Biakin Thar

Saikhamkawn Presbyterian kohhran

B I A K I N    T H A R

Vol. I   Issue No.1                   Saikhamakawn Presbyterian Kohhran              Dt.17.11.2012 Inrinni

SAIKHAMAKAWN KOHHRAN BIAKIN

            Saikhamakawn Kohhran hi Melthum Kohhran a\angin ni 6.10.1974 khân a indang a, ni 1.11.1975 ah Kohhran puitlingah hlân kai a ni.

            Saikhamakawn Kohhran Biakin hmun hi Saizawna ram `2000/- in kum 1974 khân lei a ni a, kum 1974 vêk hian sak \an nghal a ni a; a dung 32ft leh a vâng 20ft-a sak a ni a, a bang dâp a chung dî hman a ni.

            Hemi hnû kum 1977-ah sak\hat leh niin a dung 47ft leh a vâng 27ft-a sak niin a bang RCC, a chung rangvaa sak a ni. Hei hi hun rei tak chhung hman a ni. Hun lo inherliam zêlin ni 18.12.1993 Kohhran kumthar ruahman committee chuan Biakin sak\hat leh a rêl ta a. Ni 11.2.1994 ah Building Comittee \hukhawm chuan Biakin sak\hat dân tûr chîk taka enin rêl \an a ni ta a ni. Chutichuan, Bial khawmpuiah thehluh a ni a, an lo rem tih hnûah kum 1994 Chhimphei Presbytery, Sumsuih-a neihah ngaihtuah leh niin pass a ni bawk. (Hei tih lâi hi Chhimphei Presbytery-a kan awm lai a ni)

            Hemi kum; kum 1994 hian chhûng tin thawh turin Budget an siam a, kum khat Budget hi `77,350/- a ni a, `62,270/- hmuh a ni. A châng phei chuan KTP, Kohhran hmaichhia leh Non-Mizo Fellowship thlengin Budget hi siam sak \hin an ni. Hemi kum hian Biakin sakna lamah hian kutthlâk ala ni lo.

            Biakin sak nâna hnathawh hmasak ber hi ni 18.2.1995 niin, Rora chhûa hnatlâng neih a ni a, chubakchu hemi kum pawh hian chhunzawm a ni ta lo. Tin, a kum leh; kum 1996 hian Rawra chhu bawka hnatlâng neih leh a ni a, hemi kum pawh hian hei bâk chu hnathawh a awm lo. Kutthlâk \an tak chu ni 1.11.1997 niin a hmun laih hnatlâng neih a ni.Hnatlân hi chhunzawm zêl niin a vûng paihna tawlailirte siam a ni a, chumaibakah JCB leh Tripper pawh hman \hin a ni.

            Biakin lungphûm hi ni 28.10.1998 (Nilaini) zing dar 6:30-ah phûm a ni a, Rev. Vanlalvena (Bialtu Pastor)-in a phûm a. Hemi hunah hian Upa Denghluma’n \awng\aina hun a hmang a, thuchhiar inchhâwn(Kristian Hlabu a mi) leh \awng\airualna hun hman a ni bawk a, tin, Kohhran Zaipâwl ten Pathian fakna hla an rem bawk. Biakin Lungphum hi Biakin hmâr thlang, tuna Biakin banpui hnuaiah hian phum a ni.

            Biakin hlui hi \hiat lovin sak hnan a ni a, \hiah dawn hian Programme hran duangin Inrinni zan a\anga Pathianni zân thlengin hun hman a ni. Chutichuan biakin hlui chu 21.4.2003-ah \hiah a ni ta a ni. Hun engemawchen chu tuna Sunday School-ah hian inkhawm a ni a, chumai bakah naupang lam Department \henkhat chu Primary School lamahte inkhâwm hran a ni bawk. Chutichuan tuna Biakin hi ni 16.8.2003 (Inrinni) zan a\angin a hawnna awm lovin luah luh \an a ni. Amaherawhchu luah \an anih hian Programme duana hman a ni.Chairman-ah Upa Lalrindika a ni a, Building Secretary-in report pêin Kohhran Zaipawlin hla an rem bawk.

