Saturday, 10 May 2014

Mipui Aw 11.5.2014

MIPUI AW

KARTIN CHHUAK

Vol. XX Issue No. 19 Kristian Thalai Pawl Saikhamakawn Branch Pathianni Dt.11.5.2014

VAWIIN CHANG VAWN

“Chutiang bawkin in eng chu mi mit hmuhin eng rawh se; chutichuan, in thil tih thatte an hmu ang a, in Pa vana mi an chawimawi thei ang.” - (Matthaia 5:16)

PATHIANNI PROGRAMME

Dt. 11.5.2014 (Pathianni)

Chawhma S.S Inkhawm

|antu : Pi Lalhmachhuani (Bial No.I)

Zirlai 17 na : Philipi Thuhmahruai

Chawhnu Inkhawm

Thuhriltu : Pu Siamliana

Zan Inkhawm

Thuhriltu : Pu C. Laldina

Mission Vengthlang Kohhran

K|P PROGRAMME (Ni 12.5.2014)

(Neihthil thehkhawm)

A hmun : S. S Hall

Hruaitu : Pu Lalremruata

|antu : Nl. C. Zodintluangi

May thla chhunga hla hruaitu turte

Hla hruaitu :Tv. Abraham Lalnunthara

tur te Nl. Jenifer Lalremruati

Keyboardist : Tv.Vanlaltluanga

KOHHRAN HMEICHHE PROGRAMME (Ni 13.5.2014)

Kristian chhungkaw puala hun hman tur a ni ang.

SERMON

KHAWVEL ENG

“Chutiang bawkin in eng chu mi mit hmuhin eng rawh se; chutichuan, in thil tih thatte an hmu ang a, in Pa vana mi an chawimawi thei ang.” (Matthaia 5:16)

Lal Isua khan khawvela a awm lai ngei khan Amah ringtute hi kan nihna tur a sawi pawimawh em em mai chu eng chhuak tur kan nihna hi a ni. Tlang chhipa khaw awm a thuhruk theih loh ang bawkin, ringtute nun hi thuhruk theih loh, nun langsar a ni tur ani tih leh Khawnvar hal hrai hnuaiah dah a ni ngailo ang bawkin, ringtute nun hi a langsar lai takah a eng chhuak tur a ni tih hi Lal Isuan, ringtute nun a sawi dan a ni.

Fak hla siamtu chuan, “Ni ai pawha eng ropui zawk chu ka thinlungah a eng, Khawvel eng aia eng zawk chu,” tiin a sawi bawk a. Lal Isua ringtute hi kan thinlungah hian ni ai pawha eng ropui zawk a eng tih hi, he fak hla siamtu hian a hmu chhiang hle mai. Ni chu a eng hi mi zawng zawngin kan hmuh hmaih thei lo ang bawk hian; ni aia eng ropui zawk kan thinlunga eng hi tutan mah hmuh hmaih theih a ni lovang.

He hlaah vek hian, “Lalpa ka pawlin ka thinlungah thlamuanna tui a luang, ka thinlungah lawmna ri chu thatnain a par chhuak,” a ti zui bawk a. Lalpa pawl thin mite nun hi thatnain a parchhuah thin zia a sawi zui nghal bawk a ni. He thatna a parchhuak thin thinlung eng tak mai hi, Lal Isua chuan Tlang chhipa khaw awm te, khawnvar hal hrai hnuaia dah ngai loh nen, a tehkhin lai tak chu a ni. Lal Isua chuan Amah ringtute nun hi mite hmuh loh theih lova thatnaa par chhuak thin tur a nihzia chiang takin a sawi a ni.

Khawi hmunah pawh Eng hunah pawh ringtute nun chu mite hmuh loh theih loh a eng reng thin tur a ni. Vawiinah Lal Isua ringtu inti te nun hi han chhut chiang ta ila. Kan thinlungah hian eng a awm em? Eng nge par chhuak thin? tih hi kan in en fo a tul awm e. Thatna par chhuak lova, thalo zawk kan par chhuah tir fo thin anih chuan Lalpa kan pawl em tih hi kan in enfiahna tur a ni ang. Biak In leh a velah kan en viau lai hian hmun dangah kan eng hi a chuai leh tlat thin em? tihte hi kan in enfiah a pawimawh hle mai. Eng chhuak awm hawt si lova Lalpa ka pawl kan tih chuan dawt kan sawi tihna a ni. Chuvangin khawi hmunah pawh, eng hunah pawh kan en chhuah theih nan Lalpa kan pawl thin chuan kan thinlunga thlamuanna tui luang hi thatnain a par chhuak thin dawn a ni.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

NU LEH PA Vs ZIRLAITE

Tunhnai Matric leh Pawl 12 result
chhuakah vengchhunga zirlai mi \hahnem tak ten hlawhtlinna an chang a, a lawmawm tak zet zet e. Pass percentage mai piah lamah zirlai \henkhat te Division sang tak takah an inhlang thei te hian kan hmasawnna a ti lang chiang viau awm e.

