KTP SKK

Saturday, 29 March 2014

Mipui Aw 9.3.2014

MIPUI AW

KARTIN CHHUAK

Vol. XX Issue No. 10 Kristian Thalai Pawl Saikhamakawn Branch Pathianni Dt.9.3.2014

VAWIIN CHANG VAWN

Lebanan vur chuan a tlang chhip a kiansan ngai em ni? Kawlvalenchham tui dai a luang kang ngai em ni?

(Jeremia 18:14)

KOHHRAN PROGRAMME

Dt. 9.3. 2014 (Pathianni)

Sunday School Inkhawm

|antu : Pi Laltlanzari

Zirlai 9-na : Kohhran- Taksa pumkhat

Chawhnu Inkhawm

Thuhriltu : Upa Zonunmawia

Zân Inkhawm

Thuhriltu : Pi Lalchhingpuii

(Synod Social Front Comt. Member)

KTP PROGRAMME

Dt. 10.3.2014 (Thawhtan zan)

Neihthilthehkhawma hun hman tur a ni

A hmun : S.S Hall

Hruaitu : Nl. C.V.L. Biakzuali

|antu : Pu Lalrinchhana (RCA)

March thla chhûnga hla hruaitu leh

musician turte

Hla hruaitu : Tv. C.Laldawngliana

turte Tv. Lalhmangaihzuala

Keyboardist : Tv. Vanlaltluanga

KOHHRAN HMEICHHIA

Dt. 11.3.2014 (Thawhleh zan)

Kristian Chhungkaw pual

Mahni Group memberte inah len tur a ni.

SERMON

NGAIHHLUT TUR DIK

‘I thinlungin misual awt suh se; Nilengin LALPA \ihin awm zawk rawh. Lawmman a awm ngei dawn si a, i beisei chu tihbovin a awm lovang.’ ( Sam 23:17,18)

Tun lai khawvela nu leh pa leh thalai tam takte leh naupang ten ngaihhlut tur dik kan ngaihhlut tawk loh avanga ram leh khawtlang leh chhungkua-in thil \halo tam tak kan tawn a tam tawh awm e. Changkanna hi a \hang chakin chhungkaw tam takte chu chuan min nghawng buai mek chu a nih hi.Sum lak luh na \ha nei si loin thil neih \hatah kan inel a, kan sum thawhchhuah in a phu leh phu loh lam ngaihtuah miah lovin min an neih ang neih ve kan duh zel a. |hing bik nih kan hlauh avang te, nalh loh bik kan hlauh avangte hian chhungkaw tam takte inchhungah chuan lusun tahna a thleng mek chu a nih hi. Chungte chu athlen zel loh nan enge tihtur kan neih a, eng tin nge chhu chu kan pumpelh theih ang le?

Enge kan ngaihhlut chu? Khawvel changkanna \hang

chho mekah hian \henawm leh \henawm kan iner a, an nin an neih chu eng e ka neih loh bik ang tiin kan rilru a hman hlel a. Sum dik lo taka la luta in \ha pui pui satute chu an ti diklo tih hre reng chungin kan rilru tak chuan kan ngaihluin kan awt viau a. Khawtlang inrelbawlna kawng ah pawh heng ang mite hi mahni thawhchhuah phutawka khawsa \awk \awkte ai chuan kan zah duh zawk fo thin. An thu leh hla pawh a tlang \hain an aw pawh a lian duh fo. Chu chuan eiruk a la pawi lovah min ngaih tir a, Eiru thei thei mi ropuiah kan la siam tihna a ni em?

Tin, \halai tam tak thawhchhuah la nei si lo Mobile Phone Handset changkang tak nei kan ngai sangin kan ngaihlu a. Neih ve zel kan tum bawk a, nu leh pa tam takte rilru chu a buai thin a ni. Mi a eizawnana a hman turin lirthei(Car/ Two Wheeler) a lei a, lei ve kan tum zel bawk a. Kan chhungkuain kan mamawh em tih lam ngaihtuah lovin kan duh leh kan it avang chauhin kan lei ve zel a. Kan fate nun tichhetu a lo ni fo \hin a ni.

