Mipui Aw 9.8.2015

MIPUI AW

KARTIN CHHUAK

Vol. XXI Issue No. 32 Kristian Thalai  Pawl  Saikhamakawn Branch  Pathianni Dt.9.8.2015

VAWIIN CHÂNG VAWN

            “Hun chu a lo thleng ta a, Pathian ram pawh a lo hnai ta; sim ula Chanchin Tha hi ring rawh u,” a ti zel a. -Marka 1:15

KOHHRAN PROGRAMME

9.8.2015 (PathianNi)

Sunday School

|antu              : Pi R. Lalzuali

Zirlai 29-na: Thlarau Thianghlim hnathawh I-na

Chawhnu inkhawm

Thuhriltu       : Upa Lalzama

Zan inkhawm

Thuhriltu       : Upa R. Lalngena

PAVALAI FELLOWSHIP PROGRAMME

Chawhnu  Inkhawm b^n

A hun             : Ni .9.8.2015

A hmun          : Sunday School Hall

Hruaitu           : Pu F.Lalrinpuia

            Fakna hla sak ho leh Sharing a hun hman tur a ni ang.

K|P INKHAWM PROGRAMME

9.8.2015 (Thawh\anni zan)

Hruaitu           : Pu R.Lalmuanpuia

|antu              : Tv. R.Zodinsanga

Thuhriltu       : Pu Lalrinmawia (BK|P Comt.)

Zaip^wl          : Bial Zaip^wl leh K|P                                                 Malevoice

Thilpek lakha-: Nl. Emy Lalhmangaihzuali

wmtute                         leh Nl. Judy Lalsangliani

Zai hruaitute  : Pu Lalhmangaihzuala leh

                          Tv. Lalhmangaiha

Keyboardist   : Pu Lalchhandama

Bial hruaitun leh Bial Zaipawl ten min rawn tlawh dawn a, Inkhawm b^nah thingpui, inkhawm apiangte tan buatsaih a ni ang. He mi z^nah hian Kohhran mipuite  a thei thei Inkhawm turin K|P chuan min sawm e.

SERMON

LOKAL TURA CHU 

            Tin, Johanan Krista thiltihte chu t^n inah chuan a lo hriatin, a hnenah, “ Lo kal tura chu i ni nge, mi dang kan la ngai ang?’ tiin a zirtirte a palaitir a.

            Tin, Isuan an hn>nah, “ Kak leh ta ulang, thil in hmuh leh in hriat hi Johana hn>nah va hrilh rawh u; mitdelte mit a lo v^r ta, bengngawngte pawh an beng a lo v^r ta, mitthite pawh kaihthawhin an awm ta, pachhiate pawhin Chanchin |ha hrilh an dawng ta. Tin , tupawh ka chunga lungnih lohna hmu lo chu an eng a th^wl e.” tiin a lo chh^ng a.

            Judate hian Mesia lo kal tur hi beisei nei takin an lo thlir \hin a. A lo kal dan tur pawh suangtuah l^wkna tam tak an nei  \hin. Tin, an beisei dan pawh ropui taka lo kalin, Lal ropui tak rawn niin, Lal chak tak niin Judate Rom Sorkar awpbehna lak a\anga chhan chhuak turin  an bei sei \hin a ni. Mahse, Mesia, Isua Krista hi mihringte beisei ang leh tum d^nin a lo kal ta reng reng lo a, Juda ho pawhin an hriat theih loh phah r>ng a ni. Thilmak leh thil ropui hmanga Lal ram din turin Isua hi a lo kal reng reng lova,Judaten an tum dan ram zawng zawng min \hiat sak ta a ni. Chu mi  a nih avang chuan Judate pawh chuan Mesia hi tun thlengin an la hre thei lo a ni.

            Tirhkohte thiltih bung 2 :17-18-ah chuan, “ Pathianin. ‘ Ni hnuhnungahte chuan  heti hi a ni ang a, Mizawng zawng chungah ka Thlarau ka leih ang a;Tichuan in fapate, in fanuten ka thu an hril ang a; In tlangv^lten inl^rnate an hmu ang a, In putarten mumangah an mang ang a; A ni, ch<ng niahte chuan ka b^wihpate, ka b^wihnute chungah pawh, Ka Thlarau ka leih ang a, ka thu an hril ang.”tih kan hmu a. Tin, Tirhkih Paula chuan Timothea hnenah, ‘ Tin, hei hi hre rawh, ni hnunhnungah chuan hun kirh takte a lo awm ang. Mi, mahni inhmangaihtu te, tangka ngainatu te,.........Pathian hmangaih aia mahni l^wmna mai hmangaih zawktu te an ni d6wn si; Pathian ngaihsak anna an nei ang a, nimahsela a thiltihtheihna chu an awih lovang; chung ang chu hawisan rawh.”  a lo ti a ni.

            Bible-ah hian hun hnuhnung thu ka hmu nual a, Pathian thlarau thianghlim lo thlen tur leh sualna chi hrang hrang lo thlen tur thu thu kan hmu bawk. Thlarau Thianghlim lo thleng tur hi eng angin nge i lo bei sei a,  eng ang takin nge i lo ngaih le? Judaten, Mesia an beisei d^na a lo thleng lo ang hian, tun \uma Thlarau Thianghlim lo thleng mek hi i ngaihd^n a ni lovem? Johana ngei pawhin Lal Isua Krista hi a beisei ang a ni lova, ‘Lokal tur a chu i ni nge midang kan la ngai ang?’ a ti a nih kha. I rin ang leh i tum ang leh i duhd^nin a lo thleng lo pawh a ni thei e, mahse, i tlai ang  e. Pachhiaten Chanchin |ha hrilh an dawng a, mitdelte mit a lo var lai hian, mitvar zawkte mit a lo del ta thung em ni ang le? Misual- z^wka kan ngaih te Pathian fakin an zai a, an l^m ta a nih hi. Hei b^k hi Thlarau Thianghlim hnathawh a awm chuang dawn em ni? Nge, Thlarau Thianghlim dang i lo la nghak zel dawn? I tlai ang e...   

