Mipui Aw 10.1.2016

MIPUI AW

KARTIN CHHUAK

Vol. XXII Issue No. 2 Kristian Thalai  Pawl  Saikhamakawn Branch  Pathianni Dt.10.1.2016

KOHHRAN PROGRAMME

10.1.2016 (Pathianni)

Chawhma Sunday School Inkawm

|antu              : Pi Lalhmachhuani

Zirlai 1 na: Thlarau thianghlim hi tunge ni-I ?

Chawhnu inkhawm

Thuhriltu       : T. Upa C. Vanlalsanga

Zan inkhawm

Thuhriltu       : Upa Lalrindika

K|P INKHAWM PROGRAMME

11.1.2016 (Thawh\anni zan)

 Sermon Inkhawm

Hruaitu: Pu C. Lalnunsanga

|antu: Tv. Lalawmpuia(s/o Biakvela)

Thuhriltu: Pu R. Lalmuanpuia

Thilpek lakhawm Nl. MS Dawngliani

tu te:                     Nl. Vanlaltlani      

Zai hruaitu Tv. Abraham Lalnunthara

turte:           Tv. Lalrinnunga

Keyboardist: Pu Laremruata

KOHRAN HMEICHHE INKHAWM PROGRAMME(12.1.2016)

Kristian Chhungkaw  Pual

Hruaitu           : Pi Ralliani

|antu              : Pi Rammuanpuii

Thusawitu: Upa Zonunmawia (Represent)

PAVALAI INKHAWM PROGRAMME

A hun             : Ni .14.1.2016

Hruaitu           : Pu H. Remtluanga

|antu              : Pu Kamzawngliana

            Sharing a hun hman tur a ni ang.

PAVALAI FELLOWSHIP PROGRAMME

A hmun          : Sunday School Hall

Hruaitu           : Pu Siamliana

|antu: Pu Allan J.Lalramhluna

SERMON

DAM CHHUNG NI CHHIAR

( Sam 90:12 Kan dam chhung nite chhiar dan tur min zirtir ang che,)

            Mihring lo piang chhuak tawh reng reng hi chuan a rei emaw rei lo emaw dam chhung ni kan nei vek a. A rei leh rei loh lam chu Siamtu Pathian thu a ni. He khawvela kan dam chhung ni kan chhiar thiam dan hian kan chatuan hun a hril dawn a, chuvangin kan dam chhung ni hi a rei emaw rei lo emaw kan chhiar thiam hi a pawimawh hle a ni. Sam no 90-na ziaktu pawh hian a pawimawh zia hria in ‘Kan dam chhung nite chhiar dan tur min zirtir ang che’ tiin Pathian hnenah a dil hial a ni.

            He khawvel hi a kal ngaiin kal muah muahin, hunbi te pawh a her ngaiin rawn inher chhuak zelin, hun leh kumte pawh lo kal chho zel mahse, mihring kan nih miau avangin kan dam chhung ni hi chu engtik niah emaw tawp hun ala nei dawn.  Mihring tan vawi khat thih ruat a ni miau a, chuvangin mihring piang chhuak he leiah hun eng emaw ti chhung dam chhung ni chhiar a, eng tih hunah emaw thawnthu anga kan dam chhung ni tawp mai tur kan ni. Chu chu Pathian remruat tumahin kan bawhpelh hauh loh tur chu a ni.

            Tawp hun nei tur ni mah ila, he khawvelah hian engtia rei nge kan dam chhung ni hi kan chhiar dawn tih tuman kan hre lova, thenkhatin kum tamtak an chhiar laiin, thewnkhat erawh chu ni tam pawh chhiar hman lova tawp leh ta mai an awm bawk a. Tumah hian he kan dam chhiung hun rei zawng hi bithliah turin thu kan nei lo. Hetiang hi kan dinhmun anih avangin kan dam chhung nite hi kan chhiar thiam a pawimawh takzet a ni.

            Kan damchhung nite hi Pathian kuta awm, Pathian min pek anih miau avangin, keimahnia kan neih leh kan duh huna tawp a, tawp lo thei a ni lova. Min petu Pathian thuneihna a ni. Kan nun nimahsela kan kuta awm leh kan thuneihna a ni tlat lo. Engtia rei nge kan chhiar dawn tih kan hriat miah loh “KAN DAM CHHUNG NITE” hi chatuan atana kan nun dan tur inbuatsaihna a ni. Chuvangin kan chhiar thiam hi a pawimawh hle mai. Pathianin min pek kan dam chhung nite chhiar thiam tur hian min petu Pathian hnenah Sam ziaktu ang hian i dil ang u. Damchhung ni kan chhiar thiam loh zawngin a pawi thui dawn vawng vawng em mai..

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

            Kum 2016 kan lo chuangkai leh ta, Pathian hruaina leh awmpuina kan dawnga a lawmawm hle mai. kan chanchinbu pawh alo upa ve ta hle mai. Hetiang hun kan han thlen hian kan chanchinbu buatsaihnaa a bul lo tantute rilru hian a hre reng thin. Harsatna tamtak karah hetiang dinhmun thleng tura he chanchinbu tana an lo beihna te chuan tun dinhmun hi min hruai thleng ta a ni. An inpekna leh sul lo sutna a ropui e. Tun dinhmun tleng kal thei tur hian he chanchinbu hi a lo duangchhuak a ni tih hi chanchinbu issue hmasa ber an tih chhuah dawn khan an ring pha bik kher ang em aw.....?

