MIPUI AW 8.1.1.2017

MIPUI AW

 Vol. XXIII Issue No.2 Kristian  |halai  Pawl Saikhamakawn  Branch Dt.8.1.2017  Pathianni

VAWIIN CHANGVAWN

Pathianin keimahni min thlamuanna ngeiin hrehawm eng anga awmte pawh chu  kan thlamuan ve theihna turin ani chuan kan hrehawmna zawng zawngah min thlamuan thin. Krista tuarnate chu kan chunga achuang aliam ang tak hian, kan thlamuanna hi Krista zarah achuang a liam a ni. 

(II Kor.1:4-5)

KOHHRAN PROGRAMME:

Ni 8.1.2017 (Pathianni)

Chawhma Inkhawm

|antu : Pi Biakthangi

Pawl siam rem ni 

Chawhnu Inkhawm

Thuhriltu :  Pi Khawlvuani

Zan Inkhawm

Rawngbawltu hlan 

Rawngbawltu :  Pastor C. Sapkaia

K|P INKHAWM PROGRAMME

Ni 9.1.2017 (Thawh\anni Z^n)

Member thar te pual inkhawm

Hruaitu : Pu R. Lalmuanpuia, Leader

|antu : Nl. Malsawmtluangi

Thuhriltu : Upa Lalrindika, 

Kohhran Represent

Solo : Nl. C. Zosangliani

Thilpek lakhawm  Nl. CVL Biakzuali,

tu turte : Nl. Lalrinchhani leh 

  Nl. F. Lalrintluangi  

Zai hruaitute : Tv. R. Zodinsanga

 leh Tv. Lalrinnunga

Key Boardist : Pu Lalchhandama

Member Inkhawm kim zan a ni a, member inpe zawng zawng ten i ngaipawimawh ang u. Inkhawm ban hian SS Hall ah Group hruaitu thlanna neih nghal tur a ni e.

KOHHRAN HMEICHHE INKHAWM PROGRAMME

Ni 10.1.2017 (Thawhlehni Z^n)

Ramthim Zin

A hmun : Senior Hall

Hruaitu : Pi Saithangpuii

|antu : Pi Hmangaihzuali

   HUN AWMZIA

    -Rev. Lalbiakhlira

“Hun lawmawmah ka ngaithla che a, Chhandamna ni-ah ka tanpui che,” a ti si a. (II Kor 6:2)

Mihring hun hi chi thumah kan then a – Tun hun, hun kal tawh leh hun lo la awm tur tiin. Sanna hmangte, Calendar hmangten hun awmzia kan teh thin a, kan nitin nunah kan hmang tangkaiin an tello chuan nunphung a buai vek mai. Mahse chik taka ngaihtuah chuan hun hi chi thum ni lovin pakhat chauh a awm tih I hre thei ang. Chu chu TUN HUN a ni.

Hun kal tawh kan tih chu tun hun hmanral tawh a ni a, hman theih a ni tawh lo. Tun hun awm lo se hun kal tawh a awm lovang. Kan nunhlui kan suangtuah a, kan lung a leng thin. Chung nunhlui kan ngaihte pawh chu tun hun a nih laia kan hmante tho kha an ni. Kan tunhma nun kan ngaihtuah let a, inchhir vawng vawng chang pawh kan nei fo. Chu pawh tun hun a nih laia kan hman  that loh vang mai a ni. Chuvangin, hun kal tawh heng – nichin, nimin, nikum, hmanlai zawng zawngte hi a tak tak ni lo, tun hun hmanral tawh mai an lo ni. Hun lo awm tur pawh hi a tak tak awm lo, hman theih ni lo, hming chauh nei a lo ni. Thufing pakhat chuan,”naktuk a thleng ngai lo” a ti a. Naktuk chu naktuk a ni reng a, nakin pawh a nakin reng a, a lo thleng ngai lo. Chuvangin hming chauh nei, hman tur awm si lo a ni a, innghahna tlak a ni lo. Tam tak chuan nun siam that nan leh chin thalo sim nan nakin kan hmachhuan a, a lo thleng ngai si lo va, kan talbuai thin.

Tun hun chhungah kan piang a, kan chevel a, engkim a thleng thin. Kan thih hun tur pawh nakinah ni lovin ‘tun hun’ chhungah a ni a, inbuatsaih theih reng a ni.

‘Hun rangkachak’ kan ti fova, ‘hun hi tangka a ni’ kan ti thin. Tun hun hman tangkai theih sawina a ni a. Tun hun kan hman tangkai zia sawina a ni. Kan hman tangkai loh chu rangkachak emaw tangka emaw a ni thei lo.

Lal Isua lokal leh hun tur pawh sawi lawk theih dan a awm a, chu chu nakinah ni lovin ‘tun hun’ chhungah bawk a ni. Inring renga awm theih a ni a, chu chu a duhzawnga tun hun hman zel mai hi a ni.

Chuvangin, tun hun hi hun lawmawm a ni a, chhandamna ni chu a ni. I tun hun kha Lalpa tan hmang la, engkimah I buai ngai lovang.

Nangma tan kum sang sawm pawh hi

Mit khap kar a tling lo;

Tun hma, tun hnu,keinin Kan ti,

Nangin ‘tun’,I ti fo. (KHB 26)

Lalpa,n malsawm rawh se. Amen.

EDITORIAL  BOARD

Pu C. Lalmuanpuia                     8974807213

Joint Editor: 

Tv. Laldinpuia                   9862813325

News Editors :

Pu Tommy Zirnuntluanga       9862913684

Tv. Lalnunzira                 9862664253

Tv. Lalawmpuia                     8259910570  

Nl. Zohmingmawii         8794773133

Circulation Manager:

Tv. C. Lallawmawma              8974509821

Nl. C.Zosangliani                  8731005507

Editorial...?

