Mipui Aw 20.1.2013

MIPUI AW

KARTIN CHHUAK

Vol. XIX Issue No. 3 Kristian Thalai  Pawl  Saikhamakawn Branch  Pathianni Dt.20.1.2013

KOHHRAN  PROGRAMME

20.1. 2013 (Pathianni)

Sunday School Inkhawm

|antu           : Pi Zuimawii

Chawhnu Inkhawm

Thuhriltu    : Pu Khawlhmingliana

Zân Inkhawm

Thuhriltu    : Upa Zonunmawia

KTP PROGRAMME

 Dt. 21 .1. 2013 (Thawh\an zan)

Sermon  Inkhawm

Hruaitu           : Pu R. Lalmuanpuia

|antu              : Nl. C. Lalrempuii

Thuhriltu       : Pu Lalduhkima

Thilpek lakh- : Nl. Malsawmtluangi

awmtu turte   : Nl. R. Zonuntluangi

January thla chhûnga zai hruaitu leh

musician turte

Hla hruaitu    : Tv. R. Zodinsanga

turte                  Tv. F. Laldingliana

Musician         : Pu Lalchhandama

                          Tv R. Lalzamlova

VAWIIN  TLAI  FELLOWSHIP

A hmun          : S.S. Hall

Hruaitu           : Pu C. Lalmuanpuia

|antu              : Tv. Lalrinpuia

KOHHRAN  HMEICHHIA  (22.1.2013)

Hruaitu           : Pi R. Lalthansangi

|antu              : Pi Lawiziki

Thuhriltu       : Pi Lalchhanhimi

KOHHRAN ZAIPAWL HRIATTIRNA

            Bial Conference-naa hla rem tur hla pahnih zir mêk a ni a, Kohhran Zaipawl ten i ngai pawimawh ang u, tin, la zir ve lote pawh inthlahrung lovin zir \heuh i tum ang u.

SERMON

NUN  KRISTA

            Kei atan zawng nun hi Krista a ni si a, thih pawh hlawkna a ni.                            Philippi 1:21

            Tirhkoh Paul an Philippi khuaa lehkha a thawn lai hian amah hi lungin (Jail)-ah a awm mêk a, Rom sorkar in Kristiante a man a, an tihduhdahna avângin Paula pawh hi an man anih ngêi a rinawm. Tihduhdahna kal zêlah Philippi khaw kohhranhote amah anga tihduhdahna tuar ve mai thei dinhmuna ding an nih thu leh chumi avanga zâm mai lo turin a tânna lungin a\angin he a lehkhathawn hmang hian a fuih a ni. A tawrhna hian a tibuai lêm lo ni ngei tur a ni. Keini ho ngêi pawh han in en ta ila, tunlai kan ram leh khawtlângah Kristiante Setana’n nasa takin min tiduhdah mêk a. Engtianginnge tihduhdahna chu kan tawh ve rêng han sawi lawk ila. Tihduhdahna  hi chi hnih(2):  1. Pâwnlam leh 2. Chhûnglam. Pâwnlam tihduhdahna chu taksa tawrhna a ni a, chhûnglam  tihduhdahna tak hi keini ho pawhin kan tawh mêk chu a ni ta chiah a. Sualin zirtirna diklo hmangte, rinna diklo hmang ten min bei mêk a, tin, sualna chi hrang hrang mipat hmeichhiatna hmankhawlohna hmangte, eirukna, ruihtheih thil leh sual dang tam tak; kan tunlai khawvel leh kan ramah kan hmuin kan hre hnem hle, hetianga Kristiante Setana’n min tihduhdaha min nghaisak mêk lai hian Tirhkoh Paula angin rinna nghet taka vuan chungin Krista tâna ding a, thih thlenga midangte rinna kawng dik an zawh theih nâna mahni nun ngei in hlan ral mi Nun Krista neitu kan nih a va pawimawh em!!!

NUN  KRISTA  CHU  ENGNGE?

            Philippi 2:5-8.  He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bâwih angah a insiam a, amah leh amah a intitlâwm ta zawk a. Tin, mihring anga lo awmin, a inngaitlâwm a, thi khawp hiala thu zawmin a lo awm ta a, kraws-a thihna ngei chu. He thu-ah hian Krista rilru ‘Nun Krista’ dik tak chu kan hmu a, chu chu inngaihtlâwmna leh midangte tâna thih thlenga thuawih taka nun a ni. Hei tak hi Nun Krista chu a ni kan ti thei ang. Paula pawh khan thiha Pathian hnêna nuam taka hun hman chu a châk lutuk, nimahsela Philippi khaw Kohhran-a Setanan buaina a thlen mêkah siam\hat hnâ thawh leh thlamuan ngai a la ti si, Pathian hnêna nuamsa taka chawlh chu thlang lovin ringtute tihduhdahna khawvelah midangte tâna nun hman chu a thlang zawk a ni. Hetiang chiah hian Lal Isua ngei pawhin van hmun ropui chu thlahlel hlei thei lovin mihringte tâna a nun pum hlân turin khawvelah alo kal ta a ni. Nun Krista chu engnge? tih chiang takin kan hre thei tawh awm e. Nun Krista ah chuan mahni kan lang lova, midangte an pawimawh zawk a ni. A nih nang leh kei hian kan nunah engnge  kan dah pawimawh? mahni kan indah pawimawh hmasa nge? Midang ten Isua nei se tih rilru kan pu. Kan hriat reng atang pawimawh ber chu Nun Krista ah chuan mi dangte \hatna tur leh damna tur a nih pawt chuan ka tuar mai ang nge tih hi a lang lian bêr \hin si a.        