Chanchinbu buatsaih hi thil hautaktak leh awlai lo tak mai a ni a. Khawtlangin tualchhung chanchinbu kan neih awmchhun a ni tih hre reng chungin a enkawltu lam pawhin theihtawp han chhuah ve thin mah ila, duhthu a sam mawh em em thin a. Insitna a na duh khawp mai. kum hlui lamah pawh tih phelh rem rum nei chung rengin kum kan tluan ani tih kan hai lo. chhiartute ngaihnathiamna pawh kan dil nghal e. Heti chung reng pawha min hlutsaktute chungah kan lawm em em a ni.

A buatsaihtute lam kan tlin lohzia chu zep thu a cheng lo va. insit tak chungin kumin pawh kan han bei chho leh dawn a ni a. Chhiartute hraitlai erawh kan duh ber leh kan tum ber a ni. chu chu kan thiam loh tak pawh ani tih kan hai lo va. Chuvangin chhiartute tlai zawka kan hrai theihna tura rawtna leh thurawn min pe duh tan kan in hawng reng e.

ARTICLE

DIGITIZATION CHUNG CHANGA ZAWHNA AWMTHEI THEN KHAT CHHANNA

Lalthanzuala Distributor

Digitization leh Set Top Box hman chung changah thu leng vak leh zawhna hrang hrang a awm niin a lang a, a mal malin in hrilhfiah kilh kelh a harsa khawp mai. Hemi chung chang hi TECHNICAL thil a nih deuh roh avangin Mizo\awnga han dah dik a har fu mai bakah thil thar te a nih avangin chiangkuang takin kan la hre bik lova. Kan hriat ang ang te heti hian han sawifiah ve ta ila :

1. Tuna Cable TV kan pek chhuah mek dan hi ANALOG SYSTEM an ti.

2. He analog Sytem-ah hian a nihna takah chuan Channel 50 vel bak hi signal a fiah tha thei tak tak lo.

3. Analog fiah kim theih lohna chhan chu channel pakhat zela thawnchhuah nan frequency chi khat zel a ngai a, heng frequency hi a insut buai theih bawk avangin TV Channel hrang hrang hi frequency in ang lo mai bakah Frequency inhlat dê daw taka dah zel a ngai.

4. Hetiang a nih avang hian frequency za tel (50-700MHz) hman a lo ngai ta a, hetianga frequecny in ang lo tak hman \euh a nih hian signal thenkhat chu a kalkawng (cables) zawh laiin kawng laka tlahniam vak chi an nih laiin frequency hniam lam te erawh an tlahniam ve lo.

5. Signal chuan TV a thlen meuh chuan a inkhuangrual ta lo zung \hin. Hei hi Cables Operator te tan a buaithlak duh hle. Channel \henkhat a fiah laiin channel \henkhat a fiah thei lo ta \hin a ni.

6. Tichuan, an sawi DIGITAL SYSTEM ah hi chuan a hming ang hian signal te chu DIGITALISED a lo ni tawh a, chumi awmzia chu Analog Signal chu binary number a encode or encryoted a lo ni tawh a. Hemi hmang hian Frequency zim te chhungah Signal chu cable sei deuh ah pawh intibuai map lovin a lo kal ho thei tawh a ni.

7. Digital System ah hian Picture leh Sound a fiah fai zawk piah lamah Channel za tam tak dah luh theih a ni dawn a.

8. Lehkha lama kan lo hmuh tawh ang khan Digital System hman a nih hunah chuan STB hmang chauhin TV hi chhuah theih a ni tawh ang.

9. Basic Box & Premium Box : Basic Box hi 1700 man a ni, tin, Premium Box hi 1800 man a ni thung. Heng Box pahnihte hi an thil tih theih dan chu a inang reng. Premium Box hi a kawm ‘Thir’ a nih avangin a tlo zawka, a man a to hret. Digital Signal a nih dawn miau avangin tun ai hian Signal a fih rual dawn hle a ni.

10. HD Box & Hybrid Box : A chunga Box chihnih sawite khi Digital Signal System a pekchhuah an nih avangin an fiah pangngai viau ang, amaherawh chu, Picture leh Sound fiah ber chi, HD (High Definition) ang chi erawh HD & Hybrid Box atang chauh hian tihchhuah theih a ni ang.

11. ZONET Hybrid Box hi special taka duan a ni, HD Quality of Sound & Picture a pekchhuah bakah ‘Wifi’ a nih tel nghal dawn avangin hemi Box hmangtu te chuan Smart Phones a\angin TV channel chu mu chung emaw bathroom a awmlai pawhin an en thei dawn a ni!

12. He Digitalization hi; enkawl a awlin Picture leh Sound Quality a \ha zawk dawn a ni tih kan hre reng chungin kan ram sum leh pai dinhmun leh mipui mimir a tihbuai dan tur kan hriat ve rêng avangin Distributor leh kan Head End te pawhin hman hun hi kan huphurh ru hle.

