Mipui Aw 11.8.2013

MIPUI AW

KARTIN CHHUAK

Vol. XIX Issue No. 32 Kristian Thalai  Pawl  Saikhamakawn Branch  Pathianni Dt.11.8.2013

VAWIIN CHÂNG VAWN

            Pathianin khawvel a hmangaih êm êm a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nân. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. “Tupawh amah ring chu thiam lohvin an awm lo vang, tupawh ring lo chu tun apangin thiam lohvin an awm, Pathian Fapa mal neih hming an rin loh avangin.                Johana 3: 16-18

KOHHRAN  PROGRAMME

11. 8. 2013 (Pathianni)

Sunday School Inkhawm

|antu           : Pi Vanlalsiami w/o

                       Pu Chhuanvawra

Chawhnu Inkhawm

Thuhriltu    : Upa C. Lalmuankima

Zân Inkhawm

Thuhriltu    : Pi Khawlvuani.

K|P PROGRAMME

 Dt. 12. 8. 13 (Thawh\an zân)

Neihthil  Thehkhawm

A hmun          : Sunday School Hall

Hruaitu           : Nl. Lalrinchhani

|antu              : Tv. Lalbiakdika

August thla chhûnga hla hruaitu turte

Hla hruaitu    : Pu Jeff  Lalhmingsanga

turte                  Pu Lalduhkima

Musician         : Nl. R. Lalngaihawmi

KOHHRAN  HMEICHHIA  (13. 8 .2013)

Kristian  chhûngkaw  pual

            Group tinte mahni group memberte inah inkhawmna neih tur a ni.

           

           

           

SERMON

VAN  KHUA  LEH  TUI

            Keini zawng van khua leh tui kan ni si a, van atanga min chhandamtu Lal Isua Krista lo kal tur chu nghakhlel takin kan thlir a ni.                                          Phil. 3:20

            Pathianin a fapa Lal Isua Krista chu kan sual thawina rawn tirin kan tan Kalvari tlangah a nunna chu keini misual, amah thihsana sual lam kawnga nung tawhte min rawn chhandama, nunna kan neih leh  theih nan a rawn hlan a, tin, Pathianin nithum niah ropui takin a rawn kai tho leh a ni, chu a thihna leh thawhlehna chu amah ring apiangte tan chatuana nunna a lo ni ta. IKor 1:30 ah chuan Lal Isua nihna chu kan nihna a nih zia chiang takin min hrilh a, Pathian fa ninna hlu tak Lal Isua roluahpui tu tur chanvo chu kan chanvo a ni tih kan hriat nawn a va \ul tak em.

            Lal Isua chu Pathian fapa mal neihchhun a nihzia pawh sawi tam ngai lovin kan hre \heuh awm e, chu nihna chu kan chanvo a nih si chuan keini Pathian fa, Van khua leh tui kan ni tih hi kan pawm tlan a \ul awm e. Keiniin lo in pawmtir tum leh pawm tuma \an lak vak lam chi pawh a ni hek lo, kan ta, kan chanvo a ni tih hi Bible in min hrilchiang hle, ring mai tur kan ni a, chu chu kan tan chhandamna leh chatuan nunna a ni bawk. Tichuan ringtu piangtharte chu he lei ram mi ni tawh lovin Van khua leh tui nihna ropui tak chu Krista zarah kan chang ta, Vanramah pawh Chungnungber-a fa nihna chanvo ropui tak chu kan chanvo ni ta, a va hluin a va ropui tak em!

            Amaherawhchu kan ramah kan la awm ve lova, sual thiltihtheihna ramah kan la awm miau mai si, Setana thuneihna hnuaiah zalen lo takin kan nitin hun kan hmang \hin a, chuvang chuan ringtute kan in tihchak a, sual hneha awm mai lo leh sual thiltihtheihna ramah kan awm a ni tih in hrereng chunga nitin hun kan hman a, Thlarau thianghlim tivui mai lo leh a hruaina hnuaia thuawih taka kan ram pan zel turin ringtu te kan in buatsaih a \ul takzet a ni. Sual thiltihtheina ramah awm mah ila kan Pathian chuan nitin min hnehsak a, ropui taka a hnehna nun chu kan tan min dahsak a ni tih hria huai tak leh chhel taka ke kan pen \alh \alh a \ul awm e.

            Lal Isua Krista chu a lokal leh dawn a, a hnenah, a ramah min  la rawn hruai ang, chatuanin a hnenah kan cheng tawh ang a, sual in min tibuai phak tawh dawn lo a ni. Chumi hun chu nghakhlel takin kan thlir a, hemi thu hian ringtute he Khawvel buaina leh hreawmna karah hian inthlamuan tawn ila, Setana ram \hiat zelin ringlo mi tam takte, Van Khua Leh Tui nihna an chan ve ngei theihna turin kan theihna zawng zawngte leh leh kan taksa ngei pawh kan Pathian tan hmangin i hlan zel ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

FÛRPUI  HUNAH  HIAN

            Tunlaiin ruah te a sûr nasa \hin hle a, Mizoram in harsatna kan tawh len ber pakhat chu leimin hi a ni awm e. Tun hnâi ruah sur nasa vângin Ramhlun leikhi pawh a zauh zêl avangin chhawngkaw tam tak pawh an inthiar chhuak anih kha. Fûr lâi a ni a; hmun hrang hrangah leimin vângin harsatna kan tâwk mêk zêl a, mipuite pawh dawih a ngaihna lâiah chuan dawih ngam khawpa huaisen te pawh angâi âwm e.

