Mipui Aw 3.3.2013

MIPUI AW

KARTIN CHHUAK

Vol. XIX Issue No. 9 Kristian Thalai  Pawl  Saikhamakawn Branch  Pathianni Dt.3.3.2013

VAWIIN CHANG VAWN

            Vaivut chu a awm angin leiah a chang leh a,Thlarau chu a petu Pathian hnênah a kir leh a ni.Thuhriltu chuan, “Engmah lo mai mai,Thil zawng zawng hi engmah lo mai a lo  ni,” a ti a. Thuhriltu 12:7-8

KOHHRAN  PROGRAMME

3.3. 2013 (Pathianni)

Sunday School Inkhawm

|antu           : Pi J.H Pekmawii

Chawhnu Inkhawm

Thuhriltu    : Upa Lallawmchhûnga

Zân Inkhawm

Thuhriltu    : Pu Lalrintluanga

KTP PROGRAMME

 Dt. 4. 3. 13 (Thawhtan zan)

Short Sermon  Inkhawm

Hruaitu           : Pu Lalchhandama

Tantu              : Nl Lucy Zohmunmawii

Thu sawitu     : Tv. Malsawmzuala

turte                : Nl. Lalrinchhani

Thilpek lakh- : Nl. M.S. Dawngliani

awmtu turte   : Nl. Debbie Lalfakzuali

March thla chhunga zai hruaitu leh

musician turte

Hla hruaitu    : Tv. Lalhmangaihzuala

turte                  Nl. Lalrinhlui

Musician         : Pu Lalduhkima

FELLOWSHIP  PROGRAMME 

A hmun          : S. S Hall

Hruaitu           : Nl. C.V.L Biakzuali

|antu              : Nl. C. Zorinpuii

KOHHRAN  HMEICHHIA  (5. 3.2013)

RAMTHIM  ZIN

A hmun          : S.S. Hall

Hruaitu           : Pi Zonunsiami

|antu              : Pi Sanghmingthangi

           

SERMON

A  LO  KAL  LEH  DAWN

            Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; Chuvangin, heng thu hian inthlamuan tawn rawh u.       I Thessalonika 4: 16-18

            Lal Isua ngeiin Khawvel hi ka ram chu nisela ka \huihruai hoten a bei ang tiin a sawi a. A awmzia chu he khawvel hi kan zui Lal Isua ram a nilo tihna a ni. Nimahsela he khawvelah hian ringtute kan la awm tlat si a. Ringtuten he lei ram mi kan ni lo tih kan hre \heuh a, kan rama min hruai turin he khawvelah hian Isua chu a rawn kal leh ngei dâwn a, he khawvelah hian kan châm hlen dawn lo a ni tih hre thara thlamuang taka kan awm hi Lal Isua ngei pawhin min duhsak hle a ni.

            Kan sawi tâk ang khian keini ringtute tân he khawvel hi kan ram hlun tur a ni lova. Kan ram diktak Vanramah kan la kal ve ngêi dawn a, a takin la hmu lo mah ila rinna mitin nitin kan thlira, chhel takin kan awm \hin a nih hi. Lal Isua hian a tâna rinawm leh chhel taka tuarte hi a theihnghilh ngai lova, tin, a mite hi a hre rêng \hin. A ram nuam taka hian a hmangaih hringfate kan kal lovang tih a hlauh êm vangin a thisen leh nunna hial a rawn sêng a, chumi azara chhandamna changtute he khawvel hreawm tak a\anga amâ rama min hruai turin a lo kal leh dawn a ni.

            He khawvel hi Setana ram a ni kan tih tawh kha, he khawvelah hian hreawm tam tak kan tuar \hin a, sual vanga rûm chângte leh \ah chângte kan nei \hin. Tin, sual bumna vângin ringtute kan tlûk chângte a awm \hin a, kan ngui a, kan chau ngawih ngawih \hin.  Hetianga sual vânga kan tuarnate zawng zawng hi min hmangaihtu kan Pathian hian a hmuh hmaih hauh lo a ni tih kan hriat a pawimawh khawp mai. Sual vânga invên reng ngaia kan awm \hin ziate hi kan Lalpa hian a hai hauh lo, heng zawng zawng avang hian Lal Isua chu a lo kal leh dawn a, sual vânga tawrhna awm tawh lohna rama min hruai turin a lo kal leh dawn a ni, a va lawmawm tehlul em.

            Ringtute khawvela kan awm chhûngin hreawm \hin mahila kan ropuina ni a lo la thleng ve ngêi dâwn a ni. Chutih hunah chuan Lalpa ngêi chu au thawm nen, vantirhkoh chungnungber leh tawtawrawt ri ropui tak nen min hruai turin a lo kal leh dawn si. Sual vanga rûm \hinte, châu \hinte, sual vânga hreawm nasa tak tuâr \hin ringtute lâwmna nî a lo in herchhuak ve tawh dâwn a ni. Min hmangaihtu hmêl tak tak kan hmu ve tawh anga, a kiangah kan awm ve tawh anga, sual thiltihtheihnain min tibuai phâk tawh dawn si lo. Tunah hreawm rih mah ila nakinah Lal Isuan a hnena min hruai tura a lo kal huanah chuan kan ropui ve tawh dâwn a ni tih hriain  rinawm taka tuâr chhûngin thlamuang takin i awm ang u.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

MIZOTE  LEH  ZOZIA

            Tunkâr kan hmanliam mêkah hian Mizoten hm^sang a\anga kan ngaihhlut em em mai ‘Chapchar Kût’chu ropui tak leh hlim takin kan hmangzo a nih kha, pipute a\anga kan ngaihhlut thil chhawmnun nachâng kan hria hi a finthlak hle a, uar deuh deuh chi pawh  a ni reng a ni.