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

FIMKHUR LEH ZUAL ANG U

            Hei tunlai hian veng chhungah thil bo leh in rawk an sawi leh zauh \hin. Mi tam takte Thlarau Thianghlimin anmahniah hna a thawh lai hian, \henkhat ve thung erawh chu sual hnathawh avangin mi in rawk tur leh ruk ruk tur zawnga lo buai ve mek an awm bawk. Mipui an thuhmun fo thei lo tih ang zawng zawngin, tam tak Pathian Biak In lamah inkhawm hman loh hlau em emin an hman hlel a. Chu mi remchanga lo hmanga, mi awm loh lai lo ch^ng duh tawk kan la awm fo mai. Eng tianga hma lak tur nge phei chu sawi a hr hle a, a mah erawh chu, mi tinte fimkhur leh zual ang u.

            Tin, fur hun kan hmang chho mek a, ruah bawhawk sur te pawh a hun chho mek a. Mizoram hmun hrang hrangah lei min leh lei tawlh leh saberekakhuangkaih tih te a vanga vanduaina lo thleng kan hre fo \hin. |henkhat te hi chu lo thleng thut, inrin hman loh thilte a ni fova, \henkhatte erawh chu kan fimkhur loh a vanga vanduaina kan tawh chang a awm fo \hin. |henkhat chu Kan Inchung tuidawn kan lakdan a \hat loh avanga lei min ta te a ni fo va. tin, kan in bul tui luan kawr kan enkawl fel tawk loh avanga lei min kan tawrh ch^ngte pawh a awm \hin. Heng zawng zawngah hian khawtlang mipuite pawh i fimkhur leh zual ang u. Tin, mi kawng a kalte t^n i inchung far kha a hnawk em? tih te pawh enfiah \hin a \<l hle a ni.

           

ARTICLE

K|P YOUTH RECREATION CENTRE

(Chhunzawmna)

            Funding chungchang hi buaipui chhoh \an mek a ni. Heng rauhmanna zawng zawng hi vawilehkhata puitlin chu thil lian tham a nih avangin huphurhawm tak ang pawhin a lang thei a, hemi avang hian funding te kan hmu thei a nih chuan kum 5/6 chhunga zawh hman beisei a ni a. Chutih rual chuan  a vaia zawh hma pawhin member ten a hma thei ang bera kan hman \angkai theih turin YRC a awm tur kan tarlan hrang hrang a\anga \henkhat khi chu kum 1/2 chhunga zawh mai theih tura ruahmana pawh siam a ni. YRC hi puitlin a nih hnuah chaun a enkawlna senso (maintenance) pawh a san viau dawn avangin amah in enkawl zo tura ruahmanna siam a ni a. K|P ten kan hman bakah chuan sawrkar, pawl, NGO, etc. in man chawia an hman theih tura ruahmanna siam a ni.

            Heng ruahmanna hi Pathian hruaina a kan tih hlawhtlin hunah chuan K|P tan hmun pawimawh a nih ang bawkin Kohhran tan leh ram tan pawh a rotling tak a ni ngei ang tih CK|P chuan a beisei a ni.

            YRC a hlawhtlin theihna tur hian hun rei tak member ten pawisa kan lo thawhkhawm tawh a. General Conference leh Rorel Inkhawm ah pawh vawi tam tak Agenda a lo nei tawh a nih avang hian a hlawhtlin hun hi kan nghakhlel tlang hle tih a hriat a. Kumin 2015 Rorel Inkhawm ah pawh Rorel Palai ten, “YRC pual hian Budget Aizawl khawpui chhung ten member pakhatah  `50, District Capital tan `30 leh a dang zawng tan `20 thawh,” tih leh “K|P Inkhawm thawhlawm \um khat YRC pualin lakkhawm nise” tiin kan rel a nih kha. Kan Project hi a len deuh avangin kum dang aia member pakhat chh<ta thawh tur hi a tam ta, kan \an tlan leh pawh a ngai zual hle dawna ani. Budget a nih angin, member te a a zavaia khawn kher lo zawnga YRC Budget tuak dan kan ngaihtuah chhuah thiam phei chuan a \ha viau ang. Branch eng emaw zat in YRC Budget tuak nan sawhthing linga inhlawh, leilaih, huan sam, sangha zawrh, bawm dawh, YRC Ip siam, Jumble Sale, etc. hmanga hma kan la hi a ropui a, hetianga kan tha leh zung seng zawng leh kan remhriat dan ang anga hmalak chhoh zel theih nise a lawmawm ngawt ang.

            Hmalakna leh hmachhawp: Pawisa kan lo thawhkhawm tawh a\angin a laihzawl hna ni 11th May, 2015 khan \an a ni a, eng emaw zat laihzawl tawh a ni. Fur in min nan chhoh mai avangin hna hi chawlh rih a ni a, ruahtui a hul remchang hmasa ah chhunzawm leh tura ruahman a ni.