            Chhiatrupna lo thleng \hinah hian Mizo te hi kan tlâwmngâi hle mai a, chhiatna thlenna hmunah nasa takin kan pung khawm hluai \hin. Thil \ha tak a ni a, hlauhawm tak kârah pawh chhiat tâwk mêkte chhanchhuah nân mahni nunna ngêi pawh ngaihlu zo lovin chhanchhuahna hnâ kan thawk \hin. Nimahsela awmze nei leh chhanchhuahna hnâ hlâwk zawk leh chak zawka kalpui anih theih nân indîp buai hauh lova thawh thiam kan zir a \ul hle âwm e.

            Chhiatna alo thlen chânga mahni buai buaia lo sapa tâl ve chiam mai lovin, remruattu fel tak insiam a; hmalâk vat a, chu chu mipuite pawhin zawm thiam kan zir a \ul \hin a ni. Kan duh vâng nihauh lo, vânduai vânga kum tin kan ram chhûnga kan tawh \hin hi a hmachhawn dan mithiamte zirtirnate pawh hi zawm hrâm zêl i tum ang u.

ARTICLE

            RAM PAWNA HNA THAWH TUMTE TAN

(Fimkhurna tur thurawn 10)

Mihring lo pung zel hian eizawnna kawngah indaih lohna leh indip tawnna a hring lo thei lo va, ramchhunga hna awm theite hian min huap kim zo lo tual tual bawk. Chuvangin, kan thalai tam takten ram pawn thlengin hna an zawng ta a, hei hi Synod Social Front chuan thil lawmawm tak niin a hria a ni. Kan \halaite hian khawvel hmasawn mek mila an mamawh phuhruksak thei tur nia an hriat hna hi chu an lo thawk hreh hauh lo tih a chiang hle. Mahse, fimkhurna tur an hriat thiam tawk loh avangin an kalna hmunah harsatna an tawk leh hnuhnawh fo \hin tih hriat a ni a, chuvangin ram pawna hna thawh tumte tana kaihhruaina siam hi Synod Social Front chuan \ul a ti a; hetiang hian fimkhurna tur thurawn a siam ta a ni.

1. Ruaitu tur chuan a rawih tur hnenah a company kalphung zawng zawng a hrilh chiang tur a ni a, thawktuten an hna leh company kalphung chungchanga sawi tur an neih vete leh ngaihdan an neih te an pho lan ve theih dan tur a awm leh awm loh thlengin, kalphung kim tak an lo zir lawk theihna tur handbook leh employment rules chu a pe thei tur a ni.

2. Ruaituin a mi rawih a beisei dan (management expectation) pawh a chiang tur a ni. Company chuan thawktu a duh ang mizia leh nungchang a hriattir hmasa tur a ni a, chutiang nungchang an neih theihna tura khuahkhirhna dan pawh a nei tur a ni.

3. Ruaitu tur chuan a rawih tur hnenah a thawhna hmun tur (work place) chiang takin a hrilh nghal tur a ni a, hmun \hu tur nge a nih kal kual vel tur tih pawh a hrilh tur a ni.

4. Chhan \ha tak awmin emaw, awm chuang lo pawhin probationary period chhung chuan ruaitu chuan a chawlhtirin a ban hlen thei. Heti hi a nih avangin probationary period an nei dawn a nih chuan a rei zawng tur an hre hmasa ngei tur a ni. Thawh tirhah eng ang dinhmunah nge an inrawih \an dawn tih pawh a chiang tur a ni.

5. Thawktu chuan a duh hunah ama duhna ngei chuan a bang leh thei tih a chiang tur a ni a, chutiang atana dan ruahman pawh chu a awm tur a ni. Chutiang bawkin company chuan a hnathawk chu chhan eng vang pawhin a duh hunah chuan a chawlhtir thei bawk.

6. Thawktuin chawlh a neih theih dan tur - \ul bik thila a hna chawlhsan chuang lo leh, hlawh chungchangah pawh inhriatthiamna awm tel chunga a chawlh theih dan a awm dawn em tih hriat chian tur a ni.

7. A thawhna hmunah chuan thiamna te lo pungin chhawr manhla lehzualin hma lo sawn sela, hlawh leh dinhmunah a bak kal zel theihna dan ruahmansak a ni em tih hriat chian tur a ni.

8. Hriselna lamah thawktu chu company-a a thawh chhungin natna khirh bik vanga enkawl ngaiin awm ta sela, company chuan eng angin nge a buaipui dawn tih chian a ngai. Tin, a hna avanga vanduaina tawkin, hna dang thawk leh tlak lo khawpin ram tui lei lo hial pawhin lo awm ta sela, company chuan a thawh theih tawk hna danga dah chhunzawm theih dan emaw, tuamhlawm zui dan tur ruahmanna a nei em tih hriatchian tur a ni.

9. Thawktu chuan hlawh baka ham\hatna dang a neih theih turte pawh a hriat nghal a ngai a, company chu eng vanga zawm nge a nih tih amah ngeiin a chiang bawk tur a ni.

10. Thawktu tur chuan a hna thawhna hmunah midang nena inan loh chang vawi tam tak a nei thei dawn tih a inhre sa tur a ni a, hotu tea vuivaina zawn tum lo tur leh tuar thei tura a inbuatsaih a ngai.

