Mipui Aw 21.5.2017

MIPUI AW

KARTIN CHHUAK

Vol. XXIII Issue No. 21 Kristian Thalai  Pawl  Saikhamakawn Branch  Pathianni Dt.21.5.2017

VAWIIN CHANGVAWN

LALPA chu fak rawh u. Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a. 

(Sam 106:1)

KOHHRAN PROGRAMME:

Ni 21.5.2017 ( Pathianni)

Chawhma Inkhawm

|antu : Pi F. Lalrinkimi

Zirlai 18-na : “Chhinchhiahna pasarih leh rangkachak”

Chawhnu Inkhawm

Thuhriltu :  Upa Lalzuiliana

Zan Inkhawm

Thuhriltu :  Pu Lalrintluanga 

K|P INKHAWM PROGRAMME

Ni 22.5.2017 (Thawh\an Zan)

Sermon Inkhawm

Hruaitu : Tv.R.Zodinsanga

|antu : Vanlaltluanga

Bible Chhiar 

kaihruaitu : Nl.Lalhruaitluangi

Chhiar tur : (Gal. 5:16-26) 

Thusawitu :  Pu Tommy Zirnuntluanga

Thawhlawm    Nl.Dephony Ramengmawii 

lakhawmtu turte:        Nl. Lalmuanpuii

Zai hruaitute   : Tv. Lalhmangaiha  leh Tv. Laldinpuia 

Keyboardist : Pu Lalchhandama

KOHHRAN HMEICHHE

 INKHAWM PROGRAMME

Ni 23.5.2017 (Thawhleh Zan)

Group tin te Kristian Chhungkaw Zan a hun hman tur a ni.

KOHHRAN PAVALAI PAWL

 INKHAWM PROGRAMME

Ni 25.5.2017 (Ninga Zan)

Short Sermon Inkhawm

Hruaitu : Pu Lalrinpuia            

|antu : Pu Rinngaihzuala

Thusawitu  Pu F.Sanghlira 

turte         : Pu Tlangruata

Khuangpu : Pu C.Zakhuma leh

 Pu Denis Rohmingliana

Thawhlawm lakhawmtu: Pu T.K Manga

KHAWPUI THIANGHLIMAH KHIAN TUTE NGE LUT ANG?

Pathian thu hi a pawm nuam leh thiangzau zawnga inzirtirna a tam hle mai a, a khawngaihna chauh tui puia khawngaihna rorela awm si lo kan tam hle niin a lang. Kan Pathian hi a thianghlim a, a tlansate awmna tur van khawpui pawh khi a thianghlim a, a chhungah chuan mi tumah hi fel lohna chhete pawh paipawn chungin kan lut thei dawn lo tih hi Bible min hrilh dan a ni a. Van khawpuia lut thei turte chu heti hian min hrilh: "Thil bawlhhlawh reng a lut hauh lo vang a, thil tenawm tite leh dâwt hmangte pawh an lut hek lo vang; Beram No Nunna Bua hming an ziakte chauh an l<t ang," tiin. (Thupuan 21:27)

Heta 'Thil bawlhhlawh leh tenawm' a tih hi sual langsar chauh ni lovin mimal chhungril nun bawlhhlawh rukna hi a ni ber zawk a, hetah hian mahni \heuh inenfiah a va ngai em! Kan Pathian thianghlim leh duh fir tak hian engtiangin nge min hmuh hlawm ang aw? Mihringte hi mahni rilruin dik a tih a\anga kan inteh chuan kan inteh tling viau zel a, Pathian thu a\angin inenfiah hlawm ila chuan kan nun hian mite hriatpui tlak loh thil kan kawl furin a rinawm. Sual inthupte lakah hian tihthianghlim kan va ngai em!

Mihring zingah hian \hat tum, thei si lo leh fel tum, thei si lo an awm laiin \hat tum hauh lo, \ha lote, dik tum hauh lo, dik lote an awm bawk a. Pathian duh dana nun tum hram hram chunga mi chak lo an awm laiin Pathian ngaihsak peih lo, nun fel lo an awm bawk. Kan Pathian hian theihtawp chhuah chung pawha mahni intithianghlim zo lo kan ni tih hi min hriatsak reng a, mahse, fel zo lo

chung pawha felna <m tlat mi, thianghlim zo lo chung pawha Amah ngai tlattute chu khawngaihnain tlingah min pawm a, Amah zawkin kan nun min luhchilhin ni tinin felna kawngah min hruai zel \hin a ni.

Tirhkoh  Paulan  Krista   hnenah khenbeha a awm thu a sawi khan, a nuam tih zawng, a nun duh zawng, a thlakhlelh thil, a thinlung puthmang bakah a nun nen lam a thlah fai vek thu a sawina a ni a. "Nimahsela ka nung a ni, keimah erawh chu ka ni tawh lo, Krista chu keimahah a nung zawk a ni," a tih hian, ama thua nung

a ni tawh lo va, Krista chuan a nunah thuneihna a chang pumhl<m tawh a tihna a ni bawk a ni.

Tichuan  Pathian  fa  dik takte  chu keimahni chakna leh theihna ni lovin, ni tin Thlarau Thianghlim tihthianghlimna chang zelin Thianghlimna Khawpui khi hruai thlenin kan  awm  dawn  a  ni.  Amaherawhchu, Pathian thu bengrawnga khung peih lo leh thlarau hruaia awm peih lote erawh chuan tihthianghlimna an chang thei lo va, Pathian hmangaihnain natna leh chhiatna te, tawrhna leh manganna te hmanga a ko chhuaka, tisa lam  chhiat  vek  hnuah  chhungril  lam tihthianghlimna an chang ve leh hlauhte a nih loh chuan van khawpui khi an l<t ve lo vang. Van khawpui chu Thianghlimna khawpui a ni si a.

  Tihthianghlimna kan chan z>l theih nan Lalpan malsawm rawh se, Amen.

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial.....

Mihring hi kan rilru hian he kan nun hi min lo kaihruai nasa khawp mai a, kan pi leh pu ten Pialral kal anlo chak em em thin Faisa ring a hna hah tak a thawh ngai tawh lo kha an lo thlahlelh in an lo beisei fo thin a, mahse chu an beiseina chu tun kan din hmun han en hi chuan kan pi leh pute chak thin Pialral chu kan theng a ni mai lo maw? Hna kan thawh pawn hah lutuk awm lo vin kan duh duh kan nei in kan lei thei a ni ber tawh mai a, kan khawvel thang chak zel in a ke 

n tel te pawh a ni ngei ang. Kan pi pute kha lo tho leh ta sela chuan mak ti leh hmuhnawm tiin thalai te khawvel hi an thlir ngei ang. Kan awmna atang in khawvel tukver ah kan dak a, kan duh leh mamawh chu kal hah ngailo vin kan nei in kan lei tawh si a, mit a hmuh theih khawp in a thangchak mek zel a ni.

         Chu kan khawvel thang chak lutuk chuan he kan nun kan rilru sukthlek pawh a kuaiher danglam nasa sawt hle mai. Chu chuan engkim hi kan pi leh piten an thiltih thin thinlung tak a an lo tih chu kan khawvel thangchak lutuk hian a kuaiher danglam vek emmaw tihtur khawp in kan kalpah vel mai mai tawh ni te hian a hriat thei. Thil kan han ti hluai a mahse rei hi kan daih tak tak lo emaw tih tur khawp in he kan ringtu nunah pawh a thleng mek a  ni. Chhuanlamah hmang in mahni in kan buai tawk em em tawh mai a, mahse keimah ni hlawkna tur a nih erawh chuan hun hian min dang lemlo thung. Chu tak chuan kan rilru kan pek na lam a ti langchiang em em a ni. Keimahni hlawkna lam a kan rilru kan pek ang hian Lalpa tan pe ila kan ram hian hmasawnna rahbi thar a chuangkai ngei ang, kan rilru hi a pawimawh hle mai.

 ISUA LEH SOCIAL NETWORK

“Mi zawng zawng hnena i sawtna a lan theih nan chung thilahte chuan taima la, chungah chuan inhmang zo rawh.” I Tim 4:15  

       Isua hun lai khan tunlai ang hian heng kan media changkang tak takte hi a la awm ve lo va, chuti chung chung chuan Media an neih chhun \awngka (oral media) leh thuziak (scroll writing media) kha a hmang \angkai em em lawi si a ni. Rawngbawlnan a remchang apiang a hmang ve mai a. Mi sual inah a luh laiin mi fel inah a lut a, mirethei inah a luh laiin mi hausa inah pawh a lut bawk a. Mipa hmeichhia a thliar ve hek lo. Zin veivah nan (transportation) chuan man chawi ngai - Lawngte kha a hmang ve tho bawk ang tih a rinawm em em. Sabengtung te pawh chuangin a hunlaia hmanruate kha a hmang \angkai a ni tih kan hria.

Vawiinah hian Isua kha mihringah rawn chang \ha lehin kan bulah awm ta se, social network hrang hrang heng Facebook te, Whatsapp te, Hike etc te hi a hmang ve mai ang em? Rawngbawlna atan a \ul hunah chuan a hun laia zin veivahna(transportation) \ha leh media a hmang \angkai ang bawkin heng hi a hmang \angkai ang tih a rinawm em em a, heng hi Isua duhzawnga kan hman leh kan kawihher hi Isua pawh a lawm em em ang tih a rinawm a ni.

