MIPUI
AW
KARTIN CHHUAK
Vol. XXIII Issue No. 9 Kristian
Thalai Pawl Saikhamakawn Branch Pathianni Dt.26.2.2017
VAWIIN CHANGVAWN
LALPA chuan heti hian a ti: Mi fing chuan a finna chhuang suh sela, mi chak chuan a chakna chhuang hek suh sela, mi hausa chuan a sum leh pai chhuang hek suh se. A chhuang apiang erawh chuan hei hi chhuang rawh se, kei LALPA hi, ngilneihna te, reldikna te, f elna leia hmang thintu chu ka ni tih mi hriat a, a hriat hiamna chu; heng thilte hi ka lawmzawng a ni si, tih hi LALPA thu chhuak a ni. (Jer.9:23-24)
KOHHRAN PROGRAMME:
Ni 26.2.2017 (Pathianni)
Chawhma Inkhawm
|antu : Pi Sailothangi Sailo
Zirlai 6-na : Pergamos Kohhran hnena lehkhathawn
Chawhnu Inkhawm
Thuhriltu : T. Upa C.Vanlalsanga
Zan Inkhawm
Thuhriltu : Pi Khawlvuani
K|P INKHAWM PROGRAMME
Ni 27.2.2017 (Thawh\anni Zan)
Sermon Inkhawm
Hruaitu : Pu Tommy Zirnuntluanga
|antu : Tv. Lalhriatpuia (s/o Vena)
Thuhriltu : Pu Lalremruata
Bible chhiartu tur: Nl. C. Lalrempuii
(Chhiar tur: Kolossa 3:5-11)
Thawhlawm Nl. Lalremtluangi
khawntu turte : Nl. Abigail Lawmsangzuali
Zai hruaitute : Tv. Ricky Lalrinkima
leh Tv. Lalzirliana
Keyboardist : Pu Lalchhandama
KOHHRAN HMEICHHE
INKHAWM PROGRAMME
Ni 28.2.2017 (Thawhlehni Zan)
Hruaitu : Pi Vanlalhruaii
|antu : Pi Laldingpuii
Thuhriltu : Pi Lallianpuii
KOHHRAN PAVALAI PAWL
INKHAWM PROGRAMME
Ni 2.3.2017 (Ninga Zan)
Hruaitu : Pu C. Lalchhuansanga
|antu : Pu Robina
Thuhriltu : Pu Lalthanliana Ngente
Khuangpu : Pu Tlangruata leh
Pu Biakvela
Thawhlawm khawntu: Pu Vanlalhriata
HMANGAIHNA IN HMANGAIHNA A NGEN
-K.Lalfakawma Nu
“He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bawih angah a insiam a, amah leh amah a intitlawm ta zawk a. Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu.” (Phil. 2:5-8)
Kan Lal Isua min hmangaihna hi a thukin a ropui takzet a, keini mihringte hriat zawh sen rual lohvin min hmangiah a, a makin a ropui hle a ni. Hla siamtu pawhin “Lehkha phekah van khi chang se, ziakna atan thing zar tinreng tuifianriat zawng zawng hlo tui chang se, ziaktu tan chuan mi tinreng” tiin a lo phuah a, chutichung pawh chuan Lal Isua min hmangaihna thu hi ziah zawh sen rual a ni lo va, a makna leh chu khawvel zawng zawng siamtu kan tellova a hlim theihlohna te, keini a hmaelma te min chhandam tura a rawn tlawm theihzia te, a Pathianna a\anga a tuar dan tur a hriat lawk sa vek chung pawh a a pa thu awih tak mai a thih \hak thleng pawha hrehawm an tuar thei mai kha a thukin a ropui tak zet a ni.
Ka ngaihtuah apiang hian Rom sipai ho in kan Lalpa an vuak nat dan tur te, an tihhrehawm nasat avanga a thiltihtheihna han tihlan mai a chak tur rilru te mihring lam nagiahtuahna ah chuan a awm a, mahse chutiang ti duh lovin bawih anga inngaitlawmin engmah ti ve thei lo keimahni mihringte avangin thih thlengin kan tan leimei te tan hian a rawn tuar chhuak ta a ni.
