Mipui Aw 11.9.2016

MIPUI AW

KARTIN CHHUAK

Vol. XXII Issue No. 37 Kristian Thalai  Pawl  Saikhamakawn Branch  Pathianni Dt.11.9.2016

KOHHRAN PROGRAMME:

Ni 11.9.2016 (Pathianni)

Chawhma Inkhawm

|antu              : Pi Rampuii

Zirlai 34-na    : “ Thlarau Thianghlim - Nicea thuvawnah”

Chawhnu Inkhawm

Thupui: Ram lak tur a tam hle si a

Sawitu: Pi Khawlvuani

                        Zân inkhawm

Thupui: In unaute indonaah kalin

Sawitu: Upa Zairemthanga

K|P INKHAWM PROGRAMME

            Beihrual thla anih avangin K|P Inkhawm Programme a awm dawn lo.

KOHHRAN HMEICHHE

 INKHAWM PROGRAMME

            Beihrual thla anih avangin Kohhran Hmeichhe Inkhawm Programme a awm dawn lo.

KOHHRAN PAVALAI

 INKHAWM PROGRAMME

            Beihrual thla anih avangin Kohhran Pavalai Inkhawm Programme a awm dawn lo.

KOHHRAN HMEICHHE

 |AWNG|AI PROGRAMME

            Dt. 12.9.2016 (Thawh\anni) hian Rampum huap sual thupha chawi |awng\aina awmni khama neih tur a ni a, \hahnemngai taka kal \heuh turin kan insawm e.

A hmun: Biak In

Chawhma

|an hun: Dar 10:30AM

Hruaitu: Pi Vanlalhruaii

|antu: Pi Lalneihkimi

Chawhnu

|an hun: Dar 1:00PM

Hruaitu: Pi Lalianpuii

|antu: Pi Sawi\huami

Tiffin pai tur a ni.

SERMON

KOHHRAN KALPHUNG PELA KAL

- Upa K.Lalfakawma

            Kohhran tin hian kalphung kan nei vek a. Roman Catholic, BCM, UPC leh a dangte kan awm nual mai a. Heng Kohhran hrang hrang te hian kan kalphung pela kal hi kan duh lo vek a. Hei hi kei ni Presbyterian Kohhran pawh hian kan hriat a pawimawh hle.

            Kan Senior Minister chatuan ram pan ta Rev.Saiaithanga chuan hetiang hian alo sawi tawh \hin, 'Presbyterian Kohhran indin dan hi a pumpui thuah nghet tak si, a ram leh thil awmzia rem turin emaw, a sawtna zawn vangin emaw, a rem ziaa KAIH FÂN theih si a ni a, hei hi kan chhuang hle a ni. Amaherawh chu engvang leh eng kawng pawha kan kaih fânna chuan Presbyterian dan tlangpui a nek leh sadai a \hiat chu phal theih a ni lo, phal zel ni sela mumal a awm lo mai ang' tiin.

            Kohhran rawngbawl hna hi mihring remruat mai ni lovin Pathian chatuan remruat ngei a ni tih hi kan hriat thar a pawimawh hle. |henkhat chuan kan Kohhran kalphung hi kan nek sawr pawr pawr chang a awm fo \hin. Presbyterian Kohhran hian hman a\anga vawiin thlenga kan duh dan leh kan kalphungah hi chuan Kohhran inkhawm (Worship Service) hi kan zah em em \hin. Worship Service chu a zahawm em avangin Inkhawm lo ten inkhawm bang tawk zawnga kal te hi kan hreh a, kan zak ngawih ngawih \hin. Inkhawm tum lo ten Inkhawm tura Biak In lam hawia kal mekte tawk zawnga kalte pawh  kan hreh ngawih ngawih \hin. Mahse, tunah chuan zah nachang hre lo kan tam ta hle. Kan inenfiah a \ul tak zet a ni.Heng hi Presbyterian kalphung pela kalna chi khat a ni.

            Worship Service (Kohhran Inkhawm) a awm laia khawi hmunah pawh Programme dang lo siam hi kan tih ngai loh leh Presbyterian Kohhranin engtiklai maha kan duh ngai loh thil a ni. Thihna chungchanga punkhawm te chu thu dang a ni a. Thihna ni si lova khuang lo tih rik tleng tlengte kha kan tih ngai loh Kohhran duh loh zawng a ni \hin.Veng \henkhatah phei chuan Biak In hnai deuhah Khawhar in a awm pawhin Worship Service lai chuan an thu ngawi \huap maia, inkhawm ban veleh an zai ve leh mai \hin. Thihna lam ni si lova Kohhran inkhawm laia kan hmuh phak leh kan hriat phak renga Programme dang lo siam hi kan Kohhran kalphung a ni ngai lova.Programme dang kan lo siam \hin anih chuan kan kohhran kalphung kan neksawra kan kal pel tih na a ni. Chuvangchuan Kohhranho te kan inenlet fo a \ul.

