Mipui Aw 5.5.2013

MIPUI AW

KARTIN CHHUAK

Vol. XIX Issue No. 18 Kristian Thalai  Pawl  Saikhamakawn Branch  Pathianni Dt.5.5.2013

VAWIIN CHANG VAWN

            Chutichuan, inngaihtlâwmna leh thuhnuairawlhna zawng zawng nei a, hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.

KOHHRAN  PROGRAMME

5. 5. 2013 (Pathianni)

Sunday School Inkhawm

|antu           : Pi C. Lalchhuanawmi

Chawhnu Inkhawm

Thuhriltu    : Upa C. Lalmuankima

Zân Inkhawm

Thuhriltu    : Upa Zairemthanga

KTP PROGRAMME

 Dt. 6. 5. 2013 (Thawh\an zân)

Short  Sermon  Inkhawm

Hruaitu           : Nl. Zohmingmawii

|antu              : Tv. C. Lalhmangaihsanga

Thuhriltu-      : Pu C. Lalmuanpuia

tute                  : Tv. Abraham Lalnunthara

Thilpek lakh- : Nl. Ruthi Lalenkawli

awmtu turte   : Nl. Lalhruaitluangi

May thla chhûnga hla hruaitu leh

musician turte

Hla hruaitu    : Tv. Malsawmzuala

turte                  Nl. Lalhmunsiami

Musician         : Pu R. Lalmuanpuia

VAWIIN  TLAI   FELLOWSHIP

Hruaitu           : Tv. R. Lalzamlova

|antu              : Tv. Lalrinawma

KOHHRAN  HMEICHHIA

Dt. 7. 5. 2013 (Thawhleh zân)

Ramthim zin

A hmun          : Pi Lalparliani te in

Hruaitu           : Pi Laltlanzari

|antu              : Pi R.Lalzuali

           

           

           

SERMON

SIM  RAWH  U

            Tin, chung lai chuan Baptistu Johana chuan, “Sim rawh u! vanram chu a hnai tawh e,” tiin, Judai thlalerah thu hrilin a lo kal a.                                         - Matthaia 3: 1

             Ni suh e, ka hrilh a che u, nangni pawh in sim loh chuan chutiang bawkin in boral vek ang.          - Luka 13:3

            Sim awmzia chu kan hre tlâng \heuh anga. Mihringte hi sim tur neilo khawpa fel leh \ha tumah kan awm hek lovang. Uire nu denhlum tur pawh sual neiloin dêng hmasa tura Isuan a tih meuh chuan sual neilo tumah an lo awm lo a nih kha. Chuvangin mi\ha leh fel nia kan ngaihte pawh sual neilo an awm lova, sualna lâi nei kan nih \heuh avangin sim tur kan nei vek tihna a ni. Vanram a hnaih tawh avanga sual sim a hun tawhziate, kan sualte kan sim loh chuan kan boral dawn a ni tihte kan ngaihtuah a, chu simna kawng kan zawh chu a hun tawh takzet a ni.

            Engvangin nge sim rawh u tia Bible meuhin min hrilh. Kan sawi tak ang khan Lal Isua lo kal a hnaih tawh êm avângin Baptistu Johana chuan simna thu a tlângau pui a. A chhan nia lang chu, mihringte sual bumna vangin Setana duhzawng kan ti a, tisa duhzawnga kan awm chuan hremhmun hmabâk mai kan nih si avangin Krista lokal leh hmâ ngêia sima Pathian lam hawia a duhzâwng anga awm turin simna thu hi a tlângaupui a ni, a pawimawh hle mai. Tin, Luka 13:3 thu kan tarlan khi kan en chuan sim duhlo khuate chan tur chiang takin a sawi a. Sual man tuara rapthlak taka thite thih dân rapthlak tak dungthulin sim duhlo khuate chu an thih ve ngei dawn thu chiang takin kan hmu a. Nang leh kei ngei pawh hi intifelin inti \ha viau mah ila, sual sim tur Pathian duhloh zâwng tih kan nei ngei ang. Mahse haidera kan felna Isua kan pan si loh chuan sual vânga thi tia kan sawi te ang hian kan la boral ve ngêi dawn tih hi kan hriatchian a \ul tak meuh meuh a. He thu hi kan Lal Isua ngeiin a sawi a ni tih hi i hre bawk ang u.

            Hetiang taka simna a pawimawh si chuan engtin nge kan sualte kan sim tak ang le. Sim duh tak tak sim theilo tam tak an awm a. Vawi engemaw zat sual sim tum mahse thei silo te an awm bawk si. Thil theihlo ti tura phut kan ni em ni. Kan ni hauh lovang. Mihring ten chhandamna kan chan hmâ chuan misual chhelailet der kan ni a. Thil \ha kan tih ve te avangin Vanram kan kâi phah thei bawk si lo. Mahse Pathianin a fapa nunna chu min rawn pe a. Krista chu kan tân finna, felna, thianghlimna leh tlannaah min ruat sak ta, kan nunna chu Krista a ni tih Pathian ngeiin min pawmsak a. Mihring thar nihna min pek hi sual kan sim theihna awmchhun a ni a, sual tih châk \hin leh sim theilo zawng kha kan nihna a ni lo tih hria a, mihring thar; Krista tholeh nun kan \awmpuina hi simna kawng awmchhun a ni.       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

ZIRNA

            Zirna han tih hian a huam thui thei viau âwm e. Amaherawhchu tûn \um bîkah chuan lehkha zir lam thlûr bing ila. HSLC leh HSSLC Result-te tihchhuah a ni ta bawk a, kan vêngchhûng ngêi a\ang pawhin mi engemawzât hlawhtling an awm a; hetiangah pawh hian lâwmte hi inlawmpui thiam ila. Hlawhtling ve lo kan awm anih pawhin intuarpui thiam ila, ‘bei la bei nawn rawh’ tih hla(Poem) te pawh a awm hial kha. Beidawng lovin zir zêl i tum ang u.

