KTP SKK

Monday, 2 April 2012

Mipui Aw 1.4.2012

MIPUI AW

Vol. XVIII Issue No. 13 Kristian Thalai Pawl Saikhamakawn Branch Pathianni Dt.1.4.2012

KOHHRAN PROGRAMME

1.4. 2012 (Pathianni)

Tumkau Ni

Chawhma S.S inkhawm

Tantu : Pi K.Lalhmingliani

Chawhnu

Thusawitu : T.Upa Sangzuala

Thupui : Lal Isua Jerusalemah Lal angin a lut.

Zan Inkhawm

Thusawitu : Upa C.Lalmuankima

Thupui : Isua chu lei leh van Lalber a ni.

KTP PROGRAMME

Dt. 2.4. 12 (Thawhtan zan)

Short Sermon

Hruaitu : Tv.R.Zodinsanga

Tantu : Tv.C.Lalhmangaihsanga

Thu sawitu :Nl.Lallawmsangi Hrahsel

Turte :Tv. Vanlalfala

Thilpek lakk : Nl.C.Lalnunmawii

hawmtu turte Nl.Zothanpuii

April thla chhunga Inkhawm leh Fellowship zai hruaitu leh musician turte.

Hla hruaitu : Pu Lalremruata

turte Tv.F.Laldingliana

Musician :Pu Lalchhandama

Tv. Malsawmzuala

Vawiin tlai Fellowship tualchhungah chhiat tawk an awm avangin a awm lovang.

KOHHRAN HMEICHHIA

PROGRAMME (Ni3.4.2012)

Ramthim zin

A hmun : SS Hall

Hruaitu : Pi Zuimawii

Tantu : Pi Rampuii

JERUSALEMAH ISUA LAL ANGIN

Marka 11 9Hosanna Lalpa hminga lo kal chu fakin awm rawh se, 10Ram lo thleng tur kan Pa Davida ram chu chawimawiin awm rawh se. Chungnung berah khian Hosanna! tiin an au va.

Lal Isua Jerusalema Lal anga a luh ni champha hi vawi tam tak kan hmang fo tawh a. Kum upa deuhin an hmang tam a, la naupang deuh erawh chuan kan hmang tlem deuh mai a ni. Lei leh van Lal nisi khawvela a len lai khan Lal anga chawimawiin a awm ngai lova, mipui te mithmuhah a lang ropui ngailo tih kan hre theuh awm e. Jerusalemah hian Lal ang chauhin a lut a, amah lo lawmtu mipui te pawh hian Lal a ni tih hriatna atangin an lo hmuak lemlo niin Johana ziak lamah chuan a lang. A thilmak tih avang chauh khan Lalah an ngai niin a hriat theih a ni. Petera’n Lal Isua a hriatna anga an hriat loh avangin a ni ber awm e.

Lal Isua’n Lazara a kai tho tih te leh thilmak tam tak a ti tih mipui te chuan an hrechiang hle mai a. Chuvangchuan Lal Isua Jerusalema lo lut tur chu mipui te chuan an lawm hle a, nasa taka thilmak a tih an hmuh avangin Israel Lal a ni ngei ang tih an rin phah a ni tih a hriat theih a. Thiltihtheihna nen nasa taka Lal Isua a chet lai chuan zuitu pawh a ngah hle mai a, kan hriat theuh angin mipuite chuan tumkau nen, a kalna kawngah an puan neih te phah bawkin ropui takin an lo lawm a, Israel Lal a nihzia pawh an au chhuahpui nghe nghe a. Chhandamtu a nihzia Hosanna tiin an au chhuahpui a ni.

Keini ngei pawh Pathiain lawmna te, hlimna te, ropuina te, Isua vanga kan hming that changte leh Pathian atanga damna kan chan ni te hi chuan Pathian lamtang nih leh amah faka Halleluia pek te Hosanna pek thuai thuai te chu thil nuam leh zahthlak a ni lo, a nuam a, a hlimawm hle thin a ni. Lal Isua hnungzui tu kan ni a, Lal Isua ropuia a in lan avangin keini pawh kan ropui ve mai thin zawk a ni. Lal Isua’n Jerusalema Lal anga a luh ni khan mi tamtak zuitu a nei a, mahsela harsatna an tawh tak taka, a tana tuar ngaih a lo hun chuan a lamtang reng an awm thei ta lo. Lal Isua kan zui na kawngah hian Jerusalem mipui ang mai hi kan tam viau mai lo maw. Hlimtakin kan lama Isua kan faka, mahsela maltlat nunah kan tlo thei lo anih hi, Isua vanga chan, tawrh kan zuam loh vang niin a lang. In enchian a tul hle mai.

Isua khan a chuanna sa atan Sabengtung a thlanna chhan a an sawi thin chu, Sabengtung hi, nun nemna, tlawmna, ngilneihna te a entir a ni an ti a. Kan zui Isua ang hian tlawmna, ngilneihna chunga chuang chungin rawngbawl hna a neih ang hian kan nitin nun hi i hmang zel ang u.

EDITORIAL BOARD

Editor : ( Tv.PC.Vanlalhriatpuia

9862732381

Jt.Editor:

Pu R. Lalmuanpuia

9612159842

News Editors :

Tv.RLalzamlova 9612413196

Tv.R.Zodinsanga 8974743073

Tv.F.Laldingliana 9862378567

Tv.Lalhmangaihzuala

9862846345

Circulation Manager:

Pu.C.Lalnunsanga

9612413287

Editorial.........?

THALAI TE HARH A NGAI

Hmanlai Mizo nun chhuikir chuan thalai te vangin khua a him a, khawchhungah thalai an tam chuan Lal pawh a chapo ngei ang. A chhan chu thalai te kutah engkim a in nghah vang a tih theih awm e.

Chu nun duhawm tak chu tunlai kan thalai te nunah a bo tial tial em? thahnemngai taka mahni theih ang ang thawk thin thalai kan tlem tial tial niin a lang tan ta (Thalai zawng zawng an ni vek lo, mahse a tlangpuiin). Mut nachang hre lo thawh nachang hrelo tih tawngkam fiamthu hial a lo chhuak tan ta, a zahthlak hle mai. Harh thar a hun ta e thalai te tan.

Tin, chhiatni bikah pawh thalai te kan mawng a rit tan ta niin a lang. Khawhar in riah te, mitthi lumen zan te hi phur vang leh peih vang te, hman em vang te a ti tumah an awm ngailo, tlawmngaih vang leh thalai ten kan tihtur anih vang liau liau a ni tih hre thar chungin tan la thar ang u.

Tlawmngaihna te, taimakna te, midang te tana inpekna te hi changkan san atan chuan a pamhmai lua e, thalai te i harh thar ila, tun aia nasa hian i chhawm nung ang u.

ARTICLE

RIMAWI SOLFA HI

-Lawmsanga Pa.

Sebastian Bach-a chuan, “Rimawi awm chhan ber chu Pathianin fakna leh chawimawina a dawn na’n a ni” a ti a. A hla siam chung lamah Latin tawng lamtawi “J/J” (Isu, min tanpui rawh)” tih a dah ziah a, a hnuai lamah SDG “Sola Dei Glona” (Pathian chauhin ropuina chang rawh se) tih a ziak lang ziah bawk.

Music (Rimawi) hi Pathian hian nasa takin a hmang a, Saula kawchhunga ramhuai hnawhchhuah nan khan Davida Rimawi tum kha a hmang a, Sam buah hian Rimawi chi hrang hmang a, Lalpa fak tur kan nih thute, Lalpa chu fak rawh u tih thute hi a zep chhuak vek a ni. Lal Isuan min tlan tura a lo pian khan vana mi hi mipui an lo awm ta chiam a, Pathian fakin Zaipawl ropui takin an rawn thlah a ni ngei ang, “Chungnung berah Pathian ropui takin awm rawh se....” tiin. Lal Isua a lokal leh hunah pawh Rimawi ropui tak nen a lokal dawn a ni ngei ang. “I Thesalonika 4:16-ah Lalpa ngei chu au thawm nen, Vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a, tih kan hmu.

