Mipui Aw 14.8.2016

MIPUI AW

KARTIN CHHUAK

Vol. XXII Issue No. 33 Kristian Thalai  Pawl  Saikhamakawn Branch  Pathianni Dt.14.8.2016

Vawiin   changvawn

            tichuan, lawng chu a keh dâwn ang maiin a awm ta a. Tin, lawng mite chuan an hlau va, mahni pathian an au \heuh va; lawng chu an tân a zân nân lawng chhûnga bungruate chu tuifinriatah chuan an paih chhuak ta a. Jona erawh chu lawng chhûngril berah a lo lût tawh a ni a; a mu a, a lo muhîl dêr a. Chutichuan lawng hotu chu a hnênah a lo kal a, Aw nang muhîl, eng tizia nge ni?  Tho la, i Pathian ko rawh, Pathian chuan, kan boral loh nân, min ngaihtuah mahna, a ti a.

KOHHRAN PROGRAMME:

Ni 14.8.2016 (Pathianni)

Chawhma Inkhawm

10:00: Pathian biak inkhawm

Chairman: Pu K.Vanlalsanga, Vice Chairman, BKPP

|antu: Pu C.Lalremlala, Melthum Kohhran

Thupui-II: ‘Tho la, i Pathian ko rawh’

Speaker: T.Upa C.Zairemmawia

Zaipawl: Saikhamakawn KPP

Hlimen Pastor Bial Masihi Sangati Zaipawl

K|P INKHAWM PROGRAMME

Ni 15.8.2016 (Thawh\an Z^n)

K|P Hlimen Pastor Bial Fan

Hruaitu               : Pu Lalchhandama

|antu                  : Nl. Pc. Lalrinmawii

Thuhriltu            : Pu Zahmuaka

Thilpek lakhawm  : Nl. Vanlaltlani leh

tute                   Nl. Babie Lalhmangaihzuali

Zai hruaitute      : Tv.Lalhriatpuia

(1-15 August)  leh Pu Albert Lalremsanga

Keyboardist        : Tv. Vanlaltluanga Inkhawm ban hian thingpui in ho tur a ni.

KOHHRAN HMEICHHE

 INKHAWM PROGRAMME

Ni 16.8.2016 (Thawhleh Z^n)

Hruaitu           : Pi Zohmingthangi

|antu              : Pi Rampuii

Thuhriltu: Pi Hmangaihsangzuali

SERMON

RINNA NGHET LEH NGHET LO

                                                -Fakawma Nu

“Chutichuan, mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni. Ruahte a lo sur a, tuite a lo lian a, thlite a lo tleh a, chu mi in chu a rawn      nam sawk sawk a; nimahsela a chim lo va; lungpui chunga rem tlat a nih avangin. Tin, mi tin, heng ka thu hi hriaa zawm lo apiang chu, mi a tiauvut chung maia in satu nen tehkhin tur a ni. Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; a chim ta a; a sawp chu nasa tak a ni,” a ti a.” (Matthaia 7:24-27)

           

            Lalpa ringtu piangthar tawh te pawh hi rinna nghet nei tura  \an kan lak hi a ngai nasa hle mai a, kan han piangthar a pianthar hma a ruihhlo eng emaw lo ti tawh \hin piantharna a\anga sim tuma zir mek tan te hian thlemna chi hrang hrang, $tawm tak tak mai hi a rawn lang sup sup mai a, chuvang chuan theih tawpa \awng\aina nen tisa lam insum theihna nen hnung lam hawi kir lo leh nunhlui sual ina min lo sal behna lama kir lo tura \an kan lak nasat hi a ngai hle a ni. Ruihhlo ti lem lo tan pawh \an kan lak nasat a ngai hle tho mai, kan pianthar hma ang nun dan kha kan ngaihtuah let a, a \halo zawng zawng te paihthla a, nun thara nun dan danglam Pathian duhzawnga nun \heuh hi kan tum tur a ni a, kan Pathian duh dan pawh a ni.

            Kan Bible pawhin Lalpa ringtute chu Zion tlang tihnghin rual loh kumkhua a awm reng tur ang chu an ni a lo ti a. Thlemna a lo thlen ruala sual duh dan anga tluk leh nghal ngawt mai chu thisena min tlantu duh dan pawh a ni lo a, nghet taka lungpui chunga In satu ang khan nghet taka kan din tlat hi a pawimawh hle a ni.

            Kan Lal Isua pawh kha keimahni mihring anga a awm lai khan thlemna a tawk na hle mai a. Baptistu Johana hnena Baptisma a chan zawh khan thlarau hruaiin thlalerah ni sawmli leh zan sawmli a awm a, tichuan a ril \am em em mai a, a ril \am tawh hle a ni tih Setan an a hriatin thlem turin a bulah a va kal ta a, lung chhanga chan tir tur te in a thlem a, vawi thum ngawt mai $tawm tak takin a thlem a nih kha. Mahse Isua’n a hnial thla zel a, a hnen ta a nih kha. Chuvang chuan Bible chhiar tam leh \awng\ai tam hi kan felna awm phaw tur dik tak a ni a, kan kawm ngeih hle tur a ni. Tin mal tlat lo in mi piangtir kan nih chuan Pathian mite leh a Kohhran hote zingah kan tel tam tur a ni.

