Mipui Aw 10.5.2015

MIPUI AW

KARTIN CHHUAK

Vol. XXI Issue No. 19 Kristian Thalai  Pawl  Saikhamakawn Branch  Pathianni Dt.10.5.2015

Vawiin changvawn : Aw Pathian keimahah hian thinlung thianghlim tak siam la;  Ka kawchh<ngah hian thlarau dik tak siam thar leh ang che. I hn>n ata hi mi paih bo suh la; I thlarau thianghlim hi mi l^ksak suh ang che. I mi chhandam hlimna chu mi pe leh la; Thlarau tihnuamin mi chelh reng ang che. ( Sam 51:10-12)

KOHHRAN PROGRAMME

10.05.2015 (Pathianni)

Sunday School

|antu              : Pi Lalparliani

Zirlai 17-na    : Pathianin engkim a siam

Chawhnu inkhawm

Thuhriltu       : Upa Lalzama

                        Zân inkhawm

Thuhriltu       : Upa C. Lalmuankima

K|P PROGRAMME

11.05.2015 (Thawh\anni Zan)

Neihthil thehkhawm

Hruaitu           : Nl. R.Lalngaihawmi

|antu              : Tv.Lalhruaitluanga

Zai hruaitute  : Tv. F.Laldingliana leh

 (1-15 May)       Tv. Lalrinnunga

Keyboardist   : Pu Lalchhandama

A hmun          : Sunday School Hall

           

KOHHRAN HMEICHHE PROGRAMME

12.05.2015 (Thawhlehni Zan)

            Kristian chhungkaw puala hun hman tur a ni.

PAVALAI PROGRAMME

14.05.2015 (Ningani Zan)

Hruaitu           : Pu Siamliana

|antu              : Pu C.Lalremmawia

Thu hriltu      : Pu T.K.Manga

SERMON

                              INTHAWINA NUNG

            Chutichuan unaute u, Pathian khawngaihna av^ng hian, inthawina nung leh thianghlim leh Pathian lawm tl^k ni turin in taksa chu inhl^nah ka ngen a che u; chu chu in rawngb^wlna awm reng a ni. He khawvel d^n ang hian awm suh ula; Pathian duhz^wng, a \ha leh lawm tl^k leh, \hat famkim chu in hriat fiah theih n^n, in rilru a thar awmin lo danglam zawk tawh rawh u.(Rom 12:1-2)

            Pathian khawngaihna changtute hian eng nge kan tih tur ni ang le? Bible-a kan hmuh, Tirhkoh Paulan min hrilh chu i lo ngaihtuah teh ang le.

1. Inthawina nung leh thianghlim leh Pathian lawm tl^k ni tura inhlan: Israel- fate chu Pathianin inthawina chi hrang hrang nei turin a hrilh a. Chung inthawina atan a an thil hman turah chuan hmelhem lo leh sawisel bo Pathian hnenah an hl^n \hin tur a ni tiin a hrilh a. Chu vangin Pathian hnenah kan inthawi a nih chuan  Pathian lawmtlak ni turin kan intithianghlim ang a, Pathian lawm tl^k ni ngei turin kan taksa ngei chu kan hlan a ngai a ni. He kan taksa hi kan halral a, kan inhlan ral ngam naah Pathian a lawm dawn chauh a ni. Ringtu tam takte Piangthar loh vang ni si lova, zakkep nei chunga Pathian rawngbawl kan tam em em a. Heng hian Pathian tana inthawina nung neih a har \hin a ni.Hla siamtu pakhat chuan ‘Halral thilhlan na hmunah chuan, Thi a in hlan a ngai si a;’ tih kan hmuh ang hian, Pathian inthawina nung nei tur chuan Kan mihring hlui hi thi in, kan hal ral a ngai a ni. Tin, Inthawina hi a pawimwh em em rualin, Pathianthu awih si lo a, inthawina hlan a awm ve thei tho bawk a. Samuela kan hmuh angin, inthawina aiin thuawihna a pawimawh a, chu thuawihna chuan Pathian hnenah inthawina nung  min neih tir zawk \hin a ni.

2. Khawvel d^n kalsan: Tirhkoh Paula vekin khawvel d^n anga awm lo turin min hrilh a.Khawvel dan han tih hian Sorkar d^n leh d<n lam zawm suh u min tihna ni lovin, Krista neilo ten enge an tih \hin zawk a sawi tumna lam a ni a. Khawvel mite tan chuan tih hreh leh tih duh loh a awm lova, sualna chi hrang hrang leh hlemhletna chi hranghrang mai bakah, zu leh sa hmun hlimna zawng zawng te a leng vek a. Chung ang chuan Pathian khawngaihna changtute chu awm suh u min ti a ni. Pathian duhzawng a \ha leh lawm tl^k leh \hat famkim chu kan hriat fiah theih n^n, kan rilru ti tharin, khawvel mite lakah chuan kan danglam ngam zawk tur a ni. Heng zawng zawng hi Pathian khawngaihna avang hian kan tih tur reng leh kan rawngbawlna awm reng a ni. Pathian khawngaihna kan chan hlut zia hi chhut chiang ila, kan tih tur dik tak ti turin \an i la thar ang u.                    

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Enge kan duh?     

            Kohhran hote hian harhna a lo thlen theihnan kan dil fova. Kohhran ho kan nguai deuh chang phei chuan kan harh lo lutuk, kan hlim lo lutuk kan ti fo \hin. Tunlai hian Kohhran tinah  harhna  a lo thlengin  kohhran tin kan hlimin kan l^wm tl^ng niin a hriat. Aizawl khawpuia Kohhran hrang hrang pawh Kelkang harhna chhim lo pawh kan awm tawh kher awm love. Chuta \ang chuan Kohhrante hian hlim kan duh hle a ni tih a chiang a ni. Engpawh nise hlim leh harh chu kan duh a, a lo thleng m>k chu a ni a, eng tiangin nge kan lo dawnsawn ang tih hriat chian a \ha khawp mai.