            Kohhran thurin nena inrem lova kal ngat phei chu Kohhran kalphung nek sawrna mai a ni lova Kohhran kalphung pela kalna leh Thurin kalha kal an ni a. Heng mite ngat Kohhranin an chungchang a ngaihtuah uluk bik \hin. Presbyterian Kohhrana awm mekte chuan Dan Bu kan neih leh inkaihhruaina chi hrang hrang kan neih te hi kan hre chiang tur a ni a, zawm ngei pawh kan tum \hin tur a ni. General Assembly, Synod, Presbytery, Bial Inkhawmpui leh Kohhran Committee rorel reng reng te pawh kan zah tur a ni a.Kan zawm ngei tur a ni.

            Presbyterian Kohhran kalphungah hi chuan kan Upa te leh kan Pastor ten 'hetiang hi chu kan kal dan tur a ni ngai love' ti a dam diai maia an han sawi tawh hi chu 'ZAWM NGEI NGEI TUR' angah kan ngai \hin. |awngkam hraw pui pui leh a mupui a in den vak vak hi kan kalphung a ni ngai lova. Kan Senior ten aw ki sang lem lova 'heti zawk hian kal ta ila ava \ha ve mawle' an tih hi chu kan zaha zawm ngei kan tum \hin. A mupuia min den hun hi nghah kher loh tur. Kohhran hmasa te hun lai a\angin vawiin thleng hian Kohhran nek ran mai te,Kohhran kalphung pela kal tum \alh hote hi chu ti fuh an la awm ngai lova, Mizoram Presbyterian Kohhran History kan thlir kir ringawt pawhin ala dik zel. A ding chang zawk chu 'KOHHRAN 'a ni zel \hin.

            Engvangin nge Pathianin Kohhran chu a humhalh tlat kan tih chuan, 'A ma thisena din ngei a nih avangin' Pathianin Kohhran chu a humhalh tlat a, a chhiat a phal ngai lo. Kan Kohhran Lungphum chu, A Lal Krista Isua; Tui leh thisen leh thuin, a thil siam thar a ni. A mo thianghlim ni turin vana'n a rawn zawng a; A thisen hluin a lei, a nun nan a thi a.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

Lecturn

            Lecturn han tih chuan, “Biak ina \awng\aina, chhiarna leh Pathian thu sawina dawhkan” tiin JF Laldaiilova Dictionary chuan a sawi a, a pawmawm viau e, \antu dinna ang chi hi. Kan kohhran pawhin lecturn pahnih mipa lamah leh hmeichhe lamah kan nei ve ve a, amaherawhchu mipa lama lecturn hi chu hman \han anih deuh tawh vâng nge ni? hmeichhe lam a\ang hian mipa lam lecturn rawn pan leh vû vû hi kan awm \hin. A sualna êm êm a awm chu a ni chuang lo nâa mahni lam side-a a awm reng tho si chuan hmanthiamte pawh hi zirin tum tlâng ta ila a \ha âwm e. Chumaibâkah mi\henkhat chuan Inkawm Service lâia Mâichâm Cross zâwnga kal hi \ha ti lo/duh loh vanga hetiang hi siam nia sawi a ni, hetiang kawngah hian Cameraman-te kan lo nî anih pawhin Video/Still Camera pawh nise Mâichâm tantlang zâwnga vei vah loh hi thil mâwi a ni tih kan hre\heuh bawk dawn nia. Kan lo changkâng zêl a, kan nitin khawsak phungah hetiang kawngah hian mahni \heuh hi inzir zêl i tum \heuh ang u.

ARTICLE

NAUPANG INKHAWMPUI HMAN |AN DAN

            Kum tinin Pastor Bial tin ten Naupang Inkhawmpui an nei \hin a. he Inkhawmpui hi MSSU rawngbawlnaa chhiar tel ngam chiah lohna a awm. A chhan chu a inrelbawl dan zawng zawng hi Bial Sunday School Committee kuta awm vek anih vang a ni. A tirah chuan naupang inkhawmpui hi Missionary te \hahnemngaihna avanga neih \an a ni. Kum 1931 kha neih hmasak ber \um a ni. He Inkhawmpui hi Aizawl Tlangnuam ah neih hmasak ber a ni.

            naupang Inkhawmpuiah hian Sunday School naupangte chu Pathian thu châng sawirualah te, hla sakah te leh thu inchhang sawiah te an inel \hin a ni. Mal zaite leh mimal châng sawite leh mi pahnih zaite pawh programme-ah telh châng a awm \hin. A tir lamah chuan missionary ten lawmman tur an thawhkhawm \hin a, hun alo kal rei deuh hnûah chuan Pastor Bial Sunday School Committee tin ten mahni bial \heuh tan lawmman tur chu an ngaihtuah ta a ni.

