Mipui Aw 15.5.2016

MIPUI AW

KARTIN CHHUAK

Vol. XXII Issue No. 20 Kristian Thalai  Pawl  Saikhamakawn Branch  Pathianni Dt.15.5.2016

Vawiin   changvawn

            Tin, Pentikost ni a lo thlenin, an zain hmun khatah an awm khawm vek a. Tin, thawklehkhatan van ata ri, thlipui tleh angin a lo thleng ta phut a. Tin, chu chuan an thutna in chu a tikhat ta vek a, tin, leite te, amaha insem darhin, mei angin an hnenah a lo inlar ta a. Tin, an chungah chuang theuh va, an zain Thlarau Thianghlimin an khat ta vek a

(Tirhlohte 2:1-4)

KOHHRAN PROGRAMME:

Ni 15.5.2016 (Pathianni)

Pentikos Ni

Chawhma Inkhawm

Thupui                       : “Thlarau Thianghlim-                                  Damna thlentu”

Sawitu            :           Upa Zairemthanga

Chawhnu Inkhawm

Thupui:          “Thlarau Thianghlim                                      huaisenna thlentu”

Sawitu:           Pastor C.Sapkaia

                        Zân inkhawm

Thupui:          “Thlarau Thianghlim                                      Inhmangaihna thlentu”

Sawitu:           Upa Lalzuiliana

K|P INKHAWM PROGRAMME

Ni 16.5.2016

(Thawh\anni Z^n)

Hruaitu           : Tv. C.Laldawngliana

|antu              : Tv. Lalhlimawma

Thuhriltu       : Tv. F.laldingliana

Thilpek lakh- : Nl. Zonuntluangi

awmtute           leh Nl. P.C. Lalrinmawii

Zai hruaitute  : Pu Lalfakzuala

(15-30 April)    leh Nl. Lalngaihawmi Ralte

Key Boardist  : Tv. Vanlaltluanga

KOHHRAN HMEICHHE INKHAWM PROGRAMME

Ni 17.5.2016 (Thawhlehni Z^n)

Hruiatu           : Pi Lalmuankimi

Tantu              : Pi Lalchungnungi

Thuhriltu: Pi Khawlvuani

SERMON

I PENTIKOS ZÊL ANG U (Tirhkohte 2:1-13)

-Rev. Lalbiakhlira

            Judate kût pui pathum zînga pakhat Pentikos nî ah chuan Jerusalem khuaa Kornelia in pindan chungnungah Thlarau Thianghlim a vawi khat nân a thleng a. Hnamtin chitin an pung khawm a. Mak an ti ngei mai. Ringtu ni ve lo tân phei chuan a mak lehzual ngawt ang; an ngaihsan loh sa nên, uain thar ruiah an puh hial a ni. Chu hun hriatreng nân chuan khawvêl puma Kristianten Pentikos kan hmang ta zel a ni.

            Thlarau Thianghlim thlen chungchangah hian chhinchhiah tur a awm nual a:

1. Thlarau Thianghlim hi a thlen hmâin hrilhlâwkna tam tak a awm. Chatuan Pathian, Pain pek a tiam a ni. Zawlnei Joelan, "Chutih hunah chuan....mi zawng zawng chungah ka thlarau ka leih ang" (2:28-29) tiin a lo sawilâwk a. Baptistu Johanan, "Keiin tuiin...ani chuan Thlarau Thianghlimin a baptist ang che u" (Matt. 3:11; Lk. 3:16) a ti bawk a. Amah Isua ngei khân a thih hmain vawi tam a sawi lâwk bawk a (Joh. 3:3-4; 14:15-26; 20:22; Lk.11:13; 24:49; Tirh. 1:5,8). Thlarau Thianghlim kan chan hi a lo thlen hmâin uluk taka buatsaih lâwk a ni.

2. Judate kût "Pentikos" nî ah Thlarau Thianghlim a lo thleng. Grik \awnga "sawmngana" tihna a ni a. "Chawlhkâr Kût", "Buhseng Kût", "Buh Thar Tirh Kût","Pawl Kût" ti pawhin an sawi (Exod. 23:16; 34:22; Num. 28:26; Lev.23:15f). Awmni khamin hnam pumin Pathian hnêna lawmthu sawina hunah an hmang \hin. Hman chhan lian tak pathum a awm:

(a) Buhbal malsawmna an dawn avângin Pathian hnêna lawmthu sawi nân;

(b) Aigupta sal ata Pathianin Israel fate a hruai chhuah avânga lawmthu sawi nân;

(c) Sinai tlânga Pathianin Israel fate tâna Mosia hnêna dân a pêk avâng leh hnam a dinsak avânga lawmthu sawina te a ni.

            He Pentikos nî hi khawvêl sual, thihna leh hremhmun sal tânna a\anga chhuah zalenna nî a lo ni ta zawk a. Thlarau bo seng khawm \anna ni a lo ni ta a . Kohhran thar a lo ding nghal a, kaihruaitu Thlarau Thianghlim zarah hnam hrang hrangte chu Pathian fate kan lo ni ta a ni. Pentikos nî ropui tak a va ni em!

3. Thlarau Thianghlim Thlen Dân kha bihchiang ila.

(1) Thu an awih: Lal Isuan, "Jerusalem khua chhuahsan suh u, Pa thil tiam ka sawi in hriat kha lo nghâk rawh u" (Tirh.1:4) tia a chah chu an zawm a, 'an zain hmun khatah an awm khawm vek a' (Tirh. 2:1), an lo nghâk a ni. Thlarau Thianghlim chang turin Krista thuzawm a pawimawh (Joh. 14:15-17,23).

