Mipui Aw 14.2.2016

MIPUI AW

KARTIN CHHUAK

Vol. XXII Issue No. 7 Kristian Thalai  Pawl  Saikhamakawn Branch  Pathianni Dt.14.2.2016

Vawiin changvawn

            Ka lo kal thuai dawn e; tuman i lallukhum chu an laksak loh nan che i thil  neih sa kha vawng tlat rawh.

                                    Thupuan 3:11

KOHHRAN PROGRAMME:

14.2.2016 (Pathianni)

Chawhma Inkhawm

|antu              : Pu C. Lalchhuansanga

Zirlai 6-na      : “Pathian Thlarau                                             leh Roreltute”

Chawhnu Inkhawm

Thuhriltu: Upa Zairemthanga

                        Zân inkhawm

            Thuhriltu: Pu Siamliana

K|P INKHAWM PROGRAMME

15.2.2016 (Thawh\anni Z^n) Sermon

Hruaitu           : Nl.CVL Biakzuali

|antu              : Tv. Lalhriatpuia

Thuhriltu       : Pu C. Lalnunsanga

Thilpek lakh- : Nl Lalsawmliani

awmtute           leh Nl Lalmalsawmi

Zai hruaitute  : Nl. C. Zosangliani

(16-30Nov.)       leh Tv. C. Lallawmawma

Key Boardist  : Pu Lalchhandama

KOHHRAN HMEICHHE INKHAWM PROGRAMME

16.2.2016 (Thawhlehni Z^n)

Hruaitu           : Pi Khawlvuani

|antu              : Pi Lalramliani

Thuhriltu       : Pi Lalhmangaihi

KOHHRAN PAVALAI

PROGRAMME

18.2.2016(Ningani Zan)

Hruaitu: Pu Siamliana

|antu: Pu Sangmawia

Thuhriltu: Pu F. Lalrinpuia

SERMON

DILNA DIK

            Lal Solomona kha Pathianin “eng nge ka pek ang che min dil rawh” a ti a,  Solomona chuan Pathian hnenah chuan amite ro a rel sak theihna tur atan Finna leh Hriatna a dil a. Solomona thil diL hian Pathian lung a tiawi hle a niang, Pathian chuan “hetiang rilru i put a, sum leh pai te, hausakna te, chawimawina te, nangmah hawtu che nunna leh dam reina te dil lova, an chunga lala ka siamna che ka mite ro i rel sak theihna tur a finna leh hriatnate mi dil zawk avangin, finna leh hriatna chu pek i ni tawh e; i hmaa lalte pawhin an la neih ngai loh, i hnu pawha an neih hauh loh tur sum leh pai te, hausakna te, chawimawinate ka pe bawk ang che,” a ti. Solomona aia thil dil kawnga hlawhtling leh a dil loh thleng thleng a bonus hmu tha hi an awm kher awm love. Finna leh hriatna thinlung dil mai kha a ni a, a dil bak a dawn belh hi lal dangte pawhin an neih ngai reng reng loh tur khawp sum leh pai leh hausaknate, chawimawinate a ni rup mai. Pathian hi a miten a duh anga an awm chuan malsawmnaa vur bawrh bawrh chak em em thintu Pathian a nihna a lang. He Pathian Solomona vurtu Pathian hi kan Pathian hi a la ni reng. Chuvangin a hnenah hian eng nge kan dil a, eng nge kan thlen thin tih hi kan ngaihtuah ngun a ngai khawp mai.

            Lal Isua thusawi ngei “dil rawh u, tichuan an pe ang che u (Matthaia 7:7)” tih te, “engkim ring chunga tawngtaia in dil apiang chu in hmu ang (Matthaia 21:22)” tih te, “Pa hnenah eng pawh in dil chuan, Ka hmingin a pe ang che u (Johana 16:23)” tih te hi kan hnena a sawi dan a ni ve tho mai. Kan dil a, kan dil leh kan duhna Pathian hnena kan thlenna Tawngtawina chungchang hi ngun taka kan ngaihtauh chian a tul khawp mai. Solomona chuan Pathian duhzawng tak a dil a, a dil loh thlengin Malsawmnaa vurin a awm. Pathianin lalah a mite rorel sak turin a dah a, chu Pathian mite rorel sak tur chuan eng nge a mamawh a hre chiang a; chu chu Pathian hnenah a dil ta. Solomona hian sum leh pai te, hausakna te, chawimawina leh ropuina  zawng zawng hi a duh lo a ni bik hauh lovang. Mahse a ngaih pawimawh hmasak leh Pathian lak atanga  a beisei hmasak erawh chu a tisa tan a nawmsakna leh ropuina tur lam aiin Pathian rawngbawlna  a ni tlat. Pekin a awm chiang hle mai. Solomona khan a tisa mamawh leh nawmsakna tur Pathian kha dil ta zawk se la, engtin nge Pathian hian a chhan ang aw? tih hi ka ngaihtuah thin. Amaherawhchu a tisa mamawh leh nawmsakna tur lam dil lova, Pathianin a dahna hmunah a tihtur tha taka a hlen chhuah theihna tura a mamawh a dil hi Pathian lawm zawng tak a ti a. Pathian chuan a dil loh thlengin Solomona hi a  ropuina tur leh nawmsakna tur a pe ta zawk a ni. Chuvangin Pathian hian kan tisa nawmsakna tur leh kan ropuina tur hi min ngaih pawimawh hmasak sak ber lo tih hi a chiang hle mai. Tisa thila kan nawmsakna leh ropuina tur aia Pathianin min hunna zawna a rawngbawl hna hlenchhuak tur a thil tul leh pawimawh kan ngaihpawimawh hmasak zawkna hmun apiangah hian Pathian malsawmna tisa tak pawha kan nawmsakna tur leh ropuina tur chu dahin a lo awm zawk a lo ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                        Hun a in her zel a, kum 2016 pawh kan lo hmang chho thui leh ta hle mai. khawvel hun in her zel hian thlasik anga khel lova rawn her chhuahpui a nei thin a. chung zingah chuan thal khaw ro kan tih hun thin kha kan lo thleng leh ta reng mai. hetianga khua a ro a, a thal vawng vawng lao hian kangmei lakah kan fimkhur a pawimawh hle mai. Kan chenna khawvel boruak hi mithiamte chuan a chhe mek zel niin an sawi a. Chumi boruak chhe mek zel chu mihringte tan hian a pawi em em a, thil tha lo leh kan taksa tana hrisel lohna kawng hrang hrangin a thlen theih bakah, sik leh sa ngei pawh hi a thunun a, khaw lum leh vawt pawh mihring tawrh atana hrrehawm leh tawrh theih bak hial pawh a thlen chho mel zel a, a chhe zel a nih phei chuan chenna tlak loh thlaler ram ro ang hialah hmun thenkhat phei chu a chhang chho mai dawn niin a lang.