Mihringte hi Pathian min siam dan phungah finna leh remhriatna neiin min siam a. Mimal leh huho nunah pawh hmasawn zel thei tura siam kan ni. Chu hmasawnna chuan mihring nun pumpui rilru, taksa leh thlarau a huam kim a ngai a. Kan hmasawnna hian a engemaw ber pawh hi a hlamchhiah chuan hmasawnna khingbai leh kim lo kan lo nei \hin a ni. Eng kawngah pawh hmasawnna kawng dik zawh thei tur chuan hmasawn tumna leh rilru leh duhna rilru neih a ngai a. Taksa thila  changkanna leh hmasawnnain mihring nun peng hrang hrangah thil \ha  tam tak a thlen angin, thlarau nun lama hmasawn leh \hang mi chu a nun a lo  hausa a, mi dangte  tan malsawmna tam  tak thlentu a lo ni thei \hin a ni. Kan khawvel danglam zel hian khawvel thilah hmasawnna kawng hrang hrangin a rawn thlen a. A bik takin, information technology te, thianghlimna leh hriselna ngaih pawimawhna (sanitation and health care) leh khawvel dang nena inzarzawmna (globalisation) ah te nasa takin khawvel a \hang chho zel a, chuvangin heng thilte hian kan nitin nun kawng hrang hrangin a rawn nghawng chho zel a, kan rinna leh rawngbawlna nena inkawp rem zawnga lo dawngsawng ve thei tura kan inbuatsaih a pawimawh tak zet a ni. Chumi atan chuan hmasawnna zau tak kan put pawh a \ul. Heng piah lamah hian mimal nun leh Kohhran chhunga rinna leh rawngbawlna kawnga hmasawn zel tumna rilru hi Pathianin mihringte min siam dan phung leh ringtute nun dan tura Pathian min beisei chu a ni tih i hre reng \hin ang u.

ARTICLE

 RO KHAWM

Ro khawm chungchang hi mi engngemaw zat buaina a ni. Ro buai, inchuh hian naupang a nghawng fo va, awmna mumal nei lova insiam hial te pawh an awm tawh \hin. Civil case a nih laiin ro duh vanga fa inchuh, an inchuh dan rum deuh avanga Naupang himna in a nghawng tak pawh an awm. Hetiang teh hrep a chhungkaw buaina chhan hi hmangchang hriat loh vang a ni ve thei. Chuvangin hemi chungchang hi a tlangpui han sawi dawn ila. 

Ro khawm han tih hian chi hnih in a then theih a, chu chu Heirship emaw Succession Certificate tiin emaw an sawi \hin. LSC, Ram Patta, Motor, etc. atana certificate lak chhuah ngai hi HEIRSHIP Certificate an ti a, Bank a pawisa awm lakchhuah nan leh bank account tihtawp nana lak chhuah ngai hi SUCCESSION Certificate an ti.

Hemi pahnih lakchhuah nan hian dan mumal tak a awm lo va, a pechhuak tu Court-in him chin ni a a ngaih a pe mai \hin. Court \henkhat chuan dilna chu sawibuai duh tan chanchinbua chhuah kher an phut a, Court \henkhat erawh chutiang chu a phut lem lo.

A dil dan:

1. Dilna hi Court-in form hran a siam a nih loh chuan blank paper hmanga ziaka dil mai tur a ni.

2. Dilna chu Ro emaw bank emaw awmna district a Judicial officer lal ber Address a ziak tur. Hetiangin -

a) Aizawl leh Lunglei District tan - District Judge

b) District dang zawng tan - Senior Civil Judge

3. Subject ah - dil duh zawk a zirin "Heirship/ Succession Certificate dilna" tih kiau tur.

4. Dilna ah chuan Court fee cheng 14 man bel tur.

5. A tlangpui thu in thil dil hlut zawng chu nuai hnih (2,00,000) aia tam a nih chuan Civil Judge-in a ngaihtuah \hin a, chuvangin Ro hlut zawng ziah lan \hin a \ha.

Thil tel ngai te:

Court duh dan inang vek lo mahse, hengte hi thiltel ngei a \ha.

1) Ro neitu Death Certificate

2) Ro/ pass book inziahna Xerox copy. Bank-a pawisa awm chu dil ni mila update tir ngei a \ha

3) Diltu leh mitthi inlaichinna tilang thei

4) Chhungkaw remtih tlanna

6) VC hriatpuina

7) Examination in Chief (hei hi chu ukil-te man chawia siam tir mai tur)

8) Succession Certificate dil tan non-judicial stamp a ruaka dah tel tur.

BENGTIVAR

INDIAN PENAL CODE

SEC 34.:- Tum thuhmun tipuitling tura mi tam tak a huhoa thil  tih, an thil tum tihlawhtling tura mi tam takin thilsual an tihin, mimal tinte chuan amah mimalin a ti angin mawh an phur a ni. Sual a nih fiahna \ulte:-

1. An thiltih chu an vaia \anghoa tih a ni em.

2. An thiltih dan hmang avangin an thiltih chu an tum a ni lo tih chiang mahse a ti tuten an vaia tih an tumin.

3. An thiltih ho tur tihna lo dal thei apiang thenfai nana an \anhoa an tih in.

       CHAPTER  4.

    THIL SUALA TELH VE LOH TLANGPUI 

SEC.76:-Dan hriatsualna avang ni lova, thil dik ni ngeia rinna avanga ngaihsual palha thil ti hi sual a ni lo a dan bawhchhia a ni lo.

  e.g.'A' a chu sipai a ni a.apuin dan anga a thupek zawmun mipui thinrim pungkhawm a kap ta a.'A' a chuan engmah a ti sual lo.

SEC.77:- Danin thuneihna a pe ani tih rintlatna a vanga roreltuin a rorelna chungchanga a thiltih reng reng chu thil tisual dan bawhchhiatna a ni lo.

SEC.78:- court thu chhuak la thi lo bawhzuia,chu court chuan chutiang thiltihtheihna thuneihna nei ngeia rin tlatna nena thil tih reng reng hi thil ti sual dan bawhchhia ani lo.

