Mipui Aw 12.5.2013

MIPUI AW

KARTIN CHHUAK

Vol. XIX Issue No. 19 Kristian Thalai  Pawl  Saikhamakawn Branch  Pathianni Dt.12.5.2013

KOHHRAN  PROGRAMME

12. 5. 2013 (Pathianni)

Sunday School Inkhawm

|antu           : Pi Zothanmawii

Chawhnu Inkhawm

Thuhriltu    : Pi Khawlvuani

Zân Inkhawm

Thuhriltu    : Upa R. Lalngena

KTP PROGRAMME

 Dt. 13. 5. 2013 (Thawh\an zan)

Neihthil thehkhawm

A hmun          : S.S. Hall

Hruaitu           : Pu Lalduhkima

|antu              : Tv. Roluahpuia

May thla chhûnga hla hruaitu leh

musician turte

Hla hruaitu    : Tv. Malsawmzuala

turte                  Nl. Lalhmunsiami

Musician         : Pu R. Lalmuanpuia

KOHHRAN  HMEICHHIA (14. 5. 2013)

Kristian chhungkaw pual

            Group hrang hrangte inah inkhawmna neih tur a ni.

PAVALAI INKHAWM PROGRAMME

A hmun    : Pu R.Lalsangliana te In

A hun       : 16.5.2013 (Ninga zan)

Chairman : Pu F.Lalrinpuia

|antu        : Pu Lalthanhranga

                  |awng\ai rual leh hla zira hun hman a ni ang.

            Ni 3.4.2013 hian Zoram pum Pavalai Meet Bethlehem Kohhran Biak In ah neih tur a ni a, Ni 4.5.2013 (Pathian ni) chawhnua hla rem tura min sawm angin hla rem tur a ni a, a tam thei ang ber Pavalaite hla rem turin kan inngen bawk e.

           

           

           

SERMON

THUHRIL  ÂTTHLâK

            Pathian finnaah chuan khawvelin finna hmanga Pathian an hriat theih loh hnuin, thu hril âtthlâk hmanga a ringtute chhandam chu Pathianin \ha a ti hle si a. Judate chuan chhinchhiahnate an phut \hin a, Grikte chuan finna an zawng bawk \hin a;            - I Korinth 1 : 21 - 22

            Pathianin thuhril âtthlâsk a tih hi eng nge ni ang? tih hi kan ngaihtuah tawh ngai em aw? Bible chang kan tarlana a lan dan chuan thuhril âtthlâk hmanga ringtute chhandam chu Pathianin \ha a tih thu kan hmu. Chu thuhril tak chu engnge ni ta ang le?. Thu mawl pui pui chhakchhuah tih lam chu a kawh loh hmel khawp mai. Pathianin khawvel finna leh thiamnate aia ringtute chhandamna hmanrua atana \ha a tih chu thuhril âtthlâk a ni mauh mai le. Chu chu engnge ni ta ang tih hi kan thu ngaihtuah tur tak chu a ni.

            Mihringte hi chatuana hremtur, thil \ha ti ngai lo, Pathian a\anga hla taka awm tawh kan ni tih hi sawi ngai lovin kan hre \heuh awm e. Chu dinhmun chhe tak a\ang chuan Pathianin a fapa mal neih chhun chu kan damna leh a hnen kan thlen leh theihna turin min pe a, Krista Isua chuan Kalvari tlangah mihringte tan chhandamna a rawn hlen chhuak a, hei lo hi nang leh keia tan chhandamna dang reng a awm lo. He chanchin hi a ni thuhril âtthlâk tia kan Bible thu tarlanin a sawi chu a ni kan ti thei ang.

            Engvanga thuhril âtthlâk tia sawi kher nge ni ang. Thuhril atthlak a nih theihna lai a awm thei a ni tih chu a chiang reng mai. Lal Isua hun lai vel hian Juda ramah leh a chhehvel ramah Grik finna a darh nasa in an ngaisang hle mai a. Juda ramah ngei pawh Grik \awng chu a hman theih vek hial a ni. Hetiang taka Grik finna a nasat lai anih avang hian Lal Isua chanchin chu thuhril fing tak a ni thei dawn lo tih chu thil chiang tak a ni. Juda ho ngat phei chuan Isua nu leh pa leh an chhungkaw chanchin chiang takin an hria a, an chhungkaw eizawnna chenin an hre hneh hle a. Josefa, thingrem siam fapa chanchin hi  thuhril fing tak leh mi bengkhawn zâwng a ni lo chiang ngawt ang. Mahse hei lo hi Pathianin chhandamna kawng dang a buatsaih si lo, Grik finna in a vawrtawp a thlen laia Lal Isua chanchin tlâwmte hmanga mihringte chhandam chu Pathian duhzawng a ni tlat si a ni.

            Kan tunlai khawvel pawh hi ngun takin han thlir ila, Lal Isua chanchin aia hriatchakawm leh zir chakawm finna thil tamtak a awm a, chumi lam pan chuan mi tamtak kan tlan a, chu chuan sum leh pai, zahawmna chenin min pe bawk si. Nimahsela Pathian chuan a fapa thihna leh thawhlehna thu lo chu chhandamna dang min pe si lo. Heng zawng zawng ai hian a fapa hmanga chhandamna a rawn thawhchhuah hi a ngaihlu em em reng a ni.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

