Mipui Aw 9.6.2013

MIPUI AW

KARTIN CHHUAK

Vol. XIX Issue No. 23 Kristian Thalai  Pawl  Saikhamakawn Branch  Pathianni Dt.9.6.2013

VAWIIN CHÂNG VAWN

            Bumin awm suh u; Pathian chu hmuhsit zia a ni lo ve; miin a theh apiang, chu mi vêk chu a seng bawk dawn si a; Mahni tisa lama thehtu chuan tisaa mi chhiatna a seng ang a; Thlarau lama thehtu erawh chuan Thlarauva mi chatuana nunna a seng dawn a ni. Tichuan thil \ha tih i ning suh ang u; kan inthlahdah loh zawngin a hun takah chuan kan seng dawn si a. Chutichuan remchâng hun kan neihzia ang zêlin mi zawng zawng chungah thil \ha i ti ang u, rinna chhûngte zing ami chungah i ti deuh ber ang u.

KOHHRAN  PROGRAMME

9. 6. 2013 (Pathianni)

S.S. Inkhawm

|antu           : Pi F. Lalrinkimi

Chawhnu Inkhawm

Thuhriltu    : Upa Lalzuiliana

Zân Inkhawm

Thuhriltu    : Upa Lalrindika

KTP PROGRAMME

 Dt. 10. 6. 2013 (Thawh\an zan)

Neihthil  Thehkhawm

A hmun          : S.S. Hall

Hruaitu           : Tv. R. Lalzamlova

|antu              : Tv. Vanlalhmangaihzuala

May thla chhûnga hla hruaitu leh

musician turte

Hla hruaitu    : Nl. Brigittee Zonunmawii

turte                  Tv. Abraham Lalnunthara

Musician         : Upa Lallawmchhunga

KOHHRAN  HMEICHHIA (11. 6. 2013)

Kristian chhungkaw pual (Biak Inah)

Hruaitu           : Pi Sanghluni

|antu              : Pi Dardingliani

           

           

SERMON

KHAWNGAIHNA...

            Rinna avanga khawngaihna a chhandam in ni, nangmahni thawhchhuah a ni lova Pathian thil pek a ni, thiltih avang a ni love chutilochuan miin a chhuang dah ang e.                             Ephesi 2:9

            Khawngaihna tih chu kan hre \heuh âwm e, mi chanhaite leh khawngaihthlâkte, mahni dinhmun hniamzia leh mi ang kan ni ve lo a ni tih inhre tak mite hi keini mihringte chuan kan khawngaih \hin. Mahse eng anga rethei leh khawngaihthlâk pawh nise an dinhmun lo ang taka awm tlat mite, chapo ve êm êm mai mi an nih chuan khawngaih an hlawh lo fo \hin.

            Mihring rilru lam a\anga tehnaah chuan khawngaih âwm mi an awm fo a, dinhmun inang \heuhah pawh khawngaih hlawh an awm fo \hin, mahse kan Pathian chuan mihringte thlir angin a thlir ve lo. A duh loh zâwng ti ngar ngar mai, mi bawlhhlawh leh  Amah Pathian ngaihsak ngai rêng rêng lo, a duh loh zâwng  hlir a awm \hin mihringte min khawngaih tlat mai hi a mak a, a hlu bawk a ni. Sam14:3 chuan ‘Tumah thil \ha ti rêng an awm lo, Pakhat tê mah an awm lo’ a lo ti hial a ni. Pathian duhloh zâwng lama pêng ta vek leh mi bawlhhlawh mihringte kan ni. Mahse Pathian chuan a khawngaihna chu lantirin a thlâwnin Lal Isua Finnate, Felnate, Thianghlimnate leh kan sual laka Tlanna atân min lo pe ta zawk a (I Kornt1:30).  Lal Isua nihna zawng zawng chu Pathianin min khawngaih avângin kan nihnaah min lo pawm sak ta a ni.

            Lei leh van siamtu leh thilnung zawng zawng chunga thuneitu, engkim a bul leh a tawp ni bawk kan Pathian hian a khawngaihna avânga a chhandam mihringte hi a tâna rawngbawl turin min thlang a, a ropui hle mai. Mihringte dinhmun lam en chuan tumah tling zo rêng rêng kan awm lo, mahni lam in en chuan thianghlim lo, fello, rinna neilo suala khat mihring vek kan ni, nimahsela Pathianin a khawngaihna avangin Krista zârah tlingah min ruat a, chuvanga rawngbawl hna chelh thei mai kan ni. Hemi vang tak hian kan tlinglo chung min thlang tu leh a fapa Krista zâra tlinga min ruatu Pathian tân kan theihna zawng zawng in Atân kan thawh ve a \ul tak meuh meuh a ni.