SEC.79:-Danin dik a tih ang thlapa thil tih reng reng hi thil tisual a ni lo 'OR' dan hriatsual avang ni lo a thil ngaihsual palh vang leh dan ang thlapa thil ti nia in rin tlatna avanga thil tih hi thil tisual dan bawhchhia a ni lo.

e.g. 'A'-a chuan 'Z'an tu emaw that dawnin a hmuh avangin danin tupawh thuneihna a pek ang hmangin 'Z'-a chu a man ta a. 'Z'-a chuan ama invenhim nana thil ti lo nimahse 'A' chu engmah a tisual lo.

SEC.80:-Fimkhur tak leh dan ang thlapa thil sual tih tumna rilru awm miah si lova, vanduai vang liau liaua thil tihsual hi thil ti sual ani lo.

   e.g. 'A' a chuan hreipuiin thing a eh laiin hreiha thlawn thutin a bula mipakhat a vawm hlum hlauh mai a, fimkhur tawk loh vanga ti palh anih loh chuan 'A' hian thil a ti sual lo ani. 

WEEKLY ROUND UP

STATE

#  Ni 3.1.2017 (Thawhlehni) dar 2:50 khan Mizoram hmun hrang hrangah lir a nghing a, Aizawl District Disaster Management Authority tarlan danin Tripura a in\an a ni a, magnitude 5.3 a na a ni.

# Gauhati High Court Judge, Justice Michael Zothankhuma, Mizoram Portfolio Judge ni mek chu Additioanl Judge a\angin Judge puitling ah nemngheh a ni.

#   Finance Department (Budget Branch) chuan sorkar kum thar 2017-2018 a\angin central sorkar ruahmanna angin budget kalphung thar hman a nih dawn thu an puang.

#  Mizoram Electoral Roll thar ber tlangzarh a ni a, Mizoramah voters 7,39,976 an awm.

# NABARD-in Mizoramah sorkar hnenah Loan-in cheng nuai 3868.95 an pe.

NATIONAL

#  Central sorkar chun Pakistan occupied Kashmir (Pok) a\anga hindu refugee te chu cheng nuai 5.5 zel pek an ni dawn tih a sawi.    

#  Ni 4.1.2017 (Nilaini) khan Chief Justice of India thar, Justice Jagdish Singh Khehar chu nimin khan lakluh a ni. 

#  Supreme Court chuan politician te chu hnam behchhana inbeih leh vote zawn a khap.

#  White House-a Deputy Assistant tan Indian-American Raj Shah ruat a ni.

INTERNATIONAL

#  United Arab Emirates (UAE) chuan ramsa chu ranvulh anga in lama khapna dan thar a siam.

#  Israel Prime Minister Benjamin Netanyahuchu ni 3.1.2017 (Thawhlehni) khan eirua puhna kaihhnawih ah thu zawhfiah a ni.

# United States a Chicago khawpui chu kum 19 chhunga tualthahna thlen tamna ber a ni a, tualthahna \um 762 a thleng.    

#  Conservationist te chuan sakei chikhat Cheetah chu tunhnai mai khan an tlem zel tih tarlangin, ‘Vulnerable’ dinhmun a\angin ‘Endangered’ ah dah an ni nghal. 

“TIAM TLAT E”

Judy Lalsangliani d/o Lalbiakhlua (L), Saikhamakawn leh P.C Lalhminghlua s/o Lalhlimpuia, Bungkawn te chuan ni 10.1.2017 (Thawhlehni) dar 1:00 pm hian Kohhran dan thianghlimin Bungkawn Kohhran Golden Jubilee Hall ah “Tiam Tlat e” an ti dawn. Fanau maltluan chawia nupa inlungrual taka damchhunga leng dun turin Mipui Aw Editorial Board te chuan duhsakna kan hlan e. 

 KUM 2017 YMA SAIKHAMAKAWN BRANCH SECTION HRUAITU TURTE 

Ni 5.1.2017 (Ninga) zan dar 6:30 khan kum 2017 YMA Saikhamakawn Branch Section hruaitu turte thlanna neih a ni a, heng mite hi Section tin Office Bearer atana thlan chhuah te an ni:

Chawngbawla Section:  

Leader: Pu B. Lalrinzauva

Asst.Leader: Pu J. Lalrinthanga

Secretary: Pu Zoramchhana

Asst. Secy: Pu Lalzahawma

Treasurer: Pu Ramnunngaia

Fin. Secy: Nl. Lal\anpuii

Taitesena Section:

Leader: Pu R. Lalhmingliana

Asst.Leader: Pu Biakzuala

Secretary: Pu Albert Lalremsanga

Asst. Secy: Pu Lalnunmawia

Treasurer: Nl. Lalhruaitluangi

Fin. Secy: Pu Lalmuanpuia

Vanapa Section:

Leader: Pu Alan Lalramhluna

Asst.Leader: Pu C. Lalnunsanga

Secretary: Tv. Lalrinawma Sailo

Asst. Secy: Tv. C. Lalmuanawma 

Treasurer: Nl. Baby Zothanpuii

Fin. Secy: Nl. K. Lalawmpuii

LAWMTHU SAWINA

Saikhamakawn Branch YMA in a lo rel angin kum 2016 Krismas Kawnchei ni leh se a ti a, hemi atan hian Branch chuan sum leh pai neih sa mai a nei lo va, chhungtinte hnenah Kawngcheina tur ip sem a ni a, phal tak leh in hawng taka sum leh pai rawn thawhtu zawng zawng te chungah lawmthu kan sawi a. Tin, a hmanraw pawimawh mau phal taka min sah tir tu Chhimphei Group YMA President Pu Kapkima, Muallungthu chungah kan lawm em em a. Saikhamakawn vengchhung mipui Kawncheina atana tha leh zung, hmanrua thawhtute leh min tum sak tu zawng zawngte chungah Saikhamakawn Branch YMA chuan lawmthu a sawi tak meuh meuh a ni.