13. Central Sawrkar thuchhuak a nih miau avangin kan duh vang reng ni lovin kan kalpui ngei a lo ngai ta a ni.

14. Set Top Box te hi a lo thlen veleh a man pe lawk tute, an seniority indawt danin fit sak an ni ang.

15. Eng Set Top Box nge hman tur ? : Kan TV neih leh TV lei thar kan tum emaw a nih chuan STB hman tur hi lo ngaihtuah lawk a ngai.

16. TV upa tawh lam kawl, TV khawl la tha fu bawk si, “Chuti maiin TV chhuak thar lei kan la tum lo” titu tan chuan Basic/Premium Box lei mai a fuh ang a.

17. Amaherawhchu, Basic/Premium Box i lei chuan nakinah HD TV i neih hunah hmantlak a ni lo thung ang. HD/Hybrid Box i lo neih sa chuan i ring chhunzawm thei ang. HD/Hybrid Box hian HDMI (HD Signal lakchhuahna) leh AV port a neih kawp avangin a HD TV leh HD TV lovah pawh hman kawp theih a ni.

18. A chunga Set Top Box chi 4 te hian Smart Card an chhawm vek a, chung Smart Card hmang chuan Signal tih nun or tih thih \hin a ni ang

                       

BENG TIVÂR

AIZAWL CITY TRAFFIC DAN THAR

1. Registration loh lirthei hi, kan leina hmun a\anga kan in pana haw nan leh register huna enfiah tura DTO Office a kal nan bak hman phal a ni lo. Registration loh lirthei khalh hremna - Section 192 MV Act, ` 2000-5000.

2. Lirthei reng reng chu 3rd party risk tala insure tur a ni a. Insure lo lirthei khalh phal a ni lo. Insure lo lirthei khalh hremna- Section 196 MV Act, `1000.

3. License nei lo in lirthei a khalh thei lo a, lirthei documents leh driving license te chu, lirthei kan khalh laiin enfiah theih turin kan keng tur a ni. License nei lo a lirthei khalh hremna - Section 181 MV Act, `500.

4. License nei lo lirthei khalh tir phal a ni lo a. License nei lo lirthei khalh tirtu hremna - Section 180 MV Act, `1000. Nu leh paten fate khaltir, thiante khalhtir a huam.

5. Zu, phal chin bak aia tam in chunga lirthei khalh phal a ni lo. A bawhchhia te hremna - Section 185 MV Act, thla 6 tan leh `2000 thleng chawia hrem theih a ni. Kum 3 chhunga a tinawn leh a nih chuan kum 2 thleng tan leh

`3000 thleng chawi theihna a ni.

6. Helmet khum loh hi dan bawhchhiatna a ni a. Inkhawm turte, committee tur te leh veng chhung bikah chauh kal dawn avanga khum lova khalh phalna, danah a awm chuang lo. A hremna - Section 177 MV Act, `100 chauh chawi ni mahse, langsar taka dan pawisa mi nge dan pawisa lo mi kan ni tih lanna langsar tak a ni.

7. Overtaking (intlan-leh-pelh) hi a hun leh a hmun a awm a. Two wheeler khalhtu bik ten, kan hma a miin min lehpel rawh a tih loh chuan, keimahni risk a lehpel kan ni a, tawhsual tawk palh pawh ni ila tuar kan huam tihna a ni. Tin, Traffic point duty ten an stop hian din tur a ni a, double overtaking chu phal hauh loh a ni.

8. Lirthei neitu leh khalh tuten, kan lirthei kan kalsan dawnin, a hma lam dartlalang (wind shield) atanga lang thei ngei turinTelephone no. tarlan thin hian rikrum thilah khawpui enkawl a ti zangkhai \hin.

9. Bike silencer ring lutuk kan vengah khalh thin an awm chuan, dan bawhchhia an nih piah lamah, midang harsatna siamtu an ni tih hriaiin, Traffic Control Room no. # 2322307ah report la, Aizawl khawpui ralmuanna kawngah i thawh hlawk hle dawn a ni.

10. Lirthei a mi tihpalh tuten kan tihpalh mihring hliamte damdawiina hruai leh thil thlen dan Police Station hnai berah hrilhhriat hi lirthei khalhtute mawhphurhna a ni.

11. Vantlang kawng tihnawk zawng leh kea kal te kalna tur dip dal zawnga lirthei hunte leh mahni dawr kawta “Customer Only” tih lo ziah ve ngawt hi kawng hmang vetu midang zah lohna a ni.

Sd/-

(C. LALTHANMAWIA)

Superintendent of Police)

Aizawl City Traffic Police

QUIZ

SPOT THE DIFFERENCES

            A chunga milem leh a hnuaia milem in an lohna hi zawngchhuak a, i zawn hmuh hmasak apiang i thai bial zel dawn nia.

Hming : ________________________________

Section                          : ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat:3

Lawmman dawngtu: C. Zodinmawii

Section: Taitesena Section.