Kristian ringtu inti te chuan kan Lalpa min tuarsakna zawng zawng hi kan hre hlawm tawh hle mai a, mahse tih takzet a Amah hre tu leh chibai buktu te chu mi tlemte chauh an ni si. Kan Bible in sawmte chu tam tak an ni a, thlan te chu tlem te chauh an ni a lo tih hi a dik takzet a, tun hi hun hnuhnung a ni a, Bible sawi angin mihring fate hi kan lo chawlawl zo tawh a, kan luhlul zual a, kan inhmangaihna te pawh a lo dal zo tawh hle mai a, khawvel hi a kal ngaia kal reng tur a ni lo tih hriain kan rilru te hi tihharh a hun tawh takzet a ni. Kan thlarau chatuan hremhmuna kal tir kan phallo a nih chuan kan tana inpe zo vek tu kan Lal Isua Krista hi thinlung leh tihtakzeta chibai kan buk hi a hun tawh hle a ni.
Keini ve chu a changin Lalpa kan chawimawi a, a changin kan sawi chhe leh si \hin a, a Kohhran sawichhiat hi Krista taksa sawichhia kan ni. Kan duh danin kan nung a, min tlantu duh dana nun kan tum lo a, hetianga “Lalpa, Lalpa” ti a \awng\aite a Kohhram ho te leh a thu ngaina leh Amah fak chakna thinlung neilo kan lo nih chuan lum si lo vawt si lo, lum che che, pawn lam thima paih chhuah tur kan ni tih inhria ila, insiam\hat thuai thuai a hun tawh hle a ni.
Isua Krista hian min hmangaih em avangin kan tan a rawn nasa a, kan tan a tuar zo tawh a, keini pawh Amah kan hmangaih a, a tana kan tuar ngam a hun ve tawh hle a ni. Kan thlarau chatuana boral tur chu min hmangaih em avangin a phal lova, a tuar kan \awmpui a, a thihna a kan thih ve a, Amah anga mi inngaitlawm ni turin min duh a, a thawhlehna ah pawh kan thawh leh ve hi min duh a, chuvangin min hmangaih em em tu Lal Isua Krista hian keini hringfate hmangaihna hi a ngen takzet a ni.
Kan zavai hian kan tana hmun min buatsaih sak rangkachak khawpui mawi nuam zawng zawng awmna thihna te, \ah leh lungngaih mangannate, retheih leh hausak awm tawh lohna hmun a kal ngei turin min chhandamtu Lal Isua Krista hi chatuan chatuan in i hmangaih leh ve \heuh ang u.
Lalpa’n a thu malsawm rawh se, Amen.
EDITORIAL BOARD
Editor :
Pu C. Lalmuanpuia
8974807213
Joint Editor:
Tv. Laldinpuia
9862813325
News Editors :
Pu Tommy Zirnuntluanga
9862913684
Tv. Lalnunzira
9862664253
Tv. Lalawmpuia
8259910570
Nl. Zohmingmawii
8794773133
Tv. Lalruatsanga
Circulation Manager:
Tv. C. Lallawmawma
8974509821
Nl. C.Zosangliani
8731005507
Editorial...?
THIL |HA TIH
Kaphleia chuan, "Hnahthel ro angin ka tla bo mai dawn em ni? tia ka inzawh hian chh^n har ka ti a... Khawvelah thiltih tur pawimawh tak tak a tam tehlul nen, pakhat mah ti lova ka liam tur hian min tilungngai ber a ni," a ti. He khawvelah hian thil \ha tih tur tam tak a awm a. Pathian thu chuan, "Thil \ha tih tur hriaa ti si lo chu a tan sual a ni," a ti tawp mai a ni. ‘Thil \ha tih’han tih hian, khawtlang tana tih te, ram leh hnam tan leh kan mihringpuite leh keimahni chunga tih a kawk thei ^wm e. He khawvel hi \ha lutuk tih ni r>ng a awm ta lo a nih hi! Sualna te, buaina leh chhiatna te nitinin a thleng reng a. Ram leh ram, hnam leh hnam kan indo a, \henawmte nen tukchhiat ni a va tam ta >m! Khawlaiah fahrahte an v^k a, \anpui ngai tak takte hmun hrang hrangah hmuh tur an awm ta. Chunghote chu ring lo mi kan tihte paw’n an \anpuiin thil \ha chu an ti ve \hin tho asin. Mahse, an thil \ha tih chuan Chatuana chhandamna a thlen thei si lo va. Keini, Pathian khawngaihna avanga a chhandamna changtute hian, min chhandamtu rinchhanin Krista Chanchin\ha puang darh ila. Kohhran hnathawh tipuitlingin, a kutke nih tum ila. Kan \halaipuite Isua rinna kawnga hruai hi kan tih tur pawimawh tak a ni tih hriain, thil \ha i ti ang u. Thil \ha tih hi Pathianin min siam chhan leh min buatsaih l^wk tawhna hmun a ni tih hriain min buatsaihtu min buatsaih ang ngeiin kan thiltih a langsar emaw, langsar lo emaw pawh ni se, thil lian emaw,te tham emaw pawh ni se, \hahnemngai takin THIL |HA TIIN Pathian rawng i bawl tlat ang u.