            Fel vangte, tlin vangte thianghlim vangte a vanram kâi tur leh rawngbawltu ni tumah kan awm lova, kan nihna ni miahlo Isua Krista nihna zawk chu Pathianin min khawngaih avangin kan nihnaah min pawmsak avânga tling leh rawngbawl hnâ thawk thei mai chauh kan ni tih i hria ang u.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

HMASÂWNNA

            Ngâi i awh loh chuan hmâ i sâwn miah lo tihna a ni a, chumai nilovin ngâi i awh pawhin hmâ i sawn tihna a ni thei chuang lovang. Nausên pianghlim kan nih a\anga kan thih ni thleng hian inzir reng kan ni an ti \hin. Kan nitin nunah hian engemaw tal hi nikhat emaw karkhat emaw talah hian kan thiam belh ve reng tihna a ni. Chuti anih loh chuan mâwl tulh tulh emaw hraitna tlêm tulh tulh emaw kan ni thuai dawn tihna a lo ni.

            Pathianni kaltâah pawh khân Hlimen Pastor Bial K|P Meet kan hmang zo anih kha, khâng hunahte pawh khân kan tihfel loh lâi emaw kan chêt fel lohna emaw alo awm anih chuan kan thlen chin a\anga hmâ sâwn zêl tur kan nih inhre reng chungin mahni indem vak vak emaw midang dem vak vak emaw tawh lovin mahni \heuhah hmasâwn tum tlat ila, hun lo la awm tur leh hma lama thilte ngaihtuah chung zêlin kan tih dik lohte, kan chêtsualna engemaw lo awm \hin chu hnual nâna hmang mai lovin leh bânsan a, tih tawh loh tum mai lovin inzir nân leh hmasâwn zêl nân i hmang hrâm hrâm ang u. Kan thlen chin chin a\ang hian hmâ i sâwn zêl ang u.

ARTICLE

ENG KAWNG NGE?

            Vâr\ianah ka tho a,  ka mamawh tur zan lama ka peih fel vek tawh chu ka en kual leh that that a. Thingpuisenhâng in zawha kal mai chu ka duh a. Ka chhûngte pawh chuan min thlah tumin an rawn tho chhuak ve hlawm bawk a. Ka mamawh leh ka tla tawk tur chu alo \hahnem ve fê mai lehnghal a. Ipte lian mangkheng puar luah khawpa bek muk chu patling tân pawh a rit ngei mai. Ka kawng zawh tur lam chu ka ngaihtuah a, a thui nangiang mai lehnghal a. Khawvar chian hma deuh chuan Hmehên(Torchlight) \ha tâwk tak nên chuan kan in leh ka chhûngte chu ka chhuahsan ta a. Lung chu a lêng ve duh phian mai, mahse ka kal na tur lam chuan min hneh a, ka kal châkna chuan min thunun tlat zawk avangin lunglên vânga kir leh chu hnaisailo tak a ni ringawt mai.

            Chhaktiangah ni a lo chhuak a, a mawi hle mai. Rilru a ti hlim a. Ka phur êm avâng chuan hah pawh hre lovin ka kal nghat nghat mai. Nisa tih tham ala nih loh avâng nge a boruak a nawm êm vâng, zing thlifîm chuan min rawn chhêm heuh heuh a, ka mur sung sung hial a. A vawt lova, a lum hek lo. A  nuam thlawt a ni. Ka sawi tâk ang khân ka phûr hle ringawt mai a ni.

            Tuk\huan ei a lo hun a, tui takin ka eitur pâite chuan ka in hnawhpuar a. Fehrehsân alo ni leh a, ni pawh a tlângsâng tawh fû mai. Khua chu a \ha nangiang lehnghâl. Chhûm hmuh tur a awm lova, sava han thlâwk a; han chiar nak nak pawh zing lam ang kha chuan hriat tur a awm tawh lo. Ni alo tlângsâng zêl a, nisâ leh \hal khaw ro rum tak chuan min ti châu \an ta hle mai a. Ka tui hâl lutuk chu ka tui pâi tlêm chu kan in sek a, dangro zualpui chu a fah ve deuh. A châng leh nisa lutuk avâng chuan ka tlu leh khut \hin a. Kan in nuam tak a hâw leh te ka châk rum rum ta mai. Ka phûrna a reh zo vek a, mihringin hrehawm a tih ang hi chu ka tuar vek niin ka inhria. Ka kawng zawh chu zawh tluan loh mai ka châk ta. Mahse mipa in ka tih tawh chu ka ti tlang ang, thih leh thih tiin tumruh leh inti chhel chawpin ka kal leh ta bauh bauh a. A chhuk chho phian lehnghal.

            Zân alo ni a, thim thuneihna lalpa chuan a tirkohte rawn tirin kawng hrang hrangin kîr leh tîr min tum niâwm fahran hian, thâwm mak pui pui a rawn chhuah a. Ka hlauin ka kimki nangiang mai. Mahse he zân hunah tak hian huaisenna a pawimawh hle mai. Huaisenna nên ka êng neih chhun chu kengin ka hmalam chu ka pan zêl a. Hlau chung chunga zawh zel chu ni ila chuan ka kir leh ngei ang. Nimahsela huaisenna avâng chauhin chu zân râpthlâktak chu ka paltlang ve leh ta hrâm a ni.

