Mipui Aw 9.11.2014

MIPUI AW

KARTIN CHHUAK

Vol. XX Issue No. 45 Kristian Thalai  Pawl  Saikhamakawn Branch  Pathianni Dt.9.11.2014

VAWIIN  CHANGVAWN

Pathianin khawvel a hmangaih em em a, chutichuan a Fapa mal neih chhun a pe a,  amah chu tupawh a ring apiang an boral loh va, chatuana nunna an neih zawk nan.

KOHHRAN PROGRAMME

9.11.2014 (Pathianni)

Chawhma Inkhawm

Camping Follow up

Speaker          : Pu K.Lalngaihawma

(Revival Speaker, Milungngaite \hian)

Chawhnu Inkhawm      

Camping Follow up

Speaker          : Pu K.Lalngaihawma

(Revival Speaker, Milungngaite \hian)

Zan Inkhawm       

Camping Follow up

Speaker          : Pu K.Lalngaihawma

(Revival Speaker, Milungngaite \hian)

            Kohhranin Camping a buatsaih avangin K|P, Kohhran hmeichhia leh Pavalai inkhawm Programme hranpa duan a awm lo.

CAMPING

         Saikhamakawn Presbyterian Kohhran chuan ni 4th - 8th November, 2014 chhung khân Milungngaite |hian Team-te nênCamping chhâwng khatna a buatsaih a, Campers Mipa 55, Hmeichhia 23, an vaiin Campers 78 an lût a, heng zingah hian vengdang mi 4 an an rawn lût ve bawk. Camping chhawng khat chhunga sum hmanral zawng zawng hi `.68430/- a ni.

                                                                                                                         Tin, ni 11th November, 2014 (Thawhlehni) a\ang a ni 15th November, 2014  (Inrinni) thleng Camping chhawng hnihna neih leh tur a ni a, Camping-a lût turte chu thawhlehni tlai dar 3:30 a\anga dar 5:00 inkarah luh kim tur a ni e. Mutbu leh Bible leh Hla bu, Note bu leh Pen ken tur a ni ang.

SERMON

THIL SUAL TI TUTE

-R.Zohmingliana

            “Nangni thilsual tite u, ka hre ngai lova che u, ka hnen atâ kalbo rawh u, tiin anni chu ka la hrilh ang”.

-Matthaia 7:23

            Mitinin kan beisei leh kan duh chu thih hnua ‘Vanram kai’ a ni. Vanram kan beiseina kawng pawh ‘Rinna avanga khawngaiha chhandam’ (Ephesi 2:8-9) a ni. Thutiama dingnghet danglam ngai lo Pathianin ‘In thi ang’ (Genesis 3:3) a tih tawhte hian kan fel leh thiltih\hat avangin a thu chu sût leh tir theih rual a ni lo. Kan pumpelh theihna kawng awmchhun chu “A fapa Isua rin” chauh hi a ni. Chuvangin Vanram k^i ve ngei inbeiseiin chhandam la ni ve mai turin kan inring a ni.

            Amaherawhchu Paula khawvel thila inhambuai ngai lo, a hun pumpuia rawngbawl, amah avanga tihduhdahna nasa tak tuar a lungin tang mekin Ephesi Kohhran hote zirtirna hrang hrangin a nuai vel mek ten rinnaa dingnghet tlat a, amah Isua Krista chauh beisei tute hnena an chapo mai loh nana a sawi hi keini a hming maia Kristian, rinna tel lova piangthar inti, Pathian thu awih si lova a lawm zawng mi nih tum, thil tih tel lova r^l rin ve satliah, thil tisual reng chunga a felna \awmpui tum tlat, bawlhhlawh reng chung si a, thianghlim famkima in pawm tir tumtute hi Vanram chu kan inring kai zo ngût angemaw chu!!

            Lal Isua, chhandama kan awm theih nana thi a tho leh, lei leh vana thu neihna zawng zawng pek tawh (Matthaia 28:16-18) chuan, ‘Lalpa, Lalpa, mi ti nazawng chu Vanramah an lût lovang’ a tiha te, ‘Thilsual tite u, ka hre ngai lova che u’, a tih turte kan ni lovang tih a hlauhawm hlel love.

            Chuvangin “Rinna avanga khawngaihnaa chhandam in ni e”, tih chauh hi la vawng mai lovin kan hriat ang angte zawm a, kan theih tawk ang zel a, Amah ang tura felna kawngahte, thuawihna kawngahte, a rawngbawlna kawngahte, \hahnemngai taka kan Lalpa Isua Krista tan hian i inserh thianghlim ang u. “A harsa a ni ti mai lovin, min tichaktuah chuan engkim ka ti thei a ni” (Philippi 4:13) ti zêlin kan thlen chin a\ang hian hma sawn zêl ila. Paula angin Thlamuang takin, “Felna Lallukhum chu ka tan dahin a awm” (Timothe-II 4:18) kan ti ve thei tawh ang.

           

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

INFUIHNA

           Kan Kohhran chuan Milungngaite |hian Team hmangin Camping a buatsaih a, Campers pawh mi \hahnem tak an lût niin a hriat a, hei mai bâkah hian chhawng hnihna kan la hmabâk bawk a, kan nu kan pa, kan tu leh kan fa, kan \hiante te lût an awm ngei a rinawm. Camping an rawn chhuah tâkah hian mitinte hian danglamna emaw engemaw thar deuh riau kan lo beisei \hin. A âwmin anih dan tur pawh a ni rêng a ni.

