Mipui Aw 14.7.2013

MIPUI AW

KARTIN CHHUAK

Vol. XIX Issue No. 28 Kristian Thalai  Pawl  Saikhamakawn Branch  Pathianni Dt.14.7.2013

VAWIIN CHÂNG VAWN

            Chutichuan, chhûmpui nasa tak ang thlirtuten min hual vêl avâng hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin, kan hmâa intlansiakna tur awmah chuan chhel takin i tlan zêl ang u. Ani chuan a hmâa hlimna awm avâng chuan mualphona chu ngainêpin kraws chu a tuar a, Pathian lal\hutphah ding lamah khian a han \hu ta a.

Hebrai 12:1-2

KOHHRAN  PROGRAMME

14. 07. 2013 (Pathianni)

S.S. Inkhawm

|antu           : Pi Hmingthanzuali

Chawhnu Inkhawm

Thusawitu      : Upa R. Lalngena

Zân Inkhawm

Thusawitu      : Pu Siamliana

K|P PROGRAMME

 Dt. 15. 07. 2013 (Thawh\an zan)

Hruaitu           : Pu Lalchhandama

|antu              : Tv. David Vanlalruata

Thusawitu      : Nl. Lalramnghaki

Thilpek lakh- : Nl. Lalawmpuii

âwmtu turte   : Nl. Rebecca Vanlaldiki

July thla chhûnga hla hruaitu turte

Hla hruaitu    : Pu Lalchhandama

turte                  Tv. R. Lalzamlova

Musician         : Pu Lalremruata

KOHHRAN  HMEICHHIA (16. 07. 2013)

Hruaitu           : Pi L.Thangpuii

|antu              : Pi Vanlalbiaki

Thusawitu      : Pi Lalchhingpuii

           

           

SERMON

VÂN  KHUA  LEH  TUI

            Keini zawng vân khua leh tui kan ni si a, vân a\anga min chhandamtu Lal Isua Krista lo kal tur chu nghakhlel takin kan thlir a ni.                                          Phil. 3:20

            Pathianin a fapa Lal Isua Krista chu kan sual thâwina rawn tirin kan tân Kalvari tlângah a nunna chu keini misual, amah thih sana sual lam kawnga nung tawhte min rawn chhandam a, nunna kan neih leh  theih nân a rawn hlân a, tin, Pathianin a nithum niah a ropui takin a rawn kai tho leh a ni, chu a thihna leh thawhlehna chu amah ring apiangte tân chatuana nunna a lo ni ta. I Kor 1:30 ah chuan Lal Isua nihna chu kan nihna a nih zia chiang takin min hrilh a, Pathian fa nihna hlu tak Lal Isua roluahpuitu tur chanvo chu kan chanvo a ni tih kan hriat nawn a va \ul tak êm!

            Lal Isua chu Pathian fapa mal neih chhun a nih zia pawh sawi tam ngai lovin kan hre \heuh âwm e, chu nihna chu kan chanvo a nih si chuan keini Pathian fa, vân khua leh tui kan ni tih hi kan pawm tlan a \ûl âwm e. Keiniin lo inpawmtir tum leh pawm tuma \an lâk vak lam chi pawh a ni hek lo, kan tâ, kan chanvo a ni tih hi Bible in min hrilh chiang hle, ring mai tur kan ni a, chu chu kan tân chhandamna leh chatuan nunna a ni bawk. Tichuan ringtu piangtharte chu he lei ram mi ni tawh lovin Vân khua leh tui nihna ropui tak chu Krista zârah kan chang ta, Vanramah pawh Chungnungber-a fa nihna chanvo ropui tak chu kan chanvo a ni ta, a va hlûin a va ropui tak êm!

            Amaherawhchu kan ramah kan la awm ve lova, sual thiltihtheihna ramah kan la awm miau mai si, Setana thuneihna hnuaiah zalên lo takin kan nitin hun kan hmang \hin a, chuvangchuan ringtu te kan in tih chak a, sual hneha awm mai lo leh Sual thiltihtheihna ramah kan awm a ni tih inhrereng chunga nitin hun kan hman a, Thlarau thianghlim tivui mai lo leh a hruaina hnuaia thuawih taka kan ram pan zêl turin ringtute kan inbuatsaih a \ul tak zet a ni. Sual thiltihtheina ramah awm mah ila kan Pathian chuan nitin min hnehsak a, ropui taka a hnehna nun chu kan tân min dahsak a ni tih hria a; huai tak leh chhel taka ke kan pen \alh \alh a \ul âwm e.

            Lal Isua Krista chu a lo kal leh dawn a, a hnênah, a ramah min  la rawn hruai ang, chatuanin a hnênah kan chêng tawh ang a, sual in min tibuai phâk tawh dawn lo a ni. Chumi hun chu nghakhlel takin kan thlir a, hemi thu hian ringtute he Khawvel buaina leh hreawmna kârah hian inthlamuan tawn ila, Setana ram \hiat zêlin ringlo mi tamtakte, Vân Khua Leh Tui nihna an chan ve ngêi theihna turin kan theihna zawng zawngte leh leh kan taksa ngêi pawh kan Pathian tân i hmangin i hlân zêl ang u.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

CHHELNA

            Kan Pathian chuan Amah ringtute hi hlim tak leh a nuam zawng lam zâwng ringawtte, kan thiltihna kawng tinrêngah hlawhtlinga vânnei reng turte leh amah avânga ropuina chang reng turin min ti rêng rêng lo. Krista avânga tuar tûrte, chân tûrte, mualphona thleng pawha hmachhawn tûrin min buatsaih a ni tih hi kan pawm  a, chumi kawng zawh ngam tura ringtute kan inbuatsaih a, chhelna kan neih a \ul hle mai.