Result \ha neih kawngah hian tute nge pawimawh ta ber ang? A hmasa berah chuan a zirlai a te an ni tih chu thil chiang sa a ni phawt mai. Amaherawhchu, fate result-ah hian nu leh pa te hian inhnamhnawihna thuk tak chu kan nei ve tlat.

Mihring khawsak phung leh eizawnna te chu a in chen lo thei e; mahse mahni phak tawka fate chhawmdawl a, an lehkha zirna kawnga sum leh pai leh tha leh zung seng \hin te hi chuan fak leh chawimawi hi an phu ve lo maw? Zirlai bu leh uniform leisak mai piah lamah hian zirlaite tan inchhungkhurah zirna boruak (study atmosphere) \ha kan siam sak a pawimawh khawp mai. Naupang thiamna leh theihna in ang tlang \heuh \heuh ah pawh hian inchhungkhur boruak hian ko ri a tuk thui thei viau a ni.

ARTICLE

TUNGE MI ROPUI CHU?

Mihring kan nih chhungin kan nuna thil thleng reng rengah mahni kan pawimawh ber a, kan nunah a chhelam emaw a tha lamah emaw keimahni in kan duh phawt chuan kan nuna awm hlen turin kan duh chuan kan la lut hmak thei a ni tih hi kan hre theuh awm e. Mihring nun hi danglam thei, kan thil hmuh leh tawn te hian nasa takin nghawng nei thin a, chu chuan mi tha leh thalo ah a lo siam mai thin a ni. Pathianin kan hringnun zinkawng a lo duan danah hian hei hi mi tha nise hei hi chu misual tak nise, hei ve thung hi chu rethei in he pa hi chu hausa rawh se tia duan sa a nei hian ka ring lo. Mihringah theihna te chakna te chhia leh tha hriatna thiang min pek hmangte hian kan nun kawng rel fel turin min siam zawk a ni tih hi kan pawm ngam a tul awm e.

Mihring kan nih chhung hian a tu te pawh mai hian hmelma kan nei theuh a, nun kawng pangngai min zawh tir thei lo tu, min ti buai tu enge maw chu kan nei theuh awm e. Kan hmelma lian ber erawh keimahni a ni fo thin tih hi kan pawm tlang ngei ang. Miin a thil tih tha lo tak sim duh thin mahse sim thei lo in a awm fo thin, ruihtheih thil ti thin te pawhin an duh ang angin a sim thei lova, mahse chu an sim theih loh chu anmahni kutkawih ngeia an tih a ngei si, ti lo mai se an sim ni mai tur kha an ti leh tho thin si a, engvang nge? anmahni vang a ni. Tunge an hneh loh ruihtheih thil kha nge an hneh lo anmahni kha!! Chhan thiam har tak tur chu ani, mahse ngun taka ngaihtuah chuan anmahni an inthunun zo lo a, an taksa chunga chhiatna thlen tir tu hmelma chu mahni bawk hi a lo ni leh thin.

Khawvelah miropui leh hmingthang tak tak te a lo piang chhuak a, an nihna vang te, an thiamna vang te a hmingthang leh ropui an ni thin. Mahsela chutiang a nihna ropui leh thiamna chu engtia an neih nge? An tumruhna te an taimakna te vanga nei kan ti anih pawhin a mawh love, mahse anmahni a in thunun theih vang a ni, thatchhiatna leh peihlohna te pawhin a tibuai ve ngei ang mahse chu chuan a dang zo lova, chhunglam chakna in a dan zawh loh mihring chu pawnlam thil chuan a dang zo ngai lo tih hi kan hriat a pawimawh hle ang. Kan hlawhtlinna tura min dal tu lian ber chu keimahni hi a ni tih kan hriat a chu mibei let leh do let ve tura mahni inthunun thei mi kan nih a tul hle a ni.

Engkawng pawh zawh ila keimahni ngei mai hi ka duh duh dan a kan awm tir theih chuan miropui kan ni anga, khawvel hriatah ropui lo mah ila miropui te zingah chhiar tel kan ni ngei ang.