        Kohhran hi Krista taksa a ni a, Kohhran ho zingah hian kan thlarau tan chaw tak a awm \hin a ni. Beram pawh a rual zinga a awm loh chuan chinghnia ten an seh duh bik \hin a, chuvangin keini pawh Kohhran ho zingah tel zelin sual lakah mahni inven reng hi kan tan a pawimawh hle a ni. Thlemna do zo lo taka kan awm fo chuan kan chan tur a chu kan thu tarlan angin \iauvut chunga In satu ang mai kha kan lo ni anga, a sawp chu nasa tak a ni a ti angin a tawpah chuan chatuana hrem kan lo ni palh hlauh dah ang e.

            Lalpa’n a thu malsawm rawh se, Amen

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

FÛRPUI  HUNAH  HIAN

            Tunlaiin ruah te a sûr nasa \hin hle a, Mizoram in harsatna kan tawh len ber pakhat chu leimin hi a ni awm e. Tun hnâi ruah sur nasa vângin chhiatna kan hre chho leh ta zut zut mai! Fûr lâi a ni a; hmun hrang hrangah leimin vângin harsatna kan tâwk mêk zêl a, mipuite pawh dawih a ngaihna lâiah chuan dawih ngam khawpa huaisen te pawh angâi âwm e.

            Chhiatrupna lo thleng \hinah hian Mizo te hi kan tlâwmngâi hle mai a, chhiatna thlenna hmunah nasa takin kan pung khawm hluai \hin. Thil \ha tak a ni a, hlauhawm tak kârah pawh chhiat tâwk mêkte chhanchhuah nân mahni nunna ngêi pawh ngaihlu zo lovin chhanchhuahna hnâ kan thawk \hin. Nimahsela awmze nei leh chhanchhuahna hnâ hlâwk zawk leh chak zawka kalpui anih theih nân indîp buai hauh lova thawh thiam kan zir a \ul hle âwm e.

            Chhiatna alo thlen chânga mahni buai buaia lo sapa tâl ve chiam mai lovin, remruattu fel tak insiam a; hmalâk vat a, chu chu mipuite pawhin zawm thiam kan zir a \ul \hin a ni. Kan duh vâng nihauh lo, vânduai vânga kumtin kan ram chhûnga kan tawh \hin hi a hmachhawn dan mithiamte zirtirnate pawh hi zawm hrâm zêl i tum ang u.

ARTICLE

PAVALAI LO PIAN CHHUAH DAN CHANCHIN

            Kohhran Pavalai Pâwl hi Tuikhuahtlâng Kohhran a\anga lo piangchhuak a ni tih kan hre \heuh awm e. Tuikhuahtlâng Kohhranah kum 2004 khân Camping chhâwng li lai mai neih a ni a, Camping-ah hian Gospel Thunder Team te rawih niin, hemi \um hian Pu R. Lalramliana (Ramtea) chu speaker a ni nghe nghe. Camping chhâwng thumna an neih lai hian Kohhran chu an hlim tawh hle mai a, chhâwng lina nei leh an tum mêk lai hian nasa takin Kohhran leh Biakinah Setana'n hna a thawk a, khuain a bumro nasa hle bawk. 'Lâng camp chauh neih ni tawh mai rawh se,' tih chu thu lo awm a ni ta a; mahse, Kohhran leh Gospel Thunder Team te hian chhûngkhata paho chu an vei ber a lo ni bawk si. Camping chhâwng lina chu neih beiseina awm tawh lo mah se, \awng\aina chhângtu Lalpa chuan chhâwng lina neih chu a phalsak ta hlauh mai a. Chhûngkhata pa ber leh pa rual ho, Kohhran tâna mi tangkai tak tak tûrte chu he camping chhâwng linaah hian an lo lût ta nual nghe nghe a ni. ““Lalpan hna nasa tak a thawk a, paho chu he camp-ah hian an hlim hle a. He 2004 Camping a zawh hnu, July 21, 2004 kum hian Tuikhuahtlâng Kohhranah chuan ‘Pavalai Zaipâwl' tih chu a lo ding zui ta a, he zaipâwl hi Upa C. Lalnghakliana chuan a theihtâwpin a kaihruai \hin a ni.

            Gospel Thunder Team te hian hmun hrang hrangah rawngbâwlna an nei zui a, Tuikhuahtlâng Kohhran ang bawk in Gospel Thunder Team te rawngbâwl tawhna  ITI Kohhranah pawh Pavalai Zaipâwl chu a ding zui ve bawk a. Team te rawngbâwlna hrang hrangah Tuikhuahtlâng  leh ITI Pavalai Zaipâwlte chuan an \awiawm ve zêl a, mite rilru a hnehin Team te rawngbâwlna pawh  mite ngaihlut a hlawh phah êm êm a,  Kohhran hrang hrangah Kohhran Committee te nên inrâwn tlângin Pavalai Pâwl hi din chhoh a ni ta mawlh mawlh mai a ni.