            Hetihrual hian hemi ni kan hman naah hian Mizo inchei leh hnam lâm kan entir \hin hi Zozia kan vawn nunna a kan ngai a nih chuan kan \helh lian viau ngei ang. “Zia”hi landanah a innghat lova, nunah a innghat zawk a ni tih i hrechiang ang u.

            Kan Kût neih; ropui taka hmâng bûng bûng si hiân, kan nitin nunah mahni chauh in haivurna rilru kan pu tlat si em tihte, midangte hmuhloh lai pawhin thil\ha kan ti peih reng em tihte, sem sem dam dam eibil thi thi tih rilru kalsanin keiin ka neih chuan a tâwk tih rilru kan put tho si chuan Zozia chu kan hloh chiang viau ang. Tin, \halaite pawhin kan \awng hman theih na renga sap \awng hman \alhte pawh hi sim a \ha khawp mai.

ARTICLE

MIHRING  DUHTHLANNA

            Pathianin mihring a siam dânah a pawimawh bêr leh Pathian ngêi pawhin a duh duha a tih duhloh chu kan duhthlanna hi a ni âwm e. Kan kawng zawh duh lam lamte, \ha kan tih zâwngte leh \halo kan tih zâwng emaw kan duhloh thil rêng rêng chu kan thlang lo mai thei a ni. Pathian pawhin min ti lui thei hek lo. Hetiang a nih avang hian mihringte hi khawvela kan nunkawng rêng rêngah hian keimahni kan pawimawh hle a, kawngdik leh kawng diklo kan zawh theih nân chhia leh \ha hriatna kan nei bawka chumi hmang chuan kan duhthlanna hi kan hman thiam a \ul ta tihna a  ni ber mai.

            Khawvel mihring zawng zawng hi Pathianin min siamdânah chuan angkhat vek kan ni a. Fûke kimin kan pianga rilru leh ngaihtuahna kan nei vek bawk. Nimahsela mi hausa leh retheite kan awm a, vanduai leh vannei tihte mihring chuan kan nei fûr hlawm bawk si. =henkhat chuan Pathian hian engkim a ruatlawk vek nia ngâite pawh an awm ta hial rêng a ni. Hausa tur leh reithei tura ruatlawk awm thei nia ngaihdân lo siam tâwk lah bo lo. Cungtiang zelin kan nundan kawng hrâng hrângah hian Pathian remruatna saah mihringte kan lêng vel nia ngaihdan siam a awl khawp mai. Amaherawhchu kan hriat atana pawimawh ber chu mihringte hi kan tun huna kan nundan leh khawsak danah hian Pathian mawh mai tur a ni lova, keimahni duhthlanna ngêi hmanga tûn dinhmun thlêng kan ni tih hi kan hriat a \ul takzet a ni. Kan duhthlanna hmanthiam a pawimawh ber tihna a nih chu.

            Entirna hetiang hian han sawi ta ila; Sikul naupang \hiandûn pahnihte chuan exam an hmachhawn dâwn a. An \hiandun chuan taima taka zir chuan \ha takin an pass dawn tih an hre ve ve bawk a. Chutah chiah chuan duhthlanna hmâng thiam zawk zawk chu an pass \ha tawh mai dâwn a ni. Ei zawnna kawngah pawh duhthlanna hmâng thiam apiang an dingchhuak dawn a ni. Pathian hre ve miah lote pawh engatinge hausa tak takte, hlawhtling tak takte, fing tak takte an awm, Kristiante zâwk hian engngatinge kan tluk loh fo mai le. A chhanchu an duhthlanna an hmâng thiam a, taimâkna kawng leh hlawhtlinna kawng chu huaisenna thinlung nên taima takin an thlang a, an bei a, an hlawhtling \hin. Pathian hi kan duhthlanna hmanna kawngah hian a inrawlh tehchiâmlo a nih a rinawm. Ringlomi pawhin a duhthlanna a hman dik phawt chuan a hlawhtling mai \hin tih hi theihnghilh chi a ni lo.

            Kan sawi tâk a\ang hian kan duhthlanna pawimawhzia chu kan hre thei âwm e. Kan duhthlanna hi Pathianin min control sak sela chuan Evi leh Adama  te nupa khân theirah ei thianglo kha an ei hauh lovang. Nimahsela an duhthlanna chu Setana duhzâwng lamah an hmâng ta a nih kha. Setana pawhin theirah awmzia a hrilhfiah a, mahse a nawrlui thei bik lo. Evi leh Adama khan an duhthlanna chu anmahni thu ngeiin an hmâng diklo ta a ni tih hi kan pawm thiam a \ul hle mai. Kan hmaah hian =halam leh Chhelam a awm a, chumi thlâng tur chuan chia leh \ha hriatna kan nei a, a pawimawh ber chu keimahni kan ni ta. Kan duhthlanna hi keimahni ngei thuhnuaia awm a ni tih hi theihnghilh lo ang u.