HMÊLMA

            Bible chuan, “in hmelmate chu hmangaih ula, a tiduhdahtu che u chu \awng\ai sak rawh u” (Matt. 5:44) min ti a, mihring kan nih chhung hian mi pawi sawi thei, midangte tinâ a, rilru thlenga in tihnat sak chîng kan ni a, chuvangin mahni kan inhria emaw kan inhriat miah lovah emaw pawh hian hmêma hi kan nei thei mai nilovin kan nei \hin zawk a ni. Kan hmêlma te chu kan hua a, an chhiatna kan duh a, a theih phei chuan phuba lâk ngêi kan tum tlat zawk \hin a ni. Tû kan mawh love, hei hi chu Eden sual kalpui, mihring kan nih chhunga kan mizia in a ken tel tlat thil a ni ve miauva. Amaherawhchu, “Phuba reng reng keima lâk tur a ni, keiman ka thungrul ang,’  Lalpain a ti,” (Rom 12:19) tih ang hian phuba kan lâk hi Pathian hian a rem ti lova, chumai nilovin kan hmêlmate chu thungrulh chu sawi loh hmangaih turin min ti ta zawk hlauh a ni. Mihring mihrinna a\ang chuan hei hi thil theih loh tluk leh tlawmngaihthlak tak thil a ni chiang mai. Amaherawhchu ‘Isua zârah hnehna kan chang zêl \hin a ni’ tih hriain Amah rinchhanin kan hmâa thil awmte hi huaisen takin i hmachhawn zawk \hin ang u.

ARTICLE

KHA MI ZAN TAK KHA CHU AW!!!!

-Dinga Fanai

Ni atla chiah chu ka Games khelh tui tehrêng nên, “Tui khâi a ngâi, i Games khelh kha dah vat rawh” tih vin ri chu a rawn ri \hawt mai a. Tichuan peihlo tak chungin tuikawhna leh Mahaan bur nen chuan Tlangnuam tuikhur chu ka pan phei ta hnak hnak mai a. A tlâi tawh teh rêng nen tui lah chu alo kang êm êm mai a, reifê ka thâl hnu chuan ka thâl khat ve ta mai a. Dâr na urh chungin ka kal fâwn phei lâk lâk a, kan in Step chho kan rap chiah chu ka Sleeper nâl luttuk; ka tawlhthlu ta zawt mai a, na zet maia ka Mahaan (Bur) kawh kan nghat chawrh mai chuh! Ka bul vel chu a huh ta dup mai a, a hma lam zâwka ka kawh chu a baw fai veka hnung lama mi chu a chik ta to to mai a. Rang luttuka va hup ka tum chu ka kawng kan herh zui leh nghal a, a chik chu ka en zo ta \hak a.

            Lunghnur zeta ka haw chu tlâi chaw hmeh an\am tlak ringawt mai chuan min lo hmuak a. Ka chaw eikham hla zir turin ka chhuak thla hnak hnak a, ka lût; ka \hu fel chiah tihah chuan ka mawng chu a vawt ta riai riai mai, ka \hutna kan en chu thingpui baw nawi hi a lo kawi zuih mai a. A rang a rangin ka insawn a, awmzia erawh a nei thui êm êm ta chuang lova.

            Kan hla zir bâng ka \hiante inah chuan ka lût kâwi a. Meihawl thuk hi an lo ai bial \hap mai a; inti bengvar takin meihawl chu vûr belh angaih thu sawi pahin ka vûr sauh sauh a, in neitupa chuan, “Kan mu dawn tawh asin” a rawn ti chu muangchangin ka la chhuak leh a, ipah chuan ka dah leh thân a. A hnu rei loteah chuan ip chu a khu ta hlû hlû mai a, ka meihawl dah kha alo la ling chu niin. Tui ka’n la; a kan theh a, in chhung chu a kawi ta zup mai a, “A pawi love” ti mahse a nuam chiah tawh lo khawp mai.

            Kan tîtî naah chuan kan vênga mitthi tawh ho chanchin hi kan sawi a, alo hrâng tawh ho nên lam chuan kan sawi chhuah avâng chuan haw ka huphurh hlê ta mai a, tumah lah hawpui tur ka nei dêr lo lehnghal. Hreh deuh chung chuan keimah chuan ka haw ta hnak hnak a, engmah chu ka hmu haw chuang lem hlei lova. Ka hreh ber zawk chu zanlâiah ka harh ang tih mawlh zawk a ni.

            Ka hlauh ang ngei mai chuan zan dar 3 vêlah ka harh ta, ka mumanga ka hmuh Mitthi tawh hnu sûlhnu ka Room ami; Thlâin a rawn chhun ên reih ruaih chuan ka hlauh chu a tizual sauh a, ka zun lah chu a chhuak êm êm mai bawk si, tukverh a\angin zun thlâk mai ka tum a, tukverh ka hawng chu Awke lian êm êm mai hi ka âwmah a rawn tla thlawrh mai a, ka hlau luttuk chu tukverh atang chuan ka tla \ep a, rang luttukin Awke khawih ten tehrêng nên ka bêngthla nawk a; hlau chung chung chuan ka zungthla a, inhnuai rângva chu ari ta tur tur mai. Kan inhnuai pa tho ri chu chiang takin ka hre thei ta; a rang a rangin ka ip nghal zawk a, peih leh peih lo chuan pâwnah chuan ka va chhuak ta hrâm a, ka va zung ta ngê ngê a. Rin loh tak maiin chhak lam lung ko a\ang chuan kan \henawmte Ui lian tâwk mai a’n rawn zuang chhuak thut mai chuh! “Antioke” ka ti chhuak lo chauh a ni e.