            Chumi thu ka sawi mêk lai chuan ka dinglam a mi chuan “Engkawng nge i zawh a?” tiin mi rawn zawt a. Keichuan “Ele, Hlawhtlinna kawng mawle. Kan tum ram thleng tura hlawhtling na kawng a nih hi ka sawi” tiin ka chhang a. Zing lamah khi chuan boruak a nuamin ka la phur êm êm a, kal pawh ala nuam hle a. Hun alo kal deuh a, ni alo tlângsânga chumi hunah chuan tawrhchhelnate, tih hrâm hrâm peihnate a ngai \an a, kir leh châkna hial pawh a awm nasa  \hin. Zân hun alo thleng leh a chutah chuan mite hlawhchhamna avânga dâwih mai lovin huaisenna nên kal alo ngai leh \hin. Heng zawng zawng hi paltlang lo chuan hlawhtlinna hi a awm tak tak theilo a ni tih hi hriat a \ha, tiin ka sawi chhunzawm a.

FÛR KHUA LEH KAWNGPUI

- Mr.JeJe.

            Fûrkhua leh Worldbank hnuaia thawktu Company-te leh vêngchhûng mipui \anrualna rilru leh thinlung alo lang nghal a, chumi rual chuan kawngah \hahnem ngaih a \ul zia leh kawng \ha neih a \ul zia leh hlut zia alo lang leh uaih uaih mai.

            Fûr khua alo thlen hian kawngpui a \hat lâia kan sûlhnu kawng neitu ten kan tih âwm loh tak tak kan tih ni si result alo lang chho dawn ta, a pawi hnûa inchhir leh harchhuah hian, ‘tlâi luatte hian pawina a nei’ tih hla min hriatchhuah tir \hin.

            Engpawh nise, kan kawngpui enkawl dânah hian kan lungawi em? Mahni kawt Cement zût mâma rod chhu phallo tur leh cubic bun phallo ngêi ngêite pawh hian kawngpuiah dîm lo baksakin hetiang hian kan ti miau \hin sia le, thlarau hmuh theih loh chauh ni lo kan khawsak phungah hian pian nawnna emaw, hmasawnna kan mamawh chiang a ni lawm ni?

            Kawngpui mai nilo, inkalpawhna kan neih chhun chhunte hi kan enkawl dân hi a fahrah deuh em aw? Engemaw avânga lo hmêlhem hlek alo awm anih pawhin kan en liam mai a, sawrkar repair turin kan beisei tlat a, sum sên tam ngai lêm lo Cement 5kg vêla siam \hat theih maiah pawh a chhiat kan nghâk \hak duh zêl hi ringtute kalkawng tur leh khua leh tui \ha awmdân tur a ni angem le?

            Engpawh nise, kan harsatna tam tak hi keimahni insiamchawp a ni ve bawk a, Sim tur kan nei tlâng anih chuan i sim ang u khai. ram changkâng zia lo lang ve hret hret se; kan tuchhuan engmaw ah chuan ram nuam kan siam mai dawn asin.

            Ram leh kawng hi i tân a ni a, keini hi ram leh kawng tân kan ni asin.

HRISELNA HUANG

HNAHCHHAH

A chanchin tlângpui: Hnahchhah hi hnim tuihnâng ngah tak a ni a. A hnah hi ama phû tâwkah a chhah êm avangin ‘hnahchhah’ tih hi a hmingah a pu ta a ni.

Damdawia hman theihte: A hnah.

Damdawia hmannate:

Hliam a\anga thisen chhuak tihreh nân: A hnah tui sawr hliamah hnawih a \ha.

Kala lungte awm: A hnah tui sawr 5ml leh butter 10gms chawhpawlha nitin vawi thum, a dam thlengin ei \hin tur a ni.

Kaw\ha lo leh Santên: A hnah tui sawr 5ml leh butter 10gms chawhpawlha nitin vawi thum ei tur.

Rannung seh, vûng, hliam: A hnah meiah hem luma bel a \ha.

BIBLE  QUIZ  No.23

JOBA  BUNG 21 - 25

A kâr âwl dah khat rawh :

Q1. Keia phunnawina hi mihring chungah êm ni?  Dawhthei rual ka ni êm  ni? Mi en ula, mak ti ula, kutin _______________ hup rawh u.

Q2. Amah i tih nân êm ni a zilh che a, rorêlnaa a luhpui che? I suahsualna a nasa a ni lo maw? I khawlohnain tawp ________________ a nei hek lo.

Q3. Ka thu chu ahmaah ka thlena ng a, Ka ka tanfungin a khat ang. A mi chhanna tûr thute ka hre duh a, ka hnêna a sawi tûr chu hriat ______________ ka duh.

Q4. Tlachhamte kawng an botir a, Leia retheite an  biru a.Ngai teh, thlalêra ram sabengtungte angin Taima taka ei tûr zawngin an _______________ an va thawk a, An fate tan thlalerin chaw a tum a,

Q5. Ngai teh, thla meuh pawh khian enna a nei nem, Arsite pawh a mithmuhah chuan a thianghlim lo. Mihring lek phei chu e, thil lung mai a ni! Mihring fapa chu __________________ mai a ni.

A bung leh châng dah rawh :

Q1.An chi thlahte chu an henah an mithmuhah a tinghet a, An rila rahte chu an hmai hmaah.

Bung: ...............          Chang: ....................

Q2.Chaute hnênah tui in tûr i pe lo va, Riltamte tan chaw i ui a.

Bung: ................         Chang: ....................