            Hetah hian kan beisei an lo pha lo deuh emaw kan tum ang kan lo hmu lo anih pawhin rinna kawnga kal \an tirtê an ni tih kan hriatpui a\hain a pawimawh khawp mai. Mi rilru lo tinatu emaw lo tihnual rawihtu emaw kan ni thei tih mahni \heuh inhria ila, kan \awngkam hman leh kan chêtziaahte midang tihnualtu ni lovin fuihtu zawk leh an kal zelna tura kawng sialsaktu zawk kan ni thei tih inhria a, lo fuih a, pên bona lak atâ kawng dik zawk leh \ha zawk, an kal zel dan turahte kawng kawhhmuhtu kan lo nih \heuh zawkna turin mahni \heuhin \an i la ang u. Infuihna  hian mihring min tichakin hmalam panna kawngah pawh thui tak min pui \hin a ni tih i hrethar leh ang u.                     

           

ARTICLE

CHET DAN MAWI

KHAWLAI-AH

(Chhunzawmna)

3. I \hian kalpuiin a hmelhriat a hmuh a, an titi lawk anih chuan lo hriat tum ve lêm suh. Pên 2/3 vêlah lo nghak la, lo kalsan daih lêm suh. Kan \hian lenchhuahpuiin hmelhriat biak tur alo ngah deuh anih pawhin dawhthei taka lo nghah ve chu kan tih âwm tak a ni.

4. Hotu zahawm deuh \hiante nên kan kalpui anih chuan a laia kalpui a mawi. Inchhunga kan luhpui pawhin luh hmasak tir tur a ni. School-ah te leh khawtlangah pawh pawnlam mi hotu, tlawhtu neih châng a awm \hin. Chûng nikhuaah chuan heng hi hriat a ngai ve \hin a ni.

5. Motor/Car/Taxi-ah hmeichhia i chuanpui chuan luh tir hmasa la, chhuah hunah mipa chhuak hmasa in kawngkhar lo hawnsak \hin ang che. Hmeichhia ten Motor kawngkhar an hawng thiam love tihna ni lovin a mawi deuh zawk e, tihna mai a ni.

6. Dawr hmuna i kalin i lei duh loh tur khawih chhên leh a man zawh lâwr lutuk a mawi lo.

7. Khawlaia i kalin inthunun la, mit châkna lakah in veng reng a che. Khawlai kal paha hawi kual nasat lutuk hi a mawi lo a ni.

8. Mi i biakin an mit en rân la, an mit i en ngam ngang lo anih pawhin a hmui/a hmai tal en tum ang che. Kan zah deuhte mit en hi mi tam tak chuan theih lo fo a ni. Hmalai Mizote phei chuan hei hi \ha an ti lo viau niin alang. Hnam changkang zawkte nun kan zir tâk zêl avangin kan kan mibiakte mit enchunga kawm hi a mawi pawh alo mawi khawp mai.

9. Mi thil i hlan dawnin nawmnah takin hlân suh ang che. Kan kawm ngai vak lohte hnena thil hlan phei chu pawlawh tak a ni tur a ni lo. Mi \henkhat chuan a theh ten kan theh mai \hin a, hei hi a mawi lo a ni.

10. Râlkhatah i hmelhriat i hmuhin, âu lûng lûng lêm suh. Hla deuhva awm anih chuan innuih ringawt emaw chibai bûk nana kut phar mai pawh a \ha a ni.

11. Hmeichhe tan nu leh pa phalna la hmasa lova lenchhuah mai mai a \ha lo, phalna lâk hmasak tur a ni. Tunlai khawvelah hmeichhe tan phei chuan hlauhawmapui a tam hle a, nu leh pa te pawhin an fanute awmna leh an thil tih englai pawh a hriatpui reng an duh tawh a, chuavangin hmeichhiate chuan an nu leh pate hriatpui loh leh phalna pawh la hmasa lova khawi lam tlangval emaw an lo lenchhuahpui mai chu a \ha lo a ni.

12. Hmeichhe tân:

    Mipa in Restaurant-a a kalpui che chuan eitui thlan thûah i mipa kalpui diunhmun hriain eitur thlanah chin tawk nei ang che. Mipa phurrit tur hriatthiampui lêk lova hmeichhiain a tui tui leh a man to to a thlan mai chuan a \ha dawn lova, hmeichhe fing leh fel erawh chuan a âwm tâwk an hre \hin a ni.

(Chhunzawm tur)

BENGTI  VÂR

Levi's

* Jeans hi a tirah chuan hnathawh nan chauh hman \hin a ni a, leilung hausakna laih leh hâichhuah hnâ thawktu ten an hmang \hin. Hei hi kum 1870 chho vel a ni.

* Jean kekawr dinglama pocket tê zawk awm tel \hin hi sana dahna tura duan a ni. Jeans siam \an anih lai kha chuan bâna sana bun chi (wrist-watch) awm tawh tho mahse a hrui nei sana (chain-watch) an la uar vang a ni.

* Copper thir phek, jeans kekawr ipte sira awm \hin hi a ipte a thler mai loh nana kilh bettu a ni.

* Kekawr a nih piah lama âwm(chest) khuh tel theia duan jeans hi "bid-and-brace overalls" tih a ni. Mizo chuan Dungarees tiin kan hre zawk mah.

