Mipui Aw 10.4.2016

MIPUI AW

KARTIN CHHUAK

Vol. XXII Issue No. 15 Kristian Thalai  Pawl  Saikhamakawn Branch  Pathianni Dt.10.4.2016

Vawiin   changvawn

            Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria; a hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan. (Rom 8:28,29)

KOHHRAN PROGRAMME:

10.4.2016 (Pathianni)

Chawhma Inkhawm

|antu              : Pi C.Lalchhuanawmi

Zirlai 13-na    : “Pathian Thlarau                                             leh Zawlnei dik te”

Chawhnu Inkhawm

Baptisma leh Lalpa Zanriah Sacrament

Rawngbawltu: Pastor C.Sapkaia

                        Zân inkhawm

            Thuhriltu: Pastor C. Sapkaia

            K|P INKHAWM PROGRAMME

11.4.2016 (Thawh\anni)

Neihthil Thehkhawm

Hruaitu           :Nl. Zosangliani

Tantu              : Tv. MS Dawngkima

                        (c/o Upa Lalzama)

Zai hruaitu turte: Tv C. Laldawngliana

                        leh Pu Tommy Zirnuntluanga

Musician         : Tv R. Lalawmpuia

KOHHRANHMEICHHE PROGRAMME

Ni 12.4.2016 (Thawhlehni)

            Kristian Chungkaw puala hun hmanga feh chhuah tur a ni e. 

KOHHRAN PAVALAI PROGRAMME

Ni 14.4.2016 (Ningani)

Chairman    : Pu F. Lalrinpuia

|antu           : Pu Lianchia

Thuhriltu    : Pu Vanlalfela

Khuangpu   : Pu Lalthanliana Ngente  leh Pu C.Zakhuma

Thilpek Lakhawmtu: Pu Sangmawia          

SERMON

I Pathian tawk turin in peih rawh

- Remsangpuii

Biakavau

Chuvangin aw Israel, i chungah hetiang hian ka ti ang: I chungah hei hi ka tih dawn avangin, aw, Israel i Pathian tawk turin inpeih rawh. (Amosa 4:12.)

            Amosa 4:12-a kan hmuh ang hian Pathianin Israel fate chu amah tawk tura inpeih turin a ti a, he thu hi a pawimawh thar hlein ka hria. Bible-in Israel fate tana a ziah hi rinna avanga kan chanvo ve a ni tih hriat a \ha. Pathianin Israel fate inpeih tura a tih khan an inpeih em? Amah Pathian nen an in tawk em? Rom 11:11 ah kan hmu a, an tluk san thu leh chhandamna chuan Jentail-te lam a hawi tak thu kan hmu. A hnam thlan Israel fate meuh pawh an inpeih lohna avanga a hawisan ngam si chuan keini, khawngaihna avanga chhandamna changtute hi kan fimkhur a va ngai em. Bible-in ni hnuhnung a sawite hi kan tawng mek si a.

            Zan hi a ral lek lek tawh a, var\ian kan lut \an mek niin a lang. Pathian tawk tura inpeihsa nun nei si lo hian khawvel ro thil, sum leh pai, silh leh fen, changkanna hrang hrangte hian kan nun a tibuai em le. Silhfen nalh leh ropui tak taka inthuam a,sum leh pai tam tak nei, tun huna thihna tawk dawn a nun inpeih miahlo hi kan va tam dawn em. Ka unau duhtakte u, kan nun \heuh hi i in bih chiang ang u. Hun \halo lo thleng thutin mihringte hi min nang phut \hin si a. Engtikah nge kan thlarau kan thlah anga, engtikah nge kan Lalpa Isua a lo kal dawn kan hre si lo. Kan Lalpa ni chu rukru angin a lo thleng dawn tih Bible-in min hrilh si. Khawngaihna hun \ha tlem kan neih lai hian, hawh u, Lalpa lam i hawi ang u khai! Enganga sual bawlhhlawh pawh ni mah ila, kan Lalpa tawk tura inpeih turin chhandamna hian min la nghak reng a, min sawm reng a ni.

            Khawvel dam chhung hausakna leh ropuinate chu a chakna te chawpa boral mai tur chauh a ni a, saruakin kan piang a, saruak vekin kan kir leh dawn a ni. Chuvang chuan tun huna kan tana pawimawh ber chhandamna chu changa, kan Lalpa tawk turin kan thlarau, rilru leh taksa i buatsaih ang u.

            Lalpan malsawm che u rawh se, Amen.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

            Mi thiamte chuan huaisenna hi chi hnihin an \hen a; pawnlam huaisenna leh chhungril lam huaisenna. Pawn lam huaisenna hi chuan hlawhtlinna  thlen \hin bawk mahse chhungrila lam huaisenna hian rah \ha  a chhuah duh zawk fo a ni.  Chhungril huaisenna chuan tumruhna te, \hahnemngaihna te, beisei a bo hnu pawh a beisei tlat na te, harsatna hmachhawn ngamna te, teirei peihna te hi a huam vek a ni. Khawvela mi ropui leh hlawhtling tam ber te hi chhungril lama mi huaisen mi tumruh harsatna tlanchhiatsan ve ngai lo te an ni fo \hin. Chuvangin eng harsatna pawh mihring kan nih chhung chuan kan nei ang,chung kan harsatna te chu hmachhawn ngam lo a tlanchhiatsan mai  lovin, huaisen taka lo hamchhawn hi mi puitling, mi huaisen ze dik tak chu a ni. Chhungril lam huaisenna hi hlawhtlinna kailawn pawimawh ber pakhat a ni a. Ram leh hnam hruaitu ni tur leh mi hlawhtling leh mi puitling ni tur chuan huaisen a ngai a, tlawm a hun a tlawm ngam, zawldawh a huna zawldawh ngam hi mi huaisen zia a ni a, mi dangte hnehna hmanraw \ha ber pawh inngaitlawm ngam khawpa huaisen hi a ni zawk a ni. He kan chhungril huaisenna nena kan nun kan hman zel chuan hlawhtlinna kan chang zel thei dawn a ni. 