Sd/-(C. LALDAWNGLIANA)

Secretary

YMA Saikhamakawn Branch

K|P  MEMBERTE HRIATTIRNA

#  Kum 2017 K|P member te mahni Group awmna Sunday School Hall notice board ah tar chhuah a ni a, mahni Group awmna hre duh tan mahni in en mai tur a ni e.

#  Saikhamakawn K|P Branch Day chu  ni 12.1.2017 (Ningani)  hi a ni a, hemi ni zing dar 10:00 ah Sunday School Hall hian thisen pek leh tur a ni a, member-te thisen pe thei turin lo inruahman lawk \heuh ila a lawmawm hle ang.

# Ni 3.1.2017 (Thawhlehni) zingkarah Ruai\hehna leh a hmunhma tihfai leh senghawi hnatlang neih a ni a, K|P member hnatlang a thawkchhuak zawng zawngte chungah lawmthu kan sawi e.

Sd/-(P.C VANLALHRIATPUIA)

Secretary

K|P Saikhamakawn Branch

KOHHRAN PAVALAI PROGRAMME

Ni 12.1.2017 (Ninga Zan) 

Hruiatu : Pu H. Remtluanga

|antu : Pu C. Saienga

Thuhriltu : Pu Siamliana

Khuangpu : Pu Vanlalfela leh

 Pu T. Lalrinthanga

Thilkpek lakhawmtu: Pu Lianchia

   

VARANASI MISSION PRAYER NETWORK SAIKHAMAKAWN |AWNG|AI PROGRAMME

A hun     :  Ni 8.1.2017(Thawh\an zan)

A hmun: Pu Dawngkima te In

Hruaitu: Pi K. Lalthanpari

|antu: Pi Laldawngliani (Ruata)

Thawhlawm a awm nghal ang.

HRIATTIRNA

Urban Planning Health Centre, Hlimen ah naupai a thlawn a in entir theih a ni dawn a, investigation tih ngai te a thlawna tih vek theih a ni ang.

Sd/-Medical Officer

UPHC, Hlimen

Kar hmasa Mipui Aw Bible Quiz 

Result:

Chhana lut zawng zawng: 1

Chhang dik vek: 1

Lawmman dawngtu: Lalropuia (T.Sec)           

,   Lallawmzuala s/o Lalhmudika (Ch.Sec) rilphir zai avangin Synod Hospital ah enkawl mek a ni.

,   Lalremruati Ralte d/o R. Lalhmingsanga (Ch.Sec) chu damlohna avangin Alpha Hospital ah enkawl mek a ni.

,   Pu R. Lalzuala (Ma-a) h/o Lalchhuanawmi (T.Sec) chu damlohna avangin Alpha Hospital ah enkawl mek a ni.

 KOHHRAN HRANG HRANGTE KRISMAS LEH KUMTHAR  HMAN DAN 

                 Presbyterian Kohhran

Krismas leh Kumthar hian hun hlimawm taka hman a ni a. Ni 26.12.2016 ah Krismas ruai\heh niin Bawng, Vawk, ar, Alu leh Artui nen ruai\heh a niin, Rs.209,255/- sen a ni. Tin kumhlui thlah zan ni 31.12.2016 khan kum 2016 chhunga Kohhran member chatuan ram pan ta mi 13 te sunna neih bawk a ni.

Kumthar ni 2.1. 2017 khan Kumthar ruai\heh niin Bawng, Vawk, ar, Alu leh Artui nen ruai\heh a niin, Rs.202,430/- sen a ni.

UPC North East India

Krismas leh Kumthar boruak hlim taka hman a ni a, Bawng, Vawk leh ar nen ruai \heh a ni bawk a ni. Hetiang hi Krismas leh Kumthar ruai\hehna atana sum sen so zat chu a ni:

Krismas : ` 15,000/-

Kumthar : ` 15,000/-

A vaiin : ` 30,000/- 

  UPC Mizoram

Krismas leh Kumthar boruak hlim taka hman a ni a, Bawng, Vawk leh ar nen ruai \heh a ni bawk a ni. Hetiang hi Krismas leh Kumthar ruai\hehna atana sum sen so zat chu a ni:

Krismas : `  8000/-

Kumthar : `  8500/-

A vaiin : `  16,500/- 

* Kum 2017 kumthar kan lo chuangkai leh ta a, Mipui Aw a chhuah tur Sermon, Article, News, Thurawn etc. he chanchinbu atana hmasawnna tur engtik lai pawhin kan dawng thei reng e. 

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

MIPUI AW NI 1.1.2017

MIPUI AW

Vol. XXIII Issue No.1 Kristian  |halai  Pawl Saikhamakawn  Branch Dt.1.1.2017  Pathianni

VAWIIN CHANG VAWN

Chutichuan, ‘Engnge kan ei ang?’ emaw, ‘Engnge kan in ang?’ emaw, ‘Eng sinin nge kan awm ang?’ emaw tih, lungkham suh u, Jentailten chung zawng zawng chu an zawng thin a ni. Chung zawng zawng chu in mamawh tih in Pa vana mi’n a hre reng a ni.A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia.Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni. (Matthaia 6: 31-34)

KOHHRAN PROGRAMME:

Ni 1.1.2017 (Pathianni)
Kumthar Ni

Chawhma Inkhawm
Thupui : Pathian hnena lawmthu sawi
Sawitu : Upa C. Lalmuankima
Vawiin chawhma inkhawm ah hian Kum Thar Thawhlawm lak khawm a ni ang a, kum 2017 Kohhran Committee Chairman Upa R. Lalngena’n Pathian hnenah a hlan ang.   