            Tin, he khawvela kan awmchhûng hian natnate, lungngaihnate, thlaphânnate pawh kan tawh tûrin Pathianin alo dah tel bawk a, ringtu chhungkua ten thihna kut vawt a pumpelh bik hauh lo, lungngaihna leh thlaphân manganna in a chîm buai reng tho mai; Pathian remruat a nih tlat avâng a ni. Nimahsela englâipawha min vênga min awmpui rengtu Pathian chuan natna leh manganna ruama kan awmlai pawhin amah ringtu te chu chhel taka tuar thei turin min pui zawk \hin a ni.

            Hebrai ziaktu chuan chhel taka a tuar chhuah hnûin thil tiam chu a hmu ta ngêia tiin  alo sawi ang hian, Kan tum ram thleng tur hian chhel takin i awm ang u.

ARTICLE

            ZÂN  KHAW  THIM

Pc.Hriata.

            Mumang ramah tui tak leh nuam ti takin ka lêng vêl a, hringnun zinkawngah a awm thei âwm lo mange... tih khawpa mak leh nuamin chu ka mang ramah chuan ka chêng a. Tichuan thâwklehkhatah ka harh ta hlawl mai, chu ka mumang khawvêl ka han chhuahsan ta thut mai chu ka ui rilru hle a ni. Hla phuahtuin kum sâng atâna chelh din a lo châk te kha, a mak hran love tiin ka khumlaizâwlah chuan ka ngaihtuah ta zâwk a. Kan hringnun ram chhhuahsana a tak ram ang maia han khawsak tâk mai chu tiin mumang ram lam chu khawvêl leilunga dingin ka han thlir zui a, a makin a ropui ka ti hle mai, siamtu hian eng atân nge maw min lo siamsak rêng rêng le? Zawhna lian tham tak chu kei mi mâwl ngaihtuhna a\ang chuan a tling phak tlat.

            Chutia ka harh chu ka khum bula tukverh a\ang chuan thla êng hian ka khum chu a rawn chhun raih mai a, rilruah nunhlui a rawn lang uarh uarh a, a thiangin a reh ruih mai bawk si nen, kan kawmthlang ramhnuai china chhimbuk kûk rûih rûih bâk hriattur a awm hek lo. Thla êng fiah mang lovah chuan thil tam tak chu fiah lo ruai hian a hmuh theih hlawm a, ngâwi rengin ka thlir kual vêl a, misualte tân chuan hun \ha ava ni dâwn tak êm! Setana leh a  sangâwizâwnpuite tân chuan zalenna hun hlu tak a ni tih pawh hai rual a ni lo. Chu zân khawthim tak hnuaiah chuan chhawrthlapuiin fiah lo ruai a êng a thlen bâk chu êng dang awm hek lo, thla mang lâi phei chuan engtiang taka thim ni ang maw!!! Ka kawng zawh lâi zawh chhunzawm na atân chuan kei ka thlang mawlh lo a ni. Chu zan thim tak mai chuan hringfa te tân hahchawlhna thlen sa teh mah se, na tuar a rûmte tân erawh zawng he hun hi paltlang a va huphurhawm \hin tak êm!!! An natnate chu chhâwk zângkhâi a hnêkin a tih pun sak ta ni âwm fahran hian natnate pawh chuan diriam takin he hringnun duhawm tak hi an sawisa \hin bawk si. Hêng ang mite tân chuan kâwla nichhuak hi a mawi bîk\in ka ring \hin. Zan thim nunrâwng tak hnehtu a ni miau si.

            Kan hringnun zinkawngah hian, hlimnate, lawm nite, kan damchhûng nîa kan hriat reng tawh tur khawpa hlim êm êm chângte pawh kan nei fo \hin, chutiang chiah chuan lungngaihna leh \ahnate, beidawnna leh thlaphâng taka rûm vawng vawng châng nite kan paltlang fo bawk a. Chûng hun thim tak hnuaia kan lên lâi chuan, kan chheh vêl a êng awm chhun chu min lainattu ten thurâwn min pêk hi a ni fo \hin, mahse, chumi êngah pawh chuan kal ngam a harsain, in chhuiha tlûk palh hlauhthâwnna in kan la khat fo \hin a ni. Min lainattu an awm loh châng nite phei chuan thim chhah takin min hual vêl a, kan tân êng a awm tawh lo, lungngaihna leh beidawnna in diriam takin lainatna tel hauh lovin kan rilru taksa thlarau thlengin min sawi sa ta \hin anih hi.

            Zan thim hnûah khua a lo vâr angin, kan hringnun hun thim taka kan kal lâi chuan Pathian chuan kan tân khua min tih vâr sak \hin a, Thla êng hnuaiah ni lovin Ni êng hnuaiah min kal tir a, kan tân hruaitu Ni êng ropui tak a ni \hin a ni.