ARTICLE

                        MI ROPUITE LOVE AFFAIRS   

            Mi tupawh hmangaihna tawng lo leh hmangaih nei lo kan awm àwm lo ve. Keini mi naràn mai pawh ni lovin khawvel huapa mi lâr leh ropuite hlei hlei hian asin lo kùrpui ni. Lungngaihna Ni awm lova Hmangaihna Ni (Valentines Day) a awm a\ang ringawt pawhin hmangaihna hian engtiang chiahin nge mihringte-ah bu a khuar kan hre thei ang.

            Khawvela mihring piang tawh zînga mi pamham bera sawi, Russian dictator Joseph Stalin-a pawh kha he hmangaihna hian a chiah zawr hneh teh asin! Heti taka a nunràwnga a pamham mai hi a nupui hmangaih em em, Catherine Svanidje-i’n a thihsan hma vâng a ni e an ti. Kum 1907-a a nupuiin a thihsan khan Stalin-a chuan, “Ka rilru ngaihtuahna lungtum ang maia khauh tinêm theitu awmchhun, ka hmangaih em em ka nupui ka chân a ni. Ka tâna he leilungina thil min pêk hlu ber a boral rualin ka mihringpuite ka hmangaihna leh khawngaihna zawng zawng a bo ta vek mai,” a ti hial a ni.

            Italy dictator, Benito Mussolini pawh kha nupui nei reng chunga hmangaih dang a neih avângin a buai viau asin. Amah avâng liau liauvin a nupui, Rachele leh a bialnu hmangaih em em, Petacci chu an inbauh chiam nia. A bialnu Petacci hnênah, “He khawvel ram zauvah hian nang lo chu innghahna tur ka nei lo,” tiin lehkha a thawn hial a. A nupui nen pawh an in\hen phah nghe nghe a ni. Khatih lai khan helna leh indona avângin Italy ram chu a chiri hle a, Mussolini dinhmun pawh a hlauhthàwnawm hle. Chuti chung pawh chuan Petacci chuan, “A bula ka awm lai chiah hi ka nun lai a ni,” tiin a dam chhûng hun tâwp chu a hmangaih bulah a hmang a. Mussolini an kahhlum dâwna a kalsan duh tlat loh avângin kahhlum a ni ve ta a ni.

            Adolf Hitler, khawvelin, ‘Hepa thinlungah hian hmangaihna chi fang khat pawh a awm lo ve,’ a tih hial pawh kha chutiang a lo ni bîk hauh lo ni ngei tur a ni, a kalna apiangah a awmpuinu, Geli thlalak a keng \hîn nia! Ngaihzâwng tam tak a nei a, mahse, hetih lai hian a bialnu pakhat, Eva Braun nena an tâwpna chu Mussolini-te pahnih tâwp dân nen a inang hle. Eva Braun nena an inngaihzàwn lai khan Hitler-a khan Unity Mitfold te, Winifred Wagner te, Leni Liefenstall-te a kawp reng tho va. Hemi a hriat avângin Eva rilru nâ chu intihhlum tumin pistol-in a inkâp a, vànneihthlâk takin a dam chhuak leh hlauh zâwk a ni. Chuti chung pawha mi dang a la kawp reng avângin intihhlum tumin damdawi a ei leh a, mahse, a thih hmain an chhanchhuak hman hlauh a ni. Hei hi a hriat rual rualin Hitler chu Eva an enkawlna clicnic chu panin a bulah, “Eva, ka va hloh teuh tehlul che em! Pathian hmingin hetiang hi ti tawh lul suh. I ai awh zo tumah an awm lo va, chân ngam tur chein ka huaisen tâwk lo a ni..” a ti hial a ni. A hnu, April ni 30, 1945 khan Hitler leh Eva Braun chu thi-a chhar an ni.

            Radium hmuchhuaktu, Nobel Prize pawh tum hnih ngawt dawng tawh,Marie Curie pawh kha a bàng bîk lo. |um khat phei chu, “He khawvelah hian ka tân khawvar a awm tawh lo,” a ti hial a ni. Kum 18 a nihin mi hausa chhûngkua, Szezuki inah a awm a, a awmna tlangval Casimir nen an inhmangaih ta a. Casimir chuan a nu leh pate hnênah neihah a dîl a, a nu leh pate chuan nungchang leh hmêla pawha mi iaiawm loh tak mah ni se, anni ang mi hausa chhûngkaw mo atan chuan Marie chu an lo sit deuh a ni ang, an remti ta lo va. A rilru a nat em avângin Marie chu chu in atangin a chhuak nghâl a, Soborne University-ah science zirin radioactivity a hmuhchhuah phah nghe nghe. Nobel Prize lo chhuah chhan pawh hmeichhe pakhat vâng niin an sawi.

            Billy Graham-a pawhin chu’ng chu a pumpelh bîk hauh lo. Lehkha a zir laiin a hmangaih em em chu a hmangaihzia lantîr nan mi dangte inpêk \hin aia mawi zâwk ‘Pangpar Special’ a lei a.

           

            Chu chu pêk a han tum nâk chuan a hmangaih chuan a lo la duh lo va, a ni thinrim chuan a pangpar special chu kawngsir tuihâwk luankawrah a paih a, a \                  hianpa Wendell chu hetiang hian lehkha a thawn nghâl a. ‘Ka tâna arsi mawina zawng zawng a bo ta! Nun hlimna tur ka nei ta lo!’ tiin. A thianpa chuan Rom 8:28 - Tin, Pathian hmangaihtu, amaha ruat anga a kohvate tan chuan, an \hatna turin engkimin a thawhsak hlawm thin tih kan hria’ tih hmangin a theih ang tâwkin hnêm mah se, awmzia a nei lo kher mai. Hun rei tak chhûng chu Billy-a’n a hringnun chu hrehawm takin a hmanphah a, a pianthar hnuin, “Nula emaw, khawvel thil eng thil mahin Pathian a hliah tur a ni lo; thil dang zawng aiin Amah ka thlang thawh zâwk ang,” tiin a chunga thil thleng chu a pawm thiam thei ta chauh a ni. Ni khat chu Boston khawpuiah crusade nei turin a kal a. Crusade buaipuitute a chibai kual den den laiin hmeichhe pakhat a hmu tlat mai! Hmána pangpar special pêk a tum ngeia kha. Chu veleh sawi tur hre lovin Billy-a chu chechâng lék lovin a ding ngawi reng a, a lungphute chu inthumrawn tlut tlutin a thlanfîm a tla, a a lu a hai muai muai thei hial a. Kum 12 kal taa amah hnâwltu a ni tih hriain a nupui, Ruth-i chuan chu nu chu a va hnaih a, a pasal kut vuan chungin, “Ka hmuh duhna a rei tawh asin. Pathian hnênah pasal duhthusàm ka neih theih nan ka \awng\ai \hîn a, nangman i lo hnâwl avângin ka dîl chu ka hmu ta a ni,” a ti a. Chuta chin a nupui nen a hma aia hlim zâwkin hun an hmang thei ta a ni.