            Mi tam tak ten kan ngaihdanah chuan hlimna, harhna kan han tih hian lam vak emaw, taksa chetna emaw, \awnghriatloh emaw a tih vak emaw hi kan ti fo \hin. Hei hi hlimna leh harhna ina a ken tel pakhat chu  a ni tehmeuh mai a. Mahse hei hi chu a ber a ni lo atih hriat a \ul hle a ni. Tin, Thlarau thianghlimin hna athawh nasat lai hian sual hian hna a thawk nasa ve leh zel a. Nu leh pa te pawhin heng hunah tak hian kan fate hi i thlahthlam lo ang u. Pathian thutak ngaihsak si lo hian hlimna par tl^n hian kan ti ve vek mai ang tih a hlauh awm a ni.

            Tun \um harhna lo thleng pawh hi Pathian thu takah kan harh theih nan i dil nasa leh zual ang u. Kan hlim leh lawma kan l^mna ringawtah hian kan tawp ang a, Pathian thu tak engahmah ngai si lo leh kan chhungkua leh khawtlang in relbawlna pawh thleng pha lo hian a tawp mai ang e. Eng harhna nge i duh a, i dil \hin le?

           

                       

ARTICLE

KELKANG HLIMPUI - 2

Sawi tawh angin zai an tui em em a, zaikhawm a nuam em em a, vawi 20 thleng hla lak nawn chang an nei a ni. Hlimna-a hian khuang nufa hi a lo pawimawh em em a ni. Khuang te pawh zai tuina khan a hruai ve a, sawisel tur awm lo khawpin khuangpu te pawh thlarauvin a hruai a ni. A hmun azirin talhkuang, Seki te pawh hman a nia, a tha em em vek tho. Thlarauvin a thawh avangin danglamna a awm chuang lo. Hlapui (tawnghriatloh zai) te pawh zai kara a tla thin a, thil thar chan a chan avangin ngaih ropui a hlawh hle. Mahni chan ang theuhin zai mahse pek an nih ang chiaha an hman avangin zai leh inkhawm a tibuai ngai lo. Lenkhawmna leh inkhawmna pangngai baka mimal leh thianza ho te in Pathian faka zai nuam an ti em em a ni.

Mual inkhawm hi la ropui thei khawp a. Zial zuk hun chawlh a tam lo avangin zial pet kawh vu chunga lâm an awm nawk thin. Låm pangngai baka tlan leh khawngkhawbaia låm tawk te an tam a, lam laklawh lai ding ta reng te pawh bo lo. Hla hi vawi 50/60 te an lan nawn thin a ni. Hallelui, Hosana, Amen thawm a tha bawk. Khawngkhawbai a lâm te hian rinna kawnga khawngkhawbaite a entir ve a, tu te awm dan emaw pawh a entir thei. Mi thenkhatah chuan mahnia awm pawha khawngkhawbaia chetna a awm thin.

He Hlimna hian mikhual pawh a hip khawp mai. Mahse, a hipa te a hip dan erawh a inang lo. Thenkhat chu an chan ang chang ve hlau ngawih ngawih chunga hmuhnawm leh ennawm thlira thlir tum a hip te an nia. Chuvangin, mihlimte'n an lo chibai emaw an lo tawngtaisak anga tih te an hlau thin khawp mai. A dang erawh chu, hlimsa, lawmpui tura lo kal leh an thlarau chan ang rawn chhim a, pur chaw tum te an nia. Hlimna duh vanga kal hi an tam hle a ni. Thlarau hnathawh a nasat em avangin mikhual pawh an langsar/hriat an hlawh lo. Hlimna hi a nasa tial tial a, hlimna changtute zingah pawh a hre thiam lo leh thlarau dai theu tawnna te pawh a awm thin a ni. An tawngtai nasa a, lu chunga kut nghatin an intawngtai tawn sup sup thin a ni. Tawngtai ri ngam ngailo te pawh lawm avangin tap hawm hawm chungin an tawngtai zel mai a ni.

He hlimna zepui pakhat chu hriatna hi a ni, 'Lalpa'n a ti,' tih a tam hle reng bawk.

1. Mahni - Pathian Thlarauvin mahni chu thu a hrilh a, anmahni kå te rawn hmangin, awm dan tur, sawi tur, tawngtai leh tawngtai dan tur, hla thlan tur, kalna tur te lamin a rawn sawi a ni. Mihlim chuan an dawng deuh vek.

2. Hriat dik theihna - intawngtai atangte in mi chanchin leh awm dan te an hre thin. Mi thil sual tite an hre rang em em a ni. Hlimna kawnga buaite pawh hriat theihna neihin an intanpui a, kawng dik an inkawhhmuh thin. Thlarau dik lo te, hriat dan dik lo leh hman dan dik lo te an hre thei hle.

3. Mita hriatna - inlarna hmu in, an taksa mita hmu ang chiahin an sawi thei thin.

4. Hnara hriatna - rim hriatna a ni ber. Mipat hmeichhiatna emaw kawng danga chesual te an hre zung zung zel. Mahse, chutiang an mi manchhuah te chu diriam mai lovin, thahnemngai takin tawngtaia sual sima inlamlet turin an thu hrilh thin.