HRISELNA HUANG

KANJA

A chanchin tlângpui: A kûng hi ft.3 atanga ft.5 a sâng a ni tlângpui. Tlâng ramah a \ha duhin Assam  thlengin hmuh tur a awm. Mizoramah pawh hmuh tur a awm ve nual. India ramah chuan Jammu ah a tam ber. Kerela tlâng miten tlâng dungah an chîng \hin. Kanja-ah hian Narcotic a tamin a ngawl vei a awl hle a, Mizoramah pawh Kanja vânga â an awm ve nual tawh. A \ha lo lama hmanin mi a tihchhiat theih nasat hlê lâiin kawng leh lamah chuan damdawi atân a \angkai êm êm thung. Sawrkarin phalna a pêkte tân lo chuan chîn leh zawrh khap tlat a ni.

Damdawia hman theihte: A hnah, a kûng pumpui.

Damdawia hmannate:

Kaw\halo benvawn: Thingpui tak \ha takah Kanja 2gms leh Nimbu tui sawr chawhpawlh a in a \ha, Kaw\halovin a ngaihin a dam nghal hmak theih. Hnim a\anga siam kaw\halo damdawi dangah pawh Kanja 1/2gms chanve telhin a thawh chak phah thei a ni.

Pân: A kûng rawt sawm diak a, pânah hnawih a \ha.

Ha nâ: A hnah nuai sawm a, a hnâi lo chhuak ha nâah hnawih a \ha.

Kaw\halo: A hnah bawnghnute Ghee-a kan ro tih dip 2gms leh thinghmarcha rawt dip 2gms chawh pawlha nikhat ah vawihnih ei tur.

Hriattur pawimawh: Kanja hi a ngawl vei theih anih av^angin damdawi at^n hman fo a \ha lo.

CARROT

A chanchin tlângpui: Thlai hel ei chi a ni a, \henkhat chuan chhum hmin pawhin an ei ve tho bawk. A bulbâwk lei hnuai a mi an ei \hin a, chakna lam thil a pâi hnem hle bawk.

Damdawia hman theihte: A bul bawk.

Damdawia hmannate:

Hmeichhe serh a\anga thil var chhuak nasa: A bulbâwk den sawm tui sawr 15ml leh khawizu 5ml chawhpawlha nikhatah vawithum zêlin kârkhat chhûng nitin in tur a ni.

RÊNGAN

A chanchin tlângpui: Hnim lian vak lo a ni a, khawi hmunah pawh chîn lohvin a \o thei. A hnah hi hnah tê lam pang leh hnah sâwl hmawr zum a ni a, a rah chu behlâwi rah ang deuh a niin; behlâwi rah aiin a tâwi zawk. A \hatna hmunah chuan dung chena sângte a awm thei. Mizote chuan chawhmehah leh damdawi atân an hmang \hin a, bazarahte an zuar \hin.

Damdawia hman theihte: A hnah.

Damdawia hmannate:

Hnute tui tih tam nân: A hnah chhum a, chawhmehah hman \hin tur a ni.

BIBLE  QUIZ  No.28

SAM 6-10

A kâr âwl dah khat rawh :

Q1. Mi dotute zawng zawng chu an mualphovin an mangang êm êm ang a; An kîr leh ang a, vawilehkhatah an la _________________________ thut ang.

Q2.Ka phaw chu Pathian hnênah a awm, Amah chu thinlung dik tak pu _____________________________ a ni.

Q3.Chunglêng sava leh tuifinriat sânghate, Tuifinfiata ________________________ kal apiangte nên.

Q4.Tichuan i hming hretute chuan an ring ang che; Nang zawngin, LALPA, nangmah zawngtute chu i _________________________ ngai si lo.

Q5.Sakeibakneiin apûka a châng ru angin ani chuan fianrialah a châng ru reng \hin a: Mi rethei man tûrin a châng \hin a: Mi rethei chu aman ngei a, tichuan a lênin ____________________________ bo thin.

A bung leh châng dah rawh :

Q1.Aw LALPA, mi khawngaih ang che; ka chau zo ta si a: Aw LALPA, mi tidam ang che; ka ruhte hi a na vek si a,

Bung: ...............          Chang: ....................

Q2.Aw LALPA ka Pathian, hetiang ti ka lo nih a, Ka kuta sualna lo awm a nih a,

Bung: ................         Chang: ....................

Q3. Mihring hi eng nge maw a nih a, i  hriat reng \hin ni? Mihring fapa pawh hi eng nge maw a nih a, i kan \hin ni?’ ka ti \hin.

Bung: ................         Chang: ....................

Q4.Hnam tin i zilhhauva, mi suaksualte i tiboral a, An hming chu kumkhaw tlaitluan atân i thai bo ta a.

Bung ...................        Chang .....................

Q5.A rilruah chuan, “Ka nghing lo vang: Chhuan zawng zawng thlengin mangangin ka awm lovang,” a ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 27 RESULT

Chhanna lut zawng zawng : 11

Chhang dik vek                       : 11

Lawmman dawngtu: Benjamina  (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

LAWRKHAWM

PAVALAI INKHAWM PROGRAMME

A hmun    : Senior Hall

A hun       :18.7.2013 (Ninga zân)

Chairman : Upa Zairemthanga

|antu        : Pu R.Vanlalsanga

                  |awng\ai rual a hun hman a ni ang.