Music Rimawi hi sawi tawh angin Pathian in a hmang a, a la hmang zel dawn a ni, chu Rimawi chu Khawvel mi zawng zawng ten kan in tawm tlan theih, mi thinlung ti hlim a, ti phur thei a ni tlat mai. Mizo a ni emaw, hman dang Japan tlangval emaw America nula a ni emaw Rimawi tang deuh hlek ri chuan an rilru leh taksa a ti tha tho thin. N.E.Games closing function-ah pawh kan hmuh kha. Mizotawng hla thu pawh hre lo te kha rimawi an han ngaihthlak khan lam turin a tur chhuak a, rimawi khan nasa takin a kaihruai a ni.

Rimawi awlsam taka kan tihrik dik a, kan hman thiam theih nan Tonic Solfa leh Staff Notation a siam chhuah a lo ni a. Hei tak mai hi Kohhran thalai nula leh tlangval ten a bik takin kan thiam hi a va pawimawh tak em! Lehkha sang tak taka zir thiam thei si, Matric leh Graduate thleng a zir thiam Solfa thiam tlat loh mai te hi a in hmeh lo deuh.Mizoram sikulah hian subject pakhatah hian telh ve theih nise a van itawm tak em! Tichuan Solfa thiam ram kan ni mai tur! Solfa hi thiam ila zai lamah kan lo tui ang a, Hla zir a lo awlsam ang a, kan Kohhran zai a lo tha ang a, Zaipawl hlarem pawh tun ai hian hma kan lo sawn ang. Solfa thiam tumin tan i la ang u. Pathian tana hmanraw tangkai kan lo zual zel theih nan. Kan Talent i tipung ang u. Talent tihpun hi Lalpa duhzawng a ni si a.

C.Y.M.A TOURNAMENT

Ni 26.4.2012 hian Central Y.M.A Football& Basketball Tournament chu tan a ni dawn, Mizoram Y.M.A Branch hrang hrang te inbuatsaihna pawh a nasa leh hle tawh tura rin a ni a. Kan vengchhung thalai te pawh an tel ve leh ngei turah chuan ngai ila, Football mai nilo Basketball lamah te pawh kan veng bik hi tan la thei ila a lawmawm lehzual ngei ang. Rual U zawk te leh nu leh pa te pawhin he lama phurpui leh tawiawm that hi kan veng tan a ni tih i hre thar theuh ang u.

He Tournament inbuatsaihna peng pakhat Information & Publicity-ah kan Branch atangin Pu Robuanga chu Chairman a ni nghe nghe a, hetiang mi kan vengin kan nei hi a lawmawm hle.

COFEE HUANG

Vengchhunga Coffee huan siamtute chuan kan bul tan tirh laite ngaihtuah let chuan; tun dinhmunah chuan tlemin hma kan sawn chho ve zel a. Member ten kan thar chhuah ang angte lakhawmin Dt.27.03.2012(Thawhlehni) khan Coffee Board Bualpui-ah hralh ve a ni a. A vawikhatna la ni mahse ` 55,000/- man lai Saikhamakawn leilung atanga thar chhuah Bangalore thleng tura kan hralh ve ta reng mai hi bung thar kawng khatin kan kai ve taah kan ngai ve a ni. Hralh leh hunah chuan hei aia tam hralh chhuah theih ngei kan beiseiin kan chanchin pawh a sang ve deuh turah kan beisei bawk a ni. He Coffee Grower Association-in rahbi thar kan rah chhoh mek hi; Coffee chin lama lo tui ve te cho chhuah nan leh member-te inhriattir nan kan han tarlang a ni e.

Heng ahnuaia tarlante hi member ten ngaihpawimawh theuh ni se:

1. SBI account chauh Coffee Board-in a pawm avangin SBI account la neilo tan Dt.7.4.2012 (Inrinni) ral hmain neih hman vek nise, Dt.9.4.2012 (Thawhtanni) ah Coffee Board Kolasib-ah thawn turin Xerox copy khat leh mahni phone number/contact number nen Dt.8.4.2012 (Pathianni) ah Pu Lalrintluanga hnenah thehluh hman vek i tum ang u.

2. SBI account nei tawh pawhin Xerox copy khat leh mahni phone number/contact number theh luh ve tho tur a ni e.

3. Coffee hralh tuten receipt Pu C.Lalengzama hnenah lam theih a ni e. (He receipt hi kawl that tlat tur a ni e)

Sd/-

Secretary

Coffee Grower Association

Saikhamakawn

PAVALAI COMMITTE KOHNA

A hun : 2.4.2012 ( Thawhtan Zan K.T.P. inkhawm ban )

A hmun : Pu R.Lalsangliana te in.

Pavalai Member zawng zawngtem ngaipawimawh ila, kal theuh i tum ang u.

Sd/-

Secretary

Pavalai, Saikhamakawn

ii samuela BUNG 21-24

A Kâr âwl dah khat rawh :

Q1. Tin, lal hnênah chuan, “Mi tiboraltu leh Israel ram chhûngah rêng rêng awm lova tiboral tûra mi ..................................... chu,

Q2. Thihna fawn chuan min hual vêl a, Pathian ngaihsak lohna ......................... lian chuan mitihlau va.

Q3. Kan chhûngkua chu Pathian hnêna mi ani lâwm ni? Chatuan thuthlung chu ka hnênah a thlung a, Engkim fel leh tinghet tlatin; Ka chhandamna kimleh duhthusam kim, A .................................. chhuahtir lawng maw?

Q4. Tin, Jordan râl an va kai a, tin, Gad ruam lai tak ding lama khaw awm Aroer=ah chuan .......................................... thlengin awm hmun an khuar a:

A bung leh Châng dah rawh :

Q1. Nimahsela lal chuan LALPA hnêna Davida leh Saula fapa Jonathana kar a, anpaniha kara chhechhamna avângin Saula fapa Jonathana fapa Mephiltbosetha chu a hum a.

Bung: ............... Chang: ....................

Q2. Chu veleh lei hi a nghing a, akhur ta a. A thinur avangin vân innghahnate lamin a khurin a nghing ta a.

Bung: ................ Chang: ....................

Q3. Tin, a dawttu chu Aho mi fapa Dodaia fapa Eleazara a ni a; chu mi chu Philistia mite indo tûra an punkhawm a, an cho va, Israel mite an kal bo vek laia Davida hnêna sipai huaisen pathumte zinga pakhat kha a ni:

Bung: ................ Chang: ...................

Q4.Tin, mihring a han chhiar zawh chuan Davida thinlung chu a na ta hle mai a. Tin, Davida chuan LALPA hnênah, “Ka thiltihah hian nasa takin ka lo sual ta a ni. Nimahsela tunah hian aw LALPA, i chhiahhlawh khawlohna hi dah bo tûrin ka ngen a che; atthlak takin ka lo ti ta a ni e,” a ti a.

Bung: ................ Chang: ....................

BIBLE QUIZ NO. 48 RESULT

Chhanna lut zawng zawng : 0

Chhang dik vek : 0

Lawmman dawngtu : Awm lo.

Bible Quiz leh lawmman hi Cir. Manager Pu.C Lalnunsanga hnenah thehluh a, lam thin tur a ni

THLAN LAIH BEHBAWM

Thlan laih leh a behbawm hian kan mizo nunah hian hmun a chang pawimawh viau thin. Thlan lai thin tute hi VALRUAL (Kan mizo nunah dinhmun pawimawh tak luah tu te) an tih thin an nih avang hian duhsak pawh an hlawh viau thin reng a. Chutih rualin thlan laitu lam pawhin hetiang dinhmun a ding hi an ni tih in hre rengin an thlan laihna chungchangah hian thatchhiatna leh zelthelna kawngah sawisel bo a thawh hi an tum ber a ni thin reng a ni.