Q3.A thiltihtheihna ropui chuan mi khing dawn êm ni? Hnai lo ve, mi bengkhawn zawk ang.

.Bung: ................         Chang: ....................

Q4.I suahsualna a nasa a ni lo maw? I khawlohnain tawp reng a nei hek lo.

Bung ...................        Chang .....................

Q5. Engtin nge Pathian hmaah mi a fel theih ang le? Engtin nge hmeichhe hrin a thianghlim theih ang?

Bung ....................        Chang .................

Hming : ......................................................

Section : .....................................................

BIBLE QUIZ  NO. 22 RESULT

Chhanna lut zawng zawng : 5

Chhang dik vek                       : 5

Lawmman dawngtu     :  Laldampuii (V.sec)

,           Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun     : Vestry

A hun         :13. 6. 2013 (Ninga zan)

Chairman  : Pu VL Zidinga Sailo

|antu         : Pu Ramdinthara

                  |awng\ai rual leh hla zira hun hman tur a ni.

Vawiin tlâi Fellowship

A hmun: Pu R. Lalsangliana In

Hruaitu: Pu Kâmzawngliana

HLIMEN PASTOR BIAL K|P MEET

HMAN ZAWH A NI

            Hlimen Pastor Bial K|P Meet chu 1st&2ndJune, 2013 khân Pathian hruaina a zârah tluang taka hman zawh niin, Thupui sawitu hrang hrang ten an sawi \hain Kohhran hrang hrang zaipawlte an zai \ha hle, tin, item hrang hrang neite pawhin an ti \ha hle bawk. Meet tluang taka min hruai thlengtu Pathian hnênah lawmthu i sawi ang u.

K|P HRIATTIRNA

            K|P Bial Meet hman zawh tâka thlalâk duh tân Media Cell Covener Tv.F.Laldingliana hnênah a copy/hawh theih a, a duh tân ngaihven theih a ni e.

Sd/-

(F.LALDINGLIANA)

Covener

Media Cell, K|P

Saikhamakawn Branch

VAWIIN KHAWCHIN

A lum lai berin : 270C

A vawh lai berin : 230C

            Chawhma lamah 0mm, chawhnu lamah 5mm leh zân lamah 6mm (wheatherforcast.com).                           Accuwheather.com chuan chhun lamah 15mm leh zan lamah 1mm tla turin a sawi thung.

LAWMTHU SAWINA

                Kan hriat \heuh angin kan Bus-in vêngchhûngah pawi nasa tak a khawih anih kha. Kei ni chuan kha ti taka mi pawi kan khawih kha pawi kan tiin kan zak êm êm a ni. Mahse, lawmthu sawina tur tam tak kan nei a ni.

                Vêngchhûnga kan pawikhawihna ten keimahni min lainat lêt zawk chunga hnu leh awm miah lo tura min ngaidam thei kha kan lawm hle a ni. Tin, mahni lirthei a hliamte dawmdawiin lama tlâwmngai taka lo phurtute, thenfâi hmasak ngâi leh tih fel ngâite \ha taka min lo tihfel saktute leh thâ lo tawhtute zawng zawng chungah lawmthu kan sawi tak meuh meuh a ni. Chumai nilovin Traffic Office thlenga min \awiâwmtute chungah kan lawm hle a ni.

                Tin, zing \awng\ainaahte leh kan in lama \awng\aina rawn hmangtute leh kan in leh lova min tuarpuitute zawng zawng chungah kan lawm hle bawk a ni. Kan Conductor, a khalhtu chungah pawh vêngchhûng mipuiin zah min ngaih sak hrâm hrâm avangin kan lawm hle bawk a ni.

                Min ngaidamtute leh kan chunga \hat chhuahtute zawng zawng chungah keini chhungkua chuan lawmthu kan sawi tak meuh a ni.

Inkhawngaihna dawntu,

C.Lalengzama te chhungkua

HRIATZAU NÂN

1.Duh zâwng zalên taka sawi theihna (Right to freedom of speech and expression)

2.Râlthuam lek lova thlamuang taka in hmuhkhawm (Right to assemble peaceable and without arms)

3.Pawl din theihna/phalna(Right to form associations or unions)

4.India ram khawi hmun ah pawh zalên taka kal vel theihna (Freedom of Movement)

5.India ram khawiah pawh awm hmun benbel theihna (Freedom of residence and settlement)

6.Eizawnna, eng hnâ pawh thawh theihna (Freedom of Profession, Occupation, Trade and Bussiness)

TUALCHHUNG

, Pu C.Lalmuanpuia h/o Zoliansangi (T.Sec) chu Typhoid natna avangin Synod Hospital-ah enkawl mêk a ni.

THLAI |IAK DUH TÂN

Serthlum        : 3ft. a sei -`.35/-

Nimbu                        :1-2ft. a sei -`.25/-

            Kuhva \iak pawh a awm e.

Lalvena : 8974769882

Melthum

MIPUITE  HRIATTIRNA

1. Laipuitlang leh Ramhlun Venglai chhiattawk \anpui nana vengchhunga Y.M.A ten vehbur kan rawn khawn tlingkhawm kha `.28680/- a ni a. Thawhlawm thawhte zawng zawng chungah Saikhamakawn Br. Y.M.A chuan lawmthu a sawi tak meuh meuh a ni.