* Levi Strauss leh Jacob Davis te inkawp hi Jeans siamchhuaktu hmasa te an ni.

* Levi's kan tih mai Levi Strauss & Company hi thuamhnaw chi hrang hrang siamchhuaktu Company niin kum 1853-a San Francisco, US hmuna Levi Strauss a din a ni a, jeans avang hian he brand Levi's hi vawiin thleng hian khawvel hmun hrang hrangah a lar phah hle a ni.

INDIA

1. India hi Chess hmuchhuaktu ram a ni.

2. Khawvela University hmasa ber chu BC 700 daih tawh khan Takshila khuaah Student sing chuang neia din a lo ni daih tawh.

3. Wireless hmanga inbiakna hmuchhuak tu Marconi tih a ni a, mahse India mi Proffessor Jagdeesh Bose a ni zawk tih hriatchhuah a ni.

4. Irrigation hmanga thlâi châwm nachang hre hmasa chu India!

5. Ramhmul damdawi hmanga mihring enkawl dan zirna school hmasa ber chu India ramah hawn a ni.

6. India hian kum sangkhat chhungin tu ram mah a la rûn ve lo!

7. USA ah khuan a hnam mal lâkin India mite an hausa ber tawha ngaih a ni.

8. Keini Mizote Korean film kan en avanga tlangvalte sam a buk ve ngawt laiin England rama kum 60 chuang India mi lo awm tawhte chu India rama Indian te aiin an la Indian zawk!

9. Algebra, Trigonometry leh calculus te hi India a\anga chhuak a ni.

10.Hotmail siamtu chu India mi Sabeer Bhatia a ni.

11.Pentium Chip hmuchhuak tu chu India mi Vinod Dahm a ni.

BIBLE  QUIZ  No.45

EZEKIELA BUNG 21 - 25

A kâr âwl dah khat rawh :

Q1. Tin, mi zawng zawngin, kei LALPA hian ka khandaih a pâi atâ ka phawi a ni tih an hria ang a, a i_____________________ leh tawh ngai lo vang.

Q2. I bula mi leh i hlata mite chuan an cheksawlh ang che, nang, hmingchhiat ________ leh buainaa khat mi!

Q3. Tin, Oholahi chu ka ta a nih hnuin a hur bo leh ta a, a ngaihzawng, a \henawm, _________________ chu a hak hiam a;

Q4.Ran rualte zinga a \ha \ha la la, a hnuaiah thingfak rawlh \euh la, so bawrh bawrh se; a ni, a ruhkawlte chu _____________ ni rawh se.

Q5. Raba khua chu sanghawngsei inah ka siam ang a, Amon fate hmun chu ranrual bawh hmunah kasiam ang; tichuan ________________ chu ka ni tih an hria ang.

A bung leh châng dah rawh :

Q1. Aien tûrin Babulon lal chu kawng pengah chuan a ding a, kawng hnih in finna takah chuan; thal te chu a thing rawk rawk a, teraphim a râwn a, sathin chu a en a.

Bung: ...............          Chang: ....................

Q2. Rawhtuina mei laiah tangkarua a tui angin nangni pawh, chumi laiah chuan in tui zo vang a, kei LALPA hian in chungah ka thinurna ka leih a ni tih in hre tawh ang,” a ti a.

Bung: ................         Chang: ....................

Q3. Babulon mite leh Kaldai mi zawng zawngte, Pekod te, Soa te, Koa te leh an hnêna Assuria mi zawng zawng nên; tlangvâl itawm tak takte awptute, rorêltute, an zain miliante leh hmingthangte, an zain sakawr chung chuangin an lo kal ang.

Bung: ................         Chang: ....................

Q4. Hetiangin Ezikiela hi in tan entirna a ni ang a, a tihzia ang zelin in ti tûr a ni: hei hi a lo thlen hunah chuan LALPA PATHIAN chu ka ni tih in hria ang,’ a tia ni,” ka ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 44 RESULT

Chhanna lut zawng zawng : 4

Chhang dik vek                       : 4

Lawmman dawngtu:MS Dawngzuala(Mapuia)(V.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnênah theh luh a, lam \hin tur a ni.

  BIOMETRIC ENROLLMENT

         Kan vengchhungah nimin Inrinni thleng khan Biometric Enrollment chu tih a ni a, he Biometric Enrollment hi India khua leh tui kan nihna chhinchhiahna tur a ni a, India khua leh tui zawng zawngte chuan tih \heuh tur a ni. Tin, nimina ti hman  ve lote chu DC Office-ah mahni ngei kalin va tih tawh tur niin thu kan dawng.

KHAWVEL A DINGCHHUAK TA MILARTE KAMCHHUAK

@ Kum 9 mi ka nihin pawngsual ka tawk.                                  - Oprah Winfrey

@ Ka university education line hi ka zir zo bik lo asin.     - Bill Gates

@ Ka pa chuan timna nei hauh lovin, mipat/hmeichhiatna rawngkai chi hlirin min ankhum a, ka hmaah \awngkam bawlhhlawh em em a hmang a, hun rei tawh tak nimahse ka la hre thei a ni. Kum 18 mi ka nihin kan in chhuahsanin ka tlanbo hial a ni.      - Joyce Meyer

@ Zirna run ka belh ve atanga pawl hniam ber a\angin ka theihtawp (theihtawk nilovin) bakah tlem belh hlekin ka zirlai ka zir thin!