Enge ngaihhlut tur chu? Kan Bible-in ‘I thinlungin Misual awt suhse; Nilengin LALPA tihin awm zawk rawh’ min tih angin sual avanga hausate, chhungkaw khawsak phu lova nung \hinte ngaihlu lovin mi dik leh mithate ngaisang thiam zawk ang u. A tawp berah chuan ‘ He Thinlung hian LALPA chu chuang rawh se’ min lo tih ang hian LALPA hi chhuang ber ila, ngaihhlut tur dik Isua hi hi ngaih hlu ber ang u. Ani chauh hi chatuan ram kan thlen theihna tur a ni si a.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

MIZO NUNHLUI VAWN THAT

Tunkar ni 7. 3.2014 khan Mizoten kan Kut neih zinga ropui ber chu A.R. Ground-ah hlimtakin kan hmang a, a te ber atanga a lian ber thlengin hlim takin hemi ni hi kan hmang a nih kha.

Mizo hnam hi kan awm reng dawn a, tunlai khawvel changkang chak tak mai hian hmalamah kan hnam ngei pawh min hruai zel bawk dawn, mahsela kan hnam zia leh tihdan phung te, kan incheina te leh hnam dangin min la pawlh buai hma a kan Mizo nunze \ha zawng zawng kha kan vawn \hat a \ul hle mai. Kan Mizo nunhluiah Kristianna nena inmil lo tam tak pawh a awm ngei ang chung zawng zawng chu kan hnawl a, kan rilru a\anga kan paihbo a nih ngat chuan hnamdang Mizo \awng thiam tak nen kan danglam chuang lo a ni dawn.

|hangthar ten kan Mizo nunhlui a chhe lai leh a \ha lai pawh kan hriat vek a \ul in kan thiam tur ang chi phei chu tih thiam kan tum ve zel a pawimawh hle mai. Tin, kan tawng tuallengah hnamdang \awng kan zep tel hnem lutuk te hi bansan a, kan \awng hman uar te hi hnam changkanna a ni tih i hre mawlh ang u.

ARTICLE

‘PA’ I NIHNA A AWM VE EM ?

- Zothansiami nu

1) Pa chuan a mawhphurhna a hlen ngei tur a ni.

2) I nupui fanaute thlamuang takin i siam \hin em?

3) Pa ber inring zo lo nupui ring tlat zawk i ni em?

4) Pa chuan Krista leh Kohhran a vawn tlat chuan chhungkaw awhawm a ni.

5) Pa ber rui reng chuan chhungkuaah harsatna tamtak a thlen.

6) Chhungkuaa pa ber committee leh NGO-a a in hman pawha chhungkua dinglama a dah tlat chuan a him a ni.

7) Pa ber inchhunga phunchiar lutuk i nih chuan nupa pawh a inrem hleih theih loh.

8) Pa ber \awng tlem lutuk i ni em? I nupui leh fanau ten hrehawm an ti \hin.

9) Pa ber lengchhuak in thinlung natna a neih a a hawn pawh a rilru natna a tih chhuah loh chuan a nuam \hin.

10) I nupui fanau ten i hnena harsatna an thlen ngam tur che in i awm em?

11) I nupui leh fanaute nen hlim takin in titi thei em?

12) Tunlai khawvelah hian i chhungkua i venghim em?

13) Pa i nihna ah hian i nupui fanaute tan i him tawk em?

14) Pa ber \awng tam lutuk i ni em? I nihna bak sawi ching mi i ni em? I \henawm ten an hrechiang che.

15) Pa i nihna a\angin hmasawn tumin hun hman i tum \hin em?

16) Pa i nihna ah hian harsatna i tawk \hin em? I puanven lai kha sawichhing ang che.