            Ka chhungte ka tiharh ang tih hlau luttukin dimtein kawng ka khar a, kawngka bianga Tala khâi chuan ka dârah tak mai na tâwkin min han tlak leh a, chhuatah chuan a tla ri boh mai a. Chutichuan dîmtêin ka va mu leh ta \ham \ham a, a vawt ka tih vâng nge ka mumang ka ngaihtuah lêt vâng zâwk pawh ka hre bik tawh lo; ka muhil thei ta rêng rêng lo mai a, thil ri hlekah chuan ka tang hrû zel ta mai a. Ka rizai sin thuah pakhat zawk chu ka sir lehlam chhuatah chuan a lo tla hnûp chu niin, phûr lo tak chuan ka zuk chhar a. Uluk taka ka inzial hlûn hnû chuan ka rizai chu a che leh ta hrut hrut mai, ‘min rawn pawt anih ngei hi’ ka ti rilru rauh rauh a, engtinnge ni ang aw… ka ti rilrû: ka ti rilru a, ka tukkhum te hi avir muai muai hman hialin ka hria. Vawilehkhata han pawh thut ka riruk ta a, chutichuan ka rilruin 1,2,3… ka tia ka’n pawt thut chu bang Daidêp lek hi alo ni a. chutichuan ka mumang chu ka ngaihtuah let nauh nauh mai a, reife ka muhil thei lo tihah zing dar 5 velah chuan ka muhil ve thei ta hrâm a.

            Chutah ka muhil ve \an chauh tihtûrah zingkar hnatlang turin kan hruaitute chuan min rawn kâi tho lehnghal a, peihlo tak chungin ka kal a, thle bûr bûr chungin stepah ka chhuk boh boh a, Step chu ka lo rap hmawr deuh nge ni; chiang luttuk tak mai hian ke vâwr suauh maiin kan tlu thlawrh mai chu ka hâw leh \ep a ni. Ka zuk thlen chuan an lo awm deuh \hup tawh a, ‘in va hmâ hlawm êm êm ve’ tiin ka zuk \awng nghal lûng lûng mai a, kan lungthiarna neitunu pitar chuan muangchâng hian min rawn pan phei a, “Thingpui i duh em?” a rawn ti dawn emaw ka tia, ka lo nuih sâng a, “Mama, kan pa hi a \ha vak lova, khawngaihin thâwm kha min lo dim sak  teh a…” an ti mai chu; ka ngâwi chiang khawp mai. Kan lung thiar chhûng chu a \awng tlêm ber ka ni ta hial âwm e.  Lung kan thiar zawh chuan ni alo chhuak ta a, Ni thar ka hmu chu ka thaw ta huai mai a.

HRISENA HUANG

DIAKHNIM

A chanchin  tlângpui: Diakhnim chi thum - A pâr var chi, a pâr dum pawl chi leh a pâr senduk chi a awm a, a pâr var chi hi damdawi atân a \ha ber. Kum khata puitling thei chi ‘annual plant’ a ni a, Mizoramah chuan dûm hmunah a awm \hin. Sam enkawlna damdawi \ha tak a ni a, hei bâkah hian vun natna chi hrang hrang, mit \ha lo leh luna damdawi atân pawh a \ha.

Damdawia hman theihte: A kûng pumpui.

Damdawia hmannate:

Thawhhah, sam tla nasa: A kûng rawtsawm tui sawr 400ml chhawhchhi hriak 200ml leh Rêraw rah densawm diak (a mu tel lovin) 50gms chawhpawlh a, mei na vak lovah 200ml anih thlengin chhuan kang tur, chhuan lai hian chawh leh reng tur a ni. Chumi hnuah puan fai tak hmangin a hriak sawr fû a; saidawiûm ah dah \hat tur a ni. A hriak chu nitin luah thih a, a tlem berah darkar hnih tal chiah tir \hin tur, lusûkin sahbawn hman loh tur a ni.

Elephantasis: Aieng hriak, Diak hnim tui sawr nen den sawm diak a, meia hem lum hnuin a na laiah bel tur a ni.

Thinlian: A kung densawm tui sawr 5ml zelin nitin zingah leh zan mut dawnah in \hin tur.

Rulhût: A kung densawm tui sawr 15ml leh Mu\ih hriak 30ml chawhpawlh a, ni thum chhung nitin zan mut dawnah in \hin tur a ni.

Mit \ha lo: A kung densawm tui sawr 400ml, bawnghnute 200ml, chhawhchhi hriak 200ml leh Liquorice (Madhuka) den sawm diak 50gms chawhpawlh a, mei navak lovah 200ml anih thlengin chhuan kang tur. Chumi hnuah a tak la bâng zawng chu a hriak fû takin sawr a, a hriak chu saidawiûmah dah \hat tur. A hriak chu nitin luah thih a, a tlem berah darkar hnih tal chiah tir \hin tur a ni, lu sûkin sahbawn hman loh tur.

HERHSE

A chanchin tlangpui: Herhse hi Mizorama thing \ha ber pawl a ni. A rah hian chhûngmu pakhat a nei a, a mu hian hriak a pâi hnem em em bawk.

Damdawia hman theihte: A chhungmû, a pâr.

Damdawia hman nate:

Pân chhia: A mu hâl a, a hriak rawn far chhuak chu pânah hnawih a \ha.

Ruhseh leh uithak: A chhung mû densawm a, a hriak hnawih a \ha.

Santên, luakchhuak, tai thî: A pâr ro tih dip thifiante khat leh khawizu chawhpawlhin nikhatah vawi hnih ei tur a ni.

Hliam, pem: A chhung mû rawtsawm a, hliamah hnawih   a \ha

BIBLE  QUIZ  No.19

JOBA BUNG 1-5

A kâr âwl dah khat rawh :

Q1.A neihnunzia chu, berâm sângsarih, sanghawngsei sângthum, bâwngpa tuak zanga, sabengtungpui zanga leh chhiahhlawh tam tak a nei a ni: tichuan he mi hi ________________________ fate zingah chuan mi ropui ber a ni a.