            Biakin luah tharah hian Upa Dênghluma’n thu a sawi hmasa ber a; Pathianni chawhnu inkhawmah thu a sawi a, a dawt zan lamah Upa Lalchhuanmawia’n thu a sawi bawk.

            Biakin sak naah hian hnatlâng vawi tam tak neih a ni a, kohhran mipuite a\angin sum leh pâi tam tak thawh a nih mai bâkah dâp 12ft a sei, pathum \heuh chhûngtinin thawh tur tihte leh tha leh zung, theihna leh thiamnate leh thil dang tam tak hman leh sên ral a ni. Chutichuan Biakin hi sak chhunzawm zêl niin tun dinhmun hi kan lo thleng ta a ni. ‘Lalpa chu fakin awm rawh se.’

EDITORIAL  BOARD

Editor :

Tv.PC.Vanlalhriatpuia

Jt.Editor:

Pu R. Lalmuanpuia

News Editors :

Tv.RLalzamlova

Tv.R.Zodinsanga

Tv.F.Laldingliana

Tv.Lalhmangaihzuala

Circulation Manager:

Pu.C.Lalnunsanga

Editorial.........?

            Hun rei tak a\anga kan lo nghah tawh Biakin hawnni chu Pathian hruaina hnûaiah kan thleng ta. A lawmawm hle mai. Hetiang hun \ha leh lawmawm; nang leh keiin kan chan bîk hi kan vanneih zia hriat thar a \ulin Pathian hnenah pawh lawmthu i sawi mawlh mawlh ang u.

            Hla thûin “Hmâna miten hmuh an châk ni lawmawm hi, hmu lovin sâng tamtak an liam ta” alo tih ang deuhin, Biakin sak \an ni a hlim tak leh phûr taka tha leh zung, theihna zawng zawng sêng tuten vawiin ni hun lawmawm leh hlimawm an hmu ve hman ta lo erawh rilru a pangkhing hle mai. Chutihlai erawh chuan biakin sak \an lâi vela naupang kum 2 vel mi khan vawinni ah chuan biakin thar lawmna hlâ kohhran zaipâwl ten an remnaah kan tel hman lawi si. Keini zawng kan chang bik hi kan vannei hlê ti chungin Pathian fakin hlim takin i chawimawi sauh sauh ang u.

            A tawp berah chuan he biakin tharah hian sual vanga hliam tuar mekte, mahni intidamzo tawh lo ten Pathianah damna an lo chan chhunzawm zêl theih nan, a chhunga cheng ten mawhphurna kan va ngah êm! Biakin ropuina leh a mawina ber hi eng nge ni? A len zâwngah te, a lan dânah te kan teh chuan a buk \helhin a \helh ngei ang. Vawin nia kan biakin thar hawn ah hian thlarau chau ten chawlhna an zawnna hmun, damlo ten damdawiin âia an thlakhleh ngawih ngawih ni tura Pathian hnathawh ropui lanna In ropui tak lo ni zel zawk rawh se.

BUILDING COMMITTEEE

# Kum 1994 - 2012 chhûngin Building Committee vawi 142 neih a ni. (Join Committee leh \hutfual tel lovin)

# Committee neih tlêm ber kum chu kum 1995 leh kum 2008 niin hemi kum hian Committee vawi 2-chiah neih a ni.

# Committee neih tam ber \um hi kum 2003 niin Committee vawi 16 lâi neih a ni.

BUILDING  COMMITTEE CHAIRMAN  2012

            Kohhran hausa kan ni lova, Biakin hmun rem tak chunga sâ kan ni hek lo, chutichungin hetiang Biakin kan sa thei a, vawiinah kan hawng ve thei ta mai hi Pathian hruaina leh awmpuina lîau lîau a ni a, Lalpa chu fakin awm rawh se.

            He Biakin sakna atana tha leh sumte, rilru leh ngaihtuahna tam tak sêngtu zawng zawng chungah lawmthu kan sawi a, chutihrual chuan vawiina tel ve thei ta lo chatuan ram min pansantate kan hre reng a, zahna kan hlân e.

            He Biakin hi Lapan a kohhrante intihsawttawn nânte, a thu thianghlim puan darh nânte, in châwmnan leh inzirtir nânte leh Amah kan faka kan chawimawi nânte hmang zel rawh se.