            Hetianga kan chenna khawvel chhe mek zel hi a chhan bulpui ber chu mihringte hi kan ni a, a thichhe tu ber pawh kan ni awm e. mihring lo pung chho zel hian mamawh leh changkanna kawng kan zawh chhohna atan hian heng kan chhehvela min hual veltu ramngaw kan thiat darh leh tih rem zel vang hi a chhan bulpui pakhat a ni a. Chuvangin ram ngaw kan neihte kan humhalh leh venhim tlat hi kan nunna atana thil pawimawh tak a ni tih kan hriat a tha hle mai. Chuvangin tunl;ai thal khaw ro laia ram kang hi nasa tak a boruak leh kan ram ngaw ti chhe kumtin thin tu a ni tih kan hriat a. Hetiang thleng lo tur a ven leh hmalak hi mitin mawhphurhna leh kan nunna theuh atana thil tangkai kantih theuh theih a ni awm e.

ARTICLE

JUDA I

            Khawvela hnam hrang tam tak zingah hian hnam mak tak mai an anpui awm ve manglo an awm a, chu chu Judate hi an ni. Keini Mizo leh khawvel puma kristiante hian a tlangpui thu in Judate hi Bible a a lan ang hian Pathian hnam thlan niin kan pawm deuh vek a. An ram ah khuan an pu Abrahaman a nupui Sari thlan tur atan a lei Makpela p<k chu ram leh a chhunga thing ding zawng te nen a lei a awma(chiang zawka hriat duh chuan Gen Bung 23 kha chhiar ila a chiang awm e). Khawvel history-a ram inlei chuanna(LSC) hmasa ber a ni awm e.

            He Kanaan ramah hian chengin, hnam angin an lo ding chhuak a, a changin Aigupta ramah te leh Babyuon ah te sal angin an awm ve zawk zawk bawk a. An lal hmasa ber chu Saula a ni a, Davida leh a fapa Solomona lallai kha an ram ropui lai ber a ni awm e. Hmun hrang hrangah sal a hruaibo in an awm a, awpbeh leh indona hmachhawn reng rengin an hun an hmang nasa a. Isua pian hnu kum 70 vel a\ang khan Roman hovin Juda hel ho tukdaih nan r<nin an khawpui Jerusalem tichhiain hnawhdarh vekin an awm a nih kha. Kum 2000 dawn lai vakvaiin khawvel hmun hrang hrangah an awm darh a, mi te hmuhsit leh endawng an ni a, tumahin an khua leh tui tha ah an pawm duh mang lo. Lal Isua an khenbeh dawna ‘A thisen chungah mawh kan phur ang’ an tih kha a takin a thleng a ni.

            Hetianga hnehchhiah leh neksawra an awm lai hian thil pakhat an theihnghilh ngai loh a awm, chu chu Pathian hnam thlan an nihna leh an Davida khawpui Jerusalem hi a ni. Ram hrang hrangah kum sang chuang fe an awm tawh hnu pawhin an awmna ramah an nghet thei lova, an ramah an ngai ngai lova, an pu Abrahama te, Isaka te Jakoba te lu nghahna ram(Israel/Palestina) chauh hi an ramah an ngai nghet tlat a ni. Ze nghet tak mai an nei; an zingah hian sakhaw mi lo fe fe te pawh awm mahse an hnam(Juda)ah an chiang em em tlat. Chu chuan a ti pumkhat a ni. Kei Mizote pawh hi Mizo naah hian kan chiang ve tial tialin a hriata a lawmawm. Mak ve mai mai chu Mizote hian Palestinian ho aiin Juda ho khu an buainaah hian kan \an zawk daih a,  mahse Juda mite zingah aiin Palestinian ho zingah Kristian an tam zawk.