 - Dr. Ben Carson

@ Football ka zir tirh chuan mirethei ka nih avangin thingpui dawrah ka inhlawh thin a, chu chuan ka football zir man ka tuak ve tlauh tlauh \hin.

- Lionel Messi

@ Ka thiante mut pindan a an  mut laiin varandahte zan mu ka chhing ve tawh \hin. Ei leh in tur zawngin ka vak vel thin a. Retheihna hi ka hrawn nasa hle \hin.            - Steve Jobs

@ Kan zirtirtu chuan nang hi chu mihlawhchham tur a piang i ni min ti \hin.                   - Tony Blair

@ Beidawng suh. Jail ah kum 27 ka tang tawh. Ka la beidawng lo. Ka dingchhuak ta nge nge asin.

- Nelson Mandela

@ Rangva in chhe em em ah ka naupan laiin kan cheng \hin. Football zirin academy pakhatah nitin ka kal a, nakinah chuan kan pawisa neihin a tlin ta lova, bus chuan man ka nei ta lo. Ka zirna atanga ban  ka ni. Retheihna vangin ka \ap ta. Tumruhna nasa tak ka nei. Khawvel a dinchhuah ngei ka tum. Ka hlawhtling ta, vawiin hi ka thlen ta a ni. Hlawhtlinna ka chan chhan chu ka retheih hmasak vang a ni.

- Luiz Ronaldo, Brazil

MISSIONARY-AH

         Nl. Jenifer Lalremruati chu Synod Ramthar Board hnuaia Missionary turin lâk a ni a, November ni 10 a\anga ni 28 thleng Training an nei ang. A awmna tur Field hi la hrilh hriat ala ni lo.

ROLL CHUNGCHANG

         Tuna E. Roll kan siam\hat leh ennawn mêk hi 2015 kum tira Local Council inthlannaa hman tur a ni a, chuvangin kum 18 chin chunglam, Roll-a la chuang lo zawng zawngte chu November ni 10, 2014 ral hma ngêiin Pu JF Lalzama, BLO hnênah inthun turin kan inhriattir nawn leh e. Hming leh thildang dik lo (EPIC a dik lote) pawhin tûn hi tihdik hun a ni e.

         Tin, ni 12.11.2014 (Nilaini) ah inthun thar tura dil zawng zawngte chu YMA Rûn-ah Hearing-naah kal vek tur a ni e.

A hun: 7:00 - 8:00 AM

         Tin, hemi hunah hian Party hruaitute, Local Council leh NGO hruaitute, mahni seal kenga kal \heuh bawk tur a ni e.

Sd/- (J.F. LALZAMA)

B.L.O.

SAIKHAMAKAWN JOIN COMMITTEE THUCHUAK

         Saikhamakawn a Barricade hi mihring nunna atâna hlauhawm vên nâna awmze nei tak a dah tura Bialtu MLA in Traffic SP kaltlanga min pêk a ni a, a dahtu bîk ten awmze nei taka an dah hi mahni duhthu a, lo dah sawn loh tur a ni. Join Committee ten dahtu an ruat bik lo chuan lo dah sawn leh lak sawn loh tur a ni.

Sd/- (K.LALHULIANA)

Saikhamakawn Join Committee

Desun  Hospital & Heart Institute

         Desun  More, E M Bypass, Kasba Golpark, Kolkatta - 107.  Damdawi In \ha  leh changtlung tak.

Hre chiang duh tan:

Mizoram Representative.

Dr. D Baruah MS, MD

M: 09436140569

LV. Ramdinthara MIS

M: 8974138559

TUALCHHUNG

, Nl. Lalrinawmi d/o C.Lalrinsanga (T.Sec) chu kala lungte awm zai tur avângin Synod Hospital-ah  enkawl mêk a ni.

,Pi Rinchhungi w/o C.Lalchhuansanga (T.Sec) chu damlohna avângin Synod Hospital-ah enkawl mêk a ni.

,Pu Ramhmachhuana s/o  C.Ngura (L) (T.Sec) chu damlohna avânga Alpha Hospital-a enkawl anih hnûin alo chhuak.

, Pu Zothansanga h/o Vanlalhruaii (V.Sec) chu damlohna avangin phai lamah inenkawl turin an thang mêk.

,Pi Lalmuani w/o C.Kapliana (V.Sec) chu damlohna avangin Grace Nursing Home-ah enkawl a nih hnuin, Civil Hospital-ah enkawl chhunzawm a ni.

,Pu F.Lalbuaia h/o H.Lalhmangaihi (V.Sec) te chhungkua chuan khawi ilo vah  vêl nân Scooty (Rodeo) thar an lei.

,Pu C.Zokhuma h/o Lalsangi (L) (V.Sec) te chhungkua chuan khawi ilo vah  vêl nân Car (Alto)  an lei thar.

, Pu Lalnithanga (LC Secretary) h/o Lalramthari te chhungkua chu IKK Quarter (V.Sec) ah an insawn.

TIAM TLAT E

    V. Lalrindiki d/o Ngurrochhingi leh Vincia Z. Pachuau s/o T.Biaklala, Tlangnuam te chuan ni 6.11.2014 (Ningani) chawhnu dar 2:00 khân Tlangnuam Roman Catholic Kohhranah a nuamah emaw a hrehawmah emaw damchhûnga lêngdun turin tiam tlat e an ti.