            Amaherawhchu chhandamna kawngah erawh chuan kan duhthlanna hi Pathian lama hmâng tak tak tur chuan Thlarau Thianghlim a pawimawh hle a ni. Thlarau Thianghlim chuan kan sualzia leh chungpik zia min hriattir a, chhandam ngai kan nihzia thlengin min hriatchian tir a, chung zawng zawng zawhah chuan Pathian thlâng thei turin min nawrlui nilovin thlang thei turin min pui chauh \hin. Hetah pawh hian mihringin kan duh a, kan thlan a ngai a, nawrluihna a awm chuang lo. He kan duhthlanna tak hian  khawvel mihring zawng zawng hi angkhata min awmtir theilotu chu a ni a, duhthlanna hmanthiam a pawimawh hle a ni.

EIRAWNGBAWLNA  GAS  CHUNGCHÂNGA  HRIATTÛR

            LPG khuahkhirhna dan hi ‘The Essential Commodities Act, 1955 (10 of 1955) behchhan a siam a ni a, he dan/order hian India ram pumpui a huap a ni.

            LPG control order bakah Gas cylinder rules leh manual te pawh a awm a, puak thei, kâng thei, nunna tam tak atâna hlauhawm a nih vângin Explosive Act hmânga khuahkhirhna dân hi siam a ni bawk.

            LPG Control Order 1993 Sec 2 (d) ah chuan Delivery Person tih kan hmu a, chu chu Gas consumer ten Gas Cylinder an lâkte chu an fit-sak tur a ni. A dik tâwk leh tâwk loh endiksak vek chu an mawhphurhna a ni. LPG Control Order 2000 section 2 (a) ah chuan Distributor awmzia sawilan a ni a, keiniin helaia Agent kan tih hi Oil Company chuan Distributor an ti \hin.Government Oil Company hi Gas Controlling Authority a ni a, thutâwp neitu a ni bawk. State-ah chuan Food. Civil Supplies & Consumer Affairs Department an ni.

LPG enkawl dân tur leh phursawn chungchânga Order chu hetiang hi a ni.

1. Gas awmna cylinder rêng rêng chu tumahin a âwn zawngin & letling zâwngin an hûng tur a ni lo. Ngil taka din tir tur ani.

2. Mi pakhatin Gas connection pakhat aia tam an nei tûr a ni lo tih hi company dân dinglai a ni. Thil chhumna (cooking) atân lo chuan hman phal a ni lo.

3. Gas bur pakhat a\angin bur dangah gas hi thun chhâwn phal a ni lo.

4. Gas consumer diktak hnenah chauh hengte hi pekchhuah tur a ni:- Gas, gas cylinder, valve, pressure regulator, consumer diktak loin kawl an awm chuan hrem theih a ni.

5. LPG Distributor tumahin gas consumer dik tak hnenah gas an nei a nih phawt chuan Office hun chhungah chuan gas pekchhuah an hnial tur a ni lo.

6. LPG Distributor chuan an hnuaia consumer ten harsatna  an tawh chuan an mawhphurhna a ni tih hriain an ngaihsak/ngaihven \hîn tur a ni.

7. Distributor chuan Govt.Oil Company price bithliah aia sângin an hralh tur a ni lo.

8. Gas pekchhuah rêng rêngin Distributor ten Cash Memo an pechhuak  \hin tur a ni.

9. Gas distributor ten sawrkâr a\anga phalna dang an hmu a nih ngawt loh chuan, Home Delivery an ti ngei tur a ni.

            Heng kan rawn tihchhuah te hi hmun a awm loh avangin a tlangpui tak tak chauh rawn ziah a ni.

(Source: Legal Awareness Magazine, April-June 12)

BIBLE  QUIZ  No.9

IIChronicles  BUNG 11-15

Q1 Tin, Rehoboama chuan Jerusalem a han thlen chuan, Israel-hote do va, Rehoboama ram la leh tûrin Juda leh _________, mi huaisen thiau thlan chhuah, nuaikhat leh singriat zet a khâwm a.

Q2Tin, chung kulhte chu a tinghet a,_______, ei tûr te, hriak te, uain te a chek khâwm a

Q3.Tin, Rehohoma chu a lo lal ngheh tak chinah chuan a lama tang _________ nen, LALPA dan chu an hawisan ta a.

Q4.Tin, a han intihhnuai tak avâng chuan a tihboral hlauh loh nân a chunga LALPA thinurna chu akiang ta a; tin,_______ a la tha reng bawk a.

A bung leh châng dah rawh :

Q1.LALPA zawn nân a rilru a hman loh avângin thil tha lo a ti a.

Bung: ...............          Chang: ....................

Q2.Tin, Abija chuan sipai indo mi, mi huaisen nuali thlan thiau nen an va bei a; tin,Jeroboama chuan mi chak huaisen thlan thiau nuairiat inzarina lo do va.

Bung: ................         Chang: ....................

Q3.Nimahsela nangni zawng chak takin awm ula, inthlahdah su u, in thiltih man chu in hmu dâwn a ni,” a ti a.

Bung: ................         Chang: ....................