Chawhnu Inkhawm
Thupui :  Kumthar thutiam- “Zawitea kal dem dem”
Sawitu : Pastor C. Sapkaia

Zan Inkhawm 
Thupui :  “Chanchin\ha nenainmawi nun”
Sawitu : Upa Lalzama

THAWH|AN ZAN
Ni 2.1.2017
Thuhriltu : Upa Lalzuiliana

THAWHLEH ZAN
Ni 3.1.2017
Thuhriltu : Upa Zairemthanga

 KUM THAR THUCHAH - Beiseina 

Engangin nge kum thar lo thleng hi kan nghah a, kan lo hmuah le? Mi tam tak chuan ni thar dang ang bawk a ni. A danglamna a awm lo ve. Ni a lo chhuak a, tlai lamah a tla leh ang a, danglamna reng a awm lo ve, an ti a ni mai thei. A lawmawm zawng emaw, a beidawnthlak zawng emawa thlirtute pawh kan awm ngei ang. Hlim leh lawm taka beiseina thar nena he hun hmuak mektu; zirna kawngah emaw, thlawhhma lamah emaw, eizawnna lama hlawhtlinna thar avanga hlim taka he hun thar chuangkaite kan awm a nih pawhin kan lawmpui che u a. Duhsakna kan hlan che u a ni. Chutihlai chuan vanduaina chi hrang hrangin a chenchilh leh a tlakbuak avanga lungngai tam takte pawh kan awm ang. Heng mi chi hnihte hnena ka sawi duh chu beiseina a ni. Pathian lam hawi la, beisei tlat la, lawm rawh, tiin kan infuih duh a ni.
Tuna i hun tawn meka kha i awm hlen dan tur a ni lo. Vanduaina i chungah a thleng emaw, lawmna nen hun i hmang mek a nih pawhin, kha kha kumkhuaa i chan hlen tur a ni lo. Nipui, fur, favang leh thlasikte a inthlak zel ang hian mihringah lungngaih ni leh \ah ni-te awm \hin mah se, lawm ni leh hlim ni-te a lo inherchhuak leh \hin. Khawi zawk emaw chauh pawh hi thlangin auh din tum mah ila, kan au ding zo dawn chuang lo. Chuvang chuan hei hi i hria ang u - Engkim in ta a ni si a, titu Pathian chuan kan lawm pawhin, kan lungngaih pawhin kan tan heng hun hi a thlentir a, fel taka buk dik sain kan chungah hian a thlentir a ni tih hi i hre reng ang u.
 He kumthar hi engang boruak pawhin lo hmachhawn ila, kan \hatna tura Pathianin min thawhsak a ni tih i hre thar zel ang u.  Vanduaina nia kan hriat kan chunga a lo thlen pawhin kan thatna tur a ni tiin ngai ila, Pathianin min theihngilh ngai lo a ni tih Isaia 49:14-in a sawi angin Pathianin a mite min theihnghilh ngai lo tih chiang takin kan hmu a ni. Beidawnna hi Setana hmanraw hlauhawm ber a ni \hin a, Mi beidawngte hi an khawngaihthlak a, mahni nunna lak duh hialte pawh an lo awm tawh \hin a ni. Setana buma awmte tan rah \ha chhuak tur a awm lo. Chuvangin beiseina kan neih hi a pawimawh tak meuh meuh a ni. Pathian beisei rawh. Lalpa lam hawi la, beiseinaah lawm rawh tih hi kumthar thuchaha kan infuih duhna chu a ni.
 “Nimahsela, nang chuan ka kut dinglam hi i lo chelh \hin a, Nangin i remruatnain min hruai ang a, chumi hnuah chuan ropuinaah khian mi lawm ang.” tiin Pathiana beiseina nghah hlutzia Bible-in min hriattir a, Chuvangin lungngaih manganna kan chungah a lo thleng emaw, malsawmna kan chunga a lo thlen lai emaw, hlim leh lawm taka he Kum Thar hi hmuak mek kan nih pawhin, lawm chungin Lalpa rawng i bawl ang u. Kan awm dan tur Lalpa chungah nghat ila, beiseinaa inchhem alh tawnin kan kianga lungngai mangang leh hrehawm tuarte pawh, hei hi in awm hlen dan tur a ni lo, Lalpa chuan a la kai harh leh dawn che a ni, tiin i thlamuan ang u.
 He kum thar bul kan \an mekah hian kan dinhmun chu eng ang pawh ni rawh se, kum thar min hruai thlengtu kan Pathian hian chakna thar min pein min tiharh ang a, lawmna thar min siamsak thei a ni. He hun thar lawmawm hi beiseina thar nen, Lalpaa rinna nghet tak nei chungin i chhiar \an ang u. He khawvelah chauh ni lo, khawvel lo la awm leh turah pawh beiseina nung hmu turin min hring a, chu beiseina nung nen chuan kan hmalam i thlir zawk ang u.

 Lalpan a thute mal min sawmsak rawh se. Amen

 Editorial...?

A hmasain Mipui Aw latu zawng zawng leh chhiartu zawng zawngte Mipui Aw Editorial Board te chuan kum thar chibai kan bûk che u a. Pathian duh zawnga tam taka rah chhuah tûrin duhsakna kan hlân nghal bawk che u a ni. Lo nei tuin kum bul a\anga \hahnemngai taka hna a thawh \hinna chhan pawh a buh  leh  thlaiten  rah  an chhuah  a  beisei vang a ni \hîn. Buh leh thlaite an lo \ova, rah an chhuah theihna tûra  pawimawh hmasa chu a chi a nihna  a\anga  a  thih  phawt hi a ni. Kan Lal Isuan, “Buh fang lei a a tlak lohva, a thih loh chuan a mal  chauhvin a awm reng \hin; a thih erawh chuan tam  takin a rah  \hin,”a ti a. Mahni awmna kohhran \heuhvah leh mahni rawngbawlna hmun \heuhvah rah kan chhuah  theihna  tura pawimawh hmasa chu ‘mi hringhlui  thihna a ni’ tih hria ila.Tirhkoh Paulan, “Keiniho hi Krista rawngbawltuah leh Pathian thuruk enkawltuah miin min ngai rawh se,” tia a sawi pawh kha  a taka lan chhuahtir tûr chuan mihring hlui  thihna bawk hi a pawimawh leh \hin. Grep huana theipui kung rah chhuah  thei lo, hnawk sak mai, huan nei tuin  kiha a vau ang mai kha kan ni ang tih i hlau vang u. Mi dang thawhna tur dal si hian rah chhuah bawk si lovin  rawngbawlna hum hi luah ve reng theih a ni. Kum tawpa rah duhawm tak kan seng \heuh  theihna  turin mahni hma zawn \heuhva  rawng kan bawlnaah rah tam tak chhuah \heuh i tum ang u.