            Fanau maltluan chawia damchhûnga lêngdunin, nupa kawpchawi rem tak an nih theih nân Mipui Aw Editorial Board Member-te chuan duhsakna kan hlân e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui aw 2.11.2014

MIPUI AW

KARTIN CHHUAK

Vol. XX Issue No. 44 Kristian Thalai  Pawl  Saikhamakawn Branch  Pathianni Dt.2.11.2014

VAWIIN  CHANGVAWN

“Ngai teh, ka tirhkoh i hmaah ka tir a, Ani chuan i kawng a siam ang” Thlalera mi au rawl chuan, ‘Lalpa lamlian sial ula, A kawngte tingil rawh u,’ a ti,”

KOHHRAN PROGRAMME

2.11.2014 (Pathianni)

Khawvel Sunday School Ni

Chairman       : Upa R.Lalngena

                           (Superintandant)

|antu              : Pi F.Laldawngliani

Thupui           : Rev. Dr.Zairema chanchin \hen 1-na

Sawitu                        : T.Upa C.Vanlalsanga

Chawhnu inkhawm

Chairman       : Upa Lalzama

(Asst. Superintandant)

|antu              : Pi Lalngaii

Thupui           : Rev. Dr.Zairemachanchin \hen 2-na

Sawitu                        : Pu R.Lalmuanpuia

Zân inkhawm

(Pre-Camping)

Speaker          : Pu K.Lalngaihawma

(Revival Speaker, Milungngaite \hian)

2.11.2014 (Pathianni)

Zân inkhawm

(Pre-Camping)

Speaker          : Pu K.Lalngaihawma

(Revival Speaker, Milungngaite \hian)

K|P FELLOWSHIP PROGRAMME

2.11.2014 (Pathianni tlai)

A hmun          : Sunday School Hall

Hruaitu           : Pu Lalchhandama

|antu              : MS Dawngliani

Hla hruaitu     : Tv. Tlangdingliana leh

                          Abraham Lalnunthara

Keyboardist    : Pu Lalremruata

Fellowship-a kal tur te chuan Pen ken \heuh tur a ni e.

SERMON

MAHNI HREHAWM PAWISA LOVIN

       Tin, amah vekin, mi zawng zawng hnenah, “Tupawhin mi zui a duh chuan mahni hrehawm pawisa lovin, ni tin a kraws puin mi zui rawh se. Tupawh a nun humhim duh apiangin a chan ang a; tupawh keimah avanga nun chan apiangin, chu mi ngei chuan a humhim ang.” (Luka9:23&24)

            Lal Isuan amah zui tur chuan mahni hrehawm pawisa lova nitin kraws pua zui tur a ni tih min hrilh hian harsatna tam tak a awm dawn tih chiang takin a hriat theih nghal a. Eng ang tak hian nge Lal Isua hi zui i tum ve reng reng han in chhut ta ila. Mi tamtak chuan Lal Isua rawng kan bawl hian harsatna leh hrehawmna laka him zel turah kan in ngai fo \hin. Mahse, chu tiang anga ngai tute chuan an ngai sual fova, atawpah an tluksan leh fo \hin. Harsatna leh hrehawmna a lo thlenin an tlanchhiaa, bihrukna an zawng fo va, an zui Isua Krista ngei pawh chu an phatsan leh \hin.

            Tin, mi \henkhatte erawh chuan Isua zuitu nih chu chawimawina leh hming\hatna, fakna leh mite ngaihsan hlawh na  emaw an ti fo \hin. Chutiang mite pawh chuan an beisei ang an chunga a lo thlen loh chuan Pathian lakah an vui fo \hin. Mi tam takte Pathian rawng an bawlna kawngah pawh an zui Pathian chanchin aiin an rawngbawlna hmuna harsatna leh hrehawm an tawrh ve kha sawi len zawk chang a awm fo mai. Chu mai a ni lo, rawngbawltu kan \awng\ai pui chang pawhin harsatna leh hrehawmna an tawh loh nan te, him tak leh tluang taka rawngbawlna hna an thawh theih nan te kan \awng\ai fo \hin. Hei pawh hi a dik chiah em? Ringtu, Lal Isua zuitu chu hrehawm tur, harsa tur leh tihduhdahna pawh tawk turah ngai a, chung harsatna leh tihduhdahna, hrehawmna karah pawh z^m lova kal a, huaisen taka hmalam pan zel tura \awng\ai pui hi kan tih tur a ni zawk si a.

            Lal Isuan hrehawm pawisa lova nitin kraws pua zui tura min tih chhan tak hi han chhui leh lawk ila. Amah zuitute hi nitin hian sualin a bei dawn a, harsatna, hrehawmnate leh tihduhdahnate chuan a kian san dawn lo tih a hre chiang em em a. Chu mi a nih avang chuan hrehawm turah in ngai rawh u min tihna a ni. Thupuan 2:10 ah chuan ‘Thih thlengin rinawmin lo awm rawh, tichuan nunna lallukhum ka pe ang che.’ a lo tih ang hian thih thleng \hak pawha hrehawm kan tawrh hi a phal tih chiang takin a hriat theih a. A mah Lal Isua ngei hi thih pui \hak turin min duh a ni. Eng tiang in nge Lal Isua hi i zui ve ngam? Eng thlengin nge Lal Isua rawngbawlna hna hi i thawh ve ngam ang le? Lal Isua i zui avang hian i hna leh i eizawnna in a tuar phah em? I sum leh pai pawhin a tuar phah em? Channa ruam thlengin Lal Isua hi zui i ngam chiah em? Mahni inchhut teh ang le.