Q4.Tin, LALPA hnênah aw ring takin, au rawlin tawtawrâwt ri nen, tawtawrâwt bi nei ri nen chhia an chham a.

Bung: ................         Chang: ....................

Q5. Ranpuho  puan inte pawh an bei a, berâm leh sanghawngsei tam tak an kawl a, Jerusalem-ah an haw leh ta a.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 8 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Lalthlamuanpuii(V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

                  PAVALAI INKHAWM PROGRAMME

A hmun    : Vestry

A hun       :7.3.2013 (Ninga zân)

Chairman : Upa Zairemthanga

|antu        : Pu xxxxxxxxx

Thuhriltu : Pu xxxxxxxxxx

HLA  ZIR

               K.|.P member zawng zawngte naktuk zan inkhawm banah kan member T. Lalmuanpuia te inneihna a hla rem tur zir leh tur a ni a, memberte \hahnemngâi takin zir i tum \heuh ang u.

N.P.S.S  SPORT

            Tunkar ni 8.3.2013 (Zirtawpni) khiân harsatna dang a awmloh chuan Naupang Sunday School te Rajiv Gandhi Stadium; Mualpuiah sport neih tum a ni a. Zing dar 10:00 ah \an tur a ni. Sunday School naupangte zing dar 9:30 ah biak in kawt a\anga chhuak hman tura inpeih tur a ni. Eitur hi mahnia pâi tur a ni e.

LAWMTHU  SAWINA

            Keini K.|.P  Marka groupte chuan sumtuak nan vengchhungah mawmbati kan rawn zuar a, vengchhûng mipuite tlawmngâia min lo dâwr tute zawng zawng chungah Pathian hmingin lawmthu kan sawi tak meuh meuh a ni.

            Tin, lehkhabu kâwm siam tur kan khawnte pawh mi \hanhnem takin min siam tir a, lehkhabu kâwm min siamtir tute zawng zawng chungah lawmthu kan sawi bawk e.

                        Sd/-                              (ZOHMINGMAWII)

                    Secretary                                     Marka Group

HRIATTIRNA

                  Kumtira K.|.P member ni duh zawhchhuah laia awm remchâng lo, member ni duh ve si kan awm a nih chuan engtiklai pawhin hruaitute hnenah in report theih reng a ni.

LAWMTHU  SAWINA

               KTP Mathaia Group ten sumtuak nan a kan sangha zawrh tlawmngâia min dawrtu, chhungtinte chungah lawmthu kan sawi a. Tin, hun remchang hmasa berah a man rawn khawn tum a ni a, kan sangha zawrh min laksak tute lo inring turin kan inhriattir nghal ani e.

Sd/- 

Secretary

Mathaia Group

EDITORIAL  BOARD  LAM  A|ANGA  HRIATTIRNA

            Mipui Aw chanchinbu hi  vengchhûng chanchincbu neihchhun a nih avangin a \hat leh \hatloh thuah vengchhung mipuiten thawhhona \ha kan neih a \ul a, a hmelhmang landanah leh a chhunga thuchhuah chungchangah mipuiten in ralkhat sawisel mai lovin in fuih zâwk ila a duhawm hle mai.

            Kan \hattlanna tur thuchhuah kawngah mipui ten, tha leh kan finnate rawn thawh tam turin kan in sâwm bawk a ni. Tin, kohhran lam enkawl a nih avangin political party lam chungchâng leh mimal leh pawl insawiselna leh inchirhthehna rawngkai lam chi reng reng lakah fihlim se kan duh in helamah hian kan fimkhur hle bawk a ni.

            Thuchhuah chungchangah hian sumdawnna lam leh mimal hlawkna ang chi  tih lohah chuan man chawi a ngailo a ni.

Sd/-

Editor

THUROTLING

            Lehkha chhiârin miin thuam famkim a siam a, inbiakhonain mi inring reng a siam a, lehkha ziakin mi tak tak a siam a ni.   -Francis Bacon

                  Pathian hmangaih la, a chenchilh ang che. Pathian thu zawm la, a zirtirna thudik ril ber a hriattir ang ce.     -Robertson

TUALCHHUNG

,Pu Lalruatsanga h/o Lalrinengi (V.Sec) chu rîl lam \hatlohna avangin Civil Hospitalah zai a ni a, enkawl mêk a ni.

,Pi Lalrawngbâwli w/o Pu Lalremruata (V.Sec) chu damlohna avanga Synod Hospital Durtlanga enkawl a nih hnuin a dam takin a lo chhuak.

,Pu J. Lalpara h/o Pi Lalchhanhimi (V.Sec) chu hun reitak Civil Hospitala enkawl a nih hnuin \hatakin a lo chhuak.

,Pu H. Lawma h/o Pi Than\huami (L) (V.Sec) te chhungkua chuan khawilo vahvel nan car (Santro) an lei thar.

,Pu Hrangchhingi m/o Pu Lalzuiliana (V.Sec) te chhungkua chuan khawlo vahvel nan Car (Eon) thar an lei.

,Kan news editor Tv. P. Lalnunsanga nu Pi Lalzâmi w/o P. Vanlalruata (Ch.sec) chu damlohna avangin naktuk lamah phai lama in enkawl turin an chhuak dawn.

,Kan Circulation Manager Tv. R. Zodinsanga chuan hunbi duh duh huna a hriat theih nan Sana thar a nei.