2. Ni 15. 6. 2013 (Inrinni) hi Y.M.A day a ni a, keini branch pawhin nilênga hun hlimawm tak hmang turin Branch Committee chuan a rêl a, Programme pawh hetiang hian a siam a ni:

1. Lengkawm zâi intihsiak Section tin a\angin.

2. Cheraw, section tin a\angin.

3. In bawlvawm.

4. Volley Ball.

5. Inkawibah.

Sd/-

(K.LALHULIANA)

Secretary

YMA, Saikhamakawn Branch

NGAIHDAM DILNA

            Mipui Aw Issue No.22 a ‘Pu Laldanzira h/o Rohlupuii (Ch.Sec) te chuan khawi ilo vah vêl nân Maruti 800 (Taxi) an lei thar’ tih kha tih sual palh a ni a, news dawnna fuh loh vâng a ni e. Tihsual palhah ngaihdam kan dil e.         -Editor.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 2.6.2013

MIPUI AW

KARTIN CHHUAK

Vol. XIX Issue No. 22 Kristian Thalai  Pawl  Saikhamakawn Branch  Pathianni Dt.2.6.2013

VAWIIN CHÂNG VAWN

            “Lei chi in ni e; nimahsela chi hi a dâk tawh chuan engin nge an ti al leh ang? ‘chuta chinah chuan paih chhuah a, mihringte rah mai mai chauhvah lo chuan eng atân mah a tlâktlâi lo.                                  -Matthaia 5:13

KOHHRAN  PROGRAMME

2.6. 2013 (Pathianni)

            Vawiin Hlimen Pastor Bial K|P Meet a awm vângin vawiin Sunday School Inkhawm a awm lovang.

K|P PROGRAMME

 Dt. 3. 4. 13 (Thawh\an zân)

Short Sermon  Inkhawm

Hruaitu           : Tv. F.Laldingliana

|antu              : Tv. Jeremy Lalhruaitluanga

Thusawitu      : Tv. C.Lallawmzuala

turte                : Tv. Lalhmangaihzuala

Thilpek lakh- : Nl. Pinky Lalparmawii

âwmtu turte   : Nl. Melody Lalkrosmawii

March thla chhûnga hla hruaitu leh

musician turte

Hla hruaitu    : Tv. Abraham Lalnunthara

turte                  Nl. Brigette Zonunmawii

Musician         : Upa Lallawmchhunga

FELLOWSHIP  PROGRAMME

            Hlimen Pastor Bial K|P Meet a awm avângin chawhnu Felloship hranpâ a awm lovang.

KOHHRAN  HMEICHHE PROGRAMME

Dt. 4. 6. 2013 (Thawhleh zân)

RAMTHIM  ZIN

A hmun          : S.S. Hall

Hruaitu           : Pi Ropari

|antu              : Pi Rinliani

           

           

SERMON

HMANGAIHNA

            Khawvel hi hmangaih suh ula, khawvela thil awmte pawh hi hmangaih hek suh u. Mi tu pawhin khawvel hi a hmangaih chuan Pa a hmangaihna amahah a awm lo.

-Johana 2:15

            Pathian chu thil hmun thei loh; khawvel siam tirh atâ fiah taka hmuhin a awm a, thil siamah chuan a lang a ni (Rom 1:20). Chuvangchuan Pathian hi eng ang chenin nge kan kan hmangaih? tih a thil siam mihringte a\angin fiah takin hmuh kan tum dawn a ni.

            A hmasain mihring tungchhova kal tawh phawt chuan hmangaih kan nei \heuh tawh awm e. Nula tân chuan i tlangval hmangaih, tlangval tân i nula hmangaih, nu leh pa tân kan kawppui emaw, kan hmangaih tu emaw pawh a ni thei, kan nulât lâi; kan tlangval lâia kan hmangaihahte khân a chiang zawk awm e.

            Chutichuan, kan hmangaihte chu kan ngâi \hin a, kan thlahlel ngawih ngawih a, an bula awm kan châkin kan duh \hin a ni.Hmêl hmâi hmuh theih lohah pawh phone talin kan bia a, rei tak tak inbiak pawn kan ning lova, nuam kan ti zawk a, kan hlim \hin a ni. Hetiang chiah hian Pathian chu i ngai em? A bula awm i thlahlelin biak i châk ngâi em le? Pathian biak inkhawm, Pathian nêna lendun a thlahlel \hin em?

            I hmangaih tak maiin a hmangaih lêt ve kha nuam i ti \hin ti raw…? A hmangaih lêt ve loh che a i rilru awm awmdân pawh i hria, chutiang chiah chuan Pathian chu hmangaihna a khat Pathian a ni a, a hmangaih che a, i vahbosan lâi, i hmangaih lêt ve loh lâi khân a rilru i ti hrehawm \hin a, nang nunna tuikhur kalsantu kha ilo kir nghâkin a thlir reng che a ni.

            I hmangaih lakah chuan i rilru, i thinlung leh ngaihtuahna i pe nasa êm êm \hin.A \hente phei chu kan lehkha zirlaite a tibuai a, kan ngaihtuahnaah a awm reng a, kan thinlungah hmun a chang lian em em \hin a, rilru berah kan nei \hin a ni. Lalpa hian a i rilru a luah ve em? I ngaihtuahna a chang ve em le?

