Mipui Aw 16.4.2017

MIPUI AW

KARTIN CHHUAK

Vol. XXIII Issue No. 16 Kristian Thalai  Pawl  Saikhamakawn Branch  Pathianni Dt.16.4.2017

VAWIIN CHANGVAWN

Tichuan ani chuan an hnenah, “Mangang suh u; Isua, Nazaret mi an khenbeh kha, in zawng a ni awm a, a tho leh ta; hetah a awm tawh lo; en teh u, an zalhna hi! (Marka 16:6)

KOHHRAN PROGRAMME:

Ni 16.4.2017 (Pathianni)

Easter Sunday

Chawhma Inkhawm

Thupui : “Thihna hnehin a tho leh ta”

Sawitu : Upa C. Lalmuankima

Chawhnu Inkhawm

Thupui : “Nungin a inentir”

Sawitu :  Pi Khawlvuani

Zan Inkhawm

 Thupui : “Kristiante lungphum thawhlehna”

Thuhriltu :  Upa R. Lalngena

K|P INKHAWM PROGRAMME

Ni 17.4.2017 (Thawh\an Zan)

Sermon Inkhawm 

Hruaitu : Tv. Lalnunzira

|antu : Nl. C. Zodintluangi

Bible Chhiar 

kaihruaitu : Tv. MS Dawngkima

Chhiar tur : Luka 24:44-49 

Sermon         : Pu Lalchhandama

Thawhlawm   Nl. Vanlalruati

tu turte lakhawm :  Nl J. Lalhmangaihzuali 

Zai hruaitute   : Tv. C. Laldawngliana leh 

              Tv. Nathan Lalzuisanga

Keyboardist : Tv. R. Lalawmpuia

KOHHRAN HMEICHHE

INKHAWM PROGRAMME

Ni 18.4.2017 

(Thawhlehni Zan)

Melthum Kohhran Hmeichhia tlawh a hun hman tur a ni a, member te a tam thei ang ber kal tur a ni e.

KOHHRAN PAVALAI PAWL

INKHAWM PROGRAMME

Ni 20.4.2017 (Ninga Zan)

Short Sermon Inkhawm

Hruaitu : Pu Zakhuma Chhangte

|antu : Pu Lalchhanhima

Short Sermon   Pu Kamzawngliana leh

sawitu turte :  Pu Vanhnuaithanga

Khuangpu :  Pu Tlangruata leh

   Pu Denis Rohmingliana

Thilpek lakhawmthu : Pu C.Saienga

ISUA A THO LEH TIH HI HISTORY MAI A NI EM NI?

“History mai a ni. Proof ta che u” tia Kristianna beitu an lo chhuak ta zel mai. Nimahsela History-a a awm avang tak hian a tak (real) a ni tiin bul han tan phawt i la. A tho leh ngei a ni tih document awm thei te chu:

1. ‘Thlan ruak’ kha document a ni e:  Mit ngeia hmutu (Eye Witness) kan hmu a, (Mat 28:1-10; Mk 16:1-8; Lk 24:1-11; Jn 20:1-10) Heng a\ang hian thlan hi a ruak a ni tih kan hre thei. Tin, hnialna dang a la awm thei tho mai a. Thlan kha an hai palh a, Isua thlan ni lovah an kal a ni tih kha tiin! 

Nimahsela thlana an dah laia hmuhpuitu leh hriatpuitute an nih avangin hei hi chu a paihthla nghal a ni. Tin, a vengtu (Guard) ten reports \ha tak min hnutchhiah a, a vengtute hian thlan chu a ruak ngei a ni tih an hmu (eye witness) ve tho va, chu chu puithiamte hnena an report kha a ni a. 

2. Thamna hial lak a ngai asin!: Isua thlanruak chungchang an hriat veleh a vengtute zinga \henkhat chu puithiam lalte hnenah hmanhmawh takin an va hrilh a. Anni ho pawh an lo mangang hle tih kan hmu! Ruahmanna an siam chuk chuk a nih kha. Thlan vengtute chu an tham a! an muthilh hlanin Isua ruang chu a zirtir ten an ru bo, tia sawi turin an hrilh ta a ni. Hei hian chiang takin kan Lalpa chu a tho leh a ni tih a tarlang.

3. Archeological evidence chungchang thu-ah chuan:  Judate danah hian an chhungte thi ta te ruh ro hi an khawm \hin a, bur pakhatah(ossuary) an dahkhawm \hin a ni. Chu chu Lalpa Ni (the day of the Lord) atana an lo tih \hin a ni a, thawhlehna an rin vang a ni. (Eze 37:7-10) hemi chungchang thuah hian Isua thlan a ruah avang hian hetianga tih hi a awm lem lo a ni tih kan hria. A ruhro pawh khawm a ni tih kan hre lem lo ve, archeological evidence a awm loh avang tak hian kan Lalpa hi a tho leh a ni tih a lang e. 

4. Chhinchhiahna(record) hrang hrang a\angin : Mi hrang hrang heng Mathaia, Marka te record a\anga a landan hian Isua hi hmeichhia te, zirtirte, Mary Magdalene-i hnenah te a inlan a, tin Thoma hnenah pawh a inlar thu kan hmu bawk a. Dr.Luka record-ah hian Kleopa leh Emau kawnga a kalpui zirtir pakhat hnenah a inlan thu kan hmu bawk a. Vana a lawn dawnah khan zirtirte hnenah a inlan thu kan hmu bawk a. Midang tam tak hnenah a inlar bawk. 

Vawiin thlengin thlarauin kan hnenah a awm reng a. Ngai teh u, kei kumkhuain khawvel tawp thleng pawhin in hnenah ka awm zel ang a ti. Khawiah pawh nichhuahna apiangah Isua Lalin ro a rel zel ang. Thla thar det bân hma loh hi chuan a ram a la zau zel ang. Kan hnenah nungin a awm a, a thih leh thawhlehna avanga chatuan nun hlu kan neih hi engah kan \hutpui mai mai lem ang le? Lawm takin, hlim takin penchhuak ila, Pathian ropuina turin ban uaithla leh khup zawi tawhte pawh Lalpa faknan i chet chhuah tir leh ang u khai. Lalpan thil ropui tak min tihsak hi \ahpui tham, hlimpui tham buaipui tham a ni si a. Thihna chelh hlen rual loh Isua ropui ber rawh se.

“A nung ka hria ka tlantu duhtak,

Khawvelah ro a rel leh ang;

Min pe ngei dawn chatuana nun hlu,

Ropui leh thuneihna a chang.” (KHB No.177)

EDITORIAL  BOARD

Editor :                           

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga   

Circulation Manager:

Tv. C. Lallawmawma                    8974509821

Nl. C.Zosangliani                          8731005507

Editorial.....

Keini Kristriante tan chuan vawin ni hi kan nun a hun pawimawh tak achang thin, kan damna tur a kan aiawha Lal Isua Krista thihna hneh a athawh lehna ni, EASTER SUNDAY  alo thleng ta reng mai, he ni hi hlimtak a hmang in theihtawp chhuah in Lal Isua fak hi kan tih tur a ni a, he ni hi kan hmang leh angem tih pawh kan in hriat loh lai a kan thleng thei hi Lalpa malsawmna a va ni teh lul em.

     A pawimawh lai ber he kan thinlung zawng zawng a amah kan fak ni alo then mek lai hian he kan mihring lam duhtawk chin ah he ni pawimawh tak hi kan hmang liam mai ang tih ava hlau awm si em. Fak tawk thei che ila fak che ka nuam miin alo tih lai a keinin kan  fak Lalpa hi he ni Kristiante tan a ni pawimawh tak a nih hi thu mai in kan hria ang tih ava hlauhawm em. Pathian nih pawh thlahlelh hleithei lovin kei leh nang ata a lo kal hi aropui zia i hre mawl ang u tiin vawin ni hi hmang tur in Lalpan nangmah ah khan a ropuina lan tur a duh a ni tih hrereng in he ni hi hmang ang hmiang. Lalpan hausa a ti te chu ama nunneitu te hi an ni si a, he lei hausakna hi Lalpan a teh velo tih hrereng in vawin ni hi amtak in Lalpa fak leh chawimawi in kan hmang zawk dawn lawm ni. EASTER SUNDAY hi nang leh kei a nun ah eng ang in nge alo then le. Mihring hma ah ka in lan ni livin Lalpa hma ah ka in lan a ni tih hrereng in he ni hi hmang tur in duhsakna sang ber ka hlan a che.    

NAUPANG PUAL...F.J. CROSBY

Nula pakhat, harsatna nasa tak tuar chung pawha khawvel hriat hlawh  leh  khawvelin  a theihnghilh theih tawh loh tur khawpa sang taka invawrh kai thei, hmeichhe hlawhtling tam takte zinga pakhat chu Francis Jane Crosby, Fanny J. Crosby-I tia hriat hlawh ta zawk a ni a. 

Pathian fakna hla ropui tak tak leh hla mawi tak tak a phuahte chuan mite hnena vanram mawina leh Pathian a awmzia a hriattir a. Fanny Crosby hi a pian a\anga kar ruk lekah, damdawia enkawl dik lohna avangin a mit a del a. Hei hian he khawvel a dam chhunga a mitdelna a thlen dawn a ni tih chu kum 5 a nihin doctor chuan tlang takin a sawi ta a ni.

 Crosby-i chu a pain a thihsan hma avangin a nu chuan hna thawka a chhuahsan ni tin a ngai \hin a. A nuin hnathawka a chhuahsan \hin avang chuan a enkawltu leh a nun kaihruaitu ber chu a Pi a ni a. A pi kaihhruaina a\ang chuan khawvel thil leh vanram chanchinte a zir a. Bible chang tam tak a vawng bawk a. Chungte chuan Fakna hla phuah tura phurna te, thumal hman tur leh a hla thupui turte an pe a. 

Kum 15 a lo tlin chuan a pi chuan Crosby-i New York khawpuia Mitdel School-ah a kaltir a. Hlim takin kum 1835-ah New York khawpui chu a pan ta a ni. Mitdel School-ah hian kum 12 chhung a zir a, kum 11 chhung erawh zirtirtuin a awm thung a ni. Fanny Crosby hian a naupan lai a\angin hla phuah chakna nasa tak a nei \hin a, mahse a \hiante leh an zirtirtute chuan an tuipui loh avangin chutiang hawi zawnga ke pen tura fuihna chu an hnen a\ang chuan a dawng ngai lo a. 