17) I nupui fanaute hnenah eng thu nge i sawi tam ber?

18) Pa chuan i chak tawk lohna thu i thlen tam chuan i nupui fanau ten an nuih ang che.

19) Nu in pa tak tak kan mamawh min venghim turin.

20) I \henawm pa dinhmun a lo \hat chhohin eng rilru nge i

put?

Awm zel tur/.....

HRIATTIRNA

Tunlai hian kan veng P/S leh M/S compound chhungah lut a suahsual rawngbawl \hin kan awm a. Hei vang hian a vengtu pawh insiam a lo ngai ta hial a. School building leh compound tihmelhem avanga man kan awm a nih pawhin sawibuai theih a ni lovang.

Sd/- Secretary

Village Education Committee

Saikhamakawn

BENG TI VAr

B.P. SANG LEH MUT

American Heart Association-in an buatsaih High Blood Pressure Research 2012 Scientific Sessions-ah chuan zir mite chuan mut \hat leh \hat loh leh B.P. sang hi a inzawm tlat an ti. Resistant Hypertension an tih bik, damdawi pangngaia enkawl pawha awmze nei chuang lo chi hi mut \hat loh nen hian a inkungkaih tlat a ni an ti.

Hmeichhia hetiang nei chite hi chu an lo mu \ha lo hle \hin a lo ni a; an mi zirte mut rei zawng chawhrual hi darkar 6.5 chauh a ni a; a chanve vel chu darkar 6 aia tlem mu \hin te an ni. An mut rei leh rei loh lam ai mahin an mut tui leh tui lohin a hril zawk a ni.

Zirna dangah chuan mipa ho zingah pawh tui taka mu lo te’n B.P. sang an nei nasa bik a; mipa leh hmeichhe zingah pawh zan khata darkar 7 aia tlem mu \hin te’n B.P. sang an vei nasa bik tih finfiah a ni.

Mak deuh mai chu zan khata dakar 6 aia tlem mu \hin te tan B.P. sang mai bakah thau tawt (obesity) a hlauhawm an ti. Obesity hi B.P. sang awmtirtu pakhat chu a ni nghal. Mut \hat loh hian ril ti\amtu khawl a tibuai a, ghrelin hormone, ril\am thu hrilhtu a tipung a, leptin, puar thu hrilhtu a titlem ve thung a ni. Chuvang chuan ei \euh \euh a awl a, thau a inchhek khawl hma a ni awm e.

HLIM THEI HAUSA ZAWK

I fate an hlim em? An hausa dawn a nih chu!!

Nov.20, 2012

Courtesy of University College London and World Science Staff

Naupang hlim thei tak te hi an eng a thawl e, an la hausa dawn si a tiin zir mite chuan an ngai ta tlat mai.

Scientist te hian hlimna leh sum leh pai dinhmun hi a inzawm thui hle a ni an ti a, thuthlukna siam thiam kawngah pawh mi a pui hle a ni an ti.

Jan Emmanuel De Neve, University College, London-a mi leh Andrew Oswald, University of Warwick, U.K-a mite chuan US naupang leh \halai, 15,000 zet te chanchin chhuiin an zir a, nun hlim theite leh nuna lungawite chuan an puitlin hnuah pawisa an thawk chhuak nasa fe a ni tih an chhui chhuak.

Mihlim theite chu an zirlaiah an tluang a, hna an hmu awlsam a, kaisan pawh an kaisang rang a ni an ti.

An zirnaah hian an dinhmun kawng hrang hrangt an zir tel a, an lehkha zirna chungchang te, an hriselna thu te, an chi danglam dan te, an fin dan te, mahni an inngaihhlut dan te chhui tel vekin hlimnain a nghawng hi an zir a ni.

(Source : Proceedings of the National Academy of Sciences)

BIBLE QUIZ No.10

THUFINGTE 21-25

A kâr âwl dah khat rawh :

Q1.Hmeichhe an hmang leh phunchiar nena awm ai chuan ________________ rama awm a tha zawk.