1. Thu \ha kan post hi \angkai lehzual:  Pulpit a\anga thusawi hian inkhawmpui leh programme pawimawh tih lohah chuan ngaithlatu an tam lo \hin. Kohhrana mi hla kan tih te phei chuan thusawi \ha tak tak an ngaithla tam lo fo. Chung mite chu an inah kalin kan luhchhuak reng thei lo va. A hman pawh kan hman kher lo thei. An tana chanchin\ha hrilhna \ha chu he social networking hi a ni ang tih a rinawm hle.

Thu kan post dawna \awng\aina nena kan hlan thlap hian Pulpit a\anga kan sawi tlukin Pathianin a hmang duh ang tih a rinawm em em a.  A thawktu tur thlarauvin a hman chuan, “Isua hi lo ring ve tawh rawh u” tih mai pawhin rampum a tuam thei tih hriain he social networking hi Pathian rawngbawlnan a va \ha lehzual em. (Tin, an hnenah, “Khawvel zawng zawngah kal ula, thil siam zawng zawng hnenah chuan Chanchin |ha hi hril rawh u. Marka 16:15)

2. Social Media Ethics thlirna a\angin: Social Networking hrang hrangah Pathian thu sawihona group hrang hrang a awm a, heng hi a \hat viau rual hian hmansual theih a ni tih erawh hriat a \ha hle. Kan huatzawngte Pathian thua vawm nan te, insawi\haih nana Pathian thu hman te, uchuak taka Kristian thurin dik tawk lo leh firfiak(extreme) thehdarh nante hman a awm thei hle a. Extreme rawngkai hrim hrim hi thil dangah pawh a lo him lo tlangpui. Tin, nileng lenga engmah hnathawk si lova helama inhmanral ve theih bawk a ni a. Chintawk hriat a \ha hle.

Pathian thu hi a hunah te, hun lovah te puang zel tura tih ni bawk mah ila; kan tihtur (duty), kan mawhphurhna(responsibility) \hulh phah nana heng social networking hman erawh Pathian thu tum a ni hauh lo thung. Helama thawk tura a bika rawih kan nih si lohva kan tih tur \hulh khawpa inhman ral a hlauhawm hle a, heng lakah hian inven a tha hle awm e. (Engkim tan hian hun ruat a awm a, van hnuaia thiltih zawng zawng tan hun remchang a awm. Pian hun a awm a, thih hun a awm. Phun hun a awm a, thil phun phawi hun a awm. (Thuh 3:1-2)

3. Social Networking leh \halaite: |halai Kohhrana inhmang te chuan Isua duhzawnga he social networking kan hman thiam a \ha hle. Kan khawvel changkang zelah social network hi a chagnkang telh telh ang tih pawh ring ila. Chutih laiin ringtute chu helam kawngah hian kan danglam tur a ni a. Hengah hian kan inhmang ral tur a ni lo ve. Heng hi \angkai takin a \ha zawngin hman tum ila. Kohhrana inhmang tak zirna lama fail nih kan inhmeh lo ang hian kan zirnaah mite aiin kan zir nasa zawk tur a ni. Chuti ni lova kan hlawhchham chuan Kohhran hi inhmanna tur a ni love miin an ti mai ang a, Krista leh Kohhran hmel kan ti bal thei dawn a ni. Kohhrana inhmang te hi a inhmang lo te ai chuan kan changkang zawk a, thil engpawh ti dawn ila kan hmantlak zawk tih a hre tute kan ni. Hei hian rinna lamah nasa takin min pui a, puitlinna lamah min hruai \hin. |halai, Kohhrana inhmangte chuan taima nih te hi kan inhmeh em em a. Thatchhia leh zawmthaw tak nih kan inhmeh lo bawk a. Chhungkua leh midang tana chhawr nahawm, rintlak nih tum zel ila. Zirna kawng thuah te, eizawnna thuah te pawh midangte pawl phak thei tura kan \an a, mahni intodelh thei tura \an kan lak a \ul hle a ni. Social Networking \angkai taka hman i tum zel ang u.

THALAITE SUANGTUAHNA KHAWVEL

“Chhungkaw khawsak pangngai ve tak hnuaiah lo pianga, lo seilianin, ka naupan lai a\angin ka duh tinreng leh ka chak zawng apiang chu ka hmaih ngai lo. Damloh awmzia ka hre lo va, thi thei turah ka inngai ngai hek lo. Ka nun a nih miau avangin ka thu ber a, thununna leh zilhhauna ka ngai pawimawh ngai hek lo. Hlimna chu zawngin hmun tin kil tin ka hrut a, pawisak nei hauh lovin khawvel ka ch>n a, nuam tura ka rin leh hlimawm tura ka ngaih apiang chu ka bawh a ni ber. Sum leh pai ni se, ka thawh chhuah aia tam ka nei bawk! Hei lo liama vanram tlafual a awm dawn chuang em ni?” tiin ingaihtuah ngai em? 

A nuam viau ang le! Kan duh dan dana kan nun hmana, zilhhauna leh thununna hnuaia awm kan peih lo \hin a ni lo’m ni? Kan thawhchhuah aia tam sum leh pai neih chu sawi loh, kan neih loh thleng thlengin, kan duhzawng leh $tzawng chu neih hrâm kan tum \hin zawng a nih hi! Rosum <min unau, chhungkua kan innghirngho va, thisen hial chhuah pawh kan hreh ta lo. Kan nunah hian Hmangaihna leh Lainatnain hmun a chang tlem ta. A pui a pangin kan duhzawng leh chakzawng <min kan tlan a, kan tum ber erawh kan \helh fo.

Theihtawp kan chhuahna lam hi a dik meuh em? He Khawvel thil ral leh mai turte kan ngaihtuah luatah hian a pawimawh ber kan Nun kan hloh leh si lo maw? Kan fate kawng dik kawhhmuh aiin kan ni tin khawsak ngaihtuah hian kan lo buai tâwk viau zawk le! In leh lo \ha tak kan din a, tah chuan kan chhungkua kan him em? Ngaihtuah a tam hle mai. Eng pawh tiin, engtin pawh awm ila, kan duh ber chu 'Hlim' a ni a, kan zawn dan leh zawnna hmun a inang lo mai a ni. Kan hlimpui a, kan nuihpui \hinte bawk kha kan \ahpui leh \hin. Isuan, "Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo" (Johana 14:6) a tih ang hian, Isua hnungzuitu, a sipai rinawm ni turin hun kan neih lai hian Kawng dik chu zawh ila, damchhung reilote atana inham hnawk lovin, Chatuan atan inbuatsaih zawk ang u.

NAUPANG PUAL

THUAWIHNA

Vawikhat chu khaw te reuh tê pakhata mipuite hian eng thil nge an nu leh pate hian an ngaihhlut ber ni ang, tih zawn chhuah an duh a. Chumi zawng chhuak tur chuan intihsiakna an khuaa naupang zawng zawngte tan an buatsaih ta a. Intihsiaknaah chuan hmanraw thar changkang tak, Prof. Crank Shafte-a siam chhuah, Gladometer an tih mai chu endiktu atana hman tur a ni. Gladometer chu khawl chi khat, a bul hnai leh a chhehvela mi tupawh eng tiang chiaha nasain nge an hlima an lawm tih dik taka lo teh thei tura duan a ni. Intihsiakna chu an \an ta a, Hall khat tlatin nu leh pate chu intihsiakna en tur chuan an pungkhawm a, chu khuaa naupangte chuan an thiam thil chi hrang hrang hmangin an nu leh pate chu tihhlim tumin intihsiakna chu an rawn bei a. Intihsiakna an neih lai leh an zawh hlim apiang chuan khawl chuan an nu leh pate hlim dan zawng chu a lo teh zel a. Mipa naupang pakhat chuan a vawk, uluk taka a enkawl chu nu leh pate hmaah chuan a rawn lâmtir a. A dawtah hmeichhe naupang lo ding chhuak lehin Vantirhkohte tum ang hiala mawiin Violin a rawn tum a. Chumi hnuah mipa naupang thluak \ha tak mai rawn p>n chhuak lehin Lehkhabu lian zet mai chu nâl tak leh thiam takin nu leh pate hmaah chuan a rawn chhiar zat zat a. Mahse, chu'ng thil hmuhnawm leh ngaihnawm tak takte chu an nu leh pate ngaihhlut zawng a ni vak lo a ni mai thei, Gladometer-ah chuan a kâwk sang tehchiam lo. 

Intihsiakna tâwp an thleng dawn ta, mipa naupang pakhat hi a rawn p>n chhuak leh a, eng thil mah rawn ken a neih loh mai bakah eng thil mah thiam pawh a nei lo. Dawhsânah chuan ngawi rengin a rawn ding ringawt a. Intihsiakna buatsaihtute chuan mak ti takin chu mipa naupang chu an en a, "Bawiha, eng thil nge min entir ve dawn le?" tiin zawhna an zawt ta tawp mai a. Chu mipa naupang chuan mawlmang takin ti hian a lo chhang a -"Naupang thuawih tak ka ni," tiin. Hall chhung chu pin drop silence an tih ang maiin thawm a awm eih lo. Chu thu tawit> nu leh pate'n an hriat chuan an thinlung a khawihin an hlim tak zet a ni. Gladometer chuan nu leh pate hlim dan chu a lo teh lehin a kâwk sang zel a, a tawpah phei chuan a teh theih chin sang ber a kawk ta hial a ni. Tichuan, chu mipa naupang chuan intihsiakna lawmman chu a dawng ta a, intihsiakna buatsaihtute pawhin an thil zawn chhuah tum ber chu Thuawihna a ni tih an hre thei ta a ni.