            Kristian |halai Pawl member ten rampum huapa kan thil neih in\awm tur (YRC) hi state tan pawh a rohlu tling pha tur a nihna ngaihtuahin phur takin a hlawhtlin dan ngaihtuah zel ila. YRC hi kan ta a nih angin ngaihven ila, sawi tam ila, kan rawngbawlna peng dang thlahthlam si lovin theihtawp i chhuah zel ang u.

            A pawimawh ber ah chuan Pathian hnenah i thlen tam ang u. Fellowship/|awng\ai Inkhawm ah te a hlawhtlin theih nan te, tluang taka  hna a kal chhoh zel theih nan te leh kan hruaitu he lama hma la tu te tan \awng\ai thupui ah thawh \hin ila, “Tichuan, keimahni a thawk \hin thiltihtheihna ang zelin kan dil leh kan ngaihtuah zawng zawng aia nasa zawk ti theitu hnenah ngei chuan,” (Eph 3:20) i thlen \hin ang u.

(Issued by Central Kristian |halai Pawl)    

BENG TI VAR

LIRTHEI A DAN BAWHCHHIAT THEIH LEH CHAWI THEIH ZAT TLANGPUI

1. Hlauhawm taka Motor khalh - ` 1000/-

2. Dik lo tak a Motor park - ` 100/-

3. Kum tlinglo - ` 500/-

4. Two Wheeler-a pahnih ai tam chuan - ` 100/-

5. Helmet khum loh - ` 100/-

6. Number plate tar loh - ` 100/-

7. Nitlak hnu a light chhit loh - ` 100/-

8. Number diklo khalh - ` 100/-

9. Inchei mumal lova khalh - ` 100/-

10. Stop/Singnal light ngaihpawimawh loh - `100/-

11. Mahni licence neih lohna motor khalh - `1000/-

12. Licence tel lova khalh - ` 500/-

13. Dan zawm loh - `500/-

14. Chak lutuk a khalh - ` 400/-

15. Motor tha lutuk lo khalh - ` 250/-

16. Registration loh khalh - ` 2000/-

17. Insure chi Insure loh khalh - ` 1000/-

18. Motor khalh lai a meizuk - ` 100/-

19. "One way", "No right/Left turn", "No horn,etc." zawm loh - ` 100/-

20. Phal lohna hnun a horn lian (vacuum horn)hman - ` 100/-

21. Dam chiang lova khalh - ` 200/-

22. Rate bithliah aia sang a chuan man lak - ` 100/-

23. Horn neilo/chhia khalh - ` 100/-

24. Silencer neilo/chhia motor khalh - ` 100/-

25. Load sang lutuk leh bungraw sei lutuk phurh - ` 100/-

26. Mobile phone hmang chung a khalh - `100/-

27. Driver nungchang mawilo - ` 100/-

28. Phalna nei lova vantlang hmun a intlansiakna a tel leh speed enchhin - ` 500/-

            Heng bâka dân bawhchhiate chu M.V Act 1988 Section 177 tlawhchhan a kawng hrang hrang a hrem theih an la ni bawk.

BIBLE  QUIZ  No. 84

JOHANA BUNG 1-5

A kâr âwl dah khat rawh :

Q1.  A famkimna kan chang theuh, khawngaih chunga khawngaih leh ______________________ nen.

Q2. Isuan an hnenah, “He in hi tichhia ulang, ni thum chhungin ka tungding ____________ ang,” a ti a, a chhang a.

Q3.Vanah tumah an lawn ngai lo, van a\anga lo chhuka chauh lo hi chu, Mihring Fapa ________________ awm hi.

Q4. Tin, hmeichhia chuan a hnenah, “Ka pu, chu tui chu mi pe rawh, ka tuihal loh nan leh, heng thleng thlenga _____________________ tura ka lo kal \hin loh nan,” a ti a.

Q5. Tin, chu mi chu a va kal a, Judate hnenah chuan a tidamtu chu ___________________ a ni tih a hrilh a.

A bung leh châng dah rawh :

Q1. Tin, Isua vekin a hnenah, “Tih tak meuhvin, tih tak meuhvin ka hrilh a che u, van inhawngah, Pathian vantirhkohte Mihring fapa chungah hian chhuk leh chho in la hmu ang,” a ti a.

Bung: ...............          Chang: ....................

Q2.mihring thu tumaha hrilhfiah a ngaih loh avangin; amahin mihring chhunga awm apiang chu a hre si a.

Bung: ................         Chang: ....................

Q3. Tupawh Fa ring apiangin chatuan nunna an nei tawh; nimahsela tupawh Fa thu awih lo apiangin nunna an nei lo vang a, Pathian thinur an chungah a awm reng zawk a ni,” a ti a.

Bung: ................         Chang: ....................

Q4. Chu chu Isuan a chhinchhiahna tih a vawi hnihna a ni, Judai ram ata Galili rama a lo kalin.

Bung: ................         Chang: ....................

Q5. Nimahsela a thu ziak chu in rin si loh chuan engtin nge ka thu in rin ang?” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 83 RESULT

Chhanna lut zawng zawng : 4

Chhang dik vek                       : 4

Lawmman dawngtu: CV Lalruatsanga (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

HNATLANG HRIATTIRNA

            August ni 15 hian kuang siam hnatlang neih tur a ni a, kuang siam \hinte hnatlang a thawkchhuak \heuh turin kan inngenin kan inhriattir e, chaw fun tur a ni anga, dar 10:00am ah kim tur a ni e.