Q2._______________ thinlungah chuan âtna a bet tlat a, Mahse thununna tiangin hla takah a hnawt kiang ang.

Q3.Zu rui mite leh sa heh mite chu an lo _____________dawn si a. Nguinain puan chhia a sintir ang.

Q4.I hmêlma a tlûkin lawm suh la, _______________ a awm in i rilru lawm suh se

Q5. I thubuai chu i ____________________ nên sawi dun ula, Mi dang thuruk chu puang suh

A bung leh châng dah rawh :

Q1.Hmusit ching mite hrema an awmin mi mawlte chuan an fin phah a; Tin, mi fing chu zirtira a awmin hriatna a dawng thin.

Bung: ________ Chang: _________

Q2.Mi thatchhia chuan, “Pawnah sakeibaknei a awm a, Kawtthlêrah ka tualthi ang,” a ti.

Bung: ________ Chang: _________

Q3. Thu dik chu lei la, hralh leh tawh suh;

A ni, finna te, zirtirna te, hriat thiamnate nên.

Bung: ________ Chang: __________

Q4.Mangan nia i chauh mai chuan

I chakna a bei tham a ni.

Bung: ________ Chang: _________

Q5.Thil thup hi Pathian ropuina a ni a,

Lal ropuina erawh chu thil zawn chhuah a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 9 RESULT

Chhanna lut zawng zawng : 7

Chhang dik vek : 7

Lawmman dawngtu : C.Lalchhanchhuaha ( T.Sec )

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 13.3.2014(Ninga zan)

A hmun : Kohhran Library

Hruaitu : Pu Kamzawngliana

|antu : Pu Lalremsiama

Bethel leh fakna hun hman tur a ni ang.

T.B.Z. PROGRAMME

Dt. 10.3.2014(Thawh\an zan)

Neihthil thehkhawm

A hmun : Pu Ngura Sailo in

Hruaitu : Pi Zohmingthangi

Tantu : Pi Biakthangi

Admission Open For The Session (2014-2015)

Solomon’s High School Upper Khatla, Aizawl a awm \hin chu remchan zawkna avangin Pu Ranga Building Kulikawn-ah kan insawn a, session thar (2014-2015) atan Cl-VII to Cl-X tan Admission hawn mek a ni. Kum 25 chuang Mathematics leh Science subject a experience nei tawhin a zirtirna hmunah hian i fate han dah ve rawh le. Mathematics leh Science Subject a harsatna nei te leh Sports a tui te duhsak bik an ni ang. Hostel a awm nghal bawk e.

Contact : 1) 9774630781

2) 8014442431

3) 8014389494

H.C. THAWNGA

Mipui Aw 2.3.2014

MIPUI AW

KARTIN CHHUAK

Vol. XX Issue No. 9 Kristian Thalai Pawl Saikhamakawn Branch Pathianni Dt.2.3.2014

VAWIIN CHANG VAWN

“Chutiang bawkin in eng chu mi mit hmuhin eng rawh se; chutichuan, in thil tih thatte an hmu ang a, in Pa vana mi an chawimawi thei ang.”

(Matthaia 5:16)

PATHIANNI PROGRAMME

Dt. 3.3.2014 (Pathianni)

Chawhma S.S Inkhawm

Tantu : Pi Laltanpuii

Zirlai 8 na : Kohhran tana Pathian thiltum

Chawhnu Inkhawm

Thuhriltu : Upa R.Lalngena

Zan Inkhawm

Thuhriltu : Pu Siamliana

K|P PROGRAMME (Ni 4.3.2014)

(Short Sermon leh Tawngtai Inkhawm)

Hruaitu : Pu.Lalchhandama

Tantu : Tv.J.C.Lalrinpuia

Short sermon sawitute: Nl.Zohmingmawii Tv.Abraham Lalnunthara

Thilpek lakhawm : Nl.Vanlalpeki

tu turte Nl.J.Lalngaihawmi

Hla hruaitu : Tv. Lalhmangaiha

tur te Tv.Laldawngliana

Keyboardist : Tv.Vanlaltluanga

FELLOWSHIP PROGRAMME

KTP General Conference anih avangin vawiin tlai Fellowship a awm lovang.