E.ROLL HRIATTIRNA

            Electoral Roll-a inthun, tih dik leh paih tumte chuan 15.7.2013 ral hmâ ngêia tih fel tur a ni e. Tin, ni 17.7.2013 (Nilaini) dar 3:00pm-ah YMA Committee Room-ah Hearing neih a ni dawn a, diltute kim taka kal tur a ni. Kal remchâng thei lote chu an âiawh tur an chhûngte zing ami puitling inlan tur a ni.

            Tin, hemi ni hian Party hruaitu hrang hrang te, NGO hrang hrang hruaitute, Local Council hruaitute mahni Seal kenga kal vek tur a ni e.

K|P HNATLÂNG NEI

            Saikhamakawn Branch K|P: Nimin ni 13.7.2013 (Inrinni) zingkârah Biakin kawta Rawra awm chu Biakin hnuaiah thiar thlâk hnatlâng neih a ni a, hnatlâng thawkchhuak zawng zawng chungah Branch Committee chuan lawmthu kan sawi e.

Sd/-

(LALDUHKIMA)

Secretary

K|P, Saikhamakawn Branch

VAWIIN KHAWCHIN

A lum lai berin : 290C

A vawh lai berin : 230C

            Chawhma lamah 0mm, chawhnu lamah 3mm leh zân lamah 5mm (wheatherforcast.com).                           Accuwheather.com chuan chhun lamah 2mm leh zan lamah 1mm tla turin a sawi thung.

K|P BIBLE CHHIAR CHHUAH

            Evangillical Cell bul tumin vawiin Pathianni zân inkhawm bân a\angin a duh apiang tân Bible chhiar chhuahna hun hawnna neih a ni dawn a, he Bible chhiar chhuah hi mahni \heuhin neih tur a ni a, remchân hun apiangah chiar chhunzawm zêl tura ruahman a ni. Tin, hun danga remchâng lo tân pawh mahniin in lamah pawh chhiar chhunzawm zêl theih vek tura ruahmanna siam a ni.

HRIATZAU NÂN

Census 2011:

            India ramah mihring 1,21,01,933,422 an awm a, Mizoram bîkah chuan mihring 10,91,014 an awm.

            India ram puma mihring awm zât, 1,21,01,933,422 zinga 62,37,24,248 chu mipa niin, 58,64,69,174 chu hmeichhia an ni a; hêng zinga 77,84,54,120 chu ziak leh chhiar thiam an ni.

            Mizorama mihring awm zat 10,91,014 zinga 5,52,339 chu mipa niin, 5,38,675 chu hmeichhia an ni a. Kum 2011 chhiarpuiah hian kum 2001 chhiarpui aiin Mizoramah hian mihring 2,02,441 in an tam a; kum 10 chhûnga mihring punna hi 22.78% nîin, mipa punna chu 20.31% a nih lâiin, hmeichhe punna chu 25.43% a ni.

            Kum 2001 chhiarpuiah mipa 1000 zelah hmeichhia 935 an awm lâiin, kum 2011 chhiarpuiah chuan mipa 1000 zelah hmeichhia 975 an awm tawh a ni.

            Mizoram hian India population-ah hian 0.09% chauh kan la awh a ni. Liteacy Rate hi 91.33% niin Mipa 93.35% leh Hmeichhia 86.72% a ni bawk. Mizoram pumpui zâu zâwng hi 21,081 sq. km. niin, Sq Km. 1 zêlah mi 52 awm ang a ni.

(Source : Mizoram Population Census data 2011)

           

TUALCHHUNG

,Malsawmtluangi d/o Lalpianthanga (Ch.Sec) chu damlohna avângin Alpha Hospital-ah enkawl mêk a ni.

,Lallawmkimi d/o Lalruatsanga (V.Sec) chu damlohna avângin Kulikawn Hospital-ah enkawl mêk a ni.

,Zothanzâmi d/o Upa Lianzinga (L) chu damlohna avângin Synod Hospital-ah enkawl anih hnûin alo chhuak.

,Pu Lalengmawia h/o Lalbiakmawii te chhungkua chu  Pu Lalrinliana (V.Sec) te in a\angin Pu Thlawhkhuma (Ch.Sec) te inhnuaiah an insawn.

TUALCHHUNG A|ANGA GRADUATE THAR KAN HRIAT THEIHTE

Lalrempuii d/o C.Lalmuankima IIIrd Div. (Psychology)

Lal\anpuii d/o Thangluaia IIIrd Div. (Sociology)

F.Lalmuanpuia s/o F.Lalbuaia III Div. (General)

Lalhmingmawii d/o Kamzawngliana III Div. (General)

TIAM TLAT E

            Zonunsiama Ralte s/o K.C.Thanga (L) leh Priscilla Lalramsangi d/o M.S.Dawngkima, Saikhamakawn te chuan ni 19.7.2013 (Zirtawpni) dar 1:00pm hian Saikhamakawn Kohhran S.S.Hall-ah a nuamah pawh, hrehawmah pawh; kum khuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

BRICK  BRICK  BRICK

            Brick (No.1) pakhat `.9/- in kan phurh sak thei e.

