Mipui Aw 17.3.2013

MIPUI AW

KARTIN CHHUAK

Vol. XIX Issue No. 11 Kristian Thalai  Pawl  Saikhamakawn Branch  Pathianni Dt.17.3.2013

VAWIIN CHANG VAWN

            A lawmna chu LALPA dânah a ni zawk a;A dân thû chu achhûn azânin a ngaihtuah \hin.Ani chu tuiluang kianga thingphun. A huntêa rah \hin. A rah pawh uai ngai lo ang hi a ni a;A thiltih apiang chu a hmuingil zel ang.

KOHHRAN  PROGRAMME

17. 3. 2013 (Pathianni)

Sunday School Inkhawm

|antu           : Pi Lalparliani

Chawhnu Inkhawm

Thuhriltu    : Upa Zonunmawia

Zân Inkhawm

Thuhriltu    : Upa Lalzuiliana

KTP PROGRAMME

 Dt. 18. 3. 13 (Thawh\an zan)

Thupui  Zirho

Thupui                       : Lal Isua Tello Chuan

Hruaitu           : Tv. Pc. Vanlalhriatpuia

|antu              : Tv. C. Laldinpuia

Thupui hawngtu : Tv. Zonunsiama Raltê

Thilpel lakh-  : Nl. Lalrinawmi

âwmtu turte   : Nl. Lalsawmliani

March thla chhûnga hla hruaitu leh

musician turte

Hla hruaitu    : Tv. Lalhmangaihzuala

turte                  Nl. Lalrinhlui

Musician         : Pu Lalduhkima

FELLOWSHIP  PROGRAMME

A hmun          : S.S. Hall

Hruaitu           : Pu Jeff Lalhmingsanga

|antu              : Nl. R. Lalngaihawmi

KOHHRAN  HMEICHHIA  (19. 3.2013)

Hruaitu           : Pi Ralliani

|antu              : Pi Hlimpuii

Thuhriltu       : Pi Hualthangpuii

                 

           

           

SERMON

Thilpek Ropui

            Pathianin khawvel a hmangaih em em a, chutichuan a fapa mal neihchhun a pe a, amah chu tupawh ring apiang an boral loh a chatuana nunna an neih zawk nan.     Johana 3: 16

            Thilpek hi a dawngtu tân chuan a lawmawmin hriat reng pawh a awl a, kan duhsak zâwngte leh kan hmangaihte lo chu thilpêk kan pe ngailo a tih theih ang. Thilpêk rêng rêng hi a lêt beisei a pêk a awm a; chu chu Thamna lam hawi a ni, a lêt beisei lo a pêk erawh chu a hlûin a lawmawm dân pawh a dang hle. Tlangvalin a ngaihzâwng tân thilpêk hlu tak a pe a, a chhan chu a ngaihzâwng nu anih vâng leh a hmangaih ve vâng a ni. Tin, Pa in a fa hnênah thilpêk a pe a, a chhan chu a fa a nih vâng a ni, \hiante pawh kan \hiante an nih avângin kan pe fo bawk \hin. Mihringte chuan kan chunga \hate leh kan pêka te kha kan tân engemaw an nih \hin vâng leh a lêt beisei vângin kan in pe \hin, a dik a, a kawng hmang pawh a ni rêng a ni.

            Amaherawhchu kan Pathian erawh chuan mihringte rilru mil zâwng leh kan lo rindân zâwngin a kal ve ngai lo, Amah phatsantu, a fa nihna pawh pawm duh tawhlo leh sual fa ni tawhte tâna a thawh nasat ziate, a hmangahna ropui ziate hi a va han makin a va hlu êm! Boruak thianghlim kan mamawh tâwk min pe a, silh leh fên, kan nitin khamkhawp eitur min pêkte, min enkawlna zawng zawngte hi khawvel kalphung mai emaw tih a va han awl \hin tak em!!! Nitina kan hun hmanna kawnga dam leh hrisel taka kan awm theih nachhante hi Pathian min vênna a ni tih hi kan hriat a pawimawh hle mai. Chumaibakah, Amah vah bosana, sual kawng lam thlanga, hawisan tawhte tân a fapa nunna min pe a, sual bumna avânga chatuan hremna tuar tur, Ama ânchhia ngêi dawnga hrem turte, A  ânchhe hnuai atâ kan dam leh nân leh; a hnên kan thlen leh theih nân a fapa nunna ngêi min pe hi thilpêk ropui ber a va ni tehlul em!

            Hla phuahtuin “Pekah Pathian i hnen bân thei lo ang” a lo ti a, keiniin Pakhat kan pe a, kan Pathian erawh chuan a Sâng têl, a Sîng têlin min pe zawk si. Pathian tân kan nitin hun hmanah darkar khat pawh kan pêk mang loh laiin A ni chuan chhûn zânin min vêng zawk si \hin, Pathian hnena kan thilpêk ve te hi kan dawn a\anga teh chuan a va tlêm tehlul em!!! Pathian hnên a\anga kan dawn hi kan va phu lo êm! kan pêk ve lam min  tehsak lova, malsawmna, chatuan nunna min petu Lapa chu fakin awm rawh se. Amen.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