            Tin, hlawhtling ta tepawhin kan hriat\heuh angin kan hmalam hun atân inbuatsaih \ha ila, tha thlah lovin kan zir leh zêlna tur thlan chungchângah leh kan hlawhtlin pui theih ngêi tura kan ngaih Subject-te thlang thiam ila, Pass ringawt lovin chhawrtlâk ni thei turin zir \hin ila. Qualification nei sâng ve ûr si; sap\awnga biak hleihtheih lo ang chite leh chhawrnaawm loh lutuk nih ang chite, midangte han zirtir leh tur pawha tihleithei lo, thiamna tak tak neilo kan ni ang tih a hlauhawm \hin a, chuvangchuan kan zirna zawn \heuhah hian midangte tâna chhenfâkawm leh chhawr tlâk ni turin lehkha i zir zêl ang u..

ARTICLE

NUPUI KA NEI VE A

-Dinga Fanai.

            A hminga nupui ka han nei ve ta chu ka hlimin nuam hi ka ti ham ham khawp mai a, ka thiante chu ka intihtheih khum hi a ni ber e. A hmingin fa pahnih kan han nei ve a, Inpuiah han awm ho reng chu a rem loh avângin kan han indang ve ta a. ‘Pâ’ nihna han chelh meuh chu a va’n buaithlak rap rap tak êm!

            Tui connection kan lâk loh avângin zingkârah mutrei chu sawi loh; Vai pathian thawh hmâin |in leh tuikawhna nên Tuikhur lam pan a ngâi a, ka fapa lah chu a harh hmâin a tlei lo êm êm mai lehnghâl a, awrh chhuah ziah angâi bawk nên. Rit a thuah hnih thei ngei mai. Chaw eikham vêleh mi hnuaia inhlawhfa turin ka han chhuak \auh \auh \hin hi chu Swift Car lei hi kan hlat ve \hin khawp mai. Hah rim tawng taka hnathawh zawhah tlailam chawhmeh ngâi bawkin min lo hmuak a, keini ang nitina hnathawk techuan Vitamin tam ang chi chawhmeh te kan han mamawh tehrêng nên, Dâl takngial pawh Kg-ah `80 a ni tawh sia, a dal thei ang bera siam loh chuan inluah man bat angai dâwn bawk si. Purun sen lah chu Kg-ah `70 alo ni ulh tawh nên, chi tak ngial pawh hi lei alo ngai nia...

            Keini ang tân hi chuan minister lehkha aichuan BPL Card a hlu zawk si a, Inhmun zawn aichuan AAY a tel theih dân zawn a fuh zawk rih tlat. Hausak hi hlimna ani lo han ti \hin mahse kan retheih avânga kan hlim bîk êm êm na pawh chu ka hre chuang lêm hlei lova, chhhiat \hat han awm se; kan chhûngte ngêi ngêi pawh hian min hre ta lo emaw tih mai tur hian min hmulo der lui tlat thei mai a, an pawisa pûka dil an hlau a niang.

            Chutah dammawh hritlân kan han tâwk ve ngêi bawk nên, cheng za tlang pakhat chauh akin Civil Hospital kan va pan ve a. Mi Pahnih ka ni si a, Bus fare ah cheng 24 ngawt mai kan hmang phei a, haw lam a sên zât tur rilruin a suangtuah nghâl a. Kan han inentir ve bawk a, tlailam chawhmeh lei haw ngai suangtuahna nên nachhâwkna bâk kan lei ngam tak tak chuang lova. Motor heti zozai zingah “Ka tâ” han tih ve tur reng reng awm lo, awh chu sawi loh; neih loh a leiah a sawi chhiatah kan ram \ang zawk zamah a.

            Fa te birthday-ah pawh chawthing kan kang ngam \awk chu ani si a. Fa ten mi thil an awt ve \hin si a, sum dinhmunin a zir miau loh avângin vîn taka chhânah kan han tlâk leh mai \hin hi chu mahni bawk hi kan na \hin. Nakkumah hian ka fa upa zawk hian sikul a kal ve tawh dawn a, engtinnge ni zêl dawn ni? Nupui lo neih ve ringawt pawh hi kan fin loh zia alo lang. Han \hen dawn ngawt ila pathlâwi han nih ngawt mai leh fate tih fahrah ringawt chu thil \ha ber a ni bawk si lo; inchhir in bân a chen a, phengphehlep a khua a tlai zo ta si. Future a va Bright lo em!