MISSIONARY RAWNGBAWLNA REPORT
-John Malsawmtluanga
Missionary, China
England ram-ah:
Englandah kum 3 leh a chanve vel kan lo awm ta der mai a. Heta kan awm chhung hian, kum 2 chhung kha Derby Youth With a Mission pawl hnuaia, Discipleship Training School-ah staff in kan thawk a. Hemi hnu hian, Bodmin Community Church-ah kum 1 leh a chanve chu youth pastor in kan thawk bawk. Tichuan tunah hian China ramah kan let leh tawh dawn a ni.
China Mosolman ho zingah:
Derby-a kan awm lai khan Lalpan mosolman ho hmangaihna leh veina kawngah min pe a, Derby kan cham chhung pawn Kurdish Mosolman pakhat, sam mehna dawr neitu chu ringtu-ah kan siam nghe nghe a. Tin, kan nu pawh Pakistan nu ho te zingah rawng an bawl \hin bawk. Heng hi Lalpa min hruaina leh a kawng min kawhhmuhna zel niin kan hria a, China kan kir leh pawh hian Chinese Mosolman ho zingah rawngbawl hi kan tum ta a ni.
China ah hian mosolman hi an lo tam ve em em mai a. Chung zingah huan Hui hnam ho hi a lian pawl an ni. Mi 10.6 million vel an ni a Mizo-te aiin a let sawm velin an tam tihna a nih chu. Heng Hui hnam zingah hian Kristian an la awm mang lo va, 0.09% vel Kristian awm anga chhut a ni.
Kan awmna tur hi Ningxia province, khawpui Yinchuan a ni a. Hui-Muslim Chinese autonomous region a ni a. Mi 1.99 million vel Yinchuan khawpuiah hian an cheng. Missionary an la tlem hle a, keini pawh hi kan pawl; Youth With a Mission hnuaia kal hmasa ber tur kan ni a, pioneer team in kan awm ang a; kan pawl hnuai a\anga thawktu tam zawk an lo kal zel theihnan hma lo sial te pawh kan mawhphurhna a ni bawk ang.
Rawngbawl dan tur ruangam :
Kan rawngbawlna hmathlir (vision) chu, ‘Hui hnam te Isua zirtir-ah siam a, kohhran a tam thei ang ber din’ a ni. Nimahsela, China-ah chuan missionary a awm phal a ni lova. Tunah hian student in kan lut leh phawt ang. Kan theih ang angin, fimkhur tak siin; Hui hnamte Lal Isua ke bulah hruai kan tum dawn a ni. Kan rawngbawl dan tur \henkhatte chu, entirnan; football khelhnaah te, kan \awng zirna university –ah te, kan fate sikul kalna a\anga, Hui nu leh pate thiana siam te a ni ang. Kan tualzal nun chi hrang hrang hmangin Hui mite Isua ke bula hruai kan tum dawn a ni.
News leh chanchinbu kan ena kan hmuh tam ber chu Mosolman sakhaw zuitu firfiak \henkhat ten, an pathian hminga mi an thah te leh an bomb te a ni awm e. Tin tun hnaiah ISIS ho avangte pawhin Mosolman sakhua leh a zuitu hnam hrang hrangte chu khawvelah an hming a mawi lo hle a, mite thinkhrik leh diriam pawh an tawh nasat phah bawk. Nimahsela, Heng zawng zawng phenah hian, Lalpan Mosolman hnam zingah nasatakin hna a thawk a--tam takin, inlarnaah Isua te hmuin Kristian ah an inpe ruih ruih mek ! Tun hi, mosolman hote Kristian-a an inpek nasa ber hun a ni e an ti hial a ni. Tun hi Mosolman te tan Chhandamna Ni chu a ni!
|awngtaipuina:
Keini pawh Mosolman ho zingah hian kan vawikhat thawhna tur a ni a. In \awngtaipuina kan mamawh hle. Heng hnam zinga hriam zawk a rawng kan bawl theihna tur atan zirtur leh hriat ngai a tam em em bawk si. Heng zawng zawng karah hian keini hmanraw tling lo leh hriam lo tak te hmang hian Hui-Chinese-Mosolman te‘n Lal Isua hi Chandamtu dik a ni an lo tih theih, nan bang lova min lo \awngtaipui turin kan sawm a che u.