Upa Lalzama

Building Committee hmasaber (1994) leh hnunungber (2012)

            Biakin sak naah hian Architech Tv.Lalnunfela rawih a ni a, a rawihna man hi `59,100/- a ni a, mahse, Biakin sak \anpuina turin a tia, `37500 chiah al^ a, a chungah Saikhamkawn Kohhrante chu kan lâwm hlê a ni. Tin, Budget Estimate hi `40,00,000 /- (Maktaduaih li) a ni.

BIAKIN CHANCHIN DINHMUN HRANG HRANG

, Mihring lengzât : 576.

, Lîang sân zâwng : 26ft.

, Celling sâng lai ber : 25ft.

, Ceilling hniam lâi ber : 22ft.

, Chhuat a\anga a chhîp sân zâwng : 39ft.

, Chhuat a\anga Cross chhîp sân zâwng : 52ft.

, Biakin zâu lam : 68ft. x 45ft.

, Vestry zâu zâwg : 43ft. x 16ft.

, Gallery zâu zâwng : 44ft. x 16ft.

, S.S.Hall zâu zâwng : 59ft. x 51ft.

, Senior Hall zâu zâwng : 29ft. x 21ft.

, Choka zâu zâwng : 24ft. x 16ft.

, Sacrament Hall zâu zâwng : 14ft. x 28ft.

, Beginner Hall zâu zâwng : 14ft. x 25ft.

Hnatlang zât (Vawi zât zêlin):

Kohhran nilêng hnatlang : 72

Thasên (Nilêng) : 2887

Zân hnatlâng : 29

Thasên (Zân) : 825

Hnatlâng neih zawng zawng : 101

Thasên zawng zawng : 3712

(Hei hi Record-a hmuh theih chin a ni a, hei bâkah hian Record loh tam tak a awm bawk)

Sum hman dan:

* Biakin chungah hian Roof Trust hman a ni a, `1,48,000/- man a ni.

* Window Frame hi `79,560/- man a ni.

* Ventilation hi `10,800/- man a ni a.

* Darthlalang hi `10,800/- man a ni bawk.

* Rangva, Ceilling leh Phutin hi Silchar ami chah a ni a,

            -Rangva Bandel 333,`75,900/-

            -Celling `27,200/-

            -Phutin 100Kg, `3,600/-

* Sum sên ral zawng zawng hi `83,29,366  a ni.

Mipui Aw 11.11.2012

MIPUI AW

Vol. XVIII Issue No. 46 Kristian Thalai  Pawl  Saikhamakawn Branch  Pathianni Dt.11.11.2012

VAWIIN CHANG VAWN

Insual bur bura ruaithehna in ai chuan

Inrem taka chaw thing bâr khat eina a tha zawk.

                                Thufing 17:1

KOHHRAN PROGRAMME

11.11. 2012 (Pathianni)

Chawhma S.S inkhawm

Tantu          : Pi Lawiziki

Chawhnu

Thusawitu  : Pi Khawlvuani

Zan Inkhawm

Thusawitu  : Upa R.Lalngena

KTP PROGRAMME

 Dt. 12.11. 12 (Thawhtan zan)

NEIHTHIL THEHKHAWM

Hruaitu : Upa Zonunmawia

Tantu     : Tv Benjamin Lalduhsaka

November thla zai hruaitu turte

Hla hruaitu   : Tv R.Zodinsanga

turte                 Tv P.C.Vanlalhriatpuia

Musician       : Upa Lallawmchhunga

                          Tv. R.Lalzamlova

VAWIIN  TLAI   FELLOWSHIP

A hmun    : S.S Hall

Hruaitu      : Nl Lallawmsangi Hrahsel

Tantu       : Nl Pricilla Lalramsangi

       

KOHHRAN  HMEICHHIE

PROGRAMME (Ni 13.11.2012)

            Kristian Chhungkaw puala hun hman tur a ni.           