5. Kuta hriatna - kut chu awmze nei in a che a che thin. Mihlim zawng zawng deuh tih theih hialin an dawng a. Mi ngaituah leh thil tih hre turin an kutphahin an ep vang vang a, kå-in a sawi leh pawp zel a, a dik thei hle a ni.

6. Kut hruaina - thlarau chuan a duhna hmun leh tulna hmun apianga hruaina an kut a rawn hmang a ni. Tawngtai tur awmna hmunah a hruai in kut chu an lu chunga a nghat a, tawngtai mai tur a ni tih hai rual a ni lo. Ran zawnna-ah te, mi in kal tulna-ah te pawh kut hruai hi an hmang nasa.

7. Ke hruaina - mahni thu nilovin thlarau hruaina zawkin a pen thin a ni. A changin a kaltir a, a tumtir a, a lamtir a, a khawngkhawbai tir a, a sawttir zauh zauh a, hnung zawngin a tawlhtir thin bawk. A chang chuan kal rem lohna te a awmin tum eng ang mah se an pen thei ngai lo.

8. Taksa chetna atanga 'aw' hriat - bån, ke, kut te atangin 'aw' chiang takin an dawng thin, tawng lo pawhin chetzia atangin an hre thei. Zaizira inbiak ang mai a ni.

9. Thinlung lam hriatna - thlarau aw chu a ri a hria leh ri si lo, chiang em em a dawng an awm thin.

10. Teh atanga hriatna - thlarau chuan mi a rawn tehtir thin a ni. An kutphah chu mi bekah tibet in an thlarau chansan dan an va teh sak thin. Hmawlh hmanga teh pawh a awm tho.

11. Benga hriatna - chi hnih awm in, pakhat zawk chu zan laia boruaka rimawi chi hrang hrang ri, chiang em em a hriatna a nia. A dang leh chu, bengin a ngaithla a, kå-in a sawi chhawn.

(Chhunzawm tur)

   BENG TI VÂR

SNIPER TURU

            Khawvel a Long-Distance Sniper lar hmasa ber chu American Marine Corps Sniper, Carlos Hathcock a ni a, American leh Vietnam indo lai kha niin, Vietnam sipai 93 vel a kaphlum a, 2,286m(2500 yd) a hla ah hmelma kap hlum in kum 1967 a\anga 2001 thleng record a siam a. Hathcock record hi March 2002 khan Master Corporal Aron Perry (Canada) in 2,310m a\anga hla ah hmelma kap hlum in a rawn khum a. Mahse Perry a record hi ni reilo te hnuah a \hianpa Rob Furlong (Canada) in 2,430m kap in a rawn khum veleh a ni.  Perry leh Furlong hi Six Men Sniper Team tih Operation Anaconda a thawk dun niin Afghanistan indo laia record siam an ni.

            Tun thlenga Sniper record la nei sang ber chu Briton Corporal of Horse, Craig Harrison UK’s Household Cavalry niin November 2009, Afghanistan indo lai khan 2,475m(2,707yd) a\anga hla ah hmelma a kaphlum a, Taliban Machine Gunner pahnih chu 8.59mm, LL115A3 sniper rifle hmangin a kaphlum a ni. He a record hi tunah rih chuan tuman an rawn la khum lo a ni

            Heng kan sawi bakah hian American Sniper zinga ropui ber chu Christopher Scott “Chris Kyle” (8April 1974-   2 Feb 2013) a ni a. Chris Kyke hi US Navy SEAL niin US Sniper zinga hmelma kaphlum hnem ber a ni a, hmelma a kah hlum hlat ber chu 1920m (2100yd) niin, Iraq indo lai Sadr City ah a ni. Hmelma a kah hlum zawng zawng hi 160 vel niin Chris hian chawimawina chi hrang hrang Silver Stars Medal pahnih, Bronze Star Medal panga, Navy leh Corps Commendation Medal pahnih, Navy leh Marine Corps Achievement Medal pahnih a dawng a. Heng bakah hian mimal leh pawl ho chawimawina tam tak a dawng bawk a ni

@@ Doctor chhungkua :Marlborough, Wiltshire, England -a Dr. Maurice te chhungkua hi an doctor ve awm khawp mai. An khuaah hian chhuan sarih, kum 217 chhung zet doctor hna thawkin an awm a. Kum 2009 khan an thlah zinga mi, Dr. David Maurice chuan doctor hna chu a chawlhsan ta a,a tu leh fate zingah doctor an awm tawh loh avangin an chhungkua chuan an hna an chawlhsan ve ta chauh ani.

BIBLE  QUIZ  No. 71

MATTHAIA BUNG 6-10

A kâr âwl dah khat rawh :

Q1. Chutichuan, anmahni angin awm suh u; amah in dil hmain in Pa chuan engte nge in _________________ tih a hre reng si a.

Q2. A nih leh, nangniho hi tupawh in fapain chhangper dil che u sela, tunge _____________ pe ang che u?

Q3. Tin, Isuan chung thu chu a hriatin mak a ti hle a, a zuitute hnenah chuan, “Tih tak meuhvin ka hrilh a che u, Israelte zingah pawh heti ema ______________ nasa hi ka hmu lo.

Q4. Tin, Pharisaite chuan chu chu an hmuhin, a zirtirte hnenah chuan, “Engatinge  in zirtirtuin chhiahkhawntute leh __________________ hnena a ei le?” an ti a.

Q5. zinna atan ipte emaw, kawr pahnih emaw, pheikhawk emaw, tiang emaw keng hek suh u; hnathawktu chu a _____________ hmu tlak a ni si a.

A bung leh châng dah rawh :

Q1. Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni.

Bung: ...............          Chang: ....................