            Alfred Nobel-a’n dynamite a siamchhuah a\angin sumdawng hausa leh industrialist ropui tak takte chuan be \hain sum tam tak an pe a, \hahnem fé chu a khâwl hman a ni. Nimahsela, tuman a private secretary nena an inngaihzàwn thu an hre lo va, an ring pha hek lo. Chu nu, Bertha-i chu nula fel tak niin \awng chi li lai a thiam a, Alfred-a nen an inhmangaih hle. Ni khat chu Alfred leh Bertha chu Sweden khawpui Stockholm-ah King Oscar-II hmu turin an zin a. Chuta lal fapa Arthur-a’n Bertha hmêl\hatna leh felna a’n hmuh chuan khaw dang a hawi thei ta lo! A duh em avângin kum 1876 June thla khan Arthur-a nupui ni turin Bertha chu an hruai ta a, Alfred-a tawrhna chu sawifiah thiam rual a ni lo. Chuti chung pawh chuan Arthur leh Bertha inneih hnu kum 11 chhûng chu hmangaih lehkhathawn an inthawn reng tho va. A hnua a pasal nena Vienna an thlen \umin Alfred chuan pâ takin a lo mikhual a. An inhmuh veleh Bertha chuan, “He i dynamite hmuhchhuah hi râlthuam atana hmang lovin khawvel hmasàwn zêl theih nan a hman theih ang em?” tiin a zâwt a. Chu zawhna chu Alfred chuan a chhâng a ni ngei ang, kum 1893 January ni khat khan Bertha hnênah lehkha thawnin, a sum neih eng emaw zât chu khawvel hmasàwnna leh râlmuanna atana thawkte hnêna pêk a tum thu a ziak a, kum hnih hnuah a intiamna ang ngeiin khawvela chawimawina sáng ber, Nobel Prize chu pêkchhuah \an a ni ta a ni. Bertha-i’n pasal a neihsan hnuin Alfred leh Vienna-a bank nghâktu,Sofie Hess nen an inngaizâwng leh a, he nu hi hmangaih lehkhathawn 216 ngawt a thawn hman! Hmangaihna tak hi chu aw..!!

                       

BENG TIVÂR

QUIZ

JOHANA BUNG 16 -20

A kâr âwl dah khat rawh :

Q1.  Tunah erawh zawng mi ___________ hnenah ka kal dawn a ni; nangniho tuman, ‘Khawiah nge i kal dawn?’ tiin mi zawt si lo.

Q2.  Aw ka Pa, khawvel awm hmaa i hnena mawina ka neih khan, tunah nangma hnen ngeiah mi _____________rawh.

Q3. ______________, “Mi zawng zawng aia mi pakhat thih a tha,” tia Judate rawtpuitu kha a ni.

Q4. Tin, ______________, atira zana a hnena lo kal kha, murra leh aloe inpawlh sa buk sawmnga lai sinin a lo kal ve a.

Q5. Tin, Isuan zirtirte hmaah chuan ________________ dang tam tak a ti teuh va, chung chu he lehkhabuah hian ziak a ni lo;

A bung leh châng dah rawh :

Q1. Pa-in thil a neih zawng zawng ka ta a ni; chuvang, ‘Ka taa mi a la ang a, in hnenah a hriattir ang che u,’ ka tih hi.

Bung: ...............          Chang: ....................

Q2.  “Henghote tan chauh hian ngensak ka ni lo, an thu avanga kei mi la ring turte tan pawh ngensak ka ni bawk e;

Bung: ................         Chang: ....................

Q3. Chutichuan Pilata chu a inah a lut leh a, Isua a ko va, a hnenah, “Judate lal i ni em?” a ti a.

Bung: ................         Chang: ....................

Q4. Tin, Pilatan lehkha a ziak a, kraws ler lamah a bel a. ‘Nazareth Isua Judate Lal,’ tiin a ziak a ni.

Bung: ................         Chang: ....................

Q5.  Isuan a hnenah, “Nang chuan mi hmuh avangin i ring a ni; hmu lova ring apiang te chu an eng a thawl e,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ RESULT

Chhanna lut zawng zawng : 1

Chhang dik vek                       : 1

Lawmman dawngtu: Pi Remsangpuii (T.Sec)

            Sudoku/Bible Quiz chh^nna leh lâwmman hi Circulation Manager Tv.Lalrinawma Sailo emaw Nl.C. Zosangliani hnenah thehluh a, lam \hin tur a ni.

LAWMTHU SAWINA

            Kan pa Sanglura damloh leh thih thu ah lawmthu sawina tur tam tak kan nei a. Kohhran hrang hrang leh mimal a\angin \awng\aina leh thilpek chi hrang hrang kan dawng reng a. In chungah lawmthu kan sawi tak meuh meuh a ni. Chhiat kan tawk a ni tih hriain YMA nula/tlangval, nu leh pa in a \ul ang apiang min buaipui nghal a. In tha leh zung, sum leh pai leh in hun hlu tak senga min \anpuia min buaipuina zawng zawngah lawmthu kan sawi tak meuh meuh a ni. Kan chungah in \hatna zawng zawng hi keini chhung chuan engtikah mah kan rul seng dawn lo che u a, Lalpa’n a let tam takin malsawmna in vur che u rawh se tih hi kan \awng\aina a ni a.       