Sd/-

(C.LALDUHSANGA)

Kuangsiam Sub-Committee

KOHHRAN HMEICHHE PROGRAMME

11.8.2015 (Thawhlehni zan)

            Kristian chhungkaw puala hun hman tur a ni.

CHATUAN RAM LAMAH

            Pi Hrangchhingi (81) m/o Upa Lalzuiliana chu 6. 8. 2015 zan khan natna awm tawh lohna hmun Lalpa hnenah min lo chawlhsan ta a. A kalsan tak a chhungte Mipui Aw Editorial Board te chuan kan tawrhpui in Lalpa’n vengin awmpui zel rawh se tih hi kan \awng\aina a ni e.

CHHIAT TAWH CHUNG A LAWMTHU SAWINA

            Kan nu Hrangchhingi (81) chuan ni 6.8.2015 dar 10:55 pm a min boral san chungchang ah Saikhamakawn khawtlang leh Kohhran te chung ah lawmthu kan sawi a, a damloh hunchhung zawnga sum leh pai tamtak leh hun hlu tak mai senga min buaipui tu, mimal, Kohhran leh khawtlang chungah lawmthu kan sawi tak meuh meuh a, a boral ni thlenga kan chunga inthatna leh enkim mai a min tuamhlawm na ah a tu leh fate chuan lawmthu kan sawi tak meuh meuh a, kan chunga in that na hi kan rulseng lo che u tih kan hria a, Pathian in a let tam tak in malsawm che u rawh se tih hi kan tawngtaina leh duhthusam ani e.

In khawngaihna dawngtu,

Lalzuiliana te chhung

Saikhamakawn.

MYANMAR TUILIAN TUARTE TANPUINA

            Mizoram Presbyterian Kohhran OM chuan Myanmar rama tuilian nasa tak avanga harsatna namenlo tawk mek Zo hnahthlak te chu tanpui tha in a hria a. Aizawl khawpui chhung Kohhran hovah tanpuina (Vehbur) khawnsak tur a tih ani a. Aizawl khawpui pawnlam, a thei apiangin an tanpui theih nan chanchinbu leh T.V lam ah te thehdarh tur a tih a ni bawk. |anpuina thilpek te hi August 2015 chhung a lakkhawm tura tih ani a, bungrua (kind) a pek chu buaithlak deuh dawna rin anih vangin pawisa fai a tanpuina hi pek tura ruahman a ni.

            He tanpuina pe thei tur chuan Synod office account branch - receipt counter ah office hun chhungin pek theih reng ani. OM chuan suma tanpui bak ah \awngtai pui turin Kohhran tin a ngen bawk.

HARHNA SEMINAR PAPER

Harhna chungchang a inrawnkhwamna, Aizawl khawpui chhung te tana buatsaih (Ni 21 July, 2015) a Synod Conference Centre a neiha thu pawimawh khaikhawmna.

1. Harna hi Kohhran ten kan dil \hin             a, alo thlen hian lawm phawt mai ang u. Harhna avang a buai hi pawi ti lo ila, mahni awmna hmun \heuh ah \hahnem i ngai ang u.

2. Harhna changtute tha taka enkawl thei turin \awngtai na nen harhna changtute i ho peih ang u.

3. Kohhran hruaitu ni lem lovin harhna an hruai hian buaina a awm \hin a, \hatpui aiin chhiatpuina a thleng duh.

4. Simna, inngaihtlawmna leh thuawihna te hi harhna lo thleng mek in a ken ani a, heng te hi sawi tam angai.

5. Harhna changtute hlimpui zawng ai mahin harhna changtute zing ah thutak man lo an awmthin avangin heng hun ah hian Pathian thubul, Kohhran in kan zirtir \hinte hi sawi tam a \ha.

6. Mi tih entawn an awm in inentawn lo tur a hrilh hreh loh a \ha.

7. Harhna zenawi lak ah hian inven theih deuh dan a awmin a lang.

8. Pulpit leh maicham hman dan tur Synod in thluak fim in a siam a, bawhchhiat loh hi a \ha ber.

9. Harhna hian mahni thuduhna a keng ve bawk tih hriat a \ha.

10. Thlarau indona tia an chhal tamtak hi tisa taka indona a ni thei ve tho.

11. Chhia leh \ha hriatna kan neih a\ang hian ‘ A Bible em?’ tih hi kan tehna zel tur a ni.

12. Harhna dik tak chuan inhmangaih tawnna a hring \hin.

13. Harhna changtute thu ang zel a kal na ah pawlchhuak a tam. An kalphung pel lutuk a inphalrai hi Kohhran tan a \ha ber lo ang.

15. Pentikos ni a Thlarau Thianghlim in a pawl te kha an buai miah lo, a pawl ve loh, ralkhat a\anga thlir tute an buai zel zawk a ni.

16. Kohhran hi kan chhangchhia a, chhangchhe enkawl thiam pa nih zir angai. Chhangchhe enkawl thiam lo chuan chhungkua a tidarh a, chhangchhiat peih loh chuan chhungkua a pun theih loh.

TUALCHHÛNG

, Kan Mipui Aw  Editorial Board  lo ni tawh \hin Tv. R. Lalzamlova s/o R. Lalzuala (T.Sec) chu Health Dept. Lawngtlai ah Fridge Mechanic hna a hmu thar. Mipui Aw Editorial Board ten kan lawmpui e.

, Pi Vanlalruati d/o H. Lawma (V.Sec) chu damlohna avangin Aizawl Civil Hospital ah enkawl mek a ni.