HRISENA HUANG

Chhawhchhi

A chanchin tlângpui: Chhawhchhi hi Mizoram sum chang thlai zinga pakhat a ni a, India ram hmun tam takah an ching nasa hle. “Kum khat thlai” (Annual Plant) a ni a, a kung puitling chu meter 1 leh a chanve-a sang a ni \hin.India leh China ramte hi khawvela Chhawhchhi thar tam ber ramte an ni. Chhawhchhi hi chi hnih - a dum chi leh a var chi a awm a, a dum chi hi damdawi atân a \ha zawk a, a var chi hi a hriak sawr atân a \ha thung. Chhawhchhi hian hmun za a \hena hmun sawmliparuk (46%) chu hriak a ni a, 22% erawh chu chakna lam thil  (Proteins) lam ani thung.

Damdawia hman theihte: A fang (Chi), A hriak, A hnah leh a kûng pumpui.

Damdawia hmannate:

Bengngawng: Chhawhchhi, moong (Bean) chi, Asafoatida (Hîng) leh Elaichi, 5gms \heuh râwt dip a, an\am têl 10ml nên chawhpawlh hnuin meilingah far a, a khû chuan bengchhûng ur tir tur a ni.

Santên: Chhawhchhhi 6gms, tui tlêmte nêna densawm leh butter 10gms chawhpawlh a, nitin zing leh tlaiah ni thum chhûng ei tur a ni.

Emaw

Chhawhchhi dum chi densawm 5gms leh Kêl hnute tui 200ml chawhpawlh a nikhatah vawi hnih ei tur.

Thineih chungchânga harsatna nei:  A hriak 10ml leh Mizo artui chawhpawlh a, nithum chhûng zing tin ei tur.

Taksa chak nân: Triphala dip 5gms leh Chhawhchhi 5gms densawm pawlha nitin vawi khat ei \hin a \ha.

Kaw\ha lo: A kûng pumpui 25gms, tui 200ml in mei na vak lovah chhum a, a tui 50ml anih hnûah thlit chhuah a, 25ml zêlin nitin zing leh tlaiah, kurtai tlem nên ei \hin tur a ni. he damdawi ei lai hian Bawnghnute thur khal (Dhoi/Curd) ei \hin a \ha.

Kâng: Chhawhchhi hriak leh Coconut hriak inzât chiahin chawhpawlh a, taksa kâng laiah hnawih a \ha.

Hnute nâ: Chhawhchhi, Bawnghnute nên densawm diak a, hnutea bel a \ha.

Thau nân: Chhawhchhi dum chi veikhat vêl kan rova,  ni 41 chhûng zing tin tuisik no khat nên ei \hin tur.

Taksaa Cancer zâu zêl tu vên nân: Tinospora Codifolia (A kûng chauh), Sunhlu ro (A mu tla lovin), Mualhawih pil leh Lambak, 20gms \heuh l^kkhawm a, silfai hnûah tui 1lt in mei navak lovah chhum tur, a chhumna tui 20ml anih hnûah thlit chhuah a, 60ml zêlah Chhawhchhi dum chi râwt dip 5gms chawhpawlh a, nikhatah vawi hnih ei \hin tur a ni. Chhawhchhi chu rawtdip hmâin a kawr paih \hin tur. Têl tlemte nên nuai pawlha nisâa pho hnûah a lum laiin a kâwr kutin a nuai thlâk theih ang.

Naupang lu pân: Chhawhchhi leh Parva (Liucus indica) pâr inzât vel râwtsawm diak a, Bawnghnute nên chawhpawlh hnûin pânah hnawih a \ha.

Hmeichhiat mipatna lama chak nân: Chhawhchhi 30gms leh Ziza rah (Mu) 30gms, tui 1lt-in mei navak lovah a chhumna tui 250ml anih thlengin chhuan kang a, 60ml zêlin nitin zing leh tlaiah in \hin tur a ni.

Hnar ping reh thei lo, Sinusities: Chhawhchhi hriak thianghlim tak, hnar chhungah far hnih zêlin nitin vawi hnih far \hin tur.

Thi neih hmasak ber \uma buaina nei: Chhawhchhi hriak, far 5 zêlin nikhatah vawi 2 ei \hin tur.

Khuh, Thâwk harsa: Chhawhchhi hâl a, a khû hîp luh a \ha.

Tai thi \hin/Santên: Chhawhchhi dum chi 10gms densawm diak a, chini 40gms leh Kêl hnute no khat nên chawhpawlhin ei \hin tur. Damdawi \ha tak a niin, chawp leh chilhin a hnathawh a lang nghal mai thei.

Zun kawng \ha lo: Chhawhchhi kâwr hâlna vâp 5gms, Khawizu leh Bawnghnute thirfiante khat ve ve nên chawhpawlh a, nitin vawi hnih, kârkhat chhûng ei tur.

Hmuirêp: A hriak far hnih emaw far thum emaw, zan mut dawnin lâiah hnawih tur.

Bengchhûng nâ: A hriak, serte hnahah khâwr a, Mombatiin hliu tur. Hriak chu a lum deuh hnûah beng chhûngah far tur a ni.

Vawmbal: Chhawhchhi 5gms densawm a, Butter 5gms leh tuisik no chanve nên chawhpawlhin nitin vawi hnih ei tur.

Mawngkaw nâ: Chhawhchhi tih dip 25gms leh Bawnghnute 150ml chawhpawlh a zing tin karkhat chhung ei tur a ni.