Ni khat chu William Cullen Bryant-a’n an sikul chu a rawn tlawh a. Chumi \um chuan Crosby-i phuahte chu ensakin, hlaphuah lama \ang sauh sauh turin a fuih a. Crosby-i fuihtu awm chhun a ni nghe nghe a, a phur phah em em a ni. 

He mi hnu lawk hian Crosby-i te hriselna endiktu doctor chuan, hla phuah thiam tak a la nih tur thu a sawi ve leh a. Pathian kohna a dawn nia a hriat nemnghehpuitu chu, chu doctor ngei chu niin a pawm a, mahni inrintawkna pawh a neih phah nasa ta hle a. Chuta \ang chuan hla phuah thiamna thilpek, Pathian a\anga a dawn chu, a hma ai zawngin amah a\ang chuan a luang chhuak nasa ta a ni. Crosby-i te sikula an Superintendent chu Grover Cleveland-a a ni a. Ani hian Crosby-I chu a duhsak \hin hle a, nasa takin a \anpui bawk a. Kum 16 mi a nih thlenga a hla phuah zawng zawngte chu Pu Grover-a hian uluk tak leh fel takin a copy \hatsak vek nghe nghe a ni. 

Kum 23 a lo tlin chuan America ram rorelna sang Congress-ah Khuallian ni tura sawmna te hial dawngin, member-te hmaah thu a sawi a. He hmuna lawmthu a sawina thu leh Lal Isua hnena a lawmthu sawina \awngkamte chuan mipui mittui a titla nasa em em a ni. Heta \ang hian America President leh Congress Member-te chu a \hian \ha tak takte an lo ni ta a ni. Kum 1844-ah a hla phuahte chu a bu (volume) a siam a ni a, a bu hmingah “Hmeichhe naupang mitdel leh a hlate” tih a chhuah a ni. Hla 800 vel zet rimawia siam a ni a. A hla phuah mawi tak takte zinga \henkhat chu - Thlipui laka kan himna, Kawngtluanin Isuan min hruai, Hriat chianna hlu ber tihte leh I ta ka ni Lalpa tihte hi an ni. 

Crosby-i kum 35 a nihin Alexander Van Alstyne-a nen an innei a, nupa hlim tak niin fa pawh an nei ve a. Mahse, vanduaithlak takin an fa neih chhun chu a thi hlauh mai a. Hei hian a thinlung chu nasa takin a khawih a; mahse, hla ropui tak ‘Isua hnenah ka him ang’ tih hi a phuah phah hlauh thung a ni.

EASTER SUNDAY SPECIAL: EASTER EGG

Easter Egg hi Paschal Eggs an ti bawk a, Lal Isua Thawhlehna ni, Easter Sunday lawmna atana Artui chei ran a ni deuh mai. Ramdang, hmundang, Kristianna in a chiah hmasak lamah chuan vawiina kan hmuh leh hriat, kan hmawm puk puk ang deuh hian, Easter egg hi vawiin ni angah chauh nilo hian, Eastertide (Easter season) bawr hian a lar hle \hin a ni.

Tun hma chuan artui chei emaw dye emaw an hmang \hin a, tunlai khawvel thiamna sang zelah hi chuan ram changkang zawk te chuan Artui tak tak hmang lovin, chocolate artui emaw plastic artui emaw, a chhunga thil tuihnai tak, sweet lam (confectionery) te, jelly beans te thunin an hmang tam tawh zawk a ni.

Artui hrim hrim hi hmanlai a\ang tawhin malsawmna leh vanneihna (fertility) leh piantharna (rebirth) entirna (symbol) atan hman a ni \hin a, Christian te zingah chuan Easter Egg hi- “LAL ISUA THLAN RUAK ENTIRNA leh LAL ISUA, THLAN A|ANGA A THAWHLEHNA leh amah ringtu chu CHATUANIN A NUNG RENG ANG” tih chhinchhiahna a ni. Heti ang hian hmanlai Kistian te khan Easter Sunday leh Easter vuakvetah hian urhsun leh puithu takin Artui cheimawi hi an lo ching tawh \hin a ni. Heti ang deuh a cheimawi, Ostrich tui, kum 60,000 zet a upa chu Africa-ah khuan hmuhchhuah a ni nghe nghe a, heti ang a Ostrich tui, Gold leh Silver-a cheimawi hi hmanlai Summerian leh Egyptian ho khan thlana dah an lo ching hle a ni.

Christian tena heti ang Easter Egg kan lo neih \an ve dan hi sawi dan pawh a inang vek lo mai thei, mahse Mesaopotamia ram Kristian te kha Easter Egg ching chhuaktu anga sawi \hin an ni. Anni ho khan Lal Isua khenbeh a nih a, A Thisen chhuak hriatreng nan Artui hi Rawng sen an lo hnawih \hin a, hun a lo kal zel a he custom hi Kohhran hoten rawn entawnin, Official-a hman anih chu AD 1610 khan Pope Paul V-an a hnuaia \awng\aina thu nen hian a puang ta a ni.

“Bless, O Lord! we beseech thee, this thy creature of eggs, that it may become a wholesome sustenance to thy faithful servants, eating it in thankfulness to thee on account of the resurrection of the Lord.” Kohhran hrang hrang leh ram hrang hrangah a hman dan leh a chei dan a inang vek bik lova, Artui te hi mahni mawi tihdan ang ngawt leh rawng duh zawng zawnga chei ran satliah a ni lova, rawng hrang hrang hian awmzia an nei vek nghe nghe a ni. Orthodox leh Eastern Catholic Church te chuan Lal Isua Thisen, kan tan a luang a ni tih entirnan rawng sen an hnawih a, Lal Isua Thlan kha khar phui (sealed) a ni tih lantirnan, Kross lem an ziak bawk \hin. Tin,  Artui keh cheimawi hian Lal Isua thawhlehna a entir bawk.

Easter egg hi Paschal Vigil (which is equivalent to Holy Saturday) ah Puithiam ten malsawmin an sem \hin a ni. Heti ang deuh chiah hian Poland Roman Catholic te pawhin an hmang ve bawk a, “œwieconka” an ti. A tlangpuiin heng Artui te hi Basket-ah buhpawl nen an dah \hin a ni. Hei mai bakah hian heng artui an cheina rawng atan hian natural color (Hnim, pangpar, thinghnah etc.) an hmang tlangpui \hin bawk.

CROSS TLANG

Lithuania  ram hmar lam khaw te tak te Siauliai an tih a\anga km 12 zeta hlaah chuan thil mak leh mit la tak mai a awm a. Kraws Nuai tel chuan chu tlang chu a bawm khat tlat mai a ni. He thil hi a lo chhuah \anna tak hriat a ni tawh lo va. Lithuania rama Catholic te sulhnu a ni tih erawh a hriat theih. Lithuania hi Baltic ho awpbehna lak a\anga tal chhuah an tum nasat zia tarlanna pakhat a ni bawk.

Helai khua hi hmuhchhuah a nih hnu lawk a\angin tlangah hian Kraws hi awm \an ni a sawi a ni. He hmuna \awng\ai tura kal te chuan Kraws an phun zel a. Kraws phun chu an intihhmuh a. An phun ta sup sup mai a ni. Chuta chinah chuan rawn pung chho zelin tunah phei chuan Kraws hi Nuai khat chuang a awm tawh a ni. Kum 1795 a\ang khan Lithuania hi Russia awpbehna hnuaiah an awm a. Kum 1918 khan Independence an puang a. Buaina chhuak avangin mi tamtakin nunna an chan a ni. He buaina avang hian Kristiante chu tlangah an \awng\ai a. Ram tana martar te hriatreng nan leh \awng\aina behbawm atan Kraws hi an phun chho ta zel a ni.

Kum 1944 a\anga kum 1990 a Lithuania in zalenna a hmuh thleng khan he Kraws tlang hi tihchhiat tumin vawithum lai beih ni mahse Kraws hi a kiam tak tak thei lo. Tlang bul lawka Kulve Lui chu khuah a Kraws tlang hi tui chim tir vek tumna a awm leh a. Hei pawh hi a hlawhchham leh tho. He tlanga Kraws awm hi an chhiar hmasak ber kum 1800 ah chuan 3000 vel a awm a. Kumtin a pung chho zel a. An chhiar hnuhnun ber kum 2006 kha chuan Nuai khat a chuang tawh. Catholic ten \awng\aina tlang, Hmun thianghlima an ngaih tlat avangin Kraws hi a la pun zel rin a ni.

DARTLALANG... IN EN RAWH LE...

Khawvel hnam tin hian tihdan phung danglam tak tak inzahna lantirna hrang hrangte  kan  nei  hlawm  a.  Culture \henkhatah chuan room-a lut tur ringawt pawhin naupang zawkin upa zawk phalna a lak hmasak a ngaihna a awm a, culture dangah chuan an zinga nihna sang berin room a luh hmasak ber a ngaihnate pawh a awm. Kan culture leh tradition-te chu eng pawh ni se, a chang chuan thil pawimawh leh duhawmah te chuan mi dangte ken leh hmasaktir kan hrehna a tam ta khawp mai. A bik takin kan ta ngawih ngawih nia kan hriatah ngat phei chuan 'keimah' a lian em em mai zel a, dinhmun leh nihna pawh kan chhawmtir nasa ta hle mai.

Abrahama leh Lota khan ran rual tam tak an nei a, an in\hen a ngaih takah khan buaina leh harsatna, inhnial buaina a awm loh nan Abrahama khan phal takin Lota kha a duh a thlantir hmasa ngat mai. Lota chuan duhthlangtu a nih ang ngeiin Jordan phaizawl ram \ha lai chu a thlang ta mauh reng a, Abrahama chuan ram chhe zawk a chang ta a ni. Upa zawk a nihna ang leh neitu zawk nia inngaiin Abrahama khan a 'rights' sawilanna a nei reng reng lo. Chu ai chuan a hmalam hun chu Pathian kutah a dah mai. 'Nang leh kei, kan inkarah emaw innghirnghona awm lul suh se, pafa kan nih hi. Ram lah hei a awm duai a, awm hran zai rel mai teh; veilam hi i duh zawk leh ding lamah ka kal ang a, dinglam i duh zawk leh veilam ka pan mai ang' (Gen. 13:8-9).