            Tunah chuan naupang inkhawmpui bakah Senior Department tan kumtinin inkhawmpui buatsaih a ni bawk. Senior Department inkhawmpui pawh hi Bial Sunday School Committee te mawhphurhna bawk a ni. Naupang leh Senior inkhawmpuite hi MSSU in a buaipui loh ni mah se Sunday School pumpui rawngbawlna pawimawh tak anih avangin  MSSU chuan Sunday School hmasawnna atana thil \angkai tak niin a hria a ni. Atir a\anga Bial kuta awm anih avangin Bial tinin a remchan dan ang zelin inkhawmpui hun pawh an ruat mai \hin. Tun hnai deuh a\ang khan Bial tinte an kalrual deuh nan MSSU chuan Sunday School zirlai Syllabus ah te hian naupang leh Senior inkhawmpui hun a zep tel ve ta a ni. Tunah hi chuan Bial tam zawk chuan hei hi an zui a ni.

(Source: Mizoram Presbyterian Kohhran Chanchin -Rev. Lalchhuanliana)

.

BENG TI VÂR

(Kar hmasa Article Chhunzawmna)

BEIHRUAL HMAN |AN DAN

- By Laldawnkimi

            Khaw hrang hrang a\anga Beihrual vanga hming pe thar mi 344 an ni. (Kristian Tlangau Oct. 1918 phek 194-195) Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery chuan “Beihrualna hi awm leh sela kan ti tlang a, kum 1919 September a ni ang, a tih dan tur chu hmana mi ang bawk khan a ni ang”. tiin a rel leh ta a ni ( Presby. Oct. 1918 No.11 ) Ringtuten thahnemngai taka an \awng\aina leh an beihna chu Pathianin mal a sawm a, kum 1919 ah chuan Harhna \um thumna a lo thleng leh ta nghe nghe a nih kha.

HMAN HUN : Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te hman \hin a ni a, mumal taka September thla kan hman hi 1925 a\angin a nih hmel e. (Presby. Oct. 1920 No.25, Oct. 1921 No.33, Assembly 1925 Jan No. 18)

THU ZIR : Standing Com. rel angin kum 1937 a\angin ram pum huap thu zir bik siam \an niin a lang, “ Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject chu Insumna thu lam nise” (SC dt.28.6.1937 No.7). Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Hapta hmasa ber Ramthar hapta hi 1981 a\anga hman \an a ni a, Hapta lina Kristian Chhungkaw hapta hi 1983 a\anga hman \an a ni.

BEIHRUAL THLA HMAN DAN TIHDANGLAM RAWTNA : Aizawl West Presbytery-in Beihrual thla hman dan tihdanglam a rawtna chu 2001 Synod chuan tha tiin SEC bawhzui turin a dah a (2001 Synod Gen.5) Questionaire-te siama ngaihdan hrang hrangte lakkhawm anih hnuah tihdanglam dan tur hetiang hian rel a ni :

1) Beihrual hi September thlaah hmang zel ila.

2) Tualchhung Kohhranin remchang leh \ha atih angin Biak in leh in lamah hman pawlh \hin a ni ang.

3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang.

4) Mahni Kohhran tan \angkai leh sawt zawka hmang duhte tan zau zawka zalenna pek a ni ang.

5) Kan Kohhran hmalakna pawimawh - Kristian Chhungkua, Ramthar leh vantlang nun siam\hatna

(Social concern) lam thilte hi hlamchhiah loh tur a ni ang. ( SEC 185: 7; SEC 186:7; SEC 187:29)

Zanin EPL Inkhel turte:

Swansea City vs Chelsea (8:30)

@Star Sports 2

Thawh\an zan

Sunderland vs Everton (12:30)

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

NAUPANG SUNDAY SCHOOL INKHAWMPUI PROGRAMME

Ni 11th September, 2016

Beginner Department

A hmun: Hlimen Vengthar Kohhran

Chairman: Upa Vanlalzuia

Secretary: Nl. K.Lalhmangaihzuali

Primary Department

A hmun: Hlimen Kohhran

Chairman: Upa Lalremsanga

Secretary: Pu Remruatkima

Junior Department

A hmun: Hlimen Damveng Kohhran

Chairman: Upa Ch. Lallianzuala

Secretary: Tv. John Lalhunhlua

Intermediate & Sacrament Department

A hmun: Melthum Kohhran

Chairman: Rev. Vanlalvena

Secretary: Pu C.Lalpiantluanga

SENIOR DEPARTMENT INKHAWMPUI VAWI 41-NA

A hun: Ni 17-18 September 2016

A hmun: Saikhamakawn Kohhran

Ni 17.9.2016 (Inrinni)

Dar 7:00pm: Pathian Biak Inkhawm

Chairman: Pastor C.Sapkaia

(Bial Chairman)

|antu: Nl. F.Lalrintluangi,

Saikhamakawn

Zaipawl:

1) Saikhamakawn Senior Deptt.