Q2. Tin, heti hi a ni a, Isuan chung thu chu a sawi zawh veleh, mipuiten a thu zirtir chu mak an ti hle a; lehkhaziaktute ang lova, thuneihna nei awm taka anmahni a zirtir avangin.

Bung: ................         Chang: ....................

Q3. Tin, ngai teh, akhuain Isua hmuak turin an lo chhuak a; tin, amah an hmuh veleh an ram ata chhuak turin an ngen chiam a.

Bung: ................         Chang: ....................

Q4. Tichuan, a zirtirte hnenah chuan, “Buh seng tur a tam hle si a, nimahsela a thawktute an tlem; chutichuan, a buh seng tura thawktu turte tir turin buh Neitupa hnenah chuan ngen rawh u,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.70  RESULT

Chhanna lut zawng zawng : 5

Chhang dik vek                       : 5

Lawmman dawngtu: Mary C. Lalmuansangi (V. Sec)

         Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

KELKANG KAL TURTE HRIATTIRNA

May 12, 2015(Thawhlehni) a Kelkang a kal tura in report zawng zawng te zanin inkhawm ban veleh Sunday School Hall ah kal khawm vek tur a ni a, hming lam a ni ang a, a awm lo chu kal lo tur ah ngaih an ni ang.

Sd/- (UPA ZONUNMAWIA)

Secretary

Presbyterian Kohhran, SKK

LAWMTHU SAWINA

            Saikhamakawn khawtl^ng enkawl t<ra Local Council members in thlan tlin ten, khawtl^ng mipui zawng zawngte chibai kan buk a che u.

            Khawtl^ng mipuiten, min thlan tlin av^ngin lawmthu kan sawi tak meuh a. Hun lo kal z>lah thawh hona \ha kan neih theih n^n in mi puihna kan ng>n tak meuh a ni e.

S/d/-(R. BIAKTHANSANGA)

Secretary

Local Council Saikhamakawn

LOCAL COUNCIL

EXECUTIVE BODY

            Sawrkar thuchhuak angin May ni 5, 2015 khan kan veng Local Council Executive Body siamfel a ni a, Charge pawh inhlanfel a ni tawh a, a hnuaia mi ang hi a ni e:

Chaiman          - Pu Lalbiaksanga

Vice Chairman - Pu Lalremruata

Treasurer         - Pi Chawngkungi

Members         - Pi Rochungnunga

                        - Nl K.Vanlalruati

Secretary         - Pu R.Biakthansanga

Sd/- (JF.LALZAMA)

R.O., Saikhamakawn

VAWIIN KHAWCHIN

A lum lai berin: 300C

A vawh lai berin: 240C

            Chawhma lamah 0mm, chawhnu lamah 0mm leh zan lamah 1mm (Wheatherforcast.com)

CHAWHCHAWRAWI

@@Boruak \ha lo vangin kum 3 in thih hma phah thei.Zir chianna in atarlan d^nin khawvel mihring maktaduai 660 zet te chu an boruak hip a \hat chuan kum 3 leh thla hnih zetin an damrei phah dawn thû Director of the Energy Policy Institute,Chicago te leh Economists lar tak tak te chuan an tar lang a.Kan boruak hip lo chhe tial tial hian dam rei loh phahna te, hritlang leh damlohna tamtak asiam tamin,hriselna kaihhnawihah sum tam tak kan senral phah mek ani an ti a. Khawpui kawngpuia lirtheia tl^n tam ten boruak an h$p chhe zual a ni an ti a.India rama boruak chhe zual zingah India hmarlam Delhi leh a chhehvel te,Haryana leh Punjab te an tela,chumi dawtah chuan Uttarakhan,Chhatisgarh,Odisha leh Bihar te an tel bawk.

@@ KUHVA : Mizoten paan(kuhva khawr)kan han ei hian a hnah nilo,a rah zawk hian thil tha lo a pai hnem a.Kuhva rah(areca nut) a chemical pakhat arecoline an tih ah hian taksa t^na tha lo thil a awm ani an ti.Tin,thenkhat chuan paan ah hian vaihlo telh a nih hian paan in thil tha lo a pai kha a va belhchhah a,tichuan vaihlo telh leh paan ei hian paan ei lo aiin cancer vei 8.4% in a tih hlauhawm laiin vaihlo telh chuan 9.9% in a ti hlauhawm zual ani an ti.

@@Aigupta Lal ropui Pharaoh Tutenkhamun-a rangkachak chemte...kum 3000 a upa an tih teh tlat chu....a nalh reuh khawp mai.

TUALCHHÛNG

,Pu Lalhmangaihzuala h/o Lalhmunsiami (V.Sec) te chuan a pakhatna atan fanu duhawm tak an nei thar.

, Pu Zairemthanga h/o Hnehthangi (L) te chhungkua chuan khawi ilo vah vel nan Bike (Gixxer) thar an lei.

, Pu Rohmingthanga te chhungkua chu an hnathawhna hmun Khawzawl a\angin kan vengah an rawn insawn.

, Dr. Jimmy Lalnunmawia (T.Sec) chu damlohna avangin Synod Hospital-ah enkawl mek a ni.

TUAL CHHUNG A|ANGA HSSLC PASS KAN HRIAT THEIH TE

1.Lydia Zohmingliani d/o K.Lalhmingmawia -Distinction (Sc.) Letter in Physics, Chemistry, Biology

2. Vanlalruati d/o Vanlalhuma -Ist Div. (Arts)

3.Lalpekhlua s/o Lalrochama -Ist Div. (Arts)

4. Lalhmangaihsangi d/o Lalventhanga (L) -IInd Div. (Arts)
5. Lalmuanpuii d/o KC Khaia -IInd Div. (Arts)

            Veng chhung a\anga HSSLC pass thar zawng zawng te Mipui Aw Editorial Board te chuan thinlung takin kan lawmpui e.