            Khawvel ram hrang hranga an darh chu Indopui II-na tawp hnu kum 1948 khan British hovin Palestina ram chu Israel fa te tan Independent an pe anih kha. An indan phat a\ang khan an \henawm hnam, thlahtu lama a\anga chhuta an unau, Abrahama fapa upa zawk Ismaela thlah te nen an inti buai ta char char a. An ramah ralmuanga mut a awm lova, an hual vel ram zawng zawng khu an hmelma hlun ber ber te ram vek a ni. An ram khu ram chhengchhe ve tak leh ro ve tak ani a. Chuti chunga khuti khawpa ram hausa a an siam thei khu a mak a, an taimak leh tumruhna vang a tih loh theihloh a ni. Pathian hnam thlan an nih ring ve lemlo te tan pawh han bih hian an hmuhnawma an chanchin a makin a ngaihnawm ani.

            An hnam hian lehkhathiamna hi an ngaisangin an zir nasa a, sumdawn lah an thiam. Science lamah an duai lo em em a ni. An tam dan chhutin hnam khatah chuan khawvel al hneh ber an ni awm e. Khawvel puma Judate hi za zelah 0.02 vel chauh an ni a, ram khata an chen khawm tamna ber USA ah khuan an ram mi za zela 2 an ni bawk. An ram a Juda aiin US a Juda te khu an tam zawk, hei vang hian emawni US politics ah hian hu hang an nei lian hle a nih hi.

            Tunah kan tum ram ah kai dawn ila, Judate hi thil engkimah an inrawlh ve vek tih theih a ni sumdawnna ,science zirna leh tunlai khawthlang film leh zai lamah pawh hian a challang pawl an ni zel. Kum 1901 a\anga an sem \an khawvela chawimawina sang ber leh ngaihhlut ber Nobel Prize hi Judate hian an dawng hnem lawt lak a. Nobel Prize an semna \hin subject hrang hrang Chemistry, Economics, Literature, Peace, Physics, Physiology or Medicine a Juda ten an dawn dan han tarlang ila:

1. Chemistry - 31 prize winners, 20 % of world total, 27 % of US total

2. Economics - 28 prize winners, 42 % of world total, 55 % of US total

3. Literature – 13 prize winners, 12 % of world total ,27 % of US total

4. Peace – 9 prize winners, 9 % of world total, 10 % of US total

5. Physics – 47 prize winners, 25 % of world total, 36 % of US total

6. Physiology/Medicine – 53 prize winners, 27 % of world total, 40 % of US total.

            Pakhatna khi han sawifiah dawn ila- Juda mi Chemistry a Nobel prize dawng zat mi 31, khawvel pum a\angin za a 20 Juda mi, US bik a\anga dawng mi za a 27 hi Juda mi an ni tihna a ni. India ram mi tluklehdingawn khat aia tam awmna ram atang hian Nobel Prize dawng thei kan la tam lo hle mi 9 in an dawng tawh (Juda mi 181 in an dawng tawh ) chungte chu:

1. Rabindranath Tagore, Literature (1913)

2. CV Rahman, Physics (1930)

3. Hargobin Khorana, Medicine (1968)

4. Mother Teresa, Peace (1979)

5. S.Chandrasekhar, Physics (1983)

6. Amartya Sen, Economics (1998)

7. VS Naipaul, Literature (2001)

8. Venkata Rahman Ramakrishnan, Chemistry (2009)

9. Kailash Satyarthi, Peace (2014)

            Heng ho zingah hian vai dik tak, India rama cheng, India Independent hnua mi chu Amartya Sen leh Kailash Satyarthi chiah hi an ni. A hmasa pahnih te hi Independent hma British awp laia mi an ni, Mother Teresa hi vai nilovin Albanian mi India khua leh tui nihna nei a ni, S.Chandrasekhar hi US mi a ni , chutiangin midang te pawh hi Vai, ram dang a awm an ni.

            Heng Juda mi Nobel Prize dawng te hi an hming tarlan vek dawn chuan a sei dawn a, kan hriat theih deuh tur mi pahnih khat lek tar lang ila:-

Albert Einstein : A ni hi German ram a piang leh seilian Hitlera tihduhdahna tlansana US a pem a ni. A larna chu Theory of Relativity hi a ni a. Tin, eng zung in electric current a siam theih dan Phtoelectrict effect hmuchhuaktu a ni bawk. A formula hmuhchhuah E = MC2 hi Atom bomb in thahrui a neihzat chhutchhuahna a ni. Kum 1921 ah Physics ah Nobel Prize hi a dawng a ni.

 Niels Bohr : A ni hi Denmark ram a cheng kum 1922 a Physics a Nobel Prize dawng a ni. Bohr-a hi atom chhungril awmdan hmuchhuaktu te zinga a pawimawh ber pawl a ni a, Bohr’s Theory of Atoms hi khawvelin a hriat larna a ni a, atom hi phel darh theih a nih thu leh chu mi phel darh chuan tha hrui (energy) tam tak a pai tih hmuchhuaktu te zing a mi ni bawk. Indopui-II na a Japan rama Atom Bomb an thlak tur an siamna Los Alamos, New Mexico, USA a ‘Manhattan Project’ ah khan a an thluak bur a ni. A ni pawh hi German ral lian vanga US a pem a ni.