Tunlai khawvelah duhthlan tur tam tak  kan  neih  tak  zualnaah  hian  min kaihruai turin Pathian kutah innghat ila, a duh anga min kaihhruai theih nan inpe bawk ila, a him ber mai a. Kan mamawh chu min pe dawn tih Amah ngeiin min tiamnaah hian kan ring zo lo fo em?

HRIATTIRNA

Tun lai hian Cable T.V lamin Channel smart card hmang a en tawh turin hma an la mek a, A \henin channel 1 lek te en thei an awm hlawm a, a chhan hrang hrang kan lo hriat ve atan.

1.In smart card kha a vuah dan a dik lo a ni thei.

2. In smart card leh box number an record sual a ni thei.

3. In smart card leh box number kha an record tawh kha in office pui ah an la theh lut lo a ni thei.

4. In card number leh box kha office lam a an theh lut tawh a nih pawhin an la ti nung hman lo a ni thei.

5. In card number leh box number kha office lam pawhin an tisual palh a ni thei, number 1 lek pawh a sual chuan a thi vek.

6. In en theih loh reng chuan In smart card number leh box number kha in distributor hnenah report leh vat tur a ni e.

LAWMTHU SAWINA

Kan nu Lianhmingthangi’n min boralsan chungchangah vengchhung nu leh pa, nula leh tlangval te tha leh zung senga min buaipuina zawng zawngah lawmthu kan sawi a, kan chunga in \hatna zawng zawng te Lalpa’n a let tam takin malsawmna in rul let che u rawh se tih hi kan \awng\aina a ni e.

In khawngaihna dawngtu,

Pu K.Roliana leh a fate

Taitesena Section 

RD SEPTIC TANK SERVICE

Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a,  kan sulhnu a felfai a, senior leh rintlak kan ni e. kan Rate a tlawm bawk.

RDA

Contact: 9436199884/  

             9612510887 

LAWMTHU SAWINA

Bialtu MLA Pu K.S Thanga’n Community Hall chhuat phah tur Carpet min rawn pe a, a chungah YMA Saikhamakawn Branch chuan lawmthu kan sawi tak meuh meuh a ni. 

Sd/-(C.LALDAWNGLIANA)

Secretary

YMA Saikhamakawn Branch

CHATUAN RAMAH

Pi Lianhmingthangi w/o Pu K.Roliana chuan ni 11.4.2017 (Thawhlehni) tlai khan chatuan ram min lo pansan ta a.Mipui Aw Editorial Board te chuan kan tawrhpuiin, a kalsan tak a chhung leh katte Lalpa’n vengin awmpui zel rawh se tih hi kan \awng\aina a ni e.

KHANGHU....

Kan khawtlangin hun rei tak a\anga kan eizawnna pui ber leh chhungkaw tam tak din chhuahna chu tunlai hi a vanglai a ni chho leh ta mek a, kan Aizawl khawpuia a tam zawk hi kan khawtlang thar chhuah kan ti thei awm e, hetianga kut hnathawktu hlawhtling tak kan nei hi a ropui hle a ni. 

Mipui Aw in kan hriat theih chin ah kan khawtlangah hian khanghu hmun nei hi In 200 bawr kan awm a, heng zingah hian a ngah deuh chuan kar khat ah Tel 1000 bawr vel te la in tel 1 hi `15/20 a ni tlangpui a ni. Heng bakah hian kar khatah Tel 200 a\anga 400 la an ni tlangpui hlawm a, hetiang a kan Khawtlang hmun rualrem lutuk lem lo in Khanghu kan thar thei hi a lawmawm hle mai a,t un aia tam thar chhuak a kan Aizawl khawpui ngei pawh chawm thei tur in \an la thar ang u.

THU ROTLING

“Thuhril hi mimal hna ni lovin, Kohhran hna a ni”

- Cleverly Ford

      

Ni 10.4.2017 K|P INKHAWM DAN

Group Thawh\an zan          Nilai zan     Inrin  Zan       Total

Isaia     15             6                      4      25

Jeremia     15             5                      4      24

Mika      8             3                      4      15

, Pi Zampuii w/o Pu Zoramthanga (T.Sec) chu damlohna avangin Civil Hospital, Aizawl ah enkawl mek a ni.

,   Pu Sanghnuna h/o Pi Lalramliani (V.Sec) chu damlohna avangin Guwahati ah enkawl mek a ni.

,   Pu C. Laltlanthanga h/o Vanlalhriati (T.Sec.) chu damlohna avanga State Referral Hospital, Falkawn ah enkawl a nih hnuin a lo chhuak.

,   Pu Dawngkima h/o Pi Lalmuankimi (V.Sec) chu damlohna avanga Vellore ah enkawl a nih hnuin dam takin an lo haw e.  

BSI  TARGET KHUM

Bible Society of India, Aizawl Auxiliary chuan kum 2016-2017 an target chu `82,97,800 in an khum a, India ram pumpui report tihchhuah la nilo mahse India rama Auxiliary zingah a sang ber ni tura ngaih an ni.

Bible Society of India, Aizawl Auxiliary hian kum 2016-2017 (April to March) chhunga sum an beisei zat (target) chu `2,80,00,000 niin an hmuh zat chu `3,62,97,800 a ni.

HRIATTIRNA

Mizoram sorkar chuan ni 14 a\anga ni 20, April, 2017 hian “Fire Service Week” a hmang leh dawn a, mipuite kangmei chhuak thei lakah fimkhur thar \heuh turin min duh a, kan In leh lo te kan chhuahsan dawnin kengmei siam chhuak thei thil reng reng \ha taka off a kalsan tur a ni. Kan fimkhur tawk  lohna avang ringawt chuan kangmei hi chhuak lo se tih hi vengchhung mipuite kan inngenna a ni e. 

Kumin chhungin ruahtui tla a mumal loh avangin sorkarin lo hal hun a bituk lo a, amaherawhchu lo hal tur ten kan hal hma in Local Council te hriattir tur a ni e. 

Sd/-(R.BIAKTHANSANGA)

Secretary

Local Council, Saikhamakawn

ZANIN EPL FIXTURES

6:00 PM : West Bromwich Albion vs Liverpool (Star Sports Select HD1)

8:30 PM: Manchester United  vs Chelsea (Star Sports Select HD1)

Mipui Aw 9.4.2017

MIPUI AW

KARTIN CHHUAK

Vol. XXIII Issue No. 15 Kristian Thalai  Pawl  Saikhamakawn Branch  Pathianni Dt.9.4.2017

KOHHRAN PROGRAMME

9.4.2017 (Pathianni)

VAWIIN   CHANGVAWN

Tin, mipui zinga a tam zawkin kalkawngah chuan an puante an phah a; mi dangin  thinga mi chhawl an sat a, kalkawngah an phah bawk a. Tin, mipui a hma lama kalte leh a zuite chuan, “Davida fapa hnenah Hosanna! Lalpa hminga lo kal chu fakin awm rawh se Chungnung berah khian Hosanna!” tiin an au va.” 

(Matthaia 21:9)

“Amaherawhchu in thinlungah Krista chu Lalah ruat rawh u; nangmahnia awm in beisei chhan zawt apiang che u chhang turin inpeih sa fo ang che u, nimahsela thuhnuairawlh tak leh tih dek chungin”(I Petera 3:15)

KOHHRAN PROGRAMME:

Ni 9.4.2017 (Pathianni)

Chawhma Inkhawm

|antu : Pi Laithangpuii

Zirlai 13-na : Lehkha zial leh Beramno 

Chawhnu Inkhawm

Thupui : “Jerusalem ah Isua an chawimawi”

Sawitu :  Pu Lalrintluanga

Zan Inkhawm

 Thupui : “Lalpa in a duh a ni”

Thuhriltu :  Upa Lalrindika

K|P INKHAWM PROGRAMME

Ni 10.4.2017 (Thawh\anni Zan)

Neihthil thehkhawm

A hmun : Sunday School Hall

Hruaitu : Nl. Zohmingmawii

|antu : Tv. K. Lalnunmawia

Zai hruaitute   : Pu Albert Lalremsanga 

               leh Tv. Lalrinnunga

Keyboardist : Tv. Lalrinsanga

KOHHRAN HMEICHHE

 INKHAWM PROGRAMME

Ni 11.4.2017 (Thawhlehni Zan)

Ramthim Zin

A hmun : Pu F.Sanghlira In

Hruaitu : Pi Hmangaihsangzuali

|antu : Pi Lalchhuanawmi

Ni 13.4.2017 (Ningan zan) hian Kohhran Programme a awm dawn avangin Kohhran Pavalai Pawl Inkhawm a awm lo ang.

JERUSALEMA LAL PAHNIH LUT TE CHU

Kalhlen Kut a lo thleng mek a, ni hnih chiahin a daidang ta! Judai leh Samari ram leh a chhehvela Juda mi awm tawh phawt chu Jerusalem khawpuiah an pungkham ruih ruih a, kumtinin mi 40,000 aanga 200,000 an pungkhawm \hin a. An thlahtute Pharaoa bawiha an awm laia Israel faten an kawngka bianga beram thisen an tah avanga Pathianin a tihhlum loh bik hriatrengna Kut a ni a; Pharaoa bâwih nihna ata Pathianin a chhanchhuak tawh a, tûnah erawh chuan Rom sorkar hnuai ata chhanchhuaktu an ngai ngawih ngawih a, hel pawh an hel zeuh zeuh tawh \hin a ni. Chu chu hre rengin, Kalhlen Kut hunah hian Rom sorkar pawhin Juda hovin buaina an chawh chhuah lohnan tiin, Security (vênhimna) uluk lehzual \hin a ni. A hma daih tawhin Rom sorkar laka hel hrat khawkheng Baraba leh midangte phei chu an lo man tawh a, tan inah an tang mek a; Krawsa tihhlum turin an chungthu rel thluk a ni diam tawh nghe nghe a ni.