TBZ NEIHTHIL THEHKHAWM

A hun:                  11.1.2016, 6:30 pm

A hmun:    Pu Siamliana te In

Hruaitu:    Pu Khawlhmingliana

|antu:        Pi Zuimawii

KUM 2016 K|P GROUP HRUAITUB THAR TE

            ISAIA GROUP

Leader       : Pu Lalhmangaihzuala

Asst.Leader: Tv. Ricky Lalrinkima

Secretary   : Tv. Laldinpuia

Asst. Secy. : Tv. Lalrinnunga

Treasurer  : Nl. Zohmingmawii

Fin. Secy.  :     Nl. Lalngaihawmi Ralte

            JEREMIA GROUP

Leader       : Pu C. Lalnunsanga

Asst.Leader: Tv. Lalrinawma Sailo

Secretary   : Tv. C. Laldawngliana

Asst. Secy. : Tv. F. Laldingliana

Treasurer  : Nl. Malsawmtluangi

Fin. Secy.  :     Nl. C. Zosangliani

            MIKA GROUP

Leader:  Pu Tommy Zirnuntluanga

Asst.Leader: Tv. Lalnunzira

Secretary   : Tv. Lalfakzuala

Asst. Secy. : Tv. Lalzirliana

Treasurer  : Nl. C. Lalrempuii

Fin. Secy.  :     Tv. Lalhmingliana

ADMISSION NOTICE

            February 2016 a\ang hian UGC hnuaia Pa khawi zirna (Diploma in Mushroom Cultivation) chu Pachhunga University College-ah hawn a ni dawn a. Pawl 12 pass chin a duh apiang tan dil theih a ni a, an zir hun chhungin thlatin stipend Rs. 1,000.00 pek a ni ang.

            Dilna Form hi office hun chhungin office ah lam theih a ni. Dilna hi 11^th  – 31^st  2016 chhunga thehluh tur a ni.

Sd/-

(TAWNENGA)

Principal

JEREMIA GROUP HRIATTIRNA

            K|P Jeremia Group ten ni 11.1.2016 (Thawh\anni) zingkar ah Pu V.Malsawma te Balu thiar a hnatlang neih tur a ni a, Group member zawng zawngte hnatlanga thawkchhuak \heuh turin kan inngênin kan in sawm a ni e.

Sd/- (C.LALDAWNGLIANA)

Secretary, Jeremia Group, K|P

2016 YMA SECTION HRUAITU THAR TE

VANAPA SECTION

Leader:           Pu C. Lalnunsanga

Asst. Leader:  Pu Allan Lalramhluna

Secretary:        Tv. C.Lalmuanawma

Asst. Secy.: Tv. Lalrinawma Sailo

Treasurer:    Nl. Zothansiami

Fin. Secy.:   Pu Lalzahawma

TAITESENA SECTION

Leader:   Pu R. Lalhmingliana

Asst. Leader:  Pu Biakzuala

Secretary:   Pu Zonunsiama

Asst. Secy.:  Pu Albert Lalremsanga

Treasurer: Nl. Lalhruaitluangi Fanai

Fin. Secy.:Pu C. Lalthlengliana

CHAWNGBAWLA SECTION

Leader:       Pu B. Lalrinzauva

Asst. Leader:  Pu Lalsiama

Secretary:    Pu Lalzahawma Hrahsel

Asst. Secy.:  Pu Zoramchhana 

Treasurer:Pu Lalnunngaia

Fin. Secy.: Nl. Lal\anpuii

LAWMTHU SAWINA

            Ni 6.1.2016 (Nilaini) a Melthum leh Hualngohmun inkara accident kan tawh avanga min buaipuitute, tlawmngai taka kan accident na hmun a\anga damdawiin leh kan in lam thlenga tha leh zung, sum leh pai senga min buaipuitute zawng zawng chungah lawmthu kan sawi tak meuh meuh a ni. Kan chunga in \hatna Lalpan a let tamn takin rul che u rawh se.

In khawngaihna dawngtu,

Thanghmingliana te chhungkua

Saikhamakawn

TUALCHHÛNG

,Tv. R. Zothansanga s/o Sanghluni (V.Sec) chu damlohna avangin Kulikawn Hospital ah enkawl mek a ni.

,Pi Chawngthanpari w/o J. Malsawma (V.Sec) chu damlohna avanga dawmdawiin a enkawl a nih hnu in alo chhuak.

,Pu C. Lalchhanhima h/o Lal\hasangkimi(T.Sec) chu damlohna avanga Aizawl Hospital a enkawl a nih hnuin a lo chhuak.

, Pu Lalrochama (V.Sec) te chhungkua chuan khawi ilo vah vel nan Bolero thar an lei.

,Pu C. Lalengzama h/o Pi Lalropari (V.Sec) te chuan khawi ilo vah vel nan Bike (KTM) an lei thar.

LAWMTHU SAWINA

            Kan nu Pi Lalbiaksangi Chatuan ram min pan san chungchangah khawtlang mipuite min lainattu leh min buaipui tu te zawng zawng chungah lawmthu kan sawi tak meuh meuh a.

            Kan chunga in \hatna zawng zawngte keini chuan kan r<l seng dawn lo che u a, Pathianin a l>t tam takin r<l che u rawh se ti hi kan \awng\aina a ni e.

In khawngaihna dawngtu

Pu Kunga te Chhungkua

Taitesena Section 

 NGENNA

            Kan huan Field thlang a thing leh mau, thei leh thlai khawih ching an awm niin kan hria a. Khawngaih tak min khawihsak tawh lo turin kan ngen che u a, tun a chinah a khawih \hin te man fuh emaw hriatchhuah in nih chuan in chungah engpawh thleng se in sawi buai thei lo ang.