H.LALLIANTLUANGA

9862516588

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 7.7.2013

MIPUI AW

KARTIN CHHUAK

Vol. XIX Issue No. 27 Kristian Thalai  Pawl  Saikhamakawn Branch  Pathianni Dt.7.7.2013

VAWIIN CHÂNG VAWN

            Duh tak, sual chu zir suh la, \ha chu zir zawk ang che. Thil \ha titu chu Pathian laka mi a ni; thil sual titu chuan Pathian a hmu ngai lo.  3Johana 1:11

KOHHRAN  PROGRAMME

07. 07. 2013 (Pathianni)

S.S Inkhawm

|antu           : Pi Laithangpuii

Chawhnu Inkhawm

Health Sunday

Thupui           : ‘Hriselna leh Thianghlimna’

Sawitu            : Upa Lalzama

Zân Inkhawm

Hospital Sunday

Thupui           : ‘Damna kim Isua’

Sawitu            : Upa Zairemthanga

K|P PROGRAMME

 Dt. 08. 07. 2013 (Thawh\an zan)

Neihthil  Thehkhawm

A hmun          : S.S Hall

Hruaitu           : Pu Jeff Lalhmingsanga

|antu              : Tv. Zomuanpuia (Mapuia)

July thla chhûnga hla hruaitu leh

musician turte

Hla hruaitu    : Pu Lalchhandama

turte                  Tv. R. Lalzamlova

Musician         : Pu Lalremruata

FELLOWSHIP  PROGRAMME

A hmun          : S.S Hall

Hruaitu           : Tv. Pc. Vanlalhriatpuia

|antu              : Tv. Samson Lalhmangaihzuala

KOHHRAN  HMEICHHIA (09. 07. 2013)

Kristian Chhungkaw Pual

            Group tinte mahni group member-te inah inkhawmna neih tur.

           

           

SERMON

I DINTHAR LEH ANG U

“Kan chan a chhiat zia hi inhmu a, Jerusalem a ram tihte , a kawngkharte a kâng tihte pawh inhria a: hawh u, sawichhiat kan nih tawh loh nân Jerusalem kulh chu i din leh ang u.”      Nehemia 2:17

            Nehemian lungngâi taka lal hnênah a intur no a hlan lâi khân lal chuan, “I damlo pawh a ni si lo a, engtizia nge lungngâi hmêl i put chu le? Thil dang a ni lovang, i rilru lam a lungngâi a nih hi maw,” tiin a zawt anih kha. Lungngâi chunga lal no hlan chu thil tih chi loh tawp tur a ni a. Mahse a ngâi si a. Keini pawh lungngâi chungin kan Lalpa kan pâwl fo \hin. Chu kan lungngaihna chu Nehemia ang hi a ni vek kher lovang. Lalpa chuan hlim taka lêngdun tura min duh lâiin; Amah kan hlatin, beidawnna khurah kan lut leh fo thin. Tichuan, a hnênah tlu lûtin Lalpa kan au chiam \hin. Kan thinlunga Jerusalem kulh chim, kâng chhe thawhte hi siam\hat duh tak takna nên Lalpa hnênah kan  tlu lût \hin em? Nehemia ang a; siam\hat duh tak takna thinlung nên Lalpa hi pan ila, Ani chuan min \anpui a hreh loh kha, kan tawrhnate pawh A lam kan hnaih theihna tur atân leh min siam\hatna tur a hmanrua a ni thei a ni.

            Kan lungngaih kan mangannate hi kan chhungkua vângte pawh a ni thei a, kohhran a kan rawngbâwlpui leh kan kohhran kan vei êm vângte pawh a ni thei e. Lal hnênah in tur no a hlan dawnin a thianghlim leh a thianghlim loh fiah nân Nehemia khân a in hmasa \hin a. Chumi hnûah lal hnênah a hlân chauh \hin anih kha. Chutiang deuh chuan kan mangannate Lalpa hnên kan thlenin, thlen tlâk a ni em? tih ngaihtuah chungin Lalpa hnên i thlen \hin ang u. Nehemia kha amah ngêi kal a, siam\hat hnâ chu thawk turin a kal a, a mamawh leh \ul ang zawng zawng pawh lal hnênah  a thlen a; pêkâ a awm ang khân, kan Lalpa hian thinlung lungchhia leh inchhir ngawih ngawiha A lam hawite; a thlahthlam ngai lo a ni tih i hre thar leh ang u. Keini pawh kei mahni ngêi kan chêt ve a ngâi a, theih tâwp chhuah a  kan thawh hnûah Lalpan min pui chauh dawn a ni tih i hre thar leh ang u.

            Israel faten Nehemia hova Jerusalem kulh siam\hat hnâ an thawh lâi khân sawichhiatna leh hmelmate beihna  kârah; an tlangval zatve ten fei, thal leh khandaih hmangin  an vêng reng a, kulh siam\hat hnâ thawktute ngêi pawhin khandaih an pâi \heuh anih kha. Keini  pawh kan chhungkua , kohhran leh kei mahni thinlung ngêi siam\hat hnâ kan thawk dawn tak tak anih chuan; kan kâwng chu thutaka hrêngin, felna âwmphaw chu hain, remna chanchin \ha inbuatsaihna chu kan ke a bunin kan indin thar leh thei ang. Chûlopawh chu rinna phaw chu la a, chumi chuan misual thal alhthei zawng zawng a timit thei tih ( Ephesi 6: 14-16 ) kan hriat kha. Hawh u, sawichhiat a kan awm tawh loh nân kan thinlung, kan chhungkua leh kohhran a, Jerusalem kulh chim leh kâng chhe tawh hi i din thar leh ang u.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