            Kum 2004 a din \an chauh ni mah se, Pavalai Pâwl hi a din chak êm avângin Synod beng pawh a thleng rang hle a. Kum 2008 Synod Inkhâwmpui, Ramhlun Kohhran Biakin a neihah khân Pavalai chungchâng Agenda a lût tawh a, Kum 2010 Synod Inkhâwmpui-ah Presbytery 10 a\ang in Pavalai chungchâng Agenda hi a lût ta hial a, thil pakhat chungchânga Agenda Synod Inkhâwmpuia lût hnem ber a ni hial âwm e. Synod Executive Committee (SEC) chuan Kum 2012 khân Pavalai Inkaihhruaina chu 2010 Synod Inkhâwmpui Rorêl bawhzuinain a lo tichhuak ta a, Synod pawmpuina leh kaihhruaina hnuaiah he pâwl hi 2012 khân a lo awm ta a ni.

            Pavalai din tirh 2004 a\anga Synod-in a lâk thleng, kum 7 chhûng hian Pavalai Joint Committee chuan a phuarkhâwm a, Pavalai Pâwl dingtharte pawh he Joint Committee-ah hian an inhriattîr zêl a ni. He Pavalai Joint Committee hi May 10, 2005 khân Tuikhuahtlâng Kohhran Hall-ah Kohhran panga : Tuikhuahtlâng, ITI, Venghnuai, Khatla leh Upper Republic a\anga pavalai kalkhâwmten an din a ni a, ‘Pavalai Joint Fellowship Organising Committee' tih hming pua din a ni. Hruaitu hmasa berte chu hêngte hi an ni nghe nghe.

Chairman       : Upa C. Lalnghakliana, Tuikhuahtlang Kohhran

Vice Chairman: Upa K. Lal\hakima, ITI Veng Kohhran

Secretary        : T.UPa Lungngailova Colney, Upper Republic Kohhran

Asst. Secretary: T.Upa Sanglianthanga, Tlangnuam Kohhran

Treasurer       : Pu R. Lianzuala, Khatla Kohhran

Fin. Secretary            : Pu Lalrinliana, Venghnuai

               Saikhamakawn Kohhran Pavalai Pawl hi Kohhran Pavalai Pawl dinnaah hian a pathum (3)-na niin Synod Record-ah a chuang ve hial bawk a ni.

.

MEET HMANG TURA SAWMNA

               Date 13th-14th August, 2016 chhung hian Hlimen Pastor Bial Kohhran Pavalai Pawl Meet vawi 3-na chu Saikhamakawn Kohhran Biak Inah hman a ni dawn a. He meet-ah hian kan thlarau lam thupui chu ‘Tho la, i Pathian ko rawh’ (Jona 1:6) tih  ani dawn a, Speaker atân T.Upa C.Zairemmawia, Sihphir a ni ang.

               He Meet hmang tur hian Kohhran mipuite a tam thei ang ber lo tel turin kan sawm a che u.

Sd/- (LALRINPUIA)

Secretary

Kohhran Pavalai Pawl, Saikhamakawn

KOHHRAN PAVALAI PAWL

HLIMEN PASTOR BIAL

BIAL MEET VAWI 2-NA

A hun: 13th-14th August, 2016

A hmun: Saikhamakawn Kohhran Biak In

Thupui: “Tho la, i Pathian ko rawh” (Jona 1:6)

Speaker: T.Upa C.Zairemmawia

14thAugust, 2016

1:30pm: Pathian biak inkhawm

Chairman: Pu Lalthantluanga, Fin. Secy., BKPP

|antu: Pu Lalramlawma, Hlimen Damveng KPP

Thupui-III: ‘Tho la, i Pathian ko rawh’

Speaker: T.Upa C.Zairemmawia

Zaipawl: Hlimen Pastor Bial Zaipawl

Solo     : Nl. Lalduhsaki, Durtlang

              NL. Baby Malsawmtluangi, Chawnpui

Trio     : Ruthi, Zoremi & Tetea

Chawhnu inkhawm ban zaikhawm

Ahmun: Sunday School Hall, Saikhamakawn Kohhran

Hruaitu: Pu Than\huama, Comtt. Member, BKPP

7:00pm: Pathian biak inkhawm

Hruaitu: Pu T.Lalrinthanga, Chairman, BKPP

|antu: Pu Lalramlawma, Hlimen Damveng KPP

Thupui-IV: ‘Tho la, i Pathian ko rawh’

Speaker: T.Upa C. Zairemmawia

Solo     : Nl. Lalduhsaki, Durtlang

              NL. Baby Malsawmtluangi, Chawnpui

Trio     : Ruthi, Zoremi & Tetea

Zaipawl: Saikhamakawn Kohhran Zaipawl

HRIAT TURTE:

1. Kristian Hla Bu leh Kohhran Pavalai Hla Bu hman tur a ni ang.

2. Pathianni chawhma leh zanah thilpek lakkhawm a ni anga, zana thilpek lakkhawm hi a thlengtu Kohhran pual a ni ang.

           

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zânin EPL

06:00pm - AFC Bournemouth vs Manchester United(Star Sports 4 & HD 4)

08:30pm - Arsenal vs Liverpool (Star Sports 4 &HD 4)

Thawhtan zan (Thawhleh zing)

12:30am - Chelsea vs West Ham United

HEALTH SUB-CENTRE HRIATTIRNA

         Saikhamakawn veng chhungah a duh apiang tan thosilen damdawia chiah a ni leh dawn a, thosilen chiah turte chuan tunkar chhungin mahni thosilen lo su faia, lo inring lawk tura ngen leh hriattir kan ni e. Thosilen hi karleh ni 24 August 2016 (Nilaini) hian Pi Zohmingthangi, Health Worker te Inah zing dar 10:00 am a\anga chiah tur a ni e.