Lal Isua leh a zirtirte chu, sabengtung no hawh chawpin, Kalhlen Kut hmang tûrin Jerusalem khawpuiah chuan an lut ve mek bawk a. Lal Isua thinlunga lian ber chu a hun a lo thleng tawh tih hriâtna hi a ni a: Tun hi Jerusalem a luh hnuhnun ber \um a ni tawh dawn a; tun kar tawp maia Jerusalem a chhuahsan leh hunah chuan tihhlum turin, Kalvari lam panin a chhuahsan tawh dawn tih a inhria a; a zirtirte chuan an hriat loh avangin, “Ni hnih achinah Kalhlen Kut a lo awm dawn tih in hria a, Mihring Fapa hi khenbeh turin an mantir dawn a ni,”  (Matt. 26:2) tiin a hrilh nghe nghe a ni. Rom sorkar thuneihna lak ata chhanchhuaktu thlahlel em em tu Juda ho chuan, Sabengtung chunga a chuang an hmuh chuan, Lal angin an lo lawm a, an beisei ang lal erawh a ni hauh lo mai le!

“Davida fapa hnenah Hosanna! Lalpa hminga lo kal chu fakin awm rawh se, Chungnung berah khian Hosanna!” (Matt. 21: 9). tia au tute vêk hian kar tâwp lamah chuan, “Kraws-ah khenbehtir rawh,” tiin nasa takin an la au khum leh dawn a ni! 

Chutia sabengtung no chung chuanga Jerusalema a luh mek lai chuan, kulh kawngka lehlam, Khawthlang lam gate a\ang chuan ram rorêltu Governor Pontia Pilata pawh chu Jerusalemah a lut mek bawk a ni! Juda hovin Kalhlen Kut hman pah a Rom sorkar phiarru zawnga buaina an chawh chhuah lohnan sipai rual tamtakin an ralthuam famkim inbelin an zui lut duah duah mai a. A hmuhnawm hian ka ring \hin a ni; lehlamah Remna Lal chu sabengtung no chungah, remna entirna tumkau hnah nen a lo lut mek a. Khawthlang lam a\ang ve thung chuan, Dan keng kawhtu chu sakawr chungah, fei leh ngunhnam kengin, ropui rapthlak takin a lo lut mek bawk a!

Lal pahnihten Jerusalem an chhuahsan dan ve thung chu hetiang hi a ni: Bible chuan, Lal Isua chu Pontia Pilata court ah thiamloh changin, Krawsa khenbeh tura tih a ni ta a. A aiah sorkar huat ber mai, misual Baraba chu Kut lawmnan an chhuah zalen ta a. Kan lalpa chu Kraws puin, nasa taka sawisak chungin, thi ngei ngei turin Kalvari tlang lam panin Jerusalem a chhuahsan ta a. Pontia Pilata erawh chu, ziaktu tam zawkte sawi danin, AD 34 ah hekna nasa tak avangin Rome ah koh let a ni a. Ziaktu tam zâwk chuan amah a intihlum ta niin an sawi. Kumin Palm Sunday hi i tan Palm Sunday danglam tak lo ni se a va duhawm dawn em! I thinlung Jerusalemah chuan Lal Isua hi Remna Lal ni tûrin lo lut sela, Cham hlen turin; Sual leh bawlhhlawhna, kh^kna tinreng avang chuan Kalvari lam panin chhuah tir tawh lul suh ang che. Amen!

Editorial.....

Pathian kaihhruaina dawngin Mipui Aw pawh kum 22 hmel a lo hmu ve ta reng mai a,he kum tam tak vei  chhung hian buaina leh harsatna tamtak kar ah a enkawl tuten tumruhna leh Rawngbawlna pawimawh tak ani tih hria in an lo enkawl hram hram na a zar ah tun dinhmun thlengin ala kal  zel thei a,he hun thleng a Pathian awmpuina a dawn zawng zawng hi a ropui hle ani.

Hruaitu hmasa ten Tualchhung ah chanchinbu engmah kan nei lo hi tha ti lovin,theihtawp chhuah a tan la in Mipui Aw chanchinbu chhuah tha tia an kalpui na zarah khawtlang mipui te pawhin inhriat pawhna tha tak kan lo neih theih phah  a,hun harsa tak tak kar ah khaihlak nei miah lova a lakal zel thei hi a lawmawm hle ani

Mipui Aw tluangtaka a kal theihnan a pawimawh ber chu a chhiartu Mipui te hi kan ni tih hre thar leh ila,a hming “MIPUI AW” a nih ang ngei hian Mipui te hian thu chhuah duh kan neih leh he chanchinbu chhuah zelna tura tan leh alo changtlung chhoh zelna tur atana thurawn leh thu thawh duh nei tan englaipawwhin a thawh theih ani.khawtlang hmasawnna leh inlungrualna tha kan neih theih nan chanchinbu hi tangkai tak a kalpui tur hian mitin hian mawhphurhna kan neih ani tih hre thar leh in,tu te mah inthlahrung lovin thu chhuah theih reng ani a,kan thu chhuah ah khawtlang inlungrualna ti chhe thei zawng tel lovin khawtlang hmasawn nan he chanchinbu hi hman i tum tlang zel ang u. 

JERUSALEM THIL THLENG KHA BIH =CHIANG ANG 

(The case study)

History mai a ni lo Events a ni:

Kum 2000 dawn liam tawhah khan Jerusalem-ah mipui tam takin kawng an zawh a, a pui a pang a lian a te ten hlim takin mi pakhat an chawimawi a ni tih record hlui kan hai chhuak e. An au hla(slogan) chu “Hossana, Lalpa hminga lo kal chu fakin awm rawh se” tih a ni. Mipui tam takin chhawl te an sat a, an puan hial an phah a! Chu an chawimawi chu tu dang ni lovin Nazaret Isua a ni. He thil thleng hi ziaka report tute sawi dan han en hian a ropui hle a ni tih a lang a.(Mat 21:1ff; Mk 11: 1ff; Lk 19:29ff; Joh 12:1ff) Kawng zawhnaa tel ve lote pawhin an thawm hi hriain a chanchin an ngaihven hle tih kan hria.

Engtin nge Jerusalem a lo luh investigation nei lawk teh ang:

Document-a kan hmuh danin he Nazaret tlangval hian a hun hnuhnung lamah Jerusalem khawpuia a luh hma hian Jeriko khuaah a lut phawt a. Chhiahkhawntu Zakaia hnenah a thleng a. Chhiahkhawntu hian Isua chu duhsakna chawhlui a kilpui a ni tih kan hmu.(Lk 19:1ff) Chumi zawh lamah Kût hmang turin Jerusalem lamah ke a chhep thla zel a ni tih kan hre zel a. Oliv tlanga Bethphage leh Bethani khua a thleng dawn ta a. Chutah a chuanna tur Sabengtung la turin a zirtirte a hrilh a ni tih kan hria. Records thenkhatah Bethani-ah hian zanriah eiin Spiknard hriak rimtuiin Mari‘n a chulh a ni tih kan hmu (Jn 12:1ff).  

Hrilhlawkna a thleng dik ta!

Kum 500 dawn hnuah zawlnei Zakaria hrilhlawkna, “Aw Zion fanu, nasa takin hlim la; Aw Jerusalem fanu, au chhuak rawh; Ngai rawh, i lal i hnênah a lo kal e; Mi fel a ni a, hnehtu a ni; Inngaitlâwm takin sabengtung chungah a chuang a, Sabengtung no chung ngeiah.” (Zakaria 9:9) a tih chu a lo sawi tawh ang ngeiin a thleng dik ta. Messia chu Jerusalemah a lut a. Sabengtung no chungah ngei chuangin Pathian thil tum chu hlen turin a rawn pen lut ta!   

Mi lar (celebrity) Jerusalem lut hian enge tih a tum?

He Nazaret tlangval hi a lar tawh em em a, a rawngbawlna chu hmun tinah a thang chhuak a. Mipuiin an zui dul dul a ni tih records atangin kan hmu thei a. Nimahsela a larna hi ama tan ni lovin midangte tan zuk hmang ral vek a! Khatiang khawpa milâr ni si khan lârna leh hmingthanna, hausakna leh mawina a ngaihven lem lova, a pa(Pathian) duhzawng tih chu a ‘chaw tui ber’ a ni zuk ti tlat a! Jerusalema Lal anga a luh chhan pawh hi thildang vang ni lovin hrilhlawkna thlen famkimnan a ni ang tih a rinawm em em a ni. 

Engtin nge ni ta zel? 

Chutia milâr lut ta chu an lo lawm em em mai a. A kalkawnga mi tur Chhawl te an lo sat a, puan te hial an lo phah a ni tih kan hria. Sabengtung rah atana puan phah an phal hial hian an thinlung tak takin an lo lawm a ni tih a tilang a. A hunlai na na na chuan an va sawi rei dawn em! News a tling a, mi tam ber ti ti a ni ngei ang. Isua hun hnuhnung lam a nih tawh avangin Isua pawhin chawimawina a dawng ta mawlh mawlh a ni tih kan hria. Chawimawia tan chuan cham hlem mai pawh a awl ngawt ang. An khawtlang parâwnten an enthla zui reng a. Tihhlumna tur an dap ta ruai a nih kha. 

Vawiin hian i hnenah luh a duh e: 

He khawvela a awm chhung rei lo teah khan chawimawi a ni ngai lo va. A hun tawp dawnah Jerusalemah Lal angin chawimawiin a awm ve ta. Vawiin hi chumi ni champhaphak atana khawvel pumpuia ringtuten kan serh hran a ni. Chu Nazaret Isua chuan i thinlungah luh a duh a, a kik mek e. Chhawl te sat a, puan te phaha amah chawimawi turin intichak ila. Hlim takin Pathian pawl turin a biak buk lam hawi ila, inrem lote tan remna ni lo ni sela, Jerusalema ropui taka chawimawi a ni ang khan kan thinlungah Lal angin lo lut sela, kan taksa ngei inhlana min ngentu hi vawiin hian kan taksa ngeiin kan chawimawi leh dawn lawm ni?