            Kan hmangaih tak takte tân chuan kan rilru mai pawh ni lo, kan taksa ngei pawh kan hlan phal \hin a ni lawm ni…? Tunah i taksa kha Lalpa tan i pe phal ve dawn em? Min hmangihtu chuan a taksa pawh a rawn pe phal asin. Pathian hi i hmangaih tak tak anih chuan i rilru leh taksa kha i pe phal tur a ni dawn lawm ni? Lalpa hi ilo hmangaih tak tak em? I ngaihzawng tluk pawhin ilo dah lo ang tih a hlauhawm kawp mai. Mahni \heuh hi i inchhûtin i inenfiah \hin ang u.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

FIMKHURNA

            Mihring kan nih chhûng hian tuman kan hmalam hun kan hre lova, vanduaina leh harsatna kan chungah enge lo thleng dawn? tih pawh hre lova nitin nun hmang liam kan ni. Chuvangchuan kan nitin nunah hian kan phâk ang tâwk tâwkah leh kan theih chin chinah hian i fimkhur hrâm hrâm \hin ang u. Entirnan, khâwl thil ang chi; TV Washing Machine, Computer, adt. ang chi te pawh hmang lova kan kalsan dawn anih chuan ruah lo sur thut \ek tla laka kan him theih nân switch off mai bâkah plug hi phawi hrâm hrâm zêl ila. Tin, lirthei khalh chungchângah pawh hian kan lo hmanhmawh deuh anih pawhin kan control zawh tâwk a chakin; khawilâi emaw a\angin naupang lo tlânchhuak thut emaw engemaw vangin din thut lo ngâi ta pawh nise ding thut thei tura in hisâpin khalh hrâm hrâm \hin ila. Tin, kan che zia leh kan \awngkam hman thleng pawh hian mi tina zâwng leh mi tâna huatthlalaawm zâwng lakah pawh fimkhur ila. Hêng a chunga kan sawi bâkah hian kan nitin nun hmanah hian chhiatna leh vanduaina engemaw chenah kan pumpelh theih nân i fimkhur hrâm hrâm \hin ang u.

ARTICLE

ZAHAWMNA  HI

- P.C.Hriata

            Zahawm han tih chuan a kawh ber chu, vantlâng nun aia chungnung deuh, mite pawhin an fiam bawrh bawrh ngam loh, kawng engkimah ti ila kan sawi sual deuh mai thei e, mi nâwlpui in tlukloh en a en deuh te hi mi zahawm anga kan ngaih chu an ni âwm e. A dik chiah mai, ei leh bar leh chhungkaw enkawlna chungchângah pawh mi vantlâng aiin an chungnun a, an nunah midang te zah an kai miau chuan mi zahawm chu an ni chiah rêng mai. Amaherawhchu hemi tlâng a\ang ringawt a\anga thlir chuan a dik ber lo thei a, tin, mi zahawm tia han sawi fak tur pawh an vâng viau ta ve ang le. Eng a\ang chiahin nge zahawmna hi kan teh anga, eng tehfung nge kan chelek ber ang tih hi hriatfuh a ngai a, chumi kan hriatfuh chuan mi zahawm hi kan awm fur mai awm asin.

            Pathianin mihring min siam dan han ngaihtuah a, beng sika han chhut vang vang chuan tupawh mai hi kan in angkhat tlang put mai awm e. Mihring ten zahawmna kan teh dan leh tehfunga kan hman tlanglâwn ber han thlir dawn ila. Khawtlâng leh ram ang pawha mi zahkaite chu thiamna sang tak neite, sum leh paia hausa te, sawrkar lu leh sawrkar hnathawk lian te hi a tlângpui chuan zah chu an kai hle a, a dik pawh a dik chiah rêng a ni. Amaherawhchu kha dinhmuna a din avânga zah kai an nih si chuan, kha an dinhmun chiah ah khan mirethei berh tak leh daikil kâra mi; vantlâng leh khawtlâng ang pawha kan zah vak lo te kha han awm ve ta se, thawklehkhatah zah an kai nghal ngei ang le. He tehfung hmang thin tute chuan mihring zahawmna lam chu an hre hauh lo ti       an ni ang tho a thawkrim leh bei nasa, engemaw harsatna vânga thlengphak ve theilo te erawh chu vaivut pal khû k ang mai mai a pal zut theih dinhmunah an ding ve thei lawi si. Thawhrim dan leh hah dan inang theuh theuh vanduai vang maiin khawtlang zah a kai pha dawn ta lo, a pamhmai deuh lo maw le.

            Nihna leh thiamna tehfung atanga zahawmna kan teh \hin a nih chuan thil diklo tak a awm thei dawn niin a lang. Heng tehfung kan sawi tak zawng zawng hi awmlo ta vek sela chuan tupawh hi ang khat vek kan ni ngei ang. Pathianin mihringte hi Thlarau nei leh Ama anpui ngeia siamte kan ni vek a, hei vâng hian mihring reng reng hian hlutna leh zahawmna in angkhat tlâng vek kan nei, chu chu kan sawi tak ang khian Pathian anpui vek kan nihna hi a ni, hemi a\ang hian mihringte hi indawrin inzahthiam zawk ta ila; chu chuan kan nun hona pawh a ti nuam zawk ngei ang. Zahawmna hi  nihna a\anga teh chu ni mahsela, Pathianin min siam dan leh a bul thûm a\anga ngaihtuah chuan zahawmna kan neih hi a inangkhat tlâng a ni mai lo maw?