He mipa naupang hian thiam thil engmah a nei lo va, mahse, naupang zawng zawngte intihsiaknaa tel vek tur a nih avangin huphurh takin a chanvo tihhlawhtlin nan a rawn tel ve a, a thuawih theihna chu a rawn din chhuahpui ve rawih a, mahse, chu a rawn din chhuahpui ngei chu an thil zawn mek a lo ni si, pakhatna a nih phah ta a ni. He naupang hian engmah thiam ka nei lo, tiin intihsiaknaah khan tel ve lo sela chuan pakhatnaah a ding thei lovang, tin, intihsiakna an buatsaih chhan ber pawh a hlawhchham dawn tihna a ni. Thuawihna ringawt pawh hi lawmman lak theihna a ni tihna a nih chu.

DCSO AIZAWL WEST THUCHHUAK

No.B.13015/1/2016-DCSO (W)

RETAILER DAWR HAWN HUN BITHLIAH CHUNGCHANG

Mizoram Sawrkar-in National Food Security Act, 2013 a kalpui tak avang hian mipuite hnenah sawrkarin buhfai quota a thla bi a pek a lo ni ta a, FCS&CA Department hnuaia Fair Price Shop Dealer /Retailer zawng zawng ten thla pumpuiin an dawr an hawng tur a ni. Hei hi mipuite’n sum leh paia harsatna an neih pawha huntiam chhung (Thlakhat chhung) a an quota an lak theihna tura ruahman a ni. Fair Price Shop (Retailer) te hian Pathianni tiam lovin Zinglamah Dar 06:30 leh dar 08:30 inkar leh tlai lamah Dar 03:30 leh dar 05:30 inkar chhungte hian Fair Price Shop an hawng ngei ngei tur a ni.

KAN VENG FOOTBALL TEAM  CHAK

TT Royte Trophy CYMA Football Trophy kal mek ah ni 18.5.2017 (Ningani) khan RG Stadium, Mualpui ah kan veng leh Venghnuai intumin hun pangngaiah 2-2 a inhnehtawkin kan veng a\ang hian Lallawmawma leh Lalruatkima Rivung ten goal an thun a. Penalty shootout a chak zawk zawn niin kan veng team ten 4-3 in hnehna an chang ta a ni. Naktuk dar 1:30 hian  RG Stadium ah kan veng Football team ten Electric Veng an hmachhawn leh nghal dawn a ni. Vengchhung mipui a tam thei ang berin i \awiawm ang u.

THUROTLING

“Vanneihna hi a awm, mahse mi taima te chungah chauh a awm.”   

-Thomas Jafferson

“I inngaihtlawm takzet chuan engmahin a tibuai lovang che”                     

-Mother Teresa

FRANKIE TUI THIANGHLIM

Tui thianghlim tak 5000 litres `1800/- in engtiklai pawhin kan pe thei reng e.

Pantea

Contact: 9774102517    

RAM PUM HUAP 

KOHHHRAN PAVALAI PAWL MEET VAWI-3 NA HMANG MEK

Rampum huap Kohhran Pavalai Pawl Meet vawi 3-na chu ni 19.5.2017 (Zirtawp zan) a\ang khan Ramhlun North Kohhran Biak Inah Hman \an a ni a. Meet Thupui atan hian ‘Chhungkuaa Lalpa rawngbawl’  (Jos. 24 : 14) niin,   sawitu ah Rev. Lalsangbera a ni a, zanin hian a \iak ang. Meet hi a zan hmasa berah Rev. Lalzuithanga, Moderator, Mizoram Synod hnen a\angin Pathianthu chah ngaihthlak a ni a, zaipawl Mizoram Synod Choir leh Kohhran Pavalai Pawl hrang hrangte an zai bawk a ni. Vawiin leh zanin hi Pathianthu chah ngaihthak leh Kohhran hrang hrang Pavalai Pawl te Pathian fak hla sa in hun hman a ni ang.

KOHHRAN HMEICHHE PI CHHUNGTEI GROUP INKHAWM DAN TUR

A hun : 23.5.2017 (Thawhleh zan) dar 7:00

A hmun : Pu Lalzawmpuia In

|antu  : Pi P.C Lalrokimi

Thupui sawitu : Pi Zuimawii

Thilpek lakkhawm a ni ang

Sd/- Pi Chhungtei Group

Kohhran Hmeichhia

MUSIC  ADMISSION

Synod Music  School-ah Tonic Solfa  & Staff  Notation (Puitling  tan -zing karah  leh naupang  tan -  tlaiah) June-August, 2017 chhunga zir duhtetan seat diltheih a ni a. Dil duhte chuan a hnuaiatarlante hi hriat ni se:-

1) Worship  Department, Synod  Office  atangin  Dilna  Form  la  chhuakin May  ni  30,  2017  ral  hma  ngeiin  Synod Office-ah  thehluh  tur  a  ni.  May  ni  31,  2017-ah  seat  chang  turte  hming  tarchhuah  a  ni  ang  a,  zir  tura  thlante chuan June ni 1 & 2, 2017 chhungin Admissiontih feltur a ni ang.

2)  June ni 5, 2017 atanga classtantur a ni ang.

3) Dilnaah  mahni  awmna  Kohhran  lehkha  thil  tel  tur  a  ni.

4) Hriat  tur tul  dang chu  dilna Form-ah  tarlan a  ni.

Sd/-REV.B.SANGTHANGA

Executive  Secretary  i/c  Worship

, Pi Lianzampuii w/o Pu Zoramthanga (T.Sec) chu damlohna avangin  Christian Medical College, Vellore ah enkawl mek a ni.

, Pi Lalchharliani w/o Upa Lalzama (T.Sec) chu damlohna avangin Alpha Hospital ah enkawl mek a ni. 

, Pu Lalliantluanga h/o Pi R.Lalthansangi (V.Sec) chu damlohna avangin naktuk hian Birla Hospital, Kolkata ah an kal dawn.

, Pu R.Lalmuanpuia h/o R.Lalthanmawii (V.Sec) chu damlohna avangin Aizawl Hospital ah enkawl mek a ni.  

MZ - 09 A PIANG DAWN E

Government of Mizoram, Transport Department Notification No.G.11016/14-TRP, Dated Aizawl, the 15th May, 2017-ah Aizawl District chu Urban District leh Rural District-ah \hen a ni. 

Urban District hian chhuah lamah (East) Zêmabâwk a?angin Tanhril, tlâk lamah (West) Sakawrtuichhûn thleng a huam a. Hmâr lam (North) Selesih a\angin chhim lamah (South) South Hlimen thleng a huam bawk. District Code-ah MZ 01 hman zui a ni ang a, Tûna District Transport Office, Chaltlang hi Aizawl Urban District Transport Office tia a hming thlâk a ni a, building ngai hman a ni ang.

Rural District hian Aizawl District huam chhûnga Aizawl Municipal Corporation Area pâwn zawng (Excepting AMC Area) a huam a. Code-ah MZ - 09 hman a ni ang. Office hi Inter State Bus Terminal Building, Chaltlang Aizawl (DTO thlang chiah)-ah a awm ang. Hei hi Order chhuah a\anga hman nghâl tûr (Immediate effect) a ni ang. District Code awm dan;

MZ 01 - Aizawl (Urban Area)

MZ 02 - Lunglei

MZ 03 - Saiha

MZ 04 - Champhai

MZ 05 - Kolasib

MZ 06 - Serchhip

MZ 07 - Lawngtlai

MZ 08 - Mamit

MZ 09 - Aizawl (Rural Area)

  

                            

Mipui Aw 14.5.2017

MIPUI AW

KARTIN CHHUAK

Vol. XXIII Issue No. 20 Kristian Thalai  Pawl  Saikhamakawn Branch  Pathianni Dt.14.5.2017

VAWIIN CHANGVAWN

Zion khawpui kawngte chu a ngui ruai, kûtpui urhsûn kal awm loh vângin; A kulh kawngkâ zawng zawng a ram zo, a puithiamte an rûm a. A nulaten an tuar a, ani lahin nâ a ti êm êm . (|ah Hla 1:4)

KOHHRAN PROGRAMME:

Ni 14.5.2017 ( Pathianni)

Chawhma Inkhawm

|antu : Pi R.Lalzuali

Zirlai 17-na : “Hnamtin zinga mipui tam tak”

Chawhnu Inkhawm

Thuhriltu :  Upa Lalzama

Zan Inkhawm

Thuhriltu :  Pi Khawlvuani 

K|P INKHAWM PROGRAMME

Ni 15.5.2017 (Thawh\an Zan)

Sermon Inkhawm

Hruaitu : Nl.C.Zosangliani

|antu : Tv. K.Lalnunmawia

Bible Chhiar 

kaihruaitu : Nl. Vanhlupuii

Chhiar tur : (Sam 119:9-16) 

Thusawitu :  Pu Lalhmangaihzuala

Thawhlawm         Nl. Hmingthanpuii leh

 lakhawmtu turte :   Nl. Vanlaltlani

Zai hruaitute   : Tv. Abraham Lalnunthara leh Tv. Lalawmpuia 

Keyboardist : Pu Lalremruata

KOHHRAN HMEICHHE

 INKHAWM PROGRAMME

Ni 16.5.2017 (Thawhleh Zan)

Ramthim Zin

A hmun : Pu C.Lalsangliana In 

             (CP Road)

Hruaitu : Pi Laltlanzari

|antu        : Pi Hmangaihzuali

     

KOHHRAN PAVALAI PAWL

 INKHAWM PROGRAMME

Ni 18.5.2017 (Ninga Zan)

Sermon Inkhawm

Hruaitu : Pu R.Chalkhuma             

|antu : Pu Ramdinthara

Thusawitu : Pu T. Lalrinthanga

Khuangpu : Pu Biakthansanga leh

  Pu Lianchia

Thawhlawm lakhawmtu: Pu Robina

EDITORIAL  BOARD

Editor :                                     

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga          

Circulation Manager:

Tv. C. Lallawmawma                    8974509821

Nl. C.Zosangliani                          8731005507

Editorial...?