EDITORIAL  BOARD

Editor :                                                                                                                                      
Pu C. Lalmuanpuia                           8974807213


Joint Editor: 
Tv. Laldinpuia                            9862813325

News Editors :
Pu Tommy Zirnuntluanga                 9862913684
Tv. Lalnunzira                            9862664253
Tv. Lalawmpuia                                 8259910570  
Nl. Zohmingmawii                    8794773133

Circulation Manager:
Tv. C. Lallawmawma                    8974509821
Nl. C.Zosangliani                            8731005507

ARTICLE

BUH  CHI  THEHTU  TEHKHIN  THU (Marka  4:3-8)
– Rev . Dr . L.H. Rawsea

Buh chi thehtu tehkhin thu  hi kan Lalpa tehkhin thu  hman zinga kan  hriat lâr  pawla  ni âwm  e. Chanchin  |ha bu  pathum Matthaia,  Marka  leh  Luka-ahte  kan  hmu  vek  a. Marka ziaka  mi bîk hi i  luhchilh  dawn  teh  ang. Tehkhin  thu  mai mah ni se,  a  tak taka thil thleng anga  ngaih  theih  leh  chutianga  pawm  a  nihna  chen  pawh a  awm  a. A taka  thil  thleng anga  han  pawm  dawn chiah  erawh chuan  pawm  mai   tiharsatu  a  awm  ve  a,  chu  chu: buh  chi  thehtu hian a  va  theh  thiam  lo  angreng  ve, tih hi a ni.
A ni tak a, a theh darh nasa hle mai. Kalkawng dunga tla te,   pialtlêp chunga  tla  te, hnimhlingnei zinga \o  te  a  ni nawk mai  a,  a  theh  darh hle chu  a  ni!  A  hlâwm  khat  erawh  chu  lei \haah  a  tla  hlauh va,  chu erawh chuan  rah a chhuah \ha hle thung. Buh chi thehtu hian a buh chi a hloh nasain a zuva nasa hle a. Hemi chungchang hi  Bible mi thiamte pawhin an lo chai ve nual tawh a. Tun hma lam zawng chuan Galili rama lo  nei mite lo neih dân hmanlai tak,  theh darh vêl  mai mai  \hin ang kha a ni  mai lâwm ni,  an  ti  a, an lungawi  tlang deuh mai \hîn niin a lang. Thuthlung Thar zirnain hma a sâwn zêl  angin a zirna pawh a inher  danglam ve zêl  a. 

The Parables of Jesus (1958) tih, Joachim Jeremias-a ziak chuan thlir dân thar a rawn chhuahpui a. Isua hun laia Galili mite lo neih dânah  chuan “lei leh hmain buh chi an theh hmasa”  tiin  a sawi  a  ni. Jeremias-a  hi  German  mi  ni  mah  se, Isua  tuall>nna rama sei  lian, Ram  thianghlim  chanchin  hre bel êm êm, ‘Scholar  of   the  Eastern Studies’ tih hial khawp a ni a.  Jeremias-a ngaih  dân  hian  rei  tak chhûng  chu  tehkhin  thu  zirna  khawvêl  a chiah  a,  mi  dang han khing pha an awm meuh \hîn lo.

Jeremias-a ngaih dân rawn khingtu hmasa ber chu  K.D. White-a a ni. Kum 1965-a  a  thuziak, ‘The  Parable  of the Sower’ tih  article ah  chuan  Jeremias-a   ngaih  dân letling  chiahin, Mediterranean  rama lo  neituten,  tun  hma  lam  leh  tun  hnu  zêlah  pawh, thlai  chi  thlâk hmaa  lei  an  leh  hmasak ziah  thu a dinpui  thung. A hun  laia  mi thiam  pahnihte  an  inkalh  a,  pakhatin ‘Ram Thianghlima lo an  neih dân  chuan...’ tiin  \anhmun  a  rem  a;  pakhat  lahin  ‘Mediterranean ram zau zâwka lo an neih dân chuan...’ tiin \an a  khawh ve thung. A tu chu  dik  zâwk  maw?


He mite pahnih  inhnial hnua ngaih dân  sakhat deuh  rawn  thawhtu langsar  tak pakhat chu  P.B. Payne-a a ni a.Kum 1978-ah khan a thuziak, ‘The  Order of  Sowing  and  Ploughing  in  the  Parable  of  the Sower’   tih chu Thuthlung Thar  zirna Journal  \ha ber zinga mi  New Testament Studies-ah  chhuah a ni.  Payne-a thu  chai ber chu buh chi theh hmain lei an let hmasa \hîn em, tih tho kha a ni  a, a  hmaa mi te lo zir  tawh dân a rawn zir  nawn a ni ber  a. A ni zir  chhuah  chu, “Lei leh hi  thlai chi thlâkin a zui ziah \hîn,” tih a ni a, Jeremias-a ngaih dân paihin White-a a \an tihna a ni. 

Sâp mi thiam, lo nei ve lêm lo, chem tum nêna feh tura chhuak ngai lo leh tuthlawh pawh lek ve chhin ngai lote buaina hi kawng \henkhatah chuan a ho angreng hle. Keini buai lohna turah  hian an buai  châwk a  nia!  Chutih  rual erawh  chuan  hmânlaia Israel-ten lo an  neih  dân leh  thlai an chîn dânte erawh chu  kan hriat ve  a ngai  a. Jeremia \awngkam khat , “In lei  khêk chu let  ula,  hling zingah te chi  theh suh u,” (4:3) tih mai hian  Juda-te chu chi theh hmaa lei let \hîn an nihzia a  tilang. 