BENG TI VAr

THIL MAK CHHUI SEN LOH

UFO :

Thlengthlawkthei kan ti naa UFO chu Unidentified Flying Objects tihna a ni a, thil thlawk thei, eng nge a nih hriat si loh a ni. Mi tam takin eng nge a nih an hriat si loh vana thlawk \hin an hmu a, \henkhatin a chhunga mi danglam tak chuang nia sawi te an awm \hin. Inhnialna tam tak a chhuak a, awih pawl leh awih lo pawl an awm bawk. Thil thlawk hrim hrim hi chu awih loh tur pawh a awm lo a, arsi them leh thlawhna thlengin an thlawh dan azira hmuh danglam theih hi tam tak zawng a awm a ni. Mahse khawvel danga mi nung awm ve ni awm taka ngaih theih thil hi chu finfiah a har em em. Hriatfiah theih loh thil thlawk a nih miau avangin finfiah ngaihna a awm lo a ni.

Deja vu :

Deja vu hi French \awng a ni a, a awmzia chu ‘hmuh tawh’ tihna a ni ber. Eng emaw kan han tawng a, kan vawikhat tawnna pawh nise, hmanah hetiang chiah hi ka tawng tawh tih ang chia hriat tlatna lo awm, khawiah nge tih leh engtikah nge tih sawi theih si loh; mahse hriatna eng emaw tak lo awm tlat si hi a ni. Saprama vawi khat kalna ngei ngei pawh khan khawi maw lai an hmuh khan tunhmaa a lo kal tawhna emaw a ti tlat thei \hin a ni. Mihring rilru lam zir mite chuan a hrilhfiah dan hrang hrangte chu an nei ngei mai a; mahse a lo awm dan leh a nihphung dik tak erawh hi chu mak tih reng tur a la ni rih.

Taksa leh rilru inzawm dan :

Damdawi lam thiamna hian rilruin taksa a thunun dan hi a hre \an ek ek a ni chauh a, a la hre fiah zo lo a ni. Placebo effect an tih mai, damdawi ni miah si lo, damdawia rilruin a ngaih tlat avanga \hat phah site hi a mak khawp mai. Taksa, mahni leh mahni a intihdam theih dan te hi science hian a la hrefiah zo lo a, a mak tiin a thlir ringawt rih mai a ni.

Psychic powers leh ESP :

Thil hriat lawk theihna (psychic powers) leh (ESP-extra sensory perception) an tih mai te hi hrilhfiah a la har em em bawk. Mi hriat loh hriat theih bikna, rilru hriat theihna ang chi nei ang a insawi an awm nual a. Science chuan finfiah tumin a bei tawh \hin a, a enchhinnaah chuan chutianga theihna nei nia insawiteah chuan danglamna engmah a hmu si lo. Psychic power hi chu finfiah chi a ni lo, a ring lotute leh scientist te ho awm lai chuan power a tawp vek zel an ti tlat bawk si. Chutiang a nih chuan engtikah mah finfiah a ni dawn lo a ang khawp mai.

(Source : Meithallawn)

BIBLE QUIZ No.19

Isaia Bung (11-15)

A kâr âwl dah khat rawh :

Q1.Tin, ________________leh savawm an tla ang a; an note chu an bawk za dial dial tawh ang: tin, ___________________ chuan bâwngpa angin buhpawl a ei tawh ang.

Q2Chuvangin ___________________ tuikhur atate chu hlim takin tui in la chawi ang.

Q3.Ngai teh, _______________-ho anmahni bei tûrin ka chawk tho vang a, chungho chuan tangka an ngaihsak lo vang a, rangkachak ah pawh an lawm lo vang.

Q4. Aw ___________________, chiau vâk vâk rawh; aw khawpui, au rawh; aw Philistia, i pumin, i

tuiral zo ta; hmâr lam a\angin meikhu a lo chhuak si a, an hun ruatahte chuan hnufual reng an awm ngai lo a ni.

A bung leh châng dah rawh :

Q1.Au thawm chu Moab ramri vêlahte chuan a thang si a; a chiau vâk vâk thawm chu Eglaim khaw lamah a thang a, a chiau vâk vâk thawm chu Beer-elim khaw lamah a thang a ni.

Bung: __________ Chang:__________

Q2.Tin, felna hi a taihren a ni ang a, rinawmna hi a kawnghren a ni ang.

Bung: __________ Chang: __________

Q3. Ngai teh, ram titiau tûr leh chuta mi sualte chu a chhûng ata tiboral tûrin LALPA ni chu nasa takin thinrimna leh thinurna nasa tak nên, a lo thleng dawn e.