Q2.Tin, Setanan LALPA chu a chhâng a, “Vun aiah vun tih a ni a, a ni, miin a neih zawng zawng a _____________ atân a pe phal ang chu!

Q3.Thim leh thihna hlim chuan an ta atân chuhse, Chhumin bawh reng mai sela; Chhun tithimtu zawng zawng khan _________________ rawh se.

Q4.I Pathian tih hi i rinchhan ber, I kawng ngilna hi i beisei _________________ a ni lo vem ni?

Q5.Buai tûrin mihring a lo piang ani zawk, Meisi chung lamah a ____________________ angin.

A bung leh châng dah rawh :

Q1.Tichuan LALPA chuan Setana hnênah chuan, “Khawi lam atanga lo kal nge i nih?” a ti a. Tin, Setana chuan LALPA chu a chhâng a, a hnênah, “Leia ka vahvelna a\ang leh ka chhohna a\angin, “ a ti a.

Bung: ...............          Chang: ....................

Q2.Tichuan, a nupui chuan a hnênah, “I ngâi rengin êm ni i awm dawn? Pathian chu sawichhia la, thi la a ni mai,” a ti a.

Bung: ................         Chang: ....................

Q3.Engati nge chhûla ka lo thih loh? Engati nge pum atâ ka chhuah a, ka thâw a lo tawp loh?

Bung: ................         Chang: ....................

Q4.Mi mut reh lai taka Zan inlârna chu ka ngaihtuah laiin,

Bung: ................         Chang: ..................

Q5.An kaa khandaih lak ata retheite a chhan chhuak a, Mi chak kut atâ tlachhamte pawh.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 18 RESULT

Chhanna lut zawng zawng : 5

Chhang dik vek                       : 5

Lawmman dawngtu     : Malsawmkima (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

KRISTIAN |HALAI PAWL AIZAWL CHHIM PRESBYTERY MEET VAWI 3-NA PROGRAMME

Ni 12.5.2013 (Pathianni)

10:00am    :Pathian biak inkhawm

Chairman   : Tv. Lalkhawmawia

|antu         : Pu C.Vanlalpeka

Thusawitu  : Tv. VL Muanchhana

Zaipawl     : Hlimen Pastor Bial

                    Hmunthar Kohhran

                    Hlimen Vengthar

                    Tuikhuahtlang

                    Kulikawn Vengthar

Inkhawm ban Fellowship

Hruaitu      : Pu C.Laldingliana

Solo           : Nl. Debby Lalfakzuali

Female Voice: Kulikawn Bial

Solo           : Tv. Joel Zothanzuala

Solo           : Mission Veng Bial

1:30pm      : Pathian biak inkhawm

Chairman   : Pu Zothanmawia

|antu         : Pu H.Zothansiama

Thusawitu  :Pu Lalmuanpuia Hrahsel

Zaipawl     : Kulikawn Pastor Bial

                    Kulikawn Kohhran

                    Tlangnuam West

                    Sâmtlâng

                    Hlimen Dâmveng

Inkhawm ban Fellowship

Hruaitu      : Tv.Zoramthanga

Solo           : Tv. Henry Varte

Inst. Music : Hlimen Branch

Quartet      : Tlangnuam Bial

Duet          : Lungleng-I Bial

7:00pm     : Pathian biak inkhawm

Chairman   : Pu H.Lalchhanhima

Thusawitu : Pu Zonunsanga Ralte

Zaipawl     : Lungleng-I Pastor Bial

                    Tlangnuam Pastor Bial

                    Mission Veng Kohhran

                    Mizoram Synod Choir

Inkhawm ban Fellowship

Hruaitu      : Pu David Lalliansanga

Solo           : Nl.Nancy Zothanmawii

Musc. Drama: Tlangnuam Bial

Chawhchawrawi: Hlimen Bial

Worship Dance: Kulikawn Bial

Live Band : Mission Veng Bial

Solo: Nl. Remsangzuali, Lungleng I Bial

TUALCHHUNG

, Pu Lalrinkima w/o Zosangpuii (Ch.Sec) te chuan a pahnihna atân fapa duhawm tak an nei thar.

Tualchhunga HSSLC pass thar kan hriat BELH te leh tihdikna

1.K.Lallianmawii d/o K.Lalhuliana (Ch.Sec) 2nd Div. (Sc)

2.Lalawmpuii d/o Lalrinsanga (T.Sec) 2nd Div. (Sc)

3.Lalremsanga s/o K.Lalhuliana   (Ch.Sec) 3rd Div. (Arts)

4.Esther Vanlalrinpuii d/o C.Lalremruata (Marema) (V.Sec) 3rd Div. (Arts)

Zânin EPL inkhel turte

Stoke City Vs Tottenham (6:00)

Everton            Vs West Ham (7:30)

Fulham Vs Liverpool (7:30)

Norwich City Vs West Brom (7:30)

QPR Vs Newcastle  (7:30)

Sunderland Vs Southampton (7:30)

Man. United Vs Swansea (8:30)

Thawhleh Z^n

Arsenal Vs Wigan Athletic (12:15)

Reading Vs Man. City (12:30)

PUAN  BO

            Hmeichhe puan bih chi la \ha tak chhar a ni a, a tibo chuan ni 20.5.2013 (Thawh\an) ral hma in Pu H. Lawma (V.Sec) te inah a rawng leh a awmdân chiang taka sawiin lam tur a ni e. Huntiam chhunga lam a nih loh chuan sawi buai theih a ni lovang.