Zoparmawii

Vanapa Section

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 3.1.2016

MIPUI AW

KARTIN CHHUAK

Vol. XXII Issue No. 1 Kristian Thalai  Pawl  Saikhamakawn Branch  Pathianni Dt.3.1.2016

VAWIIN CHÂNG VAWN

            Atirin Thu a awm, Thu chu Pathian hnenah a awm, Thu chu Pathian a ni. Chu mi chu atirin Pathian hnenah a awm. Engkim azain ama siam a ni;thilsiam zawng zawng hi ama siam loh engmah a awm lo.

KOHHRAN PROGRAMME

3.1.2016 (PathianNi)

Sunday School

Hming ziah ni

|antu              : Pi R. Lalzuali

            Zirlai a awm dawn lova, Sunday School hming ziah leh pawl siamrem tur a ni.

Chawhnu inkhawm

Thuhriltu       : Pu Lalrintluanga

Zan inkhawm

Thuhriltu       : Pu Siamliana

K|P INKHAWM PROGRAMME

4.1.2016 (Thawh\anni zan)

            K|P Thawh\an zan inkhawm Programme hi chanchinbu kan buatsaih lai hian kan la hre hman lova, member ten Kohhran inkhawm Secretary thupuan lamah kan lo ngaihven mai dawn nia.

KOHRAN HMEICHHE INKHAWM PROGRAMME

Ramthim zin

A hun             : Ni .5.1.2016

A hmun          : Sunday School Hall

Hruaitu           : Pi Lallianpuii

|antu              : Pi Sanghmingthangi

PAVALAI INKHAWM PROGRAMME

Sermon Inkhawm

A hun             : Ni .7.1.2016

Hruaitu           : Pu H. Remtluanga

|antu              : Pu C.Saienga

Thuhriltu       : Upa R.Lalngena

(2016 Represent)

SERMON

DAMCHHUNG NITE CHHIAR DAN TUR

Upa C.Lalmuankima.

            Kan dam chhûng nite chhiar dan tûr min zirtir ang che, Finna thinlung kan neih phah hialna tûrin. (Sam 90:12)

1. LAL ISUA HNENA ZIR:

            Lal Isuan ka nghawngkawl bat ula, ka hnenah zir rawh u a ti (Matthaia 11:29). Kan damchhung reilote ah hian Pathian zirtirna leh kaihhruaina kan mamawh. Chhiahkhawntu mi bawlhhlawh leh hlep ru a an ngaih Matthaia te pawh khan Isua ke bulah an zir a, chanchin\ha ziaktu ni thei khawpin a zir chhuak a ni. Tisa leh Thlarau lama kan mamawh zawng zawng neitu leh min pe theitu a ni. Chuvangin dam chhung nite hi a hnenah i zir ang u.

2. AWMDAN TUR LALPA CHUNGA NGHAH:

             I awmda tur chu Lalpa chungah nghat la, Amah chu ring la, a man a ti vek ang. (Sam 37:5) Thinlung zawng zawngin amah ring ila, kan awmdan tur Lalpa chungah nghat tawp mai ila, Aman engkim a ti vek mai dawn a ni. Kan duhdan aiin Lalpa duhdan kan dah pawimawh zawk anga, ‘Lalpa i thu ni rawh se’ kan ti zel ang.

3. LALPA ZAI NGAIA KAL (Thufingte 3:1-10):

             Lal Hezekia a damloh a Pathianin a tihadm leh a, a damchhung nite kum sawmpanga (15) zet a tih sei leh khan a lawm em em avangin heti hian a sawi a, “Ka damchhung zawng zawngah chuan zawi te in ka kal dem dem tawh ang” a ti a (Isaia 38:15). “Ka damchhung min la pek belh kum sawmpanga (15) hi Lalpa zai ngaiin ka kal tawh dawn a ni” a ti. Keini pawh kan damchhung ni hman zat tur kan hre lo, chuvangin Lalpa zai ngaia kan kal ve a ngai a, Thlarau lam nun \hanlen zelna atan pawh Pathian duh zawng zawk zel a a zai ngaia kal a ngai a ni.

            Damchhung leh Chatuan thlenga nihlawh leh vanneihna dawn theihna pawimawh tak chu damchhung ni chhiar thiam hi a ni. Chumi dawng thei tur chuan kan damchhung ni tawite hi Isua ke bulah zir ila, kan awm dan zel tur Lalpa chungah nghat ila, Lalpa zai ngaiin dam chhung ni i chhiar ang u.

            Lalpan malsawm rawh se.

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KUMTHAR

            Pathian hruaina zarah Kumthar 2016 chu kan lo chuangkai leh ta reng mai, he kumtharah hian kumthar anih ang ngei hian mitin ten rilru thar leh ruahmanna thar nen kan hmachhawp kan tih tur \heuhah hma ila ang u.

            Beiseina nei lo mihring chu ran ang mai leh nun chhan nei lo ang hialin an lo \hin, chuvangin beiseina nei tawh loh pawn beiseina thar nen he kum hi hman tum ila, harsatna hrehawmna tinreng chu a awm leh dawn a, chung hre reng chung leh tawrh inhuamin beiseina chuan min hruai zawk sela \an ila thar leh ang u.

            Hmasawnna nei tur hian hmachhawp neih a ngai \hin chuvangin tun kumtharah hian engemaw hmachhawp chi hrang hrang nei ila, chi hrang hrang kan nei thei lo anih pawhin pakhat tal neih tum ila, chu kan hmachhawp chu tihhlawhtlin ngei tum \an ila sauh sauh bawk ang u.