Buatsaihtu : Synod Social Front, Mizoram Presbyterian Church

(Source : www.mizoramsynod.org)

HRISELNA HUANG

KAWLHÂNG

A chanchin tlângpui: Kawlhâng hi India ram hmun tin deuhthawah an chîng \hin a, thingkung lian lêm lo tak a niin meter 5 a\anga meter 10-a sang a ni tlângpui. Phai lam miten an ngaisang êm êm a, ei atân leh damdawi atân an hmang \hin. Mizo hote chuan Kawl ho hnên a\anga kan hriat niin Kawl hovin an ngaihsân êm avânga ‘Kawlhâng’ tih hming puttir ta a ni âwm e. Mizote chuan a tui kan ti lovin chîng pawh kan awm meuh lo; tlêm tlêm hmuh tur erawh chu a awm ve zeuh zeuh \hin.

Damdawia hman theihte: A zung, a hnah, a pil, a pâr leh a rah.

Damdawia hmannate:

Lu nâ, hmai vun inpawt sâwi: A chhungmû phoro tih dip nikhatah vawi hnih, hnârah hîp luh \hin tur a ni.

Ruhseh: A hnah hmun li leh chi hmun khat (4:1) densawm pawlh a, ruh na laiah bel tur. Ruh chuktuah lâi vêl a nat a, a vûn bawk chuan hriakin (a mu a\anga sawr chhuah) ruh na lai vel chu zût a \ha.

Thi nei mumal lo: A zung 60gms silfai hnûah tui 400ml-in mei navak lovah a chhumna tui 120ml anih thlengin chhum tur. A chhumna tui chu thlit chhuah a 60ml zêlin nitin zing leh tlaiah bawnghnute Ghee 4gms nên in \hin tur a ni.

Rûlhût: A chung ami anga buatsaih a chhumna tui 60ml leh sawhthing ro tihdip 4gms chawhpawlh a60ml zêlin nitin zing leh tlaiah ni 3 chhung in tur a ni.

Rilfâng pân: A chung ami anga siam a, a zung chhumna tui 60ml leh khawizu 7ml chawhpawlh a, nitin vawi hnih thlakhat chhung in tur.

Kala lungte awm: A zung chhumna tui (a hmâ ami anga siam) 60ml leh chini 7gms chawhpawlh a, ni 15 chhung nitin in tur a ni.

Thisen sang: A hnah 5gms chi tel lovin chawhmehah siam a, nithum chhung nitin ei tur. He damdawi ei chhung hian chi ei loh tur a ni.

Tila ril tla: A zung pil 25gms silfai a den deuh hnûah (densawm loh tur) tui 400ml-in mei navak lovah chum tur. A chhumna tui hmun li a \hena hmun thum v&el a so kang hnuah (100ml anih hnûah) a tui chu thlit chhuah a, a tak la bâng zawng chu paih vek tur a ni. A chhumna tui hi rei tak dah tur a ni lova, nitin a thar siam zel tur a ni. Chumi tui 25ml leh Jeera Powder 4gms chawhpawlh a, nikhataha vawi thum zêlin nithum chhung in a \ha.

Irhfiak: A chung ami anga buatsaih a zung chhumna tui 25ml leh asafoetida (hing) tlemte chawhpawlh a nikhatah vawi hnih in a \ha.

Zun tih tam nân, kala lungte awm, chaw pâi \awih \ha thei lo, rûlhût: A pâr densawm tui sawr 5ml leh bawnghnute nokhat chawhpawlh a, nitin vawi hnih in tur.

Beng nâ: A zung silfai hnûah densawm a, a tui sawr beng chungah thlawr tur a ni.

Sakawr êk hrik, zeng, thin leh lâ vûng: A rah no chawhhmehah siam a, nitin ei a \ha.

Thawhhah: A pâr densawm diak 5gms leh maipawl densawm tui sawr no khat chawhpawlh a, nitin zingkarah thil ei hmaa in \hin a \ha.

(Source: Mizoram thing leh hnim damdawia hman theihte)

BIBLE  QUIZ  No.32

SAM 26-30

A kâr âwl dah khat rawh :

Q1. Nimahsela kei zawng rilru \ha puin ka awm ang: Mi _____________ la, mi khawngai ang che.

Q2.Ka lakah hian i hmai thup suh la; I chhiahhlawh hi thinurin tibo suh ang che: Nang chu mi \anpuitu i ni \hin a; Aw mi chhandamtu Pathian, mi paih thla suh la, mi kalsan _____________ suh ang che.

Q3.LALPA chu ka chakna leh ka phâw a ni a Ka thinlung hian mah chu a ring a, tichuan puihin ka awm a; Chuvangin ka thinlung hi nasa takin a hlim a; Ka hlain ______________ ka fak a.

Q4.LALPA âw chuan zukpuite chu no a chhiattir a, Ngawpui thinghnahte chu a nuai kawlh vek \hin a: A biak inah chuan ____________________________, “A ropui e,” an ti \heuh \hin.

Q5.LALPA, nangin i duhskna avângin ka tlâng chu i lo din nghehtir tawh a: Nimahsela i hmai i thup a, ka lo mangan ________________ kha.

A bung leh châng dah rawh :

Q1.Aw LALPA, mi en fiahin, mi fiah la; Ringhlel lovin LALPA chu ka ring bawk a. Ka rilru leh ka thinlung hi tithianghlim ang che. I ngilneihzia chu ka hmaah a awm si a, I thutakah ka awm fo bawk a.