2) Hlimen Vengthar Senior Deptt.

Thurin No. VIII-na: Department pumpui sawi rual

Sawitirtu: Nl. Lalthlanpuii,

Saikhamakawn

Reports: Bial Kohhran tin Senior Department a\angin

PI HMINGTHANGI RÂLNA PROGRAMME

A hmun: Pi Hmingthangi (L) In

A hun: 11.9.2016 (Sunday) (Chawhnu inkhawm ban)

Chairman: Pu Chawngchhuana

Râlna hlantu: Pi Lalparliani

Thuchah Tawi

Sawitu: Pi Ralliani

HRIATTIRNA

            Sub Rule (9) of Rule 7 of the Mizoram (land revenue) Rules 2013 angin Land Lease neite chuan a thih hma thla 6-ah prescribed application form hmangin renew tur a ni. A hun taka renew loh Land Lease te chu Sub-Section (2) of Section 46 of the Mizoram (Land Revenue) Act 2013 angin a Lease Period a ral chuan a thi nghal a ni. Land Revenue Tax pek ringawtin a Lease Period a tinung lo.

Sd/-

Director

Land Revvenue and Settlement

Mizoram: Aizawl

VANAPA SECTION LAWMTHU SAWINA

            YMA, Vanapa Section chuan nimin ni 10.9.2016 (Inrinni) a kan arsa zawrh min dawrtute zawng zawng chungah lawmthu kan sawi e.

                Tin, YMA, Vanapa Section Member hnatlanga thawkchhuak zawng zawng chungah lawmthu kan sawi bawk e.

Sd/-

(C.LALMUANAWMA)

Secretary

Vanapa Section, YMA

LAWMTHU SAWINA

            Saikhamakawn Badminton Club chuan nimin ni 10.9.2016 (Inrinni) khan intuaithar nan leh intihhlimna hun kan nei a, hemi kan neih theih nana kan eitur min rawn tumsaktu Pu Lalthantluanga chungah lawmthu ka sawi e. Tin, heimi ni a kan hman atan Sangtei Bûk, Mission Veng chuan Shuttle Cock \hahnem tak min rawn tum sak a, an chungah lawmthu kan sawi bawk e.

Sd/-

(F.LALDINGLIANA)

Secretary

Saikhamakawn Badminton Club (SKKBC)

TUALCHHÛNG

, Pu Khawlhmingliana h/o Liankhumi (T.Sec) chu damlohna avangin Referral Hospital, Falkawn ah enkawl mêk a ni.

, Saihlupuii d/o C.Lalzarliana (V.Sec) chu damlohna avangin BN Hospital-ah enkawl mêk a ni.

, Lalropuii d/o Robert Lalsiamliana (T.Sec) chu damlohna avanga BN Hospital-a enkawl anih hnûin alo chhuak.

, Pu Zakhuma Chhangte h/o Liansangi (V.Sec) te chuan chhungkaw mamawha hman atan Bike (Bullet) an lei thar.

, Pu Lalengkima Colney h/o Lalramnghaki (T.Sec) te chuan chhungkaw mamawha hman atan Bike (R15) an lei thar.

CHATUAN RAMAH

            Lalhmingthangi (66) chuan Cancer avangin ni 4.9.2016 khan Chatuan ram min pansan ta.

            Mipui Aw Editorial Board chuan a kalsan tak a tu leh fa, chhungkhat lainate kan tuarpuiin, Lalpan awmpuiin thlamuan zel se tih hi kan \awng\aina a ni.

LAWMTHU SAWINA

            Kan nu Lalrozuali boral chungchangah lawmthu sawina tur tam tak kan ba a, a damloh a\ang tawhin min rawn kan a, min rawn tlawhtute zawng zawng chungah lawmthu kan sawi tak zet a, a  boral hnûah pawh vengchhung nu leh pa, nula leh tlangval, YMA leh Kohhran ho chungah lawmthu kan sawi tak meuh meuh e. Kan chunga in\hatna zawng zawngte hi keini chuan kan rûl seng dawn lo che u a, Lalpan a let tam takin malsawm che u rawh se.