HRIATTIRNA

         A hnuaia hmunleh hun tarlan ah hia Saikhamakawn Police Welfare din duhtu zawng zawng (Police Service lai) te chu kal khawm tur a ni a, hman remchang lo kan awm chuan a hnuaia Phone no. ah hian in hrilh tur a ni e. Tin, hmun danag awm kan awm anih chuan an aiawh an chhungte kal tur a ni ang. Engmah sawi lo chu duh lo a ngaih an ni ang.

A hun: Ni 15.8. 2016 (Zan dar 7:00pm)

A hmun: Pu Laldanzira In

Mb no: 8257898270/9774977918

MIPUI AW SEMTU             RUAT THAR

         K|P Bial 9-na Mipui Aw semtu Tv. Lalhruaitluanga chu zirna avangin a sem chhunzawm theih tâk dawn loh avangin Nl.Malsawmdawngkimi (Sawmmâmi) ruat a ni.

MINI MILITIA TOURNAMENT

            Buala Section YMA, Hlimen Branch te chuan ni 26.8.2016 (Zirtawpni) zanah Hlimen YMA Hall -ah Hlimen, Melthum leh Saikhamakawn tan bik Mini Militia Tournament a buatsaih dawn a, he game khel \hin zawng zawng te lo tel vek turin kan in sawm e.

Entry Fee: `100/- (last date: 25.8.2016)

Entry Fee pekna: BJ  Electricals (Hlimen Venglai)

Ist Prize    :  `2000/- leh Citation

IInd Prize  : `700/- leh Citation

HRIATTIRNA

               Kan khawtlang ruihhlo leh sualna laka kan lo ziaawm a, kan lo thianghlim theih nan Saikhamakawn Joint Committee chuan naupang kum 10 -18 te tân mithiam bikte ruaiin Awareness Campaign neih nise tiin a r>l a, hei hi khawtlang nu leh paten kan fate, a hun leh hmun ah kal \heuh tura \an min lo lakpui turin kan inngên e.

A hmun: Presbyterian S.S.Hall

A hun   :         1) Ni 18.8.2016: Kum

               10-13 tân a ni ang.

               2) Ni 20.8.2016: Kum                        14-18 tân a ni ang.

|an hun: Dar 10:30am ah \an ve ve a ni ang

Resource Person: Pu Lalengmawia, Hlimen

Sd/-

(C.LALDAWNGLIANA)

Secretary

Joint Committee

LAWMTHU SAWINA

               Pu Dawngkima’n Kuang siamna hmanraw leinan pawisa fai \hahnem tak min pe a; tin Alphabet Chart thar \ha tak Pu F.Lalrinpuia’n min pe bawk a, an chungah Branch YMA chuan lawmthu kan sawi tak meuh meuh a ni.

Sd/-

(C.LALDAWNGLIANA)

Secretary

YMA Saikhamakawn Branch

HRIATTIRNA

         Ni 15.8.2016(Thawh\anni) hian Kuang siama hnatlâng neih a ni dawn a, Kuang siam \hinte kan inhriattirin, a tam thei ang ber hnatlânga thawkchhuak turin kan in sawm e.

A hmun: YMA Committee Room

                        Sd/-

(C.LALDUHSANGA)

O.B Incharge

Kuangsiam Committee      

TUALCHHÛNG

,Vanlalpeki Ralte d/o R.Lalremruata (T.Sec) chu damlohna avângin Synod Hospital-ah enkawl mêk a ni.

, Pu C.Lalmuanpuia h/o Zoliansangi (T.Sec) chu damlohna avanga Synod Hospital-a enkawl anih hnûin alo chhuak.

,Esther Lalrindiki d/o Lalnuntluangi (Ch.Sec) chu damlohna avânga Falkawn Referral Hospital-a enkawl anih hnûin  alo chhuak.

PASS THAR

               Nl. R. Zonuntluangi d/o R. Lalsangzuala (V.Sec) chuan  M.A (Political Science) Ist Division-ah a pass a, Mizoram University Political Science Department a\angin Pakua(9)-na a ni bawk a ni. Mipui Aw Editorial Board-te chuan kan lawmpui a, a kal leh zêlna turah duhsakna kan hlân e.