BIBLE  QUIZ  No.18

ESTHERI  BUNG 6-10

A kâr âwl dah khat rawh :

Q1.Tin, lal chuan, “Tunge ni kawt hung chhûnga awm saw?” a ti a. Chumi lai chuan Hamana chu a awhhlumna siama Mordekaia awhhlumtir tûr thu lal hnêna sawi tûrin lal kawt hung pawn zawk ______________ chuan a lo kal a ni a.

Q2.kei leh ka chipuite chu tihborala thah vek tûra tih kan ni a; ahmei apain bawihah hralh tûra tih ni lek ila chu engmah ka sawi lo tûr; mahse _____________ tûr kan ni a, lal tan a hek hle ang, hmêlmapa chuan a rul seng lo ang,” a ti a, a chhâng a.

Q3.Tin, lal chuan rangkachak tiang chu Estheri lamah chuan a han lek phei a. Chutichuan Estheri chu a tho va, lal  hmaah chuan  a ____________ a,

Q4.Mordekaia chu lal ina mi ropui tak a ni a, a hming chu an ram then zawng zawngah a thang ta bawk a; Mordekaia chu a ____________ ta deuh deuh a ni.

Q5.A thiltihthiehna leh a chaknaa a thiltih zawng zawng leh Mordekaia ropuina chungchang, lalin a tihchungnun dan thu kimchang takin Medai leh ____________ lalte lal lai chanchin ziakna buah a chuang a ni lâwm ni?

A bung leh châng dah rawh :

Q1.Tin, lal chhiahhlawhte chuan a hnênah, “Ngai teh lal kawt hung chhûnga wam chu Hamana a ni,” an ti a. Tin, lal chuan, “Lo lut rawh se,” a ti a.

Bung: ...............          Chang: ....................

Q2.Tin, Estheri chuan, “Taitu leh hmêlma a ni, he mi sualpa Hamana hi a ni,” a ti a. Chutichuan lalnu leh LALPA hmaah Hamana chu a khur ta a.

Bung: ................         Chang: ....................

Q3.Chutichuan lal Ahasuera chuan lalnu Estheri leh Juda mi Mordekaia hnênah chuan, “Ngai teh u, Judate chunga a kut a thlâk avângin Hamana in chu Estheri ka pe a, amah pawh chu an awhhlumtir ta a.

Bung: ................         Chang: ....................

Q4.Tin, Estheri chuan, “Lalin rem a tih chuan, Susan-a Judate hian vawiina thupêk ang bawk hian naktukah pawh ti sela, Hamana fapa sawmte chu awhhlumnaah khai kan ni rawh se,” a ti a.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 17 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu T.Rinthanga in

A hun        :9.5.2013 (Ninga zan)

Chairman : Pu C.Chhuansanga

|antu        : Pu Suithanga

Rilru sawia hun hman a ni ang.

Branch KTP HnatlÂng

            Ni 7.5.2013 (Thawhlehni) hian Hlimen Damveng ah Slab chhûnga hnatlâng neih tur a ni a. K|P member te \hahnemngâi taka thawk chhuak turin kan inngenin kan inhriattir e. Slab chhûng tur hian mi \hahnem tak a ngai \hin a, hnatlâng tur hian kan \hiante la hre lo an awm anih pawhin i sawm zêl ang u.

            Dar 9:00am ah Biak In kawtah innghahkhâwm tur a ni e.

Sd/-

(LALDUHKIMA)

Secretary

Kristian |halai Pawl

Saikhamakawn Branch

LAWMTHU SAWINA

            Kan fapa Lalmuanpuia leh Lalruatkima ten accident an tawh chungchângah min ngaihtuaha min buaipuia a \ul apiangah engkim min tihsak tute zawng zawng chungah a mal malin lawmthu kan sawi seng lo a, hei hi kan lawmthu sawina ah min lo pawm sak turin kan ngên tak meuh meuh a che u. In zâa chungah Pathian khawngaihna awm zel rawh se.

In khawngaihna dawngtu te

Tlangruata te nupa

R.B.Lalhmangaiha te nupa

VAWIIN KHAWCHIN

A lum lai berin : 220C

A vawh lai berin : 200C

               Chawhma lamah 8mm, chawhnu lamah 7mm leh zân lamah 4mm sur turin accuweather.com chuan a sawi.

TUALCHHUNG

, Lalmuansanga s/o C. Ramliana (L) (V.Sec) chu damlohna av^ngin  Synod Hospital-ah enkawl anih hnûin alo chhuak.

, Lalruatmawia s/o Lalchhuankimi (T.Sec) chu damlohna avângin  Synod Hospital-ahs enkawl anih hnûin alo chhuak.