VIDEO  CAMERA  HRALH  TUR  NEI

            Sony Handicam la thar \ha tak mai, pawisa mamawhna avangin hralh duh a ni a, a man hi  `13500 a ni.

Contact:- 9862094792

Zânin EPL inkhêl turte

xxxxxxxx        7:00     xxxxxxx

xxxxxxxx        7:00     xxxxxxxx

Zânin Spanish La Liga

xxxxxxxxxxx 11:30 xxxxxxxxxxxxx

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 24.2.2013

MIPUI AW

KARTIN CHHUAK

Vol. XIX Issue No. 8 Kristian Thalai  Pawl  Saikhamakawn Branch  Pathianni Dt.24.2.2013

VAWIIN CHANG VAWN

            Chutichuan an hnênah, “kan chan a chhiatzia hi in hmu a, Jerusalem a ram tih te, a kawngkhâr te a kang tihte pawh in hria a: hawh u, sawichhiat kan nih tawh loh nân Jerusalem kulh chu i din leh ang u,” ka ti a.Tin, ka Pathian mi duhsak thute ka hrilh a, ka hnêna lal thu sawite pawh. Tin, anni chuan, “I tho vang u khai; i din teh tak ang u,” an ti a. Chutichuan chu hna tha thawk tûr chuan an kut an tichak a.

KOHHRAN  PROGRAMME

24.2. 2013 (Pathianni)

Sunday School Inkhawm

|antu           : Pi Ainawnpari

Chawhnu Inkhawm

Thuhriltu    : Upa Lalzama

Zân Inkhawm

Thuhriltu    : Pu Siamliana

KTP PROGRAMME

 Dt. 25 .2. 2013 (Thawh\an zan)

Sermon  Inkhawm

Hruaitu           : Nl. Brigitte Zonunmawii

|antu              : Tv. Lalfakzuala

Thuhriltu       : Pu Jeff Lalhmingsanga

Thilpek lakh- : Nl. Vanlaltlani

awmtu turte   : Nl. Lal\anpuii

Solo                 : Nl. Debbie Lalfakzuali

February thla chhûnga zai hruaitu leh

musician turte

Hla hruaitu    : Tv. Lalhmangaiha

turte                  Tv. Pc. Vanlalhriatpuia

Musician         : Pu Lalremruata

KOHHRAN  HMEICHHIA

(26.2.2013)

Hruaitu           : Pi Rimawii

|antu              : Pi J. Lalhmingliani

Thuhriltu       : Pi Lallianpuii

SERMON

RINAWMNA

                        Thih thlengin rinawmin lo awm rawh, tichuan nunna lallukhum ka pe ang che. Thlarauvin kohhranho hnena thu a sawi hi beng nei chuan hre rawh se. A hnehtu piang thih hnihna chuan engmah a tih lo vang, a ti e’ tiin. Thupuan 2:10 & 11

            Rinawmna hi mihring nunah chuan a hluin a pawimawh hle mai a. Mî rinkâi tawhlo laklawh tan chuan han rinawm ve viâu \hin mahse “a va mak ve” tih bak an hlawhchhuak zo ngai meuh lo a ni. Rinawmna hi a chânga neih a; neihloh chi a ni lova, a tir a\anga a tawp thlenga neih chi a ni. Rinawmna hi thil hloh theih a ni tih hriat a \ul bawk âwm e. Chuvangchuan rinawmna chu vawn nun reng a  tur a ni.

            Bible thu kan tarlanah khian thih thlenga rinawm turin min ti a, thih thlenga rinawmlo tân nunna lallukhum a chan theih dawn loh a ni. Thih thlenga Pathian tâna rinawmte chauhin nunna lallukhum an chang dâwn a ni. A nihleh engnge rinawmna chu ni ta ang? He khawvela kan awmchhungin Setana’n nasa takin min thlêm \hin a, kan nawmsakna tur pawh nisela sual lam kawng kalsana Pathian tana din tlat hi rinawmna chu a ni a, chu nun chu ringtuten kan neih ngei ngei tur a ni.

            Khawvel mite an duh ang angin an khawsa a, nuam an tih zâwng leh \ha an tih ang angin nitin hun an hmang \hin. Pathian hremna tawh ahnekin an nun kawng a tluâng viâu ni tein a lang \hin. Chutiang ti ve thei nimah ila engvangin nge Pathian tân kan rinawm tlat reng bik le? tia ngaihtuah châng a awm \hin. Nakinah kan khawvel nun a tâwp hunah thih thlenga rinawmte lawmman chu Pathianin min la pe ngêi dawn a ni tih hi kan hriat avangin khawvel mite angin kan awm ve thiâng lova, Pathian tâna kan rinawm chhan hi amah kan hmangaih vang a ni tur a ni tih kan hriatchian a \ulin a pawimawh hle bawk. Min hmangaihtu leh min tlantu tâna rinawm taka nuna, a tâna kan inpêk ve hi kan tih tur âwm rêng pawh a ni. Bible pawhin Krista tâna kan taksa hlan hi kan rawngbawlna tur a ni tih min hrilh chiang hle.