Thlan laih chungchang hi veng tin ten tihdan kan nei theuh mai. Mi veng tihdan; hlawhfa an ruai emaw ruai lo emaw kan veng tihdan hi a pawimawh. Kan veng thlan lai, a vur leh thlenga kan tihdan hi chu chhawm nun zel tlak anih zia hriatchian i duh chuan inchei tak chunga thlan vur ngai a mithi vuinaa i kal hunah i chiang mai ang. Amaherawh chu hetia ti tha kan in tih viau a, khawtlang nu leh pa ten hmai thal ha chunga kan valrualte thlan laih dan chu e... ti a, uar tak an sep lai hian thlan laitu lam valrualte kan in thlahdah loh ava pawimawh tak em.

Thlan ka lai ti ve si, thlan khur pawh hmu miah lova awm thin te, Ni sensa tuar a thlan tla phunga thiante an tan lai a, khawimaw lai daihlim lo chuh a lo thut bial a, ti ti lo sep raw tui vel te kan chin a, thlan laih zawh hma a lo inkhelh san daih te, thlan lai tura kal thlan laihna hmanrua pawh lek miah lova haw hun nghak liam leh mai mai thin te ching kan tam tan a nih chuan rei fak kan daih lovang tih pawh a hlauhawm e. Tlawmngai a thawkchhuak ta sa sa, a tawp thleng a tang peih thin tur Saikhamakawwn valrual kan nih kha maw.

ADMISSION OPEN

AIZAWL PUBLIC SCHOOL

Kulikawn: Near Presby. Church

Class IX - XII (Arts) : Day & Hosteller tan admission hawn mek a ni. Tui hnianghnar tha tak leh hmun laili nuam tak a ni. Compound pawh a thain a nuam hle.

Last HSLC result- 100% pass

Contact No.

9862915078 / 9862371821

TUTION LA DUH TAN

In lama fate zirtir hmanlo leh harsatna neite tan April thla atangin vengchhungah tution hawn a ni dawn.

1. Class I - VII (Subject zawng zawngah)

2. Class VIII - X (Maths bikah)

Monthly fee - `500 /-

Hrechiang duh tan

Phone No.: 9862648818

CHATUAN RAM LAMAH

Pi Lalsangi (46) w/o C.Zokhuma (V.Sec) chuan Dt.31.3.2012 zan dar 9:30 khan hreawmna leh lungngaihna awm tawhlohna hmun chatuan ram min lo pan san ta a, a kalsan tak a pasal fanaute leh a chhungte zawng zawng Mipui Aw Editorial Board te chuan kan tuarpui takzet a; Lalpa awmpuina leh thlamuanna an dawn zel kan duhsakin, chu chu an tan kan tawngtaina pawh a ni e.

K.T.P BLOG & MAIL

Mipui Aw chanchinbu hi KTP SKK emaw ktpskk.blogspot.com ah tihchhuah thin a ni a, a duh tan engtiklai pawhin tlawh theih a ni a. Tin, thuchhuah duh nei tan pawh ktpskk@gmail.com ah leh ktp_skk@yahoo.com ah thawn theih reng e.

TUALCHHUNG

,Pu R.Lalsangzuala h/o Lalengpuii (V.Sec) chu pumpui lam thatlohna avangin Civil Hospitalah zai a nih hnuin alo chhuak ta.

,Pu Hualhnuna h/o V.L.Beiseii (T.Sec) te chuan khawi ilo vah vel nan Scooty (Wego) thar an lei.

K.T.P HNATLANG

Tunkar ni 29.3.2012 hian branch K.T.P chuan nileng hnatlang a nei a, Biakin parda leh woolen carpet tihfai a ni a, tin, ni 31.3.2012 hian parda zar leh carpet phah hnatlang neih leh a ni bawk a, member hnatlangte chungah Branch Committee chuan lawmthu a sawi tak meuh meuh a ni.

Nizan Inkhel Result (EPL):

Aston Villa 2-4 Chelsea

Everton 2-0 West Brom

Fullham 2-1 Norwitch

Man. City 3-3 Sunderland

QPR 2-1 Arsenal

Wigan 2-0 Stoke City

Wolve 2-3 Bolton

Zanin inkhel turte (EPL):

N.Castle Vs Liverpool (6:00)

Tottenham Vs Swansea (8:30)

Monday zan (EPL):

Balckburn Vs Man. Utd (12:30)

Friday zan (EPL):

Swansea Vs N.Castle (9:00)

VAWIIN KHAWCHIN

A lum lai berin : 300 C

A vawh lai berin : 230 C

Ruah a sur dawn lo.

Source : Weatherforecast.com

THU ROTLI NG

* Khawvel hi suangtuah tu tan chuan thawnthu nuihzat thlak tak ang a ni a, thinlunga tuartu tan chuan thawnthu lungchhiat tak ang a ni thung. -Horace Wolpole

PUBLISHED BY LITERATURE SUB. COMMITTEE KTP SAIKHAMAKAWN BRANCH, COPIES : 300

LAWMTHU SAWINA

A hmasain Games & Sports Association Saikhamakawn chuan vengchhung mipui te chibai a buk a che u.

Red Ribbon Inter Village Football Tournament 2012 khelh mekah kan veng team te chuan 4th Round (Pool Final) ah Chandmari team hneh zo lovin kan vanduai ta hi a pawi kan ti hle a ni. Tournament kan khelh hmaa inpuahchahna kan neih ţantirh a ţanga; a tawp thleng a min ţawiawmtu vengchhung mipui, mi ţhahnemngai tak takte leh mi thilphal tak takte avangin team 222 zinga team ţha 36 zingah kan tel thei hi kan lawm tak zet zet a, hetiang khawpa puihna leh min ţawiawmna dawng chung pawh a mipui te beisei ang kan thleng phaklo hi a pawi kan tiin vengchhung mipuite hriatthiamna kan dil takmeuh meuh a ni e. Tin, match kan neih apiangin beisei aia tam vengchhung mipuiten min ţawiawm ţhina, hetianga mahni insengso a min ţawiawm ţhin avangin inchungah lawmthu kan sawi nawn leh bawk a ni e. Mi bengvar tak tak ten kan players te leh team official te pocket money inlo pe ani tih kan hriatin an aiawhin GSA chuan lawmthu a sawi nghal bawk a ni.

Local Council-in kan mamawh leh ţul pawimawh kan sawi te min ngaihtuah sak ţhin avangin an chungah lawmthu kan sawi mawlh mawlh a. Branch YMA, Saikhamakawn chuan phal takin players te camp nan YMA Committee room min hmantir avangin kan lawm takzet a, camp na a tui hmantur leh ţul pawimawh a kan tihbuai zawng zawng te chungah lawmthu kan sawi bawk a ni.

Tin, Camp naah leh practice na mai bakah match khelhna hmunah te ei leh in tur min tum sak tute zawng zawng chungah lawmthu kan sawi mawlh mawlh bawk a, tin, practice na leh match khelhna hmuna players te kal vel nana motor min tum sak tute zawng zawng chungah lawmthu kan sawi mawlh mawlh bawk a ni.

Sum kan indaih loh zia hriaa in hlawhna min siam sak tu Pu C.Lalrinmawia leh Village Health Sanitation Committee (VHSC) te chungah lawmthu kan sawi mawlh mawlh a, Veng dang aţanga kan players te min lo mikhual saktu Pu Zoramthanga te chhungkua leh Pi Zohmingthangi te chhungkua chungah kan lawm em em bawk a ni.