VHSNC COMMITTEE

MEMBER TE

Saikhamakawn Village Health Sanitation Nutrition Committee (VHSC) Member  thar te:

Chairman: Pi Chawngkungi, LC Member

Member Secretary: Pi Zonunsiami, ASHA

Committee Members:

1) Pi Lalhmangaihi, AWW

2) Pi Chawngpari, PS Teacher

3) Pu Lalremruata, PHE

4) Pu Lalbiaksanga, LC Chairman

5) Pi Lalhmachhuani, SHG

6)Pu C.Vanlalsanga,President,YMA

7) Nl. Lalhruaitluangi

8) Pi Lalchhingpuii

9) Pu Tommy Zirnuntluanga, K|P

10) Pi Lalramnghaki Chawngthu

11) Pi Zohmingthangi, HW

Sd/-(ZONUNSIAMI)

Secretary

VHSNC

Saikhamakawn

 

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 7.8.2016

MIPUI AW

KARTIN CHHUAK

Vol. XXII Issue No. 32 Kristian Thalai  Pawl  Saikhamakawn Branch  Pathianni Dt.7.8.2016

Vawiin   changvawn

            Thil tha lo titute avângin intilungngai duh suh la. Fel lo taka tite chu awt hek suh. Hlobet angin ah thlukin an awm thuai ang a, Hnim hring angin an la vuai dawn si a.

                        Sam 37:1 & 2

KOHHRAN PROGRAMME:

Ni 7.8.2016 (Pathianni)

Chawhma Inkhawm

|antu              : Pi Lalramliani

Zirlai 29-na    : “ Thlarau thilpekte -I”

Chawhnu Inkhawm

Thuhriltu: Upa Lalrindika

                        Zân inkhawm

Thuhriltu: T.Upa C.Vanlalsanga

K|P INKHAWM PROGRAMME

Ni 8.8.2016 (Thawh\an Z^n)

Neihthilthehkhawm

Hruaitu               : Tv. C. Laldinpuia

|antu                  : Nl. Nancy Zoremsangi

Zai hruaitute      : Tv. Lalhriatpuia

(1-15 August)  leh Pu Albert Lalremsanga

Keyboardist        : Tv. Vanlaltluanga

KOHHRAN HMEICHHE

 INKHAWM PROGRAMME

Ni 9.8.2016 (Thawhleh Z^n)

Central a\anga Booklet zir tur an rawn thawn zirna hun atan hman tur a ni.

Hruaitu           : Pi Lalchhingpuii

|antu              : Pi K.Lalhmingliani

Zirtirtu tur     : Upa Zonunmawia (Repr.)

KOHHRAN PAVALAI PROGRAMME

Ni 11.8.2016 (Ninga Zan)

A hmun         : Pu C. Zakhuma te In

Hruaitu         : Pu D.Thangbawih

|antu            : Pu C.Saienga

Thilpek lakhawmtu: Pu Lallura

Hla zira hun hman tur a ni ang.

SERMON

I  BÂN  PHAR  RENG  RAWH

            Tichuan Mosian a hnêna a sawi ang chuan Josua chuan a ti a, Amalek-ho chu a va bei ta a: tin, Mosia leh Arona leh Hura chu tlang chhipah an han lâwn a. Tin, heti hi a ni a, Mosian a kut a phar veleh Israel- hote chuan a hneh thin a.

                                                                   Exodus 17: !0-11

            Israel- ho te chuan Rephidim hmun an thlen chuan an hmêlma Amalek ho chuan an rawn bei a. Tichuan Mosia chuan Josua hnênah an zînga a\anga in thlang chhuak a, Amalek-ho chu va bei lêt tûrin a ti a. Tin, Mosia erawh tlângchhipah Pathian tiang keng chungin an in beih chhûng zawng bân lo phar tûr thu a sawi bawk. A tûkah chuan Josua leh a hote chu Amalek-ho bei tur chuan an chhuak ta a, Mosia pawh chu tlângchhip lamah Pathian tiang keng chungin Arona leh Hura-te nên an kal ve bawk a. Amelek-ho nên chuan an han in bei ta a, Mosian Pathian tiang keng chunga bân alo phar vêleh Israel-ho te chuan hnehna an chang \hin mahsela Mosia bân alo kham a; a dah thlâk veleh Israel-hote chu hnehin an awm thung \hin. Arona leh Hura-te chuan Mosia bân phar turin an lo pui a ni tih pawh kan hre \heuh âwm e.

            Hetiang chiah hian Krista pawh Kalvari tlângah kan tân a bân alo phar tawh a, Mosia erawh a bân a kham \hin a, a dah thla leh fo \hin, nimahsela Lal Isua erawh chatuan atân kan tân a bân min phar sak tawh a; sual chu chatuan atân hnehin a awm ta. Engatinge sual hi kan la hneh loh fo thin le? Krista kan tâna a bân a pharna Kros kan hlamchhiah châng apiangin sualin min hneh \hin mai zawk a ni. Lal Isua Krista keimahni avânga a bân a phar zia hria a, nîtin mahni ngei Kros-a inthihsan \hin miten hnehna chu Lapa tâ a ni tiin Setana chu hnehna an lo puan khum thei zawk \hin  a ni.