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

                                            THIH THUT THUTNA HI

            Mihringte hian thihna chungah thu kan neilo nachung hian tunlai Aizawl-a thilthleng langsar tak leh la thleng mêk damdawi overdose avanga thih thut thutna awm \hin hi chu mitin hian kan pumpelh theih a rinawm. Tleirâwlte leh la naupang tak takte lungphu chawl leh thawhah avanga hun lo taka an boral nachhan hi chiang zawkin Article Huangah Dr.Jeremy V.Pachuau, tunlaia helam buaipuia hmâ latûin a Article-te kan chanchinbuah min rawn Share ve theih avang hian kan vânneiin a lawmawm hlê a ni.

            Hetianga thih thut thutna hi kan vêngchhung bîkah chuan; Pathian zârah kan la tawng chiah lo pawh a ni mai thei, mahse, thufing chuan, “Tihdam aiin invên a \ha zawk” a tih hi hre reng ila, chhiatna kan tawh tak tak hmâ hian a hlauhawm zia leh tih ve chi anih loh zia hi hria ila, vengchhung tleirâwl, \halai te leh nu leh pate hetiang lamah hian i fimkhur \heuh ang u.

ARTICLE

KHUH DAMDAWI OVERDOSE

-By Dr.Jeremy V.Pachuau

            Mitam zawk chuan Vanglaini ah kan lo chhiar hlawm in ka ring. Khuh damdawi overdose chungchang a front page ah an rawn ziah tawh mai bâkah kan Health Minister hialin damdawi zuartute fimkhur turin a chah hial a nih kha....Nia, hemi chungchâng hi kan hriat chian lehzual a \haa ka hriat avangin tlem kan tarlang ve ang e....

Tun hnâi, thla 2 thum vela ka experience leh case history Casualty ka duty lâia ka lo hmuhte han târlang ve phawt ila...

1) Dec. 23.2012 ni khân tlai 2:30 PM vêl hian tlangval kum 32 mi vêl hmanhmawh takin unconcious in Casualty-ah an rawn zâwn lût a, theih anga rangin ka zuk en nghal a, kan en chuan a lo thi fel der tawh a, a hmui leh a kut hmawr te a duk vek tawh...A \hiante kan zawh chuan drugs chu a ti ve zeuh zeuh \hin a ni awm e, tin, zu / zawlaidi hi a in \hin bawk tih min hrilh. An sawi dân chuan "Chhûnah Zawlaidi tlêm kan in a, kan mu zal lawk a ti a, darkar 2 hnu ah, kan han kaitho dawn a a tho thei ta lo a, kan rawn hruai ta a ni" an ti...A zia lo hle mai, Casualty register ah chuan "BROUGHT DEAD" tih in kan enter ta ringawt a ni...

2) Dec.27.2012 zan dar 7 vêlah nula kum 23 mi, unconcious in an rawn hruai leh a, rang taka kan check chuan, a natna lan dânah No.4 Overdose nen a inang chiah a, a mit naute chu pin hmawr bawk tiah lek ( Pin point pupils ) tiah lek a nia, deeply unconcious in a awm bawk, No.4 thahna damdawi Inj Naloxone 400mg 2 amp in kan han chîu a, Oxygen-te pe in, darkar chanve hnû vêl chuan a rawn harh \ha ve leh mai. A chhungte kan zawh chuan drugs a tih ngai loh thu min hrilh a, tlai chaw erawh a \hiante nen an ei ho thu min hrilh, tin, kei pawn a tih ka ring lo. Ka lo ngaihdânah chuan a thian te nen an in kawm vel na ah misual tu in emaw a cold drinks a in tûrah drugs a pawlh anih ka ring a, a chhûngte pawh fimkhur turin kan in chah zui. Chutichuan dam tak chuan Pathian zarah kan in thlah ta a.

3) Kumthar 2/2013 zân dar 11 velah Casualty ah hmeichhe naupang kum 13 mi lek unconcious in an rawn hruai leh a, rang taka kan han check chuan a chung ami ang chiah khian No.4 Overdose ang chiah bawkin a awm a, a thahna ten kan han chiu a kan han enthlak chuan minute 15 velah a rawn harh ve leh mai. A chhûngte hnênah pawh a chunga ka chah angin ka chah leh a, naupang lah chu drugs a inchiu thin a nih hmel bawk si loh.

4) Jan.4.2013 khân Casualty ah zân dar9:00pm a\anga duty tur ka ni a, Dar 9:00pm a ka va thleng chu ka luh rual in hmeichhe tleirawl kum 17 mi, unconcious in an rawn hruai leh a, ka jacket pawh phelh hman lovin, ka va thlâk tur doctor nen chuan kan buaipui ta char char a, hei phei chu damdawiina ka staff te nau a lo ni bawk nên, a lo duk nasa tawh a, a âwm kan han ngaihthlâk chuan a ri bawrh bawrh bawk si, Endotracheal Intubation ( Plastic pipe kha a thawkna dawt a tangin a chuap ah kan zuk thun a ) Tui / chil etc. unconcious lai khân a lo hâk nasa hman khop mai, kan han hip chhuak a, Oxygen-te kan pe a, a \hat deuh hnu chuan, Khâwl hmanga thâwk tîr turin ICU ah ka dah chho ta a ni...Zing dar 5 vêlah a pa a rawn chhuk a, an harh that tawh thu leh lawmthu te min rawn hrilh a, kei pawh ka thaw huai...Tin, keima tawn kher loh pawn ka \hian dangte paw’n an lo experience ve nual a ni, admit ngai khawp pawh an awm nual.