        Kum 2000 hmalam kha chuan HSLC leh HSSLC result chhuak ah vengchhung a\angin mi tlemte chauh an pass thin a. Fail an tam \hin tihna nilovin Appeared hrim hrim kha an tam lo \hin hle. Kum 4-5 liamta vel a\ang kha chuan kan naupang/\halai ten zirna lam uar chho in, HSLC leh HSSLC ah te pawh \ha tak tak in kan lang chho ve zel a. A lawmawm a, hetianga kan \an chhoh zel chuan a in kahpukchaw chho ve zel dawn tih a lang reng. |ha taka kan zirlai kan pass anih chuan kan Nau ten kan hnung zui hi an tum ve dawn chiang sa tih hi thudik awmsa ang tluk hial a ni.

Chutih rual  erawh chuan a sang lamah Post-Graduate chinah phei chuan result han chhuak se kan pass dur dur rih lemlo. Mi pahnih khat an awm ve leh pheuh pheuh \hin. HSSLC pass ho a\ang hian a zatve talin han Post Graduate ta zel se tih hi duhthusam a ni. Chutiang thei tur chuan khawlai nunphung, Society a kan awmdan leh rilru put hmang hi  a pawimawh khawp mai. A zirlai a ten puitling rilru put nghal hi thil theihloh tluk a ni. Chuvang chuan a pawimawh berah chuan Nu leh Pa te hi kan ni awm e. Kan Fa te rual pawl dan leh an rilru put hmang hi kan thlak danglam leh kan control theih lai hian theihtawp in \an i han la teh ang u.

BIBLE SOCIETY-AH THEIHTAWP I CHHUAH ZEL ANG U

Kan hriat \heuh angin Bible Society membership fee chu Central lam a\angin an rawn san a nih kha. Mi tam tak t^n chuan huphurh awm tak in a lang a, Life member lo ni tawh leh Patron member lo ni tawh tan phei chuan kan lo ni hman hi  kan  lawm viauin a rinawm. Mahse, Bible Society rawngbawlna hi Life/Patron member kan nih tawh avanga awl mai tur kan ni em tih kan ngaihtuah nawn a \ul awm e. Nih tawh leh thawh tawh a awm thei lova, thawh zawh pawh a awm thei lo a ni. Kan Missionary ten theih tawp chhuahin ringlo mite Isua Krista ringtu ni turin an bei a, chung ringlo mite chuan Bible an chhiar ve theihna tur leh, a duh apiang ten tl^wm zawk an lei theih nan Kohhranten In lum a\angin Bible chhut n^n leh thawn chhuah n^n theih tawp kan chhuah zel a ngai a ni. 

Pawl a lo din chuan Member kan awm \hin a, chung member te chuan pawlin tihtur a tih chu theihtawp chhuahin an thawk \hin. Chutiang bawkin Bible Society pawh lo dingin mi \hahnem ngai tak takte avangin tun thlengin chhum lo chat lovin, Bible chhut leh thawn chhuah lamah hma a sawn zel a. Mamawhtu an pung zel a, thil man a to chhoh zel bawk avangin Kohhran hote kan \an leh zual a ngai a ni. Isua ringlotuten Bible hi an chhu d^wn lova, a thawn chhuah hna te, a chhutna at^n sum leh pai an thawh dawn lo bawk, chu mi hna thawka theihtawp chhuah tur chu Kohhrante kan ni.  Life member ni tawhte phei chuan he hna thawk tur hian dam chhungin ka inpe kan tihna a ni a, chutiang bawkin Patron Member-te phei chuan a aia nasa zawkin kan thawk tur tihna a ni. Tin, Member  la ni ve lote pawhin membership fee a lo sang deuh a nih pawhin hotu lam ten Bible Society a rawng kan bawl ve theihna tur ruahmanna an lo siam ve zel a, kan tih theih tawkah tlem lua a awm lova, tam lua a awm hek lo. a hnuaiah hian Bible Society-ah rawng kan bawl theih nana ruahmanna an diam rawn tarlan a ni a, a enge maw berah hian \an lo la ve turin Kohhran leh Khawtlang mipuite kan in ngen a ni e.

Membership nih theih dan hrang hrangte:-

1.Gospel-A- Day-GAD(Re1/- ni tinin kum khat atan)

   “Nitin a chhandamna thu chu hriattir rawh u” Sam 97:2b

  *GAD-in a tum chu nitin Chanchin |ha puandarhna kawnga hma lakna a ni ber.

  * Mi pakhatin nitin Re 1/- aia tlem lo khawlbawmah a dah ang a, chu chu kum khat a lo tlinin      emaw Collector-ten hun bi neia khawn khawmin emaw Collector kutah a lut ta \hin a ni.

  * Kum khata ni 365/366 ang zat chiah pawisa a ni tur tihna a ni hran lova, a tlem berah erawh    chuan Rs 365/366/- a nih erawh a ngai thung. Hei baka a chuanna zawng zawng chu \hahnem       ngaihnaa ngaih tur a ni ang.

  * Miin Rs 365 \um khata a pek tlak duh chuan a remchang e. Duhthusamah erawh chuan ‘nitin’     a nih ang tak hian nitina Pathian tana khawl  khawm hi a ni.

  * GAD hian Certificate a keng (kum 1 atan zel)

2. Bible-A- Month-BAM (Thla tin Rs 200/- kum khat atan zel)

   * Thla tin Bible pakhat buatsaihna atana thawh theihna kawng a ni.

    * Thla tin Rs 200/- zel Collector hnenah  pek \hin tur a ni ang a. Kum khat atan chuan Rs 2400/- tihna          a ni. 

    * Miin \um khat atan Rs 2400/- hi a pek tlak nghal duh chuan a remchang  tho.

    * BAM hian Certificate kum khat atan zel a keng tel a ni.

3. Junior member (Rs 500/- kum khat a tan zel)

    * Naupang Sunday School kai rualte tan he Junior member hi buatsaih a ni.

    * Collector ten  ruahmanna an siam theih chuan Installment pawha pek theih a ni.

    * He member certificate hi mihring tana buatsaih a ni.

    * Tunah rih chuan he membership hian Certificate a keng tel lo.

4. Bible Missionary (Rs 1,000/- Kum khat atan zel)

    * Bible Missionary hi ruahmanna tharte zinga mi a ni.

    * Bible Missionary nihna hi Rs 1,000/- pein kum khat zel atan Bible 5 thawn chhuak tura ruahman a ni. 

* He membership hi mihring chauh ni lo, thil dang (nung leh nung lo) te tan pawha hman theih tura           ruahman a ni.

 * Hei hian Kum khat zel atan Certificate a keng ang.

5. Annual Member (Rs 1,000  Kum Khat atan zel)

    * Hei hi tupawh puitling chin tan ruahman a ni.

*Collector te remchan dan ang zelin Installment pawha pek theih a ni.

  * Tunah rih chuan Certificate a keng tel lo.

6. Memorial Gift( Rs 1,000/- chin chung lam)

   * Kaltate hriatrengna atan buatsaih a ni.

   * A tlem berah Rs 1,000 ruahman a ni a. Hmangaih kaltate tan hian miin hei aia tam pek a duh          pawhin  pek theih a ni. 

    * Certificate buatsaih a ni a he Certiicate-ah hian mitthi thlalak tarna a awm a thilpek zat tar lang duh          tan ruahmanna siam tel a ni.

7. Anniversary (Rs 1,000/- chin)

    * Birthday, Wedding Anniversary etc denchhen a BSI-a thilpek pe duhte tana

       remchanna kawng siam sak a ni.

    * Hei hian Certificate a keng tel.

8. Life Donor (Rs 2,000/- Kum khat atan zel)

    * Hei hi ruahmanna tharte zinga mi niin mi tin(naupang leh puitling) te tan pawh remchang tura duan          chhuah a ni.

    *Tin, mihring chauh ni lo, thil dang  In leh lo leh kan thil neih dangte pawh hman theih a ni.

    *‘Life Donor’ pawh hi kum tin dam chhung chu pek theih a ni. |um khat chauh pe duhte tan pawh           a remchang tho bawk.

     *Hei hian Kum khat zel atan Certificate a keng ang.

9. Patron Donor (Rs 3,000/- Kum khat atan zel)

    * Hei hi ruahmanna tharte zinga mi niin mi tin a duh a piangte tan pawh remchang tura duan chhuah a ni.