Kohhran hrang hranga mipuiten min ţawngţai sak ţhin avangin lawmthu kan sawi bawk a. A tawp berah chuan heng zawng zawng thlentirtu Pathian hnenah lawmthu kan sawi nawn leh a ni e.

Games & Sports Association

Saikhamakawn.

RED RIBBON 2012 TANPUINA

1. LOCAL COUNCIL, Saikhamakawn - Rs. 2000.00/-

2. Pi LALZAWMLIANI, Chawngbawla Section - Rs. 3000.00/-

3. Pu LALROCHAMA, Vanapa Section - Rs. 3000.00/-

& FOOTBALL 1no.

4. Pu ROCHUNGNUNGA Vanapa Section - Rs. 1000.00/-

5. Pu LALMUANKIMA |huampui - Rs. 1000.00/-

6. Pu DAWNGKIMA Vanapa Section - Rs. 500.00/-

7. Pu ZONUNMAWIA Vanapa Section - Rs. 500.00/-

8. Pu JF LALZAMA Chawngbawla Section - Rs. 500.00/-

9. Pu LALCHHUANLIANA Taitesena Section - Rs. 500.00/-

10. Pu R.CHALKHUMA Taitesena Section - Rs. 500.00/-
11. Pu J.LALTHLENGLIANA Taitesena Section - Rs. 500.00/-

12. Pu ZARZOLIANA Taitesena Section - Rs. 500.00/-
13. Pu LALBIAKVELA Chawngbawla Section - Rs. 500.00/-

14. Pu R.LALKHUMA Taitesena Section - Rs. 500.00/-
15. Pu C.LALRINMAWIA Taitesena Section - Rs. 500.00/-

16. Pu JAKOBA Vanapaa Section - Rs. 500.00/-

17. Pu R.LALENGLIANA Tlungvel - Rs. 500.00/-
18. Pi ZOHMINGTHANGI Taitesena Section - Rs. 500.00/-

19. Nl.K.VANLALRUATI Taitesena Section - Rs. 500.00/-
20. Pu LALFAKAWMA PAUTU Taitesena Section - Rs. 300.00/-

& OFFICIAL TEAM T.SHIRT

21. Pu LALBIAKLIANA Taitesena Section - Rs. 300.00/-

22. Pu VANLALDIKA Taitesena Section - Rs. 300.00/-

23. Pi SANGHLUNI Vanapa Section - Rs. 300.00/-

24. Tv.C.LALLAWMZUALA Vanapa Section - Rs. 300.00/-

25. Pu C.LALMUANPUIA Taitesena Section - Rs. 300.00/-

& FOOTBALL 1no.

28. Pu LALMUANKIMA Taitesena Section - Rs. 300.00/-

29. Pu T.LALDUHAWMA Chawngbawla Section - Rs. 200.00/-

& FOOTBALL BOOT 2Pairs

30. Tv.F.LALDINGLIANA Vanapa Section - Rs. 200.00/-

31. Pu.ROBUANGA Vanapa Section - Rs. 200.00/-

32. Pu C.VANLALSANGA Vanapa Section - Rs. 200.00/-

33. Pu KHUALKUNGA Vanapa Section - Rs. 100.00/-

34. Pu K.LALHMINGMAWIA Taitesena Section - Rs. 100.00/-

35. Pu LALPIANTHANGA Chawngbawla Section - Rs. 100.00/-

36. Pu K.LALHULIANA Chawngbawla Section - Rs. 100.00/-

Total - Rs. 20,300/-

Expenditure - Rs 44,457/-

& FOOTBALL 1no.

37. Pu H.LALLIANTLUANGA Vanapa Section - FOOTBALL 1no.

& VOLLEYBALL 1no.

38. Nl. MARIA LALRAMCHUANI Vanapa Section - FOOTBALL 2nos.

39. Tv.F.LALMUANPUIA Vanapa Section - FOOTBALL 1no.

40. Pu ZORAMTHANGA Taitesena Section - MOZA 22Pairs

Sunday, 25 March 2012

Mipui Aw 25.03.2012

MIPUI AW

Vol. XVIII Issue No. 12 Kristian Thalai Pawl Saikhamakawn Branch Pathianni Dt.25.3.2012

VAWIIN CHANG VAWN

Nangni erawh chu ama zarah Krista Isuaah chuan in awm a ni, a ni chu Pathian hnen atan kan tan finna ah siam a ni, felnaah te, thianghlimnaah te, tlanna ah te nen; chutichuan an ziak ang khan a chhuang apiangin Lalpa chhuang rawh se. IKorinth 1: 30-31

KOHHRAN PROGRAMME

25. 3. 2012 (Pathianni)

Chawhma S.S inkhawm

Tantu : Pi J.H Pekmawii

Chawhnu

Thusawitu : Upa Lalrindika

Zan Inkhawm

Thusawitu : Pu Khawlhmingliana

KTP PROGRAMME

Dt. 26 .3. 12 (Thawhtan zan)

Hruaitu : Tv.Pc Vanlalhriatpuia

Tantu : Tv.JC Lalrinpuia

Thu sawitu : Pu Rony Vanlalhauha

Thilpek lakk : Nl.K.Lalawmpuii

hawmtu turte Nl.J.Zothankimi

March thla chhunga Inkhawm leh Fellowship zai hruaitu leh musician turte.

Hla hruaitu : Pu Lalduhkima

turte Pu C.Lalnunsanga

Musician :Upa Lallawmchhunga

Tv. R.Lalzamlova

VAWIIN TLAI FELLOWSHIP

A hmun : S.S Hall

Hruaitu : Pu Lalduhkima

Tantu : Nl. Pricilla Zoramsangi

KOHHRAN HMEICHHIA

PROGRAMME (Ni 27.3.2012)

Ramthim zin

A hmun : Pu Lalsangzuala In

Hruaitu : Pi Lallianpuii

Tantu : Pi Sanghmingthangi

THUAWIHNA

Hebrai 5 8Fapa meuh pawh ni mahsela a thil tuarahte chuan thuawih a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

Thuawih hi thil tha tihna kawngah chuan thil har tak a ni a, thilthalo tihpuia thianten min sawm chang erawh chuan an thuawih a nuamin a awl hle thung si. Thuawih tihin a kawh ber leh kan rilrua lo awm nghal chu thil tha tihna kawnga thuawih hi a ni awm e. Chutiang chiah chuan kan Pathian pawhin a thu a kawi a ngil a zawm a, a thu awih mai turin min ti a ni. Tin, thuawihloh pawizia te, thuawihlo te dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal thin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thluka an la awm thr thu te chiang takin a lo sawi a. Thuawihlo te hian vanneihna an dawng tluantling thei tak tak lo a ni.

Thuawihna hi Pathianin a thupek ah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lawmman a siamsak dan atang hian a thuawih a ngaihpawimawh zia a lang chiang hle. Tin, Lal Saula ngei pawh Amalek ho that chimih vek na tur thupek Pathian hnen atangin a dawng a, an ran vulh te pawh zuah hauh loh na tur thupek a ni. Mahsela ama remhriatna leh Pathian tana inthawina atana Amalek-ho ran vulh thau tha leh an Lal Agaga te chu an rawn hawn a, mihring ngaihah chuan thil tha tak chu a ni ngei mai, Lalpa tan a tha tha chu an rawn hawn ngei a ni, nimahsela Lapa Pathian chuan a thupek zawm kha a lawm zawk a ni tih kan hmu. Lalpa thupek awih lova mihring lam thahnemngaihna zawn atang leh tunlai tawng takin; a lang tlat tih na zawn atanga Pathian tan a Saula’n thahnem a ngaih avangin Lal a nihna ata chu Pathian in a hnawl ta a ni. Keini tunlai ringtu te ngei pawh kan tisa lam thahnemngaihna leh kan rilrua awm satliah mai mai na atanga Pathian rawngbawl a maw in ti a tlan vak hi Pathian hian a pawm lem lo niin a alang, ho te pawh nise Pathian thu awih mai hi kan tihtur niin a lang. Mihring lam thahnemngaihna atanga Pathian tan tia rawngbawl vak hian Pathian a lawm lo mai a ni lo, Saula ang hian kan nihna atang hian min hnawl ve mai ang tih pawh thil hlauhawm tak a ni thei awm e.

