MIPUI
AW
KARTIN CHHUAK
Vol. XX Issue No. 41 Kristian
Thalai Pawl Saikhamakawn Branch Pathianni Dt.12.10.2014
VAWIIN CHANGVAWN
Mihring
tihlawm nge ka tum, Pathian tihlawm? Mi zinga tlaktlum tum ka ni em ni? Ni ila
Krista bawih ka ni lo vang. Galatia 1:10
KOHHRAN PROGRAMME
12.10.2014 (Pathianni)
Sunday School
|antu :
Pi Lalnunfimi
Zirlai
38-na : Krista leh ringtu
inzawm dan
Chawhnu inkhawm
Thuhriltu : Pu
Siamliana
Zân inkhawm
Thuhriltu : Pu
Khawlhmingliana
K|P PROGRAMME
13.10.2014
(Thawh\anni zan)
Neih
thil theh khawm
Hruaitu : Tv R. Lalzamlova
|antu : Nl.
Zohmingliani (Amtei)
A hmun : Sunday School Hall
Hla hruaitute : Nl R.Lalngaihawmi leh
Pu Lalhmangaihzuala
Keyboardist : Tv.Vanlaltluanga
Hla hruaitu leh Keyboardist te hi
thla chanve chhung zela inthlak tur a ni.
KOHHRAN HMEICHHE PROGRAMME
14.10.2014 (Thawhlehni Zan)
Kristian chhungkaw pual
Group tinte mahni group member-te Inah inkhawm
tur a ni.
PAVALAI PROGRAMME
16.10.2014 (Ningani zan)
Hruaitu : Pu
Kamzawngliana
|antu : Pu Lasuithanga
Thusawitu : Pu C.Zakhuma
|awng\ai rualna neih a ni bawk ang.
SERMON
CHHANDAMNA LAWNG
Pu.Lalremruata
Asst. Leader K|P
Rinnain Nova chu
thil lo la lang lote kawng thu-ah hrilha lo awmin, Pathian \ih dekin, a
chhungte chhandam nan lawng a tu a. (Hebrai 11:7)
A chunga Bible thu inziak khi ngun takin han chhiar vang vang ila,
enge tih tur kan nei ve em tih kan in
hre chhuak thei em le? Kan inhriat chuan i ti ve ang u hmiang, kan tih loh
chuan kan boral mai dawn a sin.
Rinnain Nova chuan a chhungte chhandam nan
lawng a tuk tih kan hmu a. Eng vangin nge lawng a tuk le? A mihring pui, a
chenpui, an veng mi, an khawpui a mi tam takte an boral mai dawn, hremna an
tuar dawn tih a hria a. Sualna leh bawlhhlawhna chitin rengin a tuam, a hual
vel a. Nova erawh chu chung zawng zawng lakah chuan a inthiar fihlimin a
chhungte an him theih nan lawng a tuk tlauh tlauh a nih chu.
Kei ni hian eng
lawng nge kan tuk ve le? Kan chhungte an leng kim em? Kan Kohhran leh veng mite
an leng kim em? Kei mahni ngei pawh leng mang lo hian lawng kan tuk a ni mai lo
maw?!!!
Rinna a lawng tuk
hi Kristian, Lalpa Isua ringtute hian kan tih tur a ni a. Keimahni ngei leh kan
chhungte zawng zawng leng tur hian Pathian ipawl tam ila, \awng\ai tam bawk
ila, chhungkuaa pathian pawlna nei turin, chhung inkhawm nei turin kan rinna
puanzar hi i kaih zawm ang u. Hawh u chhandama kan awm vek theih nan kan
chhandamna lawng tuk hi i bei sauh sauh ang u. Chhandamna chu mi tin tan a ni
si a.