HRISELNA HUANG

HLONUAR

A chanchin tlângpui: Hlonuar hi hnim chikhat hling ngah tak, hnah sîn te te nei a ni a, bit takin leiah a \o \hin. Kuta khawih emaw thil dangin emaw a tih chêt rêng rêngin a vuai nghal sun \hin a, rei vak lovah a awmdân pangaiin a rawn awm leh mai \hin. Thil huat neih vânga vun natna lo awm \hin (eg. vawmbal) leh thawhah damdawi \ha tak a ni. Hlonuar hi Mizoramah a tam hle. Chi hnih - a lian chi leh a te chi a awm a, a te chi hi damdawi \ha tak anih lâiin a lian chi erawh chu tûr hlauhawm tak a ni.

Damdawia hman theihte: A kûng pumpui a zungte nên.

Damdawia hmanna te:

Naupang thawhah: A hnah rawtsawm tui sawr 5 - 10ml leh coconut rah no chhûnga tui 30ml chawhpawlh a, nikhatah vawi khat zêl nihnih chhûng in tur. He damdawi in a\anga darkar hnih hnû vêlah thawhah a ti ziaawm huai thei, ni hnih hnûah phei chuan a reh hmiah thei.

Kala lungte awm: A kûng 25gms tui 200ml in mei navak lovah 50ml anih thlengin chhum kang a, 25ml zêlin nitin zîng leh tlâiah in tur. Naupang erawh chu puitling dose chanve 12ml zêlin pêk tur a ni.

Thil huat neih vânga vun natna/thak: A kûng 25gms tui 200ml in mei na vak lovah 50ml anih thlengin chuan kang a, 25ml zêlin nikhatah vawi hnih in tur, a theih chuan khawizu thirfiante khat ei tel a \ha.

Lu nâ: A hnah rawtsawm diak a, chalah bel a \ha.

Hliam, pân: A hnah tui tel lovin râwt diak a, hliam/pânah bel a \ha.

Zunthlum, taksa chak nân, hriatna thazâm tih chak nân: A kûng phoro râwt dip 5gms leh bawnghnute no khat chawhpawlh a nitin in tur.

emaw

A kûng phoro râwt dip 5gms leh khawizo 5ml chawhpawlh a, nikhatah vawi hnih ei tur, taksa a ti chakin hmeichhiat mipatna lamah chakna a pe thei.

Ruhseh: A hnah densawm leh rock salt inzâtin chawhpawlh a, ruh na lâiah bel tur.

BIBLE  QUIZ  No.22

JOBA  BUNG 16 - 20

A kâr âwl dah khat rawh :

Q1. Ka ni ang hi ni ula chuan In chungah thu ka _______________________ khâwm chiam thei ang a, Lu ka thin khum thei ang che u.

Q2.  Hriat thiamna lakah an thinlung i thup a; Chuvangin, anni zawng i chawisâng _________________.

Q3. Nang mahni thinurnaa intai thlêrtu, Nangmah avângin lei kalsan a ni dawn êm ni? Lungpui pawh a hmun ata ___________________ a ni dawn êm ni?

Q4. Dik lo pawh ni ta ila, Ka dik lohna chu keimahah ka pai ang.

Q5. Hmasâng ata leia mihring awm achin, Hei hi i ____________________lo vem ni?

A bung leh châng dah rawh :

Q1.Sawi mah ila, ka lungngaihna a dai lo va, Ngawi mah ila, eng nge ka naw chuan na?

Bung: ...............          Chang: ....................

Q2.Lungngaih vangin ka mit pawh a thim a, Ka bung zawng zawng hi hlimthla ang a lo ni ta.

Bung: ................         Chang: ....................

Q3.Ama ke ngeiin lenah a paih lut a, Hum chungah a kal a.

.Bung: ................         Chang: ....................

Q4.Ka ropuina mi hlihsak a, Ka lua lallukhum chu a la a.

Bung ...................        Chang .....................

Q5. A faten mi hretheite khawngaihna an dil ang a, A kutin a sum leh pai chu a theh kir ang.

Bung ....................        Chang .................

Hming : ......................................................

Section : .....................................................

BIBLE QUIZ  NO. 21 RESULT

Chhanna lut zawng zawng : 8

Chhang dik vek                       : 8

Lawmman dawngtu     : Golda (V.sec)

,           Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu VL Zidinga Sailo In

A hun       :6. 6. 2013 (Ninga zan)

Chairman : Pu TK Manga

|antu        : Pu Lalmuankima

                  |awng\ai rual leh hla zira hun hman tur a ni.