ALAN DÂN ANG A NI VEK LO

            Pa pakhat chu kawrchung Suit nên, Khiangkâwi ipte-a Pathian Lehkhabu Thianghlim leh Kristian hla bu ak chungin alo kal phei a, Biakin lam a pan han hmuh chuan Pathian thu awih tak, sualna nei lo leh mifel famkim hmuhin kan lo hmu \hin, zaidam, nêlawm leh \anpui ngâite \anpui \hin niin a lang a ni. A thupuia kan hman ang chiah hian, thil rêng rêng hi alan dân ang a ni vek kher \hin lo. Pathian thu chu alo awih pawh a ni mai thei e, amaherawhchu kan Pathian thuin a sawi angin, tumah hi mifel tak rêng kan awm si lova, sualna neilo mihring pawh hi kan vâng viau âwm e, a tlin lohna leh a fel tâwk lohna sawi tur pawh a awm \euhin a rinawm. Chutiang ang deuh chiahin mi pakhat alo kal leh a, a T-Shirt hâkah chuan Rock Band pakhat hming leh thlalâk, râng reih ruaihin a chuang a, Jeans kekawr fual taka hâin a khup a \et hnuang bawk a, Converse da tawh lampang hi a rawn bun bawk a, amaherawhchu kawm a nuamin a zaidam a, a neih ang ang chu \anpui ngâite bâwm dawhah chuan a rawn thlâk leh thung si. Thil hi a lan dân ang anih vek kher loh avangin. Amaherawhchu a lan dân ang hi chu engemaw chenah hi chuan a ni ve ngêi bawk \hin. Chuvangchuan thil kan teh hian a lan dân lam a\anga teh mai lovin, a nihna tak hmuhfiah a\ang hian teh kawp i tum \hin ang u.

ARTICLE

            SOLOMONA  LAL  ROPUI  VRS  RAM  TUKTINPAR PAKHAT

            Pathian chuan Solomona chu, “Dil teh, eng nge ka pêk ang che?” a ti a. (Keini hi min ti ve ta se eng tak dil ang i maw?). Solomona, Israel mipui an tam lam pawh \iau vaivut zât zet (IIChroni 1:9) chunga lal khân inngaitlâwm tâwpin Pathian mite rorelsak turin theihna a neih lohzia hre rengin, a mamawh nia a hriat finna leh hriatna a dil a. Dil tur diktak Pathian hnênah a han thlen meuh chuan Pathian chuan a pe chiang hle mai. A dil loh thleng thlengin, a hnu leh hmalama lalte pawhin anla neih ngai rêng rêng loh tur sum leh pâite, hausaknate, chawimawinate zuk pe tel a maw le! Tunlâi \awng takin Bonus atân chuan pui ve rem rem tak chu a ni.

            Pathianin finna leh hriatna, sum leh pai leh hausakna a pêk, chawimawinaa a thuam lal Solomona chu a ropui nangiang mai le. I Lalte 10:23-ah chuan “Chutichuan, lal Solomona chuan khawvel lal zawng zawngte chu hausakah leh finah a khûm vek a.” tiin a ziak ngat a ni. Seba lalnu chuan Solomona finna leh hausak ropuizia a mit ngeia an hmuh chiah chuan, ‘a zâtve pawh min lo la hrilh lo anih hi’ ati thlâwt anih kha. Chumai pawh chu ala ni lo, amaha Pathianin finna a dah ngaithla tur ringawt khân khawvela mi zawng zawngte khân an rawn pan huai huai \hin, tiin I Lalte 10:24 a sawi hial a ni.

            Heti taka Pathianin finna leh hausakna a pêk hian nupui ringawt pawh lal fanu \hiau 700 leh hmei 300 a nei a. A nikhat ei ral pawh hi pui rem rem tak a ni. Chhangphut \ha chi - 5000 kgs, chhangphut narân - 10000 kgs, ran châwm thau - 10,  bawngpa rama tla \hin - 20, berâm - 100 leh a zat sawi lohin sakhi, sazuk, saza leh ar châwm thaute zuk ni hem mai a (Lehlinthar). Thuhriltu bûah phei chuan amah solomona ngêiin ‘Ka mit ît zâwng apiang ka hlah lo,’ tiin a sawi hial a ni. Tunlai hun thleng pawh hian mihring mahni mit ît zâwng apiang hlah lo hi an piang tawh a ngem?

             Khatih hunlai a Tangkaruate a hlut tehreng nên khân I Lalte bung sawmah chuan Solomona hunlai hian tangkaruate chu eng huah mah an ngai lo zuk ti a mawle! Temple leh ama in sakna atân rangkachak a hman hnem tehrêng nên, phaw siam nân ten a hmang a, a no zawng zawng kha rangkachak vek a ni a, Lebanon ngawpui a a in chhûng bungbelte phei chu avaiin rangkachak hlir hlaka siam vek a ni.

            Heti taka lal ropui, finna, hausakna leh chawimawina Pathianin a pêk. Lal dang zawng zawng a hmâa lo awm tawhte leh a hnûa lo awm tur zawng zawng pawh khûm vek tur khawpa Pathianin a thuam hi engtin nge Thuthlung thar lamah kan Lal Isua khan a sawi, i han thlir chhin teh ang.

            Chanchin tha Mathaia bung bung ruk tâwp lamah, Lal Isuan “Lungkham luat a sawt lo”, tih chungchâng a zirtirnaah hian tehkhinna atân he lal ropui tâwp hi a rawn thur chhuak nalh mai. A ropui teh lul nên, “Solomona meuh pawh a ropuina zawng zawnga a inthuam khân, hêng tuktinpar pakhat tluk pawh hian cheiin a awm lo” zuk ti mauh a mawle!!!!