Bung:__________ Chang: __________

Q4.Nimahsela Seol-ah, klhuarkhurum tawp retahte chuan, hruai thlakin i awm dawn si.

Bung: __________ Chang: __________

Hming : ____________________________

Section : ____________________________

BIBLE QUIZ NO. 18 RESULT

Chhanna lut zawng zawng : 7

Chhang dik vek : 7

Lawmman dawngtu : K. Lalrindiki (V.sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

AU HLA (SLOGAN) INPHUAH SIAKNA

Topic : 1) Bawlhhlawh sawngbawl dan (Solid Waste Management)

2) Tui khawl khawm (Conservation of Water)

3) Faina leh thianghlimna (Sanitation)

Prize : 1st prize : Rs 700 (Each)

2nd prize : Rs 500 (Each)

3rd prize : Rs 300 (Each)

Consolation prize Rs 100 (mi Pathum tan)

Organised by : 4th Semester, MSW

Mizoram University

Sunday, 4 May 2014

Mipui Aw 4.5.2014

MIPUI AW

KARTIN CHHUAK

Vol. XX Issue No. 18 Kristian Thalai Pawl Saikhamakawn Branch Pathianni Dt.4.5.2014

KOHHRAN PROGRAMME

4.5.2014 (Pathianni)

Sunday School

|antu : Pu Lalfakzuala

Zirlai 16-na : Kristian Indona

Chawhnu inkhawm

Thuhriltu : Upa Lalrindika

Zân inkhawm

Thuhriltu : Upa Zairemthanga

K|P FELLOWSHIP

4.5.2014(Pathianni Tlai)

Thupui zir leh Quiz Competition

Hruaitu : Pi Lalhmunsiami

|antu : Nl Rosangpuii(RSI)

Thupui : ‘Khawnge i Pathian chu’ Hawngtu : Pu Tommy Zirnuntluanga

Quiz : Rom 1-8 a\angin

Quiz Master : Tv PC Vanlalhriatpuia

K|P PROGRAMME

5.5.2014 (Thawh\anni zan)

Short Sermon leh \awngtai rual

Hruaitu : Pu Lalduhkima

|antu : Nl P.C.Lalrinmawii

Thu Hriltu : Nl. CVL Biakzuali leh

Tv R. Zodinsanga

Thilpek lakh- : Nl Judy Lalsangliani leh

awmtu te : Nl J.Zothankimi

Hla hruaitute : Tv. Abraham Lalnunthara leh

Nl Jenifer Lalremruati

Keyboardist : Tv Vanlaltluanga

KOHHRAN HMEICHHE PROGRAMME

(Ni 6.5.2014)

Ramthim zin

A hmun : Sunday School Hall

Hruaitu : Pi Lalchhingpuii

|antu: Pi Vanlalbiaki

SERMON

THLAN TUR DIK

Rinnain Mosia chuan a lo puitlin hnu khan Pharaoa fanua fapaa vuah a duh lo va; rei lo te atan sual nawmna hlimpui ai chuan Pathian mite nena tihduhdah tuar a thlang ta zawk a; Krista an hmuhsitna chu Aigupta ram rote ai chuan sum ropui zawkah a ruat a; lawmman pek tur chu a thlir \hin a vangin. (Hebrai 11:24-26)

Mihring nunah thlan tur dik kan thlan loh avanga a tawpa lungngaihna tam tak kan tawrh a sawi tur a tam awm e. Kan Bible pawh hian kan entawn tur leh an tih anga ti ve lo tur min duh mi eng emaw zat a tarlang a, an nun a\anga zir a kan in siam \hat theih nan mite chanchin tam tak a rawn ziak lang a ni. Tin, Thlantur dik lo thlang a a tawp a lungngai tak a an khawvel hun hmang zo ta te chanchin pawh kan hmu bawk. Kawng dik kan zawh theihna tura entawn tur min siam sakah chuan tunge kan entawn anga, tunge kan entawn ve loh tur chu ni ang le? Mi pahnihte nun atangin he zirlai hi zir i han tum teh ang.