           

           

SERMON

I THU ANG ZELIN

             He khawvelah Lal Isua Krista misualte chhandam tura a lokal theihna atana Pathian remrtuatnaah hian mihring ang a lo piangin, mihring nihna famkim amahah belin a awm a. A lo piang chhuak a, he khawvel damlai kawng chhuk chho hi rawn zawh ve in, Chhandamna hna chu a hlen chhuak famkim a ni. He Lal Isua Kristan chhandamna hna a thawh theihna atan Pa Pathian kawng buatsaihah hian mihringte pawh hmanruaah  hmangin, he khawvel dan ang Lal Isua alo pian chhuah theihna tur atan khan hmeichhiain a pai a, a hrinchhuah  a ngai a ni.

            Lal Isua Krista Pathian fapa meuh mahni pumchhungah han pai a, han hring chhuak tur meuh tura Pathianin Mari nula sathial ve mai nia lang a han thlang nalh mai hi a mak hle mai. A hunlai ngaihtuah chuan Mari aia nula dang thlan awm hliah hliaha mihring lam chuan kan ngaihte tam tak an awm ngeiin a rinawm. Hetih hunlai hian Juda te zingah pawh miropui tak tak leh an sakhaw lamah pawha hotu lian tak takte fanu tha tak takte pawh an awm ve ngei ang a. Chutih lai karah Pathian thlan Mari hi Bible-a kan hmuh dan chuan engmah chhungkua leh amah nihna hrim hrimah hian han chhuan em em tur thil ropui tak hi hmuh tur a awm lo a niang. Bible a kan hmuh dan chuan Galili ram khaw pakhat Nazaret khaw nula thianghlim tih a ni ve mai a. Chuta karah mi nupui hual ni lai mek a ni leh nghal. Lal Isua Krista a pianna hmun atan pawh khual buk pawh chang ve lo awm reng a, nun leh chhungkaw khawsakna kawngah pawh a mi ropui tehchiam lo niin a lang a ni.

            Chutiang anih karah chuan eng ngati nge Pathian hian chu nula chu khawvel chhandam tura a fapa Lal Isua Krista pai tura a thlanchhuah nalh mai le? tih hi a ni.

            Mari nun hun hmalam leh an chhungkaw dinhmun hi kan hmu thui lo hle mai. Amaherawhchu, Lal Isua pai tura Vantirhkohin a hnena a thu thlen chungchang a chhan dan han thlir vang vang hian Mari hi Pathian hian a thlang sual loh zia chiang takin kan hmu thei a ni. A hunlai ngaihtuah chuan Nula thianghlim leh mi nupui hual lai mek han rai tak ngawt mai chu ngaihtuah tur a tam hle awm e. A pasal hual te leh an sakhaw dan leh dun te, khawtlang leh chhungkua te thlenga han ngaihtuah chuan thil huphurhawm tak niin a lang. Amaherawhchu Mari hian Pathian thu a nih tawh chuan khang zawng zawng ai kha chuan  I THU ANG ZELIN KA CHUNGAH THLENG RAWH SE tia Pathian hnena inhlan mai kha a nun a ni tlat. Hetiang nun neitu anihna hi a ni Pathian chuan A fapa pai tlakah a ruat nachhan ni. Lalpa bawih a nihna in hre chianga, i thu ang zelin ka chungah thleng rawh se ti thei tute nunah hian Pathian ropuina tarlanin a awm thin. Mari ang hian i thu ang zelin kan chungah thleng rawh se ti theitu nun hi kan neih ve hi keimahniah Pathian inpuanna theihna atana hmanraw pawimawh ber a ni.

                       

EDITORIAL  BOARD

              (

Editor :

Tv.PC.Vanlalhriatpuia         - 9862732381

Jt.Editor:

Pu R. Lalmuanpuia               - 9612159842

News Editors :

Tv.RLalzamlova                   - 9612413196

Tv.R.Zodinsanga                  - 8974743073

Tv.F.Laldingliana                 - 9862378567

Tv.Lalhmangaihzuala          - 9862846345

Circulation Manager:

Pu.C.Lalnunsanga                - 9612413287

Editorial.........?

IN  SIAMREM  THIAM

             Hun leh ni te a lo in her danglam zela, kan hun hman mek pawh hi tun hma kum sawm liam ta atanga tehkhin chuan danglam nasa tak a ni. Kan hun hman mek mila lo in her rem zel hi kan tihtur a ni chutilo chuan mi zingah mawl nih kan hlawh mai dawn a ni.