Tualchhunga HSSLC pass thar kan hriat theih te

1.Zomuanawma s/o Lalrochama (V.Sec) 1st Div. (Sc)

2.C. Zonunmawia s/o Zohmangaiha   (Ch.Sec) 2nd Div. (Sc)

3.Lalawmpuii d/o Lalrinsanga (T.Sec) 2nd Div. (Arts)

4.Rebecca Vanlaldiki d/o K.L.Biak\huama (Ch.Sec) 2nd Div. (Arts)

5.C.Lalchhanhima s/o C.Lalengzama (V.Sec) 3rd Div. (Sc)

6.Lallianmawii d/o K.Lalhuliana (Ch.Sec) 3rd Div. (Sc)

Zânin EPL inkhel turte

Liverpool Vs Everton  (6:00)

Man. United Vs Chelsea (8:30)

Thawh\an zân

Sunderland Vs Stoke City (12:30)

Thawhleh zân

Man. City Vs West Brom (12:15)

Wigan Athletic Vs Swansea (12:15)

Nilaini zân

Chelsea Vs Tottenham (12:15)

Inrinni zân

Aston Villa Vs Chelsea (5:15)

FA Cup Final

Inrinni zân

Manchester City Vs Wigan Athletic    (Wembley Stadium) (9:45)

Zânin LaLiga inkhel turte

Mallorca Vs Levante (3:30)

Real Zaragoza Vs Rayo Vallecano (8:30)

Sevilla FC Vs Espanyol (10:30)

Barcelona Vs Real Betis (12:30)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 28.4.2013

MIPUI AW

KARTIN CHHUAK

Vol. XIX Issue No. 17 Kristian Thalai  Pawl  Saikhamakawn Branch  Pathianni Dt.28.4.2013

VAWIIN CHANG VAWN

            A nih leh, in taksa chu, in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lova, mana lei in ni tawh asin, chuvangin in taksaah chuan Pathian chawimawi rawh u.

                               I Korinth 6:19-20

KOHHRAN  PROGRAMME

28.4. 2013 (Pathianni)

Sunday School Inkhawm

|antu           : Pi K. Lalhmingliani

Chawhnu Inkhawm

Thuhriltu    : Pu Lalrintluanga

Zân Inkhawm

Thuhriltu    : Pu Khawlhmingliana

KTP PROGRAMME

 Dt. 29 .4. 2013 (Thawh\an zan)

Sermon  Inkhawm

Hruaitu           : Nl. Lalramnghaki

|antu              : Nl. Jennifer Lalremruati

Thuhriltu       : Pu C. Lalremruata

Thilpek lakh- : Nl. Lalnunpuii Hrahsel

awmtu turte   : Nl. Lalmuanpuii

April thla chhûnga zai hruaitu leh

musician turte

Hla hruaitu    : Tv. Lalhmangaihzuala

turte                  Nl. R. Lalngaihawmi

Musician         : Tv. R. Zodinsanga

KOHHRAN  HMEICHHIA (30.4.2013)

Hruaitu           : Pi Lalmuankimi

|antu              : Pi Rampuii

Thuhriltu       : Pi Sanghluni

           

           

           

SERMON

LAL  ISUA  HNUNGZUI

            Tin, amah vekin, mi zawng zawng hnenah, “Tupawhin mi zui a duh chuan mahni hrehawm pawisa lovin, ni tin a kraws puin mi zui rawh se. Tupawh a nun humhim duh apiangin a chan ang a; tupawh keimah avanga a nun chan apiangin, chu mi ngei chuan a humhim ang.                           Luka 9: 23& 24

            Isua hnungzuitu turte hi tute nge ni ang tiin han inzawt ta ila, ringtute an nih thu tupawhin an sawi ngei ang. A nih ringtu inti zawng zawngte hian Isua hnung kan zui chiah em tih erawh  ngaihtuah tham a tling khawp lawi si. Isua hnungzui tute hi ringtu tia sawi tur zawk nge ni anga ringtu reng reng chuan Isua hnung an zui ang tih hi. Thu awmze inang tak anga lang si inang lo tak a ni thei awm e. Tin, Isua hnung kan zui dawn hian engtia awm nge ngai tih pawh kan bible thu tarlanah khian a chiang hle a, amah Isua ngeiin a sawi a ni nge nge.

            Engnge Isua hnungzui tih hi a awmzia ni ta ang. Isua khawvela alo kal chhan ber chu misualte lam tura lo kal a nizia thu bible bung tamtakah a inziak a. Keini amah ringtute pawhin chu chu kan thupui ber tur leh a hnung kan zui a nih chuan misual/ ringlo kan tih ten Pathian an hmuh a, chhandamna an chan theih nana thawh hi Isua hnungzui dan leh a awmzia tak ni pawhin a lang thei awm e. Tin, Isua vana a lawn dawna a thusawi chu ram tina kal a thilsiam zawng zawng hnena chanchin\ha hril thu a ni a. Chu hnathawh chu a hnungzuina \haber a ni bawk ang. Hemi kan thawhna kawngah hian mahni hreawm pawisa lo leh midangte \hatna ngaihtuah chunga thawk turin min ti a, chutiang kan tih chuan kan nun kan humhim zawk dawn a lo ni.

            A dawt lehah chuan engvanga Isua hnungzui tur nge kan nih tih hi kan ngaihtuah ngai em. Keini misual chatuana hremtur leh thiamloh chang hulhualte hi Pathianin min hmangaih a, a fapa neihchhun Isua chu min pe bawk a. Kan tan a nun zawng zawng leh a van ropuina zawng zawng hlana kalsanin keini mihringte tan a rawn inpek ralraih avangte, a  hmangaihna nasat em avangte leh kan Lal anih avangte in a hnungzui hi kan bat a ni ve reng a ni.