(2) Thawklehkhatah ri nasa tak a thleng phut: Vân ata ri, thlipui tleh angin a lo thleng phut a. Chumi awmzia chu Pathian hnên a\angin ri, thlipui ni lo, thlipui thawm ang maia nasa chu a lo thleng phut mai a ni. In chhûng a khat nghal vek a. Hetiang thawm nasa tak lo awm hmasa hian Thlarau Thianghlim thiltihtheihna nasatzia a entir awm e.

(3) Lei a insem darh: A \awngbul lamah 'leite' ni lovin pakhat sawina 'lei' a ni. Lei chu amahin a insem darh a. An chungah a chuang ?heuh a, mei angin a insem darh a ni. Hetianga lei pakhat insemdarh hian ringtu pumpui Thlarau Thianghlim a awmpui bâkah ringtu mimal tin a awmpui dân a tifiah hle. Lei hian Thlarau Thianghlim puihnain Chanchin \ha hril, sawi darh leh puanzar tur a nihzia a entir a, Chanchin \ha chuan mei angin mite a kang zau zel dawn tih a entir bawk awm e.

(4) Thlarau Thianghlimin an khat ta vek: Ringtu awmho zawng zawngte chu "an zain" Thlarau Thianghlimin an khat vek a. An awm dânah hai rual a ni lo ang (Gal. 5:ang22-23).

(5) |awng dangin an \awng: "Thlarauvin a \awngtir ang zelin" \awng dangin an \awng ta a. Hemi awmzia chu amah ringtu kha Thlarau hmanrua a ni a, \awng dangin a \awngtir a ni. |awng dang tih hian- hnam hrang leh \awng hrang pung khawm ringtute chu a inbiaktir vek a, \awng thiam loh a awm tawh lo, Thlarauin a \awngtir mai a, inhre pawh vek mai tihna a ni thei a. A dang lehah chuan, \awng hriatloh, vân \awng, Pathian nena inbiakna \awng, Korinth khuaa thleng ang kha a ni thei bawk (1Kor. 14:2,14). An awm dân en chuan \awng inhrepawh vek ang maia Thlarauin a \awngtir a nih hmel zawk (Tirh.2:5-12).

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

CHANGKAN NA

            ‘Changkanna’ han tih chuan hnam puitling tawh te Sap kan tih ho khu kan rilruah a rawn langin kan mitthlaah a lo lang nghal mai awm e. A dik a, an nun leh an khawsak phung te, an ram inrelbawl dan kalphung reng reng te a dik in an changkang bawk em  a tin ni. A changkang hle mai kan tih hian eng ber hi nge maw a changkan lai chu ni ang le?

            A hmasa ber ah chuan ram/ hnam a changkan nachhan chu a mi cheng te an changkan vang a ni. Mihring zawk te kan pawimawh ta tih na a nih chu. Ruihtheih thil ti a buai buai te an changkang thei lo phawt, nihna sang leh zahawm tak dinhmun pawh luah se, an nihna chelh kha an tizahawm lo hlauh zawk. Zirna in a khawih danglam sak loh mihring nun chuan changkanna kawng dik a pawh thei lo bawk. Khawtlang nun leh kan chenho na nun hriatthiam tum na nun hi changkanna a ni a. Tin, dikna te,huaisenna dik te leh nun nghet te  hi mi changkang te ze lairil ber a ni tih hi kan hriatchian a tul hle mai.

            A bak zawng mi changkang te nuna kan hmun te hi changkan na in a ken tel a ni mai zawk ani. Chuvang chuan keini thalai te pawh in michangkang te pawnlam lan dan zir mai lova chhung lam atang kan in zir a tul zawk a ni.

ARTICLE

MOSSAD

(Israel Secret Service turu lutuk tak mai chu)

            Juda ho ram Israel hual vel tu Arab ram tena an hlau leh \ih em em, khawvel in a tluk loh en a an en, an chetna apianga hnehsawh tak mai a an hna te hlen chhuak thei zel mai Israel do tu ten a an hlauh ruk em em chu Israel Secret Service MOSSAD - Central Institute for Intelligence and Special Assignments ho te hi an ni. He agency hi an headquarter chu Tel Aviv ah a ni a, an thupui innghahna chu  Thufingte 11: 14,  “Inhruaina fing awm lohnaah chuan mite an tlu \hin a, Remruat thiam tamnaah himna a awm” a ni.

            Israel ram kha ama ke a a din phat a\ang khan a vel a Arab ram ho te nen an in nghirngho nghal char char a nih kha. Chutianga \henawm ram te nena buaina nei reng an nih avang chuan Prime Minister Ben Gurion-a khan Secret Service \ha tak neih kha \ul in a hria a, tichuan, June 1948 khan Secret Service pawl dinna tur order chu a lo tichuak ta a ni. A hma chuan enthlatu pawl tenau neuh neuh chu an nei ve ngei a, mahse chuti taka hmantlak an ni meuh lo. Tichuan, he an Secret Service din thar hi hlawm thum ah an \hena: A hmasaber chu Bureau of Military Intelligence a ni a, Counter espionage lam an khawih a. A pahnihna chu Political Department of Foreign Office a ni a, foreign intelligence lam an khawih thung a. Tin, a pathumna chu Shin Bet an ti a, security lam an khawih thung a ni. A tir ah chuan an nawi ve khawp mai a, mahse training tha leh hmanraw changkang an mamawh tih an inhrechhuak ta thuai a. Tichuan, an Secret Service chu hlawm khat a kal tur in September 1951 khan an in din \ha leh ta a, MOSSAD chu a lo piang ta.