TAIMÂKNA

            Mihring kan nih chhûng hian kan hlawhtlinna leh kan dinchhuahna hrang hrang han chhût hian kan taimâk vâng a ni tlângpui âwm e (Mi vânnei fâl bîk leh rem hre deuhte chu lo awm ve bawk mahse). Naupangtê kan nih lai a\angin lehkha kan zir \an tlângpui a, heta \ang ngawt pawh hian mi taimâ leh thatchhe kâr chu a hla nghâl phawt mai a. Mi taimâ na nâ nâ chu an hlawhtling \hin. Hetiang chiah hian kan nitin nun hman leh hnathawh ang chiahte pawh hian; tûn ang lâi khawvel intlansiakna nasa lutukah hian mi thatchhe tân chuan dinkhawchhuah hi a harsa mai nilovin, thil theih loh tluk hial a ni. Chuvangin kan thil tihna engkimah, kan lehkha zirna leh kan hnathawhna engpawh maiah hian tih tak zeta kan tih a, taihmâk kan chhuah hrâm hrâm \hin loh chuan kan hlawhtling lo mai nilovin kan tla chhe thuai mai \hin. Mitinte hian kan tuh rah kan seng leh ziah \hin a ni tih hriain kan nitin hun hman leh hnathawhna kawng engkimah hian inthlahdah lovin taihmâk i chhuah hrâm hrâm \hin ang u.

ARTICLE

Daktor hi “Pu” duh suh

– JF Laldailova

            Mizo hian kan la hre thiam lo mai pawh a, mi reng reng an thiamna leh nihna chhâla an hming “koh” hlawh pha tawh hi chu mi narân aia chung hret tal hi an ni duh \hin. Chuvangin, hnam pui zawkte tih dânin, Daktor-te hi i “Pu” tel kher tawh lo teh ang u. “Daktor Pu Selbuanga” te kan ti tur a ni ngai lo. “Dr Selbuanga” tih ringawt a tâwk a, a dik zawk bawk. “Pi” leh “Pu” tih chu a sakechek nazawng pawh hian kan hlawh pha ve tho va, “Daktor” tia koh hi chu mi nanzawng hlawh phâk chi a ni tawh lo.

            Professor ni pha ve kher lo college (kawlij) zirtirtu pawh hi, official thilah te anih lêm loh chuan “Professor” ti veka koh hi a mawi zawk thin. (Professor Dusty Folk, ti te pawhin.) Sipai lamah pawh officer kâi chin tawh hi chuan an \an lâia a hming maia nihna (nominal, temporsry of officiating) ni lova a tak taka lalna (substantive rank) an kâi chin hi dân pangngai anga an bân hnûah (sual vânga bân ni lovah) an chhawm thei a ni. Chinchang hre lo chuan duh leh “Pu |henphunga” pawh lo ti \hin rawh se. “Brigadier” tih nâna hman pawlh lêm loh chuan a la sual nêp deuhvin a la ngaihhnathiam theih zawk ang. Mahse dân hria chuan “Brig. |henphunga” an ti ngêi tur a ni. “Pu” ringawt hi zawng patling nanzawng \awmpui phâk a ni a; Brigadier nihna hi zawng mi tam zâwk tân vawi sawmpasariat vêl pian nawna hlawh theih chauh a ni ang. Hawldar chin tawh hi chu officer puitling an kai loh chuan “Major Sâp“, “Majorji” an ti zel mai a; Hawldar/Major nihna hi an hmehbel vek a ni awm e. Bel hnih bel chin ‘Niak’ pawh hi “Hawldar Sâp” ti ila, an huatthu kan sawi lo zawk ang.

            Infiamna lam (sports) thungah hi chuan tu hming bulah mah “Pi”/”Pu” hi an rawlh ngai lo. “Pu Lalkulha leh Pu Tlangsiama” an ti fo te hi a dik ngai lo. Thupui vaina hun leh hmunah chuan “Pi” leh “Pu” hi an hmang \hin a ni. Tunah eng pawlin emaw, “Hei le, hnah hlui-ho zinga mi rilru dam leh infiamna hmuna mi hlim thei ber Pu Lianhluma chu Tlâwmngâite Tangkapui kan hlân e,” ti ta sela, hlân ta se su lo mahse in- “address“-na dik a ni ang. Cassius Clay ni thin kha tumahin “Mr Mohammed Ali” an ti ngai lo vang, thupui vainaah lo chuan. Mahse Clay-a chuan boxing chak hlui hmingthang ber Joe Louis-a kha thutaka a biak laiin, “Just you wait Mister Louis, and i’ll show you what I mean by my beih the greatest” (Lo ngawi tak rawh, Pu Louis, ‘A ropui ber ka ni e, ka tih awmzia hi ka la entir dawn che alawm) a ti a; hetah hi chuan “Mr” a hmang thiang chang ni lovin a hmang ngêi tur a ni zawk. Intihhlimna lama vantlang rawngbawltute pawh hi chutiang bawka cheibawl tur. “Pi Vanhlupuii”, “Pi Siampuii Sailo”, etc. te kan ti tur a ni lo. Cinema stars chungchângah pawh chuti vek bawk tur. “Miss” erawh hi chu an hmang thiang a, an chîn dân tlângpui a ni zawk a. Mi nû pawh hian an damchhûngin an nulât lâi hming an chhawm \hin a. “Pi Than\huami” tih âi chuan “Nula Than\huami” tih pawh hian hnam pui chîn dân a zûl zawk.