Bung: ...............          Chang: ....................

Q2.Sipai pawlhovin mi bei tumin mi ep reng mah sela, Ka thinlung hian a hlau lovang: Ka chungah indona lo chhuak mah sela, Chuti pawhin ka ring tlat ang.

Bung: ................         Chang: ....................

Q3. An thiltih ang zel leh, an thiltihte a sualzia ang zelin rul la; An kuta na thawh ang zelin rul la; An sual man hmuhtir ang che.

Bung: ................         Chang: ....................

Q4.LALPA aw chuan sidar thingte chu a titliak ang a; A ni, LALPA chuan Lebanon tlânga sidar thingte chu a titliak seng sung thin.

Bung ...................        Chang .....................

Q5.Kei zawngin ka nun khawnawm lai chuan, “Engtikah mah ka nghing lo vang,” ka ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 31 RESULT

Chhanna lut zawng zawng : 5

Chhang dik vek                       : 5

Lawmman dawngtu:   Ramhmangaiha (V.sec)

                  Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni..

PAVALAI INKHAWM

PROGRAM

A hmun           : Senior Hall

A hun               : 18. 8. 2013

Hruaitu            : Pu  T.K. Manga

|antu               : Pu Siamhleia

Thuhriltu         : Pu Siamliana

SBI General

I N S U R A N C E

Motor, Building/Home, Shop, Health, Personal/Group Accident, Construction/Engineer insurance kan ti thei e.

Motor insurance ti duh a hmunah kan pan thei a,

Company danga insurance lo ti tawh pawh kan renew thei e.

ZORIN BUSINESS CENTRE

Below SBI ATM

Zosapthara Building

New Street, Mission Veng

0389-2300494 / 9612500877 / 9862952837

VAWIIN KHAWCHIN

A lum lai berin : 240C

A vawh lai berin : 200C

            Chawhma lamah 2mm, chawhnu lamah 1mm leh zân lamah 0mm (wheatherforcast.com).                           Accuwheather.com

chhun - 4mm, Zan -3mm tla turin a sawi thung.

HRIATTIRNA

            Central YMA chuan ni 3rd September, 2013 hian Arm Wrestling Championship Mipa leh Hmeichhe tân a buatsaih dawn a, YMA Member a duh apiang tân tel theih a ni.  Tel duhte chu Pu MS Dawngliana, T-Section hnênah August thla ral hmâ ngêiin in report tur  a ni e.

Weight  category hetiang hian \hen a ni.

Mipa

Below 55 Kgs, 60 Kgs, 75 Kgs, 80 Kgs above leh Champion of the Champion.

Hmeichhia

Below 50 Kgs, 55 Kgs, 60 Kgs, 65 Kgs.

            Tin, Mipa bikah hian Disable person tân buatsaih a ni bawk ang.

Sd/-

( K.LALHULIANA )

Secretary,

YMA Branch, Saikhamakawn.

NIHLIAP  THEIHNGHILH

            Nihliap pali (4) lai ka dawrah theihnghilh a ni a. A neitu dik tak chuan a rang lama rawn lam turin kan in hriattir e.

In \hian

Pi R. Zasangi

UI  LEH  AR

CHUNGCHANGA JOINT COMMITTEE   THUCHHUAK

            Saikhamakawn vengchhûngah sawrkar dân dinglai bawhchhia a, ui leh ar chhuah kan la awm tih hriat a ni a, hemi chungchângah hian Joint Committee chuan ni 9.6.2013 a thu a rêl angin ni 17.8.2013 thlenga ngaihchân a, hemi hnua ui leh ar chhuah an awm chuan Police ruaiin a \ul angin action lâk a ni ang tih mipuite kan in hriattir a ni e.

                     Sd/-                                                             Sd/-

         (LALPIANTHANGA)                              (ZORAMTHANGA)

                     President                                                  Chairman

   Y.M.A Saikhamakawn Branch                             Local Council

           

TUALCHHUNG

,Pi.Hrangthangvungi (Notei) w/o R.Lianzinga (L) chu mîta lungte awm paih avângin Newlife Hospital-ah enkawl mêk a ni.

,Pi Ruby Lalhuzami w/o R.Lalhmingmawia (T.Sec) chu damlohna avânga Aizawl Hospital-a enkawl anih hnûin dam takin alo chhuak.

TBZ  PROGRAMME

Neih thil thehkhawm

A hun : 12.8.2013

A hmun: Pu Khawlhmingliana In

Hruaitu: Upa Zairemthanga

|antu: Pi Rokhawli

HRIATZAU NÂN

            INDIA ram President lo ni tawhte leh an indawt dân:

1950 - 1962 = Rajendra Prasad

1962 – 1967 = S. Radhakrishnan

1967 – 1974 = Zakir Husain

1974 – 1977 = V. V Giri

1977 – 1982 = N. Sanjiva Reddy

1982 – 1987 = Zail Singh

1987 - 1992 = R. Ventakaram

1992 – 1997 =S. D Sharma

1997 – 2002 = K. R Narayanan

2002- 2007 = A. P . J Abdul Kalam

2007 - 2012 = Pratiba Devi Patil Singh

2012 - > Pranab Mukherjee

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 4.8.2013

MIPUI AW

KARTIN CHHUAK

Vol. XIX Issue No. 31 Kristian Thalai  Pawl  Saikhamakawn Branch  Pathianni Dt.4.8.2013