            MOSSAD Director hmasa ber chu Reuben Shiloah a ni a. Tichuan, British Intelligence leh American CIA hovin training an pe ta char char mai a. Juda pa thluak nge nge zawng a lo pui bawk a, reilote ah espionage (in enthlakna) lampang a style thar, British ho leh American ho hnen a\anga an zir chhuah a\angin leh an mahni style la kawp in an duang chhuak ta rup mai. Hetiang lam a khawvel a hmanraw \ha \ha leh ralthuam \ha ber ber an lei khawm a, an mahni hman duh dan mil in an siam danglam nghal zel bawk a, tichuan reilote chhungin Israel chuan khawvela Secret Service \ha ber pawl leh hmanraw nei changkang ber pawl chu a nei ta der mai. A tir phat a\angin an tan a kawng remchang deuh mai awm pahnih hi a awm a chumi chu an zuan nghal chat mai.

            A pakhatna ah chuan Juda ho hi khawvel hmun hrang hrang ah an darh nasa em em a, chung hmun hran hran a awm te hnenah chuan ram hmangaihna leh in unauna rilru an han tuh phawt a, chumi chu remchang ah hmang in ram hran hran chungchang an hre zung zung thei nghal mai a. A pahnihna ah chuan \henawm ram te nen a thu buai hla buai nei neuh neuh reng an nih avangin, englai mahin inthlahdul na hman a awm lo va, chu chuan nasa takin a pui bawk a. Tin, MOSSAD ho hian eng hmanrua, eng tactic mah hi hman hi an tim ngai lo reng reng a, in bum, in thah, in rukbo tih vel ah harsatna engmah an neihloh avangin chu chuan an tan chet a ti awlsam em em bawk. Scientist te leh kawng engkim a mi thiam ber ber an chhawr hmiah hmiah mai a, hma pawh an sawn chak nasa mai.

            Khawvel ram pum ah an in zar pharh a, tin, ramdang Secret Service ho te nen thawk ho anga lang si in an thuruk an ruk chhuah sak reng bawk a, an duh hunah an chawk buai vak mai a ni. Vawikhat pawh French sawrkar hnenah an ramah Terrorist an lut ru \euh tih an hrilh a, French sawrkar ho buai phili lai takin an thuruk an ruk chhuah sak nghek mai a ni. India leh Sri Lanka thleng in an inzar pharh vek a ni. An chet chhuah ve tawhna ah pawh khawvel mak tih khawp in an che zel bawk.

Kum1960 khan Argentina a biru indopui pahnih na lai a Juda tam tak suatna a mawhphur tu German mi Adolph Eichmann chu nalh lutuk tak mai in Argentina sawrkar hriat miah lohvin an ru chhuak a. An public airport ngei a\angin an hriatlohvin an la thlawhchhuah pui zui a. Hemi chungchangah hian Argentina pawh a lungawilo hle anih kha. Eichmann hi anmahni duhdan in a chungthu an rel sak a 1962 khan an khai hlum a, a ruang pawh phum lovin an hal a, a vap pawh an ram pawn chin tuipui ah an paih ngat a ni.

            Israel chuan a Neuclear reactor atan uranium tamtham deuh a mamawh ve ta tlat mai. Kum 1968 khan German lawng ‘Scheeberg’ chu uranium oxide barrel 560 zet phur in Antwerp lawng chawlhna a\anga Italy lam pan a a kal chu tuipui ah a bo ta hmak mai. Rei fe hnu ah chu lawng chu hming dang daih pu in a rawn lang ve leh hlawl mai, mahse a uranium phurh te chu hmuh tur a awm tawh lo. MOSSAD ho lah an ngawi hmak. Tichuan, Israel chuan a reactor a hman tur uranium duhkhawp chu a nei ta khiau mai a ni.

            Kum 1969 Christmas ni tak khan nalh lutukin Cherbourg Harbour a\angin indo lawng panga, lei an lo tum tawh sa chu General De Gaulle-an Israel hnen a ralthuam hralh a khap tak thut avangin an ru chhuak leh ta hmiah mai a. French sawrkar pawh a barakhaih kher mai. He an oppertion hming atan hian MOSSAD ho hian ‘Noah’s Ark’ tih an hmang nghe nghe a ni. Lei ngai lovin indo lawng panga chu an nei leh ta der mai.

            Kum 1976 khan Arab Terrorist te chuan Israel thlawhna chu a michuang te nen hruakawi in Idi Amina, khawvela Dictator rawng leh mawl ber mai ram Uganda a Entebbe ah an tum pui a. Hemi \um a MOSSAD Special Agents ten reilote chhunga thlawhna leh a mi chuang te an chhanchhuah dan phei kha chu tun thleng a khawvela inchhanchhuana ropui ber a sawi ala tling hial a ni. Mahse MOSSAD ho te hi an operation zawng zawng ah an hlawhtling in an che \ha reng bik chuang hauh lo.