Dan leh Hrai chungchanga Zawhna leh Chhanna
1. Supreme court judgement hi a appeal theih em? Engtia tih tur nge? Pawisa engzatnge chawi ngai ang? High Court a thiam an chan zawh tawh lohna case nise, a awlsam phah ang em? High Court kaltlangin mi appeal tur?
- Supreme Court hi court sang ber a nih avangin a rorelnaa lungawilo tan pawh appeal-natur a awm tawh lo.
2. Lirthei kan lei hian kan leina dawra insurance tih ngei hi kan bat a ni em? Hmun dangah / conpany dangah kan ti thei tho em?
- Nilo, kan leina dawra tih kher hi kan ba lo. Hmun dangah / Insurance Company dangah pawh kan ti thei.
3. JAC tena khawtlang a lo nawm zawk nana thil tisual titute Savawm bawma an khung thin hi dan a ni reng em? Ni lo ta se Human rights lam atang te action lak dan a awm em le?
- JAC hi mi mana khung theitu an ni lo a, hetianga tih an neih chuan Indian Penal Code-a hremna awm anga hrem theih an ni a, chutianga hrem an nih theih nan chuan dan hmanga hremn pe theitu hnena zualko maitur a ni.
4. Sawrkarah Muster Roll a lut tur hian kum bithliah a awm em? Over age hian a bar ve em?
- Sawrkar hnuaia lut tur chuan kum bithliah te te chu awm vek avangin Over Age hian a bar a ni.
5. Social network lama midang thlalak an phalna nilo a lo share hi hremna dan a awm em le, hmalak dan turte a awm em aw?
- Social Network-a share theiha kan pho chhuak a nih chuan sawi lehtur chuang a awm lo ang. Kan thlalakte midangin an lo share kan phal loh chuan midang lo share ve theih lohturin mahni privacy kan vawnghim maitur a ni.
6. Ruihhlo man dan Case leh Corruption man dan Case hi engtianga inthlau leh danglam nge aw? Corrupt hi rinhlelh thilthu in FIR thehluh ve a chi em?
- ND&PS Act leh PC Act danglamna hi ruihhlo case leh corruption case danglamna chu a ni mai a, criminal case erawh an ni ve ve. A tlangpuiin corruption hi ruihhlo ai chuan manchhuah a har deuh bawk. Eiru nia rinhlelh neih chuan FIR a theh luh theih reng e.
7. Tunlaia khawpui chhunga vai naupang lapaw chini zuar a kalkual thin te hi kum tlinglo an ni tih a chiang si a, Danin Child labour chungchang a sawi hian a huamin a khap ve lem lo mi?
- A huam a, a khap bawk a, dan kengkawhtute lamn an en liam mai mai hrih vanga action lak loh mai a ni.
8. Thilsual ti miah silo rinhlelh vanga dawp nana police-in kut an thlak hi danin a phal em?
- Thilsual an ti emaw ti lo emaw, dan chuan mi dawp nana kuthlak hi a phal lo hrim hrim a, chutianga kut lo thlaktu hremna chu Indian Penal Code-ah kan hmu.
9. Zu leina card (Liquor Card) hi Mizoram chhunga Zu zawrh chauh lei/kawl theina atana siam a ni em aw? Entirnan: Card nei chung rengin Assam Zu lo kawl ta ila man theih tho a mi kan nih?
- Card kha han en chiang la, Mizoram zu chauh lei theihna a inziak lo mai ni lovin state dang zu lei khapna inziak a awm lo bawk. Tin, MLPC Act hian khawi state zu mah thinhrik bik a nei lem lo.
10. Mi tu emawin mi bungrua tihpalh thilthu pawh ni lo suahsual vang liau liauin eg: car/Bike lo tichhia/hal chhe vek ta se, a titu manchhuah leh finchhuah ngei pawh ni ta se, a tuartuin a bungrua a neihlet leh theih dan zawnga hrem (chawitir) dan a awm em? Kum 10 tan tir ai pawhin a bungrua neihlet leh kha a lungkham ber a ni si a.
- A titu kha hrem I duh chuan criminal case-a kalpui maitur a ni a. Tihchhiat / hal chhiat vek tawh chu neih let leh theih niin a lang lo. Amaherawh chu zangnadawmna I claim duh chuan civil suit file maitur a ni.