            “Preface” te hi kan sikula kan zirtirtute tih dân ang bawkin “prifeis” ka lo ti bawl bawl mai \hin a. Zorama ka lo chhuah chhoh hnu (kum 1954) ah chauh a nia “prefis” tia lamrik tur a nih ka hriat chhuah ni. “Pre-” (hma) leh “face” (hmai-hma/hmai) tih kaihkawp a ang êm bawk atin a nih hi. Mahse a “fis” laia “i” ang deuhva “i” hman hi Mizo hian Latin American-ho ang bawk khuan kan thlûksei deuh zêl mai a, rang vata lamrik tur a ni a, “i” thlûksei ang ni lovin “e” lamah hian a awm thla lek lek bawk a ni. Han lamri chhin ula, vawi hnih/khatah in thiam nghâl mai ang. “Latin American” ka han tih khi, America khawmualpuia French, Spanish leh Portuguese (pawrtiugiz) \awng hmang-ho hnam sawina a ni. South America chang ni lovin, a chhehvêl Caribbean (karibian) Thliarkâra chêng West Indian leh Cuban-te leh North American Continent lama bei Mexican, Panamanian (panamenian), etc. te pawh an ni vek tho. French \awng hmangtu French-Canadian te hi chu an ni hauh thung si lo.

(Source : Bualnnel)

HRISELNA HUANG

BUH

A chanchin tlângpui: Buh hi kan chaw pui ber a ni.  Buhah hian taksa chakna lam thil chi hrang hrang a awm a, vitamin E a pâi tam vângin dân narânin chaw atân buh ring mite chu inthlahchhâwnna lamah an chî a chakin an pung chak hle nîin mithiamte chuan an sawi.

Damdawia hman theihte: A fang : k^wngl^wng hi damdawi at^n an hmang deuh ber.

Damdawia hmannate:

Ruhseh: Khingkhih zung 500gms, silfai hnûah den deuhva tui liter riatin mei na vak lovah chhum tur. A chhumna tui liter khat anih hnûah thlit chhuah a, a tui chu kâwnglâwng 1kg chhum nân hman tur a ni. Khingkhih zung 50gms lâk leh a, silfai hnûah a hmâ ang deuh bawka den deuh hnûah tui 800ml-in mei na vak lovah a chhumna tui 100ml anih thlengin chhuan kang tur.A chhumna tui chu thlit chhuah a, bawnghnute 100ml nên chawhpawlh hnûin mei na vak lovah 100ml anih thlengin chhuan leh tur; chhum lâi hian chawh chawh tur a ni. Kâwnglâwng chhum hmin chu hmun riatah \hen a, puana bâwk hnûah bawnghnute leh khingkhsih zung chhumna tui chawhpawlhah chiah a, tih lum tur a ni. A lum lâi chuan ruh na lâi tak deh nân hman tur; pakhat tê têin ruhna lâi deh a, a daih hnûah a danga thlâk leh zêl tur a ni. Ruhna lâi vêl deh nâna hman hmâ hian ruhna lâi chu an\am têlin zût hmasak tur a ni. Ayurvedic oil - dhanawntharam oil ang chite hi hmuh theih chuan hman a \ha zawk.

Hmeichhe nau pâi thei lo: Kâwnglâwng fâi chhum hmin leh bawnghnute, nitin karkhat chhûng ei tur.

Hnute tui tih tam nân: Kâwnglâwng fâi chhum hmin leh bawnghnute Ghee nitin ei a \ha.

Sam tla nasa: A fâi silna tuiin nitin sam tih huh \hin tur a ni.

Luakchhuak: Kâwnglâwng fâi kan ro den dip 5gms leh chini 5gms chawhpawlh a, nikhatah vawi thum ei tur.

Tai pân: Kâwnglâwng chhim hmin leh bawnghnute thûr khal (Curd/dahi) nitin ei tur.

BIBLE  QUIZ  No.11

Ii Chronicles  BUNG 21-25

A kâr âwl dah khat rawh :

Q1.Chutichuan Jehoraman a pa ram a han luah chuan a lo intichak ta a, a unaute zawng zawng chu __________________ zinga puipa tam takte nen khandaihin a tihlum vek a.

Q2.Ahaba chhûngkuate tih ang bawkin LALPA mithmuhah thil \ha lo a ti a: a pa thih hnûin a __________________ tûra kaihhruaitu an ni.

Q3. In tih tûr chu hetiang hi a ni: Puithiamte leh Levi-ho chawlhnia lo kal \hinte chu hmun ______________ \hena hmun khat kawngkhâr vêngtute in ni ang a.

Q4.Tin, heti hi a ni a, chu mi zawhah chuan ____________ chuan LALPA in siam \hat a rilrûk a,

Q5.Amaherawhchu an fate chu a that lo va, Mosia lehkhabu, dâna chuang, “Fate avângin pate an thi tûr a ni lo va, pate avângin fate an thi tûr a ni hek lo, mi tin, mahni sual avângin an thi tûr a ni,” tia _______________ thu a pêk angin a ti a.

A bung leh châng dah rawh :

Q1.Ahaba chhûngte tih angin Israel lalte kawng chu a zawh ve a: Ahaba fanu nupuiah a nei a ni: tichuan LALPA mithmuhah thil \ha lo tak a ti \hin a.