            Vawikhat pawh operation ‘Suzanna’ an tih Cairo a US leh British ho chenna hmun a bomb tih puah a, Egypt leh khawthlang ram ho inhmuh thiamloh tir an tumna lamah, agent naupang te te experience nei vak lo ho an tir pek a, a hun a thlen hma in agent pakhat ipte a a bomb ah a puak palh a, an vai in an man phah a, pahnih phei chu khaihlum an ni ta nghe nghe a ni. Tin, YOM KIPPUR WAR a Egypt leh Syria in an rawn do tur an chet khalh hman lo leh an lo hre lawk lo kha an mualpho pui nasa bawk. MOSSAD hi khawvela intelligence agency \hang chak ber leh hlawhtling ber pawl a ni a. An ram tan a mi huaisen martar tam tak an chher chhuak a, hetiang dinhmuna hlang tu pawimawh ber te chu Nahum Adnoni 1982 kum a MOSSAD head te, Meir Amit, hetiang pawl \ha lutuk ni tura chher chhuak tu te. Tin, sawi hmaih hauh loh tur an spy turu lutuk Damascus a an khaihlum tak a ram phatsan duhlo tu ka mi ngaihsan Eli Cohen te ho kha an ni e.

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

K|P FELLOWSHIP PROGRAMME

A hmun : Pu F.Lalrinpuia te in

Hruaitu  : Nl. Malsawmtluangi

Tantu     : Tv. Lalventluanga

            Bial K|P Quiz neih tur inbuatsaih nan Group inelna Bible Quiz Competition I & II Korinth lehkhathawn a\angin neih a ni anga, member-te lo inbuatsaih lawk turin kan inhriattir e.

KOHHRAN PAVALAI PAWL PROGRAMME

Ni 19.5.2016 (Ningani zan)

            Sharing leh |awng\ai rual Inkhawm

Hruaitu   : Pu C. Lalchhuansanga

Tantu              : Pu R.Lallura

Khuangpu      :Pu Lianchia leh

                         Pu Vanlalfela

Thilpek lakhawmtu: Pu Lalthlamuana

LAWMTHU SAWINA

            Ni 9.5.2016 (Thawh\anni)  a Upa Zairemthanga te Slab chhunga K|P member hnatlang zawng zawng te chungah lawmthu kan sawi a, inhlawhna min petu Upa Zairemthanga (V.Sec) te chhungkaw chungah K|P chuan lawmthu kan sawi bawk e.

Sd/-

(PC VANLALHRIATPUIA)

Secretary

K|P Saikhamakawn Branch

JEREMIA GROUP  HRIATTIRNA 

Ni 21.5.2016(Inrinni) hian K|P Jeremia Group te  Pu C.Lalrinmawia te Quarry, Melthum ah rora chhu a hnatlang neih tur a ni a, Jeremia Group member zawng zawngte hnatlang a thawkchhuak \heuh turin kan inngen in kan in sawm e. Thawkchhuak turten tuboh thawhchhuahpui \heuh tur a ni e.

Sd/-

(C.LALDAWNGLIANA)

K|P Jeremia Group

VENGCHHUNG A|ANGA HSSLC PASSED KAN HRIAT THEIH TE:

Arts:

1) Malsawmsangi d/o Dennis Rohmingliana - Dist. (L in Pol. Sc., History, Education)

2) Christina Lalruatsangi d/o Lalrochama - Ist Div. (L in Education)

3) Zorammuana s/o

 R. Lalsangzuala- Ist Div.

4) Malsawmtluangi d/o Lalrosiama - IInd Div.

5) Vanlalruati d/o Khualkunga -    IInd Div.

6) C.Lalrindiki d/o Vanlalnghaka(L)

6) R. Lalawmpuia s/o Laldanzira - IIIrd Div.

7) Mimi Lalnunmawii d/o Vanlalsiami - IIIrd Div.

8) Lalhmangaihzuali d/o Vanlalfala - IIIrd Div

            Malsawmsangi hi kan veng chhung a\anga Arts a Distinction a pass hmasa ber a ni.

Science:

1) Lalruatfeli d/o K.Lalhmingmawia - Dist.

2) Lalhruaitluanga s/o Upa Lalzuiliana - Ist Div.

3) Eden Lallawmzuali d/o Lalthuneiha - IInd Div.

4) Lalrinsanga s/o Lalthankima - IIIrd Div. 

Commerce:

1) Zochhuanawma s/o Zarzoliana - Ist Div.

2) Lalramhluni d/o Linda Lalbiakdiki - Ist Div. 

Computer Technique:

Nathan Lalzuisanga s/o Lalthuneiha - Ist Div.

            Heng mite kan Vengchhung a\anga HSSLC kan hriat theih te an ni a, tih hmaih palh a awm a nih chuan Issue leh ah rawn tihchhuah leh a ni ang.

               HSSLC passed thar zawng zawng te Mipui Aw Editorial Board te chuan thinling takin kan lawmpui a, an kal leh zelna turah inthlahdah lova \an la sauh sauh zel turin dusakna sang ber kan hlan e.

TUALCHHÛNG

,  Pu C. Lalhmunngheta h/o Thankhumi chu damlohna avangin Alpha Hospital ah enkawl a nih hnuin a lo chhuak.

, Pu Lianchia h/o Lalrinengi te chhungkua chu Pi Laldinpuii (T.Sec) te In a\angin Pu Siamliana (V.Sec) inhnuaiah an insawn.

, Pu Zarzoliana h/o Zodinthari te chuan chhungkaw mamawha hman tan Scooty (Rodeo) thar an lei.

NPSS HRIATTIRNA

            Vawiin Pathianni chawhma Inkhawmah hian Naupang Sunday Schhol (Primary-Sacrament Department) ten hla rem tur a ni a, nu leh pate’n kan fate lo hrilh hre turin kan inhriattir a ni e.