Juda-te lehkhabu tho, Mishnah lam phei chuan lo neih dân fel  tak, Juda-ten an zawm ngei tur kan hmu a ni. An  thlai chi te pawh  chîn  pawlh  mai mai loh tur  thu te thlengin inkaihhruaina fel  tak nei  an ni (m. Kil. 2:3ff.). Chuti chung sia  Isua tehkhin thua  buh  chi theh  dân  letling  deuh  chiah  mai kan  hmu si  hi hriat  thiam  harsa  lai, mithiamte mai ni lovin, Isua  zirtirte ngei pawhin an hriat  thiam mai loh, hmun fala Isua an zawh tâk chat kha a ni rêng a  ni (Mk. 4:10-12).

Lal Isuan  Pathian  ram  thu, thuneihna  nên  a  han  tlangaupui  khan, thiltih  mak  tam takin a zui  bawk  si  a, a chanchin a thang  nasa  êm êm a  ni.  Galili  bial  pum pawh ni lo, Nazareth  leh  a  chhehvêl  khua maia  a la châm lai apangin  a  hming  a  thang  a, Marka  bung  khat laihâwl pelh  hre tah  chuan, “Tin, Galili ram vêl  zawng zawng ah  ram tinah  a  chanchin  a thang ta nghâl  a,” tia ziak  a  ni  dêr tawh (1:28). 

Pathian ram chanchin a thang zêl  a, Isua Galili dil vêla a awm lai khan chhim leh  hmâr, chhak leh thlang a\angin a rawngbawlna  chimtu mipui an lo kal a. Isua thiltih  ropuizia hriain  mipui an lo kal khâwm ruih  ruih mai a ni. Marka  bung 3-na a Isua rawngbawlna chhimtu mipui  kha Juda-te khawvêl dâpa mi an ni tih Marka’n heti hian a ziak:  “Judai  ram  a\ang  te, Jerusalem  khua  a\ang  te, Tura leh Sidon khawvêl  a\ang  tein mipui tam  tak a hnênah an lo kal ve a” (3:7-8).


Heti tak maia tam mipuite hian engtinnge  Isua chanchin leh Pathian ram thu an lo hriat ni ta ang le? Isua hunlaiin tunlaia kan neih ang chanchinbu  leh TV  te, social  media te a la awm ve lo va. An hriatna hnar ber  ni  âwma  ngaih  theih  chu ‘tlangkam’(rumor) a ni. Chuti anih chuan Pathian ram Chanchin |ha, tlangkama a darh dân kha buh chi  thehtu tehkhin thuin a sawi a nih hmêl. Tlangkam thu-ah chuan kawng dunga tla te, pialtlêp lei ro leh hling zinga tla pawh an awm ngei ang, rah an  chhuah zo lo fo va. Lei \ha a tla erawh chuan a lêt tam takin rah a chhuah a ni.

Bible  Quiz 

MATTHAIA BUNG 11-15
A kâr âwl dah khat rawh :
Q1. Chung mite chu an hawn veleh, Isuan mipui hnenah chuan Johana thu a sawi ta a, “Eng en turin nge ________________ in kal chhuah kha? Luang thli chhem nghin maw?

Q2. Tin, ngai teh, mi pakhat kut zeng a lo awm a. Tin, an hek theih nan. “Chawlhniin _________________ a thiang em?” tiin, Isua an zawt a. 

Q3. Tupawh a nei apiang an pe belhchhah ang a, an nei teuh vang; nimahsela, tupawh a nei lo ___________ chu, an neih chhun pawh an laksak ang.

Q4. Nimahsela, Heroda pian champhaphak ni chu a lo thlenin Herodi fanu chu a laiah a lam a, ______________ chu a tilawm ta a.

Q5. Kaa lut chu mihring tibawlhhlawhtu a ni lo va; kaa chhuak chu, chu ngei chu ____________ tibawlhhlawhtu a ni zawk e,” a ti a.
Q6. Tin, ral leh lam an kai chuan __________________ram khawmual an thleng ta a. 
A bung leh châng dah rawh :
Q1. Ka nghawngkawl chu a nuam a, ka phur pawh a zang a ni,” a ti a.

Bung: ............... Chang: ....................

Q2. Tupawh ka Pa vana mi duhzawng ti apiang chu ka unaute, ka farnu te, ka nu te an ni asin,” a ti a.

Bung: ................ Chang: ....................

Q3. Tin, an rin loh avangin chutah chuan thilmak tam a ti lo. 

Bung: ................ Chang: ....................
Q4. tin, a puan hmawr tal deh theih an dil chiam a; tin, a dek apiang chu an lo dam ta zel a.

Bung: ................ Chang: ....................
Q5. Tin, mipuite chu a tintir hnuin lawngah a chuang a, Magadan ram a lo thleng a.

Bung: ................ Chang: ....................
Q6.  Tin, lal chu a lungngai ta a; nimahsela a thutiamte leh a chaw kilpuite avang chuan pek tur thu a pe a, 

Bung: ................ Chang: ....................

Hming : ......................................................

Section : .....................................................


Bible Quiz chh^nna leh lâwmman hi Circulation Manager Tv.Lalrinawma Sailo emaw Nl. C.Zosangliani te hnenah thehluh a, lam \hin tur a ni.