KOHHRAN HMEICHHE PROGRAMME (Ni 5.3.2014) (RAMTHIM ZIN)

Hruiatu: : Pi C.Lalparmawii

|antu : Pi K.Lalhmingliani

A hmun : Sunday School Hall

SERMON

KHAWVEL ENG

“Chutiang bawkin in eng chu mi mit hmuhin eng rawh se; chutichuan, in thil tih thatte an hmu ang a, in Pa vana mi an chawimawi thei ang.” (Matthaia 5:16)

Lal Isua khan khawvela a awm lai ngei khan Amah ringtute hi kan nihna tur a sawi pawimawh em em mai chu eng chhuak tur kan nihna hi a ni. Tlang chhipa khaw awm a thuhruk theih loh ang bawkin, ringtute nun hi thuhruk theih loh, nun langsar a ni tur ani tih leh Khawnvar hal hrai hnuaiah dah a ni ngailo ang bawkin, ringtute nun hi a langsar lai takah a eng chhuak tur a ni tih hi Lal Isuan, ringtute nun a sawi dan a ni.

Fak hla siamtu chuan, “Ni ai pawha eng ropui zawk chu ka thinlungah a eng, Khawvel eng aia eng zawk chu,” tiin a sawi bawk a. Lal Isua ringtute hi kan thinlungah hian ni ai pawha eng ropui zawk a eng tih hi, he fak hla siamtu hian a hmu chhiang hle mai. Ni chu a eng hi mi zawng zawngin kan hmuh hmaih thei lo ang bawk hian; ni aia eng ropui zawk kan thinlunga eng hi tutan mah hmuh hmaih theih a ni lovang.

He hlaah vek hian, “Lalpa ka pawlin ka thinlungah thlamuanna tui a luang, ka thinlungah lawmna ri chu thatnain a par chhuak,” a ti zui bawk a. Lalpa pawl thin mite nun hi thatnain a parchhuah thin zia a sawi zui nghal bawk a ni. He thatna a parchhuak thin thinlung eng tak mai hi, Lal Isua chuan Tlang chhipa khaw awm te, khawnvar hal hrai hnuaia dah ngai loh nen, a tehkhin lai tak chu a ni. Lal Isua chuan Amah ringtute nun hi mite hmuh loh theih lova thatnaa par chhuak thin tur a nihzia chiang takin a sawi a ni.

Khawi hmunah pawh Eng hunah pawh ringtute nun chu mite hmuh loh theih loh a eng reng thin tur a ni. Vawiinah Lal Isua ringtu inti te nun hi han chhut chiang ta ila. Kan thinlungah hian eng a awm em? Eng nge par chhuak thin? tih hi kan in en fo a tul awm e. Thatna par chhuak lova, thalo zawk kan par chhuah tir fo thin anih chuan Lalpa kan pawl em tih hi kan in enfiahna tur a ni ang. Biak In leh a velah kan en viau lai hian hmun dangah kan eng hi a chuai leh tlat thin em? tihte hi kan in enfiah a pawimawh hle mai. Eng chhuak awm hawt si lova Lalpa ka pawl kan tih chuan dawt kan sawi tihna a ni. Chuvangin khawi hmunah pawh, eng hunah pawh kan en chhuah theih nan Lalpa kan pawl thin chuan kan thinlunga thlamuanna tui luang hi thatnain a par chhuak thin dawn a ni.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