FREE... FREE.. FREE... FREE...

            Computer Repairing tur nei tân May ni 13 - 17 chhûng hian a Free in kan Repair sak dawn a, a duh apiang tân pan theih kan ni e. Computer Software & Hardware Course hrang hrangah Admission a tih theih reng bawk a, Mobile Repairing zir duh tân a zir theih nghal bawk e.

Contact:

City Computer Centre

Mission Veng Bazar,Near Taxi Stand

Ph.: 9089527410

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 5.5.2013

MIPUI AW

KARTIN CHHUAK

Vol. XIX Issue No. 18 Kristian Thalai  Pawl  Saikhamakawn Branch  Pathianni Dt.5.5.2013

VAWIIN CHANG VAWN

            Chutichuan, inngaihtlâwmna leh thuhnuairawlhna zawng zawng nei a, hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.

KOHHRAN  PROGRAMME

5. 5. 2013 (Pathianni)

Sunday School Inkhawm

|antu           : Pi C. Lalchhuanawmi

Chawhnu Inkhawm

Thuhriltu    : Upa C. Lalmuankima

Zân Inkhawm

Thuhriltu    : Upa Zairemthanga

KTP PROGRAMME

 Dt. 6. 5. 2013 (Thawh\an zân)

Short  Sermon  Inkhawm

Hruaitu           : Nl. Zohmingmawii

|antu              : Tv. C. Lalhmangaihsanga

Thuhriltu-      : Pu C. Lalmuanpuia

tute                  : Tv. Abraham Lalnunthara

Thilpek lakh- : Nl. Ruthi Lalenkawli

awmtu turte   : Nl. Lalhruaitluangi

May thla chhûnga hla hruaitu leh

musician turte

Hla hruaitu    : Tv. Malsawmzuala

turte                  Nl. Lalhmunsiami

Musician         : Pu R. Lalmuanpuia

VAWIIN  TLAI   FELLOWSHIP

Hruaitu           : Tv. R. Lalzamlova

|antu              : Tv. Lalrinawma

KOHHRAN  HMEICHHIA

Dt. 7. 5. 2013 (Thawhleh zân)

Ramthim zin

A hmun          : Pi Lalparliani te in

Hruaitu           : Pi Laltlanzari

|antu              : Pi R.Lalzuali

           

           

           

SERMON

SIM  RAWH  U

            Tin, chung lai chuan Baptistu Johana chuan, “Sim rawh u! vanram chu a hnai tawh e,” tiin, Judai thlalerah thu hrilin a lo kal a.                                         - Matthaia 3: 1

             Ni suh e, ka hrilh a che u, nangni pawh in sim loh chuan chutiang bawkin in boral vek ang.          - Luka 13:3

            Sim awmzia chu kan hre tlâng \heuh anga. Mihringte hi sim tur neilo khawpa fel leh \ha tumah kan awm hek lovang. Uire nu denhlum tur pawh sual neiloin dêng hmasa tura Isuan a tih meuh chuan sual neilo tumah an lo awm lo a nih kha. Chuvangin mi\ha leh fel nia kan ngaihte pawh sual neilo an awm lova, sualna lâi nei kan nih \heuh avangin sim tur kan nei vek tihna a ni. Vanram a hnaih tawh avanga sual sim a hun tawhziate, kan sualte kan sim loh chuan kan boral dawn a ni tihte kan ngaihtuah a, chu simna kawng kan zawh chu a hun tawh takzet a ni.

            Engvangin nge sim rawh u tia Bible meuhin min hrilh. Kan sawi tak ang khan Lal Isua lo kal a hnaih tawh êm avângin Baptistu Johana chuan simna thu a tlângau pui a. A chhan nia lang chu, mihringte sual bumna vangin Setana duhzawng kan ti a, tisa duhzawnga kan awm chuan hremhmun hmabâk mai kan nih si avangin Krista lokal leh hmâ ngêia sima Pathian lam hawia a duhzâwng anga awm turin simna thu hi a tlângaupui a ni, a pawimawh hle mai. Tin, Luka 13:3 thu kan tarlan khi kan en chuan sim duhlo khuate chan tur chiang takin a sawi a. Sual man tuara rapthlak taka thite thih dân rapthlak tak dungthulin sim duhlo khuate chu an thih ve ngei dawn thu chiang takin kan hmu a. Nang leh kei ngei pawh hi intifelin inti \ha viau mah ila, sual sim tur Pathian duhloh zâwng tih kan nei ngei ang. Mahse haidera kan felna Isua kan pan si loh chuan sual vânga thi tia kan sawi te ang hian kan la boral ve ngêi dawn tih hi kan hriatchian a \ul tak meuh meuh a. He thu hi kan Lal Isua ngeiin a sawi a ni tih hi i hre bawk ang u.

            Hetiang taka simna a pawimawh si chuan engtin nge kan sualte kan sim tak ang le. Sim duh tak tak sim theilo tam tak an awm a. Vawi engemaw zat sual sim tum mahse thei silo te an awm bawk si. Thil theihlo ti tura phut kan ni em ni. Kan ni hauh lovang. Mihring ten chhandamna kan chan hmâ chuan misual chhelailet der kan ni a. Thil \ha kan tih ve te avangin Vanram kan kâi phah thei bawk si lo. Mahse Pathianin a fapa nunna chu min rawn pe a. Krista chu kan tân finna, felna, thianghlimna leh tlannaah min ruat sak ta, kan nunna chu Krista a ni tih Pathian ngeiin min pawmsak a. Mihring thar nihna min pek hi sual kan sim theihna awmchhun a ni a, sual tih châk \hin leh sim theilo zawng kha kan nihna a ni lo tih hria a, mihring thar; Krista tholeh nun kan \awmpuina hi simna kawng awmchhun a ni.       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

ZIRNA

            Zirna han tih hian a huam thui thei viau âwm e. Amaherawhchu tûn \um bîkah chuan lehkha zir lam thlûr bing ila. HSLC leh HSSLC Result-te tihchhuah a ni ta bawk a, kan vêngchhûng ngêi a\ang pawhin mi engemawzât hlawhtling an awm a; hetiangah pawh hian lâwmte hi inlawmpui thiam ila. Hlawhtling ve lo kan awm anih pawhin intuarpui thiam ila, ‘bei la bei nawn rawh’ tih hla(Poem) te pawh a awm hial kha. Beidawng lovin zir zêl i tum ang u.