** Tualchhung a\anga HSSLC Pass kan hriat hmaihpalh a awm anih chuan a rang lamin Editorial Board hnenah kan inhriattir dawn nia. -Ed

NATIONAL INSTITUTE OF OPEN SCHOOLING (OPEN SCHOOL) KHATLA PRIMARY SCHOOL - I, NEAR KHATLA YMA HALL

            MBSE a class X leh XII Fail te tan October 2015 a exam turin Admission a tih theih reng bawk e. Exam Center leh AI 300009 neitu kan ni e.

Contact: 9862580546.      (3-1)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 3.5.2015

MIPUI AW

KARTIN CHHUAK

Vol. XXI Issue No. 18 Kristian Thalai  Pawl  Saikhamakawn Branch  Pathianni Dt.3.5.2015

KOHHRAN PROGRAMME

03.05.2015 (Pathianni)

Sunday School

|antu              : Pi Lalchharliani

Zirlai 14-na    :Pathiana minung pathum

                          (Trinity) thuril

Chawhnu inkhawm

Baptisma Sacrament

Rawngbawltu            : Pastor C.Sapkaia

Zan inkhawm

Thuhriltu       : Pastor C.Sapkaia

K|P PROGRAMME

04.05.2015 (Thawh\anni zan)

Short Sermon

Hruaitu           :Tv. C.Lallawmzuala

|antu              : Tv. Zoramthara

Thuhriltute    : Tv C.Laldawngliana leh

                            Nl Lalrinchhani

Thilpek lak-    : Nl. Ruthi Lalenkawli

hawmtute          Nl. Ruthi Remruatkimi

Hla hruaitute : Tv F.Laldingliana

(Ni 1-15May)     Tv. Lalrinnunga

Keyboardist    : Pu Lalchhandama

K|P FELLOWSHIP PROGRAMME

03.05.2015 (Pathianni tlai)

Hruaitu           : Tv.C. Laldinpuia

|antu              : Tv H.Lalmuanpuia

           

KOHHRAN     HMEICHHE PROGRAMME

05.05.2015 (Thawhlehni Zan)

Ramthim zin

A hmun          : S.S.Hall

Hruaitu           : Pi Zuimawii

|antu              : Pi Lalrinengi

PAVALAI PROGRAMME

07.5.2015 (Ningani Zan)

Hruaitu           : Pu Siamliana

|antu              : Pu T.Lalduhawma

Thuhriltu: Pu F.Lalrinpuia

SERMON

ACHHUANG APIANGIN LALPA CHHUANG RAWH SE

                                                            - K. Lalfakawma nu

            Unaute u, a kohna che u hi ngaihtuah teh u, tisa lama mi fing tam tak te, mi chak tam tak te, mi tha tam tak te koh an nih lohzia hi; nimahsela Pathianin khawvel thil ^ te chu a thlang zawk a, mi fingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin; tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah lova a siam theihna turin; chutichuan Pathian hmaah mi tumah an inchhuang thei lo vang. Nangni erawh chu ama zarah Krista Isuaah chuan in awm a ni; ani chu Pathian hnen ata kan tan finnaah siam a ni, felnaah te, thianghlimnaah te, tlannaah te nen; chutichuan an ziak ang khan, “A chhuang apiangin Lalpa chhuang rawh se.” -I Korinth 1:26-31

            Isua Krista kan rinna kawnga min kaihruaitu kan pa Tirhkoh Paula hian Lalpa hi a chhuang hle mai a, Pathianin min hmangaihna a nasat zia hi a hmuchiang hle a ni. Tirhkoh Paula sawi ang hian tisa (Khawvel) lama mifingte leh mi inzirsang tak takte koh annih loh zia te, chung aichuan mifello tak takte, mimawl leh mi inzirsang lo zawkte koh an nih zia kan hmu a, engvangnge ni ang le?

            Heng mimawl leh fello hote hi chu an fel lohnate, an mawlnate an inhrechiang a, chuvangin an inngaitlawm a, inngaihtlawmna hi Lalpa lawm zawng tak mai a ni a, Lalpa Pathian tel lo chuan an nunkhua a har \hin a, anmahniin tihtheih an neih loh zia an inhrechiang hle a ni.

            Mifing leh mifel zawkte chu an finnate an felna te an chhuang \hin a, lansarhte an chak a, he nun chapo tak mai hi Pathian chuan alo hmu reng si a. Amah Pathian avanga an thiltih leh an neihte chu an chhuang \hin a, hetiang mi hi Lalpan tihmualpho a tum zawk \hin a ni.

            Miin a fel lohnate, a sualnate, a mawlnate a inhriat chuan Pathian hmaah a tlu lut \hin a, thinlung inngaitlawm takin a nun a hmang \hin. An fellohnate an sualnate sim duhna rilru an nei \hin a, hei hi Pathian lawm zawng tak a ni.

            Mi induhtawk leh chapote chu an nun a tuihal loh avangin an nunah Krista a inlar ngai lo. Lalpa fak leh chawimawi chakna pawh an nei lova, mi nun khawngaihthlak an lo ni \hin. Lei leh van Lalber leh thunei ber Pa Pathian kan rinnaah hian kan ngaihdan leh kan duhdanin kan nung \hin a, kan \awngkam leh kan chet danin Lalber lung a tiawi angem? tih hi inchhut \hin ila, kan nunah hian Lalpa’n thu a nei em? tihte inzawt ila, kan \awngkam chhuakte kan ti ti duh zawngte leh kan tihduh zawngte hi lalber chawimawina a ni em tih inzawt fo \hin ang u.