            A tawp berah chuan, keini mihring famkimlo leh fello, rinawm theilo hi engtin nge Pathian tan thih thlengin kan rinawm reng theih ang. Pathian duhzawng ti turin kan chakna a tlêm si, theihna kan va nei lo em! Pathian vêkin kan nunna atan a fa neihchhuan Isua Krista chu keini rinawm thei lote tân min rawn pe a. Chumi nun a\ang lo chuan mihringte hi Pathian tân kan nungin kan rinawm thei hauh lo. Thih thlenga rinawm taka Isua hnungzui tur chuan Ama nun kan neih a \ul a, chumi nun nei turin Thlarau Thianghlim chuan nitin min sâwm reng a ni, a hnen i pan ang u.  

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

PUAN  VEN  SAWI  CHHÎN  A  NGAI  EM?

            Bible chuan “an bengte chu thutak lamah an chhungawng ang a, thawnthu lam panin an peng tawh ang” tia a sawi hi kan tunlai khawvelah hian  a thleng dik \an ta mai em? tih hi ringtuten kan ngaihtuah ngai em le.

            Khawvel finna leh thiamna \hang zelah hian Pathian aia ngaihsak tur leh vei tur keini ramah ngei pawh a tam ta hle mai. Hei hi sual hmanrua a ni tih ringtuten kan hriat phak pawh a pawimawh khawp ang. Kan fimkhur lova nuam kan tih zâwng leh \ha nia kan hriat lama ke kan pên vak vak a nih ngat chuan Pathian kan hlat thei viau dawn a ni tih hi i hre mawlh ang u.

            Kan hriat loh hlanin ringtute hi thawnthu lamah kan pêng thui thei viâu a ni tih hretute kan ni vek chung hian in fuih tawh erawh kan ngâi reng a. Tunlai changkanna hmang hian setana hian engtiang chiahin nge min luhchilh tih chhût chungin kan puanven sawi chhîn a ngai tawh lo maw?

ARTICLE

DRUGS  ABUSE  (DAMDAWI  HMAN SUAL)

            Tunlai hian tleirawl / rawltharte (Teen age) zingah damdawi tihchîng an tamin a hluar hle niin an sawi a, a pawi hle mai, kan khawtlang, kan tu leh kan fa, kan u leh naute hi an fihlim em le? Nu leh pa te hian kan fate mizia i chikin tunge an kawm, khawnge an kal a, engnge an tih? tihte inhriatpui \hinin a tlai hma hian i harh \heuh ila.Miin engvâng pawhin damdawi tih lo chîng sela, a nunphungah thup theihloh danglamna a lo thleng ngei ngei \hin a, a langsar zualte lo tarlang ila:

1.  TAKSA  DANGLAMNA  LO  THLENG:

i) Mitmeng senrûm; a thup nan mitthlawr (eyedrop) an hmang uar hle.

ii) Mit note size danglam, melh ngai an melh rei theilo.

iii) Ei leh in hunte, mut hunbi alo inthlak.

iv) Taksa rihna tlahniam thut/ sâng thut.

v) An hmel a dawldangin, ti nung/ sen an nei lo.

vi) Rim danglam, a hmaa an nam ngailoh an nâm thar (an kawrah emaw an thawmhnawah)

vii) Hritlang, âwmna nisi lovin an khuh vak vak.

viii) An vun a lo thak emaw, a lo zâ a, an inhiat neuh neuh \hin.

ix) Invawnfaina lam an ngaihthah emaw a hma aiin an che fimkhur emaw \hin.

x) An awmna ngaihah an awm theilo, an \awng a buh nuai \hin.

2. NUNGCHANGA  DANGLAMNA  LO  THLENG

i) Zirnaah an tlahniam, class kallohte, tlanbote an chîng thar.

ii) Nidang aiin pawisa an duh a, mi ta puk an hreh lova, ruk hiâl pawh an pawi tilo.

iii) Pawisa emaw an thilhlu neihte tiboa insawi an chîng.

iv) |hian thar, heitiang lama fihlimlo tihchîng tak takte an kâwm thar.

v) Fianrial an ngainaa, room-a inkalh hnante, bualin/ ekin ah rei tak tak hun hman an chîng emaw inchhûng aiin pâwnlam nuam an ti.

3 MIZIA/  RILRU  PUTHMANGAA  DANGLAMNA  LO  THLENG:

i) Mahni inrintawkna an tlachham tial tial.

ii) Thinrim thutte, thinchhiatte, thinrim laia thil tihchhiatte an chîng thar.

iii) An phurna leh tuizawng a lo danglama, an ngaih a sam em em bawk.

iv) Chhan leh vâng awm lovin hlauthawng hmêl an pu tlat \hin, in biak laia mita in en an nei ngam lo.

            Hengte hi tu chhungkuaah pawh thleng thei a ni tih hriain invenpui tawn ila. Nu leh pa te pawhin lungruâl takin miten kan fate diklohna an sawi pawhin pawm ngam \hin ang u. |halaite pawh kan nu leh pate leh kan ram leh hnam, khawtlang innghahna kan ni tih inhriain heng ruihhlo leh a kaihhnawih nen hi chuan ram leh hnam kan siam\ha dawnlo tih hria a, kan phak tawkah rinawmna leh huaisenna nen, kan ram leh khawtlang siam\ha turin ke i pen ang u.