KOHHRAN ZAIPAWL HRIATTIRNA

            Naktuk Ni 16.5.2016  (Thawh\anni) zan K|P Inkhawm ban hian Kohhran Zaipawl ten Sunday School Hall ah Hla K<tpui leh Bible Quiz intihsaikna a rem tur  hla zir leh tur a ni a, Hla la zir lo te pawhin inthlahrung lo in zir turin kan in sawm e.

Zanin BPL inkhel turte @7:30pm:

Arsenal Vs Aston Villa @Starsort4

Swansea Vs Man.City @StarSport1HD

Man. Utd Vs Bournemouth @Starsport2

Westbrom Vs Liverpool @Starsport2HD

Chelsea Vs Leicester

@Starsport1

NewCastle Vs Tottenham @Starsport4HD

Southamton Vs C.Palace

Stike City Vs West Ham

Watford Vs Sunderland

Everton Vs Norwitch

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 8.5.2016

MIPUI AW

KARTIN CHHUAK

Vol. XXII Issue No. 19 Kristian Thalai  Pawl  Saikhamakawn Branch  Pathianni Dt.8.5.2016

VAWIIN CHÂNG VAWN

            Atirin Thu a awm, Thu chu Pathian hnenah a awm, Thu chu Pathian a ni.

-Johana 1:1

KOHHRAN PROGRAMME:

8.5.2016 (Pathianni)

Chawhma Inkhawm

|antu              : Pi Chawngthanpari

Zirlai 24-na    : “Thlarau Thianghlim laka sualna te”

Chawhnu Inkhawm

Thuhriltu: Upa C.Lalmuankima

Zân inkhawm

Thuhriltu: Upa Zonunmawia

K|P INKHAWM PROGRAMME

9.5.2016 (Thawh\anni Z^n)

Sermon Inkhawm

Hruaitu           : Tv. F.Laldingliana

|antu              : Nl. Judy Lalsangliani

Thuhriltu       : Pu Tommy Zirnuntluanga

Thilpek lakh- : Nl. Baby Lalduhsaki leh

awmtute           Nl. Zorinpuii

Zai hruaitute  : Tv. Abraham Lalnunthara

(1-15th May)       leh Tv. Lalrinnunga

Key Boardist  : Pu Lalremruata

KOHHRAN  HMEICHHE INKHAWM  PROGRAMME

10.5.2016 (Thawhlehni Z^n)

Kristian chhungkaw pual

KOHHRAN PAVALAI

PROGRAMME

12. 5. 2016 (Ningani Zan)

Hruaitu      : Pu C.Lalchhuansanga

|antu         : Pu Lalthanhranga Ralte

Thuhriltu   : Pu T.Lalrinthanga

Khuangpu      : Pu Vanlalfela & Pu Lianchia

Thilpek Lakhawmtu : Pu Lalthlamuana

SERMON

LAWM  RAWH  U

            Philippi 4  4Lalpa ah chuan lawm fo rawh u: ka ti leh pek thin ang, lawm rawh u. 5In dawhtheih zia mi zawng zawng hriat ni rawh se. Lalpa chu a hnai e. 6Engah mah mangang suh u; engkimah tawngtai leh dilin, lawmthu hril tel zelin, in duhna te chu Pathian hnenah hriattirin awm zawk rawh se.

            Mihring te hian vanneihna kan dawn chang te, kan duh leh kan awh ngawih ngawih kan neih ni te, harsa taka kan beih a; a tawp a kan tum ram kan thlen ni te hian lawmna leh hlimna duhawm tak chu kan nun chhungah a lo luang lut thin a ni. Chu hun chu a nuam in a engthawl thlak a, thil tih a nuam in, kan bula awm midangte tan a nuam thin. Lawmna a kan nun a khah ni chuan midang kan huat te, kan hmelma thin te pawh kan rilru ah a lang tawh ngai lo. Lawmna in kan rilru a luah khah ni ang renga awm tur leh chu lawmna atanga Pathian kan dawr ang reng a dawr turin kan Pathian thu in min duh a. Mahsela chu nun neih reng chu harsatna leh vanduaina a lo thlen niah meuh chuan a harsa thin a ni. He hunah tak hian kan Pathian chuan lawm turin min ti tlat si. Lawmna chhan awm lova lawm erawh mihring te tan thil har leh tih rualloh a ni lawi si.

            Zawlnei Habakuka chu Pathian hmaah han phun ve bawk mahsela a tawngtaina hlaah chuan; a hmelma ten harsatna leh mangan na tawpkhawk rawn thlenin; a ran rual te, a grape kung te, a olive thing duah tha tak tak mai te chu rawh tihchhiat sak vek mahsela Pathianah chuan ka lawm zel dawn a ni a ti tlat a. Engvanga he thu hi sawi thei nge a ni, tu fa nge lungngaihniah lawm ngai a, ngui ni ah tap lova hlim thin. Habakuka erawh chuan engkim hi Pathian pek a nihzia te, Pathian chu a chhandamna leh a chakna a nihzia a hrechiang a, Pathianin a kalsan ngai dawn bawk si lo tih a hriatchian na chuan lawmna leh thlamuanna a pe a, a hmelma ten engtiang pawhin a chuangah hleilenna lantir mahse engkim a engkim zawk Pathian a neih avangin a lawm mai zawk a ni. Khawvel thila innghat ni ta se Habakuka hi a lawm reng theih hauh lovang. A  innghahna leh a chhandamna chu a hmelma ten an tichhe ve thei lo tih a hrechiang tlat a ni.