Khîng achung amite ka’n sawi duah nachhan chu Vanglainia inziakte nên pawn a ngaihbel theih tlat si a ni, a vânduai ten an thih pui a, a vânnei ten an thih pui \helh hi, khuh damdawi, lar tak, mitin pawn kan hre awm e, Doctor prescribtion tello pawha lei theih Syr. RESPIRA - D, leh ZAWLAIDI an ruih pawlh vang a ni.

SYR. RESPIRA - D bottle 1 + ZAWLAIDI um 1 = OVERDOSE

* ENGE RESPIRA - D CHU?

He khuh damdawi hi âwmna tânte kan chawh nasa a, khuh damdawi \ha tak a ni...

* ENGE RESPIRA - D AH CHUAN AWM?

Respira - D hi damdawi chihnih inpawlh a ni, a khuh damdawia tak zawk chu DEXTROMETORPHAN HYDROBROMIDE a ni, a hmanna tura hman chuan damdawi \ha tak a ni, a dang chu CHLORPHENERAMINE MALAETE a ni, hei chu anti-histaminic ( allergy damdawi ang deuh) a ni.

*A NIH RESPIRA - D (a dose aia tam deuha in) leh ZAWLAIDI chu ?????

            Kan hre vek anga, damdawi rêng rêng hian side effect a nei tih kan hre awm e, Dextrometorphan Hydrobromide pawh a side effect common chu, allergy, thak, vual, nguai,mutchhuak etc. Chutih rualin damdawi leh damdawi \henkhat ei pawlh hian 'TUR' ( poison ) angin a thawk thei tih hriat a \ha.

            Tûna ka sawi duh bîk chu he case, OD a chhan hriat loh, mu hlum etc. tunlaiin an tam êm vâng a ni.

Lehkhabu hrang hranga ka chhiar leh internet a\anga ka google a\ang ten ka hmuh dân ka rawn ziak a ni. Respira - D a Dextrometorphan hi a mak khawp mai, grape lam a\anga siam juice nen hrim hrim alo in hal êm a ni, a dose sâng deuha in phei chuan. A chunga kan sawi RESPIRA - D khi a dose tam (e.g um 1) lo in ta se, a hnûah ZAWLAIDI (Grape juice hrim hrim) kan in chuan, Dextrometorphan kha thinah a in siam dang tur? (metabolised) tur enzyme chi 1 CytochromeP450 a dang (inhibit) tlat a, chuvangin, dextrometorphan khâ thin chhuahsan mai lovin, thinah a in khâwl khâwm ta \euha chutihlaiin, grape tuiin thlifim tur pawh alêt fêin a rei avangin min an lo OVERDOSE ta mai \hin a ni. Chuvangin, Respira - D kher lo pawh, Dextrometorphan awmna, khuh damdawi e.g Ascoril - D, Coscopin - D etc. eilâite inih chuan grape tui lam awmna in tel loh a \ha. A tawp ber atân kan hriat \heuh tur, abîkin nu leh pa te, kan fa tleirawltê tête hi kan bulah an la pangchang viau a ni mai thei, mahse pâwnlamah chuan, a \ha lam aichuan "thil" han ruih châkna an nei ve \hin a, an chesual mai n, an nunna thlengin an chân mai ang tih a hlauhawm hle a ni.

BIBLE  QUIZ  No.3

I Chronicles  BUNG 11-15

A kâr âwl dah khat rawh :

Q1.Tin, Jebus-a awmhote chuan Davida hnênah, “Hetah hian i lo lut tawp lo vang,” an ti a. Nimahsela Davida chuan ____________ kulh chu a la ta rêng rêng a: chu chu Davida khua tih a ni ta a.

Q2.Eluzaia te, Jerimotha te, Bealia te, Semaria te, _____________ mi Sephatia te;

Q3.Chutichan Davidan Aigupta lui Sihor atanga _______________ khaw luhna thlenga Israel mi zawng zawngte chu la tûrin a khâwm vek a.

Q4.Jerusalem-a a fa neihte chu hengte hi an ni: __________ te, Sobaba te, Nathana te, Solomona te;

A bung leh châng dah rawh :

Q1.Tin, Milo atangin khawpui vêl kulh chu a siam tha a; tin, Joaban khawpui chhûng a siam tha a.

Bung: ...............          Chang: ....................

Q2.Tin, Gad mite zinga mi mi chak huaisen, indo thiam, phaw leh fei hman thiam thenkhatte chu thlalêra kulhah Davida hnênah khan an pakai a; an hmemate chu sakeibaknei hmêl ang a ni a, tlânga sakhi la anga zuanzang an ni;

Bung: ................         Chang: ....................

Q3.Tin, Kidron hruih an han thlen chuan, Uzan bâwm chu chelh tumin a han ban a, bawngte chu an pai an pai avângin.

Bung: ................         Chang: ....................

Q4.Tin, Davida chuan, “Philistia mite bei tûrin ka han chho dâwn êm? Ka kuta hian anniho chu i pe dâwn em?” tiin LALPA a rawn a. Tin, LALPA chuan, “Han chho rawh; anniho chu i kutah ka pe dâwn a ni,” a ti a.

Bung: ................         Chang: ....................