HRISELNA HUANG

KÂNGDÂI / KÂNG DAMDAWI

A chanchin tlângpui: A kûng puitling hi dung chen vêl a ni tlângpui. Huan, in leh a vêl hung nân an hmang \hin. A kûng hi sah bun hmawk pawhin a thi mai lova, leia phun chuan a zung leh a hnahte rawn insiam \ha lehin a nung duh hle. A hnah balin emaw a kûng zai pemin emaw a hnâi rawng var alo chhuak \hin a, hei hi kâng damdawi \ha tak a ni.

Damdawia hman theihte: A hnâi leh a hnah.

Damdawia hmannate:

Ke hnuai leh ke zung\ang kâr nâ: A hnah leh chi tlêmte chhumna tuiin nitin vawi thum ke sil \hin tur.

Kâng: A hnâi hnawih a \ha.

KÂNG|EK

A chanchin tlângpui: Kâng\ek hi Mizorama thing lâr ber pawl a ni. Tuifinriat a\anga teh a 900mts vela sang thlengin a \ha thei a, India ramah chuan Jamu & Kashmir State-ah a tam deuh ber âwm e. Mizoramah chuan chîn lohvin khawi hmuah pawh a awm thei a, thingzai atân leh thingtuah atân an hmang \hin. A kûng puitling hi 25mts vêla sang a ni tlângpui a, hnah te tak tê tê a neih bâkah a pâr hi rawng var, eng deuh lampang a niin rim na tak a nei. Kâng\ek hi natna tam tak, a bîkin lung lam \ha lo tân damdawi \ha tak a ni.

Damdawia hman theihte: A pil, a hnah, a rah leh a zung.

Damdawia hmannate:

Tûr ei palh: A hnah rawt sawm diak 10gms leh Bawnghnute Ghee 10gms chawhpawlh a, nitin zing leh tlaiah, karkhat chhung ei tur a ni.

Hmeichhiat mipatna lama chak nân: A chhung mu rawt sawm diak 3gms leh Bawnghnute nitin zan mut dawnah in \hin tur.

Mit malh: A hnah rawt sawm tui sawr far hnih khat, karkhat chhung zing tin mitah thlawr \hin tur a ni. ‘emaw’

A hnah 25gms tui 200ml-in mei na vak lovah a chhumna tui 50ml anih thlengin chhuan kang a, 25ml zêlin khawizu tlêmte nên nitin vawi hnih in thin tur a ni. ‘emaw’

A hnah rawt diak 5gms leh bawnghnute Ghee 5gms chawhpawlh a, nitin vawi hnih ei tur a ni.

Ha hni puam: A pil chhumna tuiin vawi tam tak hrawk \huah tur a ni.

Lung \ha lo: A pil 50gms, tui 400ml in mei naa vak lovah a chhumna tui 50ml anih thlengin chhuan kang a, 25ml zelin khawizu tlem nen nitin zing leh tlaiah in \hin tur a ni. ‘emaw’

A pil phoro rawt dip 5gms, bawnghnute no khatin chhum a, no khat zelin nitin zing leh tlaiah in \hin tur. ‘emaw’

A pil 10gms leh midum pâr 10gms tui nokhat leh a chanve in chhum a, a chhumna tui chu no khat zelin nitin zing leh tlaiah in \hin tur a ni.

BIBLE  QUIZ  No.27

SAM 1-5

A kâr âwl dah khat rawh :

Q1. Chuvangin mi suaksualte chu rorêlna hmâah chuan an ding thei lovang a, Mi suaksualte pawh mi felte ___________________________ ding thei hek lo vang.

Q2.Thuruat chu ka hril dawn: LALPAN ka hnênah, “Nang zawng ka fapa i ni e;Vawiin_______________ che a ni.

Q3.Fapa chu fawp rawh u, chutilochuan a  thinur ang a, _______________________ dah ang em,A thin chu a thawk ___________________ a.Amaha an rinna nghat zawng zawngte chu an eng a thawl e.

Q4.Aw ka felna Pathian, ka koh hun che chuan mi chhâng ang che; Ka manganin ________________________ \hin a:Mi khawngaih la, ka \awng\aina hi mi ngaihthlâksak ang che.

Q5Aw LALPA, tho la; aw ka Pathian, mi chhandam rawh;Mi dotute zawng zawng chu an __________________________ si a; Mi suaksualte ha chu i tibal a

A bung leh châng dah rawh :

Q1.Mi suaksualte erawh chu chutiang an ni lo va;Buhsi thliin a lenbo ang hi an ni zawk.

Bung: ...............          Chang: ....................

Q2.Mi dil rawh, tichuan i rochan atân hnam tin ka pe ang chia,Kawlkil tawp thlengin i ro atân ka pe bawk ang che.

Bung: ................         Chang: ....................

Q3. Aw ka felna Pathian, ka koh hun che chuan mi chhâng ang che;Ka manganin nangin mi tithawveng thin a:

Bung: ................         Chang: ....................

Q4LALPA, mi dotute hi an va pung ta êm! Mi beitute hi tam tak an ni.

Bung ...................        Chang .....................

Q5.Aw LALPA, lo kir leh la, ka nunna chhanhim la: I ngilneihna avângin mi chhandam ang che.

Bung ....................        Chang .................