PAVALAI INKHAWM PROGRAMME

13.8.2015 (Ningani zan)

Hruaitu: Pu C. Zakhuma

|antu: Pu Lalthlamuana c/o Pu Ruala, Sikul Veng

Thuhriltu: Pu Lalhmingliana Hnamte

WOMEN CENTRE HAWNNA PROGRAMMEE

A hmun: Women Centre Phunchawng.

A hun : August 12, 2015. Dar 11:00 am.

(Women Centre pawnah)

Hawnna : Rev. Lalrinmawia, Moderator

(Women Centre chhungah)

Hruaitu: Pi Rinchawii, Inkhawmpui Lian Chairman

Thupuan : Pi H. Lalpianthangi, General Secretary.

Thuchah : Rev. Lalrinmawia, Moderator.

Female Voice: Luangmual Kohhran Female Voice.

Report : Pi Lalfakmawii, Co-ordinator, Secretary, Women Centre Sub- Committee.

Zaipawl : Synod Choir

Present hlanna:

Thusawi: A duh apiang tan (5mins)

Vote of thanks: Pi C. Lalhmangaihi, Ex- Chairman

Benediction : Rev. Lalramliana Pachuau, Exe. Secretary i/c Kohhran Hmeichhia.

''Nangma thlarau tan Pathian malsawmna nitin i dawng thin tur a ni, chumi atan chuan Pathian hnenna tawngtaina hun i seng ngei ngei tur a ni.''       -William Booth

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 2.8.2015

MIPUI AW

KARTIN CHHUAK

Vol. XXI Issue No. 31 Kristian Thalai  Pawl  Saikhamakawn Branch  Pathianni Dt.2.8.2015

VAWIIN CHÂNG VAWN

            Ka unaute u, in rinna fiahna chuan chhelna a siam tih hriain, thlemna tinreng in tawh hunin lawman hlirah ngai rawh u. Tin, engmah tlachham lova in famkim a, in puma in him theih nan chhelna chuan thawk famkim rawh se.   -Jakoba 1:2-4

KOHHRAN PROGRAMME

2.08.2015 (PathianNi)

Sunday School

|antu              : Pi K. Lalhmingliani

Zirlai 27-na    : Thlarau thianghlim mizia leh                                             nihna

Chawhnu inkhawm

Thuhriltu       : Upa C. Lalmuankima

Zan inkhawm

Thuhriltu       : Upa Lallawmchhunga

            Thawh\anni a\anga zirtawpni zan thleng zan dar 9:00 - 12:00 inkarah \awng\airualna neih leh \hin tur a ni anga, Thawh\anni a\anga Nilaini thlengin Sharing leh Fakna inkhawm a hun hman a ni anga, Ningani a\anga Zirtawpni zan thlengin Kohhran Inkhawm neih a ni anga, hetiang hian hun hman a ni ang:

Ningani zan inkhawm

Thuhriltu       : Upa Zairemthanga

Zirtawpni zan inkhawm

Thuhriltu       : Pi Khawlvuani

K|P FELLOWSHIP PROGRAMME

A hun             : 2.8.2015 (Pathianni tlai)

A hmun          : Sunday School Hall

Hruaitu           : Nl. CVL Biakzuali

|antu              : Tv. Nathan Lalzuisanga

Ni 10.8.2015 (Thawh\anni) zan hian Bial K|P hruaitu ten min rawn tlawh dawn a, Member-te kan inhriattir lawk bawk e.

SERMON

NUN KRISTA

            Kei at^n zawng nun hi Krista a ni si a, thih pawh hl^wkna a ni. (Philippi 1:21)

            Chutichuan hei hi ka ti a ni; Thlarauvah awm rawh u, tichuan tisa ch^kna chu in z^wm d^wn lo nia.(Galatia5:16)

            Tin, Lalpa chu Thlarau chu a ni a, Lalpa Thlarau awmna apiangah chuan zal>nna a awm \hin. (II Korinth 3:17)

            Nun Krista tih hi kan thu hriat lar tak a ni ^wm e. Kan ngaihthlak hnem ang hu chuan nun Krista nun chhuah pui  hi thil harsa tak a ni awm e. Tirhkoh Paula chuan ‘ Kei at^n zawng nun hi Krista a ni a, thih pawh hlawkna a ni,’ a ti thei hi a a fakawm hle a ni. Ringtu nun chu Pathianin min beisei d^n chu kan ni tin nunah Krista nun chhuah pui turin min duh a. Engkim kan tih reng reng Krista nen zel ti a, hun hmang turin min duh bawk a ni. Chutianga nung tur chuan he mihring \hatna ringawt hi a tawk lo va, Thlarau thianghlim awmpuina leh chenchilhna kan mamawh takzet a ni. Mahni \hatna chu \hat zawng \ha  hle mahse,Pathian mithmuhah a tling zo chuang lo va, midang t^n pawh a hnawksak duh hle a ni.

            Tin, he mihring \hatna ringawt hi chu sual do tak tak turin a tling zo lo va, mite harsatna va sut kian sak tak tak tur pawhin tawp chin a nei si \hin.Chu mi a nih a vang chuan Tirhkoh Paula v>kin ‘Thlarauvah awm rawh u, tichuan tisa ch^kna chu in z^wm d^wn lo nia,’tiin min hrilh leh a ni. He mihring \hatna  hi chu hneh a awlsam em em a, thlem a nuam hle bawk a. Lal Isuan ‘Kei mahah awm reng rawh u, keimah lovin engmah in ti thei si lo,’ min lo ti leh bawk a. Ti thei ve riauva kan inngaihna te, \ha ve tawka kan inngaihna te hi Lalpa hmaah chuan hnawksak tak a ni. chuvangin Pathian Thlarauvah kan awm a \ul hle a ni. Pathian thlarauvah chuan i awm  takzet em? Mahni i enfiah teh ang u.