In khawngaihna dawngtu,

Lalthanliana Ngente te chhungkua

Saikhamakawn

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 4.9.2016

MIPUI AW

KARTIN CHHUAK

Vol. XXII Issue No. 36 Kristian Thalai  Pawl  Saikhamakawn Branch  Pathianni Dt.4.9.2016

VAWIIN CHÂNG VAWN

            Thil \ha lo titute avângin intilungngai duh suh la. Fel lo taka tite chu awt hek suh. Hlobet angin ah thlukin an awm thuai ang a, Hnim hring angin an la vuai dawn si a. Lalpa chu ring la, thil \ha ti rawh; He ramah hian awm la, rinawmna um zel rawh. LALPA chungah chuan lawm bawk rawh; Tichuan i thinung duhzawngte chu a pe ang che. I awm dan tûr chu LALPA chungah nghat la; Amah chu ring la, aman a ti vek ang.

KOHHRAN PROGRAMME:

Ni 4.9.2016 (Pathianni)

Chawhma Inkhawm

|antu              : Pi Lalngaii

Zirlai 33-na    : “ Thlarau Thianghllim - Tirhkohte thuvawnah”

Chawhnu Inkhawm

Thupui: Hmelmate Hmangaih

Sawitu: Upa R.Lalngena

                        Zân inkhawm

Thupui: |awng\ai dan dik

Sawitu: Pu Siamliana

K|P FELLOWSHIP PROGRAMME

            K|P Fellowship Programme lo puan tawh chu tualchhungah chhiat tâwk an awm avangin \hulh a ni.

K|P INKHAWM PROGRAMME

            Beihrual thla anih avangin K|P Inkhawm Programme a awm dawn lo.

KOHHRAN HMEICHHE

 INKHAWM PROGRAMME

            Beihrual thla anih avangin Kohhran Hmeichhe Inkhawm Programme a awm dawn lo.

KOHHRAN PAVALAI

 INKHAWM PROGRAMME

Beihrual thla anih avangin Kohhran Pavalai Inkhawm Programme a awm dawn lo.

SERMON

SIM  LOH  MAN

            Luka 13 2-5 Tin, ani chuan an hnênah, “Chu Galili rama mite chu,chutiang thil an tuar avângin Galili rama mi zawng zawng aiin mi sual bîk niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang. Tin, Siloam in sângin mi sawm leh pariat a delhhlumte pawh kha, Jerusalem khuaa awmte zawng zawng aiin mi sual bîk niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhâng a.

            Khawvela kan awm chhûngin ringtute hi sual ti theilo kan ni tihna lam a ni lova, ringtu chuan a nunah Pathianin thu a neih tlat avângin thilsual an ti ngam lo mai zawk a ni. Thuthlunghlui lam kan en chuan Pathian \ih mi leh a tâna in pe \hin miropui tak takte pawh sualah an tlu a ni tih kan hmuin kan hre thei âwm e. Mahse, thinlung leh tihtakzetin Pathian hnênah ngaihdam an dîl a, tichuan Pathianin a lo ngaidam leh \hin. Pathian ngaihdamna an chan hnû hian an tlûkna ngâiah an tlu zui tawh ngai lo thung. Sual sim hi Pathian duh dân dik tak pawh a ni rêng a ni. Tlûkna leh han petek châng chu a awm thei e, mahse kan sim chuan Pathianin min ngaidam leh ngêi ngêi dâwn a ni.

            Bible thu kan tarlanah erawh chuan sual sim duh lote chan tur chiang takin a sawi a, Lal Isua ngêiin a sawi a ni. Sual vângin hliam kan tuar \hin a, Pathian ngaihdamna pawh kan chang ngei \hin, mahse  sim a; kan kawng zawh ngâi zawh tawh lo tur kan ni tih erawh kan hriat reng a \ul khawp mai. Sual sim ten Pathian ngaihdamna an chang \hin. Nimahsela Pathian duh loh zâwng kan tih zia inhriain kan sualte thupha chawiin Pathian hnênah ngaihdam dîl \hin mah ila, simna tak rilru kan put si loh chuan Pathian ngaihdamna kan chang zo tak tak dawn chuang lo a ni. Luka Bung 13 thu kan târlanah phei chuan sual sim duh lote chu Pathianin a hrem a \hulh dawn chuang lo a, thihna an pumpelh dawn hauh lo a ni tih chiang takin kan hmu a ni. Engemaw vângin sualah kan tlu thei teh meuh mai, mahse Pathian hnênah simin kan hawikir leh ngei ngei tur a ni, chutilochuan sual vânga thî nia kan hriatte ang bawk hian kan la thi ve ngei dawn a ni tih kan hriat a va pawimawh tehlul em.