Kangmei laka fimkhur

Mizo ten kan hunbi chhiar danah chuan ‘Thal’ kan tih kan lo thleng leh ta reng mai. Thal lai hian ruah tui kan hmuh loh rei tawh avangin khua a ro em em a, kangmei chhuah awlsam lai tak ani thin. Chuvangin hetih hun lai hian kangmei chhuak thei tur lakah mitin kan fimkhur tlan a tul hle mai. Kangmei hi engtiklai pawha chhuak thei chu ni bawk mahsela, tun ang hunlai hian khua a ro em avang hian fimkhur zual a ngaihlai hun tak a ni tih kan hriat tlan theuh a, mitin kangmei chhuak mai thei tur lakah hian kan inven ngun hle a ngai a ni.

Kangmei avanga mihring nunna hial chan ta te, in leh lo bungrua zawng zawng pawh chuh hman miah lova chan tate an awm thin, a pawi hle mai, tamtak hi chu vanduaina tawk ve hrim hrimte pawh an awm laiin, thenkhat erawh hi chu fimkhur loh vangte pawh a tih thei ve awm e. Chuvangin mitin kan fimkhur tlan hi kan himna pakhat ani tih kan hriat a tha awm e.

Kangmei chhuak thin tam tak hi electric current dik loh leh fel tawk lohna hi a chhan niin kan puh tlangpui thin. Anihna lai pawh a awm awm e. Hetiang anih thin avang hian khua alo thal chhoh ta bawk nen, kan inchhungtheuhah kangmei tichhuak mai thei tur electric current felhlel a awm em tih hi enfiah vat vat hunlai tak a ni awm e. Tin tunlai current kan nei tha lo leh thin. Zan lamah mombati chhit te a ngai thin, kan bati chhit te mutthilh san lova ngaihven uluk a pawimawh.

Mizote hi huan lo ram vata hal thin kan ni a, huan lo ram hal tur neite pawhin kangmei tichhuak lo tura mei kawng sial that leh ven uluk hi kan tihtur ani tih kan hriat a tha. Kangmei chhuak lo tura inven hi mitin mawhphurhna a ni tih hriain, mahni theihtawk theuhin i fimkhur tlang ang u.

ARTICLE

YMA KUMPUAN

RAM LEH HNAM HUMHALH

Episode v (Chhunzawmna)

-Dawngkima

Senior Adviser, YMA Saikhamakawn Branch

9. VAI HLIR, VAI HLIR:- State a zawnga kilkhawr berah ralmuang lo leh thin thi lova an lo chhoh ngar ngarna chhan leh an awm tlatna chhan chu maw, hna an hmu miauva, In sa a piangin vai, kawngdungah vai, rod dawrah vai, thirchhe zawng, chhangkawt vai, a eng hna hi nge kan thiam ve loh chu? Ngatinge vai hlir, vai hlir! Ele, an mana tlawm a, tirh an nuam zawk a, kilometer sang tam tak atanga lo kal zawk an tlawm miau chuan thâ a nia maw, chawhmeh a nia maw, kan dawr lo thei nangle.

10. MIZO NGEI LE:-Vai Cement Mistiry te, Glass Tile Mistiry leh Rawng hnawih vaite ruaiin In ka sa ve a, an zawh dawn meuh chuan helper atana ka chhawr Mizo pa ngei chuan a thiam ve vek tih ka hmuchhuak ta a. Vai ho chu banin Mizo ngei chu Mistiry leh helper hlawh inkar vel hlawhin rei tawk kan inchhawr zui ta a. Hlawk ka inti khawp mai. Ka duh ang tak ka sawi thei a, ka Office san daih a, vai ai chuan ka duh daih zawk.