Bible chang kan tarlan tak ang khian Lal Isua meuh pawh a thil tuar atangin thuawih a zir a ni tih kan hmu a, thuawih na hi Pathian in ngaihpawimawh hle tih a lang thei. Lal Isuan naupangte a lawm nachhan leh vanram pawh naupang te anga lawm turin min tih nachhan pawh naupang in thuawihna nun an neih vang leh chu thuawihna nun nei te tan chuan vanram chu an chanvo a ni tih a rawn sawi chhuahna a ni thei awm e. Lal Isua meuh pawhin thuawih zir a ngai a nih chuan keini chuan kan ngai nasa lehzual ngei ang.

EDITORIAL BOARD

Editor : ( Tv.PC.Vanlalhriatpuia

9862732381

Jt.Editor:

Pu R. Lalmuanpuia

9612159842

News Editors :

Tv.RLalzamlova 9612413196

Tv.R.Zodinsanga 8974743073

Tv.F.Laldingliana 9862378567

Tv.Lalhmangaihzuala

9862846345

Circulation Manager:

Pu.C.Lalnunsanga

9612413287

Editorial.........?

Khawvel a changkang zela keini Mizo te ngei pawh hian kan thil tawn leh hriat te a zau in, kan hman phak loh tura kan lo ngaih thin te leh kan neih phak loh tura kan lo ngaih thin te kan nei in kan inchhungah ngei pawh kan hung fur hlawm ta mai. Heng mobile phone, computer te leh electronic hmanrua leh thildang tamtak kan hmang changkang hlawm hle, thil lawmawm a nih rualin; kan nun chhiatna kawnga a hruai loh nan lo dawnsawn dan kan hriat a tul hle awm e.

Entirnan Cellphone te pawh biakin ah te, thutkhawm pawimawh neih chang hian Mizo ten hman dan kan thiamlo, a chhan chu kan hmelhriat tirah in zirtirna tha engmah awm lova mahni hriat dan kawng kawnga kan lo dawnsawn vang a ni. Tunah Internet khawvelin Mizo nun nawlpui min rawn luhchilh mek, hei ngei pawh hi hman dan kawng dik leh a lo dawnsawn dan tha in zirtirna (awareness) kan neih that loh chuan nun chhiatna kawngah min hruai ngei ngei ang. Thil engpawh kan nun nawlpui a thilthar a lo thlen dawn reng rengin chhiatna a ken tel theih leh a hman that dan inzirtir vat hi a pawimawh ber a ni, kan dan thei chuang dawn si loh chuan.

ARTICLE

THIL HO MAI MAI ANGIN A LANG A.....

Ho mai mai tih hi tih hi Mozo te hian kan ngah khawp a, thil ngaizam hnam kan ni tih a ti lang hle bawk in ka hria. Kan nunah hian ho mai mai tur thil hi tih loh hram hi a va pawimawh em.... tih hi ka ngaihtuah chhuak ta thut mai, kei pawh chuan k lo ngaihtuah ngai miah lo ni mawle. Chutah ngun leh zual zawkin ka ngaihtuahna kan seng a, ho mai mai, kan tih te hi a lo ho lo a ni tih te hi ka ngaihtuah chhuak ta zawk a. Kan tun hun atana pawimawh vak lo hi ‘Ho mai mai’ kan lo ti ngawt thin a, kan nakin hun atan chuan a lo tangkai in a lo pawimawh hle thung a, a lo ho mai mai lo khawp thin. Tin, “Ho Mai Mai” ngah viau mi chu a tlangpuiin a Mawl nge nge thin.

A nia sin, Pathian bia a inkhawm turin kan han insiam a, nalh tak leh smart- taka inchei mai kha a felfai in kan inthuam dan tur a nih laiin awlsam takin kan han inchei leh ngawt a, a va holam ve, Bazar chhuahna a inchei dan tawk lek a lawm mawle tih tawngkam a lo ri a, ‘ho mai mai’ kan han ti leh ngawt a. Mahsela ho mai mai angin a langa a ho lo teh mai asin. Pathian biakna a kan inchei dan hi a Smart- hle tur a ni tih hi hrelo kan la awm si, hriat a hun tawh ka ti khawp mai.

Vawikhat chu pa pakhat hian a fapa a zilh a, khawi hmunah pawh tar leh upa deuh tawh te, tanpui ngai tak i hmuh chuan i tanpui anga i chhawk thin tur a ni a ti a, mhasela a fapa chuan zawi sep hian a ho em mai a, fate pawh an nei ve tho ang chu mawle a ti vei sep a. Kei lah ta pek chuan ka lo hre fuh pek a, Aw... “Tlangval i van hre lo tak em tanpui ngaite tanpui i chhawk hian nangmah kha i zahawm in awmdan mawi a nih mai bakah, engtik hunah emaw chuan tanpui ngai in i la awm ve ngei anga, chu tih hunah chuan a lo ‘Ho Mai Mai’ loh zia i la hrechhuak ngei ang”,ka lo ti rilru pek a.

Kan Mizo tawngkam pakhat ‘Tawngkam tha in sial a man’ tih hi kan hre fo tawh awm e. Amaherawhchu hman hi a harsa in hriat reng har chi a lo ni vei bawk nen. ‘Ka Lawm e’ tih te ‘Ka tih pahlh’ tih te ‘ Min ngaidam rawh’ tih te tawngkam tawi te holam tak angin a lang a, mahsela a hun taka hman chuan a ho lovin thil tithei tak a ni lawi si. Han hman mai a buaina fel mai tur lah nisi, mahse kan han hmang hreh tlat mai te, tlawmah kan lak vanga ‘Ho mai mai, ngaihdam ka dil awm lo em.... mai’ kan ti thin te hi a Ho Mai Mai zawk lo maw? ngaihtuah chiang ve mah teh. Tin, thil ho te ah pawh ‘Ka Lawm e’ han tih mai te hi i ching ang u, kan tlawmngaih avangin kan han ti lo ngawt a mahni in thiamchawp nan ‘Ho mai mai’ kan han ti leh ngawt bawk a, hetiang hmang duh lo hringnun hi ‘Ho mai mai’ dik tak an ni ka ti ve tlat. Kan chenho na nunah tlawmngai fal bik nih te, mi baka taima bik nih te hi tunlai thalai nunah chuan ‘A Ho mai mai, a tulna ka hre bik lo, midang pawhin a ti bik lo’ tihna rilru a lo piang chhuak tan ta, hawh U i sim ang u, Tlawmngai fal bik leh taima fal bik zia hi a hlu in hmanlai Mizo nunah phei chuan mi bik “Pasaltha” nihna kawng khat a ni tlat.

A tawp berah chuan thil ngaihzam lutuk te hi sim ila, ho mai mai anga kan ngaih te hi ngunthluk taka ngaihtuah chian chuan mi pangngai in kan tih theih loh, mi bik, Vantlang chunglam zia hi a lo ni chawk thin a, hei vang hian ‘Ho mai mai’ a kan ngaih hi ngaihthah ngawt chi a ni lova, ngun taka ngaihtuah chuan a tul in a lo pawimawh hle zawk thin, chumi ngaihtuah chuak thiam apiang chu mifing nih an hlawh mai zawk a ni.