Nova khan a
chhungte kha chhandamna lawng a tuka an luh kim theih nan Kum 100 lai hun a
hmang a nih kha. Beidawn lovin, ni hnih khat leka hlawh tlin nghal mai tum
lovin i bei hram hram ang u. Novan Kum 100 chhung a chhungte luh kim theih nan
a beih hi hre reng chungin, harsa hle mahse i bei hram hram ang u.
Khawvel
thilah chuan i fapa, i fanu kha i chher \ha viau pawh a ni thei a. Amah erawh
chu a pawimawh ber i hlamchhiah a nih chuan a pawi viau ang le. Van thlenga kan
chhawm theih turah hian i fapa, i fanu, i nupui, i pasal kha a tel em. I
chhandamna lawng tukah khan lut ve chi a ni em han infiah teh le.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Tunge
mi pangngai lo chu tiin han inzawt ila, mi pangngai lo kan tih a in ang lo viau
thei ang. Mi pangngai lo hi mi ang lo chu an ni miah lo han ti i la mi \henkhat chuan hei hi chu a dik lo ti
pawh an tam mai thei a ni. Mahse mi pangngai lo chu mi nun ang a nung lo chu an
ni ngei a, mahse mi ang lo chu an ni miah si lo. Chutiang mi te chuan an nihna
hi an hre lo fo \hin. Chuvangin kan chetzia hi miten eng angin nge min ngaih
ang aw tiin keimahni kan in en fiah fo a \ul awm e.
Chutiang anih chuan heng mite hi mi
pangngai an ni kan ti thei ang em?
Entirnan pakhat lo tarlang leh lawk ila. Mi motor khalh nupui (driver
nupui) pakhat chu an pa motor khalh neitu nu ai in a in ti thu zawk. Khawi ilo
an kal dawn pawhin a \hutna tur a rel zung zung a, motor neitu nu nau no pawm
pawh chu zah zo lovin a \hutna \ha \ha chu a chuh bawrh bawrh a, a neitu nu chu
a inthlahrung mah mah zawk. Kha friver nupui khan a chetdan kha a ma thlirnah
chuan mi pangngai a ni lo tih a in hre reng reng lo mahse, midang chuan mak an
ti, a chetdan chu a va mi pangngai chet lo ve an ti.
Engpawh nise kan chetdan hi mahni
inhriat a har duh viau. Eng tin nge mi dangin min ngaih tih hi kan inen fel
zung zung a \ul hle a ni.
ARTICLE
14. Chawhmeh \hat loh
deuh \um pawhin sawisel chin loh tur a ni. Chawhmeh
hi englai pawhin duh thusam reng a hmeh theih ngai lova, a lo chhiat deuh \um
pawh a awm \hin. Sawisel ching tak chhungkaw zinga an awm chuan rawngbawltu tan
ahrehawm duh \hin.
15.
Antui emaw chawhmeh tui nei in hawp
\awm luai luai lova, mimal tin tana insuah chhuah hranna tur no (bowl) inchhawp
nachang hriat hi a \ul khawp mai.Hnam dang kan unauten
Mizo Hotelah leh ina chawei hrehawm an tih nachhan ber chu antui kan in hawp
\awm \hin hi niin an sawi. Mizo chhungkaw tam tak pawhin antui in hawp \awm hi
kan chin tawh loh avangin, hawp \awmna chhungkuaah chuan hrehawm chaw ei a
hrehawm an ti ve tawh a ni. Hei hi lamlian tlangdung Mizo Hotel neite pawh hian
kan sim hlan a nghahhlelh awm ngawt mai. Chawhmeh tui nei in hawp \awm hi a
tuihnai lovin a hrisel lovang tih a rinawm a ni. Chubakah antui hawp rik hruih
hruih te leh kut berh luaia chaw ei te pawh hi chin loh atan a \ha khawp mai.
Chawhmeh chhawpnaa fian an dah \hin hi kut vei lama vuanin mahni thlengah emaw
bowl an chhawpah emaw suah \hin tur a ni.
16.