Bung: ...............          Chang: ....................

Q2.Tichuan Ahazia jehorama hnênah a kal a, a boralna chu Patian tih a ni a; Nimsia fapa Jehua bei tûrin Jehorama hnênah a kal avângin. Chu mi chu Ahaba chhûngte timang tûra LALPA ruat a ni si a.

Bung: ................         Chang: ....................

Q3.Chutichuan Levi-ho leh Juda zawng zawngte chu puithiam Jehoiada thupêk ang zawng zawng chuan an ti a; tin, mahni hote \heuh chawlhnia lo kal tûrte leh chawlhnia \în tûrte chu an hruai a; puithiam Jehoiada chuan a \în tûr pâwl chu a la \întir si lo va.

Bung: ................         Chang: ....................

Q4.Tin, thlalêra Pathian chiahhlawh Mosian Israel mite tih tûra thawh bi a ruat chu LALPA tâna rawn thawh tûrin Judai ram zawng zawng leh Jerusalem-ah thu a than vêl ta a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 10 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI INKHAWM PROGRAMME

A hmun    : Vestry

A hun        : 21.3.2013 (Ninga zân)

Chairman : Pu T.Lalrinthanga

|antu        : Pu Vanlalsanga

                  Rilru sawi leh \awng\ai ruala hun hman a ni ang.

LIBRARY HRIATTIRNA

            Saikhamakawm YMA Library chu hawn \an a ni leh tawh a, thawhlehni, ningani leh zirtawpni-ah; zan dar 6:00 - 9:30 ink^rah hawn \hin a ni ang. Member Fee hi mi pakhat tân kumkhatah `10/- a ni ang.

            Lehkhabu ngaihnawm tak tak hawh tur thar a awm e.

Sd/-

(LUCY ZOHMUNMAWII)

Secretary

YMA Library Sub-Committee

CANDID ENGLISH SCHOOL

            Admission KG-I to Class-VIII thleng hawn a ni.

Admission Fee:           `800/-

Tution Fee:      `400/-

KG-I Admission `500/- (Kawr leh kekawr Free)

LAWMTHU  SAWINA

            Ni 14.3.2013 a kan  in a kângmei chhuah chungchângah khawtlâng mipuite hnênah lawmthu sawi tur tam tak kan nei a. Kangmei a chhuak tih hriat a nih veleh a mahni tawrhna tur pawh ngaihtuah lova tlawmngâi leh huaisen taka kâng \helhtute, kâng \helh anih hnûa a \ul anga min senghâwi pui a, min \anpui chhunzawmtute leh sum leh pâi min petute zawng zawng chungah lawmthu kan sawi tak meuh a ni. Kan chunga in \hatna hi Lalpan a lêt tam takin rûl che u rawh se.

Khawlvuani te chhûngkua

Saikhamakawn

K|P HRIATTIRNA

            Kum 2013 - 2014 chhûnga K|P kum puan thupui bû duh tur tân a hmâ lamin Secretary hnênah inhriattir turin memberte kan inngên e.

Sd/-

(LALDUHKIMA)

Secretary

K|P, Saikhamkawn Branch

HRIATTIRNA

            K|P Marka Group-te chuan Tûmkâu ni lo awm tura hman tur Tûmkâu(Meihlê); ni 23.3.2013 (Inrinni) hian zawrh kan tum a, min lo dawr \heuh turin kan inngên e.

Sd/-

(ZOHMINGMAWII)

Secretary

Marka Group, K|P

TIAM TLAT E

            Tv. Lalhmingmawia s/o R.Lalkhuma leh Nl. Ruby Lalhuzami d/o Lalramnghata, Mission Vengthlang te chuan ni 21.3.2013 (Ningani) dar 1:00pm hian Saikhamakawn Kohhran Biakinah Kohhran dân thianghlimin a nuamah pawh, hrehawmah pawh; kumkhuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

TIAM TLAT E

            Tv. Lalfakzauva s/o Lalthlana leh Nl. Lalrinchhani (Lâtei), Hmuntlang te chuan ni 15.3.2013 (Zirtawpni) dar 1:00pm khân Tuikhuahtlang Mizoram UPC Kohhran Biakinah Kohhran dân thianghlimin a nuamah pawh, hrehawmah pawh; kumkhuaa lêngdun turin tiam tlat e an ti.

                  Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

TUALCHHUNG

,Pi Zoremsangi d/o C.Zohmangaiha (Ch.Sec) chuan a pakhatna atân fanu duhawm tak a nei thar.

TIAM TLAT E

            Nl. C.Lalnunmawii d/o Lalromawia leh Tv. Lalruatkima Rivung s/o Pu R. Lalhmangaiha, Muallungthu te chuan ni 20.3.2013 (Nilaini) dar 1:00pm hian Muallungthu Kohhran Hall-ah a nuamah pawh, hrehawmah pawh; kumkhuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

ADMISSION NOTICE

            Calvin Hr. Sec. School (Aizawl Public School tia hriat \hin) Kulikawn, Aizawl-ah Admission tih mêk a ni. School hmun nuam leh zirna atân duhthusâm a ni.

Classes : IX - XII (Arts)

Hostel nuam tak a awm nghal, Hostel awm nghâl tur tân Hostel Admission Free.