MIPUI AW DIN CHAMPHAPHAK

Vawiin ni 9.4.2017 hi Mipui Aw din champhaphak, kum 22-na a ni a. A hming Mipui Aw tih hi Upa C. Lalmuankima phuah a ni.  April ni 9.4.1995 (Pathianni) ah vengchhunga chanchinbu hmasa ber atan tih chhuah \an a ni a, Editorial Board hmasa ber te chu heng mite hi an ni:

Editor : Upa Lalzuiliana

Asst. Editor : Upa C. Lalmuankima

Circulation Manager : Tv. Thangchungnunga

Vawiin Mipui Aw din champhaphak pual hian Editor lo ni tawh te kam chhuak lo tarlang ila:

“Tualchhunga chanchinbu kan neih chhun Mipui Aw chanchinbu in chat lak awm lova Kum 22 hmel a hmuhtheihna tura rawngbawltu inpe leh \hahnemngaite an va fakawm em! He Chanchinbu hian hma a sawn zel theih nan leh  Mipui Aw kaltlanga Lalpa ram a zauh zel theih nan Editorial Board te duhsakna ka hlan e.” -Upa Zonunmawia

“Mipui Aw Chanchin Bu in Kum 22 -na a lo thleng ve ta reng mai. Pathian awmpuina leh kaihhruaina avang leh Khawtlang mipuiten min hlut sakna avang chauh a ni. Mi veng chanchin bu te nen khai khin chuan duh thu a sam lohna tam tak kan hmu \hin, Chung hre reng chunga khawtlang mipui ten min hlut sakna a vangin tun thlengin chhum lo chat lovin a la kal ve zel chu a nih hi. Khawtlang chanchin bu kan tih rual hian K|P buatsaih a nih avang hian thu zawng zawng chhuah erawh a rem chang lo \hin hi khawtlang mipuiten in duh khawp lo hle ang tih a hriat theih bawk.Tun kum 22- na a lo thlen hian chanchin bu chhuak hmasa, hruaitu hlui ten harsa taka an lo buaipuina rah  a ni tih a hriat theih bawk. Hma a sawn zel theih nan a enkawltute leh khawtlang mipuiten \an lain thu rawn pek lamah pawh inthlahrung loh a \hat ka ring. Mipui Aw chhiar tu zawng zawng te inzavaiin Chibai ka bik a che u.”

-Pu Lalduhkima

“Mipui aw chanchin bu kum 22 lai mai tluang taka a kal thei hi a lawmawm hle mai. Tluang taka a kal zel theih nan duhsakna ka hlan nghal bawk e. Hetiang media hmanga rawngbawlna khawtlang tana thil pawimawh tak mai ngaituah chhuak a, bul \antute an fakawm hle mai. Chanchinbu buatsaih hi thil hautak tak anih laia hei leh chen  kum 22na lai mai tluang taka alo kal thei hi Pathian hruaina leh awmpuina a dawng nasa hle tih a langin ka hria.”      

- Pu R. Lalmuanpuia

“Mipui aw bul lo \antuten harsatna hrang hrang pal tlang chungin hma an lo la a, hma sawn zelin tun hun thlenga \ha taka chhuah zel a ni hi a ropui a, Mipui Aw kal zelna turah Pathian ram a zauh phah zel theih nan duhsakna ka hlan e.” 

- Pu R. Lalremruata

“Pathian hruaina zarah ‘Mipui Aw’ in kum 22 hmel a lo hmu ve ta hi lawmawm ka ti hle mai.. Hun harsa leh buaithlak tak karah, a dam khawchhuah zawh loh mai hlauhthawnawm khawpa a awm lai pawha Pathian rawngbawlna a ni tih hrechianga, thi leh thau pawlha theihtawp chhuaha bul lo tantu K|P hruaitu hmasa te khan fak an va phu em.. Tin, he chanchinbu kum 22 zet a nih theihna chhan hi hlut taka a chhiat ber lai pawha lo la tang tang thin Saikhamakawn mipui te vang a ni kan ti lo thei awm lo ve.. Pathianin Mipui te tan tangkai a nih zel theih nan he Chanchin Bu ‘MIPUI AW’ hi malsawm zel rawh se.”               - Pu R. Zoramdina

“Pathian hruaina leh awmpuina zarah Mipui Aw chanchinbu hi 1995 vawin ni angah chiah hian a hmasa ber chu tihchhuah niin kum 22na a lo tling ve ta reng mai, Pathian hruaina liau liau a ni. A lawmawmin a ropui hle, Pathian hnenah lawmthu i sawi mawlh mawlh ang u.

Mipui Aw chanchin bu in hetiang zat kum a hmuh phak nachhan chu he chanchin bu tlawm tak lo hlutsak em em tu vengchhung mipui vang te, hah leh rim taka lo enkawl tawh tu zawng zawng leh Pathian rawngbawlna pakhat a ni tih hria a thahnemngai taka sem thin tu thalai rual te vang liau liau a ni. Tun aia vengchhung mipui te tan a lo tangkai deuh deuh a, zuih lam pan loa hma a sawn deuh deuh theih nan Pathian in malsawm zel rawh se tiin duhsakna thu ka hlan e.”    -Tv. Pc.Vanlalhriatpuia

“Hun rei tawh tak ata Mipui Aw lo buatsaih tawh \hin chu hunreilote chhung kan han enkawl ve zawk kha a ni a, ka’n han enkawl tâk loh aang hian Pathianni tûkkhat pawh dawn loh lo hrehawmzia leh a hlutna ka hre chho dawn an chiah nihian ka in hria.”

-Tv. F.Laldingliana

*Mipui Aw Issue hmasa ber hi rawn xerox leh a ni a, chanchin bu phek laiah hian rawn zeh tel a ni a, chhiartu zawng zawng te kan inhriattir a ni e. 

Central YMA-in Cement Mistiri Training a buatsaih leh dawn

Central YMA chuan 1st - 30th May, 2017 chhung hian Central YMA Office Complex-ah Cement Mistiri Training a buatsaih leh dawn a. Training hi mi 50 tan chauh a nih avangin, thiamna tak tak duhte tan dil theih a ni ang a, DA nikhatah `150/- pek an nih bakah, chhun thingpui ngaihtuah sak an ni ang. 

Dilna hi 20th April, 2017 thleng Central YMA Office-ah Office hun chhungin thehluh theih a ni ang. Seat a tlem avangin, Branch YMA ten a duh tak tak leh eizawnna atana hmang ngei tur chauh dilpui ni se, tum danga kan lo expirience tawh atangin, thiam tum tak tak lo an awm thin avangin Training turte hi kan duh uluk hle a ni.

Training tura diltute hi 

21.4.2017 Dar 11:00am-ah Interview neih a ni ang a, 

26.4.2017-ah result tarchhuah a ni ang. Ni 1.5. 2017 dar 10:30am-ah Central YMA Hall-ah Training hawnna neih a ni ang.

YMA TAITESENA SECTION HRIATTIRNA

YMA Taitesena Section Bungraw hawhna man thar:

1) |hutthleng-1no. `1/-

2) Dekchi lian-1no. `50/-

3) Dekchi te- 1no. `30/-

4) No -50 chin `30/-

5) No   -50 chunglam `50/-

6) Gas Stove   - 1no. `50/-

7) Khuang lian `30/-

8) Khuang te `20/-

Note: Sound System chu a hawh turte duh dan a zir zel a ni ang.

Section Bungrua chhiatni \hatni a kan hman ang ho te hriatrengna atan  donate theih reng a ni a. Tin, Section bungrua te dimdawih leh uluk taka min enkawlpui turin vengchhung mipuite kan inngen a ni. Bungrua a bo thlau nasa hle a, chhiat tawk an awmin bungrua te kim tak leh felfai taka dah leh \hin turin vengchhung mipuite kan inngen a ni e.

Sd/-

(ALBERT LALREMSANGA)

Secretary, YMA Taitesena Sec.

TBZ NEIHTHIL THEHKHAWM

A hun : Ni 10.4.2017

                            (Thawh\an zan)

A hmun : Pu C.Kapliana In

Hruaitu : Pi Zuimawii

|antu : Pi Lalnunfimi 

BLOOD GROUP LEH HB TEST THEIH

Mahni Blood Group leh HB test tir duh chuan a hnuaia Phone Number ah ah hian engtiklai pawhin zawhfiah theih a ni e.

Ph: 9862180081

  

RD SEPTIC TANK SERVICE

Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a,  kan sulhnu a felfai a, senior leh rintlak kan ni e. kan Rate a tlawm bawk.

RDA

Contact: 9436199884/  

             9612510887

PATHIAN  THU  ZIR  DUH  TAN

Presbyterian  Bible  School,  Mission  Veng,  Aizawl-ah  Certificate  in  Theology  (C.Th)  zir  tur  lak  a  ni  leh  dawn  a, dil duh chuan heng hi hriat tur a ni e.

Admission  Form: Office hun chhungin `10/- a lei theih a ni.

Dil hun chhung: April24,2017 (Thawhtanni) tlaidar 3:00 thleng

Dil thei chin: Class VII passed, kum 16 chin, Kohhran dan chhunga awm

Interview: May 3,  2017 (Nilaini) chawhma  dar 10:00

Class \an hun: May  8,  2017(Thawhtanni)

Zir  hun chhung: May  -  August,  2017

      Hrechiang  duh  tan  Phone  No.  2317343/2325082/9436198231-ah  zawh  theih  a  ni.

Sd/-(REV.  LALNEIHVURA)

Principal,  PBS

ADMISSION FOR LABORATORY 

TECHNICIAN

Diploma in Laboratory Technology zir duh te tan Mizorama zirna hmasa leh changtlung ber kum 2009 a din, Mizoram State Council for Technical Education hnuaia affiliate ngeina hmun ah Class X pass chin te tan admission hawn a ni leh ta, dilna form 30th June 2017 thleng lakchhuah theih a ni e.