VAWIIN CHANG VAWN

            Mihringte anga lo piangin, bawih angah a insiam a, amah leh amah a intitlâwm ta zawk a. Tin, mihring anga lo awmin, a inngaitlâwm a, thi khawp hiala thu zâwmin a lo awm ta a, kraws-a thihna ngei chu. .            Philippi 2: 7-8

KOHHRAN  PROGRAMME

4. 8. 2013 (Pathianni)

Sunday School Inkhawm

|antu           : Pi Zosiampuii

Chawhnu Inkhawm

Thuhriltu    : Upa Lalrindika

Zân Inkhawm

Thuhriltu    : Upa Lalzuiliana

            N.C.C.I  leh Adivasi puala \awng\airual neih tur a ni.

K|P PROGRAMME

 Dt. 5. 8. 13 (Thawh\an zân)

Short  Sermon  Inkhawm

Hruaitu           : Tv. Pc. Vanlalhriatpuia

Tantu              : Nl. Vanhlupuii

Thuhriltu       : Pu C. Lalmuanpuia

turte                : Nl. C.V.L Biakzuali

Thilpek lakh- : Nl. Lalrinliani

awmtu turte   : Nl. Vanlalmalsawmi

August thla chhûnga hla hruaitu turte

Hla hruaitu    : Pu Jeff  Lalhmingsanga

turte                  Pu Lalduhkima

Musician         : Nl. R. Lalngaihawmi

VAWIIN  TLAI  FELLOWSHIP

A hmun          : S.S Hall

Hruaitu           : Tv. F. Laldingliana

|antu              : Nl. Debbie Lalfakzuali

KOHHRAN  HMEICHHIA  ( 6. 8 .2013)

Ramthim zina hun hman tur a ni

A hmun          : PuV.L.Malsawma te In

Hruaitu           : Pi khawlvuani

|antu                : Pi Biakthangi

           

           

           

SERMON

THUAWIHNA

            Hebrai 5  8Fapa meuh pawh ni mahsela a thil tuarahte chuan thuawih  a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

            Thuawih hi thil \ha tihna kawngah chuan thil hâr tak a ni a, thil\halo tihpuia \hianten min sawm châng erawh chuan an thuawih a nuamin a âwl hle thung si. Thuawih tihin a kawh ber leh kan rilrua lo awm nghal chu thil \ha tihna kawnga thuawih hi a ni âwm e. Chutiangchiah chuan kan Pathian pawhin a thu a kawi a ngila zawm a, a thuawih mai turin min ti a ni. Tin, thuawihloh pawizia te, thuawihlo te dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal \hin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thluka an la awm tur thute chiang takin a lo sawi a. Thuawihlote hian vanneihna an dawng tluantling thei tak tak lo a ni.

            Thuawihna hi Pathianin a thupekah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lâwmman a siamsak dan a\ang hian a thuawih a ngaihpawimawhzia a lang chiang hle. Tin, Lal Saula ngei pawh Amelek ho thah chimih vekna tur thupek Pathian hnen a\angin a dawng a, an ran vulhte pawh zuah hauh lohna tur thupêk a ni. Nimahsela ama rêmhriatna leh Pathian tâna inthawina atan Amalek-ho ran vulh thau tha leh an Lal Agaga te chu an rawn hawn a, mihring ngaihah chuan thil \ha tak chu a ni ngei mai, Lalpa tân a \ha\ha chu an rawn hâwn ngêi a ni, nimahsela Lapa Pathian chuan a thupek zawm kha a lâwm zâwk a ni tih kan hmu. Lalpa thupek awih lova mihring lam thahnemngaihna zâwn a\ang leh tunlai \awng takin; a lang tlat  tihna zawn a\anga Pathian tana Saula’n \hahnem a ngaih avangin Lal a nihna ata chu Pathian in a hnawl ta a ni. Keini tunlai ringtute ngêi pawh, kan tisa lam \hahnemngaihna leh kan rilrua awm satliah mai mai na a\anga Pathian rawngbawl a maw inti a tlan vak hi Pathian hian a pawm lem lo niin a alang, ho tê pawh nise Pathian thuawih mai hi kan tih tur niin a lang. Mihring lam \hahnemngaihna a\anga Pathian tân  tia rawngbawl  vak hiân Pathian a lawmlo mai a ni lo, Saula ang hian kan nihna a\ang hian min hnawl ve mai ang tih pawh thil hlauhawm tak a ni thei âwm e.

            Bible châng kan tarlan tak ang khian Lal Isua meuh pawh a thil tuar a\angin thuawih a zir a ni tih kan hmu a, thuawihna hi Pathianin a ngaihpawimawh hle tih a lang thei. Lal Isuan naupangte a lawm nachhan leh vanram pawh naupangte anga lâwm turin min tih nachhan pawh naupang in thuawihna nun an neih vâng leh chu thuawihna nun neite tan chuan Vanram chu an chanvo a ni tih a rawn sawi chhuahna a ni thei âwm e. Lal Isua meuh pawhin thuawih zir a ngai a nih chuan keini chuan kan ngai nasa lehzual ngei ang.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

IN ZIR ZÊL ILA

            Khawvel a changkâng zêl a keini Mizote ngêi pawh hian kan thil tawn leh hriatte a zauvin, kan hman phâk loh tura kan lo ngaih \hinte leh kan neih phâk loh tura kan lo ngaih \hinte kan neiin kan inchhûngah ngêi pawh kan hûng fur hlawm ta mai. Heng Mobile Phone, Computer-te leh Electronic hmanrua leh thildang tamtak kan hmang changkang hlawm hle, thil lâwmawm anih rualin; kan nun chhiatna kawnga a hruai loh nân lo dawnsawn dân kan hriat a \ul hle âwm e.