    * Tin, mihring chauh ni lo, thil dang  In leh lo leh kan thil neih dangte pawh hman theih a ni.

    *‘Patron Donor’ pawh hi kum tin dam chhung chu pek theih a ni. |um khat chauh pe duhte tan         pawh a remchang tho bawk.

    * Hei hian Kum khat zel atan Certificate a keng ang.

10. Life Member(Rs 5,000/- pein)

     * BSI ah hian Rs 5,000/- pein full member a nih theih.

     * He Membership hi Mihringte tana buatsaih a ni.

     * Kum tin pe duh tan a remchang  bawk.

     * Hei hian Certificate a keng tel.

11. Life to Patron Member(Rs 5,000/- pein)

     * Life Member Rs 100/-, Rs 250/- emaw Rs 500/- a lo ni tawh te tan Rs 5,000/- pek belhin Patron          member-ah  hlan kai theih a ni.

     * Collectorte ruahmannain Installment-a pek theih a ni.

     * Kum tin pe duh tan a remchang  bawk.

     * Hemi hmang \angkaia, thawhlawm petute hnenah Patron Membership Certificate pek an ni ang.

12. Patron Member(Rs 10,000/- pein)

     * BSI ah hian Rs 10,000/- pein Patron member a ni nghal ang.

     * He Membership hi Mihringte tana buatsaih a ni.

  * Collectorte ruahmannain Installment-a pek theih a ni.

     * Kum tin pe duh tan a remchang  bawk.

     * Hei hian Certificate a keng tel.

13. Donation (Cheng engzat pawh)

     *Thilpek hrim hrim hi BSI hian tlem lua awm lvin a dawng thei reng a ni.

BUHFAI CHUNGCHANG FCS&CA THUCHUAK

Food, Civil Supplies & Consumer Affairs (FCS&CA) chuan Buhfai chungchangah hetiang hian thuchhuah a siam : Buhfai (Normal Quota) hi tun dinhmunah Mizoram sawrkarin Food Corporation of India (FCI) a\angin a lei a, hei hi Central Sawrkarin India ram State hrang hranga allocation a pek, Mizoram Sawrkar pawhin a hmuh ve anga lei \hin a ni. A bak zawng hi MIZOFED Ltd. a\anga lei \hin a ni. Food Corporation of India hnen a\anga lei leh Local Purchase (MIZOFED Ltd.) a\anga lei hi Supply Godown-ah a theih ang anga dawn (received) hma a check \hin a ni. 

Amaherawhchu loading leh unloading hunchhung a rei \hin avangte, a vaia (100%) buhfai hi check dawn chuan hun leh tha a heh avang leh a hun taka mipuiin quota an hmuh hman dawn loh avangin random a check \hin a ni. 

Buhfai \halo pawh hmuhchhuah \hin niin bag engemaw zat chu hnawl (reject) a ni. MIZOFED Ltd. hian Department-a an pek dawnin check \hin a ni a, tun dinhmunah hian Truck Trip 10 (sawm) vel lai chu hnawl tawh a ni.

Hetianga check a ni chung pawh hian buhfai \halo dawn palh theih a ni a, Food Corporation of India (FCI) a\ang ngei a lei te pawh duhthusam lo a awm ve zauh \hin a ni. 

Hemi chungchangah hian buhfai \halo Retailer ten an lo la palh a nih chuan engtik lai pawhin FCS&CA Department chuan thleng a phal a, Retailer \henkhatte pawhin thleng chang an nei a ni.

FCS&CA Department-in buhfai a lei hian Food Corporation of India (FCI) a ni emaw Open Market/Local Purchase a ni emaw buhfai bag ah hian a hum leh sehrep te hi a tel palh chang a awm \hin a, pumpelh tak tak theih a ni lo.

Mizoram Sawrkar-in Central Sawrkar/FCI atanga Economic Cost lei lova Open Market/Local Purchase atanga buhfai a lei hian hetiang hi thla tina pawisa a hum (Saving) zat a ni.

(a) Buhfai manah - `5,34,96,100.00 per month“(thla tin 70000.00qtl. a leiin) (Ecu. Cost @ `3264.23 per qtl. -Local Purchase @ `2500.00 per qtl. =  `764.23 per qtl. x 70000.00 qtl.)

(b) Buhfai phurh man ah - `28,00,000.00 per month“(Tanhril - Zuangtui Route“(70000 x 40)“@  `40.00 per qtl.)

A vaia thla khata FCS&CA-in pawisa a hum zat chu `5,62,96,100.00 a ni.

FRANKIE TUI THIANGHLIM

Tui thianghlim tak 5000 litres `1800/- in engtiklai pawhin kan pe thei reng e.

Pantea

Contact: 9774102517 

   

VARANASI PRAYER NETWORK SAIKHAMAKAWN |AWNG|AI PROGRAMME

A hmun : Pu Dawngkima In

A hun       : Ni 14.5.2017     (Vawiin chawhnu Inkhawm ban) 

Hruaitu : Pi Saithangpuii

Thawhlawm a awm nghal ang.

VAWIIN TLAI PAVALAI FELLOWSHIP PROGRAMME

A hmun        : Sunday School Hall

Hruaitu        : Pu D.Thangbawih

|antu           : Pu J.Malsawma

Sharing leh Zai ho a hun hman a ni ang

KOHHRAN ZAIPAWL HRIATTIRNA

Kohhran Zaipawl te vawiin chhun dar 12:00 ah Biak Inah  K|P Aizawl Chhim Presbytery Meet a mi tur Hla ennawn tur a ni e. Kalna tur Bus a awm nghal dawn a ni. 

K|P AIZAWL CHHIM PRESBYTERY HMANG MEK

        K|P Aizawl Chhim Presbytery vawi 5-na chu  ni13.5.2017 (Nizan) a\ang khan Tlangnuam Kohhran ah neih a ni a. Thupui atan “Rawngbawlna Hlen” II Tim. 4:5 niin, nizan inkhawmah Bial tin Secretary hnen a\angin report ngaihthlak a ni a,  Rev.C.Sapkaia, Moderator hnen a\angin Pathianthu chah ngaihthlak a ni bawk a, zaipawl panga an zai bawk a ni. 

Inkhawm banah fellowship neih leh a ni a, kan Bial aiawhin kan Branch a\angin Female Voice ten Pathian fakna hla an sa bawk a ni.

Vawiin leh zanin programme chu hetiang hi a ni:

Chawhma Inkhawm

10:00 am : Pathian Biak Inkhawm

Hruaitu : T.Upa R.Lalhmunsiama

Committee Member

|antu : Tv. H.Lalkinlova, Committee Member

Thupui : Rawngbawlna hlen (II Tim. 4:5)

Sawitu : Dr. Laldinliana Varte, Vice Chairman

Zaipawl : 

1. Kulikawn Pastor Bial

2. Tlangnuam Pastor Bial

3. Thakthing Kohhran

4. Kulikawn Kohhran

5. Hlimen Kohhran

6. Samtlang Kohhran

Chawhnu Inkhawm

01:30 pm : Pathian Biak Inkhawm

Hruaitu : Nl. Zodingpuii, Finance Secretary

|antu : Nl. Vanlaldiki, Committee Member

Thupui : Rawngbawlna hlen (II Tim. 4:5)

Sawitu : Pu Lalmuanawma

Committee Member, CK|P

Zaipawl : 

1. Hlimen Pastor Bial

2. Mission Veng Kohhran

3. Saikhamkawn Kohhran

4. Tlangnuam South Kohhran

5. Lungleng-I Kohhran

Inkhawm ban Fellowship

Hruaitu : Tv. Lalnunpuia, Committee Member

Thutawi : Pu Lalpianhuna, Committee Member

Special Items :

1. Solo - Nl. Lalhmangaihzuali,

Hmunthar Branch

2. Live Band - Lungleng-I Bial

3. Cup Song - Tlangnuam Bial

4. Acapella - Hlimen Bial

5. Live Band - Mission Veng Bial

6. Female Voice - Kulikawn Bial

Zan Inkhawm

07:00 pm : Pathian Biak Inkhawm

Hruaitu : Tv. Vanromawia,  Assistant Secretary

Thusawi : Upa K.Lalnuntluanga,  Chairman

Zaipawl : 

1. Lungleng-I Pastor Bial

2. Tlangnuam Kohhran

3. Tuikhuahtlang Kohhran

4. Hlimen Damveng Kohhran

5. Hmunthar Kohhran

Inkhawm ban Fellowship

Hruaitu: Tv. David Lalchhuanawma

Committee Member

Thutawi : Pu Lalduhkima, Committee Member

Special Items :

1. Solo - Nl. Cindy Lalthanpuii,

Tlangnuam Branch

2. Duet - Lungleng-I Bial

3. Musical Skit - Mission Veng Bial

4. Sand Art - Hlimen Bial

5. Live Band - Kulikawn Bial

6. Skit - Tlangnuam Bial

, Eddie Malsawmkima s/o C. Lalhruaia (V.Sec) chu damlohna avanga Aizawl Hospital ah enkawl a nih hnuin a lo chhuak.

, Nl.Lalnunkimi d/o R.Lalmuankima (T.Sec) chu damlohna avanga Synod Hospital, Durtlangah enkawl a nih hnuin a lo chhuak.