K|P HNATLÂNG NEI

            Ni 30.5.2013 (Ningani) leh 1.6.2013 (Inrinni) khân Hlimen Pastor Bial K|P Meet thlen tur inbuatsaihin nilêng hnatlâng neih a ni a, member te an thawkchhuak \ha hle. Member thawkchhuak zawng zawngte chungah Branch Committee chuan lawmthu a sawi e.

HRIATTIRNA

            Saikhamakawn Branch YMA chuan sum tuak nân member tinah hmunphiah pakhat \heuh a rawn khawn dawn a, hmunphiah nei renchâng lo tân `10/- a pêk theih bawk ang. Member te kan inhriattir a ni e.

Sd/-

(K.LALHULIANA)

Secretary

Siakhamakawn YMA Branch

VAWIIN KHAWCHIN

A lum lai berin : 290C

A vawh lai berin : 240C

            Chawhma lamah 0mm, chawhnu lamah 5mm leh zân lamah 5mm (wheatherforcast.com). Accuwheather.com chuan khua \ha tur leh zan lamah 6mm tla turin a sawi thung.

HLIMEN PASTOR BIAL K|P MEET PROGRAMME

A hmun:   Saikhamakawn Kohhran Biakin

A hun:      1st & 2ndJune, 2013

Thupui:    “|halaite leh nun kawng dik” - Philippi 4:8 & 9.

2nd June, 2013 (Pathianni)

10:00am:   Pathian Biak Inkhawm

Hruaitu :    Pu Lalthlamuana

(Commt. Member, BK|P)

Thilpêk lâkkhawm leh hlan:

Zaipawl:    Hlimen Kohhran

               Melthum Kohhran

Thupui:      ‘|halaite leh khawvel hmasawnna’

Sawitu:      Upa Lalzuiliana

{Bial Secretary (Sr)}

1:00pm: Pathian Biak Inkhawm

Hruaitu:     T.Upa H.Vanlaltlana

(Commt. Member, BK|P)

Zaipawl: Bial Zaipawl

               Saikhamakawn Kohhran

Thupui:      ‘|halaite leh nitin nun’

Sawitu:      Upa Khawlchungnunga

(Bial Chairman)

Inkhawm bân Fellowship

Hruaitu:     Pu Lal\halâwta

(Commt. Member, BK|P)

Items turte:

Solo:       Nl.Lalruatdiki

(Hlimen Branch)

Male Voice:Hlimen Vengthar Branch

Live Band: Melthum Branch

Drama:       Saikhamakawn Branch

7:00pm: Pathian Biak Inkhawm

Hruaitu:     Upa Lallawmchhunga

(Leader, BK|P)

Thilpêk lâkkhawm leh hlan:

Zaipawl: Bial Zaipawl

               Hlimen Dâmveng Kohhran

Thupui:      ‘|halaite leh Kristian chhungkua’

Sawitu:      Pastor C.Sapkaia

(Bialtu Pastor)

Inkhawm bân Zaikhawmpui

Hruaitu : Nl. Mimi Zohmingmawii (Commt. Member, BK|P)

Items turte:

Solo : Nl.Lalhlimpuii

(Hlimen Dâmveng Branch)

Hnam lâm : Melthum Branch

Acapella : Hlimen Branch

Short Play : Hlimen Vengthar Branch

Instrumental Music : Saikhamakawn Branch

TUALCHHUNG

, Pu Vanlalhriata h/o Chawngpari (T.Sec) te chuan khawi ilo vah vêl nân Maruti 800 (Taxi) an lei thar.

, Pu Laldanzira h/o Rohlupuii (Ch.Sec) te chuan khawi ilo vah vêl nân Maruti 800 (Taxi) an lei thar.

THLAI |IAK DUH TÂN

Serthlum        : 3ft. a sei -`.35/-

Nimbu                        :1-2ft. a sei -`.25/-

            Kuhva \iak pawh a awm e.

Lalvena : 8974769882

Melthum

HRIAT ZAU NÂN

            Trial room-a "Hidden Camera" leh "2-Way Mirror" awm leh awm loh hriat dan.

Hidden Camera: Trial room-a i luh hmain, i phone khan call a dawngin emaw a pe chhuak thei tur a ni a, i phone khan call han tum chhin la, i call chhuah theih chuan hidden camera a awm lo tihna a ni. Mahse, i phone in call a pek chhuah theih loh chuan hidden camera a awm tihna a ni thung. Hei hi a chhan chu, phone a\anga signal rawn chhuak leh camera-in a optic fibre a pêk chhuah a buaina (interference) a awm \hin vâng a ni.

2-Way Mirror: I kutzung hmawr khân darthlalang han dek/tisi la, darthlalanga i kuttin leh a taka i kuttin inkârah âwl(gap/space) a awm chuan, kha darthlalang kha darthlalang pangngai (Genuine mirror) tihna a ni. Amaherawhchu, darthlalanga i kuttin lang leh a taka i kuttin inkâra âwl (space) a awm lova; a inzawm vek chuan kha darthlalang kha 2-way mirror tihna a ni. Hei hi a chhan chu 2-way mirror ah chuan darthlalang 2 inthuah kâra silver coated surface a awm vâng a ni.

(2-way mirror hi darthlalanga keimahni kan inhmuh theih si, mahse, a leh lama midangin min lo hmuh ve theih reng ang chi hi a ni.)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300