            Entirnan Cellphone-te pawh Biakinahte, \hutkhawm pawimawh neih châng hian Mizo ten hman dân kan thiam lo, a chhan chu kan hmelhriat \antirah inzirtirna \ha engmah awm lova mahni hriat dân kawng kawnga kan lo dawnsawn vâng a ni âwm e. Tunah Internet khawvelin Mizo nun nâwlpui min rawn luhchilh mêk, hei ngêi pawh hi hman dân kawng dik leh alo dawnsawn dân \ha inzirtirna (Awareness) kan neih \hat loh chuan nun chhiatna kawngah min hruai ngei ngei ang. Thil engpawh kan nun nâwlpui a thil thar alo thlen dâwn rêng rêngin chhiatna a ken tel theih leh a hman \hat dân inzirtir vat hi a pawimawh ber a ni, kan dan thei chuang dawn si loh chuan.

ARTICLE

            CHHIATNI |HATNI KAIHHRUAINA

(Mizoram Presbyterian Kohhran)

|HATNI

1. Inneih ni ruat: Inneih ni leh hun bi thliah chu inneihtirtu tur leh kohhran hruaitute rawn hmasain innei turten ruat tur a ni.

2. Sawmna: Inneih ngai pawimawh leh hre ve ngei tura hriatte chauh sawm ni sela, innei chhungten chutiang bak leh dawl zawh tur aia tam sawm vak hi a \ha lo a ni. Inneite awmna Kohhranah chuan Biak Ina puan hi a \ha mai awm e.

3. Man hlan : Man inhlan hi Mizo dana inneihna puithu lai tak a nih avangin fiamthu leh palaitechhaih buai chin hi a inhmeh lo a ni. Urhsun tak leh hlimawm taka man inhlan hun hi hman \hin tur a ni.

4. Man\ang sem: Man ineitir dan pangngai anga a eitu tur dik takte bak man eitu phuahchawpa man\ang eitu tih tam vak hi Mizo kalphung a ni lova, chin loh atan a \ha. Man eitute laka beisei leh phut let neih hi a mawi lo hle bawk a ni.

5. Incheina: Pathian leh Kohhranho hmuha mawi tawk, inelna leh hleihluakna kai lo leh mahni dinhmun nena inhmeh tawka inchei thiam a \ha. Mo leh a \hian incheina thawmhnaw

man hi mipa lam tumtir lovin hmeichhe lamin intum ni mai se. Tin, Biak Ina inneih hriatpuitu leh lawmpuitute pawh mi baka inchei loh a \ha.

6. Inneih Inkhawm Programme: Inneih inkhawm Programme hi inneihtirtu leh innei turte inbe rawna siam tur a ni. Inneih inkhawm hi a rei lo thei zawnga ruahman thiam a \ha.

7. Pangpar khawi: Kohhranin Biak Ina pangpar a khawina \hin hmun bakah chuan innei chhungten pangpar khawi loh a \ha. Biak Ina hnutchhiah an phal theih chin

bak chu pangpar khawi loh ni se.

8. |hian :Inneite hian \hian pakhat ve ve an nei tur a ni a, hriatpuitu pawimawh tak an nih avangin kan Kohhran dan chhunga mi emaw an sakramen leh inneihna kan pawm theih kohhrana dan zawhkim (Full member) emaw an ni tur a ni.

9. Zungbun: Inneih zungbun hi mipain hmeichhe hnena a pek leh buntir \hin a ni a, hmeichhiain

mipa hnena pek ve a ngai lo. Zungbun tel lo pawhin a inneih theih tho tih hriat a \ha.

10. Thlalak: Inneih inkhawm urhsunna tibo thei khawpa thla lak hi a \ha lo va; chuvangin inneihtirtu berawn hmasaa tih ni se. Pawnah pawh hun khawh ral tam lovin a tlem thei ang leh

innei chhungte tana phurrit ni lo turin thla lak dan tur fel taka ruahman sa a \ha a ni.

11. |hian man: |hian man hi awm ngei tura ngaih a ni lo nain pek a ngaih chuan hmeichhe lamin man\ang aia tam lo pek tur a ni.

12. Lawichal: Lawichal tih tur chu him taka Mo a lawi theihna tura venhim a ni. Tunah chuan mo hi ven a ngaih tawh loh avangin Lawichal awm hi a \ul tawh lem lo. Neih a nih pawhin Lawichal man atan Man\ang aia tam phut tur a ni lo. Tin, Kohhran dana inneih hnuah Lawichal hian lawi a kham thei lo tih hriat tur a ni.

13. Inneih lawm: Inah emaw, Hall-ah emaw inneih lawmna buatsaih a nihin Kristian-te tih dan tur ^wm renga zahawm leh mawi taka tih ni se. Ei leh in pawh a hautak lo zawnga tih hi kohhran duh dan a ni.