Q5.Tin, Davidan puithiam Zadoka leh Abiathara leh Levi-ho, Uriela te, Asaia te, Joela te, Semaia te, Eliela te, Aminadaba te a ko va,

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 2 RESULT

Chhanna lut zawng zawng : 6

Chhang dik vek                       : 6

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

            KUM 2013 CHHÛNGA MHIP SAIKHAMAKAWN BRANCH HRUAITU TURTE

President     : Pi Lalchhingpuii

V.President : Pi Rozami

Secretary     : Pi Lallianpuii

Asst. Secy.   : Pi Lawiziki

Treasurer     : Pi K.Lalbiaksangi

Fin. Secy.     : Pi Saithangpuii

PAVALAI INKHAWM PROGRAMME

A hmun    : Pu H.Remtluanga te In

A hun       :24.1.2013 (Ninga zân)

Chairman : Pu VL Zidinga Sailo

|antu        : Pu Vanlalfela

                  Rilru sawi leh \awng\ai ruala hun hman a ni ang.

LAWMTHU SAWINA

            Dt. 31.12.2012 Kumhlui thlah zâna kan nu Laldawngliani (Madawngi) accident chungchangah vengchhung mipuite chungah kan lawm tak meuh a, accident kan tawh laia min lo buaipuinate, kohhran mite min \awng\ai sakna zawng zawngte chungah kan lawm tak meuh meuh a ni. Tin, kan manganna hriain Pu L.V. Ramdinthara te nupa-in an motor-in min hruai avangin kan lâwm hlê a ni. In zavâiin Lalpa’n malsawm che u rawh se.

In Khawngaihna dawngtu,

R.Lalruatkima te chhung

Saikhamakawn

HRIATTIRNA

            Tunlai hian vengchhûng Information line siam mêk a ni a, vengchhûng khawilâi emawah chuan thupuan hriattheihlohte pawh a awm a, khawtlang mipui ten min lo hrethiam hrâm tur leh lo dawh hrâm hrâm turin kan inngenin kan in hriattir a ni e. Tin, vengchhung information line hrui lei nâna donation pe duh tân  a pek theih bawk e.

Sd/- (LALZAHAWMA)

Secretary

Information Sub- Committee

K|P HUANG

               THISEN PE

               Saikhamakawn Branch K|P chuan Branch Day pualin ni 12.1.2013 (Inrinni) khân Synod Hospital, Durtlang tan a mamawh apiang hman turin thisen an pe. Thisen petute hi Mipa 26 leh Hmeichhia 1, an vaiin mi 27 an ni. Thisen petute zawng zawng chungah Branch Committee chuan lawmthu a sawi tak meuh meuh a ni e.

BIAL K|P CONFERENCE

               Hlimen Pastor Bial K|P Conference vawi 47-na chu Hlimen Dâmveng Kohhranah January ni 25-27, 2013 hian neih a ni dâwn a, thupui atân “I ram lo thleng rawh se” (Matthaia 6:10) a ni ang. Programme duanlawk tlangpui te:

Ni 27.1.2013 (Pathianni)

Pathian biak inkhawm (10:00am)

Hruaitu:   Upa Lalsangzuala

Zaipawl:Hlimen Dâmveng Kohhran leh Saikhamakawn Kohhran

Thupui I-na: “I ram lo thleng rawh se”. - Mimal leh chhûngkuaah

Sawitu: Pastor C.Sapkaia

Pathian biak inkhawm (1:00pm)

Hruaitu: Nl.Rosangpuii Sialkhen

Zaipawl: Hlimen Vengthar leh Hlimen Kohhran

Thupui II-na: “I ram lo thleng rawh se” - Khawtlâng leh ramah

Inkhawm bân fellowship

Hruaitu: Tv. Lalbiakdika Ralte

Pathian biak inkhawm (6:30pm)

Hruaitu: Nl.V.Lalrindiki

Hruaitu thar hlan: Upa Lalrindika

Zaipawl: Bial Zaipâwl leh Saikhamakawn Kohhran

Overage Certificate hlanna:       Upa Lalremsanga

Thuhriltu: Pu R.Lalhmunsiama

Inkhawm bân fellowship

Hruaitu: Pu H.Vanlaltlana

TUALCHHUNG

,Pu Zalianchhunga h/o Thanghliri (L) (V.Sec) chu damlohna vangin Civil Hospital-ah enkawl mêk a ni.

,Pu R.Chalkhuma h/o K.Lalbiaksangi (T.Sec) te chuan khawiilo vah vel nan Bolero an lei thar.

Zânin EPL inkhêl turte

Chelsea Vs Arsenal (7:00)

Tottenham Vs Man. Utd. ( 9:30)

Thawh\an zân

Southampton Vs Everton (1:30)

Nilai zân

Arsenal Vs West Ham (1:15)

FA Cup Zirtâwp zân

Millwall Vs Aston Villa (1:15)

Zânin Laliga inkhêl turte

Osasuna Vs Deportivo (4:30)

Valladolid Vs Real Zaragoza(9:30)

Atletico Madrid Vs Levante(11:30)

Valencia Vs Real Madrid (1:30)

Thawh\an zân

Real Betis Vs Athletic Bilbao(2:00)

CANDID ENGLISH SCHOOL SAIKHAMAKAWN

ADMISSION OPEN

            Kum 2013 Session atâna KG-I to Class-VIII thleng admission hawn \an a ni tawh e. Nu leh pate; in lama zirtîr hman lote tân tiin School lamah an zirlai a tam thei ang ber thiam tir \hin a ni. Eng Subject-ah pawh harsatna nei tân Free Tution pêk a ni ang. Sap\awng leh Dicipline-ah duhthusâma Strict-a enkawl an ni. Mathematics bîkah an hriatthiam theih nân tiin Mizo\awnga zirtîr \hin an ni. Tin, naupang intihhlimna chi hrang hrang tihpui \hin a ni.