Ph.:      8731876946

            8730864690

Zânin EPL inkhêl turte

Sunderland Vs Norwich City (7:00)

Tottenham Hotspu Vs Fulham (8:30)

Chelsea Vs West Ham (9:30)

Wigan Athletic Vs Newcastle (9:30)

Z^ninLa Liga inkhêl turte

Malaga Vs Espanyol (4:30)

Sevilla FC Vs Real Zaragoza (9:30)

Osasuna Vs Atletico Madrid (11:30)

Barcelona Vs Rayo Vallecano (1:30)

Granada Vs Levante (1:30)

*** I thil leiah harsatna i tawh chuan Consumer Union-ah lo sawi rawh, puih che kan inpeih reng e.

): 9612163414 (Mb)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 10.3.2013

MIPUI AW

KARTIN CHHUAK

Vol. XIX Issue No. 10 Kristian Thalai  Pawl  Saikhamakawn Branch  Pathianni Dt.10.3.2013

VAWIIN CHANG VAWN

            Vaivut chu a awm angin leiah a chang leh a,Thlarau chu a petu Pathian hnênah a kir leh a ni.Thuhriltu chuan, “Engmah lo mai mai,Thil zawng zawng hi engmah lo mai a lo  ni,” a ti a. Thuhriltu 12:7-8

VAWIIN CHANG VAWN

            Ngai teh u, Pain min hmangaihna chu a va nasa em! “Pathian faahte” min vuah tak hi; chutiang chu kan ni reng e. He mi avang hian khawvelin min hre lo a ni, amah chu an hriat loh avangin.

KOHHRAN  PROGRAMME

10.3. 2013 (Pathianni)

Sunday School Inkhawm

|antu           : Pu C. Lalremruata (Marema)

Chawhnu Inkhawm

Thuhriltu    : Upa Zairemthanga

Zân Inkhawm

Thuhriltu    : Pu Khawlhmingliana

KTP PROGRAMME

 Dt. 4. 3. 13 (Thawh\an zan)

Neihthil thehkhawm

A hmun          : S.S. Hall

Hruaitu           : Nl. Lalhmunsiami

|antu              : Nl. R. Vanlalpeki

March thla chhûnga hla hruaitu leh

musician turte

Hla hruaitu    : Tv. Lalhmangaihzuala

turte                  Nl. Lalrinhlui

Musician         : Pu Lalduhkima

KOHHRAN  HMEICHHIA  (12. 3.2013)

KRISTIAN  CHHUNGKAW  PUAL

            Group hrang hrangte inah inkhawmna neih tur a ni.

PAVALAI INKHAWM PROGRAMME

A hmun    : Vestry

A hun       : 21. 3. 2013 (Ninga zân)

Chairman : Pu C.Zakhuma

|antu        : Pu Lalngheta

Thuhriltu : Pu H.Remtluanga

           

           

SERMON

PA  HNEN  THLENNA  KAWNG

Upa Lallawmchhunga

“Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo.  (Joh  14:6)

            Miring hi han in bih chiang ta ila, fel leh \ha intihna hian kan khat a, mahni chu \ha viau in kan in hmu a, midang chu \ha lo deuh in kan hmu a. Mahni tihsual chu âwm takin kan hmu a, midang tihsual chu khawngaih tâka ruanga rêl zui mai \hin mihring kan ni. Kei chu ka sual êm mai kan in ti a, ni e, ‘i sual a lawm’ min tih chuan ngai thei leh miah lo mihring kan ni tlat. Zu ruih hmangte, help ruk hmangte, fello taka thil titute hian Pa hnên hi thlen kan tum vek mai. A ni hi vanram a kâi chuan ka kâi âwm êm mai kan ti \hin. Ngun takin inngaihtuah ila, Pa hnên vanram kan kal leh kal loh chu roreltu thu a ni a. Ni hnuhnungah chuan Rorêl  sakin kan la awm dawn. Thu kan nei lo.

            Mi fel leh \ha nîa inhriatna hi Lalpa hmaah hian a lo ten awm khawp mai. Mi fel tak nih inringa, midang zawng zawng hmusit thin tute emaw hnêna mi pahnih Pathian biak ina \awng\ai tura an kala tehkhin a\ang khân kan hmu thei ang( Luka 18:14). Pathianin ka mifel Joba, a tih ngêi pawh khân a felna kha sim a lo ngai  reng mai, Pathian hmâah hian kan felna ber pawh pawnchhe hnang khâi ang mai a lo ni e.

            Pa hnên thleng tur chuan thianghlim a ngai si, keini chu kan thianghlim si lo, kan ngaihtuahna zawng zawngte chu sualna hlir mai a ni a, thinlunga thianghlimte chauhin Pathian an la hmu dawn si (Mt.5:8). Chuvangin mi zawng zawng nêna inremna leh thianghlimna kan ûm a \ul, chu mî thianghlimna lovin tuman Lalpa an hmu lovang. ( Heb 12:14).

            Thianghlimna leh fel famkimna rêng rêng kan neih loh avangin, kan thianghlimna leh kan fel famkimna atân sualna rêng rêng neilo, Van Angel ten an fak nin theih loh mi fel famkim Lal Isua Krista chuan kan famkim nante, A thisena thiam kan chan nân leh Pa hnên kan thlen theih nân kan tawrh ai Kross-ah min lo tawrh sak ta. Krista thlangtute hnênah Pathian Khawngaihna chu a thlâwna pêk kan lo ni a, Krista nun \awmpuitu apiangte hnênah Pathian Thlarau thianghlim hnathawh a lo thleng a, a lo thleng zêl ang. Lal Isua Krista a awm reng mite chuan khawvel sual an kal san \hin a, thutakah an awm a, chatuan nunna an lo nei \hin.  Lal Isua Kristaa awm hi Pa hnên thlenna a ni.