            Nun nghet neih kan ngaisang hle a, nun inthlakthleng thiam lo neih erawh thil thalo ber a ni. Kan hmanlai ngaihdan mawl pui pui nghet taka vawn bur chin te hi nun nget kan tihah hian khung len a har viau mai. Dik leh tha kan tih kawngah tumruh takin kan kal anga mahse kan dikloh na lai miin min rawn sawi chhuah sak a nih chuan thiam takin kan inpawm ngam a tul hle. Ngaihdan thlak harsat lutuk hi thil tha a nih viau laiin thil thalo tak a ni thei bawk.

            Sawi ta zel ila, Kohhran rawngbawltu tan bik ngat phei chuan kan nuna thil lo thleng reng reng hi kan pawm thiam a tul a, chumi chu hmanrua a hman a, nun insiam that nana kan hmanthiam a tul tak meuh meuh a ni. Tin, Bible hriatna kawngah zau taka kan in zir a tul hle a, chu chu kan thlarau nun chawmtu tur pawh a ni ngei mai, hemi rual chian hian khawvel mite hriatna aia hriatna hniam bik kan neih a thiang lo. Khawvel in lumlet dan zawng zawng hi rawngbawltu tha chuan a hre phak ngei tur a ni bawk.

            A tawp berah hei hi hria ila, Lalpa tih hi finna bul a ni tih thu hi. Pathian at na chu mihringte finna ai pawhin a fing zawk tih Bibleah kan hmu, Hawh u Lalpa i tih tlang ang u.

ARTICLE

HMANGAIHNA !!!

Lalhmangaihzuala

            He hringnunah hian eng nge pawimawh ber ang tiin zan khawtairek thleng thak thak beng sika ka ngaihtuah pawh hian hriat a har ka ti hle thin. A chhan chu ngaihtuahna mawlmang tak ka neih vang te pawh a ni mahna le. Mahsela chutia ngun taka zan tin vei bera han neih takah chuan he thu tawite hi ka ngaihtuah chhuak ve ta hlawl mai a. Hemi kawnga gaihtuahna hrang hrang lo hmang tawhte kut hnu pawh hmuh tur a awm nual hlawm reng a. Chu chu Hmangaihna hi a ni. Hmangaihna dawng ngai hauh lova in hriate pawh hian hmangaihna hi an nei tlat lawi si. Kan thil tawn atanga kan hriat leh kan neih a nilo tih chu a lang fiah nghal mai awm e. Pathianin mihringte a siam hian hian he Hmangaihna hlu tak hi chu a lo dah tel ve ngei a ni tih nghet takin a rin theih awm e.

            A nih leh mi i hmagaih a ni tih engtin nge i hriat theih tak ang le. Mi thil chik mi leh fing tak tak te pawhin an lo hrifiah ngeinguai tawh a. Hei hi chu a dik a ni tih theih a awm chuang hauhlo. Mahsela nang leh kei hian hmangaihna awmzia i hriat thiam theih ang ber rilru kha midang chunga i pu a nih ngat chuan chumi chu i hmangaih a ni tiin sawi ila, a dik ngei ang le. Mitin hian hmangaihna kan sawifiah dan leh kan hriatfiah dan a in ang hauh lo. Hmangaihna kan lak urhsun dan pawh a in ang lo ang. Nangman thuk taka i hriat dan ang aia lap takin mipakhat chuan mi ka hmangaih tiin lo sawi ta sela, i ngaihdanah chu a hmangaihna chu tlinglo viau mahsela, chu pa chuan a hriatthiam ang tawk chiaha a hmangaihna rilru a pu a nih chuan a hmangaih hle a ni thung si. A hmangaih lo tiin i sawi thei lovang. Chutiang chiah chuan miin thuk leh ril taka hmangaihna a hriatthiam a, chumi ang tak chu midang chunga a lantir chuan a hmangaih tihna a ni bawk ang. Hmangaihna nasa leh nasa lo hi a awm thei tak tak love, hmangaih tu rilruin hmangaihna a hriatthiam dan tawkah a innghat ta tihna a ni ber awm e. Hmangaihna kan hriatthiam ang tawka mi kan hmangaih chuan kan hmangaih hle tihna a ni.