TRAFFIC SP HRIATTIRNA
Aizawl Khawpui chhung enkawl nan hian hunbi neia motor tlan theih nun leh tlan theihloh hun te siam a ni a, Nipui leh Thlasik chhung atana hman tur ruahmanna te siam a ni thin a. Thlasik a lo ral takah chuan Nipui chhunga hman tur bik lirthei tlan dan tur lo siam sa vide No. RO/TRF/SP-Noti-7/08/641 Dt. 15.11.2013 hi zawm theuh turin SP Traffic chuan hriattitna a chhuah.
1. (a) No Entry Period for 407 (LPK /SK) : 8:30AM - 10:30AM & 4:00PM - 6:00PM
(b)Vaivakawn to Temple : 8:00AM - 10AM & 4:00PM - 6:00PM
(c) Chanmari, Hrangbana College to Mc Donald Hills : 8:00AM - 7:00PM
2. (a) HMV No Entry Period : 7:00AM - 8:00PM
(b)Bawngkawn tlan tlang phal hun chhung : 8:00PM - 7:00AM & 10:30AM - 3:00PM
Sikul \an hun zing dar 8:00AM a nih hma chuan Taxi intlanchhawk hun hi zing dar 9:00AM a\anga tlai dar 6:30PM ala ni rih ang. Sikul \an hun hi siamrem ala nih loh avangin a hnuaia hmun bik tarlana lirthei tlan dan tur chu hetiang hi a ni ang.
(a)KuIikawn leh Tlangnuam inkar kawng : 8:00AM - 9:00AM (One Way)
(b) Zarkawt Traffic Point to Zarkavvt Presbyterian Biak In kawt : 8:00AM - 9:00AM (One Way)
(c) Zarkawt Presbyterian Biak In to Zarkawt Traffic Point via Babutlang : 8:00AM - 9:00AM (One Way)
Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. A hmuna duty lai Traffic Police ten tlachawp mamawh bik leh tul bik thil ah chuan ruahmanna dang an siam thei ang.
HRIATTIRNA
I Lirthei dahna Garrage siamna hun atan ni 278 chauh i nei ta.
Issued by Transport Department
MALARIA CHUNGCHANGA MIPUITE HRIATTIRNA
1. Kumin 2017 hian Melthum leh Saikhamakawn chhungah Thosi hlo (DDT) kah a ni dawn lova, Central sawrkar ruahman angin Malaria hluarna bik khuaah chauh Thosi hi kah a ni dawn.
2. Mipuite Malaria lakah kan inven fimkhur a ngai hle a, Thosilen chiah, Thosi hlauh in a chhit chi leh Thosilen zar \ha turin kan inngen thar leh a, in leh a vel, thosi pian theihna tui tling tih bo a pawimawh hle.
3. Khua a sik chuan thien exam tir vat tur a ni a, Ramriak leh thosi tamna hmun a zin hawngte chu an khua a sik a nih chuan ASHA hnenah emaw Sub-centre ah a thlawnin thisen lak tir vat tur a ni.
4. Nikum 2016 khan Mizoram pumah Thisen exam mi 26,747 a\angin mi 7583 (Pf-5907) in Malaria an vei tih hmuhchhuah a ni a, mi 9 laiin an thihpui hlauh mai a, mipuite kan fimkhur a ngai hle mai.
Sd/-
(L.R.NUNMAWIA)
Health Worker (M)
Melthum Helath Sub-Centre
HRIATTIRNA
Hlimen Urban Health Centre chu Pu Lalliansanga (Sangtea), Hlimen Damveng te inah sawn a ni a, tun thla chhungin inentir theih a ni rih dawn lo tih kan inhraittir a ni e.
FOOTBALL ADMISSION
Mizoram Football Association (MFA) hriatpuina hnuai a awm, Aizawl City Football Development Academy (ACFDA) ah Under 15,17&19 tan Football a zir theih e.
A hmun : Joint YMA field, Aizawl
Course : 2 month,
Course fee: `2500/-
Tan hun: 1st March, 2017
Contact: 7005623875
RD SEPTIC TANK SERVICE
Septic tank khat, paihfai, commode block pipe line \ha lo, soakpit repairing, a thar siam engpawh hmun remlo leh harsa a mi pawh kan thawk thei reng e. Kan sulhnu a felfai a, service hlun leh rintlak kan ni e.