VENGCHHUNG A|ANGA HSSLC PASS KAN HRIAT THEIH TE

Arts:

1) Lalventluanga s/o Lalduhkima - 1st Div. Letter in Public Administration

2) Vanlaldinpuii d/o Lalliankima (L) - 1st Div. Letter in English

3) Lalnuntluangi d/o Upa Lallawmchhunga  - 1st Div.

4) Naom Lalnunthari d/o MS Dawngliana - 1st Div.

5) John VL Hruaitluanga s/o Lalhmunruati - 2nd Div. 

6) Zachhingpuii d/o C. Lalremruata - 2nd Div. 

7) Ruthi Malsawmkimi d/o Lalhmingliana Hnamte - 2nd Div.

8) Malsawmdawngliana s/o R. Lalsangliana - 3rd Div.

9) Zoliankima s/o C.Lalremmawia - 3rd Div.

Science:

10) Lalrinsanga s/o Lalthankima - 2nd Div.

11) J.Lalremruata s/o J.Thantluanga - 2nd Div.

Vengchhung a\anga HSSLC pass thar zawng zawngte Mipui Aw Editorial Board te chuan thinlung takin kan lawmpui a, an zir leh zelna turah inthlahdah lova \an la zual sauh sauh turin duhsakna kan hlan e. 

 

CERTIFICATE IN THEOLOGY (C.Th) PASS THAR

Tv. H. Lalhriatpuia  s/o Vanlalvena (T.Sec) chuan Certificate in Theology (C.Th) \ha takin a pass a. Hetianga kan member pui Bible zirchhuak kan nei hi Mipui Aw Editorial Board te chuan kan lawmpuiin kan chhuang hle a, a kal leh zelna turah duhsakna kan hlan e.

Branch Kristian |halai Pawl chuan ni 15.5.2017 (Thawh\an) zan inkhawmah lawmpuina a hlan nghal dawn a ni.  

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 7.5.2017

MIPUI AW

KARTIN CHHUAK

Vol. XX Issue No. 19 Kristian Thalai  Pawl  Saikhamakawn Branch  Pathianni Dt.7.5.2017

VAWIIN CHANGVAWN

In veng ula, rinnaah chuan ding nghet ula, in ti huai ula, chak takin awm rawh u. In tih apiang chu hmangaiha tih ni vek rawh se.(I Kor 13:14) 

KOHHRAN PROGRAMME:

Ni 7.5.2017 ( Pathianni)

Chawhma Inkhawm

|antu : Pi Sangchhingpuii

Zirlai 16-na : “Israel mi 1,44,000 chhinchhiah thu”

Chawhnu Inkhawm

Thuhriltu :  T. Upa C.Vanlalsanga

Zan Inkhawm

Thuhriltu :  Upa Zairemthanga 

K|P INKHAWM PROGRAMME

Ni 8.5.2017 (Thawh\an Zan)

Thupui Zir Inkhawm

Hruaitu : Tv.C. Laldawngliana

|antu : Tv. Joseph Lalrohlua

Bible Chhiar 

kaihruaitu : Nl. Zonuntluangi

Chhiar tur : Thufingte 19:1-9 

Thupui : “Thlen chin a\anga hmasawn”- “Thlarau Nun” 

Hawngtu :  Pu Albert Lalremsanga

Thawhlawm          Nl. Lalrinsangi leh

 lakhawmtu turte :   Nl. Lalnuntluangi

Zai hruaitute   : Tv. Abraham Lalnunthara leh Tv. Lalawmpuia 

Keyboardist : Pu Lalremruata

KOHHRAN HMEICHHE

 INKHAWM PROGRAMME

Ni 9.5.2017 (Thawhleh Zan)

Khawvel pum a \awng\airual Ni

Hruaitu : Pi Zonunsiami

|antu : Pi Lalengpuii 

Thupui : “I lakah dik lohna ka nei em?” (Num 27:1-11)

Sawitu : Pi Ralliani

 KOHHRAN PAVALAI PAWL

 INKHAWM PROGRAMME

Ni 11.5.2017 (Ninga Zan)

|awng\ai rual leh Sharing

Hruaitu : Pu H. Remtluanga             

|antu : Pu R. Lalsangliana

Khuangpu : Pu Lalthanliana Ngente leh

 Pu Biakvela

Thawhlawm lakhawmtu: Pu Chhuanvawra

KHAWNGAIHNA

(Rom 11:6)

Lalpan a mi siamte sual a boral mai tur khawngaihna avang in min chhandam a, chu khawngaihna avang choh chuan misual ten khawngaih rawngbawl hna chu kan lo thawk ve thei choh a ni. Kristian ten he khawngaihna hi kan hriat chian a pawimawh in a tul khawp mai, chu khawngaihna chu mi in a hriat chian loh chuan thiltih hmang in VANRAM kal a tum fo thin. Mahse khawngaihna hi mi in a hriat chian chuan khawngaihna avang in khawngaih leh chhawnna in Lalpa rawng chu lawmtak in a bawl zawk thin. Khawngaihna a ni chuan thiltih vang a nilo va, mahse khawngaihna avang a chhandam a nih vang zawk in lawm tak in kohhran ah Lalpa rawng chu lawm tak in a bawl zel thin.

Khawngaihna a nih si chuan kan awm mai mai dawn em ni? Nilove, khawngaihna avang in khawngaih leh chhawnna in Lalpa rawng chu a bawl a, midang ah harsatna a neilo. Engtin? Lawm tak a Lalpa rawng a bawl avang zawk in Lalpan a sual ziah chu Kross kaltlang in a hriat tir a, nitin ama Kross pu in Lalpa nen rawng a bawl zawk a, a tan chuan engtik lai pawh in Lalpa zawk in Lalpa ni ah a chantir thin. Kohhran ah engrawngbawlna pawh chelh sela midang a teh ve tawh ngailova, midang nun ah a buai ve hman tawh loh zia chu Lalpan Kross kaltlang in a hriat tir zawk thin. He khawngaihna hi thinlung tak a kan pawn theih loh vang hian mi nun ah kan buai a, midang tih that leh that lo te, a hmu len phah fo thin. Thiltha tih vang in chhandamna chu chan kan tum a, kan tih that hman loh deuh in mahni kan inthiam lo emaw kan inthiam chawp zawk ta thin a ni.

Khawngaihna hi thlarau in hrefiah in thinlung tak in pawm ila, he kan ram hi ZORAM THAR ah kan siam ngei ang.Kan thil tih ah kan in nghah a, kan in teh chhung chuan ti ve lo kan hmu tleu anga khawngaihna chu keimah ni zawk in kan bawh bo ngei ang. A harsatna nei lam kan chhutpui thei tak tak tawh ngailo fo thin ang.

Khawngaihna kan sawi avang hian ti lo thawk lo tur ah in dah in thiam lo in chantir ngawt suh. Mi piangthar tak tak zawk chuan a hma aiin a thawk nasa in Lalpa rawng chu nasa leh zual in lawm tak zawk in a bawl thin. Engvang in maw khawngaihna a ni si a? Mi Lalpa a a pian tak tak na zawk chuan tilo theilo dinhmun ah a din tir a Krista hmangaihna zawk chuan Lalpa rawngbawl tur in a tir luih ta zawk a ni. Mahse ti velo te demna a neih ngaih lo vang zawk in a danglam zawk thin a, amah ah midang ten lawmna an hmu zawk thin. Engkim Lalpa tan a tiin a thawk a Lalpa khawngaihna zawk chuan a rilru a thlarau a chhuntlang hneh in, thawk tawk a in ti ngai lova, Lalpa chak zelna nun ah Lalpa rawng a bawl tir tawh zawk thin.Lalpa rawngbawl hi hneawm a i ngai a nih chuan khawngaihna in kan thinlung,thlarau a chhuntlang kan phal tak tak lo a ni zawk fo thin. Khawngaihna nilo sela Kross ler ah khan a dinglam a mi khan chhandamna hi a chang thei ngai lovang. Lalpa rawng kan bawlna hi bat a ruat a ni lova, khawngaihna a ni zawk. Bat a ruat tu zawk ten midang nun ah buaina an nei zawk fo thin. A dinglam a miten Lalpa tan an tih an hre lo khawngaihna avang a rawng an bawl avang in, mahse a veilam a mi ten an thil tih chu a hriat avang in VANRAM an chang ta lo, bat a ruat a Lalpa rawng an bawl avang zawk in, an thil tih that te an chhuan a an chapo pui a, Lalpa hnen a lut tlak a an in ngaihna chuan hremhun ah a her liam tir ta zawk a ni. 

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial...?

Tun hnai ah MBSE chuan pawl sawm results a ti chhuak a,tualchhung atang pawh in mi thahnem takin an pass-a lawmawm hle. Hetih lai hian hlawhtling zo ta lo pawh in beidawng mai lova a hma aia nasaa beiha hlawhtling tura kan inbuatsaih a; khawvela mi hlawhtling tak takte pawh hi a vawikhatnaah an hlawhtling vek kher lo a ni tih kan hriat tha hle awm e. “Mizo te hi Zirna ngaisang leh ziak leh chhiar thiam tamna state kan ni kan ti thin a, a dikna chen pawh a awm e, amaherawh chu zirna kawng a ti thate chawimawina kawng ah hian tun aia hmasawn tura tan kan lak a ngai niin alang. 