In khawngaihna dawngtu

Pi Zosangi leh a fate

Chawngbawla Section

APUIA MEMORIAL ELEPHANT FOUR FOOTBALL TOURNAMENT

# Organised by: Vanapa Section, YMA Saikhamakawn Branch.

#A hmun: Saikhamakawn Volleyball Court.

# Entry Fee: `500/-

# Last Date: 12thApril, 2016 (Chawhma)

# Starts from: 14thApril, 2016

# 1st prize: `10000/-

# 2nd prize: `3000/-

# Quarterfinal a\angin Top Scorer thlan a ni ang.

# Entry Fee pekna tur: LR Enterprise (Pu R.Zohmingliana Inhnuai)

            "Mi chaklote an kalkawnga daltu lungchang tak chu mi chakte tan an kalkawnga rahbi pawimawh ber a ni thin,"

-Thomas Carlyle.

     "Kan chaklohna lai ber chu kan beidawng leh mai thin hi ani a.

     Hlawhtlinna kawng pawimawh ber chu vawi khat chiah tih nawn leh thin hi a ni."

-Thomas edition.

NGENNA

            Pu C. Vankhuma te huan a Bethel-na hmun (Hmun Thianghlim) siamah \awng\ai tur ni lem lo, thlai tuipekna pipe lo khawih \hin kan awm ni a hriat a ni a. Khawthlang mipuiten helai hmun hi thianghlim taka min enkawl pui turin leh nungcha reng reng pawh helai hmunah hian tina lo turin kan inngen a ni.

            Bethel-na hmun hi tu ta mah a ni bik lo a, a duh apiang ten \awng\aia Pathian an pawlna hmun atana siam a ni. Thianghlim tak leh zahtlak a hman i tum \heuh ang u.

Sd/- (C.VANLALHRUAIA)

Secretary

Moria Group

 

CHATUAN RAMAH

            Upa R.Sanglura (85) chuan ni 6.3.2016 (Nilaini) khan natna awm tawh lohna hmun chatuan ram min lo pan san ta a. Mipui Aw Editorial Board-te chuan kan tawrhpuiin a kalsan tak a chhungte Lalpa’n vengin awmpuiin thlamuan zel rawh se tih hi kan \awng\aina a ni e.

HRIATTIRNA

            Ni 4.4.2016 (Thawh\anni) a\anga kan veng chhunga Aizawl Municipal Corporation in  Property Tax chungchanga survey an rawn neih tur, hriattirna kan chhuah kha, A.M.C lam te remchan lohna avangin an rawn kal thei lo a, in mi hriatthiamna kan dil a. Naktuk ni 11.4.2016 (Thawh\anni) a\ang hian kan veng chhungah survey rawn \an an tum a, In hmun LSC neite chuan Xerox Copy lo nei turin kan inhriattir a ni e. Vengchhung mipuite hriat theih turin Information Mike ah puantir leh a ni bawk ang.

Sd/- (R.BIAKTHANSANGA)

Secretary

Local Council, Saikhamakawn

TIAM TLAT  E TI DAWN

            J. Zoramsangi d/o J. Saithantluanga, Saikhamakawn leh Saitluanga s/o Hrangzamlova Sailo, Bungkawn Vengthar te chuan ni 13.4.2016 (Nilaini), dar 2:00 pm hian Bungkawn Vengthar Kohhran Hall ah “Tiam Tlat e” ti dawn. Nupa inlungrual taka fanau maltluan chawia damchhunga lengdun turin Mipui Aw Editorial Board te chuan duhsakna sang ber kan hlan e.        

TUALCHHÛNG

, Pu Laltlawmlova h/o Lalruatsangi (Ch.Sec) chu damlohna avangin Aizawl Hospital ah enkawl mek a ni.

, Pu K.Lalremruata h/o Pi Lalmuanpuii  (V.Sec) te chuan fapa duhawm tak an nei thar.

,       Pu R. Lallura h/o Pi Tlanglawmi (T.Sec) te chuan chhungkaw mamawh a hman atan Scooty (Facino) thar an lei. 

ADMISSION NOTICE

            Biakliana Memorial Higher Secondary School opens admission for Class IX, X, XI &XII (Arts) for the Academic Session of 2016-2017.

Main Features:

# Well qualified and experienced faculty.

#  Hostel Facility

#  Personal care and special attention.

#  Moral and ethical teaching

# Spoken English Curriculum activities

#  Pollution free, pleasant and conducive environment

Admission fee:             FREE 

For Further inquiry and admission,

Contact: 1) 9862356886

             2)  9612705023

Sd/-Principal

Biakliana Memorial Higher

 Secondary School, Kulikawn, Aizawl 

VAWK NOTE LEIDUH TAN

            Vawk note \ha tak tak lei tur kan nei leh ta e.

In \hian Julie

Vanapa Section (CP Road)

Mb: 9414012239/9612460967

Zanin BPL inkhel turte:

Sunderland Vs Leicester City (6:00)

Liverpool Vs Stoke City (8:30)

Tootenham Hotspur Vs Mamchester United (8:30)

I-League

Sporting Club De Goa Vs Shillong Lajong (4:30)

Bengaluru FC Vs East Bengal Club

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

MIPUI AW: 3.4.2016

MIPUI AW

KARTIN CHHUAK

Vol. XXII Issue No. 14 Kristian Thalai  Pawl  Saikhamakawn Branch  Pathianni Dt.3.4.2016

Vawiin   changvawn

            Vawiin   changvawn

            Tichuan, ka kut chhuak zawng zawngte leh ka thawhrimnaa ka thiltih zawng zawngte ka han en hian, ngai teh, thil zawng zawng hi engmah lo leh thil lothlawn mai a lo ni a, ni hnuaiah hian hlawkna rêng rêng alo awm lo ve! (Thuhriltu 2:11)

 KOHHRAN PROGRAMME:

3.4.2016 (Pathianni)

Chawhma Inkhawm

|antu              : Pi Ropari

Zirlai 12-na    : “Pathian Thlarau leh Zawlnei der te”

Chawhnu Inkhawm

Thuhriltu: Upa R. Lalngena

                                                            Zân inkhawm

                                                Thuhriltu: Upa Zairemthanga

           

Thawh\an zan hi Harhna thlen zan a ni a, Kohhran in Programme a neih dawn avangin a hranpa in K|P Programme a awm lo ang.