Chaw ei laia i khuh emaw
hahchhiau palh emaw anih chuan bula mite hnenah ngaihdam dil \hin ang che.Mizote
hian hetiang thil te thama ngaihdam dil hi kan ching lutuk lo, “ka tih palh”
tih te hi kan thiam chin chu a ni deuh mai awm e. Mahse chu pawh chu a \ha tawk
viau tho a ni.
17.
Chaw ei khama kam \huahna pik puat puat hi sim rawh. Mizote
hi chaw ei khama kam \huah ching kan ni. Chaw ei kham veleh kut kan sil a, kam
kan han \huah burh burh a, thleng silna hmuna kan pik leh puat puat \hin te hi
a nalh lovin a hrisel lo a ni. Kut kan sila hmui berh kan tihfai chuan duh tawk
mai a \ha. A bakah chuan tui thianghlim in ila,chu chuan kan ka chhunga la
chambangte chu lem mai tur a ni. Ka chhung tifai duh tak tak kan nih chuan tih
dan pangngaiin ‘bath room’ lamah emaw ‘tooth brush’a nawh fai mai tur a ni.
18. Tui i inin no tlang hmuam lova in \hin
tur a ni.Chhungkuain tui inna tur no in\awm an dah
\hin a. Chutiang bawkin hmun dang dangah pawh vantlang tana in\awm turin tui
inna no an dah bawk \hin. Heng no hmanga tui ka in hian a tlang hmuam lova in
kan ching \hin tur a ni. No tlang hmuama tui in hi hnam dangte leh tunlai mi
tam tak te chuan an ten a, an duh tawh lo hle tih hriat tur a ni. Ngaihtuah
chian chuan mi tin mi tangin no tlang hmuama tui no kan hmuam tlan chuan
hriselna atan pawh a\ha lovang tih a chiang sa a ni. Hmun changkang deuh zawkah
chuan mi pakhatin hman zawha paih nghal mai tur no (disposable cup) an dah
maina te pawh a tam tawh a ni.
BENGTI VÂR
Khawvel Ui sang ber
Guinness World Record-in Khawvela ui sang ber ti a a chhin chhiah,
Great Dane thlah, kum 5 a upa Zeus chu a chenna hmun Otsego Michigan, USA ah
tla hmasa khan kum upat a vangin a thi. Zeus hi 7ft 4inchs a sang niin,
Sabengtung puitling tiat a lian a ni a, 70.3 Kgs a rit a ni.
ISRAEL FATEN TUIPUI SEN AN KÂNNA HMUN
Khawvel In sak Ropui
#2 (Lloyd’s Building)
Londan khawpui laili lai taka awm, a
sak dan a mak em avanga Inside Out Building an tih mai hi Lloyd’s of London in
a ni a, Office building atana hman mek a niin,88m (289ft) a sang a ni. He
building hi a chhung lam zau duhna avangin building pangngai a a chhunglama awm
\hin tam zawk lift, elevator, tui pipes, leihlawn, boruak luhna leh chhuahna te
pawh Bowellism architech- ture an tih hmangin pawnlamah dah vek a ni. A design
tu hi Richard Rogers niin kum 1978 leh 1986 inkara sak a ni. He building sak
nan hian L75,000,000 hman ral a ni a, tunah hian he building hi Chinese Company
pa khat Ping An Insurance chuan L260 million chawiin July 2013 a\ang khan an la
luah mek a ni.
BIBLE QUIZ
No.41
EZEKIELA
BUNG 1-5
A
kâr âwl dah khat rawh :
Q1. Thilnung palite chuan hmai pali
an nei \heuh a, an hma lamah mihring hmêl an pu a, dinglamah sakeibaknei hmêl
ang, vei lamah bâwngpa hmêl ang, hnung lamah _________________ hmêl ang.