           

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

MI HNAWKSAK

            Khawtlang tana mi hnawk sak kan tih te hi tu te nge ni  ang le? Mi tam zawk te ngaihdan-ah chuan a lo lang nghal ruak nghal mai thei e. Ni e, mi hnawksak ti a kan rilrua lo lian nghal mi te chu khawtlang leh ramin a phal loh thil zuar leh tih chingte an ni ngei a. Hnawk pawh an hnawksak hle,  sual tih an hrh lova, mi thil ruk mai pawh an hreh lo. Tin,  chhungte thil chu sawi loh, mahni thil ngei pawh an hralh hreh lova, mahni In ngei vengtu-ah pawh an tlak lo chu a nih hi. Hetiang mi hi a hrawntu tan chuan hrehawm tak a ni. An thiltihsual man tawrh tir dawn ila lo \antu an awm ve leh khanglang zel leh nghal a, buaithlak \hin tak a ni.

            Eng pawh nise a chunga kan sawi tak mite khi ngaih khatah lo ngai ta i la. Sakruang ena mi pangngai ve, chhungkua pawh dina, nupui fanau hrawk chawm a, chhungkua a paber in ti ve \hin te hian kan chhungkaw khawsak dan hi mi pawi a sawi em ngaih tuah miah lo kan tam thei viau lawng maw le? Entir nan, ruahsur laia kan inchung tuidawn kawnga kalte per sur sur tura kan ti haw tur tur mai te leh, kan vawk In, ar In leh kan septictank khur kawnga kal te tan rim chhe lutuk tura kan ti duh te hi. Lehlamah khawtlang duh loh zawng ti tute hnawksak kan tih rualin heng mite hi an hnawksak ve viau lawng maw le??!!!               

           

ARTICLE

CHET DAN MAWI

|HIANTE ZINGAH

(Chhunzawmna)

10. |hiante nen awmkhawmnaah bul amite bekbawr sur sur ching suh, midangte tan nuam miah lo ania. Kan bula awm ten min rel emaw an tih theih tura kan awm hian a \ha lo a ni.

11. |hiante nen Picnic-naa kal nikhuaah inchei vur suh. Mi inneihnaa i kal erawh chuan i neih ang tawkin inchei ve ang che. Inchei hian hun leh hmun aneih ve \hin avangin chutiang thliar thiam nachang chu hriat ve angai a ni.

12. Puipun nikhuaah mi \hutna hmaa mahni \ulna thil engemaw ti tura i vei dawnin hawihhawmna entirnan kûn chungin kal \hin ang che. Ana zawng phei chuan hetiang hi a \ul lo mai thei, a hun leh hmun erawh chu a awm ve leh thei bawk.

13. |hian thar i neihin i hming hrilh hmasa la, chumi hnuah a hming i zawt ve leh chauh dawn nia. Hnam changkangte chuan an hming han sawi mai te hi an hreh hauh lo. Hming inhre tawn lova inkawm aichuan inhriat tawn thuai zel a \ha. Chuvangin kan \hian kawmte chu an hminga koh theih thuai pawh kan tum tur a ni.

14. Zahmawh rawng kaia mi chhaih leh ti ti nana hmanga, nuih vak vakte hi a changkang lovin Kristiante tih atan a mawi lo a ni. Zahmawh sawi chingte nun chu an pawlawh a, mi zahawm lovah an insiam tihna a ni.

15. |hiante zinga mawi lo deuhva i khuh palh emaw i hahchhiau palh anih chuan ‘Ka tih palh’ emaw Éxcuse me’ tiin emaw hriatthiamna dil \hin ang che. Hetiang chetsual palh hi thil awm thei a ni fo mai, bul amite hriatthiam kan dil anih chuan zah alak tur chu a  ni lo.

KHAWLAI-AH

            Mi Pangai chin tan chuan khawlai len chhuah nikhua a awm lo thei lova. |henrual khawmin leh chhungkaw mamawh lamkhawma chhuah vah a awm lo thei lo. Chubakah \hiante nen lengchhuak hovin khawi khawiah emaw kal \ul chang a awm \hin. Khawlai han tihah hian pawn ringawt nilovin kan \hian kawmna leh len velnate pawh a huam thei awm e.

1. Khawilaiah nula i lenpuiin kawng sir zawkah kal tir la, mi nekbuai tur lakah i hum thei ang. Hmeichhiate hi mipa aia dimdawih ngai an nih avangin kan lehchhuahpui anih pawhin an himna tur leh thlamuanga an awm theihna tur chu a lehchhuahpuitu mipate mawhphurhnaah ngaih a \ha a ni. Vairamah leh lek phei chuan rin loh tak tak harsatna tawk thei kan ni a, fimkhur pui leh zual a \ha  a ni.

2. I \hian hnai vai i hmuhin kutin emaw hmui hmai tala chibai buk a \ha. Chibai i buk hman anih chuan a \hiante pawh buk tel ang che. Rei tak inbiak erawh a \ha lem lo. Hmelhriat nazawng biak tum leh chibai buk tum erawh a \ul lem lo. Hmel hlim taka ‘I dam maw’ han intih  \hin erawh chu a mawi khawp  mai. Sap ho pawhin kal paha \hinate ‘Hello’ tiin emaw ‘Hey’ tiin emaw an in au liam ve mai \hin ang te hi a \ha viau bawk.