PAVALAI PROGRAMME

A hmun : Senior Hall

A hun : 29.3.2012 (Ninga zan)

Hruaitu : Pu M.S. Dawngliana

Tantu : Pu Suithanga

Tawngtairual leh rilru sawia hun hman tur a ni.

CHATUAN RAM LAMAH

Pi Thuamliani (75) chuan ni 21.3.2012 (Nilaini) tlailam khan natna leh hreawmna awm tawh loh na hmun chatuan ram min lo pansan ta a, a kalsan tak a pasal fanau te leh a chhungkhat laina te Mipui Aw Editorial board te chuan thinlung takin kan tuarpui a, Pathian thlamuanna an dawn zel kan duhsakin kan tawngtaina pawh a ni e.

HRIATTIRNA

Dt.6th March, 2012 a GSA Executive Committee chuan rem chan zawkna avangin hetiang hian O.B Post a siam rem a ni.

President :

Pu Lalfakawma Pautu

Vice- President:

Pu Lalbiakvela

Secretary: Tv F.Lalmuanpuia

Asst. Secretary :

Pu Tommy Zirnuntluanga

Treasurer :Tv C.Lallawmzuala

Fin. Secretary:

Pu C.Lalthlengliana

Sd/-

Secretary

Games & Sports Association

Saikhamakawn

MISSIONARY KAL TUR THLAH

Pu Rony Vanlalhauha leh Tv.J.C.Lalrinpuia te chu Krista Sipai Missionary Society te tirhchhuahin Arunachal Pradesh ah Missionary- in an kal dawn a, nizan inkhawmah kohhrahin anmahni thlahna puala inkhawm a buatsaih a ni.

ADMISSION OPEN

AIZAWL PUBLIC SCHOOL

Kulikawn: Near Presby. Church

Class IX - XII (Arts) : Day & Hosteller tan admission hawn mek a ni. Tui hnianghnar tha tak leh hmun laili nuam tak a ni. Compound pawh a thain a nuam hle.

Last HSLC result- 100% pass

Contact No.

9862915078 / 9862371821

MEIHAWL ZUAR

Champhai Meihawl Tha leh a bag tling tha tak, a lei duh tan engtiklai pawhin kan nei reng e. Rawn lei ve rawh u...

Bag 1- `300 /-

In thian

Sangawii (T.Sec)

TUTION LA DUH TAN

In lama fate zirtir hmanlo leh harsatna neite tan April thla atangin vengchhungah tution hawn a ni dawn.

1. Class I - VII (Subject zawng zawngah)

2. Class VIII - X (Maths bikah)

Monthly fee - `500 /-

Hrechiang duh tan

Phn. No. 9862648818

MUP HRIATTIRNA

Vawin 25.3.2012 (Sun) chawhnu inkhawm banah kan member Pi Thuamliani ralna neih tur a ni a. Saikhamakawn M.U.P unit member ten i ngaipawimawh theuh ang u.

BIBLE QUIZ NO.RESULT

Chhanna lut zawng zawng : 1

Chhang dik vek : 1

Lawmman dawngtu:

Vansangpuii (V.Sec)

TUALCHHUNG

,Pu R Sangzuala h/o Engpuii chu pumpui lam thatlohna avangin Civil Hospitalah zai a nih hnuin enkawl mek a ni.

FELLOWSHIP AWM DAWN LO

Phek hmalama vawin tlai fellowship programme tarlan hi vengchhungah chhiattawk an awm avangin vawiin tlai fellowship hi a awm dawn lo a ni.

K.T.P HNATLANG

Tunkar ni 29.3.2012 hian branch K.T.P chuan nileng hnatlang a ko a, chaw fun tur a ni. Biakin parda leh woolen carpet tihfai tur a ni a, member te thahnemngai taka tawhchhuah i tum ang u.

ARMY COACHING CENTRE

A hmun : MICE School Venghlui, Aizawl. (Class XII Science Rooms)

A hun : Dt. 1-28 April, 2012. (Written & DDocument atan a Class hun chhung)

Class Timing : 6:00 am - 8:00 am.

Syllabus : NER Soldier Recruitment

Couching Fee : ` 500/- per head (Fee hi Class tan ni atangin pek theih a ni ang)

Instructor Contact No. : 9612200509/9862006575

K.T.P BLOG & MAIL

THU ROTLI NG

* Lehkha chhiarin mi inthuam famkim a siam a, inbiakhonain mi inring reng a siam a, lehkha ziakin mi tak tak a siam a ni.

-Francis Bacon

Condom hian :

1.Mipat hmeichhiatna hman atanga kai theih STD, HIV/AIDS lakah a veng thei che.

2.Lehkhathiam leh changkang i ni a, uanthuan nan leh thildang atan condom hi hmang suh.

3.Condom hman hi thil zahthlak a ni lova, mahse nun pawlawh nan leh uanthuan nana hman erawh hi chu a zahthlak a ni.

4.Natna tihdam theih loh laka veng thei tu che ‘Condom’ hlutna hi ngaihtuah chiang rawh.

Mizoram State AIDS Control Society, B-50, J.Lalsangzuala Bldg., Mission veng, Aizawl, Mizoram

Phone: 0389-2321556/2321566 Fax: 0389-2320992 Email: mizoramsacs@gmail.com

ktp_skk@yahoo.com

Thursday, 15 December 2011

Vol. XVI Issue No. 51 Kristian Thalai Pawl Saikhamakawn Branch Pathianni Dt.11.12.2011

PAGE 1

VAWIIN CHANG VAWN
“Kei Grep hrui taktak ka ni, ka Pa a huan enkawltu a ni. Ka zawmpui peng rah lo apiang a paih thin a;a rah apiang a ti thianghlim thin, a rah tam leh zual nan” Johana 15:1-2

11.12.2011(Pathianni)

Chawhma S.S inkhawm
Tantu : Pi Biakthangi
Chawhnu
Thusawitu : Upa Lallawmchhunga
Zan Inkhawm
Thusawitu : Upa Lalzama

KTP PROGRAMME
Dt.12.12.11 (Thawhtan zan)
Neihthil thehkhawm

Hruaitu :Pu Lalduhkima
Tantu :Pricila Lalramsangi
Hla hruaitu :Pu Rony Vanlalhauha
turte Tv. R. Zodinsanga
Musician :Pu Lalremruata
Pu Lalchhandama

VAWIIN TLAI FELLOWSHIP

A hmun : S.S Hall
Hruaitu : Pu Lalremruata
Tantu : Nl. Lalrintluangi

KOHHRAN HMEICHHIA PROGRAMME
Ramthim zina hun hman tur a ni. Ramthim zin zawhah kum 2012 atana Committee member tur thlanna neih tur a ni a, kohhran hmeichhia te a tam thei ang ber kal tura ngen leh hriattir kan ni e.
A hun : Ni 13.12.2011
A hmun : Sunday School Hall
Hruaitu : Pi Lalmuankimi
Tantu : Pi Chawngpari

PAGE 2

EDITORIAL BOARD
Editor : Tv.PC.Vanlalhriatpuia
9862732381
Jt.Editor: Upa.Zonunmawia
9862458618
News Editors :
Tv.RLalzamlova 9612413196
Tv.R.Zodinsanga 8974743073
Tv.F.Laldingliana 9862378567
Tv.Lalhmangaihzuala9862846345
Circulation Manager:
Pu.C.Lalnunsanga 9612413287

CHRISTMAS
Damchuan kum khat chu kan chhiar chhuak leh dawn chu a ni ta der mai. Kristian ten kan nghahhleh em em, Christmas chu kan hma lawk khi a lo ni leh ta der mai. Engtiangin nge kan lo hmuah leh dawn a, engtiangin nge kan hman leh dawn. Vawi tam kan hmang tawh a, vawi tam tak he hun kan hman dan tur tha hi kan sawi chamchi bawk, engemaw fello lai chu a awm ang.
Thalai tamtak ten khawvel hlimhlawpna lam hawi zawnga hman an tum fo thin, hei hi a fu lo hle mai, Pathianin amah vahbo san a, a hmelma ni ta mihringte nen remna a siampui na hmanrua Isua Krista min pekna hun a nih avangin, keini pawh in chumi kawng zawh ve a, midangte lawmna thlenna kawngah tan kan lak a tul hle awm e.
Awle, kan sawi fo tawh angin, hunpui kan lo thleng leh dawn ta reng mai a, kan khawtlangah ngei pawh ruihtheih thil a hluar leh ang tih a hlauhawm ngei mai. Min hmangaihtu Lal Isua tana inpe a, a piancham kan lawmah hian a duhzawng anga hmang turin inbuatsaih zawk ila a va duhawm em. He hun, kumpui lingleta kan lo nghah ve hi hlim taka hmang turin kan zalenna chu a ni ngei mai, mahse kan hun hman zawng zawngah Pathianin dik takin ro min la rel sak dawn a ni tih hi i hre reng ang u.