Hrechiang duh tân:

9862648818

8731066925

J.F.TUI

               Zuangtui ami ngei tui thianghlim leh fîm 407-in 4,000 ltrs kan pe thei reng a, kan pump sak thei bawk e.

Contact:           9615447335;  9485077355;   9436373730

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 6.1.2013

MIPUI AW

KARTIN CHHUAK

Vol. XIX Issue No. 1 Kristian Thalai  Pawl  Saikhamakawn Branch  Pathianni Dt.6.1.2013

VAWIIN CHANG VAWN

 Thih thlengin rinawmin lo awm rawh, tichuan nunna lallukhum ka pe ang che.                                                Thupuan 2: 10

KOHHRAN  PROGRAMME

6.1. 2013 (Pathianni)

Sunday School puitling leh naupang lam hming ziah ni.

Chawhma Inkhawm

|antu           : Pi Sawizuali

Chawhnu Inkhawm

Thuhriltu    : Pu Siamliana

Zan Inkhawm

Thuhriltu    : Upa Lallawmchhunga

KTP PROGRAMME

 Dt. 7.1. 13 (Thawhtan zan)

Hruaitu           : Upa Lallawmchhunga

|antu              : Nl. Brigitte Zonunmawii

Thusawitu      : Upa Lalzama (Represent)

Thilpek           : Nl Lallawmsangi Hrahsel

Lakhawmtute              Nl Lalrinchhani

Jan. thla zai hruaitu turte

Hla hruaitu    : Tv. R. Zodinsanga

turte                  Tv. F. Laldingliana

Musician         : Pu Lalchhandama

                          Tv R. Lalzamlova

Overage Certificate Upa Zonunmawia hnenah hlanna neih tur a ni.

Hlantu                        : Upa Lallawmchhunga

            Inkhawm ban hian thingpui inho tur a ni a, tin, thingpui inzawh lamah Group hrang hrang hruaitu thlanna neih tur a ni a, member ten ngaipawimawh theuh ang u.

KOHHRAN  HMEICHHIA  (8.1.2013)

Ramthim zin a hun hman tur a ni.

A hmun          : S.S.Hall

Hruaitu           : Pi Lalchhingpuii

|antu              : Pi Lalchungnungi     

SERMON

HARSATNA

            “Hrehawm tam tak tuarin Pathian ramah kan lût tur a ni reng a ni,” tiin zirtirhote rilru an tinghet a, rinnaah chuan awm reng turin an fuih zêl a. Tirhkohte 14:22

            Harsatna tih hian a ken tel ni a lang chu hrehawmna hi a ni awm e. A bîk takin Mizote chuan nuamsa taka sum tâmtak thawhchhuah hi kan duh deuh vek niin a lang. Hei vang hian hrehawm tawrh kan peih lova, harsatna tawh kan zûam lo tih a hriattheih awm e. Mahse harsatna leh hreawmna paltlanglo hringnun chu a der dêp a, a chaklo thin, hei vang hian harstna hi mihring min tipuitlingtu ti pawhin sawi ila kan sawi sual awm love. Hetiang chiah hian kan thlarau nun kawngah pawh sual vanga harsatna tâwk ngai lo ringtu nun chu ngaihtuahawm anihna chen pawh a awm thei âwm e.

            Kan Pathian thu chuan Vanrama lût tur chuan hreawm tam tak tawrh angaih thû min hrilh a. A chhan chu vanram kan luhna kawng chu kawng nuam a ni lova, kraws kawng a nih tlat vang a ni. Ringtu ten kan tum ber chu vanrama kal a ni a, min hmangaihtu Pathian hnêna chatuana awm a ni. Chumi hmun thleng tur chuan kan nitin nunah Pathian duhdâna kan awm a \ul a, mahni hreawm pawisa lova Pathian duhdân ang zawka nitinâ awm a \ul tak meuh meuh a ni. Tûnlai \halai te tân ngat phei chuan \hiante nên duh d^n leh nuam tih z^wng z^wnga awm theihna tur t^m tak a awm tawh lai kârah hian Pathian duhzâwng ang taka nitin hun hman chu a harsa \hin viau reng a, tam tak phei chu khawvel lamah an kir leh rêng \hin a ni. Hetiang anih avang hian ringtute chuan harsatna tawh inpeih renga nun hman a \ul a, Krista vanga ropuina chauh nilo harsatna tawh pawh huam a ngâi a ni.

            A nih chuan engtiangin nge harsatna lo thleng \hin chu kan hmachhawn t^k ang le? Hetia ngaihtuah mai chuan thil huphurh awm tak a ni a, kan lo pianthar chiah pawh hian harsatna kan tawh tur ngaihtuahin huphurna rilru; tâmtak chuan kan nei nghâl \hin rêng a ni. Nimahsela kan Pathian thu chuan ‘Min tichaktuah chuan engkim ka ti thei’ a lo ti a. Pathian kan lama a \an chuan tihtheihloh a awm lo a ni tih chiang takin kan Pathian thu vekin min hrilh a ni.

            Harsatna leh hreawmna kan nuna lo thleng \hin hi Pathian nên kan hmachhawn loh chuan mihring chakna hmang chuan hneh theih loh chin a awm \hin. Kan nitin nunah eng harsatna leh eng hrehawmna pawh lo thleng sela Pathian kan auh tlat a, a chakna ring tlat chung leh b^ng lova \awng\ai chunga kan hmachhawn chuan harsatna leh hrehawmnain min hneh ngai lovang.