ACADEMY OF PARAMEDICAL 

TECHNOLOGY (APT) 

T-24 Dr.H.L Malsawma Building, Tuikhuahtlang, Aizawl

Ph: 0389-2300480, 8794185683, 8729972618

ADMISSION OPEN

Biakliana Memorial Higher Secondary School, Kulikawn, near BN Hospital ah kum 2017 - 2018 Academic Session atan Class : IX - XII, Day leh Hosteller tan Admission hawn a ni ta e.

Contact : 9862756137 /9862356886    

Ni 3.4.2017 K|P INKHAWM DAN

Group Thawh\an zan          Nilai zan Inrinni  Zan     Total

Isaia      15    4       3                             22

Jeremia      15    6       4                                    25       

Mika      11             5         4                                    20 

,   Pu Zirsangliana h/o Zochhuanpuii (V.Sec) chu damlohna avanga Synod Hospital, Durtlang ah enkawl a nih hnuin a lo chhuak.

, Pi Lalhruaii m/o Pu Lalhmangaihzuala (V.Sec) chu damlohna avangin Aizawl Hospital ah enkawl mek a ni.

,      Tv. Lallianmawia s/o Lalvulliani (V.Sec) chu damlohna avangin Falkawn Referral Hospital ah enkawl mek a ni.

,    Pu Lalchhandama (V.Sec) te chhungkua chuan an In thar an luah fel ta.

,    Pu Vanlalsawma h/o Juliet-i te chhungkua chu Pu C.Zakhuma (T.Sec) te In a\angin Pu Dawngkima (V.Sec) te Inah an in sawn.

LPS SMNET CUSTOMER TE HRIATTIRNA LEH NGENNA

Digital Signal tih nun a nih dan tur pangngaia hman \an a ni a, Channel 61 leh 165 hmu theilo te in report turin kan inngen e.

In reportna tur: 9612612881

MOTOR KHALTU LEH NEITU FIMKHUR ZUAL A NGAI 

Cabinet chuan Motor Vehicle (Amendment) 2016 chu a pawm ta a, thil tisual hremna pawh a sâng ta sawt mai.

1)Zur ui chunga Motor khalh man te chu `10,000/- chawi tir anni anga, Driver zurui khalh avanga thihna te a thleng anih phei chuan, Driver chu bail theih lovin kum 10 thleng tan tir anni dawn bawk.

2)Seat Belt hreng lo emaw Helmet khum lo emawa Lirthei khalhte chu `1,000/- chawi tir bâkah, Thla 3 Licence cancel sak anni dawn bawk a ni.

3)Kumtling lovin( Naupang) Motor a khalh chuan motor Registration cancel sak anni ang a, Chetsualna a thlen phei chuan Motor khalhtu naupang emaw a chhungte emaw chu `25,000/- chawi emaw kum 3 tan emaw a hrem an ni ang.

ZANIN EPL FIXTURE

6:00 PM - Sunderland vs Manchester United (Star Sports Select HD2)

8:30 PM - Everton vs Leicester City (Star Sports Select HD2)

Mipui Aw 2.4.2017

MIPUI AW

KARTIN CHHUAK

Vol. XXIII Issue No. 14 Kristian Thalai  Pawl  Saikhamakawn Branch  Pathianni Dt.2.4.2017

VAWIIN   CHANGVAWN

Chung thuah chuan engnge kan sawi ang le? Pathian kan lama a tan chuan tuin nge min do thei ang? Ama Fapa ngei pawh zuah lova, kan zaa aia petu chuan thil zawng zawng  pawh athlawnin min pe tel lo va ngem ni? (Rom 8:32-33) 

KOHHRAN PROGRAMME:

Ni 2.4.2017 (Pathianni)

Chawhma Inkhawm

|antu : Pi Lalchharliani

Zirlai 12-na : Van mite fakna 

Chawhnu Inkhawm

Thuhriltu :  Upa Zonunmawia

Zan Inkhawm

Thuhriltu :  Upa Lallawmchhunga

K|P INKHAWM PROGRAMME

Ni 3.4.2017 (Thawh\anni Zan)

Short Sermon leh \awng\airual

Hruaitu         : Tv. F. Laldingliana

|antu : Tv. David Vanlalruata

Bible chhiar : Tv. Lalawmpuia 

rual kaihruaitu   (I Petera 5: 5-8)

Short Sermon  : Pu Lalzokima

neitu tur te : Nl. R. Zonuntluangi                            

Thawhlawm   Nl. Lalnuntluangi leh

khawntu turte : Nl. Vanlaldinpuii

Zai hruaitute   : Pu Albert Lalremsanga 

               leh Tv. Lalrinnunga

Keyboardist : Tv. Lalrinsanga

KOHHRAN HMEICHHE

 INKHAWM PROGRAMME

Ni 4.4.2017 (Thawhlehni Zan)

Ramthim Zin

A hmun : Pu F.Sanghlira In

Hruaitu : Pi Hmangaihsangzuali

|antu : Pi Lalchhuanawmi

KOHHRAN PAVALAI PAWL

 INKHAWM PROGRAMME

Ni 6.4.2017 (Ninga Zan)  

Hruaitu         : Pu H.Remtluanga

|antu : Pu Lalchhanliana

Thuhriltu : Pu C. Lalrinmawia

Khuangpu : Pu Lalthanliana Ngente leh

  Pu T. Lalrinthanga

Thawhlawm khawntu:  Pu Lalthlamuana

A  LO  KAL  LEH  DAWN

Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; Chuvangin, heng thu hian inthlamuan tawn rawh u. I Thessalonika 4: 16-18

Lal Isua ngeiin Khawvel hi ka ram chu nisela ka \huihruai hoten a bei ang tiin a sawi a. A awmzia chu he khawvel hi kan zui Lal Isua ram a nilo tihna a ni. Nimahsela he khawvelah hian ringtute kan la awm tlat si a. Ringtuten he lei ram mi kan ni lo tih kan hre \heuh a, kan rama min hruai turin he khawvelah hian Isua chu a rawn kal leh ngei dâwn a, he khawvelah hian kan châm hlen dawn lo a ni tih hre thara thlamuang taka kan awm hi Lal Isua ngei pawhin min duhsak hle a ni.

Kan sawi tâk ang khian keini ringtute tân he khawvel hi kan ram hlun tur a ni lova. Kan ram diktak Vanramah kan la kal ve ngêi dawn a, a takin la hmu lo mah ila rinna mitin nitin kan thlira, chhel takin kan awm \hin a nih hi. Lal Isua hian a tâna rinawm leh chhel taka tuarte hi a theihnghilh ngai lova, tin, a mite hi a hre rêng \hin. A ram nuam taka hian a hmangaih hringfate kan kal lovang tih a hlauh êm vangin a thisen leh nunna hial a rawn sêng a, chumi azara chhandamna changtute he khawvel hreawm tak a\anga amâ rama min hruai turin a lo kal leh dawn a ni.

He khawvel hi Setana ram a ni kan tih tawh kha, he khawvelah hian hreawm tam tak kan tuar \hin a, sual vanga rûm chângte leh \ah chângte kan nei \hin. Tin, sual bumna vângin ringtute kan tlûk chângte a awm \hin a, kan ngui a, kan chau ngawih ngawih \hin.  Hetianga sual vânga kan tuarnate zawng zawng hi min hmangaihtu kan Pathian hian a hmuh hmaih hauh lo a ni tih kan hriat a pawimawh khawp mai. Sual vânga invên reng ngaia kan awm \hin ziate hi kan Lalpa hian a hai hauh lo, heng zawng zawng avang hian Lal Isua chu a lo kal leh dawn a, sual vânga tawrhna awm tawh lohna rama min hruai turin a lo kal leh dawn a ni, a va lawmawm tehlul em.

Ringtute khawvela kan awm chhûngin hreawm \hin mahila kan ropuina ni a lo la thleng ve ngêi dâwn a ni. Chutih hunah chuan Lalpa ngêi chu au thawm nen, vantirhkoh chungnungber leh tawtawrawt ri ropui tak nen min hruai turin a lo kal leh dawn si. Sual vanga rûm \hinte, châu \hinte, sual vânga hreawm nasa tak tuâr \hin ringtute lâwmna nî a lo in herchhuak ve tawh dâwn a ni. Min hmangaihtu hmêl tak tak kan hmu ve tawh anga, a kiangah kan awm ve tawh anga, sual thiltihtheihnain min tibuai phâk tawh dawn si lo. Tunah hreawm rih mah ila nakinah Lal Isuan a hnena min hruai tura a lo kal huanah chuan kan ropui ve tawh dâwn a ni tih hriain  rinawm taka tuâr chhûngin thlamuang takin i awm ang u.

EDITORIAL  BOARD

Editor :                           

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga   

Circulation Manager:

Tv. C. Lallawmawma                    8974509821

Nl. C.Zosangliani                          8731005507

Editorial...?

Kan Pathian thu chuan Lalpaa lawm fo turin min hrilh a, amaherawhchu harsatna kan tawh chang leh manganna kan tawh  changte  hian  lawm  taka  Lalpa  faka  chawimawi  hi  har  kan  ti  ni mai  lovin  Pathian chungah kan vui a, kan chhuahchhal a, amah  hlat phah nan kan hmang zawk fo \hin a ni. Amaherawhchu, hla siamtuin, “Kan harsatna te hi eng vang nge? Keimahni’n kan thlen leh siam a ni,” a tih angin kan harsatna tawh tam zawk hi Pathian thu kan zawm loh avanga kan chunga lo thleng ti ila kan sawi sual  awm lo ve. Chuvangin, Pathian chunga lawm lo thei  kan ni lo a, harsatna tawk thei a kan nunnna chak lo  tak te min la zuahsak avangin lawm taka amah faka  chawimawi hi kan ba hliah hliah zawk a ni. Mihringte hi tumah fak lawm lo kan awm lo a, \awngkam  mawia a  dera  infak  pawhin  thinlung  a  ti  lawmin mi a ti phur thei hle a ni. Tin, mi thil kan tihsakin lawmthu an sawi hi an bat ni tehreng mah se kan  hnena lawmthu an sawi kan phut kher \hin a, naupang  pawh a tet te a\angin miin thil an pekin lawmthu sawi nachang kan zirtir fo reng a ni. Chutiang bawk chuan, Pathianin ama anpuiin mihringte a siam a, a siam mihringte pawhin chutiang khawpa fak leh lawmthu hrilh kan  lawm  chuan  kan  Pathian,  kan  mawmawh  tinreng min petu hian kan faka, a hnena lawmthu kan sawi hi engtia nasa in lawm ve tak ang maw? Chuvangin,ringtute hian  malsawmna  kan  dawn  zawng  zawngte  avang  hian  lawmthu  sawi  hi  uar sauh sauh ila, malsawmtu leh a malsawm te ngei 

pawh kan lawm anga, nun hlim leh hahdam kan nei bawk ang. Tin,  harsatna  kan  tawh  chang  pawhin hmachhawn  dan  kan  thiam  ang  a,  Lalpaa  vui  mai lovin lungawi taka pal daih dan kan thiam ang a, he lawmna nun hian ringtu huaisen leh  chhel takah min siam dawn a ni.