            Thih thlengin rinawmin lo awm rawh tichuan nunna lallukhum ka pe ang che tiin bible chuan min zirtir a. Mahse mihirngte chuan kan tlin si lo. Ringtu tamtakte sual vangin kan tlu a, Lal Isua hi kan pensan fo \hin. Chumi avang chuan a fapa nun min pe a, rinawm taka Pathian hnungzui theilo mihring chu Krosah min chinngralin, a fapa nun chu min pe ta hlauh zawk a. He nun a\ang lo chuan kan zui Isua hung hi rinawm takin a zui theih loh hulhual a. Rinawm taka a hnungzui tur chuan amah Krista a kan awm reng a ngai a, chu chu kawng awmchhun a ni.            

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

KHAWTLANG   NUN   SIAM|HAT

            Ram leh hnam humhalh tihte, khawtlang nun siam\hat tihte kan sawi fo \hin a. Kawng hrang hrangin siam\hat dan kawng kan dap a. Kohhranin theih tawp chhuahin an bei a, tin, khawtlanga kan tlawmngai pawl lian tak Y.M.A lam pawhin theihtawp an chhuah reng bawk. Tin, pawl hrang hrang leh mimaltinte pawhin kan phak ang tawk tawkin kan vei a, kan sawi nasa \hin khawp mai, mahse kan vei ang leh kan sawi nasat ang hian a hlawhtlinna kan hmu em tih erawh ngaihtuah tham a tling khawp mai.

            Khawtlanga ruihtheihthil a hluar hian khawtlang nun a \halo niin kan ngai \hin, a dik a, mahse thildang kan ngaihtuah telloh \hin chu, kan khawtlangah eiru (Corruption) an tam em tihte, \henawm khawvengte kan in tairan em tihte kan ngaihtuah ngai meuh lo, mahse heng zawng zawng hi khawtlang nun tichhetu an ni vek lawi si. Ruihtheihthil titute leh zuartute ringawt kan beih vak vak a, a dang kan beih telve siloh chuan kan khawtlangnun hi siam\hatin a awm thei tak tak chuang lovang tih hi a lang chiang reng si. Khawtlang nun siam\hat chungchang kan vei dan kawngah tun ai hian kan rilru hawi zau tir a hun tawh viau a ni.

ARTICLE

2013 YMA Kumpuan- Ram leh Hnam Humhalh

            Central YMA chuan ‘Ram leh Hnam Humhalh’ tih chu kum 2013 atan kumpuanah alo neih leh ta a, kumin hi a vawi riatna a ni ta. Heng a hnuaia point hrang hrangte hi CYMA chuan Member tinte leh  Branch tinte tih tur leh kan hmalakna tur atana a duan chhuah a ni. Hemi hlawhtlinna tur hian YMA member tinte thahnemngai taka hma la tura beisei kan ni.

            Mizo hnam hi tlemte chauh kan la nih avangin mi thenkhatin inchimralna chungchang hi sawi nep \hin mahse, kan dinhmun enin kawng hrang hranga inchimralna lakah hma kan lak a \ul hle. Hemi rual hian kan ram zimte leh a chhunga thilte pawh humhalh a nih nante, a mi cheng te pawhin intodelhna leh rinawmna kawnga hma kan lak a, hnam nun kal sual tur laka inven zelna tur  kawng kan dap a ngai.

1. Inchimralna hrang hrang laka kan inven nan leh leilung faten kan chanvo dik tak kan chan theih nana hmalak:

            (a) Foreigner, dan lova lo lutte kan rama an tlangnel loh nan khua leh tui dik takte chauh In luahtir tur a ni a, ram dang mi leh hnam dang mi dan lova sumdawng leh Mizorama awmte vengchhunga an awm loh nan khauh leh chak taka hmalak nise..

            (b) Electoral Roll siam \hatna (Electoral Roll revision) hrang hrangah, ram dang leh hnam dang mi, dan lova Mizorama chengte thun luh an nih loh nan leh Danin a phal bak Electoral Roll-a thun an nih loh nante, dan lova ram dang mi awmte dapchhuah kawngah huaisen leh tih takzeta hmalak tur  a ni.

            (c) Khua leh tui dik takte chhinchhiahna lehkhabu (Village Population/Census Register), Branch tinin vawn \heuh tur a ni a, khua leh tui dik takte chauh ziahluh tur a ni.

            (d)  Hnam dang, a bikin vai lo lutte hi Inner Line Pass (ILP) nei ngei an nih a, an ILP pawh a nihna ang taka hman a nih theih nan hmalak tur a ni. Hnam dang sponsor-tu in ILP Guidlines a zawm ngei tur a ni.

            (e) Mizoram chhunga In leh lo ramte hi a ram mite hnenah chauh hralh chhawn a nih theih nan khauh taka hmalak tur a ni.

            (f) Birth Certificate dik lo leh a lem a awm loh nana hmalak.

            (g) Chibing inla hrang zawnga thiltih hian ram leh hnam inpumkhatna a tihchhiat theih avang leh in\hendarhna a thlen theih avangin, chibing inla hrang zawnga hmalak loh nise.

            (h) Hnam dang nupui pasala neih hi hnam ralna a nih avangin a that lohzia uar taka inzirtir tur a ni.

            (i) Hnamdang dan lova sumdawng an awm loh nan hmalak nise, sumdawnna leh eizawnna kawng hrang hrangah hnam dang mite thurualpui loh tur a ni a, mahni Mizopui sumdawng te dawr hram hram thin  tur a ni.