            Tin, midang ten Krista a nun thar an neih theihna Mosia ang khian midangte tân bân kan phar ve thei a ni tih pawh kan hriat a \ul awm e, kan ban phar dân kawng erawh a ki a dang deuh pawh a ni thei. Tunlai kan khawtlangah ngei pawh Thlarau Thianghlim hnathawh alo thlen nachhan pawh midangte tâna bân lo phar, sual a\anga chhanchhuah ngai ten chhanchhuah an nih theih nân a \hahnemngâi taka Lalpa hmâa bân lo phar an awm vâng a ni ngêi ang. Zan lama kawngpui dunga hnehna kawngzawh \hinte midangte rilruah nasa takin hnâ a thawk \hin a, tin, hnatlân huna hnatlânte, hla zir huna zirte, kohhran ho inkhawm ngaihpawimawhte hmang hian sual hnehna bân kan phar ve thei a ni tih kan hriat a \ul hle a ni. Kan bân a kham chângte kan peih loh chângte pawhin Pathian chakna ring a kan tih \ang \ang chuan sual hnehin a awm zêl dawn a ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

CHAPONA

            Zir mite chuan thil awm \an tirh a\anga sual awm hmasa ber chu chapona hi a ni e; an ti \hin. A chhan chu vân indonaah khan Setana kha a chapona vâng a ni; an tih vângin. Mihring hrim hrim hian engemaw kawng talah hi chuan chapona hi chu kan neih \heuh a rinawm. Kan lo hausa deuh a ni emaw, lehkha kan lo thiam deuh bîk a ni emaw, thiam thil engemaw kan loh neih bîk deuh vângte pawh a ni thei e. Hetiang kawngah hi chuan kan insûm hrâm hrâm \hin pawh a \ha âwm e. Chumaibâkah mimalah mai nilo, a pâwl angte, kohhran leh vêng ang chîah te pawh hian alo chapo theih viau mai bawk. Entirnan: Football Team \ha tak mai kan nei a, kan tum pui apiangte chu kan hneh zêl mai si a, min hneh theitu an awm lo; han tih ang chite. Hetiang chiah hian kan chungah eng pawh lo awmin lo thleng sela, eng dinhmunah pawh ding ila chapova uang mai lovin kan dinhmuna min hruai thlengtu zawk Pathian lam thlir chung zêlin leh tumah hi tla chhe thei lo kan awm lo tih hre reng chungin kan dinhmun \hatna leh dinhmun\hat lâi hian chapo leh uang mai lovin inngaihtlâwmna nun i zir hrâm hrâm zêl ang u.

ARTICLE

NINGEN

THE GOD SERVANTS

                                                                           -Mawitei pa

            Kum 1980 kum chho vel kha chuan Kohhran mal bil te te a Gospel/Revival Camping neih hi a awm tho na a ‘Zurui Camp’ tia hmun remchanga Camping huap zau tak neih kha an la uar deuh a. Kum 1982 khan Pu K. Lianthanga (Sinners Friend) ten PU College-ah ‘Zurui Camp’ an buatsaih a, hetah hian Saikhamakawn atangin tlangval 20 rual zet an lut ve a, tha takin an rawn chhuak a, an zinga pariat (heng hun lai chuan tlangval vek an la ni)

1. Tv. F. Lalhmachhuana        2. Tv. Lalthangpuia

3. Tv. Lalrinawma                   4. Tv. C. Lalduhawma

5. Tv. C. Lalhmunngheta        6. Tv. C. Lalzawma

7. Tv. Vanlalvena                    8. Tv. K.L. Biakthuama te hian group/band ‘The God Servants’ dinin rawngbawlna kawngah theihtawp chhuahin hma an la thin. Sinners Friend in PC Girls School a Camping an neih pawhin eirawngbawlah tangin thing pawh trip khat lai an thawh nghe nghe a ni.

            Kum 1982 vek hian Saikhamakawn Kohhran chuan Pu C. Lalthlamuana leh a team Evangelistic Team te ruaiin Camping, Primary School ah khuan an nei a. An ni team hi Musical Instrument nena rawngbawl an nih avangin mi an hip thei hle a. An rawngbawlna hian The God Servant Team te pawh nasa takin a ti phur a, Musical Instrument tuak duhna rilru an lo pu ve ta hial a. Tichuan, theihtawp chhuahin inhlawhna an hmuh ang ang an thawh bakah, DC office bakah vengchhung kawng dungah hrui pawtin theituite an zuar a, drama an chang bawk a, an thahnemngaihna Lalpan mal a sawm a, rei vak loah Musical Instrument an duh ang, Drumset, Bass, Lead leh Hollow Guitar te  chu an lei ve thei ta a ni. Lalpa tana an inpekna leh thahnemngaihnaa mawlh mai kha a ropuiin fak tlak a ni.

            Ka hriat sual loh chuan  U Duhawma kha an zaitu pa (singer) deuh ber a nia, U Rinawma leh U Mathuama te an zai thin bawk a, Lead perhtu U Azawma, Bass perhtu U Rinawma, Hollow perhtu U Hmachhuana, Drummer tupa (Khang hun lai chuan a ni tlat) U Mavena leh U Thangpuia, U Mahmunan sound bakah instrument khawih tul apiang khawih leh part tinah chhawk ngai apiang chhawk turin a lo inpeih reng bawk. Hla lamah chuan Sinners Friend leh Crusader ho hla an sa deuh ber a, heng bakah hian U Thangpuian hla sak tur a phuah thin bawk a, intodelh ve tak chu an ni.Music lam zir chhuak leh experience nei tha an awm lo na a, an inpekna leh taimakna te Lalpan mal a sawm nasa hle, veng pawnah te pawh rawngbawlna an nei  hial a ni. Anmahni zir zirin an in zir a, U Mavena kha Pu Zobiaka khan kan venga a rawn len phei tumin reilote chu a hrilh ve a ni awm e! Heti chung hian rawngbawlna nung tak kha an nei reng thei a, fakawm tak an ni.