11. VAI UM ANG ULE :-Vai thawh ang thawk peih, thawk thei, rate sang chuang lova Mizo kan indaih hunah tharum thawh lovin vai kan um hawng tawh ang a, an âwka hriain ILP dil duh vai pawh an awm tawh nang. Chutih hunah chuan Masihi Sangati awm pawh a ngai lo thei hial ang chu. Kan thalai tha chak zawkte an ruih reng a, thawk peih lova ruk tur an dap a, damdawiin a eichhiat belh zel chhung chuan rui lo hailo ho ten min chimral tum vang pawh ni lovin a hlawk avangin an lo lut belh zel ang, chhantlak kan awm lo ve mai ang tih a va hlauhawm em!

YMA Come on.. Ram leh Hnam humhalh turin FIGHTING.

BENG TI VAr

Ostrich : Khawvela sava lian ber ‘Ostrich’ te hi a pa pakhat hian nupui tamtak a nei thin a. Chung a nupui hote zawng zawng chu hmun khatah an tui khawm vek thin. A pa chuan a nu tui chu a awp a, a nu zinga upa ber chuan a awp chhawk ve chang pawh a awm thin.

chinghnia : Vur ram Chinghnia lian chite hi chhungkuaa cheng ho thin an ni a, chhungkaw khatah hian pariat atanga sawmli lai pawh an tling thei. An awmna hmunah hian chaw a van em thin avangin chhungkaw khat hian ram 12,000 Sq.km velte an hauh thin. An ram chin venhim chungchangah hian chhungkaw tangrual tak an ni a. Chhungkaw khatah hian a nu leh pa upa ber chauh hian chi an thlah tlangpui a, an note te enkawl leh chaw zawnsak chungchangah pawh hian chhungkua an tangrual vek bawk.

Ramsa danglam bikte :

Khawvela nungcha thlawk chi ho zingah chuan Mute chi khat ‘Peregrine’ hi a thlawk chak ber a. Darkar khatah 240kms a chakin a thlawk thei a ni. Vamur chi khat ‘Spinetailed Swift’ an tih hi darkar khatah 170kms a chakin a thlawk thei bawk.

Nungcha tenau Insect zinga thlawk chak ber chu ‘Horse-fly’ pa a ni a, darkar khatah 145kms a chakin a thlawk thei. Australia rama tui Daidep (Dragon-fly) ‘Austrophlibia Costali’ chu darkar khatah 98kms a chakin a thlawk thei thung a. Tui daidep ngat phei hi chu nungcha zawng zawng zinga thlawk thiam bera ngaih an ni. An thla palite hi an hmang thiam em em a, an hawi zawng ti danglam lo pawhin hmala, hnunglam leh sir tawn tawnah, an duhna lam hawi zawng zawngin an thlawk thei a ni.

Central America leh South America rama awm Uchang chi khat ‘Arrow-Poison Frog’ an tih chuan vun rawng sen lar tak a nei a, tur chak tak a pai a, a tur hi a chak em em a, rannung dang ei thin ho tan pawh ei mai chi a ni lo. Uchang pakhat tur pai zawng zawng hi patling sangkhat tihlum thei hial a ni e an ti. Heng rama cheng hmasa Red Indian ho chuan a tur hi an thal hmawrah an tah thin avangin Arrow-Poison Frog tiin a hming an vuah phah a ni.

Thlaler a cheng Maimawm chi khat, sap hoin ‘Sun Spider’ emaw ‘Wind Spider’ emaw ‘Scorpion Spider’ emaw an tih mai thin chu a khabe tha hi a chak em em bik a. Amah hi 3inches vel a lian a ni thei a. Laiking, sava leh chaichim te a ei thin a, heng amah aia lian tak tak pawh hi a tur hmang miah lovin a seh hlum zung zung thei a ni.

Africa rama awm Mupui chi khat ‘Martial Eagle’ an tih chuan 6.4kms a hla atangin leiah a ei theih tur chi rannungte chu fiah takin a hmu thei a. Mute thlifim dawng heuh heuh chi ho hian Kilometer khat leh a chanve atangin lei a chaichim tla hi a hmu thei bawk.