                       

BENG TIVÂR

QUIZ

                                A chung leh a hnuaia milem hi ngun takin en la, a in an lohna apiang thai bial zel rawh le:

                                                Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, ti dik tam berin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat: 0

Lawmman dawngtu: Awm lo.

NAUPANG  SUNDAY  SCHOOL  ZIRTIRTU  HNATLANG

            Ni 20/2/2016 (Inrinni) khian Presbyterian Kohhran Naupang Sunday School zirtirtute Hall rawng hnawih leh thawm that ngaih thawm tha a nilenga hnatlang neih tur a ni. Chaw leh chawhmeh mahni a infun tur a ni ang. Zirtirtute thahnemngai taka thawkchhuak turin kan in hriattir a ni e.

Sd/- (LALFAKZUALA)

Secretary NPSS

CANDID ENGLISH SCHOOL HRIATTIRNA

            Kum 2016-17 session a\angin Class-IX hawn a ni ang a, 2017-18 session ah chuan Class-X thleng hawng turin ruahmanna chak taka kalpui m>k a ni tih kan in hriattir a . Tin, 2016-17 session atan Nursery- Class-IXAdmission hawn m>k a ni a, Class-IX bik fresher tur te a ni e. Tin session thar a lo awm tur atan school timing piah lamah Computer class neih \hin a ni bawk ang.

            Admission fee hetiangin:

KG I & KG II -           `1200/-

Class 1- IV      -           `1500/-

Class V- IX     -           `1800/-

            Class IX bik tur tan ni 7.3.2016 (Thawh\anni) ah written test neih a ni ang.

            Admission fee ah hian April thla school fee a tel nghal vek a ni.

            Contact: 8731066925/

                          8415866502  

K|P  GENERAL

CONFERENCE  PALAI

            Ni 3-6 March 2016 hmanga Kristian |halai Pawl, General Conference, Champhaia neih turah kan branch aiawh palai turin Pu Tommy Zirnuntluanga ruat a ni.

K|P MEMBER  TLAWHCHHUAH  NEI  DAWN

            Branch Committee leh Group Committee te Joint a member tlawhchhuahna neih tur a ni a. Branch Bial \hen zuia member tlawhchhuah hi kalpui tur a ni ang. Ni 18.2.2016 (Ninga) zan ah member thlawh chhuah hi neih \an tur a ni a, Branch Committee leh group committee zawng zawngte dar 7:00pm ah sunday school hall kim taka kalkhawm tur a ni a, hunserh te hman a, hman zawh hnuah Bial fanga chhuah tur a ni ang.

GENERAL CONFERENCE  A  KAL TUR  IN  REPORT  HUN  KHAR  DAWN

            K|P  General Conference Champhaia kal duh turte chu ni 21.2.2016 (Pathianni) ral hmain Branch hruaitute hnenah in report tur a ni a. Kal tur in report kan \hathnem chuan a rang lama kalna tur ngaihtuah belh a ngaih dawn avangin huntiam chhung hian in report kim hram i tum ang u.

            Tin, General Conference kal tura in report te hi ni 29.2.2016 (Thawh\an) zan inkhawm banah Sunday School Hall ah kim taka in hmuhkhawm tur a ni e.

LAWMTHU SAWINA

            Ni 7.2.2016(Sunday) tlai a Sateek khaw dai ah kan fate Lalbiakzuali(Lalpuii) leh Patea te motor accident an tawhna a min lo buaipuitu zawng zawngte , mahni pawh thih theih mai khawp a kham ko sang kar a, hliam tuar te mi lak chhuah sak a, Aibawk damdawiina mim thlen leh thlap mai te kha kan va lawm tak em. Mimal tin te hnenah lawmthu kan sawi seng lo va, hei hi kan lawmthu sawina ah min lo pawmsak turin Pathian hmingin kan ngen tak meuh che u a ni.“Harsatnate leh chhiatna te han tawh hian Mizo nih hi a lo va nuam \hin em!” Kan chunga in \hatna zawng zawng te hi Lalpa’n a let tam takin vur \heuh che u rawh se tih hi kan \awng\aina a ni e.  

In khawngaihna dawngtu

F. Lalhmachhuana te chhungkua, Vanapa Section

TUALCHHÛNG

, Pu Lalbiakmawia h/o Pi Lalhmingliani (V.Sec) chu damlohna avanga Alpha Hospital a enkawl a nih hnuin a lo chhuak.

, Pu HT Malsawma h/o Pi Dardingliani (Ch.Sec) te chuan chhungkaw mamawha hman atan Bike(FZ) an lei thar.

CHATUAN RAMAH

            Ramtharnghaka (Kum-36) chuan ni 8.2.2016 (Thawh\anni) khan Internal Bleeding vangin Chatuan ram min pan san ta a. Lusun chhungte Mipui Aw Editorial Board-te chuan kan tawrhpuiin, a kalsan tak a nupui, chhung leh khatte Lalpa’n awmpuin thlamuan se tih hi kan \awng\aina a ni.