1. Thlan tur dik thlangtu Mosia : Mosia chanchin chu kan hre \heuh ang a, a amahah hian entawn tur leh zir tur kan va ngah em! Mi tam tak ten a kan duh dan leh kan beisei ang hian kal sela hruaitu ropui Mosia a ni thei dawn si lo. A nakin hun tur thlir chuan Aigupta lal (Pharaoa) ni mai tur kha a ni a, mahse, Hebrai mi a ni tih a in hriat khan a chipui, sal te ang khan a awm ve ngam tlat. Aigupta sipaiten an duh tawka an vuak a, an chhawrte nun ang in a nung ve ta a nih chu. Hebrai lehkhathawna kan hmuhah chuan ‘rei lo te atan sualnawmna hlimpui ai chuan Pathian mite nena tihduhdah tuar a thlang ta zawk a;’a lo ti a ni. Aigupta miten Isua Krista an hmuhsitna chu Aigupta ram rote aiin sum ropui zawkah a ruat ta, a va han thlang dik em! Tunah hian thlan tur dik Isua hi thlang ve rawh le.

2.Thlan tur dik thlang lotu Juda Iskariota : Isua Zirtirte zingah kan hriat lar tak chu Iskariota hi a ni awm e. Mahse a lar dan hi a entawn tlak loh hle mai a, chu chu eng vang nge ni ang le? Isua Krista ai a Sum a thlan vang a ni lawm ni a hun tawp chhe tak a ahman liam tak le? Thlan tur dik Isua hi thlang nise hetiang hi a ni lo tawp ang le! Chuvangin Unaute u, Isua Krista nge i thlan a Sum leh pai? I thih hnuah i chhung leh khat ten sawi kai \alh an tum ve mai che ang em? Isua i thlang lo a nih chuan I thlan loh Isua ngei hian ro a rel sak dawn che a sin. Thlan tur dik Isua thlang rawh le.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

CHAWLH BUK

Khawkar kawngahte zin vei vakte chawlh hahdam nan leh han \hut thlandaih nante leh eng emaw tan, ruah sur a chawlh nante hlei hlei a pawimawh zual \hin. Hetiang Chawlhbuk hi a pawimawhin kan ta \heuh a ni tih hi kan hriat tlan a pawimawh khawp mai. Keini vengte ngeiah pawh hian remchang taka kan hman theih turin Ramri kawngah Field bulah leh Chekbawk lam tan pawh World Bank Road kawngkamah te leh hmun dang dangah pawh a awm nual awm e; kan kal hlat dan a zirin.

A bikin Ramri lama chawlhbuk ngat phei hi chu kan veng nilo veng dang chawl an awm vak awm love, amaherawhchu kan veng chawlhbuk hi han en ila, tu emaw kuthleiin a thel thil hriat tak mai a a ban han rek/chik neng nungte leh a \hutna tak ngial pawh zuah lova thel deuh vek a ni mai hi chu vengdang tih nilovin keimahni veng ami tu emaw tih ngei anih a rinawm. Hetianga vantlang thil, keimahni tan vek nisi kan kuthleiin kan diriam ta mai \hin hi a pawi tak zet a ni. Vantlang thil hi mahni ta angin en \hin ila, mahni in ban chu sawi loh kan vawkin takngial pawh tuman kan sat rek awm si lova, chuvangin tuna ala awmchhun chhun tal hi chu a tichhe lam nilovin a chhe lai siam \hatu zawk nih \heuh i tum tawh zawk ang u.

ARTICLE

MIZO TAKIN

- Ventluanga pa.

Khua a lum em a vangin zan lam boruak pawh a lum nuam ham ham hle mai a. Lum ti em em chung chuan muthilh ka han tum a, mahse ka muhil thei re re lo mai a.Ka mut erawh a chhuak em em a, ka harh kur reng bawk si a. Thil chi hrang hrang ka ngaihtuah a, kan ram inrel bawl dante, Sorkar hna thawk leh sumdawng te, ram hna thawk a nisa tak hnuai a thawk \awng \awng te nen.Tin, Zirlai taima tak tak te leh taima vak lemlote pawh ka ngaihtuah chho zel a. Zrlai tam takte nuamsa takin an awm a, \henkhatte erawhchu inhlawhfa chawpa inzir ve \awk \awkte an bawk bawk a. School naupangte hruaiin \henkhat nu leh pa ten an kal lam haw lam nisa leh ruah surin a tihbuai miah loh khawp a an duat theih laiin, \henkhat ve thung erawh chu nisain a em a, ruahsurin a nan zawr hnuang ve thung bawk a. Chutiang zelin sawrkar hnathawk, hlawh inzat \heuh \heuhte pawh an khawsak a innawmhleih theihzia te ka ngaihtuah a. He kan ram zimteah pawh kan khawsak nunphung inanlohzia ka ngaihtuah hian eng hian nge min hrut rual thei ber ang le? tiin ka ngaihtuah zui nghal a. Hmel leh pianzia, duh zawng leh ngaihdan hrang hrang karah hian “Mizo takin” kan tihna hmunah hian kan inlungrualin kan inkhairual ber \hin niin ka hria.