            Mahni kan infiah fo a \ul \hin, ‘Pathian chu Thlarau chu a ni a, Pathian Thlarau awmna apiangah chuan zal>nna a awm \hin’ tiin Tirhkoh Paula chuan a lo sawi leh a nih khi. Pathian Thlarauvah kan awm a nih chuan kan awmna apiangah miten nuam an ti em? Mite  an hlim em? Mite an zalen em? Nge kan awmnaah hian mite an lungngaiin hrehawm an ti \hin? I bulah min Pathian Thu sawi nuam an ti \hin em? Tin, an harsatna pawh i bulah thlen tlakah an ngai em? Hneg zawng zawngah hian Pathian Thlarauvah i awm em? tih leh I nun dan chu Krista nun nen a in rem em? tih mahni in fiah \heuh ang u. Nun hi Krista, thih pawh hlawkna ni turin mahni infiah ang u.  

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

SOCIAL MEDIA

            Tunlai khawvel changkang chho zelah thiamna a sang telh telh a, chûng zinga pawimawh êm êm mai chu Social Media hi a ni âwm e. Khawvel a changkân chak rual hian a chênga te hi kan changkân chho ve zêl loh chuan mâwl leh \hing nihna alo ni mai \hin. Hêngah hian kan lo in update ve zung zung a ngai \hin. Facebook angte hi kan hmang nasa tawh hle a, a hma \angkai dan leh hman fimkhur a ngaihzia te, mi pawisawi awl tak anih zia te pawh kan inzirtir nasa rawh e. Tunlaiah phei chuan Social Media lâr tak pakhat Whatsapp hi kan hre \heuh âwm e. He application phei hi chu hman fimkhur a ngaiin a hman dan kan thiam hle a pawimawh a ni. Hman thiam loh avanga Court-a kal, Lungin tângte pawh an awm leh \hin.

            Hêngah hian fiamthu pawh miin alo lâk thu tak chuan finfiahna tling anih \hin avangin fiamthu chin tâwk hriat ang chi te, thu belhchian dawllo leh rintlâk loh lo forward ve ngawt ang chi te leh thildang tam tak tak ah hian fimkhur \heuh ang u. Kan thu dawn chu a rintlak em? Mi pawi sawi theihna thil a ni em? tihte ngun taka ngaihtuah chungin khawvel changkang chho zelah hian Social Media hi fimkhur takin i hmang chho zel ang u.       

ARTICLE

K|P YOUTH RECRATION CENTRE (YRC)

            K|P chuan kum 1987 khan \awng\aina hmun leh Youth Recreation Cemtre (YRC) atan Hlimen ramah hmun zau \ha tak a lei a. A puitlinna turin kawng hrang hrangah hma lak a ni. Kum engemaw chen chu K|P Member ten `5 zel thawhin sum pawh engemawzat kan lo thawhkhawm tawh a. Amaherawhchu, a hmunhma chungchangah chhunzaw\m zel a remchan tak loh avangin Hlimen rama YRC hmun chu hluihlawn a lo ni ta a.

            YRC hmun atan hian kan hruaitu hmasa ten theihtawp chhuahin hun engemaw chen hmun an zawng a, ram leh hmun hrang hrang an lo en tawh leh an bawhzui tawhte chu- Lungleng ram, Muallungthu / Melriat ram, Sairang leh Buicheli lei inkar, Sairang ram, Lengpui Airport bul, Lungpui ram (Mamit Road), Lengte ram, Sihhmui ram leh Falkland Presbyterian Biak In bul te a ni a. Tin, Bawngkawn Synod ramah pawh YRC hmun nei mai thei dawn a kan inngaih laiin, Synod-in Falkland-a Pu Sangsiama ram cheng nuaih zathum chuanga a lei chu “CK|P YRC atan hman nise” (SEC 251:46) tia a rel thu CK|P chuan a dawng a, a lawmawm tak zet a ni. Kan nu leh pa, Synod hruaitu ten YRC hmun tur K|P sum a\anga kan lei theih hauh lo tur min han pe mai hi a lawmawm hle a, K|P Member ten lawm nachâng kan hriat pawh a \ha hle âwm e. Hetiang anih tâkah chuan YRC puitlin tur hian K|P Member tan mawhphurhna sang tak kan nei a ni tih kan hriat thar \heuh a \ha hle a ni.

            CK|P Meeting vawi 667-na chuan YRC puitlin  anih thuai theih nana hma la tur Committee a din ta nghal a. YRC bawhzuitu Committee pawhin a theih ang tawka hma la chhovin, YRC hmun tura a ram neitu ten an lo luah hawh tir Spastic Society hnuaia Gelead Special School hotute nen pawh inbe rawn chung zelin a hmun sam fai leh Gelead School insawn puiin hnatlang pawh neih a ni a. Digital Mapping tih nan a hmun samfai hnatlang leh Gelead School \hiah leh an bungruate thiarin Aizawl khawpui chhung bialte kan hnatlang anih kha. Hnatlanga kan tha sen zawng zawng hi 2019 lai a ni a, Member-te inpekna azarah hma nasa taka lak ani hi a lawmawm tak zet a ni.