            Mahni tâ pawh kan ni tawh lova mana lei kan nih tawh a, chuvangchuan kan taksa hian Pathian chawimawi ila, Lal Isua hniak hnung hi zui mai ila, chu chu Pa hnên kan thlenna kawng a lo ni e. Amen.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

A HUN LEH A HMUN

            Thufing chuan, “A hun takah engkim ti la, a hmun takah engkim dah rawh” a ti. Chuvangin hetiang chiah hian mihring kan nih chhûng hian thil rêng rêng hi a hun leh hmun kan thliar thiam a pawimawh \hin khawp mai. Fiamthu pawh hi a hunah chuan a hlimawmin thil \ha tak a ni, amaherawhchu a hun lovah chuan midangte tân thinrimna emaw lungngaih ti zualtu lek pawh a ni thei. Hetiang chiah hian inhmuam ûp reng bula awm a hrehawm thei bawk. Chuvang chuan nuih hunte, hlim hunte, nawm hunte, \ah hunte, lungngaih hunte, ngui hunte, hrehawm hunte leh adt. pawh a awm thei a, a hun hi kan thliar thiam viau a pawimawh khawp mai. Hetiang chiah hian thil rêng rêng hian hmun a nei bawk a, “A hmun lova thil awm chu bawlhhlawh a ni” te an lo ti \hin. kan thil neih bungrua leh thil dang hrim hrim, keimahni thleng hian a awm lohna tura a awm emaw kan awm lohna tura kan awm emaw anih chuan bawlhhlawh a ni a; bawlhhlawh kan ni thei bawk. Chuvangchuan thil rêng rêng hi a hun leh hmun thliar thiam i zir zêl ang u.

ARTICLE

FACEBOOK

-Dinga Fanai.

            Facebook hi kan hmang uar ta hle mai a, chuvangchuan fimkhur hi a ngai a, Hack ang chi tam tak pawh a awm; chumaibakah hetiang lam hi inkhuahkhirhna dân fel fai taka siam a ni tih hria ila. Post ang chi leh Comment ang chi-ahte hian a theih ang angin fimkhur ila, chumaibâkah zahmawh rawng kâi ang chite phei chu Union Cabinet chuan 11th October, 2012 khân Indecent Representation of Women (Prohibition) Act, 1986 “Amendments’ chu Prime Minister Manmohan Singh Chairmanship-na hnuaiah pawm/nemngheh a ni tawh a, Indecent Representation of Women (Prohobition Act) hmangin Mobile Phone (MMS), e-Mail leh On-line hmanga zahmawh rawngkâi theh darh vângin kum sarih (7) thleng Lungin tân theihna a ni.

            Facebook Hacking lamah kal ve thung ila. Hacking hi a nasa êm êm mai a, hetiang kawngah hian kan lo fimkhur theih nân hetiang hian tichhin teh ang. I Profile an lo Hack tih i hriat rual rualin i Account-ah lût nghal la, i Email emaw Phone Number emaw thlâk nghal ang che. Chumi rual chuan i Password pawh thlâk nghal ang che. Mahse, kei ka tawn ve tawhah chuan a Net a muan hun lai hi a ni fova, helai hunah hian a muan phah em chu ka hre lo. Miin kan Account an Hack \hin hi chuan kan Contact Number an hriat a\ang leh kan Email ID an hriat a\angin a ni ziah. Kan Password an hriat kher a \ul hran lo. kan Password tel lovin min Hack thei tih hi hriat a \ha khawp mai. Chuvangin kan Contact Information hi mi zawng zawng hriattir a \ha lo \hin. Chumaibakah Password han Risk mai awlsam chi; entirnan: kan hmingpum ang chite, kan Birthday ang chite leh veng hming hman mai ang chite hi a awmsam viau nâa hman loh a \ha khawp mai. Fimkhur luat a awm love. Hetah hi chuan Numerical Number emaw Symbol emaw ang chite hi hmang tel ila engemaw chenah a \ha khawp mai.

Computer a\angin: Facebook-a Search Bar a\ang khân Secutiry tih Search la, Facebook Security-ah khân lût la; kha mi Page kha Like ang che. A \ha khawp mai. Account settings ah lût leh la, chutichuan security-ah lût leh la, secure browsing kha ‘enable’ ang che.  Tin, a hnuai chiah Login Notofication ah khân lût leh la, Email or Text message/Push notification tih kha i tick chuan; i account-ah mi tupawh luh an lo tum chuan Email emaw i phone-ah emaw, luh tumtu-a chu; a luh tumna a rawn hrilh nghal zêl tawh ang che.  Message i dawng ziah tawh ang. Chutichuan, a dinglam sira ‘account protection status’ tih kha medium emaw low-ah emaw a awm chuan i update \hin dawn nia. Chutichuan, nangma Account-ah lût leh la, About-ah khân lût leh la, Contact Information-ah khân i Email ang chi zawng zawng leh i Contact Number ang chi ho kha ‘Only Me’  bawk ang che.