Mahse, “Mizo takin” titute ngei pawh chu an awmkhawm reng thei lova, chhungkaw hrang, chawhmeh pawh inanglo hmehtute kan ni a, sa \heuh \heuh pawh siam dan a inang lova, \henkhatin chhum kan duh a, a \henin a kana kan kan duh leh thung a. Chung zawng zawngah chuan “Mizo takin” han ti viau \hin mah ila, kan ei leh in leh kan chawhmh duh zawngte chu vai chawhmeh leh sap chawhmeh, Korean chawhmehte anih tawh hlawm avangin Mizo min ti Mizotu hi khawiahnge a awm tak ang le? tiin ka ngaihtuah leh ta vang vang a. Chhungkaw \henkhat phei chu thingtlangpa tan phei chuan an chaw ei dan changkan lutuk avangin an inah puar takin chaw ei theih a ni tawh mang bawk si lo, engkim mai hi a danglam a ni ber mai e. Heng thilah te pawh hian khawiahnge Mizo? zawn hmuh ava har teh lul em!

Khawi hmunah pawh kal ila, Bus chuanna hmuahte, Bazar kalna hmunahte, zirna school-ah te leh damdawiin leh office hmun hrang hrangahte Mizote min ti Mizotu hmuh utr ava’n vang ta em! Banga thuziak intar han chhiar ila, \henkhat tan phei chuan Dictionary keu chawp angai zel a, zirna sikul lam pawh ka tu leh fate ngei pawhin kan Mizo\awng aiin sap \awng an thiam hmasa ta zel zawk si. Kan rama NGO pawl lian ber, Mizote hmun khata min phuarkhawmtu YMA hmunpuiahte pawh hian Mizote minti mizotu tak a awm lo maw? tiin ka han chhui zui a, mahse, chutah pawh chuan kan Mizo\awng aiin sap\awnga kan fiah tawh zia alo lang chiang leh ta tulh tulh a, a..engpawh nise; Mizo hnam hmunkhata min phuarkhawmtu lian ber YMA kan tih pawh hi a sakhming reng reng pawh sap\awng a ni reng reng anih hi! Khawiahmah hian Mizote ti Mizotu a awm dawn lo anih hi...ka ti ta a.

Ti hian ka ngaihtuah ta a, incheina chungchangah pawh tunlaia kan duh dan chu a Korean ta viau bawk a, tutemah hi nupui pasal kan innneih niah pawh kan Mizona alan theih tak silovah chuan hetia kan awm mai mai leh mahni duh zawng leh \ha tih zawnga kan awm mai mai hi a Mizo hle ah ngai mai ila. Kan ei leh in, kan thil tih zawng zawng hi engpawh nisela Mizo takin ti mai ila a lungawithlak ber law’m ni? Mizo ka ni si a, ka ti ta ringawt a ni.

BENG TI VAr

BAWNG CHAL (BULL) CHHAIH NAN HIAN ENG VANGIN NGE PUAN SEN KHER AN HMAN |HIN ?

Kan hriat leh hmuh \hin angin bawng chal chhaih nan hian puan sen kher an hmang \hin a. Hetiang infiamna (sport) hi Spain leh Portugal lamah a lar hle a, ram dang dangah pawh an la uar hle bawk. Tun hma deuha an ngaihdanah chuan rawng sen hian bawng chal hi tithinrim duh bikin an hria a ni.

Chik zawka bawng khaw hmuh dan a han zirchian hnu chuan bawng hian rawng hrang hrang hi a lo thliar thei der lo a, Colour Blind (rawng hrang thliar thei lo) an lo ni a. Bawngchalin a huat ber chu thil chevel kha a lo ni. Bawngchal hian a sen aiin a var te hi a lo hmufiah thei zawk a. Rawng sen ni lo rawng danga an han chhaih pawhin a lo thinrim em em mai a lo ni a. Amaherawh chu rawng sen hi lo thlirtute tan a lan sarh avangin an hmang zui ta zel a ni.

MAIMAWM RIL ZAMAH HIAN RANNUNG DANGTE AN TAN THEIH LAIIN ENGATI NGE AMAH MAIMAWM HI A TAN VE THEIH LOH ?