KOHHRAN HMEICHHE INKHAWM PROGRAMME

Ni 5.4.2016 (Thawhlehni Z^n)

Ramthim Zin

A hmun       :  Biak In Vestry

Hruaitu       :  Pi Zonunsiami

|antu           : Pi Zochhingpuii          

SERMON

KAN LAMA TANG PATHIAN

 “Chung thuah chuan engnge kan sawi ang le? Pathian kan lama a \an chuan tuin nge min do thei ang ? Ama Fapa ngei pawh zuah lova kan za a aia petu chuan, thil zawng zawng pawh a thlawnin min pe tel lovang em ni ?” (Rom 8:31-32)

             ‘Lam\ang’ tih \awngkam awmzia chu sawifiah ngai lovin kan hre fur awm e. Kan lam\ang reng rengin kan tan a chhia leh \halo tur an ti ngailo. Inkhelhna hmunah emaw hnathawhna,indona  hmunah te pawh a ni ang. Kan Pathian thua kan hmuh ang khian lei leh van siamtu, a chunga thu neitu Pathian hi kan lam\ang a ni tlat mai. Khawvel zauzia te, khawvel aia lian planet dang tam zia te, ni leh thla len zia te, chung aia lian, Sap ho in a “heavenly bodies” an tih ang chi tam zia leh len zia te hi sawi vek sen a ni lo. Chung zawng zawng siamtu Pathian chuan kan lam a \an a duh tlat mai nia mawle. Chu kan Pathian chu kan lama a tan chuan han ngaihtuah vang vang pawh hian min han do thei tur awmang hi an vang viau ang. Kan lama tan mai a duhtawk hleinem. Ama Fapa ngei pawh kan tan min pe phal a, chu chuan “Thil zawng zawng pawh a thlawnin minpe tel loving em ni ?” kan Bible chuan a la ti leh zel.

            Thil zawng zawng han tih hian a huam zau hle. Chung khawvela kan thil ngaihhlut ang chi zawng zawng pawh hi a  huam vek a, chungte chu kan lam\ang Pathian chuan a thlawnin min pe tel vek dawn a lo ni. Amaherawhchu keimahni lam hi Pathian lamah kan \ang ve em tih erawh hi chu ngaihtuah ngun a ngai viau thung lawi si. A thlawna thil kan neih theih zawng zawng hi Lalpa hian a lama kan \an ve loh chuan min reh bun sak chin a nei ngei ang tih te pawh kan hriat tel tho a tha awm e. Lal Isua ngeiin Johana 16:33 ah “Khawvelah hian hrehawmin in awm thin. Nimahsela thlamuang takin awm rawh u, keiin khawvel ka ngam ta” a ti a, keini mihringte chu engthilah pawh chi ai lo turin min duh a ni. “Ka Pathian ,Ka Pathian engah nge min kalsan” titu Kros lera mangang tak a au Lal Isua ngei pawh hi a Pathian hian a kalsan hlen loh zia kan hria. Kan sual zawng zawng phur turin Kraws ah khan a Pa, Pathian in a tuar a phal a, a hlan vang mai zawk a ni. Ni thum niah a tho leh a, a thawh leh hnu pawhin Pathian hruaina nasa tak a dawng a. Pilat’an “Lal Messia” amah aia lo awm tur chhui chiang tura a tih, sipai hotu rintlak bera a ngaih Clavius-a ngei pawhin Pathian hnathawh nasa takin a chang a, Lal Isua man tura an ngaih khan Isua man tumtu dangte Rom sipai ho lak ata Isua kha hum in a lamah a tang ta daih nghe nghe a. Ziak \henkhatah chuan Clavius-a hian Isua van a hruai chhoh a nih theihna tur hian Amah man tum tute lakah a hum a, Van a hruai chhoh a a awm thleng hian Isua bulah awmin, a vengtu ah a \ang hial a ni. A ropui hle mai. 

Krista chakna rinchhan thiam apiang chu an dingchang anga, tin, Kristian nun a a pawimawh ber leh a kipui ber a ni bawk. Pathian kan rinchhan a, kan lama a \an chuan na reng si a damna, chaklo hle chung si a chakna, thiltithei hauh silova thiltihtheihna a ni a. Chu nun chu khawvel hnehna, sual hnehna, Setana hnehna, natna leh thihna hnehna a ni zawk si a.

                                                     

EDITORIAL  BOARD

Editor :                                               

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........

                                    Thil reng reng hi thlir dan leh teh dan a zira dik leh dik lo, \ha leh \ha lo, sual leh fel a ni tlangpui a. |henkhat chhui dan leh thlir dan a\anga dik leh \ha kha midang tan chuan dik lo leh thil tih harsatu a lo ni ve leh thei a. Kan khaikhin dan te, kan hriat dan te, kan lo tawn tawh dan a zir tein kan thil th;ir a inang vek thei \hin lo a ni. Pathain thu pawh hi mi malin a lo tawnhriat a\angin a fiah deuh ber a. Sual khur thuk tak a\anga chhandamna changtu tan chuan Pathian hmangaihna leh zahngaihna a langsar a; sual th<k taka tlu lut lem lo tan chuan Pathian thianghlimna a langsar a. Kan dinhmun a\ang zel hian Pathian thu kan pawm dan leh sawi dan pawh hi a lo danglam \hin a ni. Thil kan thlir dan leh kalpui dan te hi a dik leh dik loh, a him leh him loh ring tuten kan tehna tur tehkhawng chu Pathian thu Bible a\angin a ni a. Chubakah Kohhranin a kalpui dan pawh hi tehfungah kan hmang tel bawk tur a ni. Heta \anga kan thlir phawt hi chuan kal sual a harsa a, a pen bo theih loh ang. Kan Kohhran kal danah leh enkawl danah hian Kohhranin a lo tawn tawh a\anga inzirtirin fimkhur leh uluk takin mi a enkawl a. Mi mal thu a lal ber lo a, hei vang hian kan kohhran hi a nghet a, a ziktluak nge nge \hin a ni.