            Hlawhtlinna nei tur chuan thawhrimna leh taimakna hi sawi hmaih hauh loh tur a ni awm e. A chunga kan sawi Beiseina leh Hmasawn nana hma chhawpte hi nei kawp ila, chutichuan hlawhtlinna chuan min rawn um zui ngei ngei ang tih hre chungin he Kumtharah hian \an ila thar leh ang u

            A bul \an \hat hi a chanve zo ang a ni an lo tih \hin a hei hi thufing anih angin zawm ila, Kum bul a\ang hian bul i \an \ha ang u. 

           

ARTICLE

MUAL  HRANA  KUTPUI  HMANGTE

-Pc. Hriata.

|hang lo thar zelte pawhin hmalai Mizo pipute Kut hman  hlimawmzia
       leh nawm tur zia a nihna ang takin hrethiam lo mah ila kan mitthla thiam vek ang. Chutiang a hun hlimawm leh an nghahleh em em hmun danga hman chu tu fa mah hian a chak hlawl lovang tih a rin theih. Nimahsela khawvel changkang zel leh nundan a danglam tak zelah chuan chung kan hun ropui leh hlimawm tak takte chuan mual min liamsan ta a nih ber hi maw.

            Ni a liam a, thla liam zel, nipui khawlum hreawm zet mai chuan tute mai pawh hi a hmet zawi a, chutih laiin fur ruahtui far fep fep leh chhum zing chuai lahin nunram a ti zing chuai lawi si. Khua rel bawhchhe hauh lovin favang hun thengthaw nuam zet lo thleng erawh chuan Kristian te Kutpui hlimawm tak lo thleng mai tur atan mimal leh chhungtinte rilru a rawn kai harh sawng sawng thung a. Kum thar, hun thar lo thleng tur erawh hlim leh nuam taka kan hman theih nan thlasik khawvawt hnuia lum nuam taka awm theih dan zawn a ngai hlauh thung. Hetianga hunin mihring nun a nuai dan chhut neuh neuh chuan siamtu remruat thiamzia a lang uarh uarh thin a, lungleng mi tan chuan thih ngam khawpa lunglenna tham chu siamtu hian a lo phum ru khiau a lawm mawle.

            Hetiang tak hian hunin mihringte angkhatin min hrutrual vek mahse kan hringnun kawng zawh lai hi a va inanglo tehlul ngai em. Lal piang lawmna Kut hmang a, Kum thar hlimawm tak hmuak a, hmang turin chhungkimtea inbuatsaihte lenna mual zawng hmuh a va nuam em. Hlimna hi Siamtu thilthlawnpek hlutak a ni si a. Tukhaw thik phak an ni nem tia thlafam zunleng ngaia khawhar taka indawmkun mek te erawh chuan sulhnu chhuikir na hun atan mai em ni khuanun a lo duan le ti a, vui hmui put mai hi thil awl tak tur a lo ni. Hlimlai par tlana leng zawng ten; in hmu thiam lovem ni hmangaih kaltate ngaia Kut hmangte nui hmel hi!!! In zingah laichhuat chhirin in dungthul mahse mual hranah he Kutpui hi an hmang si. Mahse Siamtu mit leh thinlung erawh chuan a hmuh hmaih si lo. Hlimna te, lungngaihna te, tahna leh lawm lai ni lo thleng thin hi siamtu Pathian rorel dan a nih miau avangin tu kan indem thei lo tih erawh hria ila. Tap te in tah puia lawmte inlawmpui hi kan Pathian min zirtir dan leh duhdan pawh ni reng a, lungngaihna nen hlimni kan hmuah hun a lo thlen chang a awm a, lungngai taka kan awmna hmunah kan nuih hun a lo thlen hun a awm bawk thin, heng zawng zawng hi Pathian thil rel dan a ni miau a lawm le.

            Tah leh rumna khawvelah hlimin nui thin mah ila, a rei lo kan hlim lai ni te, zamual liamin kan hmangaih ten hawilo par min tawn san mahse, lungngaite hnemtu Isua kan nei hi ringtute kan va vannei si em. Ka lawmna ber erawh hei hi a ni “Ram engmawi tak chu a awm, tlansa te lenna ram nuam, mawi leh duhawm tak mai chu, chhum zinna piah ah chuan” tih hi. Hun leh kum te a lo inher liam zel anga, kei ngei pawh he khawvel ka khualzinna ram hi ka chhuahsan hun a lo la thleng ve ngei ang. Chutih hunah chuan min hmangaihtu Lalpa hnen ka han thleng ve anga,chutah kan lenrual lungduh, hmangaih kalta te nen chatuanin hlimtawp hlau lovin Kutpui hlimawm tak kan la hmang dawn si a.