Maimawm in a ril a zam nachhan chu a ei tur rannung dangte a man theih nan a ni. Rannung dangten maimawm ril an khawih emaw chuan a ril ban tak khan a lo man a, chhuak leh thei lovin an tang ta \hin a. Tichuan maimawm tan chuan chaw tui tak an lo ni \hin.

Maimawm rilah rannung an tan veleh maimawm chuan rang takin rannung tang chu a rawn pan a. A ril chuan rang takin a vet kual zung zung a, a ril\am hnuah a duh tawkin a ei ta \hin a ni. Maimawmin ril a zam hian a ban leh ban lo a hmang a, a ban hi rannung dangte manna tur a ni a, a ban lo hi a kalna tur leh a chet velna atana a hman tur a ni. A chenna in a nih miau avangin a ban lo zawk zela a kal \hin avangin a rilah hian a tang ve lo a, a ban zawkah hi chuan amah ngei pawh hi a tang thei a ni. Rannungte hi an fing hle a, an eizawnna atana siamtu siam dan fing leh fel takin an nung thei a ni.

PLACEBO EFFECT

Kum 1975 khan University of Rochester, New York-a mite chuan damdawi leh tui thlum an chawhpawlh a, sazu an pe a. An beisei ang chiahin an \hat phah a. Mak ta em em mai chu damdawi tel loin tui thlum chauh an pe leh a, an \hat phah cheu nia! Chutiang chiah chuan mihringah an enchhin ta a, damdawi tel leh damdawi tel lo, mum thlum satliah, placebo an pe a; mahse an pek a te chuan khawiah nge damdawi a tel a, khawiah nge a tel loh an hre hauh lo. A endiktu atana an hman doctor pawhin tute nge damdawi tel ei a, a tel lo ei a hre hrang hek lo. A zirtute chauhin an hria a ni. Mak tak maiin damdawi tel lo ei zinga zaa 30 chuang lai chuan zu \hat phah ve tlata maw le! Ei miah lo pawha damdawi eia inngaia \hat phah tlat si ang hi Placebo Effect vang a ni an ti ta a ni. (Source : Meithallawn)

BIBLE QUIZ No.18

ISAIA 6-10

A kâr âwl dah khat rawh :

Q1. Ngai teh, Lalpa, sipaihote LALPA chuan, thil ___________ takin a zarte chu sat thla ang a: sâng tak takte chu kihin a awm ang a, a lawr bikte pawh chu rawt hniamin a awm ang.

Q2.Chuvangin_________chuan Rezina dotute chu amah do tûrin a chawisâng ang a;

Q3.____________ seraf pakhat, maichâm ata chaicheha a cheh, mieling kengin ka hnênah a thlawk a,

Q4. Lalpa PATHIAN chuan heti hian a ti a. An thu phiar chu a puitling lo vang a, a ___________ hek lo vang.

vin i tuar ang.

Q5. Tin, kei chuan ___________ chhûngte laka a hmai thuptu LALPA chu ka nghak ang a, amah chu ka thlir reng ang.

A bung leh châng dah rawh :

Q1.Chutichuan seraf pakhat, maichâm ata chaicheha a cheh, mieling kengin ka hnênah a thlawk a,

Bung: ________ Chang: _________

Q2.Ani chuan, “Ka kut chaknain ka ti a ni, ka finna nên hian; ka bengvar si a: chi tin, ramrite lah chu ka sawn a, an rote lah chu chhushak a, lal\hutphaha thute

lah chu mi huai tak tih angin ka hnuk thla ta a:

Bung: ________ Chang: _________

Q3.Chuvangin LALPA chuan Israel-ho alian atein, tum kau leh phungladin ang maiin ni khat thilah a chhawk vek ang.

Bung: ________ Chang: __________

Q4.Lalpa PATHIAN chuan heti hian a ti a. An thu phiar chu a puitling lo vang a, a hlawhtling hek lo vang.

Bung: ________ Chang: _________

Hming : ____________________________

Section : ____________________________

BIBLE QUIZ NO. 17 RESULT

Chhanna lut zawng zawng : 3

Chhang dik vek : 3

Lawmman dawngtu : R. Hriatpuia (Ch.sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 8.5.2014(Ninga zan)

A hmun : Biak In

Hruaitu : Pu VL Zidinga Sailo

|antu : Pu Rinngaihzuala

Thusawitu :Tv. Thangchungnunga

HRIATTIRNA

April ni 30 tlailam dar 3:30pm khan Lal\anpuia s/o Pu Rinthanga Hlimen chuan Saza a kap a, Hlimen L.C leh Y.M.A lam ten E&F ah a report hnuin amah hi Central Jail ah tan tir a ni a.