            In hotu, Pathian thu lo hrilhtute che u chu hre reng ula, an awm dana thil chhuak chu ngaihtuahin an rin dan zir rawh u.(Hebrai 13:7)

  

ARTICLE

GENESIS LEH SCIENCE

Thlahtu thuhmun a\angin engtinnge mi inang lo tak tak leh vun rawng danglam tak tak an lo pian theih?

            Thlahtu thuhmun (Adama or Nova) a\anga mi chi hrang hrang, pian zia leh vun rawng inang lo tak tak an lo awm theih dan hi tunlai science thiamna hian a hrechhuak tawh a. Unau chh<l khat kual a\ang pawhin pianzia leh mize hrang hrang nei an lo chhuak thei a nih chuan chi inthlahna lam chanchin zirna ( genetics/heredity) a\angin hunrei vak lo chhung pawha mi inanglo tak tak an lo pianchhuah theih dan hi mithiamte pawhin an hre fiah tial tial a.               

            Pianhmang inang lo rau rau zingah vun rawng inan lohna hi a langsar deuh ber a, chhui zui bik ila. Scientist te sawi danin vun rawng hrang hrang hi awm mahsela, vun rawng siamtu (pigment) hi chi khat chauh a awm a, chu chu ‘melanin’ an ti. Chu melanin chu rawng buang lam a ni a, mitinin kan nei vek a. Taksain melanin a tihchhuah tlem chuan Sap anga mingo a nih theih a, vunin melanin a tihchhuah hnem viau chuan Negro ang maia h^ng a nih theih bawk. Chumi rawng var leh dum inkarah chuan midang, vun eng te, vun sen te, vun buang te hi chu kan awm vek a ni.

            Heng vun rawng siamtu hi kan vunah hian a awm sa vek avangin melanin ngo bik emaw, melanin h^ng bik emaw a awm chuang lo, a insem rual danin a zir zawk. Taksa pawn lam (vun) hi nisain a em tam leh tam loh a thuin melanin a insiam hnemin a insiam tlem thi bawk. Hei vang hian pangti ni eng hmu lam chu a hang bik deuh zel a ni. Hei hian ram luma chengte leh ram vawta chengte in h^n hleih dan engemaw chen a hrilhfiah ve bawk.

            Mi dum leh mingo inkara fa lo paing chuan vun ngo si lo, hang si lo, vun rawng buang ‘mulatto’ an nei tlangpui. Chutiang mi buang mulatto a\ang chuan mi ngo deuh emaw, mi hang deuh emaw, a eng vun rawng nei pawhin a lo piang thei tlat. Mithiamte chhut danin mih^ngin mih^ng ngawr ngawr laka fa an neihin emaw, mi ngo in mi ngo lakah chauh chi an thlah chuan an h^ng reng mai emaw, an ngo reng mai emaw a ni mai a; mahse mahse thlahpawhlh (mibuang) ang chi nupa a\ang erawh chuan chhuan khat chhung lek pawhin  vun rawng chi dang dang nei mi chi hrang hrang an lo paing chhuak thei tlat thung a ni. 

            Hetiang Science thiamna hmanga chi inthlah chhoh dan chhuina (genetics) leh vun rawng melanin insiam dan hmang zirna a\ang hian Nova thlahte a\ang mi chi hrang hrang leh vun rawng hrang hrang nei an lo chhuah theih dan chu a chhut zui theih tawh ang chu. Tun lai mi vun buang, ngo si lo hang si lo, ‘mid-brown’ kan tih ang hi Adama leh Evi te, Nova leh a fate pawh kha an lo ni ve reng thei bawk. Eng vun rawng nge an put tih chu hre thei tawh lo mah ila, vun rawng chi hrang hrang siam thei melanin chu keini ang bawk hian an vuanh khan a awm ve ngei ang tih chu rinhlelh tur a awm lo ang. Dik takin tunlai khawvel mihring tam zawk hi chutianga vun buang ang chu kan ni a. Tuil>t a\anga Babel inkar huna \awng khat chauh hmanga an la awm khawm chhung kha chuan an inneih pawlh vek thei ang a, chutih chhung chuan vun rawng inang lo lutuk awm thei tur a veng thei ang. Mahse Babel hmuna an \awng te tihhran a nih a, an in\hen darh hnuah chuan an awmna boruak awm dan ang zelin an vun rawng te pawh a lo dang hret hret thei a; chubakah a chi bing leh hnam bing te karah chauh an inneih pawlh chuan, hnam dang lakah chuan an vun rawng chauh ni lo in, an khawsa zia leh chet dan pawh a lo danglam thei hle dawn a ni tih hi mihring inthlahchhawn dan a\ang chauh lo pawh, rannung awm dan \ang pawh hian a chiang khawp mai. Tunlai khawvel hi chu a zim ta a, inkalpawhna a \hat tak em avangin mingo leh mih^ng inkarah te, mi buang leh vun sen inkarah te, vun eng leh vun ngo inkarah te inlakhranna a nep tial tial a, kan inthlahpawlh nuai nuai tawh bawk si a; hetianga kan kal chhoh zel chuan tumah ngo bik leh h^ng bik awm lo in, a tira kan thlahtu bulte vun rawng ang kha kan la pu leh thei hial mai awm e.                

      

           

               

BENG TIVÂR

BARBARIAN

            Film velah te kan hmu chamchi a, ‘Conan the Barbarian’ ti te leh a dang tam tak kan hmu a. An che bawn in an che pa thei em em. An rawva em em tih kan hre \heuh. Heng Barbarians kan tih te hi tute nge, khawi lam a\anga rawn kal nge, engmi nge an nih tih lampang hi in sawi dawn teh ang . Dictionary ah chuan Barbarians tih chu hnam mawl, mi finglo ho a ti mauh mai. Mahse an lo ni reng em?