Hming : ......................................................

Section : .....................................................

BIBLE QUIZ  NO. 26 RESULT

Chhanna lut zawng zawng : 7

Chhang dik vek                       : 5

Lawmman dawngtu: Lalthlamuanpuii  (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

LAWRKHAWM

PAVALAI INKHAWM PROGRAMME

A hmun : Senior Hall

A hun    :11.7.2013 (Ninga zan)

Chairman  : Pu kamzawngliana

|antu     : Pu Rinngaihzuala

              Hla zira hun hman a ni ang.

E.ROLL THU THAR

            July 1-15, 2013 chhûngin MLA Electoral Roll siam \hat leh ennawn lehna hun hawn a ni a, hriat tur \ul zualte:

1. 1/1/2013 a kum 18 tling chin, E-Roll a la awm lo ten dil theih ani.

2. Roll a hming emaw pa hming emaw diklo te tih dik theih ani.

3.Hmun danga insawn duhte, hmun dang a\ang a rawn in sawn duhte tân dil theih a ni.

4.In thun thar tur ten thlalâk (Passport size) copy khat thil tel tur a ni.

5. Dîlna hi Pu Lalzama hnênah hun tiam chhungin theh luh tur a ni a, dilna form pawh a kawl nghal bawk. Tin, Roll thar ber pawh a kawl a, a duh apiang tân a en theih reng e.

TOP UP   TOP UP   TOP UP

AIRTEL,  AIRCEL, VODAFON  leh  BSNL-ah

            Engtiklai pawhin top up kan thun thei reng e.

In \hian

Pi Lalramnghaki

w/o

Pu Lalduhkima (Maduhtea) T.Sec

VAWIIN KHAWCHIN

A lum lai berin : 260C

A vawh lai berin : 220C

            Chawhma lamah 2mm, chawhnu lamah 4mm leh zân lamah 0mm (wheatherforcast.com).                           Accuwheather.com chuan chhun lamah 6mm leh zan lamah 1mm tla turin a sawi thung.

HRIATZAU NÂN

Mobile Tips

Mahni number hriat dan

1. Airtel *141*123#  or *121*9# call

2. Aircel *888# or *234*4# call

3. Reliance *1#

4. Videocon *1#

5. Docomo *1#

6. Idea *789#

7. Vodafone *555*0# or *111*2# dial la, balance enna leh phone no enna a ni.

Internet activate-na

1. Airtel SMS ‘FUN’ to 543210 or SMS ‘MO’ to 543210

Balance a\anga Internet pack cut dan

= *567# = `.10. *222*5# = `.5. Internet pack enna = *123*10# > call

2. BSNL SMS > ‘LIVE’ > 58355 or call 9400024365

3. Vodafone SMS ‘ VL’ 52586 & SMS ‘VMC’ to 52586 or SMS ‘ACT VL’ to 144 or SMS ‘ACT VMC’ to 144

4. Aircel SMS ‘PI’ to 121. Internet Pack Enna = *129#

5. Idea SMS ‘SET’ to 54671

6. Reliance SMS ALL’ to 55100 Balance endan = Mbal to 55333

7. BSNL Internet dilna = bsnllive. Hand set model number ziah tur.

8. Reliance Main balance atanga internet pack dilna = *123*005# (1 day Validity, 50Mb)

9. Airtel SMS pack enna *123*4#

10. Airtel Internet pack enna *123*10#

Caller tune tihtawp dan

1. Vodafone Send SMS of CAN CT to 144 (for prepaid). 111 (for postpaid)

2. Airtel Call 543211808 (Toll Free) or Send SMS ‘STOP’ to 543211

3. Aircel Type ‘UNDT’ send to 58273 (Toll Free)

4. Reliance Send SMS ‘UNSUBCT’ to 51234

5. BSNL Send SMS ‘BT DCT’ to 56700.

6. BSNL a hello tune paihna = *456*00# dial hnu ah Instruction lo sawi dan in tihtur.

7. Idea Send SMS ‘DT DEACT’ to 55456

8. Airtel Misscalled Alert tihtawp dan = *321*883#

9. Aircel dialer tune tihtawp dan = By SMS. Just SMS DT ACT to 53000

           

TUALCHHUNG

,Hana Ramdinsangi d/o Tommy Zirnuntluanga (V.Sec) chu damlohna avângin Aizawl Hospital-a enkawl anih hnûin alo chhuak.

,Pu Lalrinmawia h/o Lalchhingpuii (T.Sec) te chuan khawi ilo vah vêl nân Taxi (Maruti Van) an lei thar.

,Pu Lalzuitluanga h/o Rozami (T.Sec) te chuan khawi ilo vah vêl nân Scooty (Rodeo) thar an lei.

BRICK  BRICK  BRICK

            Brick (No.1) pakhat `.9/- in kan phurh sak thei e.

H.LALLIANTLUANGA

9862516588

HRIATZAU NÂN

MOBILE PHONE HMANGA HRIAT THEIH

            SMS hmanga fitness chungchâng hre duh chuan hetiang hian Mobile Phone number 9212357123-ah thawn tur a ni: VAHAN MZ FIT MZO1D1234.

Road Tax chungchâng hre duh chuan: VAHAN MZ TAX MZOID1234.

Driving License leh Motor Registration chungchang hrechiang duh chuan https://vahan.nic.in/ ah tlawh theih a ni bawk.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300