E&F lamten strick lehzual an tum avangin vengchhung mipuite hemi kawngah hian veng mualphona thlentu ni lo tur leh ti lo turin kan in hriattir a ni e.

LAWMTHU SAWINA

Keini Mathaia Group ten sumtuak nana vengchhunga kan sangha rawn zawrh, vengchhung mipuite tlawmngaia min lo dawr tute zawng zawng chungah Mathaia groupte chuan lawmthu kan sawi e.

Sd/-

(R. ZODINSANGA)

Secretary

Mathaia Group

LAWMTHU SAWINA

Nimin inrinni nileng khan K|P Marka group te chuan Pu C. Lalrinmawia te septic tank khur tur laiin hnatlang neih a ni a, member thawkchhuak zawng zawngte chungaha lawmthu kan sawi tak meuh meuh a.

Tin, inhlawhna tha tak min siamsaktu Pu Rinmawia te chhungkaw chungah lawmthu kan sawi nghal bawk e.

Sd/-

(C. LALDAWNGLIANA)

Secretary

Marka Group

TAXI RATE HRIATTIRNA

Kulikawn to Hlimen Taxi chuan man hi hetiang hian tih danglam leh a ni a, Hire rate erawh a pangai angin a la ni ang a, Contribution Rate chu mi 1 tan ` 20 niin Hire Rate chu:

Kulikawn to Saikhamakawn -`60

Kulikawn to Melthum -` 70

Kulikawn to Hlimen -` 80

Kulikawn to Hlimen kawng laka chuang pawh ` 20 vek chawi tawh tur a ni. Tin, Kulikawn a\anga Saikhamkawn hlir mi pali an awm chuan Taxi ding Senior ber chu hire rate ` 60-a tlan theih a ni a, vengdang nena inchuan pawlh erawh chuan chuan ` 20 \heuh chawi tho tur a ni.

Sd/-

(DENGLIANSANGA)

Secretary

Kulikawn to Hlimen

Aizawl Taxi Welfare

library HRIATTIRNA

Thawhleh zan, Nilai thawh\an zan leh Zirtawp zan ah te library hawn \hin ani dawn a, lehkhabu thar tam tak pawh a awm e, Kum khat chhung atan member fee `.20 ani ang. Member ni duh tan Membership Fee hi a ranglamin pe hram hram turin kan inngen e.

Sd/-

(LALHMANGAIHA)

Secretary

Library Sub-Committee, YMA

An ti....

- Tui harsat avang hian taksa mai ni lovin rilru thlengin a bal/bawlhhlawh duh an ti.

- ` 20 chawi dawn ro ro cuan Hlimen thleng chuan law law a hlawk an ti.

- Tui haw lai hian Pathian thu awih a har an ti.

- T. Upa atana kan duh na zawng hi Upa atan kan duh kher lo an ti.

TUALCHHUNG

, Tv.Lallawmkima s/o Siamhleia chu damlohna avangin Alpha Hospital-ah enkawl mek a ni.

, Pi R.Lalbiaknungi w/o Lalchhandama (V.sec) chu damlohna avangin Synod Hospital, Durtlangah enkawl mek a ni.

BIAL K|P SPORT

Hlimen Pastor Bial K|P chuan Bial Inkhawmpuiin alo rel tawh angin Bial Sport ni 9.5.2014 (Zirtawpni) hian A.R.Ground (Lammual) ah a hmang dawn. Hetah hian Football, Volleyball, Intlansiak leh Item hrang hrang hmangin infiama intihhlimna hun hman a ni ang.

Saikhamakawn Branch K|P Member-te a tam thei ang ber kal i tum ang u.

Zanin EPL inkhel turte

Arsenal Vs W.Broom (6:00)

Chelsea Vs Norwich (8:30)

Monday Zan

Crystal Palace Vs Liverpool (12:30)

Tuesday Zan

Man. Utd. Vs Hull City (12.15)

Wednesday Zan

Sunderland Vs W.Broom (12:15)

Man. City Vs Aston Villa (12:15)

Team P Gd Pts

Liverpool 36 80

Chelsea 36 78

Man.City 35 77

Arsenal 36 73

Everton 36 69

Sunderland 36 32

Norwich 36 32

Fulham 36 31

Cardiff 36 30

Vawiin KHAWCHIN

A lum lai berin : 300C

A vawh lai berin : 230C

Chawhma lamah 0mm, chawhnu lamah 8mm leh zan lamah 11mm tla turin sawi a ni.

(source :weatherforecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com & ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330