Q2. Amaherawh chu nang mihring fapa,
i hnêna ka sawi hi ngaithla rawh; mi helhmangte angin helhmang ni ve suh: i ka
ang la, ka pêk che chu ___ rawh,” a ti a
Q3. Tûnah hian luhlul tak leh
dehkhirh takin anmahni ang maiin ka _____________ ang che,
Q4. Tin, ngaiteh hruizenin ka hlîng
che a, i hual nî i tling tlâk hma loh chuan khawilamah mah i hawi
_________________ tûr a ni lo ve.
Q5. LALPA PATHIAN chuan heti hian a
ti a ni: Ngai rawh u, kei meuh pawh hian ka dodal che u a ni, hnamte mithmuh
ngeiin in zîngah _________ ka hlen dawn e;
A
bung leh châng dah rawh :
Q1. Thilnungte chu thlarau duhna lam lamah an kal a, tawlailir pawhin
thilnungte tih ang chiahin an ti ve a, thilnungte thlarau chu tawlailirte
keahte a awm si a.
Bung:
............... Chang:
....................
Q2. ka hmâah a han pharh a, a chhûng lam leh a pâwn lama ziak a ni a;
\ahnate, lusûnna te, chungpikna te ziakin a awm a.
Bung:
................ Chang:
....................
Q3. Tin, mifel chuan a felna a hawisana khawlohna a tiha, a hmâa
tlûkna ka lo dah chuanin, a thi ang: vaukhanna i neih loh avângin sualah a thi
ang a;
.Bung: ................ Chang:
....................
Q4. I chaw ei tûr chu teh vek tûr a ni a, nikhatah sekel sawmhnih a ni
tûr a ni: hunbi nei takin i ei tûr a ni.
Bung
.................... Chang
.................
Q5. ChUtichuan paten i chhûngah an fate an ei ang a, fate pawhin an
pate an ei ang; nangma mi la awmchhun zawng zawng chu ka tidarhsarh vek ang.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 40 RESULT
Chhanna
lut zawng zawng : 12
Chhang
dik vek : 12
Lawmman
dawngtu: Esther H.Lalmuanpuii (V.Sec)
Bible Quiz chh^nna leh lâwmman hi
Circulation Manager Tv.C.laldawngliana hnenah thehluh a, lam \hin tur a ni.
AIZAWLCHHIM PRESBYTERY INKHAWMPUI
Oct. 9 zan
a\ang khan Aizawl chhim Presbytery Inkhawmpui
vawi 36-na chu Tlangnuam Presbyterian Kohhran Biak Inah hman a ni a,
Zanin hian a \iak ang. Kum 2015 Inkhawmpui na tur leh Puipa turte hetiang hian
ruat an ni.
A
hun : Dt.8-11 Oct.
2015
A
hmun : Mission veng Kohhran
Thupui : Lalpa |ih
Sawitu :Rev.Dr.
Chawnghmingliana , Tlangnuam
PUIPATE
Moderator
: Upa Chhawnvunga Mission veng
Secy(Sr): Upa K.Lalengliana Tlangnuam
Secy(Jr)
: Upa C.Lalbiaktluanga Hmunthar
Treasurer : Upa F.Lalsawmliana Kulikawn
Statistician:
Upa Lersithanga Thakthing
Zu chungchanga miropuite thusawi
@
Pathianin Zu a lo siam hi a lawmawm e, mahse tusik a siam hmasa zawk tih chiang
takin ka hria.
- Eliot
@
Mi fing chuan tuisik a in a, a duh tawk mai \hin. - Socrates
@
Zu rui hi en la zu \hat loh zia chu sawi
hnem a ngai lo - Saville
@
Zu no tinah hian ramhuai a awm.
- Koran
@India
ram darkar khat chhung chauh Dictator ni
ta ila, ka thil tih hmasak ber tur chu zangna dawmna pe nghal lovin zu dawr ka
khar vek ang. - Mahatma Gandhi
@
Zu chuan a tawpah rul \ha mi angin mi a chuk \hin. - Hosea
@
Zu hian result 3 a nei, ruihna, nawmchenna leh inchhirna te.