            Tin, hlawhtling ta tepawhin kan hriat\heuh angin kan hmalam hun atân inbuatsaih \ha ila, tha thlah lovin kan zir leh zêlna tur thlan chungchângah leh kan hlawhtlin pui theih ngêi tura kan ngaih Subject-te thlang thiam ila, Pass ringawt lovin chhawrtlâk ni thei turin zir \hin ila. Qualification nei sâng ve ûr si; sap\awnga biak hleihtheih lo ang chite leh chhawrnaawm loh lutuk nih ang chite, midangte han zirtir leh tur pawha tihleithei lo, thiamna tak tak neilo kan ni ang tih a hlauhawm \hin a, chuvangchuan kan zirna zawn \heuhah hian midangte tâna chhenfâkawm leh chhawr tlâk ni turin lehkha i zir zêl ang u..

ARTICLE

NUPUI KA NEI VE A

-Dinga Fanai.

            A hminga nupui ka han nei ve ta chu ka hlimin nuam hi ka ti ham ham khawp mai a, ka thiante chu ka intihtheih khum hi a ni ber e. A hmingin fa pahnih kan han nei ve a, Inpuiah han awm ho reng chu a rem loh avângin kan han indang ve ta a. ‘Pâ’ nihna han chelh meuh chu a va’n buaithlak rap rap tak êm!

            Tui connection kan lâk loh avângin zingkârah mutrei chu sawi loh; Vai pathian thawh hmâin |in leh tuikawhna nên Tuikhur lam pan a ngâi a, ka fapa lah chu a harh hmâin a tlei lo êm êm mai lehnghâl a, awrh chhuah ziah angâi bawk nên. Rit a thuah hnih thei ngei mai. Chaw eikham vêleh mi hnuaia inhlawhfa turin ka han chhuak \auh \auh \hin hi chu Swift Car lei hi kan hlat ve \hin khawp mai. Hah rim tawng taka hnathawh zawhah tlailam chawhmeh ngâi bawkin min lo hmuak a, keini ang nitina hnathawk techuan Vitamin tam ang chi chawhmeh te kan han mamawh tehrêng nên, Dâl takngial pawh Kg-ah `80 a ni tawh sia, a dal thei ang bera siam loh chuan inluah man bat angai dâwn bawk si. Purun sen lah chu Kg-ah `70 alo ni ulh tawh nên, chi tak ngial pawh hi lei alo ngai nia...

            Keini ang tân hi chuan minister lehkha aichuan BPL Card a hlu zawk si a, Inhmun zawn aichuan AAY a tel theih dân zawn a fuh zawk rih tlat. Hausak hi hlimna ani lo han ti \hin mahse kan retheih avânga kan hlim bîk êm êm na pawh chu ka hre chuang lêm hlei lova, chhhiat \hat han awm se; kan chhûngte ngêi ngêi pawh hian min hre ta lo emaw tih mai tur hian min hmulo der lui tlat thei mai a, an pawisa pûka dil an hlau a niang.

            Chutah dammawh hritlân kan han tâwk ve ngêi bawk nên, cheng za tlang pakhat chauh akin Civil Hospital kan va pan ve a. Mi Pahnih ka ni si a, Bus fare ah cheng 24 ngawt mai kan hmang phei a, haw lam a sên zât tur rilruin a suangtuah nghâl a. Kan han inentir ve bawk a, tlailam chawhmeh lei haw ngai suangtuahna nên nachhâwkna bâk kan lei ngam tak tak chuang lova. Motor heti zozai zingah “Ka tâ” han tih ve tur reng reng awm lo, awh chu sawi loh; neih loh a leiah a sawi chhiatah kan ram \ang zawk zamah a.

            Fa te birthday-ah pawh chawthing kan kang ngam \awk chu ani si a. Fa ten mi thil an awt ve \hin si a, sum dinhmunin a zir miau loh avângin vîn taka chhânah kan han tlâk leh mai \hin hi chu mahni bawk hi kan na \hin. Nakkumah hian ka fa upa zawk hian sikul a kal ve tawh dawn a, engtinnge ni zêl dawn ni? Nupui lo neih ve ringawt pawh hi kan fin loh zia alo lang. Han \hen dawn ngawt ila pathlâwi han nih ngawt mai leh fate tih fahrah ringawt chu thil \ha ber a ni bawk si lo; inchhir in bân a chen a, phengphehlep a khua a tlai zo ta si. Future a va Bright lo em!