            Ruihhlo leh khawvel thil tello hian, “Kan vanglai leh \hatlai hun chen min phalsaktu Pathian nen hlim takin hun a hman theih tih i hria ang u”. Keini lo chu kan khawtlang chawikang a, siam\hatu tur an awm si lo.

           

MKVI BOARD AWARENESS CAMPAIGN/SEMINAR.

            Dt. 19/2/2013 khan Mizoram KVI Board leh Branch YMA, Saikhamakawn \angkawp  chuan Saikhamakawn YMA Library Building-ah Mizoram KVI Board  hmalakna chungchangah Seminar  hlawhtling taka neih a ni a. He Seminar hi MKVI Board hmalâknate leh an hnathawhte tarlanna a ni a, tin, chumi piah lamah kan Branch te min duhsakin inhlawhna min rawn siam sak duh vang a ni pakhat a, chuvangin MKVI Board chungah hian lawmthu kan sawi tak meuh meuh a ni.

            Tin, he Seminar hlawhtlinna tura kan thil ruahman- Debate leh Essay Competition-a tlawmngaia min tihsak tura kan sawmte leh Veng chhung a\anga zaithiam kan sawm ten tlawmngai tak leh \ha taka kan sâwmnate min tihhlawhltinsak avangin an chungah lawmthu kan sawi tak meuh meuh a, tin, he hun min ngaihpawimawh saktute- Local Council Member-te leh Mipui lo kal zawng zawngte chungah Saikhamakawn Branch YMA chuan lâwmthu a sawi tak meuh meuh bawk a ni.

                                               

Debate leh Essay Competition-a lawmman latute:

                                               

Debate: MKVI Board hmalakna hi Mizoram tan a tha tawk a ni.

1st Prize                        -           Pu F.Lalbuaia

2nd Prize           -           Pu Lalzuiliana

3rd Prize           -           Pu  C.Laldawngliana

                                               

Essay : MKVI Board hmalakna chungchang.

1st Prizie          -           Pu C.Laldawngliana

2nd Prizie          -           Pu Dawngkima

3rd Prize           -           Tv. PC. VL. Hriatpuia

                                               

Sd/- ( K.LALHULIANA)

Secretary,

Branch  YMA, Saikhamakawn.

HRIATZAUNA

Kan awmna khawvel chanchin

* A len zâwng             - 510,072,000 sq.km

* Khawmual zau zawng          - 148,940,000 sq. km (29.2%)

* Tui khuh chin                       - 361,132,000 sq. km(70.8%)

* Mihring awm zat      - 7.1 billion (Jan. 2012 based                                         UN population estimate)

* Khawvel upat lam    - 4.54 billion years

* Ni a\anga hlat zâwng           - 150 billion km.

* Thla a\anga hlat lam - 384,400 km.

* A rih zâwng             - 5,988 billion tonnes

BIBLE  QUIZ  No.8

IIChronicles  BUNG 6-10

A kâr âwl dah khat rawh :

Q1.Chutichuan LALPA, Israel Pathian, i chhiahhlawh ________________________ hnêna i thu lo sawi chu hlawhtlintir ngei ang che.

Q2.Tin, heti hi a ni a, _______________ fapa Jeroboaman chu mi thu chu a lo hriat chuan (lal Solomona hnên ata a tlan bona Aigupta rama la awm a ni si a) Aigupta ram ata Jeroboama chu a lo haw leh a.

Q3.Tin, ni riat ni chuan inkhawmna ropui tak an nei a; mâicham lawmna atân ni ________________ an awh a, kut ni atân ni sarih an awh a ni.

Q4.Tin, heti hi a ni a, Solomonan LALPA in le ama in a sak chhûng kum sâwmnih a lo vei chuan, Huraman _____________ khua a pêkte chu ______________ chuan a din a, Israela thlahte a awmtir a.

A bung leh châng dah rawh :

Q1.Lal hnênah chuan, “I thiltihte leh i finzia thuthang ka rama ka lo hriat chu a dik ngei a lo nih hi le;

Bung: ...............          Chang: ....................

Q2.Tin, LALPAN a thu sawi chu a rawn hlen ta a; LALPA lo tiam tawh ang ngeiin ka pa Davida hmun chu ka lo luah a, Israel lalthutthlengah chuan ka lo thu a, Israelte Pathian, LALPA hming atân in chu ka lo sa ta a ni.

Bung: ................         Chang: ....................

Q3.LALPA ropuinain LALPA in chu a tihkhah avângin LALPA inah chuan puithiamte chu an lût thei ta lo va.

Bung: ................         Chang: ....................

Q4.Lalin puithiam-ho te, Levi-ho te thu a pêk chu eng kawnga mah, sum thu-ah te pawh an ngaihthah ngai hauh lo.

Bung: ................         Chang: ....................

Q5.An hnênah chuan, “Heng mipuiho, ka hnêna, ‘I pan kan chunga nghâwngkawl a nghah hi min tihzansak rawh,’ tia sawitute hi ka chan dan tûr rem eng nge mi ruatpui le?” a ti a.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 7 RESULT

Chhanna lut zawng zawng : 5

Chhang dik vek                       : 5

Lawmman dawngtu     : Lalhmingsangi (T.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

                  PAVALAI INKHAWM PROGRAMME

A hmun    : Vestry

A hun       :28.2.2013 (Ninga zân)

Chairman : Pu T.K. Mânga

|antu        : Pu Saienga

Thuhriltu : Pu Lalfakzuala

LAWMTHU  SAWINA

               Nimin 23. 3. 2013 (Inrinni) nileng khan keini Luka groupte chuan sumtuak nân vengchhung motor silin hnatlang kan nei a. Tlawmngaia mahni motor min sil tirtute zawng zawng chungah K.T.P Luka group te chuan lawmthu kan sawi tak meuh meuh a ni.