            Kum tam tak he khawvelah kan lo hmang ral tawh a, kan kum hman tawh zawng zawng chanve pawh lungngaihna in kan hmang em ni? Harsatna leh manganna kan tawh ni hi belhkhawm ila kumkhat pawh a tling tawh angem? Pathinin min hruaina zawng zawng hi; kan chungah harsatna a lo thlen chang pawhin i chhut kir thin ila; chutah chuan Pathian min hruai tawhna avangin harsatna vawrtawp kan tawh mek lai pawhin lawmthu kan sawi thei ngei ang. Lungngaihna ni reilo te kan tawh changa kan vui mai thin hi kan ti dik dawn em ni? Harsatna karah pawh lawm thin te hnenah kan Pathian hi a awm hla  ngai lova, manganna an tawh mek lai pawha; Pathianin alo enkawl tawhna avanga lawm tlat thin mite tawngtai na chuan Pathian a ko eih a, tichuan mihring rilru in a hriat ngai loh thlamuanna a  pe thin a ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

THUAWIH A  NGAI

            Julius Ceasar-a chuan “Ka lo kal a, ka hmu a, ka hneh a” tih \awngkam tawite hi kum tamfê kalta khan alo chhâkchhuak tawh a. Hlawhchhamna chuan a hneh loh hmêl hlê mai. Buaina hmunah awm mahse hlau leh khura awm mai lovin a bei a, a hneh \hin tihna a ni.

            Tunlaia kan mahawh ber nia lang chu kan buaina neihte, harsatna kan tawhte hian kan thâ a ti \hum nasa ta lutuk lo maw? Kan hma a harsatna awm mêk hêl zâwnga kal mai hi hlawhchhamna leh mi dawihzep zia a ni tih hi hre thar mawlh ila a \ha hle ang. Kan harsatna tawh mêk chiang takin kan en ang, chumi hnûah a hmachhawn dan tur ruahmanna kan finna neih chhun ang angin kan siam leh anga, tichuan huaisen takin kan bei lêt anga, hneh ngei turin tha thlah miah lovin \an kan la anga Pathian zarah kan hlawhtling ngei bawk dawn a ni.

            Kan hlawhchham nachhan ber nia lang chu kan dawizep vâng leh kan thatchhiat vâng ti ila kan sawi sual tam lovang. Khawvel mihring zawng zawng hian kan hlawhtlinna dâl tur khawp harsatna kan nei \heuh a, chu chu huaisenna leh taimâkna nena hmachhawn anih chuan hlawhtlinna a awm hla ngai lo.

ARTICLE

HEPATITIS BIHCHIANNA

            Hepatitis (thin ~ liver \hatlohna) hi thil tamtakin a siam thei. Eg.: Zu (alchohol) leh natna hrik hrang hrang Virus \henkhat chu thin khawih duh bik an awm. Chungchu Hepatitis Viruses an ti. Hepatitis viruses ah hian A, B, C, D, E, F leh G hmuhchhuah tawh a ni. A, E, F leh G hi chu benvawn a awm ngai lova, Hepatitis B vei ah chauh a awm thei. Chuvangin Hepatutis B leh C hi lo chhui chiang bik ila.

Khawvelah vei an tam:

Hepatitis B hi khawvel mihring maktaduai 350 zetin an vei nia chhût a ni. India hi a tam lamah a laihâwl kan ni a, mihring 5% vel hian kan vei. Hepatitis C hi India ram mihring zawng zawng 1~2% velin kan vei ni a hriat a ni. Mizoram pawh chutiang tho chu kan ni.

A kaichhawn dan:

(1) Thisen thianghlim lo dawn a\angin.

(2) Drugs tihna hmanrua in\awm a\angin.

(3) Inchiuna thianghlim lo hman, tatoo/ bengverhna thianghlim lo hman, toothbrush leh inmehna inhman\awm, thisen dawn leh dialysis a\angin.

(4) Sex a\angin Hepatitis B kai a awl a, Hepatitis C chu kâi a har deuh zawk.

(5) Nu in a naupaiah Hepatitis B kâi a awla, Hepatitis C chu kâi a har deuh zawk.

(6) Reitak cheng ho chhungkua ah Hepatitis B leh C in kai a awl.

Eng emaw zat chu an kaina chhan hriat theih mai loh a awm.

Taksa a hna a thawh dan:

Thihpui nghal rum rum chi natna a ni lem lo, hetiangin a awm thei :

(1) Asymtomatic: Tam zawk chuan in sawiselna an nei lova, an kâi tih pawh an in hre lo.

(2) Jaundice: |henkhatin mîtliam an nei thei a, 1% aia tlemin Jaundice nasa nunna atana hlauhawm an vei thei.

(3) Chronic carrier: Hepatitis B Nausen laia kâi 90% puitlin hnûa kâi 10% in an benvawn a, a bak zawng chu an dam leh a, a hrik pawh a bo leh. Thisena hmuh \an tirh a\anga thla 6 hnu pawha thisen a hrik ala awm chauh in benvawn a ni. Hepatitis C a vei zawng zawng 80% in an benvawn a, a bâk zawng chu an dam leh.

(4) Chronic Hepatitis: A benvawn zinga tlemte chauhvin thin lam \hatlohna benvawn an nei. Tam zawk chu an in sawisel lova, chauh ngawih ngawih te a siam thei.