                                                                                                        

                       

BENG TIVÂR

LEI HIPNA

            Sir Isaac Newton (1642 – 1726/7)-a’n apple tla a hmuh avanga a thil ngaituahchhuah atangin lei hipna gravitation,gravity leh microgravity chungchang hi thil ngaihnawm tak leh zir hlawh tak a lo ni ta a.Engvangin nge thla (moon) khian kan chenna leilung hia pangngai renga a hel tlat chu le? Lei hipna vang an ti a, lei hipna vang a nih chuan engati nge thlapui khian lei chu a rawn sut chawrh loh chu le? Newton chuan hetiang hian a ngaihtuah a. Khawvelah hian tlang sang em em mai awm ta ang se, chu tlang chu boruak atmosphere-in a chim phak bak thleng rawka sang ni ta bawk sela. Chu tlang chhip sang lai ber atang chuan a phei zawngin kawlkil tinzawnin laipui han kap ta ila, chu laipui mu chu chak takin a phit ta a, khawmual lamah a tla thla ta riai riai a,leihipna avangin a tla chak tial tial a,( acceleration due to gravity g= 9.8 meter per second square ) a tawpah khawmualah a tla thum ta dut mai dawn a ni.

            Laipuiah chuan a z>n \ang \ha et awt tam tawk tak leh laipui mu han thun belhin kap leh ta ila, a hmasaa laipui mu a tlakna aia thui fe-ah a tla leh ngei dawn a ni. Chu aia z>n chak leh \ang tha si, tam tawk tak leh a mu thunbelh leh khan han kap leh ta ila, mak tak mai in chu laipui mu chu leiah a tla ta lo va, chatuan atan khawvel hi a hel kumkhua tawh mai dawn a ni. Lei hipna avanga khawmuala tla tawh lo tur chuan second khatah 11.2 km-a chaka phit a ngai a, chu a phit chak zawng chu exit velocity emaw escape velocity emaw an ti a ni. Kum 250 kalta-ah khan Sir Isaac Newton chuan chutiang thil chu a lo ngaihtuah chhuak tawh a, Russian scientistho chuan kum 100 kal ta khan Sputnik chu khawmuala tla lo tur leh khawvel hel reng thei turin an lo kapchhuak thei tawh bawk a ni.Tunlai kan thalaite’n khawthlang lama inkhel zan khawtai rek reka football LIVE-a an entheihna chhan pawh he ngaihtuahna atanga lo piang satellite technology avang a ni a. Kan chenna leilung atanga km 380 vela sanga space shuttle thlawk kual reng thei turin secondkhatah metre 7,680-a chaka thlawh a ngai.Chu speed chu boruaka ri kal chak zawng aia let 23 a ni.International Space Station (ISS)khi kan chenna khawvel a\anga km 319.6 leh 346.9 km inkarah darkar khata 27,744 km-a chakin a thlawk fia fia mai a,a chhunga chuangte chuan a thlawk tih pawh an hre lo va, chutiang fakauva chaka an thlawh reng avangin taksa rihna engmah an nei lo bawk a, sava hmul ai pawhin an zang zawk hial a ni.Sitting roomah kan \hu a, TV kan en lai hian kan thlawk lo emaw, kan che sawn lo emaw kan inti mai thei a, chhun leh zan awm thei tura khawvel a vir rualin min virkual pui reng a, chu-achhapah zan reh tawh lama Aizawl khawpui chhunga bike,a ri ring thei ang bera ramhuai speed aia chaka an tlan vak vak aia chak zawk hian kan chenna leilung hian ni khi min helpui reng bawk a ni.

QUIZ

PUZZLE NO. 1

Thai dan tur:

            A chunga Puzzle ah hian Matthaia Bung 1 & 2 ami mihring hming 18 phum a ni a, han zawng chhuak teh le. I thai apiang ahnuaiah hian i ziak zel dawn nia.

1. ____________________________________

2. ____________________________________

3. ____________________________________

4. ____________________________________

5. ____________________________________

6. ____________________________________

7. ____________________________________

8. ____________________________________

9. ____________________________________

10. ___________________________________

11. ___________________________________

12. ___________________________________

13. ___________________________________

14. ___________________________________

15. ___________________________________

16. ___________________________________

17. ___________________________________

18. ___________________________________

            Chhanna leh lawmman hi Circulation Manager Tv. C.Laldawngliana hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

BIAL ZAIPAWL LO TEL TAWH HRIATIRNA

            Hlimen Pastor Bial Zaipawl a lo tel tawh \hin zawng zawngte ni 5.1.2016 (Thawhlehni) zan dar 6:30 hian Hlimen Kohhran Hall-ah Jubilee Zaipawl ami tur hla zir tur a ni a, Hlimen pastor Bial Zaipawl a lo tel \hin zawng zawngte kan inhriattir a ni e. Bial Zaipawl-a lo tel tawh \hin hriatirna leh sawmna hmu palh kan awm pawhin hei hi hriattir na leh sawmna atana ngaih tur a ni e.

LAWMTHU SAWINA

            Ni 2.1.2015 (Inrinni) khan K|P, Saikhamakawn Branch chuan Christmas leh Kumthar ruai buatsaihna singsa a nileng hnatlang neih a ni a, hnatlanga thawkchhuak zawng zawngte chungah lawmthu kan sawi tak meuh meuh e.