            Hmasang Greek ho chuan Greek nilo tawh phawt chu Barbarians an lo ti vek mai a. Vikings, Goths leh Huns ho te kha Barbarians an tih ho te chu an ni. Heti hunlai hian Greek ho te hi an indah chungnung em em mai a. Politics, sipai leh culture ah te an indah chungnung larh a, an khawpui Athens ah chuan sal an man tam tak an awm a, chung ho chu Barbarians an ti mai \hin. Romans ho chuan Barbarians ho chu khaw chhungah pawh khawsalo a daipawn vel a khawsa mihring ang pawh nilo ramsa ang mai, khawifin theihloh an ni e an lo ti bawk.

            Goths ho hi hmasanga German hnam pakhat an ni a, 470 AD ah khan Rom lal ram lakah an hel a. Roman Empire chu an ti tlu a, chuta \ang chuan a ni ‘Dark Ages’ an tih tak lo in\anna chu. Rom sawrkar a tluk tak avang leh Goths ‘Barbarians’ ho kutah engkim a awm tak vek avangin heng hun lai hian ziaka thil chhinchhiah engmah a awm lo a, science leh culture ah engmah hmasawnna a awmloh avangin Dark Ages an ti ta a ni.

            Huns ho ve thung hi hmasang Asia a hnam mawl leh nunrawng tak Europe r<n tu te an ni. Rugila hun lai hian Rom ram chhaklam chu a run a, a la a ni. An lal Rugila chu 433 AD khan a thi a, a thih dawn hian a vah te pahnih Attila leh Breda te hnenah a lal ram chu a pe a. Huns ho chuan lal pahnih an nei ta a ni. ‘Attila the Hun’ lar tak mai hi 406 AD ah a piang a, kum 12 a nih in Rom hovin an man a, Romans ho court ah an hruai a, Lal a nih hnu a Rom ho laka phuba a lakna chu a ni a lar pui tak chu. “Attila the hun”, hi a bawnra in a lar hle mai a. Pathian in mihring te an diklohna a hrem tu tur atana ruat bik ni angin a inchhal a, a unaupa Breda chu a thah hnuah Europe ram laili lam ah a lalram a zauh ta zel a. A che na thei bawk a, a khawpui lak apiang a hal chhe vek zel a, an mipa te salah a man a, hmeichhia te chu a hmel\ha deuh a bula awm atan a man a, tar te chu a that hmiah hmiah zel. Pope meuh pawh in Rome chu tichhe lo hram turin a ngen hial a ni.

            Attilia hun lai hian Rom sawrkar chuan a hlauhtlawn a ni ringawt mai a, a hnenah hian tlawn nan kumtin chhiah tam tak an chawi \hin a ni. Huns ho hi hnam vakvai ‘nomadic tribes’ in leh lo leh ram neilo, Mongolia a\anga rawn chawr chhuak an ni a. Mizo te nen hian bul thuhmun Mongoloids race kan ni. Vikings ho ve thung hi chu kum zabi 8 - 11 inkar vel a Scandinavia ram (Denmark, Norway, Sweeden, Iceland, Faeroes leh Finland) tuipui vela chetla, mi chak leh rorum, huaisen, suamhmang ho an ni. British thliarkar York leh Dublin vel ah an inkulh \hin. Anni hi chuan ram awp vel an ti ve vak lo a, khua an run pawn an thil hlu te an la nghek a ni tlangpui. An thlenna chin ram apiang in an hlau hle zel. Heng ho kan sawi tak ho te hi an ni Barhbarians ho ti a kan hriat lar tak em em ho chu an ni.

BIBLE QUIZ

JOHANA BUNG 11-15

A kâr âwl dah khat rawh :

Q1. A ta zawng zawng a chhuahtir veleh, an hma a hruai a, __________ chuan amah an zui \hin a, a aw an hre si a.

Q2. Bethani khua chu ______________ khaw kiang a ni a, fing sawm leh fing nga laia hla a ni;

Q3. Philipa chuan Andria a rawn hrilh a; tin, Andria leh Philipa chuan _____________ an rawn hrilh a.

Q4. Tin, Pa ka dil ang a, ani chuan ______________dang a pe ang che u, chatuana in hnena awm turin;

Q5. He mi avangin ka Pa chu chawimawiin a awm thin, tam taka in rah hian; chutichuan ka _______________ in ni ang.

A bung leh châng dah rawh :

Q1. Tin, Thoma, Phira an tih chuan a zirpuihote hnenah, “A thihnaa thi ve turin i kal ve ang u,” a ti a.

Bung: ...............          Chang: ....................

Q2. Chutichuan Pharisaite chuan, “Hre rawh u, engmah in tih theih loh hi; en rawh u,khawvelin amah an zui tak hi,” an ti a.

Bung: ................         Chang: ....................

Q3. Tin, maihunah tui a bun a, zirtirte ke a sil ta a, inhrukna puan a ven chuan an hru zel a.

Bung: ................         Chang: ....................

Q4. Tunah a lo thlen hma hianka hrilh tawh che u hi, a lo thlen huna in rin nan.

Bung: ................         Chang: ....................

Q5.  “Khawvelin a huat che u chuan, a huat hma che u pawhin keimah mi hua tih in hria e.

Bung: ................         Chang: ....................

Hming : ......................................................

Section : .....................................................

SUDOKU RESULT

Chhanna lut zawng zawng : 1

Chhang dik vek               : 1

                        Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, ti dik vekin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat:

Lawmman dawngtu:  

KOHHRAN PAVALAI PROGRAMME

Ni 7.4.2016 (Ningani)

Chairman   :  Pu F. Lalrinpuia

|antu           : Pu Kamzawngliana

Thuhriltu    : Pu T.K Manga

Khuangpu   : Pu Lalthanliana Ngente leh Pu C.Zakhumka

Thilpek Lakhawmtu: Pu Sangmawia

ADMISSION NOTICE

            Presbyterian Bible School, Mission Vengah Certificate in Theology (C.Th) admission hawn a ni a. Dil duhte tan a hnuaia tarlan hi hriattur a ni e.

1) Admission Form Office hun chhungin R`10/- a lei theih a ni.

2) DilhunchhunngApril 29, 2016 (Zirtawpni) tlai dar 3:00 thleng hawn a ni.

3) Dil thei chin: Class VII passed, kum 16 chin, Kohhran dan chhunga awm.