LAWMTHU SAWINA

            Kan pa Siamhleia’n min boral san tak chungchangah vengchhung mipuite kan chunga in \hatna zawng zawng ah kan lawm em em a. A damloh tirh a\anga min lainata, min buaipuitu leh min bawihsawmtu leh kawng engkima damdawiin a\anga In lam thlenga  min khawngaih a min \anpuitu te zawng zawng chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan r<l seng dawn lo che u a, Lalpa’n a let tam takin malsawmnain vur let che u rawh se tih hi kan \awng\aina a ni e.   

In khawngaihna dawngtu

Pi Rochhingi leh a fate

Chawngbawla Section

DOCTOR RÂWN THEIH

            Alpha Hospital, Kulikawnah engtiklai pawhin Doctor râwn theih a ni a, tin, ahnuaia mi ang hian Doctor thiam tak râwn theih a ni ta e:

Medical Specialist: Zing dar 7:00 -9:00am

Naupang Specialist: 12:00noon -5:00pm

Psychiatrist: Tlai dar 5 a\angin.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 7.2.2016

MIPUI AW

KARTIN CHHUAK

Vol. XXII Issue No. 6 Kristian Thalai  Pawl  Saikhamakawn Branch  Pathianni Dt.7.2.2016

Vawiin changvawn

Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in  rawngbawlna awm reng a ni.

KOHHRAN PROGRAMME:

7.02.2016 (Pathianni)

Chawhma Sunday School Inkawm

|antu              : Pi Rokhawli

Zirlai 5 na: “Pathian Thlarau leh thiamna bik”

Chawhnu inkhawm

Thuhriltu       : Upa R. Lalngena

Zan inkhawm

Thuhriltu       : Pu Khawlhmingliana

K|P INKHAWM PROGRAMME

8.2.2016 (Thawh\anni Z^n)

Neihthil Thehkhawm

Hruaitu           : Nl. Zohmingmawii

|antu              :Tv.Richard Lalhmangaihzuala

Zai hruaitute  : Nl. Lalngaihawmi Ralte

                           leh Tv. Lalfakzuala

Keyboardist   : Pu Lalduhkima

KOHHRAN HMEICHHE PROGRAMME

9.2.2016 (Thawhlehni Z^n)

Kristian Chhungkaw Pual

Hruaitu           : Pi Lalchhingpuii

|antu              : Pi Rohlupuii

PAVALAI FELLOWSHIP PROGRAMME

7.2.2016 (Pathianni tlai)

Hruaitu           : Pu Kamzawngliana

|antu              : Pu Lianchia

PAVALAI INKHAWM PROGRAMME

11.2.2016 (Ningani zan)

Hruaitu           : Pu Siamliana

|antu              : Pu Lalthlamuana

Thuhriltu: Pu H.Remtluanga

SERMON

RAWNGBAWLTU TLING CHU TUNGE?

            Unaute u, a kohna che u hi ngaihtuah teh u, tisa lama mifing tam tak te, mi chak tam tak   te koh an nih loh zia hi; nimahsela Pathianin khawvel thil ate chu a thlang zawk a, mifingte chu a tihmualpho theihna turin, tin, Pathianin khawvel thil chaklo te chu a thlang a, thil chakte chu a tihmualpho theihna turin.    I Korinth 1: 26- 27 

                                                Rawngbawltu kan tih hian mi tam zawk ngaihdanah chuan Kohhran hruaitu  te, KTP hruaitu te, Kohhran hmeichhie hruaitu te emaw kan ti deuh kher thin a, tute nge Pathian rawngbawltu chu tih hi kan hriatchian a ngai hle mai. Lei leh van Lalber leh he khawvel  leh a chhunga awm zawng zawng siamtu tana engtiang kawngzawng pawha thawk tute hi rawngbawltu chu an ni mai awm e. Chutianga mi ropui tana thawk tur chuan tu nge he lei mihring hi tling zo ang le? mahse Pathian chuan a rawngbawltu atan min thlang a min ruat si a nih hi. Tumah hi kan thiamna vangte kan hriatna vang te kan fin vangte hian Pathian tan kan tling ngawt lo, tin, Pathian tan a mi tling lo hi kan awm ngawt lo bawk. Engvang tak in nge Pathian tan a mi tling kan lo nih ngawt mai le, a va ropui si em.

            I Korinth bung 1: 27 ah chuan Pathianin mi fing te, mi chak tam tak te, mi fel tam tak te koh an nih ngawt loh zia te kn hmu a. A thu a kawi a ngil a kan zawm mai hian Pahian tana tling kan lo ni mai zawk a ni. Pathian hian mifing te, khawvel a mi ropui te, mi tha te chauh thlang dawn ta sela chuan keini tan chuan kawng a in hawng ve lo tihna a ni mai dawn si a. Kan Pathian hi mi duhtui, mihringte rawn ngailo, a duh anga kal mai thin ani a, a rawngbawl tur pawh hian amah vek in min buatsaih angai ani. I thu ang zelin ka chungah thleng rawh se tih mai hi rawngbawtu tawngkam tur chu a ni mai zawk a ni.