             

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

                                  Pathian hruaina azârah kum 2013 kan thleng leh ta, he kum hi mitinte tân malsawmna kum alo nih theih nân kum bul kan \an a\ang hian mitinte’n rilru siam thar ila, mahni \heuhah tum pakhat insiamin, hlenchhuah \heuh tum ta bawk ila. Kum ral tâtea kan thil lo tihsual tawh leh hun kal tawhte holam taka kan lo hman \hin chu tun kum kan hman chhoh tûrah hian siam \hat hnâ thawk chho ta zawk ila. He kum 2013 hi malmal tinin hlâwk taka kan hman chuan kan zavaia tân hian kum \hat kum alo ni ngêi ang.

          Tin, Mipui Aw pawh Editorial Board Member-te insiam rem mai bâkah inthlâk kual a ni a, kan chanchinbu hi mipuite hian kan tâ \heuh a ni ti hriain kan thawhho tlân a ngai leh dawn a, kei ni Editorial Board Member-te ringawt chuan ram ropui kan thlen thei dawn lova, chanchinbu kal zêlna tur leh hma a sâwn zêl theih nân vengchhûng mipuite thawhpuina kan sawm bawk che u a; min finchhuah a, mi \awiâwm a, thil \ha ber alo chhuah theih zawkna turin inbengvâr tawn zêlin; vengchhûng chanchinbu \ha tak kan neih theihna turin thawhpuiah kan sawm bawk a che u.

ARTICLE

‘KA LA HMANGAIH RENG CHE ASIN’

Dinga Fanai

            Krismas tûk a ni a, urlâwk zân kan lo men rei ve deuh avangin mut khamlo lutuk tak maiin peih lo takin ka tho \ual \ual a, chaw ka eikham âwrh tihah chuan Biakin dâr alo ri nghal nen phûr lo zet chuan ka insiam ve ta a, zing thawh tlâi nên mutkham loh nên Kawrchung suit nên han induang ve viau mah ila ka pawr phung mai hian ka hria.

            Biakin ka va thlen chuan inkhawm tur kal pawh an lo rêm zo tawh a, tlar hnungah chuan bang nghêng hian ka \hu ve chauh tihah mumang ka nei zui chu a ni deuh ber e, darkar hnih chuang inkhawm hun chhûng anih vei nên han mutthlûk chuan minute raltâ ang lek chauh a ni, bân hlâ an sa tur an ding khup khup rîah chuan ka harh zawk a, tui lo zetin, “Lalpian hun lawmawm tak kan thleng leh ta...” tih chu ka’n sak zawhah kan bâng; pâwna ka chhuak mipui kawng kal vêl thlir pah chuan nilum ep zawng hian ka lo ding vang vang a, ka rin loh tak maiin ka la hmuh ngâi loh mi tu emaw chuan ka mit ala ta hlê mai.

            Ka bula ding ve ka \hianpa chu tunge anih ka han zâwt vat a, a ni chuan an in awmna leh a unaute chu a han sawi zung zung a, kan vêngah a awm tam loh avanga hre lova zâwt ve satliah maiah min ngâi niin ka hria. Zah theih loh chhuaha va bêl bul mai tak hi ka nâp a, mahse chutiang ka tih chuan he mihring hian a mizia a hloh a ni dawn si a. An inah va kal ringawt pawh ni ila ka va ‘Saum dîl din’ vêl mai mai âwm ngêi si. Engtinnge bul ka \an ang aw...? tia ka inkhâp lai tak chuan dawra kal turin ka \hianpa chuan min lo sâwm a. Dawrah chuan thil alo lei ve ta hlauh mai, va biak mai ka tum chu ka zahtheihlohna aiin ka zahzumna zâwk chu a chak leh ta tlat mai, thil lei tur ka neih ve loh avangin kawngka bulah chuan ka ding leh ta zâwk a.

            Engtinnge ni ang? tia inngaihtuah chunga Phone ka lo khawih lâi tak chuan Message type chung hian amah chauh hian alo chhuak a, thih leh thih tiin a Number ka lo dîl ve ta râwih mai a, nui sâng chunga mi han hrilh chu: a engamah hmalâk la awm tawp silo hi lâwm avangin vawi thum ka zuang lo chauh a ni ber e. A hnû reilotêah chuan ka va Missed Call nghal vat a, text chhunzawmin ka inhmêlhriattîr nghal a, Mobile Phone hmuchhuaktu hi ka bulah chuan awm sela Chawimawina Nopui dawm tur zîngah hian ka Nominee ve ngêi ngêi ang mawle...

            A hnû zêlah kan inbe tlângnêl viau tawh tihah pawh ka la insawilût ngam chuang lo, amah lah chu biak a nuamin a fel êm êm bawk si a, min duh ve tak tak aniang a...tiin inngaizâwng tawh ni âwm a mâwiin min be \hin hi chu: hrethiam lo tân chuan kan lo inngâizâwng sawi tawh mai ang tih pawh hlauhawm tak a ni. Mahse, ala kim lo; kan la inngaizawng si lova, han bêm mai chu \henkhatin an kalpah mai mai laiin kei chuan râlpui phiar takin ka phiar a ngai leh ta. Bul \an dân tur mawlh mai leh chutichuan min lo chhâng ta sela engtinnge ka tih ang tih zawng zawng nên lam chuan zan rei tak tak thleng hian ka ngaihtuah a, a tâwp a tâwpah zawng ka puakkeh hi a ni ber e, ka hrilh ta tawp mai chu ka hrilh hmâ kha ka ngâi kher mai, ka hriatchhuah zawng chu mâwi hnâi taka mî lo hnar dân zawng chauh a ni. Mahse, ka dem lo che a nia aw... Kei chuan engpawh thleng sela, eng hunah pawh, eng dinhmunah pawh ding la ‘KA LA HMANGAIH RENG CHE ASIN’.