(Source:NUNGCHTEKHAWVEL -Dr.C.Lalhmingliana)

BIBLE QUIZ No.9

THUFINGTE 16-20

A kâr âwl dah khat rawh :

Q1.I hnate chu LALPA kawltir rawh; Tichuan, i thil ruahmante chu _____________ in a awm ang.

Q2.Fapa â chu pa _______________ a ni a, A hringtu nu tan a kha a ni.

Q3.Suahsualna a lo awmin _____________ pawh a lo awm thin, Mualphona a lo awmin ______________.

Q4. ____________ thian tam tak a neih belh tir a, Mi rethei erawh chu a thian ten an _____________ ang.

Q5. _____________ hi nuihzatbura min siamtu a ni a, ______________ hi insual bung bungna a ni; Chumi buma awmte chu an ______________ lo a ni.

A bung leh châng dah rawh :

Q1.Lu tuak chu ropuina lallukhum a ni a, Felna kawngah hmun a ni ang.

Bung: __________ Chang:__________

Q2.Thatna suala thungrultu chu Thiltha lovin a in a chhuahsan lovang.

Bung: __________ Chang: __________

Q3. Nupui hmu chuan thil tha a hmu a ni, LALPA duhsakna a chang thin.

Bung:__________ Chang: __________

Q4.Mi rethei khawngaih chuan LALPA a puktir a ni a, A thil tihthat chu a rul ang.

Bung: __________ Chang: __________

Q5.Hriatna beng leh hmuhna mit hi LALPA siam ve ve a ni.

Bung: __________ Chang: __________

Hming : ____________________________

Section : ____________________________

BIBLE QUIZ NO. 8 RESULT

Chhanna lut zawng zawng : awm lo

Chhang dik vek : awm lo

Lawmman dawngtu : awm lo

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

ktp general conference

KTP general Conference vawi 55-na chu Khawzawlah ni 27 ninga zan atang khan tanin zanin hian a tiak ang. Tun tum KTP General Conference hi Khawzawl, Field No.-1-ah Pandal-a thlen a ni a. Pandal hi mipui 9600 zet thut len theihna tura ruahman a ni. Palai in report 17820 an ni tawh a, in report lo zawng zawng nen chuan 20000 an tlin rin a ni.

Kumin KTP General Coference-ah hian KTP Dimond Jubilee kum anih avangin lawmna neih nghal a ni a. February ni 27 ninga zan dar 6:00 atang hian Diamond Jubilee mei chher chhit kai a, coference programme hi tan chhoh nghal a ni. Kum danga tih ngai loh Jubilee kum anih avangin programme-ah hian Jubilee pual programme hrang hrang Jubilee Zaikhawmpui te, Jubilee Gospel Concert te leh Jubilee dar vuak te belh a ni bawk.

Tun tum KTP General Conference-ah hian thupui atan “Tho la, eng rawh” (Isaia 60:1) hman a ni a. Speakers atan hian Rev.Lalrinmawia, Rev.Lalzuithanga leh Upa C.Ngurthantlaunga te hman an ni.

REPORT TLANGPUI

Ram chhung + Ram pawn

Bial awm zat - 169 + 8 = 177

Branch awm zat - 762 + 42 = 808

Member - Mipa- 85769, Hmeichhia - 50901, Total - 133670

General Conference neih lehna tur- Champhai - 2016

W.Phaileng - 2018

Kan Bial Zaipawl te pawh kumin conference-ah hian zai tura ruat an nih angin ni 27 ninga zan Palai lawm leh Report Inkhawmah Pathian fakna hla a rem ve a ni.

Kan Branch atangin he Conference hmang tur hian member 32 an kal ve a ni.

KTP General Coference hi LPS Gospel channel-ah live a pek chhuah a ni dawn a, ni 2 Pathian ni bik hi LPS-1 a pekchhuah a ni ang.

Admission Open For The Session (2014-2015)

Contact : 1) 9774630781

2) 8014442431

3) 8014389494

H.C. THAWNGA