               Hemi kan hnatlanna a mimal hmanrua min hawhtirtute chungah lawmthu kan sawi a, tin, Pu Zosangliana te chhungkua in an in kawt leh motor sil nan an tui phal taka min hmantir avangin lawmthu kan sawi bawk a ni.

Sd/-  (MALSAWMZUALA)

Secretary

Luka Group

YMA HRIATTIRNA

            Tunah hian Community Hall chu  cheithat  mek a ni a, dt. 20.2.2013 khan Branch huap nileng hnatlang neih a ni a, a chhuat khuar lai chhûn khah ani. Member 67 lai kan thawk chhuak. Tin, dt. 23.2.2013 hian Branch Executive chinte zing kar hnatlang neih leh a ni a. Tin, Hall stage chung Slab na tur Iron rod chu hemi zing hian lei nghal a ni bawk.Hall chei thatna tur hian kan MLA zahawm tak Pu K.S. Thanga chuan `200000/- a fund atangin min pe a, a chungah Branch YMA Saikhamakawn chuan lawmthu a sawi a ni.

            Hall-ah hian hnatlang neih fo a la ngai dawn a, chuvangin member tinte thahnem ngai taka kan thawh thin a pawimawh hle dawn a, hei hi kan han in hriattir lawk a ni e.

Sd/- Secretary,

Branch  YMA, Saikhamakawn.

G.A.S  HRIATTIRNA

               Ni 11-19 3. 2013 hian Aizawl South III Constituency M.L.A Inter Village Football Running Trophy chu Aibawk Play Ground ah neih a ni dawn a, hemi tournament a Saikhamakawn players tel tum zawng zawngte chu vawin ni 24. 2. 2013 (Sunday) chawhma inkhawm banah Pu R. Sangzuala (L) te inah kalkhawm vek tur a ni e. Menber fee `5 ken nghal bawk tur a ni e.

Sd/-  Secretary

Games & Sport Association

Saikhamakawn

LAWMTHU SAWINA

            Kan fapa Lalthankima ni 19.2.2013 zana a intihpalh chungchangah tualchhung mipuite hnenah lawmthu sawi tur tam tak kan nei a. A intihpalh thu hriat a nih ruala a intihpalhna hmun leh damdawiin lam thlenga min buaipuia, a tana tha leh zung, sum leh pai sengtu zawng zawng chungahte, min \awng\ai puitu Kohhran leh mimal zawng zawng chungahte lawmthu kan sawi takzet a ni. Lawmthu sawina tur awm sawi hmaih palh kan neih chuan khawngaih takin min ngaidam dawn nia.

            Kan chunga in \hatna zawng zawng Lalpan a let tam takin rûl che u rawh se.

In khawngaihna dawngtu

Khawlchhingi te chhungkua

Saikhamakawn

THUROTLING

            Hriatthiamna nei mi chu khawvel kalphung nen a inhmetrem zel a, hriatthiamna nei lo mi erawh chuan amah ah khawvel inherhrem tir a tul tlat thung. Chuvangin hmasawnna zawng zawng hi hriatthiamna neilo mi chungah a innghat a ni.        G.B Shaw

TUALCHHUNG

,Tv. C. Lalmalsawma s/o C. Lalengzama (V.Sec) chu Assam Regiment (Khêla) ah a tling thar.

,Pi Laldawngliani w/o Lalruatkima (T.Sec) chu damlohna avangin Kulikawn damdawi inah enkawl mêk a ni.

,Pu Lalthankima h/o Pi Hmangaihsangzuali (Ch.Sec) chu damlohna avangin Civil Hospitalah enkawl mêk a ni.

,Pu L.V Ramdinthara  (T.Sec) te chhungkua chuan khawilo vahvêl nan Nano thar an lei.

,Pu Laltlawmlova (Ch.Sec) te nupa chuan a pakhatna atan  fanu duhawm tak an nei thar.

,ZIN  MEK: Mipui Aw Editor Tv. F. Laldingliana chu a hna lam \ulna avangin Delhi tlângah a zin mêk a, board memberte kan khua a harin; chanchinbu lam pawh alo pâwr deuh a nih pawhin chhiartute hriatthiamna  kan ngen a ni.

MBBS  ZO

            Nl. Priscilla Zodinpuia d/o Pu Zirsangliana (V. Sec) chuan MBBS \ha takin a zo. Top ten-ah a inhlangkâi nghe nghe a ni.. Hetiang nula chhuanawm tak vengchhungin kan nei hi a lawmawm hle in Mipui Aw editorial board chuan kan lawmpuiin duhsakna kan hlan nghal e.

Zânin EPL inkhêl turte

Man City     7:00      Chelsea

Newcastle        7:00     Southampton

Zânin Spanish La Liga

Atietico Madrid 11:30 Espanyol

Thawh\an zan EPL

West Ham   1:30      Tottenham

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300