HRISENA HUANG

Chhawhchhi

A chanchin tlângpui: Chhawhchhi hi Mizoram sum chang thlai zinga pakhat a ni a, India ram hmun tam takah an ching nasa hle. “Kum khat thlai” (Annual Plant) a ni a, a kung puitling chu meter 1 leh a chanve-a sang a ni \hin.India leh China ramte hi khawvela Chhawhchhi thar tam ber ramte an ni. Chhawhchhi hi chi hnih - a dum chi leh a var chi a awm a, a dum chi hi damdawi atân a \ha zawk a, a var chi hi a hriak sawr atân a \ha thung. Chhawhchhi hian hmun za a \hena hmun sawmliparuk (46%) chu hriak a ni a, 22% erawh chu chakna lam thil  (Proteins) lam ani thung.

Damdawia hman theihte: A fang (Chi), A hriak, A hnah leh a kûng pumpui.

Damdawia hmannate:

Bengngawng: Chhawhchhi, moong (Bean) chi, Asafoatida (Hîng) leh Elaichi, 5gms \heuh râwt dip a, an\am têl 10ml nên chawhpawlh hnuin meilingah far a, a khû chuan bengchhûng ur tir tur a ni.

Santên: Chhawhchhhi 6gms, tui tlêmte nêna densawm leh butter 10gms chawhpawlh a, nitin zing leh tlaiah ni thum chhûng ei tur a ni.

Emaw

Chhawhchhi dum chi densawm 5gms leh Kêl hnute tui 200ml chawhpawlh a nikhatah vawi hnih ei tur.

Thineih chungchânga harsatna nei:  A hriak 10ml leh Mizo artui chawhpawlh a, nithum chhûng zing tin ei tur.

Taksa chak nân: Triphala dip 5gms leh Chhawhchhi 5gms densawm pawlha nitin vawi khat ei \hin a \ha.

Kaw\ha lo: A kûng pumpui 25gms, tui 200ml in mei na vak lovah chhum a, a tui 50ml anih hnûah thlit chhuah a, 25ml zêlin nitin zing leh tlaiah, kurtai tlem nên ei \hin tur a ni. he damdawi ei lai hian Bawnghnute thur khal (Dhoi/Curd) ei \hin a \ha.

Kâng: Chhawhchhi hriak leh Coconut hriak inzât chiahin chawhpawlh a, taksa kâng laiah hnawih a \ha.

Hnute nâ: Chhawhchhi, Bawnghnute nên densawm diak a, hnutea bel a \ha.

Thau nân: Chhawhchhi dum chi veikhat vêl kan rova,  ni 41 chhûng zing tin tuisik no khat nên ei \hin tur.

Taksaa Cancer zâu zêl tu vên nân: Tinospora Codifolia (A kûng chauh), Sunhlu ro (A mu tla lovin), Mualhawih pil leh Lambak, 20gms \heuh l^kkhawm a, silfai hnûah tui 1lt in mei navak lovah chhum tur, a chhumna tui 20ml anih hnûah thlit chhuah a, 60ml zêlah Chhawhchhi dum chi râwt dip 5gms chawhpawlh a, nikhatah vawi hnih ei \hin tur a ni. Chhawhchhi chu rawtdip hmâin a kawr paih \hin tur. Têl tlemte nên nuai pawlha nisâa pho hnûah a lum laiin a kâwr kutin a nuai thlâk theih ang.

Naupang lu pân: Chhawhchhi leh Parva (Liucus indica) pâr inzât vel râwtsawm diak a, Bawnghnute nên chawhpawlh hnûin pânah hnawih a \ha.

Hmeichhiat mipatna lama chak nân: Chhawhchhi 30gms leh Ziza rah (Mu) 30gms, tui 1lt-in mei navak lovah a chhumna tui 250ml anih thlengin chhuan kang a, 60ml zêlin nitin zing leh tlaiah in \hin tur a ni.

Hnar ping reh thei lo, Sinusities: Chhawhchhi hriak thianghlim tak, hnar chhungah far hnih zêlin nitin vawi hnih far \hin tur.

Thi neih hmasak ber \uma buaina nei: Chhawhchhi hriak, far 5 zêlin nikhatah vawi 2 ei \hin tur.

Khuh, Thâwk harsa: Chhawhchhi hâl a, a khû hîp luh a \ha.

Tai thi \hin/Santên: Chhawhchhi dum chi 10gms densawm diak a, chini 40gms leh Kêl hnute no khat nên chawhpawlhin ei \hin tur. Damdawi \ha tak a niin, chawp leh chilhin a hnathawh a lang nghal mai thei.

Zun kawng \ha lo: Chhawhchhi kâwr hâlna vâp 5gms, Khawizu leh Bawnghnute thirfiante khat ve ve nên chawhpawlh a, nitin vawi hnih, kârkhat chhûng ei tur.

Hmuirêp: A hriak far hnih emaw far thum emaw, zan mut dawnin lâiah hnawih tur.

Bengchhûng nâ: A hriak, serte hnahah khâwr a, Mombatiin hliu tur. Hriak chu a lum deuh hnûah beng chhûngah far tur a ni.

Vawmbal: Chhawhchhi 5gms densawm a, Butter 5gms leh tuisik no chanve nên chawhpawlhin nitin vawi hnih ei tur.

Mawngkaw nâ: Chhawhchhi tih dip 25gms leh Bawnghnute 150ml chawhpawlh a zing tin karkhat chhung ei tur a ni.

BIBLE  QUIZ  No.18

ESTHERI  BUNG 6-10

A kâr âwl dah khat rawh :

Q1.Tin, lal chuan, “Tunge ni kawt hung chhûnga awm saw?” a ti a. Chumi lai chuan Hamana chu a awhhlumna siama Mordekaia awhhlumtir tûr thu lal hnêna sawi tûrin lal kawt hung pawn zawk ______________ chuan a lo kal a ni a.