Zaithiam, fiamthu thiam, piannalh leh zei thlanna leh thil dang danga ti thate kan chawimawi a, thilpek hlu tak tak kan pek thin ang hian, zirna kawnga hlawhtlingte kan chawimawina kawngah hian thil hlu tak tak pek hi kan intihhmuh a ngai khawp mai.“      Kan miliante, dawrkai lian leh politician thleng pawh hian heng HSLC, HSSLC, UG leh PG a pass te  chawimawi nan hian thil hlu pek te hi intihhmuh thar ila,kan khawtlang pawh hian kan tih thin tho mah nise tun aia thalai Lehkhathiam zawk kan neih theih nan an mahni theihna cho chhuak tura kan chawimawia  kan ngaihsan luih thiam hi kan tih tur tul tak niin a lang. 

NAUPANG  TE  HI

-Pc. Hriata.

Kan khawtlang leh ram angah pawh a ni ang, tute hi nge pawimawh ber ang? tih zawhna hi chhanna inang lo dik thlap lawi si zawhna a ni a tih theih awm e. Tunlai khawvelah thalaite hawi lam leh thlek na lam apiang hi khawtlang leh ram pawhin a hawi lam chu a ni deuh zel tawh mai. Thalaite hian vawin nia kan ram leh khawtlang nunah hian nghawng an nei nasa in an va pawimawh em tih hi tuma hai rual a ni lo. Chhuan hnih khat lek ral hnua kan ram leh khawtlang, kohhran tlenga kan hruaitu pawimawh tak tak la ni tur te an ni a, chuvangin hruaitu tha leh rinawm Pathian hmangaiha tih em em tu, mahni pumpui aia ram leh hnam hma ngai mi, kawng tinrenga hmantlak leh midik, thalai kan neih tam a tul hle a, chutiang chu engtianga neih chi nge ni ang. Bible chuan “Naupang chu a kalna awm kawngah chuan zirtir ula, a upat hnu pawhin a thlah lovang.”(Thufingte 22:6) tiin a lo sawi kiau a. Kan Bible zirtirna atang chuan naupan lai nun atangin a pawimawh hle tihna a ni.

Avshalom Caspi, Psychology Professor, King College London a mi leh a thurualpui ten naupang kum 3 mi nungchang chu kum 26 a nih huna a mizia leh nungchang nena a inzawm dan an zirna tlem han tarlang lawk ila. New Zealand, Dunedin a naupang kum 3 mi, sangkhat zet chu test hrang hrang 22 lai mai hmangin a zirchianga, tichuan chung naupang ho chu kum 26 an tlin hnuah test an neih tir leh a, chuta an hmuh chhuah za zela 96 dika an pawm pahnih chauh tarlang ila. Kum 3 mi nih laia zilh loh leh khuahkhirh lem loh naupang chu a lo puitlin hnuah pawikhawih zawnga rilru phur sarh na an nei tam a, midang hriatthiamna an neih loh bakah hlauhthawnna an ngah niin an zir chhuak. Tin, naupan lai atanga inrin tawkna nei nasa mi chu a lo than len hnuah mahni an in thunun zo lo a, mahse an thil tih reng rengah tim na leh hlauthawnna awm miah -loin thil an ti thin tiin an zir chhuak bawk. Tin, an thil ngaihpawimawh em em pakhat chu kan tawnhriat (experience) hian kan nun thlakthleng turin nghawng nasa tak a nei tih hi a ni thung. Hetiang ang tak hian naupang engmah la hrethiam rual loa kan ngaih pawhin an puitlin huna an mize put tur ruangam an lo put lawk tawh si chuan thalai fel tak tak leh Pathian tiha ram leh hnam hmangaih mi neih kan duh chuan zirtirna pek hian tlai luat a awm thei ngei dawn a ni. Chu chu kan Bible (Thufingte 22:6) min zirtir dan pawh a lo ni chiah reng a ni.

Mihring nun leh mize tha tak neih tur chuan naupan lai atanga zirtirna dawn that a pawimawh khawp mai a. Hetih rual hian keini Mizo te hian naupang kan enkawl danah thil fu lo lai awmin a lang. Tin, naupang te hi kan thutak khukpuilo tlangpui a, hei hian a lantir ber chu kan ngaihthah tih na a ni. Nimahsela a hmasa lama kan sawi tawh angin naupang an nih lai atanga an mizia in an puitlin hun tur a hril lawk ruih a ni tih hi hre tho mah ila kan ngaihthat tlat thin a, an lo puitlin chhoh a, pawikhawih zawnga nun an hman atang chiahin zirtirna leh enkawlna nasa lehzualin kan kalpui ta thin a, harsatna tamtak min thlen thin zawng a ni hi. Mihring mizia, nundan leh rilru put hmang tha tak neih kan duh chuan Pathian thu in min hrilh angin upat hnu thleng pawh a a vawn reng tur an naupan lai atangin kan zirtir ngei tur a ni. Hei hi zaah za in a dik e tia zirchianna awm lo mah se kan Bible min hrilh dan a nih miau avangin ringtute tan ngat phei chuan kan ngahthat thiang lo.      

Hetiang taka naupang nunin kawngro a su a nih si chuan, naupang thil zirna hmun tam ber chhungkaw pawimawh zia hi kan hriat thar a tul hle a ni. Tichuan chhungkua chu ram leh hnam siam thatna te, rinawmna te, huaisenna dik te, Pathian hmangaihna tak tak leh hringnun ze mawi kan tih zawng zawng kan zir chhuah na tur hmun, Hringnun Pum chu a lo ni ta a ni. Thir dengtu in thir a lin that ver vawr laiin a duh ang taka mawi in thir khawng leh chang tha tak chu awlsam tea a siam danglam thin ang hian naupang rilru nem tak an la nih lai atang hian i duh ang mihring ni turin i chher thei a ni. Thir ling pawh a lo daih tawh chuan khawih danglam a har tawh angin puitling rilru sakhat nih hnuah thlak danglam a har tawh thin. Chhungkua ai chuan a pawimawh kan ti thei lovang, mahse nun chan zirna pawimawh tak dang phakhat chu nitin zirna sikul hi a ni bawk awm e. Nu leh Pa bul tluk zeta an awm tamna zirtirtute hian naupang lo thanglian tur nun kawngah mawh lian tak kan phur a ni tih hi hriat a tha. Lehkha bu chhung thu thiam bel tir aia pawimawh chu a bu chhung thu thiam bel a tulna hriattir hi a ni zawk si, nun kawngbo tak kawng dik kawhhmuhna hmun pawimawh tak a ni tih hre thar mawlh ang u. 

Kan vawin khawvel hi thlir ila, kan thalai te awmdan phungah eng nge tlakchham kan neih a, eng nge duhloh kan neih tih te. Ram leh hnam kan hmangaih danah te, dikna leh rinawmna kan vawn danah te,  thalaite kan taimak dan chinah te leh hlemhletna in kan rama bu a khuar dan te ngaihtuaha chhut chianin kan tunlai khawvel ang hi kan tu leh fate khawvel ni ve lo tura kan duh a nih chuan chhia leh tha pawh la thliar hrang thiam loa kan ngaih naupangte atanga bul kan tan a tul ta tih na a ni. Tin, Kristian ram kan in ti a, mahse Kristianna kan nunpui dan erawh zep thu cheng lo kan sit hlawm vek a ni hi maw. Abrahma-a Pathian chu Isaka Pathian a ni a, Isaka Pathian vek chu Jakoba Pathian a lo ni ve leh zel a, hemi in a lantir chu chhungkaw pa ber atangin Pathian, Pathian zia lantirin a awm hneh hle tih na a ni. Chhungkaw hotu ten Pathian aiin sum in thil a tithei zawk anga kan lantir chuan naupang chuan sum a ngaihlu in a Pathian thei hial  dawn a ni.

Hetiang a nih avang hian kan ram leh hnam, chhungkua leh khawtlang, kan ringtu nun thlenga tha leh mawi, rinawmna leh dikna nen a ram roreltu tha kan duh a nih chuan tun huna naupang lo thanglian mekte hi kan enkawl thiam a tul a. Hringnun Pum a in rawh ling mek naupang nun la nem tak te hi ngahthah hauh lova Pathian tihna nen nun kawng kan chher hriam sak a tul tak zet a ni.

MISSIONARY RAWNGBAWLNA REPORT

- K.Lallianmawii

Health Worker, Salem Boarding

Damparengpui

Salem Boarding School hi 20th February 1980 ah din \an a ni a, Damparengpui Pastor Bial chhunga awm a ni. Khawhai Kohhran in a enkawl mek a ni.Tunah hian school naupang mipa 102 leh hmeichhia 72, an vaiin 174 kan nei mek a ni. Hostel hi Class V-X tan siam a ni a, Primary Section lam hi chu thawktu fate lut tur an awm a nih loh chuan naupang dang kan la ngai lo a ni. School naupang hi Mizoram chhim leh hmar khaw hrang hrang, khaw 30 vel a\anga lo kal khawm hnam hrang hrang an ni. Ringlo kan tih tur erawh an tam ngai lem lo.  

Thawktu te: Zirtirtu hi 18 an awm a, Peon pakhat leh O.A pakhat nen, School ah hian mi 20 thawktu kan nei a. Tin, Agriculture lama thawktu hi mi 3 an awm bawk a. Hostel Cook 4 awmin keimah nen hian thawktu zawng zawng hi mi 28 kan awm mek a ni.