HRIATTIRNA

Ruai\heh chungchanga Kohhran mipuite hriat tur:
1) Ruai hi chawhnu dar 3: 00 pm-4:30 pm chhunga \heh tur a ni.
2) Kawngpui ^n Beginner Dept. leh Sacrament Dept hall hi kum upa lam  kum 60 chin chunglam counter tur a ni a, a bak zawng hi Kohhran mipuite tan a ni.
3) Ruai sa chan a fatu te pui turin Kohhran mipui a thei thei zingkarah sa chan chem nen chhuah khawm tur a ni e. 
4) Senior Department zirlai zawng zawngte zanin inkhawm ban hian fatu te kan puih dan tur inhrilhfiahna hun neih turin Biak Inah \huthnufual tur a ni e.
5) Ruai fatu tura ruat te zing dar 5:00 am ah chhuah khawm tur a ni e.
6) K|P Committee Member te leh Senior Dept te dar 2:30 pm ah Beginner Dept Hall ah kim vek tur a ni e.
Lal ruai kil turin Kohhran mipui zawng zawng kan in sawm nawn leh a, hlim leh lawm taka puar taka Lal Ruai kil turin kan insawm nawn leh a ni e.
Sd/-
(R. LALMUANPUIA)
Fatu Leader

YMA HRIATTIRNA   

1) Tv. Thangchungnunga chu remchan zawkna avangin kum 2017 YMA Saikhamakawn Branch Treasurer atan ruat a ni.
2) Pu Lalrochama te chhungkua  chuan an nu leh pa Upa R.Lungtiawia leh Pi Laldawli te hriatrengna atan vengchhunga mi harsa zual te Christmas thilpek atan Rs. 5000/- YMA Saikhamakawn Branch hnenah a rawn hlan a, Branch YMA chuan Pu Lalrochama te chhungkaw chungah lawmthu kan sawi e.
3) Kum 2017 atana YMA Saikhamakawn Section hruaitu tur thlanna ni 5.1.2017 (Ninga zan) dar 6:30 pm ah neih tur a ni a, inthlanna hmun tur erawh hi chu a hranpa a inhriattir nawn leh a ni ang
Sd/-(C.LALDAWNGLIANA)
Secretary
YMA Saikhamakawn Branch

 KUM 2017 K|P HRUAITU TURTE
Ni 25.12.2016 (Sunday) chawhma inkhawm ban khan kum 2017 a Kristian |halai Pawl Office Bearer tur mi 6 thlan chhuah an ni a, hetiang hian post insiam rem nghal a ni:
Leader: Pu R. Lalmuanpuia
Asst.Leader: Pu C. Lalmuanpuia
Secretary: Tv. P.C Vanlalhriatpuia
Asst. Secy: Pu Lalchhandama
Treasurer: Pu Lalduhkima
Fin. Secy: Pu Lalremruata
KohhranRepresent:
      Upa Lalrindika
Committee Member te:
1) Pu Tommy Zirnuntluanga
2) Pu Lalhmangaihzuala
3) Pu C. Lalnunsanga
4) Tv. F. Laldingliana
5) Tv. Laldinpuia
6) Lalnunzira
7) Tv. R. Zodinsanga
8 Tv. C. Laldawngliana
9) Tv. Lalrinnunga
10) Nl. Bridgette Zonunmawii
11) Nl. Lalrinchhani
12) Nl. CVL Biakzuali
13) Nl. F. Lalrintluangi
14) Nl. C. Zosangliani
15) Nl. Malsawmtluangi
16) Nl. Zohmingmawii
17) Nl. Lalngaihawmi Ralte

KUM 2017 KOHHRAN HMEICHHE HRUAITU TURTE

Kum 2017 Kohhran Hmeichhe hruaitu  Office Bearer atan heng mite hi thlan chhuah an ni:
Chairman: Pi R. Lalthansangi
Vice Chairman: Pi Saithangpuii
Secretary: Pi Zohmingthangi
Asst. Secy: Pi Lalchhingpuii
Treasurer: Pi K. Lalbiaksangi
Fin. Secy: Pi Khawlvuani
Kohhran Represent: 
       Upa Zairemthanga

KUM 2017 KOHHRAN PAVALAI PAWL HRUAITU TURTE

Kum 2017 Kohhran Pavalai Pawl hruaitu  Office Bearer atan heng mite hi thlan chhuah an ni:
Chairman: Pu Siamliana 
(Kohhran Committee ruat) 
Vice Chairman: Pu R. Chalkhuma
Secretary: Pu Zakhuma 
(Kohhran Committee ruat)
Asst. Secy: Pu Lalrinpuia
Treasurer: Pu C. Lalchhuansanga
Fin. Secy: Pu H.Remtluanga

Advisor: Upa C. Lalmuankima

,   Pu Thangluaia h/o Lalbiakkimi (Ch.Sec) te chuan chhungkaw mamawha hman atan Bike (FZ) thar an lei. 
,   Pi Lalhmunruati m/o John VL Hruaitluanga (V.Sec) chu damlohna avangin Falkawn Hospital ah enkawl mek a ni. 
, Pi Rinzami w/o Pu Lalthlamuana (Vala) (T.Sec) chu Falkawn Hospital ah zai a nih hnuin a lo chhuak.
, Pi Lalrinengi w/o Pu Lianchia (V.Sec) chu damlohna avanga Falkawn Hospital a enkawl a nih hnuin a lo chhuak.    

    CHATUAN RAMAH 

Rodingliana (50) chuan ni 27.12.2016 (Thawhlehni) khan chatuan ram min lo pan san ta a, a kalsan tak a chhung leh khatte Mipui Aw Editorial Board te chuan thinlung takin kan tawrhpui a,  Lalpa’n vengin, thlamuanin awmpui zel rawh se tih hi kan \awng\aina a ni e.

NGENNA

Kan huan kal kawng Pu Lalsiama (Ch.Sec) te kawmthlangah bawlhhlawh paih kan la awm reng a, in bawlhhlawh paih hian kan huan kal kawng a dalin kal harsa khawpin bawlhhlawh in paih \hin a, tun a\ang chuan khawngaiha he lai hmunah hian bawlhhlawh paih tawh lo turin kan inngenin kan inhriattir a ni e.
C. Lalngheta
Vanapa Section

 DUHSAKNA & CHIBAI  BÛKNA

Kum 2017, kumthar ni hmangtu zawng zawngte Mipui Aw Editorial Board te chuan chibai kan bûk che u a, hun kal tawh te avanga in ti lungngai mai lovin he kum tharah hian bul \an tharin rilru thar leh inpekna thar nena hmalam pan \heuh turin duhsakna kan hlan a che u. He kumthar hian in tan malsawmna her chhuah pui mawl rawh se. 

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350