            Thenkhat chuan chhan neia hmangaihna hi hmangaihna tak a ni lo te an ti fo thin. Mahsela hmangaihna hi chhan nei a lo piang a ni tih hi kei ka ngaihdan a ni. Nu in a fa a hmangaihna chhan chu a rila rah a fa a nih vangin a hmangaih a ni. Tlangvalin nula a hmangaih chhan chu amaha hmangaihna tur chhan lian tak a hmu tihna a ni bawk. Kan Pathian ngei pawh hian mihringte min hmangaih chhan hi zawng ta ngat ila khawilaiah emaw chuan chhan a lo nei mial a rinawm tlat a ni. A ngaihtuah peih chuan Pathianin min hmangaih chhan hi lo chhut ve chhin te reng u.

            Hmangaiha hi hnam fing zawk te chuan chi hrang hrangin a lo sawi thin, mahsela hmangaihna chu chikhat chiah a awm lo maw? Nu le fa in hmangaihna leh nula leh tlangval in hmangaihna te hi thliar hran chi a niin ka hre lo. Mi zawng zawng hi chhan engngemaw vangin kan in hmangaih a, mahse hmangaihna erawh pakhat chauh a ni thung. I pawm ve em le?

BIAKIN HAWN NI CHUAN E...

(Famtate Pualin)

K.Vanlalruati.

Dt.17.11.2012 alo inherchhuak anga, Saikhamakawn Biakin thar chu hawn ani dawn ta maw!!! Famtate pualin ziah ve alang tlat nia. Biakin lungphum phum ni khan zingkarah pialtlêp chung open-air-ah Kohhran Zaipawl ten hla rem a ni a, ka telvein Contralto ka sa lehnghal. Rei ve tawh asin. Biakin thar sak bul ţana leilaih laite, Electric leh Petromax hnuaia zan hnatlâng kan neih ţhinte, leivûng pawh tawlailir ngatin Ngaizel khâmah kan paih ţhin a nih kha.

            Biakin hawn a ni dawn tih ka hriatin heng mite hi mitthlaah alo lang nghal a.

            T.Upa Vena Cement chawk lai, Rawra leh Balu thiar laite, a hova kan hnatlan zin ziate kha. Upa Denghluma’n taksa chak tawhlo tak chunga Biakin hlui tual zawla Rawra chhut hnatlâng a rawn tlawh kual hrâm hrâmte kha. Upa Lianzinga chalsam hnawk niâia Petromax êng hnuaia thirtianga lei a chhun karh karh laia an lai thûk zeal lei khi chat thûk tak tak lo awm mak ti akan en ho laih laih laite tak kha aw… Upa Lungtiawia’n hnatlâng thingpui lum leh dâl siam a ho taimâk ziate, sawhchiar an siam ţum chuan min suah hnem ţhin asin. Upa Chhuanmawia kha thildang a khawih bâk a, Electric fit ţhat ngai zawng zawgn fit ţha a a pharbuai ţhin ziate. T.Upa Sangzuala’n hnatlâng hming alo ziak ţhin a, “Ruati, heng hnatlâng hming hi kan chhinchhiah zêl anga, Biakin hawn niah chuan kan thasên zâtte kan târchhuak anga, kan la ngai dawn asin” tia phûr taka min hrilh laite. Upa nisi lo lung mize hria Pu Thangtea ţangkai ţhin ziate kha aw… Zak kau pawpa an hlap tawh chuan a vaw chhuak hnem thei ania. Tin, henga hming ziahlan ve loh tha leh zung, sum leh pâi tam tak sêng tute kan zînga awm ve ta lo, mual min liamsan ta zawng zawngte inngaihawm hle mai.

            Kan zîngah in lei taksa chu awm ve tawhlo mahse, nghakhlel taka inlo thlîr ţhin “BIAKIN HAWNNI CHUAN E” in rauthla tal chuan min telpui ngei kan beisei tlat asin. Biakin sak leh hawn awm tawh lohna hmun, kuta sak loh chatuan in mawi atangin puanvar ropui tak sinin min thlir ngei ang.