-Annacharis
@
Zu thlarau tak hi chu aw, eng hming nge ka vuah tak ang? He ti taka mihring ti
chhetu hi ‘Ramhuai’ ka ti tawp mai.
- Shakespeare
@
Zurui chu sual ti turin a Qualified a ni. -
Quarles
@
Zu ruih hmang ten Pathian ram an lut lovang.
- Tirhkoh Paula
T.B.Z. NEIHTHIL THEHKHAWM PROG.
13.10.2014 (Thawh\an zan) dar
6:30
A hmun : Upa Lalzama te In
Hruaitu : Pi Zohmingthangi
|antu : Pi
K.Lalhmingliani
SAMLUKHAI BRANCH YMA
A|ANGA HRIATTIRNA
Samlukhai
Branch YMA te chuan kan ramchhunga Luidungte ngawrh lehzuala humhalh turin
hmalakna kan kalpui zel a, a bik takin |hiak nena kan inkar lui Changte
hi hmundang a\ang pawhin lui kal nana kan hman \hin anih avangin ahnuaia kan
dan leh hrai siamte hi min zawmsak turin kan ngen a che u:
1. Sangha fuan man
leh khawih khap tlat a ni.
2. Sangha fuam hun
chhung October ni 15 a\angin November thla chhung luidungah Sangha manna lam
chi reng reng kenga lui kal khap a ni.
3. Sangha fuan man
leh khawih hmuh man an nih chuan mipakhatah `.1,000/- chawi
tir an ni anga, an pawisa chawi tur hi ni 7 ral hmaa an pe lo anih chuan
Committee in a \ul angin an chungchang a
kalpui ang.
4. Dan leh hrai
siamte hi Media lamah pawh puan/tar tir a ni ang.
Ram leh hnam tana in
thawhpui,
Sd/-
(R.RAMNUNMAWIA)
Secretary
YMA, Samlukhai Branch
Vawiin KHAWCHIN
A lum lai
berin : 260C
A vawh
lai berin : 230C
Chawhmaah 2mm, chawhnuah 10mm leh zan lamah sur
lo turin weatherforecast.com chuan a sawi
TUALCHHUNG
,Pi
R.Lalbiaknungi w/o Lalchhandama (V.Sec) chu damlohna avangin BN Hospital-ah
enkawl mek a ni.
,Lallawmawma
s/o Lalromawia (V.Sec) chu damlohna avangin Greenwood Hospital-ah enkawl mek a
ni.
,Pu
J.Zothanzuala h/o Lalhmunmawii (V.Sec) te chuan a pathumna atan fanu duhawm tak
an nei thar.
, Pi Laldingpuii w/o Lalherliana(L) (T.Sec) te
chhungkua chuan khawi ilo vah vel nan Scooty (Wego) thar an lei.
,Pu
J.Lalawmpuia h/o Lalrinngheti, Bethel veng (T.Sec) chu a thawhna Hliappui h/s
a\angin Sialsuk High School ah sawn a ni.
HRIATTIRNA
PHE tlangnuam site office mary Mount
School thlang a awm \hin chu view awmna Tanky bul tlangah sawn chhoh a ni a,
mipuite kan inhriattir e.
SPORT
# Champions League a seeded team (pariat) te hi season 5 chhunga
Europe a chetha, club ranking (UEFA coefficient) an siam atanga point hmu sang
te an ni thin a. Mahse he dan an hman mek hi UEFA lam chuan season thar
(2015/16 ) a\ang khian an ti danglam tawh dawn, an dan thar siam turah hian
Europe a league \ha pasarih (Top 7 league) champion team te leh he competition
a champio n lai te chiah seeded team (Pot 1) ah hian dah an ni tawh dawn a ni.
# Kum 20-a upa, Everton defender Stones hian a kheimit a tihna a,
zai angaih dawn avangin kar 10 atanga kar 14 chhung a chawl dawn a, kumin
chhung a khel thei tawh lovang.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