            An rawngbawlna hian mipuiin an hlut thin hle a, Kohhran boruak pawh a nawm phah a, inkhawm pawh kan that phah thin khawp a ni.

            Khang hun laia hla lar, Evangelistic Team  hla, ‘Seol hruihrual te chuan min phuar a, thihna thangte chuan min awk a...’ tih hla thunawn ah an zai tu pa in ‘Thang chu a chhe tawh’ a tih zawh chiahah, drums in ‘Du dung dung chhiiii’ a rawn tih tawh kha chuan music flow a dik em, a beat a dik em, drums role a dik em tih lam mipuiin kan ngaihtuah tawh lo, kan kohhrana thil thlengah chuan a ropui lutuk ringawt tawh, mipui an ngawi thup tawh mai a, naupang ho phei hi chuan awmngaihna kan hre tawh thin lo, tawng hlei thei tawh lo, chhungrilah nasa taka phurna avanga inhnawh up up chungin awmhmunah an rawn tih leh dan tur thlengin rilru nen kankut nen kan lo zir a, a va han nuamin a va ropui thin e aw!!

            Chutah naupang hoin an tih dan kan lo entawn a, inhnuai leiah hmawlh kan phun a, a hmawrah sangha tin leh lactogen bur ruak kan tar a, kan han zir ve ta thin a niah! ‘Thang chu a chhe tawh’ tih dawt chiahah bur kan han khawng a, a du dung chhiii lai erawh kan ka atangin a ri chhuak thung! ka atanga chhuak vek bass leh dang lead nen, nuam ve thei tak a ni, thenawmpa Masawman uar tak maia an ti lai vel kha mitthlaah a la cham thin.

            The God Servants rawngbawlna kha kum 3/4 vel chu niin ka hria. Tunah chuan U Mavena leh U Azawma ten chatuan ram min pansan tawh a, U Rinawma Melthum lamah a awm bawk a, a bak chu vengchhungah an la awm hlawm. An rawngbawlna a an inpekna leh rawngbawlna hmanrua an tuakna kawnga an inpekna leh thahnemngaihna entawn tlak takte kha vengchhung mipui hriatah tarlan leh thain ka hria a. Chubakah The God Servants rawngbawlna ang chi kha he khawtlang leh Kohhranah hian a vawikhat awmna, vawiin thlenga la awm leh lo a ni a, a hlu hian ka hre ve hrim hrim a ni. A hun a rei deuh tawh a, ka hriat dan ka ziahah dik tawk lo a awm chuan The God Servants member te leh chhiartute ngaihdamna ka dil nghal bawk e.

               Tin, rawngbawlna kawngah Lalpa tana inpekna leh thahnemngaihna, a thuawihna tak tak nena ke kan pennaah Lalpan mal min sawm mai bakah, midangte nunah pawh nasa takin Lalpan thu a lo sawi phah thei a ni tih hi The God Servants rawngbawlna atang hian hre thar leh thei ila. The God Servants member te leh he thu chhiartute hian Lalpa lam hawia in pek thar nan hman phah thei phei ila chuan a va lawmawm lehzual dawn em...

           

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

PRAISE ON HLANNA

            Ni 9 August 2016 (Thawhlehni) 8.00 P.m hian Synod Information & Publicity in a buatsaih; PRAISE ON Solo Competition hlanna neih tur a ni a, he hunah hian competition a tel tur Branch K?P te a?angin mi pakhat tal tel ?heuh tura ngen in ni e.

PROGRAMME

A hmun - Mission Veng Kohhran Hall

Chairman - Rev. Remlalfaka

Introduction -Pu P.B Lalbiakzuala

Hlanna - Rev. Lalramliana Pachuau

Zaipawl - Mizoram Synod Choir

Praise On Sawihawnna leh info. - Pu R.Lalnuntluanga, Coordinator Synfo

Solo -  Tv. Henry LalliansangaVarte, Nl. Lalduhsaki

            Ngenna : Lehkha sem chhuah anih loh avangin hei hi Official Invitation ah min lo ngaihsak hram dawn nia.                                    Sd/-

Convener

Praise On        

KOHHRAN PAVALAI PAWL

HLIMEN PASTOR BIAL

BIAL MEET VAWI 2-NA

A hun: 13th-14th August, 2016

A hmun: Saikhamakawn Kohhran Biak In

Thupui: “Tho la, i Pathian ko rawh” (Jona 1:6)

Speaker: T.Upa C.Zairemmawia

13thAugust, 2016 (inrinni zan)

7:00pm: Pathian biak inkhawm

Chairman: Pu Laltluanga, Treasurer (BKPP)

|antu: Pu Lalthanliana Ngente, Saikhamakawn

Thupui 1: “Tho la, i Pathian ko rawh”

Speaker: T.Upa C.Zairemmawia

Zaipawl: Combine Choir (Hlimen & hlimen Vengthar KPP, Hlimen Damveng KPP)