DAN LEH HRAI HUANG

Mi tumah, a mimal zalenna emaw, dikna emaw danin a kal hmang a ruahman/duan ang lo duan chhuh sak emaw, lak sak emaw thiang a ni lo” – Indian Constitution- Fundamental Right Article:21. Tin, article 21 bik hi chu  India ramin emergency pawh lo tawk sela, tihtawp lailawk (suspend)- tir theih a ni velo – 44th Amendment Act of 1978. (Tin, Fundamental Right-te reng reng bawhchhiat/palzut/ neksawr luat a lo nih chuan constitution Art. 32 & 226 hnuaiah writ of habeas corpus emaw, mandamus hmangin court – High Court/ Supreme Court thlengin mite an zualko thei a ni ).

*Civil mi (private person) in mi a man ve thei em? 

Civil mi tupawhin a mithmuh laiin thilsualti, tin, chu a thilsual tih (crime commits) chu non-bailable leh cognizable offences (bail theih loh chi leh magistrate phalna lak kher ngai lova police te man theih chi – ruk ruk, mi pawngsual,pawngsual tum, tual thah, tual thah tum etc. etc.,) a nih phawt chuan a man nghal thei a ni. Tin, State sorkar in thilsual ti/ misual-a a puan (proclaimed offender) pawh a man nghal thei a ni.““Tin, chutianga thilsual titu private person in a man chu a mantu chuan police officer/ police station hnai berah thlen (produce) a nihna turin hma a la vat tur a ni a, tul lova chelh khawtlai mai mai lovin. Tin, chu police officer chuan a tul angin manna lehkha (arrest memo/ seizure memo)- te siam in a man nawn (re-arrest) anga, a tul dan ang zia zelin hma a la ang…43 CrPC 

*Inman (mi man) leh inhren dan tur chu enge ni? 

Police officer in emaw, mi tupawhin kan sawi tak anga mi a man dawn in, man tura khan a chetzia leh tawngkamah man duhlohna a  lantir kher a nih loh chuan khuahkhirh a ngai hran lo a ni. Mahsela mi man tura khan a tawngkam leh chetzia ah man duhlohna a lantir a nih erawh chuan a tul tawk tharum, manna turin (necessary force to cause to arrest) hman tur  a ni.““Nimahsela, tharum hman chungchangah hian thihna khawp hial tling tharum erawh chu heng – Tualthattua puh/ India ram leh state sorkar do zawnga hel leh kawhmawh bawltu, suamhmang rualho,  etc. etc., (an thilsual tih kha damchhung lungin tantir theih emaw, khaihlum/tihhlum emaw hial theih) a nih loh chuan thihtheihna khawp hial tharum, manna turin hman thiang a ni lo…46 CrPC

Tin, mi man kha hmeichhia a nih a, khuahkhirh beh ngai chi a nih emaw, mi man chu dap (searching of her person) ngai a nih chuan hmeichhia tuemaw koh a, tihtir mai tur a ni, mi man hmeichhe zahawmna hre reng leh humhim chungin .Tin, hmeichhiate reng reng chu zan lam thil (after sunset and before sunrise) ah pawimawh leh tul tawp – entirnan: chiahpuam thubuai, tualthihna, ruihhlo/ ralthuam hlauhawm zawrh leh tawlh vel chungchang, etc etc. (heinous offences) an khawih emaw, pawimawh bik (exceptional circumstances) a nih chauh loh chuan man (arrest) khap tlat a ni (section 46 CrPC amendment vide notification No. S.O. 923 (E), dated 21.6.2006). 

Tin, loh theih lohna (unavoidable circumstances) ah hmeichhiate zan thil ah man an ngai a nih pawhin ‘Hmeichhe police officer’-in ziakin Judicial Magistrate 1st Class hnenah man phalna (warrant of arrest) a la hmasa phawt ang, hmeichhe man tur chuan dan a bawhchhiat te leh man a tulna chhante sawi langin. Tin, a chunga kan sawi tak ah hian ‘police officer hmeichhia’ emaw, a aiawh tur ‘police constable hmeichhia’ an lo awm remchan lohin, tin, hmeichhia pawikhawihtu chu man (arrest) hmanhmawh a ngaih bawk si chuan; tin, dan anga thil tih chuan misual inhumhimna leh chhui hna (investigation) ah bahlahna a thlen phah dawn ai chuan, a mantu ‘police officer’ chuan chu hmeichhe pawikhawihtu (who committed heinous crime) chu man a nihna chhan tur (reasonable grounds of arrest) kha ziaka fel taka dah hmasain emaw, man a nih ve leh a manchhan ziaka record chu siamin (tin, chu lehka chu magistrate/court-in a lo pawmpui atan remchang hmasa berah chhawpchuah/thawn nghal vat tur a ni a), ‘Police officer’ chuan a tul ang zia zelin pawikhawihtu chu chhun a ni emaw, zan a ni emaw, a man (arrest) thei a ni. 

-(State of Maharasthra v/s C.C.C. Council of India, 2004 CrLJ 14(16): AIR 2004 SC 7: (2003) 8 SCC 546: (2003), 4 Crimes 367 SC). 

Tin, a mantu ‘police officer’ chuan hetah hian a mi man chu man a nih dawn khan a taksa a khawih (touch) kher tur tihna a ni chuang lo, loh theih  loh a nih loh chuan. (CrPC Amendment Act, 2008 (5 of 2009 vide Law Commission Report of 135th on “woman in custody” and 154th report). Chuvangin mi tu in emaw dan a lo  bawhchhiat a, private/civil tuten emaw an lo manin, mi man taksa, bungrua emaw, a in leh lo dap a lo ngaih thulh ah a tha ber chu miman kha lo ven him a, police officer hnai ber emaw, police station hnai ber emaw, dan anga hnathawk theitu (authorized person/ competent authority)-te hnenah thlen/ hrilh hriat/ zualko vat a, a tul leh dan anga hma lak tir mai chu tihdan tha ber chu a ni. Entirnan: ND & PS Act case an tih mai (drugs – Heroine, Ganja, Opium, etc.) ah te hian dan ang taka manna lehkha (seizure list/ memo) siam theitute chu Mizoram sorkar hnuaia hna thawktute  zingah Mizoram  sorkarin dan ang taka thuneihna a pekte chu -   police/ excise sub-inspector leh an chunglamte an ni (Govt of Mizoram, Finance, Excise & Taxation Deptt. Notification No. E. 12029/1285/ EXE 129(a) dtd 17.3.1986,etc).

Tin, Police/Excise / Magistrate ten chhuihna (investigation) an thawhnaah anmahni tanpuitu leh thuhretu (witness)-a lo tan ve chu khua leh tui tha kan nihna a kan tih makmawh (duty of citizen) a ni.  Thuhretua tang tura ziak meuh a sawm kan nih a, kan duh loh chuan section 187 IPC hmanga hrem theih kan ni.  Tin, magistrate/police te hnen ah (sec 39 CrPC sawi angin) dan bawhchhetute leh dan bawh chhiat tumtute emaw an lo awm a, hriattir vat chu mi tinte mawhphurhna a ni a, chumi hria a, ti duhlo luitu (intentionally omission to give such information) chu section 176/202 IPC hmanga hrem theih a ni.  Tin, Public servant (police etc.,) te hnena tihluihna thil a ‘dawt’ (wrong information) hrilhtu chu sec – 177 IPC hmanga hrem theih a ni. Tin, police ten hna an thawhna kawnga lo dodaltu (obstruction of police while on duty) chu sec 186 IPC hmanga hrem theih a ni.Tin, police in dan ang taka mi a man dawna, mi man tur khan a lo duh loh a, a lo dodal a nih chuan sec- 224 IPC hmanga thubuai siam theih a ni. Tin, police in dik lo taka a power chu hmang suala, mi diklo taka a man emaw a nih chuan IPC 220 hmanga hrem let ve theih tho a ni, etc.

BAWLHHLAWH SÂWNGBÂWLNA CHUNGCHÂNGA NATIONAL GREEN TRIBUNAL, PRINCIPAL BENCH THUPÊKTE

National Green Tribunal chuan Almitra H. Patel-in India ram khawpui hrang hranga bawlhhlawh sâwngbâwl dân titha tura Central sawrkâra khinna thubuai kal zelah hetiang hian thupek  khauh tak a tichhuak ta. Court thupek angin hetiangin Mizo tawnga dah a ni.

1) Solid Waste Management Rules 2016–in bawlhhlawh sâwngbâwl chungchânga thuneitu leh enkawl tura a ruatte’n mumal leh awmze neia bawlhhlawh sâwngbâwl a nih theih nân khauh lehzualin he dân hi an keng kawh tur a ni. 

2) Solid Waste Management Rules 2016-in bawlhhlawh sâwngbâwl dân tur a tih - in tin atanga tawih thei leh tawih thei lo thliar hran te, a bika siam motor-a phurh te, hmun remchâng laia paih satliah (open dumping) mai loa a sâwngbâwl dân tur dik tak hmanga sâwngbâwl hnûa leia chhilh (land filling), mumal taka kalpui turin State sawrkâr leh Municipal Corporation-te a hriattir.