            Lalpa’n a thu malsawm rawh se, Amen.                    

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

HRUAITU THAR

            Mizoramah chuan Local Council leh Village Council inthlan kan han nei zo leh ta a, kan vengah ngei pawh Local Council hruaitu thar kan nei ta a, kan hriatreng tura \ha chu heng kan hruaitu tharte hi Party anga hnathawh tir leh Party bil anga inti ta tu bik lovin tunah chuan Party lam dah bovin kan khawtlang hruaitu an ni a, khawtlang \hatna tur leh enkawl lama hma la tur an ni tih hria ila, theihtawp chhuahin thlawp ila, hruaitute leh mipuite \anrualna hi kan khawtlang hmasawna tur a ni tih hre reng chungin thawhhopuiin kawng tinrengah \awiawmin i thlawp tlat ang u.

            Tin, hruaitu thar lam pawh inbuatsaihin mahni Party induhsakna lam dah bovin, kan khawtlangin hma alo sawn zel theih nan mahni inhaivurna lam ngawt ngaihtuah lovin khawtlang tana thil \ha tur lam ngaihtuah ke penin, mipuite nena thawhhona \ha nei thei turin inbuatsaih ila a \ha awm e.

            Hruaitute leh mipui thawhhona a \hat chuan kan khawtlang hian hma a sawn ngei ngei ang.  

           

                       

ARTICLE

KELKANG HLIMPUI - 1

-Dr Jimmy Lalnunmawia

            "Kelkang, Pathian khua maw?" hei hi vai hovin kum 1937-ah an lo sawi thin dan leh hmelhriat dan a ni. Sap ram lam atang thleng pawhin an lo hre ve a. He hlimna hi Zofa ringtute tan chuan khawvel fiamthu duh mi te anga kan 'Tualte Vanglai' a ni ve ta hial ang, thil mak thleng han bel nawk nawk leh thil engemaw he hlimna nena kan sawirem tak nawk nawk hi a awm ve nual ta si a. Hetih lai hian in 180 khua niin a zatve lai chu ringtu an lo ni hman der tawh hi a ropui ngawt mai.

            Hlimna hi an lo chang nasa tawh khawp mai! Lungdupa an awm lai 1919-20 krismas laia an chan khan, 'tahna leh sual inpuanna' a langsar hle a ni. 1920 chuan Saidan båwkah buh seng laiin an chang a, khuang nen thlawhhma an fang chiam thin a ni. Hetah hian an khûr a, an lâm a, sual nih inhriatna an chang a, an inngaina em em a, mikhual haw turte pawh tapin an then thin a ni.

            Lungdûp-Mutelên-ah an awm lai kum 1929 khan 'chhi chhi' låm hlimna an chang a, inkhawm a nuam in, lengkhawm pawh an tui thei hle a ni. Kelkang hlimpui hmahruai te an lo ni reng mai a, he hlimpui kum 1937-a mi hi a ropui a, a thang nasa em em bawk a ni.

            Kum 1937 May thla atangin he hlima hi intan a nia. A tir chuan kum 1937 March thla-a mihlim Pu Thanghnuaia Ralte, Vandawt khua, tawnghriatloh nei an khuaa zin te nena inkawm khawmna te nei a, hlimna thu a sawi te atanga inkhawmna te rawn nei chho zelin hrin niin a lang. Tawnghriatloh hi 1936 lai vel khan khawthlang lam mite'n an lo chang tawh a ni. Ani hian Kelkang khua chu haw a tum pawhin a chhuahsan thei ngai lo a ni. A tir chuan hlimna thu sawi te pawh an hnial thin a, an awi ngai lova, mahse, May thla a lo thlen chuan hai ruallovin an hlimna chu a puakdarh ta a ni. A bul bera chuan låm a langsar a ni. Karlova mi tamtak a kangkai nghal mai a, Pu Lianbawnga phei chuan Khenbeh thilpek a dawng a, mi 3 in an chelh a, na tak tuar angin a rum chhuak hial a ni. Tunhma pawhin hetiang thilpek hi a awm fo tawh thin reng a ni.

            He harhna-a Pathianin Kohhran hote thil A pek hmasak chu Tawngtaina a nia, a chhun a zanin a tawngtai sup sup reng mai a ni. Tichuan, he harhna ken tel pakhat chu 'lo sul inhmuah' a ni. May thla chawhnu lam atang chuan kawtchhuahah khuangpui nen inhmuakin an lâm ta hut hut mai thin a ni. He hlimna-a hian tawnghriatloh baka thilpek chi hrang hrang an dawng nasa khawp mai. Lo lamah pawh mi tul thenkhatte chu thlâmahte chawl khawmin tawngtaina leh zai hona te an nei a, hna thawh zai rellovin an zai nileng fo bawk a ni. Tawngtaiin mimal emaw a huho emaw pawhin an tui em em zel a, an lawmnate chu a pung sawt zel ni te hian a lang thin. Hla an sakin an lung a leng nghal em em bawk a, lawmna boruakin a awmpui tlat thin a ni. Nitin vawi 2/3 an tawngtai a, tawngtai ngailo mi pawhin loh theih lovah ngaiin an tawngtai sup sup theuh mai a ni. July thla chawhnu atang phei chuan lo lama feh pawh an reh ta hial a ni. Inlama tul bik thil te an ti tih mai loh chu ruaitheh chunga Pathian faka zai leh låm nan nitin hun an hmang ta thung a ni. He hlimnaah hriattura pawimawh deuh chu mihlim låm rûi te chelh an ngai lova, mahní in an insingsa thei vek.