            A tawp berah chuan hei hi hria ila, mihring kan nih chhûngin Pathian dân bawhchhiat châng kan nei thei e, kan tlu dêr thei bawk, nimahsela Pathian fa nihna chang tawhte chu sual vângin kan bawk sawp reng tur a ni lo, simin Pathian hnênah kan kîr leh tur a ni a, kan sual ngâiah kan lêt tawh tur a ni lo. Sim loh man chu thihna a ni si a.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

NPSS INKHAWMPUI

            Kum tin maia thlasika khêl lova kan hmachhawn ziah \hin chu Naupang Sunday Sikul inkhawmpui hi a ni ve âwm e. Hetianga kum tina a awm tih hre reng chung si hian nu leh pa \henkhat chuan kan fate, engemaw chhuanlam ho tê tê siamin kan inkhawmpui tîr lo \hin a, thil \ha lo tak a ni âwm e. A chhan chu thawmhnaw thar kher kher neih a ngai anga kan ngâi tlatte, midang phâk lo ta bîk riauva kan fate ngaihna te leh a chhan hrang hrang a awm thei âwm e. Hetiang kawngah hian mahni inkiltawih mai lovin a theih ang chin chinah kan fate telve zêl turin nu leh pate hian hmâ hi la zawk \hin ila a \ha âwm e. Naupangte \hiante zingah an tel tam loh chuan rual an pâwl lova, chumaibâkah depression thlengin an neih phah theih a hlauhawm a ni. Kan hmâ lawkah hian Naupang Sunday Sikul inkhawmpui chu kan hmachhawn leh dawn ta a, hetah pawh hian nu leh pa zawkte hian kan fate hi hetiang lam hian \an lâkpuiin a zirna lamah pawh hmâ lâin i fuih sauh sauh zawk \hin ang u. Kan fate tân \heuh a ni si a.

ARTICLE

BEIHRUAL HMAN |AN DAN

- By Laldawnkimi, Superintendent, Hmangaihna In

THUHMA : Kum 1894-ah Chanchin\ha kan dawng a, kum 1906-ah Harhna \um khatna a lo chhuak a, a \um hnihna pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han bân leh puk puk te a awm a, khawvel miten nuihzatin “Pathian thu awih leh aichhia chuan \hal an hua a nia” an ti \hin. Mahse, mi engemawzat rinnaa mi nghet leh rinawm an awm a, phûrna hloh mahse \hahnemngaihna hloh lovin an thawk zel a. He Harhna hnûa Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a tuar nghal a, 1917-a Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. (Mizo Kohhran Chanchin Rev. Saiaithanga phek 54-56, 58)

BEIHRUAL NEIH A NI TA : Hetih lai hian Mizoram Hmar chan pumpui hi Khasi Synod hnuaiah Presbytery pakhat kan ni a, kum khatah vawi hnih ( March & Oct ) Inkhawmpui an nei \hin a, March 15 - 18, 1918 Presbytery Inkhawmpui Aijala neih chuan hetiangin a rel a “ Kristian Beihrual-na hi June, 1918 a hian lo awm \an turin kan ruat a. Thla chawhma lam chu mahni Kohhran ho tâna intih chakna tur leh intihthianghlimna leh intihngah lawkna atan kan hmang \heuh ang a, tin, thla chawhnu lam chu ringlote tana hman tur a ni ang, mi hruai hrâm turin. Tin, Kohhran tinin an thawhzia dan \heuh tur an ngaihtuah ang”. (Presby. 1918 No.10, Kristian Tlangau May 1918 phek 94 )

            Rev. Sandia pawhin hetiang hian hriattirna a chhuah a-“Hmar-Chan Presbytery thiltih chhiar ilangin, thil pawimawh em em an ruat a ni. Tun June thla chhung hian Hmarchan khawtinah Pathian Ram tizau turin leh Isua mi zawng zawng tithianghlim turin kan beirual ang. Hetiangin tunlaiin India ram pumpuiah an ti mek a ni. Malsawmna tam tak an hmu tawh a ni. Tin, unaute u, heng thil hi hriatreng a \ul a ni. Kan beihrualna hi ti \ha tur leh Pathian hming tiropui turin, heng thil hi i ti ang u :-

a) Nashatak-in tawngtai-in Pathian malsawmna kan dil tur a ni, June thla hma pawhin rei fe an.

b) Kan ngaihtuah fo tur a ni.

c) Kan inen tur a ni. Kan rilru kan buatshaih tur a ni. Sualna zêp ilangin malsawmna a dâl ang. Isua hnena fel takin kan inpe tur a ni.

d) Engtinnge beihrualna hi kan \anpui theih ang, kan ngaihtuah tur ani. Tin, a tumna ber kan hre reng tur a ni. Hapta hnih hmasa chhungin, kohhranho mi tiharh leh tithianghlim turin kan bei hrâm ang. Tin, chu mi hnuah chuan awihlote hnena kalin kan beirual ang. Heng thil pahnih hi kan Pathian duh zawng ani tih kan hria. Taimatakin i ti ang u. Tin, kan Kohhranho tinin malsawmna ropuitak an hmu ang tih kan beisei. Beihrual \hatna tur chu \awng\aiin i dil fo ang u. (Kristian Tlangau May 1918 phek 99)