Sd/-

(PC. VANLALHRIATPUIA)

Secretary

K|P, Saikhamakawn Branch

MHIP KUM 2016 HRUAITU THLAN THARTE

President         : Pi Lalchhingpuii

Vice President   : Pi Lallianpuii

Secretary        : Pi K. Lalbiaksangi

Asst. Secretary  : Pi Lalhmachhuani

Treasurer       : Pi Saithangpuii

Fin. Secretary : Pi Sanghliri

OBITUARY : REV. CHAWNGHMINGLIANA

     Rev. Chawnghmingliana (Kum - 33),  Zamuang Bialtu Pastor chu Dec. 24, 2015 dar 6:10 khan Synod Hospital-ah Rectum Cancer avangin a boral, Dec. 25, 2015 chawhnu dar 1:00 khan Republic Vengthlang Kohhran Biak In-ah Synod Moderator Rev. H. Lalrinmawian a vui liam.

HRIATTHIAM DILNA

                   Vawiin MIPUI AW Issue hi kan print tir na \hin offset press lamin min ngenna avangin  ni 29.12.2015 (Thawhlehni) a chhut kha a ni a, tualchhung news leh chhuahtur kan dawn tam zawk kan rawn chhuahtheih loh avangin Mipui Aw lo la tu zawng zawngte chungah in mi hriatthiamna kan dil e.

                        -Editor, Mipui Aw

K|P GENERAL CONFERENCE (2016) HLA BU TLANGZARH

            General Conference vawi 56-na Hla Bu chu Central K|P Leader Rev. J. Lalremsiaman Pathian hnenah hlanin a tlangzarh.

            Hla bu hi Synod Bookroom Branch hrang hrangah `40/-in zawrh chhuah nghal a ni a, a hlawma la duh leh zuar chhawng duhte hnenah 10% discount pek a ni. Tin, Spiral Binding (A4 size), `100/- man tlem siam a ni bawk a, hei hi Central KTP Office a\angin tun kum tharah hian ngaihven theih a ni ang.

            KTP General Conference vawi 56-na Hla Bu-ah hian hla 50 (solfa hla 40 leh lengkhawma sak mi 10) dah a ni a, hla thar 11 seng luh a ni a, kum 2014 Gen. Conference Hla Bu-a mi hla 33 chu dah zui a ni tawh lo thung. Hla thar zingah hian Theme Song (56th. Gen. Conference thupui mil), T.Upa David Lalliansanga, Kulikawn Vengthlang phuah a tel bawk. Hla bu chhut leh solfa endikah hian T.Upa V.L. Muanchhana, Mission Veng leh Pu R. Lalmalsawma (Bethlehem Veng) ten tha an thawh nasa hle a. Cover design hi Pu C. Laldinpuia (Dinagrafix, Tuikual) kutchhuak a ni a, type setting hi Pu C. Lalchhandama (Chanmari) kutchhuak a ni.

            Gen. Conference (2016) hla bu-a hla thar dah luhte:

1. Amen ka pe ta – El Bethela

2. Chawlhna luikam – P.B. Lalbiakzuala

3. Harhna ropui – Upa Lalnunpuia Hrahsel

4. I ram hian kin hun ni – Chawngkhupa

5. Ka ropuina Lalpa – Romalsawma

6. Lal Isua hmangaihna – T. Laldintluanga

7. Lalpa nghak rawh – Upa L.H. Rohmingliana

8. Lalpa Indona – Upa L.H. Rohmingliana

9. Lalthutthleng kiangah – Lallianmawia Tlau (trans)

10.Van khawpuiah – K.L. Liankima

11.Vanglai nun hi – David Lalliansanga

TUALCHHÛNG

, Lalrawngbawli d/o Zodinliana (T.Sec) chu Synod Hospital-ah enkawl mek a ni.

, Lalenkawli Sailo d/o V.L. Zidinga Sailo (V.Sec) chuan a pakhatna atan fapa duhawm tak a nei thar.

KAN VENGAH CONCERT

          Dt. 31st December 2015 zan khan kan vengah Sorkar, A.M.C leh C.Y.M.A \angkawpin Concert ropui tak buatsaih turin min thlan ve chu tihlawhtlingin vengchhung mipuite \awiâwmna azarah tihhlawhtlin a ni. Concert zan hian zaithiam lar tak tak te leh fiamthu thiam te sawm an ni a. Vengdang a\ang pawhin concert chhim hian an rawn fuankhawm \hahnem hle bawk. Hetiang thil hi kan veng tan chuan thil lawmawm tak a ni a, veng mipuite \anhona a \hain a fakawm hle a ni.

MIZORAMAH TUALTHAHNA TUM 34 THLENG

            Nikum kalta chhung khan Mizoramah tualthahna tum 34 thlengin, pawngsual tum 56 a thleng. CID Crime in kumin January thla atanga November thla thlenga Mizorama thil sual tihna hrang hrang an chhinchhiahna atanga a lan danin, tualthahna tum 34 a thleng a, tual thah tum thubuai 22 ziah luh a ni a, tum lawk sa reng vang ni lo-a tual thah 9, pawngsual 56 a thleng a, rukruk, mi suam leh mi rawk thubuai 1,374 ziah luh a ni a, mi rukbo 15, mi thil chhuh luih 21 thlengin, IPC hmanga thubuai ziah luh zawng zawng hi 2,056 a ni. CID Crime chhinchhiah danin, thla 11 chhung khan ralthuam tawlhruk man 33 a awm a, ND&PS Act hmangin thubuai 81 ziah luh a ni a, naupang khuaikhem thubuai 67 ziah luh a ni bawk a ni.

Zanin inkhel turte:

Crystal Palace Vs Chelsea (7:00)

Everton Vs Tottenham (9:30)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330