            (j) Sorkara phalna nei lo, a remchanna hmun apianga khua/bawk din a awm loh nan hmalak nise.

            (k) Ram dang mi leh dan lova lo lut thleng thlenga lo dawnsawn/pawmte hian harsatna a thlen \hin avangin bansan tura inzirtir nise.

2. Zu leh Ruihhlo Do kawnga hmalak:

            Zu leh Ruihhlo hi ram leh hnam tlukchhiatna, mimal leh chhungkaw zahawmna tichhetu leh ti tlarantu, khawtlang nun tikhawlova, ti ral\itu leh thihna thlentu a ni a.YMA ten kumpuan atana kan lo hman tawh zarah kan ram leh khawtlang pawhin a \hat phahin nunna tam tak chhanchhuah a ni a, hei hi hre chunga theihtawp chhuaha huaisen tak leh tihtakzetin kan do zel tur a ni.

3. Ram leh hnam hunhalh a nih theih nan ei leh bar zawnna kawngah leh kawng hrang hranga kan intodelh theih nana hmalak:

(a) Mahni thawhchhuah phu lova nun leh khawsakte, chawmhlawm \halai nihte hi thil zahthlak tak a ni tih hriat a \ha, mahni mamawh thawk chhuak turte, mahni neih tawk hlut thiam tur leh inrenchem taka sum leh pai khawlkhawm tur kan ni.

(b) Taimak hi kan zir tur a ni a, mitaima  leh hlawhtling te, intodelhte kan chawimawi thiam tur a ni.

(c) Hnathawh mumal neilo leh dawngdah taka khawsa \hinte hnenah te lua leh hniam lua awm lova thawk peih ve tura zirtir tur kan ni.

(d) Ei leh bara kan intodelh theih nan a thei leh remchang apiangin chuktuah huan leh thlai hmun siamin, ran vulhte pawh kan tih tur a ni.

4. Hnam nun kal sual tur laka inhumhalh nan leh hnam nihna (Identity) a boral loh nana hmalak:

(a) Mizo hnam zemawi leh nunphung \ha - tlawmngaihna, rinawmna, taimakna, dikna leh hawihhawmnate chhawm nung zel a, \anpuingaite tanpui zelin, sualna hrang hrang lakah kan fihlim theih nan hma kan la tur a ni.

(b) Hnam mualphona- pawhlah taka nun leh lepchiah taka khawsakna laka kan fihlim nan hmalak nise. Eirukna hi mimal chhiatna leh hnam mualphona a nihzia in hrilh hriat a \ha.

(c) Mimal leh vantlang hriselna leh thianghlimna kawngah theitawp chhuaha hmalak tur a ni.

(d) Zirna leh thiamna hi hnam \han zel nan leh hmasawn nan thil \ul leh pawimawh a nih avangin theihtawp chhuah zel nise, Mizoram pawnah pawh eizawng ngam tura huaisenna leh tumruhna kan nei tur a ni..

(e) Mizo \awng tih lar zel a, Mizo lam chi hrang hrang leh Mizo kutchhuak/thilte ngaihlu leh chawi lar tur kan ni.

(f) Kan ram zimte a zim zel loh nan leh kan hnam nihna a bo loh nan hmalak nise, Mizo hnahthlak hrang hrangte inzawmkhawm leh inpumkhat zel nan hmalak nise.

5. Ram rohlu - thing leh mau, nungcha, lui tui leh boruak humhalh:     

a) Ramngaw hausakna hrang hrang - thing, nauban, ramhmul damdawi leh a dangte tichereu lova, nungchate humhalh leh duat tura inzirtir nise. Phalna neia thing late chu a theih dan ang angin enpui nise.

b) Kan lui tuite humhalha tui hna tam zawk kan neih theih nan hmalak a, a theih dan angin boruak tibawlhhlawh zawnga hmalakna te ven nise.

c) Mau tam zawk kan neih theih nan kumin chhungin rawtuai leh mautuai khawrh lo tura inzirtir nise, phun uar zawk tura hmalak nise.

d) Mizoram mau te State pawna thawnchhuah a nih loh nan hmalak nise..

BIBLE  QUIZ  No.17

ESTHERI  BUNG (1-5)

A kâr âwl dah khat rawh :

Q1.Tin, chung zawhah chuan mi lian leh mi te lal khua, ______________ lo tel zawng zawng tan lal in huan hung chhûng kawtlaiah lal chuan ni sarih zet ruai a theh a;

Q2.  Tin, lal kawt hung kawngkaa Mordekaia a thut lai chuan lal pindan vengtu zinga mi pahnih __________ leh ___________, kawngka veng thintute chu an lo thinur a, lal Ahasuerachungah kutthlarkna remchâng an zawng a.

Q3.Chutichuan a nupui __________ leh a thiante zawng zawng chuan a hnênah, “Tawng  sawmngaa sâng inawhhluna siamtir la, tin, Mordekaia chu awhhlumtir tûrin zingah lal hrilh la; ruaithehnaah chuan lal hnênah hlim takin kal mai rawh,” an ti a. Chu chuan Hamana chu a tilawm a, awhhlumna chu a siamtir a.