KA LO HRE LO A NI!
Mawitei pa

Nihawi leh Tlangsam a lo par leh a, thlasik khawvawtin min hmet a, van lam a thiang kuk a, zan lamah arsi pe tuar bakah thlasik kawng a lang ruih a, Krismas boruakin min chiah a, rilru hi eng emaw ti tak hian a awm deuh huih a, mitin mai hi kan sahawk ti tih deuh vek mai thin zawng a nih hi. Ni e, Kristian-te hunpui ber Krismas (kei chu kut ka ti phal hauh lo nia) boruak in min han chiah tak tak zawngin engkimah in buatsaih a, a thar thei ang bera Krismas hmang kan duh vek thin zawng a nih hi. Thawmhnaw thar, in leh lo thar a nih loh pawhin chei thar, chhungte thlan thlengin a thar thei ang bera Krismas hman kan duhna hi a sual hauh lo, mi thahnemngai deuh ten a hautak lo zawnga tih duhna avanga selna anka an chhakchhuak thin pawh a awm ka ti, hlim tak si, hautak lo deuh zawnga hman an duh vang mai a ni. Kei chuan kan Lalpa Isua Krista piancham ropui thei ang bera lawm kan duh hi a tha ka ti ve tlat, mahse, kan rilru erawh thianghlim se, mahni phak tawka a tha zawnga lawm ropui duhna rilru lam ni thung se tih hi ka ngaihdan zu ni teh daih a. Amaherawhchu chu Krismas inbuatsaihna atana a thalo zawnga nasa taka tlan leh sum leh pai lakluhna thianghlim lo thlenga thahnemngaihna erawh ka hnualsuat hmiah thung. Han ti ve khanglang ila, kan naupan lai, Krismas hma tun ang hun chho lai vel, Masi thawmhnaw ngen ngam chiah silo, duh leh mamawh ve bawk si a nu leh pate thu ngaichang rana awm hrehawm dan leh nawm si ziate kha aw! Chutah thawmhnaw min lei sak dawn mai chauh ni lova, bazarah min hruai tel dawn, nilo, khang hun lai chuan Aizawlah kan kal dawn tih kan han hria phei kha chu, naupang rilruah chuan Lal Isua lo piang ai khan a lawmawm zawk hial ta lo maw le! Nu leh paten Krismas atan tia kumpui lingleta a lo khawlkhawm sa kan tan ui miah lova kan duh ang ang, thawmhnaw mai bakah silai lem thlenga min han lei thinte kha a lo va hlu em ka ti! Mahse, keimah ngei pawhin ka lo hriat tel thin loh chu; Nu leh pa sawrkar hna thawk neia Krismasa thawmhnaw leh thil dang nalh an tih ang ang min lei sak theih lai khan kan khawtlangah ngei he Saikhawpui boruak ka hip puite zingah ngei hian awt ve ngawih ngawih, awt mai nilo, mamawh ngawih ngawih, leina nei silo, thawmhnaw lei chu sawiloh, ei leh in tur ringawt pawh ngaihtuah huphurh tak tak an awm em tih kan lo ngaihtuah thleng ngai lo kha a ni.Fate mamawh leh duh ang pawh lei sak hlei thei lo khawpa harsa chhungkuaa nu leh pa nih hi hrehawm duh deuh a nia! Ni e, keimahni ang bawk hian midangte pawhin Krismas hi thil thar nen nuam tak leh hlim taka hman an duh ve tho tih hi kan hriat a va tul em! Kumin Krismas chu chumi chu ka lei ang, chu chu a chhuak thar, kan in helai hi siam thar ang kan tih lai te. Thawmhnaw kan duh duh ang ang, kan mamawh pawh ni lemlo, a chhuak thar leh a nalh nalh kan lei pawp pawp theih lai hian kan kiangah, ka hmuh phak rengah hian keimahni ang bawka Krismas hlim tak leh nuam taka hman duh, mahse, mamawh ang pawh nei hlei thei lo khawpa harsa midang an awm thei tih hi kan rilruah lang tel thei se,chung mite tan chuan in phal zui bawk ila Krismas hi a va hlu leh zual dawn em!

PAGE 3

ELECTRIC TRANSFORMER BAWK Robuanga
Kan veng Electric Transformer chungchang bawk hi in tuihnih ve teh ang. Kan Transformer hian min la chawmzo/chawmzo lo tih inhnialna a awm thin a; min la chawmzo tawk titute tanna lam hi a dik hlel deuh niin a lang. Chumi chianna chu thimhlimah CP road veng hmawr, vengthlang tawp leh Tlangnuam road veng hmawr lamah electric bulb leh electric hmanraw dang (tui pump, computer etc) han on la i hre mai ang.
Line check dan tur hi current pek thlenna tawpah a tehna hmangin technician (JE etc) ten an enfiah tur a ni (Er.R.Romawia M.E.S in min hrilh dan a ni) chutiang chuan kan vengah hian kan la teh lo niin ka hria.
Kan veng leh kan thenawm vengte i han khaikhin chhin teh ang. Tlangnuam hian Transformer 6 an nei a (an Local Council member min hrilh angin), an vengah khian in 900 bawr vel (approximate) in an awm a; voter 2650 (approximate) vel an awm a. Melthum khian an Transformer 100 KW chu 250 KW ah tun hnaite khan an tilian a, Hlimen Damveng leh Saikhamakawn lam side-ah Transformer 2 hmangin current an vengah an pawt lut bawk a (Saikhamakawn leh Damveng atangin), Melthumah hian in 260 bawr vel an awm. Hlimen hian Tranformer 4 an nei a, Hlimenah hian in 650 vel, mihring 3000 (approximate) vel an awm.
Engpawh ni sela kan thenawm vengte nena khaikhin pawhin kan dinhmun hi a chau deuh niin a lang. Tin, electric department lama hotute sawi dan chuan kum 2012 atana ruahmanna siamah kan veng a tel ve lova; chutihlaiin Tlangnuam, Melthum leh Hlimen te chu an neihsate thawmthat/tih len (upgraded) etc. tura ruahman a ni. Heng kan tarlanna chhan hi vengin hma sawn ve se, a tha lamah chuan thenawm vengte el ve ila tih duhthawh thil a ni e.
Tichuan, a tawpna atan chuan Sawrkar-ah chuan a nawr thiam leh nawr dan hre deuhte a zarah vengin hma a sawn thin tih kan hre theuh awm e. Sawrkar bawk hi awmlo ata awmtir theitu a niin, ruahmanna awmlo pawhin engtin emaw tih dan ngaihtuah theitu a ni a. Sawrkar sihhnip lai zawnga tan la thei tan chuan awm ata awma siam hun lai tak a ni.