(5) Cirrhosis & Thin cancer: Cirrhosis (thin sâwng) leh thin cancer hi mi tlem te in rei tak kum 20 hnuah te an vei thei.

A inven dan:

(1) Fimkhur: Drugs leh Sex hmansualna laka fihlim a, inchiuna / totoo / bengverhba thianghlim chauh hman.

(2) Vaccine: Hepatitis B vaccine \ha tak tak a awm tawh a, Nausen pianghlim zawng zawng leh naupang, a thei apiangin la thei se. Puitlingah chuan kan zavâi lâk a ngailova, a kâi hlauhawm bik ~ Damdawiin hnathawk drugs leh sex hmansual ching, Hepatitis B vei chhungkuaa chênpui leh thisen dawng fo \hinte chuan la ngei se a \ha. Hepatitis C erawh hi chu Vaccine a awm rih lo.

Heng a\angte hian Hepatitis B leh C a kaitheih loh:

(1) Khuh leh hahchhiau

(2) Infawh, inchibai leh inkuah.

(3) Ei leh in na hmanraw inhman\awm.

(4) Ei leh in a\angin.

(5) Nu hnute tui a\angin.

(6) Ruangkil leh boruak a\angin.

Hepatitis B leh C ilo vei palh anih chuan:

(1) Hepatitis B veite tan ~ sex i hmanpuiten Hep B vaccine an lâk a ngai a, anih loh chuan condom i hmang ngei tur a ni.

(2) Hep B vei chhungkua a chênpui ho zawng zawng in Hep B vaccine lâk a ngai.

(3) Thisen kâitheihna toothbrush, hmulmehna, tatoo chhutna, bengverhna leh nail cutter tumah \awmpui suh.

(4) Pem leh pân i neihin \ha takin tuam la, i thisen chhuak miin an kâi loh nan fimkhur ang che.

(5) Drugs ti \hin i nih chuan sim vat rawh.

(6) I thin (liver) kha i duat hle a ngai. Zu in lo la, damdawi râwn hmasa lovin ei suh.

(7) Thisen pe suh. Hep C veiten Hep B vaccine an lâk a ngai a, a pahniha an vei kawp loh nan.

(8) Doctor i in entir reng rengin i nihna diktak hrilh \hin ang che.

(9) Hlimtakin midangte ang thovin i khawsa thei tih inhria ang che.

(10) A enkawlna damdawi a awm tawh a, mahse positive nazawngin an mamawh hran lova, a to hle bawk. Doctor rawn hmasa thin ang che.

                       

BENG TIVÂR

Y0UTUBE

            YouTube hi kum 2005 a Chad Hurley, Steve Chen, leh Jawed Karim te din leh siam ani. An pathum hian Paypal a thawk vek an ni. An domain YouTube.com hi kum 2005 Valentine’s Day a an register a ni. Mahse official taka an release chu 2005,December ah a ni thung.

            YouTube a video dahluh hmasak ber chu Youtube co- founders Jawed Karim a video ''Me at the Zoo'' tih kha a ni a, hei hi San Diego Zoo a an shot a ni. He video hian tunah entu mi maktaduai 4.8 chuang zet a nei tawh nghe nghe. Google hian billion $1.65 zetin kum 2006, November thla khan YouTube hi a lei a ni. YouTube a Video sei ber hi darkar 48 a sei a ni a (ni 2 a en zawh theih tihna anih chu).

            YouTube hian mi maktaduai 490 zet mai unique visitor nei mekin Average alâkin youtube hmangtu pakhat hian thlakhatah youtube hi vawi 14 lût \hin ang an ni. A tlangpuiin Youtube user ten YouTube a an luh apiangin minute 25 vel zel lût ang an ni a. Youtube hmangtute hian thlakhatah darkar 5 leh minute

50 vel zel hunhmang ang an ni. YouTube hmangtu zawng zawng te hian Thlakhat ah darkar maktaduai 2.9 hmangral ziah ang an ni. Akum zawng chuan sawi

dawn ta ila kum 326,294 daih anih chu. Kum 2010 ah ringawt pawh khan video maktaduai 13 zet mai chu upload ani a. Minute tin hian video darkar 35 chhuak upload zel ang a ni. YouTube hi countries 25 ah hman theiha awm mekin, |awng chihrang 43 in a hman theih bawk.

            YouTube hian online video site dang zawng aiin HD video a ngah ber a, YouTube video 10% tehi HD an ni. Tunah chuan Youtube ah hian minute khatah video darkar 100 chhuak upload reng ang a ni tawh. Nitin video maktaduai 4 en a ni ziah bawk ,Minute tin hian YouTube a video 700 velchu twitter ah share ziah a ni.

            YouTube video a 'liked' tam ber chu Gangnam Style kha a ni a. Maktaduai 8 chuang like tu a nei a ni.

Kum 2013 ah khan YouTube hi khawvela website tlawh tam ber pa 4 na a ni a,a hma ah hian google, facebook leh yahoo te an awm a ni.

            Music video nilo video en hnem ber chu “Charlie Bit My Finger” tih kha a ni a.Tunah hian maktaduai 317 zet view a awm tawh a ni. Music video en hnem ber chu Justin Bieber an mawi tak maia a sak ''Baby'' tih kha a ni a. Tunah hian maktaduai 536 entu anei tawh.