            YRC hmun hi 13 bigha laia zau a ni a. Hruaitu hmasate ruahmanna bawhzui zelin YRC ruangâm tur pawh siam fel a ni tawh a, Architech tan Lamdmark Architectural & Engineering Consultant-te rawih an ni. Architech Project Estimate leh Plan pawh Synod Property Derpartment-in a pawm fel hnu ah leh SEC {SEC 256:32(3)} in min pawmsak tawh a ni.

            YRC hmun hi \angkai thei ang ber leh changtlung taka siam Central Committee chuan \ha a ti a. A hmun hmaa thil hrang hrang awm tur chungchangahte, design leh a plan-ah pawh hma thlir thui tak neih \haa hriain khawvel hmun hrang hrang a Youth Centre dinhmunte pawh zir chian a ni a, \halaite khawvel \hang chak tak te hre rengin tun a\anga kum 50 vel tal hmathlir nei a; nakinn zela K|P Member lo la awm tur te tan pawh chhenfakawm tak ni tur a he ruahmanna (plan) hi siam a ni.

YRC-a awm tura ruahmanna (Plan) chu heng a hnuaia mi ang hi a ni:

A. AUDITORIUM:

1. Auditorium Block-I: Mi 1000 len theihna.

2. Auditoruim Block-II: Mi 500 len theihna.

3. Basement Parking: Motor Park-na \ha tawk tak Car 80, 2-Wheelers 124 leh Bus 5 dah theihna.

            Auditorium hi programme hrang hrang Bial/Branch ten Retreat, Camping, Crusade, Seminar, Concert, Musical Night etc. atana hman theih tura ruahman a ni.

B. CONVENTION CENTRE:

1. Conference Room: Mi 100 len theihna tur room \ha tawk tak.

2. Lounge, Receiption: Mipuiin \angkai taka an hman turin Lounge Receiption changtlung tak.

            Convention Centre-ah hian YRC Office a awm anga, Conference Room hi Consultation, Committee etc. atante a hman theih tura ruahmanna siam a ni.

C. GUEST ACCOMODATION BLOCK:

1. Guest Room:             i) Single Room - 10

                                      ii) Double Room - 15

2. Dormitory: i) Mipa 70 riah theihna tur room pahnih.

            ii) Hmeichhia 70 riah theihna tur room pahnih.

3. Choka changtlung tak leh mi 500 len theihna tur Dining Hall.

            Heng room hrang hrangte hi ram pawn lam mikhual kan neih \hin thlen tirna atante, Bial/Branch Retreat, Camping, riak luta traning/seminar etc. riahna atante, khawpuin pawn Bial/Branch programme, Bial Zaipawl programme etc. a thlen mai theihna turte, hetianga riak a thlengte leh Auditorium hmangtute chaw/refreshment eina hmun tur Dinning Hall lian \ha tak te ruahman a ni.

D. OTHER AMENITIES (Thildang awm tura ruahman)

1. Football ground        2. Basketball Court

3.Fianrial \awng\aina hmun    4. Blanket sûkna

5. Swimming Pool        6. Pawna ei leh in nuam taka buatsaih theihna hmun.

            K|P te hi Bial/Branch Sport, Blanket sûk etc. leh member hla te hnuhhnaih nan leh active member-te kan inpawh leh zual nan kium tina programme hrang hrang siam \hin kan nih avangin chutiang atana ruahman a ni. Heng bakak hian Bial/Branch huapa \awng\aina hmun pawh ruahman a ni bawk.

            Heng thil hrang hrangte hi puitlin tur chuan sum pawh a ngai tam viau dawn a, K|P ten YRC Budget kan siamte leh kan thawhkhawm a\ang chuan a huphurhawm deuh avangin Central Committee chuan kawng hrang hrang a\angin funding zawn nise tiin a rel a, hetianga foreign funding leh kawng dang a\anga funding zawn hi SEC {SEC 256:32(3)} chuan min remtih sak tawh nghe nghe a ni.

(Karleh Issue-ah chhunzawm leh a ni ang)

BIBLE  QUIZ  No. 83

luka BUNG 21-24

A kâr âwl dah khat rawh :

Q1.  “Heng in thil hmuh hi tihchim lohva lung intiang reng reng hetah a awm lo vang; chutiang ___________________ chu a la thleng ang,” a ti a.

Q2. Tin, an hnenah, “Ka thil tuar hmain he ____________________________ chaw hi eipui che u ka duh em em a ni.

Q3.Nimahsela rual takin an au va, “He mi hi chu tiboral la, _____________________ kha min chhuahsak zawk rawh,” an ti a.

Q4. Tin, an hnenah, “Kal paha in sawi dun kha, eng thu nge ni?” a ti a. Tin, ngui takin an ____________________ ta a.

A bung leh châng dah rawh :

Q1. Tin, zingah a thu ngaithla turin mi zawng zawng Pathian biak inah a hnenah an lo kal thin.

Bung: ...............          Chang: ....................

Q2.Tin, anni chuan, “Eng hriatna dang nge kan ngaih tawh ang? Keimahni ngeiin ama ka chhuak kan hre tawh alawm,” an ti a.

Bung: ................         Chang: ....................

Q3. Tin, an haw leh a, englo rimtuite leh hriak rimtuite an siam a.

Bung: ................         Chang: ....................