Phone a\angin: Phone a\angin i lût \hin a nih chuan Computer khawiah emaw va khawih zawk la, a chunga kan sawi ang tho hian; amaherawhchu Keep me Logged in-ah khân i Click ve thung anga, hei tak hi; phone Bookmark-ah lo save tur a ni. Chutichuan Bookmark tawh sâ a\ang chuan inluh apiangin Security \ha tak hnuaiah a lut ziah dawn tihna a lo ni ang. Chumiawmzia berah chuan chu ‘keep me logged in’ tih ah khân in tick anga, chu chu phone a\anga lûtin Bookmark tur tihna a ni. Tichuan log out mah ula in link save sa a\anga in luh chuan security kha a in activate reng tawh mai ang. A chunga secure browsing kan tih hi phone \henkhatah chuan a ‘enable’ theih tawh bawk.

HRISELNA HUANG

HRISELNA HUANG

BERUL

A chanchin tlângpui: Berul hi thlai zâm chi a ni a, a hnah hi changkha hnah ang deuh a ni a, mahse changkha hnah ai chuan a lian deuh zawk.

Damdawia hman theihte: A rah.

Damdawia hmannate:

Rul chuk:A rah chhîp lam emaw mawng lam emaw tan chhum a, rul chukna hmuamhma fawh tirin a tûr a fawp chhuak thei.

BUARZE

A chanchin tlângpui: Buarze hi hnim chikhat feet 3 vêla sâng a ni a.A hnah hi hnah zum sâwl hlâi deuh a ni. Hnim dang ang lo takin a kûngpui a\angin a \ang a chawr ve ngai lo.

Damdawia hman theihte: A kûng pumpui.

Damdawia hmannate:

Pânchhia: A kûng 60gms silfaia tui liter khatin mei na vak lovah 250ml anih thlengin chhuan kang a, 60ml zêlin ni 15 chhung nitin zing leh tlaiah in tur a ni.

Thâwk lama harsatna nei, thawhah: A chung ami anga damdawi siam, ni 15 chhung nitin zing leh tlaiah in tur.

Tuberculosis (TB): A hnah densawm tui sawr 5ml leh sawhthing ro rawtdip tlemte chawhpawlh a, nitin zing leh tlaiah thla khat chhûng in tur a ni.

Lu phut: A hnah râwtsawm tui sâwr luah thih a, zût tur. A tlêm berah darkar hnih tal chiah tir tur a ni a, lu sûkin sahbawn hman loh tur. Karkhat chhung nitin tih tur a ni.

Hliam leh pem: A hnah tui sawr pemah hnawih a \ha.

Pân: A hnah nuaisawm tui sawr nitin vawi hnih pemah hnawih a \ha.

Pumpui chak lo, chaw pâi \awih harsat: A hnah hring ei a \ha.

Santên: A hnah tui sawr 5ml leh khawizu 5ml chawhpawlh a, nikhatah vawi thum zêlin ni li chhûng in tur a ni.

Ran pân: A hnah ei tir a \ha.

BUHTUN

A chanchin tlângpui: Buhtun hi Mizoramah chîng an awm ve nual. Nausên tân chaw \ha tak a ni a, dâwra nausên chaw an zawrh \hinte ai hian a \ha zawk.

Damdawia hman theihte: A fang.

Damdawia hmannate:

Nausên chaw: A fang râwtdipin buhhâwp siama, nausên pêk tur.

Ran pân: A vûi tuamtu hmul ziah thlâk a, tui tlemte nen chawhpawlhin ran pânah hnawih a \ha.

BIBLE  QUIZ  No.10

Ii Chronicles  BUNG 16-20

A kâr âwl dah khat rawh :

Q1.Tin, Davidan hâlral thilhlan leh remna thilhlante a hlân zawh chuan, _________ mipuite chu mal as awm a.

Q2.Aw, a chhiahhlawh Israela thlahho,Jakoba thlah, __________.

Q3. Amah ___________ ula, amah fakin zai rawh u;A thilmak tih zawng zawng thu chu chui rawh u.

Q4.Leilung zawng zawngte u, a hmaah khur rawh u;

Khawvel hi a________ lohna tûrin tihnghehin a awm a.

A bung leh châng dah rawh :

Q1.Tin, Nathana chuan Davida hnênah, “I rulrua i vei ang tak chuan ti ta che: Pathian i hnênah a awm si a;” a ti a.

Bung: ...............          Chang: ....................

Q2.I chiahhlawh chawimawia awm chungchang thuah hian Davidan i hnênah eng nge a sawi leh cheu vang? I hnênah eng a sawi leh cheu vang? I chiahhlawh hi i hre chiang hle si a.

Bung: ................         Chang: ....................

Q3.Tin, Davida chuan Hadarezera khua Tibhat leh Kun-a mi Davida chuan dar tam tak a    hawn a, chung chuan Solomona dar tuizêm, a hunna leh a suahna dar note a siam a.

Bung: ................         Chang: ....................