:~Stallion

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

TBZ NEIHTHIL THEHKHAWM

A hun       : 9.5.2016, dar 7:00 pm

A hmun    : Pi Vanlalhruaii te In

Hruaitu    : Pu Siamliana

|antu        : Pi Laldingpuii

LAWMTHU  SAWINA

            Ni 28/ 4/ 2016 (Ningani) a kan veng tana Free Clinic min rawn neih sak tu U.P.H.C Hlimen chungah lawmthu kan sawi tak meuh meuh a. Vengchhung mipuite mamawhna hria a Saikhamakawn Presbyterian Kohhran ten Biak In hnuai hall phal taka min hman tir a vangin lawmthu kan sawi bawk a ni.

Sd/- (R.BIAKTHANSANGA)

Secretary

Local Council, Saikhamakawn

LAWMTHU SAWINA

            Apuia Memorial Elephant Four Football Tournament kan neih zawh tâkah khawtlang mipui min \âwiâwmnaah leh Tournament min hlutsaknaah lawmthu kan sawi a. Tin, abikin Tournament kan neih chhunga kan tihbuai êm êm Pu P.Vanlalruata te chhungkua, Pu Rualkhuma Sailo te chhungkua, Saikhamakawn Primary School, Game & Sport Association te chungah lawmthu kan sawi tak meuh meuh e.

            Saikhamakawn Branch YMA ten kan mamawh engkim min hmantirin, a \ul anga min buaipuina zawgn zawngah lawmthu kan sawi tak meuh meuh a ni.

            Kan Tournament lawmman min tumsaktu leh tangkafaia min puitute heng mite chungah hian lawmthu kan sawi tak meuh bawk a ni:

1) Pi Khawlvuani te chhungkua

2) Pi Lalzawmliani

3) Pu Lalrochama

4) Pu C.Lalzarliana

5) Pu Zosangliana

6) Open House Restaurant

7) Nl. K.Vanlalruati

Sd/- (LALMUANAWMA)

Secretray

Vanapa Section, YMA

LAWMTHU SAWINA

            Keini MUP, Saikhamakawn Unit ten ni 4.5.2016 (Nilaini) a  Sangha kan zawrh tlawmngaia min lo chansaktute zawng zawng chungah lawmthu kan sawi tak zet a. nangmahni zarah kan Raising Day hlim takin kan hmang thei dawn a, lawmthu kan sawi mawlh mawlh a ni e.  

Sd/- (SIAMLIANA)

Treasurer, MUP

Saikhamakawn Unit

LAWMTHU SAWINA

            Ni 30.4.2016(Inrinni) chawhma lam a Transformer a kan chhiat a, eng chen nge eng nei lova kan awm dawn tia, mite rilru a buai mek laiin, kan khawtlang hruaituten P&E Department hotute biain an ni hian, kan vengchhung tana theihtawp chhuah ain Transformer thar min rawn pe a, a va lawmawm tak em! Hei chauh hi a la ni lo, theihtawp a \an la in kan eng thei lo ang tih hlau in, zan ah pawh an rawn thawk mial mial mai a, Pu berin a en hma chu kan hawng lo ang a tia min ngaihsaknaah kawn lawm tak zet a ni ber e. department inphalna leh inpekna a zarah vengchhung pawh bang bo lo in a \ul \u\ tih ve huam a mimal leh NGO te tlawmngaihna tihlana awm chu han hmuh hian a va ropui tehlul em! Hun leh tha seng tu zawng zawng te chungah Saikhamakawn Local Council chuan thiam lo tak chungin lawmthu kan sawi tak meuh meuh a ni.

Sd/- (R.BIAKTHANSANGA)

Secretary

Local Council, Saikhamakawn

I zuan hmâin i tlâkna tur enchiang hmasa phawt \hin ang che. Chuti lo zawng i inti na palh hlauh ange.

- Stanley Upskirt.

TUALCHHÛNG

,Mary Lallawmawmi d/o Vanlalpeka (Ch.Sec) chuan HSLC IInd Div ah a pass.

, Pu Laltlawmlova h/o Lalruatsangi (Ch.Sec) chu damlohna avanga Aizawl Hospital-a enkawl anih hnûin alo chhuak.

,Pi Lalrammawii w/o Lalpianthanga (Ch.Sec) chu damlohna avanga New Life Hospital-a enkawl anih hnûin alo chhuak.

,Pu Lalchhandama h/o R.Lalbiaknungi (V.Sec) te chu damlohna avangin BN Hospital, Kulikawn ah enkawl mek a ni.

,Vanlalmalsawmkima s/o Pu Lalchhandama (V.Sec) chu damlohna avangin BN hospital Kulikawnah enkawl mek a ni.

DIRECTORATE OF LAND REVENUE AND SETTLEMENT, MIZORAM: AIZWL

HRIATTIRNA

            Pu  Lalhruaia s/o C. Zakhuma of Saikhamakawn a LSC No.CAD 503 of 2013 of Sikhamakawn CP Road veng a mi hi ti bo a rawn insawiin  Office ah re-issue a rawn dil a. A sawi anga tihsak a rem lohna tur chhan engpawh hria chuan chanchinbua chhuah a\anga ni 30 hma ngeiin a hnuaia address ziakah hian hriattir tur a ni. Hetianga LSC pekchhuah leh a lo nih chuan LSC hmasa chu cancelled nghal a ni.

Sd/-

Director

Land Revenue and Settlement

(3-3)

Zanin BPL inkhel turte:

Tottenham Vs Southampton (6:00)

@ Starsport 1

Liverpool Vs Watford (8:30)

@ Starsport 2

Man. City Vs Arsenal (8:30)

@ Starsport 1

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350