Hemi July thla-a Thlarau thilpek an dawn te chu :

1. Tawnghriatloh (van tawng an ti bawk)

2. Tawnghriatloh zai (Hlapui, hemi hma hian an la hre ngai lova, Aizawl thlang lama a chang an awm thu chu a hmingin an hre ve)

3. Hriatna chi hrang hrang. Ransa te ang maia beng, mit, hnara hriatna - tawnghriatlohvin 'a chhili' an ti. Kuta hriatna, thinlung lama hriatna, inlarna leh lemchanna te.

4. Inpumkhatna leh zalenna. Chaw an inei tawnin thil an inpe lâwp lâwp reng mai a ni.

An zai tui em em reng a, an aw a chhang ngai hek lo. Hallelui, Hosanna leh Amen te a keng tel a, thlarauvin an khat hle reng a ni. July 24 atang Sept. 10 thleng phei chu ran talh run pui neiin Pathian thlarauva an lawmna avangin Pathian an chawimawi a ni. Taksa leh thlarau ruai ropui hnianghnar takin an kil thin a ni. Ringlo mi te pawh ringthara inpe zelin an pun phah nasa hle a ni. Inkhawm kaihhruaina dan mumal awmlo avangin thuhril inchuhna a awm ve thel a, mahse Thlarau hriattirna atangin mahni inhmuchhuakin zah an ngai thei hle a ni.

(Chhunzawm tur)

   BENG TI VÂR

NEPAL LIRNGHING KHA

            Kar hmasa Inrinni (25. 4.2015) a Nepal a 7.9 Magnitude a lirnghing vang khan kan ram India khawmualpui hmar lam feet 10 vel chu Nepal ramah hian a tawlh lut niin US Scientist te chuan an sawi. Hetia  India khawmualpui Nepal rama a tawlh luh hi a vawi hnih na niin an sawi. He lirnghing avang hian Bihar state chu Nepal ah a tawlh lut a. He a tawlh luhna hi Bharatpur a\angin Hetaudua, chumi hnuah Janakpur a\angin a ni leh a ni. India hmar lam hian Nepal ram hi engtik lai pawhin a nawr reng a, Geophysicist ten kan lei chet chak zawng an chhut a\anga an hmuh danin India khawmualpui pumpui deuh thaw hian Nepal ram hi kum khatah 1.8 inches a chakin a nawr reng a ni. Kum 1934 a Bihar a lirnghing avang khan mi 10,000 velin nunna an chan a, hemi \uma lirnghing avang hian India khawmualpui feet 12 vel chu Nepal ramah hian a lo tawlh lut tawh bawk a ni.

(Laldinpuia Chhakchhuak)

I AWIH ZÂWNG A NI EM?

(Full Form hrang hrangte)

* News paper =  North East West South past and present events report.

* Chess = Chariot, Horse, Elephant, Soldiers.

* Cold = Chronic Obstructive Lung Disease.

* Joke = Joy of Kids Entertainment.

*Aim = Ambition in Mind.

* Date = Day and Time Evolution.

* Eat = Energy and Taste.

* Tea = Taste and Energy Admitted.

* Pen = Power Enriched in Nib.

* Smile = Sweet Memories in Lips Expression.

* Bye = Be with you Everytime.

(Source: https://www.facebook.com/)

BIBLE  QUIZ  No. 70

MATTHAIA BUNG (1-5)

A kâr âwl dah khat rawh :

Q1. Asan Jehosaphata a hring a; Jehosaphatan Jehorama a hring a; Jehoraman _________ a hring a;

Q2. Tin, lal thu chu an hria a, an kal ta a; tin, ngai teh, khaw chhak lama arsi an hmuh kha, naute awmna chung zawn a thlena a ___________ hma loh zawng, an hmaah a kal zel a.

Q3. Tun apangin thing bul tinah hreipui an dah tah; chutichuan thing tin rah thaa rah lo aiang an kit a, ____________ an paih thin.

Q4. Chu mi hnuah chuan diabola chuan a kalsan ta a. Tin, ngai teh, vantirhkohten a rawng an rawn _________________ ta a.

Q5. “Lawm ulangin, nasa takin hlim rawh u; vanah in lawman a awm hnem si a; chutiang bawkin in hmaa _____________ awmte pawh an tihduhdah thin kha.

A bung leh châng dah rawh :

Q1. nimahsela, fapa a hrin hma loh zawng a pawl lo; tin, a hmingah ISUA a sa ta a.

Q2.  khaw pakhat Nazaret an tihah chuan a va awm ta a: “Ani chu ‘Nazaret mi’ an ti ang,” tia, zawlneite kaa an sawi kha a lo thlen theih nan.

Bung: ................         Chang: ....................

Q3. Tin, ngai teh, van atangin awin, “Hei hi ka Fapa duh tak, ka lawm em ema chu a ni,” a ti a.

Bung: ................         Chang: ....................

Q4. Galili ram atang te, Dekapoli khua atang te, Jerusalem khua atang te, Judai ram  atang te,Jordan ral atangte chuan mipui tam takin amah an zui bawk a.

Bung ....................        Chang .................

Q4. Chutichuan, in Pa vana mi a tha famkim angin in tha famkim tur a ni.

Bung ....................        Chang .................

Hming : ......................................................

Section : .....................................................

BIBLE QUIZ  NO. 69 RESULT

Chhanna lut zawng zawng : 3

Chhang dik vek                       : 3

Lawmman dawngtu: Mary C.Lalmuansangi (V.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

FIGHT OF THE CENTURY

            “Fight of The Century” tih hiala an sawi Floyd Mayweather Jr. leh Manny Pacquiao te chu tukin dar 9/9:30 hian MGM Grand Garden Arena, Vegas-ah an inhnek dawn. He inhnek hi HBO chuan a pe chhuak dawn a, India ah chuan OSN Box Office 1 HD (Channel 31) in a Live dawn. Local Channel lamin an rawn pek chhuahna tur kan la hre thei rih lo.