Rawngbawlna lam: Khuaa awm kan nih loh avangin, rawnbawlna lamah harsatna sawi tur a tam lo khawp mai. Kum tin school naupang te Summer Vocation ah Camping & Crusade neihpui \hin an ni a. Tin, Compound Family leh naupangte hruaiin School Session tawpah khaw thlan bikah Outreach neiin kan chhuak \hin bawk a. Kumin 23rd-27th March, 2017 pawh khan Pukzing Vengthar ah Outreach neiin kan kal bawk a ni.

Kumin hian Chakma naupang pakhat Baptisma chang kan nei tawh a, kan naupang te hi (a bikin ringlo) tan Kohhran ho ten min lo \awng\aipui turin kan sawm che u a ni. 

Keimah lamah chuan damdawi hi MRP aia hniamin kan hralh avangin kan chheh vel khua Teirei, Khawhai leh Tuirum te hian min pan nasa ve hle a, kut hnathawk an nih hlawm avangin hliam \hui tur an awm deuh reng bakah, emergency case tak tak kan ngah \hin a, chung hunah pawh Pathian leh in mi \awng\aipuina azarah tihsual nei lovin tun thlengin rawngbawlna kan la thawk ve thei a, lawmthu kan sawi tak meuh meuh a ni. Kohhran miten min \awng\aipui zel turin kan ngen nghal che u a ni. 

DARTHLALANG... IN EN RAWH LE...

Pathianin mihring Adama a siam khan, amah chauha Adama Eden huana awm kha \ha a ti lova, a kawppui tur hmeichhia Evi a siamsak a ni. Hmeichhia te hi mipa min tihlimtu leh min \anpuitu an nih laiin mipa min tibuaitu an ni leh ch^wk \hin. Samsona kha a pian tirh ata Pathian Thlarauvin a serh hran a ni a. Israel hote an hmelma Philistia mite kut ata chhanchhuak tura Pathianin a ruat, uain, zu leh ei thiang lo reng reng ei leh in lo tura serh hran a ni. Samsona khan, ei leh in thiang lo zawng zawngah khan a insum thei vek ang tih chu a rinawm a, mahse Samsona hian chaklohna a nei, chu chu hmeichhia a ni. A nu leh pa phal lo chung Philistia mi nupuiah a nei phawt, chumi hnuah Gaza ah nawhchizuar a zuk kawm a, Sorek ruama mi Philistia nula Delili a ngaizawng leh a, a tawpah hmangaihtu der malchungah Samsona chu a chesual ta a ni. Keini rawngbawltu/ringtu zuk leh hmuam, ruihtheihthila fihlim leh insum thei inti tam tak te pawh hi kan chak lohna leh min tibuaitu ber chu Samsona ang hian hmeichhia hi an  lo ni reng em? Han in bih chiang teh le...    

TBZ NEIHTHIL THEHKHAWM

A hun  : Ni 8.5.2017 (Naktuk Zan) Dar 7:00

A hmun          : Upa Lalrindika In

Hruaitu          : Pu D.Thangbawih

|antu  : Pi Lalhmachhuani

AIZAWL TRAFFIC SP THUCHHUAK

Aizawl Traffic SP chuan mipui vantlang leh lirthei hmangtute him nan leh thawktute tha taka an thawh theih nan a hnuaia tarlan hmun leh hunah te hian lirthei tlan dan tur thupek a chhuah: SIPMlU (NERCCDIP) Aizawl ten Tuikhuahtlang tlangzawl leh Forest Office inkar kawngpui dung ah tui pipe lian phum hna chhun leh zanah an thawh dawn avangin ni 10.5.2017 (Nilaini) atanga ni 18.5.2017 (Ningani) inkarah helai kawngpuiah hian lirthei eng chi mah tlan phal a ni lo. 

Hemi avang hian Tuikhuahtlang chhip area atanga lirthei kalchhuak tur leh pan tur tan kawng awm chhun Sikulpuikawn Govt. Aizawl College bul Republic Road chung ami chauh hman tur a ni a. Helai kawng sir ah hian lirthei eng chi mah dah/park phal a ni lo. Helai kawngah hian lirthei te chi chauh thlan phal a ni rih a, lirthei lian MMV leh a chunglam tan kal phal a ni lo.He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. He thupek hi a tul dan a zirin Traffic Police ten an ti danglam thei ang. 

GAS MAN BITHLIAH THAR

FCS & CA chuan thuchhuah siamin May ni 1, 2017 ah Indian Oil Corporation in eirawngbawlna Gas man a bithliah thar angin, Mizoramah pawh gas man bithliah thar a nih thu a tarlang.

Gas man tharah chuan, Vairengte tih loh khaw dang zawnga gas distributor ah domestic gas bur khat man `788/- a ni a, chuta \anga subsidy tur chu `318.54/- a ni. Gas chu home delivery a hralh a nih chuan rate bituk bakah `7.53/- belh tur a ni a, showroom a hralh a nih chuan rate bituk a\angin `18/- paih tur a ni thung.    

VENGCHHUNG A|ANGA HSLC PASS THAR KAN HRIAT THEIH TE

1) C. Lalrinsangi d/o C. Lalremmawia - Dist. - Letter in SS, Mizo, Maths

2) Lalrempuia s/o Ramnghahmawia - Dist. -  Letter in Mizo & Maths

3) Lalrempuia s/o Rinngaihzuala - Dist. - Letter in Mizo

4) Vansangkima s/o Lalrinchhana - Ist Div. - Letter in SS

5) Lalrindiki s/o Sangmawia - 1st Div. - Letter in SS

6) Vanlalhruaizela s/o Lawmkima - Ist Div.

7) Lalruatfeli d/o Zabawiha - 1st Div.

8) Lalremruati d/o Lalliansanga - 1st Div.

9) Sammy Lalruatpuia s/o Zairemmawia - 2nd Div.

10) K.Lalnunmawia s/o K.Lalnunzira - 2nd Div.

11) Malsawmdawngliana s/o R. Lalmuanpuia - 2nd Div.

12) Saibuangpuii d/o Laldanzira - 2nd Div.

13) C.Zodintluangi d/o C.Zorinsanga - 2nd Div.

14) Jenny Lalnunsiami d/o Ramnunmawii - 2nd Div.

15) Annie Lallawmsangi d/o Vanlalpeka - 2nd Div.

16) Lalhriatpuii d/o Lalfakzuala - 2nd Div.

17) Reuben Saidingliana Sailo s/o Johny Lalremmawia - 3rd Div.

18) Malsawmkima s/o Lalchawimawia - 3rd Div.

19) Alfred Lalhmangaihzuala s/o Lalsailova Sailo - 3rd Div.

HSLC pass thar zawng zawng te Mipui Aw Editorial Board te chuan thinlung takin  kan lawmpui a, an zir leh zelna turah inthladah lova \an la zual sauh sauh turin duhsakna kan hlan e. 

ASSISTANT PROFESSOR AH TLING THAR 

Kan Branch Committee Member Nl. F. Lalrintluangi d/o Pu F. Lalrinpuia (T.Sec) chuan St. Xavier’s College, Commerce Department, Lengpui ah Assistant Professor hna a hmu thar a, kan vengchhunga Assistant Professor hmasa ber a ni. Mipui Aw Editorial Board te chuan thinlung takin kan lawmpui a, a kal zelna turah duhsakna kan hlan e. 

, Eddie Malsawmkima s/o C. Lalhruaia (V.Sec) chu damlohna avangin Aizawl Hospital ah enkawl mek a ni.

,    Pu Zodinliana s/o Lal\hazuali (T.Sec) te chhungkua chu Pi Huanmawii In a\angin an In sak thar an luah fel ta. 

,   Pi Dengthangpuii m/o Ramengzauva te chhungkua chu Pu Thanchungnunga te In (Ch.Sec) ah an in sawn.

, Lalfakzuali D/o K.Roliana (T.Sec) chu damlohna avangin Civil Hospital Aizawlah enkawl mek a ni.

, Pu H. Lalhmingmawia te chhungkua chu Tlangnuam Vengthar a\angin Pu J. Thantluanga (V.Sec) te Inah an rawn in sawn.

, Pu Lalhmingthanga Singson te chhungkua chu Zemabawk a\angin Pu Kamzawngliana (Ch.Sec) te Inah an rawn in sawn.

, Pu Laiveta te chhungkua chu Khawlailung a\angin Pu Lalnuntluanga (Ch.Sec) te Inah an rawn in sawn. 

LAWMTHU SAWINA

Kan fanu Vanlalsawmi’n min boral san chungchangah vengchhung mipuite kan chunga in \hatna leh min buaipuina zawng zawngah khan lawmthu kan sawi a. A damlo tirh a\anga min hmangaihtu leh min khawngaiha min \anpuitu zawng zawng te chungah lawmthu kan sawi a. A boral zana damdawiina min bawihsawmtu te leh In lama tih tur \ul awm apiangte kan tih ve ngai miah lova, min tihsaktu zawng zawngte chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan rul seng dawn lo che u a, engkim ti thei Pathian in a let tam takin malsawmna in rul che u rawh se ti hi kan \awng\aina a ni e. 

In khawngaihna Dawngtu

Deng\huama leh a fate

ZANIN EPL FIXTURES

6:00pm-Liverpool vs Southampton (Star Sports Select HD1)

8:30pm-Arsenal vs Manchester United  (Star Sports Select HD1)