RATE: INBIAKREMNA
Contact: 9436199884
SEMINAR NEI
Ni 23.2.2016 (Ninga) zan khan K|P Branch Committee leh Group Committee ten Kohhran Hall ah Seminar neiin, Resource Person atan Upa Lalzuiliana leh Upa Zonunmawia sawm an ni a. Upa Lalzuiliana’n “Kohhran leh K|P Administration” tih hmangin paper a present a, ‘Evangilism’ tih hmangin Upa Zonunmawia’n paper a present bawk a, member ten hlawk thlak kan ti hle.
HRIATTIRNA
Hlimen Kohhran Hmeichhia Pi Hmingliani group te chuan naktuk ni 27.2.2017 (Thawh\anni) hian Pu H.Remtluanga te huan tifaia hnatlang neih tur a ni a, \hahnem ngai taka hnatlang \heuh turin Group Member te kan in hriattir a ni e.
Sd/- Secretary
Pi Hmingliani Group
Kohhran Hmeichhia
LAWMTHU SAWINA
Kan pa Chawng\huama’n min boral san chungchangah vengchhung mipuite min buaipui tu te zawng zawng chungah lawmthu kan sawi a. A boral ni a a \ul ang anga min buaipui a, in lama tih tur \ul awm apiangte kan tih ve ngai miah lo va, min buaipui a min tihsak tu te zawng zawng chungah kan lawm em em a ni. Kan chunga in \hatna leh min hmangaihna zawng zawngah Lalpa’n a let tam takin rul che u rawh se tih hi kan \awng\aina a ni e.
In khawngaihna dawngtu
Pi Lalnunziri lef a fate
Upa R Lungtiawia leh Laldawli memorial e-4 tournament tan a ni dawn
Ni 28.2.2017 (Thawhleh zan) dar 7:00 hian YMA Vanapa Section buatsaih Upa R Lungtiawia leh Laldawli memorial e-4 tournament chu Saikhamakawn Volleyball Court ah \an a ni dawn ta, Aizawl veng hrang hrang a\angin team 56 an tel dawn a, vengchhung mipuite a duh apiang he tournament hi rawn en ziah \hin turin kan sawm che u a ni.
Sd/-
(LALRINAWMA SAILO)
Secretary,
YMA Vanapa Section
,Lalremruati Ralte d/o R. Lalhmingsanga (Ch.Sec) chu damlohna avanga Alpha Hospital ah enkawl a nih hnuin dam takin a lo chhuak.
, Pi Saphmuaki m/o Tv. Lal\hazuala (T.Sec) chu damlohna avanga Alpha Hospital a enkawl a nih hnuin dam takin a lo chhuak.
, Pi Lalthantluangi w/o Pu Andrew C. Lalnunsanga (T.Sec) chu damlohna avanga Falkawn Hospital ah enkawl a nih hnuin dam takin a lo chhuak.
, Eddie Malsawmkima s/o C. Lalhruaia (V.Sec) chu damlohna avangin Aizawl Hospital ah enkaw mek a ni.
, Pu Lalfakzuala s/o Pu Deng\huama (Ch.Sec) chu damlohva avangin Aizawl Hospital ah enkawl mek a ni.
, Pi Ropari w/o Biakzuala (T.Sec) chu damlohna avangin BN Hospital ah enkawl mek a ni.
, Malsawmzuala s/o Pu Lalbiakliana (T.Sec) chu damlohna avangin BN Hospital ah enkawl mek a ni.
, VL Rohlua Renthlei S/o Lalhriatsanga (V.Sec) damlohna avanga BN Hospital ah enkawl a a nih hnui a lo chhuak.
LAWMTHU SAWINA LEH SAWMNA
Saikhamakawn Football Team ten ni 22.2.2017 (Nilaini) hian sum tuak nana Ar kan talh vengchhung mipui min dawrtu zawng zawng te chungah lawmthu kan sawi a, tin, ni 1.3.2017 (Nilaini) dar11:00 am hian Ramhlun Sports Comlex ah Falkland veng nen NECS Cup khelh a ni dawn a, vengchhung mipuite a tam thei ang berin min \awiawm turin kan in sawm nghal bawk e.
Sd/-Manager
SKK Football Team
CHATUAN RAMAH
Pu Lalbiakmawia (35) chuan ni 23.2.2017 (Ningani) zan khan chatuan ram min lo pansan ta a. Mipui Aw Editorial Board te chuan thinlung takin kan tawrhpui a, a kalsan tak a nupui fanau leh a chhung leh khatte Lalpa’n vengin, thlamuanin awmpui zel rawh se tih hi kan \awng\aina a ni e.