(Source: Cross Express)

KELKANG KAL LEH DAWN

            Saikhamakawn Presbyterian Kohhran hote Kelkang harhna chhimin kal leh tur a ni a, ni 12.5.2015 (Thawhlehni) a kal a, ni 15.5.2015 (Zirtawpni) a haw leh tur a ni. Bus lian pahnih hman tum a ni a, kal turte chu ni 9.5.2015 (Inrinni) thleng Kohhran Secretary Upa Zonunmawia hnenah hming thehluh tur a ni e. A kal tawh ten ala kal lote ken hram tum tur a ni e.

HMANGCHANG

* Choka tiles te hi tihfai zawhah furniture polish hnawih ve \hin la, a lan mawi mai bakah tihfai leh pawh a nawm phah sawt \hin a ni.

* Blender awlsam taka tihfai nan hian hmun thuma \hena hmun khat vel tui dah la, thleng silna sahbawn dahlut bawk la, vir tir mai rawh.

* I pangpar khawi tur chu inches khat velah tan chhum la, tuia thawmhnaw tihvarna tlem telhin chiah la, tui chu nitin thlak bawk la, rei tak a \ha mai ang.

* Glass-a siam ketli i nei anih chuan hetiang hian tifai \hin ang che ; ketli ah chuan tui chhuang soin boric acid fiante khat telh la, a thar ang maiin alo fai leh mai ang.

* Aloe Vera hi pot-ah tereuhte tal pawh khawi la, kang tenau ilo a hnawihah a \ha em em a ni.

VENG CHHUNG MIPUITE NGENNA  LEH  HRIATTIRNA

1. Thlanmual ram chhunga thingtuai eng thing pawh sat tawh lo turin kan in hriattirin kan in ngen a, a sat lui man in nih chuan action na taka lak a ni ang.

2.  Thlanmual bungrua reng reng hmang tur ten Thlanmual In-charge te hriattir hmasak \hin tur a ni a, In-charge te hriatpuina lo chuan hman theih/phal ani lo. Hei hi bungraw bo leh kim lo a awm \hin vang a ni.

            Thlanmual In-charge te :

       1. Pu C. Laldawngliana

       2. Pu C. Lalremruata (Mafela)

S/d

(C. LALDAWNGLIANA)

Secretary

YMA  Saikhamakawn Branch

PASS THAR

            H. Lalhmingmawii d/o Sailothangi Sailo (V.Sec) chuan Synod Hospital, Durtlang a\angin G.N.M \ha takin a pass a, Mizoram pumah pariatna(8) niin, an mahni Batch-ah Best Nurse ah an thlang bawk.

LOCAL COUNCIL MEMBER THLAN THAR TE

 General :

1.Pu Rochungnunga INC

2. Pu Lalremruata MNF

3. Nl. K Vanlalruati INC

4. Pu R. Lalbiaksanga MNF

Hmeichhe Candidate :

5. Pi Chawngkungi MNF

            Khawtlang hruaitu atana kan thlan tharte Mipui Aw Editorial Board chuan duhsakna kan hlan a, Khawtlang \ha taka an hruai theih nan kan \awng\ai pui e.

            Tualchhunga HSLC Pass thar chhuah hmaih kan neih chuan Editorial Board hnenah kan inhriattir leh dawn nia.  -Ed.

TUALCHHÛNG

,Pu Lallawmkima h/o Remruattluangi ( Ch.Sec) te chuan a pakhatna atan fanu duhawm tak an nei thar.

,Pu David Lalzara Fanai h/o Lalhmangaihsangi Sairang Vengthar te chu Pu Zorinsanga(Ch.Sec) te inah an rawn in sawn.

,Lalzawmliani d/o Lalhmingthangi (Ch.Sec) te chuan Khawi ilo vah vel nan Scooty (Wego) thar an lei.

TUAL CHHUNG A|ANGA HSLC PASS  KAN HRIAT THEIH TE

*J. Lalremruata             s/o J. Thantluanga

Dist. (Letter in Science)

*Malsawmdawngkimid/o Lalbiakhlua (L), 1st Div. (Letter in Maths)

* Lalventluanga s/o Lalduhkima, 1st Div. (Letter in S.S)

* Vanlaldinpuii d/o Lalliankima (L), 1st Div. (Letter in Mizo)

*Mesak Lalrindika s/o T. Lalduhawma, 1st Div. (Letter in English)

* Lalnuntluangi d/o Lallawmchhunga, 1st Div.

*Naom Lalnunthari d/o M.S Dawngliana, 1st Div.

*Zoliankima s/o Lalremmawia, 2nd Div.

*Ruthi Malsawmkimi d/o Lalhmingliana Hnamte, 2nd Div.

* Lalthanmawii d/o H.T Malsawma, 2nd Div.

* Zachhingpuii d/o C. Lalremruata, 3rd Div.

* C. Lalruatsanga s/o C. Lal\anpuia (L), 3rd Div.

*John V.L Hruaitluanga s/o Hmunruati, 3rd Div.

*Lalramnghaki d/o H. Vanlalthara(L), 3rd Div.
            Veng chhung a\anga HSLC pass thar zawng zawng te Mipui Aw Editorial Board te chuan thinlung takin kan lawmpui che u a, in kal leh zelna turah inthladah lova \an la zual sauh sauh turin duhsakna kan hlan a che u.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330