(Chhunzawm tur)                                                                                                                  

BENGTI  VÂR

Khawvela thlan ropui leh lian ber

NEWGRANGE

##  Newgrange hi Country Meath, Ireland a awm a ni a, 3300BC -2900BC  inkara din a ni. Khawvel building upa ber a ni bawk. 250ft a lian leh a san zawng 40ft lai a ni. A chhungah hian ruang zalhna tur tam tak siam a ni a, an phum tawh zat leh an zalh tawh zat erawh hriat chian a ni tawh lo. A chhunga luhna hi hmun khatah chiah a awm a, a kawngka atan hian lung lian tak ker kuak an hmang a ni. Hei hian hmanlai an puithuna chikhat a entir niin mithiamte chuan an sawi.

## Mutter Museum hi Philadelphia, Pensylvania a awm a ni a, Medical Museum a ni. Kum 1860 vel daih tawha a\ang khan hawn a ni a, Thomas Mutter-a hming chawia din a ni. he Museum-ah hian hmanlai a\ang daih tawh a taksa peng dah \hatte, pianphung mak tak tak piansualna chi hrang hranga piangsual te, nausen taksa dah \hat te bakah sathau/wak hmanga milim, taksa bung hrnag hrang entir thei tura siamte dahkhawm a ni a. Mihring pianhmang leh san zawng hrang hrang leh ruhro, a tak leh a lem te dah \euh a ni. A tlawhtute sawi danin Khawvela Museum \ihbaiawm bawk si leh tlawh chakawm bawk si zingah a ber a kai hial ang an ti.

A hnuai a Korean chhungkaw thlalak hi ngun takin en la, an fate hian an nu leh pate an chhun lohna chhan hi  enge ni a i rin le?

Plastic Surgery!!!!!!!

BIBLE  QUIZ  No.44

EZEKIELA BUNG 16 - 20

A kâr âwl dah khat rawh :

Q1. Tin, i kianga ka lo kalin thisena talin ka hmu chia, a ni ka ti che a ni; thisenah awm mah la _______ rawh.

Q2. Mupui lian tak dang a awm bawk a,thla hlai pui leh hmul bit tak a nei ve a,tin, ngai rawh, he grêp kung hi ama lamah khân a zung a zam a; a phunna hmun a\ang khan ama lamah _______ a chawr chhuak ta a,

Q3. a pung um tûra puktîr lova, a pung pawh la hek lova, thilsual ti tûra a kut sûma, mi leh mi inkâra __________________ dik taka titlua,

Q4.Thîr kawl bunin bâwmah an khung, Babulon lal an hlan e. An  thlen ta kulhpui chhûngah, A thawm daih nân-Israel ________________ lianah.

Q5. Chutichuan Aigupta ram chhuahsan tûrin ka ti ta a, thlalêrah ka rawn hruai _____________ ta a.

A bung leh châng dah rawh :

Q1. I silhfente hlîpin bawlhmunte i cheimawi a, tah chuan i phalrai a, hetiang hian a awm leh tawh ngai lo vang.

Bung: ...............          Chang: ....................

Q2. Indonaa mi tam tak tihhlum tûra mual pawngte leh kulhte an siam hunah pawh Pharaoa sipai rual leh pâwl ropui tak pawh engmah an tihsak thei lo vang.

Bung: ................         Chang: ....................

Q3. A pa erawh zawng rawng taka mi a hnehchhiaha, a unaupa rawkrâla beia, a mite zînga thil \ha lo chu a tih avângin, ngai rawh a khawlohna avângin, a thi tûr a ni.

Bung: ................         Chang: ....................

Q4. A zar ata senmei lo chhuakin a man e, A rahte zawng pawh a ei zo ta: Tichuan, zar lêm a awm tawh lo-lal tiang tûrah pawh. Hei hi sûnna hla a ni e, sûn nâna hman tûr a ni.

Bung ....................        Chang .................

Q5. Ka chawlhnite serh ula, kei leh nangni inkara chhinchhiahna a ni ang a, LALPA in Pathian chu ka ni tih in hriat theihna a ni dawn nia, ka ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 43 RESULT

Chhanna lut zawng zawng : 3

Chhang dik vek                       : 3

Lawmman dawngtu: C.Lalrinsangi (V.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnênah theh luh a, lam \hin tur a ni.

  HRIAT VE MAI MAI ATAN

(I lo \angkaipui viau takin)

         Mi tam zawkin Mobile Phone kan hmang tawh a, hei hi hriat ve atan a \ha khawp mai.