Q2.kei leh ka chipuite chu tihborala thah vek tûra tih kan ni a; ahmei apain bawihah hralh tûra tih ni lek ila chu engmah ka sawi lo tûr; mahse _____________ tûr kan ni a, lal tan a hek hle ang, hmêlmapa chuan a rul seng lo ang,” a ti a, a chhâng a.

Q3.Tin, lal chuan rangkachak tiang chu Estheri lamah chuan a han lek phei a. Chutichuan Estheri chu a tho va, lal  hmaah chuan  a ____________ a,

Q4.Mordekaia chu lal ina mi ropui tak a ni a, a hming chu an ram then zawng zawngah a thang ta bawk a; Mordekaia chu a ____________ ta deuh deuh a ni.

Q5.A thiltihthiehna leh a chaknaa a thiltih zawng zawng leh Mordekaia ropuina chungchang, lalin a tihchungnun dan thu kimchang takin Medai leh ____________ lalte lal lai chanchin ziakna buah a chuang a ni lâwm ni?

A bung leh châng dah rawh :

Q1.Tin, lal chhiahhlawhte chuan a hnênah, “Ngai teh lal kawt hung chhûnga wam chu Hamana a ni,” an ti a. Tin, lal chuan, “Lo lut rawh se,” a ti a.

Bung: ...............          Chang: ....................

Q2.Tin, Estheri chuan, “Taitu leh hmêlma a ni, he mi sualpa Hamana hi a ni,” a ti a. Chutichuan lalnu leh LALPA hmaah Hamana chu a khur ta a.

Bung: ................         Chang: ....................

Q3.Chutichuan lal Ahasuera chuan lalnu Estheri leh Juda mi Mordekaia hnênah chuan, “Ngai teh u, Judate chunga a kut a thlâk avângin Hamana in chu Estheri ka pe a, amah pawh chu an awhhlumtir ta a.

Bung: ................         Chang: ....................

Q4.Tin, Estheri chuan, “Lalin rem a tih chuan, Susan-a Judate hian vawiina thupêk ang bawk hian naktukah pawh ti sela, Hamana fapa sawmte chu awhhlumnaah khai kan ni rawh se,” a ti a.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 17 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu T.Rinthanga in

A hun        :9.5.2013 (Ninga zan)

Chairman : Pu C.Chhuansanga

|antu        : Pu Suithanga

Rilru sawia hun hman a ni ang.

Branch KTP HnatlÂng

            Ni 7.5.2013 (Thawhlehni) hian Hlimen Damveng ah Slab chhûnga hnatlâng neih tur a ni a. K|P member te \hahnemngâi taka thawk chhuak turin kan inngenin kan inhriattir e. Slab chhûng tur hian mi \hahnem tak a ngai \hin a, hnatlâng tur hian kan \hiante la hre lo an awm anih pawhin i sawm zêl ang u.

            Dar 9:00am ah Biak In kawtah innghahkhâwm tur a ni e.

Sd/-

(LALDUHKIMA)

Secretary

Kristian |halai Pawl

Saikhamakawn Branch

LAWMTHU SAWINA

            Kan fapa Lalmuanpuia leh Lalruatkima ten accident an tawh chungchângah min ngaihtuaha min buaipuia a \ul apiangah engkim min tihsak tute zawng zawng chungah a mal malin lawmthu kan sawi seng lo a, hei hi kan lawmthu sawina ah min lo pawm sak turin kan ngên tak meuh meuh a che u. In zâa chungah Pathian khawngaihna awm zel rawh se.

In khawngaihna dawngtu te

Tlangruata te nupa

R.B.Lalhmangaiha te nupa

VAWIIN KHAWCHIN

A lum lai berin : 220C

A vawh lai berin : 200C

               Chawhma lamah 8mm, chawhnu lamah 7mm leh zân lamah 4mm sur turin accuweather.com chuan a sawi.

TUALCHHUNG

, Lalmuansanga s/o C. Ramliana (L) (V.Sec) chu damlohna av^ngin  Synod Hospital-ah enkawl anih hnûin alo chhuak.

, Lalruatmawia s/o Lalchhuankimi (T.Sec) chu damlohna avângin  Synod Hospital-ahs enkawl anih hnûin alo chhuak.

Tualchhunga HSSLC pass thar kan hriat theih te

1.Zomuanawma s/o Lalrochama (V.Sec) 1st Div. (Sc)

2.C. Zonunmawia s/o Zohmangaiha   (Ch.Sec) 2nd Div. (Sc)

3.Lalawmpuii d/o Lalrinsanga (T.Sec) 2nd Div. (Arts)

4.Rebecca Vanlaldiki d/o K.L.Biak\huama (Ch.Sec) 2nd Div. (Arts)

5.C.Lalchhanhima s/o C.Lalengzama (V.Sec) 3rd Div. (Sc)

6.Lallianmawii d/o K.Lalhuliana (Ch.Sec) 3rd Div. (Sc)

Zânin EPL inkhel turte

Liverpool Vs Everton  (6:00)

Man. United Vs Chelsea (8:30)

Thawh\an zân

Sunderland Vs Stoke City (12:30)

Thawhleh zân

Man. City Vs West Brom (12:15)

Wigan Athletic Vs Swansea (12:15)

Nilaini zân

Chelsea Vs Tottenham (12:15)

Inrinni zân

Aston Villa Vs Chelsea (5:15)

FA Cup Final

Inrinni zân

Manchester City Vs Wigan Athletic    (Wembley Stadium) (9:45)

Zânin LaLiga inkhel turte

Mallorca Vs Levante (3:30)

Real Zaragoza Vs Rayo Vallecano (8:30)

Sevilla FC Vs Espanyol (10:30)

Barcelona Vs Real Betis (12:30)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300