Q4. tin, Pathian biak inah chuan Pathian fakin an awm fo thin a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 82 RESULT

Chhanna lut zawng zawng : 5

Chhang dik vek                       : 5

Lawmman dawngtu: Silvia Varthansangi Chhangte (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

NGEN NA

            P.W.D in Saikhamakawn vengchhung mipuite ngenna angin, motor kawngpui ti hnawk chu, section No 144Cr PC (Act 11 of 1974) in a sawi angin kawngpui Area chinah hengte hi dan in a phal loh te an ni.

a) Kawngpui ah engthil pawh kawng tichep zawnga dah hnawk phal ani lo.

b) Kawngpui ah Rod chhut phal ani lo.

c) Side drain hnawhin engthil mah dah phal ani lo.

d) Kawngpui hi phalna neilo a, mahni thu a lo laih (Road cutting) phal ani lo.

e) Kawngpui ah tui chhe paih/ tui luantir phal ani lo.

f) Garage luhna turin black topped chung ah (side drain) pelin dah phal ani lo.

g) Inchung sang atang in black topped chungah tui khawh thlak tir phal ani lo.

h) Kawngpui ah motor sil phal ani lo.

i) Kan in sakna leivung leh bungrua dang hmanga side drain leh culvert hnawh phal ani lo.

            Heng Department d^n leh Sorkar d^nte hi khawtlang mipui ten zawm hr^m i tum ang u.

Sd/-

(Biakthansanga)

Secretary

Local Council, Saikhamakawn

LEATHER JACKET BO

            Sunday School Hall-a Leather Jacket dum ka dah chu ka hmu zo lova, lo hawn palh emaw a awmna chin hria kan awm anih chuan khawngaihin ka hnenah min lo pe/hrilh dawn nia.

In \hian,

C.Zakhuma h/o Liansangi

Saikhamakawn

ADVERTISEMENT

            Refrigerator, Washing Machine lama harsatna neite tan koh theih reng ka ni e.

Ph.      : 8256923250

              9089098340

SYNOD HOSPITAL A NURSE ZIR DUH TAN

            Synod Hospital, Durtlang chuan Nurse (GNM) zir tur a la dawn a, Prospectus/Application form hi July 29- August 22, 2015 chhungin a hnuaia hmun tarlan ah te hian Dar 9:00 am- 4:00 pm chhungi  n lei theih a ni e. Application form hi mahni ngeiin Principal Office ah thehluh tur a ni e.

            Application form lei theihna te:

1) Principal Office, School of Nursing, Synod Hospital, Durtlang.

2) Dr. Fraser’s Clinic, Mission Veng.

3) Millenium Centre Clinic, Millenium Centre.

            Prospectus/Application form man hi `200 a ni e.

Dil thei chin:

1) 10+2 emaw a tlukpui emaw passd, 40% marks hmu chin.

2) Nupui/Pasal la nei lo, kum 17-35 inkar.

Sd/- Director

Synod Hospital

ATC EXTERNAL COURSE

Aizawl Theological College ah External Course BCS leh Dip.C.S zirna kum 2016 atan hawn a ni leh dawn a. A zir duh tan August 2015 chhungin mahni ngei kalin ATC Academic College ah Registration tih theih a ni.

Ken tur pawimawh te:

1) BCS tan BA leh a chung lam tan dil theih. Highest degree Certificate leh Marksheet, Kohhran leh lehkha, Passport size thlalak copy khat leh Registration fee ` 1000 ken tur.

2) Dip.C.S tan HSSLC leh a chung lam tan dil theih. HSSLC Certificate leh Marksheet, Kohhran leh lehkha, Passport size thlalak copy khat leh Registration fee ` 1000 ken tur.

Sd/- Principal

Aizawl Theological College

VAWIIN KHAWCHIN

A lum lai berin:260C

A vawh lai berin:220C

            Chawhma lamah 2mm, chawhnu lamah 11mm leh zan lamah 11mm ruah tla turin a sawi.

TUALCHHÛNG

,Pu R. Lalruatkima h/o Laldawngliani (T.Sec) chu damlohna avanga Aizawl Hospital-a enkawl a nih hnuin a lo chhuak.

, Pu J. Thanzama h/o Ainawnpari ( V.Sec) te chuan khawi ilo vah vel nan Scooty (Ray) thar an lei.

, Pu R. Zohmingliana h/o Lalrindiki (V.Sec) te chuan Car (Wagon R) thar an lei.

, Pu Robert Lalsiamliana h/o Zonunsangi (V.Sec) te chuan Scooty (Wego) thar an lei.

HMANGCHÂNG

* I mit ko hmul i pawh dawnin Cream tlem hnawihin minute 10 vel nghak la, a pawh a ziaawm sawt ang.

* I mithmul a lan chhah deuh i duh chuan lapua ah powder dah la, chu chu i mithmul ah chuan hnawi la, chumi hnu ah mascara hnawih ang che.

* Face powder i lei dawnin a taka a lan aiin hmaiah a rawng a lang tak zawk tih hria ang che.

* I lipstick a bun palh chuan a leh lam ve ve meiin hal la, i zawm hnu ah fridge-ah darkar chanve vel dah ang che.

* I kuttin tih khauh deuh i chuan tui chi al ah i kuttin kha minit 2 vel chiah ang che.

* Perfume i taksa lang laia i hnawih chuan nisa lutukah awm lo hram ang che. Perfume hnawihna lai hi nisa in a ti hâng duh bik.

* Tomato tui hmai a hnawih hian hmai mawm leh sahbawnin bal a tihfai zawh loh chu a tifai thei a ni.

* Alu tih sawm hi i hmai phihfai nan sahbawn aiah hmang \hin ang che.  Hmaibawlin a ngeih duh zual a ni.

* Mut dawnah hmai a make-up tifai lova mut hi hmaiin a haw duh.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330