AIRTEL

Main Bal./Int. pck/sms pck-*121*2#

Unsub.(vas) - STOP 121(message)

Sim no. enna - *282#

Bal. transfer-na - Dial *141*#

Loan pukna - *141*10#

Bal. a\anga Int. pack siamna- *567#

SMS Pack siamna - *444#

RELIANCE

Main Bal.-*367#

Minute -*376*2#

SMS pck      - *123# or *321#

Int, Pck -sms ‘M Bal.’ to 55333

Unsub.(vas) - STOP to 155223(message)

Sim no. enna - *1#

Bal. transfer-na - Dial *367*3#

Loan pukna -sms’YCR to 51234

Aircel

Main Bal.-*125# or *128#

Int, Pck - *129#

Unsub.(vas) - STOP to 155223(message)

Sim no. enna - *234*4# or *131# or *1#

Bal. transfer-na - Dial *122*666#

BSNL

Main Bal.-*123# or *112#

Int, Pck - *123*10#

Unsub.(vas) -Dial *456*00#

Sim no. enna - *8888# or  dial164 or 24365

Bal. transfer-na - sms GIFT (space) i no. pekna tur (space) amount (i pek tur zat -53733

Loan pukna -sms CREDIT to 53788

Vodafone

Main Bal.- *141#

Int, Pck - *111*6*2#

Msg Pck - *142#

Unsub.(vas) -Dial *321# or sms STOP to 321

Sim no. enna - *111*2#

Bal. transfer-na - Dial *131* amount *i pek tur number

Loan pukna -sms CREDIT to 144

Baln. a\anga sms/net pak siamna- *444#

Idea

Main Bal.- *212#

Int, Pck - *125#

Msg Pck - *161*1# or *212*48#

Unsub.(vas) -Sms STOP to 54300

Sim no. enna - *147*8*2#

Bal. transfer-na - Dial *567* i pek tur number (space) i pek tur zat.

Loan pukna -Dial 53555

Bal. a\anga msg. pak siamna - *123*10# or *123*9#

Baln. a\anga int. pak siamna - *888*5 or 13 or 47 or 98#

NPSS Khawvel Sunday School Ni Programme

Chawhma inkhawm

Hruaitu: Upa Lalzuiliana

|antu          : Pi Lalhmunsiami

(Senior Deptt. Zirtirtu)

Hla sak ho: NPHB 153, Krista thisen hla tlansate chuan

Chang sawi rual: Beginners Deptt.

Chang sawi rual: Junior Deptt.

Thupui: Nl.R.Lalbiakchhungi chanchin |hen 1-na

(Missionary Martar)

Sawitu: Pi J.Lalhmingliani

(Beginners Deptt. Zirtirtu)

Zaipawl: Senior Deptt.

Hla sak ho: NPHB 166, Mithianghlimte lenna khawpui chu

Thilpek lakkhawm a ni ang.

Chawhnu Inkhawm

Hruaitu: Upa Zonunmawia

(Senior Deptt. Leader)

|antu: Tv. Lalrinawma

(Beginners Deptt. Zirtirtu)

Hla sak ho: NPHB 126, Lalpa chanchin \ha puangtute

Chang sawi rual: Primary Deptt.

Thupui: Nl.R.Lalbiakchhungi chanchin |hen 2-na

(Missionary Martar)

Sawitu: Tv. C.Lallawmzuala

(Intermidiate Deptt. Zirtirtu)

Zaipawl: Intermidiate & Sacrament Deptt.

Hla sak ho: NPHB 131, Lal Imamnuela ram zauh tur leh

TAXI FARE CHUNGCHANG-A JOINT COMMITTEE THUCHHUAK

Tunah hian kan veng Taxi fare chungchang hi Saikhamakawn Jt. Committee hruaitute chuan thu neitute hnenah thlenin buaipui mek a ni a. Kan Veng atanga Kulikawn Taxi fare `.20/- ni thin chu `.15/- a tlan turin Vengchhung Taxi neitute pawh dawr fel a ni tawh a. Vengchhumg mipuite pawhin kan veng Taxi ah ngei chuan tum turin kan in ngen a engemaw hmanhmawhna bik, rikrum thilah emaw lo chuan Veng dang Taxi lo phar emaw chuan emaw tumlo hram turin Veng chung mipuite kan in ngen a, hei hi mi tupawhin zawm hram tum ila a tha awm e.

TUALCHHUNG

, Pu Ramhmachhuana s/o Pu C.Ngura (L) chu danlohna avangin Alpha Hospital-ah enkawl mek a ni.

,Pi Lalmuani w/o C.Kapliana (V.Sec) chu damlohna avangin Grace Nursing Home-ah enkawl mek a ni.

,Pu Biakthansanga h/o Lianziki (Ch.Sec) chu Kulikawn damdawiina enkawl anih hnuin dam takin alo chhuak.

, Pu C.Lalchhanhima (Patea) h/o Lal\hasangkimi (T.Sec) te chu Pu C.Lalchhuansanga te inah an inbawl hrang.

,Pi Lalchhanhimi m/o Allan Lalramhluna (V.Sec) te chuan an insak thar an luah lut fel ta.

LAWMTHU  SAWINA

         Kan nu duhtak Pi Zatluangi (70) boral chungchangah lawmthu sawina tur tamtak kan nei a. A damloh tan tirh atanga hmangaih taka bawihsawm a, a mamawh ngaihtuah saktute chungah te. Damdawiin a a awm lai leh a boral hnua amah lainat taka atana tha leh zung, sum leh pai sengtu te leh amah tawngtai sak thintute zawng zawng chungah te,  hmangaihtaka min thlahliam puitu te zawng zawng chungah leh kan khawharna min hnem tura tha leh zung sum leh pai sengtute zawng zawng chungah lawmthu kan sawi takmeuh a ni.

         Kan chunga in thatna hi Lalpan a let tam takin rul che u rawh se.

K.Lalhmingmawiate chhungkua

Saikhamakawn

Vawiin KHAWCHIN

A lum lai berin : 270C

A vawh lai berin : 210C

Ruah sur lo turin weatherforecast .com chuan an sawi.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330