MUP SAIKHAMAKAWN

HRIATTIRNA

Pi |hapuii (|hapuithangi (88) R^lna Programme)

A hmun: Pu Daniel-a te In

A hun: ni 7.8.2016 (Pathianni chawhnu inkhawm ban)

Hruaitu: Pu Zairemthanga

R^lna hl^ntu: Pi Khawlvuani

Thuchah tawi: Pu Lalhnaiha (Adviser)

TBZ NEIHTHIL THEHKHAWM

A hun    :Ni 8.8.2016, dar 7:00 pm

A hmun          :Pu K.Roliana te In

Hruaitu :Pu Khawlhmingliana

|antu              :Pi Rokhawli

MINI MILITIA TOURNAMENT

Buala Section YMA, Hlimen Branch te chuan ni 26.8.2016 (Zirtawpni) zanah Hlimen YMA Hall -ah Hlimen, Melthum leh Saikhamakawn tan bik Mini Militia Tournament a buatsaih dawn a, he game khel \hin zawng zawng te lo tel vek turin kan in sawm e.

Entry Fee: Rs.100/- (last date: 25.8.2016)

Entry Fee pekna: BJ  Electricals (Hlimen Venglai)

Ist Prize    :  Rs.2000/- leh Citation

2nd Prize  : Rs.700/- leh Citation

AWDD (PHE) A|ANGA HRIATTIRNA

               Ni 3.8.2016 (Nilaini) a\ang khan Tlangnuam Booster Pumpset-II chu a foundation leh Chasis siam\hat a ni a, a châr chhung hi thla khat tal nghah char a ngaih dawn avangin Pumpset-I chauhin kan Pump theih dawn avangin duh angin tui a hunbi ah leh tuisem pawh duh anga kan pek tam theih dawn loh avangin mipui hriatthiamna kan ngen e.

Sd/- (R.LALHLIMPUIA)

Sectional Officer

Tlangnuam Section

LAWMTHU SAWINA

               Kan nau C.Lalzawma’n min boral san chungchangah khawtlang mipuite kan chunga in \hatna zawng zawngah lawmthu kan sawi a. A damloh tirh a\anga min khawngaiha, thilpek min petu Kohhran leh mimal tin te min ngaihsaka min \awng\aipuitu te zawng zawng chungah lawmthu kan sawi tak meuh meuh a ni. Kan chunga in \hatna zawng zawng te keini chuan kan rul seng dawn lo che u a, Lalpa’n a let tam takin malsawmnain rul let che u rawh se tih hi kan \awng\aina a ni e.

In khawngaihna dawngtu

 C.Lalzuitluanga te chhungkua

Taitesena Section   

CHATUAN RAMAH

               Pi |hapuithangi (Kum-88) chuan ni 31.7.2016 (Pathianni) khan he lei hrehawm kalsanin Chatuan ram min pansan ta.

               A kalsan tâk a tu leh fa, a chhung leh khatte Mipui Aw Editorial-te chuan kan tawhrhpuiin Lalpan awmpuii, vengin thlamuan se tih hi kan \awng\aina a ni e.

## Ka bat hi tlak dawn ila,ka nu laka ka bat hi ka tlak huphurh ber a ni.

               - Abraham Lincoln

TUALCHHÛNG

, Esther Lalrindiki d/o Lalnuntluangi (Ch.Sec) chu damlohna avangin Falkawn Referral Hospital-ah enkawl mek a ni.

,Pu Vanlalfala h/o Hmuni (Ch.Sec) chu damlohna avanga Falkawn Referral Hospital-a enkawl anih hnûin alo chhuak.

,Pu C.Lalchhanhima (Patea) h/o Lal\hasangkimi (T.Sec) chu damlohna avanga Aizawl Hospital-a enkawl anih hnûin alo chhuak.

, Joseph Vanlalnunmawia s/o Stephan CVL Chantluanga (V.Sec) chu damlohna avanga Falkawn Referral Hospital-a enkawl anih hnûin alo chhuak.

, Vanlalmalsawmkima s/o Pu Lalchhandama (Patea) (V.Sec) chu damlohna avanga BN Hospital-a enkawl anih hnûin alo chhuak.

, Pu Dawngkima h/o Lalmuankimi (V.Sec) te chuan chhungkaw mamawha hman atan Car (Grand i10) thar an lei.

,Pi Lalthankimi (Mêii) m/o Lalmalsawmi (T.Sec) Bethel Veng chuan chhungkaw mamawha hman atan Scooty (Wego) thar an lei.

PASS THAR

               Kan Joint Editor Tv. F.Laldingliana s/o F.Lalbuaia (V.Sec) chuan Bachelor of Computer Application (BCA) 1st Division-ah a pass. A ni hian Bachelor Degree pahnih nei tâ in BA Sociology (Hons) IInd Division-ah alo pass tawh bawk a ni.

               Mipui Aw Editorial Board-te chuan kan lawmpuiin a kal zelna tur ah duhsakna  kan hlan e.

## Ram tin hian sawrkar mahni phu tâwk \heuh kan nei a ni.

               -Joseph De Maistre.

## Mi taima tan thil harsa a awm lo.

            -LeGouve.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350