            Mihringte finna te, remhriatna te, ka chak kan tih ve thin na te, kan in tih thlarau mi na te, kan in tih pianthar na te, kan in tih rawngbawltu na zawng zawng te hi Pathian hian a lo thlang reng reng lo. Mi Pathian hma a amah a in hmuh chian tak tak chuan eng anga lehkha thiam pawh, eng anga hausa pawh nise  engmah anih loh zia a in hrechiang a, Pathian tello chuan a mi mawl mai a nih zia leh, a rawngbawl tu atan a tlin loh zia a in hmu chiang thin.

            Lalpa i tello chuan ti tlat nun hi a ni Pathian in a rawng bawl tu atana tling a tih chu ni. Chaklo leh tlinglo chung chung pawhin Pathianin a rawngbawltu tur atan a thlang ve tih an in hriat avangin lawm chungin Lalpa rawng an bawl thei thin ani. An peih emaw an peih lo emaw an hma a tihtur awm apiang Pathian rin chhan chung zelin rawngbawl hna an thawk a chu chuan chakna ata chak lehzualna ah a hruai lut thin. 

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

            Pathian hian mihring hi nung hova cheng ho turin min siam a. Chuvangin awmkhawmna khua/veng kan neih a ngai a. Hetianga mihring mahnia khawsa ngawt thei lote hian kan nun hova kan chen ho theih nan hian mamawh leh thil tul tamtak a awm thin. Khawtlang/vengchhungah pawh kan duh ang zawng zawnga mimal/chhungkaw tinte kan mal tlat tawp hi a rem lova, kan nunhona leh kan chen hona kawngah hian hmasawn zel tur kan ni. chutianga hmasawnna kawng kan zawh theihna tur chuan khaawtlangah kan inenkawlna atana tul hruaitu bik turte kan awm a ngai a. Chutianga kan khawtlang hruaiatu tur mipui aiawh tur atana  thlanchhuahte, tlawmngaihna avanga khawtlang hmangaihna avanga thawktu pawl hrang hrangah hruaitu kan awm thin. Heng kan khawtlang awiawha kan thlanchhuahte leh pawl hruaitute hi an pawimawh em em. Khawtlang chhiat thatah a mawhphurtu tak takte a ni bawk. Chuvangin mipuite pawhin kan aiawha ding a, kan khawtlang chhiat that chungchangah mawhphur tura kan khawtlang enkawlna kawnga dingte an ni tih kan hriat reng a, an thu zawm leh ngaih pawimawh hi kan tihamakmawh a ni tih hi kan hriat reng a pawimawh a ni.

ARTICLE

DAMDAWI RUIH: **EFR

            DOPAMINE hi rilru lam harhvang (mentally alert) vêk vâwka min awmtir theitu a ni a, hormone tia sawi a nih rual hian nerve cell (neurons) in kara hmun âwl awm (synapse) inkara nerve impulse keng chhawngtu "Neurotransmitter' chi khat a ni bawk. He hormone hi kan tlakchham chuan kan nguai anga, kan zawmthaw anga, engmah i ngaihsak/ ngaituah \ha peih dawn lo a ni. (“Ka mood a fuh lo” kan tih fo nachhan hi). Dopamine hnathawk \ha tak nei tur chuan Protein lampang tamna chi (arsa awm ti, sangha, cheese, bean, bekang, artui, bawnghnute, badam leh chana, nutrela, nihawichi etc) te ei tam tur a ni. Dopamine hi thluaka nerve cell te inkara thu thawn chhawngtu neurotransmitter a ni a. Heng hormone dang, Cortisol bakah, Adrenaline (epinephrine) leh noradrenaline (norepinephrine) te hi kan emergency hormones te an ni a, kan thinrim laiin an lo chhuak a, blood vessels an constrict (tizim) a, blood vessel a zim chuan pressure a sang a (pipe a tui khawh hi han hmet zim zeuh ila, nasa takin pressure a sang \hin ang hian), mihring chu tharum thawh turin a buatsaih ta \hin a ni.

            Dopamine hnathawh chu hemi opposite chiah hi a nih chu (antagonistic). Kan thinrim lai, zahthlâk kan tiha sen \awn \awn lai etc.te a, "inbeng dâi rawh" min lo ti \hintu hi a nih chu. He dopamine bâkah hian happiness hormone an tih mai 'Serotonin' te, Ghrelin te, phenethylamine te hi hlim taka min awmtirtu, mood fuh taka min siamtu, awm nuam veng venga min awmtirtu hormone te an ni. Thinrim \euhva min siamtu, mood off tu, insual leh tharum thawh hreh lova min siamtute hi 'Adrenaline' (epinephrine an tih bok) te, NorAdrenaline (Norepinephrine) leh Cortosol te hi an ni a. Adrenaline + noradrenaline te hi 'Emergency hormone' an ti \hin nghe nghe.