BIBLE QIUZ NO. 46

i Lalte  BUNG (7-11)

A Kâr âwl dah khat rawh :

Q1.Chu mi chu _______________ hnam hmeithai fa a ni a, a pa chu tûra khuaa mi, dar chher mi a ni         a;  ani chu dar chher kawngah rêng rêng chuan a fingin a hrethiamin a themthiam hle     mai a. Lal Solomona hnênah chuan a kal a, a hna zawng zawng chu a thawhsak vek a.

QTin, biak in hulhliapah chuan bante chu a dintir a: ding lam ban chu a dintir a, a hmingah __________ a vuah a: tin, vei lam ban chu a dintir a, a hmingah ________ a vuah a.

Q3.Aigupta lal Pharaoa  chu a han chho va, _______ khua han la a, a hal a, chu khua a awm

            _________ hote chu a that a, a fanu Solomona nupui chu inthlahna thilpek atân alo pe

            tawh a ni.

Q4.Solomona chuan Zidon-ho pathiannu __________ leh Amon-ho pathian tenawm tak ___________ chu a lo zui ve ta mai a.

Q5___________ tihhreawmna belhchhahin Solomona dam chhûng zawng, Israelte hmêlma a ni      fo thin reng a. Israelte a haw hle mai a, _________ ram chungah ro a rel a.

A bung leh Châng dah rawh :

Q1.Lebanon Ngawpui In sidar ban tlar li, ban chunga sidar thingphel chungah chuan a sa     bawk a; a dung lam chu tang za ani a, a vang lam chu tawng sawmnga a ni a, a san lam           chu tawng sawmthum a ni.

Bung: ...............          Chang: ....................

Q2. Tin, LALPA bâwm leh, inbiakna puan in leh, Puan Ina bungbêl thianghlim zawng          zawngte chu an zawn chho va; chungte chu puithiamte leh Levi chite chuan an zawn chho va.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 45 RESULT

Chhanna lut zawng zawng : 3

Chhang dik vek : 3

Lawmman dawngtu   :Mimi Lalhmachhuani (V.sec)

            Bible Quiz  leh lawmman hi Cir. Manager Pu.C Lalnunsanga hnenah thehluh a, lam thin tur a ni.

PAVALAI  PROGRAMME

A hmun       : LV Ramdinthara  In

A hun          : 25.11.12 (Ningazan)

Hruaitu      :Pu T. Lalrinthanga

Tantu          :Pu Biakvela

Sermon       :  Pu TK Manga

            Tawngtai rual a hun hman tur a ni.

KTP  HRIATTIRNA

            Ni 13.11.2012 (Thawhlehni) nileng hian Biakin leh a vel tifaia hnatlang neih tur a ni a. Biakin hawn te a hnaih tawh avangin Biakin leh a vel tihfai ngai tam tak a awm a KTP memberte thahnemngai taka tawhchhuah vek i tum ang u.Chaw fun tur a ni a, chawhmeh erawh ken a ngai lovang. Member te thahnemngai taka thawkchhuak turin inbuatsaih theuh ang u.

LAWMTHU  SAWINA

            Kan fapa Lalmuanpuia ni 31.10.2012 ah min boralsan chungchanga min lainata min khawngaihtu te zawng zawng chungah lawmthu kan sawi a. A nat chhung zawnga in lamah leh damdawiin lamah te min buaipui tute zawng zawng chungah lawmthu kan sawi bawk a ni. Tin, a boral ni a in lama tul leh buaipui ngai min buaipui naah zawng zawngte keini chuan engtikahmah kan rul let thei dawn lo che u a, Pathianin a let tam takin a rul let ang che u tih hi kan duhthusam leh kan tawngtaina pawh a ni e.

            Tin, he chanchinbu kal tlanga kan lawmthu sawina hi min tin hnena kan lawmthu sawinaa min lo pawmsak turin kan ngen bawk che u a ni.