HRISELNA HUANG

AWLELEI (AWLE LEI)

A chanchin tlângpui:

Awlelei hi pangpar huanahte an chîng \hin, a kûng hi feet hnih vela sângte a ni a, a hnah hi a chhahin a hmawr a zum a; a tlângah hlîng zum tak tak a nei. Cancer natna, a bîk takin pumpui cancer tân damdawi \ha tak a ni.

Damdawia hman theihte: A hnah.

Damdawia hmannate:

Cancer: A hnah 200gms silfai hnûah sîn tê têin chansawma saidawiûm faiah khawizu 500ml leh whisky/brandy 300ml nên chawhpawlh tur. Saidawiûm chu phui takin chhin a, hmun vawt deuhvah ni sawmhnih chhûng dah\hat tur a ni. Chumi hnûah a tui thlit chhuah a 15ml zêlin ni khatah vawi thum, thil ei emaw in hmâ darkar khat chhûng vêlah in \hin tur. He damdawi ei zawh hian darkar khat chhûng vêl engmah ei/in loh tur. Ni sawm chhûng nitin in hnûah, ni sawm chhûng in loh leh a, ni sawm ral hnûah ni sawm chhûng bawk in chhunzawm leh \hin tur. Hetiang hian a dam hmâ loh chu damdawi hi ei chhunzawm reng tur a ni.

Khuh, hritlâng: A hnah densawm tui sâwr 5ml leh khawizu 5ml chawhpawlha nikhatah vawi hnih zêlin karkhat chhûng nitin in \hin tur.

Tai pân: A hnah densawm tui sâwr 5ml leh bawnghnute Ghee 5ml chawhpawlha nitin zân mut dâwnah ni sawmpanga chhung in tur.

Pum nâ, thi neih fel lo, zunkawng \ha lo: A hnaha a hlîng paih hnûin silfaia densawm tur, puan fai tak hmangin a tui sâwr chhuah a 5ml zêlin ni khatah vawi thum, karkhat chhûng nitin in tur.

Sam \han chak nân: A hnah sîn tê têa chan sawm coconut hriakin a ût deuh thlenga kan a, dah daih hnûah a hriak sâwr chhuah tur, a hriak chu nitin lûah thiha; darkar hnih tal chiah \hin tur. Lu sûkin sahbawn hman loh tur a ni.

Pân dam \ha thei lo, kezungpui tin lût: A hnah tui sâwr leh Aieng hring densawm pawlh hnawih a \ha.

Ruhseh: A hnah densawm tui sâwr nitin 5ml zêlin karhnih chhûng in tur.

Bengchhûng nâ, bengkherh: A hnah densawm tui sâwr far hnih beng chhûngah far \hin tur.

Mit \ha lo: A hnah nuai sawm a, Bandage hmangin mit tuam hnan tur.

Thin \ha lo: A hnah densawm tui sâwr 5ml leh khawizu 5ml chawhpawlh a, karkhat chhûng nikhatah vawi hnih zêl in tur.

Hmeichhe serh a\anga thil var chhuak nasa, rei tak thi nei lo: A hnah densawm tui sâwr 5ml leh kurtai 5gms karkhat chhûng nitin zingkârah thil ei/in hmâa ei \hin a \ha.

Kâng: A hnah tui sâwr kângah hnawih a \ha.

BIBLE  QUIZ  No.1

I Chronicles  BUNG 1-5

A kârâwl dah khat rawh :

Q1.Chung zawng zawngte chu Judai ram lal __________ lal lai leh Israel ram lal ______________ lal laia thlahtute chhuinaah ziak an ni.

Q2.Tin, Hadada chu a thi a, Masreka mi ___________ a aiah a lal ta a.

Q3.Chu mi fapa chu ___________ a ni a, chu mi fapa chu Hezekia a ni a, chu mi fapa chu __________ a ni a;

Q4.Tin, chu mi vêla khaw te zawng zawng ______ thlengin a ni. Chungte chu an chenna a ni a, an thlahtute __________________ an kawl bawk.

A bung leh châng dah rawh :

Q1. Tin, Gesura leh Arama chuan jaira khawpui te, Kenath khua leh a khawperte nen,khaw sawmruk alaksak a. Chung zawng zawng chu Gileada pa Makira fapate chu an ni.

Bung: ...............          Chang: ....................

Q2.Tin, Saula dam lai chuan Hagarho an run a, chungho chu an kutah an lo tlâwm ta a: tichuan Gilead chhak la tam tluanin an puan inte an zar a.

Bung: ................         Chang: ....................

Q3.Sema fapate chu Elama te, Asura te, Arpaksada te, Luda te, Arama te, Uza te, Hula te, ethera te, Meseka te an ni.

Bung: ................         Chang: ....................

Q4.Tin, Jabeza chuan, “Aw, mal mi sawm ngei ngei la, ka ramri hi mi zauh la, i kut chuan mi awmpuiin lungngaihna ka chungah a thlen loh nan sual lak ata mi thiar fihlim ang che,” tiin Israelte Pathian chu a au va. Tichuan Pathianin a thil dil chu a hlawhtlintir a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 53 RESULT

Chhanna lut zawng zawng : 3

Chhang dik vek : 3

Lawmman dawngtu     : Laldampuii (V.Sec)

            Bible Quiz chh^nna hi leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI HRIATTIRNA

            Kum 2013 chhûnga Pavalai hruaitu tûrte:

Chairman    : Pu T.Lalrinthanga

V.Chairman   : Pu C.Zakhuma

Secretary     : Pu VL Zidinga Sailo

Asst. Secy.   : Pu R.Lalsangliana

Treasurer    : Pu TK Manga

Fin. Secy.     : Pu H.Remtluanga

                  Tin, kum 2013 chhûng hian Kohhran Represent Upa Zairemthanga a ni ang.