DAMDAWI RUIH HI ENGVANGA NUAM NGE?:

            Dopamine hi sawi tâk ang khân, thluak a\anga driving force te, motivation te, sexual stimulation te awmtitu a ni a. Chubakah thil tui tak kan eia nuam min tihtirtu, sex hman laia hlimna petu, rilru hlimna, attention kan pek theihna bakah DAMDAWI RUIH NUAM TIH TIRTU a ni a. Chuan dopamine hi kan behaviors initiate tu anih avang hian dopamine kan ngah zawh poh leh kan active dawn a ni. Dopamine level hi a hniam chuan control & co-ordination a awm \ha lo ang a, kan che muang anga, impair judgement kan tih ang chi kha kan nei ang. Entirnan, miin fiamthu thawh a, midang nuih zawh vek hnua a nuihzatthlakna man thiam ve chauh a, nui leh ta khiah khiah ang chi hi. Tichuan, dopamine level a lo sân chuan atirah hlimna mak tak a lo awm a, hei hi pawnlam a\anga kan lakluh DRUGS (damdawi) hmanga kan va tihsan chiah hian drugs ruih nuam tihna kan lo nei a, rei loteah drug addiction chu a lo awm ta \hin a ni. Dopamine sang lutukah hian hypersocial, hypersexual bakah psychosis & schizophrenia te a awm thei a ni.

TOLERANCE:

            Miin drugs a lo tih rêng rêng hian, a tira a dose ang kha a hnuah a duh khawp ta miah lo \hin a, hei hi a chhan chu, taksain kha damdawi effect resistance kha a lo siam ve zel vang a ni. A tira kha damdawi a lo respond \hat em em kha, resistance a siam a vang chuan drug dose ngai reng khan a taksa a tidanglam thei tawh lova, a lo mamawh sang tial tial thin. Hei hi medical term ah chuan "tolerance" an ti \hin. Tolerance to drug tih awmzia chu " less response to a specific dose with repeated use" tihna mai a ni. Tichuan, miin methamphetamines a tih fo hnua a ruih theih tak lohna chhan chu kan ching felah ngai ta ila, hetiang chiah hi Overdose a mihring a lo thihna chhan chu a ni. A hmaa a ruih zat kha a rui thei ta lo va, a ruih duh lutuk khan a tibelh zel a, a tawpah a taksain a lo tuar zo ta lo a, a lo OD ta \hin a ni.

            Methamphetamines kan hre lara a, Amphetamines kan hre bawk em? Pep pills an tih bawk \hin, truck driver leh zirlai thenkhatten ten mutchhuak reh nana an ei \hin ang hi? I fate khan an lo ei ve palh ang e aw, meth ang deuhthawa hlauhawm a ni e.

                       

BENG TIVÂR

MOBILE PHONE ATANGA LIVE INKHEL (Football, Basketball, Tennis, Boxing etc.) EN DAN! (Android Tan Bik)

by Lalhma chhuana.

            A hmasa berin Ustream Application hi download la install rawh, 5.8 Mb chauh a ni! (UC mini, Opera atangin Download a awl deuh, ka Drop Box a ka dah a nia, UC pangngai chuan luh kual a ngai deuh maithei) @Link :- https://db.tt/CfzKlCRT

            Livestreaming tur chuan Net chak \ha deuh a ngai, Wifi i hman loh chuan 3G or 4G tal a ngai, 2G chuan a en theih loh tluk a ni!

            Ustream Application kha hawng la, veilam sir chung lama line 3 awm (All) tih kha tlick la, khata \ang khan i en duh chu i zawng tawh mai dawn a ni! Sports lo pawh - Movie, Music, News etc. i duh zawng a awm nual ang! (In ang a awm chuan View tam tam kha a i thlang mai dawn nia)

Airtel 3G Chungchang :-

(AIRTEL 3G Re-activate Dan)

            A hma kha chuan a \ha reng a, a rawn buai ve deuh. Airtel 3G tih nun thar leh a ngai!

            A hmasa berah chuan 121 ah 3G tih tawp thawn la, an rawn reply ang che. Airtel 3G a nun leh nun loh chu i hre thei ang! A activate sa chuan Activate dan kan ziah hi chu i kal kan mai dawn nia!

Hetiang Hian :-

            121 ah 3G tih thawn rawh, an rawn reply hunah che 1 in reply leh la, 3G net pack man tlawm ber Rs 8/- man kha i main balance atangin i Cut tir dawn nia (main balance neih a ngai aw). Chuan, an confirm hun nghak rawh, an Confirm zawh hunah che i net data kha off phawt rawh le, mins 20 hnu bawr velah i phone kha restart la, chuan net data kha on rawh. Chuan, network settings ah kal la, network mode kha WCDMA Only (3G Mode) ah khan i dah dawn nia. A dik zaih tawh ang.

            Tin, 3G Network in a cover phak lohnaa i kal/awm/zin a nih chuan signal engmah i hmu dawn lo, a blank vek ang. Network Mode kha Auto Mode ah khan i thlak leh mai dawn nia, chuvang chuan i awmna hmun a zir zelin Network Mode khi i thlak \hin mai dawn nia! 3G Network in a cover that phaknaah erawh 2G Net Pack pawh hmang la, WCDMA a dah khan Net a chak bik hle. Net pack erawh a kal chak duh deuh!

QUIZ

                Genesis Bung 4 chhunga mihring hming 15 dah a ni a, han zawngchhuak teh le:

                Kar hmasa Quiz (General Knowledge) chhânna

                                    Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, ti dik tam berin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat: 0

Lawmman dawngtu: Awm lo.