3) Bawlhhlawh rêng rêng khawiah mah land fill site tiamin, hâl phal a nih tawh loh thu leh tu pawh, mimal, pâwl, sawrkâr pawh, a ti lui/hâl man chhuahte chu an bawlhhlawh hâl azirin environment a tih chhiat man Rs. 5000 atanga Rs. 25,000 thleng châwitir an nih tawh ang;

4) Ministry of Environment, Forests & Climate Change, G.O.I leh State sawrkârte chu Plastics chi hrang hrang, Poly Vinyl Chloride pan chi leh chlorinated plastic (chlorine tel plastics) te hman phal lohna thupêk, a rang thei ang ber leh Court Order chhuah atanga thla ruk ral hma ngeia chhuah turin a hriattir bawk.

5) Central Pollution Control Board leh State Pollution Control Board zawng zawngte pawh Dân loa bawlhhlawh hâl zawng chhuak tur leh boruak chhia an pêk chhuah zâtte enfiah a, Tribunal-a Report thawn turin a hriattir.

6) State sawrkâr leh Local authorities-te chu Solid Waste Management Rules 2016-in a sawi ang leh he Court thupêk angin bawlhhlawh sâwngbâwl dân leh chutiang awmna hmun te, mipuite tih ve tur leh local authorities-te hna chanpual chungchângah te, mipuite zirtirna leh hrilh hriatna hun, anmahni tawng ngeiin, hun bi neiin an siam tur a ni.

7) Bawlhhlawh sâwngbâwlna buaipui tura contract nei laite chu he Court thupêk hian a huam lo ang a, anmahni erawh he Court thupêk mila inher rem tura hriattir an ni thung.

8) NGT OA No 281 of 2016, Kudrat Sandhu-in NGT sawrkâr a khinna thubuaia Court thuchhuak pawh mutatis mutandis-in hman a ni ang. 

9) Bawlhhlawh sâwngbâwlna lama thuneitute zawng zawng he Court hian paihna hmun satliah ni lo, thiamna hmanga leia phum (land filling) chauh pawm a ni tih a hriattir nawn leh bawk.

10) State sawrkâr, bawlhhlawh sâwngbâwlna enkawltute leh bawlhhlawh siamchhuak leh sâwngbâwl kawnga inhnamhnawih thei zawng zawng, mimal pawh tiamin  Solid Waste Management Rules 2016 zâwm vek tur leh he Court thupêk zâwm vek turin a hriattir a, hemi dân zawm lo chu Section 15, Environment (Protection) Act, 1986 hnuaiah hrem theih an nih thu leh National Green Tribunal Act 2010-a Section 15 leh 17 hmanga lei châwitir theih an ni ang.

He Court thupêk hi mipuite kan inhriatir a ni .  

LO/HUAN HAL CHUNGCHANGA AIZAWL DISTRICT MAGISTRATE THUCHHUAH

Aizawl District Magistrate Pu Kannan Gopinathan chuan Aizawl District chhunga Lo/Huan hal chungchangah a hnuai a mi ang hian thuchhuah a siam 

1. Lo/Huan hal tur te chuan Dt. 15.4.2017 hma in an hal vek tur a ni a. Tin, an hal tur thu hi V/C ten DLAO an hriattir hmasa bawk tur a ni.

2. Lo hal turten lo hal hmain mei-kawng tha taka sial vek tur a ni.

3. Mi tumahin ram tih kan loh tur a ni a. Village Council/Local Council te hriattir hmasa lovin mahni duhthu a lo hal mai mai loh tur. Village Council/Local Council tinin an area chhung a kan loh nan uluk takin an puangzar tur a ni.

4. Ramhnuaiah meizial bung paih leh meichhem/hal mai mai loh tur a ni.

5. Kangmei lakah kan him theih nan kan In leh a velte tifai thain, awlsam taka kangkai thei thil (petrol, diesel etc.) lakah kan fimkhur tur a ni.

7. Mi tumahin kang hreng loh tur.

He thupek zawmlo te chu Section 188 IPC hmangin hrem an ni ang. He thupek hian chhuah a nih atanga thla hnih (2) chhung a huam ang.

ADMISSION OPEN

Biakliana Memorial Higher Secondary School, Kulikawn, near BN Hospital ah kum 2017 - 2018 Academic Session atan Class : IX - XII, Day leh Hosteller tan Admission hawn a ni ta e.

Contact : 9862756137 / 9862356886 

LAWMTHU SAWINA

Ni 31.3.2017 a Saikhamakawn veng a Free Clinic kan neihna ah vengchhung mipuiten min hlut sak avangin mi 195 lai inentir an awm a, tin he Free Clinic hlawhtlinna tur atan a hma min lak sak tu Local Council te chungah leh inentirna hmun atana phal taka Sunday School Hall min hman tir tu Presbyterian Kohhran Committee te chungah lawmthu kan sawi e.

Sd/-(DR. ELSA LALRAMZAUI)

Medical Officer

UPHC, Hlimen

LAWMTHU SAWINA

  Aizawl South III MLA Cup Football Tournament Samlukhai playground a Dt. 27.3-1.4.2017 chhunga neih zawh takah Saikhamakawn LC team te kan inbuatsaihna atana riahkhawmna tur in phal taka min hmantir tute chungah te, lirthei min hmantir tute chungah te, football min petu sum leh pai leh ei leh in tur min petute zawng zawng chungah te, min support a, min tawngtaipui tute zawng zawng chungah lawmthu kan sawi a ni. Tin, Samlukhai a kan cham chhunga team zawng zawng  tana ui nei miah lova hneh taka min thleng khawm a, hmel hlim min hmuh rengtu Pu C. Zosangzuala te chhungkaw chungah kan lawm takzet a ni. Tin heng bakah hian lawmthu sawina tur kan tarlan hmaih tak zawng zawng chungah lawmthu kan sawi bawk a ni. Kan lawmna ber chu inbuatsaihna hun tlemte kan nei chunga semi final hial min hruai thlengtu, kan mamawh engkim min petu Pathian chungah a ni. Veng mipui te beisei ang kan pha ta lo erawh a pawi kan ti takzet a ni. 

Sd/- Manager

Saikhamakawn LC team

ZANIN EPL FIXTURES 

6:00 pm: Swansea City vs Middlesbrough (Star Sports Select HD2)

8:30 pm: Arsenal vs Manchester City (Star Sports Select HD2)

KOHHRAN HMING  ZIAH  DAN  TUR

Kohhran hming ziah dan tur  hriattirna  lo  chhuah  tawh  leh  PCI  Executive Committee ruahman  danah  inang lo  deuh a awm a. Hemi avang hian Kohhran hote tan harsatna a awm thei ang  tih a  rinawm.  Kohhran hote hriatthiamna ngen chungin a hnuaia mi ang hian, Kohhran hming ziah dan tur, PCI  Executive Committee in a rel angin,  hriattirna kan han chhuah leh a, hei hi Kohhran hoten hman \heuh ni se a \ha ang e.

PRESBYTERIAN  CHURCH  OF  INDIA

MIZORAM  SYNOD

PRESBYTERY/BIAL/KOHHRAN/DEPARTMENT

Sd/-Secretary

Mizoram Synod

BIBLE  CHANG  CHHIAR  TUR  TIH  DIKNA

Kum 2017 Easter Sunday chawhma inkhawma Bible chang chhiar tur kha Rom 6:9-11 ni lovin Rom 8:9-11 tih  zawk  tur  a  ni  e.

SYNOD RAMTHAR

March 2017 chhungin Tripura Mission Field ah Ringthar Baptisma chang mi 321 an awm thar a. Kumin chhungin Ringthar mi 622 an awm tling ta a ni.  Ringthar tam zawk an neih belh zel theih nan Kohhranho ten kan \awng\ainaah i hre reng ang u.

LAWMTHU SAWINA

Nimin ni 1.4.2017 (Inrinni) a K|P member Pu C. Lalrinmawia (T.Sec) te Slab chhunga hnatlanga thawkchhuak zawng zawng te chungah lawmthu kan sawi a, tin, inhlawhna \ha tak min petu Pu C. Lalrinmawia te chhungkaw chungah lawmthu kan sawi bawk a ni e.

Sd/- (P.C VANLALHRIATPUIA)

Secretary

K|P Saikhamakawn Branch

NI 27.3.2017 K|P INKHAWM REPORT

Group Thawh\an zan          Nilai zan Inrinni  Zan Total

Isaia      19                 13      10                42

Jeremia      21                 11      12                44

Mika      18                  8      12                38

TUALCHHUNG

,   Pu Zirsangliana h/o Zochhuanpuii (V.Sec) chu damlohna avangin Synod Hospital, Durtlang ah enkawl mek a ni.

, Pi Lalsiamthari w/o Pu Lalthlamuana (Ch.Sec) chu damlohna avanga Falkawn Hospital ah enkawl a nih hnuin a lo chhuak.

, Pu R.Biakthansanga h/o Pi Lianziki (Ch.Sec) chu damlohna avanga Synod Hospital, Durtlang ah enkawl a nih hnuin a lo chhuak.

, Lalhmangaihsanga s/o Lalremthangi (T.Sec) chu damlohna avanga Synod Hospital, Durtlang ah enkawl a nih hnuin a lo chhuak.  

,  Pu Lalremsiama h/o (Ch.Sec) Lalhmangaihi chu damlohna avanga Aizawl Hospital a a awm hnuin a lo chhuak.

FREE CLINIC

Greenwood Hospital chuan kan din champha kum 25-na (Silver Jubilee) pualin Free Clinic a buatsaih dawn a, a duh apiang inentir theih a ni dawn e. 

A hun  : Ni 6.4.2017 (Ningani)       dar 10:00am

A hmun : Greenwood Hospital 

Orthopedics, Medicines & Gynecologist leh General Doctor te rawn theih a n ni ang.

Sd/-

(K.LALROZAMA)

Manager

Green Hospital 

RD SEPTIC TANK SERVICE

Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a,  kan sulhnu a felfai a, senior leh rintlak kan ni e. kan Rate a tlawm bawk.

RDA

Contact: 9436199884/9612510887

THU ROTLING

“Sorkar kalphung leh ruangam siam \hat leh thlak hi khawvela Kohhran rawngbawl dan tur kawng thar a ni e.”

- Moltmann