In khawngaihna dawngtute

Pc Lalawmpuia (T.Sec)

te chhungkua

ENDIK  MEK

            Tunlai hian Motor Liscence, Road Tax leh Insurance fel leh fello check mek a ni a, vengchhung lirthei nei ten i hre theuh ang u.

IN  LUAH  TUR  AWM

            Community Hall Choka hi kum rei tak chhung man lova luahtir thin a ni a. Nakum 2013 atang hian man chawia luah turin Committee chuan a rel a, a luah duh tur chuan November 25. 2012 aia tlai lovah Branch YMA secretary hnenah dilna lehkha ziaka thehluh tur a ni e. In luah diltu chu vengchhung mi ngei an ni tur a ni. Luah man hi Rs.800/- a ni anga, electric bill an chawi bawk ang.

YMA  PROPERTY  HAWH CHUNGCHANG:

            YMA Bungruate hi mi tupawhin hawh theih a ni a, Bungrua te hi Branch-in kawl lovin Section kutah dah a ni a. Chuvangin Bungraw hawh duhte chuan Section  hruaitute hnenah dilna lehkha siama hawh tur a ni e.

A hawh man hetiangin :

1. Dekchi pakhat (ni khatah)                                                   =  Rs.20/-

2. Thutthlengsei (Sawmnga chin)                                           =  Rs.50/-

3. Gas Stove pakhat (ni khatah)                                              =  Rs.50/-

4. Portable Mike (ni khatah)                                                   = Rs.100/- (hei hi erawhchu Chairman, Light & Sound Sub-Committee hnenah dil thin tur a ni e)

            Bungraw hawh reng reng a hawhtuten fel takin a kawltu hnenah an dah leh ngei tur a ni a. Tin, Bungruate hi tihbo leh tih chhiat palh theih a ni a, tihbo emaw tih chhiat emaw a nih chuan a hmangtuten an tih bo/chhiat ang hu an chawi tur a ni ang.

Sd/- Secretary,

Branch YMA

AIENG  TUI  LEI  DUH  TAN

            Aieng tui fir tha tak duh tan engtik lai pawhin leitur ka nei reng e. Bottol khat Rs 70 a ni e.

Pi Biakdiki (V.Sec)

Phn No. 8974215715

Tualchhung

,Pu Lalhmangaihzuala h/o Pi Lalnunneihi (T.Sec) chuan tul leh mamawha hman atan bike (Bullet) thar a lei.

,Pu C.Lalhmunngheta h/o Pi Thankhumi (T.Sec) chu Synod Hospital Durtlanga zai a nih hnuin dam takin a lo chhuak.

,Lalrawngbawli d/o Pu Zodinliana(V.Sec) chu damlohna avangin Civil Hospitalah enkawl mek a ni

ZANIN  EPL  KHEL  TUR

Man city    Vs   Tottenham   (7:00)

N.Castle    Vs   W. Ham     (8:30)

Chelsea     Vs   Liverpool     (9:30)

NU  LEH  PA  TAN

            Kum 1 vel atang khan high school kal lai Hmeichhe naupang ho hian, Nap 10, cataspa, spasmolar, pacitane, Alprazolam vel hi class kal don hian hmon zeuh2 an uar lutuk, Govt Higher Secondary naupang ti ru an tam lutuk, meng pangngai deuh si hian a mit hi han en chiang ula, an mitnaute hi a lian(expand) nasa bik hle, chuan a then hi chu, nunnem deuh ni om tak hian , zawi tete hian an kal dem dem bawk nen, chumai bakah, dang ro hmel tok, thil harsa tawk lem tur ang hian an hmel ah hian a lang chiang em em a, a bak chu danglamna vak an neilo, a vun hi a ro mam pial bok.

     Nakin hnu zel ah psychological distress/disorder an nei don ani. Chumi hnu ah chuan pangngai a nun hi har ti tawh thin. Ka period lai a nih vangin ka ei a, an ti a. Mahse thudik an hriat chhuh meuh chuan, enkawl a hautak khop mai, awm pangngai in nuam an ti toh silo a, damdawi rui a stress deuh a awm kha nuam an ti zawk leh bawk si. School vel ah hian han vai tak sela, an pai kher loh pawhin , a ei thin hi chhinchhiah a tanpui hial an tul a ni.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300