4) Interview: May 3, 2016 (Thawhlehni), dar 10:00 am.

5) Class\an hun: May 5, 2016 (Ningani)

6) Zir hun chhung: May-August, 2016

            Hrechiang duh tan PhoneNo:2317343/2325082 9436198231 ah zawh theih a ni.

Sd/-(REV. LALNEIHVURA)

Principal

Presbyterian Bible School

ZUNTHLUM VEITE TAN

            Saikhamakawn huam chhunga Zunthlum vei te Mizoram Diabetic Society a member ni duh zawng zawng te chuan Pu R.Lalkhuma hnenah a hnuaia mi ang hian a rang lama fee pein member a nih theih e.

1) Membership for lifetime: `100/-

2) Edowment fund for1 year: `100/

3) I.D Card man tur: `100/-

Total:  R` 300/-

            Tin Passport size thlalak copy khat thehluh tel nghal tur a ni e. Member ni tawh tan kum tin a General Conference hun chauh a Endowment Fund pek theih \hin pawh kha a chunga mi hnenah khian a pek theih tawh e. Endowment Fund hi kumtin pek \hin tur a ni a, a pek loh kuma a lo boral palh chuan Society hming ang chuan a ral theih lo ang.

PENIEL GIRLS’ HOSTEL

            Chaltlang, Salem Veng

      Admission hawn a ni leh ta e.

* Kum 8 experience kan nei tawh e.

* Teaching Experience nei ten kan enkawl e.

* Zirlaite uluk leh Strict taka enkawlna hmun a ni.

* Govt. Chaltlang H.S.S. bul lawkah kan awm e.

Contact:          9862506922

                        9862809037

ADMISSION NOTICE

            Christian Medical College (CMC), Ludhiana ah 2016-2017 Session atan hengah te hian admission hawn a ni:

1. Form A: MBBS leh Form B- 1) BDS, 2) B.Sc (Nursing).

            Dilna hi mahniin Online-a apply tur a ni. Henga diltute tan hian Synod Sponshorship dil theih a ni a, a hnuaia hming ziak hnenah hian dilna plain paper a ziakin April 20, 2016 thleng General Office, Synod Hospital, Durtlangah thehluh theih a ni. Dilnaah hian Kohhran lehkha thil telin, Application Number leh Bio-data tel tur a ni.

            A hrechaing duh tan Phone No: 0389-2361122 ah zawhfiah theih a ni e.

HRIATTIRNA

            Ni 4.4.2016 (Thawh\anni) a\ang hian Property Tax chungchangah Aizawl Municipal  Corporation in Survey a rawn nei dawn a,   vengchhungah  In tinah an rawn kal dawn a, chhung tinte lo awm tura ngen leh hriattir kan ni e. L.S.C Xerox copy lo inrin vek tur a ni e.

Sd/-(R.BIAKTHANSANGA)

Secretary

Local Council, Saikhamakawn

CHATUAN RAMAH

            Lalvenhima (28) chuan ni 28.3.2016 (Thawh\anni) khan natna awm tawh lohna hmun chatuan ram min lo pan san ta a. Mipui Aw Editorial Board-te chuan kan tawrhpuiin a kalsan tak a chhungte Lalpa’n vengin awmpuiin thlamuan zel rawh se tih hi kan \awng\aina a ni e.

HRIATTIRHNA

            YMA Community Hall a hman leh theih tawh a, a hmang tu ten dim thiam ila, Hall compound tihnawk lo hram turin kan inngen a ni. Inkhel \hin ten fee a hun taka pe turin kan inhriattir a, tin, Thlanmual area Middle School thlangah bawlhhlawh paih \hin kan awm a, helai hmunah hian bawlhhlawh paih tawh lo turin kan inhriattir bawk a ni e.

Sd/-(C.LALDAWNGLIANA)

Secretary

YMA Saikhamakawn Branch

 HRIATTIRNA

            Ni 7.4.2016 (Thursday) hian Urban Primary Health Centre , Hlimenah Zunthlum leh BP a thlawnina entir theih e.

  

                 

TUALCHHÛNG

, Pu Laltlawmlova h/o Lalruatsangi (Ch.Sec) chu damlohna avangin Aizawl Hospital ah enkawl mek a ni.

, Pu Zosangliana h/o Pi Sangawii (T.Sec) chu Synod Hospital a zai a nih hnuin a lo chhuak.

, Pi Sangchhingpuii w/o pu C.Lalrinsanga (T.Sec) chu Falkawn Hospital a zai a nih hnuin a lo chhuak.

, Pi Lalmuanpuii w/o Pu K.Lalremruata (V.Sec) chu damlohna avanga Falkawn Hospital a enkawl a nih hnuin a lo chhuak.

LAWMTHU SAWINA

            Kan fapa Lalvenhima’n ni 29.3.2016(Thawh\anni) a min boral san chungchangah veng chhung mipuite min lainat a min buaipuitu te zawng zawng chungah lawmthu kan sawi a, veng chhung nu leh pa leh \halaite, kan buaipui ngai lo leh a \ul leh engkim min buaipuisak tu leh min khawngaiha min lainattu zawng zawng te chungah lawmthu kan sawi tak meuh meuh a ni. Min khawngaihna kan dawn zawng zawngte keini chuan kan rul seng dawn lo che u a, Lalpa’n a let tam takin r<l che u rawh se tih hi kan \awng\aina a ni e.

In khawngaihna dawngtu

Pu Roliana te chhungkua

Taitesena Section

 ADMISSION NOTICE

            Biakliana Memorial Higher Secondary School opens admission for Class IX, X, XI &XII (Arts) for the Academic Session of 2016-2017.

Main Features:

# Well qualified and experienced faculty.

#  Hostel Facility

#  Personal care and special attention.

#  Moral and ethical teaching

# Spoken English Curriculum activities

#  Pollution free, pleasant and conducive environment

Admission fee:             FREE  

For Further inquiry and admission,

Contact: 1) 9862356886

             2)  9612705023

Sd/-Principal

Biakliana Memorial Higher

 Secondary School, Kulikawn, Aizawl

    

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350