Q4.Tin, Philisita mite nena indona a awm leh a; tin, Jaira fapa Elhanana Git mi Goliatha unaupa Lahmia a that a, a feingul chu lian tak a ni.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 9 RESULT

Chhanna lut zawng zawng : 5

Chhang dik vek                       : 5

Lawmman dawngtu     : Lalruatkima (Ch.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

HRIATTIRNA

            Coffee Grower Association Member-te vawiin chawhnu inkhawm b^nah hian thu pawimawh tak ngaihtuah tur a awm avangin Pu Lalsailova te inah inhnumhkhawm lawk tur a ni e.

Sd/-

(LALRINTLUANGA)

Chairman, Coffee Grower Association

Saikhamakawn

LAWRKHAWM

            CHATUAN  RAM  LAMAH

J.LALPARA

KUM : 64

            Ni 5.3.2013 (Thawhlehni) khân natna leh hreawmna awm tawh lohna chatuan ram min lo pansan ta a, a kalsan tâk; a nupui, a tû leh fate leh a chhungkhat lainâte Mipui Aw Editorial Board chuan kan tawrhpui takzet a, Pathian thlamuanna leh awmpuina a chan zêl kan duhsakin; chu chu kan \awng\aina a ni e.

HRIATTIRNA

            Siakhamakawn-a bawlhhlawh Motor-a khawna paih leh bawlhhlawh paihna man thla tin `30/- a khawn \hin hi Aizawl Municipal thupêk anga khawn a ni tih mipui ten min lo hriatsaka; pe zêl tura ngen leh hriattir kan ni e.

Sd/-

(ZONUNSANGA)

Secretary

 Local Council

Saikhamakawn

CANDID ENGLISH SCHOOL

            Admission KG-I to Class-VIII thleng hawn a ni.

Admission Fee:           `800/-

Tution Fee:      `400/-

KG-I Admission `500/- (Kawr leh kekawr Free)

Zânin FA Cup Quarter Final inkhêl turte

Millwall           Vs Blackburn (7:30)

Man. Utd. Vs Chelsea (10:00)

N.P.S.S. SPORT

            Naupang Sunday Sikul te chuan ni 8.3.2013 (Zirtawpni) khân Rajiv Ghandhi Stadium, Mualpui-ah intihhlimna hun hmangin Item hrang hrangah in elna thianghlim leh hlimawm tak an hmang.

KOHHRAN HMEICHHE INKHAWMPUI

            Mizoram Presbyterian Kohhran Hmeichhe Inkhawmpui vawi 45-na chu Republic Field-ah neih mêk a ni a, nizan khân  Pi Khawlvuani, CKH Vice Chairman in thu a sawi. Tin, vawiin chawhnu inkhawmah hian kan Bial Kohhran Hmeichhe Zaipawlte an zai bawk dawn a ni.

LAWMTHU SAWINA

            Kan pa duhtak J.Lalpara’n min boralsan chungchângah lawmthu sawi tur tam tak kan nei a, mimal tin chungah lawmthu kan sawi sen loh avangin chanchinbu kal tlanga lawmthu kan sawi hi min lo pawm sak \heuh turin kan ngên a che u.

            A damloh \an tirh a\anga amah hmangaih leh lainat taka enkawltute chungahte, in lam leh damdawiin lama amah kan a, thâ leh zung, sum leh pâi sêng \hintute chungahte, amah \awng\aipui \hin tute zawng zawng chungahte, a boral tâk hnua engmah ui lova amah hmangihna leh lainatna lantirtute chungahte, kan khawhar hnêm tura min  riahpuitute chungah leh vawiin thlenga min thlahthlam lova min lenpui a, min tawrhpui a, min lainat a, min tawngtaipui tute zawng zawng chungah lawmthu kan sawi tak meuh meuh a ni e.

In khawngaihna dawngtu,

Pi Lalchhanhimi leh a fate

Saikhamakawn

TUALCHHUNG

,Pu Lalthankima h/o Hmangaihsangzuali (Ch.Sec) chu damlohna avânga hun rei tak Civil Hospital-a enkawl anih hnûin alo chhuak.

, Pu Vanlalsanga h/o Vanropuii (T.Sec) te nupa chuan a pahnihna atan Civil Hospitalah fanu duhawm tak an nei.

Zânin EPL inkhêl turte

Newcastle Utd. Vs Stoke (8:30)

Liverpool Vs Tottenham (9:30)

Fulham Vs Chelsea hi Postp. a ni.

UCL inkhêl turte (R-16)

Thawhleh zân

Barcelona Vs AC Milan (1:15)

Schalke 04 Vs Galatasaray (1:15)

Nilaini

Bayern Munich Vs Arsenal (1:15)

Malaga Vs FC Porto (1:15)

TIAM TLAT E

            Tv.T.Lalmuanpuia s/o T.Lalrinthanga leh Nl.HP Lalthantluangi d/o H.Sanglura, Chhinga Veng te chuan ni 15.3.2013 (Zirtawpni) dar 1:00pm hian Saikhamakawn Kohhran Biakinah Kohhran dân thianghlimin a nuamah pawh, hrehawmah pawh; kum khuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

ADMISSION NOTICE

            Calvin Hr. Sec. School (Aizawl Public School tia hriat \hin) Kulikawn, Aizawl-ah Admission tih mêk a ni. School hmun nuam leh zirna atân duhthusâm a ni.

Classes : IX - XII (Arts)

Hostel nuam tak a awm nghal, Hostel awm nghâl tur tân Hostel Admission Free.

Ph.:      8731876946

            8730864690

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300