14. Thuam chhawm: Mutbu leh hmeichhe thuam pangngai bak chhawm tumna lian ta lutuk hi a \ha lo a ni. Chhungkaw dinhmun nena inphu tawk hriatthiam a \ha.

15. Puithuna atthlak: Inneih hun atana ni serh leh thla serh bik neih te, ni \ha bik leh \ha lo bik neih te hi Kristanna nen chuan a inrem lo a ni.

Source : www.mizoramsynod.org

HRISELNA HUANG

KAWLDÂI

A chanchin tlângpui: Kawldâi hi India ram hmun tinah, a bîkin chhim lamah leh hmarchhak lamah a tam hle a, Mizoramah pawh hmuh tur tam tak a awm. Chi hnih - a kûng lian chi 3mts vêla sâng leh a kûng tê chi meter chanve vela sâng a awm. Mizorama kan hmuh tam ber hi a lian chi a ni a, a tê chi hi damdawi atân a \ha-in an hmang nasa zawk a ni. A kûng tê chi hi ram \henkhatah chuan a chînin an chîng \hin a, a kûng lian chi erawh chu ramhnuaiah amahin a \o ve mai \hin. Burma ramah a tamin huan hung nân (pal atân) an hmang \hin a, Mizote’n Burma a\anga an hriat anih vânga ‘Kawldâi’ tih hming put tir te pawh a ni ta âwm e (Kawl -Burma, dâi - fence). Kawldâi hi Kerala State-ah chuan an sum chang thlai zinga tel ve a ni a, a zung hi an hralh \hinin damdawi siam nân an hmang \hin a ni.

Damdawia hman theihte: A hnah leh a zung.

Damdawia hmannate:

Khuh: A hnah densawm tui sawr 2ml, sawhthing densawm tui sawr 2ml leh khawizu 2ml chawhpawlh a nikhatah vawi thum in tur.

Thawhah: A hnah ro zial a, meizial anga zûk a \ha.

Thisen tih thianghlim nân: A hnah rawt sawm diak 5gms leh Butter 5gms chawhpawlh a, ni 15 chhûng nitin ei tur.

Pum chhûng a thil thur tam lutuk: A hnah densawm tui sawr 5ml in a \ha.

Khâk thî, Tuberculosis (T.B), khuh: A hnah densawm tui sawr 5ml zêlin nitin ni 15 chhûng in tur.

Khuh damdawi siam nân: A hnah ro (nisâa pho ro loh tur) 50gms, tui 400ml-in mei navak lovah a chhumna tui 100ml anih thlengin chhuan so tur. A chhumna tui chu thlit chhuah a, chini 100gms nên chhum so leh hnûah saidawiûm-ah dah \hat a, thirfiante khat zêlin nikhatah vawi thum in tur a ni.

Hritlâng: A hnah densawm tui sawr 10ml-ah artui pum 1 leh Jeera Powder (dawrah lei tur) tlêmte chawhpawlh a, chi leh têl tellovin kan ro tur; nithum chhûng nitin zingkarah leh mut dawnah ei tur a ni.

Thawpik, thâwk harsa: A zung 10gms silfai hnûah den deuhva purun sen, jeera, elaichi leh sawhthing phoro, 10gms \heuh nên tui 400ml-in mei na vak lovah chhum tur. A chhumna tui 50ml anih hnûah (a so kang hunah) thlit chhuah a, 25ml leh khawizu 5ml chawhpawlhin nitin zingkarah leh zan mut dawnah in \hin a \ha.

Naupang khawsik leh khuh: A hnah densawm tui sawr 2ml, sawhthing ro tih dip leh khawizu tlemte tih pawlh a, naupang ei tir a \ha.

Hnar thî, ek thî, zun thî: A hnah \henkhat meiah hem lum deuhva densawm hnûin a tui sawr chhuah tur; 10ml leh chini 10gms chawhpawlh a damlo chu darkar hnih dan zêlah ei tir tur a ni.

Thi neih lâia thisen chhuak nasa lutuk: A hnah densawm tui sawr 15ml nitin zing leh tlaiah kurtai 15gms nên ei \hin a \ha.

Hrawk nâ: A hnah densawm tui sawr 5ml, nikhatah vawi thum in \hin tur.

Sikserh: A hnah ro (nisâa phoro loh tur) rawt dip a, 30gms zêlin nitin zing leh tlaiah ei a \ha.

Ruh seh vânga ruh chuktuah nâ leh vûng: A zung 50gms silfai hnûah densawm a tui 400ml-in mei na vak lovah a chhumna tui 50ml anih thlengin chhuan so tur; a chhumna tui chu thlit chhuah a 25ml zêlin nitin zing leh tlaiah in tur.

BIBLE  QUIZ  No.31

SAM 21-25

A kâr âwl dah khat rawh :

Q1. I thinur hunah chuan anni chu rawhtuina mei alh hluah hluah angin i siam ang. LALPA chuan ani chu thinurin a lem zo vang a, Mei chuan a kang ______________ mai ang.

Q2.Nang erawh chu chhul atâ mi la chhuaktu chu i ni a: Ka nu hnute _______________ ka awm lâi khân nangin mi rintir a.

Q3.Matheilovin thatna leh ngilneihnain ka dam chhûng zawng hian mi zui zel ang a: Tichuan LALPA inah kumkhuain ka awm reng ang.

Q4.Aw kulh kawngkate u, in lu chungte kha chawi sâng ula, A ni, kawngkhâr hlunte u, ______________________ rawh u: Tichuan ropuina Lal hi a lo lut dawn nia.

