Khawlhmingliana In

Hruaitu: Upa Zairemthanga

|antu: Pi Rokhawli

HRIATZAU NÂN

            INDIA ram President lo ni tawhte leh an indawt dân:

1950 - 1962 = Rajendra Prasad

1962 – 1967 = S. Radhakrishnan

1967 – 1974 = Zakir Husain

1974 – 1977 = V. V Giri

1977 – 1982 = N. Sanjiva Reddy

1982 – 1987 = Zail Singh

1987 - 1992 = R. Ventakaram

1992 – 1997 =S. D Sharma

1997 – 2002 = K. R Narayanan

2002- 2007 = A. P . J Abdul Kalam

2007 - 2012 = Pratiba Devi Patil Singh

2012 - > Pranab Mukherjee

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300