            Hemi \uma an hman dan Lalhnawka khua Lungsum leh Lalzika khua te chuan an report bawk a, a ngaihnawm hle (Kristian Tlangau Sept 1918 phek 172, 180) Aizawl hmuna an hman dan report Sandia Sap leh Liangkhaia te ziak hetiang ani: “June nikhat zan a\ang khan inkhawm kan lo \an ta a, Pathian in mal min shawm shak a, keini Kohhran a mawi lovin kan inkhawm chu kan lo hlim ta hle mai a, zan khat zan a pang chuan inkhawm kham lovin kan lo \in ta hial mai a; chumi Kohhran chhunga inkhawm chhung chuan, mi in ah emaw, Biakin ah emaw inkhawm mah ila, kan hlim hle fo \hin a, uar hauh lova shawi pawhin hlim reng rengin kan tum tla, tih theih a ni e. Tin, thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan Inpumpekna lehkha an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit \heuh mai a. Tun hma lam ai kha chuan ka va bei nasha deuh tawh dawn em. kan ti rilru \heuh a ni. Tin, thu shawi zawh a chuan n-pum-pek thawh-lawm an ti a,thawh-lawm kan upa ten an khawn bawk a, chu tah pawh chuan ni dang ai chuan kan thawh tam zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei \an ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk \heuh kan bei a. Pathian in chakna min pek avangin tumahin hlau lo leh zak lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni”  Khaw hrang hrang a\anga Beihrual vanga hming pe thar mi 344 an ni. (Kristian Tlangau Oct. 1918 phek 194-195) Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery chuan “Beihrualna hi awm leh sela kan ti tlang a, kum 1919 September a ni ang, a tih dan tur chu hmana mi ang bawk khan a ni ang”. tiin a rel leh ta a ni ( Presby. Oct. 1918 No.11 ) Ringtuten thahnemngai taka an \awng\aina leh an beihna chu Pathianin mal a sawm a, kum 1919 ah chuan Harhna \um thumna a lo thleng leh ta nghe nghe a nih kha.

HMAN HUN : Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te hman \hin a ni a, mumal taka September thla kan hman hi 1925 a\angin a nih hmel e. (Presby. Oct. 1920 No.25, Oct. 1921 No.33, Assembly 1925 Jan No. 18)

THU ZIR : Standing Com. rel angin kum 1937 a\angin ram pum huap thu zir bik siam \an niin a lang, “ Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject chu Insumna thu lam nise” (SC dt.28.6.1937 No.7). Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Hapta hmasa ber Ramthar hapta hi 1981 a\anga hman \an a ni a, Hapta lina Kristian Chhungkaw hapta hi 1983 a\anga hman \an a ni.

BEIHRUAL THLA HMAN DAN TIHDANGLAM RAWTNA : Aizawl West Presbytery-in Beihrual thla hman dan tihdanglam a rawtna chu 2001 Synod chuan tha tiin SEC bawhzui turin a dah a (2001 Synod Gen.5) Questionaire-te siama ngaihdan hrang hrangte lakkhawm anih hnuah tihdanglam dan tur hetiang hian rel a ni :

1) Beihrual hi September thlaah hmang zel ila.

2) Tualchhung Kohhranin remchang leh \ha atih angin Biak in leh in lamah hman pawlh \hin a ni ang.

3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang.

4) Mahni Kohhran tan \angkai leh sawt zawka hmang duhte tan zau zawka zalenna pek a ni ang.

5) Kan Kohhran hmalakna pawimawh - Kristian Chhungkua, Ramthar leh vantlang nun siam\hatna

(Social concern) lam thilte hi hlamchhiah loh tur a ni ang. ( SEC 185: 7; SEC 186:7; SEC 187:29)

.

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

AIZAWL THEOLOGICAL COLLEGE ADVERTISMENT

Heng a hnuaia Course hrang hrang tarlante hi Aizawl Theological College-ah zir dîlna hun hawn mêk a ni a, a dîl duh te chuan Office hun chhûngin ATC Office, Durtlang Leitan-ah emaw ATC website www.atc.edu.in ah zawh/enchian theih a ni ang.

1. Diploma in Clinical Pastoral Counseling (DCPC): One-Year course

2. Bachelor of Christian Studies (B.C.S.) (External Course): Four-Year course

3. Diploma in Christian Studies (Dip.C.S.) (External Course): Two-Year course

4. Bachelor of Divinity (B.D.): Four-Year course

5. Master of Theology (M.Th.): Two-Year course

6. Bachelor of Theology (B.Th.) Hindi: Four-Year course

7. Bachelor of Divinity (B.D.) Hindi

8. Doctor of Theology (D.Th.)

Sd/-

Principal

Aizawl Theological College

HNARUAK DIL THEIH

            A hnuaia tarlan ang hian John Williams Hospital, Lungleiah Contract basis-a thawk turin hna a ruak a, kum 18 - 35 inkar tan a dil theih a ni. Application Form chu Synod Office atangin lakchhuah tur a ni a, chutah chuan hriat tur pawimawh tihlan a ni. Dilna chu a hnuaia hming ziak hnenah hian thehluh tur a ni.