Q5.Thuhnuairawlhte chu rorêlna felah a hruai ang a: Thuhnuairawlhte chu ama ___________________ chanchin a zirtir bawk ang.

A bung leh châng dah rawh :

Q1.I tanpui avângin a ropui êm êm a: Chawimawina leh ropuina a chungah i nghat thin a.

Bung: ...............          Chang: ....................

Q2.Min thlahtute chuan an lo ring chai: An ring a, tichuan nangin i lo chhanhim thin.

Bung: ................         Chang: ....................

Q3. Ka nunna hi mi siam that thin a, Ama hming avângin felna kawngahte mi hruai thin.

Bung: ................         Chang: ....................

Q4.Tuifinriat chungahte amahin a din a ni si a, Luipui chungahte pawh atinghet bawk a.

Bung ...................        Chang .....................

Q5.Aw ka Pathian, nang ka ring chia, Mualphovin mi awmtir suh la; Mi dotute mi ngam chu phal suh ang che.

Bung ....................        Chang .................

Hming : ......................................................

Section : .....................................................

BIBLE QUIZ  NO. 30 RESULT

Chhanna lut zawng zawng : 3

Chhang dik vek                       : 3

Lawmman dawngtu:   Lallawmzuala (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

LAWRKHAWM

PAVALAI MEET

                  Synod Revival Committee buatsaih Zoram pum huap Pavalai Meet - 2013 chu Bethlehem Presbyterian Kohhran Biak In neih mêk a ni a, kan Kohhran Pavalaite pawhin vawiin Pathianni chhun inkhawmah hian Pathian fakna hla an rem dawn a ni.

SBI General

I N S U R A N C E

Motor, Building/Home, Shop, Health, Personal/Group Accident, Construction/Engineer insurance kan ti thei e.

Motor insurance ti duh a hmunah kan pan thei a,

Company danga insurance lo ti tawh pawh kan renew thei e.

ZORIN BUSINESS CENTRE

Below SBI ATM

Zosapthara Building

New Street, Mission Veng

0389-2300494 / 9612500877 / 9862952837

VAWIIN KHAWCHIN

A lum lai berin : 260C

A vawh lai berin : 230C

            Chawhma lamah 2mm, chawhnu lamah 4mm leh zân lamah 9mm (wheatherforcast.com).                           Accuwheather.com chuan chhun lamah 11mm leh zan lamah 5mm tla turin a sawi thung.

GROUP OB LEH COMMITTEE MEMBER RUAT THAR

            Kristian |halai Pawl, Matthaia Group chuan Assistant Leader-ah Tv.Abraham Lalnunthara ruat tharin, Assistant Secretary atân Tv.Lalfakzuala an ruat thar bawk.

            Tin, Marka Group pawhin Finance Secretary atân Nl.P.C.Lalrinmawii (Nano-i) an ruat thar a, Committee Member-ah Tv.Lalruatkima, Tv.Tlangdingliana leh Nl.C.Zodintluangi te a ruat thar bawk.

PHONE DIRECTORY

            Kristian |halai Pawl, Marka Group chuan vengchhung Phone Directory siam nise kan ti a, vengchhung in tinah kan rawn zawt dawn a, chhung tinte khawngaihin phone number min lo pe turin kan inngên e.

            Tin, Phone Number inzawh pah hian Bible, Hla bu leh lehkhabu kawm siam tur nei chuan alo thawn theih bawk ang.

Sd/-

(ZOHMINGMAWII)

Secretary

Marka Group, K|P

HRIATZAU NÂN.

THILNUNG CHANCHIN MAK.

* Ramsa zing ah Sai chiah hi inrulpui ludin thei a ni.

* Tho hi a damchhung zawngin a pianna hmun atanga feet hla tak ah a thlawk ngai lo.

* Sai hian a nawn ah tui 10litres lai apai thei.   * Kaikuang thisen chu a dumpawl.   * Shark chi khat Tiger shark an tih chu a pui pum chhungachi no an nih laiin an insual chiam a,a dam zawk a piang mai thin.   * Thlaler sazu(Desert Rat) hian darkar khatah note 122 a nei hman.   * Chukchu hi alu bungin kar tamtak ala dam thei.   * Zawhte hian aw chi hrang 100 chuang a nei.   * Tho hi kar hnih vel chauh andam thei.   * Phengphehlep nu hi a tui zawh ah an thi nghal mai thin.

(http://www.facebook.com/groups/mizospecialreport/)

           

TUALCHHUNG

,Nl. B.Lalhmingmawii (Ate-i) d/o Kamzawngliana (Ch.Sec) chu damlohna avânga Aizawl Hospital-ah enkawl anih hnûin alo chhuak.

,Pu Zothansanga w/o Vanlalhruaii (V.Sec) chu damlohna avânga Greenwood Hospital-a enkawl anih hnûin alo chhuak.

,Pi Lalmawizuali h/o Lalchhanhima (T.Sec) chu damlohna avângin Synod Hospital-ah enkawl mêk a ni.

,Pu J.Vanlalhruaia w/o Mahriati (V.Sec) chu a thawhna Sericulture Deptt., Aizawl a\angin  Lungleiah transfer a ni.

,Pu Lalremruata w/o Lalrawngbawli (V.Sec) te chuan khawi olo vah vêl nân leh sum thawhchhuah nân City Bus an lei thar.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300