EVANGELICAL CELL

            Kum 2016 atan Branch KTP chuan Evangilical Cell a din a, hetiang hian hruaitu inruat a ni.

Chairman : Pu Lalduhkima

Secretary : Tv Abraham Lalnunthara

            Evangilical Cell lama tui mi tupawh K|P member emaw K|P member ni kher lo pawh emaw pawh tel theih a ni.

HRIATTIRNA

            Saikhamakawn Branch YMA chuan tunkar chho ah hian Chhiatni Fund kan rawn khawn dawn a, chhungtinte kan inhhriattir a ni e. Chhiatni Fund hi `100/- rawn khawn a ni anga, chhungtinte lo inring turin kan inngenin kan inhriatir e.

Sd/-

(C.LALDAWNGLIANA)

Secretary

YMA, Saikhamakawn Branch

CANDID ENGLISH SCHOOL HRIATTIRNA

            Kum 2016-17 session a\angin Class-IX hawn a ni ang a, 2017-18 session ah chuan Class-X thleng hawng turin ruahmanna chak taka kalpui m>k a ni tih kan in hriattir a . Tin, 2016-17 session atan Nursery- Class-IX Admission hawn m>k a ni a, Class-IX bik fresher tur te a ni e. Tin session thar a lo awm tur atan school timing piah lamah Computer class neih \hin a ni bawk ang.

            Admission fee hetiangin:

KG I & KG II -           `1200/-

Class 1- IV      -           `1500/-

Class V- IX     -           `1800/-

            Admission fee ah hian April thla school fee a tel nghal vek a ni.

            Contact: 8731066925/

                          8415866502

Zanin BPL inkhel turte:

Bournemouth Vs Arsenal (7:00)

Live @ Starsport 4

Chelsea Vs Man. Utd. (9:30)

Live @ Starsport 4  

 MOTOR SIL DAWN

            Ni 13.2.2016 (Inrinni) hian KTP Jeremia Group te chuan Biak In thlangah Motor kan sil dawn a, vengchhunga Motor nei zawng zawngte min sil \heuh turin kan insawm e. Tin, Jeremia Group Member zawng zawngte Motor sila hnatlang \heuh turin kan inngein kan inhriattir bawk e.

            Motor silna man Rate chu a hnuai a mi ang hian a ni e:

2-Wheeler                    : `50/-

4-Wheeler (LMV)       : `100/-

4-Wheeler (MMV)      : `150/-

4-Wheeler (HMV)       : `300/-

Sd/-

(C.LALDAWNGLIANA)

Secretary

Jeremia Group, K|P

ISAIA GROUP HNATLANG

            Ni 2.2.2016 (Thawhlehni) zan a Isaia Group member hnatlang zawng zawng te chungah lawmthu kan sawi a. Inhlawhna min petu Pu V.L Malsawma (T.Sec) te chhungkaw chungah lawmthu kan sawi bawk e.

Sd/-

(LALDINPUIA)

Secretary, Isaia Group, K|P

LAWMTHU SAWINA

            Ni 6.2.2016 (Inrinni) a vengchhungah sum tuak nan ar kan talh min dawrtute zawng zawng chungah lawmthu kan sawi e.

Sd/-

(LALMUANAWMA)

Secretary

Vanpa Section, YMA

TBZ NEIHTHIL THEHKHAWM PROGRAMME

A hun: 8.2.2016 (6:30pm)

A hmun: Pu R.Lalsangzuala In

Hruaitu: Pu Siamliana

|antu: Pi Rimawii

TUALCHHÛNG

,Pu Lalbiakmawia h/o Lalhmingliani (V.Sec) chu damlohna avangin Aizawl Hospital ah enkawl m>k a ni.

,Pu Lalnunthara h/o Dengthangpuii (Ch.Sec) chu damlohna avanga Falkawn Referral Hospital-a enkawl anih hnuin a;lo chhuak.

,Lal\hazuali d/o Lalsangzuala (V.Sec) chu damlohna avanga Civil Hospital-a enkawl anih hnuin alo chhuak.

,Pu Thanghmingliana h/o Sanghliri (Ch.Sec) te chuan chhungkaw mamawh a hman atan Car (Alto) thar an lei.

,Pu L.V Ramdinthara (T.Sec) te chuan chhungkaw mamawh a hman atan Scooty (Dio) thar an lei.

CHATUAN RAM LAMAH

            Pu Siamhleia (66) chu Ni 4.2.2016 (Ningani) khan natna awm tawh lohna chatuan ram min lo pan san ta a.

            A kalsan tak a chhung leh kahtte Mipui Aw Editorial Board te chuan kan tawrhpuiin, Lalpa’n  vengin awmpui zel se tih hi kan \awng\aina a ni e.

HRIATTIRNA

            Saikhamakawn veng huam chhunga kawngkama In sa tur chuan  an sak hma in Local council hnenah Local Council inhriattir tur a ni a, inhriattir lo va In sa, vantlang kawng nek leh d$p d^l zawnga ti an awm a nih chuan AMC leh Local Council \angkawp chuan hma an la zel ang. Hei hi veng chhung tan AMC dan dinglai vawn nun reng a ni tih kan inhriattir a ni e.

Sd/-

(R. BIAKTHANSANGA)

Secretary

SKK Local Council

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330