Q4.Chutichuan Estheri chuan lal pindan vengtu pakhat, amah vengtu atâna ruat __________chu a ko va, chung chu eng nge ni a, eng tizia nge ni tih hriat nân Mordekaia

 hnênah a kaltir a.

A bung leh châng dah rawh :

Q1.Lal chuan Hamana hnênah, “Tangka leh chung mite pawh chu tha i tih ang anga tih tûra pêk i ni,” a ti a.

Bung: ...............          Chang: ....................

Q2.Chu thil chu Mordekaian a lo hria a, lal nu Estheri chu a hrilh a, tin, Estheri chuan Mordekaia hmingin lal a hrilh a.

Bung: ................         Chang: ....................

Q3.Tin, lal thupêk chu a ram zawng zawngah (zau teh mah sela) than chhuah a nih hunah chuan, an nupuiten ami lian amitein an pasalte an pawisa ang,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 16 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Lalthlamuanpuii

,            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu H. Remtluanga In

A hun       :2. 5. 2013 (Ninga zan)

Chairman : Pu Kamzawngliana

|antu        : Pu Saienga

Sermon     : Pu F. Lalrinpuia

|awng\ai rualna neih tur a ni.

K.T.P  HRIATTIRNA

               K.T.P memberte  30. 4. 2013 (Thawhleh zan) dar 7:00pm hian Aizawl Chhim Presbytery K.T.P Meet; Mission Veng Kohhrana rem tur hla zir leh tur a ni a, zaipawl member tam thei ang ber zir turin kan inngenin kan in hriattir a ni e.

HRIATTIRNA

            Gospel Camping ni 30. 4. 2013 a\anga Upa C. Lalmuankima te inhnuaia neih tura ruahman chu speaker tur remchan lohna avangin  ni 7. 5. 2013 (Thawhlehni) a\anga  \an zawk tur a ni e.

MOTOR  SIL  DAWN

            K.|.P Matthaia groupte chuan sumtuak nan ni  4. 5. 2013 (Inrinni) hian biakin kawtah motor silin kan inhlawh dawn a. Vengchhung lirthei nei ten tlawmngaia min siltir turin kan inngen e. A sil man chu hetiang hian bithliah a ni.

Four wheeler   - ` 100

Two wheeler   - ` 50

Sd/-

(R.ZODINSANGA)

Secretary

Matthaia Group

THU  ROTLING

            Pathian hmangaih la, a chenchilh ang che. Pathian thu zawm la, a zirtirna thudik ril ber a hriattir ang ce.                     

                  -Robertson

HLIMEN  PASTOR  BIAL  INKHAWMPUI  VAWI 48-na

A hun: Ni 26-28 April, 2013

A hmun: Vengthar Kohhran Biak In

Thupui: “Pathian \ih”

Ni 28. 4. 13. (Pathianni chawhma) Dar 10:00am: Pathian Biak Inkhawm

Thupui: “Pathian \ih”

Sawitu: Upa Lalthlengliana,

               Hlimen Vengthar

Zaipawl: Hlimen Vengthar Kohhran zaipawl & Bial zaipawl

Ni 28. 4. 13. (Pathianni chawhnu) Dar 1:00pm: Lalpa Zanriah Sacrament

Buatsaihtu: Pastor C. Sapkaia

Zaipawl: Damveng  Kohhran zaipawl

Ni 28. 4. 13. (Pathianni zan)

Dar 7:00pm: Pathian Biak Inkhawm

Valedictory sermon: Upa Lalrindika

Zaipawl: Melthum Kohhran zaipawl

TUTION   TUTION

 Class I a\anga Class VIII chin tân tution ka pe thei reng e. Donbosco Boarding a zirchhuak.

(L.V. RAMDINTHARA)

B.Com., B. Th.

Phn-        8974158559

8730977541

TUALCHHUNG

, Pu F. Lalhmachhuana h/o Pi Lalnunthari (V.Sec) te chhungkua chuan khawilo vahvel nan bike (C.B.Z extreme) thar an lei.

,Pu J. Thanzama h/o Pi Ainawnpari(V.Sec) te chhungkua chuan khawilo vahvel nan bike (passion) thar an lei.

, Pi Vanlalhriati  w/o Pu J. Vanlalhruaia (V.Sec) chu damlohna avanga Synod hospital Durtlanga enkawl a nih hnuin dam takin a lo chhuak.

, Pu Lalrinchhana s/o Pi Zuimawii (Ch.Sec) chu damlohna avanga Synod Hospital Durtlanga enkawl a nih hnuin dam takin a lo chhuak.

Zanin E.P.L khel turte

N.Castle      5:30      Liverpool

Reading       6:00      Q.P.R

Chelsea        7:30      Swansea

Arsenal            8:30     Man. Utd.

HRIATZAU  NA

    1.  Taksa a tihrawl (Muscles) awm zawng zawng - 639.

    2. Mihringin ruh kan neih zat belhkhawm - 206.

    3. Kan taksa bunghrang lian ber - Vun

    4. Mihringa Cell awm  zat   - 75 trillion

    6. Mihring thluak rih zawng - 1424 g.

    7. Mihringin thisen kan neih zat - 6.8 ltr. ( 70kg a rit )

    8. Normal B.P - 120/ 80 mm Hg.

    9. Taksa rih zawng (Average) - 70kg.

    10. Taka temperature (Normal) - 98.40F or 370C

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300