Dil theih hun chhung:           September 29, 2016 (Ningani) Dar 4:00pm thleng

Interview: October4, 2016 (Thawhlehni) Dar 10:30am

Hna hming     Post ruak zat  Qualification

1. Medical Officer       2          MBBS (Any Recognised University)

2. Office Assistant       1          HSLC of any recognised Board (Computer thiam an ni tur a ni)

Sd/-

Rev. Lalramliana Pachuau

Secretary

Synod Service Board

Mizoram Presbyterian Church Synod

HRIATTIRNA

            Synod 2015 Bu chhut zawh tawh a ni a, Synod Office-ah Office hun chhungin lam theih a ni e.

Sd/-

Superintendent

Synod Office, Aizawl

 

 

MUP MITTHI RAL

PROGRAMME

(Pu J. Chalchhunga)

4.9.2016  Chawhnu Inkhawm Ban

Hruaitu: Pu C.Lalhnehzauva

Ralna hlantu: Pi Ralliani

Thuchah Sawitu: Pu Zairemthanga

VANAPA SECTION HRIATTIRNA

            YMA, Vanapa Section chuan inrinni lo awm tur ni 10.9.2016 hian ar kan talh dawn a, vengchhung mipuite min dawr \heuh turin kan inngen e.

                Tin, YMA, Vanapa Section Member zawng zawngte zirtawp zanah ar puah hnatlanga thawkchhuak \heuh turin kan inngenin kan inhriattir e.

Sd/-

(C.LALMUANAWMA)

Secretary

Vanapa Section, YMA

K|P CHAWNGHEI |AWNG|AI

            September 4th thawh\anni tlai dar 5:30 ah K|P member zawng zawngte chawnghei \awng\ai inkhawm neih tur a ni a. Member te kan inhriattir a ni e. Tin, he hun a kal duh zawng zawngte kan insawm vek e.

VARANASI MISSION PRAYER NETWORK SAIKHAMAKAWN AH A DING VE TA

Chairman: Upa Lallawmchhunga

Vice Chairman: Pi Zohmingthangi

Secretary: Pi Khawlvuani

Asst. Secy: Pi R.Lalzuali

Treasurer: Pi Lalnunfimi

Fin. Secy: Pi Lalmuankimi

Advisers:         1) Pu R.Chalkhuma

               2) Pu Dawngkima

               Thlathar Chawlhni vawi 2-na chawhnu inkhawm banah Pu Dawngkima te inah Varanasi puala \awng\aihona neih \hin tura ruahman a ni a, a duh apiang tel theih a ni. Hetah hian Missionary Donation atan sum tlem lua awm lovin ken khawm \hin tur a ni.

               Varanasi-ah khawmpui November ni 18-20 chhungin neih a ni dawn a, kal duh tur chu September ni 10 hmain Secretary-te hnenah in report tur a ni e.

Sd/-

(KHAWLVUANI)

Secretary

Varanasi Mission Prayer Network

Saikhamakawn

TUALCHHÛNG

,Pi Lalhmingthangi m/o Lalzawmliani (Ch.Sec) chu damlohna avanga hun rei tak Nazareth Hospital-a enkawl anih hnûin alo chhuak a, in lamah enkawl zui mêk a ni.

,Tv. C.Lallawmzuala s/o C.Ramliana (L) (V.Sec) chu damlohna avanga Aizawl Hospital-a enkawl anih hnûin alo chhuak.

,Pu Chhuanvawra (V.Sec) te chuan chhungkaw mamawha hman atan Scooty (Flyte) an lei thar.

, Pi Sailothangi Sailo m/o Lalhmingmawii Hauhnar (V.Sec) te chuan chhungkaw mamawha hman atan Scooty (Access) thar an lei.

PASS THAR

            Tv. C.Lalchhanhima s/o C.Lalengzama (V.Sec) chuan DIET a\angin Diploma in  Education (D.L.Ed.) First Division-ah a pass.

            Mipui Aw Editorial Board chuan kan lawmpuiin a kal leh zelna turah duhsakna kan hlan e.

CHATUAN RAMAH

            Lalrozuali (52) w/o Lalthanliana Ngente chuan Stroke avangin Chatuan ram min pansan ta.

            Mipui Aw Editorial Board chuan a kalsan tak a pasal fanau, chhungkhat lainate Lalpan awmpuiin thlamuan zel se tih hi kan \awng\aina a ni.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350