PAVALAI INKHAWM PROGRAMME

A hmun    : Pu T.Lalrinthanga In

A hun       :10.1.2013(Ningani zân)

Chairman : Pu C.Zakhuma

|antu        : Pu R.Vanlalsanga

            Rilru sawi leh \awng\ai ruala hun hman tur a ni ang.

YMA HRIATTIRNA

            Ni 3.1.2012 (Ningani) z^n kh^n Saikhamakawn YMA Section tinah hruaitu thlanna neih a ni a, heng mite hi thlanchhuah an ni:

Vanapa Section:

Leader          : Pu C. Lalzarliana

Asst. Leader : Pu Zoliansanga

Secretary      : Pu C.Lalnunsanga

Asst. Secy.      :Tv.Pc Vanlalhriatpuia

Treasurer      : Nl. Zothanpuii

Fin. Secy.     : Nl. K.Lalawmpuii

Taitesena Section:

Leader          : Pu MS Dawngliana

Asst. Leader : Pu Lalhmingliana

Secretary      : Pu Lalthlengliana

Asst. Secy.      : Pu Zodinpuia

Treasurer      : Tv. Zonunsiama

Fin. Secy.     :Nl.Pinky Lalparmawii

Chawngbawla Section:

Leader          : Pu B.Lalrinzauva

Asst. Leader : Pu J.Lalrinthanga

Secretary      : Pu Lalzahawma

Asst. Secy.      : Pu Vanlalzama

Treasurer      : Tv. Ramnunngaia

Fin. Secy.        : Nl. Lalchhanchhuahi

HRIATTIRNA

            Kum 2013 KTP Group insiam fel ala nih loh avangin vengchhûnga Electric Bill an rawn khawn \hin chu an rawn khawn thei rih dawn lova, chhûng tinte kan inhriattir a ni e.

2012 KRISMAS LEH KUMTHAR RUAI SENSO

Prebyterian

            Krismas-ah hian Bawng pakhat cheng `52,500/- man leh Vawk pakhat `30,000/- leh Ar `7,250/- man eiral a, sên ral a ni bawk. Tin, Krismas-a sum sên ral zawng zawng hi `1,27,586/- a ni.

            Kum thar ruai \hehah hian Bawng pakhat cheng `52,500/- man leh Vawk pahnih `36,000/- leh Ar `2,320/- man eiral a, sên ral a ni bawk. Tin, Kumthar ruai tana sum sên ral zawng zawng hi `1,24,035/- a ni. Krismas leh kumthar ruai atâna senso zawng zawng hi `252740/- a nia, balance hi `4620/- a la awm.

UPC North-East

            Krismas leh kumthar ruai\heh nâna senso zawng zawng hi cheng singhnih leh tlêm sên a ni a, Vawksa leh Ârsa-in ruai an \heh a ni.

UPC Mizoram

            Krismas leh kumthar ruai\heh nâna senso zawng zawng hi cheng sangkua leh tlêm sên a ni a, Vawksa, Bawngsa leh Ârsa-in ruai an \heh a ni.

TIAM TLAT E

            Lalvenpuii d/o Lalrinthanga leh Lalropuia s/o Lalkungi, Upper Republic te chuan ni 9.1.2013 (Nilaini) dar 1:00pm hian Upper Republic Kohhran Biakinah Kohhran dân thianghlimin a nuamah emaw a hrehawmah emaw; kum khuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

TUALCHHUNG

,Pi Lalsiamthari w/o Muana (Ch.sec) chu damlohna avangin Civil Hospitalah enkawl anih hnûin alo chhuak.

,Lalrinawma (L^m-a) s/o Hmingthanhrangi (Ch.Sec) chu accident avangin a kê zai niin Civil Hospitalah enkawl anih hnûin alo chhuak.

,Lalnunpuia (kum7) s/o Suithanga (Ch.Sec) chu accident avangin Synod Hospital, Durtlangah enkawl anih hnûin alo chhuak.

,Nl.Lalnghakhleli d/o C.Vanlalsanga (V.Sec) chu hun rei tak Synod Hospital-a enkawl anih hnûin alo chhuak.

,Pu Zarzoliana w/o Thari (T.Sec) chu West Phaileng a\angin AWDD, Tuikhuahtlangah sawn a ni.

CANDID ENGLISH SCHOOL

SAIKHAMAKAWN

ADMISSION OPEN

            Kum 2013 Session atâna KG-I to Class-VIII thleng admission hawn \an a ni tawh e. Nu leh pate; in lama zirtîr hman lote tân tiin School lamah an zirlai a tam thei ang ber thiam tir \hin a ni. Eng Subject-ah pawh harsatna nei tân Free Tution pêk a ni ang. Sap\awng leh Dicipline-ah duhthusâma Strict-a enkawl an ni. Mathematics bîkah an hriatthiam theih nân tiin Mizo\awnga zirtîr \hin an ni. Tin, naupang intihhlimna chi hrang hrang tihpui \hin a ni.

Hrechiang duh tân:

9862648818

8731066925

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300