ADMISSION OPEN
Candid English School Saikhamakawn chuan 2012 session atan KG-I - Cl-VII admission a hawng leh ta. Hrechiang duh tan Phn. 9612711896 ah zawhfiah theih reng a ni. KG-I bik tan admission free a ni.
Sd/- Principal
Candid English School

BIBLE QUIZ No.50

RORELTUTE BUNG 16-20

A Kâr âwl dah khat rawh :
Q1. Tin, heti hi a ni a, nakin deuhvah chuan Sorek ruama mi hmeichhe pakhat a ngaizawng ta a, a hming chu ............................... a ni.

Q2. Tin, tangka chu anu a han pêk chuan, a nu chuan tangka zahnih chu a la a, tangkaraw chhertu a pe a, ani chuan milemah a lo siam a, milemah a lo chhûng a: chu chu ...................... inah chuan a awm a.

Q3.Tin, ani chuan an hnênah, “Mika hian heti hian min lo siam ta a, mi ruai a, a puithiamah hian ka ...................... a ni,” a ti a.

A bung leh Châng dah rawh :

Q1.Chutichaun Philistia-ho mi liante chuan thalhrui thar pasarih, la ro hlek lote chu an han pe a, chung chuan an phuar ta a.

Bung: ............... Chang: ....................

Q2. Tin, Mika chuan a hnênah, “Khawi atanga lo kal nge i nih le?” a ti a. Tin, ani chuan a hnênah, “Bethlehem-Juda-a mi Levi chi ka ni a, awmna hmun zawngin ka vak a ni,” a ti a.

Bung: ................ Chang: ....................

Q3.In han kal chuan ralmuanga awm mite a nia in han hmuh ang ni, ram lah chu a zau si a: Pathianin a pe tawh che u ania; leia thil awmah zawng engmah tlakchham tûr awm hauh lohna hmun a nia,” an ti a.

Bung: ................ Chang: ...................

Q4.Jebus khaw kiang a thlen chuan khua a tlai hle tawh a; tin, chhiahhlawh chuan a pu hnênah, “Hawh teh, he Jebus0ho khaw puiah hian i lut mai ang khai, i riak teh ang u,” a ti a.

Bung: ................ Chang: ....................

Q5.Tin, Levi chi, hmeichhia an thaha pasal chuan, “Benjamin chite awmna Gibear khuaah ka hmei nen riah tumin kan va lût a.

Bung: ................ Chang: ....................
Hming : ......................................................
Section : .....................................................

PAGE 4

K.T.P HRIATTIRNA
1. Ni. 15.12.2011 (Ningani) zan hian Saikhamakawn K.T.P chuan Advance Christmas hman pahin kum 2012 hruaitu tur thlanna neih ngal tur a ni a, member te a tam thei ang ber kal i tum theuh ang u. Tin, gift exchange neih tur a ni a, `50 man aia tlawmlo thun tur a ni.
2. Ni 19.12.2011 (Thawhtan) zan inkhawmban hian mi harsate pualin K.T.P chuan Chrisrmas Carol a buatsaih dawn a, zai kher ngai loa pawisa pe lawk duh tan K.T.P hruaitu te hnenah a pek lawk theih reng a ni.
3.Biak In leh Kawngpui chei leh tur a ni a, naktuk zing atangin hnatlang neih tan tur a ni. KTP memberte thahnemngai takin i hnatlang ang u.

PAVALAI HRIATTIRNA
Ni 15 Dec. 2011 (Ningani) zanah Pavalai pawlte Bethlehem kohhran Biak Inah advance Krismas hman tur a ni a,member te kim taka kal tur a ni. Dar 5:00P.M-ah bus in kal tur a ni, heta kal hman lo chu kalsan an ni ang.

T.B.Z NEIHTHIL THEHKHAWM
A hmun: Upa Lalzama In
A hun: Ni 12.12.2011 Zan 6:00
Hruaitu: Pu Ngura Sailo
Tantu: Pu Kamzawngliana

HRIATTIRNA
AMC Roll a in thun tur te chu ni 14.12.2011 (Nilaini) ral hma ngeiin Pu Lalzama hnenah in thuntir tur a ni a, he roll hi Municipal Roll a ni a, nakum 2012 Febuary thlaa inthlanna atana hman tur a ni. Hun tiam ral hnuah chuan inthun theih a ni lovang.

JOINT COMMITTEE THUCHHUAK
Krismas leh kumthar vuakvetah halmawi leh puakthei thil reng reng leh naupang silai lem a mu kahchhuah theih chi ang reng reng Aizawl D.C in a khap mek angin Saikhamakawn Joint Committee chuan vengchhungah lakluh leh zawrh a khap tlat a, a ti lui kan awm a nih chuan dan anga hrem tur an ni ang.

Sd/-Lalpianthanga
Recording Secretary
Y.M.A HRIATTIRNA
1. Kum 2012 chhunga Saikhamakawn Y.M.A hruaitu turte thlan a lo hun leh ta a, Y.M.A member te kim taka kal i tum theuh ang u. Programme chu hetiang hi a ni e.
A hun : Ni13.12.2011, Zan 6:30
A hmun: Community Hall
Hunserh hmangtu: Pi Rozami (Vice President MHIP)
R.O : Pu J.F Lalzama
P.O : MHIP atangin- Pi Rozami, Pi Zodinthari, Pi Lalzampuii

Mawhphurhna hrang hrang
1.Seat arrangement:
Chawngbawla Section
2. Refreshment: Vanapa Section
3. Light & Sound leh zai hona hruaitu: Taitesena Section
2.Y.M.A information Biaka vau line chu mi tu tih hriat loh ten an ruk avangin a siam that nan vengchhung in tinah `10 rawn khawn a ni dawn a, tlawmngaia lo pe turin kan in ngen a ni e.

Sd/-Lalpianthanga
Secretary
MIPUITE HRIATTIRNA
Ni 12.12.2011 (Thawhtanni) hian Melthum SC-ah ICMR, Dibrugarh atangin mithiam an lo kal dawn a, hetah hian kum 35 chin chunglam pum lama harsatna nei tan a thlawna in entir theih a ni. Dar 10:00 am ah tan tur a ni.

TUALCHHUNG
,Pi Zobiakveli d/o R.Sangzuala (V.Sec), PHE Dept. a LDC a thawk mek chu UDC-ah a kaisang a, Lunglei-ah post a ni.
,Pu Lalbiakliana s/o Sawithuami (T.Sec) chu Bike accident avangin Civil Hospital-ah enkawl mek a ni.
,Pu Lalsiama h/o Rovi (Ch.Sec) te chuan Scooty (Flyte) an lei thar.

HRIATTIRNA LAWMAWM
Huan lo ram nei tha te tan HAMTHATNA lawmawm tak chu hmuh theih a ni ta. He Hmanthatna hmu a, nei ve ngei turin, a rang lamin a hnuaia Phone number ah te hian han ngaihven ve teh le.
Mb: 8575516728
9862368210

EPL RESULT
Arsenal 1-0 Everton
Bolton 1-2 Aston Villa
Liverpool 1-0 QPR
Man.Utd 4-1 Wolves
Norwich 4-2 New Castle
Swansea 2-0 Fulham
West Brom 1-2 Wigan
Zanin inkhel tur
Sunderland Vs Blackburn (7:00)
Stoke Vs Tottenham (9:30)
Thawhtan zan
Chelsea Vs Man. City (1:30)

ADMISSION OPEN
F.Thangmawia Memorial School, Melthumah Kg-1 atanga Class VII thleng admission a tih theih e.
Admission fee - `600/-
Monthly fee - `400/-
January thla hnulama admission ti tan `1000/- a ni ang. Shillong atangin zirtirtu 4 tha tak tak chah chhuah tum a ni.